Eric hmel ngaihno bei lo zet nen kan inhma chhawn nghal a,thaw chhuak hrawih in ka kawrkilh rawn phelh a tum ta mai! Lo dang vat in ka en kar.
Dur khup in min en ve reng thung,engmah chu ala sawi lo mahse a awm dan hian min ti hlau tawk em em tawh,mipa khat a rek ang khan min rek ve mai ang tih ka hlau.
“Tu tih nge?" Seh chilh deuh nak hian arawn ti a,a ti tu la sawi lo mah ila a hmel ah hian a zuah dawn lo tih a chiang reng.
“Ih...tumah!" Ngam leh ngam lo chuan ka ti thei hram,a bul a ka awm a ka hlauh thin zia hi chu hria se,a kal bo vang vang tawh ang.
“Nangmah in he tiang khawp hian i in hliam thei lo!" Arawn ti hrawk mai,ka hlau hle bawk,zam vang ni miah lo hian ka thin chu phu rang tak ani,hnuai lam ka melh ta ringawt,tun ah tak hian tlawm ka in ti vawng vawng, elementary kal lai zawng zawng a hlauh nei ngai lo in ti nghat thin kha,he sakawlh nilo!ramhuai hi ka hlau chhe der chu nia.
“Chho rawh!" Arawn ti leh nghut,kal mai ka tum chuan a hma ai nghet chuan min lo vuan,amah chu ngam leh ngam lo hian ka en mahse Mali chu alo melh reng.
“I beng a chhet ami?" Arawn ti leh hrawk a, Mali chuan hlauthawn hmel deuh hian min rawn en,a kal ang nge kal lo ang tih ah a rilru a buai hle dawn tih ka hria,tunge thian tha ber te he tiang ramhuai bul ah kal san duh ang.
“Mal kal mai rawh,ka lo chho vat mai ang!" Ka ti sup, Mali chuan a hreh hmel takzet,mahse ka dar a min vuan tu pa hian a dawhtheih na a hlauh takzet tawh.
Mali chho chu ka en reng,kha thu ka sawi kha ka inchhir leh vawng vawng,ka dinhmun hi ava han khirh tak.
Step ah chuan min chhuk pui a,ka hnial lem lo,mahse kan pahnih chauh kan nih vang in ka hlauthawng deuh.
Nimin a ka awm na, school hnuai ber ah chuan min chhuk pui a,enge maw he tah kan tih dawn le, teacher te lo kal vaih se chu ka thi chiang sa,min suspend emaw ka chhungte an hrilh ang.
Ka inrin hma in ka zak ah min rawn dawm in dawhkan ah chuan min thut tir thut,kei hmeichhia a zawng ah pawh a te chi ka ni nen min zo lawl lawl khawp mai.
Rawn kun hniam in ka thut na ah chuan arawn innem khalh a,ka hmai bul chet chawt ah arawn awn bawk,ka awn let dawrh mai, chuan ka dar thip zawk in a zui nghal.
Eric chu a rum hrawk in “He thil hi tu tih nge?" Arawn ti hrawk,a aw vin leh ring lutuk chuan min ti phu zawk a,ka tum miah ni si lo in ka mittui a rawn hnai kuar mai.
Chhungte pawh in a an vin ngai loh leh,aw sak tak a an biak ngai lo ni ta na na na chu enge maw chen ah rilru no na lai ka bawk.
“Ka phal loh thil i ti a,thian kawm suh ka tih pawn I kawm lui a,chuan vawiin a i mipa biak pa kha naktuk ah class arawn kal ring suh! Ka thu I zawm hma chu i thiannu khan a tuar lo ang tih ka sawi thei lo. Rapthlak pawh min ti viau mah la,he mizia hi a koh chhuak tu I ni ziah!" Ka kawrkilh rawn phel pah hian ati a,a thu sawi chu ka rap lutuk! Mihring pawh ani lo.
Ka kawr chu phelh vek si lo hian ka dar,ka inhliam na lai chu a pawt liam a,a en ngal vut,a sir kual lai vel alo sen deuh hlar chuan a rum nghut.
“He thil ti tu hi I sawi ni la la in khaw eng a hmu tawh lo ang!" Arawn ti leh a,a thil sawi te hi tinge maw a thlah dah em em mai le.
“A tawk tawh!" In sut deuh feih chuan ka ti sup,ka kham tawh lutuk,a thil sawi zawng zawng te hi mipangai tan chuan en liam mai mai chi ani lo.
Min en reng,kei lah tah in sum zet in ka kun ngul a,ka dar vel chu a kut hmawr chuan arawn tawk zeuh,a thip zawk atang chuan rak that in ka tap nghal hawk.
“Sorry!" Ti sup in min kuah khawm nghal vek,min tih hlauh hnu ah he tian a awm leh a,a awm dan leh a mize in thlak rang lutuk te hi mihring pawh a ang lo.
“A ti tu sawi teh bawihte,nang ti na tu che chu dam an phu lo!" Thaw hawk hian a hma ai in min kuah nghet leh,ka sawi anih chuan nunna in a tuar dawn,chu ai chuan ka tuar zawk mai ang.
“Ka haw duh!" Ka ti leh tiau a,engtin mah min chhang lo chuan min kuah hlu hlu tho,a kuah lah chuan mak tak mai in ka thla a ti muang em em,ka hlauh leh hnaih duh miah lo in a thlamuanna min pe chu mak ka ti hle.
“A la na em?" Ka chhip fawh zeuh pah chuan arawn ti leh a,lu ka bu nghat,a na tak tak,a tir ai kha chuan na tawh tak ani.
“Ih...ka haw tawh duh a!" Ka tih chuan min kuai dak deuh,min en vawng vawng mai,a mit ah en tha ngam lo chuan ka hawi sawn daih,a kiai suk mai.
“Mahse i dar hi?" Rawn ti leh sup,he tia ka haw chuan i he lo in ka pa in complain a theh lut nghal dawn.
“Ih.....api te inah ka haw mai anga"amah en chuan ka ti leh a,arawn nui hawk hawk anih chu,ka sawi ah khan fiamthu a awm pawh ka hre si lo.
“Api?" La nui reng chung chuan arawn ti ve sup a,aw api ani mai,nuihza thlak engmah a awm na ka hre si lo.
“Haw ka duh tawh" ka tih chhen tak ah chuan ka kawr min kilh that sak in min pawm thla leh nawlh a,mahse ka bag!
“Ka bag ka la dawn a" chhoh mai ka tum chu ka kut ah min lo vuan leh chawt avang chuan ka ti sup a,a nui suk hian lu a thing nghut.
A phone phawrh in a be zui nghal mawlh mawlh,phone a pai ru ve thin ani maw.
“Kal ang!" Ti in ka kut ah min rawn kai nghal a,ka la phu uih zui,nui leh sak in inhnuai ber lam chu min panpui a,a bike bul kan thlen chuan a ding dat.
Sangliana hi hah lutuk hian arawn tlan thla,ka bag arawn ak bawk, Eric chuan a melh run leh tawh,ka bag lehzel hi chu a thik loh hram ka beisei.
“Phei rawh!" ati hmuk chuan Sangliana chu nui ruh ruh in class lam a chho,kan pahnih chiah in kan awm leh ta.
“Bawihte chuang la!"nui suk hian arawn ti leh! hepa em em hi! hetiang min koh reng chuan in khawn fawk hun kan la nei ngei ang,mahse ka ti ngam der si lo.
Bike ah chuan ka lawn ve nghal vat,he bike ah hian ka chuang ve fo tawh,chuan hmeichhe chuang awmchhun ka ti bawk,mahse ka la nel thei thlawt lo,a khalh tu pa vang hi ani pakhat.
A tlan chhuah chiah chuan nidang ang bawk in rilru tawngtaina ka nei leh nghal char char,a hma zawk a thu si hian tinge maw a hlauh ve miah loh le.
“Min ngai viau tih ka hria e!" nui nghawr dat chuan ati a,kan lo ding reng tawh ka zak leh hnu hnawh a.
“Byeeee" ka hawi chhuah chuan kan inkawt ah kan ding reng reng lo.
