My PSYCHO BOYFRIEND

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

My PSYCHO BOYFRIEND

Unread post by Zualy juneblies » April 19th, 2022, 8:45 pm

Ka edit lem lo aw




CHAPTER 6




“Pa ka lo haw!" Inchhung ka luh vel ah chuan ka ti lang lang,ka pa chuan living room atang min lo chhawn vat,ka nau te homework a lo tih pui mek.











“I lo va haw har ve" Min melh kur pah chuan alo ti a,engmah pawh ka sawi lawk thei lo,thip thleng kha ka sawi anih chuan engtin nge min tih ang.












“Nia ka thiante inah ka kawi a" ti sup in ka room lam ah ka chho nghal thuai thuai,min zawt thui ang tih ka hlau rilru hle mahse ka nau te chu a en pui chhunzawm leh ta a.











Room ka luh chuan bike chak tak a tlan chhuak ri ka hre nghal,a bike ri ka hre lo ka ti reng ani. In lo ngaihdan ah kha chuan Eric kha kiss tur ah min ang chu ti raw u,mahse ka kiss loh dan chu,ani aia lungruh ka ni tih a hre lo reng reng.









FLASHBACK~




“Min kiss phawt la" a thusawi awih lo lutuk chuan ka melh vak,hepa hi a â tak tak tawh








“Engvang chuan?!" Ka ti hmuk,a awm hian a ang lo,eng ang hmeichhia ah nge maw min ngaih le








“Min kiss duh loh pawn a pawi lo,ka khum hi mipahnih mut na tan chuan thawl tha tak ala ni" ngeiawm deuh a kiai suk hian arawn ti,ka va han ngei mai mai tak!










“Kiss lo ta che ila?" Ka ti ve sak,ka kiss loh dan tur zia hi a hre lo anih hi,“Tah kan riak thei!" Cool ruih a lo ti in khum ah chuan a let nghal tap a,ngei lutuk chuan ka melh hrep










“Keimah in ka haw mai ang" ti hmuk in room atang chuan chhuah ka tum a,lo tawng leh in “ Kilometres 1 ke in i kal angai dawn nia!" Alu rawn kan deuh dat hian arawn ti,ngeiawm hmu chhuak tu anih hi.









“Chuann!" Ka ti hap,rawn thu chhuak in min melh leh ren rawn a,a hnu deuh ah nui suk in a biang a kawk,ei loh hmel lutuk a melh in couch ah chuan ka thu deuh hmuk










“I mumang anih chu! I ngam ngam ka ngam" ti hmuk in hma lam chu ka melh ding ngur a,tun ah chuan haw vat vat a lehkha zir ka duh,1st ka nih loh chuan ka zak viau ang.








Phone ka kawl tih hre chhuak thut in ka pocket ka dap nghal,mahse ka dar na deuh zawk ah chuan ka rak that, Eric chu rang mangkheng a rawn thu chhuak in min lo en dik nghal mawlh mawlh.








“Enge tih i tum?" A rawn ti cool ruih,thei leh thei lo a ka phone ban in ka hmet eng nghat zat,mahse ka phone chu arawn phih nawk "Password?" Arawn ti leh,engvang in nge ka hrilh ngawt ang le








“Khawi!" Ti a ban mai ka tum chu chung lam ah a ban a phar daih,ka banphak zia zang ani lo,zuang chung in pan hram hram ka tum mahse a nuih ti za tu mai ani.








“Min pe vat teh!" Ka ti hmuk,ka mood hi a off tawh lutuk tlat,chu pawh hepa leu luau vang vek hi







“ I thiante call I tum ami?" A rawn ti hmuk,a hmel chu a hlauhawm leh tawh hle,mahse ka thinrim nen chuan ka hlau duh bik lo “Tum!!" Ka ti leh vak,thaw chhuak hawk in,khum ah chuan a thu dat








A hmai tuai phawk in a hup vang vang,chu tah “Call angai lo,ka thlah ang che" ti in ka bag ala a,ka ban ah kai in min chhuk pui nghal.








Pawn kan chhuah chuan a vawt deuh vur mai,nizan lam ah ruah a la bawk a,khua pawh a nuam tawk chiah.







“Bawihte!" Alam ka hawi chuan bike ah alo thu fel der tawh,pan phei vat in,a bul ka thlen chuan ka dar tawn tawn ah dawm in min melh leh vang vang,enge tih nan mit ka kan uk a







Min vawn na thlah in a hoodie hak chu a phelh nghal a,engmah ti lo chuan ka en reng ringawt,a phelh zawh chuan min pawt hnai leh deuh dat in min hak tir a,naute kawr an hak tir ang mai hian min hak tir.









“Chuang la!" Nui suk in arawn ti a,engmah sawi tawh lo chuan ka Chuang ve nghal vat,ka kut chu dim tak a arawn ka in a kawr chhung ah a dah a,ka lak let leh dawn chiah chuan a ai a khet in a vuan,la let duh ta lo in a taksa lum vung vung chu ka feel thei,ka awm dan in a zir em avang chuan ka hnung ah chuan ka bei a,a nui nghawr dat mai.




End of flashback~



Ka phone rawn nghawr det det ah chu ka ban vat, unknown number ani,la lawk duh loh chuan ka dah te te,mahse vawi 2 lai alo recall leh avang chuan ka la ta hram.





“Hello" ka tih chuan min chhang lawk lo


“I biak tum ka ni lo ami?" Ka ti leh hmuk,he tiang hi ka Ning




“Bawihte" arawn tih cool ruih chuan tunge anih ka hre chiang lutuk




“Tinge min lo call a?" Ka ti vat




“Ka ngai che a!"



“I â nih chu"




“I sual e!"





“Enge lehkha zir ka duh ania!" Ka tih sup chuan a ngawi vang vang





“Tha deuh in zir rawh aw,muah!" Arawn ti anih chu! Phone chu ka dah hma in a dah vat. A thu sawi leh amah in mil lo lutuk chuan ka nuih ati za tlat pek,keimah chuan ka nui var var.










Lehkha bu chu la chhuak in vawiin a portion pawimawh ho min pek chu ka zir malh malh,mahse rilru ah a lut thei thlawt lo,ka pa chuan chaw ei tur in min lo koh a,zuk chhuk vat in chaw ei kan siam nghal mawlh mawlh







Naktuk mai ah ka nu alo haw dawn vang in kan pafa chuan ka phur hle,chaw te ei in kan ei lai chuan kan infiam leh zeuh thin,naupang zawk te tih tak ah an in sual dawn dawn mai!










Chaw ei na ka tih fel zawh chuan ka pa in living room lam ah unau min koh phei in movie min en pui a,a hmuhnawm ka tih chiah loh vang in chhoh ka dil,alo phal ve mai bawk.







Lehkha ka rilru a a luh thei loh vang in mut mai ka tum a,ka khum ka siam lai chuan Eric an min lo call





“Bawihte" arawn ti cool leh ruih





“Ti khan min koh ziah suh" loud speaker a ka dah vang in phone chhan ah chuan ka melh rum hle







“Ka thu thu" arawn ti leh





“Enga ti nge min lo call leh a?"





“Bawihte...ka ngai che,in in bul thingkung bul ah ka awm,lo phei lawk teh!"






“I â mi???!!!" Hepa hi tinge vawiin a khawsak dan hi a mak em em le......






(😵 I'm tired)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)