Vanlalruatpuii POV
“Haw ta che!" Railing bawh pah chuan ka zuk ti a,ka hnuai deuh lawk a,a awm vang in arawn nui suk,ka na zawng zawng te kha thawk leh khat a chhem bo ang duak ani
Nui ver ver hian min en char char,a hmel chu a tha reuh lutuk,a nui hmel mawlh khuan min ti tuiral dawn.
A pocket zen in a phone a rawn lek chhuak a,hmet eng in a beng ah a dah nghal zat,ka phone a rawn nghawr der der chuan amah ani tih ka hre nghal.
“Bawihte na inei ami?" Arawn ti cool ruih,a aw chu damloh lai chuan hriat nuam tak ani!
“Ti khan min koh ziah suh!!" Phone chhan ah chuan ka teu hlar mai,hetia min koh hian ka kawchhung hi a sa hat hat,engmah sawi lo chuan a rawn kiai suk.
“Anih! Duhtak!" Ka zuk melh vak ringawt,heta tang bak hian tih theih ka nei der si lo,thaw hak a luh ka tum chuan arawn tawng leh
“I luh chuan ka rawn chho hreh lo ania!" Arawn ti leh,ka pen lai pawh ka tawp chat,ka zuk melh leh nghal vak,khua ala var chiang si lo nen a hmuh kher pawh ka ring lo.
“Enge i duh!??" Ka ti vak,vawiin a awm dan hi a mak,a hma a mizia te kha chu dawt ni awm a mawi ani.
“Nangmah!" Arawn ti vat,ka thaw hak ringawt,a hnu ah arawn nui hawk hawk,a ngaihna hre lo lutuk chuan ka en reng
“Aw le! Mu leh rawh,na I neih chuan i bialpa hian ka ti dam thiam ania" kiai suk chuan ati,ka hnial buai peih tawh lo chu ka nui tawp tawh ringawt. Ka kut ka vai zeuh,nui ver ver hian mi rawn vai let ve a.
Zing ka thawh leh chuan ka na deuh bur mai, school ka kal theih pawh ka ring lo,ka kal chak ni ber kher a ka nuam sam lo chu ka ngei deuh hlur mai.
“Ka fanu duat,i nuam sam lo em ni?" Ka pa in ka room lo luh pah chuan arawn ti a,ka thu chhuak tur chu ka dar ana nghal zawk,ka pa chuan min lo pan nghal vat.
“Tinge?" Arawn ti nghal chung a,ka intih palh thu ka hrilh nghal,ka fimkhur loh thu in min hau nghal mawlh mawlh,ka thil tih ni lo mahse ka in thlahrung em em tho.
“Vawiin ah i nu alo haw dawn sia,min hau dawn nih hi!" Arawn ti chuan ka nui nghal vak vak,ka pa pawh chu arawn nui ve nghal bawk “Ka chhan ang che" nui chung ah ka tih chuan ka lu arawn tuai zeuh.
“School kal lo mai teh,kha tiang kha chuan I chau lutuk ang" ka pa chuan arawn ti leh a,ka lo tum lawk thil deuh anih vang in ka hnial lem lo.
Inhnuai ah chhuk in chaw ka zuk ei a,ka nu chu chawhma dar 10 vel ah alo thleng ang,ka pa in ava hruai anga kei in ka nau te ka lo awm ang.
“Ka fanu ka kal aw! Chuan chawhnu vel ah bak kan rawn haw ka ring lo,kawng te a thui ve sia,na I neih chuan i pi te i call dawn nia aw" ka pa chuan a chhuah dawn chuan ati mawlh mawlh a.
“Pa ka tha ang,ka nu chu lo hruai haw vat mai teh" ka tih chuan kut vai lauh lauh in min chhuah san a, Ethan leh Jacob chuan an room a awm an ti tlat,ka peih lo ka tih lah in an tap dawn dawn mai si,an room lam ah chuan toys kan va khalh leh ta ringawt,kum 17 tling dawn dawn ah toys ka nghalh tha leh chu nia.
Door bell alo rik chuan ka chhuak vat a,tun ang hun ah tunge maw lo kal ang le? Misual te hi ni ta se!!!!
Hlauhthawn na chuan min tuam nghal a,kan in awm na hi a fal deuh,mahse thenawm nei lo tawp chu ka ni lo,kan inbul thingkung piah ah kan thenawm te chu an awm chauh,ka room ah chho in ka chhuat nawh na chu ka han la te te.
Inhnuai a ka chhuak leh chuan Ethan leh Jacob chuan min lo melh hu hu a,ka hmui a ka kut dah chung chuan bengchheng lo tur in ka ti.
Kawng ka hawng chiah chuan Eric mangang hmel ka hmu nghal,ka vuak tum na pawh ka dah thla leh riai riai “Enge i lo tih?" Ka ti hu,tun ang hun ah te chuan school ah awm mai mai tur ani asin.
Engmah sawi lo chuan min lo kuah nghal a,rawn kun hniam in ka bek a fawp vang vang,awmzia hre lo lutuk chuan chhuat nawhna chu ka la keng reng.
“Ka ngaihtuah lutuk che hi ka thi lo chauh!" Arawn ti ril ruih a,amah ka en lah chuan fiamthu hmel ka hmu si lo,enge hmuh pawh ka tum chiah ka hre lo.
“Ka dam alawm,ilo leng dawn mi?" Awm sawn chuan ka ti a,nui suk hian a lu a bu nghat,naaa thingpui lum ka peih lo asin le.
“Au!" Tih ri ah chuan kan hnung ah ka nau te an la ding reng tih ka hre chhuak, naupang mah ni se ka hlauthawng ve det,han sawi vaih se chu ka nu in min councelling nasa dawn lutuk.
“Room ah toys va khalh leh tawh ru,hei chu ka thiannu anih hi" insawi thiam tum tak chuan ka ti nghal vat a, Jacob chuan chiang kelh kawlh hian “Au mipa anih hi!" Arawn ti,ka hlauthawn na a zual “Aihhhh mipa kawr a ha mai mai lawm! Phei ru le" ka ti nghal sawk sawk,an phei ve mai bawk a.
Eric lam ka hawi chuan nuih insum lutuk hian min lo melh reng,tih ngaihna ka hre si lo chuan ka nuih ta tawp “I nau te kha?" Mit san uk hian arawn ti sup “Eee ih...kha an exam zo a an chawl" za lo lutuk a nui suk pah chuan ka ti,a rawn nui ve suk bawk.
“E taka! Lo kal rawh" ti in living room lam ah chuan ka kal a,ka thlen chuan ka hawi let a,min zui ta lo chuan a din na ngai ah ala ding reng “Lo kal ta che" nui deuh pah a ka tih chuan arawn nui ve suk
Pan phei in a kawr ban ah chuan pawt de de in living room lam ah ka phei pui a,tha deuh chuan min zui ve tho,ka hruai a phut vang lek anih dawn hi alo din ni.
“Thingpui te i duh em? Mahse ka lum peih lo a" ka tih chuan couch hnung ngheng dat in a nui chhuak hawk hawk,ka thil sawi at thlak zia kha!
“Ka ti mai mai nih kha,ka va lum ang" ka tih chuan la nui reng chung in ka ban ah vuan in min pawt thu nghal a,ala nui reng,anui zo thei lo te pawh aniang
“Khawnge i chhungte?" Nui suk chuan arawn ti leh a “Anu chu a zin a chuan apa in alam dawn vawiin ah,chawhnu vel ah an lo thleng chauh ang,ka ngei eee kalkawng hla lutuk hi chu....." Tiin kalkawng engmah hre lo chu ka sawisel ngal bawrh bawrh a.
Amah ka en chuan nui ver ver in min lo en reng “Anih thil ka zawt ve ang che aw?!" Ka tih chuan lu alo bu nghat a,ka in ngaihtuah leh te te phawt
“Tinge i sual thin?" Amah en kar chuan ka ti a,arawn nui suk,ka zawhna ah khan nuih zathlak engmah a awm si lo.
“A chhan chu ka bawihtei hian ka thu a awih lo thin a!" Awlsam zet chuan arawn ti fel et a,enge maw he thu hi a sawi ziah!
“Hmm ka sual lo ve chiang e!" Ka ti vak,ka sual hi ati ve ziah a,kan class mipa ho chu nise kan in ah pawh hian ka luh tir lo ang,hei bak bak a fel hi ka awm leh dawn chuang ami.
“I sual chiang e" nui suk hian arawn ti leh a,ei lo lutuk chuan ka lo ner khum,kei hi nia he mipa ka biak that peih lo na,a tawng lah hi a tlem thei si,word pathum lek te hian min hnial dang thei thin.
“En teh! Ka rilru a hah!" Thaw hap a ka va en chuan uluk tak hian min lo en ve reng a,engah mah ngai lo chuan exam a hnaih tawh vang leh lehkha ka zir that loh vang a ka hah na chu ka hrilh nghal mawlh mawlh,a chang leh min lo zawm zeuh thin,ka sawi lai te hian min lo nuih leh ver ver zel.
“Au!" Ethan chu ka bul ah rawn thu in min ngheng nghal chial a, Eric chu alo rum nghut mai,ka va en chuan chhuat hi alo melh ding ngur a.
“Khawnge Jacob?" Ka tih chuan a mu ati mai a,ka bul ah awm reng ta lo chuan room lam ah min phei san leh ta daih a, Eric chuan a melh ngai ala melh ngur tho.
A ban ah ka va tawh deuh dat chuan min rawn en a,mit ka san uk chuan rawn tawlh hnai deuh in ka hmai zawn ah tak arawn hun hniam, hmuhnawm tih hmel tak hian min thlir reng,a chal a nem dat in “I awm that loh chuan ka bin chhuak ang che" ka ti vak,he tia min en hian ka zak tlat zel.
“Ka hlau lo che e!" Arawn ti ve “I hlauh ka hlau lo" ka ti ve sak,arawn kiai suk,rawn ding chhuak in “Kan va haw tawh ange,i nu te pawh an lo haw tep tawh ang!" Ati sup,ding ve in kawngkhar lam chu ka pan leh a,ka hawi let chuan a hma ang bawk in a din na ngai ah a ding leh reng
Va kal phei leh in a kawr ban ah chuan pawt leh dat in ka kal pui a,nui hawk hian min zui phei ve leh mai bawk “Min dang der ve la!" Nui chung hian arawn la ti leh “Niaaa" ka ti ringawt,ka dang der thiam lo ani ber.
Ka kal aw" tiin ka biang ah arawn fawp leh zeuh! Khawng awt a ding in a phei lai chu ka en reng,hepa hi ka duh thei mai dawn!!!!!
