MY PSYCHO BOYFRIEND

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

MY PSYCHO BOYFRIEND

Unread post by Zualy juneblies » May 14th, 2022, 8:04 pm

:!:



CHAPTER 21




Vanlalruatpuii POV




“Malsawmsang enge i awmzia hi??!!" Ti vak in ka zui chho nghal a,room ah lut in ka khum ah chuan a bawk thlawp a









“Eng chu maw?" Arawn ti sap a,ka melh deuh ngur thung “I chezia hi ava mak ta ve!" Ka ti deuh hluai ringawt









“Ka danglam ve thei tho alawm!" Arawn ti leh a “A chhan chu a awm chiang alawm!" Ka ti sap bawk,nuihza lo tih hriat lutuk a rawn nui in a tho nghal daih bawk,zawh chhuah hun ka la nei khawp ang









I chhungte i lo call tawh em?"zui ve pah chuan ka ti sap,ahma a tawng tam lo zawk thin khan tawng hmasak ka chuh ta ziah anih hi!









“Ka phone a Chiang lo a,i phone ka hmang mai ang ka ti!" Arawn ti,thaw hak in ka inthlak nghal a, bathroom ka lut tur chu “Lawk innn!!!" Arawn tih chiam ah chuan ka ding dat









“Kha kha i phone ani miah lo!" Arawn ti haw a “Eric phone" ka ti sup,thil ngaihtuah chhuah nei ang mai hian arawn ang zuau a mahse engmah sawi leh lo chuan balcony lam a pan nghal daih








Moses nen ka hmuh atang khan a chezia hi a mak ka ti tlat,nidang a midang phone khawih tawm duh lo leh loh theih lo a ka phone hmang ngai lo khan ho mai mai ah a hmang ta fo a,a phone ka en sak lah in a chhiat na awm pakhat mah ka hmu si lo








“Ruatpui chhuah lawk na tur ka nei a!" Bathroom atang a ka chhuah chuan alo ti vat a “Khawiah chuan maw?" Ka ti ha thung









“Ka nu in thil lam lawk tur in min tia,chu bak ah zan riltam hi ka nei leh tan deuh tawh a,lei pah in ka ti deuh,min lo ngaihtuah suh aw!", Ti zung zung in a chhuak nghal a,engmah pawh ka sawi ve hman lo









Vawiin school ka tlanbo miau avangin ka thiante homework ka zawt a,a chhan min zawh chuan ka nawm loh thu in ka chhang hlawm,thu dik sawi chi hi ani lo miau a









“I lo va haw tlai ve,khawnge i thil lei te chu?" Mali rawn luh vel ah chuan ka lo ti nghal a,a meng buai deuh nak a “Awww ka duh an nei si lo a,zanin chu ka tawrh mai a ngai ang" nui chung hian arawn ti a









“Homework kan ngah teh ania aw,rawn ti ve vat vat rawh!" Ka ti nghal a,ka bul a rawn thu thla ve in a lehkhabu chu ala chhuak a,inbe tawh lem lo chuan kan ti dun malh malh









Phone arawn rik chuan ka hawi buai deuh a mahse ka en chuan Eric phone lek kha alo ni, caller ID ka en chuan ‘Daddy cool' tih hi alo ni,apa ani ngei ang









A tir ah chuan ka la duh lawk lo a,arawn tih nawn chhen tak ah chuan ka la ta tawp,mahse British assent hian arawn tawng hlawl mai






“Hello!" A aw chu a thum deuh a, speaker aw phawi te pawh a ang deuh




“Hello!" Arawn ti leh nghal a,hello ka ti ve thei hram




“Are you duatpui?" Ka hming alam dan mai mai chuh!






Tri duk chuan kan inbe ta zel a,ani chuan min hre nghal em em,a mak ka ti lutuk! Mali pawh in min lo en kar bawk









“Tunge a?" Mali chuan kan inbiak zawh vel ah arawn ti nghal a,dar san ak in “ A pa aniang" ka ti ringawt









“Chhuk ila chaw ei a hun tawh ang" tho deuh hluai hian arawn ti,bu nghat in kan inzui thla a,chaw ei tur in min lo koh dawn chiah vel a.






____________________________________________________


Moses Lalawmpuia POV





“Moses...." rawn ti sap tu chu ka melh ngur a,inthiam lo deuh hian hnuai lam a melh nghal vat







“Tiang thil ho mai mai pawh i ti thei lo amaw???" ka ti vin nghal hrawk a,a pen hnung dat







“Ka tihpalh,a thleng leh tawh lo ang! Eric nen phone an inthleng a,a password ka hre si lo" arawn ti nghal ruai a,ka melh ngur







“Chu lek chu?" ka ti hmuk,lu arawn bu nghat a,a lam ah pen hnai in a tukhum sam ah chuan ka tham deuh salh








“Kei leh Ruatpuii, Eric an min rinhleh theih na tur anih chuan engpawh ti rawh,an inkar tih chhiat i tum tur ani,a tul chuan i nunna pawn a tuar mai ang" ti hrawk in a sam chu ka thlah deuh nawk a








“Ti...ti...tinge... Ruatpuii in tih vek bik?" ti in arawn tap nghal hak a,mit chet kuap ralh in “Haw rawh,laktlak loh nu!" ka ti sup,bike chu ti nung in chak zet in ka tlan haw nghal a








A tir kha chuan Eric tih thinrim nan bak Ruatpuii hi ka hmang ngai lo,mahse ka danglam ta ani ange, Eric ang bawk a hmeichhia be ngai lo,hmeichhia tawh phawt chu ka haw vek,an der dep in tih nat an awl,chu bak ah mittui lem an ngah mah mah. Ka nu kha chuan zir se he tiang hi ka ni hauh lo ang







Mipa a tawng tih ka hriat phei ka chuan ka haw lutuk,an inneih hnu ah chuan a bul ah min awm tir a,ka pa hrawn chuan a fapa ang chiah in min en mahse ka ngaina thei hlawl lo,ka nu in Eric a pai lai khan ka la naupang hle mahse ka rilru erawh sual na hlir in a khat thung.






_______________________________________________


“Mali i nu in alo call che nia!!" Ka ti lang lang a,ham bai bai in phone chu arawn ban, homework pawh ati zo peih lo, school kal chu alo la tum ve chu nia








“Ruatpuii" arawn tih chuan ka aw vat a “Eric nen in phone hi thlak tawh teh u" arawn ti chhuak hap,mit ko ka san ak thung









“A password ka hre ve hleinem!" Phone melh ngur chuan arawn ti leh a,dar san ak in homework lam chu ka buaipui leh tak zawk,engtik atang nge ka thiannu hian password lam hi alo buaipui le aw









Phone arawn rik ral ral chuan ka en zawk ‘Mylovely' tih hi alo ni,ka thin chu a phu nghal dat dat a,tunge ni ang le? Ani hian min lo kawp reng ani lo maw,chhang lo chuan ka ring ral tir phawt,arawn call nawn leh sek tak ah chuan thih leh thih in ka pic up a









“Hello" ka ti sup



“Bawihte tinge call iva pic har ve,i la duh lo ami?" Arawn ti hmuk





“Ka hlauthawng deuh thut a" ka ti chhuak phawng a





“Why...." Arawn ti sup





“Min save dan hi!"




“Anih midang ni ta se engtin nge i tih ang!" Arawn ti sap a








“I thi ang!" Ka inrin hma chuan ka ti chhuak vak a,arawn nui hawk mai,ka homework pawh ngaihsak tawh lo chuan balcony ah chhuak in kan inbe char char,ka tawngtui ber ala ni hial ang.







👽



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)