MY PSYCHO BOYFRIEND

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

MY PSYCHO BOYFRIEND

Unread post by Zualy juneblies » May 15th, 2022, 8:11 pm

(Ka edit lo aw)



CHAPTER 22






“Vawiin kha class kan kal si lo a, homework pawh ka hre lo,ka thiante ka zawt tawp asin!" Ka ti sap a









“Tu i thian?" Arawn ti hmuk thung,thian sawi tawh hi chuan a aw hi a chang tha thei mai siah









“Aw....ka classmate te!" Ka ti sap a,a thaw ri nghal hawk “Mipa nge hmeichhia?" Arawn ti sup “Hmeipa!" Nuih insum lutuk chuan ka ti chhuak hak a












“Nghal suh aw,ka rawn kal i duh loh chuan! Chuan engtin nge an number ka phone atang khan i neih theih?" Arawn ti leh a,min hmu thei lo mahse ka mit ka chet rual ralh









“Ka note ah ka ziak!" Ka ti sap “Immm" arawn ti hniam suih bawk “Muttui aw!" Ka ti sap chuan arawn rum deuh nghut









“Min va ngai lo ve!" Arawn ti hmuk a “Chulam ani lo,sawi tur kan hre lo em alawm" ka ti hap,phone chhan ah chuan a nui ri suk tih ka hria








“Phone off lo la,i bul ah dah char char rawh!" Arawn ti a,tul lo ti lutuk in ka phone chu ka melh vak “I â mi!" Ka ti hmak a









“Ka sawi ang chuan ti mai rawh,phone i off lui anih chuan minutes 5 hnu ah i room ah ka rawn chho ang!" Hnial theih miah si lo chuan arawn ti a “I va sual ve!!!" Ka ti vak ringawt









Phone chu off lo chuan ka bul ah chuan ka dah zel a,a hriat theih tur chuan amah ka rel chiam bawk “Eric hi then daih rawh!" Mali chuan phone ka la dah lo tih a hre lo bawk nen arawn ti a








“Maw?" Ka ti ha ringawt,he thu hi a ka atang a ka hriat ka in ring lo, Eric ka duh tawh em em tih hrechiang tu ber ani reng sia









“Eric hi then daih rawh Ruatpuii ani lo mipa an awm,chu bak ah ka hlauhthawn pui che,a amah hi ka hlau ru tlat!" Thu khuh awm miah lo chuan arawn ti bawrh bawrh a,phone ka melh chuan alo in off reng tawh









Engtin nge ka tih ang Eric an kha thu Mali sawi zawng zawng kha a hre vek tih ka chiang lutuk,ka lak ah a thinrim zawk mai angem,kan boruak a tha ve dawn chauh a Mal in arawn ti chhe vek









“Malsawmsang i tawngkam fimkhur rawh!" Ka ti chang fak a “Dawt ka sawi loh kha,amah vang in i rilru ana hnem tawh lutuk, Eric hian....." Atih lai mek chuan









“Haw rawh!" Ka ti hmuk a,engvang a lo thinrim ve ngawt nge maw ka nih le, Eric a chungchang a chhe zawng a a sawi hian insual pui mai pawh ka pawi ti lo









“Eric vang mai mai in maw? Vanlalruatpuii i va lo danglam ta ve!!!" Arawn ti ve thawt a,chhang tawh lo chuan room atang ka chhuak nghal hmak









Ani zawk kha nia danglam chu,ka thinrim hian ka duh ang pawn ka tawng thei lo, Ethan leh Jacob te room ah chuan ka lut nghal a,a awm awm in lo awm teh se









Lawk in....kha tiang rilru sual kha engtik atang in nge ka lo neih tak,nidang chu nise ngaihdam ka dil hmasak lo leh min tih nui dan phet a zawng awm si a,thian tha tak te pawh an inhau fo alawm' tiin ka in hrilh mawlh mawlh









“U hei hi ka thiam lo!" Jacob chuan arawn ti a,a thil thiam loh chu en pui vat in ka hrilh nghal bawk,ka nau te lehkha ka zirtir ani ringawt








Phone arawn rik chuan ka en vat a, Eric hnen atang ani, Mali thil sawi zawng zawng kha a hre vek awm sia,min rawn hauh vak ka ring,lak pawh ka inthlahrung









“Hello!" Ka ti sap a,ka thin hi a phu chhuak mai dawn







“Bawihte.." arawn ti cool ruih a





“I rawn chhuak hman lawk em?" Arawn ti leh a,engmah sawi tawh lo in pawn lam ah chuan ka tlan chhuak nghal,ka nu leh pa ten ka thawm an hre lo aniang an rawn hawi miah lo








“Eric!" Ka ti sap chuan arawn hawi chhuak a




Pan phei in “Ih....ka tihpalh lutuk ania, Mali nen khan kan inhau deuh a athinrim in arawn sawi anih kha...." Ka tih lai mek in ka biang chu a kut lum thur thur chuan arawn vuan a









“Ka duat i thiam loh a awm lo!" Nui suk hian arawn ti sup a,dak haw in ka en chho,a sang mai sia









“Tak tak in...ka tihpalh lutuk ania aw!", Ka ti leh sap a,bu nghat in min kuah nghal hlu hlu










“A thlen ka ring hrim hrim alawm!" Arawn ti cool ruih a,a awm hnuai lam deuh atang chuan ka han melh chho a









“Tak tak maw?" Ka ti ha,rawn bu nghat in “Kha mi ni atang khan ka hre daih tawh alawm!" Arawn ti leh a,a awm ah bawk chuan min bei tir leh









Engtak chu hria ang maw,mahse Mali mize dang ta lutuk hian ka rilru ati buai,ngaihdam ka va dil hmasa ang nge min biak hun ka ngak ang









“Ka rilru a hah e!" Ka ti sap a,ka biang rawn piai zeuh in “Ti maw bawihte?" Arawn ti sup, Mali nen a kan buaina te chu zep awm lo in ka hrilh vek,amah hi ka ring tawk a,ka thusawi hi a chhuak mai mai dawn lo tih min kuah tu hian ati chiang thawkhat









“Ka duat,chu tiang te chu kawm tlak an ni tawh lo" arawn ti sup “Ti maw?" Ka tih chuan “I duh em em kalsan tur che in nangmah hmangaih tu in an ti dawn mi?" Ka chal rawn fawh zeuh pah chuan ati sap a









“Nang pawn ka thiante kalsan rawh i ti tho a!" Ka ti sap “I nghal lutuk!!" Ti in min rawn piai leh vak









“Ka lut dawn nia,muangchang over in in khalh haw ang che" min kuah na tang a awmsawn pah chuan ka ti a









“Aw le boss" nui suk hian arawn ti bawk “Ka lo en liam ang che,kal tawh rawh" ka ti sap a,bike ah chuan a thu tha a,a tlan chhuak,gate ka lut dawn chiah ti ah chak tawh hian arawn tlan let leh










Ka hma ah tak rawn ding in “Thil theihnghilh inei!" Arawn ti a,mit ko ka san ak thung,rum deuh nghut in ka nghawng ah arawn vuan a min kiss nghal tawk bawk









“Good night,i mumang ah min lo hmu rawh aw!" Ti leh in a tlan chhuak leh nghal,a rawn let chhan kha ava ho tak,a tlan liam chu ka melh zui vawng vawng









Lai lutuk a nui in inchhung lam chu ka pan a, Mali nen kawngkhar ah kan in tawk bawk,inbe lo chuan kan inkal pel ve ve,kan va han danglam tawh tak,khang ni reilo te chhung lek khan









“Nu ka mu dawn,kawngkhar chu ka kalh tawh ania aw!" Ka nu te living room lam a awm chu ka hrilh nghal a “Mali kha a haw ami?" Ka pa chuan arawn ti a









“Aw" ti in room lam chu ka pan nghal bawk,room chhung ka luh chuan a reh huai mai,ka khum hnawk deuh nuai ah chuan ka bawk nghal thlawp a, Eric hi ka vei tawlh tawlh in ka hria









Ka lehkha bu te chu dah fel in mit ka tum hnai a,mahse kan inbul a street light su ri pawp ah chuan balcony lam ka pan vat a,car hian street light chu alo su a









Thenawm te ho pawh an rawn chhuak phei hlawm a,ka balcony atang chuan ka en ve reng bawk,ka pa chu a kal ve ni ngei ang amah ang deuh ka hmu









Chhuk a zuk en chian chu duh viau mah ila,natuk school kal ka ngai sia mut hma loh chuan ka tho tlai ang tih ka hlu tlat









Ka mut fel meuh chuan dar 9 alo ni der a, Mali chu arawn let loh vang chuan an inah a haw ah ka ngai ta tawp,rawn let leh pawh nise pawi ka ti lo asin le








Ka muttui lai a min lo sawi nawk nawk chuan ka harh hlawl a,ka nu chuan “Nizan a accident pa kha a boral a,i pa leina hnai alo ni awm e,zing kar lam ah kan va thu ve ange" alo ti zung zung a









“Immmm" ka ti ringawt “Chaw chu chhum sa vek ani tawh ania dar 6 ah tho leh ngei ngei ang che Ethan leh Jacob te chu driver i call sak mai dawn nia" tiin a chhuak a,chhungte kan lo va ngah ve ka ti neuh neuh









Ka alarm a rik chuan thawh a peih awm lo ngei mai,mut duh rual ka la ni si hi a buaithlak anih hi,ka nu tal chu awm se aw ka ti vawng vawng mai








Inhnuai ah chuan ham bai bai in ka chhuak a 8:30 ah ka naute an tan dawn vang in ka kaitho nghal a,an chaw ei chhung chuan an form ka lo nawt a,an insiam chhung in an tiffin ka lo siam ve leh bawk









An kal meuh chuan ka insiam a hun tawh lutuk,room ah chuan cho in ka insiam nghal sawk sawk a,in hnuai ka thleng vel ang tih ah kan door bell alo ri nghal a









Ka va hawn chuan Eric hmel ka hmu nghal,min lo nuih ver ver a “Lo lut rawh!" Ti sap in choka lam ka pan ngal a









“Tui ka la anga ka hman...." Ka hawi let chiah chuan hnai lutuk ah hian min lo en reng a,phu zawk in ka tui bottle ka thlauh thelh ani









“Min ti phu alawm" ka ti sap a,nui suk in “Khawnge i nu te?" Arawn ti a,mitthi in a an kal thu in ka chhang mai bawk









“kal ila!" Arawn ti chuan bu nghat in kan inzui chhuak a,kawt ah chuan Pa Rindika kan tawk hlauh









“Ruatpui sikul i kal dawn ani maw?" Nelawm tak chuan arawn ti a “Aw", tiin ka lo chhang vat thung









“Nizan khan sawmsangi leh mipa pakhat rawn inzui phei kha biak in thlang deuh ah khan ka hmu ah,bialpa alo nei ve reng em ni?" Arawn ti vat a “A neih awm ka van hre lo em em!" Ka ti sap a









“Um ah! A pawi loh chu,i bialpa ami hei chu?" Tiin Eric chu arawn melh a,nui suk in ka bu zeuh bawk “Ava sang zer zuar ve,i thlang thiam hle mai,kan vanglai te pawh min ti ngai alawm mawle,kal rawh u,ka be khawtlai mai mai che u" nui huah huah chuan arawn ti a,nui chung in kan inkal pel fel ta a









A bike dah na kan thlen chuan “Tunge a?" Arawn ti a “Kan thenawm pa anih kha,a bul a awm anuam teh ania" ka tih chuan a tum nghal hmuk









“E" ti hmuk in bike ah alawn nghal a,tum hmuk in hmalam a en reng bawk,kan thenawm pa thling pawh thik duh tur khawp ah chuan ka ngai lo asin mawle







👽



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)