Tak tak innnn
(Ka edit lo aw
)CHAPTER 24
Vanlalruatpuii POV
Darkar tam a liam leh tawh, Eric chu arawn la let hauh lo,a thim thet thet tawh a,khua ala dur khup zui bawk
Ka riah lo hram ka beisei,ka awmdan hi ka hre thiam lo,hreawm tih na ka nei lo a,nuam tih na ka nei bawk si lo
Ni dang ang lo tak in hlauhna pakhat mah ka nei lo bawk, Eric mizia hi mak ka ti telh telh mai
A mizia hi a dangdai ka ti dawn nge,a mizia hi ka tehkhin dan ber chuan psycho zia deuh hi ni
Flim vel ah leh movies vel ah pawh tiang hi ka en ve fo tawh mahse a tak ah an awm ka ring ngai lo
Ka sana ka en chuan 6:00 alo ni daih tawh,khua chu a thim tha tawh hle bawk ruah a tla cher cher in ka hria, classroom ah hian light a awm tih ka hriat vang chuan ka on vat a
Thuthleng ah chuan thu in ka ngawi leh vang vang phawt,ka hnung lam a ri rek rek ka hriat chuan ka phu deuh zawk a
Box pakhat hi arawn che hrut hrut a,ui naute duhawm deuh hi arawn chhuak hlawl mai,mak ka ti bawk si chuan ka en reng ringawt
A tawng chu a var ani a,a changkang ang reng bawk,a rawn nghik feih feih chuan harh chhuak thut in ka pawm vat a
A vawt ati niang ka pang lung lam arawn awn nghal dat dat bawk,he room hi chu student ho thil thuh ruk na deuh reuh hi nia
Ruah chu arawn baw hawk in ka hria,glass vel chu arawn theh ri leh zeuh zeuh thin,trek nen a a beih loh vang chuan ka lawm hle
Ka kawrlum chu phelh in uite note duhawm zet mai chu ka khuh nghal a,nuih ver ver in ka be chiam bawk,min hrethiam emaw thiam lo emaw awmzia awm lo mahse ka inbun ruah ve theih na ani miau
“Nang chu hetah hian an duh lutuk vang che in an dah ngei che nga mahse kei ve chu min hrem a" ui note chul pah chuan ka ti sap a
“A vawikhat na ani tawh lo ania aw,vawi thum lai mawle anih tawh,tawngthei ve lang chuan i thurawn ka la ve tur ania" nui suk a ka tih chuan arawn bauh that a
“Ka hria ka hria,mahse ka kalsan theih ka ring chiah lo ani" ka ti leh sap a ka pawm nghet zual sauh
Ka hrawk thip chu ka khuh leh deuh kharh thin,a vawt ka ti miah lo mahse ka vawt vek in ka hria
“Zanin chu riak tur ah indah tawp mai ang aw,kan pahnih kan ni tho" ka ti leh sap a,ka chhungte'n min ngaihtuah ngawt ang,naktuk atan insawi fiah dan tur ka ngaihtuah angai ang
Phone ka lo pai lo kher chu aw ka inchhir lutuk,ka pai ni lo ber kher ah tiang zo zai hi a thleng a
Dar 10 vel chu a pel duai tawh,ka mut lah a chhuak thei si lo,kan school enkawl tu te pawh hi an hna an van thawk tha lo tak,hmuh pawh min rawn hmu miah lo nia
Ka uite note pawm duhawm zet chu tal chhuak in kawngkhar lam chu ava bauh ta that that a,enge awmzia le ti nuah nuah in ka pan phei,ruah ala tla cher cher nen,pawn lam a thim vek bawk si
Ka va pawm chuan a awmtha leh mai a,ka let dawn chiah tih in kawngkhar chu arawn inhawng hrawk a,muangchang a ka hawi phei chuan Eric an nihliap khum chung hian min lo melh reng
Engmah sawi lo chuan ka thutna ah chuan let leh in ka va thu a,uite note chu ka chul neuh neuh bawk,kawngkhar a inkawng vang in thil arawn thaw deuh a,vawt ati nge min lo ngheng nghal chial bawk
Ka kawrlum chuan ka khuh tha leh a,nuam ati niang a ngawi vang vang mai. Eric chu kan lam pan in alo kal a,melh pawh ka melh peih lo
Ka bul ah chuan ding in arawn thaw chhuak hawk a,kei erawh chuan uite note hlir chu ka buaipui a “Bawihte!" Arawn ti sup pawh chu ka hre reng ka chhang peih lo
“Ka tihpalh ka duat" Ka tihpalh leh bawk maw! He thil lo hi sawi theih a nei hlawl lo amawn le
Chhang pawh ka chhang buai peih lo,ka hma a dawhkan ah chuan a thu a,min en reng tih pawh ka hria,mahse tun ah tak chuan hepa hi ka hmu peih lo,a chezia engkim hi ka haw vek hrih tlat
“Ka duat haw ila" arawn ti leh sup a,tho hmak in ka bag ka la a,uite note pawm chung chuan ka chhuak hmak a,ka hnung ah chuan min lo zui ve nghal vat bawk
“Bawihte i huh ang" ti a a nihliap min zawn a tum chuan ka lo indang vat a,ka kal ngai chuan ka kal reng bawk
“Ti hian awm lo teh!" Arawn ti hluk,ka nui suk duh chauh,ka mizia hi a dang tawlh tawlh mai,nidang chu nise keimah zawk hian ka hlau tawh ngei ang,tun ah erawh ka rilru ah hian huatna chiah a awm hrih
“Ka kawrlum hi ha rawh i damlo mai ang" ti sap a min hak tir a tum chuan “Awm ve mai mai teh!" Ka ti hmuk a,step a ka chhuk thlak chuan gate an la kalh lo hlauh
Ruah atla cher cher, a tam lutuk lo bawk a ti in ka kal nghal hmiah “I dam lo ang...." Ti a min rawn zawn a tum chuan “Chu chu lawm ka tum" ka ti hmak a,ka kal ngai chuan ka la kal char char tho
“Lalruatpui!" Arawn tih hluk chuan hawi pawh ka hawi leh duh lo “Ding teh,chimawm chhuah hlek suh!" Arawn ti hmuk bawk
“Tun ah tak chuan ka haw hrih tlat mai che,i tum i ti tawh bawk a min kalsan thei tawh ang,ka in kalkawng hre lo tur khawp a mi â ka ti lo ania" nui suk a ti in ka kal nghal hmawk hmawk
Min zui tawh awm pawn ka hre lo,uite note chu nghet tak a kuah chung in ka kal hmawk hmawk a, minutes 20 vel ah chuan kan in ka thleng nghal a,ka kal chak vang hrim hrim nidang ai in ka thleng hma
Gate chu hawng in ka lut nghal a,kawngkhar ka hawn chuan alo la in kalh lo hlauh mai,dim thei ang ber chuan ka room lam chu ka pan nghal a,ka inthlak nghal mawlh mawlh bawk
Ka form vel chu a huh nual mai,zar ka tum lai tak in ka room arawn in kik a,ka uniform chu khum hnuai ah ka hnawh nghal vat vat a
“E ilo haw leh si elaw,Mali te inah i riak dawn maw ka tia" ka nu chuan lo luh pah chuan ati a,ka hau in ka nu ka en bawk
“Tinge i sam te kha a huh a?" Ka nu chuan arawn ti leh a “Ka hmai phih pah in shower ka on palh a" ka sam khawih zeuh chuan ka ti a,a awih ve mai bawk
“Enge che zet zet khu?" Ka nu in ka khum hnuai kawh pah chuan arawn ti thut a,ka en chuan uite note duhawm zet kha alo dak nghal a
“Awh! Hei hi...min pek anih hi" tiin dawt ka sawi ta ringawt a “Khutiang ui changkang pek an phal dawn che mi,ipa ui awh chi anih khu" tih pah a lak a tum chuan ka lo dang vat a,ka uniform vel khu a hmu dawn Chiang alawm
“Nu ka mut a chhuak deuh tawh" inthlahrung tak chuan ka ti sap a,lu bu nghut in a chhuak ve mai a,ka thaw chhuak huai mai
“Min va man teuh ve" nui suk in ka pawm kang nghal vat a, Ethan leh Jacob ten an lawm dawn lutuk ringawt,naktuk ah ka hmelhriat tir chauh ang
Ka phone arawn rik chuan ka bih vat a, Eric hnen atang ani,phone kan la inthleng lo miau avang in ka number atang a min a lo call chuan amah ah hian ka ngai tawp
Off hmak in ka phone ka silent nghal daih a,khum ah chuan mu in uite chu ka pawm deuh hlun a “Naktuk ah i hming ka phuah ang aw" ka ti sap bawk
