Van lasi Lovers

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

Van lasi Lovers

Unread post by Zualy juneblies » June 9th, 2022, 9:10 pm

*Min lo chhiar sak leh ru aw*



{Phur thut}





“A mak Romalsawm!" Zawi tak si mahse vin em em chuan ka ti vak a,engah mah a ngai duh hauh lo nia.









“Ka bialnu I nia,ka thu thu" Ti leh in ka kawngah ah chuan arawn kuah a,a lam ah min pawt phei nghal hrawk bawk.









“Thil ka ziah laklawh hi! Min ti buai reng mai" Tiin ka phun hlak hlak,engah mah ngai lo chuan tukverh lam chu a melh nghal veng veng bawk.









“School ah leh zel chuan....." Lalduhawm in ner nung hian min lo en reng a “Romalsawma hi lawm,midang mit mei hi a veng lo reng reng!" Tum hmuk chuan ka ti leh a “Aho e!" Alo ti sam et zui








Kan inngaihzawn atang hian min ngai tulh tulh in ka hria,ka bul a a awm loh hlek chuan min rawn phone in ka awmpui te hi min zawt ngat zel, thlalak te hi kan inthawn ngun thei ania.









Tunah hian class 9 chauh mah ni ila bialpa ka nei ve ngei,chu pawh khawvel a mihring nghal leh luhlul ber Romalsawma ani! Ka chhungte pawn ka bialpa neih hi an hria,ka lak thutak vak an rin lo vang in engvak mah an sawi lem lo.








“Enteh afternoon lam chu bunk daih ila!" Min rawn hrilh ru su su a arawn ti chuan a dul ah ka chum deuh pawp,arawn hak thawt a,a bawk nghal thlawp.








“I thiamloh anih kha,enge class bunk te i sawi!" Ka ti hmuk,mahse a kun rei em avang chuan ka hlauthawng leh deuh si,a dar ah chuan ka sawi deuh nawk a.







“A uan na chi loh e mai!" Tri duk chuan ka ti sup a,mahse arawn la tho chuang lo,a tih der pawn tiang em em hian ati der rei ngai lo asin le.






“Hey tihpalh!" Keimah zawk chu na tuar ang mai hian ka tah a chhuak,a bul ah chuan bawk thla ve in ka bawk ve nghal a,tah chu ka tap lo.








A hnung ah ka kut in ka kuah a,ka beng thek thek bawk “Ka tihpalh,i nghal em anih kha,ka thiamloh chu ni tho mahse nangpawh i thiam bik lo,class bunk te kha chu sawi reng reng chu,ka thi ani mai. Thi ta ila ka tel lo in i nung leh thei dawn si lo a,ka ngaihtuah vang che nih chu!" Ka insawi thiam nghal zuah zuah bawk.






A taksa chu arawn che deuh hrut a,a tap anih ka ring,mahse hei ai na ka ben pawn a tap ngai lo ania. Ka thlem char char a,ka thlem pawh ani lem lo,ka insawi fiah ani mah zawk.








Arawn nuih chhuah hawk ah chuan ka tap tep tawh chu ka ngawi kar a,a rawn thawh chuan nuih insum hmel tak hian min rawn en a,kei in mittui tling pam in ka en thung.







“It's a prank" nui sawng a arawn tih chuan ben hawi sawk ka chak zia chu pui tak hi ani ringawt,thinrim anga lang Chuang si lo chuan melh ngur ringawt.







Inkhawng sawk sawk in ka tho nalh a “Hey..." Mipa zawk si hi ah! Duhawmi bul ah chuan ka thu phei nghal daih bawk.







Ka tih tauh chang chuan Duhawmi bul ah ka va thu daih zel,ani amah in a thu bawk a,ka thut hian alawm zawk thin ten ka hria,a chhan pawh hrilh tu a nei reng dawn a.







“I rawn tlan tau leh ta e!" Ner nawk a tih chuan ka thu tum luau thung,Romalsawm an min koh pawh chu ka hre lo hmak a.







“Vanlalhriatpui rawn phei nghal rawh!" Ati leh tan dawn e,ka hlau ther te lo. Thinrim der eng ang mahse ka kal awm lo e mai. Teacher arawn luh chuan class kan la chhunzawm mawlh mawlh a,ka nin a ka nin zia chu.








School ban hma in short break minutes 15 kan nei leh phawt a,tum bur a ka thut lai chuan class ah hian Lalruatsanga hi tri duk hian arawn lut sal sal,kan class chu inang mahse kan section a in ang lo thung.








“Hei ka pe ang che!" Tih ah in pen hi dawhkan ah arawn dah ringawt, Romalsawm ka va en chuan tum hmuk in hmalam a melh char char.






“I hmang duh lo mi?" Nidang a ka biak na awki ang lo tak chuan nu hnap hian ka chhang a,mak ati deuh nge min rawn en kawk a,mahse nui vur vur in “Ah..ka lei ve mai mai che" tiin a lu thak lo pui chu a hiat a.







“Aw anih ka lawm e aw!" Nui sang chuan ka ti,ani chu a lawm zawk za mah zawk a,nui var var in class a chhuahsan a.







“Hope i pe leh ta ringawt e,kei chu ka rap ania!" Duhawmi chuan zawi tak hian arawn ti, Romalsawm thik tur bak in ka ti tawp si lo a.







Ka bag rawn la tu an awm chuan ka hawi nghal vat, Romalsawm chuan tum hmuk in ka bag chu a thutna bul ah chuan ka dah leh a,a thinrim hlau lo mah ila ka khawngaih deuh avang chuan ka thu phei leh.







Min be duh thak lo,ka biakna pawh a chhang duh lo,a tih tauh ve hi chuan a tawng duh lo hrim hrim zel “Ruatsanga nih pui daih tur anih hi,a tawng duh deuh ang!" Mit chet kual ralh chuan ka ti sup a.








Tum hmuk in ka kut arawn la a,a kawrlum chhung ah a dah nghal hmak,ka kalsawn a hlauh chuan hethil hi ati ziah.






“Ka kalsawn i hlau leh tho si,tawng ve tal ta che!" Amah en pah chuan ka ti sup a,arawn thaw deuh huai mai “Khapa kha ka hua!" Arawn ti chhuak hmuk.






Ruatsanga a sawi na tih ka hria,pen chu en vang vang in tukverh ah chuan ka theh chhuak nghal hmak a,mak tih hmel tak hian min rawn en.






“I ngainat loh chu ka ngaina bik lo!' Ti sup in hma lam ka hawi nghal daih,a nui ri suk ka hre thei,ka biang ah arawn fawp zeuh a,kan class ho chu an tre ting mai.








“Ka bialnu in la zei ve te enge in lo rak teng tung a!" Romalsawma chuan ati vak a,an nui nghal dar dar mai,ka zak vak lem lo. Kan class ah hian mi 56 bawr vel kan awm a,section ah chuan a tlem ber kan ni,kan inhre Chiang em em bawk.








“Thinpui min lo lum ang che aw,keimah te khan min thut tir leh veng veng ange!" Tiin haw lam chuan min zilh phei mawlh mawlh a,engah mah ngai lem lo chuan ka bu nghat nghat ringawt.








Hmanni alo leng kha ka inbual rei lutuk a,amah in sitting room ah alo thu kur sia. Ka pa in bialpa ka nei tih chu a hria a mahse a hmel a hmuh loh vang khan ama inleng zawk emaw alo tia,sumdawnna lam alo sawipui chiam a, Romalsawm lah in ngawi kur in a thusawi alo ngaithla reng bawk.Ka zuk chhukthlak khan min be lawk duh lo lehnghal a.






“Inleng te pawh thingpui ka lum peih loh nak lai in ah!" Ka ti hmuk,min zilh leh tak tak teh se.






“Chu tiang an sawi ngai lo ka duhtak,ka nupui tur in ka inleng te thinpui alo lum duh loh chuan ka zak anga sin....ni leh lo...lum leh lo mai rawh,i duh loh chuan inleng pawh kan nei lo ang" Rum deuh a ka melh chuan a thusawi a thlak nghal.







“Aw nu-i ka thusawi ngaithla zo hman lo a,i hmanhmawh lutuk a,ka sawi zo hma hleinem!" Midang bul a mawi lo khawp a ngawi kur si hi ka bul ah chuan rapper ang char char ani.







“A hrim hrim in nu-i min ti ve ringawt a,pasal neih pawh ka tum hleinem. Neih che ka tum awm pawh ka hre lo!" Nui duh miah lo a ka tih chuan “Aw...ka ru tho tho ang che,duh lo eng ang mah la gas bur khat ai pawn i zang ania!" Arawn ti nghal hmak a.








“Gas bur nghat ai em em chuan ka rit aw!" Ka lo ti vak thung “Gas bur khat ka tih khan a bur ruak ania ka tih" arawn la ti hram, Romalsawm em em hi chuh!








Kan haw kawng ah chuan kan in tih tauh chhawk reng hi ani mai,kei ka nuih in a titau a,a nuih in ka titau ve bawk. Inngaizawng' kan nih mai piah lam ah thian tha tak kan la ni bawk.








“Thinpui chu aw,chuan inthlak rei Suh ang che!" Inchhung kan luh dawn chuan arawn ti sup a,bu liam puat in inchhung lam kan pan nghal bawk.








“Nu kan lo haw" Inchhung ka luh chuan ka ti lang lang a, Romalsawm lo ner nawng chu ka hmu lo der hmak thung.








“E..Mala ilo kal ani maw!" Ka nu chuan sitting room atang chuan min lo chhawn vat a, sitting room ah chuan kan phei nghal bawk. Ka nu chuan Romalsawma hi a hre Chiang ve viau a,ka pa nen chuan inang lo vet vet tak an ni.








“Ka han inthlak ange aw!" Thawh ka tum chuan ka ban ah a vuan tlat,nichin a thil sawi zawh chiah te kha a hrs tawh lo amaw ni.







Amah ka en haw chuan lu athing nghut ringawt,tang buai lem lo chuan ka thu ve ta reng a “Thinpui chu kan va lum ange!" Ti a thawh ka tum pawn a phal tlat lo.








“Aw va lum ula,a khua a har anih kha" ka nu chuan min hau type ti tih hian arawn ti a, Romalsawma lah chu ala nui ruh ruh zui,ka va han ngei mai mai tak!







“Thinpui i in ngai awm ka hre si lo a,tinge i duh ve teh khiah a?" Thingpui chhun pah chuan ka zawt a,zawhkan a bawh pan hian “I lum anih hrim hrim vang in" arawn ti sam et thung.









“Ka lum thiam vak bik lo ania aw" ka tih chuan min rawn melh rum vak a “Rini siam ang a i siam vaih chuan ka khai ang che!" Arawn ti hmuk,Rini hi an awmpui ania,eirawng bawl leh inchhung sekrek khawih chu a zei mahse thingpui hi a lum thiam thlawt lo.








“Aieng kan telh ange aw!" Nui duh miah lo chuan ka ti sup a,ka thil chhuan lai chu ka en daih bawk “Vanlalhriatpui!" Arawn ti nghut.







“Kha in la,a tui loh chuan mi dem Suh ang che" thingpui pek pah chuan ka ti “A tui loh te chuan tunge ka dem anga...in gas sawi mi ka dem dawn? Nilo e,nangmah kha ini!" Ti pah hian min rawn melh run run a.








“Bialpa tawngthei deuh ka lo nei anih hi!" Ka ti hap ringawt,ka hriat tirh kha chuan mipa pa ve tawk tak leh, hmeichhia pawh hnek duh mai tur ang ah khan ka lo ngai a,mahse a letling thawk ani e.








“Mi duh em kha" arawn ti ve leh a,ka melh rum vak ringawt,sawi tur ka tlachham der anih hi.








“I siam anih vang hrim hrim in a tui e mahse thingpui fe hi kg1 i telh ami?" Ner nung pah hian arawn ti sup a,ka va han awih lo tak.








“Aih table spoon 9 chauh!" En haw pah chuan ka ti a “Lo kal teh ka bawih duat!" Tih pah hian min Hui zeuh a,ka phei ve mai bawk.









“Han inve chhin teh!" Tih pah hian ka hmui bul ah alo lek kang a,ka in ve mai bawk,Awi ka reiiii a tui a tui loh zia chu,a lo sawisel khan lo ngawi mai mai ila tha tur,ka ka lah chu a kha fek lehnghal.







“Awiii a tui lo lutuk tu siam nge!" Ka thil sawi chu ka sawi zawh rual rual in ka hrechhuak leh nghal a,ka chal a rawn nem dawt pah hian “You and yourself,brain rawh" arawn ti.









“Kan inneih hun ah chuan kha tiang hlir kha ila in ang!" Ka thu in inneih ka sawi ve der chu nia ka zak lo e....pawl 9 chauh ka la ni sia.








“Neih che pawh ka tum hleinem" Romalsawma chuan arawn ti sup,a hnung ah ka chum nghal pawp “Anahh ka ti mai mai nih kha thinawrh!" Nui vur vur hian arawn ti.








“Haw rawh!" Ti hmuk a thawh ka tum chuan ner nung pah hian min pawt thut leh nghal a,tum hmuk in ka en thung.









“I tum hmel hi a khawngaih thlak reuh e" ka biang rawn piai pah chuan ati sup a,a mal ah ka chum leh nghal pawp.









“Tak tak in maw...nang lo chu nupui ah neih ka tum lo" thutak deuh hian arawn ti leh sup a,ei lo lutuk hian ka melh reng ringawt.









“Kal teh,min neih pawh i tum loh kha" tum hmuk hian ka ti leh sup,nui hawk hawk hian “Nang lo chu bialnu fumfe pawh ka nei tawh hleinem" ala rawn ti! Hepa em em hiiii.








“I ninawm e mai aw!" Tap tep chuan ka ti vak a “Ehhh an tap nghal dawn ringawt ah" arawn la ti cheu.







“Kan inneih hun ah chuan maw...oiii mokawr te kha inha vel anga eh, make-up te kha i in hnawih vel anga,mahse i chhe den strong vek mai ngah!" A thil sawi vel chuan min ti nui lo thei lo,nichin lawk a ka thinrim na hrelo chuan ka pum dawm meuh in ka nui leh tawh.








“Min lo thlah tawh teh,patling hetiang chen chen len ani ngai lo e" inla puitling fahran chuan arawn ti,kei lah in nuih insum lutuk in ka melh reng ringawt.








“Byee aw,naktuk Saturday ani bawk a,ka rawn leng nileng ang,chaw min lo chhum kep rawh aw!" Kan inkawt ah kan din lai chuan arawn ti a.







“Immm kan chhungkua a chaw kan chhum chuan no4 kan chhum thin a,ilo ei dawn tak ah chuan no9 ani mai" ka tih chuan amah zawk zawk chu anuih aza a.








“Anih leh bye aw,min lo ngai lutuk lo la" ti sup in ka biang ah rawn dawm in min fawp deuh vang vang.







“In thenawm te cctv kha Serchhip ah a zin sia,ka kiss mai mai che nih kha" a kal dawn chuan ala rawn ti hram a.








“Awm pawh ni se i ti dawn tho Romalsawm!" Ka lo ti hmuk thung,chhunlam hi a siam ziah. A hma pawn kan uite thih vang ah a puh a,tun ah kan thenawm nu zin vang ah.










“Bye aw,min lo ngai deuh anih chuan min lo call la,ka lo thlawk nghal ang,your belove !" Tih pah chuan ka in goodbye ve ta hram a.







A tuk ah chuan arawn leng nileng tak tak bawk,a nuam reuh phian, Romalsawma hi nghal viau mahse a bul a awm a nuam em em. Chaw pawh arawn ei tak tak bawk.








👽


{PHUR THUT KA TIH TAWH KHA}



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)