My two hot brother!

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Xuali arigato
Posts: 10
Joined: June 21st, 2022, 1:17 pm

My two hot brother!

Unread post by Xuali arigato » June 22nd, 2022, 8:20 pm

WELCOME!





Chapter 1





“U ka leng dawn nia...u" kawngkhar ah chuan chhuah in ring ran in ka ding tawh, laptop atang mit la sawn riai riai in min rawn en nghal ngur a.









“A ngai lo!" Arawn ti nghut,ava han sual mai mai tak. Vawihnih lai ka dil hlawh chham tawh,vawiin chu ka leng dawn hrim hrim,exam chawlh chhung zawng pawh khan ka leng lo hrim hrim.








“Anu pawh ka dil vek tawh" ka ti leh sup,a phal loh mawlh ka hlau,Lalpa khawngaih in ka u rilru hi thlak sak hram teh.








“Kawr lum va ha phawt teh!" Arawn tih chuan rang zet in a thawmhnaw dah na lam chu ka pan a,a jamper dum chu la chhuak in ka ha nghal sawk sawk,ka room a phei leh nan chuan hun ka ui.









“Ka kal dawn nia" a hma ah chuan ka ding vang tawh,kal ala phal tlat lo “Dar 2:30 ah ilo haw loh chuan ka lung a awi dawn miah lo ania, second khat pawh a phelh hma in in irawn thleng ngei ngei tur ani bawk!" Arawn ti sup,time min fix sak leh thlap e.









“Duati engtin nge lawmthu min hrilh rawh ka tih thin che khah?" Arawn tih sup a, kawngkhar ka la pelh hman loh miau vang in ka va let leh,a biang ah kiss zeuh in in hnuai lam ah ka chhukthla nghal.










“Nu au in a phal ania,ka kal aw!" Ka tih chuan “Lo haw har lo la,i u in haw hun a tih ah chiah² rawn haw tur" arawn ti ve vat bawk,kan thenawm naupang tution a pek vang in ka be tha ngam lutuk lo.









“Naute khawnge i kal dawn a?" U Zomuana chuan sitting room atang chuan min lo koh a,phei leh in “Au in len a phal a,reilo te ka va leng lawk" ka ti sup a,chal chuar nung a min en in “Ka phal ve mi?" Arawn ti,kal vat vat duh tawh nak lai in.









“U ka hman hmawh!" Melh rum deuh pah chuan ka ti sup a,nui suk in “Imm lo haw har lo la" ati sup,a sawi zawh rual rual chuan ka chhuak nghal vat.









Khawlai a ka chhuah chuan ka hmelhriat ten ka van thu an lo sawi sap sap,a then phei chuan hostel ah ka awm amaw te an lo ti thul. Ka u vang vek hi lawm,a tul tawp lo ah chuan chhuah vak hi a phal lo,aman a tih theih phei chuan ka tih ai a ti mai zel.









Ka u enkawl na hi chu a that rual² in rual ka pawl vak thei lo,U Zomuana chu dil ve thin mah ila ‘Zonuna han dil leh phawt la' ati leh nge nge thin.









“Nula i nih ve tawh hi chhun mut te hi ti ti Suh!" Ka len na nu tur ber chuan min lo mut san daih a, vawithum vel chu kan intung tho hman in ka hria.










“A mak e engtin nge U Zonun an len a lo phal ve teh khiah a?" Ani pawn mak ati tih ka hria,U Zonuna strict zia a hre ve miau alawm,ka len theih loh vang hian kan inah arawn leng ve zeuh zeuh thin.









“Chu tak reng,time min fix sak thlap ziah ania, lehkhabu chu rawn la vat rawh" ka ti nghal a,tho in book shelf a lehkhabu pakhat hi arawn phawrh chhuak a,min rawn pe vat ‘Sylvia Plath ' ziah ngei mai alo ni.









“Henu hi chu ka duh tawp,a thuziah hi a depressing thei si" arawn ti a “I ho" ka lo ti sup,a spoil hma tak tak a tih tawp hi a ngai thin.









“Naktuk chu new comer ka hmu chak tawh e" hmu lo mah ila ka mit sir chuan ka zuang zawk in ka hria,a buaipui te lah hi a ho thei sia aw.











“Kan nei dawn mi?" Ka lo ti sup “Dawn Chiang e,thla lai hawl vel a lo lut pawh an awm nual hi. Chu bak ah tun kum board ah Topper 3 lai kan neih hi!" Duh thawh lutuk chuan arawn ti vak,lu ka lo bu nghut ringawt.









“Ti daih ila,naktuk chu engtin nge kan kal ang?" Arawn ti leh a “U Zomuana rual in niang,ka nu hian a khalh a chuan hi a hahdam ati tlat a" ka lo ti vat a “Ka lo kal hma dawn nia" alo ti vat bawk.











Naktuk chungchang vel tur sawi chuan kan ti ti luam a,new comer tur ho a hmuh chak tawh thu hlir a sawi.









“Dar 2:15 ari tawh,ka kal chhung nen dar 2:30 ari vat dawn,ka haw dawn nia" ding hluai pah chuan ka ti sup a “Bazar Peng thleng ka lo thlah ang che" atih chuan ka hnial lem lo.









Bazar Peng kan thlen chuan kan in mangtha fel a,keimah in ka haw leh hnak hnak,tlai lam nisat lai anih vang aniang bazar pawh an tam lutuk lo,hmeichhe ho lah chu an inchei nasa em em lehnghal,ka u in tiang a ka inchei ve saw min hmu se min vaw duh ang.









“Nu ka lo haw nia" ka nu leh pa te room a luh pah chuan ka ti a,ka nu chuan Bible alo chhiar mek “Rin ai in ilo va haw tlai ve" alo ti ve vat a “Ka lo haw hma zawk te ti ta che" ti sup in an khum ah chuan ka bawk nghal thlawp.








“Au te khawnge nu?" Ka tih chuan “Zomuana chu a room ah a awm in ka hria,Zonuna chu Alice in min lo hruai lawk rawh atia ava hruai" alo ti ve mai a,ka va han ngei tak,a chhuak dawn tih hria ila reilo te ka la leng tur.









Ka room lam ah chho in lehkhabu chu ka chhiar leh mai mai a, social media chu khawih ve mah ila ka lawm teh chiam lo,a tha lam ai in a chhe lam thil a tam miau a.









“Naute chaw ei ila" U Zomuana chu ka room ah alo lut a “U" ka tih chuan “Immm" alo ti sup,hei pawh U Zonuna ang tho,tawngtlem leh lutuk mai.









“Naktuk vel ami tur te i ti fel tawh em bawihi?" Chaw ei lai chuan ka pa in min be thut a,chaw ka la hmuam si nen ka tawng thei lawk lo “Immm" ka ti ta ringawt.








“Pa ala lem zawh em em loh kha" U Alice chuan alo ti vat a “Ni e,kha a biang pawh arawn chum dut kha" ka nu in arawn ti ve bawk,min fiam dan em em hi chuh!









“Nu naktuk IG ho an kal ve dawn mi?" Ka tih chuan “Kal dawn e" alo ti vat a,ka nu hi kan school zirtir tu ania,KG-I class teacher ani,chuan higher lam ah Mathematics ala bawk.








Chaw ei na vel kan ti fel a,thleng ka sil zan a nih vang in ka sil nghal vat bawk. Ka nu ten thingpui an in duh thu an sawi chuan thleng ka la sil lak lawh vang in U Alice in a lum mai a.









Thleng ka sil zawh chuan reilo te sitting room ah thu in U Alice nen kan chho nghal daih,room nei ve tho mah ila U Alice bul ah hian ka riak tam zawk.








Chhun lam ah ka pa bul a hna a thawh a ngaih avang in zan lam ah chuan a bul ah ka awm chawt hi ani mai,kei ai kum 13 lai in a upa a,mizo te chuan nula senior kan tih ang chi kha chu ani ve tawh.









“Ka mu tawh dawn,naktuk thawh hma a ngai dawn si" ka ti sup a,mahse tih tur pakhat ka la nei,ka nu leh pa te room ah chuan kal in goodnight kiss ka zuk pe leh te te phawt a.









Chu tiang bawk in U Zomuana leh U Zonuna te pawh,U Alice pawh a biang ah fawp zeuh in ka mu ta. Kei chu tlai khaw hnu a piang ka nih vang hian ka naute rei a,ka u ten min duat tak tak lai phei kha chuan ka no chhe lo chauh,tun ah min duat tawh lo e ka tih na ni lo in,ka lo tleirawl ve tan a,duat theih vak ka ni tawh lo.





_________________________________________________




“Bawih no tho teh le!" U Alice chuan min lo kai tho a,min koh dan vang chuan “Nun senior" ka ti nghek.








“I u chuan ava kaitho hma che ve a" choka a ka luh chuan ka nu in tuilum in tur min lo pe nghal vat.









“Hma vak hleinem,chaw ka ei anga insiam a hun leh nghal mai dawn lawm" ka lo ti vat a “Vawiin chu i huphurh em?" Tiin min lo zawt a “Phurh ve tho e...uiiiii" ka hnung lam atang a min lo kuah tu an awm chuan ka phu nghek,U Zonuna chuan nui vur² hian min lo en.









“I mak e ka thoh chiah hi mawle!" Ka ti vak a “Thinchhe ral Lian " ti sup a ka biang a rawn fawp in inchunglam ah a chho nghal daih,a walk haw ni ngei ang.










Chaw ka ei zawh chuan inchung lam ah insiam tur in ka chho nghal a, Malsawmi chuan inhnuai ah min lo nghak mai,hma vet vet thei tak ani.









“Bawihi Zomuana va koh lawk la" ka nu pawh a inpeih vek tawh,min thlah tu tur ber ka u chu kan la nghak,U Zonuna chu ka chaw ei lai vel khan a hna ah a kal tawh.









“U anu in hman hmawh rawh ati" a room ah dah pah chuan ka ti a,a kawr alo ha vel mek “Atih loh kha ah!" Alo ti sup “Hman hmawh mai teh" ti in ka chhuah san leh nghal a.









Rei vak lo hnu ah chuan a hman a,kan kal nghal chu ani mai.







“Oiii new comer chhiatloh hlawm zia saw" a hmuh that apiangte chu a kawk kual a,ka lo zak zawk “Kawk vak vak lo teh Malsawmtlung" ka lo ti ve chhen bawk.









“New comer ami i nih a?" Mipa pakhat sang ve deuh hi Lunch break ah ka bul ah alo kal a,amah en reng reng pawn an khawsak a harsa lo tih a hriat.









“Nilo" ka ti sup “E..sorry" ti in a kalsawn leh nghal daih “Martin nen khan in in hria elaw?" Malsawmi chuan alo ti “Hre lo,min rawn be ve ringawt a" ka lo ti sup “Pasal tlak anih kha" arawn la ti zeuh zui.









First day ani bawk a engvak mah kan ti lo mahse Sir photosynthesis-a ka ti mai,kan science teacher Sir Ramsanga chuan note min lak tir hram.






{In duh thu a sam lo maithei na in test neuh neuh kan nei a,ala ngaihnawm thei vak lo anih hi😖}



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)