My two hot brother!

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Xuali arigato
Posts: 10
Joined: June 21st, 2022, 1:17 pm

My two hot brother!

Unread post by Xuali arigato » July 1st, 2022, 4:56 pm

Ka edit lem lo aw


Chapter 6




ZONUNTLUANGA POV




“Zonun!" No tak a rawn ti tu chu ka en zawk a,a tasa langtam em em chu a mawi lo hret ani. “Zanin chu dinner min ei chhuah pui la?" ka dar rawn tawk zeuh chuan arawn ti no leh nghalh a.







“Min hrethiam rawh,tih tur ka nei a" ka ti sup,arawn nui chhuak hak hak a “Dinner lo pawh thil dang a awm ania!" Min rawn thut hnaih sauh sauh a.








“ Jennifer!" Ka ti hluk,ka vawikhat thusawi an zawm loh hi chuan ka haw thin! Lungawi loh hmel tak chuan min en a “Anih lunchhh" a tih lai mek in ka tho thut a.







“Min hrethiam rawh,ka nau hruai ka ngai tlat" ka sana bih zeuh chuan chhuak mai ka tum a,mahse a thil sawi vang chuan ka ding dat.








“Ka nau ka nau ti reng mai,unau nihna ai a thuk a awm tih ka hrethiam!" Zawi tak chuan a sawi a,mahse ka hre hman hlauh.









“Sawi leh teh!" A lam a inher in ka melh nghal ngur a,a hmel chu a pha deuh dui mai “K...k...ka sawi tum pawh ani lo" arawn ti bah nawk nawk a.








“Ka nau chungchang sawi tur khawp in i ka kha a thianghlim em ni?" Ka ti sup “Ka sawi tum ani lo ka tih kha Zonun..." Arawn ti lai mek chuan lo pawt chat in “Miss Jennifer ban i ni e,i bungrua leh a dangte la la,he collage ah hian i hmel ka hmu tawh tur ani lo" ti hmuk in ka chhuak hmak a, office chhung a thil tla ri bur ri pawh ka hria,mahse let ka tum bau lo.









Garage lam ka thlen chuan ruah hi alo baw hawk hawk a,nizan lam ah khua a dur bawk a,chawhnu lam chu khua a that vak ka ring lo reng a.









Duati te school ka va thlen chuan an lo la bang lo deuh a. Haw hmasak phawt a va lam leh ka tum ta zawk a. In ka thlen chuan Alice-i hi alo awm a,a thawmhnaw vel bag ah a khung mawlh mawlh.









“E Zonun ilo haw maw,hei Serchhip ah chhoh thut ka ngai a,ka nu pawh ka hrilh fel chiah" alo ti a “Ni engzat?" Ka ti sup a “Kar 3 vel aniang,ka Chiang lo,chu ai tlem pawh chu ani maithei,Clara chu i lo mut pui mai dawn nia".









Duati te school lam a ka phei leh chuan an lo bang vek tawh,ruah a sur nasa si a ngaihtuah a na khawp mai,ka hawi kual ruai pawn ka hmu lo. Amah awm chu ka melh kual ruai a mahse ka hmu lo,in ah alo haw tawh tak in in lam chu ka pan nghal a.



_____________________________________________


CLARA LALDUHAWMI POV





“Ruah a sur nasa si a,engtin nge ka tih dawn?" Malsawmi chuan pawn lam melh vung vung chuan arawn ti “Ka hre bik lo".









“I got an idea!" Arawn ti chhuak thut a “Eng?" Ka ti leh a,chimawm lutuk hian min rawn melh ralh²
phawt.








“Naktuk Saturday ania chuannn" arawn ti awn duai a,a thusawi ka man lo hrim hrim amah lah chuan a nui ang vur vur a.









“Ruah kan do ang" arawn ti leh a,ka phu deuh zawk “Malsawmtluang mawl ah pawh hian chintawk a awm!" Ka ti hmuk,U Zonuna an min vaw duh ang.








“Chhuan lam tur ka hria alawm" mit siai zeuh chuan arawn ti a,ka bag awm na lam ah phei in ka nihliap chu kawmthlang lam ah a paih anih chu! Ka au deuh that nghe².









“Malsawmtluang!!!!!" Ka ti vak a, kawmthlang lam chu ka melh vawng vawng “Problem solved!" Ala rawn ti zui “Anih khawnge i umbrella ve?" Ka ti sup a,a ken loh thu alo sawi mai.








Ruah chu kan do ta a,ka bag chu a huh ka hlau viau mahse Malsawm in a tuam thlap a, naktuk chawlh ani bawk a,a ro hman tur ah ngai ang.









Ruah do chu nuam tak ani, khawvel a ka thil nuam tih ber pakhat ani,Malsawmi nen chuan kan nui uarh² a,a chak leh tui kan in rah per thul.









“Anih ka pen san ang che Bye muah!" Malsawmi tak hi chu aw...a khawvel mai sia maw.








U Zonuna hian pawn ah min lo nghak a,min rawn hmuh chuan nihliap nen min rawn hruai,a thinrim hmel ang reng,ka be ngam lo,ka kal mawl tawp.









“Towel ka lo la ang!" Ti sup in U Zomuana room lam a pan a,arawn let leh nghal vat,ka bag chu la in dawhkan ah a dah a,a towel ken chuan min rawn hru mawlh mawlh.









“Han inthlak vat rawh le,i damloh chuan ka lung a awi dawn lo ania" arawn ti nghut chuan ka room lam ah ka tlan chho nghal vat a. A thinrim hmel ang reng si,engtin nge ka tih dawn le.









“I sam te kha hru ro vat la aw!" Ti nghut in towel chuan ka sam arawn hru mawlh mawlh a,hair dryer in ka sam a chhem nghal bawk.









“Naupang sual ka ngaina lo ka tih kha!" Arawn ti hmuk,ka thil tih ka inchhir nghal vawng² “U ih....." Ka tih lai mek chuan ka hmai zawn ah chuan arawn kun hniam nghal ngul a.









“Dawt tel ka duh lo bawk!" Arawn ti leh nghut “Ihh...ka nihliap kha ka ti tla daih a!" Ka ti sup a,a awih hmel teh chiam loh.








“Ka thin i ti rim khawp mai,min rawn call thei reng a,ruah i do a thil thleng tur ngaihtuah phawt ta che,i hritlang anga,i khua a sik anga....dam loh i duh mi?" Arawn ti dam ruih a,amah chu ka en tha ngam lo.









“I duh ami duati?" Arawn ti leh sup a,lu ka thing nghal nak,thaw hak in “Lo kal teh" ati sup a,khum lam a pan nghal daih bawk,a thinrim ka ring ania mahse ka lo rin dan ani lo.










“U tihpalh ka do leh tawh miah lo ang, promise" a bul a thut pah chuan ka melh kiau a,min en lo in bang chu a melh ngur a.









“I thin tih rim loh tur ka tih thin che kha, chance ka pe leh ang che. Ruah i do emaw,i tan a tha lo tur i tih leh chuan i chhuak tawh lo ang!" Arawn ti sup a “I Chiang em?" Atih sup chuan ka bu nghat.








Midang pawn ruah an do ve tho a,an hau vak vak bik lo,ruah do aia nasa zawk an tih pawn an hau vak vak kher lo,tinge keimah chiah hi min hauh bik. Ka nun hi nuam ka tih pawh ka hre lo,dam reng si in ka chhungril hi a thi in ka hria.








“Duati!" Arawn ti sup chuan ka en a,thaw hak in min rawn kuah a “Nang chu ka naute i nia,i dam loh te hian keimah hi ka na zawk thin a,chu vang chuan i in tih nat emaw chuan keimah hi ka lo na zawk thin a!" Arawn ti sup,ka tap tep tawh in ka hria.








“Ka naute hi a damloh ka phal lo a,a nat ka phal lo a,i tan a tha lo tur chu i chungah a thlen ka phal lo,chuan ka hau lo che nia,i tan a tha vek tur anih hi" arawn ti sup a,ka inhnit nghal hraih.









“Mu daih ang,i damloh ka phal lo ania" ati a,khum ah chuan min kuah hlun a,engmah sawi lo chuan kan mu meng kar ringawt.









Mutchhuak in a min rawn zem a,ka chhing riai riai,U Zomuana tawng ri chu Chuang lo ruai in ka hria.









“Duati!" Min koh reng tak ah chuan ka meng a,U Zonuna chuan hlauhthawn hmel tak hian min lo en reng,thawh chhuah ka tum chu ka ne thum mai.









“Lo tho Suh!" Ti sup in min mut that tir a “Ka hlauh ang nge nge in thil a thleng ta" arawn ti hmuk a,ka damlo tih ka hrethiam chiah,vawi engzat tak min zilh leh ang maw?







“U!" Ka ti chuan arawn hawi zawk a “Ka damlo tawh miah lo ang" ka ti sup,ka nu te an la haw lo aniang an thawm ka hre lo e mai,chu bak ah khua ala thim lo hrim hrim,ruah a sur vak hnu ah khua arawn eng leh niang.









“U,ka tihpalh ka tih tawh kha,ka damloh leh chuan min vaw tawh dawn nia" hnuai lam melh ngur chuan ka ti sup a,a thaw hawk ri ka hre thei.









Khum ah min mut that tir in ka bul ah arawn inthawlh ve nghal a,min kuah deuh hlun “Ka naute hi ka vaw phal reng reng hleinem" arawn ti sup a “Mahse i thinrim sia".










“Ruah i do kha ka thinrim,mahse i damloh chuan ka thinrim khum phal lo che" arawn ti leh sup a,ka awm pawh anuam ta deuh,a hnu lawk ah ka mu hil leh nghal mai a.









Ka harh leh chuan khua alo thim fel vek tawh a,U Zonuna pawh ka hmu tawh lo,ka lu chu a rit luk in ka hria,tho tuah² in inhnuai lam pan ka tum a,mahse U Zonuna tawng ri ka hriat chuan ka ding leh dat.








“Ruah alo do haw a,a nihliap a tih tlak thu a sawi a,Nu,duati hi lo ngaihven deuh ta che,a thil tih engkim ah kan tel pui loh chuan naupang mai ala ni a,a kal sual mai ka hlau!" U Zonuna chuan ati dam ruih a.









“Aw bawiha,i naupang chhe chai lutuk anih kha,mahni in enkawl thei rual chu ani ve tawh alawm,tawrh chhel inzir tir te hi a ngai ve a" ka nu chuan alo ti ve sup a.









“Ka tan chuan naute ang vel lek ala ni,vawiin khan khawnge i awm reng reng a,Duati pawh lo en zui tur che lawm Nu".










Inhnuai a chhuk ta lo chuan room lam ah ka chho leh ta ngawt a. U Zonuna hian min ngaihtuah tih ka hria,mahse hetiang em em hi chu ani thei dawn em ni?








Thawk harsa khawp in min veng ani ber in ka hria.









{KA POST HMASA KA LO DELETE DAIH KHA KA IN NGEI RAPTHLAK!}



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)