Mafia's little girl chapter 4

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

Mafia's little girl chapter 4

Unread post by Zualy juneblies » October 4th, 2022, 6:02 pm

Dah ka tum lo viau na naktuk school chawlh ani sia🙂







Chapter 4




Ni zung(Sunlight) in min rawn chhun siar siar chuan ka harh a. Mahse ka la tho peih lo,ka u in min la kaitho chuang lo tiin ka mu leh ngat a. Ka lo muhil leh ani ngei ang,in leh ka tum chuan ka kawng ah hian min kuah bet tlat tu hi an awm a.









Ka che ka che thin,mahse ka tang tlat ni mai in ka hria “Good Morning!" Tho phang aw zet a rawn ti tu an awm chuan ka harh kawk in ka hria. Thil thleng kha ka mitthla ah alo lang zut zut. Thawh ka tum chuan min la kuah reng tho,min kuah nghet zia chu!









“Lawk in!" Tiin min kuah hnai salh a,ka hnung chu a hnim vang vang bawk. “Ka tho duh ania" ka tih chuan a la che chuang lo,ka hnung ah chuan a biru ni mai in ka hria. “I rimtui lutuk..." Kan thil sawi in mil lo lutuk vang chuan ka ner sawk a.









“Ka tho duh tawh ka tih chu!" Ka tih leh sup chuan a awmsawn ve thei ta hram. A tho tha hle hle dawn amaw tih lai in min pawm tho ve nawlh anih chu,ka rak nghal that a,ka tla tep ani. Ka inring lo bawk nen ka thin a phu dup dup in ka hria.









Balcony lam ah min pawm phei in couch mi pakhat chiah thut len na ah chuan min thutpui a,min la pawm reng tho,a boruak chu a nuam reuh phian. Ni zung chuan min rawn chhun a,a fresh em em bawk.









“Morning kiss zing tin min pek i zir angai in ka hria." Arawn ti sup chuan ka melh deuh nghek a,ani lah a nui suk zui. Kei hian hepa hi kiss ka pe ang maw,hnai lo ve. Vawiin hi chuan ka hmui in a engmah hi a tawk tur ani lo hrim hrim.









“A theih loh!" Ka ti hmuk a,a mal a thut reng hi a zam awm mah mah,kan hmai lah chu a insi lo chauh bawk. Kawr a hak miau loh vang in a taksa lum na chuan min ur leh ham ham tawh. Ka hriat loh lai in a tatoo chu ka lo melh leh zeuh thin.









“I tih ngei chu a ngai ang" arawn ti leh sup a,hmel hriat loh kiss chu thih hreh in ka hreh,naute kiss pawh ka duh thra thrum lo ania. “I tih lo chuan ka ti nga ni mai lawm" nui suk a ti in arawn awn hnai leh zual a,ka lu ka thle dawrh mai. La nui suk tho chuan ka mal chu arawn chul a,ka thaw tha thei tawh lo.









Thawh ka tum chuan ka mal arawn thram salh a,ka ang deuh zuai hman. Amah melh rum ka tum lai tak in ka biang ah arawn fawp a,ka che lai ka tawp chat. A hmui ala sawn mai dawn amaw tih lai in arawn hne dek dek anih chu,aza ka ti chuan a awm ah ka nem/nam a.










“Amore,naktuk zing ah morning kiss ka dawng lo anih chuan i nghawng ah ka sawn tawh ang" ka biang a fawh na thip deuh vang vang chu ka tuai deuh thuak a. Ka melh tha peih lo,a nui suk reng bawk si. Mahse a hmel tha mah mah ani,sap ho in ‘I can't handle his hotness ' an tih ang hi ni mai in ka hria.










“Min dah thla tawh teh" min pawm kan leh nawlh chuan ka ti deuh hmuk a. Dah thla ta nge pawh ati chuan lo, bathroom lam a pan chuan a tal hian ka tal ani ber. Ka ke ka ti che vak vak bawk.









“Enge dik lo?" Atih chuan “Ka chhuk duh" ka ti deuh vak a “Kan inbual phawt ang" atih chuan ka tal leh vak vak “Inbual dun ka duh teuh lo, privacy tal hi chu in zah sak ila,a manner hriat loh thlak e mai" la tal vak vak chuan ka ti chhuak chiam a,a rum deuh nghut.









“Amore,ka hmu vek tawh tho che lawm. Kei ngei hian alawm i kawr pawh thlak" ati nghut a,lu ka thing nar nar. Ni dawn tak e,ka harh leh khan ka kawr hak ngai ka ha tawh lo hrim hrim,a awmzia chu amah hian a hmu vek tih na. Awiii ka nu ka duh lo!!!









“Ti teh,inbual vat ang" min pen pui a tum leh lai chuan “Khawngaih in!" Ka ti sup a,ka tap mai dawn. Tun ah tak chuan zahna in ka khat,min thawn let leh mahse pawi tih na ka nei lo. Min thawn let leh thei nghe nghe se tha tur.










Dim tak ah min nghah thlak chuan khum lam ka pan vat a,ka va han zak tak. Ka pasal tan a ka tih ve liau liau a hmu vek chu ni awm sia.






___________________________________________________






“Ka duh tawh lo!" Ka ei thei tawh ngang lo chuan ka ti ta thlawt a,maid ho in min en thup bawk si,hepa lah hian min pawm deuh kher bawk nen. “ila ei tlem" arawn ti nghut a,ka luak mai dawn in ka hria.








“Ka duh tawh lo,ka...." Ka tih chuan mit ko arawn san ak a “Ka?" Arawn tih sup chuan “Ka luak mai ang" ka ti sap,lu thing in min barh leh atum chuan ka ka ka hup tlat a,a thinrim nge spoon chu a peih sawk a.








“Ei rawh ka ti che ni lawm ni?" Arawm ti hrawk a,hnuai lam ka bih ngar ngar,ahma pawn ani tho,thil ka ei hnem lutuk hian ka pum hi ana thin a,a awmzia chu digestion lam ah ka pumpui hi a tha vak lo tih na nih chu.









“Chhuak ru!" Atih hrawk chuan awmpui ho chu an chhuak dual a,kei leh amah chauh kan awm ta. “Ka tihpalh Amore" ti sup in min rawn kuah a,ka hnung a chul nghal vat bawk.










“Thil ka ei tam chuan ka pum ana thin tih i hre lo mi!" A tawp lam ah chuan ka tap deuh hawk a,ani erawh in min kuah hlu hlu “Ka tihpalh,ka tihpalh Amore,ka tihpalh!" Hlauthawng tak chuan arawn ti a,min rawn en nghal vut bawk.









“I pum ana em?" Arawn tih chuan lu ka thing a. “God,a thleng leh ngai tawh lo ang!" Ati leh sup a.





_________________________________________________



“Ka va han ning tak!" Thaw chhuak hak chuan ka ti hak a “Engmaw?" Atlas chuan arawn ti sup,nichin kha chuan laptop a melh ngur a,biak a chakawm loh ngawih ngawih,tun ah ka trawng a hre leh kur sia.









“Ka ning ka ti nih chu" melh zeuh pah a ti in dawhkan ah chuan ka bawk leh nghal daih a. Tun ah hian a office ang deuh reuh a kan awm a,chaw ei kham atang khan min la thut pui reng,a paper thenkhat chu ka en ve a,mahse an English hman chu a har lutuk,hriat thiam ka nei chang chang ang vel ani.










“Enge kan tih ang le?" A laptop khup thawp pah chuan arawn ti sup a,ka dar ah vuan in ka biang ah arawn fawp zeuh. He thil hi zawng chhang a awl dawn tlat in ka hria,ti zen zen lo se atha ang.










“Ka hre lo" ka ti leh ang lawi a. Tukverh a ka dah chuan pawn lam ka hmu thei a. Fountain Lian tak awm na ka hmuh chuan ka phi nghal cheng mai. “Khu..khu tah khuan!" Ka ti ta chul a,ani erawh arawn nui hawk hawk.









Min chhuk pui chuan chibai tih nan an lu an lo kun leh sap sap hlawm a. “Ka vawikhat kal na!" Arawn ti sup chuan ka en chho haw a “He lai hmun ah hian maw?" Ka ti hu,alu a bu nghut a. Mahni in compound hnung lam ah pawh vawikhat mah la kal loh mai chuh!









“ahhhhh.." ui rawn tlan thut ka hmuh chuan ka au vak a, Atlas thung ah ka biru nghal vat. Mahse a nghawng ah chain ⛓️ in an man hman hlauh. “He ui phiangsen hi tunge chhuah?" Atlas chuan ati hrawk a,ka phu deuh zawk in ka hria.










“Sorry,Boss!" Mipa 3 vel chu kan hma ah hian an ding thap a “Amore ti hlau tu chuan dam an phu lo!" Ti hrawk in min kai a,min kalpui nghal daih. A aw vin in hlauhawm viau mahse dim tak a min kai in min kalpui bawk.









“Lawk in.." ka ding dat a,zawhna mitmeng a min rawn melh chuan “I that dawn lo tih min hrilh rawh" amah en kiau chuan ka ti sup a “Kha mite kha that lo tur in min ti tih na em ni?" A aw chu a vawt ruih a,a hlauhawm em em bawk.










“Aw,khatiang vang lek a...." Ka tih lai mek in “Ka hmangaih ti hlau tu leh ti thlaphang tu chu ka en liam mai mai lovang!" Arawn ti nghet churh a,a mize dang ta hlak chuan ka tawng dik loh zia min hriat tir.










“Tinge i nunrawn em em a?" Ka ti ta thlawt a,min en vang vang in “Lut ang,he thil thleng hi sawi nawn ka duh tawh lo bawk ania!" Tiin min kai lut leh a,a tih dan dan chuan ka awm tawp. Ui vang mai mai in mihring nunna in a tuar dawn chu a ni a.






👽


(A borring lai a awm tih ka hria lawm,insum suh)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)