Inchhunglam ah chuan min kai lut a,pawn a awm chu la chak viau mah ila a hmel atang hian a phal loh zia ka hre chiang. Nunrawng tak ni si hi,enge ka chungah ti hian a awm le.Ka ngaih ati tha lo rum rum zawk,mahse min sawisa in min vin hrep se ka duh leh chuang si lo.
A office lam ah min hruai a,inchhung kan luh chiah chuan ka thaw a pik lehnghal vek tawh.Pawn a kan lo chhuak kher kher kha ka inchhir leh ta rum rum mai. Thuthleng ah chuan a thu thla a,ka thutna chu a bul chet ah a pawt phei nghal,thu tur a min ti tih hriat zet in mit ko a san uk bawk.
A bulah chuan ka thru thla a,hna thawh chhunzawm mai lo chuan a ngawi deuh vang vang phawt,ngaihtuah nei tih hriat tak in a kut a hum ruh trung a. Tinge maw thinrim hi a awlsam em em le,ka chungah thil tha lo a thleng lo ang tih ka sawi thei lo.
“I ril a tram em?" Atih sup chuan ka en chho a,min lo melh ve run mai. Engti emaw zawng tak hian ka zam,kan pahnih chiah in room ah kan awm tih ka hre chhuak leh hnu hnawh. “Aih" ka ti sap a,ka melh leh hrut chuan min la en reng,zam lutuk in ka hawi sawn a ka khuh kharh.
“Chuan engtik ah nge min dah let i tum?" Ka tih bah nawk a,kha kha sawi ka tum hauh lo,mahse ka rilru a thu lo awm hmasa ber chu ani si. Ka thil sawi inchhir ram ram tur khawp in min melh a,chil ka lem khalh.Ani erawh in min melh ngur,hetia min melh hian lawm ka zam tlat thin,tlanbo daih mai ka duh!
“Engtik ah mah! Ngaihthla rawh Amore!" Ti nghut in ka thutna chu arawn pawt hrawk a,kan hmai a in si lo chauh ani.A thinrim insum tum tak a a thaw hrawk hrawk te chu a hlauhawm mah mah. Ka thil sawi kha lak let leh theih nise ka ti ngawih ngawih.
“Nang hi! Joycee Malsawmhluii hi ka ta i ni! a chiang em? Haw emaw i sawi leh anih chuan kei ai nasa hi khawvel ah i hre kher lo ang.Nang chu ka ti na lo ang che,lungngai duh suh,mahse i hmangaih ten an tuar zel ang. Tun ah hian duh emaw hmangaih pawh nei mah la,i nei chuang lo ang. Kei ka dam chhung chuan ka ta,ka ta chiah ini! Thih hnu piah lam ram ah pawh ka bul ah ka hruai ve zel ang che!".
A thusawi vang chuan ka en ngawt ngawt hi ani mai,kha tiang thleng thleng kha a sawi kher angai em ni! A aw vawt leh pa ruih chuan min ti hlau takzet. Engvang a kha tiang ngaihtuah na pu kha nge anih. Kei hian duh leh hmangaih ka nei ang maw! Neih te chu nei teh reng e,mahse a ngaih anga lepchiah ka ni hauh lo tih chu kei hian ka hrechiang.
“Min van ngai dukdak lo ve a!" Ka ti thei trawk,kan in hnaih bawk nen chu bak ah ka english thiam in ka thu sawi tur hi a daih tawh lo. A tawngkam tin ah khan a chapo zia ka hre thei,mizo tawng chuan hau dawn ila,ka thinrim lutuk hian thil ka peih darh chiam ang.
“Amore,ka thu sawi kha i man lo ni in a lang" arawn ti sup a,thinrim lutuk in ka en ngawt ngawt. A awm ah chuan ka nam a,ka chum bawk. Thinchhe lutuk hi ka ni bik lo,miin min rel emaw ka pawi an sawi hian engtin vak mah ka ti let ngai lo,mahse hepa thu sawi hi chu ka palzam mai mai thei lo.
Ka ban chu a man a,ka kut lak sawn ka tum chuan a vuan nget zual sauh. Thinrim lutuk chuan ka melh ta chiam a,ka trap dawn in ka hria. Thinrim tak a ka melh chuan arawn nui suk a,eng maw a hriat ni,tun ah hian thinrim vang in ka puak keh lo chauh ania,ani erawh a nui mai mai thung.
A kut pakhat in ka ban pahnih chu a vuan a,a kut lian tak chuan ka biang chu arawn chul a,thinrim lutuk in ka hawi sawn hmak a,ani erawh arawn nui hawk. Ka tal leh vak vak a,ka tal chhuak thei ngang dawn lo a ka hriat vang chuan “Hmela!" ka ti chhuak chiam ringawt,a hrethiam hlei lo a.
“I thinrim hian i duhawm lutuk!" Arawn tih chuan a mal ah ka chum pawp a,a nui mai mai thung. Thinrim lai lai in a nui ang suk suk a,theih se chuan a biang ah ben sawk a,a sam dum tak tha tak leh buk laih ah khian ka kek lawp lawp ang.
“Tinge i mak em em a!" Ka ti ta thlawt a,chhungte thlahlel rual lek kan la nia,tun ah he misual nen chauh hian room khat ah kan awm a,ka thinrim na ati puak lo chauh ani. Ka trah chhuak insum lutuk chu ka hnar ana vek tawh,ka hrawk pawh a phu ut ut mai.
Rum deuh nghut in a mal ah min pawm kang a,trang buai eng ang mah ila a duh chu ati leh dawn tho. Kei ve teh lul hian patling thran kin tawh engtin nge ka hneh teh lul ang ni.
A awm a min bei tir a tum chuan duh lo in ka lu ka ti che a(Heti lai hi sawi dan tur kha hre lo,mahse in mitthla thiam mai ka ring) A awm ah ka chum pah bawk,thaw chhuak hawk in ka kawng ah chuan min kuah ta zawk a.
“Ka hua che,i in pawh hi ka hua,i engkim ka hua!" Trap truau chuan ka ti chhuak chiam a,ani erawh chuan hmuhnawm tih hmel tak hian min en reng ringawt,a a tawh hial in ka hria. Min rukbo chhan lah ka hre lo a,min chhuah duh loh chhan lah ka hre hek lo.
“Tun thla chhung in min thlahlel ngawih ngawih tur in ka siam ang che" Ka bek rawn dawm pah chuan ati sup a,a thu sawi nghet deuh churh chuan a thil tih tum ah a chiang hle tih min hriat tir. Chuan engmaw a sawi kha,kei hian ka thlahlel anga maw? hepa lak atang a kalbo theih nan chuan ka nunna tih loh hlan ka huam vek...
“I trah na tur in engthil mah ka ti tawh lo ang,i trah lai hmel hmuh aia hreawm tih hi khawvel ah ka la nei kher lo ang" Aw dam tak chuan arawn ti sup a,ka mittui arawn hru thuak thuak bawk.Hepa chezia leh a trawngkam hi tun ah chuan ka haw vek,min ngaihtuah awm tak a a awm thei mai te hi ka duh lo.
“Anih chuan khapa kha thah tir suh!" Amah en kar chuan ka ti sup a,a mit meng alh leh phat ka hmuh chuan hlau viau mah ila hlau lo ang in ka lang tlat. “Ka trah i duh lo ani lawm ni,khapa khan thihna khawp sual ati lo" Min en ngur leh tak ah chuan ka ti leh sup a.
Inngaihtuah tih hriat tak in a thaw chhuak hawk a,a lung ala awi chiah lo tih chu ka hre reng. “Aw!" arawn ti hmuk chuan ka en vat a,min en lo in tukverh lam a hawi daih. Ka kawng a vawn na dah thlak ka tum chuan min vuan nghet leh nghal hmak.
“Min fawp rawh!" Deuh tawp chuan! Duh lo lutuk chuan ka melh rum nghek,a thusawi kha hre hman lo ila ka ti takzet ani. “Enga! A teuh lo mai" Ka ti chhuak chiam a,a kut chu phelh ka la tum ngar ngar. A theih thrak loh!
“Amore,khapa kha nungdam in la awm se i ti anih chuan ti rawh. Min haw(Hate) viau mah la i taksa hi ka ta ani tlat" arawn ti sup a. Ka melh no lo lutuk hi min hmu tu chu awm se an nuih aza ngawt ang.
“Ti rawh!" Thu pe awm tak a arawn tih chuan ka la che chuang lo,ka mal arawn thram salh chuan ka phu zawk a “Anih loh chuan a aia thui ka kal ang" nui suk in ka nghawng chu arawn fawp zeuh a.
“A tawk,a tawk!" Ka ti chhuak chiam a,ani erawh ka hma ah chuan fawh in ring reng in a awm tawh. Ka duh lo viau na chu ka tih ngei angai ang,ka mal a khawih na ringawt pawh hian ka thaw ati sak tralh thei.
“I mit chhing rawh" Ka ti sup chuan chhing ta nge pawh ati chuang lo,ala meng kur tho. Vawi4 vel ka sawi hnu ah pawh ala ti duh chuang lo,a hnu ah thinrim tawk in a biang ah ka fawp zeuh a,arawn nui ver ver,a hmel chu a tha reuh phian.
“Ka Amore!" Ti sup in ka hmui arawn tuai thuak a. Dinner ei tur in kitchen lam ah kan inzui phei nghal. Min kaih loh leh ka kawng arawn vuan chhen a,thil ei lai chuan ka melh leh hrawk thin,engah mah ngai lo chuan a tih ngai bawk ati chhunzawm leh ziah.
(A tawi viau tih ka hria e,lehkha zir tur neuh neuh hi awm ve a)