Dining hall lian tak ah chuan min luh pui lehnghal,trawng tam zawk zawk kan ni dun lo bawk nen kan ngawi deuh reng ringawt. Atlas chuan ka kawng ah min kuah reng a,kan inhnaih em avang in a mal ah ka ban ka nghat ta tawp a,anih loh chuan ka kawng hi a kham dawn lutuk ringawt,min awn tir deuh bawk si nen.
Maid ho chuan eitur an rawn chhawp sap sap a,mahse tun ah chuan maid mipa in an rawn chhawp ta thung. Ka lo en reng hlawm a,min melh eih lo chuan an chhawp hlawm a,an hmel chu a rum deuh hrak a,mahse an zaidam hmel reuh phian.
“Ka thah vek hma in i mit la sawn rawn Amore!" Ka beng bul a rawn phun sup an awm chuan mit ka khap fak a. Ka en reng tih pawh ka hre lo,mahse thil ka ngaihtuah na lam ah ka lo melh reng anih ka ring. Hrechhuak leh hnu hnawh in ka melh rum vak ringawt,hetia a trawng hian lawm keh nawk nawk ka chak thrin.
“Good girl!" Nui suk a arawn tih chuan a mal ah chuan ka chum deuh chawrh a,chawrh han tih ah khan ani tan chuan ‘taih' ang vel ani ang. Kan inlen hleih tawh tih chu in hriat ka ring a,mizo anih loh bak ah an ram ami te hrim hrim hi an sang/lian kan ti dawn nge,ka mi hmuh chin ah te lutuk ka la hmu lo.
Ka plate rawn ban a tum chuan a ban ah ka chelh vat a,mit meng rum deuh ul a min melh chuan hlau lo lui ve nghat in “keimah in ka ei duh" ka ti sap a,hriat thiam loh hmel lutuk a min rawn melh deuh khui chuan “Aihhh...i ngaih ang kha ani lo ania,min barh hian ka duh ai tam ka ei theih loh phah thin a,thrang lai te kan nia i hrethiam lo mi.." ka ti ta chiam a,ani erawh in ka trawng hnem ati deuh nge mitko san ak in min en thung.
“I thrang leh tawh pawh ka ring lo Amore?" Nui suk a arawn tih chuan ka ngei hle,a mi tih dan mai mai chuh! Kei hi kan class ah pawh a lian pawl ka ni ve ania. Len vak pawh hi engmah ani lo,an chapo em em ringawt anih hi. Khawvel ah mi chapo hi ka huat ber dawt tu ani ang,chuan hetiang mize nei hi chu tlanbo san vang vang ka duh.
“I sang bik vak khan enge trangkai na,mihring ve tho inih kha,duh leh te deuh pawh ka ni ang i sawi tur a awm lo" ka ti hmak a,melh leh tawh chuang lo chuan thil chu ka ei nghal daih bawk. Chaw ka ei tha anga ani ai hian ka la lian em em ang,hetiang palian mai mai nga tan mah ka ti lo!
“Amore?" Aw thup sup in arawn tih chuan ka melh duh miah lo,ka thin ala ti rim tlat. Ka tet vang khan alo buai hi a trul lo,min hrilh pawh angai hek lo. “Amore!" Ti leh sup in ka kawng ah arawn kuah a,ka awm ngai chuan ka la awm char char tho,ka thinrim thlem ka har zia hre ve se min ti thinrim duh tawh lo mai ang.
“Ka tihpalh Amore!" Ti sup in ka biang ah arawn fawp zeuh a,engtin mah ka tih let duh tak si loh ah chuan a inthiam lo ve deuh nge min be chhunzawm tawh lo. Chaw ka ei kham chuan ka tho nalh a,ka thawh rual rual in arawn tho chhuak ve nghal,pan tur ber hre lo chuan ka kal tawp a.
Ka inrin hma in ka kut ah min lo kai a,inchung lam ah min pen chho pui nghal pawk pawk,a pen hlawk si,ka thinrim vang in ka la trawng duh bawk si lo chuan trang trung in ka kal ve zel a. Room pakhat ah hian min luh pui a,ka rin loh lutuk in library alo ni. A changkang em em bawk,thlalak nalh tak tak a tam in painting a tam em em bawk,nature lover te chuan an thil paint ho hi an ngaina dawn lutuk tlat.
“Ka tihpalh,min be tawh la" ka hnung lam atang chuan min lo kuah a,kei erawh ka insang mar leh at tawh. Enge maw a hriat ni ka nghawng vel chu a fawp thawi fua fua a, effect nei lutuk anga lan ka duh loh vang chuan ka thaw hak,a kut phelh ka tum chuan a ti nghet zual sauh.
“Engvangin nge hetah hian min hruai?" Trawng loh ka tum zet na chu ka trawng leh ta nge nge a. A mak hi ka ti tawp,ka thinrim hnawt kiang thei hlawk hmun ah min kalpui ania,engtin nge ka ngainat zawng zawng te hi a hriat theih,ani hi ka hlau ru deuh tlat ani.
“Lehkhabu i ngaina tih ka hria lawm Amore" arawn ti sup a. Zawhna pakhat chu ngati nge ‘Amore' tih a min koh reng,ka hming pawh ani si lo a,mahse ka hming ang hial ah ka ngai tawh in ka hria.
Lehkhabu awmna hmun vel chu min fankual pui a,a thil rawn sawi avang chuan mak ka ti takzet ani “I ti tak tak lo!" Ka ti deuh hap a,nui suk in “I tan vek in he library chhung ah hian lehkhabu sangkhat chuang kar 1 chhung in ka chah!" Arawn tih chuan ka ner ka ner ringawt. Ka ngainat loh zawng pawh a lei vek dawn chu nia.
Lehkhabu chu pakhat ka la chhuak a,novel anih vang in feel tum tak in ka chhiar,table pakhat,lian ve tawk tak,mi pahnih thrut theih na ah chuan kan thru a. Atlas erawh in a laptop a bih ngur a,kei in lehkhabu ka chhiar thung.
Ka chhiar rei hnu chuan ka mut a chhuak deuh a,ka ham ka ham mai,mahse ala ngaihnawm em avang in ka chhiar lui zel tho a. Mipa nui ri suk chu ka mang hriat ruai ruai.
.
.
ATLAS GOMEZ POV
Ka ban kham a,muhil thaw sak sak chu ka thlir reng. A mitmeng lian leh fiah nalh tak kha tun ah chuan a chhing a,a hahdam hmel em em bawk. A hmui no nalh tak pawh chu a senno dek chek a,vawi engzat nge ka tih harh hlau a ka fawh tawh pawh ka hre lo.
Lehkhabu a chhiar lai pawh khan a mut a chhuak tawh tih ka hre reng,mahse ala bih lui ngar ngar anih kha,luhlul ve tak chu ani. Ani ang hi hmeichhia ah ka la hre hauh lo. Hmeichhia chu ka kawp ve fo,mahse ka mit la tak tak hi an awm lo,ani erawh hi chuan ka hmuh tir atang khan ala chat kha nia.
Amah hi ka atchilh hial tawh tih ka hria. Midang a melh in keimah ah hian thinrim na a awm nghal thin a. Kei lo midang ngaihtuah a neih pawn ka thinrim takzet thin. A chhan chu ani hi ka hmangaih a,ka ta chiah ni tur in ka duh bawk. Tun ah chuan la pawm viau lo mahse a rilru no tak leh thianghlim tak hian min la duh ve ang,nilo...min hmangaih ngawih ngawih tur in ka siam khawp ang.
“Ka Amore,min kalsan anih vaih chuan nangmah zawng tur in khawvel pum hi ka hel chhuak ang" vawikhat nan kei Atlas hian hlauh ka nei ve ania,chu pawh naupang lak ah!
A hmui ka tuai ka tuai tak ah chuan arawn zi mar tralh tralh a,a tih dan ngai bawk. Tun ah a inlet leh ang' ka rilru a ka tih rual in a inlet nghal thak a,ka nui ri suk. Ka bul a a mut zan hmasa ber khan ka thlir ning thei lo anih kha,zing lam ah ka mu ta chauh kha nia.
Blanket chhan ah chuan ka kuah hnai sauh sauh a,ani erawh in engmah a hre hauh lo. A hmeltha lutuk chu hlir leh vang vang in ka insum thei tawh lo,a hmui ah chuan ka fawp ta tawk a. Ani erawh ning lutuk in arawn meng chhuak,a thinchhe lutuk te hi a lawmawm zawk.
“I va ninawm sek tak" ti vak in ka awm ah arawn nem/nam a,kei erawh in ka kuah nghet sauh sauh thung. Arawn tal vak chuan ka kuah zo lo threlh ani,te viau mahse a tha a thra reuh zek a,a awm ah te chuan min rawn chum ve a,mahse na pawh ka hre thei lo.
“Mi ti buai reng lo hian mu ve mai mai rawh,i thawh duh leh tho rawh" arawn ti chuan ka nui chhuak hawk hawk,zing atrang a a mood tih fuh loh chu ka duh chiah lo mahse ka nui chuan a ti thinrim ani ngei ang,tal deuh vak in a in lu khup nghal daih,ava han naupang chhia tak! Awh! Naupang mai alawm ala nih!
“Amore, morning kiss min pek a ngai ania" thaw hak a ka tih chuan ala inkhuh lui hram a “Engvang in nge ka pek ang che,nichin ah i lak daih tawh kha phakar suh aw" arawn ti leh chiam a,a aw chu zing atrang pawn a ring em em anih hi.
“Min pe loh anih chuan keiman ka ti leh mai ang" ka tih chuan arawn tal vak a,a inkhuh na ala phelh Chuang lo,ka chet dan tur ah hian min dem thei hauh lo ang.
(Kar hmasa lam weekend kha chu ka hmanlo ropui a maw, regular ka tum ve teh reng nen kan zirtir tu te hian zir tur min pe deuh chhen a)