•Here with me•
Chapter-1
“Kei chu ka ning e,in ti buai an awm leh tawh!!!" Kan piah lawk ah chuan mi an lo awm deuh tuau tuau a,in ti buai chu an awm ngei alawm. Mi an tam em em lehnghal,eng tak chu thleng ang maw?
“Hei hi lawm khawpui awm hahthlak na em em! kei ka ni in ti chin vek rorel na anih hi!" Mimi-i chuan melh ve vang vang pah chuan arawn ti hlar a,an la au lung lung hlawm mai.
“Ramdinsanga a tel ve leh angem le?" Dorkey-i chuan arawn ti ban charh a “Tel awm e mai!" Mimi-i chuan alo ti duh lek chauh “Chupa chu tunge?" ka ti sap a “Kan veng gang leader" Mimi-i chuan uar lutuk in arawn ti a,insum hman lo in ka nui hak.
“An den awm mai mai" ka ti leh sap a “Mahse a hlauhawm hran lo ania,a pawi sawi tu te erawh thi sa ang an ani" Dorkey-i chuan arawn ti ve leh a. “An hausa bawk sia,tu mah hian an man thei tak tak lo,sual viau e tilo hian kan veng mai pawh nilo veng dang thleng hian inchuh tu an tam asin!".
“Kal ang u,hetia awm reng a tha lo" tiin ka thian te chu ka kai nghal dawr dawr a “Ka hmu duh a sin mawle" an la ti dun hram a nih chu!
Dorkey te in ah chuan exam zawh lawm nan ei tur kan siam a kan thian 3 deuh chauh hi kan ni mai,thian dang kan kawm lutuk lo. Kan inkawm khawm lai pawh chuan ninawm khawp in chupa chanchin chu an sawi a.
“Ta em em che u chuan,in piang ve tih a hria mi?" Ka ning lutuk chuan ka ti ve ta tawp a,an ni lah an la hawi heu zui,a hre tawp lo aniang chu. Chu pa chanchin sawi ta em em lo chuan thil chu kan ei a,thleng sil bawk a ni kan hlauh leh ni!
Ka hming chu Sarah Zomuanpuii ani a,tun ah hian kum 18 na ka hmang mek a ni,chuan tun ami kha ka thian kawm ngaih em em Dorkey Ramluahpuii leh Malsawmdawngkimi(Mimi-i) te an ni. Kan chhungkua hi kan tam hran lo a,ka pa,ka nu leh keimah deuh tawp kan ni mai,chu ta kar ah Class 9 atang khan Shillong ah ka pu te bul ah zir na ka chhunzawm a,ka nu leh pa te pawn min ngai thei khawp ang.
Christmas bawr vel ah hi chuan ka haw ve zauh zauh a,ka haw loh hi a tam zawk ang ka ring. Chuan nikum lam ah khan Mizoram ah ka lo haw a,2nd Termination atang ka pite-i te school ah ka lut ve a,a tir chuan a harsa ve viau a mahse thiam lo zawk zawk ka ni lo bawk nen tha tak in ka pass ve mai bawk.
Nikum lawk a haw ka nih avang leh ka chhuah tam loh vang hian hmel hriat leh thian hi ka nei mang lo a,Dorkey-i leh Mimi-i hi an ni deuh mai.
“Kei chu haw mai pawh ka pawi ti tawh lo?" Ka tih chuan an tawng lai chu an tawp dun chawt a,ka inthiam lo ve deuh “A la hma alawm,chu bak ah kan la enjoy zo lo" Dorkey-i chuan arawn ti a “Dar 3:30 ari der tawh alawm" ka ti ve leh sap.
“Kei pawh haw ka duh tawh nia,chhungkaw chhehchhawl an leng rei ngai lo" Mimi-i chuan arawn ti ve leh hlauh mai “In ninawm si!" Dorkey chuan arawn ti pawr hlar a,kan nui dun tawp.
Pawn thleng chuan min lo thlah ve a,ani pawh ala inthlak lo school uniform nen chuan ala awm ve reng a. Mimi-i nen kan awmna a inhnaih avang in kan haw dun thin a,kalkawng ah hian a thuruk min hrilh ve mawlh mawlh zel.
Ka thiante pahnih hi chet zia ah ang lutuk lo mah ila,ka nel ve hle,an thusawi ka ngaihthlak ngun pauh leh an rilru that zia ka hre zau zel hi ani mai. An sual hran lo a mahse a chang chuan midang hi an khak ve fek fek thin,chan awm lo erawh chuan tu mah an ti ngai lem lo.
“Ramdinsanga in tih kha a sual viau em ni a?" An insual na lai bawr vel kan thlen chuan ka hre chhuak thut a “Immm,han ti ila mi ati buai hmasa ngai lo a,mahse a mizia hi a chapo reuh an ti,ngei tu a nei pawh hi an sawi dan ah kha chuan a dem awm hran lo,sual thu ah chuan sual lutuk lo ang,a hrechiang lo ho sawi hi ani zel a,tinge min zawh deuh thut a?".
“Ka hre chhuak thut a,ka zawt mai mai che. Hnaih loh hrim hrim tur anih chu" ka ti vat a “Hey...chu tiang em em a sual chu ani lo ang,mahse in tih buai na a awm apiang hian a hming hi ari tel ngei ngei,a sawk ho chu an na thei lutuk!" a tawp lam ah chuan a nui hak hak a.
Kan inkawt kan thlen chuan kan inmangtha a,a tlai tawh em avang in leng lut tur a ka sawm na pawh min hnial a. Inchhung ka luh chuan Malawmi hi alo awm a,min lo be vat a. Ka nu buai deuh hi chuan min lo puih thin a kan chhungte tho ani. Amah hi nula senior lam deuh hi ania,min be tlangnel thiam em em a,kawm lah chu ti bawk.
Ka room lam ah chuan ka chho a,ka inthlak nghal vat,school kan chawlh thawh tho vang in naktuk ah law law ka inbual mai ang. Inhnuai lam ah chuan chhuk leh in tih tur ang ang chu ka tih pui a,U Malawmi nen pawh kan in kawm ngaih viau.
“Thian te i ngah tawh em Puipui?" Atih chuan lu ka thing mai a “I leng chhuak ngai lo em alawm tiraw,i awm rei anga i nei ve vat mai ang" tiin a thil chhuan lai chu a chawk mawlh mawlh a,reilo te ah chuan ka nu alo haw a,ka pa pawh a hnu deuh lawk darkar chanve vel ah in alo thleng ve nghal.
Dar 6 vel ah chaw kan ei a,U Malawmi pawh ka nu leh pa in zanriah kil ve nghal tur a an tih avang in a ei ve nghal a,kan nui ho leh rih thin.A tleirawl lai a a chet chhiat na a sawi lai chuan chaw bar thei lo khawp in ka nu a nui!
Chaw ei na vel kan seng fel zawh chuan sitting room lam ah kan thu a,thei ei tur keng in ka nu chu arawn phei ve nghal vat. Room lam a chhoh nghal mai an phal thin loh vang hian sitting room ah tv ka en ve reng a.
Reilo te ah U Mapuii pawh a haw a,keipawh ka room lam ah ka chho ve nghal vat bawk. Tih tur a awm vak loh vang in phone ka khawih ve mai mai a,whatapp ah ka luh chuan ka thian te pahnih chu an lo tawng leh nasa tawh mai,an sawi lah chu ka man thei der lo lehnghal.
Exam kan zo tawh bawk a tiin games chu ka khel ve ngei a,ka khel khat tawh bawk nen ka ni deuh huih in ka hria. Chu pawh ka thian te pahnih nen bawk ani kan khelh ni. Thian dang ka mamawh tawh pawn la hre lo,ka thiante ah hian minung an tam em ani!
_______________________________________________
“Vawiin chu iva bazar ang hmiang!" U Malawmi chu ka room ah arawn lut hlawl a,a inchei dan chu a inhmeh hle “Khawi ah?" ka ti hu a “Tak tak in bazar tih lem ah thil min va lam pui lawk la?" arawn ti leh a.
“Ka insiam lo lak lawh tawh e?" ka ti sap a,ani chu a nalh veng tawh a kei chu mut kawr nen ka la mu hlawm reng “A ho lutuk a..a lo thleng dawn chauh alawm,insiam la,inchei lutuk a ngai hleinem!" tiin min rawn kai tho a.
Hawi harh pah ah tiin ka hmai ka va phih a. Jeans kekawr dum a tight ka ha a,sneackers var leh t-shirt var ka ha a,a chung ah jacket dum ka ha leh tawp a,ka sam pawh ka thlah mawl tawp.
“Ka nau han chhiatloh dan hi!" Tiin min fak ve luam a. A thil lam tur in kan inzui chhuak ve nghal a,ke hlir a kan kal avang in street food kan ei ngun hle. Ani lah nula senior hlawh nei tam chin alo ni nen a sum chu ei tur lam ah a ren lo hle,mahse hmang thiam lo lutuk ani chuang lo.
A thil chah chu kan va lam ta ngei a,heels hi alo ni,inkhawm na mi tur aniang. A bun chhin hnu ah chuan pawisa pe fel in bazar pui lam ah chuan kan chhuk a,mi an tam lutuk lo bawk nen a nuam ve reng,mahse a tawp deuh mah mah ani!
Tum loh deuh in thil min lei theuh a,a ngai lo ka tih pawn ka inhmeh deuh ang chu min lei zel.
Dar 2 bawr vel ah chuan kan haw a,kan thlang lam ah hian kekawr hi an lo sale a,keipawn lehkhabu lei ka duh ve vang in kan thil lei zawng zawng khai thla chung in kekawr awm na lam ah chuan a chhuk a,keipawh lehkhabu awmna lam chu ka pan ve nghal vat a.
Min10 dawn ka en hnu ah ‘Wuthering Heights' chu ka la ta hram a,U Malawmi pawh alo in thing nasa lutuk.
U Malawmi lam pan chuan ka kal ve nghal a,kawng ka cross dawn lai tak chuan horn hi arawn ri tuarh a,sir lam ah hian min pawt hrawk tu an awm rual in ka au that!
Lo comment leh theuh ru aw,Chapter 1chauh ala nih ang in ala touch lutuk dawn lo che u a,mahse min lo chhiar sak hram hram dawn nia.
