REVIEW
“Ana!!!" hma lam atang chuan arawn ti vak a “Saw pa saw lawm min thlauh tu kha!" Tiin ka kawk a,a melh ve chiah chuan a break thut a,a helmet ah ka intauh chawrh.
“Ramdinsanga nih saw!!".
•Here with me•
Chapter 3🪐
Anih chuan saw pa saw Ramdinsanga chu maw! A mitmeng run tak nen sawn a in hmeh reuh phian mai. Ka chung a a chet dan ah khan ka dem ta hauh lo. A fel zia leh kohhran vel a a inhman thu hi tu man an sawi ngai lo tlat a. Hnaih emaw a hmel hriat nih saw ka duh lo hul hual!
A bul ah chuan a thianpa ni awm tak hi a ding ve vang a,sawi a nei tih hriat tak in a bu leh nghat thin. A inchei na chuan ka mit ala deuh zar mai. Tshirt var thianghlim zet mai hi a ha a,kekawr bul dum a khup chen vel hi a ha leh a,nike chapal hi a bun bawk. Chu zawng ai chuan a ban leh a nghawng vel a tatoo awm chuan ka mit ala a,mit erawh a ti kham ru viau, chuan a fel vak dawn lo tih a hriat.
A mitmeng chu a rum ngai bawk in ala rum tha hle a,kan awm na hi ava hla deuh hret a,chu ti chung pawh chuan a mitmeng chu ka la hmu chiang tho. “I lo star hman ani maw,VanlalSarah-i ka hriat thin kha i ni tawh miah lo ania..." Dorkey-i rawn tawng ah chuan ka harh thut a,a dar ah ka beng nghal thlawp,hma lam atang chuan arawn pawr leh hle.
“Kal vat mai teh" Khuh kharh in ka ti vak a,phun nuah nuah in scooty a start a,a tlan ve nghal mai bawk. Mami-i awm ve ngat se chu hmai sen vek khawp in min chhaih lai ang. Kalkawng ah chuan min chhaih leh zuk zuk thin a,engah mah ngai lo ang chuan ka awm lui tlat.
Kan gate kan thlen chuan ka chhuk vat a,in lam ka va hawi chuan ka nu in pawn hi alo phiat surh surh a,alo hawi lo bawk nen min hmu miah lo. “Zan in kha chaw ei hma rawh aw?" zawhna mitmeng a ka en chuan alo ner sawk duh lek chauh,nghal ve thei ania aw....
“Ngati maw?" ka ti ha a “I hre vat mai ang,ka kal dawn!" tiin a scooty chu a start a,a tlan liam thleng chuan ka thlir reng. A bei chak ve thei bawk sia,hau ve thin mah ila a beng leh lam ah a lut a leh lam ah hian a chhuak leh thin. Ka nu pawh alo awm tawh lo a,inchhung lam chu ka pan nghal vat bawk.
“Ilo va haw tlai ve?" Inchhung ka luh vel ah chuan ka nu in alo ti vat a,eng tin tin emaw chhang in ka room lam ah ka chho nghal vat. Ka khum ah chuan ka bawk thlawp a,thil ka ei hnem ve ang reng bawk nen ka chau hi ani deuh tawp mai ni. Cher ve viau mah ila thil ei te hi ka thei ve em em ringawt,ka thian te ang em em chuan ka thei chuang lo,keima tawk ah!
Ka phone arawn rik chuan ka en vat a,number hriat loh atang alo ni. Chutiang lam atang call ka dawng chu mak ka ti ru hle “Tu tak ni ang maw.." ti nuah nuah in call chu ka pick a,lehlam ami chu arawn ri deuh sat sat a.
*Hello!* ka tih sup chuan a ri deuh rawk rawk a
*Aw..Sarah-i tiraw?* Hmeichhe aw hian arawn ti a
*Aw ni e*
*I classmate Omomi kha ka nia,min hria em?*
*Aw hria e hria e*
*Im...zan in ah ka birthday kan lawm dawn a,chuan nang hi special tak in ka sawm che nia aw*
*E...mahse..*
* I lo kal loh chuan ka lawm dawn lo ania,thian kan nih kha please!* Ngen tak te hian arawn ngen a
*Aw le,ka lo tum dawn nia*
*Yesss Jeremy an alo lam ang che*
Kan inbiak tawp hnu chuan ka thaw hak a,ka nu leh pa te ka dil phawt angai ang. Ka pa chuan a phal anga mahse ka nu hian a phal ve kher ange maw..Zan lam chhuah hi chu a ril hian a rem ve vak lo a dil pawh hian dil ngawr ngawr a ngai thin,chu bak ah birthday party tih ang vel hi ho a ti tlat thin a.
Zan riah kil na ah chuan ka dil ta ngei a,chaw hi 5:00 vel ah hian kan ei thin.Rin loh deuh in an lo phal a,mahse zawhna min zawt hnem khawp mai *Zu lam a tel dawn em?* *Mipa an awm tam dawn em?* *I thiante chu an fel em?*...tih vel deuh nuai hi ani...Tha tak chuan ka chhang ta vek a,an sual hran lo bawk nen dawt ka sawi lo ang tluk ani.
Dar 5:30 vel ah chuan khua a thim fel der tawh a,chhungkua in tv kan en thap. Door bell arawn rik chuan ka tho nalh a kawngkhar ka va hawng nghal vat bawk. Jeremy-a ka hmuh chuan ka melh deuh vang vang “I va lo kal hma em em?" Ka ti chhuak sap kalkawng ken nachang pawh ka lo hre tawh lo.
“Nia i pa thil sawi pui lawk tur ka nei a" ati tha ve mai a,sitting room lam ah chuan kan inzui phei a keipawh ka room lam ah insiam tur in ka chho ve nghal vat bawk. Ka ha ka nawt a ka hmai ka phih leh bawk a. Ka hmai chu nasa lo te in ka chei ve bawk,ka hman thiam lo vang ani phakhat.
Kawngfual dum ka taksa phuar deuh tur ka khup chen vel hi ka ha a,a ban sin te ang kha anih vang in a chung ah Jacket vat ka ha bawk. U Malawmi min lei sneacker var ka bun leh a,perfume chu ka in kap a,ka sam chu ka thlah tawp a,ka bag chu ak in darthlalang ah chuan ka in en vang vang a,a chhiat lem loh hi!
Inhnuai lam ah chuan ka chhukthla a ka pa leh Jeremy-a chuan enge maw hi an lo sawi dun nasa mai a. Min rawn hmuh chuan min en deuh run a ka chhip atang a ka ke ler thleng in min en dik “Kan kal dawn mi?" nuam lo ti deuh chuan ka ti sap a,bu nghat in arawn ding ve nghal vat.
Ka nu chu thingpui chawi chung hian arawn phei a,ka inchei dan a hmuh chuan a mit ati zim deuh a “Hei hi a tur ve reng ami?" Tiin ka san phir deuh chu arawn kawk a,ka siam tha vat ka zak ru ngei mai ka khuih tha viau khan ka hre sia mawle.
“Rawn haw har ka phal miah lo ania aw..Jeremy rawn thlah leh thlap la tiraw?" ka nu chuan ka bul a ding run pa chu a melh zeuh a,alo bu nghat. Ka nu chuan ka inchei dan chu a en leh thuak thuak a,thla min lak lo chauh ani.
Pawn ah chuan kan inzui chhuak a a tu amah kan tawng lem lo,gate bul a bike inhung ah chuan a lawn vat a,ka lo en hu mak. Bike in maw kan kal dawn,scooty pawh hlauh tawh sa nen ninawm mang e!
“Rawn chuang la?" Nui suk a arawn tih chuan ka bu nghat a,kawrfual ka hak miau avang in hmeichhe thut a thut ka ngai miau,a dar ah chuan vuan in ka thu a,ka thut dan chu a hreawm ru ngei mai,ka tang deuh tung a “Ka kawng pawh kha i kuah thei tho ania aw?" rawn hawi let deuh pah chuan ati sup a.
“A....a ngai lo" ka lo ti deuh vak a,nui suk in a tlan chhuak a,a khalh a chuan chu a hahdam phian,a kawr nghet lutuk in ka tham ve ngei a,a nui leh suk suk thin chuan zei lo min ti tih ka hre ve reng,mahse engah mah ka ngai peih vel lo.
Omomi birthday lawm an tum na hmun chu kan thleng a,a nuam reuh phian lehnghal,ka hawi kual lai chuan min rawn kal pel fua a “Min zui la?" arawn ti sup a,a hnung ah chuan ka zui ve nghal vat bawk,tu mah kan tawng leh tawh lo.
“Henu han chhiat loh dan hi!!" Laldorkey-i leh Mimi-i chuan an lo ti deuh ham ham a,an mahni ka hmuh tak ah chuan pan phei in an dar ah chuan ka beng deuh chawrh,eng vang in nge min hrilh ve miah loh le? An rual in ka kal ve mai tur ania.
“Enge in sawi ve mai loh a,in thian tak tak pawh ka ni lo!" Ka ti ve hlak a “Sorry,mahse Omomi khan Jeremy-a lam tir phet che a tum a.." Mimi-i chuan nui hak in arawn ti a,mahse ka la melh rum tha dun ngei mai. An ni lah chu engmah ngaituah tawh lem lo hian an la lam ang deuh deuh a,an hla play lah chu a thing ngei mai.
“In ninawm ka haw dawn!" Tum hmuk chuan ka ti hmuk a,disco light an vuah bawk nen men a har ka ti “A ngai lo,kan bul ah hian rawn lam ve rawh" Min kai deuh tlat a,thut na lam ah chuan ka phei ta daih. Omomi chu ka bul ah arawn kal a,lawm thu min hrilh deuh chiam,present ka ken loh vang chuan ngaihdam ka dil a,mahse “I lo kal chuan a tawk" ati ringawt.
In tur ah enge ka duh min zawh chuan “Coffee" ka ti vat a,arawn nui hak hak chuan ka en deuh ho mai “I dangdai hle mai,ka rawn la ang" tiin a tho a,a kal zawng pawh chuan a nui tih ka hre thei “Khawnge i thian te?" Jeremy-a chu ka bul ah hian arawn thu hlawl a “A..im..saw tah sawn an awm!" ka ti sap a,music an play ring bawk nen a hre thei lo aniang a mit ko arawn san zauh a.
“Tah sawn.." ti vak in ka kawk a,arawn nuih suk chuan ka nui ve tawp,a hun lo ah hian a nui ang suk suk a. Omomi chu cold coffe keng chung hian arawn phei a “Cold hi i duh zawk ka ring a?" arawn tih chuan a pawi loh thu in ka lo chhang vat a,boruak chu ninawm tak ani.
Ka coffe ken chung chuan pawn ah ka chhuak a,ka thian te pahnih pawh chu ka bul ah an rawn phei ve nghal a “Lalmimi-i lam kha ilo hmu em? Vawk lam chiah chaih" Nui hak hak a Dorkey in arawn tih chuan an inhnial nghal chu ani,dan rual lo in kan nui leh ta vek a.
“Washroom ah kan kal lawk nge ka sam hi a thur e mai!" tiin ka kal sawn a,an party room book na hi a zau hran lo a,mahse a nuam em em thung,a boruak erawh nuam em em lo e,mahse a chei dan vel hi a nalh tlat.
Washroom chu zawn fe hi alo ngai a,kan room ah khan a awm ka ring a mahse let leh nan chuan a hla ve reuh tawh sia. Ka sam chu ka siam tha mawlh mawlh a,a thur duh em em lehnghal. Ka insiam that na lam ah tukverh atang hian thutna fal deuh hi ka zuk hmu a.
Ka insiam fel zawh chuan thutna awm na lam ah chuan ka chhukthla thuai a,music ri chu awm ve mahse a ri deuh riai riai tawh,ka thian ten min lo zawn loh hram ka beisei. Thut na chu ka thleng thla vat a,light chu a in chhi tlar diat diat a. Thutna ah ka thu chiah tih in thli fim hian min rawn chhem nghal heuh heuh a.
Tiang boruak hip tluk a hahdam thlak hi a awm dawn em ni..a nawm dan chu,music ri chu awm lo phei se chuan a nuam leh zual a,massage tone arawn rik chuan ka en nghal a,ka nu hnen atang in haw hma tur a thu chah hi alo awm a,reply ve nghal vat in ka phone chu ka bag ah ka khung leh nghal vat bawk.
Rei fe ka awm hnu chuan ka tho a fan kual ve chu ka chak ta tlat a,a hmun a mawi in eng an chhi deuh diat diat bawk nen a hlauhawm loh hle.
Ka kal kawng ah chuan vanduai thlak lutuk in insual hi an lo awm hlauh a,hmu lo der a kal pelh ka tum chuan mipakhat hian ka ban ah arawn vuan deuh chawt a,ka rak nghal that. “min chhuah lo anih chuan henu hi ka that ang" min vuan tu pa in atih chuan hlauthawng lutuk in ka hawi kual a.
Cool lutuk a min lo melh tu Ramdinsanga ka hmuh chuan ka meng deuh awk hman,a awm na ah hi chuan buaina a awm ngei ngei anih dawn hi...“I duh leh that la,nga tan mah ka ti lo" Ramdinsanga chuan arawn ti hmuk a,min ngaih pawi mawh loh hmel lutuk hian meizial a zui ang deuh deuh a.
“Hey..inbuai na anih hi ka tel ve lo ania" Hlau deuh chuan ka ti chhuak a min vuan tu pa ka en chuan ka rak nghal that,a hmai vel chu thisen a lo kai hnuang a,ka rap lutuk chu ka insum hman lo “Ngawi rawh" min vuan tupa chuan arawn ti hrawk a.
“Hmeichhia mai mai inhum nan i hmang chu nia,tuai i ni hial lo maw?" a tawng dan ngeiawm zet avang chuan min vuan tupa chuan ka ban a hmer na sauh a,ka ner sak..ka lo kal ta kher kher kha ka inchhir ngei mai.
“Nang..." ati hma chiah tih in ka ban ah hian min rawn pawt hrawk a,ka pai deuh lawp mai Ramdinsang misual boss an tih chuan dim miah lo hian arawn hnek ta mawlh mawlh mai a,chupa lah chuan engtin mah ati let ve thei bawk si lo,che lo in ka ding khawng reng ringawt.
“Tawp rawh a thi mai anga sin" Ka harh chhuak thut a,ka thu sawi hria ang pawn a awm lo,a nghawng ah tham in bang ah chuan a thet pawp a,ka rak nghal that. “Thi se enge pawi!" ti hmuk in a ipte a zen a,rawmawl var hi arawn phawrh chhuak a,a kut chu a hru nghal mawlh mawlh.
En pawh min en lo a min kal pel mai a tum chuan ka sa deuh phat a “I va nun rawng ve a,ti saw chuan a thi mai anga sin!!!" Ka ti vak a,ding chawt in arawn hawi phei a,a mitmeng a rum teh reng nen min la melh rum leh zel chu a hlauhawm ngawih ngawih.
“Ka khawih tham pawh anih lo,kalsawn la i tan a tha ang" tiin a kal leh nghal daih a,chhan let chak viau mah ila a hmel a rum that tawh em avang chuan ka tawng tawh lo,bike chak zet a tlan chhuak ri ka hriat chuan ka phu chiam a.
“Saw tah sawn inhliam an awm ania!" Kawt a lo duty ho bul ah chuan ka sawi a,an phei ve nghal vat bawk. Kei chu room lam ah ka han chho leh a,Jeremy-a ka hmuh mai loh avang chuan ka hawi kual ruai a.
“A tu ange maw i zawn le?" Ka bul ah hian Omomi chu alo ding reng a,amah a te reuh sia min ti phu zuk zuk alawm le “Jeremy-a ka zawng deuh" ka ti sap a “Kan nau a chu ava che rang ve" tiin a nui ruh ruh a.
“Haw i duh deuh tawh ami?" Min lo pan pah chuan arawn ti a,lu ka lo bu nghat,ka thian te pahnih chu ka zawng deuh a “An haw tawh" Jeremy-a chuan alo ti sup a “Maw..engtin?" ka tih chuan “An zawng deuh che a mahse i lo awm mai si lo a" ati leh a.
Omomi chu mangtha in pawn ah chuan kan inzui chhuak a,rei lo te amaw anih ka tih lai in dar 9 alo ri thuak tawh. Bike bul kan thlen dawn chuan a ding dat a,ka en hu mai. Min rawn en in a jacket hi a phelh a,ka lo en reng thung. Min rawn pan hnai in ka kawng ah arawn suih a,a rim pa tak chu ka hip deuh hrawk in ka hria,beer a in bawk.
“Rui chung in bike a min phurh i tum maw?" ka ti sap a,zirlai chauh ala nia chutiang a in chu ka duh vak lo. “Ka rui hleinem,chuang la?" Tiin bike ah chuan a lawn a,ngaih ngam chiah lo chuan ka chuang ve ta ran a.
(School te tan ani tawh sia,type chawp deuh mawp mawp a ngai tawh ang..in comment hlu tak kha aw
)