Chapter 4🪐
Zing ka tho chu ka rawl thum mai Jeremy an beer a in tih ka hriat khan thlamuang tak in ka chuang thei tawh lo hrim hrim. Han hau hrep dawn mah ila ka zak ve leh tho si nen be miah lo khan in ah ka lut daih kha nia. Chu bak ah a nun ania,ka in rawlh ve na tur a awm in ka hre lo.
Tho chhuak in ka khum ka siam a ka study table a jacket awm avang chuan ka tawp deuh chawt. Eng tik ah nge arawn lam leh ang le,ka suk sak mai dawn mawnle aw ka hak sak ve lak lawh tawh sia,a ngai ngai a pek leh kha chu a duh ka ring chiah lo.
Inhnuai ah chuan phak deuh chuap hian ka chhukthla a,ka nu ka hmuh mai loh avang chuan ka au a,ala hre thei lo zui,mahse varanda lam a thawm a awm chuan ka phei vat a ka nu in pot vel alo hung sawn mek alo ni. Ka chhuah phei chuan min lo melh deuh awk a “I va chhe ber bur ve!" Alo ti deuh hluk,a sir lam a thuthleng kan dah ah chuan ka thu thla nghal a.
“Tui va lum la in rawh" Tiin lei chu a hai nghal mawlh mawlh “Tinge lei kha i hai vak a?" ka tih chuan min rawn melh lem lo hian a beng thawk a “A zung(roots) chawp hian ka phawi dawn a,inchung lam ah ka sawn chho ang chu ka ti,mahse a theih lo hmel" tiin a dang dang chu a la khawm a.
Keipawh choka lam ah phei in tui chu ka lum a,rei lo te ah a so nghal vat reng bawk a. Ninbu/limbu tui nen chuan ka in nghal vat,ka hrawk a thip thla nghal veng veng mai. Ka inzawh chuan no chu tleuh in ka room lam ah ka chho nghal thuai a.
Ka phone ri tawp chawt rual in ka room ka thleng a,khum chung a ka phone chu ka la vat a. Number hriat loh atang bawk in call ka lo dawng leh chu ni in,ka call back nghal vat bawk. A ring rei lo khawp mai.
*Hello?* ka tih chuan a reh deuh vang vang a
*Hello?* ka ti nawn leh sap
*Jeremy-a ka nia*
*E aw!*
*Nizan vang khan ngaihdam dil che ka duh a?*
*Immm*
*Anih min ngaidam rawh aw?*
*Aw le,mahse i kum ang rual ah chuan a mawi lem lo ania* Ka ti duah a
*Aw le,chuan chaw ei tui le* Nui suk in arawn ti a
*Nang pawh le*
Call kan tih tawp chuan save pawh save lem lo in phone chu ka theh thla nghal a,bathroom ah lut in tui ka lum nghal vat. Ka taksa na them thum hian tui lum ka mamawh ber tih min hrilh nawn tluk tluk mai alawm mawle.
Ka tui lum so vel ah chuan ka inbual a,tlem chuan ka zia deuh mahse dam lutuk erawh ala ni lem lo. Inthlak in inhnuai lam ah chuan ka chhuk vat a. Ka nu in thil alo chawk mawlh mawlh a “Khawnge apa?" ka tih sap chuan “A inbual a,dar 8:00 ah chaw kan ei dawn nia..i pa thingpui in na no hi lo tleuh lawk teh?" ati nghal zung zung a.
Ka pa arawn chhuah chuan chaw ei kan siam nghal a,tunlai chu ka nu hi ka awl hneh ve khawp a,keimah hlir in thleng ka sil a hmun ka phiat bawk. Mahse ei rawng erawh ka bawl ngai lo thung,ka thiam lo tih na ni lo in ka nu siam tluk a tui ka pa nen hian engmah hi kan hre thlawt lo a,ka nu awm hi chuan kan ring tawp zel mai ni.
Chaw ei pah chuan nizan chungchang vel chu ka nu leh pa in min zawt siam siam a,thil tha lutuk a thleng lo bawk nen sawi tur chu ka ngaihtuah zung zung a,mahse nuam ka tih vak loh thu erawh ka zep lem lo. Ka nu leh pa pawn an hrethiam ani chek ang chu an rin dan anih thu in min hrilh ve nghal a.
“Shillong a i pi in arawn call a,thleng sil zawh a be rawh aw?" Ka pa chu choka ah alo dak zauh a,ka bu nghat. Min ngai ve tawh awm reng pawh an ni. Min be lo in an awm rei thei ka ti reng ah,nimin piah lawk ah daih ania kan inbiak,nang ni chuan rei lo in ti mai thei a,mahse kei leh ka pi leh pu tan chuan kar khat tluk zet ani ngei ang.
Thleng ka sil zawh ah chuan ka be ta ngei a,ka biak khat lutuk vang in min rawn hau nghal bawrh bawrh a. Ka exam amaw ti in min lo be hreh chu ni in.
“Puii i chhuak harh peih em?" Ka nu in ka room a ka mu lai chu min rawn koh a “Tinge?" ka lo ti let vak “Thil lei tur a awm a,i peih loh chuan a pawi lo" ka room ah chuan arawn dak a “Peih e..enge a?" ka ti sap “I pa pumpui chakna a zo a,i han kal peih chuan han kal la,mahse a hmanhmawh thlak lo aw,tlai lam ah bak a ngai lo".
Tlai lam ah daih ani avang in keipawh ka muhil daih a,tih tur awm loh hi chuan mut hi ka hna pui ber ani mai.
___________________________________________________________________________________
Ka phone massage tone ri ah chuan ka harh hlawl a sana ka en chuan dar 4:30 alo ri der tawh,tho chhuak in ka hmai ka phih a,ha pawh ka nawt bawk.Inhnuai ah ka chhukthla vat a. “I Kal tawh dawn mi?" ka nu chuan alo ti vat,ka la phu zawk zui.
“Khawi ah?" ka lo ti hu a “I pa damdawi lei chu!!" Nu zaidam a ni zawk zawk lo bawk nen arawn ti leh ta chiam a,lu bu nghat in in chungah chuan ka chho a,kawr lum deuh chu ka han ha a. Inhnuai a ka chhuk leh chuan ka nu hian inleng alo nei reng a,Jeremy-a nu ani.
“Kha.." tiin pawisa chu min pe a keipawh ka chhuak nghal vat..an kal ve fe a ngaih avangin muang chang in ka chho a,hah tawk a han kal vel kha ka peih lo,ka tho chiah bawk nen ka ham ka ham mai,ka sam pawh ka khuih ta lo a.
Damdawi chu ka lei a,ka chhukthla leh nghal mai bawk. Hman ni a Ramdinsanga lo din na ah khan lehkhabu hi an lo zuar a,tum loh deuh in ka en ve ta reng. Tu vak mah in an en ve lo bawk nen keimah deuh tlawng chuan ka ding a,chu bak ah lehkhabu 30 vel bak an chhawp lo. En tu an nei ngai lo aniang ka en chu min lo be tha ngei mai.
Ka en ka en kual chuan Pu Hruaitea ziah ‘Sikpui leh sulhnu' chu ka leisak ta a. U Malawmi te in ah chuan ka peng kawi hram a,ka kal rem em vang ani pakhat. Min hmuh chuan min lo lawm thiam ngei mai,chaw ei tur bawk chuan min sawm leh a,ka nu te lam lam an phone ta nghal a,ka nu pawh chuan “Rawn thleng phawt se la in te" arawn ti a,U Malawmi chuan a scooty chuan kan in lam min pan pui a,an inlam ah ka phei leh ta nghal daih.
“U Malawm?" Ka tih chuan arawn hawi vat a,zawh chi nge chi lo chu ka hre lo na a mahse zawt hrim hrim teh ang...“Ramdinsanga i hria em?" Ka ti sap a “Hria e,tinge?" alo ti vat ka bul ah arawn thu nghal tharh bawk,a phur hmel viau lehnghal.
“A chanchin hi ka lo hre ve nual a,ka zawt mai mai che" nui suk a ka tih chuan a bu nghat a “Immm..imm..a fel lutuk hran lo a,a tet deuh lai hian a U te nen kan inkawm thin a,amah hi a luhlul ve hrim hrim a" arawn ti a.
“Chuan..." ka in rin hma in ka lo ti nghal vat,tinge maw a chungchang chu ka ngaihven em em le, a tak ah hmu ila tlanchhiat na tur ruai ka zawng leh awm sia maw...
“I lo star vel ange a chi dawn miah lo ania aw..pasal tlak anih ka ring lo,i chhungte pawn an phal lo ang" arawn ti nghal duah a,ka lo pha deuh dui a “Naaaa chu tiang lam ani lo,heii ih maw...ih..." sawi dan tur ka hre si lo chuan ka ti ta vak a.
“Ka hria lawm,kan veng nula ho in an inchuh nasa teh mai nia,mahse nga tan mah a ti lo aniang tun thleng hian bialnu a neih awm ka la hre lo. Ka sawi chu,inzawm na siam pui chi ani lo,hei..ka sawi awmzia chu kut te a thlak ang che u" Arawn ti leh a “Ka ngaizawng pawh ka tih loh kha U Malawm!!" ka ti chiam a,nui hak hak in a tho a,chaw hmeh chu a chawk nghal mawlh mawlh.
Dar 6:00 vel ah chuan chaw kan ei a,kei ni ai daih in an ei har thin. An ei hma ber tum anih thu an la sawi zui ania. Chaw ei na vel chu ka seng fel an phal lo tlat a,ka sawi hmaih/hmeih palh chu U Malawmi hian nau mipa pakhat,mipa chiah lo hi anei a
chu chuan a tih pui ani.“Nichin khan Ramdangerous-a kha in sawi a...ehh.." Ropui-a U Malawmi nau chuan arawn ti duai a,a pa hian a chang hi chuan a ben chak hmel thei tawp. “Kan sawi ang,kan thu thu..." U Malawmi chuan arawn ti vak a.
Kanwgkhar an rawn kik chuan Ropuia chuan ava hawng a,U Malawmi thian te an lo ni,U Malawmi chu engthil emaw ti tur in an lo sawm a,hreh viau mahse a pawi mawh em avang chuan min kalsan a Lalropuia teh tlawng nen chuan kan inkawm ta ringawt a. Keipawh haw ka tum a,U Malawmi pa chuan min thlah a tum deuh ut ut a,mahse ka hnial nasa viau.
“Anih bye aw.." Lalropui an no hnap a arawn tih chuan ka chhiah khum vak a. Kan inlam pan chuan muang chang in ka kal a, dar 7 bawr vel ani tawh bawk a,pawn chhuak hmuh tur an vang khawp mai.
“Ding rawh!" ti ri ah chuan ka ding chawt a,aw lo chhuah na lam ka hawi chuan la phu chiam a,ka rak nghal vak tur chu ka hmui alo hup bet nghal hmiah.
“Au suh ang che" ti hmuk in a kut ala thla a,ngei lutuk in Ramdinsanga chu ka melh reng,kawng reh lai a min lo ti ding chu hauh hrep a chhir zui nghek ka chak zia chu a...
“Enge...." Ka ti ve hmuk a,min biak apiang hian dam dup in engmah hi a sawi ngai lo keipawn chu tiang ka biak luam nachhan tur ka hre lo. Nizan avang kha ka thinrim deuh phat a,ka nunna a ngai pawimawh lo lutuk te kha ka ngei so bawrh bawrh.
“I rawmawl rawn phawrh rawh!" Ka melh rum na te chu hrelo ang hmak in min melh duh miah lo a “Nga tan chuan maw?" ka lo ti ve hmak a “Phawrh vat mai rawh" min rawn melh chiah chuan a mitmeng aia rum tur ka hre tawh hauh lo.
Thil in hman tawm duh lo viau mah ila min thin hrep a chak hmel em avang in ka hoodie atang chuah ka rawmawl chu ka phawrh a,ka pek hma hma a arawn ban te chuan min ngei zual tir ngei mai.
Mahse a kut thi hnuang ka hmuh chuan ka hnaih nghal vat a “Tinge a?" Ka tih sap chuan nin hmel zet hian a thaw hrawk a “I mit khan en ta che!" arawn ti nghut,ka en ve reng tih te chu a hre lo amaw ni,min en duh miah lo lehnghal.
A tuam deuh mawp mawp chuan a zei loh zia chu...“I tuam thiam lo ami?" Ka ti sap a,a hma ang em em kha chuan ka thinrim tawh lo “Ninawm!" Tiin min rawn melh a,a tanpui tu zawk min ning ania...
Thaw hak in ka kal pel hmak a,saw tiang chapo lutuk,rilru chhe si hmelchhe ropui si sawn ka pui na a mamawh lo thiam lo viau mahse min ngei hmel ngawih ngawih.
“Rawn tuam ta che!" Ka la kal thui lo bawk nen a tawng chu ka hre pha reng a “Ninawm min tih kha!" ka ti ve nghat a,street light hnuai ah chuan a kut chu a lang chiang lutuk lo na a ner leh sawk thin avang in a na ati ve reng tih ka hria.
Engmah sawi tawh lo chuan a tuam deuh mial mial a,a ti fuh thei lawk lo chu a thaw leh hrawk zel,ava han thinchhe tak!
“Ka lo ti ang" ka pa in tanpui ngai a kan hriat te tanpui tluk a awm lo atih chu hrechhuak zawk in ka pan leh ta nghal a,min la melh duh chuang miah lo anih chu,ka awm ve lo amaw tih tur ani.
Motor tlan a awm ve zauh zauh bawk nen min rawn en hu hlawm zel. Ka va tih sak tawp ngam si lo chu a bul ah ka ding ve ta reng a,a tawp a tawp ah chuan a zo ani ve ngei a a kal sawn nghal hmak anih chu!
“Hey....lawm thu min hrilh miah lo ania" Ka ti vak a..arawn hawi let rang ngei mai“Eng ah?" arawn ti hmuk a,a hre thiam lo nge a hre thiam lo der zawk “Ka rawmawl i hman kha..." ka ti sap a,tawng rin ka tum hian a zawi daih zel.
“Zan dang ah chuan i bialpa emaw i chhungte nen lo chuan chhuak tawh suh ang che!" Ti leh nghut in a kal nghal nal nal a,tu ka bialpa maw..“Bialpa a....." ka ti chiam a,rawn hawi let tum lo tak ani!!
(Ramdinsanga POV tih ve kha ka tum ngei a,mahse uiiii...ngai leh lo
)