Zan dang ah chuan i bialpa emaw i chhungte nen lo chuan chhuak tawh suh ang che!" Ti leh nghut in a kal nghal nal nal a,tu ka bialpa maw..“Bialpa a....." ka ti chiam a,rawn hawi let tum lo tak ani!!
•Here with me•
Chapter 5 🪐
Bialpa emaw chhungte maw? Hnung lam atang chuan ka melh vak a,mahse a kal liam chiah bak ka hmu hman lo,a pen chak em em lehnghal. Chuan...min chhuah pui a thu sweet tak tak min rawn fah tu tur bialpa ka nei lo a,zan chhuah tul lo ti tak chhungte ka nei bawk! A sawi confi em em te chu va koh let a hmai chhan ah ngei chutiang sawi chu ka chak ngei mai...
In lam pan chuan ka kal leh ta hnak hnak a, street light chhe bawk nen phone light chu ka on deuh tawp a,nichin ah pawh tui tling ka rap a,ka moza suk fai ka tih huh vek phah. Kha pa ang em em a min ti thinrim tu leh ka melh rum hi ka la hre lo.
Buaina em em tawk tawh lo chuan in ka thlen g a,inchhung ka luh chuan ka nu leh kan thenawm naupang chum zet mai Remrema hian tv an lo en a. An bul ah ka thu thla ve nghal vat “Khawnge apa?" Ka tih sap chuan min rawn melh vat a “A committee anih kha,rawn hruai pah che a tum a mahse min lo call leh tur ah ngai ang" ati a,keipawh bu nghat in an tv en na ah chuan ka thu ve ta reng.
Sofa ah chuan mu in phone chu ka khawih a,khawih tur em em a awm hran lo. Social media hi ka khawih ve a,mahse ka lut khat khawp mai hmuh nawm vak hi ka hre lo bawk a. Thil chah nan emaw thil hriat zau nan ka khawih ani deuh ber. Chu bak bak a tha a hman dan ka hre tawh lo,e...ka sawi hmaih/hmeih chu..ig ah account ka nei ve a,mahse ka thiante bak ka follow lo,chu pawh ka thlalak ngaih hlut ho dah nan bak ka storage a full chang bak in ka hmang ngai lo.
WhatsApp atang number hriat loh hnen atang massage alo lut a,ka en chian chuan Jeremy-a number lek alo nia.
*I mu tawh ami?*
*Aih mu lo*
*Ok,ka jacket kha naktuk ah ka lo lam ang*
*Aw le*
*I mut a chhuak tawh em?*
*Chhuak hran lo e tinge?*
*Min chhang tawi thei em a
* a massage ka hmuh chuan ka nui chhuak hak a,a emoji hman leh a hmel tak run tur chu ka mitthla ah a lang nghal zat “Tunlai hi nangmah a nuih i ching tlat?" Ka nu in alo tih chuan ka melh vat a,Tv alo melh daih tawh zawk.Kan in be ta zel a, exam chungchang vel chu kan sawi a ka tih that ka in rin vak loh thu ka hrilh ve duah a ani erawh chuan ‘Ka pass dawn' ati bawl mai a! A confidence chanve hi dil ve mai ka duh. Dar 9:00 vel ah chuan kan in mangtha a. Ka nu in ka pa alo la nghak a,keipawn ka nghah pui ve bawk. Remrema chu 8:30 vel ah khan ka va thlah tawh a,api nen chauh an nih avang in a khua hi a har ve thin a,ka nu hian naupang alawm bawk nen alo leng reng thin.
Ka pa te chu an lo haw har zek a,ka nu in mu tawh tur a min tih chuan duh lo in ka nghah pui lui ve ngar a. TV kan lo en tui bawk nen ka pa rawn luh lai kan hre lo reng reng,ka pa rawn tawng thut ah chuan ka nu a rak thawt a,keipawh ka rak ve vak..ka pa tih ngaihna hrelo lutuk chuan room ah min luh san daih a,ka nu nen in nuih in keipawh ka room lam ah ka chho vat. Ka nu in in vel chu a enfel mai thin.
Ka hmai ka phih a,ka ha ka nawt bawk a. Kawr hak nuam deuh tur chu ka ha nghal tharh bawk. Khum ah chuan ka inthawlh nghal a, YouTube ami Pc hras-a thawnthu chhiar chu ngaithla in ka mit ka chhing vang vang. Thlahrang lam ka ngaithla miah lo ania,keipawh hian chu tiang thil chu ka hlau ve tho. Pc Hras tih tawh hi chuan a hrang nghal uar uar mai ni....
______________________________________________________________________________________________________
Ramdinsanga POV:
“Bialpa a....." Ka hawi let tawh lo hrim hrim hmelchhia si a rawl a ring em em lehnghal. Kan inlam pan chuan ka kal mawp mawp a,a phun ri zui nuah nuah ka hriat chuan ka nui suk a,â reuh lutuk mai.
Min melh dan leh a che zia vel ah kha chuan tunge ka nih tih a hre tawh ngei ang. Mahse a Kum rual ho anga min hlauh na mitmeng leh min hnaih duh loh na mitmeng a mit ah khan ka hmu ngai hauh lo. A mitmeng lian kel kawl mahse nalh fiah tak si khan mit ati tlei/tlai hle,mahse en zen zen chi erawh ani lo.
“I lo haw elaw??? Ehe.." U Evelyn-i chuan arawn ti vak a,ka nu leh pa te sitting room lam a thu chu an rawn tho chhuak nghal vat bawk. Henu tak hi chu aw..nula senior over anih hi,zawi tak khan a sawi thei reng!
“Bawiha tinge i kut hneng hnuang chu?" Ka pa in alo ti vat a,ngai ah nei tawh se ka ti ber! “Ka in ti na palh anih hi!" Ka ti hmuk a “Palh atan chuan ana mah mah lo amaw Ramdinsang!" U Evelyn chuan arawn ti leh a,ka melh hrawk chuan min melh rum ve al a,tum loh deuh in naupang te a zet-i kha ka hrechhuak.
“Pa vaw ve tawh teh,a mizia hi a tha lo em mai!" Ka nuih suk nachhan hrelo in kan senior-i bawk chuan arawn ti leh a,ka ning ru takzet ani! “Zing ah kan hau dawn nia!" Ka pa chuan ati dam dap a “I pa Tlangval lai ang mai!" Tiin first-aid box la tur chuan ka nu a kalsawn a.
“A chhe lai ah hi chuan keimah leh bawk maw?" Ka pa pawh a nui ta tawp a. Ka kut te min tih fai sak a damdawi min hnawih sak leh hnu chuan naupang te-i rawmawl kha paih an tum a “Paih a ngai lo!" Ka lo ti hmuk,ka nu chuan lek va va in “Thisen a kai vek tawh hi?" Alo ti a “Awmpui ho suk tir ula min lo pe rawh se!" Ti leh hmuk in ka room ah ka phei a.
Ka thawmhnaw chu pelh in kekawr bul ka in thawlh nghal a,kawr ha lo chuan ka khum lam pan in ka mut nghal a. Mit ka chhing vang vang chuan tul lo lutuk in naupang te-i kha ka mitthla ah arawn lang a. Mipa kan ni a, hmeichhia kan mit la ve deuh te chu kan nei meuh mai mahse naupang a zet-i tluk a hmel tha kha ka la hmu hauh lo!
______________________________________________________________________________________________________________
Sarah Zomuanpuii POV:
“Tho rawh dar 8:00 a ri dawn!!" Ka nu aw ka hriat chuan ka harh zawk a,ka nu in parda chu alo tawn khawm mawlh mawlh. Ka mit tuai thuak thuak in ka thu chhuak a,chu mi rual in ka phone a tla ri nghal thlawp a la kang in ka en dik nghal vat a,engmah chhia a awm lo hlauh.
Nizan ah ka phone ka lo off theihnghilh daih aniang ka phone pawh a thi hmak a, charger ah chuan charge in ka tho chhuak a,bathroom lam ah ka va inphih fai nghal vat a. Inhnuai ah chhukthla vat in pawn lam ka pan nghal a,ka pa walk haw nen kan in tawk a “I va rawn haw tlai ve?" Ka lo ti vat a “Dar 6:00 ah chauh alawm ka thawh,thawh ka hai a.." alo ti ve vat.
Pawn ah chuan thu in kan pangpar chu ka thlir hlawm a,ka mut ala chhuak ru zet na chu in tih harh nen compund vel ah chuan ka teikual ta a. Ka nu in tukverh atang chuan min lo koh a,chaw ei siam tur in inchhunglam ah chuan ka lut vat. Tho chiah a chaw ei nghal chu kan ei tam lo thei ngei mai!
“Puii i thianpa alo kal ania!!" Ka nu in inhnuai atang chuan min koh lang lang a,keipawh khum atang a tho chhuak in inhnuai lam ah chuan ka chhukthla vat. Jeremy-a ngawi reng a kan sitting room a alo thu ka hmuh chuan ka pan vat a.
“I jacket chu mi?" Thuthleng dar a thut pah chuan ka ti sap a “Immm" ati ve sup,tawng miah lo chuan kan thu leh ta run run a “Immm ih ..thingpui te i duh em?" Sawi tur ka hriat loh em avang chuan ka ti sap a,inleng te em han biak loh chu tlawm ah ka la ve deuh.
“Coffee pawh a pawi lo!" Arawn ti sup a,bu nghat in choka lam ah ka phei a,ka nu in “I inleng te tinge ilo phei san a?" Ati a “Aw...coffee ka siam sak dawn lawm!" Ka ti nghal vat. Coffee chu ka siam sak a,ka siam chhung in ka nu nen an lo inkawm a. Coffee chawi chung a ka phei chuan min lo nuih suk,ka nu in min sawi mualpho loh ngei ka beisei. Nursery ka kal tirh dawn vel a ka chet chhiat na hi sawi nuam ati em em lehnghal a.
“I siam thiam hle mai" ati sup a “Nia.." lai deuh reuh chuan ka ti sap. “Ka pangpar huan te saw mawi asin,Jeremy va kal ta che u?" Ka nu in atih chuan arawn ding chhuak vat a ka en hu mai “Min lo kal pui la?" Atih chuan ka ding ve nghal vat a.
A hmun a cheng ka nih vang nge a mawi na em em ka hre hran lo a. Zawhna min zawt zauh zauh tih loh chu kan inbe leh ta miah lo a. Inchhung kan luh vel ah chuan haw a rawt ta ngei a “Lawk i jacket!” tiin inchunglam ah ka tlanchho a,a jacket ka suk fai thar hlak chu ka pe nghal a.
“Ti kha chuan tlan tawh suh,i in ti na hlauh ange!" Ati sup a ka bu ve nghat,min hrilh nachang a hria chu a polite ka ti rilru hle. Gate thleng chuan ka thlah a “suk kher a ngai lo asin" thlek zauh pah a atih chuan ka nui mai a.
A tlan liam chu ka thlir reng a, ka luh dawn chuan ka hawi let leh kher a..min en tu awm a ka hriat na kha alo dik anih hi! Kan inbul ah leh zel pawh hmuh tur a awm ania ava han all round mai mai tak! A mitmeng saw a chhum rum ani chiang ang!!!
“Jeremy-a nen khan in inngaizawng ve em ni?" Ka nu in atih chuan “A teuh lo mai...thian bak kan ni lo!!" Ka ti chiam a tinge maw mipa nen min teh khin reng mai le? Ka lerh viau amaw ni?
“Kha ti chiam chiam a phat!" Ka nu in atih chuan ka thu thla a,ka phone ka en san daih. Ngaihzawng nei tur chuan ka thisen in ala ngam lo,chu bak ah ka type ka la hre lo ti mai ang. Kan veng ah pawh hian Tlangval min ngaizawng tu ka nei ve duah a,a then phei chu vantlang chunglam daih te an ni,an hmel pawh a chhe lo. Mahse keimah ah hian hnar tu an awm tlat zel.
A chang phei chuan chian loh na ka nei amaw ka ti hial thin a,mahse a hun tak ah Pathian in min pe dawn tih hi ka hria a. Zawn buai em em ngai lo in min pe anga,ka duhzawng tur tak min pe dawn tih hi ka chiang bawk.
Tlai ah chuan ka thiante pahnih an lo leng hlawl a,an ri deuh chul hlawm mai “Ramdinsanga kan hmu asin nichin khan!" Dorkey in atih chuan ka bu nghat a “In inlam hi alo hawi char char a,a thian te nen eng eng emaw an sawi a an rawn nui leh vak zel" Mimi in atih chuan kan misual-a nui vak tur hmel ka mitthla a,mahse ka mitthla thiam miah lo. A nui hmel hi ka la hmu miah lo a,hmu tur in a bul a awm reng ka ni lo bawk.
“Dorkey,Mimi chaw ei nghal ru aw,ka chhum kep che u nia?" Ka nu chu kan bul ah arawn thu ve a “Yess..sa free" Mimi-i chuan phur lutuk hian arawn ti a “Alu kan alawm kan hmeh dawn" ka tih chuan min rawn melh rum vak a. Ti em em a sa han duh mai chuh,vawk ah an chang tep tawh ang.
Kan thian thum chuan ka nu ei rawng bawl chu kan puih a,ka nu chu kan awl hneh hle. A tawp ah phei chuan thuthleng ah thu in kan tih tur min hrilh tawp tawh,ka thiante lah chu phur em em hian an che sawt sawt a.
“Ava han tui tak!!" Zanriah kil na ah chuan kan nui ho leh dar dar thin a “Pa lawm,hei hi ka kan anih hi ei teuh rawh" an thil siam chu ka pa an ei tir reng a. Ka pa chuan tui ti tak in alo ei sak ve zel bawk,an lawm thiam em em lehnghal a.
“Ti khan seng fel ula,thei(fruits) in rawn keng phei dawn nia!" Tiin ka nu in choka atang min chhuah san a,kei ni pawh tih fel pah in kan tawng leh nghal char char bawk. Kan tih fel zawh chuan sitting room lam ah phei in thei chu kan ei ho a,tv lam pawh ngaihtuah lo chuan kan inkawm khawm ta zawk a. Kan chhungkua heti lek hi kan ni sia,inkawm khawm tham pawh kan awm ngai lo.
“Riak ula ani mai lawm?" Ka tih chuan “A chi loh ang,chaw ei kha a tawk viau anii..min ning ru tih te hi kan hre ve reng alawm tiraw Mimi!" Dorkey-i chuan Mimi-i chu a nghawk zeuh a,min kah rawn leh ta chiam a.
Haw an rawt chuan gate thleng ka thlah a,la kal ta mai lo chuan thil kan sawi khawm leh rih a “Anih aw...naktuk ah park ah leng ang u?" Mimi in atih chuan “Naa..tunlai chu ka chhuak ngun tawh em mai a inthlahrun awm,kar leh ah ti mai ang u" ka lo ti vat a “School luh hma tak tak aw" Mimi in atih chuan ka bu nghat a,in mangtha in an tlan liam chu ka thlir a,laldorkey-i hi chu hauh deuh angai,a speed hi a hniam thiam thlawt lo!
Gate ka pawt hawng chiah tih in ka ban ah min lo vuan tu hi an awm a,phu zawk in ka hawi nghal a,kan misual-a bawk alo ni. Min be miah lo chuan min en run run a,rei en ngam lo in ka thaw hak a,ka ban ala vawn reng chu lak sawn ka tum a,alo thlah ve mai bawk.
“Eng nge?" Mitko san zauh a ka tih chuan a ipte atang hian ka rawmawl arawn phawrh a,ka lo melh reng “I kut kha hmang ta che!" Arawn ti hmuk a,ka ban ve nghal vat. Kal leh nghal mai a tum chu “Hey..." Ka ti vak a,arawn hawi let ve teh mial.
“Ka beng hi ala tha ve reng kha tia pawng paw au chiam kha a ngai lo!" Arawn ti leh hmuk a “Lawm thu min hrilh lo ania?" Ka ti sap a,eng vang a a hnen atang lawm thu hriat chu chak em em nge maw ka nih le.
“Tei vet a!!" Ti hmak in kal sawn leh a tum nghal a,mahse a lawm thu sawi na ka ngaithla dawn hi ani hrim hrim a hma ah chuan ding in ka ban ka phar hliai a “Lawmthu sawi chu a har viau em ni,ka i neih ve reng kha?" A aw anga cool ruih leh ni hmuk chuan ka ti ve a.
“Ka ka atang chutiang hriat beisei suh naupang!" Ti ve hmuk a min kal pel a tum chu a hma ah chuan ka ding leh vang a,a ning deuh nge arawn thaw ta hrawk mai,hlau ve deuh tho mah ila ka posi a lai tawh em avang in ka melh ve ran a.
Arawn kun hniam thut chuan ka phu zawk a “Ka ei zo vek mai ang che!" Arawn ti sup chuan ka per dawrh a. Rum lutuk a ka han melh chuan a nui suk a nih chu!! A nui hmel ka la hmu ngai lo bawk nen ka melh reng a,nuih suk mah nise thil mawi lo tak erawh ani lem lo!
Ka melh reng avang chuan rawn meng rum leh tan in “I ninawm reuh mang e!" Tiin min kal pel hmak a. Nizan ang bawk in a kal liam lai chu ka thlir leh ta a. A jumper gray hak chuan a vun ngo lam pang chu ati ngo lehzual ngei mai! Lawmthu sawi na pawh ka ngaithla ta lo lehnghal!!
Inchhung ah lut in ka room lam ah ka chho nghal a,in ti fai zung zung in khum ah ka inthawlh nghal hmak bawk. Muhil em em lo chuan phone ka khawih ta a.
Aw le,in comment te chhiar ava nuam thin em! Chuan silent reader te chungah pawh khan lawm thu ka sawi bawk e aw!!