Here with me Chapter 6

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

Here with me Chapter 6

Unread post by Zualy juneblies » January 14th, 2023, 4:57 pm

REVIEW


Inchhung ah lut in ka room lam ah ka chho nghal a,in ti fai zung zung in khum ah ka inthawlh nghal hmak bawk. Muhil em em lo chuan phone ka khawih ta a.



Chapter 6 🪐



Hun chu a kal ve bek bek a,naktuk mai ah hian school pawh kan tan tawh dawn. High lam anih vang in chawlh rei lutuk kha a chi loh reng reng a. Chuan kan results pawh a chhuak tawh a, result duhawm tak chu ka nei ve ngei a,ka thiante pahnih pawh an pass tha dun khawp mai. Jeremy-a pawh ka lo rin loh deuh in a bawn phian a,Top 10 ah 1% in a lang lo a,a chhungte pawn an ui pui khawp mai. Zirtir tu te pawn kan awm lai ngei in fuihna thu te an hrilh a,chuan ka sir lawk ah hian alo thu reng a,ka lo hre ngai miah lo chu ni in.







“Puii rawn chhuk teh!" Ka nu in atih chuan ka chhukthla vat a,nidang ah inhnuai atang min au lung lung ngai si lo a mak ti deuh in ka chhuk a. Sitting room lam ah ka phei nghal bawk. Putar zahawm hmel deuh hmel keu vuk mai hi ka pa nen an lo inbia a,ka nu in a bul a kal tur a min tih chuan ka thu thla ve vat.







“Hei hi kan nei chhun ve liau liau anih hi" ka pa chuan ati a min chibai tir a “Nui der ve ta che" min rawn nghawk zauh in ka nu in atih chuan ka nui ve suk a. Ka hriat loh lai hian ka lo smiling face lo leh thin a,buaithlak thei lutuk. Ka nelawm teh reng nen hian min lo nel lo leh thin!






“Tunge a?" Choka ah ka nu nen kan inzui phei a “I pa te office a a head anih kha" atih chuan ka ner sak a “Chutiang vang mai mai chuan maw min nuih tir,ka nui hmel hi ka hmuh mai mai tawh dawn lo" ka tih chuan min rawn melh hraw a,min hauh chu chak viau mahse ka room lam ah ka chho daih a,tih tur pawimawh em em ka nei tawh lo bawk nen.







Karkhat tluan zet ka chhuak tawh lo a,room ah ka inkhung ti mai ang. Ka thiante lah chutiang bawk,kan mu nileng hi ani mai. Ka nu chu ka puih ve tho a,mahse inchhung tih fel vel ah ani mai. A pangpar vel a sik sawi kual vel hi puih ka tum in a duh ngai miah lo a,a chhan pawh a duh khirh lutuk hi ani.






Tunlai phei chu social media a eitur tha leh hrisel an ziah na vel hi a chhiar nasa a,kan chaw ei tur vel pawh a al khat tawh khawp mai. Kei chuan thil al lam ka duh avang hian chi hi ka telh nawn leh zel a,ka pa erawh chuan a awm awm chu a ei tawp a. Ka nu in ka pa example ah hmang in min hau ziah,ka pa lah a nui mai mai zel.







Zing ka tho chu midang ai mah in a nuam a,dar 9 ah school tan anih vang in ka inbual hmasa phawt a,ke hian ka kal mai thin a. Mimi-i nen kan ni thin bawk,min rawn sawm har leh viau ka rin avang in keipawh ka che muang lui thin a,ka nu duhzawng erawh a ni ngai lo thung.






Inbual zung zung in kekawr bul leh kawr thlawl hek hawk chu ka ha a,chaw ei kham ah hian ka insiam mai zel a. Ka bag pawh a in peih sa at tawh. School kal hun a kan ah rih loh nan lehkhabu thenkhat ho chu results lam dawn vel ah khan kan thian 3 chuan kan keng a,midang in min it hlawm khawp mai. Ka thiante thluak anih kha!






Tukin chu tui lum nilo in bawnghnute ka in zawk a, school kal dawn hi chuan ka nu in min in tir tlang pui. Artui te ka kan zawh chuan chaw ka ei a, first day anih ang in chawhma chauh school kan kal dawn a,engmah kan tih erawh ka ring lo. Naktuk tang strick veh vawh in kan kal leh ka ring,chuvang chuan vawiin chu enjoy em em ila ni mai!






Chaw ka ei kham chuan ka thleng chu thleng sil na ah ka dah a,sil tawh lem lo in ka room ah ka chho a. Ka insiam nghal mawlh mawlh. Ka sam chu ka tawn sang vah a,ka chalsam chu khuih thuak thuak in ka chul a,a phir lutuk thin hi ka ngei thei ania,nidang ah pawh tap tep in ka khuih thin,tui nen han ti huh ve mah ila hruk nawk nawk a ngai ziah.






“I va hman har ve!" Mimi-i chu ka room ah alo lut a,ka phut zawk chuan dar san ak in arawn lut a,ani pawh hian school kal chu a peih vak lo tih ka khum a a mut duai dan ah hian ka hrethiam mai a.A phur zawng ah hi chuan a za cheng zel.






“Ninawm e! Sawrkar school em pawh an la kal lo a,keini ve hi chu a.." ati nuah nuah a,ka rin dan reng anih avang in ka nui ringawt a. Dorkey-i chu kan sawm chho bawk a,kan pathum a kan awm chuan kan ri leh ta chel lul hlawm a. Kan thian thum hian chalsam kan neih vek avang in ‘Chalsam ruali te thian' kan school a a nghal fal ho chuan min koh ziah a, Dorkey-i zak lutuk chuan a kilh chho hmak zel.








School pawh kan thleng har lo a. Kan classroom kan luh chuan min lo chibai sap sap hlawm a,an va han over ve chiang tak!
“Tinge!" Ti sap in Jeremy-a chu ka en a,engmah sawi lo in ka bul ah arawn thu hlawl anih chu!






“Sir Mc an Maths a weak lo bul ah thu rawh ati lawm" ati sup a,kan class hmeichhe ngei tawk a tling ngei mai. A bik in kan hnung lawk a thu Malsawmi hian min ngei hmel lutuk tlat.







Thaw hak in hma lam ka hawi a,ka sam an lo pawt leh zauh zauh thin erawh ka haider ta mai a. Jeremy-a lah chuan engmah hre ve hmel a pu lo,a melh ngai chu a melh char char a. Sir te an lo luh chuan thil an sawi liam a,3rd term a kan tan angaih zia an rawn sawi hlawm bawk a.







Engmah kan ti lo chu ani tluan parh mai a. Ka thiante ka va melh chuan an lo tawng tui leh nasa tawh mai a. Nui suk in keipawn pawn lam ka thlir ta daih a “Kei chu mi duh lai chhuh sak ching ho hi ka ngaithei miah lo Hmingi?" Malsawmi rawn tawng ah chuan ka harh zawk a,mahse ka hawi na ngai ah tho chuan ka la hawi tho.







“I mood ava off ve?" Ka thiante pahnih chuan ka awm dan danglam deuh chu an hria aniang min lo zawt vat a,Malsawmi thu sawi vang mai mai a ka mood dik lo chu ka in haw ru hle,keimah min sawi chhan pawh a nih ka ring si lo.






“Off em em lo e" ka ti sap a,an ban ah chuan kut rawlh lut in ka kal ve mawp mawp a. Dorkey-i te inah chuan kan chawl haw a. Kan haw leh nghal vat bawk. Inchhung ka luh chuan ka nu ka hmu mai lo a, sitting room lam a ka en chuan phone hi a lo en a “Ka lo haw aw!" Ka tih sap a “I ril a tam em?" Atih chuan ka bu nghat a.







“Han inthlak la noodles ka lo chhum ang che" tiin a tarmit a phelh a,a bawm ah chuan a khung a. Keipawh ka room ah chuan ka chho vat a,ka corridor lam ah phei in nizan ah ka rawmawl suk chu ka seng a. Tak a! Ramdinsanga pawh kha hman zan atang khan ka hmu lo vang vang tawh a,hmuh pawh ka duh chiah in ka inhre lo. Ka room ah ka tawm tlat bawk a...







Inhnuai a ka chhuk chuan ka nu in alo siam peih diam tawh a, ka ei ve nghal vat bawk “Thenawm te inah kan leng ve lawk aw" atih chuan ka bu nghat a,a chhuak zui nghal mai bawk. Keipawh chuan ka ei zo thuai a,ka ei na vel leh ka nu thingpui in na no chu ka sil nghal bawk.







In ah tu mah an awm loh avang in sitting room ah chuan ka phei a,phone ka en mial mial bawk. Tun ang lai ah chuan tv te hi kan lawm tawh lo a,phone hi kan ti tlangpui tawh. Shillong ah ka pi leh pu in chhuk leh tur in min lo thlem reng a,ka chak viau na chu ka nu leh pa ten an phal lo a. Fanu neih chhun nih hi chu a nawm rual rual in a hreawm thin,khawi hmun ah pawh hian kan zin thei lo a,zin phal pawh nise ka nu leh pa te chiah an awm avangin ka ngaih a ngam vak ngai lo a. Ka thlamuang pui awm viau e tih na chu ani lo bawk.







Ka nu pawh rin ai in a leng rei a,thenawm te naute arawn hruai haw leh a. Keipawh naute ngaina lo zawk zawk ka ni lo bawk nen ka awm ve ta reng a. Ka pa pawh vawiin chu alo haw hma a,nidang ah chuan 5 vel ah in alo thleng thin a. Kan thenawm naute duhawm zet mai chu ka nu eirawng bawl chhung in ka room ah ka pawm chho a.






A la kal thei lo bawk nen ka room ah chuan a vak reng a,in hau thawm ni awm tak ka hriat chuan ka room corridor ah naute chu pawm vat in ka phei nghal a. Kan in piah deuh lawk ah chuan in ti buai hi an lo awm a,va en chian tum a ka kal hnai chuan a hla mah mah sia “Ramdinsanga a tel ve angem le?" Ka phun chhuak sap a.







Rei en tawh lo in ka room lam ah chuan ka phei a,naute chu ka khum ah nghat in a khalh tur vel chu ka lak sak a. Khawpui a awm hi chu ka ning thin.








Chaw ei kham chuan sitting room ah kan chhungkua in Tv kan en a,kan kawngkhar an rawn kik rik rak rak chuan ka va hawng vat a,ka pa thiante nupa hi an lo leng a,ka nu thingpui lum tur chu ka zui ve nghal vat a,mipui hi chu ka ngam lo ve mawle!







“Nu...room ah ka chho dawn aw?" Ka tih sap chuan min rawn melh a,min chhan pawh a tum lo aniang tui chu tap ah a herh haw a “Please in!" Ka tih leh sap ah chuan ka nu chu a bu ta nghat a “Dar 9 ah mu nghal ang che,naktuk school kal anih kha,ka rawn en dik leh thlap dawn nia" atih chuan ka room lam ah ka tlanchho nghal a.







Ka khum ah chuan ka bawk nghal thlawp a,phone ah chuan games ka khel ve bawk a. Ka thih ngun em avang chuan thinrim lutuk in ka out nghal vat a. Ka guitar chu la chhuak in corridor a thutna kan dah ah chuan ka thu thla a. Guitar perh in zawi te te in ka sak pui bawk.







Ka nu leh pa ka ngaih chang khan guitar perh in inchung ah ka zai thin a,zan mut theih loh khawp a ngaih chang te pawh ka nei thin a. Mahse tun ah chuan ka bul ah an awm tawh a,ka awm a nuam veng veng. Tun ah chuan ka pi te ka ngai ani ngei ang!






Tho chhuak vat in inchhung ah ka lut nghal a,khum ah chuan ka mu leh ren rawn a,mahse ka mut a chhuah loh em avangin ka tho leh ta zawk a. Ka nu te bul ah ka chhukthla leh a.






Kan inleng te pawh an la awm reng a,zan ala rei lo bawk nen an la leng dawn chauh in ka hria. Ka pa in dawr a min tirh chuan peih lo viau mah ila,ka kal ta hna hna a.






Dawr hi ava hlat deuh avang in muangchang in ka kal a,ka kal hah peih lo ka tih tawh kha. Ramdinsanga ka hmu ang tih erawh ka hlau khawp mai,min tawng khum leh fek fek anga,thu sawi tam si lo hian a sawi ngeiawm thei si!






Dawr ah chuan thil chu ka lei a,ka lei tam vak loh vang in ka hoodie ipte hma lam ah chuan ka hnawh lut deuh pawp pawp a. Muangchang chuan ka phei leh ta hna hna a. Kan thenawm te in ka thleng dawn tep tih ah thawm hi ka hre ta thut a.





Ka hawi phei chuan engmah ka hmu bawk si lo a,kan thenawm te chuan an hre ve miah lo aniang hla an play bawk nen. Kal mai ka tum chuan a aia chiang zawk chuan na tuar ri hi ka hre leh a,ka beng ka dawh vang vang a.






Kan thenawm te in bul mai a thingkung lian lutuk tak mai atang a lo chhuak ani tih ka hriat chuan ka hawi phei vat a mahse tu mah ka hmu chuang miah lo,a va thuk deuh hlek avang in ka kal ngam lawk lo a,mahse na tuar rum ri chu a rin em avang chuan ka phei ta tho a.






Ka thil hmuh vang chuan ka ding chawt a,ka thawm ah an rawn hawi phei nghal vat bawk. Ramdinsanga leh mipa pakhat hi an lo in din chilh run a,Ramdinsang an min lo hmuh meuh chuan a thaw hawk a.





“Wow...hmeichhe hmel tha tak maw! Ava han nuam dawn em?" Tiin mipa khat hian a kut pahnih hi a tuai dun thuak thuak a “Joel!" Ramdinsanga chuan ati hmuk a,a din chilh run pa chuan min hlek te te in “Naupang zun ah maw! Haha" tiin za lo zet hian a nui a.





Muangchang in ka lam arawn pan a,min kal pel ngal hmak anih chu! Hepa han sual dan em em hi...ka che ngam tawh si lo chu ka ding khawng reng a mahse ka hnung lam atang in ka dar leh lam leh lam ah rawn vuan tu an awm chuan ka phu zawk a,tunge anih ka hriat hnu chuan ka ngaih a ngam ve ta deuh.







“Ei zawh vek chu i duh tak tak ami?" Ka beng bul ah rawn kun hniam in ati sup a,ka hawi phei chuan a ding tha leh nghal vat a. A thil sawi mai mai chuh! Hring ei amaw a in ti mawnile!!






“Joel lo buaipui ru" atih hmuk rual in an in hnek nghal chawrh a,an thawm a tha ngei mai. Che chang lo a ka thlir reng lai chuan ka ban rek ah min pawt hrawk a,min kal pui nghal hmawk hmawk a.






“Haw rawh!" Ti hmuk in ka kut a paih thla a,ka pei deuh dawrh mai,min hnung chhawn a kal leh mai a tum chuan “Lawk in?" ka ti sap a,ning tih hriat lutuk a thaw hawk in arawn hawi let a,a mitko chu a san nghal ak.






“I...in sual ve dawn mi?" Ka tih sap chuan “I buaina ani lo!" Ati nghut a “Insual khan i hlim viau ami? Nge i rilru hah na a bo zawk?" ka ti leh nghat a,min en run run a. Hlau ve viau mah ila ka en let ve kal a.






“Chutiang deuh chu!" Ti nghut in muang chang in min rawn pan a,ka hma ah chuan a ding nghal run a,rawn kun hniam in ka hmai bul chet ah hian “Naupang zan a vak daw daw thin leh tawngthei em em hi ka sawisa nasa bik!" ati sup chuan ka tawlh dawrh a,a nui nghal suk.





“Haw rawh!" A nui hmel thlak hlawk in arawn ti leh hmuk a,a thil sawi zawh chiah avang khan kan inlam pan in ka tlan ta chiam a. Mahse a sawi ah khan a enge maw zawk mah kha ka ni lo,zan ah ka vak daw daw lo a,chuan ka tawngthei lo bawk. Tinge maw ka hmuh duh lo em em lai hian ka hmuh reng mai le?






Kan in ah chuan thaw hlawp hlawp in ka lut a “Ti chiam chiam nge?" Ka pa in alo ti vat a,lu thing nawk in ka thil lei chu ka pe a,inchunglam ah ka tlanchho leh nghal hmak. Corridor lam ah phei in ka hawi chhuak vat a,mahse chu mi lai awm vel ah chuan eng pakhat mah a awm lo reng reng.






‘Hepa hi hnaih emaw hmuh leh pawh ka duh tawh lo,khawihngaih in Lalpa...' ka sap a,ka thinphu pawh ala pangai thei lo. Ka khum ah chuan thu vang vang in ka awm chu ka dawm vang vang a. Zan ah chiah hmuh tur a awm te hian ati hlauhawm zual ngawih ngawih anih hi!




Ka muthilh lai pawh ka hre lo,ka alarm rawn ri ah chuan ka harh a,ka tho chhuak nghal vat. Bathroom ah chuan lut in ka ha ka nawt a ka hmai ka phih bawk.





Inhnuai a ka chhuk chuan ka nu alo che leh melh melh tawh a “Kha in rawh" tiin bawnghnute chu min rawn pe a,keipawn ka in nghal vat a. Ka pa walk alo haw chuan chaw kan ei a. Chaw ei na vel ka seng fel angaih loh vang in ka room lam ah insiam tur in ka chho a.





“Jeremy an alo sawm che a nia aw!" ka nu in ka room kawngkhar arawn hawn zauh chuan ka lo meng phawk vak a!




👽
**********
Feel lo deuh chung in ka type leh ta duah e🤣 chuan ka lo regular lo deuh a nih pawn min hau su,mahse regular chu ka lo tum hram hram ang. Chuan save na ah hian problem a awm thin a,a buaithlak khawp mai. Type vek phawt a ngai thin!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)