Jeremy an min lo sawm maw?" ka ti sap a “Aw,rawn chhuk vat rawh i insiam rei thei mah mah bawk!" Tiin a chhuak zui leh nghal mai a. Mak ti rilru tak chung chuan ka sam ka tawn mawlh mawlh a. A tan a harsat awm zawk teh reng nen min lo sawm peih chu mak ka ti takzet. An in atang kal zawk se a thleng hma daih zawk ka ring.
Darthlalang ah chuan in en thuak thuak in inhnuai lam ah chuan ka chhukthla a,choka lam ka va bih zawk chuan ka nu in ka tiffin tur alo siam mek a. Sitting room lam ah ka phei nghal vat a. Jeremy lo thu reng ka hmuh chuan ka phei vat a “Tinge min lo sawm teh thut a?" Sawi tur ka hrelo si mahse biak lo tha si lo ah chuan ka zawt sap a.
“In inbul ah hian ka thianpa a awm a,ka rawn kal lawk a a remchang em a ka rawn sawm che" ati sup a bu nghat in sofa dang ah chuan ka thu thla nghal vat a. Tawng ta em em lo chuan kan ngawi dun kar a kan inmelh fu leh zauh zel tih loh chu a tu amah hian tawng kan tum lo.
“I tiffin!" Ka nu in alo tih chuan ka phei vat a,ka bag ah ka khung nghal thuai bawk. “Mimi-i nghak lawk ila,a lo thleng har tawh lo ang?" Jeremy bulah chuan ka ti sap a “Aw le" ati ve sup. Tawng reng hi a tum lo mai!
“Thawh ka hai/hei a ka lo kal tlai deuh anih hi" Mimi-i chu a lo thleng har lo reng a,Jeremy lo thu ngawi ran a hmuh chuan min signal zauh a. “Dorkey-i pawh ala tho lo,sawm lo mai ang" Mimi in atih chuan sana ka en vat a,an in leh school a inhlat vak lo bawk a,mut a kham thei hle ani!
Mimi-i ban ah chuan ka kaihkuah deuh at a,kan hnung ah ngawi reng in Jeremy-a alo kal ve reng a. Mimi-i nen chuan inbia in kan nui leh hak hak zel,kan hnung ami pawh chuan min be lem lo a kan be vak chuang lo bawk.
Kan hma a bike horn ri tuarh ah chuan ka phu zawk a,kan hma ah hian bike hi alo ding reng. Kawng lai ah kan kal tawp pawh ani si lo a,horn min rawn pe chiam anih chu!
“School naupang chauh maw!" Ti sup ah chuan zep thu cheng lo in kan misual lutuk pa ani tih ka hria. A chhuak dawn ani ngei ang a in dress dan chu a nalh zar mai. A tir khan helmet full face a khum vang in ka lo hre lawk lo a.
Mimi in min rawn sih tak nawk ah chuan ka rak that a,Ramdinsuala ka lo en reng chu ni in! A mitmeng rum lam mah mah chuan min lo melh ve kur a,aw thian kharh in “I hmuh ang hian" ka ti ve ngat a,confi chu ka tum ve lutuk mahse a mi melh dan hian min ti lai vek zel.
“Thlah i ngai em?" Atih tak hmuk ah chuan awih lo lutuk in ka melh dawrh a,ka mitmeng ah chuan ka awih lo zia a hmuh thiam mai ka ring. “Ngai lo,thian te nen kan kal hi mahse ka lawm e" Ka ti sap a,ka chhan dan pawh a bah nuai mai.
Kan hnung lam melh zauh in “Atthlak hian!" Ati hmuk a,chak zet hian a helmet khum in a tlanchhuak lehnghal. Hmun enge maw ah chuan an rel sup sup ang chu.
“Engtin nge in in hriat a?"Mak ti lutuk a rawn ti tu chu ka melh zawk a,kan misuala tlan liam na kawng chu ka melh leh vang vang a “Kan inhriat dan chu engpawh ni se a tha lem lo!" ka ti chhuak hmuk a. A sual thiam zia ka hrilh hrep dawn zawk amaw ni!
“In muang!" Ti hmuk in Jeremy chuan min lo kal pel fua a,Mimi-i nen chuan kan zui ve nghal vat bawk. School kan thlen chuan rin ai in mi an la tam lutuk lo a,dar rik dawn ah Dorkey-i pawh arawn thleng ve thei ta hram a. Ramdinsuala nen kan inhmel hriat thu Mimi in a sawi chuan “A vei em alawm" Dorkey-i chuan uar lutuk in alo la ti zui a.
“Lunch break hi ka fav period" Tiffin kan ei kham vel ah chuan kan seat ah thu in kan ti ti a,midang ho chu an chhuak sap sap a a then te erawh in tiffin an ei thung,class tin ah tiffin ei muang hi chu an awm vek.
“Ramdina nen in in hria hi mak ka la ti tawp thei lo" Mimi in arawn tih chuan ka nui mai a “En teh,lalsarah-i thlah a ngaih leh ngaih lo te a zawt anih chu" Mimi in arawn tih leh nak chuan Dorkey-i pawh a awm mai mai thei tawh lo “In inngaizawng ami?" Arawn ti chhuak phawng a,ban phar hliai in “Ani lo,bialpa neih ka duh lo bawk" ka ti ta chiam a.
“Ni e,a duh chi i ni lo ang i fel mah mah" Tiin a inngaihtuah deuh vung vung a. Bell a rik chuan an lo lut sap sap a,keini erawh kan tho chhuak ve chiah,bathroom ah kal in kan inti fai a,lip bam chauh a chhiat loh chu har tak ani.
“Khawnge i lehkhabu?" Jeremy chu ka va melh zauh a, “Ka pai lo" ati sup chuan ka melh haw a. Class topper ani a,lehkhabu ken loh mai mai a chi loh tih hre tur chu ani asin mawle.
Ka lehkha bu chu ka va dah hnai deuh a,alo bih ve nghal mai bawk. Miss in thil chu a explain mawlh mawlh a,dawhkan a a bawh tak ngar ah chuan ka ngaihsak vak peih tawh lo a. School ban vel ah phak chuap hian alo tho ve ta chiah a.
.
“Ka lo thleng" Inchhung ka luh rual rual chuan ka ti nghal a,ka nu ka hmuh nghal mai loh avang chuan ka room lam ah ka chho nghal vat bawk. Inthlak sawk sawk in ka insil fai a,ka khum ah chuan mu dar dar in phone ka khawih nghal hmak bawk. Zan lam ah ka homework ka ti mai aniang chu,tun ah chuan a mood ah pawh ka la cheng lo.
Instagram ah chuan lut in reels vel chu ka en mai mai a,ka thiante pahnih min rawn thawn ho chu ka en leh ta vek bawk. Reels leh video share lam ah hi chuan an kut hi a chak dun lutuk a,thil viral apiang hi min lo thawn hman ziah bawk.
Zan ah chuan homework tiin lehkha ka zir ve malh malh a,ka massage tone a rawn Rik chuan ka en vat a,Jeremy a hnen atang alo ni. Vawiin a note kan copy ho kha min rawn dil a,engmah a ziak ve lo ka ti reng ani. Thla chu la mawlh mawlh in ka thawn ve nghal thuai a.
“I la mu nange?" Ka phone en lai ber kher in ka pa alo dak a “Lehkha i zir amaw ka tia?" Alo tih haw chuan “Phone ka en lai chauh in anih kha ilo luh" ka ti sap a. Ka room ah chuan rawn lut in corridor lam chu a thlek vual vual a “I room hi sawn ka a tha ang,hnuai lam atang lawn a awl sam dawn e mai i fimkhur vak si lo a a hlauhawm tlat" atih chuan ka tho chhuak ve vat a.
“khawnge ka insawn chuan ang?" Ka tih chuan ngaihtuah thil hi a ngaihtuah vung vung a “Ka hre lo le,kan la ngaihtuah tha dawn nia i room tukverh hi khar uluk la aw" tiin min chhuah san a,tukverh chu khar in parda chu ka zar phui nghal vek a.
Ramdinsanga POV:
Ka hma a insual te pahnih chu en in ka nui suk a,an buaina a ho mai sia! “Zawnga i ngam chuan ka bialnu chungchang a chhe zawng in sawi leh rawh ka that tawh ang che" Ebenezer an atih chuan Ruatdika chu a nui hawk a “I bialnu kha ks anih kha ks!" Atih leh rual in arawn hnek nghal pawp a.
Tho vat in kan awmna atang chuan ka chhuak nghal daih bawk. College chu ka pa thu pek ang chuan vawiin chu ka kal ve ngei a,mahse lehkha pawh ka zir lo ka thu tawp ti ila ka sawi sual lo ang. Chu ta kar ah hmeichhe in feng chhing leh ninawm zet zet in min zar buai reng a,ka tan chuan a ninawm lutuk mah mah bawk.
“Tukin kha ka hmu reng che nia aw!" Rawn ti sup tu bul ah chuan ka mit ka san ak a “Ramdinsang an a vawikhat nan hmeichhia a be ve anih chu!" Ruatdika bawk chuan arawn ti leh a “Ngawi rawh,i tawngthei vang anih kha i hmai a duk chur!" Ka tih hmuk chuan a nui ang sawng lehnghal a.
“Sawi sual ka nei chuang hleinem Bro! A bialnu khan zantin min rawn video call a ka ning ve tho alawm,nangmah ang in school naupang mai mai ka ngaizawng dawn" atih duah chuan ka melh hrawk a. Engtik ah nge kha naupang kha ka ngaihzawn tih ka sawi reng reng!
“Ngawi mai teh Lalruatdik!" Ti hmuk in ka tho chhuak a,ka bike park na lam ah chuan ka kal nghal vat bawk. Bike ah chuan thu in chak zet in ka tlanchhuak nghal a,thawm ah chuan ka thianten min lo zui ani tih ka hre thei.
Traffic a jam chuan ka hawi kual a,naupang-i bialpa kha ka hmu chat a. Ani saw eng vang in nge ka mil thak loh ka hre lo. Naupang mai mai mil lo rual pawh ka ni tawh lo.
Kan naupang-i lah chuan ka rilru a luah rauh ruah lehnghal a,ka vawikhat hmuh na tang ka mit ala nghal em em a,mahse a hmel innocent em avang in ka hnaih duh lo. Min hmu ve lo mahse amah hmu tur in an in bul ah ka kal fo a,mahse hmeichhe hawi zau vak ani lo bawk nen min hmu ngai lem lo.
Tukverh parda zar hmak tu chu ka ngei ru hle, hun nei tam lo viau mah ila ka thlir ve dauh dauh a mahse a parda min zar san daih anih chu! Enge ka chungah thleng teh hrep mi! Ka nunah hmeichhe seng luh hi ka duh lo.
(Zawm leh tur aw
)