•Here with me•
Chapter 8
Sarah Zomuanpuii POV:
Bike tlan ri ring lutuk avang chuan ka phu zawk a,thin rim tun in khum lam ka pan ta zal zal a. Zan tlai lam ani tawh a,tun ang hun a midang ngaihtuah malek a tlan thin ho hi chu khawilai a mihausa fa te emaw an ni ngei ngei. Mihring kan in ang lo a,lungphu tha lo nei te kan awm bawk a,midang hi chu ngaihtuah ve tal tur ania. Kan thenawm nu ka ngaihtuah hle ani!
Ka pa sawi ang tak tak chuan ka room corridor ah chuan lawn chhoh hi a rem dawn lutuk a. Ka nu pangpar khawi na rinchhan deuh hian a lawn theih a,mahse hei leh chen ka awm tawh a,hlauh chiam na chhan tur ka nei lo. Ka pa in min ngaihtuah vang ani tih chu hre tho mah ila.
Ka room chhung a thli rawn thaw lut veuh veuh ah chuan tukverh ka khar lo tih ka hre chiah a,peih lo deuh a tho chhuak in ka va khar leh ta hram a. Parda chu zar phui leh nghal in ka khum lam bawk chu ka pan leh a,light chu off vek in ka phone ka khawih nauh nauh a. Ka thiante pahnih chu an lo online leh nasa tawh ngei mai,an status chu en sen pawh a ni lo. Status han neih vel hi mawi ka ti teh chiam lo a,ka chhungte leh thiante birthday wish nan tih loh ka hmang ngai lem lo a.
Ka thiante pahnih pawh hi an mahni tawk ah chuan luck ve tak an ni mahse an mahni hi an nu lo ka ti mai. Mipa tih ang ang chu tih vel an tum zel a,a chang phei chuan ka nuih nasa thei ania.
Shillong a ka awm lai khan duh ruk ve deuh mai hi ka nei a,tun thleng pawh hian ka la duh reng. Amah chu mipa cher sang lam ania Ramdinsanga nen hian an pian a in ang deuh ang mahse tlem in Ramdinsanga a sang zawk maithei. Ka duh ve tih a hre reng a mahse min naupang chei reuh tlat a. Ka nu leh a nu pawh thian tha tak an ni a,Delhi lam ah class an kal ho thin ani awm e.
Chuan chu pa chu Zothantluanga nia,amah chu a ngo deuh var a mahse mawi lo em em in a ngo chuang lo. Mizoram ah kan in hmu ve fo tawh a mahse biak en ah pawh min en ngai lem lo,chuan Shillong ah doctor arawn zir a,tun ah chuan doctor tha tak anih tawh ngei ka ring ani. Mizoram ah engtik ah nge alo haw chhoh ang tih ka ngaihtuah veng veng thin a. Mahse chutiang chu ka tan tangkai na a awm lo,a chhan pawh bialnu nghet a nei miau a. Ka rilru chu a chang chuan a na ve thin a mahse kei a ralkhat thik ringawt kha a tul tam pui lo hle a,chuan min hre hmel pawh hian a awm ngai lo bawk. Ka pi leh pu te nen kan awm tlan chang chuan min be ve zauh zauh a mahse a thu min zawh ho chu *Class engzat nge inih?* Tih vel bak ani ngai lo.
.......
Ka muthlih lai reng reng ka lo hre lo,zing ka tho chu ka tho nuam hle a. Dar zat ka en chuan 6:00 chiah ala ni bawk. Mu tawh lem lo in ka tho chhuak a,inhnuai lam ka pan thla nghal chhat chhat bawk,ka nu chu alo tho diam tawh a,chaw alo chhum mek a,thingpui alo in mek bawk,phone a bih ngar a.
“I va tho hma ve?" Atih chuan “Nia,nizan ka mut har ang ai in ka tho hma daih a" ti a chhang in no ka la chhuak a,ka tui lum in tur ka thli chhuak nghal bawk. Zing boruak thiang tak hip luh chu thil nuam lo zawk zawk ani lem lo khawp mai. Zing ah hian ka tho hma vak ngai lo bawk nen ka thawh hma chhun ah chuan a nuam ngei mai. Zing ah ka tho hma tawh ang hi ka ti ziah a mahse ka thei lo leh nge nge thin,sawi loh hian alo theih zawk mah anih hi!
“Test tur te in nei em?" Ka nu in a thingpui in na no thlengsil na ah nghah pah chuan arawn ti sup a “Nei lo e,exam a hnai tawh sia revise deuh char char ani mai" ka lo ti mai a. School kan lut chiah a exam boruak in min chiah piah nghal hi chu a ninawm in thaw a pik ngawih ngawih,nun enjoy ve thei lutuk lo mah ila keima tawk ah hian ka hlim ve em em tho(Dawt ani lo!)
Tui lum ka in zawh chuan inchhung chu ka phiat thuak thuak a,bal kan ngah lo leh pek khawp mai. A chhuat ah tile kan hman vang hian bal hi chu a lang ve thei lutuk a,chu vang in ka nu pawh in uluk tak te in a uluk. Pawn chu ka phiah zawm lehnghal mai a,ka nu tih tur tul ang ang ka lo chhawk ve hian nuam ka ti hrim hrim. Ka ti zen zen ngai lo bawk nen.
Hmun ka phiah lai chuan Ramdinsuala walk ni awm tak hi ka hmu a,arawn tlan fua a ka en zui vawng vawng. Min hmu ang pawn a awm lo...enge maw hepa hian ka rilru a luah ve chhen mai le! A sual in a tawng kam a ngeiawm thei ropui si.
“Insiam a hun der ania Puii?" Ka nu in atih chuan bu nghat in ka room lam ah ka chho a. Ka pa tiffin tur ka siam sak leh thlap bawk nen alo tlai ve duai tawh a. In ti fai na hun tlem ka neih vang in ka intleuh thuak thuak a. Uniform nen inhnuai a ka chhukthlak chuan mak ti tak in ka ding chawt a,U Zothana kan sitting room a alo thu reng ka hmuh chuan ka che thei lawk lo. Nizan a ka ngaihtuah chhuah vang kha ani angem le? Naa..hmuh leh pawh ka duh tawh lo asin!
“Puii! Hei I U Zothana alo leng ania lo tlan teh!" Ka nu chuan thingpui no2 hi arawn chawi va va a,hreh tak chuan ka phei hna hna a. A hmel ka hmuh chuan ka zak deuh chem chem in ka hria hman ang bawk khan ala hmel tha reng a a vun pawh a hma ai zawng in a eng leh tawh,tun ah chuan doctor tih hriat zet in tarmit a vuah a,a lang smirt ngawih ngawih.
“I dam maw?" A aw pawh a hma ang tho a pa leh nalh tak kha ani “Immm dam e" ka ti sap a “I rawn chho zawk ami?" Ka nu in thingpui pek pah chuan ati a “Zawk lo e,ka awm char char tawh ka ring!" Tiin min rawn melh kher a,choka lam ah ka phei nghal daih bawk.
Ka tiffin chu ka nu in alo siam peih leh diam tawh a. Ka bag ah chuan ka khung nghal vat bawk. Door bell alo rik chuan ka va hawng a Jeremy-a alo ni reng a,ka lo en leh haw tawh. Min rawn sawm leh tih na mawni le “Puii tunge?" Ka nu in alo ti vat a “Jeremy an min lo sawm a!" Ka ti let ve vat,nuih suk in kawng ka kian a alo lut ve nghal mai bawk. Sitting room lam ah chuan kan inzui phei nghal a “I va han fel thin tak" ka nu chuan alo ti vat a,ka nu ep chiah ah chuan a thu thla ve nghal. Ka ngaihbel nge ni U Zothana chuan Jeremy chu a en chik hle a.
“Jer,kal ila?" Ka tih sap chuan alo hawi chhuak a min rawn nuih suk in alo tho ve nghal vat “Nu kan kal" tiin ka nu chu ka melh zauh a lu alo bu nghat. U Zothana ka en leh zawk a Jeremy nen kan in zui chhuak ve nghal bawk. “Khawnge i thiannu kha?" Atih chuan nui pat pat in “Ka hrethiam mai" ka ti a,ani erawh a chek hluk thung “Tak tak in a damlo a,a kal thei dawn lo a" ka ti tha leh vel a.
“Mimi-i chu a damlo khat khawp asin ngati nge le,kan ila?" Dorkey in arawn tih chuan ka bu nghat nghat a “Nia,mahse vawiin ah chuan ka theih loh hmel ka ti?" Ka ti sap a “Timaw?" Alo ti hu,henu hriat na chak loh zia hi “Vawiin kan hall tih fai ni ania,kan haw tlai dawn lutuk lunch break ah pawh zir deuh ngat ngat ka ngai dawn" ka tih chuan hrechhuak in a lu a bu chiam a.
Science teacher alo luh chuan kan thu awn leh duai tawh a,Sir Hydrogen-a ve hi chu a fapa te a fak chiam loh leh a ramhuai thawnthu min hrilh chiam zel a,a class pawh hi kan man har thei bik viau. Jeremy pawh a bawk leh vang tawh a,mut hi a duh ve thlerh thlerh lutuk a,an hau ve deuh reng zel.
“Doctor Zothana kha in hria em? F. Laltlanmawia Hospital nei tu fapa saw nia...hmani ah khan mizoram ah alo haw a,bazar ah ka hmu a chhelo rap mawle mahse mask vuah deuh at zel a maw!" Ka thil tih fai pui te chuan an sawi sap sap a ngaihsak tum lem lo viau mah ila ka beng verh zar anih vang in ka ngawi kar a.
“Ka hria lawm, Instagram ah pawh ka follow reng. Mizo hmeichhe milar ho in an follow kim deuh vek ang mahse follow back pakhat mah a nei si lo,a post comments tu te pawh a chhang let ngai lo. Induh ve tak chu ani" theihnghilh tum vel a a hming rawn ri sek chu ka thinrim tun mai!
Ka bag chu la in keimah chuan ka haw hnak hnak a,thian tawngpui tur neih loh chuan a khawhar thlak ngei mai. Haw vel ah lehkha zir a ngai leh dawn sia peih lo tak ka ni.
Kawng ka cross dawn chiah tih in horn hi arawn ti thawt a,ka ban ah min pawt nghal hrawk bawk. “Khawnge i mit hi i dah thin le!" Rawn ti hrawk ah chuan ka hawi chhuak a kan misuala chuan a mitmeng rum sa lutuk nen chuan min rawn melh rum a. Ka tha te ala khur thei in ka hria. “Naupang! arawn ti leh hmuk ah chuan ka en reng tih ka hre chiah a.
“Ka en ve reng alawm,alo kal thut anih kha!" Ka ti leh ve vat a “I en lo chian zia chu i hriat ka ring" arawn ti hmuk a,ka chhang let peih vak tawh lo mi mah rilru buai nak a lai in. “Tinge hmun tin ah hmuh tur i awm a?" Ka ti nuah nuah a,a hriat tur a sawi pawh ka ni lem lo “I awm zawk chu anih hi" arawn ti ve hmuk a,ka ban erawh ala hmer nghet hle thung.
“Khaw maw min thlah teh,ka kal dawn" tiin ka kut ka thing thla a “Chuan ka lawm e" ka ti sap a ani erawh in min la melh rum hle “Ka lawm e tih hi zir ve rawh" ka ti leh sap a,ka hmuh apiang in sawi ang deuh thaw chu ka ni. Chuan kan inhmuh apiang hian a tu emaw zawk zawk hi kan in tanpui deuh ziah bawk. A mak hle mai!
“Nangmah chiah in mi i nih?"arawn tih hmuk chuan ka bu nghat a tawngka a ka chhang lo chu a lawm teh chiam lo aniang “I ka khan!" Arawn ti leh hmak a,ngeiawm vet vet tak chu ani hepa hi chu!
“Aw" ka ti ve hmuk a “Naupang sual i ni maw? I haw tlai dan ah" nui suk a arawn tih chuan ngei lutuk in ka melh a kawngpui an ah kan awm tih hre ka hre tawh lo “Chutiang chu ka ni lo,hall kan ti fai a ka tlai anih hi!" Ka ti chhuak vak a,min en tu an awm neuh neuh tih chu hre mah ila min ngaihdan dik lo lutuk kha ka ngei ani ber mai ni!
“Ka beng hi chu ala tha ve a nia Naupang sual!" Arawn ti nghut chuan ka hawi tau sawk a zebra crossing ah chuan ka ding nghal vang bawk. Naupang sual a! School ka luh na ah nungchang tha ber award ka la thin tih hi ka hrilh hrep zawk dawn amaw ni le!
Ka kut a min rawn kai in kawng chu min cross pui a,mak ti tak in ka en reng ani erawh min ngaihsak hauh lo in a ding leh a vei lam chu a en tawn chhen a. Zah na hun a awm tawh lo,min kai phei deuh mawp mawp in ka hria.
“Keimah in ka kal thei!" Ti sap in ka ban ka pawt let a. Min cross pui zawh pawh khan ala kai char char anih chu! Kan kut chu en zauh in a thlah a “Haw rawh!" Tiin a inher a a kalsawn nghal hmak anih chu! Lawm thu em pawh ka hrilh hma in a kal daih a,mahse a tha zawk biak khu ka chak em em bik tlat lo.
NOTE:Min lo chhiat sak leh avang in ka lawm vek e. Exam hi ni Feb 13 ah kan tan dawn a, entrance pek tur ka nei ve neuh neuh bawk nen ka regu thei dawn lo a. Min lo hrethiam dawn nia.