Jovial POV:
“Tho rawh i rit lutuk a nia!" Ti vak in a awm ah chuan ka nam chhen a,engah mah ngai lo in a insiam tha sauh sauh thung,thip lutuk a ka han melh ve na te chu a nui pui leh sak a. “Kiss ka dawn hma chu ka tho dawn lo a nia Amore!" Ti sup tu dar ah chuan ka chum leh zawt a. Mipa sa chhe lam ani lo bawk nen a rit reuh zek a.
“Ka thaw thei lo Atlas! I thawh vat loh chuan ka kek hrep dawn che nia. Zing ka thawh hma pawn kiss te chu i la daih tawh ani lawm ni,i hmui kha dah awl ve mai mai rawh!" Ti chhuak chiam in ka tal nghek a,enge maw a hriat ni ri meuh in a nui ta hawk hawk a,mak ti lutuk in ka che lai pawh chu lai zet in ka tawp chat.
“Amore,thaw thei lo ni la kha tiang zat zat a thu tam kha i sawi ka ring hauh lo?" Tiin min rawn melh thla a,ka chet leh hma in ka kut pahnih chu man in ka lu chung ah a nawr bet nghal hmiah a. Ka han melh rum ve tak na a hmel nung sarh chuan ka thinrim ati reh riai riai mai!
“Ti vat la Amore,nge mut ila kham lo zawk?" Tiin arawn awn hnai sauh a,lukham ah ka lu ka nawr deuh tawk a ka thaw nghal hak “I va han over tak!" Mizo tawng chuan ka ti chhuak hak a,a hrethiam lo ani chek ang chu zawhna mitmeng in min melh ta run mai a,a hriat thiam chi pawh va ni suh a!
“Enge i sawi?" Atih sup chuan “I hmelchhe lutuk!" Mizo tawng bawk chuan ka ti leh a,ka thusawi chu dawt ani tih hriat tak in a mitmeng mawi tak chuan min melh run a,ka chil ka lem nghal khalh. “Khaw..khaw..ka tho duh!" Tiin ka in beng kang a mahse thei lo chiang tak ka ni.
“Amore,ti hmasa la chuan i kal dawn nia" a hmel chu a dam phian a,a awm a tatoo melh zauh in ka thaw halh a “Ninawm lutuk" Ka ti hak bawk,a biang arawn dawh chuan ben sak hrep ka nak,mahse ka zun hi a chhuak tawh lutuk a,ka ti vat lo anih chuan ka in ti mualpho dawn tih hi ka chiang.
“Good Girl!" Ka fawh zawh vel ah chuan ati nghal a,ka kut a thlah dul rual in a rang a rang in ka pit chhuak nghal a,bathroom ah ka tlan lut nghal chiam bawk. A nui ri hawk ka hriat chuan kawngkhar chu na zet in ka khar a. Ka lak ah hian tih luih na ava han hmang nasa tawh tak!
Inbual nghal in inthlak na room lam chu ka pan nghal a. Ka inthlak zawh chuan room lam hawi chuan ka dak de de a,Atlas min hnung chhawn zawng a a mu ka hmuh chuan ka thaw huai mai. Thawm dim tak in ka pan phei a,a tel lo a chhuk chu ka duh bik thak lo.
A hma a ka din tak ah chuan a mit alo chhing chial a,a hmel hmuh chu hahdam tak ani. Hmuh nuam lo zawk zawk ani lo. Enge maw ka hriat ni a hmai bul chet ah chuan khum rinchhan deuh in ka thu hniam a,a hmel chu ka melh vang vang bawk. Sual viau lo se chuan ka atchilh hial ang ka ring.
A mitmeng hriam hrak chu a chhing chial a,a thaw sak sak bawk. Tun a a lan dan ber ah chuan a khawvel hi a nawm hmel ngawih ngawih. A biang ka khawih zauh chuan a harh miah lo a,a mut nghet ani ngei ang.Zing lam a mut leh hi chuan kan mut hi a nghet talh tawh zel mai a nia.
A hmui chu lai zet in ka en a,a biang chu ka chul deuh thuak thuak bawk,a harh har zek a,a muthilh chhung chauh hian ka khawih ngam tih ka hre chiah. “I va rimtui ve Amore!" tih ri ah chuan nasa tak hian ka phu a,khum rinchhan a thu ka ni bawk nen ka tla thla nghal tawp a,ka thal chiang ngei mai.
Atlas chu hlauhthawn hmel tak hian arawn tho chhuak a,kei erawh chu zak lutuk in hnuai lam ka bih char char. Min rawn pawm thawh chuan ka rak that a. Khum ah chuan min thut thlak pui a,ka mal vel chu a tuai thuak thuak a,ka ban vel a en kual ruai bawk.
“Ka tihpalh Amore,na i nei em sawi rawh?" Tiin ka khup a tuai thuak thuak a “A...aiiihh..nei lo" Ka tih bah niai a,min be tawh lo se ka lawm zawk ang. “Ka tihpalh lutuk Amore?" Tiin min kuah hlun a,kawr a hak loh vang in a taksa lum thur thur chuan min zem nghal chiai chiai a.
“Chuan..." Atih lai mek in a hmui ka han hup chawt a,ka zahna tur engmah sawi lo se ka duh,nui suk in ka kut chu a fawp zauh a ka la thla rang ngei mai. “Zak duh lem suh Amore" tiin ala nui zui.
“Va inbual vat rawh" tiin a mal chung atang ka tho a,melh pawh ka melh tawh lem lo. Rawn tho chhuak in ka chal ah a fawp vang vang a bathroom lam ah a lut nghal vat bawk. A luh fel vel ah chuan ka thaw huai a ‘Mawli,zahpuiawm nu' inkek pah chuan ka ti ta nghek a.
......
Inhnuai lam ah chuan a ngai te bawk in kan chhuk dun leh a,dining hall lian zet ah chuan maid 3 in eitur an lo chhawp mek a,ka thutna tur min pawh chhuah sak a ka thu nghal vat bawk. Maid ho chu ka melh zauh a,hlauh nei reng a awm hi an ang ka ti ber.
“Amore!" Ti hmuk ri ah chuan ka hawi sawn a “Enge?" ka ti sap a “Ei rawh le Amore" ati dam leh ang dup a.Ei tur chu kan ei mawlh mawlh a,mizo bai ka ngai ngei mai! An thil siam hi a tui hlawm viau na chu zo buh ngei ka ei chak tawh.
“He thil hi tu siam nge?" Ka ngawih vung vung lai chuan Atlas chuan arawn ti hrawk a ka melh nghal vat “Keimah ka ni e Boss" hmeichhe pakhat hi arawn lut a,Atlas chuan a melh rum ngei mai. A tui ati vak lo aniang,a siam pawh ani tawp si lo a hah tak in an siam awm sia.
“Amore ngaihnat loh zawng hi vawikhat mah siam tawh suh,anih loh chuah ka that ang che!" Atih hrawk chuan ka melh dawrh a,buaina chu keimah hi maw. Ka duh loh zawng ani tih ka sawi lai reng ka hre lo!
“Nilo Atlas!" Ka ti vat a min rawn en in ka plate a melh zauh a “Chhuak rawh!" atih nghut chuan maid nu chu a chhuak ta zal zal a. A kal liam chu ka thlir reng a. “A dang ei mai rawh Amore!" Arawn ti sup chuan ka thaw hak a.
“Atlas...he thil hi ka ngaina lo tih engtik ah nge ka sawi reng reng" ka ti chhuak ta hram a “I vawikhat ei na ah ei chhunzawm lo in i in ngaihtuah vung vung ani lawm ni! I tui tih zawng chu tiang a i tih phal chu ka ring chiah lo" arawn ti sup a,ka thaw hak.
“I buaina a ho lutuk,kha tiang tih vak pawh kha a ngai em ni? Nunna i hlut lo hle mai" ka ti chhuak hmuk a melh pawh melh tawh lo in tui chu ka in nghal khawlh khawlh a “Kei lo midang tan zawng a i tawng leh chuan ka that tak tak tawh ang Amore,tih nat che ka hlauh vang in ka dawh hram hram anih hi" a aw ki ah pawh chuan a lungawi lo tih phat rual ani lo!
“Ei rawh!" Atih leh hmuk tak ah chuan thinrim ru tak chuan ka ei chhunzawm nghal a. Kan in be ta lo char char a,a office kan awm chhung zawng pawh chuan a tawng lo,keipawh chu ti tho. Laptop bih ngur in a thu ran a,kei erawh in lehkhabu ka chhiar san daih a.
“I ril a tam em Amore?" Ti sup in ka kawng ah arawn kuah a lu ka lo thing nghat a “Min chhang ve la?" tiin ka nghawng arawn nawr nak nak a,ka za deuh ar ar mai “Tam lo" ka ti thei tawk a.
“A tam ang,eng tham mah i ei lo" tiin min thawh pui a,dining hall lam min pan pui leh ta a. Ka chhungte ka ngai takzet! Ka hmuh loh na rei tawh zia ka hriat hian ka tah a chhuak zauh. Engtik ah nge ka haw leh theih ang le?
A thil ei lai chu ka en reng a. A thu awih ang hian awm ila,a ngaihnat tur hian awm ta ila,ka bum thei mai angem,mahse ani tawh leh biak hi ka chak zawk zawk lo hle. Lem chang ang reng a ka nun a ngai dawn si a!
A tawp ta..
Tih ders....