Dining hall liam tak lam ah chuan min kai phei leh a,a kut chuan ka taksa chu a hlat ngai lo hrim hrim. Maid duty ho ka hmuh mai loh avang chuan ka hawi kual thuak a. Enga tinge an bo deuh duak hlawm mai le?
“Buaina a awm em ni Amore?" Ti sup ri ah chuan ka mit ka la sawn thuai a ka han melh ve zawk a,min lo melh leh run avang chuan ka mit ka la sawn leh ta zal zal a. Thuthleng pawh melh ila a thik ang tih tur hian a awm ziah,hepa em em hi chu ka hrethiam thei thlawt lo.
Mafia chungchang hi chu ka thiante ka atang ka lo hre ve fo tawh a. An sawi sual in pawisak an neih loh hmel em em a,an ni reng bawk! Mahse ka mi tawn ve hi chu a danglam hret ani. Thinlung vawt tak,mahni thu duh leh midang tih nat hreh lo mi ah ka ngai hial thin a,awm lo mahse pawi ka ti lem lo bawk,ka mi tawn hian khang mizia zawng zawng kha a nei vek. Mahse ka lak ah erawh chutiang in a awm ngai hauh lo!
Midang a treat dan leh min treat dan khaikhin chuan lawm a chibai buk hial tur ka ni,ka chungah pawi eng tham mah a khawih lo a min ti na hek lo, min duat a min ngaihsak ngawih ngawih bawk mahse keimah ka in hmangaih aia nasa a ka hmangaih ka chhungte lak a min la hrang tu ani tlat si.
A thinlung vawt tak hi hneh theih dan ka hriat ngei angai,ka chhungte bul ah ka kir leh ngei tur ani. Ka nunna tih loh hlan ka huam mahse engtin nge hma ka lak tan ang tih ka hre lo.
Maid ho thil chhawp ri ah chuan ka harh zawk a,Atlas chuan min lo en leh run run tawh nuih lui sak in hma lam ka melh leh daih a. Ka idea hian ka nunna thleng a nghawng thei angem chu ka hre lo na in apply chhin phawt a ngai ang. A thawk lo anih chuan in tih dan kawng ka ngaihtuah leh mai a ngai ang!
Ka thuthleng chu siam rem in Atlas bul chet ah chuan ka nawr phei hret a,a inhnaih sa viau na chu ka ti phei lui ani. Nidang chu nise keimah zawk hian a hnaih loh lam ah ka pawt leh tawng tawng anga min melh run leh tawh ang chu!
Min lo melh zauh a,nui sak in ka thu tha mai a. Ka chezia chu a en reng tih ka mit sir in ka hmu reng,zak tak ka ni. Tiang ang hian mipa hma ah ka awm ang tih ka in ring ngai lo. “Kha kha ka duh?" Thaw hak a tiin ka kawk nghal zauh a,Atlas chu ka melh nghal chat bawk.
Mak tih na mitmeng ka hmuh chuan ka zak chem chem a,ka thil tih hi ka tawp san mai dawn mawnle,ka chetzia leh ka rilru hi a in phat chiang lutuk tlat.“Tehreng mai!" Nui suk in ka thleng ah chuan arawn suak a. Ka nuih nghal sen sen a.
Ka lak tir tak na in a tui ka ti teh chiam lo mahse zah nen ka fawm tawh sia ka ei deuh mawp mawp hi ani mai. “Amore ei muang deuh la?" Tiin Atlas chuan tui min rawn pe a,ka ban nghal vat bawk. Ka melh tha duh tawh lo hrim hrim.
Thil kan ei zawh chuan kan ding chhuak a,min rawn kaih leh hma hauh in a ban ah chuan ka kut ka rawlh nghal a,a ban chu ka kuah deuh hlun ni mai in ka hria. Ka han melh chhoh chuan mak atih hmel hle,mitmeng zim sun hian min melh thla a.
“Kal ang?" Ti sap in ka pen a alo pen ve nghal mai bawk. A nui leh suk suk thin a,a rim tui leh pa tak chu a ruk in hip vang vang a. Hetiang em em hian nimaw kan sakawlh hi alo rim tui thin a!
“Khawi hmun ah nge kal i duh Amore?" Ning lutuk a a kut ka khalh neuh neuh lai chuan arawn ti chhuak ta nge nge,chu thil ka hriat a ka hlim zia chu ka sawi thiam kher lo ang. A office chhung thim ruih chu ka ngaina hauh lo a,awm reng pawh a nuam hran lo. A tawng mawh si!
“Pawn min fan pui thei angem?" Tiin ka tho nalh a “Pawn maw?" Tiin min melh leh run tawh a,hun hmasa lam a thil thleng ka hriat chhuah vang chuan ka khuh kharh a “Buai na engmah ka thlen tawh lo ang tih ka tiam a che" ka melh let ran a,ka zam ve takzet!
“Ka Amore in a duh te chuan kan kal anga ni mai lawm!" Tiin arawn ding chhuak a,a kut min rawn pe nghal zat bawk. Phur lutuk chuan ka lo vuan chung chung a. Ka kut khat mai a duhtawk lo in ka kut pahnih chuan a kut dinglam chu ka vuan chawt a.
Phur lutuk chuan kal mai ka tum a mahse ani chu ala ding chawt,a kut ka vawn miau avang in kal thei zia zang ka ni lo “Eng nge?" Ka tih sap chuan nui suk in arawn kun hniam a,meng deuh awk in ka lo en ve reng a “Nangte hian enge i hriat reuh le?" Tiin a rawn nui suk a.
“Kal vat ila,ka phur tawh teh ania" ka ti daih thung “Lawmthu sawi na Amore?" Atih leh sup chuan ka lem chan in a tlin lo tep ani,chhut hrep ka chak zia chu. A biang ah chuan zam ru tak chuan ka hmui ka ti si ta zauh a,anui leh nghal suk a. Pawn lam ah chuan kan inzui chhuak ta a.
Atlas Gomez POV:
Ka ban kuah bet deuh tlat tu chu en in ka nui leh suk suk thin! Eng thu nge a sawi hriat si loh hian arawn tawng leh thut thin a. An tawng hi ka thiam ve chak ngawt mai! A chang chuan min runluih nan hian eng eng emaw hi a sawi ve nuah nuah zel a. A lawmawm thei hle bawk!
“Saw tah sawn ka kal thei angem?" Ti sap tu chu ka melh chhuk run a,a mitmeng chuan min ngen tih ka hria,a lan dan duhawm leh naute zet chu hmuh hmaih rual hi ani lo.
Lu ka buk nghat chuan zu han tlan phei a mawle! A chezia naupang chhia lutuk vang chuan ka nui hawk a. Nichin mai atang khan a mizia a dang in ka rin loh pui pui in a che ta a,mahse ka lawm lo ka tih chuan dawt ka sawi ang,min ngainat hmel tak a min biak leh min en hian ka kawchhung atang hian amah duat chakna leh hlimna pek chak na in min tur ut ut thin!
A chang chuan a lung hi a leng ve tih ka hre reng a mahse haw tir emaw ka lak atang a kal bo tir tum na ka neih hauh lo. A lak atang a kal hran rual rual in ka chet dan rapthlak tur zia ka sawifiah thei lo! Ka bul ah awm se,hlim se,min hmangaih in min thlahlel ve ngawih ngawih se ka duh ber ani!
“A nuam i ti em Amore?" Ka sawi lai reng chuan arawn phu zawk reuh a. A ngaihtuah na a kawm ve nasa thei ania! “Ti lutuk e!" Alo ti ve vat a,a aw zangkhai vah chu hriat a nuam in min hmangaih zual tir ngawih ngawih.
“Kan lut tawh mai dawn em ni? I hritlang ang?" Tiin a sam chu ka tuai mam sak thuak thuak a,kan bul lawk a pangpar chu ala en chik ngang mai,ka biak a hriat pawh ka ring lo. A thlek kual dan dan a,a khawih leh zauh thin bawk.
“Amore!!" Ka tih leh sup a,arawn hawi chhuak ve ta “Lut ila?" Ka ti sup a,ui hmel viau mahse a bu ta nghat a. Min hlau tih a mitmeng atang chuan ka hre thei,ka ngaina hauh lo bawk.
“Min hlau em ni Amore?" Tiin a dar tawn tawn ah chuan ka vuan nghal run a,min melh ve ran in a bu nghat a thaw chhuak hawk in a biang chu ka tuai zauh “Min hlau suh. Ka duh loh zawng i tih loh nan erawh fimkhur rawh Amore" Ka ti nghut a,a mitmeng a hlauhna hian min ti a thei tak ngial dawn,kei in tih nat ka hlau em em a,chu ti chung pawh chuan min la hlau ania!!
“I hria em ka sawi chu?" Ka tih leh nghut tak ah chuan arawn bu ta nghat a “I ka a i sawi ngei ka hre duh Amore?" Dam thei ang ber chuan ka ti sup a, naupang en tak te a ka en loh chuan tih ngaihna vak ka hre tawh lo ang.
“Aw le" ati ve ta sup a,min nuih nghal sen sen bawk. A nui hmel chu che chang lo chuan ka thlir ta reng a,min rawn sawi dat chuan insum hman lo in ka fawp ta tâwk a!
COMMENT theuh tum ila!!