•Here with me•
Chapter 9🪐
Ramdinsanga POV:
“Tunge i hmeichhe kal pui kha thiana?" Dawr chhung ka luh rual rual in David chuan alo ti nghal vat a,a mit chak zia hi chu hrilh nawn kan ngai lo thin e! “Naupang anih kha!" Ti hmuk in single sofa ah chuan ka thu thla nghal a,min biak zawm loh nan ka phone phawrh in ka khawih ta mual mual a. Mi zaidam zawk zawk kan ni lo bawk nen a tu emaw zawk zawk hi chuan kut thawh leh hun hi kan nei nge nge thin a,mahse kan haw ngai lem lo. A tir chuan hmelma kan ni a,mahse hun leh ni te a danglam ve ang zel in tun ah chuan thian tha tak kan ni tawh.
“Naupang maw! Bro,school uniform ha nazawng hi naupang an ni kher lo ania..han ngaizawng chhin la an naupan loh zia i hre mai ang chuan kei ni ai hian an zei daih zel ania aw?" Nui ruh ruh a rawn ti tu chu ka melh hrawk a,ani erawh in min lo siai suk thung. “Tu hmeichhia nge in sawi a? Ramdinsanga hi hmeichhe chungchang i sawi pui ve ngei alaw Laldavid?" Kan senior-i bawk chu arawn inrawlh a,inchung ah a awm amaw tih nak a lai in.
“Tu emaw te te,Kan Ramdinsanga hmelhriat anih chuan a chhe lutuk dawn lo tih kha hria la" Nui hawk a atih chuan ka nui ve suk,ni e,a chhe mawlh lo alawm. “I va han lerh tak,lehkha zir ula in tan a hlawk zawk ang" Tiin a chho leh nghal daih a. Tun ah hian ka U dawr ah kan awm mek a,a awmzia chu kan senior-i dawr ah ani. Mipa leh hmeichhe thuamthaw zawrh na lian ve tawk tak hi a nei a,hei pawh ka pa a ngen a a ngen chhuah liau liau ani.
“Kan Ruatdika chu alo thleng har hrep lehnghal a" Tiin sana chu ka melh zauh a,darkar ½ lai liam ta ah khan alo thlen tep thu arawn sawi tawh a,dawh theih na in a tlin lo tep tawh ani. “Taka,nichin a hmeichhia kha kan in tih buai zan a lo kal ve kha tiraw? A ang riau lehnghal?" Kan thut ngawih vang vang lai chuan arawn ti chhuak a,kha zan a ka intih buai pui pa kha David hi ani!
“Ni e,mahse hnaih hauh suh ang che" Ka tih hmuk chuan a mitmeng a mak tih na chu ka hmu thei “Ruatdika sawi ang khan nang hi school naupang zun ah chuan ilo uai tak tak anih dawn hi" arawn ti nghal thuai a thaw hrawk in “Chutiang lam chu Lalrindika nen hian ngaihtuah sek suh u,naupang mai ala ni a keini ang tan chuan hnaih loh a tha ber!" ka ti chhuak nghut a.
“Ka lo thleng" Ruatdika lo thlen rual in kan ding nghal vut a “Bar thar hre ber tu i ni sia,kan sawisa lo che hi i van nei khawp mai" David chuan alo ti nghal hmuk a “Pu Zoramthang an kawng chhawng pawh ala sak em loh hi,traffic a jam ani ve mai alawm..min dem vek bik su" Ruatdika lah chuan alo chhang leh zawt zawt a. A tir in an inmil lo viau na chu kei ai mah in an inmil tawh zawk.
“Tawng nan hian hun hmang tam lutuk thin suh u,kal ang!" Tiin ka kal pel a,pawn ka chhuah chuan ni alo tla dawn siar siar tawh. Ka bike ah lawn kai in ka start nghal vat a,chak zet chuan ka tlanchhuak nghal bawk. Ka thiante pawh chuan min lo umzui nghal thuai a. Aizawl a bar thar an hawn na lam ah chuan kan kal a,mi pawh an lo awm ve nawk nawk tawh a. Hawng tir chauh an la nih vang in mi an tam lutuk lem lo bawk.
Sarah Zomuanpuii POV:
“Min lo call mai tur alawm,emaw taxi pawn lo haw mai tur ania. I lo haw har zia hi i hria em,nidang ah chuan ching tawh suh. Hmeichhia in nia in ngaihtuah awm lutuk!" Ka nu chuan min zilh mawlh mawlh a,kei in carrot ka lo chan mawlh mawlh thung. Ka haw tlai vawikhat na ani bawk nen min hau serious khawp mai. Ka pa alo haw hun ah min hauh ve leh ngei ka ring,kan misuala kha ka dem dawn dawn mai! Ka kal chhung zawng kan min be lo se ka thleng hma deuh tur ania.
“Ka lo haw tlai tawh lo ang,vawiin kha chu a loh theih loh ania" ka ti ta sap a,ngaihdam ka dil vat lo anih chuan in min hau tawp thei dawn lo tlat “Thleng nawn tawh suh se" tiin chaw chhum chu a off a,purun sen a chan zui nghal mawlh mawlh bawk. “Homework han ti rawh,chaw ei dawn ah ka lo koh mai ang che" atih chuan rang mangkheng in ka tho nghal nalh a,ka room lam ah chuan ka tlanchho nghal vat bawk.
“Naktuk zan chu Mimi-i te inah homework ti ang u,saturday zan ani tho a?" Kan thian thum a kan in video call lai chuan Dorkey chuan alo ti a,“Ka hre lo le,an phal lo maithei ani" Ka tih sap chuan “Nang chu...i chhungte kan dil sak ang che,chu bak ah zan i chhuak reng pawh ani hleinem,homework ti ho tur in lawm ilo kal dawn a phal em em ang" Mimi pawn alo ti vat a.
“Nia,kan tum chhin dawn nia. Naktuk chu ka nu ka tlawn viau angai ang,vawiin pawh kha min hau nasa tawp a" ka ti let nghal vat a “Kan dil sak ang che an phal em em ang" Call chu kan titawp a. Ka nu in min lo koh lang lang chuan ka chhukthla vat a. Ka pa pawh alo haw leh der tawh a,ka nu nen chaw ei kan siam nghal a.
“Zothana kha alo haw ani maw?" Chaw ei lai a ka pa thil sawi vang chuan ka chaw ei ka hak tep ani,engmah hi an hre ve der si lo a a hahthlak! “Haw e le,tukin khan min lo tlawh ve zawk a. A fel thin ania,tun ah chuan doctor ani daih tawh" ka nu chuan alo ti ve vat a “An chhungkua hi chu an ngaihsan awm hrim hrim alawm,lehkha thiam chhungkua an nia,ruih theih thil ti an fate ah tumah an awm bawk si lo an vannei hle ani" ka pa chuan alo ti ve bawrh bawrh bawk.
“Ruih theih thil ka ti i ti deuh ami pa?" Fiamthu chuan ka ti ta zauh a,ka pa pawh a nui hawk hawk mai “Ni lo e,nangte chu missionary tur alawm i nih. Tunlai ah chuan ruihtheih thil hian hmun a luah zau tawh lutuk a,tlangval naupang tak tak te pawh hian zu hi an in fur tawh hlawm ani..chutiang mi chu pasal a tan neih a tha miah lo ania".
Chaw ei kham chuan ka nu thut hahdam tir in keimah chuan ei na vel chu ka ti fel mawlh mawlh a. Ka tih fel mawlh mawlh lai chuan pawn lam ah hian inhau ri bur bur hi kan hria a,ka nu leh pa te chhuak thawm pawh ka hre reng. Ngaihsak zui lem lo chuan hmun chu ka phiat hluau hluau a. Ka thil ngaihtuah na a thil rawn lang zuk vang chuan ka tlanchhuak nghal vat!
Kan inbul mai ah hian an lo insual a,mi pathum vel an ni awm e,an thelh zo meuh lo ani in ka hria,ka nu leh pa te chu kan thenawm te nen an inkawt ah an lo ding fel at a,ka thawk a veng nghal huai a. In tibuai lam chu muangchang in ka pan a,an hmel ka hmu theih lo,an thelh thawm nen chuan thawm chu ring tak ani “Zawnga..." tih vel hi an lam ri leh nawk nawk a,dingdi hlip iak iak in Ramdinsanga a awm nge awm lo chu en ka tum ve tlat a.
“A tel ve lo aniang" ka ti sap a,ka hmu thei bawk si lo chu ka thin a rim tun mai “Keimah maw?!" Rawn ti ri ah chuan ka rak that a,ka hnung mai ah chuan thatchhe zet in Ramdinsanga chu bike ah alo thu a,meizial a pak khu hlat hlat bawk,a mitmeng ah chuan a harh fim loh hmel hle bawk.
“I tha em?" Ka ti ta ringawt a,insual zing ah sawn a tel ve ka ring ania mahse hetah hadam zet in alo thu leh ang lawi a “Tha lutuk zawk e" Atih sup a min en chik takzet! Nichin atang khan a mit ala la sawn miah lo bawk.
“Tu te nge insual saw?" Zah zel ah chuan ka ti ta sap a,biak loh nuam ti chiah si lo in ka awm “Ka thiante!" Atih hmuk a,ka lo be ta kher kher kha ka inchhir rum rum mai “Va chhan ta che iva nep ve!" Ka ti ve hmuk a “Ka buaina ni miah lo a ka va inrawlh khan ka nep tih na zawk!" tiin a meizial chu a paih nghal thuai a.
“Chuan min lo zawng a?" Nui suk a arawn ti tak ah chuan ka melh zauh a,a mitmeng harh fim chiah lo chu a rum ngai tho in ala rum,ka nu leh pa te awm na ka melh zauh a mahse min lo ngaihsak lo hlauh. “Zawng lo!" ka ti sap a arawn nui hawk mai,mak ti lutuk chuan ka en reng a,a nui suk ti bak chu a nui ngai meuh lo kha nia,a aw chhuah meuh a a nui chu a mak ngei mai!
“A ni vel ang!" Tiin min melh run a,a lungawi lo leh tawh emaw tih tur ani “Haw rawh,i rui si" ka ti sap a,ani erawh in a ngai pawimawh chiam lo hle “Ka rui emaw rui lo emaw ka haw dawn tho alawm naupang sual!" Arawn ti vei hmuk a,naupang sual te chu min la ti deuh deuh a!!!
“Naupang sual ka nih chuan puitling sual i ni ang,nangmah fe kha kei ai a let sawmsarih pasarih in i sual!" ka ti ve hmuk a a hmel a nuih zat na lo lang chuan min ti thinrim belh ting ani. “Lut tawh rawh,i damlo palh ang" ati ta daih a,a aw chu a dam ang phian a.
“Haw zawk rawh,i chatthla hlauh ange!" Ti hmak in kan inlam chu ka pan ta daih a,saw tiang misual lutuk saw tu hmeichhia mah in an duh lo ang e. Tlangval senior zu heh an la ti dawn khawp alawm!
.
“Shillong ka ngai vawng vawng mai" Ka tih chuan ka nu in “Ti maw?" alo ti vat a “Inti buai an awm ve ngai lo a" ka ti ta daih thung “An awm ve tho ang,i pite in khu kan in aiin tlem in a fal vang mai mai alawm" ka nu chuan nui hak in arawn ti a .
“Han mu tawh la?" Ka pa in alo ti vat a,keipawh room lam ah ka chho nghal vat. Zan hi ka meng rei thei lem lo a,mut hi a theih chuan a tam thei ang ber ka duh.
Ka room zawn lam a bike horn ri ka hriat chuan ning zet in ka thaw hak a,khawi lam mihausa fa nge maw ni ang le!!!
Corridor lam ah phei in zuk vin hrep ka tum a,Ramdinsanga lo thu kur ka hmuh chuan ka tawp chiang ngang mai. A thiante pahnih ni ngei tur hi a bul ah chuan an lo awm ve kur a,light in a chhun phak deuh vang in an in hru fai ni awm tak hi ka zu hmu a. Kan misuala chuan min lo melh chho ve reng a,ka tih ngaihna hre lo lutuk chuan ka ner khum nang ringawt.
“Rawn chhuk ve rawh?" Nui sawng a rawn ti tu chu kan misuala thianpa ani ngei ang,ava han lerh hmel tak! “Lalruatdik!" Ramdina chuan alo ti nghal nghut a “Bro,i va han thlang thiam ve!!" Alo ti ang deuh deuh a,kan misuala melh rum ve na te chu engah mah a ngai hauh lo bawk. Lu thing nar nar in ka lut ta daih a.
Ka khum ah ka mu dawn chiah tih ah ka tukverh ri rawk ka hria a,ka hawi phei nghal vut!!
COMMENT lam ah khan tang deuh ila tiru...