Joycee POV:
Inchhung ah chuan min kai lut nghal vat a,ka lem chan hi a har vak dawn lo anih hi mahse a bul tan na chauh ala ni a,eng nge lo thleng tur erawh ka hre lo. A hriat chhuah hun ah chuan ka chung a pik teh ang chu,mahse a hriat chhuah loh nan a beih tauh tauh chu ka tih tur te zing ami ani. Amah kal san tum a tlawn ka ni reng si a!
“I hun awl ah te hian i mu mai mai ve thin em?" Zawhna mawlmang zet zet chu ka zawt sek a,ning hmel a pu ngai lo a,phur hmel a pu ngai lo bawk. Tha tak chuan min chhang ve zel a,ka zawhna te chu a ho in min chhang peih reng a,ka mit ah min en kal zel bawk,zam awm viau mahse ka lak ah a rilru zawng zawng a pe tih ka hriat hian ka hlim veng veng.
“Ka hna thawh zawh hi ka mut hun chu ani mai. Hun awl hi ka nei ngai em em lo,ka hun awl neih chhun chhun chu i kiangah ka hmang Amore!" Ati hniam sup a,ka inthlahrung duk mai,hun awl a ngah loh hmel khawp a,a bul a ka chen na ala rei loh teh reng nen hian!
“Immm...enge i tih ber thin?" Ka ti sap a,ka biang rawn tuai in “Tih ber thin tih tur chu ka nei lo,ka gang leh ka hotel enkawl ani mai!" Ati leh sup sup a,ka bu nghat. “Zawhna dang ila nei em?" Nui suk a arawn tih chuan ka lu ka thing nar nar a “Zawhna i ngah hian nuam ka ti,mahse eng ber nge hriat i tum Amore?" Arawn ti leh a,chil lem khawlh in ka en hau ringawt.
“Ka hre chak mai mai" Ka ti ringawt a a mi melhna hian min ti zam der mai “Kan hmelma rawn tirh hi i ni mai lo maw Amore?" Tiin min melh ngur a,ka hlauthawng tawh hle “Eng maw?" Ka ti bah nak a,min rawn hnaih zel a,a dawhkan a thu ka nih vang in ka awn ve nghal ruai bawk.
“I ni em Amore?" Arawn ti sup a,a hmel chu a rum ngawih ngawih,ka hlau takzet bawk “Atlas..." Ka ti chhuak thei hram a,ka hmai bul chet ah chuan arawn kun hniam a,ka sir leh sir ah chuan a innem khalh nghal run bawk,ka thawk a tawp mai dawn in ka hria,hlauhthawn na nasa lutuk chuan min rawn man a,a rawn awn hniam nghal sut bawk,midang ang in min kap hlum ve mai ang tih ka hlau.
“Ka fiam che anih kha Amore!!" Arawn tih sup chuan thinrim lutuk in a awm ah chuan ka nam a,a awm sawn duh thak lo. Kei in mittui tling pam in a awm ah ka chum a,a dar ah nen. Thil sual ti miah lo mah ila min ti hlauthawng hman lutuk ringawt.
“I a em ni!" Ka mittui chu ka dang hman lo arawn baw zawih a,ka tap tih a hriat vel ah chuan ka kut pahnih chu arawn man a,a awm pharh hlai zet ah chuan ngawi reng in min kuah bei ta hle hle a,ka tah chhuah duh loh vang chuan ka hmui ka pet fan fan ringawt. Tiang em em hian fiam ka lo dawl lo ani maw!!
“Ka tihpalh! Amore.." tiin min kuah hlun reng a,ka hnung a chul heuh heuh bawk. “I sual hle mai!" Tiin a awm ah chuan ka chum leh a “Ka tihpalh!" Arawn ti leh sup a,min thlem dan chu thiam lo tak ani. Hah! Eng vang a min thlem chu phut ve kher nge maw ka nih le. Ka game khelh ah hian keimah zawk ka tal awk ang tih ka hlau ru takzet!
“Min thlah teh" tiin ka inla hrang a,ka kawng ah a kuah leh chawt a “Ka thlah lo ang che, tihpalh tih hi ka sawi khat viau ania Amore!" Ti sup in ka khabe arawn vuan a,amah en thei tur chuan min kuai dak nghal bawk.
A mitmeng fim kak leh zun nei tak chu ka thlir ve reng a “I a lutuk!" Tih bak sawi tur ka hre leh chuang miah lo,min melh run a a hmel chu hmuh a hahdam phian a. Thaw dep dep chuan ka lo melh let ve reng a,alo kun hniam riai riai chuan ka thle sawn vat a,a rum deuh hrawk.
Ka biang chu a hmui in arawn nul kual dan dan a,ka ka atang thu engmah a chhuak thei hrih lo “Ka kiss i duh lo a Amore?" Tiin ka nghawng ah a in sawn thla nghal a,a dar ah vuan in ka nam deuh tawng tawng a,a tih lai erawh ala ti reng tho. Ka kawng chu a hmer salh salh a.
Thaw chhuak hrawk in ka biang ah arawn vuan a arawn fawp nghal ngawng ngawng bawk,chhan let dan ka thiam loh vang in ka dawh tawp a,ka tukhum sam a arawn tham tâwk rual in ka thaw hak a,mahse engah mah ngai lo in a nui suk a.
“You're mine..Amore" tiin a inla hrang a,ka thaw nghal hak a,ka thaw a chham mai dawn in ka hria. “Min fawp let ve pawh ni si lo Amore" tiin ka hnar arawn piai zauh a,hnuai lam bih ngur chuan ka thaw chhuak hak hak a.
“Ka Amore hi a thaw ka lo tih tawp sak tep ani maw?" Min la chheih ang deuh deuh a. Hmela hi! “Duhtawk teh!" Tiin ka melh rum vak a,nui hawk in dawhkan atang chuan min pawm thla a,a kawr nghawng ah chuan ka tham nghal nghek bawk.
“Dinner ei a hun Amore?" Ti sup in ka chal arawn fawp a,melh zawk in kawngkhar lam chu ka pan nghal daih a. Ka hnung ah chuan ngawi ngul in min rawn zui ve zel a,hawi pawh ka hawi let lo bawk.
Thuthleng min pawh chhuah sak hma hauh chuan ka thu nghal a,engah mah ngai lo in ka bul chet ah arawn thu thla ve nghal zat bawk. Ei tur an rawn chhawp sap sap chuan ka lo en kual a,salat chi 9 vel an chhawp nghal thlarh bawk. Khawi lam a pum pui lian ber awm zia zang in!
“I duh zawng i hmu em Amore?" Atlas chuan arawn ti leh sup a,bu nghat in a ding lam ami chu ka kawk nghal zauh. Min rawn suah tam leh lutuk chu ka melh rum ve al a,eng ah mah ngai lo in ka biang ah arawn kiss leh zauh a. Tum deuh bur in dinner chu kan ei a.
“Enge i tih dawn?" Arawn ti sup chuan plate melh zauh in “Thleng sil na ah kan plate ei ruah na hi ka dah dawn?" Ka ti sap a,rum nghut in “A ngai lo! Chhiah hlawh tih tur alawm" arawn ti hmuk a “Mahse..." Ka ti leh rual in “Amore!" Arawn ti leh nghut a,arawn ding chhuak ve nghal vat.
“I tih tur ani hleinem..ka Amore hian hetiang a tih ka phal lo" ti sup in ka dar ah arawn vuan a,a thu awih ang a ka lan loh chuan a sual thiam tur zia ka hre chiang. Ngaih ngam lo deuh chuan a ban ah chuan ka chelh a,nui suk in dining hall atang chuan kan chhuak a. Living room lian lutuk tak mai ah chuan min phei pui nghal bawk.
“Hetiang em em a living room lian hi ka dam chhung pawn ka hmuh ka ring ngai lo" ka ti sap a. Sofa lian leh man to hmel zet ah chuan min thut thlak pui a. “Hei ai lian pawh hi i tan chuan ka siam mai ang!" Arawn ti thawp sup a.
“Boss!" Ka tawng dawn chiah tih in mipa khat sang zet hi arawn lut a,Atlas chuan a melh nghal ngur a “Meeting vawi riat lai cancel ani tawh a,gang dang te an lungawi lo hle ani!" Arawn ti nghal vat a,Atlas chuan min rawn melh zauh a “Chuan khang hun chhung zawng khan billion tam tak i chan tawh bawk!" Arawn ti leh nghal a,Atlas chuan thinrim hmel tak a en in “Ka thah hma che in chhuak rang rawh!" Ati hmuk a.
Chu pa chu lu bu zauh in chhuak ta nghal a. Ngawi reng chuan kan thu kar a “Ei chak i nei em Amore?" Arawn ti sup a “Atlas,hna thawh chhunzawm rawh!" Ka lo ti hap a,keimah vang ani tih a hriat reng.
“Engvang chuan maw?" Arawn ti hmuk a,amah melh zauh in “Billion tam tak chu thil na mai ani lo a,chu bak...." Thaw hak chuan ka ti sap a “Chutiang mai mai chu i bul a awm nan a tlem tawk viau!" Arawn ti nghut a,ka ti thinrim tih ka hre chiang hle bawk.
“Atlas, khawngaih in ka tan i hun hlu tak hi hmang ral mai mai suh i duh zawng chu ti la,ka sawisel lo ang. Sawisel tur pawn engmah ka ni lo" ka ti leh ta ringawt a,amah ka melh ngam tha der lo lehnghal.
“Ka hmangaih ber bul a awm chu enge a pawi viau na Amore,ka neih chhun i nih hi. Ka kal bo tir ngai lo ang che,ka thlah ngai hek lo ang che. I ngaihtuah na lawilo zet ho kha paih bo bawk rawh!" Tiin ka kawng arawn hmer zauh a.
“Mu tur in chho ila,intih fai te kan la ngai dawn si a Amore?" Tiin min rawn pawm tho nghal vat a,a nghawng ah chuan ka lo kuah nghal chawt bawk “Ka kal ve thei,min thlah teh!" Tiin ka tal chiam a “I chet leh chuan thil tha lo a thleng ang!" Tiin min rawn melh chhuk run a,a nghawng ah chuan kuah nghet sauh sauh in min chhoh pui a.
Room kan thlen chuan dim lutuk in min nghat thla a “I inbual hmasa dawn em?" Arawn ti sup a “Va ti hmasa rawh" ka ti sap bawk,ka hmui ah rawn fawp leh vang vang in bathroom lam ah a phei nghal vat a.
...........
Zan ka mu chu ka harh hlawl a,ka nu leh pa te ka ngai nghal vawng vawng bawk. Ka mumang ah chiah ka hmu thei ta si a,min hauh lai te,hlim tak a kan nuih ho lai te chu mitthla in ka mit ka chhing leh vang vang a.
Ka kawng a kuah bet tlat tu kut chu zawng muang in lak sawn ka tum a,ka beih fe hnu ah harsa zet in ka thei ta hram a. Thawm dim tak chuan tho tham tham in corridor zawl nuam tak ah chuan ka ding vang a,thla lo eng ruih chu thlir in ka mittui ka dang hman ta lo a.
Ka nu leh pa te bawk ani ka ngaih. Chhungte tel lo awm hreawm zia chu ka hre thar ngawih ngawih a. Nu leh pa chan tawh te chu ka khawngaih a,kei phei chu an la dam reng a mahse engtik ah mah hmuh leh theihna chance ka nei tawh lo tluk ani.
A mittui chu tuai zauh in “Ka thei em em ang,a thinlung vawt tak ka hneh hun ah chuan ka chhungte nen hlim tak in kan inkuah khawm leh thei ang.." ka rilru chuan ka ti nghal vat bawk.
“Amore!" Ti hmuk ri ah chuan ka phu zawk a,ka hnung lam ka hawi phei chuan Atlas sam thur chhur a lo ding ka hmu nghal zat. “Eng nge i tih?" Ti hmuk in min rawn pan hnai a,ka zawn arawn thlen chuan min en vang vang a,“Dar 2:00 am ani tawh,mut chu a hun viau asin!" Arawn ti nghut a,a harh a ka lo awm loh vang chuan a lawm teh chiam lo.
“I tap em ni?" Ti sup in min rawn melh nghal run a,lu thing a kal mai ka tum chuan min pawt let hrawk a “I tap em ni!!" Arawn tih leh nghut rual in ka insum thei tawh lo a,a awm a chum pah hian “Nang ang misual leh rilru chhe lutuk ka tawng che hi ka tisual takzet! Nangmah vang in ka chhungte ka kalsan phah! Hre rawh...." Tiin ka au ta chiam a,a awm ah chuan na zet zet in ka chum bawk.
Che hrut in a awm ah chuan min kuah nghal a,min kuah nghet em em bawk “Ka hua che .ka haw lutuk che,hetiang a min siam ai chuan min that zawk mai rawh,ka chhungte bul ah ka kal duh!" Tiin ka tal chiam chiam a,rei fe ka beih let hnu chuan ka chau tak zet tawh,a awm ah chuan ka tap ta hlap hlap a.
Engmah sawi lo chuan ka hnung ah chul in a chal a fawp leh zauh thin bawk “Tun atang a reilo te ah chuan min hmangaih ve tawh ang Amore!" Tiin ka ngawng ah hmai arawn phun a “Ka damchhung chuan ka hmangaih ngai lo ang che,a thleng ngai lo ang!" Zawi lutuk chuan ka ti chhuak leh hap a.
Min pawm nawlh in khum lam chu min pan pui a,dang tur in tha ka nei tawh lo. Khum ah chuan dimte a min mut in ka bul ah chuan arawn in thawlh ve nghal hlan a, blanket a min khuh in nghet zet in min kuah a,ka hmui rawn fawp zauh in “Hahdam tak in awm rawh,Ka hmangaih che Amore" arawn ti sup a.
Feel lo chung in kan type leh ta duah e, COMMENTS theuh tum ila....