•Here with me•
Chapter 10🪐
Sarah Zomuanpuii POV:
Kan corridor tukverh lam chu ka melh phawk vak a,mahse tu mah ka hmu chuang hauh lo. Kan misuala te zu rui nawi mai mai in min ti buai chu ka run deuh tlat. Bathroom atang a bucket khai chhuah lawk a zuk leih pawp chu ka chak ngei mai. Zawi muang a phei tham tham in ka study table a steel scale chu ka ban nghat zat a. An rawn lawn chho a nih zawng in an na viau ang chu.
Pawn ah chuan in ring reng in ka chhuak a,mahse tu mah ka hmu hauh lo. Inhnuai lam atang a rui tih hriat lutuk a tawng bul bul thawm leh nui leh dut dut thin chu ka hria a muangchang chuan phei leh in ka hawi thla nghal vut a. Kan misuala te thian thum bawk kha an lo la awm a,a thiante chu an ding ngil thei lo tih hriat tak in an lo thu sawp deuh niai a,kan gate in a hung na chin pawn deuh lawk a an awm vang in a hmuh chian theih deuh.
Kan misuala erawh a bike ngheng in meizial a zu khu hlat hlat a,a thiante pahnih tawng bul bul chu a nuih leh suk suk thin bawk. A thian te bul ah chuan alo nui ve thei anih khu,a nui khu a mawi viau nang in ka hmu ngai lo bawk nen a rawn nuih ve chhun ah chuan sa him na dap kual ruai a ngai thin!
“Hey Mami,i tukverh rawn vawm tu kha ka ni miah lo a nia aw,ka thianpa hi a nia!!!" Ring leng lawng chuan samkir deuh zawk chuan arawn ti a,a tawng pawr leh ring tak avang chuan ka ip nghal chawih a,ka chhungte ka veng thawng ru hle. Khutiang ang ka hmelhriat tih hria se an lawm hauh lo ang. Chu bak ah kan misuala ber lah chuan engmah tih a tum lo,bike ngheng in luhlul zet in a thu a,min en lo a thiante pawh a melh chuan lo,chhuat nge thil dang a melh ka zuk hmu theih lo.
“Ve a che Lalruatdik! Tunge vai film ah pawh a changtupa ten a changtunu te tukverh an vawm keuh keuh thin ti kha!!" Pakhat pa lah chuan aia pawr zawk chuan arawn ti leh a,an rui nawi lutuk te chuan nuih an ti za zawk mahse thawm erawh an dim hauh lo.
“Changtupa i ni reng reng ami? Kan changtupa ber lah hi a thu tum bur a,nang chu misualpa i nih kha David Ramthanglian..." Awi an tawng ring ropui sia luh hmak chu ka duh na mahse kan misuala rawn hawi chhoh hma khu chuan ka lut lo ang. “Ramthangliana ka ni lo...Zoramhmangaiha ka nih hi Ruatlerh!".
“Ka kal!" Ti hmuk ri chu ka hre tawk tawk a,a tawng zawi viau na chu ka beng fing ker kawr lutuk hian zu han hre chiah a! “Engtin nge kan haw dawn?chuan pawh ka chuang theih ka ring lo" Bu luk luk chuan lu kir a chu arawn ding chhuak a,electric ban a kuah chial a.
Ramdinsanga chu chiang lutuk hian arawn hawi chho a,ka lo melh ve reng tih min hmuh chuan mitmeng zim sun hian min melh a,a mitmeng rum tak chu street light leh thla eng hnuai ah chuan lang nalh kelh kawlh tak ani! A mimeng khuan a hmel a chawi ber anih khu!
Rei pawh min melh em em lo chuan a bike ah a lawn a,tawng pawh tawng tawh eih lo in a tlan fua mai! A thiante pahnih chu an phun bul bul a,an aw a ring bawk nen thenawm thenkhat an rawn chhuak sup sup. A hma zawng a rawn chhuak si lo kan misuala ber kal vel a an rawn chhuak chu ka lung ni lo deuh riau a!
“I la mu nange??" Ka pa chu ka room ah arawn lut hlawl a. Ka lo meng kar a hmuh chuan mak ati ve ngang aniang “An va bengchheng bul bul ve le?" Tiin corridor lam ah arawn chhuak phei ve a,kan hnuai lawk a mipahnih te chu kan en ve ran a “Tu fa te nge in nih?" kan thenawm pa in alo ti mek a “E ka pu,tu fa te mah kan ni e..ka kan tihpalh!".
“Mu rawh,i nu bazar pui i ngaih tak in!" Ka pa chuan alo ti vat a,bu nghat in ka lut a,scale chu dah fel in bathroom ah ka lut nghal vat a “I room hi a fuh chiah lo chu ni..." ka pa ti thawm pawh ka hre reng a mahse hmai ka phih san daih a a chhuak thawm ka hriat chuan ka thaw huai a.
Khum ah chuan inthawlh kak in ka mu meng khar a. Ka rilru a awm hi ka duhlo tak zet! Ngaihtuah pawh ka ngaihtuah buai peih lo asin mawl! A sual in a hma a sial ropui si,a tawngkam a bung thei in a chapo ropui sia. Ka rilru a luah ve chhen chu lukham ah hmai phum in ka au ta nghek a.
......
“I hah hma lutuk khai mai mai rawh" Ka nu chuan alo ti hlak hlak a. Nu ho bazar pui hi chu ava han ninawm ve chiang tak,thlai thar lam sâr ah pawh duh bik te an han nei a. Ka nu bazar pui phei chu kan keng rit thei si,ka ban ka hmet ka hmet ringawt. Dawr ah lah a thu chawl duh der si lo!
“Ehe teh hlawl chuan!" Ka nu thian nu ni ngei tur chuan arawn ti hluai a,ka nu nen an inkawm thin ani ngei ang an inhmu chu a phul deuh hlut a,thingpui dawr ah min chawlh pui ve ta hram a. “Hei hi maw i fanu chu?" Nu Puitei chuan alo ti leh ngat a “Aw ni e" Ka nu chuan alo ti ve vat a.
“Pathian malsawm na hi chu a ni tiraw,i nei thei dawn lo a kan rin lai in fanu duhawm leh hmel tha tak in nei leh a!" Atih tak ah chuan ka nu ka melh ha a,min melh duh miah lo in thingpui chu a in ta daih.
“Apa alawm viau lo maw? Tawngtai pui tu in nei nasa em mai a tawngtai chhanna anih hi" Nu Puitei bawk chuan arawn ti leh a,ka nu chu anui hak hak a.Nuam lo atih hmel deuh bawk in ka hria,nge ka ngaihbel zawk.
“Kan haw ve thei ta hran alawm,ka kut kham tawh si zia hi!" Tiin ka kut ka thing nak nak a “Kha ai tam tam kha ka khai haw ziah!" Ka nu chuan alo ti vat a. “Nu,vawiin a Nu Puitei sawi kha enge awmzia a?" ka thil hriat chhuah avang chuan ka ti ta phawng a. Ka nu tan a nawm loh dan tur hria in ka inchhir leh hnu hnawh.
“A sawi ang khan ni mai. Kha kha fridge ah lo rem fel lawk rawh" tiin choka atang chuan a chhuak daih a,dar san ak in kan thil lei ho chu ka rem fel mawlh mawlh a. Ngaihtuah zui em em tawh lo chuan phone ah hla play in ka zai pui rat rat a. Ka nu pawh a hnu fe ah arawn lut a,chaw hmeh a chan nghal mawlh mawlh. A mood lah chu a off hmel em em lehnghal,pawisa dil ngam pawh ani lo!
Ka room ah chuan ka chho ve ta daih a,ka pa lo haw ah pawh ka nu in alo chhawn mai ang chu. Phone ka khawih deuh mawlh mawlh lai chuan ka thiante call ka dawng a,group call lo chuan kan in be nghat ve khawp mai.
*I chhungte i dil tawh em?*
*Eng chu?*
*Zan a lehkha zir ho chu?*
*A mood a fuh lo,chu bak ah dil chi pawh ani lo*
*Ti maw ninawm e! Pha bik ziah suh,kan dil pui ang che*
Min hnial tak zel ah chuan nizan lam a kan chungchang vel kha ka sawi ve ta nghal a. Ho an la ti em em zui,ka nu ka dil tur thu sawi in call chu kan ti tawp ta nghal vat a. Inhnuai lam ah ka chhukthla nghal vat bawk.
ZAWMNA
“Chaw kan la ei dawn lo deuh ami?" Ka nu leh pa chu chaw ei dawhkan kil hian an lo ti ti dun nasa mai a,nidang ai zawng in an thu tak lehnghal. “Chaw hmeh thenkhat hi ti lum ila kan ei dawn nia" ka nu chuan ti vut in a tho nghal vat a. Ka pa bul lawk ah chuan thu thla ve nghal in phone ka khawih neuh neuh a.
Ka thiante nen a lehkha zir ho chu tun a dil tha in ka hria,anih loh chuan ka nu in a rem ti hauh lo ang. Ka pa awm lai a ka dil hi chuan ka pa a zah ve si nen min hnial ngai lutuk lo bawk a. “Pa?" Phone chu dah in ka ti sap a “Immm" alo ti hniam ve sup bawk.
“Zanin hi ka thiante nen lehkha zir ho kan tum deuh a,mahse i thu thu?" Ka ti ta zauh a “A tul lo,zan a chhuah..hmeichhia i nih kha Puii!" Ka nu bawk chuan alo ngai serious leh tawh khawp mai a “Ni e,zan a chhuah hi chu a tha viau lo a!" Ka pa pawh chuan alo ti ve zat a.
“Kan math teacher hian group bik in min then a,ka thiante nen kan awm ho a mawle..mahse a pawi lo mai?" Ka ti sap a..dawt ka sawi ve ta zauh a. Thiante nen a thil tih khawm deuh reng reng ah hian ka bang bik ziah a,ka chhungte phal lo hi ani tlangpui bawk. Ka classmate nu birthday kha chu mak tak mai in an phal ve hlauh anih kha!
“Aw chu tiang te chu ava pawimawh awm ve Bawihte-i nu?" Ka pa chuan ka nu melh pah chuan ati leh a,ka nu lah a tum bur mai. Zing atang a mood a dik lo nghal em em a,enge maw ka tih sual leh tawh maw ni le!
“Kan inah te ti mai ula..chu bak ah kan neih chhun tak tak i nih hi,i chungah thil tha lo te thleng se ka dam zawh i ring ami? I tan a tha tur vek anih hi Puii" ka nu chuan alo ti leh nghat a,chhang tawh lem lo chuan ka thiante ka massage a ka kal theih loh tur thu ka hrilh nghal vat bawk
“A mak bawrh bawrh thin Bawihi i fanu hi a naupang zawk zawk tawh lo a, ngaihtuah awm lutuk ani tawh hleinem" ka pa chuan alo ti ve leh vat a. Engmah sawi lo chuan ka nu chuan chawhmeh a chawk zui rawk rawk a. Ka pa nen in en in kan ner nung ringawt.
Chaw kan ei lai pawh chuan kan tawng lem lo a,ka pa in ka nu a be zauh zauh chu ani mai. Chaw ei na vel seng fel in keiman engkim ka ti ta vek a. Ka nu ka tlawn vang pawh ni lo in school awl ni hi chuan theih tawp a puih hi ka duh ve thin a,ka awm loh chhung zawng pawn alo ti vek zel a!
“Nu insuk tur in nei em?" Sitting room lam a dah zauh pah chuan ka ti sap a “Pathum vel chu kan nei in ka hria tinge?" Ka nu bawk chuan phone atang a a mit la sawn in alo ti ve vut bawk “Ka uniform suk ka ngai a,in neih tak in ka lo nuai ve nghal law law ang".
Chhun ah chuan eng eng emaw ka ti ve a,ni pawh a rei lo deuh e. Insuk spin in inchung ah ka zar a,ka nu in pangpar hnah vuai vel alo cut ve mek bawk. “Zan in chu i kal ve dawn maw?" Alo tih chuan ka en hu a “Ka hre nang?" Ka ti sap a “I kal dawn nia" tiin pot chu a hung tha zung zung a.
Inhnuai ah tui lum tur in ka chhuk thla vat a. A so vel ah chuan ka inbual nghal bawk. Ka inbual lai a ka phone arawn ri a,mahse ka chhang ta lo mai. Inthlak sawk sawk in corridor lam ah ka phei a,Jeremy chu ka call back nghal zat bawk.
*Hello?*
*I va buai awm ve?*
*Buai lem lo e,ka inbual a*
*Immm*
*Enge ni ta a?*
*Zan in chu ka rawn lam ah che,Dorkey te inah lehkha kan zir ho dawn kha!*
*I tel ve maw?*
*Ka thianpa pawh a tel,ka lo sawm ang che*
*Aw le*
Mak ti deuh chuan ka phone chu ka melh vung vung a,ka thiante lah hi an lerh mai sia maw...lehkha kan zir pawh ka ring hawt lo e. Mahse Jeremy an min rawn sawm dawn vang chuan ka veng deuh huai mai!
Mimi chuan min rawn sawm dawn tho mahse hmeichhia kan ni sia buaina han tawk dawn ila kan hneh awm chai/chei si lo a.
......
“Kawr lum deuh han ha ta che,i thiante pawh an inthuam lum em hi! I a thei lutuk bik e mai!" Hoddie chhah zet ka ha tawh a,ka nu chu ala lungawi thei thlawt lo. Mimi-i leh Jeremy ka en chuan engti vak in an inthuam lum bawk si lo a!
“Dorkey te in chu a lum lutuk alawm,lungngai suh...." Ka thiannu hmel tha leh cute lutuk chuan alo ti hlauh a. Ka nu chuan lungawi hmel chiah lo chuan min en leh ren rawn a. Kal a phal ve ta hram. Pawn kan chhuah chuan kan nui deuh hak a.
“I tan rawn kal a harsat awm nen nen" Jeremy melh zauh pah chuan ka ti a,nui suk in “A ho e" ati ringawt,a chang hi chuan a nawi ve thei ania. “In va han chhe tak e aw,in ni bik khawp mai" Mimi-i chuan arawn ti deuh hlar a,sawi fiah tum a ka ang zuau chu Jeremy an “I hmu ve vat mai ang" alo ti zauh a.
“Engtin khan nge in lo nih hman thawt thawt a?" Mimi-i chuan alo ti leh a,a tawng ring sia...“Dawt...." Ka tih lai mek in “Ah saw a changtunu kha?" Ti ri ka hre thut a,kan chhak lam ka hawi chuan Ramdinsanga te thian thum hi bike ah an lo thu a,kan misuala mi melh na chuan min ti hlau thei hial!
“I hai aniang!" Lukira lo zawk chuan min rawn bik deuh duk duk in ka hria “Rui mah ila kan Juliet-i hmel saw chu ka hrechiang lutuk tlat!" Tiin a phone a phawrh a,flash light on in min rawn en anih chu!
“Khawnge i kal dawn!?" Min rawn be ve ngei anih chu,a aw lah chu a ruih hmel em em lehnghal..mahse a hmel ah engmah a lang lo,a mitmeng pawh ala rum tha hle. “K....k..kan..lehkha kan zir dawn!" Bah niai chuan ka chhang a,ding meuh a kan han inbiak ve chu!
“I tawng bah elaw?" Phone flash light on vu pa chuan a hma ai zawng chuan min rawn chhun chiang a, Ramdinsanga chu che vut in chupa ban chu arawn kuah thak a,a phone ala thla nghal bawk.
“Kal ang u!" Jeremy ti hmuk ri ah chuan ka harh chhuak zawk. Kan misuala chuan a melh nghal chat mai,a ngaihnat hmel zawk zawk lo bawk. Min rawn en ve leh in a nui suk a,a thianpa thlah in bike ah a lawn a,side glass atang tak ngial pawh a min rawn melh tawh lo in a tlanchhuak vang vang anih chu! A mizia hi a inthlak thut thut ni mai in ka hria.
(13th Feb hi Exam
)