Taksa lum vung vung in min kuah na avang chuan thawh ka hreh hle,ka awm dan hi a nuam in ka mut ati chhuak zual sauh,muthilh leh tum a ka inleh sat sat lai chuan ahma aia nghet zawk chuan min kuah leh nghal hmak a,a awm ah chuan hmai phum tha sauh sauh in ka chhing zui leh vang vang.
A lungphu ri dawt dawt chu ngaithla kar in ka mit ka chhing a. Nizan lam a ka tawng dan avang khan ka inchhir hle. A rilru hneh sak ngei ka tum a mahse nizan vang khan a fuh lo ta vek in ka hria. Eng vang a kha tia lo tawngkhum kher nge maw ka nih le? Min haw tawh ngawt ang.
Ka chhungril a inthiam loh na vang chuan min kuah mek tu taksa chu nidang ang lo tak in ka kuah ve tai a,a taksa nghawr dawt dan ah a nui tih ka hre thei. A hlimna hi a ho reuh riau in ka hria.A hausa a,duh duh a nei thei ti ila ka sawi sual ka ring lo,ka kuah vang ringawt a a hlim anih chuan kuah reng pawh ka pawi ti lo,a rilru ka hneh sak hma zawk anga ni mai lawm!
“Good Morning Amore!" Ti thum sup in ka chal ah arawn fawp vang vang a,dak chhuak zauh in ka nuih nghal sen sen a,mahse a awm ah bawk chuan ka hmai ka phum leh nghal hmiah a. Za lutuk a arawn nuih chuan ka nui ve ta tawp a,keimah a inthiam loh na chuan min kalsan hleithei lo.
“Amore?" Arawn tih leh sup tak ah chuan “Immm" ka lo ti ve sap a “Vawikhat mah ka nawr lui leh tawh lo ang che. Chuan i tan chhungkua ka ni bawk ang,ka tihpalh Amore. Mahse haw chu sawi tawh lo la,i tel lo hian ka dam zawh ka ring tawh lo! Ka nep pawh min ti tih ka hria alawm mahse...." Tiin a chawl leh dat a,a thaw chhuak hak bawk.
“Ka kiang ah awm la ka duh Amore! Kumkhua in!" Ti leh sup in min rawn kuah hlu hlu a,a taksa lum nuam tak atang chuan a thu sawi chu ka lo ngaithla ve reng a. Mahse a thu sawi zat ve erawh ka pawm pui hauh lo thung!
“Atlas!" Ka tih chuan arawn nui hawk a,tih ngaihna hrelo lutuk a ka han hawi chhoh chuan ka hmui ah rawn fawp tâwk in “I tho hlim aw nalh zia hi i hria em Duhawmnu!" Arawn ti ta daih a,ka sawi tur min theihnghilh tir tep khawp in min ti lai!
“Ka fiamthu miah lo ania Atlas!" Ka ti sap a,min melh na atang chuan ka mit ka la sawn ta daih a,anih loh chuan ka nui leh tlat dawn. A awm a tatoo chu ka melh vang vang “Atlas khawnge i chhungte?" Ka ti chhuak sap a,ka thil sawi avang chuan a taksa a tang nghal tung a.
“An boral tawh Amore!" Arawn ti deuh nghut a,ka zawh sual zia ka hriat vel ah chuan a tlai tawh mah mah. A tu a zawk zawk chu kan ngawi ta kar a “Hmelma ho in an kap hlum, Kum 15 lek ah ka pa gang ka enkawl a,ka tan chuan a harsa takzet Amore! Ka nun ah hlim na ka hmu ngai lo a,chhungkua ka nei lo bawk!" Atih sup ah chuan ka melh chho vang vang ah.
“Mahse nang ka nei che a,chu chu a tawk! Eng dang mah ka mamawh lo" tiin ka sam chu ka beng ah arawn zep zauh a,ka hmui ah fawp leh zauh bawk. “Ka tihpalh lutuk!" Ka tih sap chuan nui suk in “A pawi lo Amore" arawn ti ve sup a.
“E chuan...Good morning!" Tiin a hmui ah chuan ka han fawp zauh a,keimah ah khawngaihna a awm tlat anih chu! Chu thil chu ka duh lo hle. Amah ngaihsak duh na leh kalsan duh loh na chu ka nei mahse ka chhungte bul a kal duh na ala lian zawk tho!
“Kan la mu dawn nge? tho chhuak in breakfast kan ei dawn?" Hlim tih hriat lutuk a ka biang rawn tuai neuh neuh chuan arawn ti vat a,mahse mut ka la kham meuh lo. Nilo,a taksa hi kalsan ka la phal meuh lo zawk,ka inkhuh that sauh sauh tak ah chuan nui suk in min rawn kuah nghet leh zual sauh a.
.................
“Atlas ka puar tawh khawp ania,he ti zat zat te chu engtin nge ka ei zawh theih tawh ang?" Ka pum dawm meuh chuan ka ti ta chiam a,eitur an rawn chhawp chhung thei(fruits) ka lo ei bawk nen ka puar vat a,mahse kan lalbera hian min melh leh run run tawh.
“Ok,i ril a tam leh vat tho ang" ati ve ta sup a,ti fuh inti zet chuan mitko ka san ak ak a Atlas pawn min nuih tawp. “Office ah bawk maw?" Min kai kual ve em em a,a office chhung thim khup bawk ah chuan min luh pui leh ta nul nul a.
“I duh vak lo em ni Amore!" Arawn ti sup chuan ka lo bu nghat a “Khawiah chuan nge i awm duh ang aw?" Tiin a inngaihtuah vung vung nge a melh ngai chu a melh ta ran a. Kei in a chezia chu ka lo melh ve reng a.
Nui suk a min kai in pawn lam ah min chhuah pui a,keipawh ka nui ta vur vur a. Min phei pui zel in pangpar huan ah hian min kalpui deuh nawlh a,a in pawn lam en in hetiang hmun a neih a rin awm loh teh reng nen!
“Ka nu huan anih hi Amore" atih sup chuan ka en chho ve ran a,Kum 15 a nih lai in a chhungte a chan a,tun ah chuan a naupang zawk zawk tawh lo. Mahse huan hi ala fai tha in enkawl ngun tih a hriat ngawih ngawih,a nu thih san tur khawp chuan ala thar mah mah deuh!
“Amore,mak ti lutuk suh. Helai hmun hi Kum 20 kal ta atang khan maid 100 vel in an enkawl" atih tak ah chuan ka var ta kuar kuar a. Ka kut a vawn na chu phelh in ka tei kual a,ka hnung ah min rawn zui ve zel a.
Ka sawi tawh em! A kamis var hak hian ati pa in ati lang sexy ngawih ngawih,a nghawng leh ban vel a tatoo awm zawng zawng nen hian a chhelo in ava han hmel tha chiang tak!
“A nuam hle mai,mahse ni asa deuh mah mah anih hi?" Tiin ka lu chu ka kut in ka hliah nghal a,ka sawi zo chiah tih in nihliap hi mipa pakhat hian arawn la nghal a,mak ti zet a ka lo en chuan Atlas alo rum deuh nghut!
“I kal thei!" Ti hmuk in nihliap a kap parh a,ka bul ah chuan alo ding nghal run a. A hmel chu a tum hmuk a,a pa zual ngawih ngawih hle ani!
“En kual zel ang!" Tih ngaihna hre tawh hek lo,a ban ah chuan ka kaihkuah chawt a. A hmel a inthlak hek lo bawk. A awm awm hian awm teh se,ka buai peih tawh lo.
Exam leh unit test boruak vel ah ka awm mek. Mut kham a har bawk ani!
