°Here with me°
Chapter 12🪐
Sarah Zomuanpuii POV:
“Enga ti vut vut ve Bawihi?" Ka insiam mawlh mawlh lai chuan ka nu alo lut a,kei erawh ka lo che sawk sawk thung. Nizan ah thawh hma tum tak in ka muhil hma ve a,mahse dar 8 Rik dawn ah ka tho ve chauh nia! Ka mut hma pawh hian ka tho hma ve thei lo reng reng,hahthlak hian. Chu tah ka pa office kal hma ni alo ni ve lehzel bawk nen. Min hruai tu tur pawh ka nei dawn si lo a,kan in awm na lai tak hi taxi van na lai alo ni bawk nen rilru hi ava han hah chikim tak!
“Chaw pawh ka ei hman tawh lo?" Ti sawk sawk in inhnuai ah ka chhukthla a,ka nu in ka tiffin alo peih fel sa diam chu ka bag ah ka khung nghal a. Tui bottle ka ban nghal zat bawk. “Chaw tal ei rawh,kawt ah taxi i chang mai dawn lawm..chutiang lutuk in ala tlai chuang lo bawk a!" Ka nu chuan alo ti thuai a. “Ka ei hman tawh dawn mi?" Sana en zauh chuan ka ti leh sap a.
“Chaw ei lo in chhangthawp kha ka lo ei mai ang" ka ti lehnghal sap a,ka nu in min lo siam sak nghal vat bawk. Taxi chu ka nu in min chan pui a,kawt ah chuan thil ei pah in kan lo nghak a. A vang ang phian lehnghal a! Ka tlai mai ka hlauh avang chuan ka Sana ka bih deuh chhen a “Thingpui nen ilo ei lo nia..." Ka nu chuan ati leh sap a.
“Ka tlai mai dawn,ke a kal a chi bawk si loh!" Beidawng lutuk chuan ka ti sap a. Vanneih thlak tak nge vanduai thlak tak in ka ti zawk dawn..U Zothana alo tlan hlauh a,kan bul ah a car var nalh zet chu alo ti ding nghal bawk “Enge ni ta a in nufa chu?" Alo ti sup a,min rawn melh ve tel kher bawk nen ka lai chhe lo chauh ani!
“Taxi kan chang anih hi,tukin chu thawh a hei/hai a" ka nu chuan alo ti bawrh bawrh a,ala nui suk zui “Lo kal rawh,in school lam ka pan dawn tho!" Alo ti sup a “Ava lawmawm tak em aw..." Ka nu chuan alo ti leh chiam bawk. Kei pawh a hma lam ah chuan ka thu lut ve nghal vat a. Ka nu chu bye in kan tlanchhuak nghal a.
Inbe miah lo chuan kan tlan ren rawn a. Ka zak thar leh em em ringawt! Ka lo star thin zia a hre ve vek bawk sia. Ka awm dan chu a lai kual vel vek. “In exam tep tawh em?" Atih sup chuan ka melh vat a,hma lam chu alo melh ngur a “Aw" tih ringawt in ka chhang a,a kham hmel teh chiam loh “I Kum ang rual ah chuan tawng duh ve deuh tawh tur.." ti hniam sup in a kut chuan stearing a herh kawi nghal a.
“Min la duh em?" A ngawih vang vang hnu ah chuan ati ta sup a,ka lung hi a phu chhuak mai dawn amaw tih tur ani. Zah zel ah ka Sana chu ka melh zauh a,a zawhna pawh chu ka chhang chuang lem lo. “Sarah?" Ati sup chuan ka melh zauh a,min rawn melh ve nghal zauh bawk. Lu ka thing ta ringawt a,ani pawh a tawng leh tawh miah lo. Lawmthu hrilh in school lam chu ka pan nghal vat a. An lo awm thup tawh a,ka kal loh an lo ring fur hlawm alo ni.
“Khawnge Lalmimi?" Dorkey bul ah ka tih sap chuan “A damlo,a vak peih lutuk a a awm ana anih kha!" Alo ti a,kan nui ta ringawt a. Jeremy pawh alo thu reng tawh a,mitmeng hniam ruih hian min lo melh ve reng a. Ka thutna lam pan in ka thu nghal zat bawk,hman zan atang khan ka be ngam tawh lo hrim hrim. Chu bak ah a zah theih lo thlak alawm mawle!
“I lo va thleng tlai ve?" Atih sup chuan ka melh ve leh ta zauh a “Nia,ka tho tlai a" ka ti mai a,ani pawh a ngai te bawk in a tawng leh duh tawh lo a. Ngawi reng chuan kan thu kar a. Midang chu an thutpui te nen an inbia a,keini ve chu kan ngawi dun kur mai a. Teacher te an rawn luh chuan class kan la nghal a. Lehkha kan zir nghal mur mur bawk. Mi kan tam bawk a an chhiar ring thei bawk nen thiam chak chu har tak ani!
School last bell a rik chuan kan class mipa ho chu an au dual a,kan zirtir tu ten an khap nghal vat bawk. Zirlai te tan chuan zalenna dar hi ani ringawt mai a. Kan chhuak sap sap hlawm a,ka ban ah min lo vuan deuh chawt tu vang chuan ka ding leh rih a “Hman zan a ka thil sawi vang khan min biak duh loh phah nan hmang lo la ka duh,thian tha tak la nih reng ka duh bawk!" Jeremy chuan ati sup a.
“Ka biak reng che kha..." Ka ti sap a,nui suk in “A hma ang em em kha chu ani tawh lo,ani lawm ni?" Nui hawk a arawn tih chuan ka nui ve ta a. Classroom atang chuan kan chhuak nghal vat a. Dorkey te ho nen chuan kan haw ho leh a,Jeremy pawn min thlah tum viau mahse ka hnial tak tlat avang in a haw ta hram kha nia. Dorkey chu bazar vel ah an nui phei ta tak tak mai nih kha! Ka zah zia chu...
“Naktuk hi Mimi-i alo kal thei tawh angem le?" Ka ti sap a “Ka hre bik lo,tawngtai pui ila a dam mai ang!" Alo ti ve vat a. An in ah chuan min pen kawi san ve ta nghal a. Keimah chuan ka haw hnak hnak a. Thil ho te te ngaihtuah in kan in chu ka thleng ve ta hram a. Gate hawng in ka lut nghal vat,gate ka khar leh tur ka hawi phei chu thil phe deuh vuai ka hmu a,ka tlan lut nghal chiam bawk.
“Tinge i rawn tlan luh a,i pa alo haw mi?" Ka nu chuan alo ti vat a,lu thing in inchunglam ah chuan ka chho nghal vat a. Zing lam a ka inbual hman loh vang in ka inbual a,ka inha leh nghal vat bawk. Inhnuai ah chhuk in ka nu ka pui leh a,a buai ve thei reuh sia. Nula la tur a ka tih pawn a duh ngai miah lo bawk a. Amah hian a hah ve em em mai a. Ka nu hian kan chhungkua min ngaihtuah vang in a hna atang a bang daih a,ka nu hi bank manager ani thin a,mahse ka pa hlawh pawh hi kan kham tawk em avang in ka nu in ka pa nen an innei vel ah a hna hi a bang ani.
Tlai lam ah chuan ka pa alo haw a,chaw ei kan peih fel vek tawh a. Ka pa chu a inbual leh te te phawt a. Chaw kan ei ve ta nghal vat bawk a. Chaw kan ei lai chuan ka pa in exam zawh vel a zin a rawt pek a,mahse ka nu chuan alo duh lo nasa. Kan in a ngaihtuah vang bak a ni leh nang. A rilru chuan a chak ve tih ka hre reng!
Zan ah chuan lehkha ka zir leh malh malh a,ka phone massage tone a rik chuan ka zirlai ka tawp chat a. Ka thiante nen a kan group ah chuan ka va tel ve leh ta nghal a. Kan invideo call nghal bawk. Lalmimi-i chu alo in tuam deuh bur a,ka khawngaih in ka nuih aza bawk si nen ka insum thei lo tep ani.
Dar 9 vel ah chuan kan inbiak na kan ti tawp a. Ka mut dawn ah chuan inhnuai ah chhuk in tui in tur ka la leh te te a. Ka nu leh pa te chuan tv an la en bawk. Mahse ka nu chuan Bible alo chhiar a. Inchung ah ka chho leh nghal a. Ka tawngtai hmasa phawt a. Ka tawngtai zawh chuan Pc Hras thawnthu play in ka mu ta siai siai a.
*************************
Ka phone ri ah chuan ka harh zawk a,meng mang hlei lo hian ka pick up nghal vat. Ka mit ka meng chuan khua ala thim vek zui. Tu tak ni ang maw *Hello!* Ka ti sap a,mit ka chhing zui leh vang vang bawk!
*Hliam damdawi nen rawn chhuak rawh!* Ti nghut ri ah chuan ka meng nghal kawk a. Caller id ka en chuan Ramdinsanga call lek chu lo ni in!
*Nga tan?* Ka ti ve leh nghal a,phone chhan ah chuan a rum nghut *Inhliam an awm,rawn chhuak vat rawh* ati leh tawp a,phone a off zui nghal hmak bawk!
Ka chhuak a ngem nge chhuak lo ang! A duh hun hun a koh chhuah theih ah min ngai amaw ni! A duh duh a min ti thei a a ngai anih chuan ati sual chiang khawp ang. Mahse a inhliam ani hrim hrim,hliam damdawi nen a chhuak tur a min tih dan a. Ka nu leh pa te chu an mu tawh ngei anga,thawm dim tak a ka kal ngei a ngai ang.
Dettol chu la in lapua(cotton) ka la chhuak a,kawr lum ha in inhnuai lam ah chuan muangchang in ka chhukthla a. Dar zat ka en zauh chuan dar 2:30 am alo ni a. Chhuak ta ila engtin nge min lo tih ang? Min lo khawih mai angem? Keimah leh keimah hi buaina ah ka lut zawk ani lo maw!
Mahse hliam damdawi la tur in min ti si a,min khawih theih chu ka ring chuang lo. Zawi te a kawngkhar hawng in ka chhuak vat a. Muangchang chuan gate ka chhuahsan bawk,ka hawi kual chuan Misuala ka hmu ta vat a,mahse a bul ah chuan mipakhat alo ding ve kur a. Chupa lah chuan a kut alo la vei zui anih chu. Va pawh lawk ngam lo chuan ka ding leh ren rawn a.
“Ka kut ana tawh ania!" Ti lang lang ri ah chuan ka phu nghek,chupa chu Misuala thianpa lerh hmel deuh lek kha alo ni! Pan phei dat dat in damdawi chu ka pe a,lapua ka pe tel nghal bawk “I mu lai kan lo ti harh che chu a pawi hle mai! Mahse maw...a nat a nat zia chu", tiin a kut chu detol chuan a leih nghal a,a rim arawn nam nghal chak chak bawk. A bul ah chuan Ramdina alo ding ve kur ,puih pawh a tum chuang lo. “Engtin nge i tih nat a?" Ka ti sap a,chupa lah chu a nui hawk zui.
“Ka duh ai in petrol ka lo thun hnem lutuk a,bike ka control zo lo alawm mawle! I Romeo pawh hian a thun ve zauh ania" tiin a melh zauh a,keipawh chuan ka melh ve nghal vat a. Ani erawh a awm ngai ngai chuan alo la awm kur a,engtin mah a effect hmel lem loh. Rui ang pawn a lang lo bawk. Nidang zawng ai in a lang tha lehnghal!
“Ka lawm e,ka kal tawh mai ang..lo inbe ru..mut vat vat ka chak tawh" tiin Dettol chu min rawn pe let a,bike ah chuan a chuang nghal vat bawk. Chak zet in a tlan chhuak a,kawngkawi ah ala ti nghek zui. Kan awmna chu a reh ngawt ngawt in ka hria,thawm engmah a awm lo tih lem a thli thaw leh suk suk thin chu a awm.
Ramdina ka melh zauh chuan min lo melh ve reng tawh a,hmun dang melh daih in ka khuh kharh a. Ala nui suk zui! “Thu i awih ang tih ka hre miah lo a!" Ati sup a,ala nui suk suk a. Lehlam kawng ah chuan a hahdam thlak phian mai. “Nangmah i inhliam amaw ka tia" ka ti ve ta sap a,zan a rei bawk a min hmu lo tur ah ngai ang.
“I lo hlauthawng a?" Ti sup in arawn pen hnai deuh a,kei ka lo tawlh hnung nghal vat bawk “Chutiang pawh ani lo" ka ti nghal vak a,mahse ka ka ka hup rang ngei mai. Thawm dim tur tih ka lo theihnghilh alawm mawle! “Kei ni lo in rawn call ta che se i lo chhuak angem?" Ti sup in arawn kun hniam a,a thil in rim arawn nam nghal chem chem bawk.
“Min chhang rawh!" Ati hmuk a,ka tiril hi a khur der der mai. A hmel rum tak chu ka melh ve ta reng a. Mak tak mai chu ka hlau hauh lo! Nidang ah chuan a awm mai mai te hi ka hlau ru thin ania,mahse tun ah chuan amah hnaih tak ah a awm a,ka hlau miah lo!
“Ka hre lo" bah niai chuan ka ti sap a,arawn nui nghal suk “I chhuak tur ani lo" ti nghet leh churh in a kut arawn lek a,kut min thlak dawn amaw ka tih lai in ka sam,ka hmai zar tu chu alo tuai sawn a. A beng ah min zeh sak nghal than bawk. Kan in awm hnaih em vang chuan ka thawk a har talh mai! Nilo,ka thaw tawh pawn ka hre lo....
A kut ala sawn mai dawn amaw ka tih lai in ka biang arawn chul leh ta thuak thuak a,ka biang chu a tuai thuak thuak a. Ka mit ah min melh reng bawk,amah a rawn kun hniam ngul a. Ka biang arawn dawm ta a,mahse ka harh ta thut a. Ka tawlh sawn nghal dawrh bawk. Ka thaw nghal hak a. Ka dik loh hman zia ka hrechiang lutuk tlat bawk!
Ani pawh a ding tha nghal vat a,min melh leh run tawh a. Tun ah tak chuan a lawm hmel mawlh lo. “Muttui!" Ti sap in ka inher a,ka kal nghal hmawk hmawk,boruak vawh teh reng nen ka sa chhuak vek in ka hria. Gate hawng chuan ka tlan lut nghal vat a,dim te a kawngkhar hawng in ka lut a,kawngkhar ka kalh lehnghal bawk. Ka room ka thlen chuan ka bawk nghal thlawp a,bike tlan ri ka hre chhunzawm nghal bawk.
Lo COMMENT leh vek ula aw,chuan silent reader te chungah pawh khan ka lawm vek ania...