A tawp lam ah khuan aw.
•Here with me•
Chapter 13🪐
Ramdinsanga POV:
Chu naupang tlan lut chu ka en zui reng a. Eng vang a kha tia awm nge ka nih pawh ka hre bik lo. Mahse amah hnaih ka chak a,belhchian ka chak bawk. Hmeichhe dang ang lo tak in ka bul ah minutes 1 lek a awm in ka hne ve zung zung lo a. Min duh na mitmeng ka hmu ngai lo bawk,chuvang te chu ani ta ve ang.
Inlam pan chuan ka inkhalh chhuak nghal a. Engvang a an inkawt a ding kher kha nge ka nih ka hre hauh lo. Thinrim tun in nileng hun ka hmang a,a chhan pawh kha naupang vang khan ka thinrim chhan chu ka sawi tawh lo ang. Vanneih thlak tak nge vanduai thlak zawk in,Ruatdika te in atang ka haw kha ka phone ka lo theihnghilh palh hlauh a,chutah min pe tur in a rui a rui in min lo la zui ve zui a. A la inhliam phah zui bawk.
Garage ah chuan tlan lut lo in kan inkawt ah chuan ka bike ka park a,kan inkawt hi a zawl ve reuh a,duhtawk in a tlankual theih bawk. Ka nu hian a thlai leh pangpar vel hung lo se chuan a zau thawkhat viau ang. Kan awmpui pakhat hi alo la meng hlauh a,nula ala ni ka ti dawn nge a bialpa ni awm tur tak nen chuan an lo inbe ve ngei a,chutia ka lut thut chu a hlauhthawn hmel hle.
Ka room ah chuan ka chho nghal vat a,ka jacket chu hlip in bathroom lam ah inbual tur in ka lut nghal a. Inbual zung zung in ka inthlak a,kawr pawh ha lem lo chuan khum ah ka mu nghal a. Enge ka tih ka hriat hma hauh in kan naupang-i thlalak bawk kha ka lo en leh tawh a. Ka zep lo,nimin zet kha chu nula tak tak a ang takzet. Mahse mipa dang in an melh khan keimah ah hian hriat thiam loh eng nge maw a awm,chung mipa ho chu sawisak nek ka chak takzet!
Kan Ruatdika tawngtheih a zar ah ka U Senior in a hriat phah kha nia...ka chhungte hrilh ah min la vau zak zak zui. Eng atan mah ka ti lo tih a hre ve reng awm sia. “Sarah Zomuanpuii" tiin ka phun chhuak sap a. Sarah tih chu a inhmeh ngawih ngawih,a hmel innocent tak leh duhawm em em nen khan. Mahse a mizo hming erawh inhmeh ka ti teh chiam lo chu ai chuan ‘Kungawrhi' tih a inhmeh zawk ka ring. Biak chu chak ru viau mah ila ka mu ta zawk a.
Sarah Zomuanpuii POV:
Ka zak lutuk! Eng ti tih a lo chhuak ve ngawt nge maw ka nih le. Mahse ka puih na an mamawh miau sia lawm. Ka mit ka chhin apiang in ka awm dan zahpui awm zet kha alo lang leh thin a,ka tlei/tlai var thei tak ngial dawn. Min ngai nep ngawt in ka ring ani. Ani ang tlangval lehnghal in kei naupang mai zanlai ah min koh chhuak ania. Kei lah mawl bawk! Ka lo chhuak thawt thawt lehnghal a.
“Puii tho rawh le?" Ka nu ti ri ah chuan ka harh zawk a,ka mu chiah amaw ka tia. Ka in let tha nghal sauh sauh a. Ka nu chu a che ri deuh rawk rawk in ka hria. “A mak thin,mut duh lutuk mai" tiin ka blanket chu arawn theh hlim a,loh theih loh na vang in ka thu chhuak ta nghal a. Ka meng thei mang lo.
“I va mu har awm em em ve?" Ka nu chuan alo ti a kei erawh in ka chhang lem lo,ka la tawng thei lo. Ka mut a la chhuak ngawih ngawih. “Va in phih harh vat rawh,school kal i ngaih kha" ka nu chuan alo ti leh sawk sawk a. Kei pawh ka tho ve leh ta nghal a.
Kei pawh rei lo ah ka insiam zo ve thuai a,mut ka kham mawlh lo ani. Ka mit lah chuan min la support em em zui a. Ka lang chhe vek dawn anih hi. “Bawihi Mimi-i alo kal!" Ka nu chuan alo ti lang lang a,dar zat ka en chuan 8:30 alo ri tep tawh a. Inhnuai ah ka chhuk a. “I van muang em em?" Alo ti hlar a,ka pa pawh alo in peih diam tawh a. Sitting room lam ah phone alo en a.
“Nizan ah ka mu thei lo a" tiin chaw chu ka ei nghal a. Mimi-i pawn vawiin lam a kan test tur alo revise ve mek bawk. Chaw ka ei zawh chuan ka nu tiffin siam chu ka bag ah ka khung a. Ka pa ho chuan kan inzui chhuak a. Dorkey pawh kan lam chho ve nghal a. Classroom kan lut chiah chu an lo ri deuh huk a “Newsss" an lo ti nasa mai a “Eng nge?" Ka lo ti ha a “Malsawm in Jeremy nen kan ni ati!" An lo ti a an lo te chel chul mai.
“Eng nga...." Mimi-i chuan alo ti vak a,thudik anih thu an lo hrilh nghal sap sap bawk. Kei min rawn en leh a keipawh ka lo ka ve hau mai. “Chupa mai mai chuh!" Mimi-i chuan arawn ti hlar a “Eng nge?" Ka lo ti vat a “Nangmah duh awm deuh in a awm a,ava han sual ve a" ring mang kheng chuan alo ti chhuak chiam a,a ka hup beh sak na hman pawh a awm tawh lo.
“Chutiang ani ngai reng reng lo" ka lo ti vat a,kei mah ah effect a awm loh teh lul nen ka thiannu chu a thin a rim dawn dawn mai a. Dorkey nen kan khap dai thei hram alawm. Jeremy leh Malsawmi chu class ah an lo lut a,an lo lawmpui sap sap a. Mahse Jeremy chu a bo hmel hle.
“Eng thu nge in sawi hi?" Ati hrawk a,classroom chu a reh nghal thap bawk “Chutiang engthil mah a awm lo!" Ati ta hmuk a, classroom chhung a awm zawng zawng chuan mak an tih hmel takzet! “Anih chuan nizan a i awmdan kha enge awmzia?" Malsawmi chu tap mai tur hmel a pu “Nizan thil thleng chu engpawh nise eng nge?" Ati chhuak hmuk a “Mi tenawmpa" Malsawmi chuan a ti ta tiau a,kan boruak teh nuai chu a mak hle.
★★★
Last bell a rik chuan an chhuak sap sap a. Jeremy pawh a haw ta daih kha nia. Malsawmi pawh khawnge a awm ka hre ta lo a,kan class pum pui chuan mak kan ti hle. School chhung ah a lar lo zawk zawk an ni lo dun bawk nen chanchin chu class dang pawn an lo hre ve ta thuai a.
“Kei chu a mak ka la ti reng?" Dorkey chuan alo ti sap a “Kei chu ka thinrim!" Mimi-i chuan alo ti hmak bawk,henu thin hi chu aw!! “Mimi ani nen khan inzawm na ka nei hleinem,thinrim na vak tur a awm lo" ka lo ti sap a. “Khawvel ah duh ber awm zia zang che in a awm a,thuiiiii ka ten e a" alo ti hluai a.
“I a e mai" ka ti ta ringawt a “Changtupa thar tur kan hmu tawh ni in a lang" Dokey in atih sap chuan kan melh haw a “Eng maw?" Mimi-i chuan ati hlar a,a hawi na lam kan hawi ve nak chuan Ramdinsanga nen chiang lutuk in kan la inmelh zui. Chuan...no smoking tih in tar na lai tak ah meizial ala zu zui leh ta nghal a.
“Khawi lam a changtupa!" Rei en ngam lo in ka hawi sawn ta daih a,ka thiante lah chuan a autograph an dil lo chauh hi a ang. Kei lah in ka kai a ka kalpui nghal hmawk hmawk a. Zak lutuk chung chuan kan kal pel ve thei ta hram a. “Enge min pawh vak a? Ruatdika chhiat loh zia kha" Mimi-i bawk chuan arawn ti leh a “Tu Ruatdika?" Ka lo ti ha a “A bul a mipa samkir chhelo deuh kha" alo ti vat a,ka ner nghal nang. Khawi lam a chhelo,a at at nen!
In ka thlen chuan ka nu in ei rawng alo bawl a,inchung ah chho in ka inthlak a. Inhnuai ah puih tur in ka chhukthla ve nghal vat bawk. Homework emaw zir tur tul bik kan nei lo anih chuan ka theih chin chin a puih hi ka tum ve thin a. Eirawng chu kan bawl dun a,kan nui leh thin bawk.
“ Soya sauce kan nei tawh lo anih hi! Iva lei lawk peih em?" Ka nu chuan alo ti hluai a “Peih e" ka lo ti ve mai bawk “Pu Zara te dawr ami i lei peih em? An ni an nei readymade thei deuh a?" Ka nu chuan alo ti leh a,ka bu nghat a.
Pu Zara te dawr hi a lun ve khawp a,kan in atang a hlat pawh a hla ve deuh hlek. Mahse khua ala eng ut bawk a,ka hlau lem lo. Dawr ah chuan ka thil lei duh ka lei a,ka chhuak leh nghal vat bawk a. Tum loh deuh in kan misuala U khan min lo bia a,ka lo hre tawh lo lehnghal a,mahse amah chuan min lo la hre chiang khawp chu ni in. A nau nen chuan an in ang lo vet vet teh asin.
★★★
“Khawi hmun ah pawh hmuh tur a awm anih hi!" Ka ti sap a,ka kal kawng dal zawng tak a bike lo hung sauh sauh tu Ramdinsuala chu ka melh ve reng a. Ka hmuh zah tawh nak a lai a,ka hmuh tur a a awm reng te hi ati lui ani chiang mai.
Ka kut hum ruh sauh sauh in ka kal a,a tlan in ka tlan lo chauh ani. A zawn ka thlen chuan ka melh lo hrim hrim a. Ka kawr nghawng ah arawn vawn chawt chuan ka rak that a. Hman ni zan a an in sual na bawr vel kha anih vang in a fal deuh hlek a. Ka nu rawn chhuak se ka ti ngei mai.
“Min thlah vat teh Suala!" Ka ti chhuak hlar a,a thlah ve mai bawk a. Rum lutuk a va melh chuan min lo nuih suk a,melh rum zui hram in ka kal pel hmak a “I thil hi i duh tawh lo em ni?" Arawn ti sup chuan ka hawi let vat a,engtik lai in nge ka thlauh ka hre hauh lo.
“Khawi min pe rawh!" Tiin ban mai ka tum a,a ban a phar sang daih lehnghal ava han sual tak! “Min pe mai mai teh ninawm" tiin ka ban tauh tauh a. Amah hnaih deuh chuan ka ban pha mai dawn a,mahse he misuala hi chu ka hnaih dawn lo rapthlak lutuk.
“Lawm na chang i va han hre lo tak" Ka ti chhuak ta ringawt a,kha leh chen ka tanpui a,chuta kar ah amah vang in mut ka kham lo em em bawk.
“Ka pe ang che" Ati nghut a,ka kut ka dawh nghal bawk “Mahse thil pakhat min tih sak a ngai ang" Ati leh hmuk a “Kal mai teh,min pe mai mai rawh..i rual pui awm infiam pui tur zawng rawh" tiin ka kut chu ka dawh hnai sauh sauh a.
“Theihnghilh rawh" Ti hmuk in a bike ah chuan a lawn nghal a,ka thiannu in min pek ve liau liau anih vang in ani neih ngawt chu ka phal teuh lo. “Min pe rawh,i ta anih loh kha!" Ka ti leh vak a,khuh kharh hian “Ka duh chu.." a ti sup a.
“Kal mai teh" ka lo ti nghal hlak a,ka sawi zawh rual rual in bike a start ta mai a,hlauthawng lutuk in “Khawi min pe rawh" Ka ti leh chiam a,ka nu rawn chhuak se hau hrep se ka ti ngei mai.
“Zan in dar 10:30 ah i hman angem?" Ti ta daih a “Hman lo,lehkha zir ka ngai...i tan ka hman lo" Ka ti hmuk a,ka nu in min nghah reng tawh ka rin vang chuan ka hman hmawh ru hle.“Kan in hmuh rem chan ah ani mai" Tiin bracelet chu min pe tha mai dawn amaw ka tia,chhuat ah a thlak nghal hlak anih chu!
“Hmela!" A tlan liam chu ka au zui hram a. Ava han sual chikim tak,a chang leh a fel a a chang leh a sual a. Nilo..a sual full vek hi ani mai.Ka hnung a horn ri ah chuan ka la phu nghek zui a.
{COMMENT kha aw}
An inngaizawng har tawh tiru?
Pathian in rem atih chuan kan regular deuh tawh ang aw. A ngaihnawm vak lo maithei a,chuvang chuan in tawngtai na ah te khan lo hria ula. In story chhiar lai ziak tu nu ve mai mai hi ka kum te ala tam lo a,ka thiam vak dawn lo tih kha min lo hriat pui ula.