•Here with me•
Chapter 14🪐
Sarah Zomuanpuii POV:
Phawk lutuk a ka hawi let chuan U Zothan an min lo melh ve run a,kei lah kan misuala an khum deuh zawng in posi lai tak chuan ka lo ding tum luau a. U Zothana chuan car horn arawn hmet leh a,lai zet in ka kalsawn nghal a. Ka zak ru ve takzet. Kei lah a kalkawng dal zawng in ka lo ding ve veng² bawk sia. Hei pawh hi kan Ramdinsuala vang vek kha!! Engvang in nge maw ka nun hi a chawh buai tak em em mai le.
“I nu a awm tiraw?" Car atang a lo chhuk in ati sup a,ka bu nghal nghat bawk. A lut mai dawn amaw ka tia a ding leh ren rawn a “Kal na tur dang ila nei em ni?" Ati leh sup a “Nei lo e" ka ti sap a,a kut phar zauh in “Nih chuan lut ila?" Ati a,keipawh ka lut ve nghal vat. Ka hnung ah chuan min lo zui ve vat a.
“Ehe...Zothana chu? Iva fel ve min rawn tlawh nachang te i hriat a?" Ka nu chuan min hmuh vel ah alo ti sawk sawk a,ka Soya sauce lei chu choka lam ah ka luh pui ta daih a. Ka nu leh U Zothana te lah an rawn la inzui lut zui. “Thuthleng kha pawt chhuak la lo thu ve tawp mai rawh,i in ang in ngai la tlangnel tak in awm rawh" ka nu chuan alo ti leh nghal bawrh bawrh a.
“Tlangnel loh na chhan tur a awm hleinem" atih chuan ka melh zawk a min lo melh ve reng avangin la hawi sawn ta daih a. Ka nu chuan ka thil lei chu rei min lo ti ngang mai a,a siam nghal mawlh mawlh bawk. “Puii i U Zothana hi thingpui lo lum la?" Ka nu in atih chuan tui ka chhuang nghal vat a.
Thingpui lum lai hi chuan ka nu in kalsawn a phal ngai loh vang in ka ding ve reng a. Ka nu leh U Zothana chu an in be mawlh mawlh a,nufa te pawh an ang alawm mawle. “I lo kal kawi zawk tih ta em ni?" Ka nu in atih chuan “Ni deuh tho mai,vawiin chu ka haw hma a in in lam hi ka rilru ah a lang reng a ka lo kawi zawk anih hi,ka nu in a lam nasa thei lutuk che u a,kei ngei pawh hian ka ngaina nghal khawp mai che u" ka nu tih lawm dan lah a thiam narawh.
“I nu hi chu ka thian tha lutuk mai hi nia,nang pawh hi ka fapa ang chiah a en tur che in min hrilh a,hei kan Puii chiah hi kan nei sia....tak a! Khawnge i bialnu hmel tha zet kha?" Ka nu chuan ati nghal hluai a,ka va melh zauh a ka hawi let leh rang ngei mai.
“Kan inthen tawh a" ati sup a,thudang sawi in ka nu nen an ti ti zui leh mawlh mawlh a. “Kha u.." tiin ka thingpui siam chu ka pe a,ka room lam ah ka chho nghal daih bawk. An bul a awm ve reng khu nuam ka ti lem lo. Chet pawh ka che tha thei meuh lo anih kha.
Ka room ah chuan eng vak mah tih tur a awm loh vang in ka lehkha zir tur ka la chhuak a, corridor a thutna kan dah ah chuan ka thu thla a,ka chhiar ve malh malh a. Ka pa lo haw ri chu ka hria a,mahse min koh lem loh vang in chhuk ka tum hran lo. Ka pi te ka ngai deuh a,mahse ka call chuan kan in be tawp hlei thei dawn lo tih ka hre ve kur sia,be lo phawt mai ang.
“E kha ti lam ah a ni maw ilo awm a?" Ka nu chuan alo ti vat a “Eng nge a?" Ka lo ti sap a “Eng ni lo e,i bo amaw ka tia ka hlauthawng deuh a" ka nu em em thin hi chu aw! A chhuak leh nghal mai a,keipawh phone ka khawih leh ngar ngar tawh a. Khua a thim thet thet bawk. Kar leh lawk exam ni mahse ka thiam hnem ve tawh em avang in ka chawl ve a.
Kan chawlh chhung khan a tul zual pui deuh chu ka zir ve a,mahse chu ti lutuk in ka zir hnem chuang lo. Christmas bawr vel a lehkha zir chu har tak ani. A mawi ah lehkhabu kan chhiar tawk hi ani mai a. Tunlai ah chuan phone hian hmun a luah hnem tawh a,khua pawh hi a har mawh hle ani.
“Chaw ei ila Puii?" Ka nu in arawn ti lang lang chuan dar zat ka en vat a,ka rin ai alo tlai deuh tawh a. Phone khawih chhung rei loh teh reng nen hian hun hi a kal chak zung zung thei bawk sia. Inhnuai ah chuan ka chhukthla a,ka pa in tawngtai na a hmang a chaw chu kan ei nghal a. “I U Zothana nen in in be ve ngai em Puii?" Ka nu in atih chuan ka melh zawk a “Be ve zauh zauh ani mai ang chu".
“Shillong a i awm lai khan in in hriat ka ring a,in in be tam lutuk si lo a ka ti mai mai mawle. Mahse in tawngtlem dun bawk sia in in ngainat vak ka ring lem lo" alo ti leh daih mai bawk sia “Nu U Zothana a bialnu nen an inthen ami?" Ka ti sap a “Then chu a tih kha,a naupang zawk zawk tawh bawk si lo a,a hmel te a chhe lo a chu bak ah doctor ala ni lehnghal,Pathian in nupui tha deuh ala pe ve mai ang" ka nu chuan ati leh a.
Chaw ei na ka ti fel a,ka nu chu ka awl tir leh vang vang a. Thleng ka sil zawh chuan thei ei tur ka vel leh phawt a, sitting room lam ah chuan ka chawi phei a. Kan chhungkua chuan chanchin thar kan ngaithla a. Ka phone chu rei lo ah ka en leh ta daih a.
“Lehkha han zir la,in exam a hnai tawh sia...phone khawih tam lutuk lo la a tha ang bawihi" ka pa chuan alo ti zat a “Ok", tiin inchung lam ah ka chho a. Bible chhiar in ka tawngtai leh te te a,lehkha chu ka zir leh tan ta a. Tawngtai hi chuan a dan a dang zar mai,kan lehkhazir ah te hian kan tluang bik in ka hria.
Dar zat ka en chuan dar 9 alo pel tawh a,duh tawk in, mu tur in ka in buaisaih a. Ka ha nawt in ka hmai ka phih a,kawr hak nuam deuh chu ka ha a,ka mu nghal hlan bawk. Ear phone ah chuan ka hla duh em em mai ‘HERE WITH ME' ngaithla in ka mit ka chhing chial a.
Watch the sunrise along the coast
As we're both getting old
I can't describe what I'm feeling
And all I know is we're going home
So please don't let me go, oh
Don't let me go, oh-oh-oh
And if it's right
I don't care how long it takes
As long as I'm with you
I've got a smile on my face
Save your tears, it'll be okay
All I know is you're here with me
(kan phuah chhan na hla aw...)____________________________________________________________________________________________________
Zing ka tho chu a nuam ngei mai,ka mu hma bawk a. Ka tho hma anih hi. Thu chhuak in ka tawngtai nghal a. Tawngtai zawh ah chuan khum atang tho chhuak in ka zi mar nghal ar ar bawk. Ala hma tho vang in lehkha chu ka revise a. Maths chiah chawh tur ka nei tawh bawk a,zanin ah ka chawk mai aniang chu.
“Tho hma ve?" Ka nu chuan min hmuh vel ah alo ti vat a “Nizan ka mu hma alawm" ka lo ti vat a,bawnghnute in tur min lo pe vat a. Thingpui a siam leh nghal bawk “I pa va pe lawk mai ta che Puii?" Ka nu chuan alo ti vat a “Aw le" tiin ka nu leh pa room lam ah chuan ka phei a. Ka pa chu khum ah lo bawk in phone alo en mek a,thingpui chu ka pe vat a.
“Pa vawiin i office dawn lo em ni?" Ka ti sap a “Aw,dawn lo e i nu nen chhun ah chhuah lawk na tur kan nei a" ati vat a keipawh ka chhuak nghal a. Ka nu bul ah chuan ka phei leh nghal a “Khawnge vawiin ah in kal dawn a?" Tiin ka bawnghnute in tur chu ka in nghal khawlh khawlh a “Dam lo kan kan dawn,ka sam ka pawh ngil tir nghal mai thei ani" atih chuan ka nui hak a “In per san mai siah!".
Ka insiam zawh chuan ka chhuk thla nghal vat a. Mimi in min rawn sawm hun chu ka ngaichang reng a phone ka lo khawih pah bawk *School i kal dawn em?* Ramdina massage arawn thleng hlawl a *Dawn* tih ringawt hi ka type a,min reply leh awm chuang lo em mai.
*Ka thil duh kha* tih arawn thawn leh hlawl a *kal mai teh* tih ka thawn nghal vat bawk,ka nui nghal vur vur a. Mimi-i alo thleng a,kan inzui chhuak nghal daih bawk. Ka haw hun ah a massage en ka chak zek zek tawh! Eng nge maw ka hriat ni ka phur teh hawrh mai. “Iva han tho fuh awm em em" tiin Mimi-i chuan min melh a,lu ka thing mai a.
Rei lo ah school kan thleng a, classroom lam kan pan lai mek chuan Jeremy an min lo koh a “Immm Eng nge?" Ka lo ti sap a “Inbe lawk ang?" Arawn ti ve sup bawk,Mimi-i chuan min en chik hle a. Ka bag la in classroom lam ah chuan min phei san ta daih a.
“Hmun fal deuh ah" tiin a kal sawn nghal vut a,ka zui ve nghal bawk. School chung ber ah chuan min chhoh pui a. Thli a thaw vuk vuk lehnghal a. “Ka tihpalh!" Atih sup chuan mak ti lutuk in ka en reng a “Nga ti maw?" Ka lo ti haw “Engkim vang in" ati sup a.
“Malsawmi nen kan inkar ah engmah a awm lo bawk!" Arawn ti hniam sup a “Aw le" ka ti sap a “Vawiin chu kan haw rual thei ang chu tiraw?" Nui suk a arawn tih chuan ka bu nghat nghat a,a kut arawn phar chhuah chuan ka melh vut a “Bul tan tha in thian tha tak nih ka duh Sarah?" Ati a,kei pawn a kut ka vuan ve nghal a.
Inhnuai ah chuan ti ti dun siam siam in kan inzui thla a,kawng leh lam ah chuan a nuam phian. Kawm a lo nuam em em mai lehnghal a. A tawngtlem tih mai loh chu engkim a sawi pui theih vek hi ani mai.
“I zir nasa ve tawh hrim hrim em?" Ka tih chuan a ner nang a,a cute reuh lutuk. “Zir chu khawi lam!" Ati sup a,ava han inthlah dah tak. “Vawiin zan atang tha deuh in zir tan la tiraw,exam a hnai tawh bawk sia collage tha ah te luh i duh chuan i tih that a ngai sia?" Ka ti sap a “Aw le,i thu ber lawm" tiin a dawhkan ah a bawk ngal daih a,a ngaih ava han sam tak!
Lunch break anih chuan an chhuak sap sap a,kei ni chu Jeremy thianpa leh kan thian thum chuan tiffin kan ei ho a. “Nizan ah Ruatdika ka mumang ah ka hmu a nawm sia chu" Mimi in atih chuan ka ner sak a “Ka lo biak ang che" ka ti nghal vat a “I be ngam ami?" Arawn ti nghal ha a “Biak hmasak a ngaih vak ka ring lo e a" ka lo ti daih a.
“Ramdina kawm ve ber ania,Ramdina nen in in hre bawk a a hre viau ang che" Dorkey chuan alo ti nghal zat a “Sual deuh Ramdinsanga kha mi in sawi a?" Jeremy thianpa Didika chuan alo ti vat a “Ni mai ang chu" Dorkey chuan alo ti vat a. “Insual a thiam lutuk asin,a U chhiat loh zia mai chu a..." Didika bawk chuan arawn ti leh a,a U kha chu kei pawn a hmel tha in a chhelo ka ti ve tho.
“An unau in an tlan chak dun thei si.." Jeremy chuan alo ti ve nghut a,a hre ve anih dawn hi “Ni e,U Ramdina bike khalh hi chu a hriat ngawih ngawih zel" Didika bawk in arawn ti leh a. Tiffin kan ei zawh chuan kan thian thum in toilet ah kan inzui phei a. Kan let leh chuan kan seat ah Jeremy leh Didika an lo la thu reng a.
★
“Ke in haw leh dial dial ila a nuam ber" Mimi-i chuan ati lang lang a,Jeremy te nen ke in kan haw ho a. Didika chuan fiamthu a thawh a kan nui leh nasa mai a,amah a a ve reuh ka ti dawn nge,bawl ti tih in ka thiante pahnih chuan an bia a.
An in peng lam ah chuan min phei san ta a kan reh thuap in ka hria. Dorkey pawh an in lam ah a lut ta vat a. “Lehkha zir hi e ka peih thlawt lo", tiin Mimi-i chuan min thlah a,kan in bye lauh lauh hnu ah ka lut ve ta hram a. Ka nu leh pa te an lo haw tawh aniang,mahse ka pa chiah ka hmu a. “Khawng anu pa?" Ka tih chuan “A sam an la siam zo lo a dar 4:30 vel ah khian ka va lam leh ang" alo ti nghal a.
“Bawihte eirawng chu lo bawl mai la tiraw?" Ka pa chuan alo ti lang lang a “Aw le" ka ti ve nghal vat bawk. Ka inthlak zawh chuan eirawng kan bawl nghal vat a,chaw chhum deuh tawp anih vang in ka rei lo hle a. “Rin ai in kan lo haw tlai maithei,i nu sam tih chhung a rei thei em mai,nangmah in ilo awm hreh em?" Ka pa chuan alo ti vat.
“Hreh lo ve..." Ka ti vat a “I hreh chuan i U Malawmi te inah a awm theih reng ania aw,ka kal aw Bawihte?" Ati leh nghal zat a,pawn thleng chuan ka thlah nghal a. Inchhung ah lut in hla ka play a,thil chu ka siam ve niap niap a,awm mai mai ai chuan a tha tho tho. Ramdina massage lo awm miah loh vang erawh chuan ka hnual ru deuh a.
Ka siam zawh meuh chuan ka hnawk hle tawh,ka ti fel leh zung zung a. Paih tur pawh a tam ngei mai,pawn ah chuan chhuak in kan gate pawn a bawlhlawh kan paih na thin ah chuan ka paih lut nghal a,luh leh mai ka tum chu ka ban ah min pawt hrawk tu an awm a.
“U Zothan?" Ka ti sap a,mitmeng phi chiai a min lo melh in a khi suk a “Khawnge i nu te?" Alo ti sup a,a rim chuh! “An chhuak lawk a,i hmu duh em ni?" Ka ti sap a lu a thing nghal nghat “Sarah!" Thil vei nei hmel hi a pu ngawih ngawih in ka hria.
“Sawi la?" Ka ti sap a,ka ban ala vawn reng vang chuan ka awm a nuam thei der lo “Bul tan tha ang,kan pahnih in..." Atih sup a,min melh ngur bawk. Ka kut thin thlak ka tum chuan min vuan nghet zual sauh sauh a“Min thlah teh,i rui anih kha!" Ka ti sap a,lu thing in “Min duh ve ani lawm ni?" Ati sup a.
“Min thlah teh.." tiin ka tal nghek a,ka ban lehlam ala vuan ta deuh deuh a. “Nangmah vang in Mizoram ah ka rawn haw a...hetiang hian maw min tih dawn!" Ti nghal hrawk a,ka hlau ve det. Ka ban lah chu a hmer na ngawt ngawt leh nghal.
Thawk leh khat ah arawn thal thuai a. Ka hmuh hmasak ber chu Ramdinsanga thinrim hmel hlauhawm tak ani! “Zawnga!!!" Ti hrawk in UZothana chu a hnek nghal chawrh a,a ri nghak chhawk bawk. Che chang lo chuan ka ding reng a. U Zothana chuan a ti let ve thei lo nge a rui lutuk zawk...a dawh tawp ni mai in ka hria!
“I ngam chuan han khawih lui leh teh,ka that tawh ang che!" Ti nghut in a thlah chawrh a,ka lo ding khawng reng ringawt. Min rawn pan hnai in ka hma ah chuan a ding run a,a thaw chhuak nghal hawk. “Min rawn zui rawh!" Tiin kan bul lawk a bike ah chuan a lawn nghal tharh a,ka lo ding zum zut ringawt.
“Lo lawn rawh!" Ati nghut a,a thinrim hmel lutuk te saw ka hlau ngawih ngawih “Zomuanpui rawn lawn vat rawh!" A ti hrawk a,ka phu nghal zawk bawk. Thinrim tak in arawn chhuk a,min pawm kang deuh lawp in ka hria. Harh chhuak in ka tal nawk nawk a. A bike seat ah chuan min nghat chawrh a.
“Chhuk han tum vaih teh i chak lo ang!" Ti nghut in bike ah arawn lawn a,chak zet in a tlanchhuak nghal anih chu! Te chul in a kawng ah ka va kuah rawk rawk a. Ka thi dawn amaw ka ti tawh,ka tla mai dawn te hian ka hria. Din a tum bawk si lo.
Bike a tih din chuan ka lu a hai ngei mai,ka chhuk nghal vut a. Ani pawh arawn chhuk ve nghal a,ka ban ah min pawt hrawk in min kalpui nghal hlawk hlawk a. In reh ruih ah min kal pui anih chu! Ka hlau lek lek ani,a reh in tu man min chhan thei dawn lo tih ka hrechiang lutuk mah mah bawk. Engvang a lo zui ta kher kher nge maw ka nih le..
Kawngkhar ah chuan min nam bet nghal chawrh a,ka rak nghal that ka hnung a thip nghal thum bawk. A hmel ka en chuan ka hlau ngei mai,a mitmeng lah chu a sen ram lehnghal a. “Khapa kha tunge?" Ati hrawk a,ka tha a khur der der “Zomuanpui kha pa kha tunge ka tih chu?!" Tiin kawngkhar chu a hnek nghak thuai a,ka phu nghal nghek bawk. Duh lo lutuk in ka mittui ala rawn hnai kuarh zui!
Thaw chhuak hrawk in ka biang arawn dawm a,“Mi mawl lutuk nu!" Ti sup in ka chal leh a chal chu a ti si ta mai a!!!
Khi mi chen chen khi ka type a COMMENT tal chu min pe ve ula
