•Here with me•
Chapter 15🪐
Ka chal leh a chal ti si reng chung chuan a thaw sak sak a. Kei ka thaw tha thei der lo. Kan in awm hnaih leh lutuk chu ka chhungril hi a khur der der thei nia! Ka biang a dawm na kut vawt thler te chuan ka tiril ah hlauhna a tham er er a. Ka tal zui ngam tawh bawk si lo. Duh lo lutuk in ka mittui arawn hnam nghal sawk!
“Kha pa kha tunge?" In la hrang hlek chuan ati sup a,awihawm loh khawp in a aw a dam. Chhang thei mai lo chuan ka thaw hak a,ka tawng dawn a mahse ka tah a chhuak zel bawk si. Ani lah chuan min hrethiam lo tih hriat tak in min melh run a,a thinrim hmel zat ve kha chu a bo tawh. Tun ami pawh hi hlauhawm tham tak chu ala ni!
“K...ka..." Ka ti chuan ka hrawk ana nghal thum thei nia! Thaw chhuak hrawk in arawn awm hnai a,min kuah ka ti dawn nge a taksa ah chuan min pawt hnai a. “Ka vawikhat hmuh dun na che u ani tawh lo!" Arawn ti ta hmuk a,a taksa ah chuan thlamuanna pakhat mah ka nei lo.
“Khapa kha i duh tiraw?" Arawn ti leh hmuk chuan insum zo lo chuan ka tap chhuak ta nge nge a,ka insum lutuk te chu ka hrawk mai nilo in ka biang te nen zawng zawng hian ana thum mai. “Hrep tak hian!" Tiin a kut chuan min kuah bet nghal rawk rawk a,kei pawh insum lek lo chuan ka tap ta nghek a.
Engmah hre si lo a min rawn hrawk nghal vak te kha ka ngaihtuah hian ka rilru ana ngawih ngawih. U Zothana chet dan ah pawh khan ka hlauhthawn tawh sa nen,min la hrawk hrep a. Tun ah min tih nat hlau ang hrim in a khawsa leh bawk si. Hepa hi hriat thiam a har hle anih hi!
A awm a rei tawk fang ka tah hnu ah chuan in lak hran ka tum a,mahse min la kuah hneh em avang chuan ka thulh leh ta zawk a. Ka tah chhung zawng khan min kuah tawp a,tawng emaw min thlamuan a tum hauh lo a,a awm ngai hian a awm tawp.
“Ka haw duh tawh!" Ka ti sap a,in la hrang vat in min en deuh ren rawn a “Vawi engzat nge ka zawh dawn che!" Ati nghut a,kei ka tah zawh chiah na avang a ka mit thip hlur chuan ka melh ve reng a “Eng maw?" Ka ti sap a “Zomuanpui min fiam kual i tum hi bansan rawh!" Ati leh sup a,a aw a vin tawh lem lo a mahse nelawm na pakhat mah a nei lo.
“Engtin nge ka fiam kual che a,chuan....engvang a min vin ve ringawt nge i nih?" Ka ti chhuak ve ta vak a,ani erawh chuan min melh run ringawt “Khapa kha tunge a nih ka zawt che! Nge ani kha i duh lutuk a ka zawhna chhang thei lo tur khawp in i a zo vek tawh zawk!!" Ati leh hrawk a,ka phu nghal zawk bawk.
“Khawnge i kal dawn?" Tiin ka ban ah min rawn pawt hrawk a,ka kut thing thlak tum chuan ka tal nghek a “Luhlul chhuah suh!" Ati nghut a “Min thlah vat rawh,i bul a awm reng na chhan tur ka neih lo ang bawk in min vin kawi reng na chhan tur a awm lo!!" Ka ti vak a,ka la tal char char tho a.
“Eng vang in nge ka bul a awm chu i duh loh..kha pa bul a awm kha a nuam i ti zawk tih na em ni?" Tiin bang ah chuan min nam bet leh rawk rawk a...na zet chuan ka hmui arawn khar nghal hmiah...duh lo lutuk chuan ka tal nghek a,amah a chak in ka kut zawng zawng nen a vuan bet bawk si nen ka hlauthawng nghal hle a.
Min pawngsual mai ang tih hlauhna chuan ka khat nghal a,ka tha sawm khawm in ka tal leh ta nghek a “Tal tawh suh" ati vin hrawk a,keipawh ka tawp chat. Ka mittui chu dan rual loh in arawn tla nghal zung zung a. Min melh run a,ka hmui chu a thip vawt vawt mai. Ka ka chhung al deuh pap ah chuan a hmui ka seh thi tih ka hre chiah.
Ka kut a vawn na la sawn in ka mittui chu a hru a,a che zia chu ka lo en reng a. In thiam lo hmel hmuh tur pakhat mah a awm lo,a hmui chu a sen no hlar a,hmeichhe hmui te pawh a ang zawk. “Mipa dang hnaih tawh suh" ti sup in a biang arawn dawm a,ka mit ah min en kal bawk.
“I hria em? Mipa dang i hnaih apiang in ka haw thin che!" Tiin nichin ang bawk khan a chal leh ka chal chu arawn ti si a,a thaw nghal sak sak bawk “Ka hua che" ka ti sap a a nui nghal suk “Huatna atang in duhna a piang thei Bawihi.." ati hniam sup a,ka lung chu a phu nghal dup dup.
Ka tal dat chuan min thlah ve mai a,ka hmui tuai nghal thuai in ka melh zauh a,min lo melh ve reng tawh a. “I awm dan kha a mawi lo hle mai!" Ka ti nghat a “Eng ber kha?" Nui suk in arawn ti anih chu!
Ka sawi dawt ngam si lo chuan ka melh rum ul a,a nui chhuak hawk a. “Ka hmuh ah mipa dang nen in awm tawh tur ani lo! I hrethiam em?" Ati nghut a “Eng vang chuan?" Ka ti sap a,min rawn pan hnai tham tham in “A chhan chu ka duh che!" Ati hmuk a,hepa hian min duh amaw?!!!
Nilo...hepa hian kei hi min duh amaw? Ka awih thei lo. “I zak lo!" Ka in rin hma in ka ti chhuak sap a,ka lai em pawh ka hre lo mahse hmai chhan ngei a a sawi avang in ka zak ru ve reng. “Haw ang" ti hmuk in min kal pel nghal vut a. A nelawm lo leh tawh ngei mai.
A bike bul ah chuan alo ding tlawn zuar a,muangchang in ka kal amaw ka tia a bul chu ka thleng vat a. Min en thuak thuak in a hoodie dum chu a phel nghal rawk rawk a,hlauthawng lutuk chuan ka lo melh reng a. Min rawn melh leh in min pawt hnai hrawk a “Eng thil nge i tih dawn?!" Ka ti nghal nghek a.
“Kawr chu hak tur a siam a ni,engtin vak nge ti se min tih a?" Tiin ka lu ah arawn rawlh lut a,a nghawnga tatoo chuan ka mit ala nghal zat a,a kawrlum a phelh tak ah chuan a hmai chang ni lo in a taksa pawh chu ngo tak ani. T-shirts dum tho aha a,a vun chu a kap eng zual in ka hria.
“Min en reng dawn ami?" Atih hmuk chuan ka harh chhuak zawk a,ka melh chho nghal vat a. Nui suk in ka biang leh lam leh lam chu arawn dawm a,ka hmui chu nichin ang bawk a chiang khan dim te hian arawn fawp a,a hnuai chu seh zauh in a inla hrang nghal a.
Che chang lo chuan ka ding khawng reng a “I lerh teh reng nen enge ka fawh pawh chu mak i va ti ve?" Ati hmuk a,tur lutuk chuan ka melh nghal nghek a “Ka lerh aw kawng lo!!!" Ka ti chhuak hlar a. Ka kalsawn nghal zat bawk. Ani pawh bike ah chuan a lawn nghal vut a,a hnung ah chuan ka chuang ve nghal vat bawk. A tlan chhak zia chu sawi nawn leh lawk ang.
Ka chhuk chiah chu ka lu a hai leh muai muai tawh. Be tawh lem lo chuan kan gate ka hawng a,ka lut nghal vat a. Inchhung ka luh chuan alo reh thuap a,ka nu te pawh an lo la haw lo ani ngei ang! Kan inah rukru an lo awm lo chu ka lawm ngei mai.
Ka phone choka ami ah chuan hla alo la in play reng a. Ka off nghal vat bawk. Nichin lawk a thil thleng ka ngaihtuah let a,ka zak nghal chem chem. Kan Misual thinlung vawt a khan min duh amaw? Ka la awih thei meuh lo. Mipa in a hmeichhia an duh te lak a an awm dan chu ka hre ve a,ani kha chu awm chu sawi loh a tawngkam chhuak ah tak ngial tawh a lang ngai lo.
Ka chung a a chet dan a inchhir deuh vang in a sawi ani ngei ang. Chu bak ah min duh awm tak tak lo e mai,tunlai ah naupang te te ngaizawng a an thianghlim na laksak a ngaihsak zui lo an tam em mai. A sual ropui si tu hmeichhia mah in bialpa atan an duh lo ang.
Dar 6 vel ah chiah ka nu te an lo haw a,an rei thu sawi in ka lo phun nghal nang nang a. “A duh tui lutuk a,chu bak ah US lam a dawr nei pha ngat kha nia,a theih lai a tih hi a tha ber alawm,kan lo haw tlai lutuk hleinem" ka nu chuan alo ti bawrh bawrh a.
“Kha i kawr chu i ta mi? I neih awm ka hre si lo a?" Ka nu chuan min rawn thlek vut vut a, hlauhthawn vang in ka thin arawn phu nghal dawt dawt “U Malawmi min lei kha nia,vawiin ah ka hrechhuak chiah lawm" ka ti ta ringawt a “Suk loh in i ha nghal em ni?" Ka nu chuan alo ti leh a “Aw" ka lo ti sap a “Suk tur ah han dah rawh,i thak mai anga sin" ka nu chuan ati zung zung a,keipawh ka room lam ah ka chho nghal vat.
Ka room chu kalh in ka hoodie hak mek chu ka phelh nghal a,ka ruak huai in ka hre nghal a. Ka hnim vang vang a,a rim chu tui tak ani! A mipa rim bik hliah hliah hian ka hria. Eng perfume nge ka hman le? Zawt dawn ila ka ngam der si lo a!
ZAWM LEH TUR.
NAKTUK AH ENTRANCE EXAM PEK KA NGAI A,KAN ZAWM LEH MAI DAWN NIA AW.
COMMENT TU TE IN FEL THEI SI,KEI MAH ZAWK HI KA PHUR THIN!!!!
________________________________________________________________