•Here with me•
Chapter 16🪐
Sarah Zomuanpuii POV:
A hoodie chu en vang vang in insuk tur ah chuan ka vawm lut nghal daih a. A rawn lam dawn nge ka pe ang? Ka pe lul lo ang. Ramdinsanga kan in a a awm run tur ang a ka ngaihtuah pawh hian ka zak chem chem thei nia!
Ka nu leh pa ten ka chhuak tih an hre lo mai pawh a. Hria se chuan ka chan chhiat zia tur ka ngaihtuah ngam lo,chuta kar ah thil lawm awm lutuk mai ala thleng lo zui a!
Inhnuai ah ka chhuk tur chu darthlalang ah ka in en leh hram a,ka hmui chu ka tuai nghal nawk nawk,ka phal na la hmasa lo a min fawp ringawt pawh ka huat tawk a tling tawh teh reng nen,min la vin hrep leh ta nghal a. Tun thleng hian a chhan ka la hre hauh lo a. Ka chhuk dawn a pawh “Mi a nu" Min la ti hram anih kha,enge ka at na vak le.
Ka inten thar ngawih ngawih in ka hria. Ngaihzawng neih hma hauh a ka first kiss ka chan nghal mai chu,chu pawh khawvel a misual lutuk a lak ah lehnghal! ‘Zomuanpui!' Ka thil ngaihtuah avang chuan ka lu ka thing nawk nawk a,kan Misual an a vawihnih na a min fawh khan ka haw miah lo! Kei hian ka duh tih na em ni? Ni thei lo rapthlak lutuk! Kut min thlak mai duh awm ten pawn a awm a mawle!!!
“Tunlai te hi lehkha i zir tha lo riau a hriat na ka nei?" Ka nu chuan alo ti vat a,ka phone khawih lai chu ka dah nghal hmak. Phone ka khawih hi chuan lehkha zir lo tur ah hian min ngai ziah a,ka khawih khat ve teh reng nen hian! Mahse exam result vel ah an hre mai ang,nizan pawn lu na vek in ka zir ve kha. Lehkha ka zir hian ring tak tak in ka chhiar ve ngai lem lo a,ka hriat tawk lek hian ka phun ve sap sap zel. Ring tak in han ti ve ngat ila chuan ka chhungte hi mak tih na vang in an thi dang thei hial ang.
“Ka zir nasa ve lawm" Ka ti ta ringawt a,ka ngaihtuah na ah chuan thil sawi tur a tam mai,mahse ngawih ka chuh zawk. Hei vang hi lawm tawngtlem min tih thin. Tawngtlem kan tih viau te pawh hian sawi duh leh sawi chak deuh deuh an nei a,mahse tawntlem tih tak ah ngawih an chuh leh zawk thin!
Nidang zawng aiin chaw kan ei tlai a,kei phei chu ei tam lo tak ka ni. Tlai a ka boruak tawn in a zir vak lo bawk nen ei tam chu a har lam mah a. “Thil ei ruk i nei em ni?" Ka pa chuan alo ti chat reng a “Nei lem lo e,ka tiffin puar khan ka la puar a" Ka ti vat a,ka plate chu thleng sil na ah ka dah nghal vat bawk.
“In diet te kha ti ve reng reng suh aw,tunlai thalai chin than ah chuan a tha lo ania" Ka nu chuan alo ti ve vat a,ka bu nghat ringawt. In diet hi chu ka peih teuh lo,ei tur a awm chuan ei mai ila ani mai,puar khawp a ei loh te chuan ei man a awm nang
.Tv chu ka on nghal a,chanchin thar chhuah hun alo ri thuak tawh a,ka hmet chhuak nghal vat bawk. Ka nu te hriat theih tur deuh in ka ti ring a,thawm kan neih em em loh chuan ka nu leh pa te room atang pawn a hriat theih reng. Kei chu phone ka khawih leh daih tawh a,Whatapp ah status vel ka en mai mai a.
Ka thian te lah in an status ah mipa vei an lo ngah leh nasa tawh mai. BTS an ti mi? Chutiang vel chu an lo atchilh leh nasa tawh a. Ramdinsanga hian ka number ala save lo nge a status ka hmu ngai lo reng reng,a nei lo te pawh aniang chu. Mipa status ngah hi ka duh loh zawng tak!
*I dam em?* Ramdinsanga massage chu ka chhiar nawn ka chhiar nawn mai,nichin deuh lawk ang ah kan inhmu a,hetiang in thawn te chu a. A a tawh hial lo maw,a khawsak dan phei kha chu mi a chiah chiah.
Ramdinsanga POV:
Ka massage a seen reng mahse min reply hauh lo! Ka thin chu a rim leh nghal dawn dawn mai a. Engvang teh hrep a hauh na em em nge maw ka nih le? Ka duh vang hi nge ni zawk ang? Hetiang hian vawikhat mah ka la awm ngai lo. Lalruatdika awm lo phei se chuan ka duh tih hi ka hre miah lo ang.
Mipa in an khawih hlek vang ngawt khan a chungah ka thinrim chiam a,ka vin vak bawk. A tah insum hmel mawlh mai kha! A duhawm zual ngawih ngawih! Mahse kha mipa kha a tan zawk ni a ngaih na ka nei tlat a,tum lo deuh in ka vin hrep anih kha.
Minutes 2 a liam tawh a,a online reng a mahse ka massage chu ala chhang chuang lo. Tu nge a biak tak ang le? Ka khawchhung chu a so bulh bulh a,a number ka dile nghal bawk,ala la duh lo zui!
“Zomuanpui!!" Ka ti chhuak hrawk a,ka room ah keimah chauh in ka awm bawk a tu man min hre lo ang. Henu hi ka atchilh mai dawn,mahse chutiang chu ka duh dan ani lo. Ani induh khum mai mai tur in ka piang lo,hmeichhe dang zawng zawng in an bialpa ni tur in min duh a,mahse henu te reuh hi chuah min haw ngawih ngawih zawk!
“Bro,bar thar awm na ka hria nia?" Lalruatdika chuan alo ti lut lang lang a,a phone a rawn bih lut ngur bawk “Khawih ah?" Ka ti nghut a,ka thinrim na ti bo vek tur khawp a ruih ka duh! “Min zui phawt la tiraw Misualpa!" Nui vur vur chung a atih chuan ka melh hrawk a “Ehe! Keiman ka koh che chuan i thinrim a,naupang te in a koh ve che kha chuan i nui mai mai leh sia" Ati nang nang a.
“Ka inthlak anga kan chhuak dawn nia" Tiin ka tho chhuak a,ka zi mar nghal ar ar a. Ruatdika nen chuan kan inzui chhuak a.Mipa hmel chhe lo leh zei ve ang reng tak anih vang nge call pawh a pick ngun malh malh hle. Bar kan thlen chuan an lo awm tam tawh mai a,dar 7:30 lek ah hetiang zat an awm tawh ania,dar 10 vel ah chuan kan leng meuh dawn amaw ni?
“Puih i ngai em?" Hmeichhe pakhat chuan arawn ti sap a,ka melh nghal vut a,hmeichhe hmel chhe lem lo tak ani,mahse a inchei dan hian ka mit ala tlat lo. “I phu tawk mut pui tur va zawng d
rawh Bialnu a nei!" Lalruatdika chuan alo in hman nge arawn ti vut a,ka nui nghal suk bawk. Chu nu chu lungawi chiah lo hian a kal sawn a,Ruatdika dar ah chuan ka kuah nghal zat.
“Babe a lum si min kuah suh!" Lalruatdika mai mai chuh,min tih thinrim a tum leh amaw ni,a dar ah chuan ka hnek a,ala nui mai mai zui. Kan naupang-i chu call ka han tum leh a,ala la thei chuang lo vawi5 ka tih hnu ah pawh ala la chuang lo.
Kha pa kha abe leh em ni? A bia anih vaih zawng in chupa chu ana viau ang. Ka call a pick duh loh man chu a hmu chiang viau ang,a vawikhat nan hmeichhe duh ka nei a,ka call ala la duh lo zui. Ka tlawm ngawih ngawih in ka hria,kha pa aia ka that loh bik na ka hre lo. Ka chan loh chuan tu man an chang bik lo ang!
Sarah Zomuanpuii POV:
Ninawm lutuk eng vang a min rawn call reng nge maw anih le? Eng nge ka lak ah hian duh a nei em ni? Hmuh leh mawlh chu a ka duh tawh lo. Min fawh avang ringawt khan a duh duh a min ti thei ang ah a ngai anih vaih chuan theih pa tawp ana in a sam buk laih ah khan ka kek hrep ang.
Vawi20 lai arawn call tawh,eng nge maw a hriat teh reng ni. Ka la awm lo em mai,ka phone chu switch off in ka charge daih a,lehkha zir tur chuan ka study table ah chuan ka thu vang a. Tawngtai phawt in ka zir tan ta a,ka thiam deuh zung zung a.
Naktuk ah test tur an lo ti ve chhen te hi ka ning tlat,hun a tlem tawh si! Kan zirtir tu te lah hian an hrethiam si lo,an subject kher kher ah hi chuan an hneh hlawm a,thiam bel ve kher tur hian min phut ve khanglang a.
Ka duh tawk a ka zir zawh ah chuan ka tho tharh a,ka phone chu ka ban nghal zat a. Ka on chiah chu Ramdinsanga hnen atang missed call 86 alo awm anih chu!
‘I a tak tak tawh anih hi!' tiin ka phun chhuak sap a,Jeremy a call arawn luh rual in ka pick nghal zat a *Hello?*
*Eng nge zir tur?*
*Eng nge i sawi awmzia?*
*Naktuk test tur kha?*
*Science chapter 20 kha...*
*Aw le ka lawm e*
*Immm muttui aw*
*Nang pawh le Sarah!*
Tun thleng thleng a la zir loh chu,a thiam hman dawn mawnle,mahse ani chu lehkha a thiam a,a thluak a chak bawk a,a thiam leh zung zung tur ngai ang.
Kawm thlang lam a bike ti ri vak ka hriat chuan ka phu zawk a,corridor lam ka pan nghal rawk rawk a. Ramdinsanga ni ngei tur chuan ka room lam melh pah hian bike chu a ti ri vak vak a. Thaw hak a luh ka tum chuan a aia ring mah chuan ati ri leh a,ka hmui a ka kut dah in ka zuk melh vak a.
Ka phone a rik chuan ka melh vat a,Ramdinsanga bawk alo ni a *I ninawm eng nge i duh!?* ka ti nghal chiam a
*Vawi 80 chuang ka lo call che,engvang in nge i lak loh?* ati nghal hmuk a
*Ka la peih lo*
*Zomuanpui!*
*Ka hming pum in min koh suh*
*Koh tlak in khawsa hek che*
*Ka dah dawn haw rawh!*
*I room ah khan ka lawn chho thei tho ania* Ka zuk melh ve na te chu engah mah a ngai lo lehnghal!
*Eng vang in nge min tih buai reng* Mangang lutuk chuah ka ti chhuak ta sap a
*Mipa dang hnaih tawh suh,a sik pawh si lo la,a biak pawh be hek suh* a thil sawi vang chuan ka ner sawk a
* Ka thu thu*
*I thu loh chian zia chu i hriat kha,i bialpa kha then ang che!* ati hmuk a,phone a dah nghal daih bawk. Rawn hawi chho tawh eih lo in phone chu a ak a,chak zet in a tlan chhuak nghal bawk. Helmet pawh a khum si lo a,a chet sual chuan ana viau ang!
________________________________________________________
Nizan ka meng rei ve ang reng bawk nen mut chu kham lo tak ka ni. Ka nu chuan min rawn kai tho a,bathroom lam ka pan nghal zat,zanin chu engpawh nise ka mu hma tawh viau ang. “I khum ka siam a,lo chhuk vat la aw..." Ka nu chuan alo ti lang lang a “Aw..." Ring tak chuan ka ti ve nghal vat a.
Inhnuai ah chuan zawi nguai in ka chhuk a,ka nun min lo en chik ngang mai “Ruih i nei ami?" Min lo ti a,insum hman lo in ka nui chhuak hak a “Nei lo e,nizan ah ka mu har deuh mai ania" ka ti tha mai a,ka nu chaw ei tur min lo siam chu ka ei nghal mawlh mawlh a.
Door bell alo rik chuan ka nu a phei a,kei in thil ka lo ei mawlh mawlh a. Nizan khan ka muthei bawk si lo a,lehkha ka zir ta tawp a. Mahse eng tham lem chu ka zir lo a,Ramdina massage arawn thleng reng a,nizan phei kha chu a rui viau in ka hria. Zu hi chu in lo se ka duh ber mai! Ka nu leh pa pawh hian makpa zu in neih an duh miah lo ang.
Eng a!! Tun ah khan makpa zu in ka ti em ni? Ka thil ngaihtuah vang chuan ka lu ka thing ta nghek a. “Mate hei Jeremy an alo sawm che nia,hman hmawh deuh la aw?" Ka nu chuan alo ti vat a,ka bu nghal nghat. A peih mai mai thin hi ka ti. An in a hlat teh reng nen chu bak ah an motor in a kal ve thei reng awm sia.
“I va fel ve" Ka ti nghal vat a,a nui suk ringawt a. A tawngtlem ve ang reng sia,kan ngawi deuh ren rawn a “I thian nu kha kan nghak mek tih na em ni?" Ati sup a,ka bu nghal nghat a. Mimi-i chu kan nghak reng a,rei lo te ah arawn thleng ve leh nghal mai a. Kan kal nghal vat a.
“Vawiin test tur ka thiam miah lo" Mimi in atih chuan ka nui hak a “Keu pawh ka keu lo" Jeremy chuan alo ti ve nghal sup a “Eng nge in awmzia hi?" ka ti vak a “Ka hre bik tawh lo" Mimi-i chuan alo ti sap a. Kal kawng ah chuan thil ho te te sawi in kan ti ti a. Ramdinsanga hmuh ka in rin teh reng nen ka hmu thak lo a,engvang a hmu chak zek zek nge maw ka nih le?
“Dorkey kan sawm ngai loh kha?" Mimi-i chuan alo ti haw a,ka thil zawn a hre lo ani ngei ang,kei pawh chu ka bu ve ta nghat a. “Ke in kan kal tam bawk a,ka cher sawt sawt in ka hria!" Mimi-i chuan ati a,a kut leh a ban ati che zauh zauh bawk.
Class kan luh chuan an lo tam ve tawh khawp mai a,kan kal tlai chuang miah lo. Test tur ho chu an lo zir sap sap a,an rilru a hah thu hlir an la sawi zui! “Sarah hi thut pui thei ila tha tur....Sir kan tham teh ang!" Omomi chuan alo ti a,ka nui mai a. Kei pawn chu ti vak in ka thiam chiang lo a. A mak khawp mai,test tur ka thiam vak loh hi chuan midang pawh hian an lo thiam lo ve nual thin a.
★
“Test har zia kha..." Haw lam pang chuan Dorkey chu a phun a phun a. Sir in MCQ atih tel vang ania,kei a bu chhiar peih tih tak ah har ka ti lem lo a. A ki kawi hre map lo tan chuan a har dan tur chu in ngaihtuah thiam mai ka ring.
“Sual chikim ver vek tak ani" Mimi-i chuan alo ti ve hlawk hlawk a. Jeremy te nen kan haw rual tawh lo a,ani chu ban vel ah khan in khel tur in sport room ah a lut nghal daih a. “Naktuk chawlh!" Thawveng lutuk chuan Mimi-i chuan ati vak a “Ni reng e,mahse Monday exam!" Ti hlar a. Dorkey chu mangtha in kan pahnih chuan kan kal ta rek rek a.
“Bye aw..." Gate vuan run chuan ka ti a Lalmimi-i lah chuan “Ila lut awm lo e...ka kal liam hma chuan la lut suh!" Ti hlar a,a thinrim deuh hi chuan ti hian ati ziah. A chhan pawh nichin mai khan Dorkey nen a ex hlui hmang in kan chhaih a,ala lungawi thei lo.
A kal liam chu ka thlir reng a,chhuat saw a kal chim mai ang tih te pawh a hlauhawm alawm mawle. Nui suk in luh mai ka tum a,mahse ka hawi phei leh hram a,ka inchhir zia chu pui tak ani. Gate chhung a tlan luh ka tum lai tak chuan ka bag ah alo pawt hman a.Min pawt nghal rawk rawk ni ber hian ka hria.
“Eng nge i duh ninawm!" Ka ti nghal hlak a,a mit ah lah chuan ka melh zui ngam miah lo lehnghal. Tawng lem lo chuan min melh ang run run a “I bialpa kha then rawh ka tih kha!" Ati chhuak hmuk a,ka en nghal haw a. “Tu ka bialpa?" Ka ti nghal sap a,min ei lo hmel deuh hian a ner sak a. Chu chu ka haw leh tlat pek,phak leh phak lo in a sam ah chuan ka han kek nghal nghek a.
“Naupang leh!" Tiin ka kut chu lak sawn a tum a,mahse nimin a ka thinrimna up beh zawng zawng kha a sam hian a tuar dawn hrim hrim. “Min thlah rawh!" Ti nghut chuan thlah lo chiang tak ka ni. “1...............2............" Thlah ka tum chiah tih chuan “3" ati hman a,min chawi nghal nawlh a.
Tal vak vak in a hnung ah chuan ka chum a,kan gate chu hawng in a lut nghal hmiah anih chu. Ka hlauthawng tawh lutuk chu ka tal chul tawh mai. Min vuan nghet em em lehnghal a. Kan inkawt ah a ding chawt a,min nghat thla a,kan kawngkhar chu a kik nghal anih chu. Chu mi pah chuan che thei lo tur in min kuah bet vek a,ka thawk a sak talh mai.
Rum lutuk a ka han melh chhoh chuan ka biang chu na mang kheng hian arawn piai a,ka kun nghal rawk rawk. Chutiang ka kun lai tak chuan “Zan ah kan inhmu dawn nia" ati sup a.Ka nu kawngkhar rawn hawng mak ti lutuk chu ka hmu nghal zat a “In fanu hi kawnglai ah sawn alo tlu a,ka rawn hruai haw!" Ati hmuk a,ka nu ka melh chuan min melh dun chhen a.
“Aw ani maw? Kan va lawm ve tlangval!" Ka nu chuan alo ti sawk sawk a,in her nghal hmuk in a kal nal nal a,ka biang dawm pah in a hnung lam atang chuan ka melh zui hrep a.
Zan in chu ava han ngaihnawm lo tak em tiru? Zankhat lek type loh hi chuan thluak a buai vek zel a. Mahse lo COMMENT leh vek ula.(Thu dang daih,entrance exam pe ve te in awm em?
)