Here with me Chapter 17

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Zualy juneblies
Posts: 84
Joined: April 3rd, 2022, 8:46 pm

Here with me Chapter 17

Unread post by Zualy juneblies » February 27th, 2023, 8:36 pm

An in ngaizawng har tawh e😭






•Here with me•




Chapter 17🪐



Ka hau chuan a kal liam chu ka thlir a,ka nu nen chuan kan ngawi vang vang hi ani mai. Ka nu pawh chuan mak ati nasa,nge Ramdinsuala hi alo hre sa zawk pawh ka hre lo. Ani lah chuan inkawt ah min dah a ala kal nal nal ang lehnghal a,ka nu'n min hauh lo ngei ka beisei. Mahse rin ai in dawt sawi a thiam phian! Mi fel lutuk ani dawn lo chiang kuang.









“Awh! I khawi lai nge na Puii?" Ka nu chuan harh chhuak thut in arawn ti nghal bawrh bawrh a,min rawn en kual nghal ruai bawk. Ka nui tep a mahse ka thulh leh ta zawk a. “Engmah ana lo nu..." Ka ti sap a “I van fimkhur awm lo ve a,mahni inkawt ah an che sual tut tut ngai lo" Ka nu chuan ati leh hlak hlak a,chaw ei na ah min hau leh ngei dawn e.









“A thu hrim in,tunge kha tlangval kha?" Ka nu chuan alo ti leh a,chhang tum a ka ang zuau chu “In in hau deuh em ni? A tawng lah kha a ni hmuk sia?" Min lo tih khalh leh a,kei in ngai ah ka lo neih tawh lai in! Ka nu chu ka khawngaih letling zawk. “Hau lo e,a tawngkam hrim hrim anih kha" Ka ti mai a “In in hre sa tawh a maw?" Ka nu chuan alo ti haw a “Hre lutuk lo deuh" Tih ngaihna hrelo lutuk chuan ka nui ta tawp a.









“Lut ang le,in en fiah hrim hrim teh...nakkin ah na ila nei maithei ania" Ka nu chuan ati a,inchhung ah kan in zui lut nghal a. Ka room lam ah chuan ka chho nghal vat a. Ka khum a hoodie dum lo in thlep fel than ka hmuh chuan ka ban vat a,melh vang vang in ka thaw hak a. ‘Engtik ah tak rawn lam ang maw' ka ti sap a.









Inthlak in bathrobe nen bathroom ah ka lut a,ka inbual nghal vat bawk. Hla ka play bawk a ka inbual rei leh hle a. Ka inbual zawh chuan inthlak nghal sawk sawk in,ka sam pawh ka chhem ro nghal vat a. Ka nu bul ah ka chhukthla nghal vat a. “Rawn chhuk duh suh,lehkha han zir rawh!" Ka nu chuan min hmuh rual rual in ati nghal a.








“Puih i ngai lo ami?" Ka lo ti sap a “Ngai lo e han inthlak zawk mai la" Ka nu chuan alo ti vat a. Keipawh ka room lam ah ka chho leh nghal vat a. Ka phone chu rei lo te ka en ve a,Jeremy an status alo nei ve ngei a chu pawh ‘Rilru hah na hlir' tih te mai hi alo ni a. A status chu screen shot in ka status ve nghal zat a. Misuala massage a awm lo a,a online na pawh a rei tawh ang reng.









Monday ah maths kan tih dawn vang in maths chu ka chawk mawlh mawlh a. Maths hi chu a ninawm ve mawle,awl viau ang hian lang mahse number pakhat lek a dik loh chuan kan chhe duai hi ani mai a.Hla ring lo te in ka play pah a,min ti buai chuang lem lo.








“Chaw rawn ei la?" Ka nu in arawn tih chuan ka bu nghat a,khua alo thim daih tawh a. Inhnuai lam ah chuan ka chhuk a,ka pa pawh alo haw diam tawh a. A lo inbual ve vek tawh chu alo ni a. Ka nu in tawngtai na hun a hmang a,chaw kan ei a.









“Puii chu i fimkhur lo mah mah thin!" Ka nu chuan alo ti ta chat a,ka pa chuan min lo melh nghal chat a “Eng nge ni ta?" Ka pa chuan alo ti dam diai a “Vawiin a a che sual deuh ani awm e,tlangval hmel tha deuh in arawn thlah a" Ka nu chuan ati nghal a,Ramdinsanga a sawi dan vang chuan lawm lo lutuk in ka en nghal. ‘Nu i hmel tha tih pa rilru chhiat zia i hre lo mai mai ani' ti a au lang lang chu ka chak ngei mai.









“Ava pawi ve aw...Fimkhur tawh tur anih chu" Ka pa chuan alo ti sup sup a. Chaw ei chhung zawng chuan zir na lam a ka tan a ngaih zia min hrilh a. Ka pass that chuan ka duh ber min lei sak min tiam bawk a. A ruk tak chuah ka phur ngei mai. Duh zawng chu ka nei lem lo a,mahse a hun tak ah ka nei mai ang.









“Thawhtan ni in exam ani sia,ka lo awl ang che..lehkha han zir la" Ka nu chuan alo ti sawk sawk “A ngai lo,ka lo ti ang ka zir thei tho alawm" Ka ti ve nghal vat a,mahse a phal thak lo a. Room ah chuan ka chho ta nge nge a,Maths ka chawk lehnghal a,hla chu ka play leh nghal bawk. Exercise 1 ka chawh zawh meuh chuan hun a kal duai tawh a Monday ah Maths ka ti dawn bawk nen tan deuh viau ka ngai.









Ka mut a chhuah zel vang chuan inhnuai ah ka chhuk a,ka nu alo la meng ve reng a. “Nu mu tawh ta che?" Ka ti vat a “I zir zawh hun ah ka lo mu mai ang,la zir rawh kei pawh ka la en tui lutuk!" Alo ti vat a,ti hian exam dawn ah chuan min men pui ve ziah a. Khawvel a nu tha ber hi chu ani ve chiang alawm,vin ve hlak hlak mahse a rilru hi a tha ania!









“Eng nge mamawh i nei ami?" Ka nu chuan alo ti leh nghal a “Immm...coffee siam ka tum a,ka mut a chhuak lutuk a" Ka ti sap a,arawn tho nghal tharh bawk. Ka hnial lem lo a,ka nu coffee siam aia tui tih ka nei miau lo a. A siam chhung zawng chuan a bul ah ka thu ve reng a,a siam zawh chuan coffee leh tui bottle khat nen ka room lam ka pan nghal a.









Ka lut chiah tih in ka phone alo in ring tawp nghal hmak a,ka va en chian chuan Misuala lek alo ni. Call back lem lo chuan ka play leh nghal a,mahse arawn call leh ta tho tho a.





*Aw hello?* Ka ti sap a,mahse a ngawi deuh vang vang a



*Ka dah dawn* Ka tih pawh chuan ala rawn tawng chuang lo a


*Lehkha i zir ami?* Arawn ti thawp sup a


*Aw zir e* ka ti sap



*Hmuh che ka duh asin* Ril ruih chuan arawn ti sup a,chhang lem lo chuan ka ngawi vang vang. Zan in chu a aw a dam phian lehnghal a.





*I rui ami a?* Ka ti sap a




*Rui lo,mahse in chu ka in* A zep lem lo hle mai



*Zu in hi a tha lo asin,in tawh suh* Ka aw ah chuan ngaihtuah na a awm bawk




*Aw le*



*Eng maw?* a sawi awlsam em avang chuan ka ti chhuak sap a



*Engmah!* Tiin call a off nghal hmak anih chu,hepa han chhiat zep zuap dan hi!




__________




Ramdinsanga POV:



Ka thil sawi tlawm thlak lutuk vang chuan call ka off hmak a. A haw leh dawn tih ka hre ru reng a. Hmeichhe pakhat vang mai mai in ka zu in sim ka tum ania,a tlawm thlak deuh hret chuan ka hria. Tum loh lutuk in a number ka hmet chhuak a,ka call ta tawp a. A vawikhat na ah hian a la thei ngai lo reng reng!









“Bawiha rawn chhuk ve lawk ta che?" Ka nu chuan alo ti a,ka hawi phei nghal vat. Ka lo in ve nual vang in ka rim ah an hriat mai ka ring. Ka thu thla nghal zat a. Kan senior-i chuan min lo melh rum leh nasa tawh hle. Engah mah ngai lo chuan mit ko ka san khum ak a.








“Bawiha chu i rim ava na rum rum ve?" Ka pa chuan alo ti sup a,a lungawi hmel lutuk lo bawk. “A star nu in a duh lo a a rilru na lutuk in a in anih kha" Ka U chuan alo ti hlar a,ka melh nghal hrawk a. “Star a? Bawiha hian maw?" Ka nu chuan mak ti lutuk chuan alo ti chhuak ve chiam bawk. Ka thaw hak a,henu tawngtheih dan em em hi chu!








“Bawiha tunge chu chu?" Ka nu bawk chuan ka mal rawn ben pah chuan ati leh chung chung a,hmeichhia ho tak hi chu aw. Kei erawh ka ngawi ngul a,Senior in a sawi leh vek dawn tho,sawi sawi in awmzia a awm lo.









“Aw..nu kha..kan kohhran upa fanu Shillong a awm char char kha? I hre lo maithei mahse apa hming pawh chu ka hre tawh lo" Ka rin ang ngei in arawn tawng leh nasa tawh mai a. Mipa in engtin nge an duh theih?.









“Ka van hre lo em em Kum engzat vel nge?" Ka nu chuan alo ti leh bawrh bawrh a,ning zat chuan ka thaw chhuak hak a “Nu....school naupang chauh!" Nui uar uar in arawn ti chhuak a,ka room lam ka pan nghal vut. “An lai ngei ah!" ala rawn ti zui,ka nu pangpar khawi hian ka vawm zawk dawn amaw ni!









Naupang-i chuan lehkha zir a duh ka rin vang in ka call ta lo a,massage pawh ka massage ta lo. A status alo awm ve vang a,ka en nghal a mahse hming lo lang avang chuan ka phun nghal hluk!




______

Sarah Zomuanpuii POV:




Lehkha chu ka zir nasa ve hle a,sunday pawh ka inkhawm ta lo a. Maths ka chawk nileng deuh thak thak zel a. Misuala nen pawh hun ka neih chang in kan inbe ve zauh zauh a. Mahse enge maw a hriat ni vawiin zing atang hian a reh hmak anih chu. Biak chu ka va be em lo a,mahse amah hi a reh hmak ka ti mai.









*In in exam chhung chu ka be tawh lo ang che,hmuh pawh ka hmu tawh bawk lo ang che,tha deuh in i exam dawn nia lerh-i* A massage ka chhiar zo chiah chu thinrim bawk si lawm tho bawk si in ka awm. Lerh-i min la ti ve ziah zui,ka lerh awm pawh ka hre tawp si lo a.








Inhnuai ah chuan ka chhuk a,ka nu te an inkhawm daih a. Kei pawh ka break ve zuai a. Ka nu te pawh an lo haw vat tur ah ngai ang. A massage ka reply ve na te pawh chu a seen leh ta chuang miah lo a. Sitting room ah chuan ka phei a,tv chu ka on nghal a. Youtube ah chuan thil hrang hrang ka en a.









Door bell alo rik chuan ka hawng vat,ka nu alo ni.Mahse a hnung ah chuan U Zothana alo ding ve vang a. Sunday dress nen alo ni ve deuh khap a,a chhelo hle. Hman ni thil thleng vang khan ka haw tawh lem lo a,mahse ka la lungawi vak lem lo. Inchhung ah chuan an rawn inzui lut a.









“Puii thingpui lo lum ta che?" Ka nu chuan alo ti var a,choka ah an rawn phei leh ta a “I pi chu a zia lo hle mai,kei ni pawh lo kal ve tur anih chu" ka nu chuan alo ti nghal a “A dam tha tawh alawm,amah a chet ala harsat deuh a mahse a hma ai mah chuan tha tawh tak ani" alo ti thum dut dut a.









“Zan ah lo kan ve tur anih chu...In damdawi inah ami in admit?" Ka nu chuan ati leh a “Aw ni mai e,ka nu leh pa te an buai ve vang hian keimah deuh tawp hian ka buaipui a. An ni pawh kar leh mai ah lo haw an tum kha,chaw te kan ei khawm ve ang chu tiraw?" A tawng tam ve tawh khawp mai.








Thingpui ka siam zawh chu ka pe nghal zat a. “Puii doctor nih te i tum kha..hei i U Zothana hi lo kawm ta che ka va inthlak lawk ang chu?" Ka nu chuan alo ti vat a,ka melh nghal ha a. Ka nu chu a chhuak nghal daih a,kei ka lo ding khawng reng ringawt. “Ka seh lo ang che,lo thu rawh" ati sup a,keipawh a hlat ve deuh hlek ah chuan ka thu nghal a.









“Doctor nih maw i tum a?" Ati sup a “Arts la tan chuan doctor nih a har awm em mai" Nui suk in ka lo ti sap,ani pawh a nui ve ta tho a. “I nu in doctor nih i tum ati sia?" ati leh a “Ka tetlai te chuan!" ka lo ti sap a. Kan ngawi dun leh ren rawn a.










“Hman ni a thil thleng kha?" Atih sup chuan tho thut in “Thingpui ila duh em?" Ka ti nghal sawk sawk a,a thil sawi tur hi ka hre sa deuh thaw in ka hria. “Duh tawh hrih lo ka lawm e" mawi hnai tak chuan alo ti leh mai a,ka che reng reng chu min en tih ka hria mahse melh pawh ka melh eih lo.










“Tinge min peh hel reng a Sarah?" Ati thawp nghal sup a,ka melh zawk a mahse ka melh sawn leh nghal a. “Ka pehel lo che" chu ka ti ve tak na a “Hman ni a ka chet dan mawi lo zet ah khan ngaihdam dil che ka duh ani,ka rilru kal sual vang ani tih min hriat sak em ang chu maw?" Ati sup a “I rui lutuk a" ka ti sap a,sawi tur engvak mah ka hre lo.










“Mahse ka thusawi hawi kha chu ka rilru kal sual vang ngawt ani lo ania Sarah!" Ati leh a,a sawi ril telh telh mai in ka hria “Kei hi min duh lutuk thin tih ka hria alawm,mahse kha tah kha chuan high school naupang mai ila nia. Kei nen chuan kan inthlau deuh lutuk mah mah a,mahse tun ah chuan kha ngaihtuah na atthlak zet kha ka paih bo tawh".










“Hman ah kha chuan ka duh ve thin meuh mai che,mahse duh na chauh ani" ka ti sap a,haw tawh se ka ti rilru ngei mai. Ka nu lah a rei phian lehnghal. “Tun ah pawh hun kan la nei,ngaihtuah chiang rawh! Tun ah collage i kal tawh dawn a,in kawp rual chu kan ni reng tawh alawm. I bialpa ai kha chuan ka tha zawk ang tih ka tiam ache!" Ati nghal a,ka bul ah lo kal in ka dar tawn tawn ah chuan a dawm nghal bawk.










Ka bialpa atih chu Ramdinsanga a tih na tih ka hria,hman ni khan arawn hnek ringawt anih kha. Hemi te pahnih hian ka rilru an ti buai takzet! “Khapa ai ngawt kha chuan min duh zawk ani lawm ni?" Ati sup a,a kut chu lak thlak sak a. Ka kal sawn daih a. Thil sawi tum a a ang zuau chu ka nu alo lut hman a,ka lawm zia chu. Ka room lam ah ka chho nghal daih a.










U Zothana chu ka duh thin ngei alawm,mahse tun ah hian min hip tawh meuh lo in ka hria. Ni e, Ramdinsanga ai ngawt chuan a tha teh meuh mai,min chawm zo anga,min ngaihsak dawn tih a chiang bawk. Ruih theih thil sawi tur em em ati lo a,hman ni khan a tih vawikhat ka hriat na chu ani mai a.










Ramdinsanga,khawtlang tan mi hnawksak ni lo mahse sual ve tak,ruih theih thil duh ve tak leh nelawm na pakhat mah nei lo lak ah chuan U Zothana chu tha tak ani. Mahse engvang in nge kei mah ah hian Ramdinsanga bet nghet zawk nge anih!







______________________________________________________________________________________________




A REI LOH ZAWK NAN TIME FLIES




Vawiin ah exam kan zo a,kan thawveng hawk mai. Exam chhung zawng khan U Zothana arawn leng zauh zauh a,min duh thu vel sawi tawh lem lo mahse a chet zia ah chuan hai rual ani lo. Vawiin kan exam zawh vang in Jeremy,Didika,Dorkey,Mimi leh kei.... restaurant ah kan chawl a,exam har an tih thu an sawi liam liam a.










Exam chhung zawng khan Ramdinsang an min be ngai lo a,a online ngai lo bawk. Hmuh pawh ka hmu ngai lo a mahse a thianpa Ruatdika kha chu ka hmu ve zauh zauh a,min hmuh apiang in ‘Juliet' min la ti ziah zui. Ramdina chu a thi amaw tih mai tur ani,a van zia chu. A ruk hian ka zawng ve thin a,mahse ka zawng thlawn ziah.











“Henu hi a distinction dawn chiang lutuk! A thiam loh a sawi ngai miah lo!" Mimi-i chuan alo ti a,kei erawh ka lo nui mai a. Ka tlaivar deuh thaw thin a,ka taksa chuan a tuar ve deuh hlek a. Thil chah chu kan ei mawlh mawlh. “Jeremy pawh a thiam aniang a ngawi duk alawm" Dorkey-i chuan alo ti ve nghal a “Thiam ilang chuan ka rak zawt zawt tawh ang" pakhat lah chuan alo ti a,kan han nui leh rih a.










Kan ei zawh chuan len an han rawt zet na,ka chauh ve em avang in nidang ah kan sawn ta zawk a. In ka thlen meuh chuan ka nu in min lo lawm vat a,ka tih that leh that loh min lo zawt nghal vat bawk. Ni dang ang tho in ‘Tha ni mai' ka ti leh a,ka room ah ka lut nghal bawk. Inthlak in ka mu ta siai siai a. Ka khum ah hian ka mu khat khawp mai,ka study table ah ka mut thluk chang lah a tam a.










Ramdina pawn a hoodie alo la lam lo a,hmuh tur pawh a awm hek lo. A ruk tak chuan ka hmu chak ngei mai. Min duh tawh lo ani teh pawh ka ring a reh em em dan ah hian. U Zothana a lo kal tih inhnuai thawm ah chuan ka hria a,ka thaw nghal hak,ka room ka kalh bawk a alo luh em chu ka ring lo.










Ka harh leh meuh chuan khua alo thim thet thet tawh a,ka phone ka ban nghal zat a. Mak ti lutuk chuan ka phone ka melh ngawt ngawt a,Misuala missed call alo awm vang anih chu!
Rang zet in ka call back nghal a. A in ring ral ral a,alo la ve nghal zat a.










Ka hello ngawt ngam si lo a,ka ngawi vang vang a *Ka ngai lutuk che!* Ti sup ri ah chuan ka khawng nghal vek,thawh vel a hriat ah chuan a zam awm ve em bawk ani. Ka khuh kharh kharh a.







*Ti nge min lo call a?* Ka ti sap a







*Exam in zawh tawh vang in* arawn ti hmuk,a ngai te bawk in maw!






*Sawi duh i nei ami?* Ka ti leh sap a





*Zan ah inhmu ang,chu chu thu tawp!* A rawn ti nghal ringawt anih chu,nichin lawk a a thu sawi pawh kha a awih awm loh hial zawk.









*Ringawt a che!* Ka ti sap a





*In thuam lum deuh la aw,zan dar 10 ah...i chhungte mu tawh sela* ati sup a






*I kawr lum hi?* Ka ti leh sap a






*Nei rawh* ti sup in a dah nghal hmak....phone ka dah khum ve awm pawh hi ka hre lo,a sawi zawh tawh hi chuan ngeiawm deuh in a dah nghal hmak zel nia!






__________________________________________________





“Bawihi pawh exam a zo tawh bawk a,result tha deuh nei tur ah inngai ang aw" ka pa chuan chaw ei lai chuan ati a,ka sawi theihnghilh...U Zothan an zanriah min rawn kil pui ve ani. Ka nu in a sawn na a rei tawh bawk a,zanin chu a ei ve ta hram a. Ka pa nen chuan an ti ti thei khawp a.










Chaw ei kham chuan ka ti fel zung zung a,nichin deuh lawk a ka mut vang aniang ka la phak chuap mai. “Puih i ngai em?" U Zothana chuan alo ti sup a,lu ka thing nak a. “Tui in tur ka lo la lawk mai?" Ati leh nghal a,fridge a tui chu ka pe nghal zat bawk a. A chhuak ve leh nghal mai a.










U Zothana pawh dar 7:30 vel ah a haw a,ka nu leh pa te bul ah chuan ka thu kar a. Sana chu ka en zauh zauh ringawt. A ruk tak chuan an mu har ka ti em em mai lehnghal a. Mahse ka nu leh pa lah chuan an la en tui ngang mai. Kei pawh phone khawih in an bul ah chuan ka thu ve ta reng a.










Kan thian ho group ah chuan len khawm an lo sawi leh nasa tawh a,Jeremy te inah an ti deuh ani awm e. Jeremy chuan min lo private nghal a *Kan inah len chu kan ti ta mai* tih te mai hi ani a *ka hre lo le* ka ti ve nghal zat a *i lo kal loh chuan i chak lo ang* a massage ka hmuh chuan ka nui chhuak hak a. A hma zawng ai in kan in pawh tawh a,a tawngtlem tih loh chu fel tak ani!










Kan inbe chho zel a,a tak ah a ngawi chawi bawk a phone ah tal chuan a tawng duh alawm. Min hnial ve niap niap zel a,amah pawh hi a ‘Nerd' ka ti,min duh awm ang deuh in a awm lo chu ka ti thei lo a,mahse thian tha tak erawh kan ni.










“Kan va mu mai dawn mi?" Ka pa chuan alo ti sup a,dar zat ka en chuan 9:10 alo ri daih tawh a. Phone khawih hi chuan hun a kal chak ka tih tawh kha! Kei pawh ka room lam ah ka chho nghal zat a. Ka pi leh pu te ka be nghal daih bawk. Shillong lam ah collage kal tur in min lo ti leh nasa mai a,ka nu in a phal dawn lo tih ka hriat chian em vang in ka um e liam vel ta mai mai a.










Phone dah in ka mu deuh ren rawn a,kan misuala lah chuan engmah ala rawn sawi lo lehnghal. Dar 10 pawh ri tawh a,a pel hial tawh zawk. ‘min fiam kual mai mai anih hi' tiin ka mu hmak a. A lak a hope ka neih ve na te chu a chhe vek. Ni e,naupang mai alawm ka la nih,ani bawl tham lek.











Ka phone ri chuan min ti harh a,ka mu ve chauh amaw ka tia. *Hello* ka ti sap a *Rawn chhuak ta che* rawn ti nghut tu chu keh hrep ka chak ngei mai. *Ka duh bawk lo* ka ti sap a *Rawn chhuak vat mai rawh* vin ru deuh tak chuan arawn ti nghut a. *In ha lum bawk ang che* ti leh nghut in a dah nghal daih a.










Ka kawrlum chu ha in inhnuai lam ah ka chhukthla a,ka nu leh pa te chu an lo mu fel diam tawh a. Thawm dim tak chuan kawngkhar ka hawng a,ka khar leh nghal zat. Pawn chu a vawt lutuk miah lo. Ka hawi kual chuan ka va hmu vat a,meizial alo zu khu leh nasa tawh a.










“Rawn chhuak vat ta che!" Ati hmuk a a zawk zamah chuan in! “Rawn chhuak rawh pawh i tih loh kha" ka ti ve hmak a “Dar 10 ah ka ti mawlh mawlh kha,rawn chhuah ve nghal mai tur che nia tun ah dar 11 a ri tep tawh alawm!" Ati leh ang hmuk hmuk a,ninawm ka haw leh daih dawn.










“Khawiah nge i kal dawn?" Ati sup a “Ka haw dawn" ka ti hmuk a,a ner sawk a “I thinrim na a ho..Chuang mai mai rawh" tiin bike ah a lawn nghal zat a,kei inkuang kuah in ka la ding ngat a “Chuang rawh" ati leh hmuk a,ner ve sak in ka chuang a,ka ring hma ta lutuk te hi ka ti sual zawk angem? “Tlan san daih zawk dawn che maw ni!" Ti sup in a tlan chhuak nghal a.






👽
Lai tawk hian ti tawp ang. Lo COMMENT leh vek ula aw...in fel thei sia maw....nidang zawng aiin a thui leh nghal in ka hria. Next ah chuan an in bialpa bialnu ve tawh em ang chu maw?



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)