A ngaihnawm emaw nawm lo emaw
•Here with me•
Chapter 18🪐
Ramdinsanga POV:
Ka kawr tlang hmer nghek tu vang chuan ka nui suk a. Hetia a hlauh hian nuam ka ti deuh tlat a,a che sual dawn lo tih ka kiang a a awm chhung chuan ka chiang bawk. Midang in ka tih ang hian ti hlau ve ta se ka sawi sak nek ka ring,mahse keimah ka ni tlat a! Henu te hi chu a danglam bik mawle,hmeichhe dang ang lo tak in min kuah a hreh em em mai lehnghal a. Hmeichhia in min kuah huam huam e ka tih na ni lo in,race kan neih na ah hian hmeichhe phurh tur an ti a,keimah chauh hi hmeichhe phur lo awm chhun ka ni.
Ka thiante dang chuan hmeichhia, pawn lam lan dan a sexy zet zet an phur a,a then phei chu hmelhriat loh lehnghal. Chung hmeichhia ho chuan an taksa rem lai lai chu zam map lo in an tawk ta thin a,Mahse! Hmeichhia zawng zawng an in ang vek lo tih ka nghawng rek lek lek a ka kawr pawt tu hian ati chiang thawkhat. Hmeichhe nunnem leh zaidam deuh awm a lang si hi a thinchhe ru ve reuh zek a,keimah ah chiah a ni nge chu ka hre hauh lo a!
Ka bike ka tih din rual chuan rang zet in a chhukthla nghal a,min tawh hi a hreh em em reng mai anih hi! A lu a hai deuh nge a lu chu a dawm deuh vang vang a,bike chung a la thu reng chung chuan a che zia chu ka lo thlir reng a. Hmeichhe innocent tak ani,mahse in duh dan hi a thiam ve reuh a! Keimah zawk in ka pan ka pan tak hi!
“Min tlan san chu i tum tak tak ami?" Min ngei hmel lutuk chuan min rawn melh ve reng a,ka melh dan chu a haw leh tawh tih hriat tak in a hawi sawn daih a. Hetia melh reng hi nuam ka ti tlat pek a,a zak hma em em mai lehnghal a. Bike atang chuan ka chhukthla a,he hmun hi a ngaina angem chu ka hre lo,mahse ka hruai miau sia,min hnial thei bik lo.
“He hmun hi khawilai nge?" Ati sap a “Bike in tlan siak na!" Ka ti nghut a,kan hma lam a bike leh mipui lo zi huai huai ah hian hriat thiam ve awm nia,nge a thluak te tak te hi a hmang duh lo zawk nge? “Hetiang a kal te chu a!" Arawn ti deuh chiam a,melh thla in “Nge kan pahnih in chance neih i duh zawk?" Ka ti zauh a,a huat hmel ngang mai! Nuih te ati za zawk.
Amah chuan eng nge maw a sawi sap a,ngaihtuah zui lem lo chuan a ban ah ka vuan a,race na lam ah chuan ka kal pui nghal a. Ka thian ten min hmu chu an lo phul hlut a,kan naupang-i chu an melh nghal haw haw hlawm a. Kan naupang-i lah chuan tih ngaihna vak a hre lo nge,ka hnung lam ah chuan a biru deuh hret hret leh nghal a. Ka thian te hi pawn lam ah chuan ruih theih thil duh tak leh sual ve tak ang in lang mahse a ruk hian an a zek a,Lalruatdika ang deuh vek an ni!
“A tawp a tawp ah chuan i nei ve ta maw? Nangma mil pui deuh ani meuh maw Bro?" Nui sawng a rawn ti tu chu ka nuih ve suk a. Zakzum an ti deuh aniang,an chhaih an chhaih mai a. Race 11:30 ah kan tan dawn a,a vawikhat nan henu hi ka phur ve ngei dawn chu nia,amah lah chuan a hre hauh lo lehnghal a. “Mami Kum engzat nge i nih?" Ka thianpa rawn hruai,hmeichhe pakhat mahse pa zet mai hian a bia a,min rawn en zawk “18" ati sap a,ka thian te chu an ri deuh huk mai.
“Dinsanga...... hmeichhia nen maw?" Rawn ti tu lam chu kan melh phei thuai a,khawvel a ka mi nin em em Vs-i ani “Bialnu i nei amaw?" Min rawn melh pah chuan ati sap a,ka biak na chhan tur a awm a ka hriat loh vang in ka chhang buai lem lo a. Kan naupang-i chu ka vuan nghet em em ringawt hi ani mai. Vs-i chuan naupang-i chu a melh nghal chat a “Naupang lek anih hi!" Ati nghal sap a. “Tun ang zanlai ah I chhungten chhuah an phal chuan..... ngaihtuah awm tak chu i ni ang!" Ati leh nghal a,a tawngtam lutuk chu ka thaw hawk a,ka hnung ami lah hian chhan a tum lo ni in a lang.
“Anih leh nang ve?" Ti sap ri ah chuan ka hawi thla vat a,zam miah lo in Vs-i chu a lo melh ve ngar bawk. “Eng nge kei chu?" Cho arh in Vs-i chuan alo ti a “Tun a i inchei dan kha i chhungten an hriat pui che em,an hriat pui che anih chuan nang ni lo in i chhungte kha an ngaihtuah awm zawk ngei ang!" Ati sap a,nui suk in ka en reng a. “Nang naupang hian eng maw i sawi?" Tawng tha thei lo chuan Vs-i chuan a ti bah nawk nawk a “I chhungte chu ka zah khawp mai,mahse an fanu hi an ngaihsak tawk lo deuh chu ka ti. Mi duh lai reng chhuh sak tum a i inchei vul chuk khan mipa in an ngai nep zawk che nia. Kei ai i upa na a chu ka hrilh mai mai ang che,zahawm leh zah tlak tak in inchei la nung rawh! Chuan ka hmuh ang hi ila hmu ve vat mai ang" nui sang chuan ati anih chu! Henu te hi hriat thiam a har dawn tlat.
Sarah Zomuanpuii POV:
Ka hma a thinrim hmai sen min hmuh tu chu ka nuih let sang a,min rawn pawngpaw ngei ngawt kha ka duh bik teuh lo mai! Min khawih tum a a che hrut chu ka ban nget tak a vuan reng tu chuan alo dang vat a,ati lui nge chhuat ah chuan a tlu nghal ringawt anih chu. Ka bul ami pa chu ka en chho nghal vat a,ani erawh engmah thleng lo ang mai in alo ding run ringawt.
“Nang naupang te hian zah lo tak in min be ngam amaw? I va zak lo ve!!" Arawn ti tuarh a,ka thil sawi kha ala kawi deuh in ka hria. “Eng ang pawn lo upa la,mi fing tak i nih chuan ka thusawi kha lak kawih tur a awm hauh lo,lawm thu min hrilh hial tur i ni zawk!" Ka lo ti let leh nghal zat a,eng din hmun ah pawh ding ila inhnial hi chu ka thei ve zek tih hre ve hrim hrim teh se. “Eng angah nge i inngaih a,nang naupang ve mai mai kha!" Ati leh ang tuarh tuarh a “Thudik sawi pawh chu a huat thlala awm viau ani maw!" Ramdina chuan alo ti chhuak nghut a,ka kut a hmer nghal salh bawk.
Thinrim tak a a kal liam chu kan thlir thap a “Bialnu i va nei bawn ve,ala fin khalh ang che!" Mipakhat chuan arawn ti hluai a,Ramdina pawh a nui suk a. “I in ring em?" Min rawn melh pah chuan ati sup a,ka melh nghal haw a “Eng ah chuan?" Ka ti sap a “Ka partner ni tur in?" Ati leh sup a,“I a mi ka duh teuh lo!" Ka ti chiam a,tal sawn ka tum a mahse ka ban chu ala vuan nghet ngang mai.
“Cancel nan hun a awm tawh lo,lo kal rawh" tiin min kai nghal dawr dawr a. A khalh pangai ah pawh chuan harsa ka tih tawh teh reng nen. A bike awm na lam ah chuan min kai phei leh nghal dawr dawr a,kei ka lo tal ve sek bawk. Tun ah hian thi tur ang mai ah ka inngai anih chu!
“Nga ti nge min hrilh miah loh min hrilh lang chuan ka zui miah lo ang che" ka ti nghal vak a,ani erawh in helmet ala a,min khum tur nghal mawlh mawlh bawk “Ka sawi chu i hria em,ka tel duh lo!" Ka ti leh chiam a, helmet full face ani bawk nen ka tawng ring ang reng sia kei ngei pawh hian bengchheng ka ti. “Vawt i ti em?" Ati leh sup a “I hmelchhia,ka thu sawi hi ngaithla teh!" Ka ti leh vak a. Bike ah a lawn nghal daih anih chu!
“Rawn chuang rawh le" ati sup a,ka la ding vang bawk “Ka thiante bul ah sawn i awm duh zawk ami?" Ati leh nghut a,a thiante lam ka va hawi chuan an lo rui tawh ngei mai. Thaw hak in ka chuang nghal hmak a. A nui suk tih pawh ka hre thei reng. ‘Lalpa kan race chhung zawng in min veng him la,a khalh tu Ramdinsuala hi khawngaih in veng him ve bawk ang che' ka rilru chuan ka tawngtai a.
“Ka kawng kuah rawh le!" Atih sup chuan ka melh leh rih a,va tawh kher hi ka duh teh chiam lo asin mawle. Mahse kuah lo ila ka chan tur chu khawvel nawr ani mai. A kawng ah chuan ka kut ka rawlh lut de de a “I muang!" Ti nghut in a pawt hrawk a,a kawng ah chuan min kuah tir in a pit chhuak nghal anih chu!
“Aw le...race kan tan tawh ange,kan boss ber in a bialnu alo hruai zan anih vang in in tur a awm bawk ang! 1....2.....3...." Kan pit chhuak leh zawk a “Ka chhuk duh" tiin ka rak chiam chiam a,chu lo pawh chu sawi belh ka ngah mai mahse ka a vek ni mai in ka hria. Kan misuala lah chuan a kut pakhat in ka kut ala rawn vawn hnan zui! Ka hnung a chuan theih pa tawp in ka bei a ka kuah nghek bawk.
“I muhil ami?" Tih ri ah chuan ka meng chhuak riai riai a,ka che lawk thei lo nghe nghe. Bike chu park tha in a chhuk a,kei ka la thu vang thung. Ka lam rawn hawi zawng tak in arawn lawn leh tharh a,ti hi chuan ka melh thla ve ta ngei alawm. Ka helmet chu dim te in min phelh sak a,ka hmel buai nak nen chuan che chang lo in ka lo thu mawl tawp a.
Nui suk in arawn awm hnai a “I ti tha lutuk!", Ti sup in ka chal ah arawn fawp vang vang a,au ri dur dur ka hriat rual in ka hawi chhuak a. Midang mit zawng zawng chu kan chungah a fu thup a. Aw thian kharh in “Chhuk teh!" Ka ti hlak a,thaw hawk in a chhuk ve mai a. A chhuk pah chuan tul lo lutuk in min pawm thla ve ngawt anih chu!
“Keimah pawn ka chhuk ve thei reng" ka ti leh hlar a,ka thin hi a rim ani tawp. A bike khalh lak lawh lai a ka kut arawn vawn phei kha chuan mihring ni tawh lo tur ah ka in ngai hial hman anih kha. “Ka hria" ati sup a. “Zan dang ang bawk in pakhat na chu i ni leh ngei a,mahse a dan a dang tlat!" Thil puang tu pa khan min rawn pan a Ramdina ban ah chuan a beng thuk thuk,mahse Misuala mit chu ka chungah ala fu ngar ngar tho.
“Kan haw thei tawh em?" Ka ti sap a,ka sam chu alo thur deuh nge a kut lum ther ther chuan arawn tuai thuak thuak a,ka bek ah a vuan zui run bawk. “Ka haw mai angai anih hi" ati hmuk a,a thianpa mak ti hmel chu ka hlau zawk hial ani. Min kai hrang nal nal in mipa khat a signal zauh a. A bike chu a khalh tir dawn ani ngei ang.
Hmun fal deuh ah min kal pui a, music ri chu ala ri ruai ruai tho. Min thut thlak pui deuh dat a,ka bul chet ah ala awm reng a. “Kan haw tawh dawn lo ami?" Ka ti sap a a ngawi deuh vang vang a. “Haw ti chhen suh!" Ati nghut a,ngei lutuk chuan ka melh hrep a “Ti maw?" Ka ti hmuk a “I bul a awm ka la duh ani mai!" kei ai a hriat nuam lo zawk chuan arawn ti hmuk a.
“Ka duh ve hleinem" ka ti ve leh hmak a,ka tawng thei ati deuh nge min en ta run run a. Kei lah in ka melh duh bik thak lo. Ka mit sir tal chuan ka la hmu thei alawm. “Ka bialnu i ni tawh!" Ati sup a,phu deuh dawrh in ka melh phei vat a “I zak lo!" Ka ti chiam a,min bem na em em pawh awm hran miah lo in ka bialnu i ni ala ti ang ham ham a,a zak thlawt lo.
“Zak rual ka ni tawh lo!" Ati hmuk a,hepa hian bialnu ala nei ngai lo nge hmeichhe treat dan a thiam lo hrim hrim zawk? “Ka duh zawng i ni lo" ka ka chuan ti mahse nuam lo tih ruk na ka nei tlat anih chu. “I ni bik lo!" Misuala chuh!!! Rum lutuk a ka melh phei chu hmalam alo melh ding ngur a.
“A hma kha chuan!" Keh hrep tum a ka che uai ah chuan arawn ti leh hmuk a,ka kut ka leng uai tawh chu a melh zawk a. A la thla riai riai a,a tawng ni hmuk si hi a tawh vel chu a dam leh phian a. “I hre thiam em?" Ril deuh ruih chuan arawn ti leh sup a,ka kut chu la in a hum vang vang a.
“Aih" ka ti sap a,zan in chu a mit ah chiang tak in ka melh ve ngam ta. “Mi vengva lo apiang in ‘aih' tih an ching" ati hmuk a,a thaw hawk bawk dawhtheihna nei lo lutuk mai. “Ka duh chhan che leh a vang chu ka sawi peih lo! Nangmah i nih vang ah ngai tawp rawh" Ka thusawi tur hria ni awm tak chuan min lo sawi khalh a,ka ka ka chip leh riai riai a.
Kan pahnih chuan kan ngawi dun vang vang a. Jeremy an min duh thu a sawi lai ai pawh khan ka zak zawk,ka khur hial ten ka hria. Amah lah chu tawng a tum tawh miah lo lehnghal,kan thu ngawi deuh vang vang a. Thli fim leh vawt vur chu a thaw leh vuk vuk thin bawk. A din chuan ka ding ve vat a,kal mai tum a ka inher chu ka dar tawn tawn ah chuan min vuan in min kuai her a,zam lutuk chuan a mit leh hnuai lam chu ka melh tawn zak zak a.
“Mipa dang be lo la hmu bawk suh tih sawi chu ka tum hauh lo,a chhan chu a theih miau lo a. Ka thinrim na leh thik na koh chhuak tur em a inbiak leh in hmuh chu phal ani lo!" Ati sup a,a thu sawi lai chuan ka lo en kar a,ka dak chho deuh vah ti ila ka sawi sual lo ang.
Ka dar a a vawn na chu sawn in ka biang chu arawn dawm a,a kut zungpui chuan ka biang chu a chul neuh neuh a,ka thin phu rang lutuk chu ka a vek ni mai in ka hria. A rawn awn hniam ruai ruai a,ka mit ka lo chhing ta tawp a. Ka hmui chu hmui lum ther ther in arawn si zawm zat a,a si ringawt dawn amaw ka tih lai in a hmui ati che anih chu!
Ka vawikhat tawn na anih vang chuan ka dawh mawl tawp a,a chet a thulh phah chuang lo. Ka thaw tawh pawn ka hre lo “Thawk la rawh!" A hmui la sawn in in si lek lek tho chuan ati leh sup a,thaw chhuak hak in ka hmui ka liak zauh a,a rawn khar hnan leh nghal hmiah a.
Dam raih chuan a hmui ati che a,kei chu ka lo awm mawl tawp hi ani mai. Ui hmel deuh hian a thlah a ang ka ti ber,ka hmui hnuai chu a pet zui zauh a. Kan chal chu ati si nghal dat bawk a,a thaw lum sa ham ham chuan ka taksa chhung chu ati za deuh chuai chuai bawk.
“Kan let tawh dawn em?" A tawng chu a thum deuh hak a,in la hrang in ka bu nghat a,ka inla hrang rei lo khawp a. Ka ban ah min kai in min phei pui leh a. “A va nuam awm ve?" Tiin min lo chhaih nghal a,ka zak lutuk chu ka hawi chhuak ngam lo. Ramdina kut chu ka hmer let vak a.
A bike dah na chu alo in sawn daih tawh a,a lawn nghal vat a. Keipawh a hnung ah chuan ka chuang ve nghal vat a. “Min kuah rawh!" Ati sup a,ka kuah ve ta ringawt a. Kan kal lam ang em em kha chuan a tlan chak tawh lo in ka hria. Kan in kan thleng har chu ka ti ang reng tawh a,amah ang lo tak in chutiang tak in a tlan chak miah lo.
Kan inkawt chu kan thleng ve thei ta hram a,ka chhuk nghal vat a. Luh mai ka tum deuh ut ut a,mahse a mawi ka tih chiah loh vang in ka ding leh rih a. “Muttui" Ka ti sap a “Dawn chiang!" Nui suk in alo ti let ve sup a,lai zet a nui in kan inlam chu ka pan nghal vat a. Kawngkhar chu dim te in ka hawng a ka lut nghal vat a,zing lam dar 2 alo ri der tawh a. Ka chhungte chuan ka chhuak tih an hre lo tih ka hre thiam nghal mai a. Thaw huai in ka room lam ah ka chho nghal a.
Ka lut fel chiah tih in bike chak zet a tlan chhuak ri ka hria a,ka nui nghal sak a. Ka zak thar leh em em a,mahse tun a ka hriat chian chu ka hlim tih hi ani! Misuala lak atang hlim na ka hmu ve ngei ania! Khum ah chuan ka inlet sek a,ka hmui chu a khat tawk in ka tawk leh zauh thin bawk.
.
“A nuam bawk si hreawm bawk si!!!" Ka ti chhuak hap a,ka mu thei dawn lo tak ngial in ka hria. Ka phone massage tone arawn rik chuan rang lutuk in ka en nghal vat a. Ramdina hnen atang massage ka dawng a *Muttui nawn leh* tih te mai hi ani,nui vur vur in ka ti let ve nghal zat a.
________________________________________________
Vawiin khan ka phone lcd ka ti chhia a,chawlh san mai ka rilruk rum rum a mahse Hi guys...ka chhungte hming chu fak in awm rawh se mahse min hau nasa ang reng....
Lo COMMENT leh vek tur aw,an in bialnu bialpa tawh ania
