LIANCHHIARI

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

LIANCHHIARI

Unread post by Ngaia » November 9th, 2017, 8:42 pm

LIANCHHIARI LEH CHAWNGFIANGA
Mizo Thawnthu
by Dahrawka, P.s.
Publication date 1987

(Ka source hi vai ho type a nih avangin a then hi chu a awm zia bo thak thakin an type a, ka siam rem theih ang ang chu ka siam rem a, a thuthenkhat erawh hi chu a ngaihna hriat miah loh ka nei a, a ngai ang angin ka dah a, a dik zawk hria in awm chuan khawngaihin min hrilh dawn nia)


Lianchhian hi Chuauhang mi a ni a, lal an ni nghe nghe a. Tin, Chawngfianga hi Hnamte a ni a, hnamchawm a ni a, an khua chu Dungtlang a ni. Lianchhiari hian Chawngfianga hi a ngaizawng em em mai a, Chawngfianga erawh chuan lal nula a nih avangin a ngaizawng ve ngam mang lo va Lianchhiari hi a hmel a tha em em mai a, hmeltha mah se lal nula chu miin an rim ngam mang lo va, an ngaizawng ve ngam hlawm si lo va.

Lianchhiari pa lo vah laiah chuan Bung lian tak mai tawi deuh mai hi a awm a “He mi thlak ngam hi chu awm se Lianchhian ka neihtir mai tur” a ti a Lianchhiari chuan a pa hnenah chuan “A thlak ngam tur chu zawng la, ka lawm dawn nia" a ti a. An khuaa tlangvalho hnenah chuan Lianchiari chuan
“Ka pain kan lova bung thlak ngam tur a rawn zawn chuan tuma’n kan ngam lo vang, Chawngfianga chauhvin a ngam ang lo ti zel ang che u” a ti a.

Chutichuan tuma’n ka thlak ngam ang ti lova Chawngfianga chauhvin a thlak ngam ang an tih theuh tak avangin Lianchhiari chuan Chawngfianga chu a lawm ta a, a pa ho chuan an feh ta a.

Chawngfianga chuan thing chu a lo thiam kher mai a, bungzar chu a han rawt thla ta a. Vazai lengthla ang mai hian an tla thla zung zung mai a, Lianchhiari pa chu a lungawi em em mai a, “Mi hetiang reng reng ka hre ngai lo ve, in tih tihin han inti rawh u’’ a ti a, a hawnsan ta a.

Chawngfianga chuan bung chu a thlak zo ta thuai a, a thlak zawh chuan a chhuk dawn ta a. Chawngfianga chhukthlak na tur dal tak chuan Lianchhiari chu a lo awm a, “Kha, kiangrawh ka lo tum thla dawn e a han tih pawhin a awm Iui tlat a. A tawpah chuan a kut leh ke a kham ta a, a sir deuhah chuan a han turmthla ta a, a kawr hma lam chuan a zap fu deuh a, Lianchhiari chu a tlu ta mai a. Chawngfianga chuan “A khaih, ka tihpalh mi u, a na ta lawm ni" tiin a han kai tho leh ta vat a. Nakinah chuan an chawfak zo an haw dawn chuan Lianchhiari chuan a pum a ti na der a, Chawngfianga puak chu a ngen ta a, a han paw ta a, hmathlak a ngen leh a, a han hmathlak a. Lianchhiari chuan "Hmathlak fual deuhvin” a la ti ta zel a. Nimahsela lal
nula a nih avangin a la ngai ngam ta lo va, in chu a pawthleng ta a .

Tin, nakin deuhvah chuan Lianchhiari pa chu a sekhuang ta a. An thingfar zan chuan nula Ieh tlangvalhovin chawng an chen a, zu te an in a, nuam an ti em em mai a. Chu mi zan chuan Lianchhian leh Chawngtianga pawh chu an lo inngai ta a. Sumhmun chhak lama kel khumah an lo mu dun a, a nu thing va la tur chuan a va phawk ta a, Lianchhiari mal var chu kel note emaw a ti a. "kel, kel, kel’ a ti a, a han chhir a, mahse, Lianchhiari te an ni tih a hriat veleh ‘E, nangni in ni maw’ a ti a, a luhsan leh ta mai a.

Chutia an inngaih chu a puang ta si a, miten an hre ta huai si a, an se chhun turte pawh chu an thulh ti tih a ni. Anmi kohte pawh an haw leh ta vek mai a. Chutiang a nih tak avang chuan Lianchhiari chuan hla a phuah a:

Kan va tih luattuk a,
Lengin ka zir sual e,
Ka pa van hnuai thang tur,
A than ni bang kir e,


a ti a, hei hi a pa hming tichhe deuhva a inngaih avanga a
phuah a ni a.

Chu mi hnu nakin deuhah chuan inneih an tum ta a. Thura hi an palai tir a.Lianchhiari pate chuan chawngfianga hi an duh em avangin manah chuan hreipui pawh sialah kan pawm zel ang, an ti a. Nimahsela, an palai chuan a iksik vangin dawt a hrilh ta zawk a, ani chuan an lungnihloh thu a vasawi thin a, chu achhapah "Chawngfing, ka nau, Lianchhiari pa te hian sum an pamham deuh a nih hi, i la thih phah ang tih pawh ka hlauhpui hle mai che a ’ a ti vel a. Lianchhiari pa lah chuan “Eng a ti ngai nge ni le, hetia hreipui te pawh siala pawm duh zel a, a palai sual em ni tak ang" a ti a, ‘A nih Chafianga chu lo kal teh se, kan lo inbia ang e tiin an palai chu a chah ta a. An palai chuan Chawngfianga hnenan chuan ‘ Kha maw, ka hlauh ang ngenin thah an tum ta che a nih chu, Chhangzawl khuaah tlan rang mai rawh” a ti a, tichuan Chawngfianga chu a tlantir ta daih mai a. Lianchhiarin Chawngfianga chu Chhingzawl khuaah a tlan a ni tih a hriat chuan pawi a ti em em mai a, Chawngfianga te in ruakah chuan a va kal a, an inthawina
arhmul banga an tar thin chu chhuatah a lo tla a, hla a phuah ta a,

hmawng ang i pen hnu khan,
I run ram ang ka fan ,
Senhn puArhmul ang thlau,
Lum long an runah e,

a ti a, chhuatah chuan a han mu tap tap a. An khaw chhak tiang Chhangzawl Ian theihnaah chuan a kal a, a zuk thlir a zuk thir thin a. Chhangzawl kawtlaia an inkawihnawk lai te chu a zuk hmu thei a, 'Isi, Chawngdangan a len leh ta" te a lo ti thin a. Chawngfianga dartail insuk tir zawk zawk te chu a zuk hmu thin a, a lung hi a leng thei em em mai a, hlate hi a phuah a

Tlangah zuk thlir ila,
A leng lo zawl khawpui,
Chawngfianga hliahtu kha
Kiang teh aw thinghmun,

a ti a. Chutia a han zai chuan Hriangzau thing kung sang pui pui te hi a kur dulh dulh thin a, tichuan Chawngfianga khawlai leng chu a zuk hmu chiang thei thin, hla dang a phuah leh a

Tlangah zu'k thlir ila
Thle nghtala tuala tual a len,
Kvin! cho rual awm lo,
Len thiama mi za hrjl,

a ti a. Ani Chawngfianga pawh chu a lung a leng thei em em mai bawk a, Lianchhiari a nei thei lo chu pawi a ti a, hlain a
phuah a

A palai maw let ang an sual e,
Lungruni buan ang kan pawm Io ve.

a ti,a, Chu chu an Palai Thura khan a lo hraitin thiam inchan tir nan hla bawkin a phuah ve a,

Palai maw let ang kan sual lo ve
I neih sumin sial a zo lo ve,
a lo ti ve leh bawk a.

Tin, a nakin hnuah chuan Hauhnar mi pakat Tulera chuan Lianchhiari chu neih a duh ta a. Nimahsela Lianchhiari chuan “Chawngfianga ka sawi haw tur chu ka nei duh lo ve” a ti a. Lianchhiari chu a hmeltha si a, Tulera chuan “Ka haw lo vang e” a ti a, an innei ta a.

Nikhua a lo rei ta a*, Lianchhiari chuan fate pawh a lo nei tawh a, tin, Chawngfianga pawhin nupui te a lo nei tawh bawk a, fate pawh a nei ve tawh a. Nimahsela an inngaih leh an lunglen chu a reh reng reng lo ve ve a.

Vawikhat chu Lianchhiari te khuaah chuan Chawngfianga fate chu purphurin an han kal a, an pur chawkna tur chu hrepui a ni a. Lianchhiari chuan Chawngfianga fate an ni tih a lo hria a, In hreipui chu keimahni’n kan lo lei ang e’ a ti a. An inah a thlentir nghal a. Ama fapa Vanpuia leh Chawngfianga fapa chu a inbuantir a, Vanpuia ke te chu a lo phet a “Pakchheih-khah, keimah Chawngdanga fapa ti ta che” a ti a, Chawngfianga fapa chu a chaktir zawk a, ama fapa chu a keuhtir zawk a, ama fa ai mah chuan a lo duhsak zawk a. Tin, zingah chuan an buh phurh tur chu a tehsak a, an hreipui pawh chu a teh tel leh a, an hriat lohvin a phurh hawntir leh a.

A nakinah chuan amah Chawngfianga chu bellam zuarin Lianchhiari te khuaah chuan a han zin ve leh a. Chutih lai chuan Lianchhiari te chu an Chawn lai a lo ni a. Lianchhiari te kawmthlang chu kawng a ni a, chuta Chawngfianga kal lai chu Lianchhiari pasal chuan a zuk hmu a. “A tu chu ni hlau hlau
maw" a zuk ti a, Lianchhiari chuan a zuk en a “Keimah Chawngdanga ti ta che” a zuk ti a. Lianchhian chu pawnah a va chhuak a, “Bangnge i lo tih dawn le a ti a, ani chuan "Kan tam em a, bellam te ka rawn zuar a ni, pur chawk nan" a ti a. tichuan zu in tur chuan a kai lut ve ta a.

Zu chu an inho ta a, khuate chu a lo tlai lam ta a, mite chu an tin zo ta a. Tu dang mah ngaihsak ta lo chuan an pahnih chauh chuan zu chu khawnthiang chuan an khawn ta a. Chawngfianga lahin thlen in lam pawh zawng bik tawh hek suh. An pahnih chauh chuan an awm dun ta a. Zu te chu an inpen per sek sek thin a. Lianchhiari pasal Tulera khan a en reng a, a hmu ning chu pawnpuiah a han inzial rawk a, pawnpui chu a han keu dek dek a. A han en a, anni lah chuan an pawisa si lo va ‘ Chawngfiang, hman lai in nulat tiangval lai hian ka chhungnu nen in inhmelduh deuh awm maw?” a han ti a. Chawngfianga chuan ‘‘Hnai lo ve a, anni lal an ni a, kei mi chhia ka ni a, an khuaah erawh chuan ka awm ve a ni” a ti a Lianchhian chuan ‘‘E ! Chawngdang, i hlau elo? Chhuah lam leh tlaklama ui thi hnuha ka hnuh hun hun hnu a nih hi ti ta che a lo ti a. Tichuan an tlaivar dun ta a.

Chawngfianga kha lehlan tuma kal a ni a, mahse chutia an awm tak avang chuan hla a phuah a

Men ka tum lo ve,
Tlaivar ka tum lo ve,
Thadang anka ka bia,
Men ka tum leh e,
Tlaivar ka tum leh e, a ti ta a.

A tukah pawh chuan Lianchhiari chuan a chelh leh ta a ni. nilengn zu an in leh a, Fulera chuan Chawngfianga hnenah chuan
“Thiana, a ngaih chu min ngaih sak em tawh suh ang che aw”
a lo ti thin a.

Lianchhian pasal thih hnu tawhin an sepui a bo va an zawng an zawng a, an hmu zo ta lo va. Lianchhiari chuan "A va pawi em ve aw” a ti vawng vawng a, a fapa Vanpuia chuan "Ka nu, a pawi lo ve chu aia pawi zawk chu i nulat laia Chawngfianga i lo ngai hi a ni” a han ti a. Ani Lianchhiari chuan “E e, chutiang tea i han tih vei chu le, nang mah mah hi Chawngdanga nena kan fa ni la tih nak alaiin” a tihsan mai e an tih chu.

(A tawp ta)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)