Lianchia RalVen Buk

Hmanlai mizo thawnthu, naupang thawnthu te, nula leh tlangval in hmangaihna lam te leh mizo history etc...

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Lianchia RalVen Buk

Unread post by Ngaia » November 11th, 2017, 12:17 am

lianchia ralvenbuk.jpg
lianchia ralvenbuk.jpg (19.47 KiB) Viewed 4836 times
Lianchia RalVen Buk

“Ka awmna thlenga lawn thei apiang nupuiah ka nei ang” a ti a. Hmeichhe tlawngawl, nu, nuthlawi leh pitar te te pawhin thalteh kunga lawn tumin an bawr luih luih mai a, “ Khawi nge, kan tum chhin ve reng reng ang e” tiin an lawn a, a nal si a; an tawlh a, thalteh kung pil var kha an kap zut thla char char thin a. Pipute hunlai kha chuan a hmei a pain kekawrte hak tur kha awm hek lo, thalteh kung an lawnna kha ni thum leh zan thum lai thoin a bawm e an ti.
Lianchia ralven buk kan tih tak khu a tirah chuan Lianchia ralven buk ni lovin, ‘Lungkeiphaw khaw ralven buk’ tih a ni a. Hmeltha hmingthang thihna a nih avangin ‘Lianchia ralven buk’ tiin hriat lar a ni a, tun thlengin ‘Hmeltha Hmingthang Lianchia ralven buk’ tih hming a pu ta a ni.
Lianchia ralven hun lai chuan a kawp zela ralven a ni thin a, Lianchia ralven hun hian lo el ru deuh an awm nge ni amah chauhin an ventir a, a lo thih phah ta hial a ni. A ven zan hian Zahau ralin Lungkeiphaw khua an run a, ani chu zan lamah a lo mengrei deuh nge, a lo mutthlu a. Ral hmatawngin an hmuh chuan an ral reltu hnenah chuan , “Khi, mihring nge ramhuai ?”tiin an hrilhru su su a. An ral reltu chuan, “Mihring a nih leh ramhuai a nih chu au ula, mihring a nih chuan a hming a rawn chhal mai ang a, ramhuai a nih chuan a ral mai ang” a ti a. Ral hmatawng chuan, “Kha laia mi kha mihring nge i nih ramhuai?” tiin a au a. Lianchia chuan, “Keimah hmeltha hmingthang Lianchia” tiin a hming a rawn chhal a. An hual a, a hnung lam atangin mi pakhat chuan a rawn pawm thut a; an tlu dun tawp tawp a, an rawn bawr huk a, an bawhbet thei ta a. A thenin, “Hetah kan vawhlum mai dawn em ni?” an ti a. Val upaho chuan, “Heta kan vuakhlum chuan kan thawm hriain khuaa mite an rawn kal ang a, a che chhe zawk kan ni dawn a sin” an ti a. An kaithla a, ralven buk thlang lawk tlangdung rem laiah an vawhlum a, ui thi phumin lei an hai khuar a, an phum ta a ni. A lu hi an khaw lamah an hawn a, ni thum leh zan thum lai hmeichhiain an tah e an ti.
Lianchia ralven buk hi Farkawn atanga khawchhak lam km 1.47 a awm a ni a, a awmna hmunah hian di In sak a ni a, a chungah rangvaa khuh leh a ni.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)