ONE MORE CHANCE BY ArEl Khawlhring

Moderator: Ar eL' Khawlhring

Ngaia
Site Admin
Posts: 25813
Joined: April 30th, 2016, 4:07 pm

ONE MORE CHANCE BY ArEl Khawlhring

Unread post by Ngaia » May 14th, 2016, 8:55 pm

By: ArEl Khawlhring 7.4.15



Chu natna khuma mu mek chu a chau ngawih ngawih a ni tih a mitmeng dava riai,chiangkuang tawh lo tak atang pawh chuan a hriat hle mai. Darkar 2 vel a liam leh hnu atang phei chuan Doctor te chuan a marphu chu an en deuh reng tawh a, tih vak ngaihna an hre tawh lovin a kal hun an nghak deuh tawp mai niin a lang. Rawlthar chhuak awrh a nih atanga a nun hmang dik lova mahni tawk a nuam chena a awmna rah chu a tuar mek a. Zu a in nasat avanga a taksa puam deuh uk tawh piah lamah tun hma lama drug-a a inchiu nasat avangin a thisen zam pawh nurse ten hmu zo lovin, ama thianpa a damdawi tihpui thin injection hnehsawh em em mai khan a chiu a,thisen chaw te a khai sak ta kha ania. A damloh hnu,damdawi in-a a luh hma si khan Pathian ngaihna riau thinlung chu a rawn pu ve a,mahse pan dan pawh a ngaihna hre hlawl lovin,midangte tanpui tura sawm tur pawn a taksa a chau mah2 tawh a ni.

Chutia mangang taka damdawi in lam an awm lai chuan lei piah ram lamah chuan setana chuan Pathian hnenah dilna a lo thlen ve mek a. Chu a lo dil mek chu damdawi in-a a marphu an en mek Ramsanga thlarau chu a ni. Engahmah a hmantlak tawh chuang lohzia leh buaipuiawm mai mai anih zia sawiin,a hnenah hremhmunah hruai mai a duh tawh thu sawiin Pathian chu a lo kar ve ngat ngat a. Mahse Pathian erawh chuan eng thu mah a chhakchhuak lo. Mahse chutia setanan beidawng duh hauh lova a dawr ngat ngat takah chuan Pathian chuan engmah sawi lovin damdawiin varanda chu a kawk zauh a. Chuta setana thil hmuh chuan a hmel chu chawplehchilhin a thlak danglamin thinurna nitmeng rapthlak zet mai chuan a melh ta khui mai a. Chuta a thil hmuh chu hei hi a ni: ' Ramsanga nu leh a farnu in mittui nen,thinlung leh tihtakzeta Ramsanga a lo damchhuah leh nan leh Pathian rawng a lo bawl theih nan a chance pe leh hram tura tawngtaina an hlan mek lai chu....’. Tichuan Pathian chuan setana chu rang taka inthiarfihlim nghal turin thu a pe ta a. setana chuan a dilna a hlawhtling lo a ni tih a hriat chuan inhrosa kuk kuk chungin,thinrim inhrikthlak nan a tirhkoh te sawisa turin hremhmun lamah a liam ta hnu hnu a. A mifelte tawngtaina avangin Ramsanga nunna erawh zuahin a awm ta. A vantirhkohte chu amah veng turin Pathian chuan a tir thla ta nghal a, setana chuan tihtheih reng a nei ta lo.

TLIPNA: I nunna kha setanan Pathian hnenah a dil reng a, mahse Pathianin, “Awle” a tih chauh loh chuan tihtawpin a awm dawn lo. I nunna zuah-a a la awm avang leh setana hnena a pek loh avang khan lawmthu sawi mawlh2 la. ”AWLE” a tih palh mai loh nan Pathian chu bel tlat ang che.
*************************************************
<a>
</a>



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)