What if By Abella Ralte (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: What if By Abella Ralte (Completed)

Unread post by Ngaia » May 24th, 2020, 5:10 pm

Bung – 13



Ka mipa tawn pahnite hian min va han tina tak em. ka mittui a sur zung zung a, hmanagih hi chu ka phu ve sa sin Lalpa min ngaidam rawh ka ti mawlh mawlh a. ka nun khawhar leh ruak lutuk hmanagih mamawh ngawih ngawih hi min pui teh tiin ka tawng chhuak hial ani.




Ka muhil tlem kher mai, ka fapa vangin hma tawkah ka harh leh a, luhai bur chuan ka tho a, ka va chhuak chu kan pa chu sitting room ah a lo thu khur a, a mu miah lo tih a lang reng a, a mit chu a se rum bawk a, ala ruih hmel tho a, ka en zawk a, ka hawisawn nghal vat a, tunah rih chuan ka hmu chak lo a ni, tih tur ka ti zung zunga, bawihtea chu a lo la ve mial a, chu erawh ka dang lo ,a ngawi rengin a la , sangsangi a lo thawh chuan a pa chu rum deuh hian a melh reng a.




Kan chaw ei chhung pawh chuan min be lo a, kei pawhin ka be bik lo a, ka be hmasa awm bik lo em mai, dik tak chuan ngaihdam min dil awm taka nih vei nen, mi hi a hmusit mah mah hian ka hre deuh thin, ni e hmeithai fa ka ni a, heihi min hriatsak reng a , ka haw thin.




An chhuah fel chuan ka thaw huai a, matei a rawn lengthla bawk a, min awmpui reng a, kei pawh ka chauh deuh vangin engmah ka ti peih lo a,bawihtea min lakchhawk a,ka zia hlauh a, kan pasalte kan rel dun mial mial a, matei pawh chuan kan pa chetdan chu mak a ti vve deuh a, khati emem a han chet kha chu rui pawh ni se a dem ve hle a, ka phone chu ka khawih pah a, Uzothana chuan min rawn bia a, ka reply chuan min rawn call nghal a, mahse matei awm ve vang chuan ka reject a, message ah ka thiannu awm thu ka hrilh a, mahse kan intext chhuzawm char char a.




Matei haw velah chuan min rawn call vat a, bawihtea la mutui bawk si akan in be ta reng a, hmanlai hunte leh thil hrang hrang kan sawi a, ka rilru no lai a nibawk sia, hnuk ulh teuhin a awm tun a. kan in be zo chu ka mu ngawi reng a.




Kan nu chu I hriat tho kha loh theih loh a ka neih a ngai kha ani a, kan hlim lo , nau kan chhiat nen kan hlim hlei thei lo a, hei kan inthenna pawh kum thum lai a ni tawh tih a sawi kha ka bengah a cham reng a. kalo dawih lutuk kha ka inchhir em a ni a ti vawng vawng kha ania. Ka khawngaih rual rualin khuanu ro rel dan chumak ka ti em em a, kha ti khawp khan min ti na a, mahse an innei hlei chuang lo a, kei erawh ti hian fanau malsawmna dawngin ka pasal zarah nuamsa takin ka awm a, ka vanneihna te chu ka ngaihtuah a.





Uzothana aw a min ngaihna kha ka hai bik mawlh lo, kei pawhin ka ngai em em a, tunah hian ka ngai zual a ni chu nise tiang khan min ti ngai dawn loh tih ka chiang a ni. Ka ngai vawng vawng mai a, kahmu chak hle a. hna avangin lungleiah a rawn kal dawn a, in hmu ang hmiang a rawn ti a, ka lo nui mai kha ania. Ka hmu chak em em a, engtin nge a hmel a awm tawh ang ka hmu chak ngaiwh ngawih.




Ka aw a, ka ngaihna kha a hrethiam ve ngei in ka ring, min khawngaihhian kan ring khawp a, hemi ni atang hian kan in be ngun ta em em a.




Kan pa nen kan inkar kha ka lo zep leh lawk, vawikhatmah hi ngaihdam min dil lo a, Sumo la tur chuan a zin daih a, engmah ka sawi tawh lo , a inthlahrung duk a, mahse a tul ah bak ak be ngai lo a, dik tak chuan ngaihdamte min dil se, inthiam lohna nei ve deuhse chu kei chu nemsa ka ni a, mahse ti duh lo na na na chu ka luhlul ve em, ka fate vang chauh a la nei mai mai lawm ka nih le ka ti a, ka in seh ruh ve tlat a.






Kan pa te kal atangin nithum vel a liam ve tawh, Uzothana nen pawh kan in be nasa em em a, hmanlai hunah khan ka let leh a, nun hian awmzai te chu a nei thar leh a, ka thil tih engkim chu a dik thlap mai hian ka hria a, min dem viau chuan ka ring a, mahse a hun lai khan ti chawmawlh khan ka awm tlat, inbiak ringawt a ni a, ka pasal nen kan hlim dun pawh ani chuang lo tiin ka inthiam chawp a






Zing a thawh a tangin Good morning atangin kan han tan tha leh a, tleirawlte ngaihzawng nei thar ang mai hi ka in chan a, mahse inngaihzawnna emaw thu kan sawi ngailo, kan in be tawp mai ani, kan pa awm lo bawk nen nuam ka ti zawk hle a. ka fate chanchin erawh min zawt awl lova.




Ka eirawng bawl lai chuan min rawn cal a, rang zet hian ka la a, hlim hmel deuh hian “Lunglei ka lo thleng tawh a sin, hei ka in ti fai zo chiah a, Bazar vengah kan in nghat a” a ti a, ka thin chu a phu dup maiin ka hria a




“teh ngawt chuan, ti nge ilo kal dawn I sawi loh a” ka ti a


“ka hrilh tawh che kha, bakah ka surprised duh che a”


“in lo thleng a, a lawmawm e”ka ti tawi tak a, sawi tur dang ka hremai lo ka hamhaih vek, lunglei ah a awm tih ka hriatna ringawt pawh chuan min ti buai vek thei



“kalo kal dawn a sin, in awmna lai tak sawila” a rawn ti leh a, a aw ah chuan a phur zia ka hre thei.


“chi loh lutuk” ka ti chhuak thei hram a ,


“nga ti maw” a aw ah chuan a mak tihzia chu a hriat theih a


“kan pa awm si lo a, a chi loh ang” ka ti a


“nge maw thian hlui ang pawhin ka lo leng ve ang chu” a ti a, a aw ah chuan a lungawi chiah loh tih ka hre reng a


“ nang leh kei hi thian hlui kan ni ngai lo, khatiang nunhlui nei kha kan ni a, minu te ka ni tawh a, nang pathlawi, inhmuh emaw han inlen pawh kha a rem lo” ka ti sawk sawk a, ka aw ah chuan ka thinrim tel deuh tih pawh a hre thiam ang chu


Lawm vak lo chuan a pawm thei hram a, mahse ka awm chhung chuan ka lo tlawh hrim hrim ang che ka hmuchak che a, I fate pawh ka hmu chak a ti a. mahse chu pawh ka duhlo




Kan in be zo chu ka zawi vekin ka hria, lungleiah a awm tih ka hriatna ringawt pawh chuan min ti zam a, kan in a alo kal chu a rem ka ti theilo, phone a kan inbia pawh duh tawh loh nak a lain. Bakah ka thin a rim deuh tung a, thian ang pawhin kei chuan ka en theilo hrim hrim .




Zanah pawh chuan ka ngaih a ngam thelo reng reng, a lo kal tho a ngem nge kal lo ang ???? hnam bei lo zet chua ka mu a, ka hlauh an gem chu a thleng ta bik lo a, a tukah pawh chuan a ngai bawkin min rawn be leh a, mahse rawn len erawh ka phal ta lo tluan thak a, rei tak min biakloh phah a, a ti tau ve ni hmiang ka ti mai a.




Kan pa te pawh karkhat lai an thang hnu chuan Sumo nen chuan an lo haw , a hmel ka hmuh phat chuan a zu a in nasa tih a lang reng a, a rawn hawn ngei pawhin ka ring a, ka ring suallo khawp mai




Engmah ka sawisel duh miah lo a, sawi sel ila kan in hau ngei dawn si a, ka peihlo a ni, ka nu hnenah pawh kan inbiakin ka sawi zeuh zeuh thin a, I duh chuan lo haw daih rawh, I fate nen ka bulah in nuam zawk ang a ti thin a, mahse haw erawh ka tum hran lo a, ka fate hian pa an mamawh ani, enkawl thei mah ila, pa an neih ngei hi ka duhpui tlat a ni.




Uzothana pawh a reh rei lo a, minlo ve leh mai a, minlo biak chuan ka lo ngai hman khawp mai a, kan pa awm ve tawh avang erawh chuan text message in kan in be tam zawk mah a.




Kan pa awm dan pawh ka en thei fu mai, sumo pawh a service tir nghal a, Driverin a kawl nghal a, ngaihsak duh lo lui ve tlat a. A zu rawn hawn chu a tlan tlat tlat a, an head master erawh ka phone sak a, chhun leh zan a neilo a ni ber, a rim ka hne lutuk chu ka luak te hia chhuak bur mai a. a tawpah zawng a tlin lo ta nge nge a, thi in a luak ta vak a.





Ka pasal a ni a, ka buaipui lo thei si lo a, kan chhangchhe bawk enn kan buai teh e, damdawiinah kar khat a awm a, a nin tawh em avang chuan kan in la chhuak a. a chhuah hnu chuan kan boruak pawh a zia ta deuh a, keipawhin ka thinrimna thu emaw pawh ka sawi chhuak duh bik lo a.




Zanah chuan kan pa pawhin lawmthu min hrilh ve a, ka lu min vawm kha chu a sawichhuak lo a, dik tak chua a in chhir ve kha ka besei em em a, mahse a sawi loh chuan sawi chhuak tu nih pawh ka tum bik lo, ala chak vak lo bawk a, inah a awm ve reng a, keipawhin ka phone ka khawih tha ngam bik lo a




Kan nupa chuan thingpui kan in a, Zodin ka bulah hian rawn thu teh a tih chuan ka tawlh hnai ve mai a.




“I lakah hian ka tidiklo hle thin a, I dream ang chhungkua hi chu ka dinpui lo che niin ka hre thin mahse hemi avang hian ka hmangaih lo che tihna a ni lo a ni” a ti a, hetiang zawng hian kan ti ti khat ve bawk a,




“ka hria lawm” ka ti a.




“ka hmuh tirh atang che khan ka duh nghal che a, neih loh che kha ka halu em em a, ka nawrlui ta che kha a ni a, ka inchhir miah lo” a ti a. sawizawm tur ka hriat ve loh avang chuan ka ngaiw reng a.




Kan pa pawh hi Misual lutuk chu a ni lo a, a pate ate in a seilian ani a, nu leh pa thihsan hma a ni a, a patea ten an enkawl ani a, amah hi a thu a duh a, amah leh amah hi a inhmangaih em em n berin ka hria, a ma nawmsakna chauh thlir mi a ni.



Kan chungah chuan a ruih loh hi chuan a pangngai fu a, a ruih chuan ka hne ngawih ngawih thin ka tih tawh kha. Mahse Pasal sual tak chu ka ti ngai bik miah lo.




Kan chhungkaw boruak pawh a nuam ve deuh tawh a, Uzothan pawh ka be khat a, kan pa nen kan inpawh ve leh ta deuh a, Uzothana ka pahatsan angah hian ka in ngai deuh tlat a nih chu zahthlak zawk hian,




Nikhat chu ka hrawk hi a nuam miah lo mai a, thil ka lem zawng hian a na tlat zel a, a tir chuan ka ngaipawimawh duh vak lo a, mahse chaw ei na ah pawh chuan min ti buai ve ta deuh tlat a, a tuk chuan ka in entir a, na em em ka neih chuan loh avangin bawihtea ka pua a keimahin ka in entir a. ka ngaih ho ang ai chuan Doctor chuan a lo ngai serious riau mai a.




A rang thei ang berin Aizawlah kal ula, Biobsy te lak a ngai ang a ti a, ka hlau thawng lutuk a, inah ka haw vat a, ka nu ka call nghal a, tih dan tur kan rel a, kan pa chu lo haw vat vat se ka ti kher mai, hemi ni ka ngaih ber tum aniang kan inneih hnu ah.




Thil tam tak ka ngaihtuah a, ka cancer a nih ngei ka ring a, thi turin ka in chan a, ka fate ka ngaihtuah lutuk , kei ang bawk a fahrah tur chuan ka phal lul lo. Ka tawngtai dawn a, ka thei thlawt lo a, mahni lo mah a thlarau mi loh ve tehreng nen, mangan thlak tak ani.




Tunlai chu alo haw hma theih tehreng nen, Utluanga chu lo haw hark a ti kher mai, a tawp a tawpah chuan a lo haw thei tawk a, chu pawh rui chungin a lo haw a, ka thin hi a rim em em a, ka rinchhan ve ber leh ka inhnemna ber a ni a, tunah pawh a lo haw hun nghakin nghkahlel takin ka lo thlir a, hmanni lawka zu in nasat avangin damdawiinah a awm a, tunah a in leh ngam ania. Engmah pawh ka sawi theilo, kalo en ngawih ngawih a



“ng
nge min en reng a” a rawn ti hluk a, min tin deuh uaih bawk a, harhchhuak thut ni awm tak hian a kut chu a la let leh vut a, a thu hnawk a, engmah pawh ka sawi peih lo. Phun an na tur a zawng char char a, ka ngawi reng a. thingpui ka siam pawh a in chuang hleilo a, zu in mi ha chimawm dan em em hi chu aw… Piang nawn leh ila chu zu in mi chu pasalah ka nei hauh lo ang.




Chaw eikham chuan tlemin a rui pawh a reh ve deuh a,



“Utluang vawiin a ka inentir kha I hria ti raw” ka ti a



“hria e, engtin nge an lo tih che” a ti a, hre reng si min han zawh ve awm, ka han ngei tak hmela chu



“Aizawl kal ka ngai a, Biopsy te lak a ngai a”ka ti a




“ka ring deuh reng a, Cancer a nih ka ring” a ti a, ka en tlawk tlawk ringawt a, hetiang em em a mihring mak leh sual thiam hi chu an van gang




“I lo rinlawk tawh chuan a that chu”ka ti ve ta hmak a.




Ala nui sawng zui a nih chu, a hmelte chu ka rap tlat.




Aizawl kal tur chuan ka inbuatsaih a, kan pa chuan bawihtea hruai a phal lo a, an naute ve deuh kan chah a, kan bulah a awm ve tawh dawn a, nula kum 20 mi vel ani a, mawiteii a ni a, nau han tih vel pawh a thiam riau a, ka ngaihtuah lo deuh a, kan pa chu min kalpui turin ka ti a, kan chhungkua in kan kal a nga ka tih chuan tul a lo ti lo nasa, I nep lutuk min ti ta zek a.




Ka sawi ta kha ka inchhir kher mai. Lo sawi lo law law zawk ila




Zan kan mu chu ka muhil theilo a, utluanga khawsa zia chu mak ka ti em em a, ka hlauhthawnzia leh ka mangan zia hi a hre lo emawni le? Nge a hrethiam duhlo zawk le ka ti a. ka rilru hahna tur tam tak chu ka thinrimna chuan a luahlan a, a zia hlauh zawk nilo se chu ka hah ngawt ang.




Uzothana chu ka va hrilh ve vat a, a rawn mangang nasa, chhuak lawk teh ka be duh che a rawn ti a, keipawh chu I he lo chuan ka chhuak nghal a, hnemtu ka mamawh tak zet a ni.




“engtikah ah nge i hriat, I tha em? Engti nge I awm? Hlauthawng suh aw bawihi” a rawn ti nghal mawlh mawlh a, a aw a hlauhthawnna awm chu ka hai mawlh lo, ka lung a chhe tlat, ka nu ka biak pawh a tap hlei lo kha, bawihi min han ti leh ri kan hriat te chuan min ti no zo a, hmanla hunah min hruai let vbawn vawn a, ka rilru no a lo chhuak a, ka tap ta faih faih a.




Dawhthei deuh hian min lo nghak a, min hnem mawlh mawlh a, “ka buaipui vek ang che min hnial suh aw” a rawn ti a, hnial a hnekin ka lo thaw huai zawk a.




Ka pa te in a thlen tum kha ka nia, Uzothan nen kan in biak takah chuan ka thiannu Hlutei kah Aizawlah pasal neiin a awm ve a, an pa hi sipai a ni a, Luangmualah an awm a, chumi te inah chuan thleng mai la a ti a.




“engtin nge hlutei awmna i hriat” ka ti vat a




“kan in be thin lawm, I number pawh aman lawm min pe, ka dilna a rei tawh bawk a” a ti a.



Ka hrethiam ta uar uar a, ahma pawh khan ka zawt duh lo kha nia, hlutei nen pawh kan in be reng a, mhase a sawi ngai miah lo, thiantha neih hi chu aw ka ti vawng vanwg a, U zothan chuan “hlutei chu ka lo bia ng, mu tawh la, engkim kalo ngaihtuah fel vek ang” a ti a, phone pawh kan dah ta a





Thlamuang tak chuan ka mu ta a, zing a ka kal tur chu ka fate chuan min thlah a, kan pa chu a rawn tho lo hrim hrim, thenawmnu Matei erawh ka hrilh ve a, min rawn thlah thlap a, kan pa ka huatna chu a zual sauh a.




Tluang takin Aizawl chu kan thleng a, kappa te pawh kala hrilh chuang lo bawk a, k athiannu te in a thlen chu ka tum ta zawk a, hlutei zawk chuan min rawn bia a, a awm ah chuan min ngaihtuah zia chu ka hre thei.




Uzothana chuan min lo hmuah a tumviau a ka duh lo a, ka zam deuh reng reng a, kum 10 vel kan in hmu tawh lo a, han hmuh leh kha ka zuam lo a ni.




Temple ah hlutei chuan min lo hmuak a, kan in hmu chu kan in kuah ngahl chung chung a, phone ah chuan in be hlawm tho ma hila, kan inhmuh lohna a rei tawh em a, awm tak a ni. Scooty a rawn keng a, bag pakhat chauh ka nei bawk a, kan in phur haw vau vau a.




In leh lo pawh an lo nei nuam hle a, fa pakhat an nei a, a pi te inah a lo awm daih bawk sia, a mah chauhin a lo awm a, ka kal chu a lawmzia te min hrilh a. Kan pa pawn min be bik lo a, keipawn ka be ta bik loa. Zanriah kan eikham chuan Hlutei chuan ka chhuak lawk aw a ti a, kalo aw liam ve mai a, Uzothana chuan min rawn be ta miah lo a, kawngka an rawn kik a, in neitu ber a awm si lo a, huphurh tak chuan ka va hawng a,




Uzothana nen chuan kan inhmachhawn ta ran a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2020, 5:10 pm

Bung – 14




Ka hma a ding chu ka e reng a, a hmelte chu a lo upa ve ta deuh a, zu in nasa hmel chu a pu deuh a, tin a lo thau tawh zawk bawk a, a lang lianin a lang zahawm zual deuh in k hria a.





Tawng na chang pawh kan hre lo ve ve a, ani pawhin min en ran , minute khat vel chu a ni in ka ring, ka harh chhuak zawk a, luhna tur ka kian nghal vat a, a ni pawh a nui suk a, alo lut ta ghal a.




“I dam maw “ kan tawng rual thawt a, kan han nui dun leh rih a,





Thu ta che ka tih chuan a thu ve mai a, nui rah rah chung hian “khawnge hlutei” a ti a, kei chuan eilo hmel fe hian “in plan lawk vek a ni maw?” ka ti a, ala nui huk ringawt a, sawi lo mahse hemi te pahnih hian min phiarru chiang a lawm, thu tam kan sawilo, kan in en ngawt ngawt a, min kuah a tum chu ka duhlo thung a, a thutna epah chiah chuan ka thu a.





“pathian zarah eng em I ni lo ang” a ti a, a aw ah chuan min ngaihtuahzia alang a,hman ang tho khan min la ngaihtuah reng a.




“Ni e, mahse ka hlauthawng a ni” ka ti a




“Keipawn ka hlauthawng” tih pah chuan min en reng a, keipawhin ka lo en let ve kiau a. muang chang hian a rawn tho a, ka bulah chuan a rawn thu a, keipawhin engtin mah ka lo hnial bik lo a, a chevel chu ka lo en tawp mai a.




“I tello a hringnun hman hreawmzia hi I hria em?” a aw ah chuan an tak tuar a ni tih a lang reng a, ka hnuk a ulh deuh tlat a, mahse ka kal san pawh ani lo a. ka thin a rim thut a




“I duhthlanna a lawm” ka ti hmak a





“ni e , ka lo a ngawt mai, ka lo dawih em a ni’ a ti a, a aw ah chuan a in thiamloh zia pawh a lang reng a,





Ka lo a em ani, khawvel hi her let leh theih se ti raw a ti vawng vawg a, min rawn kuah a, ka thin a rim thut a, a awmah chuan ka chum a, “nga ti nge, nga ti nge khatianga min tih, min kalsan leh tur chuan engvangin nge k a nunah khan I lo luh, Zothansang, misual pa” ka au ani ber a, a awmah chuan ka chum a, ka tawt up up a, awm ngaihna reng reng ka hre lo a, ka thin a rim bawk a, ka chumna thawkhat ang ka ring.





Mate min ngaidam rawh, I duh tawkin min chum rawh a tia , min lo dan pawh a tum lo a, mittui kar atang chuan ka en a, ka chetna avang chuan ka hah lutuk a, ka kut min chelhna ang ang chuan ka dah a, a ni pawhin min lo en ve kar a, “ka haw lutuk che” ka ti a, ka lo insum ve tawhna zawng zawngte chu hawnin a awm vek ni maiin ka hria a.



Ka che leh tur chu nghet zet hian a awmah chuan min kuah bet a, “nangmah chauh hi hreawm I ni lo, keimah zawk hi nung reng chungin ka thi a sin, I tello chuan ka hlim chuang lo anih hi, ka thiltih sual khan min vaw let a sin, na ka ti takzet bawk” a ti a, kei lah kalo in sut hlap hlap a.




******




Ka mu meng kar a, hlutei pawh a lo haw har lo a, Uzothana pawh dar 10 thleng a leng a, a haw veleh hlutei nen awh ti ti lutuk lo in kan mu nghal a, zandangah kan lo ti ti zaawk dawn nia, tunah chuan I biak tlak loh em mai a ti a, keipawhin ngaihda tha tak a niin ka hria a.





Uzothana chu ka ngei a, ka haw bawk a, ka ngai bawk a, ka hmangaih bawk a, a va han hahthlak tehreng em, Nutliing fa pahnh nei tawh ka ni tihlam reng ka hrechang tawh lo. Kan inthendan te ka ngaihtuah a, hmanlai hunah bawk ka let leh ta vang vang a,





Khatia Uzothana ze danglam deuh pawh theih miah loh leh inla hrang tlat kha ka hrethiam lo em em a, tih dan ka thiam si lo a, tha tak erawh chuan min la be reng si a, mahse ka rilru ah hian a chiang ka lak atangin a hla daih a ni tih hi, mahse kan la chen ho reng avang erawh chuan ka ngaih chu a ngam deuh a, a zia tho chu ka ti a, nakinah a tha ve maiin ka ring a.




Chutia ngaihtha taka ka awm lai chuan, December thla tir kanlo chuangkai ve reng tawh a, khua pawh a vawt tan tawh a, zingkhat kan chaw ei chu Uzothana chuan “ka thianpa nen inluah hra ka n rilruk deuh a, hetia in bula awm hi nuam chu ka ti viau a, mahse ka thianpa hian inluahpui tur a duh deuh a, min nawr ve deuh sia’ a ti a, ka bengah chuan tek tla ai pawhin a ring zawk, ka thil ei lai chawl meuh chuan ka en a, min en ve duh thaklo thung





“ I thu thu ni mai law, keini ah chuan inthlahrun tur a awm miah lo ania, min pui nasa tawk bawk a lawm” ka nu chuan a lo ti ve bauh a.




Engmah ka sawi tawh lo, ka kham nghal a, kan roomah chuan ka lut a, khumah chuan ka thu a, nga ti nge pawh ka hre lo ka mittui a tla zung zung a, Uzothana thawm ka hriat chuan ka mittui chu ka hru hul nghal sawk sawk a.
“Cat, I hrethiamlo a nih kha, kan inthen dawn tihna a ni hlei nem, hetia in in a awm reng chu a mawi lo ve a” a ti a, a tawngdan chu mak ka ti lutuk





“mawilo si ngati nge I lo awm si” ka ti a, a thaw haw, a sam chu a tua puat a, min chhang dawn a, sawi tur a hrelo nge a ngawi leh ta daih a.




“kan inkar chu a ngai ang vek a la ni tho dawn a lawm”a rawn ti tawk tak a, ka lo nui ringawt a, nuihzat vanga nui erawh ka ni lo, mangang lutuk nui zawk a ni.





A duh ang takin Uzothana pawh a in thiar chhuak a, zantin erawh chuan a rawn leng tho a, ngaihthat lohan tur engmah a awm lo,Xmas pawh helamah a hman dawn avang chuan ka rilru pawh anuam deuh a, hetia a han awm hran takah chuan inneih pawh a sawi vatin ka ring deuh a, a hma khan kum tling la, kan innei vat dawn nia a ti kha nia, Ni 23 ah hian kum 18 ka tling dawn a ni a, inneih sawi chu a hu ve viau tawh chuan ka hria a.





Khami ni kha ka la hre reng ni 14 a ni a, ka nu a awm lo a, ka insu a, ka thiannu lawmawmi hi hmanhmawh em em hian a rawn tlan hlawk hlawk a, pawn a insu ka nih avangin mak ti deuh hian ka lo en reng a,





“inchhngah lut lawk ang’ a tih chuan hnial loin ka zui lut nghal a, a hmelah khan hnial chi a ni lo reng reng, thlarau hmu ang maiin a dang var pap maiin ka hria





“ka thil hrilh tur che hian a thawng viau ang che tih ka ring a, I rilru siam ang che” a tih chuan ka hlauthawng lutuk chu ka thaw thei tawh lo a, Uzothana a Accident a nih ka ring ber a





“Uzothana kha…..” a ti hman ciah a, “Uzothana chu entin…?” kalo ti hmanhmawh a





“Nupui a nei, hmeichhe pakhatin a rawn luhkhung an ti, a raipuar” a ti a, minkuah nghal a, ka nghilh dup… ka tawng dawn a, ka hmui chu a phu hlawk hlawk a, engmah ri a chhuah thei hauh lo.





Min kuai thu vat a, “ka awih theilo” ka tit ham tuak a





“I rilru ti pachang hran hram ang che” a tih ri te chu hla takah ka hria a, mangang deuh a lawmawmin zodin zodin a tih ri chu ka hria a…..





Ka harh leh chuan khumah ka lo mu a, ka nu hi mangan hmel deuhin a lo thu a, Uzothana ka hmu chiah chu ka thuhriat kha dawt a nih beisei tak hian ka en a “Dawt a ni ti raw” ka ti a, min chhang miah lo chu ka mangang kher mai “Nu Uzothana hi” ka ti ringawt a, ka nu chuan min kuah a, in be rawh u a ti a, a chhuak ta daih a, kawngka inkhar thawm in a zui nghal a





“Bawihi min ngaidam rawh” a ti a



“Engtin nge I tih theih zawk” tih bak ka sawi thei lo



“ka thiam loh a ni, ka tumreng vang ni lo in a lo rai palh ta si a, ti hian a rawn kal a, ka fa pai tu chu ka phatsan theilo” a ti a





“ka haw lutuk che” ka ti vawng vawng a, “Min ngaidam ang che” a ti a, a tho a, thil sawi duh tam tak ka nei, zawh duh pawh ka ngah lutuk, mahse zawh chi a ni taawhlo tih ka hria, ka en reng a, muang chang hian a chhuak a, a pen thawm chu a reh thlengin ka nghak a, ka tap khur nghar char char a, ka tap nasa lutuk chu ka hnang mai dawnin ka hria a.





Kha kha Uzothana ka hmuh tawpna ani




Ka nu a lo lut vat a, min henm mawlh mawlh a, ani pawh a tap ve bawk a, kan va han khawngaihthlak nufa tak em, a na vawng vawng.






Kar khat chhung chu mi a ang maiin ka awm a, ka nu pawhin vawikhatmah min kalsan lo, min ngaihtuah em em a, a khat tawk hian “bawihte keimah vang ani, min ngaidam rawh kalo mawl em a ni” a ti leh thin a, ka chhang theilo, ka khawngaih ve lutuk mahse ka nu thiamloh a ni lo chianh tih chu ka hria. Uzothana pawh vawi thum a rawn kal a, mahse ka nu in hmuh a phal lo a, keipawhin ka duh lo bawk a.






Ka nu chuan West Phailenga an inpuiah min kalpui ta daih a, a ni erawh chu a awm reilo, a haw leh vat a, kaa pute a te inah chuan ka awm ve t aran a, min duatin min care bawk a, Mary kei ai a u hret hi a awm bawk a, a ni chu wmlo se a hreawm ngawt ang le.






Ka nu min hrilh danin Uzothana nupui kha Mahruaii ani a, an thawhpui a ni a, an lo in ngaizawng ve reng tawh a, Uzothana kawrthah a rawn post pawh khan an la in ngaizawng a, kha nu khan ka nu pawh a rawn bia a, pawi a tih thu te pawh a rawn sawi ve a ni awm a, a rai ta si a, Uzothana khan sawn man a pa a lo va pek tir a, chu chu duh lo in tikhan a rawn kal chilh ta kha ani awm a, a awm ve ta reng a.






Tlai khat Mary nen room kan ti ti melh melh lai chuan Uzothana aw ri ka hria a, ka khur nghal vek thei, “Zodini a awm em” a ti a, a tawng rik da a tang chuan a rui tih ka hre nghal a, ka lo kim ki chawih a, ka pute a lo awm kher bawk nen a ni lo thinrim sa bawk a, an lo nam chhuak ngha a, vawikhatmah lo kal tawh lo turin an hrilh a, kei kalo tap char char a.






Thlamuang pawn ka awm thei tawh lo a, ka nu ka hrilh vat a, ka nu chuan lo hmu reng reng suh chak takin awm ang che min ti a, hmuh tumna ka nei lo, Xmas tlai a ni a, ka thiante ka ngai em em a, Lawmawmi a va bia a, Uzothana ruih nasat theih zia leh a chet bawraw zia te a nupui a khawih thin thu te min lo hrilh a, haw rawh a ti vak vak zel tih min hrilh chuan chhungrilah hian ka lo na vawng vawng a.






Kaa thiante pawh ka be duh ta lo a, Uzothana chanchin hriat kka duh tawh lo min ti na em em a ni, chaw ka ei thei si lo a, ka cher em em a, ka nu ka ngai ngawih ngawih a, ka pa ka ngai bawk.







Ka pa khan a va sawi dik tak em, inneihna a phuar beh nisi lo a khatia awm kha chu ka chantawk chu hetiang hi a lo ni ta nih chu, xmas leh kum thar chu vai ruaiin ka hmang a, ka inkhawm lo bawk a, ka pute a te inhnuai chu ka nu nen kan awm nan kan siam a, kan sam zawh veleh ka nu pawh a lo phei a, zankhat ka nu lo la phei hma si hian Uzothana a lo kal leh a “Ka pu khawihin Zodini min hmuh tir rawh u” a rawn ti a, mary kut ka hum ngawt ngawt a.







Ka pute a chuan a lo hau hrep a, pawnah te chuan a au lung lung a “Zodin lo chhuak teh, vawikhat chauh ka be duh che” a ti a, a rui bawk si, ka va han zak tak, a chang leh “min ngaidam rawh” a ti thul, ka putea chuan YMA hruaitu te a pun ta ringawt kha ani a.






Chu chu Uzothana nen kan inthen dan chu ani, vawikhatmah kan in hmu leh tawh lo a, tun hi kan inhmuh leh chu a ni, ka ngaihtuah thin a, ka nun engkim bul chu Uzothana a ni a, tawpna pawh amah zel tho a ni.






Zanin a thusawi kha ka bengah a cham reng a, khang lai a rilru hah deuh lai khan a nupui rai thu kha a hriat vang a lo ni a, a awm reng ka ti, mahse keilah khan nula dang lakah rinhlehnaa pakhatte pawh ka nei ngai lo a ni si a.






Kei min tawn hma zawng a abialnu a ni a, an thawk ho thin a, khatia a rai takah khan a rawn kal chilh ta kha ani a, a lo rai ve bawk nen ka fa tih faharh kha ka ngai ngam si lo a, bakah kan pute ah khan a patea a awm a, ani khan min rawn be reng bawk a, pute na na na chu ka lo hlau ve si a, ka nei ta mai a ni. mahse kha kha khawvela ka thil tih sual lian ber a ni ta anih hi a ti a, mahse kei chuan ka ti lo, min phatsan a khatia alo rai zawk kha a tihsual chu a ni, ka ngaihdan chuan. n





An innei ta kha an hlim lo hle a, an nu te lamin thil an ti thei bawk a, Aizawlah an in sawn vat a, a rui nasa lutuk thin ani awm e, an nu pawh kut a thlak nasa thin a, naute pawh kha thla 8 a nihin a chhiat a ni awm e, chu ta tang chuan vawikhat mah fa an pai leh a lo ni a, ti chuan kum 2010 khan an lo in then daih a lo ni a.






Min biak pawhna a lo zawng char char a, mahse a lo hre mai lo a, hlutei nen hian Bazarah nikum khan an lo inhmu hawl a, 2012 kum tiha a nih , chu ta tang chuan nia ka chanchin pawh a lo hriat mahse ka number chu alo pe duh bik miah lo a, hlutei pasal pawhin a lo hre ve lutuk a, a khawngaihin ka number pawh an nu phone tangin la chhuakin alo pe a ni awm e.






Ka in let sek a, mutthilh a har kher mai, Uzothana pawh chu a lo hlim biklo hle mai tih ka hriat chuan ka khawngaih a, tih theih lah chu a awm tawh der si lo a “dam reng si hian ka thi mek ani, ka chawh min ti em” a tih ri te hu ka bengah a ri nawn tlut tlut a, chawh ka tih leh tih loh pawh ka hre lo.






Min phatsan lo ta se emaw, nupui kha nei lo ta e chu tih ringawt chu ka ngaih tuah a, what if… what if… tiin thil lo thleng thei awm chu ka gaihtuah a, mahse chu chuan engmah min thlen si lo a, ka Aizawl kal chhan hrechhang lo lekin ka tap muhil ta thak a.







Zing ka thawh veleh ka phone ka en a, kan pa minlo biakna ka hmu miah lo, min ngaihtuah loh zia chu mak ka ti zawk, khawilam lam pawh chuan hahdamna min pe lo, ka natna tizual tu zel a ni, kan nau chu ka phone, naupang chanchin te ka zawt a, vawiin lam programme te ka hrilh a.






Uzothana chuan ka in en tirna tur zawng zawng a buaipui a, Hlutei ne nmin hruiai vek a, ka thla amuanphah hle a, Biopsy pawh kan la nghal a, kei ai mahin Uzothana chuan a hlau thawng zawk a ‘hlau suh aw”min han ti rengte chuan min ti thlamuang em em a, Doctorin Result nghak law law rawh a tih avangin Aizawlah chuan ka cham tlang a . kapa te pawh ka tlawh pah duh hri m hrim a, ka nu chuan I cham dawn tho chuan ka lo chhuk ve ang a ti a, mahse ka phal lo a, result te han hre phawt ila, ka ti ta zawk a.





Result lam tur chuan Uzothana nen bawk kan kal dun a, Bike in kan in phur a, ka hlauthawng kher mai, Doctor chu kan nghak ran a, ka kut a rawnvawn chuan kan mit a in tawng a, ka tek sawk hian ka hria, keipawhin ka hlauhthawn em avang chuan a kut chu ka lo hmer let ve salh a.





Ka hming min rawn lam chuan kan ding ngha a, ka lut tur chu min rawn vuan a, ka lo lut ve dawn a ti a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2020, 5:10 pm

Bung – 15



Ka hming min rawn lam chuan kan ding nghal a, ka lut tur chu min rawn vuan a, ka lo lut ve dawn a ti a



Ka hma a Doctor thu chu zam takin ka en a, lehkha a ziak mawlh mawlj a, Uzothana chuan ka kut a vuan a, kan kut chu a thlan dap a, dik tak chuan ka hlauthawng lutuk, Uzothana pawh min hnem tur zawkni awm tak, kei aim ah hian a hlauthawng zawk a, a tawpah doctor chu a rawn hawi chhuak ta a, Thinphu dep dep hian ka lo awm a, chu lai tak chuan hun hi a ding thuap ni maiin ka hria.





“Pi zodin, a lawmawm hle mai, mahse kan zai vat erawh a ngai thung” a tih chuan Uzothana nen chuan kan thaw huai a, ka kut a vawnna pawh a thlah dul nghal a, kan nui ta var var a.






A tuk lam a inzai tur chuan min ti nghal a, keipawhin tha ka ti a, cham law law chuan zin a har si a, bakah a bawk hi a thang deuh tlat bawk nen, tih fel law law kha tha ka ti a.




Doctor room atanga kan chhuah chuan kan hlim dun kher mai, dik tak chuan Cancer ka nih loh reng hi ka ring tawh lo a, zai ngai thomah ila Cancer a ni lo chuan min ti thlamuang lutuk tlat.





A tuk lam a inzai tur ka nih avangin tih fel tur neuh neuh a awm a, kei chu Casualty kawtah ka lo thu a, Uzothana chuan engkim min buaipui vek a, ka va thlamaung teh reng em, ka psal zawk erawh chuan min hruai chu sawi loh enga tan mah mi nngai lo. Chu thu ka hriat chhuah chuan ka hnual rawih rawih thei a nih chu.




.A lak atang hian eng nge k ala beisei cheu ka in hre bik lo. Ka pasal lak atang ka dawn tha ber chu ka fate hi an ni mai.





Uzothana chuan inpa I hrilh nghal dawn lo a mi a ti a, nakiah le ka ti tawi tak a, ka nu erawh ka phone nghal a, ka nu pawh a lawm khawp a, ka pa pawh ka phone nghal bawk a, zai ka ngai tih erawh ka sawi duh ta lo a, tullo deuhah min rawn ngaihtuah hah leh vak dawn si a.






Kan kalna lam pawh ka lo en miah lo a, Uzothana te inkawt kan lo thleng reng a, ka lawmlo hmnel chu a lo hmu vat a





“kalo zawt lemlo che a, hahchawlh I mamawh ka ring a” a ti a, a aw ah chuan a inthlahrung ve hle tih chua hriat a, ka hnial duh ta bik lo a, Tumah an lo awm lo a, apa nen chauh a awm kha an ni hrim hrim a, apa chu a pension ve tawh ngei chu ka ring a, amhse ka zawt duh bik lo a.





Ei tur a siam mawlh mawlh a, sofa ah chuan ka lo muzal a, kan pa ka ngaihtuah a, ka thin a rim, vawikhatmah eng nge ka an ti tur pawhin min rawn phone lo a, engtin nge a theih zawk le, ka cancer lo chu pawi a ti ngawtin ka ring a, theawmnu leh kan nau thar chu ka be reng tho a, ka chanchin chu a hriat vek tho chu ka ring a. Matei hnen atang a ka hriat danin kan pa chu a rui char char a ni awm e.





Mahse eng nge ka beisei vak, ka lu a vawm thi zawih zawih a, thui ngai a ka awm pawhin vawikhat pawh min zawt lo a, min ngaihsak hek lo, ka fa te ka ngaihtuah a, ka mitui a tla ta zawih zawih a, mittui nen ka lo mu kawi niah min hmuh chuan Uzothana chu eitur a ken lai chu dawh kanah a dah vat a.






Min hnemtum tak hian min rawn kuah a, engkim a tha leh vek mai ang a ti a, min care na leh min duatnna te chu hmang ang tho kha a la ni, tlemte pawhin a kiam belh lo, min duat zual sauh ni maiin ka hria a. kan pa min hnemna ni zawk se ka ti, kum sawm dawn tawh ka pasal hian ka nat leh nat loh ngatan mah a ti lo chu ka la na ve kher mai.





Sorry tih pah chuan ka in lahrang a, mahse min kuah let leh vat a, ka hnungah chuan a chul hauh hauh a, kalo mur ar ar a, ka awm dan chu ka duh lo, mahse mak lutuk ka hnial thei reng reng lo a, min fawp dawn tih pawh ka hria, mahse lo dang turin chakna ka nei lo, min dem ang tih pawh ka hria, mahse ka hnar zo thlawt lo a ni, kan in hip tawnna chak lutuk chu dan zawh rual a ni lo.






Uar em em in min fawp a, kei lah chuan uar fahran in ka lo chhang let ve bawk a, mahse ka thluak a rawn fim tial tial a, kan thil tih lai dik lohzia ka hrechiang telh telh a, ka theih tawpin ka nam let a, a ni pawhin min thlah ve mai a, a in la hrang a, min en vang vang a, zawi muang hian min thlah a.






“God, ka ngaihzia che hi, I hmui fawh chak hian zan tam ka mu lo thin a sin, ka va ngai tak che em” a ti vawng vawng a, a aw ah pawh chuan na a ti tih a hriat mai a, mahse engmah sawi theih ka nei lo, a duhthlanna a ni a, ka pasal hi ka hmangaih lo pawh a ni thei, mahse chu chuan ka phatsan theiin ka uire thei min ti chuang lo, Nupui trinawm tak ka ni reng tho ang tiin ka in fuih a.





“thleng nawn tawh suh se” ka ti sap a



“ka lo tum dawn nia, sorry” a ti a, ei tur chu ka lamah a rawn dah a, ngawi rengin ka lo ban a,



“chaw ei ve rawh aw” a ti a




“chi loh lutuk” ka ti a mahse min sawm nasat em a vang chuan ka hnial zo leh ta lo a, nep ka in ti, mahse nuam ka ti ve tho si a, a roomah kan chho a, a lo danglam tawh hle a, mahse neg nge ka beisei kum 10 dawn a ni tawh a, engtin nge a ngai reng te kala beisei ni.





“I pasal bulah I hlim bik lo ti raw” min en reng a, min hmu tlang vek emaw tih mai tur hian min en chiang a.




“Hlim hran lo e” ka ti a, dawt sawi kha a tulin ka hre lo a




“ka hria a sin, I hlim bik hi ka ring lo, ka hmangaih ang tho che khan min hmangaih a,” a ti a, ka ngawi reng a, “kalo a em mai ti raw, engtinnge ka lo kalsan theih le, ka nunna tluk zet a hlu kha engtin nge ka kalsan theih che, a hun lai kha chuan maw a har em a sin, thih daih kha ka chak a, ka fa han tih faharh kha ka phal si lo a, nu leh pa kar lo ah kan sei lian tawh, kha vang khan ka rilru kha a buaii vek a, mahse mahse maw ka tisual tih ka hriatna chu phailenga I phei chiah khan ka a lo chauh, ka hmuh theih a I han awm lo ta kha ka nun hian awmzia anei lo” a ti a, a thusawi chu mak ti deuh hian ka lo ngaithla a, sawi tur reng ka hreve lo.





Eng nge ka sawi ve ang ni, .. nga ti nge min kal san tiin ka hau dawn em ni? Engnge sawtna awm chuang ang le.





“I hmel vawikhat chauh hmuh chakin ka tum a, Aizawl a min sawn hma kha chuan harhfimin ka hun ka hmang ngam lo a ni, ka nupui pawh kha ka khawngaih ngawt mai, ka sual vangin rilru na takina awm a, a tawpah phei chuan a peih ta ngang lo a, sum a chhuah ta a ni” a tia , a thusawi maltin te chu mak ti em em hian ka lo ngai thla a,





Uzothana hi insawifiah chi a ni lo a,ka hre ngailo, min kalsan dawn khan duhthlan tur a neih lohzia sawi se tun ang te hian sawi se ka dam deuh mahna. Mahse eng nge sawt tawh chuang le…..





“kha ti tak a hma khan pasal min niehsan ang tih ka lo ring ngai lo a, pasal I nei tih ka hriat zan chuan ka mu lo a, pasal tha tak I nei erawh ka lawmpui che a, I taksa duh taka ka khawih thin a han khawih ve tur ka suang tuah khan ka chhe vek, ka ta chauh a ka lo ngai thin che a, ka hma kha ka lo sial a sin, midang, pahnih ka sual vangin ti hian kan tuar chu a ni sia maw…. A ti vawng vawng a





Ka ngaihtuahna chu a kal ding kher mai, a pawi tur ang a pawi vek tawh a, mahse kha leh chen ka rilru a zawhna lo awmte chu chhan in a awm tih ka hria, ka zang huai chuan ka hria a. tumah mah kan tawnglo, kan gawi reng a, tawnglo mah ila kan rilru kan inhrethiam tawn em em m a, ngawi reng chuan thu tam tak kn sawi a, a ri erawh a hriat theih loh mai chauh a ni.






Uzothana chuan eirawng a bawl a, kei erawh chu ka lo thu mai mai, puih ve ka tum pawhin a phal lo a, hetia ka tihsak chkn che hi a rei tawh, duat ka chak che sina ti thul, thu kan sawi tam lo, mahse kan mit erawh chuan hmun dang a hawi theilo, mumang a ni mai hian ka hria a, ka mumang an I ang nga ka harh leh ang tih ka hlau.






Uzothana pa chu a lo zin daih a lo ni a, riak ve tur chuan min sawm nasa mahse chu erawh ka hnial bur thung a, Dar 8 ah chuan min thlah phei ta a, a lo peng kawi tawh lo a, Hlutei chu phone in chanchin ka hrilh tawh tho avangin hlim hmel siah in min lo bia a, chaanchin te kan in hrilh ve a, Uzothana nen kan ti ti dan zawng zawng pawh ka hrilh ve vek a





“Thiannu dik tak chuan ka ngei a, hmanah pawh ka ngei a, tunah pawh ka ngei tho, mahse a thil tih sual man hi chu a tuar nasa ve a sin, ti hian min ti ti pui tur ringawt te pawh hian a lo leng peih a, ka sawi duh lo a nih kha, awmzia a awm tawh chuang si lo a a ti a”




Kei chuan “Dik chiah ti hian thiantha kan ni mai” ka ti liam puat a, mahse ka chhungrilah chuan a ni der si lo a. Hlutei pawh chuan ni e, khatia tih theih kha tunah chuan chhungkaw duhawm tak I din tawh , fanau ah lah ni se malsawmna in dawng a, engmah hi a ngai tawh lo a lo ti a, kei pawh chuan pawmpui takin kalo sawi let pui ve bawrh bawrh a. Uzothana min buaipui nasat zia te chu kan han sawi dun a,





Hmanal hunk an sawi kai leh a, kan thiante




Ka mu meng reng a, in lam chu ka ngaihtuah lutuk lo a, Sangsangi nen pawh kan in bia a engkim ka hrilh fiah a, a hrethiam ve reuh khawp a, a pa erawhin ngatan mah min ti lo a, matei kan in a awm lai pawn matein min rawn be lui ve ngat a, mahse ka pasal chuan min be eih lo, a thei hi ka ti em a sin. Ka fate pa ani ve si a






Ka nun chu ka han enlet a, han hlimna em em ka neih lohzia te, ka nunruak ngawih ngawih te, ka fate bak damchhan leh thlakhleh ka neih loh zia te hi, Uzothana a lo lang leh chianh khan ka hlim leh ta deuh a, nun awmzia te ka thar a, zahthlak zawk in mahse zak thei ka ni lo, ka rilru put dan ani miau si a.





Uzothana min sawmna aw ri te chu ka bengah chuana a ri nawn tlut tlut a, I fa te nen ka bulah awm tawh rawh u, I paal bulah I hlim chuang lo, nagmah nen lo chuan khawvel hmachhawn hi a hlimawm loh a rapthlak em mai a ti a nih kha, a ti awih awmloh hi kan ti khawp a, Nuthlawi pawh ka ni lo a, Pasal pawm lai nei ka ni.. mahse ka thiamloh pawh a nit ho, a tan zuamawmin ka awm a ni.





Mahse eng nge ka tih theih chuang ni le, ka va han nep tak, ka nunkawnagh hian engmah hlimna ka phu ve loh zia te chu ka in ngaihtuah a, ahun hma in sex ka hmang a, ka pa thu awih lo in inneihna phuar hlutzia ka pal zam a, chu vang vek a thil thleng ani.





Ka pasal bulah hian hlim lo hle mah ila,inneihna I min phuar miau avangin inthen chu a harsa talh mai a ni.





A tukah chuan damdawiinah ka awm ta a, ka nu pawh lo kal duhlo turin ka hrilh a, minor surgery chauh ani tho a, bakah Uzothanan engkim in buaipui vek a, min duat em em a, damdawiinah pawh hlutei min riahpui phal lo in aman minriah pui a nih chu, rapthlak hian.



.

Ka hnial thei der si lo a, mahse a awm ve vang erawh chuan ka thla amuang tih chu ka pha lo, innei tai la emaw a bula ka awm a ka hlim tur zia chu natna khuma ka awm chung pawn ka hlim a nih hi le,





Ka pasal pawhin vawikhatmah min lo cal lo a, keipawhin ka cal duh ta bik lo a, tu thei rei rei kan ti ag chu ka ti a, ka rilru chu ka pasal lak atang chu hla tawh tak ani, nidang a kut min thlak leh eng eng emaw kha chu menah ka la thlak thei, mahse tun ang hunah pawh heti taka ka lak a ahan awm thei chu a em em ka tideuh , min hmangaih lo mahse a fate nu ka ni a, min ngaihsak ve tur a ni a sin, kei aiin a la upa daih zui.





Mahse Uzothana nen hun thawl tak kan nei a, ka lo dream ang zawng zawng kha alo la dang lam lo a, chutia kan han inbuai leh ta tak tak chu ka rilru a lo la danglam eih si lo nen ka nem leh ta vek ti ila kan sawi sual lo ang.





Ni thum ka awm hnu chuan kan chhuak a, keipawh ni khat ka cham leh a nga ka haw tawh dawn a ni, Uzothana chuan ka haw na tur engkim a ti fel vek a.





Kan chhuak chu hlutei te in lam kan pan leh nghal a, a ni erawh a lo awm lo a, min dimin min duat em em a, min han kai lut deuh thlap thlap te, min han mut fel tir a, puan min han sin tir te chuan keimah a No na chu a rawn kai chhuak tlat mai a, rei tak duat hlawh tawh lo khan fa ka neih duah tawh hnu ah ka hmangaih ber hnen atangin ka han dawng leh a, ka lungchhe lutuk, ka insum tang tang a.





Puan min sin tir zo a kut a la tur chu ka lo chelh bet a, ka khur dar dar a, min en reng a, kei pawhin ka lo en let kiau a, muang changing ka bulah chuan a rawn inthawlh ve a, nghet em em hian min kuah a.






Insum deuh hian ka tap khur dar dar a, “Cat, tap suh, ka bulah I awm tawh a lawm, ka kal tir tawh lo ang che” a tih te chuan min ti tap uar deuh deuh a,




“ka hlauh tawh dawn lo che, engti kawng pawhin ka nei let leh dawn che” a ti a, min kuah a, min hrawm ani ber, ka mittui chu a rawnfawp a, Shhhh… bawihte tap tawh suh, ka kal san tawh dawn lo che tih pah chuan zawi muang hian min fawp a, dim te te in min fawp a, fawh maia duh tawk lo, min zut kual vel ta ruai a, ka hnute chu ka thawmhnaw hak chhanah chuan a hrawm nawk nawk a,




“Cat, ka duhlai, hengte hi ka va ngai thin em….. ka va duh tak che em’ tih pah chuan a hrawm nawk nawk a ni ber a, kei pawh hmanagihna tuipui chuan min chimpil vawng vawng a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2020, 5:11 pm

Bung – 16



“Cat, ka duhlai, hengte hi ka va ngai thin em….. ka va duh tak che em’ tih pah chuan a hrawm nawk nawk a ni ber a, kei pawh hmanagihna tuipui huan min chimpil vawng vawng a.




Chin lem nei lo a min fawhna leh min hrawmkualna a vang chuan ka chakna neih ve, rei tak lo in up bo tawh chu kaihthawhin a awm a, ka ngaihtuahna pawh a fim thei tawh lo, ka nu but tawh mai a, a rim pa hrak mai te chuan min zem a vek tawh a ni maiin ka hria





“ka bulah awm tawh rawh aw” ti a min thlemna awm ka te chu ka tan chuan a ri a mawi vek tawh, hetianga duat tawh fawh ka hlawh lohna hi a va rei tawh em, a lak atang hlauh phei chuan,ka mamawh ngawih ngawih a, chakna ka nei tawh lo emaw ka tih te chu lo thar leh in, a mah mamawh tak chuan ka thaw hiam hiam tawh a.





“min nei rawh aw” tih pah chuan min zut kual vel ruai a, a ni pawh a khur dur dur a, min nei rawh aw a tih chuan min ti harh hawk a, kei hi mi nupui, pasal fanau nei ka ni, ka awmdan hi a dik lo, ka harh nghal kawk a, Uzothana min zutna kut chu kalo chelh vat a, a ni pawhin min rawn en let a, a thawk dan chu a pangngai bik lo.





“a dik lo, hetiangin kan awm theilo: ka ti khur dawt dawt a, ka awmdan zahthlak zia chu ka In hre nghal a, thawh ka tum chu min lo pui vat a, ka aw hi a la chhuak tha thei lo a, zawi te te erawh chuan ka ka tawng thei a, ka tho chhuak chu min kuai mu leh nghal a.





“mu rawh, keimah ka thu ang” tih pah chuan a thu chhuak nghal a, keipawhin thawh chhuah ka tum bik lo.





Min han khawih chiah kha kalo mamawh zia leh ka ngaihzia chu a tharin ka hre nawn leh awn awn a, hetia a bula no tak mai leh pagchang tak a ka han awm te chu nuam ka ti em em a, a ni lahin min duat narawh e.





In ka thleg, ka fate ka hmu chu ka kuah nghal ngawih ngawih a, ka fapa chuan min lo ngaitawh hle a, min hmu chiah chu a tap nghala , matei chuan kanpa chanchin min hrilh nghal mawlh mawlh a, Zu erawh a lo in tawh lo a, school pawh a lo kal ve leh thei tawh a ni a ti a.






Ka haw ni pawh hian a lo awm lo ngei a, pawi ka ti lo ka hmu chak lo, ka haw ngawih ngawih khati tak mai a min ngaihsak lo chu, ka malzia leh engkim hrechiang tu a ni a, bawihtea chu ka mutpui nghal a, kan bulah sangangi pawh a awm bawk a. mateii pawh kan la inhre tam lo na a, a fel hmel khawp a, Utluanga chungte hla ve deuh lam a mi a ni a, puanthui zir te a duh ve bawk a, kan bulah a awm nghal dawn a, tihzia a ti khawp a.






Sangsangi pawh ka bulah chuan lungaiw takin a awm a, mateii a awm bawk a, keipawh ka motor chuang chau nen thawh harh ka peih lo a, ka mu a, ka muhil ve theilo thung a.





Uzothana ka ngai em em a, min duatna le min enkawlna te kha kala thlahlel hle a ni, ka fate thlalak pawh min di angin ka hmuh ve a, I fate a ni bawk a ka hmangaih nghal ani a tih ri te kha ka bengah a cham reng a. Ka rilru a thil lo lut avang chuan ka thin a phu rang nghal zaih zaih a.





Chu chu engdang a ni lo, Uzothana nen chuan kan innei dawn a ni, nasa takin min sawm a, keipawh in ka hnial zo ta lo a nih kha, ka fa te pahnih ka hruai a nga, Uzothana bulah kan awm tawh dawn a ni, he thutlukna siam tur hian ka damdawiin chhuah zann kha kan tlaivar deuh thaw ,a ni pawh a riak ve nghal a nih kha, mahse ka mudun lo tih kan sawi tel hram a nge.






Hlim taka I awm hi ka hmu duh, nangmah chauhin ka sawm lo che, I fate nen a ni ka sawm che min ti ngawih ngawih kha a ni a, kha ti khawp a nasa in ka hmangaih ber ka duhberin min sawmna chu ka hnar zo ta lo ani.





Min dem mai thei mahse a hun lai kha chuan a dik niin ka hre ve tlat ani, tunah ka han haw, ka pasalin engah mah min ngaihloh zia te chuan kalsan min ti chak ngawih ngawih zawk a ni.





Ka pasal hi ka hmangaih vang emaw a nei ka nilo ka tih tawh kha, min hneh chhuh ti tih kha ani a, kan inneih dan kanbsawi ve hrim hrim a nga, ka hringnun kawngah a tirte ah kalo rap pelh tawh a, han rahpelh tawh chuan kawng hi a lo tluang mawh khawp mai alo ni, a tir hun hmanthat hi a lo pawimawh hle mai.




Khatia ka nu nen W Phailenga kan awm hnu khan Uzothana pawh Aizawl lamah a awm tawh tih ka hria, ka nu nun kha a beidawng em em a, thian tharte pawh ka nei ve a, zankhat chu maryin ka cousin kha, a thianu birthday lawmna a kalpuiah min sawm a, ka lo duh ve mai a, khang lai khan ka nun khan awmzia a nei lo a, mi thi che ve thei mai mai ah ka in chan ber thin a, hlimna leh lawmna reng reng ka nei lo a.





A thiannu chu Melody a ni a, kei nen pawh kan in hre tho a, mahse chuti lutuk chuan kan inkawm ve lo thung a, Melody u hi zirtirtu a awm ve a, Ulianpui kan ti mai thin a, a thianpa a lo zin a, chu chu ka psal Utluanga hi a ni, Mary chuan beer in tur minvrawl ruk zauh a, keipawhin kalo la ve mai a, vawikhatmah ka in ngai lo, in pawh ka In tam lo, ka mut a chhuak ta tlat mai a, Mary chu haw puiah ka sawm a, mahse melody chuan alo phal lo si a, keimahin ka haw mai ang ka ti a





Melody chuan a ngailo, hei Utluanga hi inthlah tir rawh a ti a, kei pawh chuan ka lo aw ve mai a, motorin min thlah a, a hla ve reuh a ke a kal nan chuan, ka lo rui deuh nen ka luak a chhuak ta tlat mai a, kawng lakah kan luak leh rih a, kan awmna hi a dal deuh a, kan in thlen hma chuan kan chawl reng a, motor hnungah chuan zawi zet hian ka thu a, tui min in tir a, tlem chuan ka harh deuh a, kuva chu min ei tir leh a, I nu in alo hria ang a ti a





Keipawh chuan ka nu min hriat chu ka hlau em em a, tunlai a rilru ka ti hah thin si a, ka nu mut hun nghak lawk ang aw ka tih chuan awle a lo ti ve mai a, kuva chu ka rui leh ta sia, ka thaw a sa nasa mai si a, ka thlan nghal bawrh bawrh mai a, ka zawi bawk nen motor hnungah chuan ka thu zawi ngiai a





“I thlan nasa lutuk ka lo hru ang che” min ti a, a rawmal chu a la chhuak ta a, ka hmai vel leh ka nghawng vel chu a hru mawlh mawlh a, ka zawi em avang chuan kalo dang peih lo a, bakah ka ngaihtuahna kha a tawi tut mai a, min hruk ang ang chuan ka lo dawh ve a,





Ka hnute a rawn khawih takah chuan a diklo tiin ka meng chhuak a, mah se mipa a ni a, hnial khan a sawt tawh em em lo, ka dem hran lutuk lo bawk a, mipa ani a keilah ka lo rui nen, min mutpui ta ringawt a, nuam lo hi ka ti em em a, a nawmna pakhat mah ka hre lo.






Ka nu muthnu ah chuan ka haw ta chauh a, a tuk zanah chuan a lo leng leh a, ka nu a awm lo a, haw a tum thu leh min hruai haw a duh thu a sawi chuan mak ka ti em em a, kan la inhre chiang lo a, bakah a upa tawh ka ti lutuk a, Uzothana ai pawhin a upa daih zawkang. Ka duh chi ani lo, hmeltha pawh ka ti lo, a pate ka ti.





‘kan chesual tawh si a, naute pai ta la a buaithlak bakah ka nei duh che” a ti mauh mai a, min vau pah ti tih ta mai, ka hlau khawp mai a, ka nu hnen a sawiah te min vau ta a, ka hlau reuh khawp mai a.





Heihi ka pasal neih dan phauhchawp leh tlachawp zet chu a ni, mahse utluanga chu alo demawm miah lo chu ka ti hnuhnawh a, Nupui kha alo mamawh em a, a pate ate bula seilian ani a, a nuamsa lem lo a, hna a nei ve a, hriat ngai lo lamah an sawn daih a, a huphurh lutuk kha alo ni ve a, ti chuan kan innei ta chuk chuk kha ani a.





A zei hran lo a, kan awm awm khan kan awm a, kan ingaihsak teh vut lo a,kan insawi sel hran lo a, tin Sex lamah hian kan inmillo hle a, min play emaw min han duat hi a tum lo a, a chak hunah a ti tawp a, a zo leh tawp a, ka chan tur hi a dawn ve lem lo, a duhthawh ve thei phian lehnghal a.





Nau ka han pai nghal mai bawk si a, keipawh ka hlim chho ve ta kha ani a, mahse zu in aching chho a, ka sawi tawh ang kha kan nupa inkar chu ani mai, hreawm lutuk tawrh theih loh ang chu a ni lo,ka mamawh ka duh ang min pe a, hmangaihna chauh lo chu tlakchham ka nei biklo, lungawi ka zir ve mai a ni.




Uzothana nen kan tum dan chuan, Sangsangi school kal a laklawh bawk a, zo law law se ti chuan December thlaah awmdun tur chuan kan intiam ta mauh mai a, hetia nupa ni ve si a, hlim chuan loh ai chuan ka hmangaih ber bula awm kha ka thlang mauh mai ani, khang hun lai khan eng innge min mawlh pawh ka hre bik tahwh lo.





Inneih leh na chance kan nei chu ka lawm em em a, min lo la duh ve reng tih ka hriatna chuan min ti hlim bawk a,ka pasalin min ngaihsak lohna ai chuan Uzothanan ka fate nen thlap min pawmna kha a buk a rit zawk a, ka hlim veng veng tho., amak lutuk khang hun lai khan ka pasal khawngaihna eih pawh ka nei lo.






Tlaiah chuan a lo haw ta ngei a, ka be hmasa duh bik lo a, ani pawhin min en hruk chauh a, a hmelah chuan zu chu a in lo tih ka hria. Zanah chuan thenawm khawveng an lo kal ve nak nak a, chanchin min lo zawt ve hlawm a, kei erawh kala tawng tha peih vak lo a.






Zan kan mu tur chu ka huphurh kher mai, kan la in be miah lo a, ka muhil der ta vat a, ka kawngah chuan min rawn kuah a, ka tim sawk thei, ka insum thei ngang lo a, a kut chu ka paih thla a, rang zet hian min lo kuah leh a





“ka tih palh engkim vang khan” a rawn ti a kala tawng duh chuang lo a




“min kalsan hnu khan ka dik loh zia ka hria, biak pawh ka be ngam lo che a nih kha, min haw ngawtin ka ring “ a ti a, ka la chhang duh chuang lo a, ka aw chhuak tha theilo nen ka chhang peih vel lo a




Tha tak a min be na na na chu ka be chhe reng thei bik lo a, kan chhungkaw boruak pawh chu a hma ai zawng chuan nuam tak a ni, sangsangi mawlh mai hi a hlim, nu leh pa in hau reng bua awm ngawt ai chuan a nuam ang chu







Kan pa chuan “lo cancer ta la, min kalsan tala tih ka ngaihtuah a, kalo duat loh zia leh ka sual zia ka hre chhuak a” a ti a, kei lah khan “awmzia a awm tawh lo, bawihtei school han kal zo ze kan nufa thum hian kan chhuahsan ang che” ka ti kha a ni a, a hmelah pawh a hlauthawng tih ka hria





Khatiang a sawi chhuah na chance a awm kha ka lawm hle, nutlingin thu tlukna ka siam tawh a, hawikir ka tum tawh lo, Uzothana nen pawh kan in be tluang zel a, ani pawh zu a in tawh lo a, nang ka nei che a, ka lungawi zu ka mamawh lo a tih te chu ka tan chuan rimawi ber ani.





Mahse kan in be regu thei vak lo a, kan pa nau a awm ve nen, bakah kan chhungkaw boruak a hma aiin a zia a, kan pa pawh a leng chhuak ngai vak si lo a, chance kan nei tlem deuh a.






Hun a awm hlek chuan kan in be reng a, in be reng ta na na na chu kan in ngai em em a, zanah te hian ka ngai zual thin, kan boruak pawh a hma ang chiah kha ani leh maiin ka hria a, ka naupang thar leh a, han inchei leh han intuai hnum pawh ka uar thar le a, mateii alo awm tawh nen ka lo hman ve deuh tawh bawk a. nun pawh a hlim ve tawh a.






Kan pa chuan matei bulah chuan ka rilru a la sak mai mai niin a ngai a, hetia zu ka in loh chuan hei kan nu pawh a hmel pawh a zia chho tawlh tawlh mai, a hma khan ka lo duat l em ani a ti a, a lawmzia alo sawi a, ka hlim chhan dik tak a hre der si lo a, angaihdan danin lo ngai ve mai mai teh se ka tit a ringawt a.





Nupa kan ni a, zan lama min beisei hian hreawm ka ti em em a, nupa nunah pawh a hma ang ngawt chu ani lo a, a theih tawp chuan a bei ve mahse ka thinlung hi a tawk pha der lo a, nupa nun min hmanpui te hian hreawm tihna in ka khat a, Uzothana lakah ka inthiam lo ringawt zel a, uire san ang deuh reuh a ka in chan anih chu, zahthlak zawk hian .






Uzothana pawhin kan awm na tur vel a lo en fel vek tawh thu te, Sangsangi school kal na tur thlengin a ngaihtuah tawh thu te min hrilh a, November thla a ni tawh a, Sangsangi exam zawh veleh a inhruai tur a kan intiam kha a ni a. kan inbiak apiangin hma lo lak tawhna te hi a rawn sawi reng a, ka ngaih hi a tha veng veng mai a ni.






Uzothana te inhnuaiah kan awm dawn ani awm a, in pawh a tih ruah tawh thu te min hrilh a, bungrua pawh a thiar lut bek bek a, thlalak min lo thawn ve zel a, ka hlimna chu nasa tak ani, kan inbiak rei theih deuh chuan kan inneih hun a kan tih tur hrang hrang kan han sawi duh a.






Reiek tlang kha abnawm tawh thu te min hrilh a, kan kal lai ai kha chuan a nuam daih tawh zawk a,, kan kal leh ngei ngei dawn nia a ti a, kei lah ka lo phur em em a, tiang reng reng chuan hun kan hmang a, lehlamah ka pasal chu ala pangngai reng a, ngaihtha takin a awm a.





Ka pasal hi misual lutuk chu ani hranlo ka tih tawh kha, a zu in hian a chimawmin a ngeiawm em em a, tunah chuan khang kha a bo vek tawh a, mahse mi zei hawi chi tak ani lo a, a awm chuar mai a, han hlimna viau tur erawh a siam thiam hran lo, kan inneih hnu hian kan nupa a han len chhauh dun emaw thil romantic tak han tih dun hi kan nei ngai reng reng lo a, duat tak aminkuah heuh heuh pawh a nei ngai lo reng reng mi zeilo ve tak hi chu a ni reng reng .





A hun a hnai tial tial a, ka phurna leh hlauhthawnna a in chen vel in ka hria, ka awm hle hle thei lo a, ka awmdan kha hreawm tak ani, ka luak te hi a chhuak leh deuh ut ut zel a, UZothana chuan insiam ru tan rawh min rawn ti ve chhen bawk a, kei erawh chuan kan thawmhnaw tul zual bak ken ka tum lo bawk a, han insiam lawk em em kha tul ka ti hran lo a. Sangsangi te pawh kan ekzam tawh a, keimah hi ka za zek zek tawh ani ber mai, ka chaw ei atuilo cho a, keipawh ka cher deuh a,





Ka ngaihtuahna ka hman nasat vang nge luhai luak chhuak ka nei chho zeuh zeuh bawk a, Uzothana hnen ka sawi chuan I huphurh lutuk anih kha min ti a, min lo hnemve pah bawk a.





Sangsangi exam tur chu a pa nen an inzui chhuak leh hnak hnak a, vawiin hi ni hnih an examna tur a ni, ka thleng sil lai chuan ka thlengsil rim chu a thang riau hian ka hria a, insum hman hauh lo chuan ka uak ta tuar tuar a, mawiteii chuan min rawn buaipui vat a, Bathroomah chuan ka va luak ta nghek a.




Mawiteii chuan tui min rawn suah pah chuan “U I rai ani lo maw” a ti a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2020, 5:11 pm

Bung – 17



Mawiteii chuan tui min rawn suah pah chuan “U, I rai ani lo maw” a ti a.




Ka tuiin lai chu ka phuh chhuak nghal thawt a, ka khuh nghal bawrh bawrh a, ka khur nghal dar dar bawk a, nilo ka ti chhuak sap a




Ka thu zawi hnawk a, test kit a lo inrin senva chu ka en reng a, a ni theilo ka tah a chhuak lutuk, room ah ka lut a, ka tap chhuak ta hawk hawk a, ngati nge ka hlim ve dawn chauh a, hetianga ka chung a thlen le, Lalpa ka hlim ve hi i phal lo em ni ka ti a, ka tap chhuak ta hawk hawk a, engtin nge Uzothana ka hrilh ngam tak ang le…. Engtin nge kan nghahleh em em chu alo thleng a, enga ti nge hetiang harsatna hi ka chungah a lo thlen tak mai






Mu leh mal reng ka nei lo a, damdawi ka ei tha hle in ka hre si a, tin ka fapa pawh kum khat awrh chauh ani a, a chhang han pai leh chu a dik thei lo ani.






Ka pasal lo haw lai chuan kalo la mu reng a, Mawiteii chuan phur fe hian a lo lut a, a hmel ka hmuh ringawt pawh chuan ka ngeiin ka hua,, ka mit lo sen ram ahmuh chuan min rawn pan vat a







“nga ti nge na I nei a mi” a ti a , ka lu kalo thing ringawt a, ka nau pai avang chuan a hlim em em a, zanah chuan ka mittui abtla a tla a, “zodin pawi ti suh, hei nau fel deuh I nei tawh a, a hma ang khan hreawm I ti tawh dawn hlei nem” tiin min rawn hnem a, minkuah a







Rang zet hian a kut chu ka lo la thla a “ka duh hlei nem, nang min ngaihsak ngai miah lo tu bula awm hi ka duh tawh hlei nem, in then ka duh a sin” ka ti a, amah chu ka chum a, ka thinrimna leh rilru hahna zawk zawng chu hrik tlak tum ni am hrim hian ka che ta buan buan a, ani erawh chuan engtin mah min ti lo in, min en tawp a, a lo indang tawp a.






Ka chauh rak thleng chuan ka che buan buan a, ka chet tawpah chuan thaw hlawp hlawp hian ka tap a, ka zang deuh hawk chuan ka hria, Utluanga chuan min en reng ringawt a, a hmelah chuan a lungngai ve takzet tih ka hmu thei







A tawpah chuan ka pangngai thei ta hram a, ngawi rengin ka mu a, ani pawh a rawn mu thla a,







“I rilru ka hliam na tih ka hria, min chuahsan kha ilo tum tak tak ani maw..” tiin pawi ti awm deuh hian a chek tlak tlak a,







“I hlimna turin leh ka chhungkaw hlim nan hian theih tawp ka chhuah ang” a ti a, ka chhang buai peih lo , ka lungngaihna hi a thuk em a ni.





Chu mi kar chuan mu leh mal ka nei lo a, ka rai no chu la na chi ka ni a, ka nih dan pawh ani thin a, ka tawt up up reng a, Uzothana nen pawh kan in be tlem a, ka la hrilh lo a, ka pasal erawh a in tiam ang ngeiin hun min pe ve niin ka hria, min ti ti pui a tum lo a, ka awm ang chuan min en tawp a, tha takin inchhungah a awm a.







Tlem chuan ka pangngai ve deuh tawh a, chhunah chuan ka mu a, ka inngaihtuah fel vek tawh, Uzothana ka hrilh ngei a ngai tih chu , tuna ka fa pai lai nen chuan ka pan lo ang, a theih loh hul hual ami tih ka pawm thlap a.






Ka tho a, muangchangin ka insiam a, kan huan ah chuan ka lut a, tah chuan ka rilu hah chang in ka kal thin a, thutna ka siamah chuan a thu a, hla taka thing ding khup mai lang hring raih lam chu ka en a. khur dar dar hian ka phone ka la chhuak a, Uzothana number chu ka hmet chhuak a, ka dial nghal a, vawikhat bak a ring hman lo,ka phone hi a lo chang tawp zel tih amah pawhin a sawi a.






A aw ri ka hriat te chuan ka hnuk a ti ulh nghal a





“helo helo’a ti char char a, ka insut deuh faih a





“bawihi engkim a tha maw, I tha em” a ti a, a aw ah chuan min ngaihtuah zia a lang a, a der ni lo thinlung chhungril tak a tang a ngaihtuah tih hriat em em mai hi a ni a, ka pasal in min biak dan nen chuan in ang lo tak ani.






“ka tha lawm, thil sawi duh ka nei a” ka ti nghal pang a






“sawi ta che ka lo ngaichang reng che, he lam chu engkim peih a ni tawh” a rawn ti a, chungte hlei hlei chuan ka tah a ti chhuak leh a, ka insum hram hram a, ka aw ka thian kharh kharh a





“a pawi ka ti khawp mia, ka thutiamah ka ding thei dawn lo a ang khawp mai”




“nga ti n ge, I rirlu I thlak leh tih sawi miah suh, ka dam zo lo ang’ a ti a, a aw ah chuan mangann a lang a, ka ner sawk a, ka thin hnunah hian min vilh nget nget ni mai hian ka hria a.





“a pawi ka ti, ka tum miah lovin ka lo rai a, ka hre ve deuh chiah a” ka ti a, ka aw ri chu a ri che ch e a, kei pawn a tawp lampang phei kha chu ka hre thei bik tawh lo,






“eng tin maw” a rawn tia , a aw ah chuan mak tihna hlir a khat a, ka sawi nawn tawh lo,ka ngawi reng a, ka sawi kha a hrechiang lutuk tlat a






“bawihi engtin nge I rai theih” a ti a





“ka hre bik tawh lo, ka fimkhur viau a sin” ka ti a.





“a va pawi em!!!, hun min pe lawk teh” tih pah chuan ka chhanna pawh nghak lo chuan phone chu a dah a, ka phone chu ka en reng a.





A awm lutuk, kei pawhin hriatthiam nan ni tam ka mamawh a, kan lo dream dun leh beisei dun chu a buai vek a ni si a.






Ni e, kei hi tunah chuan hmangaihna in min ti buai tur a ni lo, chhungkua ka nei a, pathian hian Uzothana nen kan awmdun hi a rem ti lo a ni tih hi ka hre thiam tawh tur a ni, a bul kan tan dan a dik lo, a tawp pawh a dik hlei theilo a ni, kan pahnih thiam loh vek a ni ka ti a,






Ka phone a lo ri leh a, ka la nghal vat a





“Cat, ti khan lo phei tawp mai rawh u” a tih chuan ka khawngaih kher mai.





“a theih loh, khuanu rel dan hi kan pawm thiam a ngai, khuannu ruat kan ni lo anih hi, nang pawhin nun din tha leh la, nupui tha deuh I nei dawn nia” ka ti a, ka sawi chhuak zo lo teuh hle, mahse ka vuiliam vek tawh a, ka ui tur a ni lo, ka hlimna leh ka lungawina hmun chu ka thleng tep a, ka lawn chhuak tep a, a hmuh pawh ka hmu thei, mahse thlir chauh hi ka chan tawk ani. tunah chuan ka thlir tawh lo ang, ka dinna hmun chauh hi ka ngaihtuah tawh ang nga, ka thlir leh chuan awhna leh ihna sualin min ti buai mai mai a ni.





Nasa takin kan inhnial a, kan dah thei hram a, kan in biak zawh chuan ka chau vek thei, nunna neilo ang mai hian ka nun chu a ruak ngawih ngawih a.






“I tello a nun hmaan a, hmachhawn leh ai chuan lo kal rawh u “ min rawn ti a nih kha, keipawhin nasa taka ka hrilhfiah a, ka sawi hnu ah chuan kan dah thei hram a nih kha





Ka mu tawp a, raino luak chhuak nen khawvel chu a hreawm teh e, mahse ka fate tan ka nun a ngai tih hria in ka in ti harh a, Uzothana chuan eng nge ka an hriat duhin min la rawn be reng a, mahse ani theiin ka hre lo a, tha takin ka hrilh a, inbiak pawh ka duh tawh lo ani.






Chumi hnu ah pawh min la rawn be fo a, ka khawngaih a, tih theih dang ka nei si lo, mahse tuna kan tawn mek hi kan pahnih a siam a ni a, kan tuar tur ani, keipawh naupang ka ni tawh lo a, fa pawh pahnih ka nei tawh mahse eng nge ka tih mek hi, hmanah khan Uzothana nen khan innei tawh ang mai kan ni, danin min phuar lo mai chauh ani, mahse min phatsan, chu a rinawm lohna chuan ani pawh duhthlan tur nei lo in a siam a, chumi hrin chhuah chu mi pathumin kan tuar a ni a.







Ka vanneihna hi ka ngaihtuah zawk tur a ni, kei engmah nilo, lehkha pawh zir sanglo hi ka pasal zarah nuam takin ka khawsa a, ka chhungkaw tan hian ka nung tur a ni tih hi.





Phone chu ka la lawk a, sim card chu ka phawi a, ka sehsawi ta vek a…….. ka mittui luang erawh dan ka tum lo … tunah chuan khawvel hi a nihna ang takin ka hmachhawn tawh ang tih hi….











Tunah chuan



2019 a ni a, ka chhangchhe lutuk tawh lo a, kan te ber pawh school a kal tawh a, keipawh ka in la awl ve leh tawh a, facebook te pawh ka khawih ve tawh a, sangsangi kha high school a kal ve tawh a, kan chhungkua pawh a nuam ani mai.






Kan pa pawh a pangngai tawh viau a, mahse hmangaih erawh a har ngang mai a, mihring hi insiam tha tawh pawh ti ila kan zia hi paih thak alo har em em a, mahse chu pawh chu tunah chua ka tuar thiam thei viau tawh.






Zu a la in zeuh tih mai loh chu han sawisel em em ka tum tawh lo, ka nun hi keima tan ka hmang tawh lo a, ka fate tan ka nung a, ka hlim lo hran lo a, mahse he ka thinlung a Uzothana hmun ruak erawh hi chu tu hnawhkhah theih a ni lo a, ka pasal pawhin a hnawhkhat thei lo, mahse chu hmunruak chu hnawhkhah a ni dawnlo tih ka hrethiam tawh a. Ka pawm vek taw, thlan khur ka luh thlengin hei hi chu a ruak tawh dawn ani.






Friend request ka dawn ho chu ka en a, u zothana hming ka zu hmu leh kalh mai, ka awmdan hi a danglam nghal ve thei, a profile chu ka check, a hmel pawh alo upat ve hmel ta, a awm ve reng mai, kan inhriat atang khan kum 20 dawn a ni tawh, tin a hmelah chuan zu a in nasa hmel ka ti, ka rilru chu a na zawk a








Ka confirm dawn nge dawnlo tih ka ngaihtuah a, mahse tlanbo san ai chuan hmachhawn ila a zia zawk ang ka tita zawk a, ka confirm a





Zanah chuan whatapp ah min rawn be leh ta ngei a, ka number hmangin facebook ah ka inregister ve kha ani a, khata tang khan ka number a lo nei leh a ni, pangngai takin ka bia a, nupui a lo la nei lo fo a, a neih loh chhan ka zawh chuan “kalo la nghak che” min tia, tun tum chu ka thin a rim deuh tlat tawh.





Ni e, ka thin a ti rim, ka nunah a rawn lang leh thin a, pasal nei lai ka ni a, min nghak tawh tur a ni lo, kei pawhin beiseina ka siam tawh tur a ni lo…






Tun thleng hian Nikhat pawh amah ngaihtuah loh ni ka la neilo, Mahse hlim hi ka tum ve tlat a, han tum tak tak hi chuan a lo theih ve zel a, hringnun fght tak meuh meuh hi a lo ngai em ani tih te hi ka zir chhuak ve in ka in hria a. ka nunhlui chu a awm reng dawn a.






Mahse min be reng ta na na na chu han chhan lo hi a har ve khawp a, block pawh ni ila min biak duh chuan min be tho ang, chuvangin ka block buai duh lo a, a text na zawng pawh ka chhang duh ngai lo a. ka rilru chuan la ngaiin thlahlel viau mah ila a theih tawh loh tih hi a chiang tawh ani.






Vawikhat sangsangi nen Aizawl kan kal a, kan thlen zan ber kher chuan min rawn call a, Aizawl ka awm thu kalo hrilh ve mai a, khawiah nge I awm ka lo kal dawn an ti leh tlat mai a nih kha…. Min zawt ngun lutuk chu ka thlenna a hla tho bawk a, Bawngkawnah ani a, alo kal peih tak tak pawh ka ring lo a ka hrilh ta ngawt a.





Zan chaw kan eikham deuh chiah tih chuan min rawn phone a, hei Bawngkawn chu ka rawn thleng tawh a rawn ti hem mai a, kan awmna lai tak te chu ka hrilh a, motor a luh loh avang chuan kawng puiah ka lo chang a, a lo kal phei vau vau ka hmu reng a, apian chu a ngai rengin a la nalhin, a la thau chhe lo hle a, kan pa nen kan lo khaikhin hmanhmawh a.





Min hmu chu a phur hle tih a hmelah ka hrethei, keipawh ka lai ve deuh rut a, inah chuan kan chhuk a, Bawngkawn a thlen tum pawh kan ni lo a, ka uanunu Mary te khan kan inthar hmuh pahin tiin min ngen ve tlat a, chuvanga kal hram hram pawh ka ni. kan in zui lut a, Mary chu ka lo hrilh lawk bawk si lo a, a hmel chu alo phawk ngang mai a.






Sangsangi chu a en duh nagng mai a, nangmah chiah chiah , I tleirawl lai hmel kha a ti a, a haw tur ka thlah chu kawngpui thlengin ka thlah a, kan ding reng a, sawi tur chu kan ngah mahse awi tur ber ka hre lo, ngawi reng chuan kan ding ren rawn a. a tawpah kei chuan “Mangtha aw” ka ti a….. ani pawhin min mangtha a, a liam tur chu ka en reng a, ka thinlung zawng zawngte nen chuan a liampui leh ta vek a...…. mangtha, mangtha tak tak le, tiin ka phun sep sep a……..





Ni e.. Mangtha tak tak, damchhung a tan mangtha le.. ka rilru chuan ka ti mawlh mawlh a.





Hetah hian ti tawp mai ang u aw…. Hei hi true story kan tih tawh kha, ka story ziah tawh te avangin fb ah a hmeichhia zawk nen hian kan in be pawp a, ka khawngaih hle mai a, a mipa zawk hian ala be reng a, chhan loh har a tih thu te pawh, zothana hian tun thlengin a la sawm a, ka khawngaih ang reng mahse ka ngaihdan ka lo hrilh ve a, be tawh suh, engmah rah chhuah tur a awm tawh lo, chhungkua I nei tawh ka lo ti a, ka khawngaih ngawih ngawih a.




Chhiar tu duhtak I ngaihdan kha comment ah lo sawi ve la, mahse zodini hian a lo chhiar ve tih hre ranin atan a tha tur awm ang te leh fuihna thu te in hnutchhiah ve dawn nia u aw.





He Story a tang chiang em em chu, nupa nih hma chu hmeichhaite a bikin kan fimkhur a ngaih zia hi, kan damchhung hun hril tu a ni si a. ….Tleirawlte a humsual dai pawizia te pawh a lang thei a, ngaihzawng pawh nei ila, a him chin zelah I ti ang u aw…..





A bik takin hmeichhia te kan confi ve theihna ber leh duh kan thlan theih ve na chahbi a ni tih hre rengin fimkhur zel ang u...






Zodini thutlukna ah hian eng nge in ngaih ve dan le???

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)