ZOSANGZUALA chapter 1- 3 completed By: Cietei samte

Episode nei ho a hlawm a dahkhawmna
Cietei samte
Posts: 63
Joined: May 19th, 2020, 11:13 am

ZOSANGZUALA chapter 1- 3 completed By: Cietei samte

Unread post by Cietei samte » September 17th, 2020, 3:12 pm

ZOSANGZUALA chapter 1

Mitor changkang zet atangin ka chhuk thram thram a, ka tri deuh dak mai. "Marina, hei kan in aw" tiin ka kutah kaiin ka nu thar in, hlim hmel zetin min luh pui ta nghal a. Gate kan lut ta chiah a, ka mitin ka hmuh theih chin chu ka en kual a, pangpar pot lo in tlar dul leh, light in a chhun viai viai mai pangparte chuan, ka mit an la kher mai. Kawngka pui a hawng dawn ta, a chhan hriat si loh in ka zâm em em a, ka khup te chu a sai dar dar mai. In thunun hram hram in, thawk ka la hak a. Kawngkhar a hawng ta, ka zâm rukna te chu a bo ta vek mai. Inchhungah tumah an awm lo miau a, ka thaw huai thei. Zan a rei deuh tawh vangin thu dang a min tîti pui lo chuan, ka nuthar chuan ka room tur min hrilh a, kei ka lo chau bawk nen ka mu thlawp mai. Rei pawh rial lo in ka muhil ta bawrh bawrh a, khum dûp nuam leh lian tak a, mut chu, ka mangphan thei hial a ni.

Kei hi Marina vanhriatpuii ka ni a, maria tiin ka thian te chuan min ko thin. Tunah erawh a pangngai in marina tiin min ko. Ka nu tê lo a, ka sam chu, ka pianpui sam sen deuh lam pang a ni. Ka mawng vaw phak in a, a ngîl hle. Kum 16 na ka hmang mek a, fahrah niin Grace home ah ka seilian a ni. Fahrah ka lo nih chhan hi, kan home mother ka tih thinrim ni khan, ka nu leh pa duh loh leh hnawl ka nih thu ka hria a, mahse, ka nu hi hmuh leh ka chak tho. Tun a, ka nu leh pa thar tur te ka tawn hma zawng kha chuan, tunah erawh hmuh ka châkna chhan tur ka hre tawh lo. Pathianin nu leh pa tur min pek tawh vangin, class 10 ka pass a, a bak chu ka kal zawm tawh lo, ka phut lui lo bawk. Naupang leh pangpar ka ngainâ a, inkhawm nuam ka ti in, ka theih tawp leh phak tawkin pathian ka fak thin. Kan home ah pawh naupang ka ngainat vangin naupang ho pawh in min ngainâ a, ka chhuahsan chu an phal lo kei pawh ka lung a leng ve det, mahse, ka tlawh ziah dawn tih ka tiam tho a.

Ka chan tawkah vuivaihna ka nei ngai lo a, siamtu pathianin ka tan a ruat chu rilrû dam leh lungawi takin ka pawm mai tur a ni. Khawvel êng min hmuh tirtu pathian chuan, tuisik ka nih lai atang tawh khan, ka hmalam hun leh ka tun hun a ka tawn tur engkim a lo ruat lawk sa diam a ni tih ka hriat vangin, ka vui lo.

Zing ka thawhin dar 5:00 a lo ri tawh a, grace home ah kha chuan, tuktin biakinah ka kal thin a, hetah erawh biakin awmna ka hriat loh vangin, ka roomah tawngtaina hun ka hmang a, inhnuaiah chhukin ka hawi kual a, nizan a ka lo hmuh loh thil tam tak ka hmu. In nuam leh fai tak a ni a, a lian tha hle bawk. Tumah an la thawh loh vangin pawnah ka chhuak a, pangparte chu, amal te te in ka va hnim dan dan, rim inang lo tak tak par chhuah ve tho si, mawina nei inang lo hlir a ni. Ka hlimna chuan, van a tawng ngei ang.

"Marina, i tho hma hle mai. I mu thei maw" tiin ka nu pawnah a rawn chhuak a, nui sâng chungin, "mu thei e, nu ka mut a tui lutuk. Nang i mu thei zawk em" tiin ka zawt zui a. Thil eng eng emaw kan sawi dûn a, nula riak a thawk pakhat leh lâng kal pahnih an neih thu leh unau mipa pahnih ka neih thu te, ka pa hi sipai a nih thu leh an hnen a a awm vak ngai loh thu thlengin min hrilh dap. An lo khawsa nuam viau pawh a awm viau, sipai tha tak ka pa an lo neih vang alawm. Inchhungah lutin thingpui te kan in a, biakin awmna ka zawh chuan, kan in atang a, veilam a penah hmuh mai theih a a awm thu min hrilh. In chhung min fan pui a, tawngtai room te an lo nei thlap, ka lawm thu tak a ni.

Dar 7:00 velah mipa sang vehvawh leh ngo fai veng mai chu, inchung atangin a rawn chhuk a, ka lo en chîk ngang mai. A hmelah chuan, hlimna eng emaw tak a nei tih a hriat theih a, a mitmû chu a dum fiah kulh bawk. Hnar ngul sâng lam pang, sa tha leh sek tak a ni. Mi pawh en lo in pawnah a chhuak daih a, min en pawh nise ban in min hliah tlat a, min hmuh chian ka ring lo. "I mit a tla ang e" rawn ti sa sa thawm chuan, min ti phu zuk a, chhan ngaihna ka hre lo, ka nui thro ta ringawt a. Kan nula ramtei a lo ni, kei aiin kum 4 laiin a upa a, ka û tur a ni tih na a nih chu. Zingah eirawng kan bawl dun a, a tawng duh in a bula awm chu nuam ka ti viau.

"Uram, eng nge tih a tum a" tiin ka zawt a, phur aw zetin, "gym ah a kal dawn a nih kha, ûmam hi zawng a tho hma thei a nia. Zotea erawh dar 9:00 a hma berah a tho thin" tiin a nui kar kar a. "E a nih chu" ti chauhin ka chhang. "I la hre dawn tho a, kan hrilh lawk ang che. Zotea hi thinchhia leh ngaihzawng ngah deuh thin a nia, ûmama phei chuan, a hau ziah mahse, damdawi leh zu a ti nasa sauh a, a hau ngam tawh lo. Ûmama hi a felin a zaidam em em a, ka pi pawhin a ngaina hle bawk. Chuan tumah hrilh suh aw, ûmama hi ka star bawn tawp. Zotea chu kei ai a nau zawk thu hran, a sualin a nun a hmang khaw lo em em a, thian a ngah in hmeichhia te hi uitê ang lekah ngaiin a nin chinah a thlak zung zung zel" tiin a sawi zung zung a, ka nuih tawp. Zotea zu leh damdawi ngaina mi maw? "Unau ah pawh hian a sual bik an lo awm ngei ngei thin" tiin ka nu in min hrilh tawh tak e. Mahse, theih tawpin a that theih nan ka puih a ngai dawn a nih chu.

Ka nu a rawn phei a, "marina i unaupa te chu i lo hmu tawh em" tiin min zawt a. "Ihh ûmama gym a kal tur ka hmu a, kan inbe lo a, ûzotea erawh ka hmu lo thung" ka tih chuan, "an hming ilo hre der tawh a ni maw? U unaute hi i hrethiam hram hram dawn nia" tiin a nui kar kar a. An kum zat chu, zak lo zetin ka zawt a, ûmama hi kum 23 a nih thu leh ûzotea erawh kum 19 chauh a la nih thu a sawi chuan, a sual chak hun lai ber a ni tih hrilh hran ka ngai lo.

Chaw ei a hun trep tawh tih ah ka unaupa thar chuan, "remi thingpui a awm tawh em" a rawn ti lut lang lang a, uremi a buai hrih em vangin ka nu in lo pe mai turin min ti a. Lawm takin ka thli kerh kerh a, a rawn lutin min hmu thut chu, a meng phawk hru mai. "Mama kha kha i nau thar, marina-i a nih kha" tiin ka nu chuan, satliah zetin min inhmel hriat a. "Chibai, marina vanhriatpuii ka nia" tiin nui sâng in ka lo bia a. "Chibai le lalmalsawma ka nia, ka unaunu thar tur chu, ka ngainat chi tak i ni" tiin a nui sep a. A sek tha kher mai. "Kei pawh unaupa fel tak ka nei dawn chu, ka inchhuang kher mai" tiin kan han ti ti bawrh bawrh a. Biak sawm a nuam in a bula awm chuan, nuih pawh a lo awlsam kher mai.

Chaw kan ei kham chiah a, kan in a, lâng a rawn kal te an rawn thleng a. Ka û thar duhawm leh fel zetin engmah tih a phal lo a, ka nu in a lo thlawp bawk. Zep loh chuan, nyam ka ti miah lo. Mahse, an phal lo miau si a, engmah ka tihpui ta lo. "Marina, tirawh studio ah va zai ang" tiin min pawt nghal a. Ai tih ka tum miah lo, zai chakin ka za et et mai. Kan luh rualin, ka hma a, guitar chu ka ban nghal a, ûmama hmai pawh ka zah zo tawh lo. Rimawi hi ka ngaina a, ka hmuh tawh chuan, eng dangmah rilru ah a lut eih lo. "I thiam em ni" tiin min nuih a, "thiam ve sawih sawih e, hnuchhaminah khan kan zir ziah alawm" tiin ka chhang a. "Zai pahin perh la" a tih chuan, ka hnial phal teuh lo. Headphone vuahin ka phone neih chhun Nokia chu ka phawrh zal zal a. "Bul tan min phal sakin" tih chu ka han play a, ka zai ta. Ka ngaihtuahna chuan, khaw dang a hawi sawn thei lo, ka hla chauh a lang.

Ka zai zo kut beng thawm chu, ka hriat hmasak ber a ni. "Maria, i zai thiam, i thiam lutuk" tiin ûmaman min rawn kuah vei thuak a. Ka hlim veng veng, keyboard ka hmet thiam bawk a, drums vuak min zirtir a, nuam ka ti lutuk ringawt. Ka nu hian huan a nei a, chutah chuan, tlai ninêm ah kal turin min ti a, ûmama nen nilêngin music room ah kan awm a, kan bengchheng in nuam kan ti viau mai.

Huan kal turin ka insiam a, ka chhuk ve nghal, hlim hmel takin ka nu in min lo nghak a, a bul ka thlen chuan, "zote, rawn kal rawh" tiin uzotea chu a au a. Mit sen ram in a rawn chhuk chhat chhat a, ka lo en chîk leh viau. Palian nelhnawlh, pian dik thlap, hmui chhah pawrh tûr ni lo mitmeng lian lam pang. Hmel en reng reng a, sual tih hriat tak leh chak hmel zet a ni. Ka lung chu a phu ri dup dup a, mipa ka hmuh tawh zingah chuan, hmeltha ka la ti ber. Ka hmuh tirh phat atangin ka duh nghal, ka zep lo, mipa ka duh nghal leh ka thinlung zawng zawng a ka duh awm chhun a la ni. "Hei i nau tur a nih hi in chibai ru" tiin ka nu chu a vîn deuh lek lek a. "Chibai, marina vanhriatpuii ka nia" tiin ka kut ka pe a. "Zotea" tiin ka kut chu a en thuak a, a chho leh nghal daih. Ka nu nen huan ah kan lut thla ta a. Thli thaw hauh hauh te, boruak thianghlim tak, nî sa lutuk si lo te khaw thiang tak mai te ka hmuh a ka hip luh chuan, dam man a awm ka ti hliah hliah. Ka pa chauh ka la hmu lo, hmuh thuai thuai ka chak tawh. A ni pawh midang ang tho in a fel ka ring tlat.

Hun a liam a, ni a ral a, ka nu tih ang apiang ka pui ziah thin. Ka unaupa zotea chu, karkhat liam ta atangin ka hmu tawh lo. Ka lo duh ve em em a, min be ngai lo a, a rawn rui haw ziah bawk. Ka nu leh ûmama pawn an khak fo, awmzia a awm si lo. Ka lo nâ ru ngawih ngawih zel a fal a hmuh chi lah ni bawk si lo. Kei hian zosangzuala hi ka siam tha thei ngei tur a ni tih chu ka thupui a ni. A trul chuan, ka duh zia pawh ka tilang hreh miah lo, a nun a thlah theih nan kei hian theih tawp ka chhuah ngei ang.

A ta ka nih angin ka ta ni se, a nun sim se ka duh pui ber.........

ZOSANGZUALA chapter 2

A ta ka nih angin ka ta ni se, a nun sim se ka duh pui ber.....

Hun pawh hlimna nen chuan a kal chak vut vut kher mai. Kum 1 a lo tling dawn ta reng mai. Ka pa hian chawlh a lak theih chuan, thlaleh velah a rawn haw dawn bawk a. Ka hmuh loh apiang chu ka hmu kim vek thei dawn ta. Ûmama nen kan inkawm ngeih in kan inngaina a, hun awl apiangah a studio ah kan kal ziah a, kan zai leh vak vak thin. Kan nula ten a an tih theih ang te hi chu, engmah tih an phal lo bur a, an chhuah apiangin min hruai chhuak ziah bawk. Ûzotea erawh, ka lo ngaihzawn ruk thu a hria emaw ni? A induh in min be tha peih lo a, uramtei nen erawh an inkawm thei viau. Min haw tlat a hriat chang ka nei thin, mitmeng nel awm lo zetin min melh fo thin a, ka nu leh ûmaman thil min lei sak te hian, rum zetin min en thin. Nuam ka ti miah lo mahse, ka theih tawpin ka be tha a, a vîn deuh chang pawn ka thinrim duh ngai lo a, a thil tih that loh zia ka sawi pui ngai hek lo.

Inrinni a ni a, chawhmeh vel lei pahin ka phone tur ka nu in "ka lo lei ang che" tiin a chhuak a, tlai lam dar 4:30 velah, phone call ka dawng, ka nu bazar in a chhuak a, ka phone tur lei turin a nia, a chhuah ni. Ka phone chu ka en a, ka nu call a lo ni. Rang lutuk in ka pick a, "hello nu, puih i ngai em ni" ka ti a. "Nula, he phone neitu hi motor in a su a, tunah civil hospital kan pan pui mek. A fanu i ni ang chu maw? A rang thei ang berin rawn kal ta che" tiin phone a ti tawp a. Awm ngaihna ka hre lo, ka mang vek, ka zawi rawih rawih a, ka chawhmeh kan pawh ka hre chang tawh lo, ka awm dan zawng zawng ka theihnghilh vek.

"Marina, eng nge thleng? Nga ti nge" urami a ni. "Uram, khaw nge ûmama te, ka nu" ka sawi thei tawh lo, ka mittui a tla a. Inchungah chho in ka insiam sawk sawk a, ka room ah ûmama leh ûzotea an rawn lut thuai. "Û, ka nu a accident a nia, insiam vat rawh u. Civil hospital ah an kal pui a nih chu" tiin ka mittui ka hru tâwk a. Ûmama chu rang lutuk in a chhuak nghal, ûzotea erawh a la ding reng. Chhuah tum in ka kal pel trep tih ah ka kut a rawn man a, "eng tin emaw a awm a nih chuan, mawhphurtu i ni ang" tiin min melh khai khai a, ni e, a dik a ni mawhphurtu tur chu keimah ka ni, ka thil tur leiin a chhuak a, engtin emaw awm palh ta se, keimah ka ni mawhphurtu tur. Mahse, chhang lo in ka kal lui a. Rei lo tê ah ûmama pawh a rawn chhuk thla thuai, uramtei erawh inah awm turin ka û in a ti a. Ûzotea pawh a rawn chhuk nghal a, "û lo va kal hmasa rawh kan rawn kal dun ang" a tih chuan ka kâ hau mai. "Nie, a that hlauh chu" tiin a chhuak zui nghal a. A kal liam hnu ah, a la din ngawih reng vangin, "kal tawh ang" ka ti triau a.

Rum zetin min en a, "phone chu a bo i hlau viau em ni" tiin min zawt. "Ai khawngaihin, ka nu a nia lawm" ka sawi zo hman trawk, ka biang a ri sawk a, a thip hle bawk, urami a lo au tuar bawk. "Ka nu ti tawh suh, i nu a ni ve lo. Eng vangin nge nang mirethei vangin ka nu in a tawrh a? Kan in atang hian chhuak ang che. Ka ûnaunu ni turin ka duh lo che kan rosum min ei sak turin he inah hian i rawn lut a ni tiraw? Mirethei tak hi chu aw! Mahni chan tawk a lungawi a har viau em ni" tiin pawnah min chhuah san. Ka ding ngawi reng, sawi tur ka nei lo a ni. A vawikhat nan, fahrah ka ni chu ka inhua, "nu pa" tia koh tur mi nu leh pa trawm ka ngai chu, nâ ka ti a ni.

"I tha em marina" tiin uramtein ka darah a rawn vuan a, ka lu ka buk khum ringawt. "Eng tin nge i tih dawn? Chhuak mai la, i tan pawh a tha zawk ang ka ring" a rawn ti sur sur a. "Eng tin nge ûzotea hian, ka phone tur lei tumin ka nu hi a chhuak tih a hriat nang leh kei leh ka nu bak hria kan awm lo" ka ti thut a. "Ka pi in a hrilh a ni ang" tiin a kal sawn nghal a. Ka nâ ngawih ngawih eng vangin nge phone kha a lo lei kher kher? An rosum te ei sak turin ka awm ah a ngai amaw? Khawvel a cheng mihring kan nih chhung chuan, eng ang in pathian trih mah ila inngaihtlawm tum viau thin mah ila, khawvel thinlung hi kan neih chang a awm leh fo thin. Ka chhuak ang, ka chhuak ngei ang. Inchungah chho in, ka thuamhnaw tam lem lo te chu ka khung mawlh mawlh a, he in ah hian, ka chhungkua a ka lo pawm thin ka unaute an awm a, ka chhuah rualin an bo vek dawn si. Ka luhni khan chhungkaw hlim thei leh inhmangaih tak chhungkua kan nih theih nan tawngtai in pathian ka dil a, vawiinah erawh, keimah vang a, an tawrhna ah ngaihdam dil in ka bo hnuah hlim leh inhmangaih tak a an awm theih nan ka dil thung.

Inluah tur ka in zawn chawp a, taxi la in zarkawt atangin Falkland ka pan vang vang mai. Aizawl lo khaw dang ka hre lo a tin a ni, ka thlen rualin numamawii te in ka inluah tur neitu te hnenah ka innghat a, thuamhnaw bak ken ka neih loh vangin, an thil te a trul ang ang min hawh tir a, a zan azan in kan insawn ta rum rum mai. Ka phone a rawn ri a, ûzotea a ni, huphurh zetin ka pick a, "hello" ka tih rualin, thaw ri hak thawm ka hre nghal a. "Ûzo ka nu eng nge a an" ka tih chuan, "i nu a ni lo. I hriat pawh a ngai lo bawk. Ka pawisa kher nga ti nge i ruk a? Nang pawn he ta i awm lai khan i khawl ve tho kha" a rawn ti tawl mai. Ka mak ti lutuk chu ka ding chhuak uaih a, "ûzo i hre sual a ni lo maw" ka ti ve a. "Fel ang khan lem te kha chang der zel lo mai teh. I sual em vangin ka nu ICU ah a awm phah, theihnghilh rawh" tiin phone a dah dawn emaw ka ti a, ka trap chhuak hawk hman. "Ngaithla rawh i phone kha ka chhungten an call theih loh nan che sim thar hmang ang che. I va han trahbelh em" tiin a dah ta.

Biakin a kal ka chak lutuk chuan, ka awmna pi te ka zawt ta tawp a, tha takin min hrilh. Biakin chhungah lutin, mihring fel famkim ngai lo, khawvel thinlung thlah thei tak tak lo ka nih na a rawn lang ta. "LALPA ka chungah hian eng nge tih i tum? Eng vangin nge i lakah ka vui i hria, fahrah kher kher nga ti nge ka lo nih? Eng vang a, "ka nu ka pa" tia ka koh tur mi nu leh pa ka trawm a ngaih. Eng vangin nge rukru hming pu chung a, kha hmun ka chhuahsan" tiin chhuak lutuk in ka trap ta chiam a, hei hi pathian lak a vawikhat ka vuina a ni. Ka chung a a rorel dan hi ka pawm thiam loh la awm chhun a ni bawk.

Hun a liam a, ûzotea sawi ang ngeiin ka no ka thlak ta a. Tumah in min be pawp thei lo a, tumah ka be pawp lo bawk. Ka inluahna ten an inah lâng a kal turin min ti a, lawm takin ka aw thlap. Ka nu chu a dam ang em? Ka nu chuan min lam ve ang em le? Ngaihtuah reng chungin nî chu ka vui liam thin. Zotea chu ka ka ngai reng a, min rawn hruai se tih hian rilrû a luah khat thin. Pathian talin min la awmpui reng tih ka hriatna chuan, min thlamuan a, nitin hmel thar nen hlim takin hun ka hmang thin.

Pathian lakah vui fo mah ila, min thlahthlam ngai lo a, hmangaih takin min hruai zel thin. Pathian min hmangaihna te han ngaihtuah let hian, vui ngam turin eng kan ni si lo. LALPA chuan kan tan a tha tur bak a lo ruat ngai si lo, ka vuivaihna vangin ngaihdam ka dil nawn fo a, kan chung a, a thatna vangin a mah fak loh chu eng dang nge kan tih chuan ang?

Hmalam hunah eng pawh tawk dawn ila Isua nen chuan, ka hmachhawn ngam ngei ang........

ZOSANGZUALA chapter 3 (Last)

Hmalam hunah eng pawh tawk dawn ila, Isua nen chuan, ka hmachhawn ngam ngei ang.....

Kum hnih chuang zet chu, keimah in ka lo awm hrang ve ta reng mai. Ka inluah neitu te, fanu pasal nei rawn tlan chuan, inhrang chan a duh vangin, inluah tur dang zawn ka ngai a, tun thla a in sawn chhuak hman tur in, min ti si a, chanchinbu ah ka chhuah ta ringawt.

Hna tur zawngin, ka chhuak a, lehkha zir sang lo na nâ na chu, hna hmuh pawh a harsa hle mai. Millennium centre ah pheikhawk dawr nghah tur ka hmu ta hlauh. Chu mi hnai vai lam pangah inluah tur pawh ka hmu ta nghal mai bawk. Pathian hian, min awmpui a, ka kawng engkim a hnenah ka thlen a, min pui thin.

Ka inluahna te nen pawh kan in be pawp reng a, min ngaih thu leh leng tur a min sawmna ka hre châmchî zel. Kei pawn ka ngai, naupang ho ka ngai leh zual, zan lamah bak hun awl ka nei thei si lo nen, la len ngei pawh ka tum.

Pheikhawk dawrah kar hnih chuang ka thawk ve tawh a, an felin an bul a awm nuam ka ti hle bawk. Hun awlah ka puanthrui thin bawk a, keima kut chhuak ngei inbel in ka leng chhuak ve thin. Inrinni a ni a, hna kan chawlh hlauh vangin, falklan ah numamawii te ka va tlawh ang tiin ka chhuak ta a.

Ka va thlen chuan, an lo ri chelchûl a, kei pawn nuam ka ti kher mai. Umazuali pawh a fel ngai in a la fel reng, an awm danah ka chungah an in thiamlo tih ka hria, mahse, inthiam lo tur an ni lo. Mahni fa te bak a hlu khawvelah an awm lo a, an tan chuan inhrang chang tur pawh nise, a hlat lo thei ang ber a awm a ngai a lawm. Ka rin ang ngeiin ngaihdam min dil a, lawm takin ka ngaihdam thu ka hrilh a, boruak uap lutuk pawh a reh hmak. Nilêng mai chuan, kan inkawm ho a, kan nui nasa hle bawk. Zan dar 7:00 velah min thlah a, ka inluah ka thlen rual a, ka thil hmuh chuan min ti phu zawk mai.

"Eng nge ni ta" tiin kawngkhar ka hawng nghal a, inchhungah lutin thut hmun a rawn rem ve bawk. "Thingpui kan lum ang e, a thlum nge hang ni ang" tiin nel awm thei tawpin ka han bia a, a mitmeng chu, hman a mi ang kha ni tawh lo in, a dul raih a, a hmel pawh a that ngai in a la tha reng. A cher deuh e tih mai loh chu, "maria, sawi duh ka nei a" tiin a kut a khal niap niap a. "Sawi la kei pawn ka ngah lutuk. Ka nu chu a tha em" tiin ka zawt zui a, "aw tha e, nang i lo tha zawk em" tiin ka mitah tak a en a. "Ka tha lutuk alawm. A lawmawm hle mai" tiin ka chhang a. Ka chung a a sualna te chuan, ka rilru ah hmun an chang lo mai ni lo in ka hmangaih ngaiin ka la hmangaih reng.

"Ngaihdam dil ngam tur che ka ni lo tih ka hria, mahse, khawngaihin lo kir rawh" a rawn ti a. "Ngaihdam a! Eng nge ngaihdam dil chhan tur i nei em ni" tiin ka en hû mai. "Ni e, ka tih sual liau liau a ni. Nang hi ka hmuh tirh phat atang che khan ka ngaina tawh che. Mahse, ramtei khan i awm dan a ni lo zawng hlir in min hrilh a, ka lo awih em vangin ka haw tulh tulh che a ni ber mai" a tih chuan, ngaina tih chuan, min ei zo leh ta vek mai. "Ka chanchin a hriat dan in a sawi a ni mai a, chuan, ngaihdam dil chhan tur i nei lo. Mahse, ka lo kir leh kher chhan tur ka hre lo a ni" tiin ka chhang. Mittui tling piau in min en a, ka zâm ru hliah hliah, mipa mah nise, a mittui a tling ve hial a nia.

"Chhan tam tak vangin ilo kir thei. Maria, pakhatna me n hmangaih tih ka hria, chuan ka hmangaih bawk che. Pahnih na, ka nu tan i pawimawh hle bawk. A fanu ang tak tak i ni a, chuan, a damna tur pawh i ni bawk. Pathumna, kan chhungkua in kan mamawh che. Kan ngai che, ka pa pawhin hmuh che a chak" tiin ngenngawl zetin min melh kiau a. Ni e, midang tan hlimna ka nih theih dawn phawt chuan, ka hmangaihte bul a awm hi ka hnial chhan tur ka hre lo. Keimah vang a an nat chhan tur ka hre lo bawk. "Awle ka inluah man te ka pek fel hnu ah, zawi muangin kan ti dawn nia" tiin ka chhang a, "a nih chuan, nang leh kei hi inngaizawng angin kan awm thei tawh tihna tiraw" a rawn ti heu mai. Chhan loh ka châk chhan ngei turin min zawt si a, "a nih kan inzui a nih chuan, i nun hlui kha i thlah thei ang em? Zu leh damdawi i thlah in, i chhungkaw tan hnawksak ni tawh lo in, mitangkai i ni zawk thei ang em" tiin ka zawt ta duah a. Ni e, min hmangaih tak tak a nih chuan, a thlah thei ngei ang. Kan hmangaihte tan chuan, eng pawh kan ti thei an ti alawm. Hmangaihtu chuan, a hmangaih chhiatna lai ber pawh a hmu tha vek a, famkim lo ti famkim tu hmangaihna dik chuan, hmangaihtu leh a hmangaih chu hlim takin a siam thei.

"Aw thei ang. Mahse, tun thut thut ah erawh a harsa ang" tiin min rawn kuah a. Kuah let pahin, "vawikhat thu a, thlah turin ka ti lo che a, mahse, i thlah ang erawh ka ti" tiin ka chhang. "Ka lawm e. Khawngaihin zanin chu ka rawn riak ang a, naktukah kan kal nghal mai dawn nia, ka nu in a ngai tawh lutuk che" a rawn ti a. Min fawp zui bawk, "inngaihzawng tih vangin sex hi hman tum kher suh aw" ka ti a, ka nui deuh bawk. "Umm kan hmangaih te duh dan chu kan dah pawimawh ber tur alawm" tiin khumah kan mu dun ta a. Min khawih leh duh mai ka hlauh mai bakah, kan tan a tha ang ka tih vangin, Galatia bung 5:16 na, ka chhiar a, "chutichuan hei hi ka ti a ni;
Thlarauah awm rawh u; tichuan tîsa châkna chu inzawm dawn lo nia" tiin a lu chungah kut nghatin ka tawngtai a, tawngtai ve tur a ka tih chuan, huphurh zetin a ti ve ta nge nge a. Sawi tam lo mahse, ka lawm viau, ka thu a awih in min ngai pawimawh a, a sawi chhun chuan, thinlung takin min tilawm.

In kan thleng ta, ka nu chuan, trap chungin min lo hmuak a, mahse, while chair ah thu chungin a ni. Motor in a sutna tiin min hrilh a, ûmama pawhin nupui a lo nei tawh a, uramtei awmna ka zawh chuan, "i chung a a thil tih vangin a inthiam thei lo a, a chhuak ta a nih kha" an ti samêt hlawm. Ka pa pawh ka hmu ve ta, pa fel tak leh hmeltha zet a ni. Chhungkaw kim in hlim takin hun kan hmang ta.

Mi tu pawh hian, hlutna kan nei vek a, khawvela pawimawh ber chu, HMANGAIHNA chauh a ni. Hmangaihna hi misual ber pawhin a nei thin, hmangaihna hian mitin intluk tlang takin min awm tir thin bawk. ZOSANGZUALA hi kum hnih hnu ah ka pasal niin, kum 2017 September thla khan LALPA HNATHAWKTUTE TEAM in camping an buatsaih a, piantharna changin, pathian hriat chhingkaw nun hlim awm tak kan hmang chho tran ta a.

Hun a liam a, kum li a vei hnu ah chuan, fapa duhawm tak a nu leh pa tan lawmna sang ber mai min pe turin pathian in min pe ta. Pathian lak a kan rochan kan fapa lalpekhlua hi min pe tu hlan let hi kan tihmakmawh a nih vangin, kan hlan a, chhungkaw hlim takin pathian nen damlai vanram chu kan hmang ho a, thlarau damna nen thih thlamuanna nen hringnun kan zawh chho ve ta.

A TAWP TA
By: Cietei samte



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)