BLEEDING LOVE BY CHRISTINA PACHUAU (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: BLEEDING LOVE BY CHRISTINA PACHUAU (Completed)

Unread post by Ngaia » February 21st, 2021, 2:45 pm

BLEEDING LOVE




Chapter-31




Dr. Felona khan sex hmang tamlo turin min rawn a, mahse tun tun hi chu ka titawp theilo a ni, ka mipa hmangaih nena hun hman hi ka duh tak zet.





Atuk ka harh chu ka taksa nawm loh vang pawh ni lovin ka chau deuh nghulh mai. Ka chhunglam ah hian hrehawm tihna a awm tlat a ni, chaw pawh chu ka ei lui hram hram a ni.





Drew hna kal tur chu pawn thleng ka thlah a, dingdihlip in a chalah ka fawhsak zeuh
"Good luck kiss" ka tisup.


"Let it be" nui sukin ka hmui ah a rawn fawp zeuh a, a kal zui nghal.





Room ah chuan lut in ka insiam a, ka thawmhnaw ka ken ngai lovin Matt in min buaipui sak dawn a ni. Tawhsual ka tawh atang khan Rex hi ka bulah a awm reng a, min veng reng. Mahse ani chu ka pumpelh thei mai ang. Lehkha leh kan inneih zungbun chu dawhkan ah chuan ka dah a, ka mittui chu ka hru hul nghal vat.





In hnuai ah chuan ka chhuk a, Rex chu alo ding vat.
"Rex mall ah kal ka duh a"



"Boss in a hria em?" a rawn tilet sup.



"Lungngai suh, mi tamna ah te chuan tuman min ru bo duh lovang" tiin ka nuih a, ani pawh a rawn nui ve tho.





Car a kan chuan lai chuan
"Drew, kalsan hi i ngaihtuah ve tawh ngai em?" tiin ka zawt a.



"Ka boss a ni a, min ban anih ringawt loh chuan ka bang lovang" ka nui hak.



"Ni ee.....ngaihtuah ngai suh.....Drew hi a sual viau nang in a rilru chu a tha a nia" ka tilet vat. Amah chhawmdawl reng tur Rex a bual ah a awm dawn a, Rex hian hna a tlin tih ka hria, ka thla a muang sawt.





Nu Dixie ka thil pek tur ka hrechhuak thut avangin Rex chu ka in tè lam pan hmasa turin ka tivat. In ah chuan alo awm a, thut thleng ah chuan ka thut tir vat, a hma ah chuan ka thingthi a.


"Denna, eng thil nge i tih hi?" tiin a rawn tho a, a mitah pawh chuan ka en ngam lo.



"Nu Dixie kei hi i pawi khawihtu chu ka ni" ka tisup.




"Eng thil ah maw?"




"Sheila kha ka pa nen kan su a ni.....Nu Dixie, min ngaidam thei lo tih ka hria...mahse......" ka tap hawk. Engmah sawi tur ka hre tawh lo. Inthiam chawp ka duh lova, min ngaidam tura tih ka duh bawk lo. Ka thiam loh a ni a, ka tuar mai tur a ni.




"Ka hre tawh" a tih chuan ka en nghal vat. A hre tawh maw?!!




"Rex khan engkim min hrilh tawh, Andrew nen in innei tih pawh ka hria. Ni e....ka hriat tirh khan ka thinrim ngei alawm, mahse ka ngaidam tawh che" a rawn tileh a, a rawn thingthi ve nghal.




"Ka fanu i nih tawh kha, nu chuan a fanu a ngaidam tur a ni. Inthiam lo tawh suh, ka tana i thil tih te hian nunna chu a ko kir thei lo, mahse ka nunna min vensakna hian min rul kim tawh zawk asin" ka biang ah chuan a rawn dawm a, min nuih sen sen bawk.




Ka kuah nghal thlawp, sawi tur engmah ka hre lo. Tun ah huan ka lawm a ni


"Ka.....ka lawm.....eee" tap chung chuan ka tibah nuai. Ka mittui te chu rawn hru hul in




"Hlim takin i nun hmang ang che" ka lo bu nghauh nghauh. Ka tho a, ka bag a ka thil dah chu ka la chhuak nghal.




"Heihi pek che ka duh, khawngaih in la hram rawh" ka ti a. A hming in building pakhat ka lei a, chuta tang chuan pawisa a nei thei dawn a ni.




"Heihi eng nge?" a ti a




"I hming in building ka lei a, chuan hna i thawh ngai tawh lovin, heta an inluah man hi i nei zel thei" tiin ka nuih a




"Aih nilo....hetiang chu ka la theilo ang"




"Aih....i lak angai ang, hei chiah hi ka pek thei che a ni, khawngaih in ka rilru nawm nan tal la hram rawh"




"I tan le" a rawn tive sup. "Pathian in malsawm che rawh se, ka fanu" a rawn tileh a, heihi a ni ka duh chu.





Mall kawt kan thlen chuan
"Rex tah hian min lo nghak mai rawn, ka rei lo ang" ka ti a.




"Nilo...ka lo zui ve zawk ang che"




"Aih....nilo....Rex.....hmeichhe thil a nia, i zak zawk ang" ka tih chuan harsa takin a bu ve mai.





A chhung ka lut chu ka phone ka en nghal vat, Matt missed call alo awm reng, ka call let nghal
"Aw,Matt"




"Denna i tha em? Khawiah nge i awm?"




"Ummmm....ka tha, mall ah chuan ka awm tawh"




"Awle....a tha e, kawngkgar hnunglam atang khan chhuak la, pawn ah car pahnih in alo nghak ang che. Pakhat zawk ah khan i bag leh phone dah la, a hnung zawk ah khan lut ang che. Driver kha engkim ka hrilh tawh a, hruaina hmun tur che a hria. A hmun ah ka lo nghak ang che" a ti a.




"Ka hria e" tiin ka off a, ka kal zui nghal. Pawn ah chuan car pahnih chu alo awm a, a hmasa zawk ah chuan ka bag leh phone chu ka dah a, a hnung zawk ah chuan ka lut nghal. Ka tah a chhuak lutuk a, mahse tun ah hi chuab tah ka duh lo.





Hmun awl zau tak ah hian car chu a tiding a, jet pawh chu ka hmu nghal. Matt chuan kawngkhar a rawn hawng a, ka hahdam sawt.




"Denna, he thil hi tuman an hre lo, kei chiah in ka hria. Hahdam takin awm tum la, hepa hian a rawn zawng hmu ngai lovang che" a ti a




"Matt, kan inthen tur thu hi ka nu in a hre tawh em ?"




"Umm...a pawmpui che, i hlimna tur pan zel turin a duh che. Mahse thil dang chu engmah ka hrilh lo"




"Awle, ka hria e, a taksa ala chak si lova, a tuar phah lutuk ang. Matt min lo enkawl sak rawh aw" ka ti a, ka unaupa hma ah hian tah ka duh lo. Ka tan thil tam tak min tihsak a, ka hlim hi ka rulh letna tih ka hre ve kar.




"Tehreng.....in tum hun ah motor in alo nghak ang che, engkim ka tifel tawh, i chenna hmun tur ah a hruai nghal ang che. Nitin min lo be ziah la, harsatna i neih chuan min rawn hrilh vat zel ang che" min ngaihtuah hnel tak chuan a ti a.




"Umm.....ka ti ngei ang, chuan min lo ngaihtuah lo ula. Ka tha em em ang" tiin ka nui lui a.




"Kal tawh rawh le" a tih chuan bu zeuh in Matt private jet lam chu ka pan nghal.





Thut thleng a ka thut fel hnu chuan ka tap nghal zawih zawih, hrehawm ka ti a ni. Ka chhungte mai ni lovin ka mipa hmangaih ka kalsan angai a, ka nun leh ka hlimna te nen.





Ka rin aiin kan thang rei lo, Jet atang ka chhuk chu mipa pakhat hian min lo pan nghal.
"Miss heti lam ah hian aw....i driver tur ka ni e" a rawn tih chuan ka zui ve mai, hmeichhe pakhat hi car chhung ah chuan alo awm bawk.




"Sir khan mipui tamna lai deuh a awm turin a duh che a, mahse a hrehawm hran lo a nia. Pangpar leh thing vek i ngainat thu pawh ka lo hria a, i nuam tih zawng tak a ni ngei ang" hmeichhia chuan a ti a, Matt rawih a ni ngei ang.




"Ka lawm e" ka tisup.




"A ho lutuk, hetiang te chu kan hna alawm. In chhung mamawh leh thawmhnaw, engkim a awm kim vek. Chuan maid pakhat a awm bawk" Matt chuan a ngaihtuag kim hle mai, ka nui suk.




"Kan thleng e" driver in a tih chuan kan ding zui nghal. Kawngkhar chu min rawn hawn a, ka lo chhuak vat. An fel hle mai.




In leh a vel chu a faiin a nalh hle, a in design leh rawng pawh hmuh a nuam khawp mai. Kawt zawl zim te a nei a, pangpar a awm theuh a, thingkung pakhat a awm bawk.




A chhung ka lut chu a zau in, a simple hle a, a nuam dawn tak zet.





ANDREW POV:





Rex phone call chu ka la vat
"Aw, Rex"




"Boss.....miss Denna ka hmu lo" a ti a, ka ding nghal vat.




"Rex eng nge awmzia? Thil thleng a awm en ni?"




"Miss nen mall ah thil lei turin kan kal a, parking place a lo nghak turin min ti a. A rei lutuk avangin a chhung ah lut in ka zawng a, mahse ka hmu lo"




"Hrep tak chuan Rex?! Ngati nge engmah ka hriat loh?" ka tihrawk.




"Ka tihpalh a ni" a rawn tinghal.




"Ka tihpalh tilo khan zawng vat rawh, a tul chuan midang pawh pun mai rawh" tiin ka off nghal.





Maky chu ka call nghal a
"Aw, boss"




"Maky, Denna phone kha lo trace ang che, chanchin min rawn hrilh vat ang che" ka ti a.





Denna hi ka hloh thei lo, chuan kei hian ka kalsan thei tawh lo bawk, phuba lak duhna kha a bo tawh. Tun ah chuan a bula awm reng ka duh tawh a ni. Hetiang hi anih ka ring bik lo, mahse Ted in Denna a kidnap tih ka hriat ka thinrim a, Denna a khawih nat ka hlau em em bawk. Ka thuruk engkim a hrilh pawh kha ka rin lawk sa a ni, keipawn ka sawi ngei a hrelo ka hrehawm ka ti, hrilh ka tum ni in a kidnap kha a nia.





Ka phone chu a rawn ri a, ka la nghal vat.
"Boss ka hmu tawh e"




"Warehouse ah darkar khat chhung in lo hruai ang che"




"Yess boss" phone dah in keipawh ka chhuak ve nghal. A hmu ka thlen hnu rei vak lo ah chuan Maky chuan mipa pakhat hi a rawn hruai a.




"Maky heihi tunge?" ka ti nghut.




"He pa motor ah Miss Denna phone leh bag alo awm a, mahse amah ka hmu lo" a rawn ti a, ka rum nghut.




"Tu nge i nih? Khawnge Denna?" ka ti thawt.




"Kei chu driver ve mai ka ni, kha bag leh phone kha ka ruk a ni a, mahse engtin mah ka tilo. Ka tlansan nghal" ka hnek nghal chawrh, chhuat ah chuan a thal tawp.




"F**k" ka tivak.




"Maky, Denna zungbun ah khan GPS ka dah, lo chhui rawh" ka ti nghal a. Denna kalna hmun engkim hriat ka duh avang a dah ka ni a, ka huat lai ami kha a ni. Mahse tun ah hi chuan ka lo dah kha ka inchhir lo.





Maky chu rawn let vat in
"Boss, GPS chu i in ah a tawp" a rawn tih chuan ka tlan chhuak ve nghal, in ah a awm tawh tihna, ka hahdam sawt.







He stor ah hian zirtir tam tak nei sela ka duh a, chuvang a ziak kual deuh chu ka ni. Khawngaih in min lo hrethiam hram dawn nia. Story ziak thiam tak chu ka ni lo, mahse tih ve chhun ah chuan tha taka tih lawh lawh hi ka ngaihdan a ni a, chu chu min lo hriatsak dawn nia. Ka story in lo chhiar thin avangin ka lawm lutuk e😘😘😘



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:45 pm

BLEEDING LOVE




Chapter-32




In ka thlen chuan Celia ka ko vat, ani pawh choka atang a rawn chhuak nghal.
"Khawnge Denna?"




"Ala rawn haw lo" alo ti a, Maky khan a GPS kha hetah a tawp a ti si a. Room lam chu ka pan a, ka hawi kual nghal. Dawhkan ah chuan paper hi alo awm a, ka pan nghal vat. Denna zungbun chu alo awm reng, paper chu ka la nghal.





" Drew he lehkha i chhiar hun ah chuan thinrim lo la, khawngaih in hlim hram rawh aw.


Kei hian hmun hla tak ah ka kalsan dawn che, i hlim pawh ka ring a ni. Heihi i tan leh ka tana ti ka ni. Ted khan engkim min hrilh ka tih khan, ka pa i thah thu pawh ka hria a ni. Chuan Sheila kha i hmeichhia a ni tih ka hre bawk. Drew, keipawh hian hrehawm ka tive lutuk asin, ka pa i that tih hi rin loh ka duh a, mahse ka thei lo a ni. Ka pa min thahsak tu bulah hian hma hun ka nei lo a ni.


Engtik lai pawhin inthiam lohna nena nun reng chu a hrehawmzia ka hria, chuvang chuan nang chu chutiang chuan awm ve lo la ka duh a ni. Drew.....khawngaih takin min ngaidam rawh aw.....Sheila ka thahsak che avangin. Ka thiam channa tur engmah sawi ka tum lo, mahse i thil hmuh leh hriat ang ringawt hi ringlo turin ka duh che a ni.


Khawvel hi chu tenawmna leh inbumna a khat a ni, he khawvel ah hian chhe theilo engmah a awm lo. Engtiang pawhin tum thin mah ila, he khawvel ah hian chan kan nei ngei ngei thin. Chu i thil chan pakhat ang chuan min ngai la, i nun la awm zawng hi hlim takin hmangang che. Nun thar nei la, chhungkaw thar nen.


Ni tin hian ka thihna lam tur kan pan a, thil tha kan tih tam pauh leh kan hlim a ni mai.


I rilru a thil awm ang khan che tawh lo la, i thinlung thusawi kha zawm thin ang che. Chuan ka pa i that avang khan i bula ka chen reng theih hi ka ring lo a ni. Mahse ka ngaidam che, ka tan chuan ka pa kha ka thil chan ang a ni. Tun ah chuan keipawh nun thar nen ka nung tawh ang.


Hlim la, nui la, hlawhtlinna thar nen i nun bul tan tha leh ang che. Tun atang chuan ngaidamtu nihna nen nung tawh la, i nuna thil tha lo te inhnuhkian tir ngai suh ang che. Mipa chak tak i nih kha, mel inhlat takah awm mah ila, thinlung chu a inpawh reng.


KA HMANGAIH CHE
DENNA"





Dawhkan chu ka tlawh thlu nghal tawp
"Hrep tak hian!! Min kalsan a maw!!" vase chu ka vawm keh chuai.




"Ka duh chu.....nangmah" tisup in chhuat ah chuan ka thu hnawk. Nun thar maw!!? Ani tello chuan ka thei lo.




Denna kha ka hlimna, ka nuihna leh ka chakna a ni. Chhungkaw din chakna min petu a ni a, ani kha ka chak lohna a ni bawk. A hrehawm ka phallo a, engkim ah atan a tha ber ka duh bawk. Khawvel a hmeichhe hlim ber ni se ka duh a ni.




Mahse tun ah chuan a kal tawh, apa ka thah avangin. Ni e.....a kal tur a ni, engtin nge ka bulah a awm reng theih ang?? Apa thahsaktu bual ah hian.




Mr. George thusawi kha ka hrechhuak zawk
"Denna hian rilru na in ala siam dawn che". Hetiang tak a chak lo a min siamtu chu Denna a ni, chak loh hi ka duh lo.




"F**k.....i kal duh chuan kal rawh. Ka buaina a nilo, hlim takin i nun chu hmang rawh" ka ti thawt.





After 3weeks




Denna kal bo atang kar thum a liam tawh, zawn ka tum lova, pan hnaih ka tum lo bawk. Min kalsan duhtu ka zawn chhan tur hi ka hre lo.




Swimming pool bula pipu awmna lam chu ka pan a, a kal bo ni khan ka dah tir a. Ina a awm changa a inkawm hlim nana ka dahsak a ni. A ngheng chhan chu ngheng in, ka mit chu ka chhing nghal. Ka mitthla ah Denna ringawt a lang, hrep tak chuan!!





"Wow!! Denna i ngai em ni?" tih ri ka hriat chuan ka meng nghal vat, Leavy chu ka hma ah alo ding reng.




"Leavy, min tibuai hrih lo teh, ka chau a nia" ka tinghut. Nui hawkin ka bulah chuan a rawn thu ve nghal.




"Drew, i ngai anih chuan ngati nge i zawn mai loh?"




"Ka ngai tih ka sawi lai reng ka hre lo"




"I mizia leh i hmel atang khan a hriat vek alawm. Hetiang hi i ni ngai lo, ngati nge i hmangaih tan chuan ke i pen ve mai loh?"




"Hmangaih!! Ani kha ka hmangaih hrep love" ka ti hrawk.




"Drew i thinlung thusawi hi zawm ve teh" a tihap.




"Chu chu ka thinlung chu a ni, ani kha ka hmangaih lo" a tho nghal.




"Ni e.....Denna hmangaih tlak a ni hleihnem, nang ang mafia boss tan chuan....ani chu a dawih mah mah. I hmeichhe hmangaih tak thahsaktu che a ni a, a varginity pawh nang hian i laksak ka ring hauh lo" elhsen taka a tih chuan ka thin a sa zak, Denna chanchin mawi lo taka a sawi hi ka duh lo.




"Leavy, ka dawhtheihna teh tum hauh suh aw. Denna chu chutiang mi a nilo" ka ti a, ani chu a rawn nui hak.




"Tikhan ka hmangaih lo i ti maw?! Drew amah ah khan i luangliamutuk tawh zawk anih kha" a rawn ti a, ka ngawi reng.




Min rawn pan a, ka darah chuan a rawn vuan nghal.
"Drew, Denna i hmangaihna hi pawm mai rawh. Tun ah chuan i rilru ang ni lovin, i thinlung in a hrilh ang che khan kal tawh rawh. Chuti lo chu nakin ah i inchhir zawk mai ang, a theih lai hian Denna zawng rawh" ka awm a kawh pah chuan a ti a.




"Min kalsan duhtu ka zawn chhan tur ka hre lo"




"Nilo.....Drew, nangmah kalsantu che nilovin i hmeichhe hmangaih alawm i zawn dawn. Denna khan nun thar nena nung tura a duh vang che a ni, a kalsan che. A tello a i hlim zawk a rin vang a ni. Mahse a tello chuan i nung thei lo, chu chu pawm la, a tlai hma hian zawng rawh. Nang theihnghilh che a, nun thar a hman hma in" a ti leh sup.




Tun a Leavy thusawi hi thudik a ni. Ni e.....tun ah chuan ka pawm angai..... Denna hi ka hmangaih. Ani chu ka chakna leh ka engkim a ni, ka tello a nun thar a hman chu ka phallo, ka nui suk.




"Ihrethiam tih ka hre mai, kha i biangsum a lang kulh alawm" a rawn tih chuan a biang ah ka lo piai sak vak.




"Ka nau thusawi ka zawm angai ta a nia, ilo puitling tawh khawp mai. Nge Jeremy nen hian ka inthentir zawk dawn che u" ka tih chuan a rawn tum buau.




"I tih vaih chuan amah kha ka zui nghal a ni mai" a rawn ti a, ka nui hawk. Leavy hian ka lak ah thuruk a nei ngai lo, ngaihzawng a neih dawn apiang in min hrilh bawk. Ka nu in a thihsan hma avang hian ka duat a, a duh duh ka tihsak bawk.





Room ka luh chuan Rex ka call nghal a
"Boss"




"Rex tun atang hian Denna zawng turin ka duh che, khawi hmun ah pawh awm se, i zawng hmu tur a ni" ka ti a.




"Awle, boss.....ka hrethiam e" tiin a off zui nghal. He in ah hian Denna ka hruai kir leh ngei ang.








Naktuk ah lo inring ru.....sei tawk in kan ti ang......tak tak🤫🤫🤫

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:46 pm

BLEEDING LOVE




Chapter-33




After 5months




Thla ngai lai a liam ve ta, hun hi chu a kal chak ngawt mai. Ka pum pawh a lian tawh lutuk a, thla sarih a ni tawh, chet pawh a harsa viau. Video call in ka chhungte nen kan inbe fo a, mahse ka pum ka tilang ngai lo. An pawm lovang tih ka hlauh vang a ni, a rawn pian hun a hrilh ka tum ta zawk a ni. Ka nu pawn thu dik engkim a hre tawh a, Matt hian engtin nge a hrilh ka hrelo, a pawm thiam viau.





Nitin hian Drew ka ngai a, ka ngaihtuah reng zel bawk. A tello a nun hman hi hrehawm ka ti, ka naute alo pian hun a apa awmna min zawh hun ah engtin nge ka chhan ang tih ka ngaihtuah vang hian ka tap fo. Thla tin in check-up turin ka kal a, a hrisel tha an ti bawk. Ka pum chhunga a awm atang hian ka hmangaih nghal sa ngawih ngawih.





Door bell chu a rawn ri a, inleng kan nei ngai silo a, tu nge niang le?? Kawngkhar ka va hawng chu ka hmuh tum loh deuh ka hmuh avang chuan ka phu zawk!! Ka nu leh Matt maw!!? Ka pum an hmu chu an nui tawp riai riai, hlauhna in ka khat nghal.





Sofa ah chuan ka thu a, Matt leh ka nu chuan min hual ang chiah, pakhat ka bul ah, ka nu ka hma ah. Ka ngawi reng, engmah sawi tur ka hre lo.




"Bawihi heihi tu fa nge?" ka nu chuan a rawn ti a.




"Nu....tu fa mah a nilo, keima fa a ni" tiin ka tap nghal hawk.




"Andrew a ni tiraw?" Matt chuan a rawn ti ve a. Ka lu ka lo thing vat.




"Ngati nge min hrilh loh? Denna engvang a min hrilh lo nge i nih?" Matt chuan a tivak.




"In pawm lovang tih ka hlauh vang a ni" tap tiau chuan ka ti a.




"I pasal thil tih sual avangin engvang in nhe naute pawisawi lo chu kan pawm loh ngawt ang!? Denna i tidik lo a ni" ka nu chuan a rawn tive a.




"Ka tihpalh a ni" Matt chuan min lo kuah vat, ka hahdam sawt.




"Denna i hriat kha....chutiang mi chu kan nilo. He naute hian eng thil sual mah a tive lo" a ti a, ka ngawi reng.




Ka mittui min hrukfai sak hnu chuan ka nu in
"I in check-up thin em?" a rawn ti a.




"Umm...."




"Naute chu a tha em?"




"Aw....a hrisel tha lutuk" ka lo tilet sup.




"A tha e....tun ah chuan nu i ni ve tawh dawn, nu nih hi a awlsam lo a nia" a rawn tileh a.




"Pasal min neih khalh a, chuan tun ah naute min neih khalh leh a" Matt chuan boruak tih zangkhai tum tih hriat tak hian a rawn ti a, ka lo nui ringawt




Ka nu chuan ka biang ah rawn dawm in
"Ka fanu hi ka naute kha a ni tawh lo, tun ah chuan nu a ni ve tawh dawn zawk a. Hlim tur nge tah tur pawh ka hrethiam lo" tiin a rawn tah nuih hak, a kut ah chuan ka lo vuan vat.




"Nuu....."




"Kha hmeichhe naupang tê ka kut kai a kal det det zel kha.....khang hun chhung kha a rei lo em mai. Ka pum chhung a thla kaw chhung ka pai kha.....a pum chhung ah a chakna ring a nung a awm ve tawh a nia, khawvel chu a mak a ni tiraw??" a rawn tileh a, ka lo kuah vat. Ka nu hnem tur hian engmah sawi tur ka hre lo.




"Nu...ka tihpalh" ka ti ta ringawt.




"Aih....nilo...tihpalh tisuh, hrisel tha takin awm la, naute hrisel tha tak nei ang che. Ka tupa tur anih hi!" uang tak chuan a rawn ti ve a, ka lo nui nghal hak.




Ka pa kha a awm tawh lo, koh kir theih pawh a ni tawh lo. Mahse hringnun hi beiseina tlem te nen pawh hian a hlim theih lutuk a ni tih hi ka hre tawh.





Beiseina ka neih tawh loh laiin ka tawngtai a, chhanna ka hmu vat lo a ni maithei, mahse heihi a chhanna chu a ni. -He ka pum chhung a naute hi'. Heihi ka malawmna dawn chu a ni. Chan ka nei emaw ka lo inti a, mahse ka pa in van atangin amah ang a min tihlimtu tur naute min rawn pe a ni. He ka pum chhung a naute hi kan vai a hlimna thlentu a ni dawn tih hi ka hrechiang a ni.





Ka nu te pawh ni thum an cham hnu ah an hawn nghal a, Andrew chungchang engmah ka sawi lo. Ka nu emaw Matt hian engtin mah anti dawn lo tih ka hrechiang a, ka ring thlap bawk.





After 3months




"Tanny, ambulance call rawh" ka tivak, ka nau bawm a keh a, a na lutuk.




"Sang leh rawh le....a chhuak tep a nia" nurse chuan a ti a, ka sanna lam ah ka chau zo tawh, thlan fim in min bual huh vek tawh bawk. Ka sang leh vak a, naute tap ri ka hre nghal, ka thawl hawk.




"Mipa a ni e" nurse chuan a rawn ti a.




"A kut ke a kim em?" ka lo tivat.




"Aw....a hmeltha tak zet bawk" tiin ka bulah chuan a rawn pawm a, a biang chu ka tawk de de.

"Ka malsawmna" ka tisup.





Drip min khaisak lai chuan ka fapa chu an rawn nawr lut a, ka lo nui seih. Ka hlim a ni, kg 3 leh gram 500, ka fa anih vang pawh a ni maithei, a hmeltha lutuk.




"Hnute pek a hun a" nurse chuan a rawn ti a.




"Awle" tiin ka lo insiam rem vat. Hetiang hi ka chung ah hian a thleng ang tih tu in nge ring pha ang!? A hmai fang leh a hnar ngul nalh zet te chuan apa chiah chiah a chhun, a hmui ah chuan min chhun ve thung.





A tuk ah chuan Matt leh ka nu chu an rawn thleng ve nghal a, ka naute chu ka nu in a pawm ran bawk. Ka nu hi a kal thei ve deuh tawh a, mahse amaha a la kal ngam chiah loh avangin wheel chair ah ala thu hrih.




"Tu nge a hming ni ang le?" Matt chuan a ti a.




"Briant" ka nu chuan alo tivat.




"Hming nalh tak a ni" ka lo tive a.




"Briant Jos Lovata....chu chu ka tupa hming tur a ni" ka nu chuan a tinghet charh. Ka tah nuih hak, ka lawm a ni, Drew hnam hning maw!! Matt chuan min rawn pan in ka chal ah chuan a rawn fawp zeuh.




"Nu i ni ta"




"Chuan nang pute-a" kan nui dun hak.






ANDREW POV:





Thla tam tak a liam tawh, Denna chanchin engmah kan la hrelo, khawi ah hian nge a awm ang le?




Hna tam tak khawih tur ka nei a, mahse ka rilru ka pe thei lo. Denna ringawt ka ngaihtuah thin vang a ni. "Pasal a neih tawh angem?", "A hlim angem?", "A dam tha angem?" tih hi ka rilru ah a awm reng thin, chhanna erawh ka dawng ngai lo.




Rex chu ka office chhung ah a rawn lut a,Hna bawk!! Hrep a!!
"Boss.....Miss Denna awmna chu kan hre tawh" ka ding nghal vat.




"Rex sawi chiang teh" ka tivak.




"Paris ah a awm" ka thaw hawk.




"Boss...jet ka buatsaih dawn em?" a rawn tileh a.




"Aih chumi hma in tih tur ka nei" ka tisup. Denna te in lam ka pan vat,tun a ka tih tur chu ka chapona dah bo a ngaihdam dil a ni. Mahse an pawm emaw pawm lo emaw Denna chu ka bulah ka hruai tho ang.






Dam lo chung in ka rawn type a, tun ah pawh hian ka chhung ten min hau.....dah loh ai a ni e🌼🌼🌼🤐🌼

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:46 pm

BLEEDING LOVE




Chapter-34




Car horn chu ka tiri zeuh a, gate chu an rawn hawng nghal. In chhung ah chuan ka lut a, Miss Livia chu a rawn ding nghal, ka pan hnai a, a hma ah chuan ka thingthi nghal.
"Eng thil nge i tih?" a rawn ti a.




"Miss Livia, kei hi i pasal...."




"Ka hria, nang hi ka pasal thattu i ni, chuan kei min thah i tum leh bawk" ka sawi zawh hma chuan a rawn tinghut, ka en nghal vat. Matteo pawh in chung atang a rawn chhuk thla ve nghal.




"Min ngaidam rawh" ka tisup.




"Ka ngaihdam mai che chu ring suh. Kan chhungkua i tichhia tih i hria em? Kan hlimna te, engkim i tichhe vek. Police hnen a kan report lo pawh hi lawm tur chu i ni" thinrim tak chuan a ti a, ka ngawi reng.




"Sheila kha....ni e....ka pasal sut a ni. Mahse a tum vang reng ni lovin, a thawhpui pa in a bum avang a khatiang a thleng kha a ni. Ka pasal kha engkim ah i mawhpuh thei lo, ka phallo bawk. Ka pasal kha a dik chu ka ti lo, mahse a duh vang reng a ti a nilo tih ka hriatsak. A thil tihsual pawh a theih ang tawk a rulh let a tum, mahse ani chu nang hian i that a ni" tiin min rawn beng a, ka awm ngai in ka awm reng. Tun a ka duh ber chu Denna a ni, chuvang chuan heihi ka tih angai.




"Ka tihpalh" Miss Livia chu thut thleng ah thu in a tap nghal hawk.




"Denna hi i ngaihtuah ve tawh ngai em? He i thil tih avang a hrehawm a tihzia te? A hmangaih zia che hi i hre em?" Matteo chuan a rawn ti thawt.




"Ka thil tih sual te siam that ka duh a ni, Denna neih let ka duh bawk" ka tive a.




"Nang tual thattu bulah hian Denna ka dah hauh lovang" a rawn tihmak.




"Denna hi ka tina ngai lovang"




"Hah!! Rin ngam i nilo, i lak ah hian a him lo"




"Kei hian Denna hi ka hmangaih, min ring rawh u" ka tih chuan Miss Livia pawh a rawn hawi nghal.




"Chu chu engvang in nge kan rin ngawt ang?" Matteo chuan a rawn tive leh a.




"Denna hi ka zirtirtu ang a ni, atan chuan engpawh ka ti ang" Miss Livia chu rawn tho in room pakhat ah hian a lut a. A rawn chhuah leh chuan paper pakhat hi a rawn keng.




Ka bul a rawn thlen chuan "Tho rawh" a tisup.




"Min....."




"Tho vat rawh" ka sawi zawh hma chuan a rawn tithawt, thaw hawk in ka tho zui nghal.




"Heihi la rawh, i tih tur chu i hria. Chuan heihi hre rawh, ka fanu hi i tina leh anih chuan kei hian hremna pawh tuar dawn mah ila ka tgat khawp ang che" tiin paper chu min rawn pe a, ka lo la vat.




"Ka lawm e" tiin ka chhuak a, Rex ka call zui nghal.




"Rex ka private jet kha lo buaisaih rawh" ka ti a, ka tlan chhuak zui nghal. A hmun ka va thlen chuan darkar chanve vel ala ngaih thu an lo sawi a. Miss Livia in Denna phone number min pek chu call ka tum zet a, mahse alo tlan bo leh ang tih ka hlauh avang in ka call duh ta lo. Miss Livia leh Matteo chuan an lo sawi loh ngei ka beisei.





Dar kar tam tak kan thang hnu chuan zing dar 5 velah Paris chu kan thleng a, car ah chuan lut in chawl lo chuan Denna address min pek chu ka zawng nghal. Paris ah hian vawi tam ka kal tawh, mahse ka hriatchian vek loh avang in a buaithlak deuh ngei ang.





In pakhat, tual zawl a thing pakhat hnuai a pipu awmna ah chuan car chu ka tiding chawt.
"Denna" ka ti nghal sup, ka hmu ta.






DENNA POV:





Zing hma tak ah chuan ka harh a, vawi in hi Briant thla thum a tlinna a ni. Ka bul ah ka fapa muhil chu ka hnaih vat.
"Ka fapa" ka tisup, heihi ka hlimna chu a ni. Briat hi naute fel tak a ni a, a tlei em em bawk. A pian atang hian uar taka a tah hi ka la hre lo, zan mut theih loh te hi kan nei mang lo. A chum em em a, thla thum ah chuan a rih reuh lutuk. Ka intihfai zawh chuan Briant pawh alo harh tawh a, hnute ka lo pe vat.





"Vawi in hian Briant hi thla thum a ni tawh a, mihring pangai tak" tiin ka fiam a, alo nui ve, naute rim hi tui ka ti. A mit ka en apiang hian Andrew ka hre chhuak ziah, mahse Briant vang hian ka ngaih pawh a zia.





Ka nu te nen video call a kan inbiak lai chuan door bell chu a rawn ri a
"Keimah le" tiin Tanny chu a kal nghal vat. Ani hi awm lo se chu ka buai thei ngawt ang.





"Denna" ka aw hriat than takin a rawn tih chuan ka hawi nghal vat. Andrew maw!! Ka mumang zawk em ni? Eng nge hetah a tih ve? Ka mittui chu a rawn parawl tiam tiam. Briant ka pawm a hmuh chuan mak a ti tih ka hria, min rawn pan a, ka lo en reng.





"Bawihi, i nun chu i duh dan in hmang tawh rawh" ka nu chuan a rawn ti a, a off zui nghal. Heihi a hre lawk sa tihna em ni? Andrew chu ka en reng, engmah sawi tur ka hre lo.




"Ka fa a ni tiraw?" a rawn tih chuan lu ka lo thing vak.




"Aih.......nilo" ka ti a, a hma ah hian tah ka duh lo.




"Denna, khawngaih in dawt sawi lo teh" a tihap, Tanny chu ka ko nghal vat, ani pawh a rawn kal nghal.




"Briant hi room ah lo han hruai rawh" ka ti a, a chhoh pui nghal. Ding vat in, ka hawi sawn nghal. Ka thinlung hian ala hre reng tih hrelo se ka duh.





"Denna, ngati nge min kalsan?" ril ruih hian a rawn ti a.




"Engvang in nge hetah ilo kal?"




"Nangmah hruai let tur che in" ka nui nghal hak, khawvel a thil awihawm loh ber a ni ang.




"Dawt sawi pawh ilo thiam tawh anih hi" tiin amah chu ka en a, ka kalsam hma ai khan a cher zawk in ka hria.




"Nilo.....dDenna...min hriatchian kha" a hma ang chiah khan a uap a na lutuk, tun ah pawh hian ka thaw thei lo mai dawn in ka hria.




"Engtin nge min rawn hmuh theih? Tu in nge ka awmna hrilh che?" ka tih chuan a lu a hiat zeuh.




"Denna....ka chau lutuk....hna atang in ka rawn tlang nghal a, khawngaih in inbualna tur leh chaw min siamsak thei angem?" tiin sofa ah chuan a mu nghal a, a palian ropui si, sofa hi a khat vekin ka hre mai.




"I ei tur leh i inbualna tur buatsaih chak a phili hmeichhe tam tak an awm alawm" ka tilet ve kher.




"Mahse nang chiah hi chumi ti tur chuan ka duh che alawn" tiin a ban chu kham in min rawn nuih a. Eng nge maw a hriat le?




"Chuan Denna thawmhnaw ka rawn keng lo a nia" a rawn tih leh chuan ka thaw hak.




"I thawmhnaw leisak tur in min ti tihna em ni?"




"Ka thawmhnaw an rawn dah hma a hak tur chauh maw le" awlsam tak chuan a rawn ti a.




"Drew khawngaih in min chhuahsan teh.....min tibuai tawh suh" ka ti a, a tello a nun ka inzir mek a, ka tan thil a ti harsa zual mai mai.




"Awle, ka chhuahsan vat vat che i duh chuan thawmhnaw, chaw leh inbualna chu min pe la" a rawn ti a, thinrim tak chuan in chung lam chu ka pan a, a luhlul bawk si....a chhuak mai dawn lo tih ka hria. Tanny chu pawisa pe in thawmhnaw lei tur chuan ka ti a. Briant ven angai bawk si, kan room ag chuan a inbualna tur ka siamsak ta tawp.





Room a rawn luh chuan khum a mu ka fapa chu a en nghal.
"Inbual la, kal nghal ang che" ka ti a, ani pawh min chhang lovin a lut ve mai. Bathroom kawngkhar ri rak ka hriat chuan ka hawi a, ka mit ka hup nghal. Hetiang hian a ti ve ziah mai, a nui ri nghal hawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:46 pm

BLEEDING LOVE




Chapter-35




"Heyy.....i in anih loh hi, dressing room ah khan lut nghal rawh" ka tivak.




"Briant kha thla eng zat nge anih tawh" nui hawk chuan a rawn ti a, Tanny a rawn lut ve chiah bawk.




"Tanny, hepa hi pe rawh"




"Heihi vest leh boxer a nia, chuan heihi kamis leh kekawr" tiin a pe a, Andrew chuan min rawn en zeuh in a lut nghal.





Ahnu rei lote ah chuan "Denna" a rawn ti a, ei duh lo chuan ka kal hnaih a, ka beng ka dawh nghal. Kawngkhar chu a rawn inhawng thut a, min pawt lut nghal rawk rawk. Kawngkhar ah chuan min nawr bet in ka hmui chu a rawn hup nghal.




"Ka lakah hian zep i nei nasa hle mai" tiin min rawn awm hnaih sauh a, ka thi mai dawn in ka hria, boxer chu alo ha hman hlauh. Ka hmu a hup bawk si, ka thaw tha thei lo.




"Ngati nge min kalsan" tiin hriatthiam harsa zet hian min melh a, a kut chu la thla riai riai in ka kawng ah chuan a rawn dawm a. Chhuah ka tum chuan a aia na in a rawn dawm a, ka zam chhe vek tawh.




"Drew, hetiang hian awm suh.....khawngaih in min kalsan rawh" ka ti bah nawk.




"Hetiang a min siamtu chu nang hi i ni.....chuan ka kalsan dawn lo che......vawi khat mah kha thu kha sawi tawh suh" a rawn tivak a, a hmui chu ka lo hup vat, min la awm hnaih sauh zui. A mitmeng chu a duh raih mai.




"Nilo....nilo....nilo....heihi a dik lo" tiin ka nam sawn a, kawngkhar chu hawngin ka chhuak nghal, ka thaw nghal hawk. Tanny leh Briant chu an lo awm tawh lo, in hnuai ah chuan ka chhuk thla a, sitting room ah chuan an lo awm reng.





"Tanny, Andrew khi thil ei tur lo siamsak la, Briant chu ka lo awmpui ang" ka ti a.




"Ani kha Briant pa em ni?" tiin min rawn en a, ka lo bu zeuh, mi â nileng tan lo chuan hriat loh chi ni hek suh.




"A chhelo hle mai" tiin kal pah chuan min rawn nuih a, ka lo nui ve suk. Ni e....Drew hi chu a pa in a chhelo chiang alawm.. Mahse ka inhnehtir tur a nilo, 'Mafia leh tualthattu'.





Thaw hawk in Briant lam chu ka pan a, a ke alo then lauh lauh mai, ka nuih nghal sen sen.
"Ka naute, mommy i nei alawm tiraw?" tiin ka pawm a, min lo nuih ver ver mai, nuih duh reuh lutuk mai.




"Chuan daddy pawh" ka bul ah a rawn thu tih ka hria, ka buai nghal vek.




"Chaw ei la....kal ang che" a lam hawi chuang lo chuan ka ti a, ka beng bul ah chuan a rawn thaw lum nghal ham ham, ka heh ka lo pet fan fan.




"Thla eng zat nge?"




"Thla....thla thum" tiin ka hlat nghal vat, a bula awm tam hi ka duh lo.




"U Denny, a ei theih tawh" Tanny chuan a rawn ti a, Drew ka en vat, min lo en reng.




"Va ei rawh" thaw hawk in a tho nghal.





Briant diaper ka thlak dawn lai tak chuan dining room atang chuan Drew chuan min rawn au leh a, Tanny chu lo ti mai tura hrilh in ka kal nghal.




"Soup min siam sak thei angem?" alo ti a.




"Dre, Briant buaipui ka ngai, ka hman lo"




"Chu te chu Tanny pawn alo ti thei alawm, a tan thil harsa a nilo" alo tilet ve nghut. Thinrim tak chuan soup siamna tur leh bel chu ka la a, gas ka on nghal. Sual kir-ker lutuk mai.





A so hun ka nghah lai chuan ka hnunglam atang min rawn kuah a, ka ding ngil nghal zawt, ka thawk a rang leh hle tawh.




"Drew, Tanny in min rawn hmu ange" tiin a kut chu phelh ka tum a, alo vuan nghet sauh.




"Denna tun atang chuan hetiang ang a nget hian ka vuan tawh ang che, khawngaih in min ring rawh"




"Aih rin leh che hi ka duh tawh lo, dawt bak min hrilh ngai lo. Heihi ei zo la kal ang che, chuan ka dawhtheihna teh tum hauh suh. A hma a i hriat thin Denna kha ka ni tawh lo" ka tisap, ka tal nghal laih laih, a thlah duh der lo lehnghal.




"Denna, dawt a nilo. Chuan a hma a ka nupui kha i la ni reng" tiin ka nghawng chu a rawn fawp a, ka za nghal vek.




"Nilo.....min kalsan la a tha zawk, ka pa min thahsak tu bulah hian ka awm reng thei lo. I bula ka awm chuan ka hrechhuak reng ang a, chu chu ka duh lo" tiin ka tal leh a, min thlah ve mai.





Sitting room lam ka pan lai chuan door bell a rawn ri a, ka pan nghal vat. Mipa pakhat hi luggage nen hian a lo ding a.
"Ka pi, Mr. Andrew in heihi hetah dah turin min ti a" a tih chuan ka hrethiam lo hle.




"Soven, ka lawm e" tiin luggage chu a la a, a khar zui nghal.




"Heihi eng nge a awmzia?" ka lo tivat.




"Ka luggage"




"Nilo....kan bul ah i awm thei lovang"




"ka nupui leh ka fapa bulah ka awm dawm, thil mak anih lih chu Denna" a lo ti ve a.




"I á tawh anih hi?!"




"Ni e....keimah min hmangaih avang a i at ang chiah khan....chuan khatiang tur khan ka siam leh dawn che" inringtawk tak hian a ti a. Thaw hawk in Briant te lam chu ka pan a, amah chu pawm in room lam ka pan pui nghal. A luhlul lutuk tih chu kei aia hrechiang an awm lovang. Ka hnaih loh a, ka biak miah loh chuan a kal ve mai ang.





Ka nu in Briant thawmhnaw tur min rawn thawn teuh a, 'Ka tupa in a ha lai ka hmu duh' a tih deuh tlat avang in Briant chu ka haktir zung zung. Hetiang a tih hi a ning deuh thin a, tap chung a kan lak pawh a tam thin. Mahse vawi in chu a tap miah lo, ka nuih suk.





Kawngkhar inkik ri ka hriat chuan lut turin ka tivat, kawngkgar lam ka en chu Andrew alo ding reng, ka thaw nghal hawk. He mihring hneh ah hian engmah sawi tur ka hre lo.





Khum ah chuan a rawn thu ve a, Briant chu a en char char.
"Min chhun hle mai"btiin a rawn nui seih a, ka nuih a tiza reuh lutuk mahse ka insum hram hram a ni.




"A mut a hun tawh, min lo va chhuahsan rawh" ka tinghut.




"Denna, ka fapa bul ah hian awm hrih ka duh" tiin thut thleng lam a pan a, engmah ka sawi duh ta lo. A fapa nen then hrang tur hian dikna ka nei lo.





Khum ah chuan mu in Briant chu ka zaisak a, zaisak hian a muhil hma zawk a, ka fapa hi chu a mak reuh a nia. A mutthilh chian hnu chuan Drew lam chu ka va hawi a, a lo muthlu a, ka khawngaih reuh lutuk, a ri lo chuan ka nui suk.




Pan hnai in a sam chu ka tawk de de a, a rawn meng siar siar.
"Khum ah sawn va mu rawh" ka tisup.




"Ka lawm e" tiin a rawn tho a, ka kut ah chuan a rawn vuan nghal. Khum lam ah chuan min kai phei in a chung ah chuan min muttir a, ka lo tal nghal vak.




"Denna rei lote.....rei lote chiah" ril ruih hian a ti a, ka inthlah duh ve riai riai. Hetiang a awm hi ka chak thin, ka mipa hmangaih ngheng chial a mut hi. Mahse rei lote chauh ka thei, rei tak hetianga ka awm reng chuan engkim theihnghilh in ka awm hken duh mai ang. Muangchang chuan ka mit chu ka chhing nghal riai riai.





Ka harh leh chuan keimah chauh in ka lo mu tawh, ka mu rei viau a ni ngei ang, Briant pawh alo awm tawh lo. In hnuai ah chuan ka chhuk a, sitting room lam chu ka pan nghal, ka thil hmuh avang chuan ka ding chawt. Andrew chuan Briant hi alo pawm a, an lo nui ker ker mai, an hmuhnawm tak zet. Drew hi chu engtik ah mah ka hrethiam ngai dawn lo anih hi.!!





Zan a kan mu tur chu Drew chuan kan room ah chuan min rawn zui ve a
"Eng nge tih i tum?" ka lo tivat.




"Ka mu dawn" alo ti awlsam et mai.




"Hetah nilo, in hnuai ah"




"Denna, ka fapa bul a mut ka duh"




"Aih i thei lo......" ka chawl dat.
"I duh chuan thut thleng ah sawn mu mai rawh" lu thing nghut pah chuan ka ti a, ka hnial hneh leh dawn lo tih ka hria.




"Awle, a tha alawm" alo tive mai.





Ninght dress ka ha zo room atang ka chhuak chu Drew chu Briant bulah alo mu a, ka pan hnai nghal, an lo muhil reng. Pafa in chhun tak an ni......ka nuih hak







Ka edit hman lo aw.....lo chhiar pawp pawp mai ru🤫🤫🤫
👇👇A hnuaia ads khu min lo click sa ve hrawm dawn nia, khawngaihin 💚

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2021, 2:46 pm

BLEEDING LOVE




Chapter-36





Thut thleng lam chu ka pan a, an pahnih sawn mu mai rawh se. Drew pawh a fapa hlat turin ka tingawt thei lova, chutiang chiah chuan Briant pawh a pa lak atang ka la hrang thei lo. Drew chu a ning hun ah a haw ve mai ang, hna a nei bawk nen, a awm reng thei dawn lo tih ka hre ve kar, ka buai tam peih ta lo lawh lawh.





Ka taksa chu a kang riai riai a, taksa lum na in min ur nghal ham ham bawk
"Luhlul lutuk" tih ri chu ka hriat hnuhnung ber a ni.





Zing ka harh chuan mal lian zet hian min lo delh a, ka na vek in ka hria. Andrew maw!! Ngati nge hetah a mut?? Oiii.....nilo.....Ngati nge kei hi ka lo mut zawk??! Briant chu ka en a, alo la muhil tui lutuk.





Muangchang chuan Drew malpui chu dah sawn ka tum a, oooiiii......a che eih lo. A lian ropui si.....hetiang te chuan ka thi mai dawn asin. Ka beidawng lutuk chu amah ka en tawp ringawt.





A lo cher hle mai, a biang chu ka tawk de de a, ka tap mai dawn in ka hria. Khang hunlai zawng zawng khan ka mal ngawih ngawih a, he mipa lian leh rilru vawt zet hi ka ngai em em thin. Ni khat tè pawh amah ngaihtuah loin ka awm ngai lo. Amah avang hian dam reng chunga thi an tih chu ka hrethiam chiah. Ka thil ngaihtuah thenkhat ah chuan ka tah a tichhuak a, a then ah chuan ka hlim thung.





A chal ah chuan ka va fawp zeuh a,
"Denna ka ngai che" tiin Drew chuan min rawn kuah thut a, engkim kha a hria tihna em ni? Nilo....a hre tur a nilo.




"Drew, min thlah teh......a hrehawm" ka theih tawp chuan inthunun ka tum.




"Chu chu i thinlung a nilo"




"Nilo.....chu chu ka thinlung dik tak a ni, min kalsan la tih hi ka duh ber. I bula awm hi ka duh lo, tualthattu nupui nih hi ka duh reng reng lo" ka theih anga na chuan ka nem a, tlem chuan a rawn thlah dul deuh a, amah ka en theih nan ka hmai zawn ah a rawn awm nghal.




"Briant i tiharh ang" a rawn tih chuan Briant ka hrechhuak zawk. Min kuah tlat bawk si, ka en thei lo.




"Denna i pa ka thahsak che avang khan min ngaidam rawh" ngenngawl zet chuan min en a, a thutak zia ka hria. Mahse tun hun chiah hi a ngaihtuah a ni........Mafia boss nupui nih ka duh lo tih min hriatsak miah lo, ka mittui chu a rawn tla a. Drew hmel chu a rawn buai nghal vek, mahse eng nge a chhan ka hrethiam lo.




"Denna min ngaidam thei lo em ni? Nge i duh loh zawng sawi ka nei zawk?" a rawn ti a, ka lu ka lo thing vak.




"aih.....nilo......Drew nang chuan tun hun chauh i ngaihtuah, kan nakin hun tur i ngaihtuah lo. Kan pahnih inkar ah hian thisen a luang hnem tawh lutuk, hei hian kan pahnih bak natna min thlen lo. Briant chu ka thiam loh a ni a, ka duh vang a ni. Keiman ka enkawl thei, ka inneihna hi tuman an hre lova, haw la nun bul tan tha rawh. Briant leh kei chu kan tha" ka ti a.




"Denna, in tello chuan ka nung thei lo"




"Aih.....ka chung a i inthiam loh vang anih kha, inthiam loh na chhan tur i nei lo a nia, ka ngaidam tawh che. Eng thil pawh hi hmangaihna nen lo chuan a kim lo" amah chu nem in ka tho zui nghal. Bath room ah chuan lut in ka tap nghal zawih zawih.





Tun ah pawh hian let leh mah ila, thisen chhuah chu a tawp dawn chuang lo. Ka fapa hi thisen kara a seilen hi ka phallo bawk. Drew bul a awm chu ka duh ngei alawm mahse kan pahnih hi chuan inkawp tur kan ni ve lo.





Ka inbual zo ka chhuak che Drew ka hmu tawh lo, ka phone chu la in, ka nu ka call nghal vat.
"Morning, ka fanu" a rawn tinghal vat




"Nu, Drew hi ka awmna i hrilh a mi? Engtin nge min rawn hmuh theih?" ka ti a




"Anih kha i hmangaih a ni lawm ni? Heihi i tan a ni"




"Nu, heihi ka tan i tih angai hleihnem. Ni e.....i sawi dik, ka hmangaih alawm mahse a tello pawh hian ka hlim alawm"




"Nu hian fate thinglung chu kan hai ngai lo Bawihi, ani kha ka ngaidam tawh. Ka hma ah ngei thingthi in ngaihdam min dil a, a thil tih te kha ka theihnghilh sak tawh, kha chu nun hlui mai a ni tawh. Tun ah chuan ka fanu i duhdan khan kal tawh rawh" ka nu chuan a rawn ti a, chutuang chuan Drew chuan a ti tak tak maw?! Ka nu hian dawt a sawi chu ka ring silo. Mahse ka nu hian a chanchin kimchang a hrelo a ni, mafian boss a ni tih hi Matt takngial pawh ka hrilh lo.




"Ka hrethiam e....ka lawm lutuk e, ka nu" tiin phone chu ka off a. Hetah hian Drew hi ka awmtir reng thei lovang, ka tan thil a ti harsa mai mai. A hmel ka hmuh ringawt pawh hian min tibuai tawh a nia.





Breakfast kan ei lai chuan thil sawi tum a ka tawng tur chiah chu Drew chuan
"Tanny, vawiin chu Briant hi min lo awmsak thei angem?" a rawn ti a, ka bo hle.




"Engvang in maw?" ka lo tihu...




"Kan pahnih in kan leng chhuak ang"




"A teuh lo, ka chhuahpui hauh lo ang che" ka tivak




"U Denny, va kal rawh u...... Briant chu ka lo awm ang, thil harsa a ni hleihnem" nui suk chung chuan Tanny chuan a rawn ti a, Drew ka en leh chuan alo nui vur vur mai, ka thin an tirim tlat.




"Hetiang a chhuahpui a min sawm lo hian he in hi chhuahsan vat vat rawh" ka tinghut.




"Awle....ka hrethiam e....naktuk ah ka haw ang. Mahse vawiin chu ka ni tawp ber anih ang in min chhuahpui la" a ti a, eng hi nge a ngaihtuah le? Mahse naktuka a haw nghal dawn chuan a tha e.




"A tha alawm" tiin ka tho a, in chung ah chho in ka insiam nghal. Kawrfual grey rawng chu ha in sandal chu ka bun leh tawp. Fa ka nei tawh a, inchei vak ngaiin ka hre lo. Hah!! Ka thil ngaihtuah mai mai chuh, ka innuih suk.





In hnuai ka chhuk leh chuan min lo nghak reng tawh, suit ai chuan hetiang a casual deuh deuh hi a inhmeh ka tizawk. Tanny chu thil ka chah deuh luam a, Briat ka hlatna hmasa ber tur a ni a, ka hlauthawng deuh.





Drew nen chuan mall ah kan kal a, hmeichhe ho in an enduh em em lehnghal, ka lo thinrim ve ringawt zui. Jewelry dawr ah chuan ka duh lo chung min hruai a
"I duh thlang rawh" a tisup. Ummm......a tha alawm, thil min leisak duh na na na te chu!! Ka enkual fe hnu chuan thi sin tè, a locket pawh diamond tereuh te hi ka kawk a




"Heihi ka duh" ka tisup.




"A tha e" tiin pawisa chu a pe a, a to phian lehnghal. Thi chu la in min rawn pan a



"Eng nge tih i tum?" hlauthawng tak chuan ka lo ti a, a nui hawk.




"Lungngai suh, ka ei zo lo ang che. Awrhtir che chu a pawi lo ang tiraw?" a ti deuh kher a, ka lei ka lo chhuak vak.





Khawi khawiah emaw kan kal leh teuh a, ka ke a kham lutuk. Mi tamna a awm hi ka thei lo, zan ah ka chau leh ngawt ang. Drew nen kan thutna atang chuan ni tla tur chu a lang chiang hle......kha tlai hnuhnung ber kha ka hrechhuak zawk.




"I kal bo hnu khan min ngaihtuah ve thin em?" a rawn ti a.




"Aih ngaihtuah lo, ka duh vanga kalsan che alawm ka nih" ka tih chuan a rawn nui hawk.




"Kei chuan nitin ka ngaihtuah thin che" a rawn tih chuan ka en vat, a hmel chu a thutak hle bawk si.




"Achhan min zawt dawn lo a mi?"




"Chu chu ka tan a pawimawh lo" tiin ka hawisawn nghal a, mahse ka hrechak lutuk hi ka â lo chauh.




"A chhan chu tu emaw lak a ka luangliam vang a ni" ka la hawi duh chuang lo, ka tah a chhuak hle bawk.




"Chu nu chu a vannei hle mai, mipa hausa leh hmeltha tak hmangaih a ni thei bik a" tiin ka nui suk, ka aw chu ka rin ai daih in a zangkhai.




"tu nge anih i hria em?"




"Chu chu ka tan hriat a tul hleihnem, mahse i hlimna hi ka duh ber. Briant leh kei chu kan tha a nia" ka tisup.




"I hre lo tak tak maw?? F**k Denna.....nang....nangmah hi maw le" thinrim tak chuan a rawn ti a.




Min rawn pan hnai in ka biang ah chuan a rawn dawm a, ka hmui ah a rawn fawp nghal zeuh
"Denna, i hnen atang hian thil tam tak ka zir a, ka tan chuan ka khawvel entu i ni.......ka hmangaih che, Wifey" a rawn tih leh chuan ka mittui chu a rawn tla hawk. He mipa rilru vawt lutuk hian min hmangaih maw!!? Ka awih thei lo zawk!! Chuan tun ah khan 'Wifey' min ti.




"Ka nupui, ka ta chauh i ni. Denna khawngaih in ka bulah lo let leh rawh, ka rual in, Briant te nen" a rawn ti leh a, sawi tur ka hre mai lo. Mahse 'mafia' tih ka rilru ah a rawn lang nghal.




"Aih....aih....aih Drew, mafia boss nupui nih ka duh lo" ka tibah nuai. Drew hmel chu a rawn inthlak hlawk, leh lam chu hawiin ka hmui chu ka hup a, ka tap nghal, ka insum thei ngang lo a ni.





A ngawih reng hnu chuan
"Thil engkim hian hlutna a nei i tih thin kha" a rawn ti a.




"Ngaidamtu nihna nen a nung turin min ti a, chuan Denna kei hi misual ka ni, ka pa ngei pawh kei hian ka that a ni. He gang hi ka pa thil min hnutchhiah awm chhun a ni a, ka thlah thei lo a ni" chuai raih chuan a ti a. Tun ah hian ka rilru a buai tak zat, ka mipa hmangaih hi ka chan phal bawk si lo. Mahse ka nei anih chuan sualna nen ka nung dawn si....




"Ka tan pawh hian i thei lo maw?" ka ti a.




"Ka tihpalh a ni" ka heh chu ka pet fan fan, ka ngawih vang vang hnu chuan thaw hawk in Drew chu ka en a




"A tha alawm, kei leh Briant hian kan zui ang che. Mahse heihi Drew min tiam rawh, nang chuan tumah i that tawh ngai loang tih hi" ka ti a, amah chu ka en char char.





Ka hma ah hian thisen nen ka hmu leh loang tih ka sawi thei lo. Police ten an la man lo ang tih pawh ka hre chuang lo. Mahse nitin hian mihring te hian kan thihna lam tur kan pan a, hemi hun chhung rei lote ah hian ka hmangaih nen hian hlim tak a awm ka duh. Ka hma ka sial tih chu ka hria, hremna tawk tur pawh in ka inpeih reng mahse he mihring hi ka kalsan thei lo a ni. Hmangaih te nen chuan sualna nen kan nung pauh aniang chu!!





"Ka tiam a che, chuan i kut hi ka thlah ngai bawk lovang" a rawn ti a, ka lo kuah nghal vat.




"Hubby, ka hmangaih che"




"Keipawh in" tisup in ka hmui ah chuan uar zetin min rawn fawp a, ka lo chhang let ve nghal. Tun atang chuan a hlim ni ah ka hlimpui ang a, a lungngaih ni in amah hmen turin ka awm reng tawh ang.




Zungbun min rawn bun tir pah chuan
"Ka ta, ka ta chauh i ni tawh" a ti a, ka lo bu nghauh nghauh.





A tuk ah chuan kan haw nghal a, Tanny hian chhungte a neih loh avangin ka hruai ve a, ani pawn a hnial hran lo.

In kan thleng chu Leavy chuan min rawn kuah vat, henu te pawh hi ka ngai lutuk
"Denna, ka ngai lutuk che" tiin tah a tum a, ka lo nui hawk




"Keipawn ka ngai che, Leavy" ka lo tive a, Drew in Briant a pawm a hmuh chuan a pan nghal.




"Wow!! Ka vahpa.....oooiiii nilo....vahpa ka nei ve tawh a nia" tiin a rak chel chul a, an inkawm tawk khawp ang. Briant chu a pawm a, a duhawm thu leh a duat tur thu chu a sawi cham chi mai.





After 1year




Kan let atang kum khat a liam ta. Drew bulah hian ka hlim a, ka thla a muang em em bawk. A intiamna ang ngeiin min a that tawh ngai lova, ka hlim hle bawk.




Ka fapa Briant pawh kum khat a tling ve tawh a, kal a zir tan mek hian min tibuai thei lutuk. Mahse Tanny, Celia leh Leavy an awm a, ka buai tam lo mah zawk. Drew hian zan ah leh hna a chawlh chang chuan a buaipui chawt bawk. Chuan tun ah hian naute thla khat mi ka pai mek bawk.




Phul a Briant kai a ka kal mek lai chu Andrew chu Andrew in min lo thlir reng chu ka hnu a, kut alo vai zeuh, ka lo nuih sen sen. Kan lam pan chuan a rawn kal a, heihi ka mipa hmangaih chu a ni. Min ngaihzia lantir hi a hreh ngai lova, a hman pawt chuan engkim ah min awl zel thin, ka hah deuh chang a min tihahdamtu chu a ni.





Ka pasal hi ka nun a ni a, ka fapa leh ka pum chhung ami te hi ka rohlu an ni. Ka khawvel thil neih hlu ber te chu!!




Kan bul a rawn thlen chuan Briant chu rawn pawm nghal in, ka hmui ah chuan a rawn fawp a.

"My sunshine" a tisup.


"My bleeding love" ti a nui suk in a chal ah chuan ka fawhsak zeuh.







Ka story ziah hmasa ber 'Bleeding love' chu a tawp ta der mai. Ka ziah chhung zawng a min phatsan lova min lo chhiarsaktu zawng zawngte chung ah ka lawm e. Comment tha tak tak min hnutchhiah tute chung ah pawh ka lawm lutuk. Dik taka sawi chuan nangni tello chuan he story hi ka ziah puitlin theih hi ka ring lo a ni, huaisenna min petu te in ni ka ti lo thei lo cheu. Nakin ah story dang nen kan inhmu leh vek dawn nia.


A last na te a ni sia....min lo comment sak vek ru aw....silent readrrs te pawh kha....khawngaih in😘😘😘


*** KAN WEBSITE A FAKNA LAM THIL MILEM LANG THIN I LO HMEH ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)