With you 2 by Shalom.khawlhring

Episode nei ho a hlawm a dahkhawmna
Shalom.khawlhring
Posts: 12
Joined: November 28th, 2021, 3:37 pm

With you 2 by Shalom.khawlhring

Unread post by Shalom.khawlhring » December 1st, 2021, 7:34 pm

With you
Chapter 2 by Shalom.khawlhring
#collegelove #lucas_Lalrinawma
#Shalom_Lalruathlui





"Misualpa?"!!! Ka ti chhuak sep a


"Min bia em ?" Tih pahin Nui chu hnung lam a lo hawi a, lu ka lo thin khum.




Kan misualpa hi Tinge tah a awm le? Nupui a nei tawh ngei anga, fa pawh a nei tawh zawk mai thei. Mahse tlangval an ti bawk sia, an hriat sual pawh ani ve thei tho. Chuan hetah....ka hmuh theih ah a rawn inlan leh a, ka hmuh hmasak ber ni a keimaha effect a neih ang kha ala nei reng bawk.... hmeichhe dang kut a vuan lai ka thlir thei angem?....a chhan na chu 'AIH' ka theilo!




"Ana lutuk" tu emaw in ka kuta a rawn sih (sik) vak chuan ka au chhuak that. Class chhung ami zawng zawng chuan minlo melh thup anih chu!


Ka ngaihtuahna ka lo kawm nasa mah mah ni tur ani. "Self introduction i nei lawk dawn em niang?" Rawn ti thum dut tu lam chu ka hawi a, min lo melh run mai. Chet mai nachang ka hrelo.


"Eki, tho ta che " tih pahin Din'n ka hnungah min beng thlawp. A beng na hrep lehnghal...



Muangchangin ka tho a, kan 'misualpa' lah chuan min melh ngur lehnghal. Min hre reng tih a mit meng atang sawn ka hre bawk.



"S..sh...Shalomi Lalruathlui." Ka ti bah nawk nawk.
"Ok...Shalom, you can sit now" ati sup a, 'Inla cool vel lutuk' ka rilru chuan ka ti hman hram.....ka thu ve nghal mai. Class lak chhung zawng chuan chik deuhin ka lo en a, ka lam a lawi hawi lai chuan ka hawi san daih zel. A english lam lah chu a mawi kher lehnghal!


*

"Eki , vawiin hi enge i hriat a" tih pahin Nu'n ka darah min rawn sawi a, college canteen ah kan awm mek a, rilru ka lo kawm nasa lutuka min biakna ka lo hre lehpek lo. "Enge" ka lo ti hu... "Enge i ei ve dawn" a tih chuan "In ei ang ang kha ka lo ei ve ang, engmah pawh ka ei chaklo " ka ti a, mak min tih hmel tawp.


A chhan chu eitur ka hnar ngai miau lo. Kan thianho ah ei ka thei bera ka te ber thung. 'I thil ei hi khaw nge a kal thin ang le?' An tih khawpa ei thei kha ka ni miau , mak ti pawh ni se a awm tho. Kan misualpa vang vek kha lawm...ka thil ei chakna a bo vek.



"I damlo ami?" Tluang'n alo ti ta reng a, ka thil ei peihlo chuan a thawng hlawm viau hmel....
Nuih hak pahin ka dam that thu ka hrilh a, an ngaih a that ve hmel deuh.



Kan thianho hi têt tê atanga inkawm tawh kan ni a, kan inhre chiang hlawm viau , ka nih tum ka thlak phah thak khawpa ka kawm ngeih leh ngaih pawimawh te an ni a , kan tan an hlut zia hi tawngkam hian a sawi fiah zo kher lo ang!



Mi ngawichawi tak ka ni lem lo a, thawveng lam ka pawh mah zawk mi hlim thei tak ka ni a, khawvel hi nuam ka ti viau bawk. Mahse ka thiante leh chhungte bulah lo chuan ka ngawichawi viau thung. Min hrechiang lo chuan ngawichawi min tih phah fo reng bawk.




Kan eitur order kan nghah lai chuan Zonuni thaw hlawp hlawp chungin alo tlan lut a, a hmanhmawh hmel em em mai lehnghal!


Kan bul alo thlen chuan a hah hmel viau , kun chungin a khup a dawm a, a thaw halh halh bawk. A hahdam deuh hnu chuan chair ah ka thu thla a, min melh kual ralh ralh hlawm.


"Kan prof. thar chanchin ka hre kim vek tawh " rawn tih chuan hahthlak ti fe in ka lo chet tlat tlat. He thil sawi tur hian a rawn tlan hah ve em em chu ani sia.
Hmeichhe ho chuan an thut hnaih sap sap a, mipa ho erawh chuan "naaaa" an lo ti dual a, ho an tih hmel khawp mai.



"Sawi vat teh" Zodin'n a tih chuan aw thian kharhin min melh kual leh te te phawt a, an thinin a tuar lehpek lo. "Zonunsang khatia result puang tur anga awm vel kha a ngailo sawi tha rawh" tih pahin Hmunsiam'n Zonuni darah a beng pop a,
"Ana lutuk, ka sawi dawn reng" tih pahin a ban a tuai vut vut.



"A hming chu Lucas Lalrinawma Chawngthu ania, Kum 30 ani mek, chuan USA ah doctorate degree nei tura zirin a zir chhuak a, awmzia chu 'Prof. Dr. Lucas Lalrinawma Chawngthu' a ni tihna a nih chu. Chuan Chawngthu hotel saw an ta ania, IG ah pawh @lalrina tihin a indah " a ti zat zat , a duh naah hi chuan a fing ania.

"Avan upa reuh, ka rinai daihin a upa" Din'n a tih chuan

"Upa mahse a chhelo tho alawm" Hmunsiam'n alo ti thung. Hemi te ho lerh zia hi chu.

"Class lak lai te khan ka en uluk rap, a chhelo chiang alom ka star dawnin ka hria" Nu'n a tih chuan

"Chi nang tu emaw rilru alo na palh ang" Lawm'n alo ti zeuh a, a sawi awmzia kan hriat vangin kan khi tha hlawm mai.


"Keichu class lak lai khan luangliam fâl deuh kan awmin ka hria" tih pahin Dini chuan mitmeng chimawm zet hian min rawn melh a, an lo 'ehh" dual mai, hahthlak hlawm hian.


"Teuhlooo mai" ka ti chiam ringawt.


Ruatpuia lah chuan "Self introduction pawh i pek that theih loh kha, i tih dan" tih pahin a ding hluai a "s..shalom...lalruat..hlu..hlui" tiin ka tihdan a zir vel a , nghal lutuk...
Ka bulal paper chuan ka vawm nghal pawp a, alo in dang hman hram!!


"Dik chiah Kan Sir dangte bulah khatiangin i awm ngailo" Laljohna pawh chuh... min hrechiang ka tih tawh kha , ka mitmeng atangin an lo hrethiam leh vek anih hmel.

*

"Nghah pui i ngailo tak tak maw ?" Dini chuan min ngaihtuah hmel deuh hian ati a, "Naupang pawh ka nihloh hi kal mai mai teh u" ka tih chuan an kal ve hram.


Ban a hun tawh a, u Tete'n min lo nghak rawh a tih tlat avangin ka thiante chu min lo va haw san turin ka hrilh hlawm a, ka scooty erawh Tluanga ka khalh haw tir thung.


Ka phone alo rik chuan ka en vat a U Tetea alo ni a , ka chhang nghal.
"Naute , ka hman tep aw" ka lak rual rualin alo ti nghal
"Nge minlo nghak rawh i tih kher a, nidangah pawn nangmahin i haw fo sia" ka tih chuan a nui suk thawm ka hria.
"Thil tha deuh " tih zawnga min chhangin phone a off daih...ka hmui ka ti pawrh vak ringawt.



"Shalom"

Chu aw (voice) ka hriat rual chuan ka khawng vekin ka hria. Muangchangin ka beng bul atangin phone ka la thla a, hnung lam ka la hawi chuanglo.
Ka taksa mur chuai chuai leh za chuai chuai atang chuan ka lam panin alo kal tih ka hre thei. Hnung lama ka inher rualin a awmah ka la intauh zui.


Kei ai a san miau avang in a hmel en turin ka dak chho vah a, min lo melh chhuk ngur anih chu!


Kan mit a intawng siah bawk, ka tek chhawk in ka hria , rang lutuk in hnuai lam ka bih nghal a, a kiai deuh suk chu ka hmu hman tho.


Min si lo chauhin a rawn ding a, kan in din hnaih lutuk chu thawk pawh ka thaw tha ngamlo.
A huhang na zet hi ka zo lo ani ber e.


Tlema din hlat deuhin a hmel chu ka en a, ni e, a tha chiang alom a hnar ngul sang vah leh a mit khur thuk lam mah te chuan a ti lang pa zual a, a jawline mawi lutuk te leh a bek vela hmul to siar siar te chu a inhmeh ngawi ngawih. A nuih changa a mit vun chuar kal phei raih thin te hi minti luang lam thin tu ngei kha ani bawk.


"Ka hmeltha tir chu ka hre tho a mahse, thlir ngawih ngawih tham ka ni tih ka in hre miahlo" a thu sawi vang chuan ka harh chhuak zawk a, nuihza insum hmel pa lutuk in min lo melh ngur anih chu!


Ka aw thian kharh kharh pahin hmun dang ka melh kual nghal ruai a , nichin khan ka lo en char char chu niin , ka van zak tak.


"Ah....ih...ka kal phawt ang" tih leh inher ka rual, a bulah ka awm reng anih chuan ka thi dang thei takngial dawn.


"Maw?" Ka kal san tur a thusawi vang chuan ka ding dat. Muangchain a lamah ka inher ruai ruai.


"Ka zawng nasa lutuk che, khami ni khan nilengin ka lo nghak che tih i hria em, hah....i hre tawp nang tiraw, ka lo nghah lai che khan nang chuan min bumin i kal bo miau a" a thusawi chuan min thawng ani tawp mai, kei chuan ka bum amaw...hah...bum tu zawk hian bumtu ah min chhuah anih chu!


Ka thinrim lutuk chu kut ka hum ruh ngawt ngawt a, țullo lutukin ka tah a rawn chhuak ringawt bawk.
A mah chu din daih in ka mit ah tak chuan ka en a , ka nuih nghal sak bawk. "Hetah hian eng ti tura rawn kal nge i nih tih leh i thil tum ka hrelo a, ka ngaihsak bawk heklo chu vang chuan in hre ngailo ang awm ang" ka thusawi vang chuan a in hum ruh ngawt ngawg tih a beka thisen zan rawn pawng țawlh țawlh atang chuan ka hre thei.

"Hetah kei min rawn ngaihsak lo hian i nupui leh i fate ngaihsak zawk la a that ka ring. E chuan, nidangah i nupui nen in intithiamlo anih pawhin runluih nan hmeichhe dang hmang tawh suh, an thinlung iti keh chhe vek thei tih hria ang che" ka ti ve sak.


Ka thusawi hriatthiam loh hmel fe chuan "Nupui " ati chhuak sup. Hriatthiam loh hmel taka a awm te saw ka haw ngawih ngawih. "Ni e, i nupui anih chu ka sawi , chuan ka lakah beisei i la nei anih chuan chu i rilru chu peih bo rawh , bum tu min ti a tiraw , hah...kan pahnih hian bum tu chu kan hre chiang ni lom ni? Professor" ka tih chuan a hmel chu a rawn rum zual sawt a. Mak tak maiin ka hlau miahlo bawk.



Tawng tuma a an zuai lai chuan ka phone alo ri hlauh a, ka lawm zia hi sawiin a siak lo ang. Ka beng zawna ka phone lek kang zeuh pahin , "Anih phawt le , Professor" tih leh inhera kal ka rual nghal a, ka kal sawn vat lo anih chuan ka tap chhuak thei takngial dawn.


Ka mittui lo luang thla chu dan tumna pawh ka nei lo, rang zetin washroom lam ka pan hlawk hlawk a. Washroom ka thlen chuan washroom chhuatah ka țhu thla hnawk a, tah chhuah hlau lutukin ka insut nghal hlawp hlawp. A nupui hualin amah runluih nana min hmann thu leh kalsan turin min hrilh anih kha. A hunlaia ka zahna leh ka natna kha a rawn kir leh ni maiin ka hria.



Ka hmaih phihin washroom ka chhuah san a, ka phone alo ri ve chiah. "Hello" ka ti chhuak sap.
"Naute, keimah khawnge i awm ?" A rawn ti lang lang a
"Washroom ah ka kal lawk a, ka lo kal" tih leh phone dah ka rual a, thaw hakin 'Shalom, iti thei' tiin keimah leh keimah ka infuih a, bumtu vangin ka tlu hlen tur ani lo.


U Tetea bul ka thlen rualin ka nui lui var var a, 'muangchang tawhlo in kan tlan chhuak ve nghal.


"Enge thil tha deuh chu?" Motora kan chuan lai chuan ka ti sep a, thil tha deuh ati anih kha, ka lo theihnghilh daih.


"Min zawt har tawh ka ti rengah" tih bakin box hi minlo pe a, 'inah i open dawn nia' a ti deuh tlat lehnghal, eng tak ni ang maw.

*

"Engtikah maw ilo haw dawn" Din'n a tih chuan

"Kar leh friday hi ka tum deuh a" Zonunmawi'n alo ti thung a, Dini chu a rak chul mai.

Group video call kan nei a , Zonunmawia hi shilong-ah college a kal vang hian hun awl kan neih chuan kan video call ziah a, a lunglen kan hlauh vang ani pakhat.

"Zonunmawi, thil tete kha aw" Tluangtluang'n atih chuan.
" Apa in min lo hruai dawn a, theihloh mai thei" Zonunmawi'n alo ti thung.

Ruatpui'n a nghal a lo chhuah lehpek. " 'Apa' te ti"tih pahin a nui vak vak a, midang pawh kan nui tho

Lalruatpuia hi chuan Zonunmawia fiam hi nuam ati ve hrim hrim. High school kan kal lai pawn an inhnial reng a, an in kawmngaih ber tho.


"Lalruatpui, thil ka lo hawn ve miahlo ang che" pakhat in alo ti thung.
"Shalom, iva ngawi chawi ve a zanin hi" John'n alo tih chuan "Tihian in thusawi ka lo ngaihthla ang" ka lo ti a.

"A bialpa a ngai nih kha" Hming'n alo tih chuan an nui vek. Bialpa ka neilo tih an hrechiang em a.
"Hminga, i bialnu ve kha tinge a, in inbiak leh tawh loh?" Lawm'n a tih chuan
"Aaa, kha nu ka chu ngaihna awmlo 'ka duh che' tih pawha ka lawm e, ti chi ang kha ania" tih pahin a nui vak vak a, amah ber chu nuihza ah a tang.

"In mawl emai , ti hi chuan Nupui pawh in hmu zo lo ang" Zodin'n a tih chuan an duhlo hlawm khawp mai
"Ve lutuk a, ka nupui neih ni ah pawh kawr thar i nei velo ang" Hming'n alo ti thung a, an inhnial zui leh chu ani der.


Phone kan dah hnu chuan khumah ka mu meng kur a, 'min bum' he thumal ngawt hi ka rilru ah a awm , 'min bum' ati anih kha. Khumah chuan ka thu chhuak leh hlawl thin , ka thinrim tih ngaihna hrelo ani ber ang chu. Ka maimitchhin apiang in misualpa hmel kha ka mit thlaah a rawn lang ziah leh nghal!


He Lalrinawma nen hian kum 2 kalta khan kan inhre daih tawh. U Sarah-i ka first cousin awmpuiin kum khat dawn USA ah ka awm a, chu ta tanga inhria chu kan ni bawk. Zingkarah Kan awmna vengah a rawn tlan țhin a , ka star thei lutuk , amah vangin hma tawkah ka tho a, ka room tukverh atangin ka thlir thin.


Tih palh thil thu tak meuhin a sana ka tih chhiat sak a, mahse a pawiloh thu min hrilh anih kha. Kha mi tum atang khan kan inpawh ta deuh a, mizo ve ve kan ni bawk a, inkawm ngeih a awl khawp mai. A zing walk a lo peng kawi thin a, amah hi a polite em em a, a zahawm khup mai bakak a thil tih engkim hi a dik thlup a, a bula ka awm hian thlamuan riauna kan nei bawk.


Engtik atang khan nge ka hrelo keimahah duh alo piang a, min duh ve thu min hrilh zana ka hlim zia kha ka ngaihtuah let țhin. Khawvela hlim ber ang hialin ka inngai thin a nih kha. Thla thum dawn chu kan inkawp a, khang thla thum chhung kha ka nuna ka hlim lai ber ani.


Mahse, nikhat chu hmeichhe pakhatin min lo bia a, min hmuh a duh thu rawn sawi a, tunge a nih ka zawh khan 'Rinawma nupui hual' anih thu a rawn sawi a, kha thil ka hriat tuma ka nat zia kha. Chu nu nen chuan kan inhmu ta ngei a , Aruati anih thu te a sawi a, tihian min hrilh anih kha. 'Tunlai kan intih thiamloh lai ania, min runluih nan a lo hmang che anih kha. Thla lehah kan innei dawn a, i nat lutuk loh nan ka hrilh che anih chu, khawngaih takin kal san rawh' a ti anih kha. Ka rilru nat zia kha. Ka kehsawm vek a, mu leh mal nei loin ka awm deuh reng anih kha.



Kha mi ni la la khan USA ka chhuah san nghal a, Rinawm' n nilengin ka lo nghak che a tih chhan kha ka hre miahlo bawk!


To be continue....





(Chapter 3 atanga last thleng kha long story and episode tihah khan a awm a, min lo va view sak zel dawn nia😘)

A thui ve deuh tawh em...Chuan zan khat danah dah kan tum dawn nia

Ka story minlo chhiar sak avangin ka lawm e minlo chhiar sak leh zel dawn nia.



Chuan adds click kha aw😘



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)