VE RUP MAI NA! BY Pie Sangtei (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: VE RUP MAI NA! BY Pie Sangtei (Completed)

Unread post by Ngaia » October 2nd, 2022, 10:58 pm

Ve rup mai na! Chapter -49

By Pie sangtei










Zankhua in a pang tilum ngheng in ka mu a, ka khua a sik leh a hlauh avangin a muhil ve pawh in ka hrelo min veng zankhua a ni berin ka hria




Hna a kal dawn chuan ka loh mai a duh thu a sawi reng a, kal lo tur in ti ila chu a kal lo chiang viau in ka ring mahse nachhe maimai ani a, hna a thulh phah na tur atan a hman tham ani a ka hriat loh avangin kal turin ka ti lui ve thei hram a



Nileng chuan a khat tawkin min rawn be reng a, ngaihtuah ka ngaih loh thu ka hrilh pawn a hnu lawk ah minlo call leh nghal zel a, heti tak a min ngaihtuah tu pasal ka nei hi vannei ka in ti takzet ani




Tlai lam ah ka khawsik a san em avangin ka tlun ti tih a, Duhawma lo haw lai pawh chuan ka tho chhuak peih thlawt lo ka nu chuan natchhawkna min ei tir mahse min chhawk hleithei der lo a,




Duhawma lah chu a thawmhnaw pawh thlak lo in ka bul ah rawn mu in a kut chuan min kuah leh nghal chat a, doctor rawn atih pawn a reh leh mai ka rin avangin ka hnial ve tang tang a, mi te pawh an damlo ve fo a, doctor an ti nghal chuk chuk biklo a tawrh theih chin tuar ila ka tuar thei ngang lo anih chuan doctor pawh pan chu pawi ka ti hranlo





"Ka rawn kal hmanlo ka nupui a damlo a," tih ri chuan ka muhil lai chu minti harh a, ka pasal ka zawng vat a, khum ah alo awm bawk silo, a aw ni ngeiin ka hre bawk si




Sana ka en chuan dar sarih lai alo ri tawh a, keihi rawng pawh bawl lo in ka muhil char char tihna ani maw ava in thlahrun awm duh thin ve




"Remchang ah kan inhmu dawn nia" balcony lam atang chuan ka pasal aw bawk chu ka hre leh a, tho chhuak in a awmna lam chu ka pan a




Min hnung chhawn zawng a ding anih avang chuan min hmu theilo a phone chu dah a, alo in her chuan ka lo nuih var var a




Min hmu thut chu mak ati deuh nge a hmel chu a pha deuh dai a, mahse in siam tha nghal vat in "ilo harhna a rei tawh em" tiin minlo pan nghal vat a,



"Reilo e" ka lo kuah nghal vat heihi ka damdawi pakhat chu ani "nghet deuhin" ka tih rual chuan min kuah nghet sauh a





"i ril a tam em" min kuah reng chung chuan ati a, a tam loh thu a ka lo chhan chuan "tlem tal ei la" ngenngawl zet a atih chuan chaklo viau mah ila "awle" ka ti leh ta nge nge a





Chaw ei dawhkan ah chuan thu in ka chaw ei lai chu minlo thlir reng a, vawi khat pawh a mit ala sawn eihlo





Ka pum chu rawn let but but in ka uak nghal thawt thawt a, ka in ring lo lutuk chu keipawn mak ka ti ka luak ti chhuak thei tu engmah kan hmeh awm ka hre silo a




"I tha em" hlauhthawn hmel deuh in ka pasal chuan alo ti nghal vat a "ka ei thei tawhlo" ka lo tih chuan ka chal ah rawn fawp in "apawilo" ati sap a




Ka chaw ei na tihfel ka tum lah chuan a phal bawk silo inthiamlo ru deuh chung chuan a che vel chu ka lo thlir reng a, engkim mai hi ngatinge a inhmeh vel vek mai le





Ka nu in khawizu leh eng eng emaw chawhpawlh min siam sak a , ka in zo ve thei hram erawh ka lawm viau




Kan nupa khum ah bawk chuan kan thu dun leh a, "Alex-a ka call dawn a sin hetiang ringawt chuan ka awm tir thei tawhlo che" tiin a phone phawrh chhuah a rual a, a ban ah chuan ka lo vuan chat



"Lawkin" ka tih chuan min en vat a, chhan na nghak mit meng in min melh kiau leh nghal




"Ka ... Ka .. Rai anih ka ring" zak chung chung chuan ka ti ta ringawt a, ahma khan lo ngaihtuah chhuah daih tawh tur hi ania, thla hmasa kha ka period miah lo a, tun thla lah ka la period chuang bawk silo






Min en vung vung a, ka thusawi chuan a thawng ve hle anih ka ring ka lo rai leh loh chuan a zahthlak duh ngawt ang




"I chiang em" beisei neih hmel zet a atih chuan "ka chiang bik emem chuanglo a mahse thla hmasa khan ka period lo a, tun thla ah ka la period lo bawk a" ka sawi zawh rual rual in room atang in a tlanchhuak nghal a, a ngaihna ka hrelo takzet ka en reng ringawt





Ahnu deuh ah ka nu nen room ah anlo lut a , ka thilsawi zawng zawng chu room.a vei tawn sek chung chuan ka nu chu alo hrilh ve leh chhawng a, "thu phawt teh"ka nu in atih chuan a thu ve mai a mahse a thu rei thei chuanglo a tho a, a vei leh sek tho




" bawiha test kid va lei la pa thum vel aw" ka nu in atih chuan engmah pawh sawi lo in room atang bawk chuan a chhuak leh nghal a, ka nu in nui var var a a fapa a en lai chu ka thlir reng a, a hmangaih hmel hliah hliah ani



"A phur lutuk anih kha" ka nu in atih chuan ka hrethiam chiah a "fa hi a awt thei lutuk a" tiin hnuai lam chu a bih ta daih a, keihi ka pasal beiseina ka siam sak tete a ka lo rai leh loh chuan oii ka ngaihtuah duhlo




"Ka lawm e aw, ka fapa pasal a ineih avang hian i pasal a nu ka nih na ang zawk in ka lawm ani" tiin ka kut arawn vuan a, a thusawi chuan min thawn em avang in engmah sawilo in ka nu chu ka en reng a





Chutah min rawn en leh in "hlim na tam tak i thlen a,amah chauh nilo kan vai mai hian min ti hlim emem ani" anui var var a, "kei deuh hi ania vannei chu" ka ti ta ringawt a, sawi zawm tur lah ka hre chuang bawk siLo







Duhawma chu hah tih hriat tak hian arawn tlan lut a, a kut a test kid a keng vang ka hmuh chuan hlauhthawnna in min tuam leh nghal






Ka nu in tihdan tur min hrilh hnu ah bathroom lam chu ka pan nghal a, test lawk ngam lo chuan ka ding reng a




"Ka test tho tho angai " tiin ka nu sawi ang chuan ka ti thuai a, ka hlauhthawn ang nilo in ka rai



Pakhat zawk chuan ka test nawn leh a , chutah pawh chuan ka rai tho



A tawp nan tiin ka test nawn leh a, ka van lawm tak em! hmanhmawh deuh chuan bathroom atang chuan ka chhuak nghal




Ka pasal mitmeng a beiseina awm chu ka hmuh hmaih hauhlo test kid pa thum chu ka pe a, a en vung vung a, engmah sawi lo chuan min rawn kuah nghal vat a



"Ka thaw theilo ania" tiin ka lo fiam a, chutah min thlah in min en vang vang a "ka hmangaih che" ari avan mawi em vawi khat mah ka hmangaih che ka la ti ve ngailo chung pawh in ani chuan vawi tam tak min hrilh thin a, sawi let ve ngailo mah ila lawm lo hmel min hmuh ngailo






Ka rai no chu rinai takin ka la na phian a, ka khua a sik deuh reng a, luak chhuak erawh ka nei emem hranlo mahse engmah ka ei theilo a, drip min khai reng thung






Ka pa leh ka thiante pawh an lawm ve hle a, ka pa pawh a hna bang alo lut kawi ziah a, chutin ka thiante pawh college ban lam ah min rawn tlawh loh leh zan lam ah te anlo leng thin






duhawm an college kal chhunzawm a phal tawh rihloh avangin ka chawl a, kal chhunzawm thei pawh ka nilo bawk ka dam fel a ka taksa a fit ve meuh chuan ka pum pawh alian ve ul tawh a, college han kal pui na chi pawh a ni tawhlo





Ka pum a len em vangin mipa anih an ring fur a,ka damloh pui rei ang aiin naute erawh a hrisel tha a, thla ruk a tlin chhoh meuh chuan ahma a thil ei theihloh ka neih zawng zawng ai khan ka ei emaw tih mai turin ka ril atam reng a






Duhawm an ka ei duh tur a arin apiang min lei sak a, keilah chuan ka lo ei thei zel bawk nen rai puar ni mah ila ka taksa chu a mawi ka ti thin hle






Min duat a, ka chetsual mawlh chu a hlau thin hna avang a zan rawn haw loh te a ngaih thin avangin a kal hma hian tawngtaina nen min thlah fo a, hetiang taka pasal tha ka nei hi Pathian hnen ah lawmthu ka sawi fo thin






Broken king-a thawmhnaw min lei sak ho kha an in ah dah let turin ka pasal in min kalpui a, mahse anlo pawm duh hauhlo "i tan a a tihsak theih che hnuhnung ber ani a, lungdam deuh khan awm rawh" an tih tlat avangin ka hawn leh ta nge nge a





Ka ngai a, diktak a sawi chuan ka ngai takzet thin ani



Tun ah te hian min hmu nise enge a sawi ve ang tih te ka ngaihtuah fo a "mizoram a raipuar sexy ber ni ang che" minti kha ani a, tunah hian min hmu se sexy min ti angem?





Ka tan lehkha a hnutchhiah chu a room an tih fel tum in an hmu chhuak a, u Linda in min pe turin kan in ah alo kal vang vang a, huhurh si chhiar chak deuh siin ka awm reng a, kar khat lai ka kawl hnu a ka chhiar chuan ka ngai thar takzet ani





*Rose, ka Roseparmawi a hmasa in tap suh ang che thupek anihchu han tap na teh ka rawn pet chawrh ang che tak tak a , aaaaaa... Azialo hle mai pasal inei tep tawh tih ka hria ka tum lawk ani miahlo ania, hmanni a ka chhuahpui che pawh kha pasal ineih hun ah chuan ka chhuahpui theih tawhloh che ka rin vang a chhuahpui che ka nia, ila hria em ? Ka lo biak tirh che kha diktak a sawi chuan i chhelo thei vei reuh lutuk a bena kha i number ka dil a, lo biak che ka tum zantin a, ka thulh leh zan tin thin a chhan chu bul tan dan tur kha ka hrelo a hihu atawp ah ka ngaihtuah chhuak a, ka rilru natna thu te ka lo sawi thin kha kha kha tihdan tur ka hriat awm chhun ania, ka in sawi lut leh thiam chuang silo a, khati khan ka rawn broke ziah ta mai anihkha, atawp a tawp ah engtin tin emaw in thianho zingah ka tel ve thei ta hram a, in hriat loh khan a rukin ka lawm ve lutuk Thianpa Gorya erawh a tir khan ka hrilh vek a, reilo te chhung atan a i thinlung a hmun ka chan ve te kha ka hai lo a sin ka in en a, ka phulo che ani Rose pian nawn leh na hi a awm anih chuan tuman an tawn hma che a tawn che a, i tan a mipa tha tak ni tur a pian ve ka duh ani chuan keipawn tumah la tawng biklo ila chuchu ka dream anihchu i pasal kha then reng reng suh ang che ka u anihkha fa inneih hun ah Lalnunfeli tih kha phuah la, mipa anih chuan Habakuk-a chu lo ti ngei ngei ang che Rose ka nun ka mangtha a hun tawh Zawri te, atei te, anna-i leh thianpa gorya kha ngaihdam minlo dilsak rawh aw ka tawng chu hi ka lawm takzet ani chuan ani pawh kha lo ngei suh u aw, Mangtha Ka Roseparmawi*





Ka sun nawn leh ani ber mittui ka dang zolo a, mahse a thlan a kal a RIP DANIEL LALNUNHLUA tih hmuh kha ka ngamlo ani leihnuai vawt tak a a mu ani tih ka ngaihtuah chhuah chang te hian ka tap chhuak leh ringawt zel





A chanchin kan sawi a bang lo a, kan ngai a, a thih dawn thleng pawn min la ngaihtuah emem ani tih hriat leh lek phei chuan ka sun nawn leh lo theilo ani





Tum khat kan inneih hnu lawk in kan college bang thil lei kawi tur kan neih avangin kan thianho in bazar ah kan kal a, tum loh deuh in Beiseii kan hmu a, mipa pakhat ban ah kuah in a nui har har a, a hlim hmel takzet ka broken king-a amah avang a lei hnuai a zalh anih lai a hlim tak a awm thei chu ka ngei takzet




A boral lai te khan na ber awm ang zia zang in a awm a, thla khat pawh aliam hma in midang nen kan hmu dun leh a, rilru hi ana vawng vawng





Ka insum theilo chuan bazar anih leh nih loh pawh ka sawi thei tawhlo an hma zawn ah tak dingin a hmai ah ka hnek sawk a, a tlu nghal rawk rawk a




A bul a ding pa lah chuan min rawn khawih let a tum a, midang in anlo dan avang chuan ka him hlauh




Tu emaw vang a kan nunna lak hi atha lo takzet ani, a rilru na ve rawh se, in chhir rawh se kan ti anih chuan maw ana anih pawn ana rei dawnlo a in chhir anih pawh reilo te taktak bak a inchhir teuhlo thla khat pawh aliam hma hauh in i tello in hlim takin a nui leh nghal anga, nang erawh lei hnuai a zalh in i awm tawh thung anga tih theih engmah inei ve tawh dawnlo





Nang chu mitthi ini tawh anga, ani erawh hlim takin a nun a hmang chhunzawm ang



chu ai chuan maw i natna te dahtha in hma lam pan la, chhungril ah ina anih pawn a hmuh theih tur in ti lang lo la, amah aia hlim a nun i hman khan a inchhir anga phuba lakna tha ber ani bawk





I ngaihzawng avang chuan i nunna hlu tak kha la lo hram ang che aw, khathil itih hma khan hei leh chen hmangaih tak leh duat taka lo enkawl tu che i nu leh pa leh i chhungte vawi khat tal ngaihtuah chhuak la, an nat dan tur te nangmah avang a an mittui tla tur te an ni chuan an damchhung in an sun tawh ang che nga, i ngaigzawng ve erawh chuan nupui fanau neiin hlim takin a awm tawh thung ang







"Duhawm ka pum hi ana lutuk" ka pasal muhil chu ka be mawlh mawlh a, ka cheawn thei bawk silo





"I tha em" tiin min rawn buaipui nghal thuai a "nau ka vei in ka hria" thei leh theilo chuan ka lo ti a, ka thlan a tla a,ana takzet ani



Light chu arawn awn a, min pawm kang lawp in in hnuai ah min chhukpui nghal a




Ka nu te an awmloh avangin Lalduhkima a ko nghal chul a,





"Chahbi kha rawn la rawh" tiin pawn ah min chhuahpui nghal a,


Car hnung ah chuan min thut tir in ani pawh a rawn thu ve leh nghal a "atha vek ania" tiin min thlamuan mawlh mawlh a






Damdawiin kan thlen chuan hnu ah rei ngial ka vei leh a, ka thiante leh ka pa leh u siami te pawh anlo thleng ve nghal a




Zan dar 2 a ri tawh a,"nei tir tawh mai rawh u" ka pasal in vin tak a nurse ho a bia pawh chu ka hre thei




Ka tawng theilo ana ani tawp "ana em" an tih phei chuan melh pawp ila alh daih theih se chu an alh pup pup ang




Ka pa erawh min si chiah silo in ka bul hnaih ah a awm reng a,a chang leh ka hnung ah te min chuk sak a, ka nu ang khan ka kal san ve mai a hlau anih ka ring





Vanneih thlak takin zinglam dar thum vel ah ka nei ve thei ta hram a, fanu kan nei ani




Ka pasal lawm lutuk mawlh mai kha engtik ah mah ka theihnghilh leh tawh ngai lovang





Ka pa in lawmthusawi tawngtai na nei in ka fanu chu Pathian hnen ah a hlan thlap a, nu tetei leh pa muanpuia pawn an rawn video call ve reng a, kan zavai mai chuan kan hlim takzet ani






"Keichu fa ka nei ve duhlo e a" Zawri lam chu kan en thap a, "ngati maw" atei in alo ti nghal vat




"Anat hmel emai ka hlau" atih chuan ka nui tawp ana em alawm





"I ho e a, pasal inei anga, inei tho tho ang neihloh kha hrehawm iti zawk ang" atei bawkin alo tih chuan a dik ka ti khawp mai





Ka pasal pawh a hna ah chawlh ala rih a, u siami lah ka pa hnen ah chawlh alo la ve leh a, min rawn awmpui chawt a, engkim ah min buaipui a, engthil pawh hi a hnehsawh emem vek mai leh nghal a ka tawng lo ang tih hi ka hlau takzet






Ka pasal nen kan fanu muhil lai chu kan thlir reng a "ka lawm e aw" ati sup a, "keipawh ka lawm e nupui a min neih avangin " ka tih chuan a rinloh deuh a ka chhan vang nge a nui ve suk a





"Ka hmangaih che"



"Han sawi nawn leh teh"



"Ka hmangaih che Sir pu officer lalduhawm"




Ka hmui ah min rawn fawp ngal a, duhthaw zet a ka lo chhan let chuan ani pawh a rawn duhthaw ve zual sauh a, kan thawk pawh a rang leh tawh kher mai




Mahse a phone arawn rik chuan a phun hluk a "nakin ah kan chhunzawm ang" atih chuan ka lo nuih suk




"Hello" tiin anvai vang vang a, min rawn en a,

"Kan va lawm ve a hming pawh kan la phuah lo ka duh dan chuan anu hi Roseparmawii ani tho sia Saronparmawii ni ve mai se ka lo ti deuh a" atih chuan a ban ah ka chum chawrh a, ka fanu hi chuan hming mawi tak a neih angai





"I hman tawh em" ka pasal in atih chuan ka hman tep thu in ka chhang a




Vawiin hi ka fanu Lalnunfeli thla khat tlin na chiah ani a, a pute daniel-a tlawh turin kan kal dawn ani




Sunday khan ka nu thlan kan tlawhpui tawh bawk a, daniela thlan kan tlawh tur chu ka huhurh ru hle a, mahse hei leh chen tlawh lo a awm chu thil tha niin ka hre bawk silo





Thlan kan thlen chuan ka thu hnawk a,ka insum leh thei ta lo



"Daniel" tih choh ka sawi thei ka bul ah chuan kan fanu pawm chungin duhawma lo thu ve a




"Fanu ka nei tawh asin Lalnunfeli ania, a hmeltha lutuk i hmuh ve duh ka ring a, vawiin hi thla khat a tlin na chiah ania, daniel hmu ve la chu hmeltha iti ve ngawt ang"





Bawihtei chu daniela thlan nghengin kan thut tir a, thla te kan laksak a, api thlan ah pawh kan tihsak tho




Ka rinloh deuhin kan thiante anlo lang ve hlawl a , heti lai hmun a kan inhmu khawm chu nuoh uar uar a har takzet ani





"Hmela Roseparmawiin fanu anei a, i awm ve lo vei a, a nau vei lai hmel chu a pe chhe ve teh mai ania" zawrin a tih chuan mittui parawl kuau chungin kan han nui leh rih a






Daniel tinge i induh emem a, khang hun chhung zawng khan ka mumang ah hmuh che ka tum fo a, ilo inlan duh miah bawk silo khawngaih takin vawi khat tal chu manglam ah lo in lan hram teh thil tih dun pui tur che tamtak ka nei te kha tih pui che ka duh ani






Daniel, mangtha ti a thlah che hi tun thleng pawh hian harsa ka la ti asin mahse tun ah chuan ka thlah ve tawh ang che ka chelh rei tawh che emai




I thlan zawk khawvel ah chuan mite ti hlim tu va ni leh la chutah chuan chu hmun ah ngei chuan hmangaih te tawngin fa te nei ve la, hlim takin i nun chu va hmang mawlh ang che aw




Engtik ah mah ka theihghilh ngai dawnlo che a, ka fanu pawh hi thil hrethiam rual anih atang in i chanchin te ka hrilh thin anga, ani pawn a thih ni thlengin a hre reng ang che




Mangtha daniel, ka broken king, kekawrtelian





A TAWP TA


He story min lo chhiarsak tu te zawng zawng chungah thinlung takin lawmthu ka sawi a, Rose-i leh duhawma hian story an neilo pawh inti mai thei mahse ka tum tak zawk chu Daniela role hi he story ka ziah chhan ber ani a, thu leh hla ka thiamloh em avangin ka duh ang pawn ka ziak chhuak theilo a, chuti chung a minlo chhiarsak tu te zawng zawng chungah ka lawm takzet ani





Ka thalai pui tam tak te an bialnu\bialpa te avang a nunna la tamtak an awm hi ka vei emem a, ka thian hnai taktak te chung ah pawha thleng ta fo mai





Khawngaih takin eng ang a beidawng leh lungngai a i awm chang pawh in i nunna hlu tak kha chu hlan lo hram rawh tihhi ka rawn chah duh che u ani





Story dang pawh ka la rawn ziak leh anga, khawngaih takin minlo chhiar sak leh vek turin ka rawn sawm tak meuh meuh che u ani... Ka lawm e.


Show post links
Top



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)