DESTINED TO BE HIS BRIDE BY Maximus cancer queen (Completed)

[Ngaia]

DESTINED TO BE HIS BRIDE


CHAPTER 35





Ka bag khai ve tat chu ka pa'n min lo laksak vat a.

"Lo lut phawt teh u. Rinhlu nang pawh."[Rinhlua=D-a]
Ka pa chu inpui lamah a phei a.

Ka nu chuan amah si phaka min kuah hle hlein min luh pui a.
"Bawihi, Eng nge i chungah thleng leh ta a? A hma pawhin i rawn kal tawp tawh a. I pasalin a hria em? "

"Hre lo nu. Keimahin ka rawn haw ve tawp. Ka ngai lutuk che a." zep buai tingtang lovin ka hrilh nghal tawl a.

"Pasal neih hnu chuan ho mai maiah an haw ngai lo."

"A ho lul lo. Hmeichhe dang a fawp a. Chuan ka rilru a na a, ka ngai bawk che."
Sawmdawnga'n min hmangaih tih ka ringhlel rum rum.


"Ka nau duat! A rin tlak viau dawn emaw ka ti a sin." Sawmdawnga a sawina a ni tih ka hria.

"Eng chiah nge i chungah a tih leh tak? Kn mi hnaisai lo zet chu(h)! " ka pa pawh a rawn phun chhuak hluk a.

"Eng pawh ni se. I nu nen khan pindanah han chho phawt mai teh u." ka nu chuan min kai tho a.

Hmana ka len tuma kan mutna pindanah bawk khan kan lut leh a. A thimin ka nuin light a tihen chuan a en lutuk avanga meng tha ngam lovin ka lo chhing sawk sawk a.


"Bawhte, tah hian thu teh." .... "Tinge tun ang zanah te i rawn haw a. I pasal hriat loh leh nghalin. Nupui te chu ho lam mai maiah an tlan ngai hlei nem."

"Mahse a na ka ti lutuk a. Ka tuar thei lo a lawm. A rawn haw hunah ka hmu ngam lo a ni."

"I pasal neih dawn khan a nuamah leh a hrehawmah pawh tiin Pathian hmaah i chham tawh a. Bakah hmeichhia pasal te hriat loha haw ngawt hi thil dik a ni ngai lo. Zanin chu han riak phawt la. Anih loh pawn a rawn hruai leh nghal che a nih chuan a zan la la hian haw leh la a tha ang."

"Hmeichhe dang a fawp ka tih chu. Min phatsan laiin ka hmu thei lo. A hmel hmuh ka duh lo. Engmah a thleng lovang a ti a. Mahse,.... Min phatsan" ka mittui chu khawi a mi em em nge a rawn aw pawh ka hre lo. A rawn sa thla leh pap pap thin a.

Ka nu chu a lo thaw hawk a. "Tikhan lo awm rawh. Tui ka zuk la lawk ang e." tih paha min thawhsan chuan ka pheikhawk. bun lai phelin ka ke khumah ka hlang kang a. Ka khum tunin ka khupah ka lu ka nghat a. Tukverh pawn lam chu mittui hul hleithei lo chuan ka thlir reng a.


Rei lo tea ka nu tui chawia a rawn luh leh chuan k lo thu rem sauh sauh a. Ka hma zawna glass no a rawn ken va chu lain ka lo lem khawlh khawlh a. Chu chuan ka taksa a tizang hawkin ka hria. Ka tahna avanga k taksa tang leh sa vel te, ka hrawk kham deuh tung te tihrawl thlengin a tidam deuh huai a. Ka tah chhuak lutuk pawh tlemin a ziaawm phah ve deuh.


"Rinhlua pawh a haw chiah a. A ngaihtuah khawp mai che. Eng eng emaw a lo sawi nual a."
Ka pasalin ka hmeichhe huat ber a fawh thu pawh a hrilh ngei ang.


"A pawi ka ti. Tiang mai mai tur chuan ka thlah lo che a sin."

Amah pawh chhang lovin ka bek ka khupah nghat lehin pawn lam bawk ka hawi chhuak leh a.

"Zanin hi riah pui che i duh em?" ka samah a rawn chul hiau hluau a.

Ka lu kanin ka va kuah a. "Aw, ka ngai lutuk che a."

Kan mut pah chuan ka nu chu ka kuah hle hle a. Anin duat takin ka hnungah a chul ve thung a.

"I pasal hi i hmangaih em?"

"Aw. Ka hmangaih lutuk."

"Engtik atangin?"

"Ka hre lo. A lo thleng ve tawp mai a ni. A hun lai pawh ka hre lo. Mahse k hmangaih tih tunah chuan ka hre tawh."

"A lakah that i chhuah thin em? Zep lohah chuan ka ngaihtuah thin khawp mai che. Inneih dawn thleng pawh khan tlan bosan duh rum rum khan i la khawsa a."

"Ni e. Ka nei hreh ngawih ngawih thin a lawm."


"Kan tir lui che kha ka rilru a nuam thei ngai lo a sin. Mahse tunah chuan nau te i pai ve ta hial a......... Engpawh ni se han mu phawt mai teh." a tih chuan ka ngawi reng a. Mut ka chak hlawl lo. Ka mut pawh a chhuak hrep lo.


Maimt chhing reng chung chuan ka rilru erawh a harh fim kar a. Ka mitthlaah chuan an hlim hmel leh an hmui intawk lai kha a rawn lang leh uar uar thin a. Chu chuan min tinain a chang chuan ka thawk a rawn ran phah leh hlawp hlawp thin.


Tunah hian khang thil te kha thleng lo ni se, lungmuang taka kan nupa khumah ngei khan inkuah riala mut leh ka chak. A nih loh pawn ka nu hi Sawmdawngaah lo chang thut mai se aw. Ka nu min kuahna ban te hi Sawmdawnga ban lian leh rinawm tak kha a ni ang a. Ka thlamuang hliah hliah mai tur.


Engtik lain nge ka lo mtthilh ka hre lo. Khum phah che velah chuan ka harh hlawl a. Ka bulah ka nu a lo mu tawh hauh lo.

"Nu.." ka han au zui ringawt a. Kawngkhar bul atangin min rawn chhang a.

"I pasal a rawn kal a niang. Ka va chhuak lawk ang e." thawh ka tum ve chuan a rawn tawng vat a.

"Lo chhuak ve suh aw. Tah hian lo awm rawh." khauh tak chuan a rawn ti a. Ka thu let leh nghal zul a.


Pawn lamah chuan thawm a awm rak rak a. Sawmdawnga thawm a tel ve em tih hriat tumin ka beng ka chhi kar bawk a.

"Khawiah nge Bawihi." tawng thawm ka hriat rual chuan ka pindan pawnah thawm a rawn awm nghal a. Sawmdawnga a nih ngei ringin ka thin a lo phu rang nghal zawih zawih a.

Mahse ka pindan rawn thleng lovin a let leh ta zawk a. Eng chiah nge thleng hre turin indan pawna chhuah ka chak tak zet.



Sawmdawnga chu lo ni tak tak ta se engvang bera heta rawn kal nge a nih hriat ka duh a. Min ngaihtuahna tlem tal a nei em? Min tihnat avang hian pawi a ti em? Eng vanga dawt min hrilh nge a nih? Tun hma ang khan min la ngaihtuah reng em? Chung zawng zawng chhanna chu hriat ka chak a ni, a lak atangin.


Ka mutna indan hlat zawnga thawm a kl tak daih a vang chuan thawm eng emaw tal hriat ruk tumin ka tho ta tham tham a. Kawngkhar lam panin kawngkhar bulah chuan ka va ding ta vat a. Ka beng chu a bangah chuan chuktuahin pawn lam thawm hre tur chuan ka dawh va a. Mahse eng thawm mah ka hre lo.

Beidawng takin ka let leh hna hna a. Khumah chuan ka va thu ting awlh a.


Kun ngal chung chuan engtia re nge ka thut ka onhre lo. Pindan kawngkhar rawn inkik ri kauh kauhah chuan ka hawi chhuak vat a. A rehin a rawn inkik ri nawn leh thin a. Tunge pindan pawna awm chu zawh ka duh a. Mahse, thawm ka chhuah dawn meuh chuan ka hrawkah an thamral leh si thin.
Sawmdawnga a nih ngei ka ring. Mahse tun dinhmunah chuan hmuh hi a finthlak dawnin ka hre lo a ni. Ka hmu a nih chuan kha thil thleng khan a mit hmuh lai ngeiin min vit nawn leh sawk sawk ang a. A nain ka tuar zo pek hauh lovang.



Ka ngaihtuah chhuah leh chuan a hmaa a na kha a rawn let leh a. A hmaa ka ngaihtuah thlen phak miah loh an lo inngaizawng reng ang em? Engtia rei nge ni tawh ang. Tun hmaa midang ho tawng thin dan atang kha chuan inlaichinna eng emaw tak chu an lo nei dun tawh thin tih a chiang reng mai si. Amah Claire ka ngei atang pawhin.


An pahniha inngaizawng a, nupa ang maia an awm dun tur ka han suangtuah thlen meuh phei chuan min vit na lutuk hi awm ngaihna ber pawh ka hre lo. Khumah chuan ka inlet thla thawk a. Pawn lama thawm ngaihtuah lek lo chuan ka nain min siam ka chheh vel boruak bing deuh muk muk reh hun chu ka nghak ta tlawk tlawk a.


Thil ri rawk thawm ka hria a. Ka beng ri kiu deuh mup mup kar atang chuan k hminga min ko ri ka hre viai vuai a.

"Bawihi, ,Duhtak? Sweetling?" chi hrang hrang. K hming ka hriat atang chuan min ko tu pawh tunge a nih hrilh chawp ngai lovin ka hre nghal vat a. Ka mit meng fiah mang hlei lo chu ka han meng set set a. Sawmdawnga hmel fiah lo ruaiin ka han hmu a.

Mahse a rim chu ka hnarah chuan a lar em em lawi si. Amah ngei a ni. Ka awm lo tih a hriat hnu chuan a rawn kal ta tak tak a nih hi. Ka kalna tur chin tumah ka hrilh bawk si lo va. Min hmangaih hauh lo mah se min ngaihtuah ve viau a ni ang. Ka ngaihtuahna avang chuan ka nui sak a.


"Bawihi, ka duat?" min kohna avang chuan ka chen mekna thim tak atang chuan ka pawnlang chhuak tial tial a. Khawvel lemah ni lo khawvel takah zawk chuan ka hmangaih Sawmdawnga chuan min lo nghak reng a.

"Sawmdawng."

"Bawihi."

"I lo kal em ni? I rawn kal pawh ka ring lo a sin. Hmeichhe dang i fawp si a." ka harh chhuah tirh phat atang pawn kha thil thleng kha k theinghilh hauh lo. A na chuan min la vit ngawt ngawt reng bawk.


Ka thil sawi avang chuan a rawn rum nghut a.
"Ka kut hi i thlah thei tawh ang." ka sawi rual rual chuan mak tihna leh hlauhthawnna ni awm tak chu a hmelah ka han hmu zut zut a. Mahse a rawn lan thut ang bawkin an bo leh nghal vek a.


"Ka zun a chhuak." ka kut a vawn lam chu la luiin ka zun chhuah lutuk avanga k tai na thum tawn chu ka han dawm a. Dim tak chuan k tho chhuak riai riai a. Min puih tuma min rawn vawn chuan duh lovin ka dar chuan ka lo nawk thla nghl thuai a. Ka hmanhmawh theih anga rang chuan bathromm-ah ka tlan lut tawi tawi a. Ka lut chiah tih chuan ka kalh nghal hmak.

Rawn hawn tum chuan a rawn tiri ve rak rak a. Mahse inhawng thei dawnin a hre lo a ni ang. A tawpah chuan beidawngin a reh ta a. Mahse kawngkhar bulah a ding reng a ni ngei ang a kalsawn thawm reng reng ka hre lo.

Toilet-ah chuan thuin kha thil bawk kha ka ngaihtuahnaah a rawn thar leh a. A na ka ti lutuk chu ka insum zo leh ngang lo. Ka tap thawm a hriat loh nan ka inhup up vek a. Ka thawm a hriata chhuah hlek pawh ka duh lo.


"Bawihi?".."I tha em?"


"Khang thil ka chunga i tih hnuah ka thain i la ring em ni?" ka rilru chuan ka lo ti let thuai a.

"Ka tihpalh takzet a ni. I hmuh ang khan thil a thleng hauh lo a nia. Ka sawifiah thei. Hun min pek chuan."

Ni lo. Tunah rih chuan a insawifiahna ka ngaithla duh lo.


"Tihian dingin insawifiahna hun min pek ka lo nghak reng dawn a nia. "


"Haw rawh Sawmdawng. Zaninah chuan eng thil mah tih ka peih lo. I duh ang chhnna ka kawl em tih pawh ka hre lo. Ka mamawh ang chhnna i nei em tih pawh ka hre lo. Zanin chu ka awm awmin min awm tir phawt teh."
Ka tahna lama ka aw khur te hliah turin ka bei hram hram a.

" Fu*k!"..."Bawihi ka thei lo. Ka kalsan thei lo che. I na tih hre reng chungin ka kalsan thei lo che."

"Mahse ka na dawn tih hre reng chungin min tina tho a lawm. Ka tawrh dan tur engmah i dawn ve lo."

"I ngaih ang kha a ni lo a sin. Khawngaihin i na te thawi dam theihna hun min pe rawh. Khang thil thleng kha ka sawifiah thei."


Ka thei lo. Zaninah chuan a na a tipunlun mai mai ang. Chuvang chuan a hmel ka ngaih ngawih ngawih kha ka tan hmuh loh a him ber.

"Ka lo nghak dawn che. I rawn hawn hun ka lo nghak reng ang. I rawn chhuah hma chu khawi hmunah mah ka kal lovang." a thusawi chu a ti leh tak tak ang tih ka hria. Sawmdawnga a ni miau a. Nek luih chi a ni lo tih pawh ka hria.

Rei fe hnuah pawh chuan kal sawn a la tum hauh si lova. Ka ke kham leh mu tan chuah chuah chu tih reh tumin ka bei ta ngat ngat a. Ka kawr fem chuan ka mittui ka han hru leh zauh thin bawk a. Ka nghak thei tawh lo . Ka mittui hru hulin ka intuai man a. Tap lo leh na tuar lo ang taka lan tumin thawk k l hmasa ham ham a. Chutah inrin tawh hmel falua chuan kawngkhar ka kalh tlat chu ka hawng a. Chu bathroom ninawm zet atang chuan ka pen chhuak ta a.


Ka mit sir pawn ka melh duh lo. Ka tuar na tih hi a hriat ka hlau lutuk tlat a. Chuvangin ka en duh lo lui ngat a ni.

Mahse ka kal pel tur chu ka banah a lo man chawt a.

"Bawihi..... I tap......" a rawn ti bul hmurh a.

Mahse engah mah ngai lovin ka awm lui zel a. Harsat chu harsa tak a ni. Ka hmangaih ngawih ngawihin hmeichhe dang kei mah mai ni lo, Zoram mipui te zawng zawng hriata ka tan tur chauha ngaih a kiss te mai pawh a hlan duh a nia. Na lo zek zawk a ni lo.


"Engtinnge i rawn luh chu ka hre lova. Khawngaihin haw hrih zawk rawh....."......"Sawmdawng, ka hmuh che hian k na lutuk tih hria la, Keimahin hun thawl min pe teh. Kha nu kha ka hmaah mai pawh ni lo, ka mi hmangaih te leh mi zawng zawng hmuh turin i fawp a sin. Chu chu engah mah ngai loin i lo hawk lo nghak ang a. I insawithiamna ngaithlaa lo pawm diam duam turin min ngai em ni? Chuti khawp chuan ka a bik lo a sin." ka insum thei thlawt lo.


"Bawihi, tha te tein sawi dun teh ang." arawn tih leh chuan ka kut phar chhuakin a tawng zel tur chu ka lo dang chat a.
Ka kut tal chhuakin khum lamah bawk chuan ka ler leh a. Sadawnga lak atang chuan puanthuah krah ka inthukru bo ta daih a.


"Ka hawsan dawn lo che. Tikhan mu rawh. Ka lo nghak ang che." engtinmah ka chhang zawm tawh lo. Mahse ka taksa hnaiha awm a, ka kiangah a awm a ni tih k hriat chuan ka lungawiin ka him bik leh ngawih ngawih hian ka hre pek a. Mutthilh chhuak hlei thei lo kha ka taksa a rawn hahdam a. Mut chhuakin min rawn zem.

Ka ka atanga boruak ka thawk chhuah leh ham ham thin chuan ka taksa tihrawl tang tung leh hah em em kha a bo ve zel a. Chu chu mutchhuakah lo changin a tuk zinga Sawmdawnga bana ka thanharh hma thleng chu hahdam leh thinthi diai chuan mutmu ka tuah leh ta nge nge a.

[Ngaia]

DESTINED TO BE HIS BRIDE


CHAPTER 36🌶




Pawn lama motor thawm ri deuh vung vung chuan ka mutdan nuam tak atang chuan min kai harh hlawl a. Chein ka han hawi kual a. Ka pindan bang lar tak chu ka hre nghal vat a. Ka bulah mu an awm tih thlengin.

A thawk zawnga a awm rawn insep kang leh awk awk thin leh a thawk dan muang leh hahdam tak te chu ka hriat hmaih hauh lo. Eng emaw chen chu ka mu vang vang a. Mahse nizan lam thilin lungpui ang maia min rawn den leh zawk chuan thawhphan pawh awm lovin ka thu chhuak nghal hlawl a.



Sawmdawnga pawh a lo muhil ve a ni ngei ang phak chual chuan a rawn thu chhuak ve nghal a.


"Bawihi."

"Tho rawh."

"A harsa zawngin thil hi ti lo teh ang."

"Tho rawh ka tih chu" ka vin ve ta thak a. "Haw rawh. Khawngaihin..."

A rawn thaw hawk a. A thawk zawnga a awm han insep kang pawh chu ka hmuh hmaih hauh lo.


"I tel lo chuan ka haw lovang. Haw tura min duh a nih chuan kan pahnihin a ni ang."


Huh... Ka haw duh hrih lo ka tih chuan ka haw dawn lo a ni tawp.


"Rawn haw ka tum hrih lo. Min nghak buai duh suh. I duh leh Claire bulah va kal rawh." thik lutukin ka tichhuak hrawih a. Anihna takah chuan Claire bula kal tur chuan ka thinlung leh ka hriatna hian a phal tak tak hauh lo.


"Chu chu i duh em ni?" chik deuha min rawn en chuan a mitah ka en ta reng ringawt a. A hmelah chuan engmah a lang chhuak lova.


"Ka duh emaw duh lo emaw pawh ni se i kal ziah tho a lawm. A dawt sawi pawh i inhneh tir ziah. I duh chuan a bulah chuan kal rawh." ka mit chu a hmel a tang chuan ka la sawn a. Ka mal chunga ka kut hum tawm tlat chu ka en chhuk reng ringawt a.


Rei pawh ni lovah a kut lian leh lum vung vung chuan a rawn hum hnan bo vek a.


Rang takin ka lo la sawn vat a.

"Ka tihpalh ka tih pawh min pawmsak duh si lova. Eng pawh chu ni se Claire bula kal tumna ka nei lova...


Lo intifai rawh. Pawnah ka lo nghak ang che." a tho vut a. A phelh a ni tih pawh ka lo hriat loh a kawr chung leh a tie te chu a chhar kang a. Kawngkhar hawngin a chhuak bo ta daih a. A chhuah hnua kawngkhar ri khap tih loh chu a reh ta tlawk tlawk a.


Engpawh ni se. A ruala haw chu ka chak hauh lo. Ka nu te pawhin haw an phal hauh lovang. Chuvangin ka haw dawn lo. Ka haw a nih chuan Sawmdawnga awm loh hlanin ka nuin tawngkam mei nei leh kha fakin min tawng khum leh dawn tih ka hria. Chu chuan haw min tichak hlawl lo.


Tho chhuakin ka va intifai a. Muang mara in hnuaia ka chhuk thlak chuan ka nuin ei a lo buatsaih mawlh mawlh a. Ka pa pawh a bul maiah chuan a lo thu reng tawh.

Sawmdawnga erawh ka hmu lo. A haw tawh a ni mahna.

"Bawihi, lo thu teh. Bawihi nu cofee kha rawn siam la."

"Cofee in a tha hlei nem" tih pahin bawnghnute a rawn chhawp a.

"Bawihi, haw i tum lo em ni?" ka pa rawn tawng chhuak chu rang takin ka en nghal vat a.

"Tum lo." ka lo ti bung hmuk a. A rawn thaw hawk hawk a.

"Eng pawh chu lo ni se in pa'n amaha haw a tum mauh mai si lova."

"Ka haw tawh hrih dawn lo. He lamah ka awm hrih duh a lawm."

"Chuti ringawt a ni thei lo. Haw leh phawt la a that ka ring. Chulovah in inbe fel tawh ni khan a sawi a. Keini pahnih chuan haw leh nghal mai la a tha kan ti. Tihian tlan ang pawhin kal lovin in nupa in rawn riak phei hrih a ni mai a. " a tih lai chuaan ka nu chu engmah sawi ve tum lovin a lo ngawi chip hmak a. A hmelah chuan ka pa duh dan chu a pawm pui vakin a lang lo bawk.


Tho chhuakin tukverh parda ka va keu dek dek a. A haw daih tawh emaw ka tih Sawmdawnga chu a motor nghengin a lo la ding ran a. Ka haw leh nghal mai a ring emaw ni le. Nizan lawkah a party thian a fawp a. Khum a kai pui em pawh ka hre lo. Khum kaipui ka ngaihtuah thleng chuan ka thin na chu ka thaw buai hrawk a.

" Ka nau duat." ka nu darah chuan ka hmai ka va phum vat a.

"Ka haw duh hrih lo. I bulah reilo te tal awm ka duh. Sawtah chuan a khawrharthlak thei em mai. Keimah chauha nilenga awm reng k a peih lo."


"I pa duh dan a ni miau si a. A sual lo turah ngai phawt ang. Hei in ei ve tur rawtuai pickle ka siam diam tawh hi aw. Chaw pawh ei lo mai ru. Hna a la nei si a. Va haw phawt teh u."

Ka haw lehnghal a nih chuan hun remchang a neih a piangin Claire bulah a kal leh ang a. Ka tan a khawhar thlak bakah a rawn haw nghakhlel taka lo thlirtu zawk nih ka hreh, ani'n engah mah min ngaih loh lai lehnghalin.


Min hmangaih lo tih ka hriat hnu atang phei hi chuan kan inneih tirha ka lo mitthla lawk tawh ang khan kan pahnih tan hian hmahun hman dun tur nei lo riauin ka inhria a. Lo innei reng pawh ni ila nupa khum min luahlum pui reng chung siin a khat tawka Claire min pansan chuan hlim takin kan khawsa dun thei dawn chuang si lo.



"Bawihte." ka nuin khawngaih leh lainat hmel taka min en chuan ka ngaihtuahna ka lo sawi chhuak vek a ni tih ka hre hnuhnawh pek a.

"Ka fanu, engtia rei nge ni tawh in inkara Claire lo tlakzehna chu. Aw, hrehawm i lo va ti dawn em? Duhtak, kei chuan kan fanu hi haw tir leh ka remti hrih hauh lo a nia aw. A hmei nena an inkar a siamtha hmasa phawt a nih loh chuan."

"Lo ngawi rawh." ka pain ka nu a hau chu ka vawikhat hriatna a ni.
"A tan a haw leh hi a tha ber a ni. Nau a pai a. Rei pawh an la inkawl lo. Rilru chiai thuta inthen tihtluk mai chu nakin hnuah inchhir lehna a thleng thei. Chuvangin nau ti fahrah kher lo hian haw leh nghal phawt rawh se. A thawmhnaw kha han laksak nghe nghe teh." ka pa'n thu tawp a sawi nghal chuan min tina takzet.


"Pa, ka haw duh hrih lo a nia. Helam pawh ka ngai lutuk a lawm. Nakinah ka haw ve mai ang. Ka inpeih hun hunah."


"Chutiangin i duh duhin i awm thei hlei nem. I pasal leh a chhungte ngaihtuah tel hmasa phawt la. Tlan anga i kal hmingchhiat hma hian i pasal rual ngei chuan haw leh phawt zawk rawh." ding chhuakin an pindan lamah a kal ta daih a


"Engtinnge maw kan tih ang le aw. I pa mizia lah i hrechiang mai si a. I tan ththeih ka van nei tlem teh lul em!"

"thil dang engmah ka phut love. Ka naupan lai hun tha zawng zawngin i theihpatawpin min enkawl thin a. Theih ve a enkawl let ve cheu hi ka chak hliah hliah a sin."


"Chutiang engmah kan phut lo. Tha taka i rawn seilian thei hi kan tan chuan Pathian thil thlawn pek hlu ber a ni a sin."

" Ka lawm e ka nu. Min hmangaih avangin ka lawm e." ka nu chu ka kuah hnai tawlh tawlh a. Ka ngaih thin em avangin a rim chu ka hip lut vang vang a. Sawmdawnga angin a rim tui teh ual lo mah se ka thaw ipik leh buai nuaih hi a hnem em em a ni.


"Ka pa," ka va en a. Ngawi rengin a cofee a lo dawt a. A hma zawn chu melhin eng ber chu nge a hmuh tih pawh hriat lohin a melh ngur a. Ka kohna hre awm pawhin a lang lo.

"Khawngaihin ka nu bulah rei lo te tal awm ka duh. Ka pa." a lo thaw huai a.
Chutih lai tak chuan kawngkhar rawn inhawng ri khapin Sawmdawnga chu lu zo takin a rawn lut a. Min rawn hmuh chuan min rawn pan hnai vat a.

"Hawh, haw tawh ila. Chaw ei a hun mai dawn." amah pawh melh lo chuan ka nu kuahna ringawt chu ka la ngaihtuah vawng vawng a. Khang hun chhung zawnga ka ngaihzia te kha. Ka hmuin ka kuah thei si lo.


Sawmdawnga'n ka kut a rawn vawn chuan ka nu ka kuah letna chu ui takin ka thlah riai riai a.
Min hruaina chu zuiin pawn thleng chu ka zui a.

"Rawn haw ka duh hrih lo." ka sawi avang chuan a lo rum chhuak nghut a. Ka en nghat vat.

"Engvanginnge min lo va haw san mai loh ang. Nilengin i chhuak bo leh ang a. In i awm dawn chuang hlei nem. Keimaha ka lo awm rek rek khan engnge kawngro a sut chuang?" ka en kal a.

"Bawihi,"

"Khati khan min ko suh. Khatia min koh apiang khan nizan thil kha ka hrechhuak thin. Chuvangin min ko tawh suh. Min tina mai mai." rei deuh chu ngawi rengin kan ding dun ran a. Chung hun chhung zawng chuan min en deuh ngawr ngawr a.


A tawpah zawng a rawn thaw chhuak hawk a.
"I duhdan a nih chuan ka lo va haw san mai ang che. Kinah i rawn haw duh hunah min rawn bia la, ka rawn hruai ang che. 'tha em?" a kut rawn phar chhuakin ka samah a rawn khawih a.

Chutia ka awm a phal mai chu mak ti leh ringhlel rum rumin ka en chhova.
"Ka awm loh hlanin thil awm ang lo pui pui lo ngaihtuah suh aw. Thil tha leh hrisel chauh ngaihtuah la, i mita i hmuh leh beng hriat chauh ring nghal ngawr ngawr lo la. Nangmah ngeiin fiah tum hmasa thin rawh." dam dapa a rawn tih chuan ngaithei lovin a kut ka lo vai thlak sak thuai a.


"Lut tawh rawh. Chuan min rawn ve rawh aw." ka ring lo. Ka be duh kher ang em?

Bu nghauhin ka luhsan nghal daih a. Bang ngheng chuan ka ding nghal vang vang a. A kal sawn thawm ka hre mai lo. Ka nghak vang vang a. A hnu feah a motor engine rum thawm leh a tlanchhuakin a zui nghal a. Ka thinlung na vawng vawng chuan ka run hrawih a. Na ti zetin ka dawm nghal vang vang.


"Bawihte, i rawn let leh a ni maw?"

"Ummm." Sawmdawnga zawi zawiin ka chan niin ka inhria a. Na ka tih lutuk avangin ka aw chu ka hrawkah a thamral zo ta vek a.

______

Ka pa chuan Sawmdawnga ruala ka haw lo chu min en vung vung a. A lungni lo viau dawn emaw tih turin a rum nghut nghut a. Mahse hrehawm ka tih belhna turin eng tawngkam mah a chhak chhuak lova. Mahse, chu chuan ka ngaih a tinuam lo zawk.

Ka pa hna kal hlan chuan nilengin ka nu nen ka pindanah kan tawm a. Ka rilru na chu ka tuar ru tlawk tlawk a ni mai. Engmah ka sawi chhuak lova. Ka rilru natna leh ka tuar zia chu ka tilang chhuak lo. Mahse tawng lovin ka mu ngawi reng ringawt a. Tlai lama ka tho chhuakin pawn lam chu ka en vang vang a. Nilengin inah ka awm tawh avangin ka chhuak chak ve reng reng bwk.


Ka nu pawh sawm lovin ka chhuak a. Ka hnunga kawngkhar ka khar rik khep chu ngaihven zui lovin motor tlan awm pheuh pheuhna lam chu ka thlir vang vang a.


Sawmdawnga'n be tur khan min ti tak na chu biak hmasak ka tum lova. A duh a nih chuan min be hmasa turah ka ngai. Nileng chuan chu call chu ka chang ru char char reng a. Mahse ka beidawng. Tlai dar li rik hnu hian min rawn hruai ka ring a. Mahse a motor ri ringawt pawh hriat tur a awm lo. A rehin a reh vawng vawng ringawt mai a ni.


Khawhar tak chuan ka thu thla a. Tihtur hre lo lutuk chuan ka bula thingtang chu chharin leiah chuan eng eng emaw ka thai kual mai mai a. A chang leh thinlung lem ka ziak a. Ka thai chhia a. Sawmdawnga hming ka ziak a. A chang leh ka thai chhe leh a. Ka rilrua awm awm chu ka ziak chhuak mawlh mawlh a.


Mahse chutia ka ziah mawlh mawlh lai chuan ka chhehvel chu him lo ni tlata hriain ka hawi kual ta ruai a. Tu emawin min en thla ni maiin ka hria.
Mahse hawi kuala tunge min enthla ni ang tih ka zawn ve chuan tumah ka hmu bawk si lo. Ka thinlungah hian ngaihthat lohna a awm reng bawk si.


Ka thinlungah hlauhthawnna a rawn inthum rawn tluk tluk chuan rang lutuka thovin ka hmawlh ka paih a, in chhunglamah ka tlan lut ta daih a.


Zanriah kan ei kham chuan chanchin thar ngaithlain ka nu leh pa an thu a. Kei erawh ka pindanah bu ka khuar tlat a. Darkar fe hnua ka pindan kawngkhar a rawn inkik rik kauh kauh chuan phur fahran lova tho tuah tuahin ka va hawng a. Mahse ka mi hmuh avang chuan lawm tak hian ka thaw hlut a.


"Malawm." ka kuah nghal tlat a.

A rawn khuh lui der khak khak a.
Ka boruak rit lutuk min hmuhpui chuan ka inhmuam up lutuk tiziaawm turin fiamthu thawh nghal a tum ngial a. Mahse a hlawh chham. A hmelah chuan kei aiin a dinhmun a duhawm fahran lo tih a lang vek reng mai si a.


Khawngaih takin ka en let reng a.

"A pawi ka ti. Kan dinhmun hi inang lo mah se inanna a nei ru khiau mai si a. " nui za tak tak lo chuan a rawn nui a. Kei pawh ka khi lui ve sak a.


"Hetah ka awm......."

"....Tih engtinnge ka hriat maw?" min rawn tihkhalh a. .."D-a'n min hrilh." a rawn ti chuai rawih a. Amah chu a mittui a far nghal kauh a. "Godd!" a thaw hrawih a. "Ka ngai lutuk. Ka ngai ngawih ngawih." a tawng tawp lam chu a zuihral thak a. A tap khur nghal dar dar a.

"Naute chungchang a sawi dawn emaw ka ti a. " a thaw chhuak hawm hawm a.

"Mahse,...kan pahnih tan engmah beisei tur a awm tawh lo." beidawng tak chuan a ti a. Kei hnem tur mamawh ru em em hian ka theih tawpin ka kuah bet a. Ka hnemna phenah chuan keipaw'n k inhnna tur ka ngaihtuah a.

A tan a na ang tih ka hria. Kei pawhin a na ka tih pui. Ka chanah ka dah chhin ngam lo. Sawmdawnga ka innghahna tak meuh meuh a ni a. Ani pawhin min phatsan ve tho va. Chu thil ka ngaihtuah chuan hnem thei chuang tu awm lovin ka tap chhuak ve ta hawm hawm a. Kan thawm an rawn hre pha ang em tih lam ka ngaihtuah lo. Ka rilru natna zawng zawng ka tah chhuah pui a. Ka hrawk a nata a thip vek thleng chuan.


God! Sawmdawnga hi ka lo hmangaih tak meuh hman a ni.

Zanah thleng chuan Sawmdawnga call ka la chang ru kar a. Mahse ka hmu lo. Ka awm lo chu nuam a ti zawk viau pawh a ni thei. Nge ka duh lutukna lamah ka thikthu ka pe chhe kual mai mai tih pawh ka hre lo. Ka bulah chuan Malawmi chu a mu ve reng a. Engmah a sawi bik loh avangin a nun hluiah a rilru ngaihtuahna a vak vel a nih ka ring ve ringawt a.



"Naktukah khawiah emaw chhuak dun ang hmiang? Chuan sub-centre ka kal ni a nia." ka lu kanin ka thlek ta vat a.

Ka hmui chu tlum lutin ka ha chuan ka chilhbet vang vang a.
"Damdawi inah kal i duh em? Naute kha kan entir pah ang a. " amah tihphur tum pah fawmin ka zawt a.

"Duh tho mai. Nang engtik nge in check-up i neih leh hun?"

"Kei chu a la rei deuh. Ka kalna kha a la rei lova." ka lo ti a. "Mahse i banah an vit maithei a nia." hriau a hlau tih hre ranin k ti a.

"I ti awm ang lo em mai. Min sawi thaih kher lo la. Naute hian a lo hlau ve palh ang." ka banah thinrim derin a rawn chum taih a. Zanina a vawi khat nan kan nui chhuak dun hak hak a. Rilru na e ti lo chuan fiamthu kan thawh chhun zawm vel a.


A tukah pawh haw kher lovin tukthuan a ei nghal a. Kan pahnih chuan class kal turin kan chhuak dun nghal a. Sawmdawnga bula ka awm loh avangin a duh ang a class ka thulh kher a tulna ka hre lo. Mahse kan chhuahnaah te chuan min zui tu an awm ni tlatin ka hre tlat pek a. Ka hawi kualin ka hawi let leh zuk zuk phah a.


"I tha em? I hawi let zuk zuk a?... Enteh." kawng sira an chanchin bu zawrh chu a kawk a. A bag atangin pawisa nawi a phawrh a. A lei nghal a.

Kal pah chuan a pharh mawlh mawlh a. A hmui a tipawrh leh thin a.

"Sawmdawnga chuan a fawp ve chiang a nih hi... Hah.. Insawi fihlim a tum ve nasa ang. Mahse keimah zawk hi ka lo thinur hlurin ka hria. Kei chu ni ila chu ka pasalin hmeichhe dang a fawh vang pawhin a hmaiah lerh pawi loh zia ka hriattir ngei ang." Sawmdawnga leh Claire thlalak chu enin a kut lian vak lo chu a han hum ri thak thak a.

"Lawyer ropui....... Leh nula hausa Claire...Hah... An pahnih hian an sakhmel hi sawisak ka chak." a kuttum lek chuan a han ti a.
Nidang ang chu ni se phur takin ka lo tuihnih tawh ngei ang. Mahse ka hmangaih hnu atang hi chuan tihnat hi ka duh mawlh lo a ni.

"Tihpalh. I tan hriat a lo nuam lo a nih chuan." ka hmel a hmuh chuan inthiam lo zetin a tichhuak hlawl a.

"Tihpalh tih sawi suh. An phu ve ve a lawm. " ka lo ti ve ta salh a. Tlemin a inthiam lohna a zia phahin ka hria.

"Keini pahnih hi kan vanduai tiraw?"

"Engti zawngin?" ka zawt let a.

"Kei chu ka bialpain engmah ka lak atangin a duh lova. Ka fa pa nih a duh lova. Nang lah, tiang hi i thleng ta mai si a. Mihring hian kan hma hun tur kan va hre lo tak em!"

"Ni ngawt mai. Mahse ka hmangaih a. Ti maia tawpsan chu ka duh lo."

"Kei pawh ti maia tawp san chu ka duh lo." a rawn ti ve leh lawi a.

"Engtik nge chhungte kan hrilh ang. Rei tak kan zep thei dawn hauh lo a nia. Zingkar luakchhuak i neih tan phei chuan."

"Ka la inzep thei hram hram a ni. K nu hian min chik thei bawk si a. Min man chhuak lek lek zel. Ka hlauthawng thei lutuk. Ka pa hian a hriat hun chuan kut min thlak duh hial ang." a sawi zawng chuan a hlauthawng tih a rawn lang a.

"Hlauthawng reng reng suh aw. I kiangah ka ding tlat dawn a nia. Hrilh hun i tih hunah ka pui ang che. Engmah hlau suh aw. "

"Umm" a rawn tih lai chuan ka bag-a ka phone ah lai chu a rawn ri a. En pawh en hmasa lovin ka chhang nghal hmak a.


"Class kal lova ina hahdam hrih turin ka ti che a ni lawm ni?" a rawn ti teng chhawk a.

"Tu'n nge class ka kal ti a. " ka hawi kual leh nghal zak zak a. "Bakah min thunun tum tlat tawh suh. Keimah..." ka tih lai mek chuan thinurin a rawn rum ngur ngur a.

"Hahdam taka i awm nan tiin ka hlatah rei lo te chhung awm ka phalsak che a. Khatiang...." min demna thu a sawi chhuah hma chuan ka lo pawt chat nghal a.


"Malawmi nen thil kan lei a. Kan chhuak lawk. Kan haw leh mek." tih pahin ka phone k dah nghal hmiah a. Chhuan lam fahrah a rawn ti chu ka hre gman hram a..

Chhuanlam hi ka siam thiam lo ve viau em ni? A lak dawt var ka sawi dawn apiang hian min hriatchhuah sak ve ziah. Dawt sawi thiam lo tak k ni nge a fing a, min man chhuak hma pawh ka hre lo.


"Sawmdawnga a nia. Titeh, class kal lo mai ang hmiang. Nangmah chu va kal hmasa ila. Hun kan la neih leh kan let leh zawk dawn nia."

Ka rawtna chu a lo pawm ve nghal hmiah a. Muang chang lovin sub-centre lamah kan kal nghal a.

A hmun kan thlen chuan healthworker te chuan keimah zawk emaw min lo ti a. Malawmi chu a lo zak sen tan tan nghal. Mahse a chanchin pawimawh deuh lai ang chu ka sawi sak a. A lang a pauva ti lovin a chhung ten an la hriat hma lo zep hrih lawk turin. Eng emaw tih tihin an remti ve mai a.

Malawmi lawm hmel chu hmuh a nuam takzet. Ka hlauh pui ber chu a naute vangin harsatna a tawk ang tih hi a ni. Mahse tun thleng chuan a la fihlim thei chu a nia.


Midang ti hmasaho chu kan nghak deuh a. Kan pahnih insi riala kan titi mawlh mawlh lai chuan ka bag-a ka khung ka phone chu a rawn ri nghawr leh dar dar a.

"I tha em? Na i nei em ni?" ngaihtuah zetin min rawn ti nghal sawk sawk a. A hlauthawng tih a thawk lak dan atang chuan ka lo hriat sak a.

"Engmah na ka nei lo. "

"Chuti sub-centre-ah engnge in tih? Na i neih te chuan tinge min hrilh loh." a a em maw ni le tiin phone ka bih zawk a. Ka beng bulah ka la kang leh vat a. "Na i neih loh chuan tinge damdawi lam i pan?"

"Sawmdawng, nang hian min enthla ni? Ka awih thei lo. Min enthla tih sawi lo hram teh." thinur teuhna nen a lak atanga zalen lo lutuka inhriain ka tichhuak hawk a.

"Ka rawn kal dawn a nia. Lo awm reng rawh u." tih pahin phone a dah leh nghal hmak a.
Huh.. Ka lo kal bo hman daih ang. Ka hmu duh lo. A duh h7n huna min biak a, a duh hun huna min tihthat tur ka ni lo. A lunglen changin a rawn rak ve zeuh zeuh ni mai hian ka hria.

Malawmi chu ka tihfel pui vat vat a. Sawmdawnga rawn thlen hma chuan kan chhuak ta vat vat a.

Malawmi pawh kan ina rawn tlang tawh lovin an inah a haw nghal a. Kei pawh hmanhmawhin k haw tlang ve nghal a. Eng vnga hmanhmawh ve em em nge maw ka nih pawh ka inhre lo. Sawmdawnga chu ka hnung maia rawn lang ve nghal mai tur hian ka suangtuah tlat pek a. Mahse ka suangtuah lawk ang chuan a thleng hauh lo.


Min rawn call leh chu sawi loh a lan hian a rawn lang lo reng reng.


Min haw san atang khan kar khaat lai a liam leh tawh. Kan la inhmu lo vang vang a. Chanchinbuah te chuan amah leh Claire chanchin hriat nuam lo tak tak tur chu a inziak kur deh duah a. Mahse, chung chu chhiar ka tum chhin lo. Min tina belh chhanh tur leh ka thikthu paw chhuak thei tur ni tlatin ka hria a.


Kan in kawngkhar pawna mi pakhat a rawn din hma thleng chuan ka nute bula ka awm chu ka pangngai hle a. 'marawhchu, kan inbiak a ngai tiaa ka hmuh rawn ngiattu an awm chiah chuan ..!..!..!..!.!!

[Ngaia]

DESTINED TO BE HIS BRIDE🌶




Chapter 37




Ka hmaah chuan indah sang vahin Claire hi a thu a. A kut chu a hnute hnuaiah chuan a kuangkuah than bawk a. Keimaha awm a duh loh zawng zawng melh chhuah a tum emaw tih tura chikin min en nasa a.

A hmaah chuan a tui in tur chu ka nghah thlak sak chawrh a.
"In la, i haw leh nghal a thain ka ring. Helai hmunah hian lawm i ni hauh lo." ka tifak a.

"Ka lakah hawihhawmna lantir i tum hauh na nge? Nizan thil ngaihtuah kha chuan hawihhawmna chu ka beisei lem lo. Mahse, i pasal nen kan inkara thil awm tur i hmu thiam tawh mai ang a. Chuvanga rawn kal chu ka nia."

"A kalna tur loah i rawn kal niin a lang."

"Ka rawn kal sual lo e. Dik tak chuan kan pahnih inkar atang hian lo inthiarfihlim rawh. A hma pawhin ka hrilh tawh che. Kan pahnih hian inthlah kan la harsat ve ve a. Bul tan that leh theih kan rin avangin kan inkarah i lo tlazep mai mai a ni."

"I sawi kha a dik lo tih kan hre ve ve. Mipahnih inkara rawn tlazep zawk chu tunge tih mi zawng zawngin an hria. Chanchinbu kha i chhiar ve chek ang a. Lawyer nupui chu tunge tih hre lo mah se tunge a hmei tih chu an hria."


"Z****i, i tawngkam kha fimkhur rawh aw. " thinrima a rawn tawng chhuah nghal chuan ka lo nuih sak a.

"Hun i rawn khawhral mai mai a ni. Haw tawh la, i hna va thawk zawk rawh. I hlawk zawk ang."

"I pasal hian eng atan mah a ti lo che. Mo tha tak pawh i ni ngai lo a. I pasal tan tihsak engmah i nei ngai lo. Chuvang chuan then la, ka hnenah min pe kir rawh. Keiin ka hmangaih a. I pek theih loh thil zawng zawng ka pe ang. I neih phak bak rosum, in leh lo, hmangaihna, ngaihsak na, duatna leh.....sex pawh." ka thawk chu ka chuapah khung hlen lo chuan ka thaw chhuak ham ham a. A thusawiin min tih thinur zia chu hmarhcha tai sen tek tawk ei ang vel ka ni.


"Ka pasal chu i lo ngaihtuah ve a ngai lo. Khawvelah hian nang chauh awm mah la a thlang lovang che. Awm lo pawh ni ila min nghak fan fan thovang. Chuvangin beisei tur a awm lo tih hrethiam la. Kan lak atang hian inthiarfihlim zawk rawh. "


"Ka laksak dawn che ka tih kha i hre tawh lo em ni? Ka thutiam chu ka hlen ngei ngei bawk. Engtikah emaw chuan i pasal ka neih sak hun che hi a la thleng ang."
Huh.. A lul ve ngang ngang maw?

"Dawhtheihna tlem te ka la neih lai hian chhuak rawh. Khatiang thu kha i sawi reng a nih chuan ka dawhtheihna hian a tlin reng seng lovang."

Hnar var hak hak chuan ka inhumruh a. "Sawmdawnga sex a hmanpui ang maw? Teuh lo. Ka pasal a nia. Ka tawmpui ngai lo. A thleng ngai lovang." ka ngaihtuah a. Sex hmanpui a duhna thinlung ringawt pawh khan min tithinur lutuk tawh. Ka zungbun bunna ka hum tawn tlat chu tang tung chunga pharhin a hma dawhkanah chuan ka zuk pharh thlawrh a.


" Tuna chinah chuan I pasal ang maiin lo ngaihtuah ve tawh ngai suh ang che. Ani hi ka tawm ngai lo. I hria em? Ka ta chiah a ni. I tawngkam khat pawh khan i taah han sawi leh teh. I inchhir khawp ang."

"wow! Tak tak maw?" a nui uar uar a.
"I inthununna i thlah zalen lai chu hmuh ka chak ngawt mai che. Eng ang taka hlauhawm nge i nih ang? "min nuih sawh a ni.

"Min ring rawh. I hmu duh hauh lovang." ka lo ti khauh a. Rei vak lovah chuan a nui lui nasa lutuk chu a rawn reh a. A hmel chu tura khat leh tikhai chuan a rawn thim khap a.

"Kan awmdan hi ka ning tan riau mai. Ka dawh theihna hian a tlin tawh lo. Kei chu chet lak nghal hmiah hmiah ka duh thin tih i hriat kha." ka ke a rawn en a."l la hre reng ang chu." a rawn ti a.


"Ka la theihnghilh hauh hlei nem. I tuar tur pawh tuar tan tawh la ka ti. Mahse kei ni lovin ka pasal ngeiin hremna a pe ang che. Ka hnen atang chuan ka pasal pek ang lo deuh che i dawng thung ang. "...." Ka chunga i lo chet tawh dan avang khan ngaihdam min dil la. Chuan ka ngaidam ang che. Hremna pawh i hmuh kher a ngai lovang."


"I pasal ka lamah a tan chhung chu ka hneh thei reng ang che. Ka tan engtham mah i ni dawn lo. A tel lo chuan hmeichhe nep tak pakhat ve mai i nih kha." min tham lohna avang chuan ka sa nghal pup pup a.

"Kan in atang hian chhuak rawh. Ka duh loh tawp thil ka tih hma hian ka pindan hi chhuahsan rawh."


"Helai pindanah hian i pasal nen nuam in chen dun tawh em?" ka ngaihdan hre duh ni awm tak chuan a mit ko a san awk bawk a. Ka thinrim lutuk vang chuan ka lo chhing sawk a.



"Chu zawng, i hriat kher a ngaih loh chu. Ka insum theih lai hian chhuak vat la. Lo hawi kir tawh suh ang che." kal pelin ka pindan kawngkhar chu ka va hawn sak a.


"Ka chhuah hmain sawi tur ka la nei. Ka sawi duh chu, naute titla rawh ka tih kha i la hre reng ang a. Hun pawh ka pe che. Mahse engah mah min ngai duh lovin ka thu i ngai lova."


"Engnge i sawi tum?"

"Khatiang thil kha ka tih a lo ngai ta a ni. I eitura damdawi mum khat pawlh kha a lo tawk hauh lo tih hria ila chuan mum thum ka pawlh ang i ka chhunga i hnawhluh turah khan." thip tak chuan a rawn ti a.


"Maw? Engthu nge tuna i sawi kha?"

"Mahse ka hriat lohna khan naute chu tun thlengin a la dam tir ta a nih kha." a hmuia nui hmel lang chuan ka thin a tiso sang zual a. A kawngkhar dawmna thlahin ngaihtuah nawn hlek lo chuan a hmaiah ka beng ri nghal chawrh a. Ka kut na thip sup sup atang chuan ka beng na lo zek zawk lovang tih ka hria.


"Nang hian min beng ngam elaw?"


"Han sawi nawn leh teh. Ka naute thih tepna kha i tih a ni tih han sawi nawn leh teh." khawi atang nge ka rawl a rawn chhuah ka hre lo.


Ani hian ka naute ka hmangaih leh ka theih tawpa venhim ka tum kha a lo tina ngam vel a maw?


Che ngam lo thak tur khawpin naute nu hi tunge ka nih a la hrechiang lo a nih hi.

Ka ben chawrh avanga tlawmngai lutuk min rawn ben let ve tum chuan ka thinurna a tiso sang zual sauh a. Ka naute ka chan teuh em avanga ka hlauhthawnna te, ka chhan nat ka tina lutuk leh naute pawisawi lo laka a chet dan nunrawng tak vang chuan a kut rawn phar chhuah chu ka lo ben thlak sak sawk a. Chutah che chhuakin a chhip samah ka tam a. Ka theih tawp tawp chuan ka kek ta buan buan a. A hmaiah ka hamin ka tham sak a. A hmar ka sawkin ka sik bawk a.


Ka naupan tet atangin midang ka sualpui hi ka la hre ngai lo. Ka nu min fuihna pawh midang chunga sual lo tur leh an chunga that chhuah a. Min lo tibuaitu an awm pawhin a him chinah hel hram hram turin a ni. Minute tlemte liam ta thleng khan chu chu ka la tihlawhtling a. Ka vawng jhiau reng bawk. Mahse tunah chuan ka thei tawh lo. Henu hian a huang chin a pel mah mah tawh.


Ka pindan atang chuan ka kek chhuak nghal tawl tawl a. A tan nat pauh leh ka kehna ka tinain a ban lo phar a min rawn keh ve a tumnaah chuan ka lo seh sak vawt a. A te that thawm pawh hla tak atangin ka hre vuai vuai. Ka hriat zawng chu ka thinur lutuk sa huam huam ka khawhmuh zim vek leh hmun khat chauha insawrbing chu a ni.



"Eng thil nge thleng hi? Karei! Bawihte, Mercy..
Thlah rawh,i thiannu kha i tihlum thei takngial dawn."

"Mercy, Ngurnunsang." a ri mawl ve tawp niin ka hria. A sam ka kehna kut chu tuin emaw phelh tumin a rawn bei ngial a. Mahse a phelh zo lo.

"Duhtak, Bawihteipa..."..."Thil tha lo a thleng a nia. Lo kal vat teh. Awi! Ka duh lo. Thi a chhuak a niaa." ka nu chu a te chel chul a.

A hnu rei vak lovah chuan tu emaw hian hnehsawh lutukin ka kut pahnih chu Claire misualnu sam atang chuan a rawn la hrang thei ta mai a. Duh lo lutukin ka kut chu lak let ka tum. Ka tang sauh sauh a. A keah te chuan tlawhin ka tal vak vak a.

"Min thlah rawh. Henu hi ka khawih chakna a rei tawh lutuk. Ka sawisa hrep dawn. Kan naute tihhlum a lo tum vel a. Ka tuartir ve dawn. Ka en liam mai mai dawn lo."

"A tawk. Inbeng dai rawh."

"Aih. Min thlah rawh. Ka khawih hrep dawn che nia" ka kut chu rei lo te tal pit lehin a samah ka va kek leh hman tep tih chuan kut tha ngai bawk chuan a rawn man leh a. A lamah min kuah bet vekin ka kut pahnih pawh chu che sawn thei lek lo chuan a man bet dun ta daih a.

Chutia ka chet theih tak lohah chuan ka mangang lutuk chu ka thin la ur bawk nen ka tap chhuak hawk a.

A awmah min kuah beiin ka tha ka thlah zal thleng chuan min kuah ta hle hle a.

Ka thin so bulh mai a reh a ka inngaihtuah fim hnu chuan chan chau inti lutukin ka tap hluam hluam a. Tunge min kuah tu tih ka hriat phei chuan ka lungphu hi a chawl deuh thuap ni maiin ka hria.


Dak chhuakin a mitah tak ka han en a.

"Tinge min lo dan? Ani khan nun nuama awm a phu hlawl lo." a ngaihna hre lo takin min rawn en a.

"Heng thil hi nangmah vang vek a ni. I hria em? Nangmah vanga thleng a nih hi. Nangmah vang hian ka pum chhunga naute hi a thi tep a sin. Khawngaihna nei lo lutuk. " ka maimitchhing a.

"Ka hua che, ka haw lutuk che." ka taksa a kur dawt dawt a.
"A thl tih engkim hi i pui vek a ni. Ni lo se chuan kan in chhungah ngei pawh ke a rawn pen lut lovang. Amah hi chhiatna a nih hi."


"Bawihte," ka nu rawn kal gnai chuan tissue paperin ka kut hmawra thi kai vel chu a rawn hru a. Claire aam til ni awm tak tak chu a thian mawlh mawlh a. Ka hawi chhuah leh chuan kan Claire misuali chu khawiah nge a kal reng reng ka hre lo. Min hlau a a tlanchhia pawh a ni mahna. Ka pa nen inthurualin an tlanchhia a ni ang.

Chutih lai chuan ka tha khur leh thinphu rang chu ka khaw hmuh a fiah lova. Ka khawvel chu zawi zawiin a thim ta riai riai a.
"Bawihi, Sweety, ka hmangaih!!!!???..." zawi zawiin ka hriatna te chu an muhil ta thap a......

______+++


Sawmdawnga POV'

Bawihi rilrem lo chungin Party chu ka kal ve ngei a. Mahse ka rilru chhungril tak chu a hrehawm ru vawng vawng a. Camera hmaa Claire hmuiin ka hmui a rawn bawhthuah tak chinah phei chuan rilru nuamin ka awm tawh lo hrim hrim.

Claire hian eng tak nge a tum ang a. Kan inkarah engmah a awm tawh lo tih chian hnuah leh nupui ka nei tawh tih a hriat hnuah ngei pawh Bawihi laka a chet duh dan hian ka lu a tihai chhawlh thei.

Ka thian tha tak a ni thin a. Sex-ah pawh kan tlan nasa dun hle. Kan inzui chhung zawng khan thinlunga zawmna ka nei ngai lo. Mahse, a lakah khan ka tisa mamawh ka hmuh nasat em avang khan phatsan a midang kawp san kha ka tum chhin ngai lo. Mizoram lama ka haw, Bawihi ka han hmu chiah khan ka mit leh thinlung atang hian hmeichhe dang ho hmelthatna leh mawina hi an chuai ta tual tual a. Ka hrethiam lo tep a. Mahse, Bawihi ka hmangaih vang a ni reng si.


Hmanhmawh leh ipik tunin ka haw a. Ka haw kawngah te chuan Bawihi laka ka insawi fihlim dan tur mawlh ka ngaihtuah a. Nge, ngaihdam ka dil zawk ang? A lo hmuh huna a rilru na tur leh a mita natnaa kht khan min en leh kuai tur ka dawnin kei kun 30 ral kai ve meuh tawh hi ka buai chiai zo vek a.

A hnenah kha thil thleng kha ka tih a nih loh thu hrilh a inrin tir ngei tum chuan kan in chhung chu ka lut a. A lo thimin a reh thuap a. Ka chhungte chu an mu vek tawh tih ka hrethia mai a. Hreh leh hmanhmawh em em chung chuan kan pindan ka thleng chho a. Ka huaisenna sawm khawma kan pindan ka luh chuan ka duh ang ka hmu haauh lo. A thimin a lo reh thuap a.

"Bawihi?" ka au a. Ka hmu lo chuan pindan kil leh bathroom lamah ka zawng thul. A bikuk theihna awm zawng zawng ka zawng kual a. Ka hmu si lo. Tun ang zan rehah lehnghal ka hlauthawng chuan min hawsan a nih ka ring ta ber a. Kan pahnih thlalak kha a lo hmu hman a ni ngei ang.

"God! Engthil nge maw ka thlen tir tak hi le?" ka sam kekin ka rum hrawih a.

Amah han biak ka tum lahin a tlang thei der si lo. A tawpah ka mangang chuan ka puzawn ka calll ta tawp a. Ani'n thil awmzia min rawn hrilh chian chuan hmanhmawh lutuk bawkin kan in ka tlanchhuah san leh nghal vang vang a.


Ka va thlen chuan a awmna pindanah han luh chilh nghal mai kha k duh a. Mahse amah ka ngaihtuah vang bawkin ka ti thei ta lo a. Kan thawm hriain ka pizawn a rawn chhuak vat a. Bawihi nen an awm dun a ni chiang mai. Rum lutuk8n k melh a. Ka melhna engah mah ngai lo chuan min rawn pan hnai a. A pasal awm ve reng lo se chuan ka hmaiah min beng thuai duh ang tih tur khawpa rumin min rawn en let a. Ka tawng dawn zuk a. Mahse mitmei min hmuhin ka puzawn nen a inbiakna pindanah kan lut ta zawk a.


A hnu fea Bawihi pindana ka lut ve thei chu khawvelah hian ka vannei ber awm e.

Ka rindan chiahin a che ta chiah bawk a. Chu chuan min tina thawkhat hle. Ka zir loh hmasak a ni tih ka hria a. Chu chuan min vaw na bawk. Ka thusawi ngaithla duh lova min inlukh7p san tak daih phei chuan ka buai lutuk hi ka a lo chauhin ka hria. A reh tak deuh vang vang hnu chuan a muhil tawh nia ngaiin k thawmhnaw ka helh a. A bulah chuan muhil ve turin ka muthla ta a.


Zanah te chuan a rawn thaw leh ham ham zel a. A taksa insangmar lutuk han inthlahdul vel ni maiin k hria. Ka banin ka kuah a, ka taksa hnaiha a rawn nek tawlh tawlh te chuan a la danglam lo tih ka hria. A rilruin min tei thei hrih lo mah se a thinlung leh a tisa hriatna hi chuan a mutthilh hlan pawhin min hai lo. Chu thu avang ngawt pawh chuan lawmin ka nui sek a.



Zing ka thanharh ve a tho tura min ti nghal chu hrilhhai tak hian ka en a. Mahse ka thiam loh a ni tih ka theihnghilh hauh lo. Hetia a awmdan atang hi chuan ka rualin a rawn haw duh dawn hauh lo tih ka hria a. Chuvangin ka nawr ru ve deuh bawk a.


Pawnah lo nghak tura insawiin ka chhuahsan ta daih a. Ka puzawn nen chuan kn inmelh vang vang a. Nizan lamh kan inbiak vek tawh avangin sawi leh tur dang a awm chuang lova Bawihi chu pawnah ka lo nghak mai dawn a ni tih sawiin ka chhuak nghal ta vut a.


Ka pizawn kha chuan hmelma melhin min melh a ni tih ka mitmeng leh chezia atang khan ka hria.

Rei tak ka nghk a. Mahse a rawn lang thei hauh si lo. Insiam peih a hun tawh. Ka ruala raw n haw chu a duh lo tak tak a nih dawn hi.


In chhungah a lam tura ka luh leh chuan a hmelah min lawm vak lo tih ka hre vek a. Na pawh ka ti. Mahse min hawsan lo tira ka duh a nih chuan ka tawrh a ngai tih ka hria.

.....

Kawngkhar pawnah chuan ka ruala rawn haw duh lovin a ding tlat a. Tah em em chuan ka nawr lui thei dawn lo tih ka inhria.
A rilru dam dan tur ber chuan awm ka phalsaak hrih ta tawp a. Chuti taka ka remti hma leh si chu maktiin min en leh ta hau a. A inpeih huna hruai haw leh turin ka ti ta ringawt a. Zawi muanga inherin in chhungah chuan min luh bosan ta daih a.


Inthlahna leh mangtha emaw a sawi lova. Min en liam bawk hek lo. Chu chu ka ngaihtuahin ka ngaithiam lo chu ka thaw hrawk a.


A tel lova in ka haw chu dik lo vek mai hian ka inhre hu a. Ka chhungte pawhin chanchin min lo zawt a. Mahse, awm hrih tur ka tih thu ka hrilh ta mai a. Dik ti chiah hlawm lo mah se ka tih a nih avangin min hnial hauh lo.


A tan a him zawkna tur leh ka hmuh loh kar lak pawha buaina a tawh loh nan atan en thlithlai ru tur ka ruai t a ngawt a. Ka hna ka buaiin k be hman si lo , ka mi rawihin a lhat mawi tawka chanchin pawimawh min rawn hrilh leh zawk zawk thin chu buai a tinep sawt a.


A.thiannu nen class kal tura aan chhuak tur thlalak ka hmuh chuan ka ding zawk a. Tun ang hun taksa leh rilru hhdam tul hun lai leh kn fa a ngaihtuahawm lai hian tinge ina a awm mai mai loh? Thinrim inthunun harsa teuh chuan ka bia a. Min la ngainep zui em em lehnghal a.


A hnu rei vak lo a subcentre kawta an ding lai thlalak ka hmuh leh takah phei chuan hlauthawng tak ka ni ringawt. K bia a. Min chhang tha duh lo hle lehnghal a. Hrep chuan a!


Motor la chhuaka an lam ka pan meuh chuan an awmna an lo chhuahsan fel leh ser si a. Huiham! Bawihi zet chuan min tibuai tkzet a ni.



Ka motor chu tidingin ka thu ngawi ang ren rawn a. Ka tilru siam felin an awmnaa kal loh chu ka titlu ta tawp a. Min hmuh duh loh ber lai tur hian a mit hmuha inlan ka thei lo a ni.


Bawihi ka biaka ka hmuh loh atangin hun a liam leh teuh tawh. Ka khuaharin ka ngai a. Ka thlarau leh taksa hian an mamawh sup sup tawh a ni ber.

Claire nen kan inhmu zeuh zeuh a. Mahse party zan atang kha chuan ani ka rinna a tlahniam then a. Chuvangin a hma ang chuan ka pawh tawh lo. Ka thik a ka buaipui ruk thin en em , ka thikthu chiatna ngawih ngawih Bawihi chungchang ka hriat loh a hriat ang ang chu min hrilh leh zauh pek a. Min hawnsan hnu fe pawh chuan ka la ngaihtuah ngut ngut.


A tawpa tawpah chuan ka kawrchung lain ka hnathawhna hmun chu vawiin atana a vawi khat nan ka chhuahsan ta a.

Bawihi chanchin hre tr leh ka ngaih em avangin hmu turin ka chhuak ta rawih a nia.. Mahse, an in ka va thlena ka thil ka hmuh chuan min thawng khawp mai. Ka tum loh dan deuhin Bawihi'n claire sama a hnuk phar dawr dawr chu ka va hmu ta zawk a.

[Ngaia]

DESTINED TO BE HIS BRIDE



CHAPTER 38



Bawihi'n Claire sama keka a tham chawt chawt chu anu leh pa chuan pawh hran an lo tum ve reng a. Mahse a tham nghet khawp mai. Va inrawlh a, a kut pahnih ka lak hran theih takah chuan a thlah ve thei hram a. Mahse ka thelh hrang chu a duh lo ngang ngang khawp mai.


Ti khawpa a thinrim mai hian mak min tih tirin ka ngaihtuahna a vah thui tir nangiang mai a. A sam buk tla chhar leh thinrima an insual vanga a hmai tai sen hlar mai te chu ka en a. A hmuhnawmin ka lawm tlat pek a. Kek leh tura chhuahtir leh mai ka pawiti hauh lovang Bawihi i a dik zawk a ni tih hria ila chuan.


Ka hmerna lakah chuan a tal ve tang tang a. Ka rin ai daihin thahrui pawh a nei tha. A chakin vawikhat phei chu ka lo man nghet lo bawk nen a tal pit zawk a. Claire sam a tham beh leh hmaa ka man leh hman chu vanneihna nasa tak a ni.



Khawih zawn thei lova ka siam takah phei chuan ka awmah beiin a rawn tap chhuak ta hawk a.
" Tinge min lo dan?..."......Tiang thil hi kemah vanga thleng a ni tih a sawi phei chuan chhan ngaihna reng reng ka hre lo.

Min huat thu a sawi chhuah phei chuan ka lo thaw hrawih a.Engvanga insual nge maw an nih le? Thil thleng hi ka hrethiam lo takzet.



Bawihi tap chuak hawk chu ka en a. A kuta kai sam leh thisen tlem rawn tifai mawlh mawlhtu anu chu ka han en leh a.
A ri lo chuan "Nakinah kan sawi dawn nia." lu thing pah mat matin a rawn ti a. Chutih vel chhung chuan Claire lu thur bum mai leh hmai sen deuh nuau chu ka puzawn chuan a lo kalsawm pui daih bawk a.

Min huat thu a chhak chhuaha naute Claire vanga a thih tep thu a rawn sawi lan te hlei hlei chuan ka hrethiam lo zual deuh deuh a.
Rei lo te tak tak hnua nikhua a hriat loh taka phei chuan hlauthawng tak ka ni ringawt. Pawm kangin rang tak chuan thutthlengah ka thut thlak pui a. Mahse ka en chian chuan a taksa chau muhil a ang mai zawk.


Damdawi ina kal kher lo chuan Dr.Bee ka ko nghal vat a. A rawn thlena a han en chuan Bawihi ka ngaihtuahna a sang sauh a. He inah hian ka riah tir tawh hauh lovang. A thil ei leh inah pawh an enkawl hneh lo a nia. A taksa hahdam ngai bawk nen. A sam buang thang chu ka han tuai sak hauh hauh a. A mitchhina a mithmul er sal mai dum hlap chuan a hmel a tilang fiahin a titha zual tak zet.


Ka kut zungtanga ka chhui phei riak riak lai chuan a mitmu a rawn kal ralh ralh a. Ka khawih a hria emaw tiin Bee chu ka va melh vat a. Ani chu a lo thaw hawk.


"I nupui hi tha te tea nau hring tura i duh chuan enkawl tha ang che. Ei leh in titha se, a taksa chau hi hahdam thin bawk rawh se. A taksa chau a nih hi nikhaw hre loa a awm. Chuan a pawimawh ta ber chu rilru haha a awm kha a ni." a ngawih zawk hnu chuan "Vitamin ka ziah chhuah ho hi pe la. Walk pui thin rawh aw. Nau a har lutuk loh nan exercise la thang rawh u." lehkha a rawn lek chhuah va chu ka lo la vat a. Ka en vang vang hnuah ka pocket-ah ka khung nghal a.


"I en liam ringawt ang e aw. Nang hian i lo theihnghilh leh thak pek ang e. Ka pi, lo hriatpui rawh aw." a fiam thu zui nghal zauh a. Kei hian engti kawng zawng mahin Bawihi chungchangah hmaih emaw theihnghilh emaw ka nei dawn lo tih a hrechiang reng. Nui sukin min rawn siai sek a.


Bee a hna lama a let leh hnu pawh chuan Bawihi bulah thuin a kut ka hum sak vang vang a. Ka hmuiah la kangin ka hmui chuan a kut hnung chu ka nawr bet vang vang a. A thawk zawnga a awm rawn insep kang leh thin chu ka en pah reng bawk a.


Ka pizawn pawh kan piah lawkah thut hmun a rawn rem ve a.
"An inhau thawm ka hria a. Ka han ngaihthlak chian meuh chuan an lo ri nghal buan buan tawh a. Naute tihthlak chungchang te kha an sawi a. I ngaihven chian deuh chu a ngai a ni. En liam mai mai a tum hmel si loh a. "tiin Bawihi mu thaw sak sak chu a en vang vang a.


Rilru buai nuai chuan thawk ka la hawk a. Naute chungchang a sawi ngun tawh si a. Thil eng emaw dik lo hi a awm tak tak em maw ni aw? Bawihi hian dawt lo sawi lo ta se. Claire hian kei leh ka chhungte hi Bawihi hmaah min lo bum mai mai a ni thei ang em?

A sawi dan chuan Bawihi hian min hmangaih hauh lova, min hmangaih ngai pawha a rin loh thu min hrilh a. Bakah Sawmtea nen inlaichinna an neih thu min hrilh chamchi bawk si. Kha an thlalak a lem tih ka finfiah kha thiam taka an mahni remruatnaa min thawn a ni thei mai ang em tih min zawh let khauh phei chuan ka rilru a buaiin a mangang a. In lamah Bawihi lakah ka tuan phah reng a nih kha.

Bawihi'n naute neih a duh loh thu min hrilh te kha a tak ni tur chuan ka ngai ngam lo. Mahse dam dawi a lo ei reng si a. Khang pills leh ram hnim damdawi a thawmhnaw bawma a dah thuhruk te kha ka ngaihtuah chhuah a piang hian Bawihi tih a ni lo tih hi inrin luih tir phet harsa ka ti thin.

"Dawnga" ka pizawn aw ka hriat chuan ka inngaihtuah muk lutukna laka ta ka harhchhuak zawk a. Ka kut leh lam chuan ka hmai ka han tuai pawk a.

"Umm. Eng maw i sawi?" ka ti tuak a.


"Bawihi'n Claire hming a lam ri a. Kha nu kha a ni em? I ngaizawng tak tak tih hi a dik em min han hrilh teh."

A thu sawi chuan ka nuih te hial a tiza a. Han nuih vak china lah a ni mang si lo.

"Ka thian a lawm a nih. Ka thian tha tak."

"Anih a thik tlat hi engnge a chhan ni thei ang. I thian tha ber chu a pawm pui thlap thei tur che a ni lawm ni. Thian chauh lo deuh in ni a ni mai lo maw? Chutiang chuan a sawi tlat a ni."

"Ka sawi ang khan thian bak kan inkarah a awm lo." ka ti bung vut a. Ka pizawn biak hi ka la lawm thei tlat lo. Tha te tea biak chu a tha ka ti lutuk. Mahse, ka lawm lo tih a hre ta sa sa. A lakah that chhuah ka tum phah chuang lo.

"I ngaihtuah that leh a ngai a ni. Bawihtei hi hmeichhe khirh leh tihmawh tak a ni lo a. A felin kei phei chuan ka chhuang rilru thei hle bawk. Mahse, a tet te atangin mi dik tak a ni a. A hriat chian loha tang tang tang mi a ni lo a nia. Chuvangin han sawi tlang ta tawl ila,kei chuan Claire nen pawh hian in inkar hi thian chauh a nih ka ring lo deuh a ni."


A sawi velah chuan ka melh ta hrawk a. Mahse a hma angin zam hmel a pu hauh lo. A thusawiah chuan a ding nghet hle bawk tih a hmuh tlang theih vek.


Bawihi lam chu hawi lehin a hmel chu uluk mangkheng hian ka en ta tlawk tlawk a.


Tinge rilru haha a lo awm ni, kei zawk hi a ni lawm ni rilruhah tur chu?.

Ka rilru a buai nuaih tak tak a ni. Ka pizawn a chhuah tak daihah a awm laia thaw tha ngam lo ang mai chuan ka thaw chhuak nghal ham ham a.


Bawihi kut ka vawn reng chu la kangin ka biang chu ka nawr vang vang a.


"Nang hian nangmah hnawl chein Claire ka thlan i ring tak meuh em ni? Mimawlnu,
Ka hmangaih che ka tih kha. Tinge i rinhlelh. Hman atanga tun thleng hian ka thinlung chhungril ber luaha kawltu chu nang chiah a sin i nih.

I tet lai atang tawhin min thuhnuai a. I thanlen chhung ram dangah ka awmsan chung che pawhin ka rawn let leh tirh atangin nangmah bawkin min thuhnuai leh a.


Ka thinlung hi i sal tang dik tak a sin a nih. Hrui zam tel lovin min zem bet tlat a nih hi."

Ka kut phah chu pharh hlupin a dul zawnah ka dah a. A pum rawn puar ve awk tawh chu ka chul kual a.

"Claire nen kan inkara thil lo awm tawh thin chu hrilh hriat ve kher che ka duh lo. Tihian, ka awm ang tawp hian min pawm thei la ka duh ber. " amah ang bawkin tlangval thianglhim, ngaihzawng nei miah lo leh a hmangaih ngawih ngawih angin min ngai thei se ka duh zia ka ngaihtuah chuan ka nui sak a. A tan tlangval thianghlim ka ni hauh lova. Ka hun hi her letin siam tha leh thei ila chuan a thanlen chhung zawng khan a bulah awmin Sawmtea ngaihtuah hman lek lovin ka siam ang a. Tun hnuah lungngaihna tur ka nei hauh lovang.



"I tan a hmasa ber ka ni a. Tun thlengin ka ta chiah i ni. I taksa ka nei a. I thinlung zawng zawng pawh ka tan chiah ka duh. Kha i thinlung zawng zawnga i lo duh thin kha thai reh sak theih che ka chak. Amah ngaihtuaha i mut lai te khan keimah chauh min ngaihtuah la ka duh ber."


Kha zan Sawmtea rawn inlar leh tan zana kei min hnungchhawn ngata a mut zan khan a hming a lam chhuak ngei si a. Ka ngaihtuah let zawng pawh hian Patling na hre thei lo hialin mite lakah lang thin mah ila na ka tiru vawng vawng si a.


Pindan pawna thawm rawn awm khap khap ka hriat chuan thawk ka la hawk hawk a. Ka thutna atang tho chhuakin Bawihi pum chu ka hmuiin ka zuk nawr vang vang a. A thawk zawnga a pum rawn kang leh ak ak thin chu hriat nuam ka lo ti takzet. Ka lu la kangin a chalah ka han nawr leh a. A thawk muang leh ri sak sak chu ka ngaithla a. A lungphu ri te hial pawh hriain ka inhria.


"Ka lo let leh ang. " ti supin a kut ka vawn ka thlah a. Pawn lamah ka chhuahsan ta a.


Thut khawmna pundana ka puzawn lo thu buau chu ka pan a.

"Bawihi hi ka hruai haw tawh dawn a ni."

"Tah khan thu phawt teh." min en lova a hma zawn en run chungin a rawn ti a.

Ka thut thlak chuan a tawng nghal mai dawn emaw ka ti a. A tawng tak mai si lohah chuan thil sawi tumin ka ka ka ang leh hman zuau tawh. Ngawi tur chuan a kutin min rawn zaizir a.

"Kha nu kha i tan engnge a nih?" leh bawk chuan.

Ka ngawi phawt a. Chhan tur nge chhan loh tur ni ang ni? Claire nena kan inkar hi an ngaihven hlawm em em a. An rin ang hian inkar thil kan nei tawh hauh si lova.

"Ka thian tha tak a ni a. Ka tan...."
Sawi chhunzawm lo turin a kut bawk chu min rawn vai khum leh a.

"Anih naute chungchang ve kha. Bawihi hian naute neih a la duh lo tak tak em ni? Nau tihtlak kha engnge a awmzia? A nau chhiat hman tep kha tih luih vang em ni?" ta chiah chuan.

Ka ngaihtuah vang vang a. Chu chhanna tak chu ka lo nei hauh lo mai. Ka nu khan Bawihi tihah a puh a, Bawihin a pha bawk . Doctor khan tihtlak a ti ngei bawk. Chuan bawihi thawmhnaw thleh zinga pills leh ramhnim damdawi kha ka hrechhuak zawk a. Mahse chu chuan chhanna min la pe chuang reng reng lo. Bawihi hmel kan haw nia ka en khan dawt sawi hmel a pu lo hulhual si a.

"Ka hre bik lo. " tih chauhin ka chhang a. Bawihi tih a nih ka rin deuh rum rum avangin a thawmhnaw thleh kara nau tihtlak theihna ka hmuh kha ka hrilh duh ang em tih ka ngaihtuah a. Mahse, hrilh loh phawt chu a tha ber dawnin ka ngai. Tu pawhin Bawihi hmel an enin chutiang ti duh hmel a pu lo tih hriain an ring lo vek dawn bawk a.

"Engvanga min zawt nge i nih ka hre hauh lo. A chhan te a awm a nih chuan..."

"Khanu kha i ngaizawng em?" min zawh leh tak tawl avang chuan chil ka lem sual lo chauh a.."Mercy khan in inkarah thil awm a awmin a sawi a." ani pawhin a ti leh ta chiah a. Bawihi hian eng rilru nge a put ni ang aw. Anu leh pa bulah ngaihzawng nei angin min lo sawi em maw ni dawn le. Hrethiam lo takin ka puzawn chu ka en leh a.

"Min hrilh hauh lova. Mahse a sawi ri ka hria a ni. Anu kiangah khan a sawi thuak a. In inngaihzawn thu a sawi fak lo na chu chutiang thil chu in lo nei thin tak zet em tih ka hre duh mai mai a nia." a rawn tidam leh thluam a. A fanu chu a lo chik ru hle a nih dawn hi. A duat teh hluakin a lang dsi lova. Mahse Mercy hian a hmuh loh lamah apa hian a lo veng ru khiau niin ka hmu ta ber mai.


"Kan nei hauh lo." Claire nena kan inkara thil awm loh zia chu ka lo sawi nghal thuai a.
Chutah chuan rilru hajdam huai ni mai awm hian a thaw ta huai a. A hmela hmuh hmaih rual loh hahdamna rawn lang chhuak riai riai chu ka hmu tel bawk.

"A tha hlauh a nih chu. I hnenah lungdam takin ka hlan a. A nat lehna tur a nih chuan kei hian ka inngaidam thei dawn lova. Rilru na reng renga ka liamsan loh nan nang pawhin i thutiam kha vawng ang che." min hriat nawn tir duh ni awm tak chuan a rawn sawi chhuak a. A tum ang ngeiin kei pawhin ka neih ngei theih nana ka inhuamna zawng zawng kha ka hrechhuak leh a.

Kha tih hun lai khan nupui neih hun tawh tak ka ni a. Bawihi hian ka mit a lain min hneh ber bawk si nen, neih ngei kha ka tum bur a. Mahse, ani lah chu a la naupangin a la inzir mek reng a ni si a. Khati chung pawh khan chan phal lovin ka umzui reng a. Ka hmangaih tih apa ka hrilh hial bawk a.

Kha mi tum a fanu naute ang maia a la ngaih ka hmangaih tih a hriata a meng rum tur lutuk pawh kha ka la theihnghilh hauh lo. Ka nuih hial a tiza. Ahmaah ka nui huk huk lo chauh.


Amah pawh hi ka u rual a ni pha a. Chutah a fanu naupang te, kei senior tan tawh, lawyer ka nih vanga hriat loh lama hmelma lo nei ru reng thei bula hlan a hreh zia te kha ka la mitthla vek thei.
Rei tak min be lovin min pel mawl tawp thin a nih kha.


"Ka la hre reng a lawm." ka tih mek lai chuan a mitmeng rawn dang lamin ka hnung lam melh chuan a khuh ta kharh khar a.


Kan bula glass pot an hun atang chuan tunge ka hnunga ding tih ka va hmuh chuan kan thusawi kha lo hre hman lo se ka lawm khawp ang.

Hawi letin ka ding vat a. Bawihi chu sam la pawr chhamin bang ngheng chuan a lo ding reng a. A hmela engmah lang lo chuan min rawn en kuau a. A hmel atang chuan kan thil sawi kha a lo hre hman ang em tih ka hre thei lo. Pathian! Engmah a hriat hman loh hram ka beisei. Anih loha a lo hre hman a nih vaih chuan min rinna tam zawk hi a chhe duai ngei ang. Chuvangin keiman hrilh ka remti a nih loh chuan engmah hre lo se ka duh ber.


"I lo harh tawh a ni maw?" mu rei lo ka ti takzet. A rawn kal chuan ka bulah a rawn kal dawn emaw tiin hahdam tak chuan ka lo nghak a. Mahse min kal pelin ka tawh phak lohna ka piah thutthlengah chuan a thu fel ta at a. Hrilhhai takin ka thutna bul la awl duai chu ka enthla ta ringawt a.


"Tikhan lo awm teh r'u." .... " I rawn harh ta bawk a. Pindan lamah hna tul ka khawihsan teh ang che u."

Rei pawh a thut hma chuan ka puzawn chu a tho ta daih a. Chutia kan pahnih chauha kan awm chu remchang ka ti tak zet. Tho chhuakin Bawihi bulah chuan ka va insawn a. Ka thutthlak ruala a chet sawn chuan a tho dawn emaw tiin a banah ka lo man vat a.

Duh lo zetin a lo thing thla nghal thuai a.

"Bawihi."

"Ka pa bulah khan eng thu nge i sawi?" ta chiah chuan leh! A lo hre hman hram a nih dawn hi. Ka hlauh ang ngei ngeiin maw ni?

"Eng thleng nge i lo hriat hman?" chutia a hria emaw ka tih chuan hrilh tlang mai a tha ber dawna hriain thutak zet chuan a rawn hriat hman chin chu ka zawt a.

"Engmah ka hre lo. Mahse eng emaw thuruk chu in sawi chiang a ni." a lo hre hman lo a ni tih ka hriat leh takah chuan ka thin tawt tak pawh a veng huai nghal a.

"Hna chungchang a nia. " ka hrilh a ngaih loh avanga thawveng huaiin ka ti thei ta a.


"Zanin chu ka rualin rawn haw rawh aw." ka tih leh nghal chuan min rawn en a. A mitmengah chuan a tum mai mai lo tih hi ka chhiar zut zut theiin ka inhria. Engtikah tak theihnghilh ang maw? Kan pahnih hnihin kan tuar reng mai dawn a nih hi.

"Ka rawn haw dawn lo. "

"Bawihi, theihnghilh tawh la. Anih loh pawhin min ngadam tawh mai rawh."

"Ka mitthlaah a rawn lang nawn uar uar zel a. A harsa a ni. Min hmangaih reng emaw ka tih laiin ani kha duh ber angin i lo fawp a. Mizoram pum pui hian an hria a sin. Nang chuan i en liam mai mai thei a. Mahse kei chuan ka thei lo. A tuartu ka nih hi. A pasalin ka hriatah leh mipui ho hmaa hmeichhe dang a fawp chu tuin nge en liam mi mai thei ang?" min chhuahchal let titiha a tih chuan zak ru takin chil ka lo lem khawlh a.


A kut chu ka malchungah ka kut pahnih chuan ka hum bo vang vang a.
"Ka tihpalh. Engthil pawi mah a thleng lo a sin..." ka ti dek dek a, a rawn teu nghal hlar a.

"Hmeichhe dang i fawp kha thil pawi a ni lo i ti a maw? Hmeichhe satliah ringawt pawh ni lovin kei leh ka fa hi raltiin min dah a sin." a hmel leh a mitmeng ling hlar atang chuan a thinrim hle tih ka hria. A hnar a rawn var hak hak a. Mahse chu chuan a tihmeltha zualin a tiduhawm zual em em a. Ka thluakah chhoin ka taksa peng pawimawh tinreng hian tha ka tihna chu hun lo viau mah se an lo hre nghal a.

"Ti zawng khan ngai lo la." ka ti tak na chu a thinur zia a thup thei meuh lo a. Claire a huat em em chhan hi thil eng emaw chu a awm tur a ni ringawt. Naute chungchang lah a sawi zing narawh e.

"Thinrimah la lo la. I lungdamna a nih dawn chuan ngaihdam ka dil mai ang che. Thingthi pawhin" ka tih rik takah phei chuan mit la sawn lek lovin min rawn en ta kal a.

"Chutianga i tih chu a ngai lo."

"Anih chuan rawn haw ta reng che. Hetah chuan ei leh in hunbi i neih loh bakah thil i ei tha lova. I awm reng hi ka duh lo. Duh ni dangah i leng leh zawk dawn nia."


"Ka rawn haw duh hrih lo ka tih chu." a rawn au ta nghek a. Chu chuan min thawngin ka thin a khei ve zak a.

"I duh loh pawn ka hnuk haw mai ang che. Ka dara put i ngai a nih pawhin ka pu hreh hauh lo che a nia." ka ti ve ta thak a.

"I ti hauh lovang."

"Ka ti ngei ang?"

"I ti lovang."

"I duh leh ka ruala rawn haw chu tum lo chiah la." cho tak chuan en kar chungin ka ti ve ta khauh a. Ani pawhin cho takin ka mitah chuan a rawn en kal a. Tua mah mahin mit lak sawn hmasak kan tum lova. Kei pawhin a dinhmun hrethiam a lak sawn hmasak ka tum hek lo. Ka dawn theih lutuk avang hian min cho ar reng ni deuh maiin tunah tak chuan ka hria a.


Nidang ang chu ni se hnehna ka chan tir leh tawh ngei ang. Mahse tun hi chu amah leh kan fa lo la piang tur tan a ni a. Ka hawisan liam mai mai thei lo.

"Engnge ni vak vak a?" ka pizawn a chawhmeh hawlhna fian pawh dah hman lova a rawn lan takah chuan Bawihi chuan mit khap sak sakin mit a la sawn thei ta hram a. Lunglian reuh lutuk mai.

Anu rawn kal lo se mit a la sawn kher ang em tih ka hre chak khawp mai.
"Tiang thil a thleng hi ka awih thei lo." a khupa a kiu nghatin a kut phah chuan a bek lehlam lehlamah a dawm a.

"A ni reng a sin. Kan pahnih inthlen chawp mai a ni. Chuvangin theihnghilh la ka rual chuan rawn haw mai rawh."

"Ka thei lo." rilru hah hmel tak chuan a rawn ti ta thlawt a.

Ka pizawn pawh kan boruak hriain a let leh nghal a.

"Engvang chuan nge i theih loh."

"Ka hre bik lo. Ni lo, ka rawn let duh hrih lo."

"Bawihi"

"Khawngaihin min nawr lui suh....."......."Tia awm hi a tha ber lo tih ka hria. Mahse rawn let leh tur hian ka insuangtuah thei lo. Tunah tak chuan, kan boruak hi ka tuar reng thei lo. Hetah ka nu bulah hian awm rih ila ka duh ber." tih pah chuan a tho chhuakin a pindan lamah a lut bo leh ta daih a.


Rilru buai map chuan ka enzui reng a. He thil hi keima thlen vek a ni thei ang em? Nge kan pahnih hian kan inhriatthiam tawn loh vang?

Minute rei lo te inla hahdamin ka thaw huai huai a. Tichuan kan buai tawh loh hram beiseina nen a luh bona pindan chu ka pan ve ta nghal a.


-------

Kawngkhar vawithum ka kik hnu chuan min lo chhang lo mah se ka lut lui ta tho a.

"Bawihi."


"Kal bo rawh." khumah chuan bawk khupin lukhamah chuan hmai a lo phum bo leh tlat a.


"I tel lo chuan ka thei lo. Ka rual chuan rawn haw mai rawh."
A ngawi ran reng a. Pan hnaiin khumah chuan ka thu thla ve a. A sam tla hnawk niai mai chu hui mamin a dar lehlamah chuan ka hui phei sak a.

Kun hniamin a dar var mam hanah chuan ka hmuin ka zuk fawp a.
Chutah a bulah mu thla vein ka taksa si thlap chuan ka kuah hnai nghal a. A tir chuan a lo tang ve deuh a. Mahse a tang rei lo. Tun hma ang a nih chuan min ngaiin min thlahlel ve tho vang.

"Ka hua che." a rawn ti leh ta tiak a.

"Min huat ai mah khan keimah leh keimah ka inhaw zawk." a ni tak tak. Ka rilru diktak ka sawi.
Ka thusawi vang chuan a rawn rum nghat a. A ring lo tihna em ni?



"Ka hmuh phak lovah i awm chuan ka ngaihtuah thin che tih i hriat kha. Tunah pawh ei leh in tha i mamawh lai berin i eiin i in tha bawk si lova. Nichin mai pawh khan i taksa chau a nih kha nikhaw hre lova i awm."

"A ni lo."

"Engpawh ni se tang lovin ka rual chuan rawn haw phawt mai teh. ...." maimit chhingin ka awmah chuan a bei reng a.


"Kan inthen chuan naute hi fahrahah kan siam dawn tihna a ni a sin. Chu chu i duh em ni? Kei chuan ka phal hauh lo. Bakah zantin nangmah hlata ka awm reng tawh tur ka ngaihtuah hian ka ngai ngam ngang lo." ka ngaihtuahna dik tak ka sawi. Bawihi ka hlata a awm reng kumkhua tawh tur hi kan dam hun chhung tawi te hian ka ngai ngam lo tak tak. Bakah naute hi ka ngaihtuah bawk. Chu vangin ka hlata a emaw then emaw pawh tum hlekna ka nei lo.



Inkuah chuan kan let dun reng a. A khat tawkin a chhip samah ka hmuiin ka nawr leh zauh thin bawk a. A hnu feah chuan a rawn tawng chhuak ta nge nge a.


"Naktukah min rawn hruai rawh..... Vawiin chauh chu hetah kan riak leh phawt ang e." a rawn tih chuan ka phur rit tak lak then ang huaiin ka thaw huai thei.


A rilru damna a nih dawn chuan tiin hruai haw lo tum ruh viau mah ila zanin chauh chu a riah ka phalsak leh a ni mai ang chu. Mahse, thil a ei tha a ni tih ka hriat hnuah chauh a ni ang.


Zanriah chu ka ei ve nghal a. Bawihi pawh a ei pangngai khawp mai. A ei hnem lutuk lo na chu chaw ei kham chuan thei a ei leh teuh tho va. Ka ngaih ven khat chuan a veng hrim hrim. Zan a lo rei dawn chinah chuan haw zai ka rel ve ta a.


"Ka rual chuan i rawn haw lovang maw?" kawngkhar bulah ding chuan ka ti leh hram pek a.

"Umm. "
Tih ringawtin min chhang a.


"Anih fawh ka hlawh dawn em?" ka chak a, ka huangtau ka chhuah leh tan lo thei lo. Fawh ka duh hluah hluah. Eng chena rei nge ka dawn tawh loh.


"Dawn lo. Mangtha aw." tih pahin min ngaipawimawh lo deuh chuan kawngka min khar hnan a tum a. Ka dang dawn zuau pek a. Mahse, insumin ka motor lam ka pansan ta zawk a.

Kawngkhar chu hawngin ka lut dawn zuau thin a. 'Marawhchu, chutiang ngawt a inmangtha chu ka tuar thei lo. Ka rilru hian a hre tlut tlut tlat pek a.

A tawpah zawng kawngkhar chu khar leh chawrhin ka let hmanhmawh leh ta vut vut a. Kawngkhar chu ka han kik tha leh a. Vanneih thlak takin Bawihi bawkin a rawn hawn leh hram ka beisei.

Ka kik nawn leh a. Rei vak lo hnuah chhunglam chu a rawn ri rak rak. Bawihi ni hram turin ka tawngtai ru mawlh mawlh a.

A lo hawn chiah chuan lawm lutukin a hnunglam ka en kual nghal a.

"A...(h).." a tawng hman hmain a kawngah kuahin pawn lamah ka awt chhuak nghal a.

Kun hniamin a hmui kau tir ngai lova lo inkau nghal tiarah chuan ka hmuiin a zuk khar phui ta hmak a.

"mmmm" ring lo te te chuan a rawn rum dar dar a. Kei pawh bang bik lo chuan. Kan thawk dan raih hnu chuan ka inla hrang a. Mahse ka la lungawi chuang lo. Ka fawp nawn leh a. .... Ti hi chuan lungmuang ta deuh sawtin leh a hma aia hahdam deuh zawkin in lam ka pan ve thei tawh ang.....




MERCY NGURNUNSANGI POV'




Nizan zet chu ka mutui khawp mai. Ka bulah Sawmdawnga mu lo mah se ka bula awm ve tlatin ka hria a. Ka tho chhuak tur pawh nidang zawng aiin ka phur sarh a.

"Tukin chu i tho fuh deuh a ni maw?"

Ka nu rawng lo bawl kur kur chu ka en a.
Tawng kaa chhang ngam chiah lovin ka nuih sak a.

"Hei i pangpar tur." rose par var thianghlim var chu a rawn dah chhuak a.


"Ah!.. " la kangin ka hnim vang vang a. Sawmdawnga hnen atang ni ngei turah ka ngai hmak a. Mahse ka zawt ve leh reng reng a.

"Tu hnen atangin?"


"Anonymous" ri lo chuan a rawn ti sep a.

Hmm. A va mak awm ve. Chutiang atanga rose par var var mai han dawn chu!

"Chuan hei i pasal hnen atangin." hnuai lam atang bawk chuan damdawi hi a rawn dah chhuak a. Lehkha them rawn dah chhuak telin ka en nghal vat a.

Ka hmui ka pet sawi nghal pawih a. Ka hmai a sen nghal tawn tawn. Mi tizak tura thil tih hi chu a ching khawp mai. "Hmmm, ngeiawm vel lutuk mai. Ka haw lo tawp dawn em maw ni?"

"Engnge inziak a?" ka nuin min rawn en pui a tum chuan rang deuhin ka dah thla vat a. " Engmah a ni lo." tih pahin ka ei tur ka ak tha nghal mawlh mawlh a.


"Vawiin chu nangmahin inah i awm a ngai dawn a nia aw. I pa nen chhuah lawkna tur kan nei a."

"Khawiah?" an kalna tur ka lo zawt nghal vat a.

"I pa hna thawh pui a dam lova. Kan han kan lawk ang e." a ti nghal thuai thuai a.

_____


An chhuak fel ta maw tih chuan ka pawisa bag ka la a. Kan in atanga hla lo ber dawrah chuan ka lut leh nghal chat a. Ei tur pawh ka la lam hmain ka hmaah chuan tu emaw a rawn thu a.

Sawmtea rawn nui khi hui mai ka hmuh chuan ka lo ner khun nawng ringawt a.

"Min hmuh hian ner phah nawng zel lo la. " ei lo takin ka hmui ka lo tipawrh leh a. " Min hmuh peih loh pawn i hmui pawrh min la hmuh tal a. " ngei lutukin ka lo hawi sawn san ringawt a. Mahse ka nuih a tiza tlat pek a. Ka nuih chhuah tak hukah chuan hmui khi hauin a rawn nui ve vur vur a.


"Engnge kan ei ang?" amah zawk zawk chuan menu chu a bih nghal vung vung a.
" Kha han thlang rawh. Keiman a man ka pe ang." a thian ang tak tak chuan min rawn bia a.

"Ngai lo. Kei man ka pe ang."

"Ka pe dawn ka tih chu." ka lo ner khum leh nawng a.

"Umm. I duh tawkin i pe dawn nia. Man to tawk ka chah dawn. I pek zawh loh tur."


"A pawi lo. Thlatin ka rul mai ang." kan nui dun hawk hawk a.

Ei tur chu khu vat vatin an rawn chhawp a. Khaw lum viau mah se a tui em em tho si. Thlan si hlap hlapin kan ei dun a.

"Hna thawh tur i nei lo em ni?" ka zawt ta khauh a.

"'Kinah ka thawk mai ang." a lo ti awlsam et a .

Mak ti deuh chuan ka en a.
"Tah engtinnge i rawn kal daih theih? In office kawngah a awm a ni bawk si lo."

"Ka hmu chak che a."

"Kaa awih lo. Tak tak, dawra ka chawlh dawn hian i rawn kal fu thei tawp. Kan school kal lai atangin ka ngaihtuah a. Thil ei paha ka lo en uluk theih thin zia te kha. Malawmi khan a rukin min nuih kur kur zel. Kan ei zo chhuah a ngai tawh si, anmahni an la ei zo ve si thin lo chah belha muang tawk tawka ka ei luih lai te kha ka hrechhuak a. Ka nuih a za chu ka nui chhuak ta hawk a.

"Khang hun lai pawh khan kan dawr luhnaah khan i rawn lut fu chat zel." nui chungin ngaihtuah chiang mang lo chuan ka sawi chhuak a.


"I luh thin tih ka hria a lawm." a rawn tih chuan la nui var chungin ka en a.


"Ngaihtuah duh la chuan i hre hrim hrim. Khang hun lai pawh khan i hmuh phakah ka tam thin em kha." Pal bulah kan thian dunin kan ding dun a. Anni thian ho rawn kal pheiin pal an rawn zut phei tlar tlar a. A thian dang ten min pelh that mai laiin ani chuan ka biangah a kut zungtangin a rawn thai tel zauh a.


Min rawn en reng chu a mitah tak ka lo en let ve reng a nih kha. A kal liam tak tlengin. Khami ni nuam ka tih tak zia te kha aw. Beisei tur awm hauh si lovin eng emaw tak a hnen atanga ka beisei zia te kha.


A thu sawi chu ka ngaihtuah rauh rauh a. A dik tak tak. Ka hmuh phakah a tam em em a. Chuan, kan mit han intawng zauh thin nuam ka tih fal theih em kha.

"Ni e."

"Khang hun lai khan lo fing deuh la chuan kan ni dun daih ang. Tianga thian pangngai anga thil ei dun lo hian."

A dik ka ring. Ti ila ...

"Ih..."

"Min zawh tum chu ka hriain ka hria."...."..Aw, khang lai khan ka en thlithlai hmasa che a. Chuan i kalnaah ka rawn kal chat thin. I dawr luhnaah kher k rawn lutin i hmuh tur lam ngeiah ka thu ziah bawk thin.


"Ni e." pawm lutukin la lo ti nghal vat a.


"Mahse, tihpalh thil thuah i ngai tlat a." ka lo bu nghauh nghauh a.


"Hun hi her let thei ila chuan a sir atangin k hel tawh lovang. A point-ah tak kal tlangin ka tih tur dik tak ka ti ziah tawh ang." uluk taakin ka lo en a.


Ni e, lo fing deuh ila chuan kan inngaizawng ngei ang. Tunah pawh hian induh takin kan la inpawm maithei. Mahse Sawmdawnga ka tawng ngai lo ang a. Ka hmangih zia ka hrechhuak lo bawk ang.


Chung zawng zawng ka ngaihtuah chuan Sawmtea tawn ka duh lo. Ani nena inngaihzawn ka duh lo. Sawmdawnga hi ka thinlung zawng zawngin ka tawng hi ka lawm zawk.



Thil eiin kan thu dun reng a. Kan inkar chungchang kan inhriat tawn huh si loh ho kha kan sawi chhuak dun a. Ka nuiih a zain ka a ka ti hnuhnawh thei tawp. Sawmtea'n min duh zia ka hre chhuak telh telh a. Mahse tih theih ka nei tawh si lo. Tunah chuan Sawmdawnga ta ka ni tawh a. Kei pawhin ka ta neih hluah hluah tawh.

Chuvangin ka thinlung chu Sawmtea khawngaihnain a khat a. Ani hrehawm lo ti ve bawk nen. Pawna kan chhuah hnua ka kuah chuan a hnem ve theih hram ka beiseim kan pahnih inkarah beisei tur a awm tawh si lova.

'Marawhchu Sawmtea nen chuan kan inthian tha sawt a. Kei pawhin tun hma ang khan min la care tho ka ring. Ka hriat loh lamah khan min lo ngaihven reng thin a. Tunah chuan ngaihzawng lama min en lovin thian anga min en a tumna chu ka lo pawm sak a. Kei pawhin ka thinlung takin ka thian a, ka pawm thlap bawk. Inkai dun rialin kan leng vel a. Kan nun hlui bawk sawi chhuakin fiamthuin kan sawi chhun zawm leh zat zel a.

Nun a hahdamin a hlimawm takzet zet. Ani pawh hna a kal loh phah ta thak a. Chu erawh pawi ka tih pui. Mahse ani thian chu nuam ka ti bawk si. Kan leng kual a. Kan intihlim bawk a. Sawmdawnga ngaihtuah chhuak mang mang lo chuan ka awm ve reng theih phah.

................


(ps:- ngaihnawm in tih hram ka beisei. Chuan, ka dah hun nghaka min lo chang thintu te leh min chhiarsak thin tute chungah thinlung takin lawmthu ka sawi e. Ka lawm e.)

[Ngaia]

🌶DESTINED TO BE HIS BRIDE


Chapter 39



CLAIRE POV'



Darthlalang hmaah chuan dingin ka hmai hmel hnaisai lo zeta Ngurnunsangi min chhuah sak chu ka thlir a. A vung deuhin ka hnar phei chu a khem deuh nian a. A thip deuh sup supin a na deuh them bawk. Ka lungawi thei thlawt lo. Ka en zing poh leh ka thinur a tizual a. Ka thin a tawtin ka tang teuh a, amah tihnat ve chaknain ka khat.





An in chhunga a awm avangin a inti huai vel a. A huai ngam tawh huah lohna tur hmuna thawn dan ka hria a lawm.




Kut min thlak man chu a tel let ve khawp ang.


Ngurnunsangi tihnat ve chaknaa khat tun chung chuan ka paih hnu ka phone chu ka chhar kang leh a. Vanneihthlak takin a lo la thi lo hlauh bawk.




"Hello." ka biak duh takin a lo chhan chuan



"I tan hna ka nei" ka ti nghal tawng a.
Ngurnunsangi ke pawh a tihnat theih chuan tuna a hna tur pawh hi a hlen zo khawp ang.



"A letah engnge min pek ang?"



"A chhe zek zawk lovang."



"Chu chauh chu? Anih leh nangmah ti ta ila." mi rawn veh thlem ve khang khalang a ni.



"I duh duh a ni mai. I lungawina khawp zan tur. A aiah i tihlawhtling ngei ngei bawk tur a ni."



"Lutuk. Ka tibeidawng ngai che em ni?"




"Tibeidawng tep e. I la theihnghilh bik loh ka ring." tihtur hmasa ka tuk tum khan a hlawhchham tep zawng a nih kha.



A rawn tum dut a.
"Ni e. I duh dan chuan ni rawh se. Ka lawmman tur tlem a zawng chu zanin hian min rul nghal thei ang. Dai fema in teah khan rawn kal rawh."....




"Sex chauh em ni i rilruah awm?"
Ka tih chuan a hmet thi hmak a.



Thawk ka la hawk. Ani mutpui chu ka chak hauh lo. Mahse ka duh ka hmuh theih nan chuan ka tih ngei a ngai. A kar laka Sawmdawnga ka suangtuah chuan vanram pawh a chang leh thei thovang. Nula hausa nia mite hriat ni mah ila ka thil ti tur ka rawihna man hi a tlem theuneu ngai si lova. Ka pawisa hman dan chungchang hi ka chhung ten an hriat ka duh lo . An lakah chuan fanu tha leh hrin man awm tak ka ni . Ka pa lakah pawh fanu chhuanawm tak ka ni. Chu chu vawn reng ka duh bawk.



Chumi hmain ka hmel mawi lo tak hi ka khuh bo hmasak a ngai a ni.



Zanah chuan midang hmuh loh turin la chhuak ru them them a. Thawm neih palha tihharh vek ka hlau hle. Anni vanga ka thil tum a flob ka remti thei lovang. Mercy hian a naute a chan ngei a ngai. Chu chuan awmdan mawi a zirtir ve mah na. Ka lakah.




In te a sawi lam ka pan lai te chuan ka fimkhur hle a. Ka awmdan min an hmuha mualpho ka duh loh vangin. Hmelhriat palh emaw tuemaw min sawi zui erh duh tur chi hmu lo tur chuan ka hmai khuh chu ka siam tha sauh sauh a.



A hmuh ka thlena eng motor mah ka hmuh loh chuan ka hlauthawng hle a. He mihring hian fin vervek chhuaha min bum a tum vaih chuan ka ngaidam mai mai lovang.




Mahse in chhung lamah thawm a rawn awm that that chuan zawi leh fimkhur takin ka pen lut nghal a.

Thim china lo thu ka hmuh chuan ka hlau tep. Ka au hman dawn tih chuan rawn che thutin ka hmui a rawn hup thawk a.

"Shiii."



"I au mai ten min kan awm tih an hre dawn a sin."



"Hmela, engvangin nge tihian i awm? Min tihlau lo hian i awm thei a sin."

Ngei awm takin a rawn nui suk duh chauhva.
"Ka lo lawmdan che chu i duh vak na nge?"



Rawn kal hnaiin ka bek samah a rawn zen a. A zut thla dalh dalh a.



"Nang hi chu i tha ve ngawt mai. Pathian hian tinge ting em ema sual tur hian a siam che le. Nupui tha leh hmeltha tak ni tur i nia sin."



"Thil tul lo mai mai sawi a ngai lo. " ka tawlh hnung chu min rawn pan ve zel a.



"Tah khan ding rawh. Ka thil pek tur che hi i duh a nih chuan." a rawn nui chhuak hawk hawk a.



"Duh tehreng mai. Ka duh a lawm. Tuin nge hnar thei ang ni?" awmze nei fe chuan min rawn melh lawr dan dan a.



"I mit tenawm zet khan min en vel teh suh. Luak i tichhuak."



"Chutiang sawi tur chuan mi thianghlim i ni bik em ni?" tih pahin ka tukhum samah a rawn tham chawt a. Hnehsawh taka min kuah hnaiin a hmui duk lampang chuan min rawn fawp ta bawrh bawrh a. A kaa zu rim nam deuh chung nen chuan a leia lo seh sak tak hi ka nap a.



A kut lian hrawl hruka ka kawr chhung rawn rawlh lutin ka hnute a tham chat a. Chutah na deuh lek lek hian a hm*r a'n han hrual zui a. Ka hnung thing indawhah chuan min nawr betzuiin ka taksaa nuam rawn insiam chho tan chu zual zel se tiin ka lo dawh hiam a.



"Nang nen hian fa han nei dun ila, kan fa te chu eng ang taka sual ni ang maw? A nu an chhun a nih chuan.."



"Ngawi mai teh. I tih tur chu ti vat vat la a ni mai. Haw leh vat ka duh a nia."..... A nui hawk hawk a. Hmelchhiat thlak lutuk mai.


------++------




MERCY NGURNUNSANGI POV'




Sawmdawnga nen in khata kan awm leh tak hnu pawh chuan Claire a fawp lai kha chu ka la theihnghilh mai mai thei lo. Ka tum ngial pawn a harsa ka ti tlat. Anmahi vangin naute ka chan thut thei tih ka ngaihtuah thlen phei chuan ka halu leh thinur hi awmngaihna tak pawh ka hre lo. Engtiangin nge, engtik hunah nge chet an rawn lak ang tih ka hre si lo.




Ka theih tawk tawk chuan beih let dan tur ka ruahman a. Mahse Sawmdawnga thlawpna ka nei lo a nih chuan ka tan thil tih a harsa hle dawnin ka hria.



Ka dul pawh a hma aiin a puar nasa ve tawh hle a. Nau a rawn chet tak chinah phei chuan ka phur leh ka lawm hi ka awmdan te thleng hian a langchhuak vek thin. Sawmdawnga pawh naute awm chu a lawm ber ang hian a che thin a. Zanah te hian ka pum a chulin duh tak hian ka puma naute te a be thin bawk a.





Apain a duh a ni tih hriat chu lawm tak ka ni. Mahse, Sawmdawnga chu a hma anga rin pumhlum harsa ka ti tlat. Min duh tawk lo nia ka hriat bakah a tan ka tling zo chiah awn ka hre tawh lo.



Hah takin hna a thawk a. Nuhan nen a rawn haw chuan a chau thei khawp mai. Chumi hunah chuan atan hnawksak leh ninawm turin ka awm ngai lova. A duh ang taka hahchawlhna hun ka pe thin. Mahse pasal a nih angin kei leh kan naute min ngaihthah lova. Kan pahnih tan chuan pasal leh pa tha ber a ni.




Malawmi te pahnih pawh an la tha lo tlyang zel a. D-a'n a fa a pai tih a la hre lovin Malawmi pawhin midang a la hriat tir bik lova. A chhungte lakah pawh a la thup hram hram a ni.




Nau pai lai a nih avangin a mamawh a tam ve hle a. In lamah lah an hre chuak thut mai ang tih hlau reng rengin a khawsa ve bawk nen kan inah a rawn tal tam tawp a. Hetah chuan Sawmdawnga a chungah a that avangin leh thil hi a rawn kep thin avangin ven thawn tur vak a nei lova.




Nitin class kan lak dun ve tauh tauh te chuan kei chu pasal nei ka nih avangin ka um rawn pawng pawh chu ka zahpui lem lo. A lan ang ang chuan ka lang tawp a. A lian lutuk lo bawk. Malawmi chu a dul lian chi a nih avangin dul hrenna a hmang tan der tawh a. Kan pahniha kan awm chang te chuan a hma zawng ai hian kan titi a rual ta thin emaw tih tur khawpin thil kan sawi dun nasa thei hle.




"Bawihi."



"Aw." kan assignment ka buaipui mawlh mawlh a.



"Kha kha dah teh." tih pahin ka laptop a rawn khup thawk a.



"Aa.. Ka laklawh a sin. " tih paha inher hmakin pharh leh ka tum a.


"Dah rawh. Kha an be duh che" tih pahin ka thil chu a rawn la sawn a. A ken lai phone chu ka kutah a rawn hmehbel ta chawt chawt a.




"Hello."



"Assignment kha i ti tawh em?"

"Aw, ka ti mek.. Nang?"



"Ka zo tawh. Kan inhmu thei ang em? Ka rilru a hah lutuk a."


"Lawkin aw." ka phone chu ka kuta khupin Sawmdawnga ka bula thu reng chu kan a nghek phah a.


"Vak vak a. Ka awm reng hi. Engnge ni?"



"Pawn lamah chhuah lawk ka duh a." ka ti dek dek a.


"A ngai lo. " a lo ti bung vut a.


"Chhuah ngei ngei a ngai. Malawmi a nia."


"Ani vanga chhuah ziah mai. Zanah lehnghal. A duh chuan rawn kal mai rawh se."


Chutia a tih avang chuan ka thinur thut a.


"Thei se chuan a rawn kal ang chu." ka ti let ve ta thak a.

"Bakah ka thian a nia. Min mamawh hunah chuan a tan ka awm tur a ni. Ani pawh ka tan a awm reng thin. Na taka min siam lai pawhin." ka tinghat a.


A tarmit phen atang chuan rum tawkin min rawn en run run a.


"Hnar var hawk hawka ka puan sin theh hlimin ka tho chhuak daih a.


"I phal lo a nih pawn ka kal awm tho e mai a. " ka tilui sak a.


"I kal lovang."


"Ka kal dawn.. Inhnial ka peih lo a nia."


Ka banah manin min pawt let sawk a. Khumah min theh sawt alhin ka chungah chuan rem leh rem lovin a rawn bawk a.


"Nang hian tizawng hian min hnial tei ziah suh. Ka thin tihrim i tum nge min zah lo ve hrim hrim."
A hmel rum al chu ka en chhova.


"I ngai kawi a nih kha. Ka tih tur apiang hi min dang char char a. Tun hi chu i ti em em a ni."

"I tana tha tur a lawm"


"ka tana tha tur i ti ziah. Mahse ka ning, ka ning lutuk. I duh dan dana awma min khung bet reng hi ka hne." khawi ataaga rawn kal nge a nih pawh ka hre lo. Ka rilrua awm ang chuan ka sawi t taawp a.



"Chhun lamah i chhuak hnem tawk a lawm maw le."



"Class ka kal a lawm ka chhuah lohvin." nam sawn ka tm a. A awm sawn theih si loh avang chuan thinrim teuhin a bekah k han nam sawk a.


Ani chu thinrim em em hian a rawn che sawk a. Ka ban pahnih chu manin ka lu chungah a nam bet sawk a.


"I awmdan hi engtia han tih chi nge maw ni le? " a rawn seh chilh nawk a.


"Ka kut hi thlah rawh." a thusawi ngaithla lovin ka duh ang taka awm tumin ka lo tal ve laih laih a.



"Thlah love."



"Misualpa. Min thlah vat mai rawh. Ka khai khawro mai ang che."
"Min thlah rawh... Z*wnga" tah zet chuan a thinrim avngin a thawk zawng chuan a hnar a var ta hawk hawk a.



"Ka chaltlai lutuk i nei a nih hi. Ngahdam min dil hma chuan i che sawn hlek lovang." a che sawt sawt a. Khawia mi nge pawh k hriat loh rawmawl hi a rawn la a. Ka ban pahnih chu khumah chuan a tawn bet ta daih a.


"Hmelchhepa, min phelh leh vat rawh. I inchhir khawp ang aw. Min phelh dawn em?" ka tal lawih lawih a. Ka che sawn thei
si lo. Tlawh vak tumin ke ka han leng a. Mahse thil sawt lo tak a ni. Ka tlawh hman hma chuan a che sawn ta daih a.



"Lo inngaihtuah rawh. Minute nga hnuah ka rawn let leh ang."



"Maw?!" a chhuak ta daih chu ka en zui a. Thaw sa phat phat chuan ka ke kan leng leh nghek a. Hun lo lutuk mai. Tun ang hunah chuan chhuah ka ngai tawh a sin. Min mamawh lo se chuan zan tlai tawhah min rawn be awm hauh si lo.


Tal chhuah tumin ka bei vak vak a. Mahse a nghet mah mah a ni. Thinur lutukin a tawpah phei chuan Sawmdawnga hming lamin ka au chhuak ta nghek nghek a.


Kawngkhar lam ka en pawh chua n a rawn la lang thei lo. Ka auh kha hre thei se ti lutukin ka awm a. Mahse kan pindan atang hi chuan eng thawm mah a ri chhuak awm chai si lova.
Minute nga ban phara khuma han mut zar mai chu he khawvelah hian ninawm turu tak a ni.

"I rawn luh leh pawhin ka ngaidam mai mai lovang che." tum ruh tawkin ka ti ve sauh sauh a.



A hnua a taksa kawngkhara a rawn rawlh takah chuan" Min rawn phelh vat rawh." ka lo tinghal nghek a.


"Ka chhuah lawk hlan khan i zirlai i lo zir chhuak em?" khum bula kawng dawma a rawn din luah chuan ngei lutukin ka lo meng kual ralh a.


"Eng zirlai nge i sawi ka hre nek love. Ka ban a kham a nia. Min phelh vat teh. Sawmdawng"
Mit zim sunin min rawn en a.



"I hriat hma chu lo inngaihtuah tha leh rawh. I hriat hunah i sawi ang a. Ka phelh chauh ang che."

"A theih loh. Ni lo, i tum tak tak lo tiraw?" min kalsan leh a tum chuan

"Minute nga dang chu ni tawh lul love."

"Minute sawm"

"Aw Pathian!... Min hrem hi i lo duh zawk tak tak a nih hi. Naute nen hian kan theihnghilh mai mai lovang." ka tih velah chuan a rum nghut a.

A kalsawn leh ta daih a.

"Sawmdawng, kal suh. Rawn kir leh rawh." "Duhtak, ka hmangaih." a thil phut chu ka hria. Ka tawng chaltlai tak tak thin avang khan ngaihdam ka dil a beisei a ni. Mahse ka chapona hian harsa a ti si a. Chuvang chuan a ngaihno bei thei ang bera ko chhin vel pawh ka ni. A thawh ngei ka ring bawk a. Mahse ka tawng hre lo ang maia a lehkha chhiarna dawhkan a thut chilh leh takah chuan a rilru a sawhsawn mai mai dawnin ka hre ta lo.


"Ka tihpalh. A tha em? Ngaihdam ka dil tawh che. Min chhuah tawh teh. Ka ban a kham tawh a nia. " a la rawn hawi chhuak duh eih lo.
Chapo rilru pu ar chuan ka han leng nghek nghek a. A rilru ka la peng thei si lo. Ka awmdan hi ka kham takzet ta. Chhuah ka duh a nih chuan ka thiam lohna ka pawm mai a ngai a ni.


"Ka tih palh... Min ngaidam rawh" ngaidam lai chu zawi bik sep chuan ka sawi a. A la che chang duh hauh lo.

"Min ngaidam rawh." ring mangkheng chuan ka han ti leh nghek a. A tawp atawah chuan a rawn haw i chhuak ta a lawm le.

"Min helh tawh rawh. Ka sawi tawh."

"Sawi nawn leh rawh."

Ka tap tep a. Sawi nawn leh chu ka duh lo. Ka chapona hian a phal lo.

Rum hruihin a rawn kal phei a. Lehlam ka lo hawi san daih.


"Vawi khat sawi nawn leh la. " ka sirah chuan rawn thu thlain ka haawi sawn ngat chu a lam hawi chuan min kuai her a.A hmel ka hmuh chuan tlawm ta lua hian ka inhre tlat pek a. Ka mittui a lo luan thla zawih a.


Chhang lawk lo chuan ka hmui ka pet fan fan a.

"Min ngaidam rawh." rawn thaw huaiin ka kut pgelh tur chuan a che nghal a.

"Kha kha a ni mai a lawm. A harsat loh kha." a la rawn tih tak deuh deuhah chuan ka lo tap chhuak hawk a.

Ka ban kham tun chu hmeh kual paha dahthlain min kuah ta hle hle a.

"I tawngkam hi a chaltlai leh thin a. Ngaihdam i dil duh kher lo mah ila kha khan zirlai a zirtir ngei ang che."


"I sual. Khawih pawh min khawih suh." ka tal sawn ta daih a. Min rawn man leh a tum na chu ka duh tawh lo. Chhuak nghal tharhin Malawmi hmu tur chuan ka chhuak lui ta thova.
Hnung lamah min rawn auh zui chu ka hria. Mahse, ka chhang duh lo. Hre lo awm hmiah hmiahin ka kalsan a. Pawn ka chhuak tur min rawn vawn din chawt chuan thawk a la hawk hawk ri chu ka hre nghal a.


"Nang hi hrem nasat i ngai a nih hi." a rawn ti that a.

"I duh leh min hrem dawn nia. Zaninah ni lo." ka chhanna avang chuan a lo rum hawk a.

"Ka hrem khawp ang che. Ka bula awmdan i hriat hma chu. " "Chu tianga tih ka ngai lovang. " ka thsak let leh si a. Mit ko san awkin min rawn en a.

"I luhlul ve ngang ngang thin khawp mai."


"A chang chuan ka mal chungah kuai bungbu tawrh che a i mawngtama ben thlawk thlawk mai che hi ka duh thin." tih pahin min kai chhuak ta hlawk hlawk a. A motor-ah chuan min thut luh tirin kan tlan chhuak zui nghal a.

"I duh leh tichuan min ti la." a lo rum leh nghut a. Ka dul puar lian tawh nen chuan a mal chungah ka bawk thei dawn lo tih kan hre ve ve. Hah... Min hrem vel a....

...................



Kan thlen chuan chhunglam atanga min hmuh theih lohna lai turah chuan a lo ding a. Min rawn kuah nghal thlawp a.

"Ka nuin min ringhlel tawh lutuk. Rei ka zep thei tawh lovang." "Damdawi ka ei lai min hmu a. A hrechhuak maithei a ni." hlauthawng tak chuan a ti a.



"Inbengdai phawt teh." kan hnungah chuan Sawmdawnga'n kawngkhar a lo khar ri thawk a.


"Ka thei lo. Ka rilru hi a hah lutuk."


"Tihdan kn ngaihtuah dawn nia." tia inla hrangin Sawmdawnga, kan pahniha mittla lek lova motor ngheng lo inkuangkuah hlata min thlirtu chu kan en a.


A puihna ka mamawh tih lantir nan ka han thle deuh bak a. ......


Minute rei lo teah chuan kan pathum chuan Dawrah thil ei turin kan lut ho ta tham tham a. ......


Malawmi nena kan pahnih ei tur chu a duh uluk khawp mai. Lum khu vut vuta an rawn chhawp chuan chil put lek lekin ka lo en a.


Sawmdawnga hi a hranpa chuan ka hrilh miah lo Malawmi naupai thu hi. Mahse, khami zan khn kan thu sawi a lo hre thawi a ni awm e. Ta tang kha chuan engmah hi a lakah ka zep lova. Chuan Malawmi tan pawh a tangkai hle a ni tih kan hmuh chhuah phah zel a ni. Tunah pawh kan thu ho ta tham a nih hi.


"Ka nuin ka pills ei a hmuchhuak a. Ka hlauthwng lutuk. A rawn ti hap a.


"Hrilh tawh mai la. " Sawmdawnga'n a lo ti bauh.

"Chu chu a lawm ka theih loh. Ka duh thin lutuk hrilh chu. Mahse, kaa ngam ngang lo a ni. A harsa tak zet." a tih chuan tihdan tur a hre mial ang em tih ka zawt zeuh a.

Mahse, kan chhanna beisei ber a ni si lo.


"I rilru hahna kianna tur ber chu hrilh tawp kha a ni. Chuan i chunga thleng tur ang ang chu i hmachhawn ang."

"Sawmdawng." a thu rawt chu harsa a tih ber a ni si a.


"Tihdan dang in hre chuang em ni? In zep hlen thei turah in ngai a nih chuan in hrilh lo thei tho."

"Ka dinhmun hi a va han chau tak. A pwi e. Lo rai lo tawp tur ka ni a sin. Min lo duh hlauh se chuan ti em em hian a hrehawm loh tur." titu chu kan en duh reng a.


"Pawi ti suh. A nih tur ang a nih vek theih nan thla tlem te bak a ngai tawh lo. I tuar chhuak mai ang. Kum Sawmhnih chuang harsatna hrang hrang i lo tuar chhuak tawh a lawm." kan inhnem theihna zet chu a!





Malawmi chuan hrilh loh tlanga an hriat chhuah hun huna hrechhuak ve tawp tur chuan thutlukna a siam ta a. A harsa ngawt ang tih ka hria. Khawngaih takin ka en tlawk tlawk a.


...........

Tuk khat kan ina Claire ka hmuh leh nawlh chuan a hmaa thil thleng kha ka la theih nghilh hauh lo. Lawm lo takin ka lo en a.

"Sawmdawng, Claire kuan kan inah engnge a rawn tih?" kan pindanah luh pahin ka ti nghal tawng a.


"A lo kal a maw?" anui huk huk a.

"Tinge i nuih?" a nuih tak avang mai chuan ka ngaih a tha lo thar thut a.


"Kan inah hian a rawn awm ve dawn. Ka nu khuan a sawm tlat a. " a laptop khawih malh malh pah chuan min chhang a.

"A theih loh. Ka phal lo. Ka duh lo."


"Vak vak a. Eng thil mah a thleng dawn hlei nem. Ka nu thianah ngai hmak la lo ngai thupui duh suh." A tiliam puat a.

"Chu chu engtinnge ka theih ang? Ka hnaiha awm turin ka ringtawk lo. "

Ka hlauhthawnna thin a rawn chhuak a. Heta a awm chuan kan tan a him lo. Sawmdawnga laka intatluhna hun remchang a zawng ngei ngei ang. Sawmdawnga pawhin a lo hmangaih tawh thin a. Hnar harsa a ti ngei ang. Party zan ang bawk khan.


"Kan ina a awm ve hi ka remti dawn lo reng reng." tih pahin ka bag ka la a. Class kal turin ka chhuahsan ta daih a.


"Bawihi." min rawn auhna pawh ka chhang tawh lo. In hnuai ka then chuan chik lutuk hian min rawn en a. A mitmengah te chuan eng thil emaw hi ka hmu tlat pek a.

"Lehkha i zir leh tawh dawn em ni?" tham lo lutukin min rawn ti a. Ka sawisakna vang khan a zal rawih turah ka ngai a sin. Kan inhmu lo rei bawk a. Ka lo ngai sual der a nih hi.


"I hmai pawh a lo dam ta a nih kha. I duh leh chuan ka siam sak leh ang che."


"A ngai tawh love. Ka duh tawh lo. Tunah chuan in inah, nilo ka nu te inah hian ka rawn awm ve tawh dawn a. Tha te tea min lo dawh hram ka beisei."

"Tuk e a. I duh phawt chuan."

"Anih chuan kal tawh mai ta che. Ka nu nen hian thil pawimawh kan sawi a."

Nei deuhin mit ko ka san khum awt a. Inherin ka chhuak ta daih a.

....

Driver chuan min thlah thlap a. Mahse ka hnung lamah hian min enzui rengin ka hria. Ka hawi let a. Tumah ka hmu bawk si lo.



Malawmi nen kan inhmuh chuan hmun reh deuh lai panin tah chuan kan thu dun a.

"Hrilh tawh mai ila. Keiman ka hrilh dawn a lawm. Sawmdawnga pawh kan hruai tel ang a. Dul hrenna kh i hman reng chuan in tuar phah ang tih ka hlau e."


"An hrechhuak tep tawh ang." a lo ti et a.

"D-a chu, rawn let leh pawh tum mah se ka lo pawm tawh hauh lovang. Min tina em mai." a tih leh takah chuan ka kuah hle hle a.

"Lungngai suh. A rawn kir ngam teuh lo. " ...


Kan ngawi dun vang vang a. Kan inhriat pui phak bakin rilru kaptu kan nei ve ve a ang.


"Claire kan inah a rawn awm dawn a. "



"maw?"


"Ka huphurh khawp mai. A ruka thil sual tih a ching bawk si. Engtia han tih tur nge ka hre lo a ni."

"Kan inah rawn awm daih mai rawh"


"Sawmdawnga'n a phal teuh lo mai. "


"Ani pawh hi inhmuhchhuah a ngai takzet a ni. A awmdan hi a dik lo tawp. ... Mipa ho hi chu a! Tumah mah hi an lo tha lo a nih hi. Hmeichhia chauh kan nih hian kan fel ber. Claire te ang misual hi han awm lo bawk se." kan thutna bul thingzar a rawn rik thawk thawk chuan kan tho rual thawt a.


"Kha kha engnge? Kal daih ang" Malawmi nen chuan kan inkai nghal a. Class room kan lut tur chu ka han hawi let leh a. Tu emaw chu an awm chiang a ni. Kan class lamah chuan tumah an la awm lo.

"Midang hi rawn kal an tum lo em maw ni? Lo nghak mai ang." kan thu thla dun nghal a.

Mahse rei pawh kan awm hmain kan room pawn chu a rawn ri thlep thlep a. Mi an rawn lut dawn emaw tiin kan ngaichang a. An rawn lut bawk si lo. Malawmi ngaihtha lo chuan a va en nghal vat a.


"Tunge?" a va au kher.

"Tumah an awm lo." rawn let leh pah chuan a rawn ti a.


"Min zui ru em maw'n le?" a tih sep chuan
"Maw? " ka lo ti vat a.


"Engmah a ni lo."


"I hre ve em ni?".."Tuin emaw min zui ru tlat a ni."

"Guard i la nei a ni lo maw? " awmze nei takin a rawn ti a.
"Aih . Ka hre lo."

"Nichin atang khan ka hre tawh. Kan thutna hmasaa kan awm lai khan."

"I ni ve e law?" ka'n ti haw a.

" Chuvang a lawm kal daih ka rawt." a rawn ti ta chiah a.

Ngaihtha vak lo chuan ka ngawi t a rauh rauh a.


... Chu mi ni ka haw chu Sawmdawnga rawn haw ka nghak rauh rauh a. Pawnah chuan ka lo vei chhen. Min enthla tur mi a la dah em ni tih zawh ka dh.

Mahse, a motir thawm hriaa pawn ka va chhuah chuan amah chauhin a lo ni lo. Claire nen an rawn haw rual tih ka hmuh chuan ka sa zak a.

Hnar var hawk hawkin ka lo en reng. A nui sang a. A rawn hawi chhuakin min rawn hmuh chuan rum tawkin ka lo melh a. Inher hmakin ka luhsan daih.

"Vawiin i thil zir engnge...? " a ti dek dek a.


"Tinge in rawn haw rual?"

"Bawihi..."

"Ka zawh che chu. Ani ka ngaina lo tih i hriat reng pawhin tinge i hnaih luih char chr a. Khang hun chhung zawng pawh khan in lo inhmu thin reng lo maw?"

"Bawihi. I thilthu hi pe chhe viau teh suh."

"Engvangin? Ani ka rin loh laiin i hnaih reng bawk si a. Ka rinna che pawh hi a bo zo tep lo chauh tawh a nih hi." ka vin thawt a.

"A ninawm e mai. Thian bak kan ni ngai lo. Nangmah hi i dik lo zawk a nih hi. Insiam tha zawk teh. ....." tawng chhunzawn zel a tum chu ka lo pawt chat a.


"A englaiah chuan maw ka insiam that ang? Ahma pawh khan lung dam lo lutukin ka kal tir tawh che a. A letah engnge thleng i hria em? I fawp a sin. I duhthu ngeiin i fawp a nih kha. "

"Kha thil kh sawi chhuak tei vet lo mai teh."


"Ka sawi chhuak ngai lo reng. Kha mi hnuah khan ka sawi chhuah i hre ngai lovang. Rin let leh che tumin ka bei mek a. Ka rin theih nan che awm ta che."

"Bawihi."

"Aih. Ka hmu dun duh lo che u. In pahnih ka hmuh dun che u hian eng emaw tak thleng turin ka hlauthawng thin a sin. Chu thil chu i hrethiam lo em ni?"

"Inbengdai teh."
A rawn tih lao te chuan ka vei tawn nghut nghut a. Tunah tak chuan ka thinur lutuk hi ka inthunun thei lo.


"Thil engmah a thleng lo. A thlen pawh ka remyi ngai tawh lovang. Nangmah chiah ka angaih che ka tih kha."


"Ka ring lo che." ka tih chuan lo kal hnaiin dam tak chuan min rawn kuah a. A chet dan dam tak avang cchuan thinura lo chrt khum nghuah nghauh chu thil har tak a ni.



"Min enthla tur i la dah reng em ni?"ka zawt ta nge nge a a tang bei chung chuan.


" Aw. I mamawh ka tia." a lo ti thlap a.


"Khawngaihin ban tir tawh teh. Min tiralmuang lo. Vawiin nilengin awm nuamin min siam hlei nem."

"In himna tur a lawm. Ka veng reng hman si lo che u a. Ka mit pakhat ka hnutchhiah reng che u a ngai a lawm"


"A ngai lo a sin. Kan inenkawl thei."

"Min hnial suh. Ka chau. Kan han intifai ang a. Thil eng emaw min pek lawk tur i nei em tih lo inngaihtuah rawh."


"A.. I duh lovang. I chauh kha." a tawngkam vek hmanga ka tihlet chuan rum nghut nghutin min luh bo san ta a.

"Ka sawi kha aw. La bo daih rawh kan inenkawl.zo a nia." ka au zui hram a. Ka sawi a hrethiam ang. Guard neih vanga awm nuama awm theih loh chu a hrehawm zawk daih....


Claire chu kan inah chuan a awm ve naw naw a. Ka pasalnen chuan k a veng uluk thei khawp mai. Zan khat chu zan laiah ka harh hlawl mai a. Zan ka thanharha ka tih thin ang bawkin meng mang hlei lo chuan ka mutna bul chu ka han dap rak rak a. Mahse ka tum ka dap fuh hauh lo. Meng chhuakin ka han en a. Ka bulah chuan Sawmdawnga a lo mu hauh lo mai a.


Ka rilruah chuan tihpalh pawh ni lovin Claire a rawn lang nghal zawk a. Rang lutukin pindan atang chuan ka chhuak a. Kil tin kil tang ka zawng a. Hmuh ka inrinna zawng zawng. Ka hmuh ngei theih nan auh nghek nghek mai pawh ka duh rum rum.


"Min pui rawh ka tih kha. Tuna ka thil tum hi a hlawhtling a nih chuan an pahnih hian rei an awm duh tawh hauh lovang." Claire aw ka hriat thut chuan mak ti lutukin ka ding nghal chawt a.

Kan misualnui hian remruatna hran a lo nei leh tawh em ni ka hriat hauh lohvin?"

"Ka nu. Ka ti tak tak a nia."

"Chu em em zawng kaduh dan a ji hauh lo mai. Ka rilarah ka tupa tur ngei a sin."


"Sawmtea fa pawh a lo ni thei ka tih kha. Bakah dam chhunga intihhrehawm reng nge vawikhat hrehawma dam chhung nawm i duh?"

"Ka dam chhuak leh dawn chauh a sin. Khatiang ka tuar ngam tawh hlek lo mai." ka nu nena an tawng ka hriat ruk chuan mkati lutukin ka khawng lo chauh. Kan lam pana thawm a rawn awm chuan rang taka che sawnin hlauthawng tak chuan bihrukna tur ka zawng vat a.


"Tunge awm?" Claire aw pawh ka hria.
Mahse enga Sawmdawnga ruangam ka va hmuh takah chuan hahdam suai leh lawm taka thaw huaiin ka bihrukna atang ka chhuak vat a. Eng sawi set set lovin ka va kuah nghal thawp a.

[Ngaia]

DESTINED TO BE HIS BRIDE



CHAPTER 40



"Hetah eng thil nge i tih daih daih?" a thaw deuh ham ham a.
Ka rawn zawng che' tih mai ka duh rum rum a. Mahse Claire te nufa an awm hnai si a.


"I riltam leh tawh em ni?" tih pahin min kai a. Claire te pahnih kan va pawh ta thut mai. Ka tan han tanna hman awm lek lo chuan kan va phawk dun ta a.





"Bawiha." ka nu chuan thil sual ti ta ang mai hian Sawmdawnga chu a en a. Claire ve thung chu a la zam hlek lo. Ka nu phena hmang titih chuan min rawn en kar a. Na lam mah maha ka pum puar kiar ve tak a en thlak ralh chuan vengthawng taka han dawm mai ka tum a. Mahse, a duh ang keimaha a thil sawiin nghawng a neih dan a hmu hauh lovang.



Cho takin ka lo en let ve reng a.



"Thim thamah engnge in tih?" tih pahin Sawmdawnga chuan light a tieng ta uar a.



"Ka nu hian a thi a zawng a." Claire aw fel thak mai chuan ka nu sawi tur hre lo lutuk chu a rawn chhan ka ti mai.



"Nia. Henglai velah hian niin ka hria ka tih bo. Ka chiang chiah tawh lo."



"Eng thi nge? Ka lo zawng ve ang e."



"A ngai lo. Lo han chho leh tawh rawh u. In hre ve lovang. I pa min lei thar hlim hlawt a nia." ka nu hmel chu ka en a. A pha deuh duiin ka hmu pek.



Sawmdawnga chu kunin a han thle vel thuak thuak a. "Thi awm ang a va vang ve. Heng laiah hian tih i chiang chiah maw?"




Kei pawh chu ka kun ve nghal kat kat a. Mahse chhuat a faiin a tliang ral a. Sawmdawnga sawi ang tak takin thi chu awm se hmuh daih a hun tawh.




"A le! Hei, ka hmuin ka hria. Ka nu, i thi sawi chu hei a ni em?" Sawmdawnga kuta thi uai inthen laih laih chu ka hmu nghal vat a.




"Umm, a nih kha. I pain a bo tih a hre hman lo chu a tihzia khawp mai." ka nuin rang taka a lo lak vat chuan Claire'n a lo thuihnih ve a.



"Nu, i ta a ni chiang maw? Han en nawn leh teh." Sawmdawnga a melh ran a.



"Ni e, ka la theihnghilh hman hlei nem." a tih lai chuan Sawmdawnga chu a lo insehruh nasa mai a. A awmzia hre lo takin a kut chu ka han vawn sak a.



"Thim thamah in zawng renga in hmu thei lo a nih kha. Kha, engah chuan a rawn lang vat mai a lawm. " anmahni en chung ran chuan kan ti ve salh a.



Hah... An thu sawi thenkhat ka hre ve reng. Thi an zawn tak tak pawh ka lo ring lova. Sawmdawnga khan khawi a mi nge a hmuh bik le.

Ngaihtuah ru nauh nauhin ka nu kuta thi chu ka han en nawn leh sak a. A awmzia hre lo lutukin ka en a.



"Ka pa chu thil nalh a hre hle mai. Tiraw?" Sawmdawnga ka nghawk salh a. Ting thi saw ka nei ve chiang lutuk. A inang ber kher kan nei dawn chu a ni si a.



"Lo kal teh. Kei ni pawh i mu leh tawh ang. Khua a var mai dawn." kal tur chuan kailawn lamaamh min nawr deuh a.
"Nangni pawh mu tawh rawh u. Thi kan hmu tawh bawk a tui takain va mu tawh rawh ka nu."
......



"Ka nu thi kha i lo en chiang em? Khatiang chiah kha ka nei." tih aha indan kan lut chuan ka tlereuh dahna va lak mai ka tum a.


"A inang in nei dawn a ni mai a lawm. I mu zawk teh ang. A bo ve chuan loh kha."


"Ka pa khan a thlang thiam i ti ve em? Ka ta ang chiah a thlang ve a nia. In lo inchhun khawp mai."


"Pafa kan nia lawm" a lo ti awlsam et a.
.........



Ka mumang tha lo tak vang chuan chiang takin ka harh hlawl a. Thawk mumal lo zet chuan ka taksa chu ka dap lawr a. Ka tha vek. Ka taksa pawimawh lai ber ka dul pawh a ngai ngaiin a lo la puar a ni tih ka hriat chuan ka phur rit lutuk lak then ang hawk mai ka ni. Ka hahdam huai a.



Chutia ka hahdam hawk takah chuan thu rem deuhin ka bul maia sana inhung chu ka en a. Na.... A tlai tan der mai ka ti. Class kal tur insiam ka langai. Chumi hmain Sawmdawnga ka ngaihtuah asak a la ngai zui. Tho phang deuha ka chhuk thlak chuan kawngka puia Sawmdawnga leh Claire thlan tla hnuanga rawn lut chu ka hmu nghal a.

Zep rual lohvin ka thinlungah thikna a rawn piang nghal. Hmu lo derin pindanah ka luh chhoh san leh nghal.
Tihian hma takah insiamin Malawmi te in atangin ka kal mai ang.


Ka thawmhnaw ka thlak mawlh mawlh a.


"Khawnge kal i tum a?" pindan a rawn luh rual rual chuan a sawi chhuak hlawl a. Tuk dang aia hmaa ka insiam chu mak a ti pawh ani mah na.



"Malawmi te inah ka kal tawh dawn. Vawiin chu tih tur kan nei a. Ka kal hma a ngai a lawm."


"Nang te hi, Claire i thik vanga hetianga awm hi i ni em?"


"Ni lo. Ani ka thikna tur chhan a wm hlei nem. A awm em ni?" a lu a lo thing a.


"Kan rawn lut kha min hmu reng. A dik em?" dawt sawi a chhan mai ka tum zuai a. Mahse a dik thlu ngangin ka hre thei lo.


"Hmu e. In inhmeh khawp kha."


"Anih chuan i thik lo tak tak maw?"
"Umm."


"Anih zing tin ka work pui ziah thei ang em?"


"Aih." rang fahran chuan ka chhang nghal a.
"Tukin zing kha a tawpna a ni tur a ni. " ka tih mek lai chuan thi kha ka rilruah a rawn lang thut a.



"Nizan khan ka nu te khan thi kha an zawng tak tak em?"


Ka zawt nawn leh a. A chhan chu an thu sawi ka hriat nen khan thil inpersan tak a ni dih tawh.



"Aw. An hmuha an awmdan atang khan i hrethiam mai lawm ni?"

"Aih."
....


Class kan kal ve leh hnak hnak a. Malawmi dul kiar ve lah tawh si, lang mang miah lova a thup bo chu ka en leh thin a.


"A hrehawm i ti em?"


"Ti lo. Ka tan hrehawmna a ni ngai lovang."


" Naute kha ni lo. I dul hren kha."


"Hrehawm ve thin e." zep hauh lovin min chhang a.


"D-a hian lo let leh duh se i lo pawm leh ang em?"


"Ka hre lo le. Ka theih pawh ka ring tawh lo."


"I hmangaih kha."


"ka hmangaih ngei a lawm. Mahse min kalsan. Ka mamawh lai berin kei leh a fa hi duh lovin min kalsan a." a hmel ka en chuan a lo thutak hle th ka hre chauh.



"Anih, i lo hmangaih kha i inchhir em?"



"Aih. Ka inhua. Ani ang mipa ka lo hmangaih avang khan ka inhua.


Khawvela ka mi rin berin min phatsan tih ka hriat hian ka inhaw em em a ni.
Chuvang chuan keima lakah ka lungawi lo.



A lehpek a thleng a nih chuan...., ni lo; ka thlen nawn tir tawh lovang." inpet ruh fan fanin a kal ngal ngal a.

....

Chhun a lo ni a. Riltam tawkin dawra thil ei turin kan lut ve ngei a. Mahse rin loh lamah D-a kan hmu ta mai. Rang takin min let pui leh nghal a. Kan hnung ka lehhawi leh pawh chuan D-a chuan min rawn um zui hauh lo. Ka thiannu hi a lo fiam kual mai mai a nih ka ring ta hmak.


"Kei chu thil ei pawh ka chak tawh lo."
"Kal la in pa nen ei dun mai rawh u."


"Engmhah i la ei ve loh kha "
"Inah ka ei tawh mai ang."
.....


Eitur khai chung chuan a hna thawhna lamah kan kal a.


Ka sawm luih talh avangin min hnial ta em lo chuan kan inzui lut ta tham a.


Mahse office chhunga ka thil va hmuh vang chuan ka kehchhe zo ta vekin ka hria. Ka ding chawt a. Claire Sawmdawnga chunga a thu vang mai chu ka mitvai a ni hauh lo. Ka cmvaiin ka mit sulh sulh ni maiin ka hriam



Ka thil khai chu ka hum nghet sauh sauh a. Ka khawng titih ni maiin ka inhria.
Thawk ka han la hrawih a.



"Merr," ka awmdan hrethiam lo tak chung chuan ka hma lam chu a en phei ve ta chu kei ai aiin a phawk daih maithei. A hmui hup chawt chuan ka dar a rawn vawnna chu a hmer ve tlawk tlawk a.



"Pathian. An tenawm hle mai." a tichhuak chu ka hre vuai vuai a.




Ka mittui rawn hnam tan ringawt chu dan kir tumin ka khap fak fak. Chuti chungin ka mit hmuha mipahnih te chu ka hawisan thei hauh si lo.



"Tisawn engtik hun atang nge min lo bum dun tawh ang. Engmah ka lo hriat thiam ve loh avangin engtia rei nge hnung lam atangin min lo nuih dun tawh ang." ka mittui rawn luang zawih zawih chu ka hru nghal mawlh mwawlh a.




"Ka en liam mai mai dawn lo." insehruh fan fanin Malawmi luh ve tum chu ka dang nghal a.



"Kal suh. Tizo rawh se." ka thil khai hum nghet sauh sauhin ka kai chhuak leh a.
Khawi lam nge ka pan pui dawn pawh ka hre lo.. Kan kalna lam ber pawh hre lovin ka kai kual vel mai mai a. A tawpah ka tuar thei tawh lovin ka tah san ta hlawp hlawp a.



"Ka lo a em a ni. An pahnih bum tur tawk lekin ka lo khawsa a nih hi." ka hmai hupin ka tap tlawk tlawk a. Min hnem tuma min kuah ve tang tang tu ka thiannu min hnemna chuan kawngro a su lo hle mai.



"A hma te khan rinhlelhna chang ka lo hre tawk lo a ni. Thiam tak mai khan a dik loh thu min hrilh zuah zuah a. A tawpah chuan dawt a ni tih a lo lang chhuak leh ta vek tho si a nih hi."



"A pawi ka ti lutuk. Engtinnge kan tih ang? Ka thiam loh vek a ni. Kha ta hruai lek lo tur che kha ka ni a sin."



Ka tap tlawk tlawk a. Ka chhungril hi a nain awmdan tur ber pawh ka hre lo.
Tap khur hlawk hlawkin Malawmi min hruai ang ang chuan taxi-ah ka thu lut ve nghal a.


Driver chuan kan awmdan a hmuh chuan a chiai hmel la ti. Ka thiannu ber lah eng teh ual a ni bik si lo. A thiannu lungngaihna min tawmpuiin ka kiangah a tap ve reng mai a ni si a. ....




Engtia rei nge kan tlan hman ka hre lo. Kan hmalam chu a rawn zing phei mup mup a. Kan chuanna chu a ri nghing bur a. Kan taksa chu a nghingin ka taksa hmun thenkhat lai chu a rawn thip zawk zawk a. Ka bula thu ka thiannu ka va en phei chuan thisen kar atang mangang takin min rawn en ve reng a ni tih ka hria. Tah chuan manganna nasa takin min rawn tuam a. "Ka naute, ka naute. " tih chauh chu ka rilruah an ri tluk tluk a. Ka pum ka dawn. Mahse engmah ka hre lo. Ka taksa leh keima kut ngei pawh chu an chawmawlh vek. Mahse ka kut chu a nal patin ka hria.




Chutia ka en reng lai chuan ka ral riai riai a. Hei aia nuam hmuna kal tur ni maiin ka inhria........



... A kar lakah chuan harh leh zawk thin a. Ka thil hriat a chiang lovin ka taksa kham na leh thip zawk zawk , siren ri phi ruai ruai chu hla tkah a ri viai viai bawk a. Mahse ka ngaihtuahna chu ka naute a tha em tih chauh a ni. Ani hi ka chan thei lo. Chan ka duh lo. Sawmdawnga leh Claire mit meng lawmnaa khatin min thlir tur ka mitthlaa a rawn lan phei chuan ka na a. Nizan ka mumang kha a ngai ngaiin ka hrechhuak leh uar uar a. Hethil hi a ni thei mai ang em? Nasa taka Claire min nuihsawh kha a tak tak a ni dawn ta a nih hi. Mahse ka thlen pumhlum tir ngai lovang. Ka naute chan hian an zingah ka khawsa thei tawh dawn lo. Chuvangin ka dam chhuah a ngai. Ka naute nen kan dam chhuah a ngai.



"Ka pi, ka pi... I harh em? Min hmu thei em? Lo tuar hram hram rawh aw. Kan thleng tep a nia." ka han hre leh vuai vuai thin tih chauh lohah chuan ka khawvel chu an thim ta hmuk a.............
.........




A hnu eng emaw chang chang chuan harh leh harh lo inkarah ka khawvel chu a insingsa kual a. A changin thil ka hre vuai a. Ka chhing leh a.



Ka harh a, ka chhing leh zuai thin bawk. Ka harh apiang chuan ka naute a tha em tih zawh ka duh a. Keimah ngeiin fiah ka duh bawk. Mahse chutiang hun ka nei ngai lo.




A tawp a tawpa ka harh chhuah ruai chuan ka chhing leh nghal mai ang tih hlauin ka melh ngai chu a chiang thei ang ber chuan ka melh a. Tun tum chu chhin mai mai ka tum tawh lo.



Fiah lo ruaia hlimthla rawn lang chu enin a chet sawn dan ka mit chuan ka chhui zel a.



"Mmmm" ka tawng ngial dawn a mah se a chhuak thei tlat lo.



"Tawng hrih suh. Doctor ......." nikhua ka hriat tirha ka mi hriat duh loh ber a ni.



"Bawihi, i tha em?" a aw ka hriat zawng ringawt pawhin kha an awmdan kha ka mitthlaah a rawn lang a. Ka taksa na ai pawhin a na viak ngawih ngawih.



Ka hriatnaa awm reng thin ka naute chu a la awm reng em tih hriat tumin ka kut chu tihchet ka tum a. Mahse a harsa lutuk.




"Bawihi, i tha em? Min hria tiraw? Ka hmangaih , i rawn harh leh a nia. Engtia rei nge ka nghah che." ka hmaia a kut paahniha a rawn khuap lai te chuan inthiam lohna pakhat mah a nei lo em ni?



Ka na ngawih ngawih a. Thei ngat ila chuan a kut chu paih thlak sak daih ka duh. Mahse ka kut ka chet tha thei si lo.


"nmmnn......" k hmui tihchet tumin ka bei a.



"Naute....... Naute a tha em?" a tha lo tia min chhan hlau tak chuan ka mittui lo parawl kuangin ka hmui khur dar dar pawh chu ka thup thei lo, ka en chho reng a. A chhanna ka duh. Ka hre duh. Kan naute chu ka chan thei lovang.


"A tha. A tha a nia. Hlauthawng suh aw. ..... Doctor, a rawn harh a nia. Rawn tlan vat rawh.." a tih zui nghal mawlh mawlh a. Chutih lai chuan ka taks achak lo tak nen ka yhaw chiah em ka hre lo. A hnu deuh a ka thawk ka chian chiah chuan ka awm a rawn na zawk zawk a.



" Tap suh tap suh..." Doctor chu ka en chho ve thung a.



"Tha taka i rawn harh leh theih avangin Pathian hnenah lawmthu awm rawh se." a lo phun ve sup chu ka hmuh hmaih lo.



"I naute pawh a tha a nia. Lungngai suh aw. I indim ang a. In naute nen dam takin in chhuak thei leh vat ang"



A thu sawi chu mittui tla zung zung chung chuan ka rilruah ka lalut a. K naute ka chan loh tih ka hria chu lawm lutuk hia n ka tap chhuak zawk a. Ka rilruin Pathian hnenah lawmthu sawiin ka tawngtai nghal mawlh mawlh a.....




Sawmdawnga ka kut vuana ding ve reng chu ngaihtuah duh lovin ka chhinsan nghal hmiah a. Doctor-in thil pawimawh a hrilh vel chu ka lo ngaihthlak pui a.



Doctor a chhuak ta maw tihah ka meng chhuak leh riai riai a.


"Bawihi." ten lutukin ka melh a. Rei pawh ka melh thei lo. Ka na lutuk ringawt a. A hmel ka hmuh a piang hian min vit mgawlh ngawlh mai niin ka hria.



Kha taxi-ah khan keimah chauhin ka chuang lo tih ka hriatchhuah thut chuan chiang mang khengin ka mgeng leh nghal zawk a.



"Malawmi a tha em? Driver kha?...."..."Malawmi a tha em? Naute a tha em?" Sawmdawnga mi chhanna chang hre lova a ngawi ngul mai ka hmuh chuan ka chiai a. Lalpa! Ka hritna hi dik lo hram rawh se.



"Naite a tha em? Amah engnge a a'n? An damkhawchhuak lo tih min hrilh suh." ka mittui a hul dawn tawh emaw ka tih kha a ngai te bawkin a rawn sa chhuak leh pam a.


"A naute chungah engmah a thleng lo tiraw?"beisei litukin ka en tawk tawk a.


Min chhang lova hnuai lam a bih daih chuan a chhan kher ka ngai tawh lo. A chan ta a ni. A naute chu a chan a ni
Keimah vangin.


Ni lo. Amah vang vek hi a ni. Khalai hmunah khan Claire nen lo khawsa dun lo se chuan tiang teh hrep thil hi a thleng lovang.



"Nangmah vang vek a ni, nangmah vang." ka tap chhuak nghal tlawk tlawk a.


"I thiam loh vek a nih hi. Ka ngaidam ngai lovang che."


"Bawihi." a awa hrilhhaina te chu ka hriat hmaih lo.


"Mitenawm tak i nih hi. Ka hua che. Tenawmpa, i thiam loh vek a ni.





MALAWMI 'POV'



Ka taksa zawi reh mup mai nen chuan ka harh chhuak a. Ka chhehvel ka en chuan khawnge ka awm ka hre mai hauh lo. Chet tumin ka taksa ka han siam dawn a. Ka taksa hmun then khat chu a rawn na thip ta zawk zawk mai.

"Ah"


Doctor rawn lut nghal ka lo hmuh chuan damdawi inah ka awm tih rin dan ka nei ta chiah a.

"I lo harh tawh a ni maw?..........."
.......... Thu rapthlak tawp min hrilh a. A hnu leh lam chu mumalin ka hre tawh lo. Eng chiah nge a sawi pawh ka ngaihtuah mumal thei lo.