DESTINED TO BE HIS BRIDE BY Maximus cancer queen (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: DESTINED TO BE HIS BRIDE BY Maximus cancer queen (Completed)

Unread post by Ngaia » September 23rd, 2019, 7:07 pm

DESTINED TO BE HIS BRIDE




CHAPTER 47





Claire POV'





Ka thin la phu dut dut leh ka hmai var pup mai chu ka en a. Ka lungawi thei thlawt lo. Khang video kha engtia a neih nge.

Ka fimkhur hle si a. Chuti chungin a nei thei thova maw?
Che thutin ka hmaa darthlalang chu ka chum keh pawp a.



Driver fimkhur lo tak a ni. Kha thil kha ka chhungte bulah keng ta se engtinnge ka awm ang? Ka buai zo vek. Ngaihdam dil turin min la ti zui a. Inphahhniam ka hrehna ber mai Mercy Ngurnunsangi hmaa ber kher lehnghal. Ka thei thak lo a ni e.


Ka cellphone la chhuakin ka be nghal a.

"Fimkhur-lo-pa, kan video i la em ni?" a rawn chhan rual rualin ka ang nghal nghek a.


"I sawi awmzia ka hre lo. Lo vin vak vak teh suh, lawmman ka phut belh hma hian."


"Z*wnga, i va ngam zawk ve. Kan pahniha jail bang zut chu i duh tak tak a ni maw?"


"Ngati vak vak nge i rawn te chiam ni? Jail bang zut ka duh loh vang a lawm chetsualna thlen tir tur pawha a sir atanga ka lo thlir mai mai. I la hrethian na fo nge?" a rawl atang chuan a rawn thinur ve hmel hle a.


"Anih chuan kan awmdun lai kha a video engtinnge ka hmuh theih? Thlalak pawh a awm vek. Ka chhiat phah teh chuan i chak lovang. I him dawn bik miah lo a nia."


"Ngawi mai mai rawh. Khawiah nge tunah i awm?"


"Ka inah."

"Ka rawn kal dawn."


"Ngaihtuah pawh ngaihtuah hlek suh." ... "Keiman ka rawn hmu ang che."

...
A hmel ka hmuh rual rual chuan ka thinurna a rawn sosang leh a. Ben leh nghal chawrh tumin ka phar zuai tawh chu min rawn man sak a.



"a vawihnihna chu thleng tawh suh se." ti nghutin min dahthlak sak a.



"Video chu a nei tak tak. Nang nena kan thusawi zawng zawng pawh a hriat theih vek a nia. Engtinnge kan tih ang? Police hnenah kal ta se kan chhe vek a ni mai." ka hlauthawng hle a.
Sawmdawnga'n police min man tir vaih chuan ka chhe vek a ni mai. Bakah Mercy hmaa tlawm taka awm ka duh lo hrim hrim.



"Khawinge video chu."


"Aman a kawl."


"Kan ni tih i chiang chiah maw?"


"Chiang e, chiang lutuk."..." Min hmu miah lovin kan awmdan leh kan awmna zawng zawng kha a dik vek thei lo. Kan thusawi thlengin."



"Anih chuan engtia tih chi nge ni ang?"


"Chu chu a lawm ka hriat loh." thinur tak chuan ka tichhuak a.
"Eng emaw tal tihdan tur ngaihtuah teh. Chhiat vek ka duh hauh lo a nia. Ka hna, amah leh a..... Engmah chan ka duh lo."



"Anih chuan video chu kan laksak a ngai ang."


"Engtin?"


"Video rawn kengin inhmu turin kan ko ang a. Chuan keini'n a video chu kan lo laksak tawh mai dawn a ni."



"Chuti maia awlsam chuan i laksak theih i inring tak tak a maw?"



"A phal loh chuan......... Amah chawpa dahthat a ni tawh mai."



"Ka phal hlei nem." Sawmdawnga'n na a tuar ka phal lo. Tihnat pawh ka duh ngai lo.



"Tihnat ka duh hlei nem" ka lo ti tuak a.


"Anih chuan na hre hman lovin kan siam anga a ni mai."



"Thah ka duh lo. A tel lova dam ka duh lo."


"Hmeichhia!!" a chet tlak tlak a.



"A nat i duh si lo. A natna tur a hmangaih ber laksak i hreh bawk si lo. I awmdan hi a dik lo a ni."


"A hmangaih love aw. Kei hi a lawm a hmangaih chu."


"Tu mipain nge duh chea i inrin? I thilsual tih rulh nan ka lakah i *ap i dawrh thin a nih kha." a sawi rual rual chuan lungawi loh lutuk avangin a hmaiah k beng sawk a. Ka ham zui ghal buan buan a.


"Hmeichhia, min thlah vat rawh. Kut ka thlak let hma che hian." ka kut na taka min paih sak sawk chuan ka nuna lungawi loh lutuk avangin ka tap chhuak nghal hawk hawk a.

Ding chungin min en chhuk ngar reng a.
"Tihdan tur ka lo ngaihtuah ang. ".


Ka hmaah chuan thlalak a rawn lek chhuak a. Hrethiam lo takin ka lo la a.
Mipa bawrchhawr lam hmel pu pa chu eng atang nge ka tih a rin ni? Zawhna ka zawt tur ka han ang chiah chu...



" A hmelma kumhlun a nih kha."

"Maw?"

"Kar thar lawk hian tan in atangin a rawn chhuak ang. Hei hian kan buaina a chinfel theih ring phawt mai ang."


.....
..
........
...
............



Mercy Ngurnunsangi POV'




Vawiin chu ka pa nen naute mamawh tur vel lei turin kan bazar a. Puan leh eng eng emaw kan lei nual mai. A mawza tur tereuh te mai chu ka lawm em avangin a bik takin ka leng khiau reng a. Ka kutphahah pawh a lian bik lo hle. Haw kawng laka kan tangkhan lai chuan kan bulah Sawmdawnga motor chuam a rawn ding ve chat lehnghal.



A bula hmeichhe thu ka va hmuh chuan ka na nghal zawk zawk a. A tawng siam siamin Sawmdawnga chuan a chhang let zauh zauh a.

Thawk ka la lutin ka thaw chhuak leh ham ham thin a. Chutia chik lutka ka lo en reng lai chuan rawn hawi phei thutin min rawn hmu ve ta chiah a.



Taksa rawn her deuh pah meuhvin min rawn en nghal run a. Ka kuta ka thil ken a rawn hmuh phei chuan a mitmeng chu eng emaw riauvin ka hria a. Ka kut atang chuan thuhruk bo mai ka duh rum rum hman.

Mahse ani vanga ka dah bo kher kha tul lova ka hriat avangin ka keng lui ta ngat ngat thova.



Chutia kan inen reng lai pawh chuan ka nain ka rilru a thar zual ngawih ngawih a.
Amah ka hlat ta chu tuar har ka ti ngawih ngawih. Mahse a bula kal thei zia zang ka ni si lo.



Rilru na tak chuan ka mit ka la sawn a. Nghet taka ka naute mawzza tur hum tat chuan hmalam ka hawi san ta vang vang a. Kan tlan sawn leh hma zawng chu keimahah a mit a la fu char char a ni tih ka taksa za mur ar ar rengah chuan ka hre thei.


A mitmeng ka feel theih loh chiah chuan khawhar rilru pik tun chungin ka hahdam huai tho si.
Thawk ka lak hawlh hawlh chuan min ngahtuah takin ka pa a rawn hawi phei a .



"Mate, i tha em? I pum a na em ni?" min rawn zawt hluai a.


Ka naute mawza en reng chunhin lu ka lo thing mat mat a. Aw tia ka chhan vaih chuan ka aw khurah ka awmdan a rawn man thiam mai dawn si a.



"In kan thleng tep tawh a nia. Kan thlen velah i awm hahdam nghal dawn nia."


"Umm"

......


In kan thlen chuan tumah be lovin ka naute thil tur thenkhat ka pawm a. Ka pindanah ka lut bo nghal daih.

Mu chungin ka mitthlaa rawn lang reng chu tuar thiam harsa ti tak chungin ka dang hram hram a.
Rei pawh ka awm hman hma chuan ama call ngei a rawn thleng zui nghal a.
Chu pawh ka la ang nge la lovang tih ka ngaihtuah hmasa phawt.



La lovin ka dah ren rawn a. A rawn tih nawn tak chhen avang chuan ka switch off leh hmak.
Ti khawpa min tihnat hnu hian biak leh ka duh tawh lo.
Ka nat zual mai maina tur a ni.

Ka lukham hnuaia dah bo hmakin ka inlukhup bo hmak a.

Ka mu ren rawn a. Hahdam pawh ka tum khawp mai. Mahse tum angin a lo awlsam hauh lo. Harsa tak chuan ka han inlet a. Ka rilru erawh a nain a hah buai telh telh zawk si.

Atawp atawpah chuan ka thu chhuak leh ta hlawl mai a.
Chhutah ka ke vung pum chhah tap chu ka hlangthla a. Inhnuaiah eitur dap turin ka chhuk thla ve ta tawp a. Khuan pawh a lo thim vek tawh a.


Fridge hawngin ka hawi duk duk a.
Bil hmin ei tur a lo awm hlauh a. Lawm lutukin chi uih nen pawn boruak daiah ka chhuah pui a.
Rei pawh ka la thu hman lo tihah ka hmaa motor rawn ding avang chuan ka thil thial lai ka tawp chawt a.

Amah ka hmuh chuan ka nat a rawn zual a. Ka thil thial lai thial chhunzawm thei ziazang ka ni lo.
Amah ten hmel tak anga langin ka chhak pharh a. A motor nghen pahin ka chetzia vang chuan a lo ner sawk.


"Zanriah ei hmasak i tum lovem ni?" a rawn ti khauh a.
Ka chaw ei leh ei lohvah a rawn buaj a ngai lo em mai a. Engah mah a thusawi chu ngai lo angin thil dang ka melh sawn san dih a. Ka hriatna zawng zawngah erawh amah hlir a rawn inlar sup sup a.


Ka bula a pheikhawk chhip ka hmuh chuan a rawn kal hnai a ni tih ka hre chauh. Ka mal chungah chuan ei tur a rawn dah a.


"Kha kha ei rawh."

Ka lo dahsawn sak hmak.
"Hetiang ei duh ila chu kan nei ve reng." ka lo ti deuh hmak a. A rawn rum nghut.

"Nei ve reng mah la ei i tum chuang si lova. Naute vang tal pawhin ei han tum teh."


Ei sak duh thak lo chuan ka chi bowl nen chuan ka thawhsan tharh a.
Ka kal sawn tur chu ka banah min rawn man chawt a.


"Min lo ngai ve thin em?"


"Aih." awlsam tak chuan ka ti chhuak thei hlawl a.

"Nia, kei aia duh i nei tih chu ka hre daih tawh a lawm."
Huh... Eng thu nge sawi a tum hi.



A kut chu thing thlain kal mai ka tum tha leh a. A la vuam bet reng mai bawk si.

"Sawmdawng, ka kut hi thlah rawh."


"Lo haw rawh."

"Ka duh dawn lo tih i hre reng a lawm. Ka duh ang takin chhuah min phalsak tih hre ta che."
A rawn thaw hawk a.


"Kan pahnih hian khawi hmun hla takah emaw kal bo dun daih ang hmiang. Chimbuaitu awm lohna hmunah. Sawmtea leh midang ho awm ve lohnaah." rawn hawi chhuakin a hmel vawt ruih chuan min rawn en a.



"Chu chuan kawngro a sut ka ring lem lo."
Ka kut thingthlain in chhung lam pan chuan ka pen ta hlawk hlawk a. Ka lo hmanhmawh mah mah nge ka kawrfual tlang rap palh chuan ka petek ta zawk a.



Ka insawh chawrh dawn emaw tiin ka pum dawm chuan nghet lutukin mit ka chhing nghal sawk a.


Mahse nghet lutuka ban tha chak takin min rawn dawm chawtah chuan Sawmdawnga'n min man hman a ni tih ka hria.


Min kuahin a awmah chuan min bei tir a. Min ngai ber ni awm tak chuan a thaw hle hle bawk a.

Mahse kan inkarah chuan ka dul kiar tak chuan gap a siam ta thova. Theih ni se chuan ka taksa zawng zawng rem bet thlara kuah vawng vawng ka chak. Ka thinlunga awm zawng zawng hi a kiangah hian engtih hunah tak phawrh chhuahna hun nei ng maw?



Ui tak chungin ka nam sawn thei hram a.
"Rawn kal tawh suh. Bungrua rawn lak vat theih nan ka pate bulah ka lo sawi dawn nia."
Inherin ka luh bo san ta hmiah a.


Ka lut chiah chu kawngkhar nghegin ka ding ta tlawk tlawk a. Ka awm chhung na lutuk chuan min tizawi zo vek a. Pen sawn mai tur pawhin chakna ka nei bik lo.
Ka mittui lo intham baw zawih chu ka chhin hnan sawk a.

Lalpa, a va na ngawih ngawih tak em! He ti em em hian em ni hmangaihte then hi a lo nat ngai ni. Hetiang khawpin a hrehawm dawn tih hria ila chuan pasala ka neih hma khan ka tlanbo san daih ang.

..... Ka pindan atang chuan a khat tawkin pawn lam chu ka bih leh zauh zauh thin a.
Sawmdawnga a motor hmaa thu run chuan haw a la tum miah lo tih ka zuk hmu a.


Eng tak nge a hriat ni. Hrehawm a ti lo em ni.....
Ka pa bulah chuan bungraw lak chu sawi ka duh lutuk. Mahse a ngawi tlat si a. Ka sawi ri ngam bik chiah si lo chuan a tih hun hunaa lak tawp turin ka titlu ta a.

A zan lehah pawh chuan a lo la awm leh zel a. Keilahin amah ngawt ngaihtuahin ka mutthilh san thei bik si lo. Zan rei thak thak thlengin ka zuk bih leh thin.
Ka thinlung hmangaihna hian koh luha ka khuma mut tir ve mai ka duh.


In hnuaia ka chhuk thlak chuan ka pa awh chuan a lo ngaimawh ve nasa a.


Zan dang a rawn her chhuak a. A ngai te bawkin a hun leh hmun ngaiah a lo awm leh tawh a. Ka thawk phah ta hawk a.


Zan rei fe hnu pawh chuan a la haw si lo. Khawlai chu a rehinmisual a tawng palh ang tih ka hlau bawk si chuan ka khum lamah letin ka cellphone ka lak kan phah ta ringawt a.



Rei pawh a ring hmain a rawn chhang nghal thuai a. Chutia a aw ka hriat takah chuan sawi tur ka haichham leh si.
Tukverh bulah pheiin min rawn hmuh theih loh nan parda ka va keu dek dek a.


Rawn hawi chhovin min hmu ang hrim chuan min rawn en vang vang a.


"Tlem tal chuan min ngaihven tiraw? A dik em?"


"Haw tawh rawh." ka han ti ringawt a.


"Rawn chhuak la." a la rawn ti. Tun ang hunah leh tun ang dinhmuna ding chung hian amah ka hmuh duh a ring em maw ni.


"Zan i mu tha em?"
Ka tum loh tawpn ka ngaihtuah zia ka tilang ta tawp a.


"Ka dam lova." a rawn ti chuai rawih a. A ngawi zui vang vang a. Kei pawhin sawi tur ka hre bik lo.

"Haw tawh rawh. Va haw la, damdawi ei la mu rawh."



" I tel lo chuan khawiah mah kal ka tum lo." a rui em maw ni le.

Ka sawi lai reng chuan a kun nghal ngaih a. A dam lo tak tak em ni ta. Ka thinlung a rawn phu zawih zawih a. Na turin ka phal lo.

"Ka bulah awm la chuan min ngaihsak dawn teh lul nen." a thusawi chuan ka lung a tichhia a. Ka mittui a rawn bua a.


"Ka ngai che."

"Haw rawh." phone chu ka hmet hlum nghal hmak a. Insutin ka inhru nghal mawlh mawlh a.
Darkar khat a ral leh pawh chuan a la awm reng tho. A kun ngaiin a la kun ngaih a. Chu chuan ka ngaih a titha lo zual sauh a. Ani hi a dam l o tak tak em ni? Dawt sawi lovin lo dam lo tak tak ta se?

Ka ngaihtuah zawng pawh chuan ka ngai ngam hauh lo.
Han ngaihthah liam mai ka tum a. Mahse, ka thei ngang lo a ni. Ka thnlung hian rei a phatsan thei thlawt lo.



In hnuaiah chuan ka chhuk them them a. Ka nu leh pa chu an lo mu reh leh thiap tawh. Kawngkharpui hawngin ka chhuak ta nge nge a. Ka tlawmngaih deuh avangin zawi muangin ka pan phei a. A rawn hawi chhuak miah lo.

Ka thlen tep lamah phei chuan ka pen hlawk hlawk tawh mai a. A bul ka tlen chuan kaa thawk a rang tan hle.

"Sawmdawng. " ka tawng hriain a rawn hawi chhuak a. A ban phakah chuan ka la awm duh chuang lo.

A mitmeng ka hmu chiah chuan min tihlauthawng a. A lo sen ram avang chuan ka pan hnai vat. A hmahah chuan amah siin ka va ding a. A banbul chu ka han vuan a . A l o sa vur nen, a kutah zut thlain a kut hmawr chu a lo hit thlar bik tih ka hria.

Amah chuan zawi takin a chal chu ka chhipah a rawn nghat a.

"Min kuah rawh." min han ti tawp a. ." a vawt." hawi chhuakin kan chal leh chal innawr chuan kan inen dun ran a.


"He ta awm tur i ni lo a sin. Kan pahnih hian awm dun tur kan ni tawh lo."


"Min hmangaih ve thei mai lovem ni?" a tih chuan sawi tur hre lovin ka en ta tlawk tlawk a.

Min rawn hnaihin min rawn kuah a. A taksa chuan min rinchhan deuh avangin a rit ka ti ve deuh.


"Maw Sawmdawng. Haw rawh. I damdawi tur ka lak ang che."



"Ka damdawi ber i awm reng taawh hi. A dang ka mamawh hlei nem." a luhlulin a a ka ti bawk si. Ka darah chuan lo beiin ka nghawngah a hmai a phum ta daih a.



"Mate," ka pa aw ka hria chu ka phu zawk a. Rem lo tak chuan ka han leh hawi a.


"A.... Sawmdawnga hian min mamawh a. A dam lova." ka ti bah nawk a.


"A nih kha. A khuasik a nih kha." a rawn tih that ve mai avang chuan ka thawveng huai a. 'Ma rawh chu a hmelah chuan engmah a lang lo.




Ka pa zawk chuan in chhunga hruai luh a tih avangin tul ti lo tak chuan kan lut dun a. Ka pindanah chuan kuah lutin kan mut a.

"Tikhan zanin chu mu ve phawt teh se. Mambawih, nang pawh mu tawh rawh. Damdawi pe la, mu hmak tawh teh u. Zan in mu tlem em mai. In taksain a zo lo palh ang e."...

...............


Eng ti tiha Sawmdawnga ka pindana luh tir leh nge ka nih pawh ka hre thiam lo. Min tinain ka haw hle a. Tihnat let ve pawh ka chak. Mahse a na ka hmu thei hlawl si lo. Keimah vang hian a thinlung han na ve se engtin tak nge a lakah ka awm ang? Ka lawmin ka inlamlet mai ang em?



Zingah chuan chokaah ka che ve kurh kurh a. Tukthuan ei a hun mai dawn avangin pindan lamah ka chho leh chu hmel hmai ruh chang lutuk chuan ka pa nen an lo melh reng cchu niin.


Thawm ka neih hma chuan min rawn hmu dun a. Anmahni ka en reng a. Mahse, Sawmdawnga chu rawn thovin hmel rum al chung chuan egmah sawi lovin min rawn kal pel a. Kawngkhar khara in hnuai a chhuk chu ka hre thei.


"Ka pa." thil awmzia zawt chuan ka han en a. Ani pawn min chhang lo. Sawmdawnga ang bawkin min chhuahsan ve daih a.

Ka pain min chhan loh avanga hrilhhai leh Sawmdawnga'n khang zawng zawng hnua engmah sawi lova min chhuahsan avanga thinlung na tunin pindanah chuan ka ding ta reng a.



Rang taka ka chhuk thlak leh pawha a lo haw hman daih tawh tih ka hriat phei chuan na ka ti lutuk a. Ka bula sofa tlang chu ka hmer ta ngawt ngawt a.

A chunga ka thil tihsak zawng zawngah khan a tawngkam khat lek pawh ka phu a sin. Engmah sawi lovin min kalsan leh a. Nizan khan min ngaihtuah tak tak emaw ka ti bawk. Mahse, ka laka a rilru chu a lo la danglam reng reng lo a ni. Ka lo a khawp mai. Mittui tlain ka kun ta tlawk tlawk a.

"Bawihi"

Ka tap chhuak hawk a.

"Ka a em a nih hi! Nizan khan ka ngaihtuah em a. Chuan a thusawi kha a tih tak tak ka duh em bawk avangin ka....." sawi zawm zel thei lovin ka nu bulah ka inbunruak ta a.
Lo kal leh mah se ka lo nem tawh miah lovang. Ka kalsan a ngai tawh takzet a ni. Kan pahnih nun engmah lo maia a chhuah zawh hmain. Rilru tipaukhauh zui rauh rauhin ka hawi chhuak ta a. Ka kalsan ang.


Beisei ka neih theih tawh lohna hmunah ka kalbo dawn a ni. Hetah chuan ka hmangaihna hian khua min hmuh tir thei lo.
_______



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 7:07 pm

DESTINED TO BE HIS BRIDE




CHAPTER 48




"He thil hi tih i duh tak tak maw?" D-a chuan chhuat leh khuma ka bungrua ka thun khawm chu en kualin a vei tawn sek a.


"Aw."


"I inchhir lovang maw? I kal a nih chuan naute neih hun a hnai tawh si a, harsatna eng emaw a thleng palh thei a."


"Ka tha dawn a lawm. Harsatna ka neih chuan ka rawn be vat thei ang che u.".....
"Ka duh chu, a lak atang hla taka kal bo a ni. A hnaiha ka awm chuan ka nun hi a kawih nuai mai thin a. Ka nun hian awmzia a nei thei lo."



"Harsatna i tawh chuan min rawn be hreh lovang tih min tiam rawh."


Ka chhungte hriat loha kal bo ka duh avangin min pui turin D-a ka sawm a.
Dik tak chuan tu dang mah han pur tur ka hre lo. Malawmi lah a naute a chan avanga rilru nain a la indawm kun a ni si a. Ka nu han pur dawnin ka pain a hre lo thei dawn si lo. Ka pain a hriat chuan Sawmdawnga'n a hre ve leh nghal dawn bawk si a.


Chuvangin a awmdan ngei viau mah ila a rulh let nan tanpui ka tiam a ni. Malawmi a neih let leh theih nan. Chu chu a harsa ang tih ka hria, Malawmi'n a lo ngaihdam duh loh chuan rilru na takin a awm ve dawn chiang a ni.


Ka number thlaka an
tan lehkha hnutchhiahin
Ka nu te chhuah hlan chuan kan inzui chhuak a. Kawng lakah motor tam lutuk vangin kan tangkhang leh thin bawk a. Kan han tlan chhuak leh tur chiah chu D-a chu a hawi ta zawk zawk a.



"Eng thil nge i tih hi?" kan chesual palh ang e aw."


"Zuitu kan nei. Invuan nghet rawh aw. Remchang hmasa berah kan pensan a ngai a nia."


"Zuitu i tih chu engnge a awmzia? Tute nge an nih?"


"Ka hre lo." tih zawngin min chhang a.



Ka hawi let ve chuan car leh bolero ka hmu nual a. A eng ber saw nge tih ka hre lo. O... Sawmdawnga mi rawih ni lo hram rawh se. A lo ni a nih vaih chuan ka chhe vek tak tak a ni mai.


Ka awm lohna lam turah chuan min pen pui ta daih a. Khawi khawiah emaw kan tlan kualin ka hlauhthawn chang phei chuan ka chhing leh sawk thin a. Mahse eng emaw chen hnua a motor a tihdin hlawl chuan hma lamah ka bu lawp a.


"I tha em? Na i nei em? I pum engnge a an?" min zawt mawlh mawlh a.


"Ka tha e min ngaihtuah suh. Nang i na em?"

A rawn thaw huai huai a.
"Kei pawh ka tha. Kan thleng tawh a nia..."
....."Indim nasa rawh aw. Ka at em avangin ka rilarah ka fa ka hum thei lova. Nasa takain a nu ka tina bawk. Ka atna leh ka sual kha engtin tak nge ka rulh let ang tih ka hre lo. Mahse min pawm let leh ngei theih nan min tanpui rawh aw. Chan nawn ka duh tawh lo a ni. Ka ngaihdam dilna hi pawm duh se ka ti ngawt mai."....
" Naute, ..." min rawn hnaih a.
"Ka fa kha ka hnen a awm hman ta si lova..... Ka hmaingaih loh ang maiin a kal a. Lo a viau lo ila chuan nang ang hian a nu pum chhungah him tak leh thlamuang takin a la awm tur a nia." ka puma naute chu a rawn be mawlh mawlh a.



Ka lainatin hnem ka duh takzet. Mahse, kei hian a at em avang khan ka thinurna ka la paih bo thei bik si lo.

Tiang ang ka nih chuan Malawmi chuan a ngaidam duh mai ang em? A ring leh thei mai dawn em ni?



"Inthiam lo duh suh. Engmah kha i thiam loh a awm lo. Chetsualna kha i thlen tir a ni hlei nem. Vanduaina vang zawk liau liau a nih kha." ka theih tawp chuan ka hnem ve a.



Motor atang chuan chhuakin ka bungrua ho chu kan hlang thla a.


"Mate, helamah lo kal teh." a kuta hui meuhin kan piah lam in saknaa lo awm ve mek chu a ko phei a. Ka va hmuh thuak chuan a lian hle mai ka ti hman. Mahse a rawn kal hnaih chuan ka rin aiin a lian bik lo tWp.


"Tikhan min ko ve ziah suh. I matei pawh ka ni lo." a rawn tum phei deuh bar a.


"Hei ka thiannu chu a nia. I thenawm tur. Riah bo san daih lovin in i lo nghak tha ve thin tawh dawn nia. Naute a hrin a hun tep a. I lo ngaihven a ngai tak tak a nia."

Ka bula a rawn din ve chiah chuan a lan dan angin a lian em em lo na chu kei ai chuan a lian tho a ni tih ka hria.


"Chibai, Mercy ka nia."


Rang taka ka kut rawn lain uar fein a rawn thing a.


"Ka hria che a lawm. URinhlua hian a sawi che a."

......... In hnuai lamah chuan kan inkhai thla a.
Kawngkhar hawnga kan han luh chuan a lo lian lo hle a. Mahse buangrua leh mamawh tur ang zawng zawng chu a lo kim sa vek thung. Eng a tha a, tui pawh a hnianghnar hle.



Ka bungrua neih ang ang kan rem zawh chuan D-a chuan min haw san a.


"I thusawi kha vawng reng rawh. Ka mamawh che a nia." chhuah hma chuan a la ti hram a...


"Mate-i maw i nih?"

"Ni nang, a uang mai mai a nih kha. Vannuntluangi ka nia.. Tluangte min ti mai rawh. Midang min koh dan a nia." a nui sang a.
.............


Chu ni atang chuan ka chhungte chanchin emaw, Sawmdawnga pawh ka hre ngai ta lo.

Ka nun chu a ngaiin a kal ve mawp mawp a. Ka khuahar theiin Sawmdawnga ka ngai zual thei em em a. Mahse ani chu hetia midang ho lak atanga ka inthiar filhim chhan ber a ni si a.


Ka riltam a, ei chak ka neih te hian ka hriat chhuah hmasak ber thin chu amah bawk a ni. Ka mut chhuah a, ka chauh ngawih ngawih lai pawhin amah tho. Mahse min tina em em tu pawh amah bawk a ni reng si a.



Ka theih ang angin D-a puih tum chuan Malawmi chu ka be ta thin a. 'Marawhchu a chanchin ka sawi a ngaithla tha duh vak lo. A tina em bawk a ni. Hlawhtlin chu a awlai lo hle ang tih hresa ka ni chungin ka beidawng lek lek thin. Mahse ka hriat ruk khiau chu Malawmi hian a la hmangaih ngawih ngawih tih hi a ni. Chuvang chuan beidawn ka tum lo. An inhmangaih tawn ve ve a, an inngaihdam tawn theih ka ring tlat. Beidawn san tue chuan an pamhmai lua a ni. Kei ni ang lo takin....


....

Ka pum puar rit lutukin a thlen ka ke vung pum al chu chair-ah thuin ka hlang kang a. Tlem chuan a hahdam ve deuh chuan ka hria.


"Hello! I awm em?" Tluangtei chu a rawn dak lut a.

"Lo leng rawh." a inchei var ka hmuh chuan kal tumna a neih ka ring sa nghal a.



"Ka kal leh nghal dawn. Pu Tatoo-a nen kan leng chhuak dun dawn a. Park-ah min hruai dawn a sin. I lo kal ve duh em?" min rawn zawt ve ngei a. A hmelah chuan a hlim tih a rawn lang chhuak vek a.


Tiang hi nih ve ka chak lutuk. Sawmdawnga nen hlim takin awm ka duh. Mahse chu chu a thleng ngai dawn si lo.


A chhuah leh hnu chuan pawnah chhuak vein step-ah ka chho a. Kawt zawla thutna an siamah chuan thla eng thlirin ka thu ta vang vang a..

Kan piah hla deuh hlekah cuan dawr a awm bawk a. A lun em avang leh vei vak an awm ve reng bawk a vang chuan eng emaw kawng zawng takin a hin riau a. Chuvanga zanah pawh chhuak ve ka ni reng a ni.


Ka thut lai reng chuan min thlir reng tu awma ka hriat leh tak tlat avangin ka hlauh thawnna thin ang kha a rawn lut leh a, thunun sen rual loha nasain ka thin a rawn phu leh zawih zawih tawh.

Ka awmdan a dik loh em avang chuan hawi zak zakin ka haw san ta vat reng a.

"D-a, tu emaw ka in bul velah hian an awm ve a ni." a rawn chhan velah chuan k a ti nghal tawng a.


"Egge i sawi awmzia? " phak aw tuak hian a rawn ti a.


"Tu emawin min enthlain ka hria. Kan chhuah nia i mi hmuh khan min rawn zawng hmu a ni thei mai ang em? "


"Hlauthawng suh. Ka rawn kal nghal dawn a nia. Engmah a thleng lovang. Inchhungah khan awmin kawngkhar kha lo kalh tha tlat ang che ka rawn thlen hma chu."
.......




SAWMDAWNGA POV'





Bawihi khuma ka harhchhuak hlawl chu mk ka ti tep a. Mahse, nizan lama ka awmdan ka ngaihtuah let chuan a mak ber mai chu Bawihi'n a khuma min mut tir ve chu a ni.

Damdawi min pe a, ka bulah rawn muin ka taksa vawt tia khur chu min rawn uah hle hle a nih kha.

Chutihlai reng pawh chuan ka lu a rawn la n zawk zawk a. Ka kut phah chuan ka han nem vak ringawt.


"I muhil tha theu em?" ka hawi chhuah chuan ka puzawn chu kawgkhar biang nghengin a lo ding ve run a.


" Ka tha e. Hetah min hruai lut tih ka hria a."


"Bawihi khan a ngaihtuah em em che si a."


"Ka hria..."



"Anih chuan hruai haw leh chu i tum dawn em?" a rawn tih chuan ka luna tbeih ghilh thakin k en ta reng a


"Dawn lo." ka tih velah min rawn pan hnai nghal.


"Ni love, i hruai haw tur a ni. Mualpho leh zah pawh dawn lovin a hruai lut che a, a pindanah a riah tir che a sin."


Ka ngawi ngul a. A tum ka hriat vangin ka chhang vak duh lo. Bawihi min hruai haq tir leh dan ngawt mai min hrilh hmuh a. Chu chu ka duhdan ni mah se kan pahniha kan duh dan a nih loh chuan rei lo te hnuah kan inhau huai ang a, tun ang hi kan cchan leh fur tho a ni. Chuvangin ka tum buai duh lova.



"Bawihi hi tuna i hruai haw lo a nih chuan pasal dang tur ka zawn sak leh mai ang. Kei chuan a hlimna tur leh nuamsa taka a awmna tur chauh ka duh a ni." a rawn tih rik chuan ka sa zak a.

Chhan tuma ka ang tur chiah chu kawngkhar bulah hian ka mirsir chuan hlimthla a aqm tlat mai a. Ka hawi phei chuan Bawihi a lo ni tak tak a.


A hmel chu a tla deuh na chu a harhvang hle a. A mitmebg pawh a nung sarh reng a ni.
Mahse, chu tak chu ka hmu thei thlawt lo. Ka rilru hi a rawn na tlat mai a. Engmah pawh sawi tum lovin ka chhuahsan daih.



Ka motor-a ka thut uh hnu chuan ka ngaihtuah let a. Bawihi hmel hrilhhai ve ni awm tak kha.


Ka nun buai nuaih mai thinur chuan steering ka han nam chawrh a.
........


Chu mi hnu atang chuan ka awm a nuam lo hle. Eng emaw tal tawngkam nei thei reng kaa nih laiin ngawi renga ka pelh avanga Bawihi lawm lo hmel ngawt mi khan min vilh a.


Chawhnu hera call ka dawn nawlh phei chuan hlauthawng tak hi ka ni tawh.


"Ka pu, mipa pakhat nen an inthiar chhuak a. Ka umna lamah ka hloh palh daih mai........." a rawn sawi duah a. Mahse eng mah benga khung a rawng ka nei lo. An in a chhuahsan tih chauh lo chu. Chu ni atang chuan Bawihi kal zuina hriat tumin ka phek buai ta char char a. Hna ka ngaihtuah thei lova. Ka rilruah thil dng tak tak a leng hlawl lo.



Ka rilrua awm zawng chu tu emaw hian an lo tina mai ang tih a ni. A bikin Claire leh a thuihhruai te khan.
Ngaihdam dil tura ka rawn ang khan chet an la tum der si lova. Thil tha lo zawk an ngaihtuah leh tawh a ni mai thei. Chu chuan min tiphili buai a.



Ka hlauhthawn em avang chuan police kutah anmahni chhui zu theihna tur ang cctv atanga kan hmuh ang chi te chu ka thehlut ta nghal thuai a. Chu chuan Claire chu a tihbuai a, sual dang ngaihtuah hman lova a tihkhawmuan ngei ka beisei.


Tunge a chhuahpui chu tih k zawh chuan rin loh lamah Rinhlua a ni zawk daih lehnghal a. Sawmtea chu ni se ka hrethiam zawk maithei. Mahse tinge a thiannu balpa nen ber kher?



Rinhlua chu biain ka hmu a. Bawihi chanchin ka zawtin a awmna hmun min hrilh turin ka ti nasa hle. Mahse a ka a ang duh tlat si lo.


"Khawiah nge a awm?" chang fak hian ka zawt a. Ani chuan engah mah min ngai lo. Min hlau bik lo hle a. Chu chuan ka thin a tiur zualin han hnek sawk mai hi ka duh tawh thin a.


"I hmuh mai mai rheih lohna hmunah."



"Sawi tha vat mai rawh. Dan bawhchhiaa tan i duh em ni? Ani kha ka nupui a la ni reng. Dan ang takin kan la inthen hauh lo. Mizo dan pawhin." ka sehchilh nawk lo thei lo.


"Inthen a duh."


"chuan..." ka lo tihsak a.


"Mahse a hmangaih che."Chu chuan ka lei a tisak zual a.

"A nghak reng thin che a. Mahse chu chu in inhre tawn lo ve ve a ang."

"Engnge i sawi awmzia?" a thusawi chuan ka beng a verh takzet.


"Nangmah zawng chhuak ve la ti nia. Mahni duh zzawng pawh hre lova midang hnen atanga hriat tum." min tawng el leh ta.
Insum seng lova ka hnek pawp tur chu Ewan bawkin min rawn dang leh a. A tawngkam chuan min helh al al khawp mai.

"Tun atang chuan i ka veng tha tawh ang che."

Beidawngin kar khat chu a liam ta.





"God! Eng thilah chiah nge ka inkihhnawh hi."


Ewan pawh a phi kual ruai a. Bawihi ka hmuh loh atangin kar hnih dawn a liam tawh. Moizoram zim teah hian heti tak mai hian engtinnge a bo hneh theih?

Ka hmu leh a nih chuan heti taka hrehawma min siam avangin an pahnihin hremna ka pe ngei ang.



A chhui theihna tur ang zawng zawng an tibo vek a. An li ruahman lawk diam vang pawjhin ka lungawi lo khawp.



Office-a rilru buai nuai maia ka indawm kun lai chuan Ewan chu hmanhmawh lutukin a rawn lut hlawk hlawk a.
Beisei nei lutukin ka ding chhuak hluai bawk.


"Ka pu, a awmna chu kan hre thei tawh e." a rawn thaw ve kuang kuang a. Chu lai tak chuan ka lawm zia chu pui tak a ni ri gawt.


Ewan nen chuan a tawm bona address lam pan chuannkan inkhalh chhuak ta nghal a.

A chenna chu in hnuaiah niin a thuk lutuk lova. A compound a remin a nawm hmel a. A hajdam thlak hmel hle bawk. Step-h chuan dingin ka hawi thla a. A lo inkhar thiap na chu a awm ngei tih erawh ka hria.



'Kinah chuan hmeichhe pakhat thawveng deuh hian hla a rawn hm hm phei a. Step-ah chuan chhukin a lut ta chiah a.


Zuk chhuk thlak ve nghal mai chu ka duh lutuk a. Mahse nasa takin ka inthunun hram hram a ni.


Takang chuan chhum lo chat lovin amah en thlithlai tur mi ka dah ta rawt a. Ka pawh hreh siin kei chuan ral khat atangin ka thlir mai thin.



Zankhat chu ka khawhar chuan a awmna lam pan chuan ka chhuak leh ta poh a.

Zan dang ang bawkin zawlah chuan a lo lan hun ka nghak a.



A enthlatute chuan inah awm lovin in hnaiha dawrah a kal thu min hrilh a. Ka din ren rawn hnu chuan ei tur khai bawr teuhin a rawn chhuak leh a. A dul hma rawn hruai fal nalh mai chuan a tilangsarin a tiduhawm zual ngawih ngawih a.


Keimah chauh chuan ka lo rum hruih a. Nau neh hun a hnai tawhin hetah amah chauhin a khawsa a ni si a.




Kawrfual dumpawl a rawn ha a. A.sam chu tawn pukin chu chuan a hmai a tisin zual a. Zan dang zawng zawng aiin a derthawnhin ka kuah mamawh tlat ang hian ka hria a.

God! Hmu phak reng khawih thei dinhmuna ding eng emaw vanga hmangaib ber khawih theih si loh hreawm zia hi kei aia hrechiang an awm theih pawh ka ring lo. Ka taksa peng zawng zawng hi rawn nung tharin a lama kal tur cuan min nawr rawn hi a ni hrim mai.



Motor nghenh chuan thim deuh hlek bik laiah chuan kekawr pocket zen lutin ka ding a. Amah chu ka thlir rwng a. Ani erawhin ka awm ve tih hre lovin thla eng chu a thlir leh dauh dauh a. Zan dang angin a eng lutuk tawh lo na chu a la hmu duh khawp mai. Arsi pe un mai pawh chu a hmuhnawm tham ve reng reng bawk a niang.



A phone phawrhin yearphone chuan thil a ngaithla a. Van lam hawiin burger a keih leh thaih thin a. Hahdam hmel takin a lang na chu khawhar rukna nei ve ni awm tak hian thim zingah chuan a mit a de ralh a. A khap leh zak zak thin bawk. A mittui dan kir tuma a khap kual, hawi kual vel chuan eng ti tiha min rawn hmu thei mai nge a nih ka hhre lo.


Mittui tling piau chuan a tho that a. A burger ei lai chu nghet lutuka tham betin a mal chunga a ei leh mai tur a dah chu a tla hlawm tawl bawk a.


Inherin a theih anga rang chuan step lam panin a pen phei ta hlawk hlawk a.


"Bawihi." che nghalin ka pan ve nghal a. A hminga ka koh chuan a kal chak sauh sauh a. Ka pan hnai ve zel tih a hriat atang phei chuan a tlan hian a tlan a ni hrim mai. A hmanhmawh lutuk a..............

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 7:07 pm

DESTINED TO BE HIS BRIDE




CHAPTER 49




A kawr fual tlang phe hlawp hlawp chuan a pen ve pawk pawk a.
Ka zui tih a hriat atang phei chuan a tlan hian a tlan titih a.

"Bawihi..."..."Lo ding teh."
Ka zui zel a. Din chu a tum chhin eih lo. A hmanhmawh nen a che chhia ang tih ka hlau lutuk chuan ka zui zel mai bawk a.


Step a chhuk thla tur chu rin ang chiahin a kawr tlangah inrap hnawkin a ke chheh a buai ta mai.
A te deuh that a. Kei lah hlauthawng bawk. Thinphu dawt dawt chuan ka man hman chu ka dam chhung hian ka lawm ber mai awm e.


Pawt letin ka awmah ka kuah bet ta thlawp a.
A hlauthawng lungphu mumal lo nen ka awmah a bei hle hle a. A taksa lah a khur dar dar bawk.

"Min thlah rawh." a rawn teu ta phat a.

"I tha em?"

"I ngaihtuah ka ngai lo." a lo ti vin hlar a. Ka ngaihsak duh lo ber ang chuan.


Ka kuah behna kut chu amah ngeiin a phelh a. Engah mah min ngai lo ang chuan a inher hmak a. A kutah ka man sak leh.


"La kal rih lo teh." ti maia min kalsan leh nghal chuan ka rilru a hrehawm dawn lutuk.


A kut chu tal pit tumin a pawt ve ngawng ngawng a.

"Min thlah rawh. Sawmdawng, ka kut i hmer na a nia."

"Anih chuan la kal hrih lo la."



"Khawngaihin min kal tir rawh."...."Nang nen engmah tih dun tur kan nei tawh lo. Khawngaihtakin min haw san rawh." a ngenin min ngen a.

A hmel ka en chuan a tla dakin a hmai sin tak leh a kut cher riak te chuan a tilang derthawg tlat mai bawk a.
Heti maia ka kalsan chuan engtin emaw a awm dawn tlatin ka hria a, ka kalsan thei lovang.


"Inbia ang."
A rawn insut chhuak hrawih a.
Chu chuan min tikhawng vek lo chauh. Ti khawp hian em ni min duh loh tak tak. A kalbo chhan pawh hi min duh loh vang a ni tak tak em ni?


"Hei vang em ni min kalbosan?"....."Min chhang rawh. Ka hmel i hmuh peih thlawt loh vang em ni i kal bo?"


"Aw." teu tuaua a rawn chhan let chuan ka vawt rawih rawih a. Mahse chu em chu ka ring phal lo a ni.

"Dawt i sawi tiraw?"


"Engtik laiin nge dawt ka hrilh ngai che?" min rawn zawt let ta khauh a. Chu chuan ngaihtuahna a tikal thui khawp mai.


"Vawi tam tak." ka lo ti nghut a.
"Min hmangaih tih i sawi a. Dawt i sawi." ka hriat rengnaa riak reng pakhat chu ka sawi chhuak ta hlawl a.


Rilru na awm tak thawk harsa ti tak chuan min rawn en a.



"Titeh! Kha tiang hmel pu chuan min en lo teh. Anih loh zawngin nang hian min hmangaih ve tih hi ka ring palh mai ang."



"I sawi dik. Ka hmangaih lo che a, ka hmangaih ngai bawk lovang che. Chuvangin min kalsan tawh rawh." chu thu a rawn sawi lai chuan a hmaa a hmel put kha a dah bovin tun a mi hi chu hmeichhia, huaisen leh mahni inring tawk tak, hmangaihnain a tihbuai ve hauh loh ang mai a ni leh tawh. Chu chuan a ngaihtuahna chhungril tak min tihre chak tlat mai a.

Mahse a kut tal pit a step a chhuk thlak tak hlawk hlawkah chuan um zui loh phawt chu a tha tain ka hria a. Anih loh chuan ka zui avanga a hmanhmawh lutukna lamah a chesual palh mai ang tih ka hlau bawk.


Kawngkhar chhunga a lut bo ta chu ka en zui tlawk tlawk a.

"A tha a lawm. Kal ta che, i duh ang chuan zanin chu haan awm leh phawt teh." ka ti ru nauh nauh a.
Tihian han awm phawt se hun dangah ka la kal leh khawp ang. A la hre dawn a lawm.


Motor-a ka let leh chuan Ewan chu a thut dan ngaiin a lo la thu a.
A bulah chuan thu lut vein ngawi reng chuan ka han awm hmasa phawt te te a.

"Naktukah helai bul hnaiah hian in luah tur a awm em tih lo ngaihven ang che. A rang lama luah luh tur."


"Ka pu, insawn i tum em ni?"


"Ka awm hnaih a ngai a ni. A rang lamin."
Nau neih hun a hnai tawh avangin amaha awm fal reng chi a ni lo.

Eng emaw chen kan awm a. Guard pawh ka hmu pha reng. Han kalsan mai ka hreh avangin kan tawi khawmuang reng a. Mhse, naktuk lama tihtur pawimawh nei kan la nih avangin haw zai kan rel a.

Kan tlan chhuak tep tawh engine a rum dut dut hnu chuan kan bul lawkah chuan car a rawn inhung ve nghal dawt a.

Chu chuan ka mit a lak avangin Ewan chu ding leh turin ka han ti a.
Kan en reng lai chuan chu car atang chuan hmanhmawh lutukin Rinhlua a rawn chhuak ta mai a.



"Hmela mai mai chu(h)!" ka phun chhuak hluk a. Bawihi awmna hre lo ang mai khan a ngawi reng a. Tunah, zan reiah a rawn pan leh tho si a. Ka lungawi lo lutuk chu rum nghut nghutin ka pen chhuak ve nghal a.


"Hmela! Ding rawh." a kawr nghawnga pawt letin hnek ka tum chu ka kut a lo man a.


"Ka men reng lai hi chuan min hnek mi mai ka phal ngai lovang." ka kut chu pawt thlain a kawr nghawg chu a han siam tha nghal a.


"Hetah engnge i tih?" zawk zawmah chuan a!

Ka thaw chhuak hawk a.



"Chu chu ka zawh tur zawk che niin i hre ve lo maw?" za lo taka nui hakin "Tun ang zan reiah ka nupui chenna bul hnaiah hian engtia kal ngam nge maw i nih le?"


"Tu emawin a rilru a tihnat sak a. Ka hming a rawn lam avanga kal tur mai ka ni. Hnem turin." kher kher chuan a! Ka insum hman lo. A car bangah chuan ka nawr bet nghal rawk rawk a.



"Han sawi nawn leh teh." sehchilh nawkin ka thaw ham ham a.


"Ka pu, duhtawk rawh. I tan insum a ngai a nia."


Hrep chuan engvanga insum ngai bik ziah nge ka nih.
Ka nupui lakah pawh kawng engkimah ka insum a. K mi huat te lakah pawh i sum a ngai lehzel a maw?

Mahse, ka nupui ka fa pai mek a ni a. Vanduai thil thuah kut ka thlak vak mai a nih chuan ka fain a rawn tuar ve thei tlat si a. Ka insum hram hram a ngai tawh a ni. A hma khan insum zo hman lovin Sawmtea ka khawih hrep tawh mai si a.


"I kal lovang. I lut dawn lo." ka tel lova ka nupui bulah tun ang zan rei tawhah a kal ka rem ti thei lovang.


"Ka pu." Ewan chuan ka darah a kut phah rawn nghatin inthlah dul turin min han pui a. Harsa tawlh tawlh tak a ni. Ka duh loh dan lutukin a lut bo ta chu ka thlir zui tlawk tlawk a.


Rilru na lutukin ka ding reng. An pahnih chauhin an awm dawn si a. Eng thil nge an chungah thleng ang tih ka ngaihtuah a. Bawihi nen kan pahnih chauha kan awm dun laia thleng thin ang thil kha chu thleng ve turin ka ngaingam lo lutuk chuan awmhmun min dmsawn tir thei lo.



Rei vak lova Rinhlua a rawn chhuah leh pawh chuan a ngaihnep theih tur takin ka awm hmunah ka lo la Wm reng a. Mahse chu chu ka duh loh theih a ni ngawt si lo. Min rawn lehpelh pahin min rawn kiai suk lehnghal a.

Zan khua chuan haw lovin Bawihi in kawtah chuan ka awm reng a. A chang chuan kawngkhar kika luh dil mai ka tum ut ut thin. Mahse ka chapona bakah amah vang bawkin luh dil thei ka ni si lo a ni.


.....


Nileng mai chuan ka mu tha lo leh ka ngaihtuahna vak kual vel nasa lutuk vangin ka awm a nuam lo teuh a.
Ka hma hna thawh tur tam tak inchhaphnawk nuai mai pawh khawih tha mumal thei lo chuan ka chhing vang vang a.

Kawngkhar rawn rik khepah chuan ka meng chhuak ta chauh a. Ka mit kham leh thial urh mai chu hmetin aw ka han thian kharh a.

"Ka pi awmna bul chiahah khan in ruak a awm a." file chu min han pe a.
Kal tirin ka keu nghal vat a.
"Ka lo tidel dawn em ni ang?" rang takin ka lo aw nghal hmanhmawh a.


Bathlar insi, inauh inbiak phak. Eng emaw thut thleng palhah pawh inhriat nghal zung zung theih tur. Lawkin, spy camera vuah ruk tur pawh a ngai ang. Tha dawn riauin ka hria a. Ewan hmaaah chuan ka bu nghauh nghauh a.



"Zaninah hian riah luh nghal theih se." a chhuah hnu chuan ka hna lamah bawk ka kun leh nghal a. Ka zawh hma leh spy camera lei turin hun ka nei hma dawn tihna.


Tlai tawh takah chuan inringtawk takin ka motor atang chuan ka chhuak a. Ka bungrua tur Ewan khan a lo tihfel diam tawh avangin ka hakthlak tlem te chu motor hnung atang chuan ka khai thla a. Ka in tur lam chu lungawi lutukin ka pan a. Vanneihthlak takin Bawihi'n min hmuh loh hram ka beisei.


Ka lut chiah chu kan in nen a danglamna ka hmuin ka hre nghal a. Mahse hetiang hunah pawh hian ka duh hmu turin ka cheng thei tur a ni. Bawihi pawhin a thei a lawm. Ka in ai hian a tein a la zim dawn lehnghal a.


Ka ngaihtuah a. Ka fa tur chu a nu pum chhan atang pawhin ka biain ka khawih chak takzet. A ke te takte khan a rawn pet leh ang em? A ke te reuhte kha a thla a rawn lan ve chang phei chuan ka thinlung hi a lo luangliam ve ngawih ngawih thin a nih kha.


Ka awmdan chu ning lutukin ka rum chhuak a. Tiang tur teh hrepa nupui ka lo nei chu a pawi ka ti. Ka duh anga ka enkawl thei lo a nih phei chuan ka fa chu hrehawm takin retheihna karah a seilian emaw a ni ang a. A nu lah hi a la a ropui mai si a.


Ka thawmhnaw remfelin bathroom ka lut lawk a. Kan in angin shower a awm ve loh avangin bucket-ah tui herh hawin no chuan ka inleih a. Ummm... Tianga ka inbual lohna chin pawh ka hre ta love.


Ka intihfai zawh chuan ka inthlak vat vat a. Thil pawh ei hmasa lovin ka spy camera chu keng chhuakin Bawihi in lam chu ka pan a.


Kawngkhar ka kik tur te chu ka khur ru dar dar. Ka huaisenna nen vawithum a zawnin ka han kik ri kauh kauh a.
Chhanna a la awm lo. Ka kik nawn leh a, ka kik nawn leh tur chu chhung lam atangin thawn a rawn ri ta khap khap a.


Rei vak lovah chuan chhung lam atang chuan Bawihi awin "Tunge?" a rawn ti a.

"Keimah." a reh vang vang a. Min hawn duh dawn lo emaw ka ti hman tih chuan a rawn hawng ri ta rak a. Tlem te a rawn dak chhuak a. Min en vung vung a.

"Ka lo lut thei ang em?" ka zawh chuan a lu thin pahin aih tiin min chhang a.

"Ka lo leng thei ang em? Rei lo te chiah a ni ang." min luhtir se ka duh takzet. Amah ena vil ruk theihna tur eng emaw hnutchhiah ka ngai.


Zawi muanga a awm sawmmn tak deuhah chuan ka inzep lut nghal thuai a. A taksa rawn lang chu ka lo thlir chhuak leh vek hman bawk a. A kawr hak pn tak pawh chu ka hmuh hmaih lo. Lalpa ka lawm e. Ka luh min phalsak avangin.


Kawngka chu khar lehin min kal pel a. Ka zui phei ve nghal vat. Tho phang tih hriat lutukin a sam a la hnawk chiat bakah a hmel chu a pawr deuh phang a. Boruakah chuan a rim nam chak chu ka hip vang vang a. Ka rilru leh ka taksa tan damdawi tha tak ni awm ang maiin min tidam sawng sawng thei.



"Engnge i rawn tih dawn?" a dul kiar pang chungah chuan a kut a kuangkuah than a.
"Rawn len zawk. I tha em tih ka hre duh a."


"Min hmuh ang hian ka tha vek e." min en kal a.



"Good." a in chhung chu bih kual pahin ka han pen sawn a.


"engnge tih i tum. Ka inah hian hnu chhui ang maia rawn chet tlat tum suh." a rawn tih chuan min khei zak a.


"Chhui ngai turin awm lo ta reng che. Nizan pawhin a rawn kal a ni lawm ni? Zan rei tawhah."


"A rawn kl zawk mai mai a lawm"


"Um. Ka hria, thil eng emaw pawh a thleng thei." tih pahin a taksa mipa dangin an khawih ve tur ka ngaihtuah chu thik leh thinur teuhin ka en chhuak vek a.


"Ka nupui i la ni reng tih i theihnghilh ta em ni? Ha.."..."Ka hmel i hmuh peih loh vang maiin i kal bova. Nge min ten hluah hluah zawk? Mipa dang vang tih chu i rilru a na si ang a."


"I duh duhin ngai rawh." luhlul takin ka ngaih dan tur dawn miah lo chuan a rawn tawng a.


"A nuam em? Ka lak atanga i han tal hrng thei ta chu?"

"Aw." a chhanna chu ka duh hauh lo.

"I sawi tur i sawi zawh tawh chuan khawngaih takin min chhuahsan tawh rawh."


"Ka la sawi zo hlei nem."



"Sawmdawng, khawngaihin min tibuai zui zel tawh suh. Hahdam taka thawk lakna hun mi pe hram teh." a rawn ti hap a.


"I nei sa reng a lawm. I duh leh duh lohah a innghat mai zawk." ka pan hnai a. Engah mah ngai lo ang maia a din hmun lo tihngheh chu a tum ve teh meuh. Mahse a hlawhtling lo. A hma ang thovin ka taksa tal hi chuan a taksaah nghawng a nei a lawm le. Min hmangaih tur hian tisa inhip tawnna chauh hi tawk thei mai se ka ti khawp mai. Tichuan Bawihi hian min kalsan thei lo ni mai tur.


A lo tawlh hla dat a. Mahse nawr luih ka tum bik lo. 'Marawhchu, a kawr chhana a hnute hmur rawn lang chhuak peuh chu ka hmuh kan thei thlawt lo. Ka kut phar chhuakin ka tawk ta nge nge a. A lo khawng deuh auh a.


"Mithianghlim ang khan awm vel suh. Vawi tam tak kaa khawih tawh a lawm. Nitin, zantin."a taksa ka ta a nih thin zia ka hriat nawn tir leh a. A hnute hmur atangin ka kut zungtang chuan ka nul fhla zel a. A dul kiar lai ber ka thlen chuan tah chuan chawlin na lo te chuan duat takin ka pen keuh a. A na lovang. Mahse ka kut chu a hre ru khiau ang.

Ka kut la letin ka zauthauna avanga rawn khur dar dar chu thup turin ka kekawr ipteah ka zen lut bo ta daih a.


"Tui in tur min pe thei ang em? Ka tui a hal riau mai." hreh tak chuan a kal sawn a. Chu mi hlan chuan a in chhung pumpui lan theihna tur nia ka hriatah chuan ka ban phar ta da a. Thim deuh lai, khawih mai mai loh tur, leh biru deuh lai chu thil thuhruk nan a tha ber ang.



Tichuan a rawn let leh hun pawh nghak tawh lem lovin ka chhuak ta nghal a. Pawn boruak ka han hip chiah chu keimah ang lo takin ka lo inip nasa ru khawp mai lo niin. Ka hahdam nghal huai huai a.


In ka let leh chiah chuan ka computer ka on nghal vat a.
Tah chuan Bawihi chetla vel chu a rawn lang ta nghal a.


A sofa hlui tawh lamah chuan thu atin ka tui tur a lak ni awm tak chu a dawn karh karh a. God! A va han duhawm tehreng em! A dul kiar lah chu a mal chungah a innghat thei tawh lehnghal.


Chutia mit la lo leka ka en reng lai chuan k sira ka celkphone chu a rawn ri chur chur a. Screen atanga ka mit pawh la saawn phal lovin ka han chhang tawp a. Tunge min rawn be tu pawh chu ka en chuang lo.



"Hello."


"Ka pu, tanin atangin a rawn chhuak tawh." tih te mai a rawn sawi chuan ka ding chhuak nghal hluai a.

Engtinnge a nih theih? Theihnghilh thiang ka nih loh laiin ka theihnghilh a. Bawihi dinhmun derthawngah ka dah a ni.

"A thlithlai tur mi lo dah rawh. A hnaihah a kal ngai tur a ni lo."Tanin lama thawn luh leh vat dan ngaihtuah a ngai a ni.


Thu thla lehin ka lu ka dawm vang vang a. Tunah berkher a rawn chhuah tur ka lo mangnghilh hmin der a ni. Tlem tlemah a pawi zo lo chauh.
........




Claire leh a thurualpui pa pawh thu an zawt fiah ve a ni tih ka hria. La man chiah lo mah se an tal awhna tur tawk chu an chhui chhuak hrim hrim ang.


Nitin chuan Bawihi in hnaihah awm chuan ka han vil ve tlauh tlauh chu a ni a. Mahse rin angin chet an la ta hauh lo. Anni hian eng tak chu tum nei ang maw?


A khat tawkin Rinhlua'n a rawn tlawh thin a. A tirah chuan ka ngai thiam lo lutuk. Mahse han che khawlo emaw inngaizawng ang pawhin an awm lo tih ka hmu thiam vek a. Thaw chu ven khat chuan a veng ta hawk e.


A number thar chu engtin tin emaw hriain biak ka han tum thin a. Tunge ka nih tih a hriaat atangin min be tha duh ta hauh lo leh ghal a.


Zanah chuaan dan pangngai angin pawnah a chhuak leh ngei e. Kei pawh chu a.hmuh loh tur tawk vela inthup tatin ka chhuak chho a. Chutia ka thlir lai chuan v pawh hi ka chak thei lutuk. Amah pawh chu a khawhar ve ni maiin ka hmu a. Rei vak lo a awm hnu chuan lut leh turin a inher ta a.

Tu emaw hian taiin a pai nawk lehnghal. A khup sawhin a tlu dawn emaw ka tih han lai chuan a rawn su tu chuan a han vuan bet hman hlauh mai chu niin. Ka thaw huai a. K hawi sawn tur chuan tunge a nih a hmel ka va hmu thut chu hlauhthawnna hian min rawn tuam nghl a.


"Z*wnga phiangsen chu(h)! Engtin phiangsen nge a rawn luh theih?" tlan pheiin va chin nawk ka tum a. Mahse min rawn hmuh chuan a tlan chhe ta daih a.
Min rawn hmuha a awmdan atang chuan tunge ka nih a hre lawk chiang a ni. Anchhia ka phuh chhuak hluk a.


"Sawmdawng" Bawihi chuan ka lang thut chu mak a ti hle a ni.

Tlansanin ka um a. Tui fe ka um tih chuan ka hluh ta dauh mai lehnghal a.
Thinrimin ka nsawh nghek.


Bawihi chu ka ngaihtuah avangin ka let san leh a.

Engtinnge an rawn luh tir theih. Fimkhur viau turin ka hrilh mawlh mawlh. A thlalak pawh hmuhin ka hrilh chiang vek a.

Mahse a rang teh thut em a ni. Keipawhin ka lo hre hman chauh tihin kan hmuhah a rawn inlar nhhal a.
A rawn chhuak a ni tih ka hriat hma khan kan hnaihah a lo awm reng tawh zawk maithei. Bawihi dinhmun engtia hlauhthawnawm nge a nih ka ngaihtuah zawng chuan ka hlauhthawn a zual a. A chungah eng emaw thleng leh se chuan ka inngaidam thei lovang.


Heng hna tlin lo lutuk ho hi rawih man awm lo tak an ni. An hna ber chu Bawihi himdam taka ven kha a ni a. Mahse chu hna chu an tlin lo hle tih a lang ta. Khauh zawka security kalpui a ngai dawn a ni.


Ka let leh chuan a ngaiah a lo la thu a nih chu. Ka ngaihtuah em avang chuan ka pan hnai nghal ruak ruak a.


"Eng thil nge ni ta a?" ka mi um chiam kha min rawn zawt a.



"I hre ve lovang."
A banrekah manin ka in lamah ka kai phar ta nghal a.


"Khawiah nge min hrua dawn? Sawmdawng, min thlah vat rawh. Tunah la la hian min hruai let leh nghal rawh." kan kalsan tak lam chu a kawk a.

"Hnai lo" tihsak hmakin ka inah chuan ka luh fel pui der.
"Hei khawi lai nge?"

"Ka in." hrilhhai taka min rawn zawhna chu ka chhang let a.


"Hetah hian i cheng a maw? Ka thenawmah hian?!" a awah chuan mak tihna pawh ka hre tel thei.


"Ka awih thei lo " a phun sep a.


"Ka let dawn."

"Khawiah mah i kal tawh dawn lo." tun ang dinhmunah chuan ka hmuh phak lovah ka kaltir dawn reng reng lo.


"I bulah ka awm dawn lo." luhlul takin a ti a.


"I awm bo rei tawk tawh a lawm. I rawn haw leh tawh ang chu."


"Kan inthen tawh."


"Then lo."


"Ka chhuah i phal vek tawh kha."


"Rei lo te a tan chauh. Tunah chuan i rawn haw tawh ang."

"Ka thei lo.... Ka haw dawn."
A chenna laam pana chhuah mai a tum a.


"I kal ka phal tawh dawn lo."

"Huh, ka thu thu a ni. Kan pahnih nunah hian inrawlh tawn lo ve ve ang."


"Chu chu i duhdan a nih chuan a tha a lawm. Ka pawm thei vek. Mahse i kal lui a nih chuan naute hma hun pawh kan sawi chian lawk a tha ang."



"Eng a!"

"Naute enkawl dan tur mw le. A pian hunah tunge enkawl ang tih vel." a mak ti hmel chu chiang lehzuala a hriat thleng chuan hmuhnawm tham a tling. Mahsse ka tan chuan rilru tina tu mai bawk.


"Chutiang i ti thei lovang. Naute hi ka fa a nih hi."


"Ka fa a ni ve tho."


"Nih te chu ni e. Mahse i enkawl thei bik lo. Ka remtihna tel lo chuan."


"Ka thei nge thei lo tih kan hre mai ang. I duh leh han kal lui la."


"Heti chyan i ti thei lovang. I fair lo." a rawn ti ta tuak a. Dar ka lo chhin san uk a.


"Rawn let la tah hian rawn thu teh " ka tih chuan kawngkhar bulah a ding lui tlat a.



"Bawihi."


"Ti pawh khan min ko tawh suh." a rawn ti nghek a. "Nang nen hian kan inthen tawh."


"Engtik laiin? Ka lo hre ve hauh lo." ka sualthiam ka chhuah a.


"Naute chu i la thei lovang."



"Chu chu i duhthlannaah a innghat. Tatanga i kal lui a nih chuan ka la ngei ang. I awm erawh chuan kan pahnihin kan enkawl dun thei ang."



"I sual takzet." lungawi lo teuhin a rawn ti ta ngei a.

"Ka hria a lawm." kawngkhar bul atang chuan min rawn en run run a. Ti hi chuan a chhuak lui ngam hauh lovang. Nau ka chuh a nih chuan ka chan tir dawn hauh dmsi lova. Eng ang pawn min rawn chuh let mah se a tan kawng a inhawn ka remti lo reng reng.



(ps:- ti thleng hi ni leh phawt mai rawh se. Zan lehah kan chhunzawm leh dawn nia.


- ka lawm e)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 7:07 pm

DESTINED TO BE HIS BRIDE


CHAPTER 50




Kawngkhar bulah tulairapin a ding reng a. Ka tanpui theih a ni hauh si lo. A hmel chu a dang deuh bai bawk a.

"Lo phei teh." ka kut phar chhuakin ka ban a. Mahse ka kut lo lak tum angin a awm lo.


"I chet dan hi a dik lo takzet a ni." a lo la tifan a.


"Titeh, a ngaiah bawk lut tawh lo teh ang. Lo kal la kan naute pian hun tur sawi dun zawk teh ang." amah en ran chuan ka ti a.


"Ka thei lo. Ka haw duh tawh." ka ka ka chip ta hmak a. A haw dawn lo hrim hrim a him tawk a ni tih ka hriat hma chu khawiah mah a kal lovang.


Mahse, a chet sawn hrut chuan ka thu ngaichang lovin let leh a tum ang tih tunge hria?!
"Hrep chuan a!" an chhe tak phuh chhuakin kawngkaa a chhuak tur chu ka pawt let lawp a.


"Luhlulnu, i kal dawn lo ka ti mawlh mawlh a ni lawm ni?"


Rem lo tak chuan ka taksaah ka kuahbet a.
"Min kaltir rawh. Naute chu i chang bik thei lo. Ka pai len a nih hi."


Kuah lutin thutthlengah ka thut thlak pui a. A ban pahnih chu hmer kawpin a dul chungah ka dah sak a. A tal ve at at a.

"I bula awm hi thil awmze nei lo a ni. Bul tan thar ka duh avangin ka chhuahsan che a engvagin nge tia i rawn awm leh?"


"Kal turin ka ti che" ka lo ti khauh a. "Chuvangin i kal. Duh chuan ka chelh thei che a lawm. Tunah hian chu aia tha lo leh pawi zawk kan thlen hmain kan pahnih hian kan chen dun leh a finthlak ber. Naute vang tal pawhin inthen thiang kan ni lo. Fahrah turin i duh te a nih loh chuan.

Chu mi hunah chuan ka lak atanga i lak hran avangin a la dem ang che, ka bula a thanlen tir theihna hun ka siamsak reng che avangin."


Amah chelh beh dan kawng ka dap lawr a. Ka thusawi vang chuan a lo reh nghal dawk a.

Che chang tawh lovin min rawn en chho khiau a. Keipawh ka tawng thui mah mah tih hriain pawi ka ti dawn a. Mahse ka kal tir lohna a nih dawn avangin ka inthiam chawp leh.


Dam deuh zawk chuan a kut ka hmerna chu ka thlah a. Tichuan a hmaiah sawn chhovin a biang no leh mam then mai chu ka han nul heuh heuh a.


"Bul tan tha leh ang. Kan pahnih hian hunremchang dang inpe ila. Kan nun hlui te dahthain kan pahnih chiah hian inngaihtuah ang." ka sawi lai te chuan ka tum pawh ni miah lovin ka awm hnaih telh telh a. A thaw zawi raih leh a lungphu ri dut dut chu ka hrephak tawh a.


"Kan pahnih chiahin kan ni ang a. Kan inhmangaih ang."

"chu chu theih loh ta se?" tihapin a mit mittui tling kang chuan min rawn en a.


"Kan thei ang."


"Thei lo ta la?" keimah bik chu min rawn zawt a. Engvang nge kan ti lova keimah chauh min rawn hmer bik chhan ka hre lo.


A hmui bulah chuan ka thaw ham ham a.
"Kan thei ta ngang lo a nih chuan kan duhna lam kawngah kan inpensan thei tawh ang."


"Anih, lo hmangaih ta che ila min hmangaih let ve ta si lo la engtinnge ka awm ang?"


"Min hmangaih chuan a leta tamin ka hmangaih ang che."
Ka fawh thawi thuak hnu chuan inla hrangin a kun ta daih a.

............................


Mercy Ngurnunsangi Pov'




Ka nuna Sawmdawnga rawn inrawlh leh hi ka hrethiam lo takzet. Min duh loh avangin chhuah min phalsak a. A duh angin ka ti a. Min rawn zui zel bawk si. Tunah bul tan that leh a duh thu a sawi a. Engtiang taka lo dawnsawn tur nge ka hre lo.


Ka hmangaih a nih chuan a leta min hmangaih ve dawn thu a sawi a. Ka beisei a;mahse, ka ring lo. Rin harsa ka ti tawh. Ka beisei laiin ka beisei angin a awm lova. A lakah that ka chhuahin ka chet dan chu a duh lo ang maiin a awm bawk a.

Tunah lem a hun neih ang zawng zawng hi ka bulah a tap chawt a. A tih ngai loh ang takin ka bulah a awm kurh kurh zel a. A peih rei chiah ang em?


Zanah chuan pindan pakhat chauh a awm avangin mutna turah ka buai nghal phat a. A chhan chu ani nena khum inthawm chu ka ngaih a ngam hrih loh vang a ni.


Mut a lo hun chuan kei khumah muin ani chu thutthlengah a mu mai zel a ni.

Ni khat chu a chhuah zawk hlan chu remchangah hmangin ka in lamah ka lut phei a.
Ni hnih khat lekah pawh a lo chul hman rup maiin ka hmu a. Puanchhia lain ka han hru kual a. Chutih lai tak chuan choka lamah thawn a rawn ri rak a. Ka ding mar zawt na chu sazu emaw rannung eng emaw a ni ang tih ngaihdan neiin ka ngaithutak duh ta lova.

Mahse, ka hnung chhawn lamah tu emaw awm tlata ka hriat avangin ka hawi let thuai a. Tumah an awm lo. Ka ngaihtha lo chuan hawi kualin a kil lai te chu ka bih kual ta vak a.


Bathroom ka bih leh tur ka dak lut chiah chu ka nghawng hnung lamah hian thir vawt thlerin min rawn tawk a.

"Ah..." ka hmui rawn hupin ka beng bul teah chuan a rawn kun hniam a.
"Bengchheng siam hlek suh. Anih loh chuan i nghawng hi ka *ai ang." na lehzual chuan a rawn nawr a. A hriam lai chuan ka vun chu a rawn tai thl*r tan nia hriain ka hlauh lutuk avang chuan ka khur zawih zawih a. Ka lung lah chu a rawn phu chhuak dawn emaw tih tur khawpin a phu zawih zawih mai si.

Khawngaih dil ka tum a. Ka hmui a hup tlat avangin hun ka nei si lo.


"Tunge ka nih min la hre thei em, naupang? I hriatna ka hliam hnu kha chuan min hre reng tawh lo a ang e. Min hre reng ni la chuan thawveng takin i hun
hmang ngai hauh lovang tih ka hria a lawm.


I nu leh pa ruala ka tir liam ve mai lo che kha a ka inti thin a sin. A chhan chu nitinin ka kut hian ka **at ve thei che ang em, chu mi tur chuan min lo la nghak thleng ang em? Tih ka ngaihtuah a. Keimah zawk hi ka hlauthawng hial thin a sin.


Ngun takin ka sawi hi ngaithla rawh.
He hun tleng tur hian i kum zahve chuang tanin atang ka nghak a. A tawp a tawpah chuan a tleng ve thei ta hram a ni."

Eng thu nge a sawi hi, engnge a awmzia?
'Ka pu min hai a niang.' tih ka duh a. A thlazar hnuai hlauhawm tak lak atanga ka chhuah theih nan. Mahse ka ka a hup bet nasa tawlh tawlh a. Hlauh nen ka thawk a chhan titih tan a.


"Mahse, vawiin chuan ka *hat lovang che. Ka hun hlu tak tanina ka hman ral tak kha nang leh i naute hian min la rul vek ang. Ka lungin tangah ka siam ag che. Ka lungawina khawp hrehawm i tawrh hma chu ka sal i ni ang. I nu leh pain min rulh tlak zawh loh an ba zawng zawng rul tur hian nang hi ka hmang ang che." eng thu nge a sawi hi. Ka hmui a hupna a nghetin ka hlau nasa bawk nen ka thaw tha thei lo chu ka vai muai tawh a.



Ka nghawng hnung lamah chemte awm reng mah se ka boruak mamawhna chuan ka lungphu a timumal lova, ka hlauhna pawh a chawk dalin boruak ka duh avang chuan ka hmui a hupna kut chu lak thlak sak tumin ka han vuan ta vat a.


Ka tha neih tawk tawk chuan ka han ham vak a. Ka sikin a vun chu ka sawk vel a. Mahse awmzia a awm lo. Ka khawhmuh rawn vaiin ka rawn thim ta hmuk a.



A hnu zelah engtin chiah che ka awm ka hre lo. Ka harchhuah leh chuan ka hlauthawngin ka thlaphang em em a. K lungphu pawh a mumal lo khawp mai.


Te a, han tlan chhuah vat inpeiha chet thut ka tum lai chuan Sawmdawnga aw ri ka hre ta a.

"Shii... Hahdam rawh. Engmah hlauh tur a awm lo a nia." ka taksa chu him tawk nia ka inhriat nan a rawn delh rit deuh a. Tawngkama min thlamuanin ka sam a chul nghal hliau hliau bawk a.


"Mi pakhat...kha... Ka hre lo..." kha misual kha sawi fiah ngial ka tum a. Mahse a thumal ka remkhawm kim thei lo chu ka tawng bah nawk nawk a.



"Hushhh..." ka hmuiah a kut a rawn dah a. A ban hleitling tak chuan min rawn kuah hlu hlu a. Ka bulah a awm tih ka hriat atang chuan hlaua ka chiai nasa lutuk tur chu min lak kian sak vek a.


"Mu hil leh rawh. Ka lo awm reng ang." ka chalah a rawn fawp a. A rawn nawr vang vang hnu chuan keipawhka harh tirha ka taksa tang ru teuh kha a inthlah dul ta riai riai a.


"Ka inah khan a lo awmsa a niang." kha misual bawk kha ka ngaihtuahnaah a rawn lut leh a.


"Shii. Ngaihtuah tawh suh. I him tawh a lawm."....
Ka ngawi vang vang phawt a.


"Ka nu leh pain an ba an rulh zawh theih loh thu a sawi a. Chuan .... Kei leh kan fa hi ba rulh nan min hmang dawn tih a sawi a. Min t*ah a duh a ni." "Min hre ngai angin a tawng a." ka hlauh vang chuan ka sawi zawnga ka aw khur dar dar pawh chu ka tawp tir thei thlawt lo. Keimah zawk chuan ka kuqh nghet sauh sauh a. Tunah tak hi chuan min kalsan turin ka duh lo.

Zawi zawiin ka mit chu ka chhing leh ta a.


Ka hmai rawn zat mer mer chuan a vawihnih nan ka harh hlawl a. Hlauthawng taka han thut chhuah mai ka tum lai chuan Sawmdawnga awm chuan ril ruih hian min rawn bia a.

"Hlauthawng suh. I bulah ka awm reng a lawm. "

Ka mit nuai a khap sak sakin ka en chhova.

"Ka awm loh hlana min haw san i lo tum zel chuan min ching kual nasa duh dawn khawp mai."

Ka hawi chho a. A sam hnawng dum hlap chu a buk lam mah mah a ni a. A mithmul buk leh dum chhah lam nen. Chu chuan a mit khur a ti thim zual a. A mitmengah chuan min thlakhlelhna ni awm tak ka hmu bawk a.

Hahdam taka thawin ka kut hmawr za mer mer chuan a chak ang takin ka ban chhova. A sam buk hlupah chuan zenin a lulei chu ka tham kual a. Ka taksa hi a hahdam huai huaiin ka hria
Nuam tiin a rawn rum tiah tiah a.
Ngaina takin a kut chuan ka kut a han bawhthuah ve chiah takah phei chuan ka taksa pum hi a rawn za chhuak chuai chuai a ni mai.


Amah en chuan chil ka lem khalh chu ka insum thei thlawt lo a ni.
Amah pawh ka awm ang chiahin a awm tih ka hria.


Chhuata thingthi chung chuan a rawn kun hniam a.
Ka hmui a rawn tawh te chuan ka vawikhatna ang maiin ka lung hi a rawn pawk chhuak daih dawn emaw tih tur ang khan a awm a.

Zawi zawiin, kan hmui che dun chuan tisa chakna a kaitho zual sauh a. Ka kut lehlam pawh ka lukham atanga phawrhin amah ka han kuah tawk tawk nan ka hmang ta zawk a.


Thawk mamawh lutuka kan awm hnu chuan ui takin kan inthlah. Ka hmui bul maiah chuan a nui a ni tih ka hria.

"Kha, kan la inrem reng a nih kha. Kan pahnih hian inhmangaihna hun chu kan nei lutuk a ni."

A sawi dikin ka hria. Kan tisa inmamawh tawnna pawh a la pangngai reng. Amah chakna chuan ka taksa pum pui hi na si lovin a kang chhuak thuam thuam a. Ka hre lo der ngawt thei lo.

"Haw tawh ang hmiang?.." a kut chu min rawn pe a. A hma ang lo takin keimaha awm fal leh chu ka duh tawh huah lo. Kha misual thil sawi zawng zawng te kha. Ka theihnghilh thei mai mai lovang. Ka ngaihtuah let pawhin ka ti ril a la khur dar dar thei . Keimaha awm fal leh chu ka duh hauh lo.
Let duh lohna rilru ka put hman tak tak hmain ka lo la vat a.

..............


SAWMDAWNGA POV'



Computer atang chuan Bawihi chunga thil thlen dan chu kan han en a. Thinrimna hian min bualin kha misual kha a awmna tanina thawn let leh vat vat min tichak khawp mai. Kan en chhung zawng chuan ka kut ka lo hum ruh char chr a.



He misual hi rin ang a ni lo tawp. Thil tihruk a thiam uchuak tlat mai. A nu leh pa nunna a laksak tawh a. Bawihi pawh tihnat a hreh dawn lo lutuk tih a chiang a. Kan naute vang pawhin khawngaihna chhe te mah a lantir ka ring bawk lo.


Police-ah FIR ka thehlut leh a. Police lamin thil awmdan an lo chhui chian chhungin Bawihi leh naute kan lo enkawl tha ang a. Chuan, keiin taninah a dam chhung hun a tlingtlak theih tawhna turin ka bei ve thung ang.


A rawn harh hnu chuan a bula a sawi thenkhat chu a han sawi chhawng ve a. Chu chuan min tihlauthawng a. A laka ka tih tur dik tak hlen lovin, amah venghim zo lova awm ka hlau bur mai a ni.



Tjil thleng chu midang hriatah kan uangzar lwm lova. Mahse a nu leh a pa chu thil awmdan ka hrilh vek a.

Chuan ka pizawn pawh a hmaa ka lo vo lawkna, ka hlauhthawnna kha a thleng dik a ni tih ka hriat tir a.


He a unaupa, ka hmangaih ber mai chhungkua lak bo sak a, a nihna theihnghilha mi hran hlak anga a awm leh a ngaih chhan pa hian mipui zinga awm ve reng a phu lo. Tanin kha a awmna hmun tur dik tak a ni.



Zing lamah chuan ka nu te hnen atang call ka dawng a. Ka pindanah lut ru an awm thu min rawn hrilh a.


Ewan Bawihi bula hnutchhiahin ka chhuah chhan tur Bawihi ber hrilh lem lo chuan ka chhuak ta daih a.


In ka va thlen chuan kan indan chu a lo hnawk rum mai a. Ka thawmhnaw bawm leh bawihi thawmhnaw bawm chu an hai darh hnehin thil eng emaw tak zawn an nei a ni tih ka hria. Rindan pawh ka nei thiam mai a. Mahse tu tak nge lut tih erawh rindan ka nei thiam lo thung.


Kha video leh recorder bakah thlalak thenkhat kha inah ka kawl lo tih hria se tha an seng thlawn duh dawn miah si lova.


Chutia ka hawi kual velna lamah chuan Bawihi thawmhnaw darh nuai karah chuan cellphobe rawn lawr dum run chu ka hmu fuh ta chat a.


Hnu chhuina tur an hnutchhiah emaw tin ka lawm viau hman a. Mahse ka rin loh lam daihin ka cellphone ka tihbo ngei mai kha a lo ni a. Bawihi hian engtinnge a lo kawl daih theih? Khawi atangin nge a hmuh? In atanga keng chhuakin ka kalna hmuhah ka theihnghilh a. A bo ta a nih kha.


Ka pindan chu a ngai ang thlapin ka kalsan a. Police hnena thlen pawh ka tum chuang lo. An duh an la hmuh loh avangin an zawng chhunzawm ngei pawh k ring.


Ka cellpone chu ka kawr ipteah khung thain kan inlam ka pan a. He thil hi engtinnge a lo kawl daih theih hriat ka duh a ni. Ani nena kan hlimthla tam tak a awm a. Kei ngei pawhin hmuh let tumin ka zawng nasa a nih kha.


Bawihi chu engtia lo kawl bo daih thei nge a nih tih zawh chhuah tum ruh takin in lam ka pan a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 7:08 pm

DESTINED TO BE HIS BRIDE


CHAPTER 51



MERCY NGURNUNSANGI POV'



Chokaah thu ul chungin thingpui no ka chawk ri karh karh a. Cofee tak tawka telhin bawnghnute ka'n telh leh hnawk a. Cofee a pawlh dal deuh ang. Ka in khat bawk a. A pawi lo turah ngai ang.



Ka dut hman chauh tih chuan kawngkhar a rawn ri rak a. Ewan awm ve reng mah se ka beng ka tun nghal hra a. Tho chhuakin in puia thu Ewan chu ka va hnaih vat a.


"Hlauthawng suh. Ka pu a rawn haw a nih chu." a ti tha mai a. A sawi ang tak takin a rawn lut khat nghal hmuk a.
He in nen hi chuan a inhmeh ve thlawt lo. A palian si in te bawk si, in chhung a tichep.


Ewan chu a kal theih tawh thu hrilhin a kawr chung a phelh nghal mawlh mawlh a. Ewan kawngkhara a chhuak bo ta chu en zuiin a kawr chung chu thutthleng banah chuan a han bang a.

Thu tak run chuan min rawn en a.
Ka no ken leh ka pum chuan ka taksa pum chuan a en lawr chhuak dap a.
Ka tawn ngai loh ang maiin ka zakin ka taksa hmun tin mai chu a mur chhuak ar ar vek mai bawk. Ka kut hmawr te chu a rawn khur dawn ti tih a. Chokaa lut leh vatin ka no dawm lai chu dawhkanah ka hung thla nghal vat a.


Ka no hun thlak la kanga a hnim chuan a hnar a nur nghal nung a.
Min sawisel ka rin rin nen a sawi zui hauh lova.


"Khawiahnge i kal daih a?"


"Inah ka let lawk a." a tih chuan ka lo ngawi hmak a. Inah sawn min let pui a tum ang tih ka hlau.

A kekawr ipte atang chuan cellphone a rawn phawrh a. Ka hmaah chuan a rawn lek kang va a.


"Kha kha eng atan nge?" hrethiam lo takin ka lo en. Phone min pek a tum yihna em ni? Ka neih sa pawh hi a la tha reng si a.


"Ka la nei tha a lawm." a rawn thaw hawk a.


"Engtia i neih nge?"..."I thawmhnaw bawm a mi a nih hi."



"Khawi. Rawn la rawh." a hma pawn pek let ka tum mawlh mawlh a. A duh lo vel a. A ta a ni thei tawh lo hrim hrim.


"Ka ta a nih hi. Ka tibo a. Engtinnge nangin i lo kawl daih theih?" a mit dum run chuan min lo en reng a.


"Pek let leh che ka tum a i duh lo a nih kha."


"Khawi atanga i neih nge ka tia lawm." a rawl rawn san chho thak vang chuan ka tawlh hnung dawrh lo chauh. Ka thin phu nasa hman lutuk chu ka dawm a.

"Ngatinge i hriat duh a."

"Ka hre duh a ni mai."


"Gemini hotel atanga ka hmuh a nih kha." hre duh na na na chu zep buai a ngaihna ka hre lo.


Sawi tur hre lo ang chuan min en reng a.
"Khang hun chhung zawng khan i lo kawl reng a maw?"


"Ka kawl lohin ka paih mai dawn em ni?"..."A man a tam tham a. Paih daih chu ka ui a."


"Chu chu ka sawi ki a ni lo."..."I kawl reng te chuan ngatinge min pek let loh?"


Ka nui sek a. Pek let ka tum a lawm. Mahse hun min pe lo a nih kha.
"Pek let che ka tum a. Mahse nang chuan eng atan mah ngai lo leh duh lo angin i awm a. Biakna hun che pawh min siam sak tawk a nih kha."


"Chuvang chuan ka ta a ni tawh. 'kinah a lock kha ka phelh tir ang a. Pawisa ka mamawh hunah ka la hralh maithei bawk."


Kha mi hun kha ka ngaihtuah a. A mize rawn inthlak tanna kha a ni bawk a. Bakah kan pahnih hlimthla vel kha engah mah ngai lo ang mai khan a awm vel a. Min tihnat zia te kha.



"Bawihi." a kut atang phone chu lain in pui lam ka pan san daih a. Ka hnungah min rawn la zui zel zui a.

"Kal sawn rawh. Min hnaih lutuk." ka hnaih taka a awm chu ka taksa awmdan avang hian duh lovin ka lo teu hlar a.


"Anih, kan hlimthla te kha ka ngaipawimawh lova i hriat vang em ni hmu lo anga i awm reng. Nge engtikah mah min pek let i tum tawh lo."


"Umm. Pek let che ka tum tawh lo." tih pahin a switch ka on nghal a. Khawih tur hre lo lutukin a thai kual ka thai kual a. Ngawi rengin a hmai chu a rawn khawih ve a. A inhawn rual chuan a ri chek a.



Album ka en hmasa ber a. Ka nur nghal nang a.
"I bialnu chuan a lo hlimpui khawp a nih hi." a bialnu ka tih hian rinhlelhna pawh ka nei lem lo. An innupa tawh hial pawh ka ring. Claire thlalak rawn lang tuar chu tiluiin zawi muangin ka en kual a. A tam khawp mai. Kha mi ni kha ka ngaihtuah a. Min ngaihsak nepin kha nu rawn lang kha a ngaihven zawk zel a. Ka epah chuan rawn thu thlain min rawn en phei ran a.



Ka mitthlaa an pahnih rawn lang dun chu ka ngei takzet. Claire pawh ka tenin ka hua. Ka damchhunga ka theihnghilh theih tawh ngai loh turin min tina a ni. Chuan chung zawng zawnga bul tum tu chu ka hmaa thu ka hmangaih em em, ka naute pa ngei hi a ni bawk a. Kei min rinna aiin a bialnu rinna kha a nei ngah zawk a.
Kan naute hial chan thei mai dinhmuna ka din pawn a ngaizam lui zel a.



A hmel ka hmuh ringawt pawh hian ka kawchhung hi a puak darh lo chauh.
Thinur hian a screen chu ka hmet nawk nawk a. A sia theh phei nawk pah chuan
"I duh leh nei rawh." ka ti ngat a.

Tho chhuakin kalsan daih ka tum. A bula ka awm hi chuan ka ngai reng a, chu mi rualin ka nat phahna tur ka hmu reng bawk si a. Ka tuar thei thlawt lo.



Ka pel fel tawh tih chuan ka banah manin min pawt ler hrat a. A kut lum vung vung maiin ka taksa a han tawk chu eng emaw kawng zawng takin a hahdam ru riau a.
" Min thlah vat mai teh." min tihdin avanga thinur ru tak chuan ka kut ka thing nawk a. A thlah duh chhin eih lo.


"Ka lakah hian tinge i tihmawh thin em em? Mipa dang lakah i ni ngai si lo. Nge Sawmtea chu a lo danglam bik em ni? A hnena hlim taka i awm theih laiin ka bulah erawh i hlim thei hauh lova."


"Eng thu lawi lo nge maw i sawi le?"

"Ka bula awm nuam lo i tih pawhin ani bulah chuan hlim takin i nui bawk bawk thei tih ka hria a lawm."


"Ani chu a fel a lawm. Ka tan a inhawngin engtiklai pawhin biak theihin a awm reng a sin."


"Kei ka awm ngai lo em ni?" a rawn tih chuan a ngawi leh nghal hmak a.


"A chang chuan awm thin e." a ngawi ngul tawh. Min en rengin ka ban a la hmer reng a. Na erawh a ni lo.

Ka banrek a hmerna chu sawn thlain ka kutah a hum a.
"Anih kei aiin i ngaina zawk em?"


"Kawng thenkhatah." a rilru natna tur lam engmah ka dawn lo, a nat ka rin loh vangin. Mahse, hre ve vek se ka duh a ni.


Ka chhanna avang chuan na ti hmel a pu dawn a. A inthunun leh vat zawk nge ka hmu sual tih pawh ka hre lo.


"Kei aiin i duh zawk em?"



"Duh zawk ila tih chang ka ngah mai. Ka lo duh zawk maithei bawk." a lo thaw leh hulh a.



"I hmangaih em?"


"Ka hre lo le. Hmangaih ila chuan hmeichhe vannei tak ka ni ang. Min hmangaih let dawn nasa si a." ka ti deuh kher a. Amah duh lutuk anga ka lan loh nan chutiang lam pawh chu ka zeh tel ve zeuh zeuh a ngai a ni.
A hma zawng aiin ka kut a hum nghet a.


"I fawp tawh em?" tawng harsa tih hmel takin min rawn zawt a.

"Eng tak chu nge i hriat duh chu ni a. Ka fawh leh fawh loh i hruat duh chuan amah va zawt la."


"I mutpui tawh em?"


"Huh..." za lo taka nui hawk chuan ka han en let kal a.
"Ka pasal bulah mipa dang bula ka mut thu sawi duhin min ring em ni?"..."I a a ni ngei ang."


"Min chhang rawh. Ani nen chuan eng tiang chiaha ril nge in kal tawh? Engtia thui nge i kalpui?"
A rawn vin chhuak thawk a. Ka kutah chuan hmer nghet zualin a lamah min pawt bet dawrh a.


A mit meng ka en chuan na tak tuar hrep ang mai hian a hmel chu a tang khat tlat a. A mit meng rum leh sen deuh ram chuan engtiang rilru chiah nge a put min ti hrethiam lo.


"Min chhang thei lo a maw? Kan naute vang pawh hian min chhang rawh. Ani chu i mutpui tawh reng em?" chhanna beisein a mitmeng sen ram chuan min en reng a. A hmel en atang chuan a ni lo zawnga ka chhan chu a finthlak ber lovang tih ka hria.

"Aih"


"Mutpui nge mutpui lo." ka chhanna chu hrethiam lo ang maiin min rawn zawt nawn leh a.

"Mutpui lo."


"Dear God..!!!"...."Mutpui la chu ka *hat ngei ang" phun hlukin a ti tak tak duh ang tih a hmelah ka chhiar thei.


"Engvangin?" a chhanna hre chak takin ka zawt a.


Mahse chatuan tluk zet chu min en reng.
A hmel chu a thutakin min lem zawh vek duh hmel a pu bawk a.


"A chhan chu..."...."Mipa dangin an khawih ve tur che hi ka duh lo. Ka ta chu ka ta chauh a ni kumkhua tur a ni." ka chhanna duh min pe hauh lo tih a sawi zawh rual rual chuan ka hre nghal a.


"Chuvang chauh chu?"
Min hmangaih thu hriat ka inbeisei tehlul nen ka hre thei tawh dawn lo a ni ang. Nau neihnaah ka chungah thil tha lo a thleng a nih chuan ka hmu leh tawh ngai awm si lova. Chu chuan min tilungngai ngawih ngawih.


Ka lungngaih rukna chu tilang lo hram hramin ka en let reng a. Ka hmangaih thu hrilh ka chak takzet. Mahse a hriat ve loh a tha zawkin ka hre bawk si.


"A dang pawh." a rawn tawng chhuah leh hlawl chuan a thum ril deuh dut a.


"Hrilh che ka duh a. A hma atang daih tawhin.. ."

"Chu chu engnge?"

Rawn kun hniamin ka samah hmai a rawn phum vang vang a. Thaw huai huai hian ka hria.


"Ka sawi thei hrih lo a ni. Zaninah, zanah, lo la nghak leh la. Ka hrilh ang che." a tawng zawng te chuan a taksa chu a nghawr dar dar a.


"Nghah ka duh lo. Tunah i sawi mi thei lo sem ni? Thil tha lo eng emaw thleng ta se ka hre thei tawh dawn lo aa sin."


"Shii" ka sawi lai lai chuan ka hmui a rawn hup a. "Chutiang engmah sawi suh." ka samah thamin a chul heuh heuh bawk a.
Zawi muanga a hmui rawn sawnin ka hmuiah chuan duhthawh tak chuan a fawp a. Mahse, kan in kawngkhar hun lo taka an rawn kik avang chuan kan inthlah thuai a.




"Ka pu, Ms.Claire nangmah hmu tur chein a rawn thleng tawh a."


Ewan kawngkhar bula rWn lang chuan min rawn en fiah kal a. Sawmdawnga en lehin thil eng emaw a sawi zeuh a. Kawngkharah a rawn lut tlang a.


Min rawn lehhawia min rawn en chuan ka lo tum buau lo chauh a. Henu hmu tura thlah fal hi ka thinlung hian a phal ngai lo.



"Ka rawn let leh ang" tiin min kalsan a. A kal hun hi a hun loh lutuk avangin ka lungawi lo hle.


Inah chuan awmin ka nghak reng a. Mahse a rawn let ta mai si lo. Ewan lah a thu ngawi ve kur reng bawk si.


A lo rei hnu chuan chhuat laiah ka vei tawn sek tawh a. A lo haw hun chu ka nghakhlel tawh lutk takzet. Mahse lo nghah reng pawh sawt lo mai a nih ka hlau tho bawk.


'Kinah chuan thutthlenga ka phone kalsan chu a rawn ri ta hlawl a.
Ewan chuan min lak khalh a tum na chu ka chuh vat a. Ka lak hnu chuan ka kutah ka hum bet hmasa phawt a. An sawi hre ve duh ang hrima min rawn en reng chu ka duh lo takzet. Chuvangin hmun dangah keng sawnin ka beng bulah ka la kang a. A hre ve phak ang tih hlau lutuk chuan fimkhur tawk hian ka chhang ve a.



"Hello." lehlama mi chu a rawn tawng zung zung a. A tir chuan awih lo lutukin ka awm phawt a. Mahse a sawi tawp lam chu ka hre tawh lo. Ka hlauthwngin ka khur nsa lutuk a. Ka taksa hi a zawiin ka tlu mai dawn tein ka inhria.


"I tha em?" ka banah a rawn dawm chuan ka rinchhan tith a.

"Khawi min pe teh." nhhet lutuka ka hum beh chu min han chhuhsak nawk nawk a.
Thuthlengah min kuah pheiin min thut tir a.

"Ngawi teh.. Thu hman ka ni lo. Sawmdawnga hospital a awm a nia. Na a tawrh bik reng laiin inah ka lo thu mai mai hman lo.


"Lo hahdam rawh. Amah a ni reng em ka'n en lawk ang e."


"Engnge la fiah ngai a. A chesual a ti mawlh mawlh a lawm. Tah chuan min hruai nghal vt mai rawh." tinge maw ka vin nghal chiam mi le.

La chechang lo chuan min nghak leh phawt a.


Kei ve chu ka a hman mai dawnin ka hria. Nghah chhung chu chatuan tluk zetin a sei a. A chungah thil tha lo tak thleng a nih phei chuan ka dam chhan ve zawng zawng hi an bo vek tihna a ni dawn a. Chuvangin awlsam tak chuan ka liam tir thei lo.





Intichakin ka tho chhuak a. Kawngkhar lam paniin ka kal nghal a. Ewan chuan min rawn zui loh chu tih theih dang vak a nei lo. Ka phone hum chungin min rawn zui nghal a.


A motor-a ka thut luh hnu chuan a rawn thu lut zui ve nghal a.


"Khawi lamah nge?"


"Hospital" tih bak chuan chhan ngaihna ka hre lo. Ka hlauthawng lutuk chuan ka kut zungtang te chu ka seh thawi thuak thuak a. Ka taksa a khurin ka ke pawh a zawi lo chauh. Ka lungphu rang dut dut leh ka tha khur chu tawrh hrehawm tak a ni. Mhse ka tinep thei hauh si lova.



Motor a tih din rual rual chuan chhuakin hospital chhungah chuan ka tlan luh san nghal dawr dawrin a awmna min rawn hrilh lam chu panin chak tak chuan ka pen ve hlawk hlawk a.

Ka hnungah chuan Ewan min rawn zui leh zui loh pawh ka ngaihtuah tawh lo.


Chutia ka zawn kual lai chuan ka lam pana a rawn kal ka hmu ta hlawl a. Keia hmu leh ta chuan lawm taka tlan pheia va kuah mai ka tum a. Mahse ka mi hmuh avang chuan va pawh mai duh lovin ka tawlh kir leh san ta zawk a.



Claire ka hmu tel ve chuan min tilungawi lo ltuk takzet. A bulah chuan Sawmdawnga a chal bandaid-a a bel ve nuan tih loh chu a lang chinah hliam a neih awm ka hmu lo. Chuchuan min tihahdam huai a. Mahse ka lungphu la rang lutuk chuan ngai min la awh tir thei lo.


Midang phena hmang chuan ka let san nghal vat a. Min hmuh hman loh hram ka beisei. Mahse ka hawi letin ka lam pana a rawn pen phei pawk pawk ka hmuh chuan min rawn hmu ta emaw tiin hlauthawng tak chuan ka biru nghal vat a.



Min rawn hmuha ka ngaihtuah lutuk tih a rawn hmuh hi ka duh lo. Ka hmel, ka landan zawng zawng a ena amah vanga ka hlauthawnna te, ka hlau hlum lo chauh tih te leh keimah atanga ka hmangaihna lang chhuak tur zawng zawng te chu a rawn hm tlang vek ang tih ka hau bawk.


Ka birukna hmunah chuan ka sam ka chulmam thuak thuak a. Ka mittui hru hulin ka lungphu mumal lo tak mai thunun tum chuan thawk ka la vang vang phawt a. Tah chiah chuan ka tap a ni tih kaa hre bawk. Kan hlauhthawn lutkna avag hian keimahni ngei pawh kan intheihnghilh bo chang a lo awm thei dawn lutuk a nih hi.


Chutah ka awm rei ve ta maw tihah chuan a kal tawh rmngei ringin ka birukna atang chuan ka pen chhuak ta a.


Chhuahna lam ka pan lai chuan hnung lam atangin ka kutah a rawn man a. Tunge a nih tih ka hriat rual chuan ka thil tih te kha a thlawn mai an ni tih ka hrechhuak nghal vek.


Min hawsan daih tawh turah ka ngai a. Mahse ka kut vuanin ka bulah a ding reng mai si.


"Sawmdawng." ka ko tiak a. Ka aw ngei pawh chuan min phatsan a.



"Haw tawh ang hmiang." tha tak chuan a rawn ti a. Min kaih zui avang chuan a hnungah ka zui chhuak ve nghal a. Tan buai pawh ka tum tawh chuang lo.

Pawnah chuan Ewan chuan ding chungin min lo nghak a. Ani hian ka kal ve tih hi a lo hrilh a ni thei mai ang em le?


Motor-ah chuan ka kut chu vuanin a khawih nauh nauh a. Tawng ka chak takzet. Amah en chiana hmun dangah hliam a nei em tuh pawh en fiah ka duh bawk.



Hahdam taka thu chuan min rawn en leh thin a. A hnu chuan ka kut la kangin a hmui chuan a fawp ta a. Ka tim deuh avangin laksawn ka lo tum nghal thuai a. Mahse a phal lo. Nghet taka humin a mal chungah chuan a keng tlat a.


Alam hawia ka en chuan min rawn en ve chiah nen kan inmelh dun ta reng a. A mitmeng a thiangin a nung sarh a. Chu chuan mak pawh min tihtir viau. Min rawn nuih var varin kan thlen hma zawng chu min kuah ta a.


Ewan chu a inkhalh let leh nghal a. Kan pahnih chauh kan ni ta chuan eng emaw kawngzawng takin awm ang lo huih hian min hriat tir a. Ka lungphu te chu rawn rang tha lehin pangngai lo tak chuan a thum ta tlut tlut a. Ka hnunga kawngkhar a rawn inkalh rik khepah phei chuan ka thawk a chham lo chauh tawh.


A mi thlirna hnuaiah chuan ka zam chhe zo vek tawh. Khur dar darin ka lam a rawn pan chu ka lo nghak a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 23rd, 2019, 7:08 pm

DESTINED TO BE HIS BRIDE



CHAPTER 52




Ka hnungah chuan a rawn ding a. Ka taksa khur chu a hmuh hmaih lo chiang ang. Ka lung lah pangngai lo lutukin an phu zawih zawih a.


Ka darah min kuah liamin ka dul kiar lah chu a chul a. Ka taksa a zain a lo mur nghal ar ar a. Ka samah a hmai rawn phumin ka dar hnunglam vun lang laiah chuan a hmui lum hiamin a rawn nawr a.



"Ka hmangaih che." a thusawi ka hriat chuan ka lo thaw chhuak hawk a.
Tinge min hmangaih lo puiin dawt a sawi. Ka hrethiam lo. Tun lawk darkar tam pawh liam hman loah khan a banah a hmeichhe hmangaih chu a inkuah tir reng si a.


"I rilru lo pui min hrilh suh. Anih loh chuan tak tak emaw tiin ka lo inlen pil tir mai ang."


"Ka hmangaih che... Ka hmangaih reng che." a thusawi chu ka hriat loh theih nan ka beng hup ka duh takzet. Mahse a hmuh laia chak lo tak anga lan ka duh lo. Ka tah chhuak lutuk pawh insumin ka mittui ka dang kir hram hram a.


"He i infiamnaah hian rei lo te pawh tel ve ka duh tawh lo. Min kal tir tawh mai rawh. Kan hlim dun tawh chuang lovang." na ti takin ka sawi thei hram a.



"Anih chuan tinge min hmangaih thu min hrilh ve mai lohvang? Keiin i laka ka rilru put ka sawi chhuak ta bawk a. Nangin ka laka i rilru put dik tak i sawi chhuah a hun ve tawh i ti lovem ni?" na ti takin ka lo thaw hrawih a.


Inherin a ban pahnihah ka vuan a.
"Aih. Darkar khat pawh liam hmaa i hmeichhe hmangaih i inkuah tir laiin helai hmunah mithianghlim ang maia dawt min hrilh hi ka inphal ngai lovang." ka thinlung natna nen ka sawi a. A ban chu thlahin kalsawn san ka tum chu min pawt bet leh a.



"Tinge i hriat thiam theih loh. Ka hmangaih che ka tih kha. Ka hmuh tirh atang chein ka hmangaih che. Nge, i hrethiam duh lo. Ka hmu che a, ka duh ta em che. Zah pawh dawn lovin ka rawn birh tluk tluk che a. I chhungte bulah nupui atan hial ka dil bawk che. Ta tang chuan i hrethiam thei lovem ni? A hmangaih hauh loh bulah damchhung hmang turin a chhungte dil ngai i hria em?..


Ka fa hial ka pai tir che a. Ka ngaihtuah chein ka vengthawng reng thin bawk che." a sawi zawng chuan a mit a de ra ra a. Chu chu hmuh nuam ti lutukin ka mit ka la sawn thei reng reng bawk lo.



"Ka hmangaih che. Kan nupa inkar nunah ka buai ngai lo. Ka tum ber chu kei inhmangaih tir che kha ka tum ber a ni a. Nang lah kha i mawlin engmah i hrethiam lova. Min huain min hmu duh lo em em thin." a thusawi zawng zawng te hian ka beng a verh zar a. Ka ngaihtuah let hian ka huain ka hmu duh lo ngawih ngawih thin.


"Chuan kan inneih dawn zan khan i hreh lutuk kha zuah i tuan ta a. Chutiang tura ka nawr lui che chu hrehawm ka tiin pawi ka ti a. Kan inneihna tur pawhchah mai kha ka duh rum rum a. Mahse, ka ta i ni lo tur kha ka ngaihtuahin ka ngaingam ngang lova." amah chu a awm kang deuh awk awk chuan thaw a la ham ham a. A thusawi hi a zam ve deuh a ni maithei.


Kan inneih zan khan ka rui tak tak.
"Kha zan khan hrehawm ka tih ngawih ngawihna turin min tawngkhum a nih kha. 'Misualpa' min hua a. I tap bawk a." a sawi lai te chuan a dik ti lutukin ka en reng a. Ka mit ka la sawn phal lo.



"Tlanbo duh hial khawpin min neih kha i hreh bawk a. Mahse i thiannu zatah ka vannei ta a. Min neiin tun hun hi kan thleng ta a." dik tiin ka lo bu nghauh a.


"Maicham hmaah ka dinpui che a. I rilru tak tak i pe thlawt lova. A loh theih loh a nih vang khan i chham ve vel mai mai a ni. Keilah, ka duhna che bak dah pawimawh phal lovin ka nawr ta tlut tlut che a. I tal pitna tur ang apiang dang pingin i inpeih chiah lo pawh kha ka nawr zel che a. Nang lahin ka taksa hnar harsa i ti tih ka hrechhuak thuai a. Chu chu remchangah la zelin i thianghlimna ka laksak ta che a."


Hrehawm ti ve awm tak hian ril ruihin min en a. A mit te chu tun aiin an dum tak ta zawk emaw tih tur hian a lang thim khup a. Ka sam ka beka tla nuai te chu ka bengah a han zep tha sauh a.


"I thianghlimna ka laksak che chu sawi loh. Nitin khan i lakah ka phut tam tulh tulh a. Sex-ah ka mamawhna che ka tilang nasa a. Engtiklai pawh khan min dawngsawng tha em em reng. Chu chuan beiseina min siam tam telh telh a. Ka fa i pai dan tur ngawt ka ngaihtuah leh a. Pills ei lam reng reg i hrechang thin lo ka lawm theih zia kha. Ka lakah phuarbehna che remchang lutuk ka hmu thei ta a. Chuan nang pawh i thlamuang tan tawhin ka hria a. Ka lawmin nang inhmangaih tir che chu sawi a harsat tawh loh ka ring. Mahse, Sawmtea a rawn lang a. I crush a ni tih ka hriat atang phei kha chuan awmdan tur ber pawh min tihrethiam tawh lo. A lakah i thinlung i hlan mai ang tih ka hlau a. A lakah ka chan mai thei che tih ka inhriatna kha ka tan chuan tawrh hrehawm tak a ni tawh. Mahse i hmu zui ta zel si a. I tawngvaiin a hming i lam tum atang khan i lakah chuang tan leh ta riauin ka inhria a. Chu chuan min tihrehawmin i lakah awmdan tur ber min tihrel lova. "



"Chuvang chuan em ni i ka chungah i nunrawn em em?" ka lo ti khauh a.


"I duh chuan tiang pawh chuan i ngai thei ang. Ka duh em che a. Chan che kha ka phal lobur a ni. Ka tihnat che chuan pawi ka ti takzet."


"Min tina takzet. Chuvang chuan pawi ti hle la ka duh." ka lo ti hmanhmawh a.


"Mahse, engvanginnge hetiang thil min hrilh tak thut a? Ka zawt hauh si lo che a. Ka lak atang hian eng chiah nge i beisei?" hrawk tawt tun chuan ka zawt let a.


"Min hmangaih thu min hrilh ve rawh."


Ka nui lui nghal hak a. Ka hmelah chuan ngeiawmna k lantir a.
"Ngawt ngawt che chuan! Hmangaihna hi chutiang anga sawi ngawt ngawt chi a ni hlei nem. Ka hmangaih che min tih vang khan ka hmangaih ve ta lua che tihna pawh a ni lo." ka tawng chu a huat ka rin tehlul nen hahdam ru hmel takin min em reng thei tho si.



Nui hmel pu deuh hian rawn awn hain ka chalah a rawn fawp a. A hmuiin ka vun a rawn sik rual rual chuan ui tak chunga nam sawn ka lo tum nghal vat a. Ka thei lo. A nghet lutuk a.



"Min hmangaih ve tih ka hre tawh a lawm." a thusawivang chuan ka lung a phu nghal zaih zaih a.


"Eh... Ka. Hmangaih lo che. Ka .... Kei te chuan...."


"A tawk." ka hmui a rawn hup a.
"I rilrua mi ni lo pui sawi tawh suh. Min hmangaih tih ka hre vek tawh." a lak atang chuan ka tawlh hla ta hrat a.


Ka hmangaih thu a hre vek tawh a maw? Engtinnge a hriat theih? Ka sawi lang ngai miah si lova. Ka tilang bawk hek lo. Mahse a lo hre vek tak tak em ni?

Rinhlelhna leh hlauhthawnnain min rawn man a. Ka taksa te chu a zawi zo vek tep tawh. Ka khup a rawn khur dar dar a.


"Ka hmngaih lo che. I hre thei lovang, ka hmangaih loh che chuan i hre thei lovang." ka hnunga thutthleng tlang chu ka hmer ngawt ngawt a.


Min rawn hnaih chilh leh nghal chu ka lo tawlh hlat san a. Mahse a taksa chuan min raen hnaihin ka dul chu a taksa chuan a rawn nawr deuh a.


"Anih chuan thi khawp hial tur anga nasaa hlauthawng khan tinge damdawi in i rawn tlan si." sawi tur reng reng ka hre lo. Dawt a ni lova. Chhan ngaihna mang ka hre lova.



"Ka rawn tlan love. Ka rawn kal zawk mai mai......" min rawn pwt chatin ka kut hum ruh ngheh tlat chu a rawn hum hnan a.


"I rawn tlan a ni. Thinphu dawrh dawrh khawpa nasain i rawn tlan a. Claire nena min hmuh dun takah chuan min letsan leh i tum a ni lawm ni?"

"Eh! Dawt...."
A thusawi lo hnial kalh ka tum a. Mahse hun min pe lo.


"I let a. Ka hmuh hlauin min biruk bo san a. I rawn lan leh ka nghahna lamah che Ewan ka hmu ta chiah bawk a. Dawt chu min hrilh reng thei lovang.



"Ka hmangaih che, engtik lai pawhin ka hmangaih thin che a sin. Inpawm ve tawh mai rawh. Tah hian... Ta thu awm hi zawm la min pawm ve tawh rawh,ka nghak chein ka thlahlel thin che a sin." a sawi zawng chuan ka thin zawn a rawn tawk kher mai bawk si a.


Tah chuan insum zo hman lovin ka tap baw nghal hawk a. Ka mittui lah rei tak ka up let bo tawh vang nge sah hawk ang mai hian a rawn baw zawih a.



Ka tap khur hlawk hlawk a awma min kuah bei chuan ka kuah let ve nghal a. Ka rilru natna leh ka vei te rei tak up bova ka lo thuhruk tawh min tina thin tak tak tu te chu vawi leh khatah ka luan chhuah tir hawk a. A awma hnar sen hlara ka tah hnu chuan ka thawveng ta hawk a.



Eng emaw chen insum lova ka tah hnuah chuan amah en thei chuan min kuai dak a. Ka mittui luanna hnu hrufaiin ka chal ka hmui ka hnarah ka biangah chuan a rawn fawp lawr dan dan a. Chutia duat taka min fawhna chuan hmangaih ka ni ngawih ngawih tawh hian min inrin tir bawk a.

...........



Ka biang tawn tawna dawma ka hmui a hmuia a rawn tawh chuan ka thaw ham ham a. Ka hmui rawn nawr kaua min a hmui leh lei a rawn chet pawh chuan ka la inhnit feih feihin ka hmui te pawh a khur ru dar dar a.


A dimin a duhthawh zel a. Ka taksa a hahdam chho huai huaiin amah ka mamawhna thin bawk kha a rawn let leh a. Ka taksa a rawn zain a rawn mur cham cham a. A kut lumin a rawn tawhna chin zel chu ka lo hre em em bik a. Ka tha a tikhurin a hmui ka khabe tlang kual atanga rawn sawn thlain ka ir noah a rawn fawp te chuan ka tha a tikhur nasain ka zauthau nasa hle a. A haa a na si lova peh hlek hlek phei chuan amah ka mamawhna a tipung zual ngawih ngawih tawh.


A kut hlei tak chuan ka kawr ban chu ka darah a tuai liam a. Ka kawr chu ka dul kiar laiah chuan a tawm khawm a. Hnuai lamah a tihthlak len tawh si loh avang chuan kan nui dun ta hak a.


Chutah thatho tak hian min pawm kang a. Pindan zim te kan neih ve chhun lamah chuan min pawm lutin khumah min nghat thla a. Tah chuan kan bul tan leh tur ka hria. Mahse, ka lo hnial duh lo. Ka mamawh a. Ka hnar phal lo. Ani pawhin min mamawh ve em em bawk.


Ka kawr hmawr femah chuan thamin ka lu lamah chuan a hlip chho a. Chhuatah a thehthla nghal tawp a. Kawrhnuai ka hak hran loh avangin ka h*ute chu a lang var phir thaih a. Ka panty hak chauh lo chu inbel dang ka nei tawh lo. Min fawpin min chul a. Han inbawh run a rem tawh loh avangin min nam mu a. Min hmangaih thu phun pui ser serin ka bang a rawn seh na na hnu chuan ka panty chu a pawt hlip ve nghal a..



***sex scene...... A duh tan rai laia sex hman dan a ngaihtuah zui theih..........end of sex scene***



Ka bulah a rawn mu thlain a thaw hla hla a. Ka dul rawn chula a fawh tak zawkah phei chuan nuam hi ka lo ti leh hman tawh a. Mahse chutia a bula ka awm leh thei ta mai chuan min tilungchhia a. Min hmangaih zia min hrilh sep sep hnu phei chuan ka tah lo chhuak leh ringawt tawh chu ka dang let hram hram a. Hmui pet fan fanin a taksa ka si chial a. A ke rit puia ka ke min rawn kherh vet chiam ka ke zungtang chu tichein a ke ka hrut na na a..



"Zawh duh min nei em ni?" a hmel ena ka khap sak sak chuan mn zawt a.


"Kei min hmangaih si Claire i hmangaih....." ka tih lai chuan min lo pawt chat leh a.


"Claire ka hmangaih lul lo. Hmangaih anga min lantir chu tum suh."


"Anih si chuan tinge amah ringawt i ngaihtuah thin?" ka awah chuan ka thik zia ka thup zo lova.


"Claire ka care thin tih ka pha lova." a sawi lai chuan ka thik lutuk vanga lungawi lovin ka lo rum nghat a. Tawlh hlat san ka tum chuan min man bet a. "Tun atang chuan ni tawh love. Min kalsan hi ka phal leh tawh ngai lovang."



"Min hmangaih a nih chuan tinge engtinmah i tihlan ngai loh. Ani ringaet kha i ngaihtuah a. Kha party tum pawh khan min hruai i zak a. Amah i hruai daih a. I la fawp ngat zui a." Na ka ti riau bawk.


"Hruai che ka zah vang a ni lul lo." a lo ti hawk a. Bakah kha mi kha ka fawh a ni lo. Tum loh deuhin min lo fawp palh a nih kha."


"Huhh.. Fawh palh a awm thei ngai lo. Anih chuan, i office-a i khawsak pui pawh kha tihpalh em ni?" kha thil ka ngaihtuah chhuah apianga ka awmdan thin natna leh thangtlawm nia inhriatna chuan min luah a. Hmeichhhe dang min neihsan tawh tih ka hriat apiangin ka na nawn awn awn thin.





"Ka khawsak pui lo. I awih emaw awih lo emaw ka hre lo. Mahse ka hriat loh lamah khan min lo ngaizawng ru reng a lo nia. Kalsan tur che pawhin min thlem ngei mai. Mahse ka thei lo a ni. Rei tak chhung ka lo hmangaih tawh leh ka fa nu tur hi ka phatsan thei lo."


"I mutpui lo tih sawi i tum em ni?" awih lo takin k zawt a.


"Ka mutpui lo. Ka neih reng lai che chuan ka mamawh ngai lovang."


"Mahse ka hmu che u."

"Ka hria." a ngawi ta vang vang a.

"Kan pahnih nun hi min lo chawk buai hneh hle mai ka ti ta." a tih ruih chuan bengverh tak hian ka thu chhuak a. Amah chu ka em thla a.


"Mak ti viau teh suh." ka sam chhawl leng uai thla chu ka bengah a zep a. "Sawmtea nen in chungchang dik lo tak takin a lo veivir kual thin hi a lo ni a. Ka thik dawn tih pawh a hresa vek. Chuan ka tum loh dan pui puiin i lakah ka khawsa ta fo va. Ka ngaihtuah let hiaan ka ain pawi ka ti talzet zet a ni."


"Anih ka pa ina thil thleng kha? Zanah min ngai leh thlahlsl awm berin i rawn awm a. Zingah ka biak hlau ngawih ngawihin min kalsan leh a." k sawi zawng chuan ka hnuk a ulh teuh mai a.


"Kha kha chu thuruk. Mahse ka be chak chein ka ngaihtuah chhunzawm reng che."



"Thuruk i toh chu engnge a awmzia?"


"Shii.."..."Hriat chi loh." min pawt mu lehin ka hnungzang leh ka sam a tuai ta heuh heuh a.


...................
........................
.............................




Sawmdawnga chuan ngaihtha takin tihtur pawimawh a neih avangin min kalsan lawk a. A lo haw har dawn loh thu pawh min hrilh.

Inah chuan awmin ka lo nghak ta char char a. Mahse a rawn haw har em avang cuan ka ngaih a tha lo lek lek hman tawh.


'Kinah chuan ka beisei loh lam daih atangin Rinhlua a rawn lang hlawl a.

Ewan pawnah a awm reng si a. Engvanga rawn luh tir mai nge a nih ka hre lo..

Malawmi chungchang bawk min sawi pui leh a. Keilahin kan buai a ta langin ka lo theihnghilh hmin hman der tawh a lo ni a. Pawi pawh ka ihpui lutuk. Ka biaksak leh dawn tih ka tiam a.


"Khawiah emaw leng chhuak ang hmiang. A tan thilpek pek ka duh a. Min thlanpui thei ang em?"


"A ta tur chu nangman thlang zawk la a tha lo ang maw?"



"Ka thlan tih a hriat chuan min pawmsak duh lovang."

"Ka va ring lo e." ka ti nuah nuah a.


"I thlan tih a hriat chuan a pawm duh mah na"
.....

Rinhlua min sawmna chu ka tihhlawhtlin sak a. Mahse, hmun hlaah ka kal fheih dawn loh thu ka sawi a. Kaan in chhak lawka dawr lian lutuk lo mahsse lun ve tak lamah chuan ka kalpui a.


Eitur vel bak kawl an nei meuh lova. Mahse a tuihnaiin na dawr a lun avang hian a tharlam thung bawk.


A bulah ka sawi lawk avangin hmun dang a phut ngam si lova. Malawmi'n rai laia a eichak thin vel ho chu ka lak khawm pui teuh a. Ka ta tur tlema zawng ka la tel bawk a.


"Heng ho hi a duh loh pawhin phunnawi suh ang che. A tuar kha a na ltuk a. Dam ni a la nei ve mai ang." a bu nghauh nghauh a.


Kan thil lei khai bawr tan chungin kan chhuak leh a. Khai tur zawng zawng chu Rinhlua'n a khai vek a. Ka ta ve tur chu ka khai ve leu a. Dawr kan chhuah atanga hla vak lo kan thlen chuan kan hmaah motor a rawn ding slip ri phei tuar a. Min rawn su dawn emaw ka tihhman avangin ka hlau chu ka thin a phu rang hman zawih zawih khawp mai.



Motor chhung atang chuan tu te nge an nih ka hriat hlei loh hmai tuam pathum an rawn chhuak thawt a. Hrilhhai lutuka ka en lai chuan ka banah min rawn kai ta lawp a.



Keia hlauthawng chuan engtin tak nge min tih awh ka hre lo. Ka thil khai lai chuan k lo vaw let ve pawp awp a. Chutia ka au tur chu ka hmui an hup betin thawk harsa zawng chuan a hupbet ta tlat a.


Motor chhunga min hlan an tum laite chuan hlauthawng lutukin ka lo tal vak vak a. Ka rilru chuan Sawmdawnga ka au mawlh mawlh a.
Ka pum rawn nat zawk chuan khawi laiah tak nge ka tauh pawh ka hre lo.

A rawn na nghal rawm rawm a. Chu chuan ka tha a tizawiin motor kawngkhar an khar tur atang chuan min chhantu tur mamawh lutukin pawn lam ka en tawk tawk a. Mahse Rinhlua a thil khai bawr teuh leh a lu thia metal roada mu chhing reng bak tumah ka hmu lo...




Ka rilruah chuan a hmaa ka thil tawn kha ka hrechhuak a. Chu chuan hlauhna namen lo min pein ka naute chu ka chan phah mai ang tih ka hlau ngawih ngawih a. Ka rilru chuan Sawmdawnga a lam ruai a. Ka hmuh phakah erawh a awm si lo.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)