*DENNIS* BY Ramdinsangi Ralte‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: *DENNIS* BY Ramdinsangi Ralte‎ (Completed)

Unread post by Ngaia » December 2nd, 2019, 6:23 pm

Dennis-in final a hmun ngei ah rawn en chak ve hle mahse doctor in mipui huhang dawng turin itaksa a la fit tawk lo a, a theih hram chuan final chu a hmunah en lo mairawh iban chauh hi nise chuan engmah a pawina a awm lemlo a, ilu leh inakruh hliam te vang hian mipui bengchheng karah i awm hi a thalo antih avang chuan final pawh a hmunah min tawiawm ve thei dawn talo a.







A mah a khel thei tawhlo tih tawhsa naklai in kan inkhel a hmun a min en theilo tur chu a lunghnur in a mittui a tling pam a, ka khawngaih kher mai...A dam vat vat duhlo ila chuan doctorin phallo sateh mahse ka hruai lui chiang viau ang chu, mahse damvat se ka duh ve tho bawk si a, doctor in a tan a thalo antih chu thuawih takin zawm se ka duh vangin a lunghnur lutuk chu tih lungawi tum chuan ka thlem a.








"Mate nui tawh la, khatia mittui nen i awm reng chuan ka kheltha thei dawn miah lo ania, ka biang ah hian min han muah lawk teh, imalsawmna ka mamawh ania" ka tih chuan a mittui chu a khap per sak sak a.







A rilru put hmang tur chu ka hriat thiam pui khawp mai, infiam mi tan chuan vawikhat lek game fight theih loh pawh hi a hreawm thin a, he tiang a naupang chhia ang mai a anuar pawh hi ka dem hauh lo.







Mittui nen chuan min rawn nuih var var a, "Lo kalhnai teh" min rawn tih chuan ka pan hnai nghal vat a.







Ka hmui a chuan minrawn fawp zauh a, ka hmangaih ka chak na leh ichakna zawng zawng sawm khawm in champion ngei thei turin khel rawh aw, basketball court ah ichetla lai vel ka hmu thei lo tur che hi ka rilru ana lutuk a, hreawm ka ti bawk si a ka mittui hi a lo chhuak zel a lawm" inthiam lo deuh a a rawn tih suan a mittui rawn luang chu ka lo fawp a.






"Nangmah vang hian chak ngei tumin ka khel ang" ka lo ti ve thuai a, rei awm na hun ka neih loh avang in damdawi in a tang chuan ka kalsan ta thuai a.






Dennis-i nu tihloh a pa leh a laizawn te ho zawng zawng chu inkhel en turin an rawn Kim thap a, chutiang bawkin ka chhungte ho pawh in min tawiawm a...mipui inkel enchak ngawih ngawih tamtak awm mahse indoor stadium changtluk tak kan neih loh avang in ka rual awt ru angreng khawp mai.







mizo thalai te sport lamah kan lutthuk chho zel a, tribal ti a min hmusit em em thintu te mithmuh ah kan theihna kan lantir ve zel a, tun atang a kum reilo te ah chuan mizo thalai te hian khawvel hi kan la sawinghing ka beisei tlat ani.







Chu mi anih rual chuan sport lam ah chauh rilru pe loin zirna kan uar deuh deuh a ngai bawk a, zohnahthlak te zingah hian mithiam tamtak kan awm phawt chuan kanram kan hnamin hma a sawn a nga, he kan ram zimte hi khawvel hriat thamin kan chawisang thei dawn ani.







Dennis-i kan players pawi mawh tak in min telpui thei tawh lo mahse, players te kan in lungrualna a tha bawk a, tanrual chu chakna anlo tih thin ang ngei in, hmuh nawm lo tham khawp in final a kan elpui Punjab basketball team chu kan hneh a, kan inkhel chhung zawng in Dennis-i ngaihtuah chungin ka khel a, nidang zawng aiin ka khel tha in point ka score tam bawk a, ka hlim ru veng veng.






Lawmman semna te ka neih zawh a mipui in min tinsan hnuah kan trophy dawn te nen Mizoram basketball players te chu Dennis-i hmutur in kan kal nghal a, cabin a awm anih vangin damlo dang han venthawn tur an awm lemlo bawk a, thla kan la ho nasa a kan lawm na chuan van a tawng nimai hian ka hria.






Hetiang tak a mizoram basketball team te kan thlensan theih na chhan hi dennis-i kan tilo thei lo a, kan hlimni ah hian kan theih nghilh lo a mi pawi mawh dang min hmuh duh tamtak awm mahse chung zawng zawng ai chuan Dennis-i awmna damdawi in lam pan kan ni chiah reng bawk a.






Ka nau te ho hi kei aiin tawngkam an thiam in fiamthu an duh em em a, dennis-i kan tur a anlo kal tawh phawt hi chuan duh ai hian anti nui nasa mah mah thin a.







Vawin ah pawh Lal op-a phawk a chhuak leh pek a, Dennis-i bulah chuan thu in.





"Dennis he tiang tak a nula hmeltha hi Engtin nge khang hun kanlo hman ho chhung zawng khan ka lo hriat miah loh theih che, Hector-a ai saw chuan ka hmeltha in ka pa zawk a minduh zawk lo ami? A ni saw chuan a ti hlim thiam ve ngut lo ang che a inhmuam up thei ropui si nui vur vur chung chuan ati a.






A ngawi mai dawn amaw tih lai chuan. Vai film a misual Lalpa te pawh a an em saw" arawn tih leh chuan an vai mai chuan zazet chuan an nui a, ka thinrim lek lek mai opa lam chu pan in ka pen phei pawk pawi a, kei aiin a te fe zawk a vang chuan dennis-i bul a a thu chu a zak ah la in ka pawm sawn daih a, ka chezia chu thian te ho chuan minlo thlir thap a.







"Ti khan ngawi hle hle in lo thula kan inneih hunah ka best ah itang ang" ka tih chuan opa chuan mak ti lutuk ang mai chuan a lo ang huau a. "yess irilru thlak miah suh aw, mopa thianpa ka nih chuan kalar dawn thiante u opa a lar dawn" ti chuan a rak chul a, an vai mai chuan an nui zo leh ta vek a.








Thiante haw fel hnuah kei chu ka la awm hnufual a, chhunlam a kan inkhelh chanchin chu ka hrilh malh malh a, ngun fe chuan ka thusawi chu a lo ngaithla a. "Hector basketball hi ka khelh leh theih iring em? A rawn ti chhuak phawng a.






" I damvat anga basketball chu ikhel leh thei dawn a lawm" ka lo ti thuai a.



"Mahse hmeichhia kani tih an hre vek tawh sia, Mizoram tan hian ka khelh a rem ve tawh dawn silo a" a ti hap a, hreawm ti lutuk hmel hi a pu a.






A kutah chuan ka hum vang vang a. "Mate idam ve leh kan innei anga fate kan neih chuan basketball hi chu ingaih tuah hman tawh dawn hlei nem, kan fate enkawl bak ah keimah min tihlawm ingai bawk anga, thildang hian irilru a lapeng hman tawh in ka ring lo" ka tih chuan a ner nawk a.






"Kan inneih vat thei in ka ring lo" a tih chuan "Engvang in maw" ka lo ti var a.

"Kanu leh pa te kiangah hun enge maw chhung chu awm ka duh dawn a, ka chhungte kiangah hun ka hman tlemzia ihriat kha, nu leh pa hmangaihna dawn a rilru thlamuang tak a awm ve ka duh a lawm" a tih chuan ka lo tang teuh a.





"Chu ka kiang a awm ai chuan inu leh pa te kiang a awm chu ithla hlelh zawk tih na ami" ka ti hmuk a.





"Ngaikawi lo la, ikiang a awm te chu ka thla hlel lutuk a lawm mahse kei hian chhungte hmangaihna dawn ve ka thlahlel ve tho tih hi min hriat thiam pui la ka duh a nia" ka mit a min en kal chung chuan a ti a.








Kei in nikhat chu sawilo darkar reilo te chhung a hmel hmulo a awm ka theih loh laiin, ka kiang a awm aia a chhungte kiang a awm a thlahlel zawk chu ka hre thiam thei hauh lo mai.





"A nih chuan i chhungte bulah chuan iduh chen chen i awm dawn ania, ka thlak hlelh luat ah che ka lo nawr mah mah che pawh ania nge" ka tih chuan a hmel chu a buai nuaih a.







"I thinrim ami? A rawn ti nghal chat a.

" Thinrim lo e, enge thinrim natur awm ichhungte bul a awm ithlak hlelh vang chuan enge kalo thinrim ve ngawt ang"



"Hector dawt sawi kha tumbuai lo mai rawh, ithinrim leh thinrim loh chu ka hre chiang khawp mai, kha chen kan lo inzui ve tawh a ka hre chiang ve tawk che chuan ka hria, ilungawilo anih kha. Ika in sawilang lo mahse ihmelah khan ka hmu vek a lawm ilawmlo tih chu" a rawn ti hliai a.







"Minlo hrechiang tawk lo anih chhia va chu" ka tih chuan. A hmel ah chuan natna a rawn lang zawk a, a thaw hak a.







"Chhungkua ka mamawh leh thlak hlelh thinzia kha ihria em? Tunah ka chhungte ka nei let ve thei chiah a, engtin nge ka thil neih hlutak hi ka kalsan nghal ngawt theih ang, nang nen chuan englai pawh in kan awmdun reng thei dawn tho a" a tih chuan ka lung awilo zual sauh a.









"I chhungte kalsan turin ka ti lo che, ka nupui nila ka duh thu ka sawi mai a lawm" aw ki ring deuh zawk chuan ka ti a.






"Kan inneih nghal chuan ibulah ka awm angai anga, chu bak bak a kalsan a awm dawn ami? Reilo te minlo nghak la ka duh mai a lawm" a tih chuan ka ding hluai a.







"A tha e, kan inneilo ang i duh leh thlak hlelh ang ngei chu an awm ta pauh che! Ka va haw ve tawh a nge ka ti hmuk a. Ka awm dan chu mak tih hmel zet hian minlo en a.







" Hector ka hmangaih che tih ihriat kha, ka thusawi kha ingai diklo anih kha, nangmah ang chiah khan ka thlahlel ve lutuk tho che alawm tinge khatiang khan i awm ringawt a a nuam kati miah lo a nia ti a minrawn au zui lawm lawm na pawh chu haider in ka kalsan lui ta tho a.







Dennis-i nen hian kan in pawhin thinrim khawp khawp in kan in hnial buai ngai miah lo a, vawin ka awm dan zet chu eng kati zo ta nge pawh ka hrelo ka thinrim tun ringawt a. Ka awm dan inthiam zan lo chuan inlam pan chuan ka inkhalh haw a.







Ka chhungten min lo lawm na pawh chu ka uk sak peih thlawt lo, Dennis-i dam ve leh palai ka tir nghal ang tih ka lo rilruk laiin ani lah chuan inneih a lola duh ikhaw silo a, ka thinrim hluah hluah kei aia a chhungte a thlang zawk chu ka lawmlo a, ka rilru ana viau bawk.






Ka pa in. "Mampui han intifai la zanin tlai chu pathian hnenah lawmthu sawina a hranpa liau liau in inei teh ang u" a tih chuan ngawingul chuan ka room lam ka pan nghal a.







Ka rilru ah thildang a awm thei lo, Dennis-in ka chhungte ka kalsan theilo a tih kha minhnar na ani thei angem? Ka thinglung a zawhna awm chu a chhan na ka nei bawk silo, tinge thil engmah hi a kaltluan theih tak miah loh le, kan hlim ve dawn chauh a buaina dang a lo awm ve leh zel bawk si a.







Manager in kan inlam ah in hmukhawm ila a rawn tih chuan ka phurlo ngang mai, ka nawmsam vak loh thu ka sawi chuan naktuk zanlam ah kan ti mai dawn ami? In inkhel chau bawk si a, zanin chu hahchawlh nan hmang tak ula atha ang a rawn ti nghal sawk sawk a, keipawh chuan naktuk zan chu a that ka ring ka lo ti ve vat a.







Khumah chuan zangthal zawngin ka mu duai a, zandang chu nise dennis-i kiangah ka awm leh tawh ngei awm si a, tlailam a kan thu a in bat fuh lutuk lo nen ngai viau mah ila min thlahlel ve lo ni a ka hriat tlat vang chuan hmutur pawh a kal buai ka duh lo a.






Dennis-i----pov



Hector-a khan ka thu sawi awmzia kha a manfuh chiah lo anih hmel khawp mai, min haw san a tang in a reh zui nghal hmak a, nidang ah chuan min hmutur a arawn kal loh chuan minrawn phone tal thin kha ania, zan darriat ah pawh a hmel chu sawi loh phone tak ngial pawh min rawn phone lo ania.







Kawngka lam chu ka melh awl lo a, u kimkimi chuan kawngka lam ka melh ngun lutuk chu a lo hre thiam ani chek ang chu.





"Dennis Hectora-a hi a va reh ve a, a lo lan hun inghak hlel lutuk zawk nge kawngka lam imelh reng a" a rawn ti nge nge a.





Rilru hnual zet chuan "A lo kal dawn hleinem" ka ti zuai raih a.





"Chuti si tinge kawngka lam saw i melh char char a! Kawngka imelh na lamah imit a kalh zovek a nge" nui hawk hawk chung chuan a ti a.






Ka u sawi kha a dikreng, Hector-a a lo lan thut ka rin a vangin kawngka lam melh loh ka tum pawhin ka melh lo thei lo a ni ber mai, ka thusawi ah khan enge thinrim a huat tur awm engmah sawi lo a a rawn langlo ringawt vang chuan ka lung awilo a, ka tah hi a chhuak urh thei.







U kimkim-in darkua pelh tawh ah chuan." Mate mutawh la, mut tam imamawh a nia" mintih chuan kam khat mah in ka chhang lo a. Khumah chuan ngawi reng in ka mu a ka mit chu ka chhing nghal daih a.






"Hector-a nen in inhau tiraw? Kimkim-in a rawn tih chuan peih lo zet chuan ka meng siar siar a. Ka u in chik fahran a minlo en reng a vang chuan ka then sak a, Bethsy kiangah tih loh ka u te pahnih bulah hian Ngaih zawng lampang hi ka la sawi ngai lo a. Zawhna min zawt miau bawk si a.






"Muthilh ka duh a nia" tih bak in chhan dantur ka hre lo.




"Mate i awm dan ah khan rilru hahna inei tih ka hre thei ania, eng thil chuan nge kanau hlim thei zet hi lo ti lungngai tih hriat chu ka phu ve chuan ka hria" a rawn tih chuan khum a tang chuan ka thu chhuak leh ta nge nge a.






Khumah chuan rawn lawnin ka hma ah chuan a rawn thu ve nghal vat a, nui sen sen chung chuan ka kut nalo lam chu a rawn lakang a.




"Le han sawi tan tawhla, iharsatna chu u unaunu hian ka sutkian sak thei ngei ang che" a rawn ti sap a.





"Hector-a hi ka lakah a lung awilo niin ka hria kim" tih pah chuan hnuailam chu ka melh daih a.



"In inhau tihna ami?

" Hau em em pawh anilo, tlaiah khan idam ve leh palai ka rawn tir nghal ang atia, ka chhungte kiang a awm ka la duhthu ka hrilh a, ka thusawi ah khan huattur a awm ka hre silo a a thinrim ringawt a" ka tih chuan ukimkimi chu a lo thaw halh a.






"Hector-a chuan ani aiin keini ichhungte ithlang zawkah a ngai tihna ani maw? Tha takin insawi dun lo ami naute? atih chuan ka lu kalo thing nar nar a.






" Hrilh fiah chu ka tum ve reng a lawm, ka chhungkua ka nei let ve leh thei chauh a, pasal han neih nghal daih chu ka la duh rih lo mai ania, chutah chuan enge tih dikloh ka neih a? ka tih chuan ukimkimi chuan "Engmah tih diklo inei hauh lo, inthu a inbat fuh lo mai chauh anih chu" a lo ti vat a.






"Nu leh pa te hmangaihna dawn a chhungkua a awm ho rih ka la duh ani ve mai a. Amah aiin i chhungte ithlang zawk mintia, iduh chen chen ichhungte bulah chuan i awm thei ang a ti bawk a, min haw san a tang in min rawn be bawk silo a, ka rilru a hah a lawm" ka tih chuan ukimkimi chuan ka thusawi chu ngun deuh hian a lo ngai thla a.






."Hector-an a kiangah awm vat la a duh a, nangin kanu leh pa bulah la awm deuh rih iduh bawk si a, inhau lo in thatak a sawidun tur ania in thiam lo ve ve anih chu" a rawn ti sep a.






"Ka hmangaih thu pawh ka hrilh vek alawm, ka chhungte ka thlang zawk ah angai tlat a, ka tumloh deuhin ka chhungte lak a tang a min lak hran itum ka tia" ka tih chuan ukimkimi chuan "I ti diklo anih chu, hector-a tan chuan lungawi loh pawh a awm ve reng anih chu, nupui ah neih che aduh a nangin ka chhungte bulah awm kala duh iti bawk si a, amah thlang lo a keini minthlang ah a ngai pawh chu a dik ve tho mai..ngaihdam dilla a tha in ka hria" a tih chuan ka ngawi reng a.







A mah a thinrim hmasa zawk a, ngaihdam dil chu ka duh bik teuh lo mai, ngaihdam dil duhlo ila min kalsan hlen tak tak leh si sela, keilo pawh hmeichhe hmeltha leh fel tak tak a hmu hnem ropui bawk si.






"Mate tlawmzawk an awm loh chuan remna a awm thei ngai lo ania, nangmah khan va bia la engkim a fel vek dawn a lawm" min tih pawh chuan ka chechang duh chuang lo a, hmeichhia zawkin ngaihdam dil chu ka tlawmla ve tlat a...Cont





Note+--Zanin ah a tawp dawn emaw ka tia a la tawp leh thei rih lo, ka rawn dah hma thei lo bawk silo a in zahawm thin khawp mai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2019, 6:23 pm

Kimkim-in Hector-a ngaihdam dil turin min ti mahse ngaihdam ka dilna chhan tur reng reng ka hrelo, ka muthmun a ka Ngaih tuah ngun pauh leh engmah sawilo a min rehsan hmak chu ka lungawi thei lo a, muhil thei lo chuan khum ah ka let tawn sek a, be hmasa tu zawk a tan chu a tlawm thlak ka ti in min biak hma chu ka be biklo ang ti in rilru na siam fel a.






A tukah pawh chuan nileng in a rawn lang lo a, kanu in "Hector-a hi tinge a rawn kal miah loh le, bawihi a rawn bia che em? atih chuan ka lu kalo lo thinkhum ringawt a. Khatiang thu ho te vang mai a min tihtauh khum duh anih chuan a thu a ni a engmah sawi theih ka neilo.







Zanlam ah ka muhil mang lo a, kalu chu a rit luk a nileng chuan khum atang in thochhuak peih loin ka mu reng a, ka damdawi mumlian in min tihtauh khum vang chuan ka natna a zual ni maiin ka hria.







"Enge in an tawh a, Inlo thazel em? Remruata aw ka hriat vang chuan ka lo in sangmar teuh a, ka mood a lo chhe tawh sa nen remruata lo lan hun chu a fuhlo ka ti ngang mai, minkan turin a rawn kal ve miau bawk si a, lo biak that loh lah mi 'a' nileng tan lo chuan a tih chi der bawk silo a.








Nui var var chung chuan " kha iva that tawh hmel ve? Min insawn san daih sia kan hnalam ah kanlo buai ve bawk nen ka rawn kan hman lawk lo che u a, Beth-i pawh ka hmai zah khawp mai" a tih chuan kanu chuan.






"I buai awm teh lul nen irawn kal duh anih kha, doctor in karthar lam ah khi chuan inchhuak thei tawh ang min tia sin, remruat ilo kal rem chang hlauh a tikhan lo awm la damdawi leingai kan neih hi ka zuk leilawk a nge" a tih chuan min chhuahsan zui daih zui a.






Hector-a pawh nise a lo kal tawh hi chuan thil tihtur chhuanlam eng emaw siam hian min chhuahsan ve ziah chu ka haw takzet, kawng leh lam a ka ngauhtuah erawh chuan, damdawi in ah kan awm rei ve tawh a, han van khawthawn te a chakve anih ka ring deuh a. Hector-a pawh in ichhungte hi an zei tiin min fiam phah fo leh nghal a.






Sawi maitur ka hriat loh avang chuan ka thu ngawi reng a, remruat-an a aw arawn then tak khurh khurh ah chuan a mah chu enin ka nuih sak a.






"Rc-i ilak a a chetdan mawilo tak vang khan ngaihdam dil che ka duh a, ichung a thilthleng zawng zawng ah hian ngaihdam kan dil mawlh mawlh che ania, Bethsy pawh ka hmai zah in a hmel hmuh pawh ka in thlahrung a, rci thiltih sual rah hi keini a chhungte hian kan swng mek zel chu a nih hi" a tih chuan.





"Engmah inthiam loh a awm hleinem, thil ti sualtu ber in inchhir na a neih miau siloh chuan engmah nangni in hreawm Inlo tihkhan awmzia a neilo. A awmzia chu inthiam lo deuh a in awm kher a tullo tihna a nih chu" ka tih chuan a thaw deuh hawk a.






"I sawi Dik reng mai, mahse kan rilru a nuam chuang silo a, in chhungkaw hmel hmuh pawh hi ka tan chuan thil nuam a ni miah lo a nia, engpawh chu nise lo dam vat vat la kan rilru hreawm lutuk te pawh hi a kiam ve deuh mah na" a ti leh sup a.






Sawitur ka hriat loh em a vang chuan ka ngawi ta reng a, remruata hi a hma ang khan ka nel tawh hauh lo mai. Bethsy-in ka pasal a tan min duh pui em em thin kha ania, a mah a polite in a bul a awm a hahdam thlak ka ti thin a, rci ka lak a rawng tak a a chet hnuah hi chuan an chhungkaw rimnam hrim hrim hi ka nel thei tawh lo a, ka thil nuam tih em em basketball tha tak a ka mangtha theilo ringawt pawh hian ka thinrim na ati zual ting tawh a.







"Hector-a chu a rawn kal dawn emaw tia tinge a kir leh takah daih" remruat-an arawn tih vang chuan ka hawichhuak vat a, ka lungphu chu a rawn rang nghal zawih zawih bawk a.






Hector-an remruata a thikzia hre chiang bertu ka ni a, remruata nen chiah min rawn hmudun leh a nih ngat chuan rilru dang a pu leh ngeidawn tih chu ka beng ka hriat chian tluk in ka hre chiang si a, kan buaina a punlun zual sauh dawn ni a hriatna ka nei a, ka hlauthawng kher mai.







Nimin lamah kan thu a inbat fuh vak lo nen, a thinrim nasa zual sauh ngei ang le. Tlawm leh zah pawh ka dawn thei tawh lo remruata chu "min hawsan tawh la muthilh ka mamawh in ka hria" kati ta ringawt a, mi a anilo a ka chezia a tang in ka rilru put hmang a manthiam thuai a.






" Aw awle inu lo kir hun chu kalo nghak tawh lo mai ang, nangmah a lo awm ihreh lemloh chuan ka hawsan mai ang che, ilo dam vat dawn ania" mintih leh te te hnuah min chhuahsan zui nghal a.






Remruata a chhuah rual chuan ka phone chu lain Hector-a chu ka call zui nghal a mahse min chhang duh miah lo a, beidawng duh lo chuan ka call lui char char a ka tah hi a chhuak hluah hluah tawh, kanu a rawn kir leh pawh chuan ka lunghnur em vangin ka lo uksak peih lo a.







" Bawihte remruata kha a haw tawh ani maw? I hmelkha engti zia nge a? Na inei ami minrawn ti nghal chul a, ka rilru natna chuan ka taksa na te chu a rawn ti thar leh nimai hian ka hria a, ka taksa pumpui chu a na ngawt ngawt a, insum leklo a tah hawm hawm hi ka chak hluah hluah.







Khumah chuan ngawi reng in ka mu a, a khat tawk in kanu chuan a kut nem thep chuan ka chal chu rawn dekin na ka neih leh neih loh min rawn zawt reng a, a rilru nawm loh ka hlauh a vangin ka tha min Ngaih tuah suh ka tih pawh chuan ngaihthat loh na hlir a khat mitmeng chuan mi en a.






Hector-a nen kan inkar buaina chingfel tur chuan Bethsy ka mamawh ber a ka hriat avang chuan kanu chu ka call tir ta nge nge a, thim hlimah min riahpui turin Bethsy a rawn thlen chuan kanu leh pa pawh inlam panin an in zui chhuak ve nghal a.







Kanu te a thlah fel hnu chuan Bethsy chu khumah rawn lawnin "Le enge inbuaina chu han sawi tan la" a rawn ti nghal zat a.







Chhunlam a thil thlen dan chu ka sawi nghal mawlh mawlh a, lu thing nar nar chung chuan "Hector-a chuan remruata chu a thik a nih hmel khawp mai, in boruak chhiat lai berkher ah arawn lang teh nawlh pawh chu a va hun lo tak ve mawle. Engpawh nise irilru kha tihah lo phawt teh Hector-a chu keiman kan bia ange" a ti awlsam then a.








"Beth keipawh in ka be theilo ania, ibethei bik kher a ngem! Hector-a luhlul zia ila hrelo anih kha, a tih tawhloh lam chu tilo tak ani ka tih lai mek chuan a lo call fel der tawh a.







Engtia han tih nge maw atum ka lo tih neuh neuh lai chuan " Hector-a khawnge i awm a? Tunah damdawi in ah lo kal vat rawh Dennis-i a tha lo ania" tih leh phone off a rual nghal a.. Mak ti fe chuan Bethsy chu kalo en tawp.






"Engthil nge itih kha"? Ka tih chuan min nuih vur vur a.






" Ele Hector-a ka tihder mawle, khatia ka tih loh chuan a lo kal duh tawp nang a luhlul iti bawk sia ti kha chuan a rawn thleng rang viau ang. Ngaihdam lo dil la a duh ang ngei in inneih pawh iduh thu ilo hrilh dawn ania" mintih chuan ka hnial buai duh ting lo.







Nikhat lek chhung min be duhlo pawh hreawm ka ti ania, kumkhua a min kalsan phah lek phei chuan ka dam zo kher lo ang. Ka thil hriat chian tak em em chu, ka chhungte kiang ah ai chuan Hector-a bul a ka awm khan ka hlim zawk tih ka hre chhuak tawh ani, a kiang a thlamuang tak a awm hi ka tan a tha ber bawk.







Bethsy sawi ang tak tak in Hector-a chu a rawn thleng rang kher mai, thaw hlawp hlawp chung chuan cabin chhung ah a rawn tlan lut a, khum chung ah keilah ka lo thu felthen bawk si a, minrawn hmu chiah chu a ding chawt a.







" Engthil nge intih hi" Rum ul zet a Bethsy nen min melh tawn zak zak chung chuan a ti a. A hmel ah chuan Bethsy tihder vang chuan a lawmloh zia a lang chhuak thei hial a.






"Dennis-i hian thil hrilh tur che anei a, a call i chhang duh bawk silo a. Khatia tih loh kha chu kawngdang kan hre ngang lo a, min ngaidam rawh ti khan lo inbia ula pawnah ka lo va chhuak a nge" nui rah rah chung chuan a ti a.





A bag chu la in. "In thu inhmuh thiam loh na zawng zawng te kha thatak in sawifel ang che u, naupang chhia pawh in nitawh lo a, thu ho te te a titau rual in tawh lo chhungkawdin in sawirik tawhlai a puitling lo lutuk a awm a hun tawh hek lo, tihpah chuan kan pahnih chuan min melh ralh ralh a, a chhuak zui nghal tharh a.







Ka lak ah a la lung awilo tih hriat fahran chuan thu duhlo in a Jean's kekawr ip zen chuan a ding khauh luah a, engmah a sawi duh tak siloh ah chuan keiman bul ka tan mai angaih tak si ah chuan "Lo thu la" tih pah chuan thut na chu ka kawk zauh a.






"Enge sawi leh chuan tur awm a? I tan engmah ka nilo tih isawi chiang tawk tawh viau khan ka hre sia, isawi duh chu sawi vat vat la tihtur ka nei ania" a ti bul hmuk a.






A thu sawi vang chuan ka chhungril hi a lo na ngut ngut thei, min thlak hlelh na pakhat mah nei tawh lo ang mai a a tawng chuan min ti na lothei lo. A tan engmah ka nilo ang mai a a tawng vang chuan ka thinrim ve teuh bawk a, lunglian leh lutuk, mahse ka in bengdaih loh chuan kan inkar buaina a punlun zual sauh dawn bawk si.






Huntha tlemte ka neih chu inhnual buai nan mai mai hman ka phallo hrim hrim, ngaihdam ka dil a ngai anih pawhin ka dil mai ang chu, ka hmangaih ber a ni a ka chan thiang lo a ni tawp.







Aw ka nem deuh zawk chuan " Lo thu phawt la, i buai viau chuan ka thusawi zawh ah ikal nghal mai dawn a nia" ka ti leh a. A chesawn duh eih lo reng reng luhlul ve tak chu ani.






"Ka lakah ilungawilo ami? Zawite chuan ka ti a.



Minrawn melh zawk a engmah a la sawi duh chuang lo a. " Ka tihpalh inneih kha ka duhlo a ni miah lo ania, ibul a awm tluk a thlak hlelh ka nei reng reng lo, ka chhungte bul ah ai chuan ibulah hian ka hlim zawk a sin. Itello chuan nikhat pawh hi kum sangkhat ang mai a rei ani, thinrim tawh lo la thadeuh in awm tawh ang aw" ka tih chuan a ner nawk duh lek chauh a.







Engmah sawi duah angai tawh lo, kei hian kalo hrechiang tawk lo che ani. Ni e engvang tehlul in nge ka nupui nitur a ka sawm na che kha ilo pawm duh teh lul ang le, vawin khan ka mit hi tihvar in a awm ve chiah khapa nen in awmdun ka rawn hmuh chiah cheu khan. Ka nupui nitur a ka sawmna che ilo hnar fithla thak pawh kha ichhungte ithlakhlelh vang nilo in remruata vang kha a lo ni zawk a, In inhmeh dun khawp mai ka lung awilo tih pawh ihria a vawikhat pawh minrawn biak itum chhin em?.





"Engthil nge kei hian kalo beisei ve a, tunah chuan ichhungte kiangah i awm tawh a kei hian tangkai na ka nei ve tawh lo chuvang chuan kan kawng tur ve ve kan zawh a hun ve tawh tihna te pawh ania nge, ka kal leh nghal mai ang" tih leh inher a rual a.






Ka beiseiloh lutuk lam thil a sawi chiam vang chuan sawi mai tur hrelo chuan Hector-a chu ka en tlawk tlawk ringawt a, min rindan maksak lutuk vang te chuan ka hnuk a ti ulh hial bawk a.






Kawngka a kan dawn chiah tih chuan ka ngaihtuah na mumal lo zet atang chuan ka harh chhuak ve chiah.






"Ding rawh. I duh duh isawi a ka thusawi tur pawh ingaihthlak hmain kal leh nghal mai itum ami? Zorinsang min rinna chhete mah inei ve miah lo ami a? I kal hmain ka thusawi tur hi ngaithla ve phawt rawh ka tilo che ami? Chuti fakau a min kalsan i chak chuan ka sawi zawh ah ikal dawn ania.







" Kei hian ka hmangaih che tih hi ihrelo ami? Ka hmangaih lutuk che asin helai hmun a ka kohna chhan che diktak chu inupui nih ka duh tih thu hrilh che ka duh vang ania, mahse nikhat lek chhung in ilo danglam hman vek a nih hi, irin thu awmze neilo lutuk kha theihnghilh rawh! Remruata kha an chhungkaw aiawh a ngaihdam mindil tur a lo kal anih kha, a ni khan ka thinlung ah hian hmun a chang lo a a chang ngai bawk hek lo ang tih ilo hre tel bawk dawn ania" ka thusawi tawp lam phei chu a tap aw tiau hian ka sawi a.






Kal ta mailo a kawngka bul a a din run a vang chuan " kaltawh rawh ka sawi zotawh" ka ti sep a a kaltur pawh en ngam tawh lo chuan khumah chuan muin rizai chuan ka inkhuh nghal daih a, ka rilru na lutuk chu tah rin hlau zet hian ka tap nghal zawih zawih a.







Kan in hriat thiam loh na te kan sawidun a nga thatak in kan awm leh ka lo beisei ve em em a, in then pawh chu a lo van Chak awm em em ve!.. Kan awmdan hi ka mumang nizawk se ka thangharh rualin engkim kha a pangai ang kha lo ni leh se ka ti ngawih ngawih.







" Mate itap duhtawk tawh em"? Aw ki hniam ruih a rawn titu vang chuan ka tap chu ka bang hmak a, ka puansin chu rawn pawt hlimin a ka luchung zawnah chuan rawn in nemkhalh in chiang zet hian minlo en run a, a kalliam daih tawh tur ah kalo ngai a, a lola kal hauh lo tih na, ka hmai chu ka mittui chuan a luan huh vek a, ka lang chhe viau in ka ring ka zak bawk si nen chuan "misualpa kal rawh" ka ti tham tiak a.






Nui hawk hawk chung chuan "ka kal tak tak ihlauh em kha aw, kaltur chuan minti lo mai teh" tih pah chuan ka hmai a ka mittui luang chu a rawn hru mawlh mawlh a.






"Mimawlnu ka fiam che anih kha, engtin nge kei hian ka kalsan theih che irin reng reng a. Thil zirtur ineih vangin nizan pawh khan ka rawn kallo mai mai anih kha, izirlai chu i zirzo tawh anih hmel khawp mai" la nuireng chung chuan a ti a.






Keilah kalo lungchhe laklawh ve tawh bawk si, a khawsa zia ka ngei lutuk vang chuan rum lutuk chuan ka melh a. "Tikhan min melh vak vak lo teh, ka ngai che ania tawlh deuh teh kalo mu ve teh ang ka chau ania, nizan ka muhil miah lo ka ngai lutuk che a" ti chung chuan ka sirah chuan a rawn thawlh ve nghal sawt sawt a.







Thil thlen dan teh nuaih vang chuan ka hamhaih zo vek tawh "Tho teh Bethsy a rawn kir tep tawh ang" ka tih chuan "A rawn kir tawh lo ang, ka hawtir daih tawh zanin chu keiman ka riahpui dawn che. Che che lo khan mu hle hle rawh" ka bengbul a rawn ti sur sur chung chuan ka kawr ah chuan zen lut in ka awm a rawn dap ruk ruk a.






Ka hnial buai duh tawh bik lo min kalsan hlen tak tak ka hlauh zia kha pui tak ani, a taksa ka tawk leh thei chu ka hlim veng veng. Minti mangan lutuk vang erawh chuan hremna han pek ve hlak chu ka duh a, mahse a mah ka thlak hlelh luat vang chuan ka thinrim phal bawk silo.






Ka hnute hmur hmet hrual nauh nauh pah chuan ka nghawng leng beng vel chu a hmui lum thur Thur chuan a rawn fawp lawr dan dan a, a khabe hmul to hlim in min Chhun sep sep bawk nen a za ka tih em vang chuan ka thaw chham lo chauh a.






" Awm ve mai mai teh, damlo ka nih hi" ka ti bak hlar a. A thil tih lai chu a chawlh phah eih lo hrim hrim.







A taksa chu rawn in bengkang in ka lu chu a lamah a rawn kuai dak a, duhthawh lutuk chuan min rawn fawp nghal buan buan a, rum hawk chung chuan a inla hrang a, "Mate dam vat vat teh ka insum thei lo lek lek tawh chu anih hi" a rawn ti tham tuak a. A insum nasa ve hle tih a taksa insangmar nasat dan leh a aw khur dur durah chuan a hriat theih.







Nui rah rah chung chuan " kanti mai dawn ami"? Ka tih chuan " ngawi mai mai teh" a rawn ti hluk a, ka taksa tan a tha lo tur zawng hian a che dawn lo tih ka hre chiang ve tlat.







Pangai deuh zawk chuan " remruata chuan vawin khan engthil maw a rawn tih a? ti a min zawh chuan "rci ka chung a a chetdan velah ngaihdam minrawn dil a, thil ti sualtu ber a inchhir chuan loh chuan nangni ngaihdam lo dil in awmzia a neilo ti a ka lo chhan thu ka hrilh chuan " I tidik chiah ngaihdam dil ngam tur pawh anni hlei nem, engpawh chu nise inhau tawh lo ang aw" a rawn ti sur sur a.






Nui hak hak chung chuan " I tihtauh loh chuan inhauh na tur a awmlo ani mai" ka lo ti vat a, inneih iduhloh vang a nih kha chubak ah khapa nen chiah inlo awmdun kha ka rawn hmuleh bawk si che u a tih pah chuan ka nak a rawn kawm zauh a, kalo rak that ah chuan inthiam lo lutuk chuan minrawn en nghal vat a.







"Mate ana em? Ka tihpalh lutuk, anzai na che kha kalo theih nghilh a lawm" hmai sen awp awp a arawn tih chuan a hmai ah chuan ka lo chul sak vat a.







"Khatiang hlauthawng hmel kha pu thin lo teh, khatiang lek lek te na katih in tunthleng hian ka dampui tawh nang che" ka tih chuan a rawn nui nghawr dat a.








"Dennis-i mituarchhel ini tih ka lo theih nghilh hman a lawm ka hmangaih dam vat vat teh aw, ka ngai tawh che ania" a tih chuan ka lo nui tawp.







"I bulah ka awm reng chung hian min ngai amaw"





"Ka ngaihdan che chu, ngaihdan chidang a lawm...chubak ah tun a nangmah hi chu ka ngaina lo, fawh tak ngial pawh ka fawp tha ngam lo che chu anih hi, ka Dennis-i diktak kha ka ngai tawh, basketball thiam em em kha" a tih chuan "Ka damvat anga i Dennis-i diktak chu nei leh thuai dawn a lawm" ka tih chuan mitmeng zim sun hian min melh sawr sawr a.






Kumkhat hnuah.




"Mate ila inpeih lo ami? Anrawn thleng tawh ania" inhnuai lam atang a ka pasal in minrawn au lawng lawng ri vang chuan ka nui sak a, darthlalang ah chuan ka dul puar luah tawh chu chul kualin "naute lo chhuak vat vat rawh aw, ipa ang a hmeltha leh basketball thiam lo ni bawk la" kati sep sep a.






Ka biakna hria ni awm tak chuan ka pum chhung a ka naupai thlariat na hmang mek chu a rawn che ve nghal pawp pawp a, hlim lutuk chuan a rawn chetna lai chu khawih in "ka naute ihlim ve ani tiraw anu biak na che pawh ilo hre thei a ni maw?.






Ka hnung lam a tang a taksa lianpui in minrawn kuah chung a ka nghawng a rawn thawk khum lum hamham ah chuan ka pasal kut chu lo lain "Papa kan naute hian anu thusawi pawh a hre thei vek ania, lo chhuah a chak tawh lutuk a" ti chung chuan ka pum chhung a kanfa lo piang maitir lo che ve dat dat chu ka khawih tir a.







Ka hmui ah chuan minrawn fawp in "Ka hmangaih inalh lutuk! "Ka naute tunah chuan anu leh apa hian infiampui na che hun kan neirih lo a, feldeuh in anu pumchhung ah khan lo awm la inu hi lo ti buai lo bawk la", ka pum chul pah chuan a ti a.







Vawin hi kan inneih a tang a kumkhat leh thla thum na chiah a ni a, tv show pakhat a tang in min kawm na hun an rawn nei dawn a keimah kalo rai lian tawh sia ka huphurh angreng khawp mai.







An show hi live a pekchhuah tur a ni bawk sia chu chuan minti huphurh in ka zam hle bawk, Hector-an ka zam lutuk tih reh nan ka kut chu nghet takin a hum tlat a, zawhna chi hrang hrang thil sawi nuamlo deuh hlek te pawh min zawt bawk a, kei chu ka tawng ve manglo a ni ka pasal hian pasal a nihna chu tlintak a hlen chhuak in min hmangaih zia a ti lang reng a.







" Pu Hector inupui hi mipa ang khan awm in Mizoram basketball team ah khan players pawi pawh tak a ni thin kha ani a, engtin nge hmeichhia a lo ni tih ihriat chhuah dan? Nge a tir atang khan hmeichhia ani tih ihresa"?







Chu zawhna kher kher chu ka duhlo kher mai, ka pasal chu ka en vat a ani pawh in min rawn enin min nuih suk a, ka kut chu lakangin a hmui chuan a fawp zauh a.






"Ka nupui nen hian basketball kan tui dun a, kan intawn na pawh basketball a ni bawk a. Kan college ah kum laklawh ah a rawn lut a, khatih lai khan tumah in hmeichhia ani tih kan hre lo hrim hrim...Bawihi ka hmuh hmasak ber tum khan midanglam bik ani tih ka hrethei a._






Basketball a thiam em a vang chuan karlo ah tuina inang chu thian tha tak kan ni nghal a, hostelah a awm thin a vangin ka chhungte remti lo chung hostel ah ka awm phah leh nghal a, room khat ah kan awm a nitin zantin kan inzui reng thin kan pahnih a kan awmdun tawh hi chuan tudang mah kan ngai ngailo, mahse maktak in ka thianpa chu ka duh ta tlat a, khang hun lai khan ka farnu neihchhun khan Dennis-i hi a at chilh bur a. Ka nu te pawh khan makpa a tan an iai lo thin khawp mai" min rawn melh pah chuan a mit chu a rawn siai zauh a, kan vai chuan kan nui ta dar dar a.







"Makpa hual a tang in monu ah a inlet ta daih a nih hi tiraw, a dangdai hle mai han sawi chhunzawm leh ta che kan thu sawilai kha".q







"Unau pahnih chiah kan ni bawk si a, ka nu leh pa te hian min duat em em a kan tan a thatur hi engkim min Ngaih tuah sak thin a, kan rilru a nat chuan an lo na ve ani mai. Tumkhat chu kanu chuan Bawiha ithianpa Dennis-a hi makpa atan ka duh emai inau tan hian tan lola deuh teh min ti nghe nghe a...kan unau chuan kan inchuh chu ani ber tawh a, kawng lehlam ah chuan mahni anpui Ngaizawng ah in ngaiin ka rilru a hah thin khawp mai, kumkhat dawn kha chu gay ka ni ta emaw tiin ka rilru a hah tluan zak a, mahse Dennis-a ka thianpa ka ngaihzawn ruk em em hmeichhia ani tih ka hriat ni atang khan ka phurrit zawng zawng chu lak kian in a awm nghal vek a ka zang huai thei" a tih chuan nui var var in ka lo en a.









"Engtin nge hmeichhia ani tih chu ihriat chhuah a? Khang hun lai a irilru awmdan tur chu ka hriat thiampui khawp mai che, tlangval luck leh Mizoram chhung ah pawh mi hriat hlawh ber te zing ami ini a, chutih lai a mahni anpui lo duh tlat chu a hreawm ve duh ngawt ang chu...chanchin ngaihnawm tak tak Inlo neitam khawp mai, inupui pi Dennis-i hmeichhia ani tih ihriat chhuah tak dan chu minhan hrilh leh la.?








"National championship Delhi a kan zuk champion kha inla hria anga, khami tum khan ka inhliam a vang khan final niah pawh ka khelve thei ta lo anih kha, kan tumpui turte an rothap in boruak an nei lian nasa mai si a, ka nau te ho pawh an zamchhe nasa kher mai. Khami tum khan captain in charge kha Dennis-i hian a la a, midang an in peih vek tawh lai in alo la in siam ve miah lo ka hmuh chuan thil awmzia ka zawt a, khatih lai a a hmel awmdan kha ka theihnghilh thei lo!..A zam nasa lutuk bawk nen hmeichhia anih thu min hrilh lai khan ka awih lo hrim hrim, a fiamthu ah kalo ngai hmiah a._






Mahse a period thu a sawi khan ka ring ve chiah a. In ngaihtuah na hun pawh awm miah lo khan hmeichhe pads leitur zawngin Delhi khawpui ah ka virbuai nasa khawp mai, khawidawr ah nge an zawrh tih pawh Ngaih tuah lemlo khan ka dawr hmuh hmasak ber atangin pads leitur ka zawng chiah chu mak minlo ti hlawm teh a sin aw" tih ka pasal in a sawi lai chuan kalo sen tawn tawn thei.







In nupa chanchin hi a mak dangdai hle mai. Pi Dennis-i kan zawt ve thung a nga. "Pi Dennis kan hriat angin hmeichhia ini si a engtia mipa ang a awm a khatia Mizoram basketball team a lo khel ve ta mai nge maw inih le? Hmeichhia ini chung khan team tan khan ipawimawh in basketball kha ithiam hle bawk si a. Mipa ang a ilo awm chhoh tandan te min hrilh thei em?







" Mipa ang a ka awm chhan tak chu sawi a rem chiah lo a, minlo hrethiam mai ula mimal thil deuh ani a. Mipa ang a ka awm tan na chu ka naupan lai kum sawm pahnih ka nih atang daih tawh khan ani" tawi fel tak chuan ka lo chhang thuai a.





"Mipa ang a i awm chuan mipa rilru ang ilo puta nge hmeichhe rilru ila pu tho? Tunlai a patil kan tih thin ang ho deuh hian bialnu te ilo nei ve tawh thin reng em?







" Mipa ang a awm kha a tul ni a ka hriat tlat vang a khatia lemchang ta mai kha ka nia, mipa rilru ang chu khang kum kalta chhung zawng khan ka pu ngai lemlo a. Bialnu neih phei chu ka ngaihtuah ngailo hrim hrim zawk" ka tih chuan Hector-a chuan kei hi a ngaihzawng awm chhun kani tihna nih chu nui hawk hawk chung chuan a lo ti a.







Zawhna chi hrang hrang min zawh hnu ah. A tawp nan he zawhna hi kan nupa chu an min zawt leh a.






"Hetia en mai pawh in nupa inlungrual leh in hmangaih tak inni tih a hriat a. Pi Dennis-i pawh nau nei maithei dinhmun ah a ding mek tawh a, fa hi engzat chiah nge neih intum? Tunlai ah intih changkan nan faneihtlem te hi kan intihhmuh nasa tawh a, enge fa neihtlem hi in hmuh dan tih min hrilh thei em" a tih chuan kan nupa chuan kan in en a, ka mitmei chuan Hector-a chu chhang hmasa tur in ka signal a.







"Fa neih chungchang ah chuan kan nupa hi kan in lungrual khawp a, basketball team khat daih fahrin ka nupui hian a in huam a, chu erawh kan duhdan chauh ani rih a chunglam thu thu a ni tel bawk a. Fa neih tlem hi chu kan nupa hi chuan kan pawmpui lem lo".






" Mate ingaihdan han sawi ve la" Hector-an min rawn tih chuan ka ngaihdan chu ka lo sawi ve nghal a.






"Mizo te hi hnam naupang te kan ni a, Mizoram ah hian mihring tlemte chauh kan awm a. Hnamdang te hriat khawp kan nih theih nan chuan mihring in kan tamhneh ve te pawh a tulin ka hria a, hnam naupang leh mihring tlemte chauh kan la nihlai a fa neihtlem lo uar vak hi chu ka rilrem zawng ani ve hauh lo, pathian nupui pasal innei a chithlah pung tur a min duh ang ngei in, a tam thei ang ber faneih hi tun a kan hnam dinhmun ah chuan a pawimawh kati a.






Chu mi anih rual erawh chuan nu leh pa ten kan fate hmangaih dan kan thiam a kawngdik kan kawhhmuh erawh chu angai a, mizo te zing ah hian lehkha thiam ram leh hnam tan a in nghah na tlak hi an kat ferfur mai sela, chung hunah chuan kan ram leh hnam hi hnamdang ten min chimral mai mai kan hlauh na te hi a bo phah ngei pawh ka ring.





A pawimawh berah chuan nu leh pa ho te khan fa neihtam hi i uar sauh sauh ang u, keipawh hian pathian in rem atih a ka dam phawt chuan ka pasal sawi ang khan team khat chuang fahrin ka tum ania" kalo ti ve duah a.






" A ropui hle mai. Pu Hector-a te Nupa sawi ang khan kan ram leh hnam humhim nan mihring tamtak leh lehkha thiam mizo te zing ah kan awm tam angai a, fa neihtam kan intihhmun a hun tawh tih kha mipui ten kanlo hriat thar leh atan a pawimawh in a tha hle mai. Kha zawng kha tuntum a kan hun rawn hman theih chu ni mai se" ti in kan inkawm na hun chu a titawp a.







Kan inleng te ho hnu chuan zawi zet in sofa ah chuan ka mu nghal thlawrh a, kan thurei angreng bawk nen rilru tang teuh in ka lo awm vei nen ka chau hluah hluah a.







Kanu chuan "Bawihi Ivan chau awm ve a? In room lamah han mu hahdam tawh, irai lian tawh bawk si a anrawn kawm hun cheu kha fuhlo kalo ti rilru angreng viau a ka lo ngaihtuah lutuk che a. "Mampui innu hi in room lamah han hruai chho rawh hei a chau anih hi" min ngaihsak tuah zet chuan a ti bawrh bawrh a.






"Nu min ngaihtuah lutuk anih kha, ka tha lutuk ania kan thurei sia ka kawng a kham lutuk a ka muzal mai mai a lawm" ka tih pawh chuan "Han mu hahdam hrim hrim rawh inauneih a hnai tawh si in dimdawi ingai ania, lo han mu hahdam la bawnghnute ka lo chhuan sak ang che" a ti deuh tlat a.







Hector-an zo zet a min rawn chawi chuan ka rak deuh that a, ka nu chu a lo nui hak hak a.





"Bawihi ti khan inpawmtir mai mai rawh, keipawh ka rai lai chuan ipa hian min pawm kual nasa thin teh ania, naupai hi thil namailo tak ania pasal te lakah chuan pangchang em em mai tur " a lo ti zui bawrh bawrh a.







Khumah chuan dimte hian min nghat a, ka hmui ah chuan min rawn fawp zauh a. " I titha lutuk ania, ka nupui ini hi ka lawm e aw! Fa min hrinsak teuh dawn avang pawh hian ka hmangaih lutuk che a rawn ti ril ruih a.









Nui ver ver chung chuan a nghawng ah chuan ka kut pahnih chu suih zawmin ka kuah a. Nang ang pasal fel leh min care em em tu ka nei che hi ka lawm zawk a sin, nang leh ichhungte hian min hmangaih in hlimna chhiarsen loh min pe tih hi ka hrilh tawn che em, ka hmangaih che tih pah chuan ka lamah kuai kun in ka fawp nghal mawlh mawlh a.





Hector-a te chhungkua hi mi rilru tha leh midang te hriat thiam na ngah tak anni tih ka hre tawh a, hetia an mo ka nih hnu hian an chhungkaw thatna hi ka hmu tam telh telh ni berin ka hria.





Min hringtu kanu leh pa te aiin an bul ah hian awm nuam ka ti zawk tlat a, kanu pawh kan inlam a ka kal khat deuh vang hian a rawn vui ve reng thin a, hmeichhia pasal neih tawh hnuah mahni inlam a kalzut hian eng thiltha mah a phawk chhuak lo ti chuan tan ka lo khawih ve tlat a, kanu pawh in mintih vak ngaihna a hre bik lo.






Ka nauneih thla ani tawh a, Hector-a pawh dawrah kal loin inlam a min awmpui turin ka pa in a ti a, antu hmuh hmasak ber natur anih vang hian a lo pianchhuah hma hauh a tang in an ngaihsak em em a. Min duat leh lutuk hi ka in thlahrung lek lek thin.





Min hringtu kanu leh pa te lahin. An mahni enkawltur in kan fa lo piang tur chu an hauh bet deuh bur bawk a, a lo pian chhuah hmahauh a tang in an inchuh chu ani thawthang tawh a.





Fa hmasa ber tur nimahse ka rai lian viau a, ka neih dawn tak tak chuan keimah ka in zo lo in ka hah hluah hluah thin, ka pasal leh ka chhungten minlo duat ve bawk nen khum chungah chaw min pe lo chauh ani.







Nauneih chu ka chak tawh viau rualin a nat zia thu bak an sawi ngai silo a, nau ka veihun tur vel kalo Ngaih tuah neuh neuh lai chuan hector-a chu ka bulah a rawn thu a. "Mate rilru hahna deuh inei ami? Kalo lut pawh minlo ngaihsak miah lo a" a ti nuah nuah a.




"Kan naute lo chhuah huntur hi kalo Ngaih tuah a, a na viau a ngem le?.

" An sawi dan chuan ana ang".


"Mate ihuphurh viau ami? Kan zai chhuah tirmai dawn ami? Na tuar lutuk loin nau inei anga a tih chuan kalo melh ram ram a.



" Ana ve bawk ang chu, inzai kha sawiri tawh hleksuh. Basketball team khat daih faneih kan tum tih kha i theihnghilh ta mai ami? Kalo ti hlak hlak a.





"Huphurh tawh miah suh aw! Ibulah ka awm tlat dawn a lawm chubak ah nau nei vat tawhla ka duh, iraipuar pawh hi ka it reng tho che sia chawbel bul a tamchhawl an sawi ang chauh kanih tawh hi" thutak lutuk a atih chuan ka khawngaih ve reng. Ka rai atang hian sex minhman pui tam lutuk lo a, chubak ah ka naupai a hram deuh hnu phei hi chuan nupa nun kan hmang tawh lo hrim hrim zawk.





Tluangtak fapa duhawm tak ka nei a, ka pasal hlimna khan van atawng ani ber in ka hria. Kan chhung te zawng zawng pawh anlawm a, chubak ah basketball lam a kan thiante anlawm bawk a, naupiang tawh zawng zawng zingah lawmtu a ngah ber hial lo maw? Nurse te pawh in anti hial reng a.






Engmah harsat na dang ka neih lemloh vangin inlam ah kan haw nghal a, ka pa chuan a tu neih hmasak ber lawmnan chawhlui a buatsaih a, kan ri teng tung a kan inchhung ah naute a lo awm ve tak a chinah phei chuan chhungkaw nuam tak ni thin kha a nuam leh zual sauh a, hetiang khawp a hlimna famkim hi ka tawn tawh kalo ringngai miah lo a, mahse ka pasal leh a chhung te vang hian ka hlim ani.









Kan fapa hming phuah a ngai a, karkhat a pian atangin a ni tawh a hming a la neilo cheu a. A chhan pawh a pu te pahnih in hming phuah an inchuh vang ani, tlawm zawk nih an duh lo ve ve bawk si a kan fapa pawhin hming a neih loh phah reng a. Kan nupa tan pawh a luhai thlak angreng khawp, hector-a mangang chuan phuah lo ve ve mairu keiman ka phuah mai ang atih pawh chuan engmah kawngro a su thei chuang lo a. "Bawihte ipu te pahnih hian an at anso a hming pawh ineih har phah anih hi" ti chuan a fapa chu a be mawlh mawlh a.







Chutia kan fapa hming neilo a awm reng chu a dik thei nganglo a ka hriat vang chuan ka pa chu ka va call ta ringawt a.



"Pa fa ka neih leh hunah a hming chu iphuah mai dawn a lawm, tuntum chu ka pasal pa hi kian rih maila a tu hmuh hmasak ve ber nate a ni sia" ka tih chuan "Keipawh in phuah ngei ka duh vetho a lawm" a ti deuh tlat a.





"Nang chuan tu tamtak inei tawh alawm, bawihtea hming neilo in a awm rei tawh lutuk pa nang chu lo inhnuk dawk rih mai rawh ti a thlem na chikim a ka thlem hnuah kan naute hming chu ka pasal pain a phuah a remti ve ta hram a.





Ka pasal pa bulah naute hming a phuah tur thu ka sawi chuan a hlim zia a hmelah a lang thei. Bawihtea ka pawm chu minrawn laksak a, ka fapa mit a en reng chung chuan. " ka tupa duat ihming a tan chuan Malsawmhlua nirawh se, Sawmte inu leh pa te ang hian miropui tak ni ngei tur in ka duhsakna ka hlan che ania" ti chuan bawihtea chu a be mawlh mawlh a.







Bawihtea pawh thlathum a ni ve tawh a, kan mut lai leh hnute ka pe anih loh chuan ka pawm chang meuh lo, amah a chum em em a thlathum ah kg sawm a tling tawh a. A pa hian ka fapa hi a hetia athau reng chuan basketball a khel theilo mai ang tih ka hlau a ti fo thin.






Kanu in "mai mai a, naute te chu anchum a anlo thang lian ve zel a anchum te chu a reh chho ve hret hret zel a, ka tupa hian chhuntur a nei tha che u a infiam mi tha tak a la ni dawn ania" a lo ti ve bawk a.





Bawihtea a muthilh felhnu ah kan nupa chu an kan ti ti malh malh a. "Mate rci kha ingaih tuah ve ngai em? Tunthleng hian jail ah a la tang reng a, a chang hi chuan ka khawngaih thin khawp mai hetia a lo awm chhan hi keimah ka inpuh lo thei lo a, hetiang zawng a chet la lo hian athalam in a nun kha hmangse ka duh teh lul nen nula hmeltha tak hetia a tal ta mai hi hre awm ka ti thin" a ti sup sup a.






"Rci hmutur chuan jail ah kal iduh em? Ani nen khan kan mipa hmangaih a inang a, vanduai zawk ah atang ta mai anih kha a thil tih sual kha a hlimchhawn kha chuan ka dem em em a, mahse hun ankal tak deuh hnu hian ka khawngaih telh telh nikhat lek ka hmuh loh che pawhin hreawm ka tih thin zia chu. Chutiang a tang ringawt pawh chua n arilru nat dantur ka thiam pui a, rci lakah khan ka inthiam thei lo" ka ti sep sep a.







"Sawmtea-pa rci hmutur chuan la kal ang aw, ngaihdam Dil ka duh a chuan lawmthu hrilh pawh ka duh a, ka chung a athiltih sualah khan ka ngaidam tih hrilh ka duh bawk a" ka tih chuan hector-a chuan minlo en ngawih ngawih a.





"Rilru tha lutuk, nangang hi mizawng zawng
hi ni vek se khawvel hi anuam ngawt ang mawle, iduh ang chuan rci hmutur chuan kan kal dawn ania. Dennis ka nupui ini hi ka lawm lutuk ka hmangaih che ti sup chung chuan min rawn kuah hlun a, ka kawr a rawn phelh chuan " Bawihtea iti harh leh ange, tunlai atap ring thei si hmanni ah pawh kan tih laklawh laiin a pu a rawn kal kha" ka lo ti sa sa a...A tawp ta





Note---A tawp ka rawn khar ta ringawt mai, ka story minlo chhiar sak thin tu zawng zawng the chungah ka thinlung takin lawmthu ka sawi mawlh mawlh a, ka phone lam ah harsat na ka tawh avang erawh chuan ka regu thei ta lo a, in hmaizahawm thin khawp mai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)