*DENNIS* BY Ramdinsangi Ralte‎ (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: *DENNIS* BY Ramdinsangi Ralte‎ (Completed)

Unread post by Ngaia » December 2nd, 2019, 6:19 pm

Ka kalna tur pawh en lek lo chuan ka tlan hlawk hlawk ni mai hian ka hria, mipakhat ka su thal tawp tih ka hriat chuan ka ding chawt a, choka a nula awm ve kha ani! Hrilh hai hmel zet chuan "Dennis nang maw? Thil dik lo a awm ami" a rawn ti sap .





"Oh ahh eng mah dik lo a awm lo ka rui lutuk a, bathroom ah kal ka ngai in ka hria" ka tih chuan mawi zet hian min rawn nuih sen sen a, kaih thoh pawh tum lo chuan ka tlan san leh daih a.








In tur dah na ah chuan lut in beer chu ka kheuh hawng a, bur khat chu ka thawk khat nghal pap a, sangte-an itui a va hal awm ve ti a min lo fiam na pawh chu ka ngaih sak peih lo, ka hma a beer um in tlar dul chu a hma tiam chuan ka in zel a, sangtea bawk chuan "thian pa duh tawk teh! Irui tawh a nih kha min tih pawh chuan ka la in lui leh hram a, ka chet dan chu mak tih hmel zet chuan min lo en reng a.






Ka beer in tam tawh lutuk vang chuan ka pum hi a puak mai dawn in ka hria, a hma pawh in Hector-a leh Rc-i sex hman dun thin thu chu ka hre fo a, tun a ka mit ngei a ka hmuh chiah khan ka na lo ka tih chuan dawt ka sawi tih na ani ang, ka na lutuk tlat khatiang a khawsa leh tur si chuan tinge beisei na min siam sak! Kei hi bum in ka awm mek ani, khapa khan min bum a min ti na hle ani.







Eng vang a ka duh che minlo nghak rawh min ti nge anih, thla rei lo te hnuah chuan rci kalsan in min rawn pan ve mai ka lo beisei kha ania. A ni lo kei hian beisei miah loh tur ka lo beisei reng tih ka hre tawh, ka kawchhung a tang a luak chhuak rawn in hawr tup tup vang chuan bathroom ah chuan sangtea chuan min kuah lut a.






" Ti nge kha tiang a tam kha i in vak a! I taksa zawh tawk chu hre tur ini a sin mawle" ti chuan min hau pah mawlh mawlh a.






Eng vang a khatia in chiam nge ka nih chu sangtea chu hrilh phiar phiar mai chu ka duh a, mahse eng mah ka sawi thei lo.






Eng ang pawh in rui mah ila ka ngaih tuah na kil khat ah hian rilru fim chhete chu a lo la nung ve che che tlat ani, hmeichhia ka ni tih hi tunah chuan puan zar theih a la ni lo, ka chauh rak thleng ka luak hnu ah bathroom chhuat ah chuan ka thu zawi hnawk a, khum chung a ramhuai pahnih khawsa dun te chu ka mitthla ah chuan an lo lang zel a, ka beng ah chuan In chhung a music ri leh hlim thawm beng chheng zet ai chuan Hector-a nuam tuar thawm chu a ring zawk a, ka beng chu ka kut chuan ka hup a, minkal san rawh u ti chuan ka rak tuar tuar a.






"Dennis"

Itha em? Eng in nge ti buai che a, kawng ka hi rawn hawng teh sangte an a rawn tih chuan ka mittui chu ka hru hul pawk a, ka hmai chu tui vawt zet chuan ka phih nghal bawrh bawrh a, a vawh em avang chuan ka kut leh hmai chu a thip hlur thei.






Sangte-an min ngaih tuah zet a min rawn auh reng a vang chuan kawng ka chu hawng in zawi muang chuan ka pen chhuak chhat chhat a.




"Dennis" itha maw? Tinge i au vak vak a, ichung ah thil tha lo a thleng ta emaw ka tia lawm. Beer in belh tawh suh aw, irui lutuk a nih kha room lamah ilo han mu hahdam mai dawn ami a tih chuan ka lu chu ka thing nar nar a, inchung lam a chhoh chu a hnai tawh lo, eng dang a chhang lo chuan bike ikeng em ka ti sup a.







A thusawi leh ka thil zawh in tuha lo lutuk vang chuan a hawi buai deuh nak a! Ah bike itia mi? keng e enga tan nge itih a a rawn ti nghal vat a, helai hmun ri bengchheng lutuk hian min ti chau zo dawn. In lam ah lo han in khalh haw mai ka duh a ka tih chuan "I rui bawk si bike ikhalh thei dawn ami? a lo ti vat a.






" ka rui lutuk hlei nem ka luak a areh leh vek tawh, thian pa i bike chu min hawh tir mai teh! Tlem te tal ka mut loh chuan mass ka hmang nuam dawn miah lo ania" ka tih pawh chuan keimah a ka in khalh haw tur chu min ring chiah lo ni in a hriat a.






"I bike ka tih chhiat i hlau ani maw? hlau thawng suh ka ti chhe palh anih leh a thar ka leisak ang che ka tih chuan". Bike ai chuan nangmah hi ka ngaih tuah zawk che, lo accident palh la engtin nge kan tih ang. Kumthar tir te ah tournament a awm dawn a in hliam thei i ni miah lo ania, ihaw duh leh kei man ka hruai haw ang che a ti deuh tlat a.






"Hruai kher ka ngailo patling ka nih ve tawh hi, ibike chahbi chu min rawn pe vat mai teh, tinge bike ka lo ken ve mai loh ni" ka tih chuan hreh hmel zet chuan a bike chahbi chu a kekawr ip te a tang chuan phawrh in min rawn pe a.






Bag ah chuan beer um ruk vel chu ka khung mawlh mawlh a, min ngaih tuah hmel fe chuan sangtea chuan " Dennis" zanin atan chuan in belh tawh suh aw, irui sual leh ange atih chuan ka in belh dawn hleinem ka lo ti vat a, kal ila pawn thleng ka lo thlah ang che atih chuan kan in zui chhuak a , ka haw tur pawh chu tumah chuan min rawn ngaih ven tawh lem lo a, a bike chu rawn nawr chuak in fimkhur deuh in kal rawh aw, bike chu naktuk ah min rawn pe mai dawn ania atih chuan ka lo buk khum zauh a, bike chu tinung in gate pawn lam ah chuan muang chang in ka tlan chhuak a, ka ban ding lam chu phar zauh in min ngaih tuah suh aw, ka rui tawh miah lo ania ka tih chuan ka speed chu ti sang in ka tlan chhuak ta nal nal a.








Thla a eng nuam bawk a, sihhmui leh a chheh vel chu a reh lo chiang kher mai, zandang ang ni se chuan keimah in ka haw ngam teuh lo ang. Mahse zan in chu khalai hmun ah khan ka leng tawh ngang loh avang in ka haw lo thei lo ani, sairang road ka thlen phei chuan ka ding a bike chu hungtha in beer chu ka in leh te te a, ka rui thei tawh lo hrim hrim, ka pum a puar luah ringawt a.






"Hector-a huat na chuan ka khat a, kei hian engtin nge kha mi tenawm pa kha ka lo hmangaih theih zawk, khang thil a thlen hnuah kha chuan min rawn um zui in a rawn in sawi fiah te ka la beisei fan a, mahse vawikhat pawh ka lampan in ke a rawn pen lo hrim hrim, a tawk tawh viau ani Dennis harh rawh harh chhuak tawh teh. Beisei loh tur ibeisei reng chuan a tawp ah nang mah bak na tur an awm chuang lo ti chuan keimah chuan ka phun mual mual a.








Sairang lam atang chuan car var a rawn tlan chho a, iva mal bik ve! Tunang hun a mahni te a helai hmun a beer lo in te chu hmuh zawh loh thlak in ti ve em thian te u, nui uar uar Chung chuan tlangval hawklai rual zing a pakhat chuan min rawn au el chiam a. Ka thinrim na an rawn ti punlun ni ber in ka hria, Hector-a Chung a ka thinrim na chu Chung tlangval hawk lak min rawn au eltu te lakah chuan hrik thlak chak na chuan ka khat a, teng zet chuan inpawr a mi ka lo ti let ve tuar a.







Kei aia pawr zawk chuan, pawr e min cho ve deuh ami helai hmun ah hian dahthat iduh loh chuan ika kha veng tha rawh a rawn ti leh kher a, thih ka hlau reng reng lo tunah tak phei hi chuan thi ila ka tan a nuam zawk ngei ang chu, ka mipa hmangaih ber leh hmeichhe dang chesual lai ka mit ngei hian chiang lutuk in ka hmu a, ka din hmun ang ah hian tunge dam thlak hlelh na nei bik teh lul ang ni.







Khawih deuh ichak ani maw! Khawi teh tawngthei lek lo khawp a sawisak ichak deuh anih hi tih pah chuan motor atang a rawn chhuk in chak fe chuan min rawn pan a, kei ai chuan a lian zawk daih a.





Tlema ka lo in her deuh avang chuan ka hmai ding lam ah chuan min rawn hnek thawi fua a, chutiang tak a min rawn beih tak thut avang chuan tlawm mai mai ka tum bik miah lo, rang zet a inher in ka theih tawp a na chuan ka lo tlawh pawp a, hmeichhia ni mah ila keima in ven ve na tur tawk chu insual dan te chu ka lo zir thiam ve vek a, mipa pakhat lek te chu ka huphurh bik lo. Ka awm mai mai lai min rawn ti buai tu zawk an ni a, ka dik na ah chuan thih rak thleng pawh in ka bei dawn hi ani tawp.






Rum nghut Chung chuan min la bei ngam ka ti, khawi teh kan sawi sa tak tak teh ang che tih pah chuan min rawn zuan thut a, lei char ah chuan a zang thal zawng chuan min bawh bet rawk a, ka mit vei lam a min rawn hnek chuan arsi hi an leng nuaih nuaih thei.







Zawnga ka that dawn che ti Chung chuan ka tha tawp chuan a nak ah ka hnek sak a, a rui bawk a ka hnek na vang chuan a zi deuh awrh thei, ka boot zum bun chuan min bawh bet a ka Chung a a thu chu a tukhum ah mu Chung chuan ka han chhuih bur a, a te tuar thei.







Motar a tang chuan a thian te chu rawn chhuak in min rawn thelh a, min lo dang suh u hepa hi ka that dawn ti Chung chuan a rak vak vak a, a thian te vawn na atang chuan rawn tal pit zawk in chemte chuan ka pumah vih tum chuan arawn thaw fua a, ka lo in sa seng hman deuh a vang chuan ka banbul ah a vit ri hrawih a.







Chu tia in sual buai kan awm avang chuan motor rawn tlan a piang chu an rawn ding zel a, an zing a pakhat chuan thianpa kan tihpalh lutuk. Kan thianpa hi a ruisual a, i hriat thiam a ngai anih hi a rawn ti zung zung a. Ka ban bul chemte a avih na chu a thip tha kher mai.







Na inei em ihnar a thi anih hi tih pah chuan min rawn panhnai vut a, thla a en em avang chuan an hmel pawh chiang tak in ka hmu thei a, ka hnar lah chu a la thi duh phian leh nghal a, ka kut chuan ka hnar chu ka hmet ping ringawt a, sangpui motor ah khan lapua a awm kha rawn la vat teh a tih chuan hman hmawh deuh in an zing a pakhat chu motor chhung ah chuan a lut rawk rawk a, lapua chu ka bul ami chu a rawn pe a kha hei hian ihnar kha hnawh rawh thisen ihlauh tam hma in a rawn ti a.






Ka hnar thi ka tih fai mawlh mawlh lai chuan, chupa bawk chuan! Nang hi Dennis-a kha ini tiraw? Mizoram team captain kha. Basketball star kha ini tak tak a rawn ti chul a, a thian te ho pawh chuan min rawn hnaih nghal tuau tuau a, kan tih palh lutuk ifans te kan nih hi, zira tunge kut ithlak hi ihria em? I mi ngaihsan em em Dennis-a kut ithlak tih ihria em? rawn kal la ngaih dam rawn dil rawh a ti a.






Zira a tih pa chu pai tuang tuang Chung chuan ka hma ah a rawn ding a, min ngaidam rawh kut ka lo thlak che vang khan. Thil ka ti sual hle ani, he tiang hian ka lo rui sual ngai lo a sin mawle, zan in a tang hian zu ka in leh tawh ngai lo ang a tih chuan a kut ah chuan ka lo vuan a.





A tha e tun a chin ah chuan tumah ti buai leh ngai tawh suh ka ti a, chutia kan in rem tak ah chuan kan insual en tum ho pawh chu an tlan darh leh vek tawh a, keini ho pawh chu tha tak chuan aizawl lam pan in kan tlan chho ho ve leh mai a.








Aizawl kan thlen chhoh chuan zinglam darthum a ri tawh a, pan lam tur hre lo chuan ka ding deuh vang vang a, kanu ka rilru ah arawn lang hmasa ber a kan inlam pan chuan vaivakawn lamah ka tlan chho a, urlawk zan ani bawk a khawi lai mah chu a reh tak tak lo a, khawpui chhung chei mawi zet te chuan ka mit an la ve meuh lo, urlawk zan hriat reng tlak ti chuan ka phun sap a.







Kan in ka thlen chuan a lo reh thiap a, bike chu hung tha in gate ah chuan ka lawn liam a, minlo hmutu awm se chuan rukru ah min ngai ngei ngei ang, kanu kaih thawh ka hreh leh bawk si, he tiang a thi pheng phung a min hmuh chuan a thidang thei hial dawn si a.





In hnung lam ah chuan phei in ka naupan lai pawh a ka bihruk ziah na thin ah chuan cement bang hit thlur nghen chuan ka thu a, ka hmai a hnek na chu a rawn na sup sup ni mai in ka hria, ka ban chemte a min vih na hliam pawh chu a thip in a thi duh viau bawk a, he tiang a ka awm reng chuan thisen kai hlauh hnem vang in ka thidang thei mai ang ka rilru chuan ka ti a, mahse midang tanpui na dil na tum chuang miah lo.






Ka bag chu hawng in beer chu ka phawrh a, khawvar hma chu hetah hian chatthla daih ila tuman min rawn hmu dawn chuang lo ti rilru pu chuan beer chu ka in char char a, ka rilru a harh fim tual tual lawi a, khawvawt chuan min hmet hlum thei tak ngial dawn a ka hriat vang chuan ubethsy biak mai chu tha in ka hria a.






Vawikhat na chu a ring ral thak a, beidawng lo chuan ka call nawn leh a, a ring tawp dawn tih ah chuan a lo pickup ve hlauh a, mut chhuak aw zet chuan mate enge tunang hunah minrawn call tak a rawn ti tham tiak a.






Ka u aw ka hrat vang chuan ka lung chu a rawn chhe thar leh a, tawng mai thei lo chuan ka ngawi vang vang a.







"Dennis" thil dik lo a awm ami? Tunah khawnge i awm a hlauh thawn hmel zet chuan a rawn ti leh a, ka tap tih a hriat ka hlauh a vang chuan ka ngawi deuh vang vang a, Beth ka ti hman chauh a ka tah chu a rawn chhuak leh a, kum sawm hnu ah tun ang a lungchhia hian ka la awm lo hrim hrim, chak tak a awm tur a in fuih char char thin kha zanin hian ka tlawm ani mipa pakhat vang mai in ka mittui ka seng chu ania.





Mate itap ami? Enge ichungah thleng a khaw nge tun ah i awm Bethsy chuan a rawn ti leh a, a aw te chu hlauh thawn luat vang chuan a khur ni ber in ka hria.
Kan in ah ka awm a, zawi te chuan ka ti a, kan in ah ka awm ka tih vang chuan thlamuan hmel deuh chuan a thaw deuh huai huai a, kanu te an muhil tawh ami a rawn tih chuan, ka hre lo pawn ah ka awm a ka tih chuan.





"Maw pawn ah i awm a maw" a rawn ti leh hluai a, um. Pawn ah ka awm ka tih chuan idam lo mai anga sin, tun ang khaw vawt ah tinge pawn ah I awm kanu kha kai tho vat rawh a rawn ti teu hlar a.





Ka kai tho thei lo, tun a ka awm dan ang hian min hmuh chuan a thidang thei ang. Mi kut ka tuar a ka tih chuan, leh lam a tang chuan ka u chu a au in a rawn au tawh a, ka rawn kal nghal ang lo kalsawn suh a rawn tih chuan. Keimah ka rawn kal ang tui kha lo lum la in tihfai ka ngai dawn a ka ti a phone chu ka ti tawp a.







Khaw vawt in ka taksa a hmeh khawng tlat a vang chuan ka che hleithei tawh lo a, ka ban bul dinglam pang chu ka hliam dang zawng zawng ai in a thip zual bik a, ka thih teuh zia ka ngaih tuah chuan ka hlau leh hnu hnawh kher mai, keimah chauh ka in ngaih tuah chuan thih ka hlau miah lo, mahse kanu leh ka unau te natna thlen tu leh lungngaih na siam tu nih chu ka thil hreh ber ani.







Muang chang chuan ka thut na atang chuan ka tho chhuak a, ka thisen lum a reh a kan in sual na avang a ka hliam te chu a rawn na sup sup ni mai in ka hria, ka luh na ngai a tang bawk chuan gate ah chuan ka lawn liam leh a, ka kal lam a ka lawn liam awlsam teh lul nen ka chhuak leh lam chu harsa tawh tak ani.






Khawsik in min tham deuh ser ser tawh a, khur bauh bauh Chung chuan ka u te veng tuikhuah tlang lam ah chuan muang chang in ka tlan chho a, Bethsy pasal te in hi kawng an mai anih vang in in lenpawh zung zung a awl sam hle a, ka u in veranda ah min lo nghak in a lo ding vang tawh a.






Min hmuh rual chuan ka lam pan chuan a rawn pen thla hlawk hlawk a, hlauh thawn na a khat aw chuan "Mate itha em! Tu nge lo khawih che a, tunang zan khawvawt ah tinge pawn ah ilen chhuah reng reng a, bike hi tu ta nge, khawnge ibike? Zawh na hlir ka u hnen a tang chuan ka dawng mawlh mawlh a, vawt tih vang chuan ka ha chu a in khawng ri bauh bauh tawh a, bike kha chu tikhan dah tawp rawh! Nakin ah kanpa in lo dah fel mai rawh se, ti teh inchhung ah lut vat ang ti Chung chuan inchhung lamah chuan min kai lut a.






Current eng hnuai a ka hmel a hmu chiah chu a chi ai nghal vek a, ka mit veilam chu a lo vung nasa tawh hle a, ka hnar thi chuan ka jacket hak chu a bual sen nguai bawk a, ka ban bul chemte a min vih na phei hmu se a tal buai nasa ngawt ang.





An room lamah chuan tlan lutin uramchhana chu a va kaitho ni mai in ka hria, hman hmawh tak chuan an nupa chu an an rawn in zui chhuak a, U ramchhana pawh chuan " Dennis enge thil awmzia tu nge kut lo thlak che a, an mahni I hre thei em thinrim hmel fe chuan a rawn ti a.






ka u chuan face towel leh tui lum chu a rawn chawi phei a, ka hmai vel thisen kai chu a rawn hru fai nghal mawlh mawlh a, a kut chu a khurh nasat em avang chuan a duh ang pawh in a che hleithei lo a.







Ka jacket chu ka phelh a, ka ban bul a chemte a min vih na chu ka hrilh chuan u Beth-i chu a rak that a, uramchhana chuan he tiang hliam nei te chu tinge isawi vat loh a hliam hi a thuk angreng bawk sia damdawi inah kan kal mai dawn ami a tih chuan ka lo duh lo a, Hmeichhia ka ni bawk si ka thu ruk vang hian damdawi in a kal chu ka duh lo hul hual a, tui lum chuan ka hliam chu Uramchhana chuan a hrufai a a kak zau bawk si thui ngei ngei ngai dawn bawk sia damdawi inah chuan kal mai ang u a rawn ti leh a.






Ubeth-i pawh chuan damdawi in a kal mai chu a duh a, mahse thil hre chhuak leh thut in pa-a Remruata kan phone mai ange, a lakah chuan engmah in thlahrun a ngai chuang lo a tih pah chuan a phone chu a hmet nghal mawlh mawlh a, ka thianpa Dennis-a kha mi in an lo khawih a, a ban bul ah chemte in an vit a min rawn thui sak mai dawn ami a ti nghal zung zung a.






ka phone pawh chu a lo ri ve reng a, Hector-a a nih a vang chuan ka chhang peih lo hrim hrim ka phone chu ka off ta daih a,
Ubeth-i chuan T-shirt leh leh kekawr chu a rawn pawm chhuak a, cardigan lum hmel zet hi a rawn keng tel bawk a, anpa kawr anih ka ring ve tawp a.






"Mate bathroom ah nang mah in i intifai thei angem! Ikawr kha thisen in a ti bal vek sia Kanpa kawr hi ihak mai loh in a rawn ti a, ka boot chu min phelh sak a, chapal min rawn pek chu bun in bathroom ah chuan ka lut nghal a, ka in tihfai zawh chuan ka in thlak nghal sawk sawk a, nachhawk na ka u in min pek chu ka ei nghal a, mikhual room ah chuan mutur in min hruai lut a, rei pawh ka mu hman lo ang tih ah remruata chu a rawn thleng chawp chilh nghal a, ka hliam chu damdawi te min hnawihsak hnu ah min thui sak a, ana kher mai ka khua a sik a vang chuan na chhawk na in min jection nghal a, rei vak lo ah chuan ka muhil ta daih a...cont



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2019, 6:19 pm

Ka harh leh meuh chuan ni a lo sa uar tawh a, ka u chu ka mutna bul ah chuan lung ngaih hmel zet hian a lo thu ngui bar a, a tap tih hriat zet hian a hnar leh a mit chu a sen vek a, kristmass ni a ni a keimah vangin Ubeth-i pawh a in khawm thei ta si lo a, nizan lam a ka beer in tam em a vang chuan ka dang a ro in ka lu chu a na em em bawk a.







Ka tui in a hal em avang chuan tui sik intum chuan thawh ka tum a. " Mate enge tih itum a! Mamawh inei ami" a rawn tih chuan. Tui in ka duh thu sawi tum a ka tawng tur chu ka aw pawh a chhuak that hlei thei lo. Ka dang ro lutuk tih hnawn tum chuan ka chil chu ka lem khawlh a, ka u chuan ka tui in a hal tih chu a lo hre thiam nghal mai a tui la tur chuan a tlan chhuak nghal dawr dawr a.










Tui vawt chu lo ban in ka in khawlh khawlh a, ka harh deuh hawk thei. Ka u chuan tinge zan ah te i len chhuah reng reng a, mipa tak tak ah i in ngai ami? Chemte khan ipum ah te lo vit palh se engtin nge itih ang, mate mipa ang hian awm tawh suh! Kapa vang a he tia inun i tih chhiat vek hi ka phal lo, i thil tum chu a hlawh tlin na ihmu tawh a, eng thil dang nge ila duh cheu a. Nge ka pa bulah chuan fanu chhuan awm tak ini tih hi ka lo hrilh mai dawn, kanu in ithil tawn hi hria se chuan engtin nge a awm ang.








Bethsy chuan min hau nge, min an khum tih pawh hriat loh chuan a ka atang hian thu tam lutuk hi a rawn phuh chhuak nghal bawrh bawrh a.







Nem deuh zawk chuan! Mate ka nau ini tih hi kanpa hi hrilh mai ila a tha lo maw? I dam that hma chu kan bulah hian awm mai la, he tiang a awm Chung chuan hmun dang ah ka kal tir thei lo che, i nihna dik tak hi kan pa hrilh mai ang aw thlem ti tih chuan min ti a.








Ka thei lo, kha chen mipa ang in ka lo awm tawh a, chu tiang mai a ka nih na diktak puan chhuah ringawt chu ka duh lo bur.







"Ka awm na hostel ka bia anga hostel ah ka let leh mai ang, kanu hnen ah engmah lo sawi suh aw, ka nihna diktak hmeichhia ang chuan ka awm thuai dawn alawm, mahse tunah chuan la ni rih lo e, rei in nghah a ngai tawh lo ang "u min ngaih tuah duh suh, keimah in ka in buaipui ve thei a lawm" ka na pawh a dam vek tawh ania, chaw ka ei anga ka kal nghal mai ang, bike ka hawh pawh pek a ngai dawn bawk si ka tih chuan Bethsy chu a lungawi lo ngang mai.







Ka luhlul ka tih tawh kha, mahni thu thu in ka lo awm thang tawh a, midang thu a awm ka tum lo hrim hrim, ka riltam em avang chuan chaw chu ka ei bawrh bawrh a, ka u chuan ka thil ei chu min lo en tlawk tlawk tawp.







"Kutdawh riltam thil ei ang chiah" nuam sa tak a awm thei reng si engvang a hetia mi vakvai ang mai a awm hi la thlang cheu nge maw inih le! I thianpa chu call la bike chu rawn la mai rawh se, I mit vung te kha han reh fel phawt se hostel ah chuan ilet dawn ania a tih chuan adik ka ti ve tho mai.







He tiang hmel pu Chung chuan midang ka hmachhawn theih ka ring lo, sangtea ka call chuan a la tho lo tih hriat zet chuan min rawn chhang a, bike kha tuikhuahtlang ah rawn lam mai la, nizan ka haw chho kha mi kut ka tuar palh a, ka rawn dah theih hmel loh e ka tih chuan min ngaih tuah tih hriat zet chuan ina viau em? Tu te nge lo khawih che a! Ka hlauh thawn ang chiah in a thleng anih chu a rawn ti nghal sawk sawk a.






"Sangte"
Ka thil tawn hi midang hrilh suh aw, hliam tenau chauh ania. Hector-a phei chu lo hrilh miah suh ang che, min ngaih tuah lutuk palh ang. Kan inkar thuruk a nih chu aw ka tih chuan a thaw hawk a. Ka in bual anga ka rawn kal nghal ang a tih chuan phone chu ka dah a.






Ka in ei puar zawh chuan khum ah chuan ka mu leh nghal vat a, ka taksa a chak lo in ka na them thum a, nizan lam a ka hriat lem loh kha zingah chuan an rawn na sup sup ni mai hian ka hria.








In khawm an la ban loh avang in ka u pawh ka bul ah a rawn Muzal ve a, engtik ah nge inlam ah chuan haw itum tih bawk chu min zawt leh a, ka ning kher mai. Bul zet chuan "Beth engmah ka sawi peih rih lo" ka ti hmuk a, ka awm dan ah han ti ti pui chi ka ni lo a a hriat vang chuan a ngawi ve ta hle hle a.
Ka lo muhil leh siar siar a niang Bethsy-in ithian te an rawn kal a, ka rawn luh tir mai dawn nge a rawn tih chuan! Tu ka thian te nge rawn kal ang, sangtea chiah in ka chanchin a hria a. Hector-a anih loh hram ka beisei, midang hrilh loh turin ka hrilh mawlh mawlh a, sangtea ka haw rilru ngang mai.





Ka hlauh thawn ang chiah in Hector-a chu inkhawm bang tih hriat zet chuan coat nen a in duang zuih chuan a rawn pen lut a, a hnung ah chuan sangtea chu in thlahrun hmel zet chuan a rawn zui bawk a, khumah chuan Hector-a chu rawn thuin "Dennis tunge he tiang a lo khawih che! Tinge engmah min hrilh ve miah loh a, keilah nangmah Ngaih tuah vang in ka 'a' lo chauh a, ichungah thil pawi thleng ta se eng tin nge ka awm anga? a ti nghal hmawk hmawk a.





Hector-a chu ka melh peih lo hrim hrim, a hmel ka en hian nizan a Rci nen an khawsa zia tenawm tak kha ka mitthla ah a rawn lang nghal zel bawk si a, sangtea chu en in tumah hrilh lo tur che khan ka hrilh chiang viau che khan ka hria a, ka ti nghal tawng a.




A inthiam lo lutuk hmel chu a khawngaih thlak awm hial zawk! " Dennis hrilh tum pawh ka ni bik lo, a inkhawm bang leh ka rawn kal tur kan in hmufuh palh a, nizan ihaw loh thu leh a Ngaih tuah zia che a sawi a, a ni nen chuan thian tha tak in ni a, thil pawi a nih ka ring lo a ka lo hrilh ta mai a lawm a tih chuan ka ner sak a. Hector-a chu a ngawi run a, ka mit duk chur leh ka ban a hliam na tak ka tawrh a vang chuan a in thiam lo ve te pawh anih ka ring.





"Dennis tihtur ka la nei bawk sia, eng em iti lo tur ah ngai ang. Ka beisei aiin ilo tha a Ka haw leh nghal mai ang a tih chuan. Bethsy-in I bike chahbi chu a kawl kha ka lo ti sap a. Enge maw thil thleng a awm chuan min rawn phone vat ru aw a ti leh sup a min chhuah san zui nghal a.





Hector-a nen kan pahnih chiah a kan awm chu boruak a tang nghal at a, aw ki hniam ruih hian " Dennis he tiang khawp a na hliam ituar a, eng mah min hrilh lo thei hi mak ka ti! I tan hian engmah ka ni lo a mi a rawn ti sup a, a aw te chu a khur deuh ti tih a.




Eng dang a chhang lo chuan, "ka ten lutuk che haw rawh" ka ti tuar a.





Khawiah mah ka haw lo ang, luhlul zet chuan a ti bul hmuk a, ka haw lutuk tih bak hi engmah sawi tur ka nei lo. Aw dam deuh zawk chuan, nizan chungchang kha chu ka sawi fiah thei ania, mahse ka sawi fiah thei ka thusawi hi ngaithla ve phawt la, kha thil kha chhan awm lo in ka tih iring reng reng ami? a ti a.





"Hector"

Khathil vang khan a lawm ka duh che itih pawh khan ka hnar che, Rci hi ithlah phal lo tih ka hria a sin, chu vang chuan kei chu min bansan tawh rawh, nang leh kei hi chu engtik ah mah kan in kawp rem thei tawh lo ang, thian ang pawh in ka ti chuai raih a.






"Min kalsan iduh pawh in kei chuan kalsan ve che ka tum hauh lo mai, kha thil pawh kha nangmah vang liau liau a ti kan ni, mahse min rawn phawk ta si a, ka tum loh deuh in ka ti na ta si che a. Min ring rawh engkim ka siam tha leh vek ang a tih chuan ka lo thaw hawk a.




I duh am mah mah ka tih tawh kha, nang nen hian in hnim hnaih ka duh tawh lo, basketball team a tang pawh in ka bang nghal ang, ka pa lak ah fanu chhuan awm tak nih ka tum luat ah keimah natna ka in siam ta anih hi. Ti hian hmeichhia ka nih ang ngei in ka nihna ang in ka awm tawh anga, kan inah ka haw leh mai ang tun hi kan inhmuh tawp na ni rawh se ka tih chuan. Hector-a chuan a theih loh, ka kalsan dawn chuang lo che a rawn ti tuar a.






Rapthlak ti lutuk chuan ka melh ngawt ngawt tawp, sawi tur pawh ka hre tawh lo luhlul lutuk chuan a thu run a, natna min siam saktu ni mahse ka hmangaih na erawh a kiam phah der si lo.






Bethsy a rawn lut ve ta hlauh chu ka lo lawm ngang mai, Hector matei hi chu kan bulah a dam chian hma chu awm rih mai rawh se, hostel ah te kir leh a lo tum a, he tiang hmel pu chung chuan khawiah mah ka kaltir thei lo, nang reng reng pawh he tiang a awm tur khawp in Engtin nge ilo thlah thlam theih zawk , I kiang ah a awm chuan ka thla a muang in Ngaih tha in ka lo awm ve thin a, an lo vit hlum lo hi pathian zahngaih na vang liau liau a nih hi a ti ngal hlak hlak a.




Hector-a pawh in sawi tur reng reng a hre lo, tlai thim dawn pawh chuan haw tum awm ang in a che chang lo hrim hrim. Ka insum thei tawh ngang lo chuan. "Egtia awm nge itum a! Haw tawh rawh tihtur engmah inei tawh lo" ka ti chang fak a. Tawngkam khat pawh in min chhang duh miah lo.









Zanriah ei a hun tawh pawh chuan a la haw lo cheu a, a khawsa zia maksak lutuk vang chuan ka thinrim hluah hluah tawh. Bethsy pawh chuan haw tur in a ti ve reng a, a che chang duh eih lo reng reng. Ka mutna bulah chuan a thu ngawi ngul reng bawk si a.






Note--ka phone a chhe thut a, signal a bo vek bawk si. Ka type sa nen lam a bo fai vek a, dah loh ai thlawt ti in tlem te ka rawn dah a. Miphone ka hman sak bawk sia in thlahrun a na a tlai tawh bawk si. Next ah sei tawk ani mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2019, 6:19 pm

Luhlul lutuk chuan ka mutna bulah chuan a thu ngawi run a, darkar engzat chiah nge che sawn lo a thut pawh ka hre tawh lo, a mawng te pawh a kham ve em em lo ami ka ti hial zawk.






Tha tak chuan"Hector" va haw phawt rawh, ka u te nupa pawh an hmai zah awm a lawm ka ti sap a. Ka thusawi hrelo ang hmak chuan a la awm cheu a, vawm thlek lawl chu ka chak zek zek tawh, chubak ah nileng in na chhawk na ka ei tawh si lo a, ka ban hliam chuan min tur nasa tawh mai si a, ka khawsik rawn intham vel vang chuan ka taksa chu ana in a sa hut hut a, kar loh ah ka khawsik chu a rawn awm leh nghal a.







Hector-a mit hmuh a chak lo ang tak a awm chu ka duh lo hul hual, heng ka hliam te hi a mah vang vek a tuar ka ni a, ka lak a tang hian a hla thei ang ber ah awm se ka hahdam thei chauh ang. Uramchhan-an Chaw ei tur a sawm pawh chuan a la che chang duh chuang lo a, a awmdan chuan kan vai mai chuan min ti mangang vek tawh.






Bethsy-in "Dennis" ikhawsik a awm leh anih hi, tinge engmah isawi loh a, i na anih chuan sawi ve ta vat che a rawn tih chuan, Hector-a chu a rawn tho vut a, a kut hlai zet chuan ka chal chu a rawn dek a, a hriat tham lek chuan a phun sup a, a mitmeng ah chuan mangan na nasa tak hi ka hmuthei.






Min ngaihtuah ber awm ang hrim a a khawsa vel chuan ka thin a tirim zual sauh a, vuak thluk zawt ka chak zek zek, tunah tak hi chuan ka mithmuh ah hian awm lo se ka duh ber.






Ka u chuan nachhawk na min rawn eitir vat a, ka mut na avang chuan ka pang te chu a kham them thum tawh a, kristmas nuam lo tak a ni, ka beisei miah loh thil ka chungah a thleng a. Ka thih phah lek lek leh nghal a.







Hector-an "Dennis" damdawi inah kal ang u aw, hetia in a tawrh ngawt ngawt zawng a dik lo, doctor in an lo en kawl che anga itha chak zawk ang a tih chuan. "Haw la ka dam ani mai" ka lo ti ram hmak a, ka thil sawi vang chuan natak tuar hmel hi a pu a.







"Ka thusawi ingaih thlak hma loh chu ka haw dawn reng reng lo, he tia natuar chung hi chuan ka kalsan theih che ring hek suh" a tih leh sup a.






Ka u te nupa chuan nangni pahnih hi in tih thiam loh na innei ami? "Dennis" Hector-a thusawi tur chu ngaihthlak sak ve mai la, inlam ah a chhung te pawh in an lo Ngaih tuah ve tawh ang, thian te nen
te chuan han in hauh bap bap chang te pawh a awm ve tur ania, thinrim reng tur ani ngai lo an tih pawh chuan ka ngawi reng a, hepa nen hian thian nih pawh ka duh tawh lo tih phiar phiar mai hi ka duh a.








Bethsy chuan ka mit ko vung duk churh ah chuan damdawi min hnawih sak mawlh mawlh a, mit lasawn miah lo chuan Hector-a chuan min lo en char char a. "Tu nge nge he tiang a kut lo thlak che? Tu mihring pawh ni rawh se ka zawng chhuak anga, an phutawk hrem na chu an hmu khawp ang thin ur aw khur dur dur chuan a rawn ti a.








Uramchhana chuan tikhan lo inkawm ula, ka pa kan va Ngaih ven a nge a tih chuan an nupa in min chhuah san a, Bethsy te nupa an chhuah ve leh chuan ka kut chu a rawn hum nghal zat a! Thisen san thlak hi ka lo ti khawp a.






"Dennis" nizan thil thleng vang khan ngaihdam ka dil che. He tiang a na ituar lai ka hmuh phei hi chuan hreawm ka ti lutuk hi thih daih ka chak rum rum mai, kei hi mi nep tak ka lo nih hi ka hmangaih ber pawh veng him thei lo mi pa nep ber ka ni" a tih chuan, tih el zet chuan ka lo nui hak a.







"Tunah khan enge isawi kha? Hmangaih itia mi?nang hian kei hi min hmangaih lul lo ang, mi nunrawng tak ini tih ka hretawh, chuvang chuan engmah sawi lo khan min haw san tawh mai rawh ka chau a nia mut hilh ka mamawh tawh" ka tih chuan beidawng zet chuan a rum leh nghut a.




Awm ve lo ang hmak chuan ka mit chu ka chhing nghal daih a, min biak pawh chuan ka hrelo lui tlat a, tunge luhlul zawk chu kan hre mai dawn a lawm ka rilru chuan ka ti a.

Ka beisei loh lutuk thil Hector-an a rawn tih tak ah chuan ka mit chu meng in ka rak tuar a, ka hmui ah chuan duhthawh lutuk in min rawn fawp anih chu.







Ka ban na lo lam chu a taksa lian zet chuan a delh bet tlat a, a kut pahnih chuan ka lu chu nghet zet hian a chelh bet tlat a, ramsa koham ang mai chuan min fawp bawrh bawrh a, ka thawkchham hma zawng min fawh a tum ni mai in ka hria ka ban na lam chu a hmai ah chuan ka ham vak a, min fawh na atang a a in lak hran rual chuan.





"Tenawm pa chhuak nghal rawih, engvang a kha ihmui bawlhhlawh lutuk a min fawp ngam nge ineih, ka ten che ka ten lutuk che" ka ti nghal tuar tuar a, ka thinrim em avang chuan mittui chu a rawn tla nghal ringawt a.






Ka mittui tla a hmuh vang chuan a hmel chu chawpchilh in a danglam leh nghal vek tawh, bah nuaih chuan "khatia chet kha ka tum bik lo ka thusawi ngaithla la ka duh vang a nih kha" a ti tham tuak a.






Dennis--pov






Dennis-i hnen ah hun rei tak ka lo pai tawh ka duh thu ka hrilh chuan, ka beisei ang chhan na ka hmu miah lo, rci nen kan inkar thu a hre ve vek a, chuti mai a a thinlung neih sak chu thil awl ai tak a ni dawn hauh lo tih pawh ka rinlawk sa anih vang chuan a lak a chhan na ka hmu nghal lo pawh chu ka lana lutuk lo a.








Ka lo rin lawk ang chiah in rci chu a rawn sawi ri reng a, rci nen kan inkar ka tihfel hma min lo nghak tur a ka tih chuan kumsawm pawh nghah ngai la ka lo nghak ang che tih a sawi tluk a tawngkam mawi hi ka tan a awm leh tawh pawh ka ring lo, a rang lam a rci nen kan inkar ti tawp tum chuan hun rem chang ka dap ve reng a, chu ti mai a rci then chu a lo theih ikhaw lo a.











Thla hnih a liam pawh chuan kan inkar chu ka la ti tawp mai thei lo a, hmeichhia ka mutpui vang hian he tiang tak hian ka inchhir ang tih ka lo ring chhin ngai lo reng reng.







Kan inkar ti tawp ang ka tih a piang in, ka thianghlim na ka hlan che a he tiang mai mai a min kalsan theih in ring suh, ka then dawn chuang lo che tupawh kawp la ka tibuai zel tho ang che a ti zel a, ka hmangaih miau bawk si lo a ka be ngai lo a ka biak loh vang chuan min rawn biak a tum na athulh phah eih chuang lo, ka ngaihsak loh reng chuan a beidawn ve mai ka lo ring a, mahse a beidawng duh lo reng reng, kan inkar ah buaina engmah awm lo ang mai chuan a la khawsa reng a, ka ning tawh angreng khawp mai.







Kristmas a hnai tawh a Dennis-i pawh hostel a tang in kan in lam ah a rawn in suan lut tawh a, kan awm dun thei chu nuam ka ti in engdang mah hi ka ngai tawh chuang lo. Ka pa in kan dawr ah a chhawr ve a amah pawh in nuam a ti ve viau chuan ka hria, thian te nen kan farm house lamah urlawk zan hman ho kan rel a kan phur tlang kher mai.








Ka bulah Dennis-i a awm a ka bialnu la ni chiah lo mahse minduh ve tih ka hriat na chuan min ti hlim veng veng tho mai, kumthar ah chuan rilru thar nen Dennis-i bialpa thar nih chu ka tum ruh hle a ni tawp.








Kristmas hmang turin mitin te kan in buatsaih mup mup reng a, keini pawh dawr lamah kan buai ve thawkhat viau bawk a, min dawrtu nula leh tleirawl lam deuh ten Dennis-i an melh dan erawh ka mit a lo kham thin viau mai. Ka farnu lah chuan a la chhaih peih em em zui bawk si.







Urlawk ni a nih meuh chuan dawr ah pawh ka awm ve hman meuh lo a, zanlam a kan chet vel na tur buaipui in sihhmui leh aizawl ka kartawn zak zak reng a, Rc-in inhmuh a rawn rawt vang chuan ka phur na te chu a reh rawih rawih thei, in hmuh na tur hmun a sawi Ka va thlen phei chuan min lo nghak leh vang tawh a, englai pawh a hun vawngdik reng thin anih na chu a lola vawng nung reng a nih hi ka ti rilru nauh nauh a.






Min hmuh rual chuan zalo fe chuan a nui sak a, eng dang mah sawi lo chuan "enge min hmuh iduh na chhan chu, ka buai viau ania" ka ti ram hmuk a.







Ka lam pan chuan a rawn pen phei thlarh thlarh a, ka hmazawn ah chuan min si lo chauh chuan a rawn ding lah a, ka mitah chuan chiang fahran chuan min melh kal a. "I eng pawi nge ka sawi fakau a, he ti tak a min kalsan iduh na chhan hi itan hian enge tih loh ka neih, ka hmangaih che a sin kan hun hmandun zawng zawng te kha han ngaih tuah ve teh? He ti ringawt chuan min then thei lo ang" ka awm ah chuan tham in min chum nghal buan buan a.







A kut pahnih ah chuan ka lo manbet hmiah a, "chumi sawitur chuan maw min kohchhuah a! Ka tan chuan engmah ini tawh lo, thatak in in then ka rawt a min then leh then loh chu ithu thu ani tawh, kei chuan ka then na che a rei tawh he tiang a thu ho lutuk ngaithla tur hian hun ka nei lo ka kal dawn" ka tih chuan rang fe hian ka kut chu a chelh a.








"Hector min kalsan chu itum tak tak a maw? A nunrawn thlak iti ve lo ami, ka hmangaih na che hi hnawl in midang inei zawk tih sawi tum miah suh ka tuar zolo ang" a ti khur dar dar a.







"Midang ka nei dawn tih ka sawi lo, ka hmangaih lo che a chuvang chuan kalsan tum che ka ni. Nangmah hmangaih tu ila tawng em em ang" ka tih chuan chhuat ah chuan a thingthi hnawk a.







Zep loh chuan Rci chu ka khawngaih ve reng, mahse ka hmangaih miau si lo a, ka kalsan hma leh atan a that zawk ka rin vang ani.






"Kan inkar kan ti tawp dawn tak tak anih chuan thil pakhat ka dilthei che angem" ti ri chuan ka kal mai chu min pawt ding chawt a. A lam hawi chuan ka inher a, "engmah itan tihsak theih che ka nei tawh lo"ka ti sup a.







"Ka thil ngen che iti hlawh tling lo anih chuan ka bansan ngai lo ang che, kei hian zalen tak in ka siam ngai lo ang che" a tih chuan ka rum nghut a.




Thinrim zet chuan " chu min blackmail itum tih na ami" ka ti tuar a.








Zam map lo a min en ran chung chuan "um ka thil dil che iti hlawh tling lo anih chuan ka tibuai zel tho ang che, mahse ka thil dil che ipawm anih chuan ka lak a tang in izalen tawh anga, inunah ka rawn in lan leh tawh ngai lo ang" a tih chuan ka ngawi vang vang a.







Thil pakhat lek ka tihsak vang a min kalsan thei dawn a nih chuan engvang in nge a thil phut chu ka tih mai loh ang. Ka hmangaih em em Dennis-i nen hlimtak in kan swm thei tawh bawk a nga, chubak a thlak hlelh eng thil dang mah ka nei chuang reng reng lo.







"Enge iduh chu sawila" ka tih chuan a then sak a.





"Ilak a ka duh chu zanin ah ka kiangah hun hmang la ka duh, chutiang a itih theih chuan ka kalsan tawh ang che" a tih chuan ka rilru a buai map thei.







" Zaninah ikiang ah hun ka hman theih ka ring lo, thiante nen ruahman na engkim kan siamfel vek tawh engtin nge ikiang ah hun ka hman theih ang" ka ti sup a.






Boruak chu a reh tlawk tlawk ni mai hian ka hria, zankhat lek a kiang a hun hman chu thil harsa em em pawh a ni lo, mahse engkim kan lo ruahman fel vek tawh a, thulh theih ani tawh lo hrim hrim, chubak ah ka awm loh chuan Dennis-in nuam a ti dawn lo tih ka hria.






"In bulah chuan ka rawn tel ve mai ang, chu chu a rem angem? a rawn tih chuan ka rilru chu a buai zual sauh a, Dennis-in Rci a hmuh chuan a lungawi dawn hauh lo tih ka hre chiang hle si a. Mahse duhthlang thei ni in ka in hre bawk si lo, zalen tak a Dennis-i nen kan awm dun theih na tur ani bawk si.
Harsa ti zet chuan a thu thluk na chu ka pawmpui ve hram a, ka rilru chuan Dennis kan pahnih tan vek a ti ka ni ka inti mawlh mawlh a.







"Zanah chuan ka rawn lam dawn che ania" ka tih chuan a lu chu a bu zauh a, "thil pakhat phut ka la nei" a la rawn tih cheu avang chuan rci chu rum zet chuan ka melh khui a.






Lungawi lo lutuk chuan "Engthil dang chu nge ila phut a, ka bulah zankhat hun hman mindil a ka remti tawh a a engthil dang chu nge ka lakah hian ila beisei cheu ni" ka ti hriam hrawk a.







A hmel ah chuan zamna pakhat mah a lang lo reng reng, ka mit ah chuan min melh kar chung hian " sex min hmanpui ang, a tawp nan min mutpui ka phut" a rawn tih chuan ka lungphu chu a rawn rang nghal zawih zawih thei. Kan kiangah urlawkzan a hmang ve tur pawh tih tawh naklai in ka mutpui a la phut ania, "Rang lutuk chuan a theih loh" ka ti nghal thawr a.






"Hector vawikhat min mutpui chu itheilo amaw? A hma pawh in vawitam kan lo mu dun tawh a, vawikhat lek mutdun chu enge ihreh em em a, ka lak a tang zalen iduh a ni lawm ni" a tih chuan ka lu thak lo pui chu ka hiat nuah nuah a.







Rci hian a sawi dik reng, vawitam sex ka lo hmanpui tawh a, vawikhat ka mutpui vang a min kalsan dawn anih phawt chuan ka mutpui em em a, "inhnial buai na hun pawh ka nei tawh lo, a tha e ithuthluk na chu ka pawm e. Naktuk a tang chuan ka nunah irawn inlan leh tawh tur ani lo ang" ka tih chuan a nui sak a. Eng mah sawi tawh lo chuan ka chhuahsan nghal nal nal a.









Ka thuthluk na siam chu a dik ber em tih pawh ka hre lo, ka hriat awm chhun chu Dennis-i ka bialnu ani thei tawh dawn tih chiah ani, naktuk a tang chuan ka ta chiah ani tawh anga ka nun pawh a famkim ve thei tawh bawk ang, rci nen an inhmuh loh nan engtia ruahman na han siam chi nge tih chu ka ngaih tuah rauh rauh a.








Inkhawm ban ve leh farm house lam panin Dennis-i kan kal ve nghal a, midang pawh an lo Kim thawkhat tawh a, thian te nen kan han in hmukhawm leh chu kan hlim tlang dar dar khawp mai.






Dennis-i pawh a mikhual bik hauh lo, single ho in eitur siam an lo rawt a eisiam ho chu a va zawm ve nghal vat a, ka lawm rilru khawp mai. A ruk chuan rci lam tur chuan ka put ru ta thuai a.







Sihhmui kan thlen thlak leh chuan zanlai a lo ni der tawh a, an vai mai chuan an lo rui tawh hlawm khawp mai, Dennis-i pawh midang karah chuan a lo nui ve bawk bawk a, Inchung lamah chuan rci nen chuan kan inzui chho nghal a.







Ka tihtur ang ang chu tlak fel thuai ka duh a, thisen ti lum tawk Lekin zu ka lo lem ve bawk nen, rci zei lutuk a min khawih vel na vang chuan karlo ah ka thisen chu a rawn lum rang kher mai, mipa ka ni a hmeichhe nalh leh itawm tak ka hma ah saruak ngal ngat in a awm a, engtin nge ka awm mai mai theih teh lul ang, a hma ang tho khan a nalh in a la zei reng si a.








Dennis-i hre chang lek lo chuan rci chu ka fawp bawrh bawrh a, uar lutuk chuan khumah chuan ka khawsak pui a. Dennis-i rilru na lutuk a kan bul a a ding ka hmuh chiah chuan rilru fim ka pu leh chiah.
Kawngka kha ka kalh ngei khan ka hre sia.






A hmel ah chuan a chiai tih hriat lutuk chuan, kawngka a inhawng sia tumah in awm lo amaw ka tia tih leh tlan chhuah chu a rual nghal a, ka chung a tetei thu chu ka tlawhthla lawp a.







Kawngka kha ka kalh sia ihawng ami? Nang hian eng game nge ka lak ah hian khelh itum chiah, ilo va tenawm ve ka ti khur khur a, inha la ka thlah haw ang che tikhan iduh chu ihmu tawh ani lawm ni ka tih chuan zam map lo chuan min rawn kuah nghal vat a.








Ka mit a min en kal chung chuan "Hector enge ka lakah ithinrim viau a, minrawn hmutu kha chu ithianpa Dennis-a anih kha, ani te chuan kan inkar engkim a hre vek a buaina tur a awm chuang in ka hrelo, ilak atang ka kalbo iduh chuan kan thiltih laimek kha kan chhunzawm leh angai ania a rawn ti nghal hmak a.






Rapthlak ti lutuk chuan ka bul mai a hmeichhia saruak ngal ngat a ding chu ka en tlawk tlawk a, kha leh chen kan lo inzui vetawh he tiang tak a hmeichhe nasa hi ani tih ka lo hre ngai miah lo, a mizia a lo thup thei ngar ngar khawp mai.







Tunmai ah khan ka hmeichhe hmangaih em em chuan rilru na tak in min tlan chhuah san a, insawi fiah tur tak ngial pawh in ka umzui thei lo chu ani si a, nep ka in tih dan chu pui tak ani. Thil tih loh tawp tur kei hian ka ti tih ka hriat chhuah meuh chuan thilpawi tak a thleng hman tawh si a.








Dennis-i ringawt ka rilru ah a awm tawh a, a rilru na hmel chu ka mitthla ah hian a cham tlat bawk si, rci nen rei tawk kan in hnial hnuah thinrim tak in min chhuah san a, keipawh tawi khaw muang tawh loin Dennis-i zawng tur chuan ka tlan chhuak ve nghal a, hmuntin ka zawngkual a hmuh tur reng reng a awm bawk si lo, a chungah thil thalo a thleng ang tih mawlh chu ka hlau hluah hluah tawh.








Ka call lah in min chhang duh bawk si lo, thian te ho ka zawh lah in tumah biak tlak a bar pawh an awm tawh lo, inlam ah a haw ti dawn ila bike a keng bawk silo a, beidawng zet chuan ka teikual sek a. Tinge rci nen kan mu dun lai kha Dennis-i kher in minlo hmuh zalen tak a amah nen a awm dun ka duh luat ah engkim ka ti khawbaw zo vek.








Zinglam darli rik hmain thian te ho pawh an in khalh haw fel deuh vek tawh a, tlem a rui deuh thlah haw tur nei ve lemlo ho chu an la ri laih laih a. Rilru bet lo fe chuan ka awm ta reng a, khawvar hma deuhin in ka thleng a, ka rinlawk ang chiah in Dennis-i a lo haw miah lo, engtin nge ka tih tak ang khawvar hma a ka zawng hmu lo a nih chuan engtin nge ka chhungte lak ah kan insawi fiah tak ang. Kan bul a mass rawn hmang tur a ni bawk si ka rilru hah lutuk chu ka puak darh vek lo chauh tawh.







Ka phone a pickup duh lo chu thuhran a phone a off tak daih phei chuan ka rilru a ti hah, khawiah nge a awm tak ang. Khatiang a rui chung kha chuan a chhungte a pan ka ring bawk silo, han zawn mai natur ka hriat miau bawk siloh a vang chuan ka mu ve ta ringawt a. Ka muhil thei chuang bawk silo, kanu zingtho thawm pawh chu ka hre reng a, Dennis-i awm na min zawh hunah engtin nge ka chhan ang ti ringawt chu ka ngaih tuah a.







Ka rinlawk sa ang chiah in kanu leh pa leh ka farnu in Dennis-i awm na min zawt ta chiah reng a, ka rilru hahna ka hmelah tihlan mawlh chu ka hlau a, theih tawp a in thunun chung chuan a chhungten nizan khan an rawn hruai daih a lawm ka ti ta ringawt a, ka pa chuan chikzet a min en chung chuan kan bulah mass hmang tur in a rawn kal a, chuti te thut a a kal chu a va awih awm loh ve chubak ah aizawl ah a chhungte an awm tih a thawi pawhin a sawi kan la hre bawk silo a, bawiha kan lakah zep inei a ni lo maw a tih chuan ka hlauthawng zual sauh a.







Ka chhungte lak a dawt ka sawi a ngai ta mai chu hreawm ka ti takzet, mahse thlantur dang ka nei miau bawk silo a.







"Dennis-i chhungte chu aizawl ah hian an awm a lawm, a pa nen an boruak a tha vak lo a, kumsawm kalta atang khan an inah a haw ngai tawh hleinem, nizan khan a chhungte bulah chuan a haw ve thei hram a, chhungkua neilo ang mai a awm ai chuan a chhungte kiang a ahaw chu kan lawmpui zawk tur ani dawn lawm ni" ka tih chuan kan ngawi ta diak a.






Kanu chuan a chhungte kiang ah a haw dawn pawh in chanchin min rawn hrilh ve tur ania Dennis-a awm lo chu ka khua a har riau mai a ti sap a. Dennis-in kan chhungkaw nun a hmun a chan nasat tawh zia chu ka hriat belh zel zawng anih hi.




Phurlo teh mah ila ka pa in inkhawm loh a phal lo bur bawk si a, lungawilo fe chuan inkhawm tur chuan ka in siam ve mual mual a. Dennis-i awm na ka hre lo a, a chungah engthil nge thleng tih tak ngial pawh ka hre bawk si lo. Rci thu ka lo awih kher kher chu ka thil tih sual lian ber ani.







Biakin chhung ah pawh chuan ka rilru ah thildang engmah a leng lo Dennis-i ringawt chuan ka ngaih tuah na a luah khat a, khawnge a awm tih tal hria ila ka awm anuam ve deuh tur hi ania.








Kan inkhawm bang chu sangtea hman hmawh hmel deuh a min tawk zawng a arawn kal chu ka hmu a, nizan khan choka lamah khan Dennis-i te nen an awm ho tih ka hre chhuak leh uar uar a, rilru hah fe chuan Dennis-i awm na ka hriat loh thu leh ka ngaih tuah zia thu ka sawi chuan sangtea chuan ka beisei loh lutuk thil a rawn sawi vang chuan tlangval a pumpa luhai in ka tlu lo chauh.







Sangtea chuan "Dennis-a chu nizan khan beer a in nasa lutuk a, khatiang tak a nawi khan a awm pawh ka la hre ngai lo, rilru hahna liantak a nei a ang zawk mah khan ka hria, beer kha chinlem neilo khan a hma a awm a piang kha a in hmiah hmiah a, va khap lo phei ila chuan a in inhlum thei hial ang chu".








"A beer in nasat vangin a luak nasa bawk si, a awm dan khan ka ngaih a ti tha chiah lo a, ngaihven tur in ka va kal a, inlam a mut hahchawlh a duh thu sawi in ka bike hawh min dil tlat a, a mah a rui bawk si nen keiman ka han thlah ang che ka ti chung pawh in min hnial fithla thak bawk si a, rilru nuam zan lo chungin ka bike ka khalh haw tir a.





"A rui tih hre reng chung chuan engtin nge a mah in i haw tir theih, a chungah thil thalo a thlen te ihlau ve lo ami? ka lo ti bak hlur a.






" Ka ngaihtuah vang chuan ka thlah ang che ka ti ve reng a lawm, ibike ka tihchhiat ihlau anih kha tih zawng in min kar tlat a, ka dang zo ta ngang lo a lawm".






Ka rilru nawm loh ang chiah in nizan khan a haw kha tlangval hawklak ho a han tawng a nichin khan min rawn phone a, mikut a lo tuar ani awm a ka ngaih tuah khawp mai a chanchin tumah hrilh lo a zep turin minti na chu ithian tha ber ani bawk si a ka hrilh hre ve che anih hi a tih chuan hlauh thawn na hlir chuan ka khat nghal vek a...cont







Ka rehrei ta, ka phone a tha chauh a rawn chhunzawm ka tum lai mekin kan upa ber damdawi inlam ah kan phur lut leh a, in comment pawh ka en ngam tawh lo ka in thlahrung lutuk a. In thlahdah vang a rawn dah lo ka nihloh avang erawh chuan keimah ka in thiam chawp a. Ka dam a harsat na ka tawk anih loh chuan regu hi ka duh a, ka duh na erawh ka puitlin thei ta ngang lo anih hi...ka story tlinglo em em minlo hlutsak hi ka lawm hluah hluah ania aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2019, 6:19 pm

Mangang lutuk chuan "Dennis-an mi kut a tuar itia mi" tunah khawnge a awm a tinge engmah min hrilh ve loh a, a chungah thil chheber pawh thleng se ka hre ve dawn miah lo tihna ania tunah kal nghal ang tha khur zawih zawih chuan ka ti a.








Sangtea chuan "mangang lutuk suh, a mah pawhin ka ngaih tuah awm lo atih kha chemtein an vit a, a pawi lo laiah an vit lo hlauh a anunna a tan chuan a hlauh thawn awm loh anih hmel" atih phei chuan ka mangang zual sauh a, ka hmel ah ka rilru mangan na chu a lo lang chhuak a ni chek ang chu sangtea chuan phili ruai lo tur chuan min hrilh mawlh mawlh a.








"Ka bike Dennis-an a kawl daih sia taxi kan hmang dawn nge ibike in kal kaldawn" a rawn toh chuan ka rilru chu a rawn fim ve leh deuh a. Kan in a hnai tho bawk a ka bike la tur chuan inlam pan chuan hman hmawh fe chuan ka pen pawk pawk a, ka tha a khurh nasat em a vang chuan bike khalh thei chi ziazang ka ni lo a, sangtea chu bike ka khalh tir ta ringawt a.






"Hector Dennis-a thiannu Bethsy tih hriat ilo nei mial em Tuikhuahtlang ah kan awm a tia" a rawn tih chuan chhan mai nachang pawh ka hre lawklo, hliam natak tuar chungin a unaunu te inlam a pan chu a ni phawt a, ka thiam loh vek a ni mahni inhuat na hlir chuan ka khat a, rci ka mutpui lai kha minrawn hmu kher lo se chuan hetiang thil hi Dennis-i chungah a thleng hauh lo tur.






Sangtea vek chuan, " Bethsy a tih chu ihriat loh chuan an in kan zawn chawp mai a ngai dawn anih chu" a rawn tih leh tak ah chuan ka hriat thu chu ka sawi ve thei hram a.






Dennis-i chu sawiloh engtin nge Bethsy ka hmachhawn tak ang! A nau ka venhim theih loh a vang hian min haw viau ang chu, ka lakah rinna nghat tu te ka va ti na nasa tak em, keihi damtlak pawh ka ni chiah em.?






Bethsy te in kan thlen chuan ka hlauh thawn na leh ka zam na chu a in buktawk thiak thiak khawp mai, ka rin lawk ang chiah in Bethsy-in ka hmel a hmuh rual chuan a hmai chu a dur nghal khap a. Midang awm ve lo se chuan min khawih duh mai hmel hi a pu a, room chhung ah chuan ngawi reng in min luh san nghal daih a, rei pawh awm lo chuan a rawn chhuak leh nghal a. Room chhung lam a luttur a min hrilh hnu chuan ka tha khur chu a zual sauh a.








Timdui chung chuan Bethsy-in min kawhhmuh na room lam chu ka pan nghal a, ka hnung ah sangte-an min rawn zui ve nghal a, Dennis-in ka hmel a hmuh chuan a ner sak a, keimah min en kan in sangtea chu a melh ta daih a chu ringawt pawh chu katan thil hreawm tak ani, min ngaipawimawh lo ang a a awm ringawt pawh chuan min ti na tawk hle si a.









Ka awm ve tih hrelo ang hmak chuan sangtea chu tumah hrilh lo tur che khan ka hrilh chiang viau che sia ti chuan a chhal zui nghal zat bawk a, sangtea nen an inbiak dan pawh chu ka hre chang tawh meuh lo. Dennis-i hmai vung duk churh ka hmuh chuan hreawm ka ti in ka inthiam lo zual sauh a, tawngkam khat pawhin min be ve lo hrim hrim, katan mipawi mawh tak a nih ang bawkin a tan pawh mipawimawh ka ni ve tho kha a nia, tunah zet chuan a tan chuan hmelhriat loh mikhual ang chauh ka ni tawh.








Rei awm lo in sangtea chu a haw leh daih a, kei erawh chuan kalsan ka tum lo hrim hrim nizanlam a thil thleng chungchang kha hrilhfiah ngei ka duh tlat a, mahse ka thusawi a ngaithla duh bawk silo. Min biak ve Chhun ah pawh hawtur in min ti chang fak fak zel a, keilah in haw san ka tum lo nasa mai bawk si.







Bethsy-i te nupa in thatak a in rem tur a an hrilh pawhin an thusawi pawh chu a ngaithla duh thak lo. Hetiang a lo sawisa tute hi tu pafa pawh nirawh se zawnchhuah a an phutawk hremna pek chu ka chak zek zek.








A kiangah ka thu reng chung pawh chuan min haider lui char char a, a khawsik a awm leh tih Bethsy-in a rawn sawi chuan ka mangang kher mai, chiai lutuk chuan ka dinghluai a, a ban chemte a an vih na chuan khawsik a kaichhuak tih a hriat mai a, a chalah chuan ka va dek a alo sa vur bawk si. Hlauthawng fe chuan damdawiin ah kal ang ka tih pawh chuan min haw san la ka dam a nimai tih chu ka chhan na dawn Chhun ani.







Nidang chu nise min chhan na vang chuan ka thinrim viau ang le, mahse ka dikloh zawk miau avang chuan tawngkam na leh rih el tak a min tawngkhum na te chu haw ngam tur pawh ka nilo hrim hrim.




Kan pahnih chiah in room chhungah chuan kan awm a, min be duh bawk silo . nileng in a kiangah ka thu char char a, min haider lui char char a ka rilru chhungril tak chu ana ve tho mai.








Kanu in min rawn call pawhin Dennis-i bul a ka awmthu ka lo hrilh a, rawn hruai haw rawh a rawn ti nghe nghe a, ka rilru chuan hruai haw chu sawiloh biak pawh min be duh lo ania ka lo ti a.






Ka awm ve tih hrelo ang hmak a a muhil der chu ka tuar thei tawh thlawt lo a, a ban na tih natsak hlau tak chuan ka taksa chuan ka bawhbet a, a lu ah chuan vuan in duhthawh lutuk chuan ka fawp ta ngawng ngawng a, ka chetdan chu keipawh in ka duh dan ani bik miah lo, mahse ka tilo thei lo min haw lutuk a tawngkam na tak tak a min ankhum bawrh bawrh lai hmel chu ka en tawp. Ka thil hriat chhuah chu hetiang tak hian Dennis-i hi ka lo tina ani tih chu ani. Engtin nge a rilru kan tihnat sak na hi ka thawi dam leh tak ang. Hmeichhe luhlul leh rilru paukhau zet ani tih Ka hre chiang ve thawkhat viau bawk si a.








"Dennis khawngaih takin ka thusawi hi ngaithla teh, nizan thilthleng kha kan pahnih tan a ti ka ni, nang nen hian hlimtak a awm dun ka duh a. Rci khan ka kalsan che iduh chuan zankhat chiah ibulah hun ka hman min phalsak rawh a ti a, ka lo ngaihtuah Kim tawk lo ani. Khwthil kha nang leh keima tan ati kani a, mahse kan inkar a chhiat phah ta vek si a.





Min ngaidam tur in ka duh che khawngaih in min ngaidam rawh, tun atang chuan ita chiah ka ni tawh ang. Min haw viau mah la kha thil ka tih chhan kha min hriat thiam pui turin ka duh takzet che, min ten in min haw hle mah la kei chuan ka hmangaih reng tho ang che.






Tawngkam khat mah a lak a tang in chhanna ka hmu lo hrim hrim, beidawng lutuk chuan ka rum nghut a.






Tunah chuan ka haw san rih phawt ang che, khathil ka tih chhan ka sawi kha ilo ngaihtuah ve ngei ka beisei ania ka ti sup a, ka thusawi chu a ngaithla nge ngaithla lo pawh ka hrelo a mit chu a chhing tlat a, ka tah hi a chhuak hluah hluah. Dennis ka kal dawn ania aw, tha deuh in lo in enkawl la. Min ngaihdam hma chu ka beidawng dawn miah lo ania ka ti leh hram a. Ngawi reng chuan ka chhuak ta hnu hnu a.







Kan in ka thlen chuan ka chhungte an lo inkhawm vek a, chahbi dahna ka hriat tho a vang chuan kawngka hawngin inchhung ah ka lut nghal a, nilengin thil ka eimiah lo a mahse thil eichakna pakhat mah ka neilo, ka rilru a hah hluah hluah ka rilru ah thildang a lut theilo a rilru kan hliamsak pawh tih tawh naklai in mi kut a lo tuar leh zel chuan keimah hi min ti na tel ve miau si a.









Ka room ah chuan chhotlang in ka kawr hak chu ka phelh nghal mawlh mawlh a, ka rilru hah lutuk chu ka thaw leh hawk thin a, bathroom ah chuan Lut in tui vawt zet chuan ka in phuh tir a, tlangvala pumpa tah vak vak mai hi ka duh a. Dennis-i khan min ngaidam duh lo ta se engtin nge ka awm ang, rci va sawisak hrep mai te chu ka duh rum rum a.








Ka chhungte inkhawm bang thawm inhnuai lam a rawn awm tak ah chuan muang chang in ka chhuk thla a, ka chau ngawih ngawih a ni ber mai, kanu chuan bawiha Dennis-a chu a rawn kal ve ta lo ami a lo ti nghal var a, engmah lah hi an hre ve bawk silo a. Ka pa chuan Bawiha nu thin hi chu aw, a chhungte kiang ah a haw ve chauh a engtin nge tunah hetah rawn haw se itih reng reng ni, in a nei ve reng a a hman hunah a lo la leng leh mai dawn alawm ti a min lo chhan khalh vang chuan ka lo lawm rilru ngang mai.





Kanu leh pa te chu zaikhawm tur in reipawh thu lo in an inzui chhuak leh a. Linda-i lah a thian te an lo leng min hre chang tawh der bawk silo.





Keimah chuan tihtur ber pawh hrelo chuan ka tei ruk ruk a.
Khang thil te kha thleng lo se chuan Dennis-i nen kan awm dun mek awm si a, ka mal bik lutuk chu ka in khawngaih hluah hluah.







Bethsy te in ah ringawt ka rilru a awm a, Dennis-i lahin min hmuduh bawk si lo, ka insum zo ta ngang lo a ka jacket chu hain ka in khalh chhuak ta ringawt a, khawlai ah chuan mihring an zi nuk nuk a, engmah lungkham neilo a nui bawk bawk ka hmuh te chuan ka pawi an sawi tlat, panlam em em pawh nei lo chuan ka tlan kual vel mai mai a, rilru fim ka put leh meuh chuan Bethsy te in bulah chuan ka lo ding reng tawh a, inchhung ah chuan ka hmangaih ber hliam natak tuar in a mu reng tih Ka hria a, duat tak a enkawl ka duh ngawih ngawih laiin ka hnaih thei bawk si lo.








Engtiang chiah a rei nge car chhungah chuan ka thut pawh ka hre lo, Bethsy te kawngka a rawn inhawng a tawngthawm ka hriat a vang chuan ka hawi chhuak vat a. Bethsy te nupa leh Remruata rawn in zuichhuak ka hmuh chuan ka lungphu chu thikna vang chuan a thlawk chhuak lo chauh, enge Remruata khian Bethsy te inah khian a tih tih chu rindan ka nei mai a, Dennis-i khan a u in Remruata neise a duhpui zia min hrilh chu ka rilru ah a rawn lang nghal a, thawh lawk a Remruata sawisak chu ka chak zek zek, an unau vang hian ka nun hi a buai zo vek tawh.









Remruata a tlanliam hnu chuan Bethsy te nupa chu inchhung ah an inzui Lut leh nghal vat a, ka rilru ah Dennis-i a rawn lang zawk a. Hlauh thawn na bawk chuan ka tiril chu a rawn fan leh tawh a, Dennis-i chu a na zual a nga doctor an ko a nithei a ngem! Ka phone chu phawrh in Dennis-i chu ka call a vawikhat a ring hman awrh ang tih ah a phone chu a off leh nghal daih a, thinrim lutuk chuan ka phone chu ka vawm bur a, ka kut chu kahum ruh kher mai.






Ka chhungten min ngaihtuah ka hlauh ve tho a vang chuan inlam ah ka in khalh haw leh a, nizan lamah ka muhil tawh bawk silo a muthilh ka mamawh takzet mahse ka muhil thei bawk si lo, zing hmatak ah tho in ka in siam mawlh mawlh a, Tuikhuahtlang lamah Dennis-i hmutur in ka in khalh chhuak leh vang vang a, an in ka thlen chuan an lo la tho lo a. Pawnah darkar chan ve zet ka nghah hnuah kawngka chu a rawn inhawng a, thophang fe chuan Bethsy a rawn chhuak a bike nghen a ka lo ding reng min hmuh chuan a phu deuh zawk leh nghal a.







Hawihhawm tak chuan "Hector tunang zingkar ah hetah ka hmuh che, enge irawn tih dawn a" a rawn ti chul a.






"Dennis-i ka ngaih tuah deuh a, rawn hmuh tumin ka rawn kal a in la tho bawk silo a ti hian ka lo nghak tawp che u ka tih chuan.






" E khai aw tinge tunang zingkar khawvawt ah te irawn kal buai duh matei chu a tha lutuk a lawm, tunah pawh a la muhil tui lutuk rawn lut la zing thingpui pawh ila in ka ring chiah lo thingpui ka lo lumsak ang che" a tih chuan ihe lo chuan ka zui lut a.







Bethsy-in thingpui a lum chhung chuan Dennis-i hmutur chuan a room ah ka lut a, a u sawi ang tak tak in a lo la muhil tui ngang mai, a mit chung duk vel pawh a lo reh deuh tawh a, tuitak a amuhil lai chu ka en ngawt ngawt a, min huat na hmel a muthilh lai chuan hmuh tur a awm miah lo, a hmui ah chuan dimte in ka fawp a. Ka hmangaih lo dam thuai thuai rawh aw, ka ngai tawh lutuk che ka ti sep a. A rawn harh hma a in thiar fihlim ka duh vang chuan rang tak in ka chhuah san leh nghal vat a.





Bethsy-in thingpui min lo pek chuan lawmthu ka hrilh sap a, nui suk chung chuan a hmai vung vel pawh tukin chu a zia hmel viau saw ka ti sap a, Bethsy pawh chuan rawn ngaih tuah lutuk duh suh, karkhat a liam meuh chuan a damtha leh var tawh ang a lo ti ve bawk a, khawvawt karah ka dingrei bawk a thingpui sa vervawr ka in chuan minti lum sawng sawng thei, thingpui ka in zawh ve leh chuan Beth ka kal nghal mai ang aw, chhunlam ah ka rawn kal leh dawn ania ka tih hnuah ka chhuak zui nghal a, inchhung a ka awm rei chuan Bethsy khan eng zawhna emaw ber min zawh ngei ka ring a, chumi ka hlauh vang a in thiar fihlim vat ka ni reng a.








In ka then chuan ka chhungte an lo tho vek tawh a, kanu chuan "Bawiha enge zingkar ah itih a ichhuah bo vang vang, tunlai i awmdan hi kan lak ah zep nei i ang riau in ka hria, thil diklo a awm em" ngaihthat loh hmel fe chuan min lo ti a.







Ka chhungte hnen a dawt sawi fo mai pawh chu hreawm ka ti tawh takzet, mahse Dennis-i thil tawn vel chu ka sawi chhuak ngam der bawk silo, ka pa pawh chuan "Bawiha buaina ruk hi ilo nei ani em lo maw, I chhungte kiangah hian engmah sawihreh nei suh ang che" a rawn ti ve chuar chuar a.






Nui hawk pah chuan kanu thin tak hi chu aw, puitling ka nih tawh hi naupang chhia ang mai a min ngaihtuah hi bansan ve tawh teh. Dennis-an minrawn bia a a kawr ka va pe lawk a lawm ka tih chuan an hmel ah chuan thawhuai hmel hi an pu a.







Ruai ni ani bawk a chawhma chiah inkhawm a awm dawn a, inkhawm peih lo viau mah ila chhungte ngaihthat nan ka inkhawm ve leh ta tho a, rci pawh a intiam ang in a reh ta hmak a, min rawn biak leh tum pawh nise a rin ang mai mai chuan min palzam tawh bik hauh lo ang le.







Inkhawm ban ve leh ka inthlak sawk sawk a, Dennis-i hmuh tumin ka in khalh chhuak leh nghal vang vang a, vengkar a hla tham ve bawk si a mahse engang a hla pawh nise ka hmangaih ber awmna chu ka pan lo thei bawk silo, min lo lawm dawn hauh lo tih hre tho mah ila ka kal lo thei silo a.







Doorbell chu hmet in kekawr ip zen chung chuan kawngka bulah chuan ka ding vang a, ka la hmuh ngai miah loh nula khal fe hian kawngka chu a rawn hawng a, ka hmel a hmuh rual chuan a nui sak a, "Hector nang maw! Enge he lam lam ah irawn tih ve mial a? a lo ti chul a, chunu ka hming hial hre tu chu ka hre ve der bawk si lo a.






Inchhung a kan inzui luh chuan ka rinloh deuh in an lo thu deuh thup a, tute nge an nih pawh chu ka hre hlei lo a.
Anni ho pawh chuan " U hector ilo kal ve animaw he lamah rawn thu thla ve la an rawn ti leh a, engvang a min lo hre em em hlawm nge an nih pawh ka hre lo a...sofa a thut thlak rual chuan "min lo hre thiam ula, tute nge innih ka van hrelo che u" ka ti ta nge nge a, an zing a upa hmel ber chuan nangmah ngaisang tute maw le, basketball ithiam zia kha kan hria a lawm a rawn tih chuan ka nui deuh hawk a.






Ni dawn tak hman ni lawk ah Mizoram basketball champion team captain ka nia tute pawh in min lo hre ferfur tak ang chu.
Nui var var chung chuan, enge hetah intih ve zawk ka tih chuan an in melh kual ralh ralh hlawm a.







An zing a pakhat chuan inthlahrung fe chuan urlawkzan khan ka ruisual in Udennis-a ka hliam palh a, kan rawn kan anih hi a rawn tih chuan ka thut na atang chuan ka tho hluai a. Chupa lam chu kut humruh chung chuan ka pan ta ngur ngur a, nang hian maw ka thianpa hi kut lo thlak a, ithah teuh zia saw ihria em! Tunthleng a jail tang lo a zalen a i la awm hi thil mak tak ani. Ka sawisak nge iduh jail tan ka ti tuar tuar a.








A thian te ho chuan min lo chelh vat a, ka thinrim ang thawm hria chuan Bethsy pawh arawn lang nghal vat a. "Hector enge itih a, thil sual an ti tih inhria in an lo leng anih hi thlah vat teh inchhung ah hian buaina siam kan duh lo ania, thatak a I awmthei dawn lo anih chuan min lo va hawsan mai rawh a rawn ti chang fak a.






Bethsy min hnarna aw chuan ka thinlung hi a vit tlang zawk nimai in ka hria, kei hian thil pakhat lek ka ti sual a, chupawh Dennis-i ka ngaih tuah vang a ni, an ni chuan Dennis-i thah tum a hliam natak siam sak tute an tan zawk ania. Chu pa kawr awm a ka tham na ka kut chu kala thla riai riai a, Bethsy chu en in ka tihpalh tih zawng ka sawi thei Chak zet chuan kawngka lam pan chuan ka pen nghal pawk pawk a.






Engvang phiangsen in nge kei hi chhuak tur a min hrilh fo bik nge annih? Thin rim lutuk chuan ka bike chu ka chhuih bur a, tinge ka rilru mangan na te hi min hmuh sak ve duh miah loh a, ka thiltih pawh kha Dennis-i vang liau liau a ti ka ni bawk si a.






A tawk tawh engkim hian chintawk a nei, ka thiam lo kadik lo tih ka inhria a, ka tih dikloh ah ngaihdam ka dil mawlh mawlh reng a, haw rawh, in hi chhuahsan rawh tih tawngkam ka dawng fo chuan minti lungawi lo takzet.






Chak zet chuan kan inlam pan chuan ka tlan a, engvang in nge min hmu duh lo tu chu hmuh phet ka tum bik lem ang le, hmeichhia te zawng ka duh duh ka thing thei a lawm ka rilru chuan ka ti mawlh mawlh a, mahse Dennis-i ang a hmangaih ka nei chuang silo, hmeichhe diktak ang in vawihnih khat bak ka la hmu silo a chuti chung chuan ka hmangaih hle bawk si a.






Mipa anga ka hriat laipawh khan ka ngaina tawh a, hmeichhia anitih ka hriat chinah ngat phei chuan ka hmangaih bur tawh, mahni hmasial tak in Dennis-i ka duh vangin ka hmeichhe kawplai pawh ka thlah a, mahse enge tunah thleng hi. Kei hi hnawl in ka awm ani.





Ruaitheh a hun tawh mai dawn bawk si a, ka room chhungah chuan ka tawm reng a, kristmass nuam lo tak chu a van nichiang tak em, Dennis-i hi hi ka beidawn san thei ngawt lo ang, mipa dang in ka chanvo tur min neihsak hi ka phal thei ngai lo ang. Hector ibeidawng tur ani lo anka nemin thinur a ti kiang thin antih khamaw ti chuan ka infuih ru mawlh mawlh a.






Ruaitheh lai chuan Dennis-i chu ka rilru ah a awm reng a, nihnih khat kalta kha chuan kan hlimdun viau si a, tunah lem thinlung na theih tawp in kan awm dun leh bawk si, kanu in bawiha ichawei a va tui loh hmel ve, tlangval te chuan chaw tamdeuh a eitur a ningai, chhungkua a kristmass ruaitheh thei lo tamtak a awm laiin keini chhung erawh chuan pathian khawngaih na leh zahngaihna kan dawng a, hlimtak in ruai kan la theh ho thei ania a ti siam siam a.






Dennis-i hmutur a kal ka duh viau rual in lawm ka hlawh lohna na hmun a kal fo erawh ka chak lo viau bawk si, ka rilru chuan ka kal ang nge kal lo ang tih chu a inbuk reng a. A tawp atawp ah chuan ka thinlungin Dennis-i hmuh chu a duh zawk miau avang chuan ka in khalh chhuak leh ta nge nge a.







Bethsy nen chiah inah an lo awm a, Dennis-i pawh a lo thu chhuak ve peih tawh a. Ka hmel an hmuh rual chuan an in melh ralh a, an unau khawsa zia vang chuan ka ner sak a, enge ka sawi ang tih Ka ngaihtuah rauh rauh lai chuan Bethsy chuan "Hector vawin thilthleng kha a zialo khawp mai, khatiang a tawngkhum tur che kha ka ni miah lo a, matei ingaihtuah zia hre tur ka nia sin mawle a rawn ti sep a.






Dennis-in min en reng tih Ka hriat avang chuan ka lai deuh tut a, ka thiam loh vek anih kha, Dennis-i lo khawihtu tih Ka hriat khan ka thinrim ka in thunun thei lo a, in inchhungah buaina ka siam a vang khan ngaihdam ka dil nawn leh duh che a ka ti sup a, zalo fahran chuan ka nui suk a.






Ka neilo ang hmak chuan Dennis-i chu a thungawi ran a.

" Dennis kha iva that tawh hmel ve, ihmai vung vel pawh a reh duak tawh a nih kha" katih chuan a ner sak a, mawihmang ah tal pawh min chhan ve ka lo beisei na chu thli mai ani





Kan sirah kan chezia chikzet a minlo thlir rengtu Bethsy lam reng reng ka lo hre chang tawh lo hrim hrim. "Nang ni pahnih hi enge inbuaina, in awmdan hi ka hrethiam hauh lo mai thilthlen dan kimchang Chiang deuh zawk in min hrilh thei em, zawh Ka duh viau cheu rual in hunthawl engmah a awm thei silo a arawn tih chuan Dennis-i nen chuan kan in en haw a.






Beth nang chu Dennis-i u ini a, kan inkar thilthleng hi ihria nge hrelo chu ka hre hauh lo a, keihian Dennis-i hi ka duh tih chu ilakah zep buai ka tum hauh lo ka ti hman dek dek a.




A tawk engmah sawi tawh suh, kan inkar ah hian engthil mah a awm lo thian kan ni thin a chuzawng chu animai Dennis-i chuan a rawn ti tuar a.





Phawk zet chuan Bethsy chuan min melh tawn zak zak a. " Hector nang hian Dennis-i hi iduh a maw? Thil awmdan hi ka van hre thiam lo ve bialnu kha inei reng ani lawm ni ih khanu doctor rci kha ibialnu a ni lawmni, engtin nge matei hi iduh theih zawk a a rawn ti bah nak a.




Dennis-i chu ka va melh zawk a, engmah sawi tawh lo turin minduh tih hriat lutuk chuan min melh a, mahse ka haider lui ve tlat a, kawngkhat a ka hlawh tling lo anih pawhin kawngdang chu ka zawh ve mai angai tih chu ka ngaihdan ani.





"A dik a lawm, Dennis-i hi mipa amaw ka tih lai pawh khan ka duh tawh a. Ka anpui ka Ngaizawng ta ah inngai in ka mangang thin khawp a sin ka ti hman dek dek a, Dennis-i chuan 'u' minlo va chhuahsan lawk thei em Hector-a nen hian inbiak lawk ka duh a rawn tih chuan ka nui suk a.





Thil thlendan kimchang min hrilh vek ka phut ania, ka lo va chhuak a nge a tih chuan ka lo thaw huai a.



Bethsy kalchhuah rual chuan " Engvang in nge kha thil kha irawn sawi chhuah a" a rawn ti bak hlar a.



Nui suk chung chuan. "Sawi chhuak turin min nawr miau sia lawm, tha te te khan ka thusawi kha ngaithla la khang thil kha ka sawi chhuak bik tawp nang" tifuh inti fe chuan ka lo ti sam et a.



Tenawm pa tih leh a chapal bunlai chu min min rawn vawm a rual a, a chetdan maksak lutuk vang chuan ka lo nui hawk a, a chapal min vawmna chu chharin a lampan chuan ka pen phei nghal a, a hma ah chuan thingthi in a chapal chu buntir ka tum a, a ke ka dek chiah chu.





"Min tawk hlek suh, ikut bawlhhlawh khan min khawih ka duh lo" arawn ti vin hlar a. A tawngkam na tak tak te chu ka ngai haw phal tawh lo hrim hrim.





Dam duam chuan Dennis thinrim tawh lo teh, kanu te pawhin an ngai tawh lutuk che ania, ka leng ka haw a piangin khawnge Dennis-i irawn hruai haw lo ami min lo ti ziah a ka tih chuan a ngawi reng a.






A lo kal tawh dawn lo ti mai la, ka lo kal tawh dawn hleinem, mi tenawm deuh bul a awm hi ka duh tawh lo a tih chuan ka nui hawk a, "tenawm kha minti thla zen lo teh, a hma zawng pawhin rci nen kan sex hman thin thu chu ihre reng a lawm. Ita chiah ka nih theih nan vawkhat ka mutpui chu enge ilaknat tak viau, chiangtak khan min han enteh keihi ita chiah ka ni tawh, tuman ilak a tang hian min la hrang tawh ngailo ang ka tih chuan a ngawi rauh rauh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2019, 6:20 pm

A mal pahnih chung a akut a dah chu ka kut lian zet chuan ka hum bet hmiah a, min lo hmutu awm se chuan mak min ti ve ngawt ang, a landan chuan mipa a nih loh na sawi tur reng reng a awm silo a, a hma ah thingthi in a kut chu ka hum run bawk si a.






Ngenngawl zet chuan "Dennis thinrim tawh lola, tunah chuan ita chiah ka nitawh kumsawm pawh nghah ngaila ka lo nghak ang che itih kha". A ma tawngkam ngei hmang chuan ka thlem a.





Engmah a la sawi duh loh cheu avang chuan a mitah chuan chiang fahran chuan ka en a.




" Enge maw tal sawi ve la" ka ti leh sup a.
A kut ka vawn na chu thingthla in "I tlai tawh" tih zawng chu a rawn sawi a. Min chhan dan teh tlawng vang chuan Ka beisei na neih ve Chhun te chu a ral nghal riai riai a.






"I tlaitawh itih awmzia chu mipa dang duh inei tihna a ni thei em' khapa kha mi Remruata kha" ka ti chang fak a.






Min chhan na tur chu ka hriat chak rual in ka ngaithla huphurh em em lawi a. Ka lungphu rang ta lutuk chu a thlawk chhuak lo chauh ani. "I ringdik anih chu Remruata kha ani, ani kha chuan hmeichhe dang a nei velo a, minti na ve ngai lo ang. Min hmangaih tute bak a hlu hmeichhe tan enge thildang thlak hlelh tur awm chuang ang ni" a rawn tih chuan ka ding hluai a.







Hrilhhai hmel fe chuan min melh chho ran a. "Ka hmangaih lutuk che Dennis zosanglian! Ka hmangaih na che hi itan a hlu ve miah lo amaw? Kei ai chuan khapa duhna che kha tha zawk in ingai tihna ami, a ni lo thil nithei anilo. Bialnu ineih loh hun kalo nghak ang che minti a ni lawm ni, tunah ka rawn pan che a midang duh ineih thu min lo hrilh a, ka chung a ichet dan hi a nunrawn thlak mah mah iti ve lo ami" ka rilru nat luatah ka aw te chu a khur dur dur thei.







"Thinrim lutuk duh suh, nangpawhin rci ineihreng laiin kei min thlang a, chutiang bawkin keipawh in nang nilo in Remruata ka thlang ani ve mai, engmah buaina tur a awm in ka hre velo. Mihring rilru te chu a in thlak zung zung thei a lawm, kan duh zawng deuh kha a rei deuh chuan kan duh leh lo a, a aia tha kan hmuh chuan kan it leh mai thin a, thilhlui chu a tharin a rawn luahlan vat thin ang deuh kha kan pahnih inkar chu ani mai, keipawh ka dam fel ve leh kan inlam ah ka haw anga, ka nihna diktak hmeichhia ang in ka awm tawh anga, heng mipa thuamhnaw te in ka inbel angai tawh lo bawk anga nuntharin bul ka tan tha tawh dawn a, thian thatak kan lo nih tawh angin min lawmpui ve ka phut tlat ania" a tih phei chuan ka khawng lo chauh ani.







Aw rawl tawp a au chiam chiam mai chu ka duh a, keihi hnawl kani a maw ka ring thei lo a ka ring phal bawk hek lo. A tifiam anih ring in a hmel chu ka en ngur a, mahse a hmel ah chuan fiamthu na hmel reng reng ka hmulo mi in ring tawk tak Dennis-a chiah kha a hmel ah chuan ka hmu a.








Beidawng lutuk chuan ka sambuk lam lek lek chu ka tham tawk a. Dawt ani dawt vek, ka chungah hetiang thil hi itithei lo ang min fiam ani tiraw. Dennis ifiamthu thawhdan hi ka ngaina hauh lo ania, itan hian hlutna chhete mah kalo nei ve miah lo ami? Engtin nge hetiang hian mintih theih zawk?.







Ka bia nge keimah ka inbia tih pawh hriat loh chuan ka phun chhuak mawlh mawlh a, kei nilo in mipa dang duh a neitawh a 'ka' ngei a asawi ka hriat na vang chuan ka thinglung hi chemhriam tak a zaithler kawk kawk ang mai in a na ani.







"Ka sawi mai mai lo ania, tun a tang chuan nang nen hian inzawm na pakhat mah kan nei tawh lo. Minlo tanpui tawhna zawng zawng vang erawh kha chuan ilakah bat tamtak ka nei, nang leh ichhungte chungah khan lawmthu sawi sen loh kei hian ka ba in ka inhria, itan tihtheih ka neih phawt chuan ihe lo in ke pen tur in ka in peih reng tih erawh min lo hriat sak reng la ka duh, engpawh nise haw tawh rawh mut hahdam ka mamawh tawh in ka hria" a tih chuan lungtum ang maiin chechang lo chuan ka ding luah a.






Ka tlawm ani, ka tlawm ngawih ngawih, kan neih theih ngai loh tur neihtum phettum chu mahni bak kan lo na lo tih chu ka hre thiam ve ta uar uar e.







"A tha e. Beisei miah loh tur kalo beisei che a, ka banphak maiah i awm amaw tiin neihtum in kalo ban ve tawk tawk che a, katan chuan banphak rual ilo ni silo thinglung a sernung liantak neireng chungin ka damchhung ni te hi ka chhiar a lo ngai dawn ta anih hi.








Hei erawh minlo hriatsak reng la ka duh " Dennis keihian ka hmangaih lutuk che tih hi" na viau mah ila ihlimna chu ka hlimna anih vangin ka chung a thilthleng hi lawmtak in pawmthiam kalo tum pauh a niang chu, tha deuh khan in enkawl la ilo damtha vat dawn ania" ka mittui rawn farkauh chu ka hru zauh a.





Atawp nan ti ni awm takin ka melh leh hram a, ka tihder che anih kha a tih beisei na chuan ka bul mai a thu kun tlat chu ka melh tawk tawk a, mahse beiseina thamral mai chauh a ni. Muang chang chuan pawnlam pan chuan ka pen phei chhat chhat a, mipa tak a awm harsa katih zia chu pui tak ani.







Khami ni atang khan Dennis-i ka hmungai tawh lo a, kanin a a thuamhnaw awm te chu sangtea ka pektir ta ringawt a. Thinglung hliam tuar chungin kristmass leh kumthar pawh ka hmang zo a, ka rilru natna chu ka chhungten an hria ang tih hlau zetin ka in thup ve hram hram a, kumthar ve leh ka ni te khua champhai lamah ka zin ta daih a.







Dennis-i tel lo chuan khawi hmun mah hi nuam ka ti thei ngailo, kei ni lo mipa dang bulah hlimtak in a awm tawh awm sia, lungngai a indawm kun reng tur inilo tiin ka in fuih ve thin. Mahse hmalam ka pan thei lo a, min delhtu thinlung natna hi a rit lutuk a tho chhuak leh tur in chakna ka nei hlawl lo ani. Ka thil tihsual pakhat lek vang a kan inkar lo zau ta lutuk chu siamthat leh theih nise ka ti ngawih ngawih.






Champhai ah January thla chhung chu ka awm tawh a, February thla tawp lamah basketball tournament a awm dawn a, ka naute ho in min rawn phone zut avang chuan ka phone ka sim chu ka phawi daih a, karkhat hnuah ka sim chu ka vuah leh chauh a. Dennis-i tel lo a tournament fight chu ka phur hlawl lo ani.







Nikhat chu ka ni te phaiah kan kal a, an dil a sangha chu man tumin dil chu an sah kang vek a, andil a zau bawk a sangha pawh an tam in an lian tha hlawm kher mai, sangha tam tham zet chu hralh turin dilkam ah chuan kan vawmkhawm rum a, commisson ho chuan a hmunah rawn kal chilh in an rawn buk a, kan buai lutuk a talang ah ka phone pawh ka khawih hman meuh lo, kan in tih fel meuh chuan ni a tla vek tawh a, ka phone ka en chu missed call a lo awm nual a.






Kan team member a mi te vek an ni leh nghal a, min rawn biak tum ho hming chu ka en thla dan dan a Dennis-i hming pawh a lo awm ve vang a. Ka lungphu chu a rawn danglam leh nghal vek tawh, midang ta ani tih Ka hre reng chung pawh in Dennis-i tan hi chuan ka lungphu hi a danglam leh thin chu ka duh lo ngang mai.








Inlam a kan haw hunah sangtea chanchin ngaih venin ka phone mai ang ka ti a, haw ka tum hnaih tawh avang in sangha pawh hralh zolo in kani pasal pazau-an ihawnah ti in sangha liantha zet zet sawm tha zet chu hralh tel a phal lo a, a sum a chhut a ral chuan a man a tam tham ve khawp ang le.





Champhai vengsang ah kani te hi an awm a, an fate phai lam ah lehkha zirir in an awm vek a, leilet phai zau zet leh sangha dil lian zet zet hmun li ngawt ah annei a, tumah sawrkar hnathawk awm miah silo in an taima bawk a an vengah pawh awmthei ber pawl an ni pha tlat lawi a, an taimak rah liau liau ani, sawrkar hna ngawr ngawr lo pawh hian mi taima tan chuan nun khawchhuah na a lo awm tih te ka hriat chinah phah a.








In kan thlen ve leh kani in rawng a bawl nghal sawk sawk a, pa zau-an kan sangha man tharlam zet chu a lo chhum ve bawk a, kei erawh chu tlangval ka ni bawk a inbual tur in bathroom ah ka lut nghal daih a, ka inbual chhung zawng pawh chuan ka phone a Dennis-i missed call lo awm ve ngawt chhan chu ka ngaih tuah rauh rauh a. Min rawn biak a tum leh anih loh chuan call back kher ka tum hauh lo.








Ka inbual zawh a ka in thlak fel meuh chuan khua pawh a lo thim nasa tawh hle a, February thla tirlam ni mahse champhai chu a vawh vanglai ang hlauh in a la vawt vur reng a, kani te nupa chu kan tlai ta sa sa in tifai hmasa phawt ula muangmar in zanriah chu kan ei maidawn ania rawngbawl ngai a la awm chuan ka lo chhunzawm tawh mai ang ka tih chuan, kani chuan Bawiha engmah tih ngai em em a awm tawh lo, purunsen vel kha lo zai la chu chu ani tawh mai a lo ti zung zung a, inbual tur chuan an nupa chuan choka atang chuan an inzui chhuak nghal dat dat a.







Kani te nupa an inbual fel chuan engkim ka lo peih fel diam tawh a, chaw ei chu ka siam nghal mawlh mawlh a. Dawhkan kan kil fel hnuah pa zau-an chhung inkhawm na hmangin a tawngtai leh te te a, chaw chu kan ei zui nghal mawlh mawlh a.








Chaw ei pah chuan pa zau-a chuan "Hector India basketball championship kha Mizoram khan kan tleng dawn ni khan sawithawm ka lo hria a, enge Mizoram team hi in dinhmun chiah le, captain berlah helam ah ila awm vel mai mai bawk sia, practice na hun pawh in neih vak hmel bawk silo a, champion trophy in chawi tawh lo mai ang tih chu ka hlauh pui viau mai che u a" a rawn ti chuar chuar a.







Pa Zaua thusawi chu ka pawmpui khawp mai, hmeichhe pakhat minhnawl na vangin ka game ngainat em em basketball lamah pawh riltu pe thei loin ka awm phah chu ani si a, aizawl lamah a rang lam a ka haw vat chu a hun tawh takzet ani.






Zanriah eikham ah ka ni thleng vel ka tih fel pui leh vek a, chhunlam ah kan tal hah bawk sia ka mutsan nghal mai dawn che u ka tih chuan, kani chuan ichau ngawt ang va mu hahdam rawh a lo ti vat a, kan mangtha fel hnuah mutur chuan ka room lamah chuan ka luhsan a.






Khumah chuan ka bawk vang vang a, ka phone chu lain sangtea chu ka call a, phone a lak rual chuan biaktlang iva har em em ve a. Tournament thlen nan karthum bak hun kan nei tawh lo a, nang lah chu khatah ila awm vel mai mai a, kan be pawp thei bawk silo che a nak tuk hian nangmah hruai tur a rawn intirh kan lo rel rum rum a, kan team pawh kan Kim vek tawh nangmah chiah ikim lo a rawn ti nghal lawng lawng a.








Kan Kimvek tawh a tih awmzia chu Dennis-i pawh a tel ve tihna, ka lungphu bawk chu a rawn rang leh nghal zawih zawih a, chuvang anih chiah chu Dennis-i missed call a lo awm ve ni.







Ka lo rindan chuan an inlam ah haw in hmeichhia ang in a nun hmangin a bialpa Remruata nen an lo hlimdun viau ka lo ring kha ania, a awmzia chu an inah a la let miah lo tih na, chu mai bak ah mipa ang in a la awm reng bawk a, chuan Remruata nen bul anla tan lo bawk. Phir lutuk chuan khum a tang chuan ka tho hluai a, chhuat ah chuan zuan vak vak tak hi ka nap a.





Kani te nupa an la mut loh avang chuan room atang chuan tlan chhuak in kani chu ka au lung lung a, ni naktuk ah ka haw angai leh thut dawn a, engtin nge sangha kha ka hawn dawn a ken natur kan ngaihtuah sa loh chuan kawnglak ah a chhe hman vek ang tih a hlauh awm bawk sia ka tih chuan. Kani chuan bawiha chuti rum rum a haw itum leh tak thut a a lo ti vat a.






Eng thildang nilo in basketball lam zawk kha ania, ka naute ho in naktuk irawn chhuk loh chuan kan rawn hruai dawn che anti tlat bawk sia, ka haw mai loh zawngin an rawn kal leh duh tak tak ang ka tih chuan, pa Zaua chuan an sawi dik reng a lawm team tan mi pawi mawh tak ini a, tournament liantham in hmachhawn dawn a helai a hun khawhral mai mai hman pawh ini tawh hlei nem isangha hawntur vawnthat na tur chu kan ngaihtuah ange tih pah chuan a tho tuih tuih a.







Ka 'ni' chuan bawiha insiampui ingai angem a tih chuan a ngaih loh thu in ka lo chhang vat a, ni ka in siam pahin ka nu te ka haw tur vel ka zu hrilh ve ange ka thil hawn tur kha chu patea nen khan lo buaipui mai rawh u aw ka tih chuan, khalam kha chu lo ngaih tuah duh suh ipatea nen kan lo ti fel mai ang, haw itum leh thut bawk sia phaibuh hawn tir teuh che ka tum ania kan faisa tlem a zawng hi ihawn mai aniang chu a tih chuan, ni chutiang hawn kher angai hlei nem buhfai te chu a tui tak tak lei senloh a awm a lawm ka tih chuan.








Mai mai a, chutiang ani ringawt lo vaibuh tui dan leh kan thar chhuah ngei phaibuh tuidan te chu a in ang hleinem inu leh pa ten an lo thlahlel leh dawn lutuk tih Ka sawi chiang ngam bal, nidangah ka lo fai a nga ka rawn thawn leh tho ang che u a ti bawrh bawrh a.








Room chhung ka luh hnu chuan kanu chu ka call nghal a, bawiha min va rawn be khat em em ve, I chhungte hi min lo theihnghilh tawh anih ipa nen kan lo ring a, engtik ah nge rawn haw itum reng reng, Ithianpa Dennis-a pawn a ngai tawh che aniang inah a rawn kal sek a, engtik nge a rawn haw dawn tih min rawn zawt sek mai a rawn ti nghal bawrh bawrh a.







Kanu biak hi chuan a duhtawk a a titi hma hi chu engmah sawi na hun hi kan chang ve ngai thin lo, ka pa hian midang thusawi tur ngaichang hmasa ve thin rawh tiin a khak fo a, mahse a sim hleithei tawh lo.








Nu naktuk ah ka rawn haw dawn tih rawn hrilh che ka tum a, engmah sawi na hun pawh min hawn sak loin I tawng nghal char char ania ka tih chuan a nui hawk hawk a, ka fapa tlan bo in min rawn bia a sawitur ka ngah em avang in ka khat liam lutuk tawh a, chuvang anih kha,bawiha izin rei tawh lutuk a, I thiante zawng zawng iti mangang a lawm itel lo chuan inau te ho hi an practice tha hleithei lo a, an lo nghak hlel tawh ngang che ania a rawn ti leh bawrh bawrh a.









Kanu rawn sawidan hmang ah kha chuan Dennis-i chu ka awm loh chhung in kan inah a lo kal fo anih hmel a, kei min haw viau siin ka chhungte te erawh a ngaina em em lawi si a, ka lak a a thinrim na te kha a reh tawh nge ni ang, nge thildang vang zawk.








Dennis-i nen khan in an na riau kan nei a, chu chu basketball kan ngainat na hi ani, kei chuan a mah vangin ka ngainat em em basketball pawh ka thlah titih a, a ni erawh chu chutiang a ni hauh lo, ka lak a a inla hrang chung pawh in basketball a khelh na a ti buai eih lo chu ania, Dennis-i nen kn inkarthu a chhiat vang maiin ka chhungte pawh thlah thlam in ka phone ngai zen zen lo a, mawl ka in ti tak zet.







In siam vak ngai ka ni lo bawk a, ka kawr leh pheikhawk chu bag ah thlepfel thlip thlep lo chuan ka vawm lut vel mai mai a, in ka thlen hunah ka farnu neihchhun Linda-in min lo hau leh ngeidawn tih chu thil chiang sa ani.








Zing hmatak ah ka ni in rawng a bawl a, sumo ticket zing darkua a chhuak tur kan lak tho avang in chaw eikham ah I patea nen kan zu thlah ang che counter ah a ti a.
Aizawl thlenthlak ka chak em em rualin ka huphurh deuh tho bawk a, Dennis-i hmel ka hmuh hunah engtin nge ka awm ang, thlakhat liam ta khan min hnawl Chiang viau kha ani si a.








Kei chuan englai pawhin ka la hmangaih reng a, ka hnenah rawn kir leh a duh anih chuan a tan he ka thinlung kawngkhar hi zautak in ka lo hawng reng ani.







Tukthuan ei kham ah ka ni te nupa nen counter lam panin kan in phur thla a, kan kal dawn chuan pa Zaua chuan "Hector lo zin leh thuai rawh aw, inau te ho lah kan kiangah tumah an awm si lo a, ini nen hian kan khua a har thin teh ania a rawn ti chuar chuar a. Ka lo zin leh vat ang ti chung chuan kan in vai liam lawp lawp a.








Ka bul chiah ah chuan nula in hnawihtai zet mai hi a thu a, kan khat tha angreng bawk sia chu chu remchang ah lain min rawn nek delh salh thin a, a khawsa zia chuan ka nuih a ti za angreng khawp mai. Tunlai nula te huaisen tawh zia hi ka ti rilru neuh neuh a.







Driver chuan "thianpa Hector-a Mizoram basketball team captain kha ini tiraw" a rawn tih chuan ka lo nui suk a, ka bul a nula thu chuan " Dennis-a kha ka duh lutuk min lo biak rawh aw, a number min lo pe thei a ngem ka at chilh bur a nia a rawn ti nghal bawrh bawrh a.






Chu nula mawlmang ve tak vang chuan ka lo nui hak a, mi in thu min zawt a kan inbiak laklawh lai a alo in rawlh chiam mai chu zialo hi ka ti khawp a. Deriver vek chuan "tournament kha tunthla tawplam hi ani ti raw, enge in an hmel in practice tha tawh viau em" a rawn ti leh a.








"Eng kan an ka rin loh thu leh kan player's te zing ami Dennis-a a inhliam thu te chu ka sawi ve duah a, nula bawk chuan Dennis-a a inhliam itia mi? Engtin nge a awm a, khapa ka duh zia kha chu aw. Lumhlum a hlawh theih nise ka lumhlum ngam sak a rawn tih chuan sumo chhung a thu ho zawng zawng chu kan nui dar dar a, pa upa lam deuh tawh hian iva han duh awm ngawih ngawih ve aw a rawn ti ve bauh bauh a.







Chuti tak a ka hmangaih Dennis-i lo duh tu chu kan duh a in ang emai ti chuan chiang deuh zawk chuan kan en chu, a kawrnghawng ah hian khumfa a lo vak zet zet a, ka nuih a za kher mai a inlak chhiat loh ve tehreng nen. Tunanglai khawvel ah khumfa kawr a lo la vahtir zut zut chu zialo hi ka ti khawp a.






Tlai darnga pelh ah in ka thleng a, kanu in minlo ngai tawh ngang mai. Ka inbual tur tak ngial pawh min zuilut lo chauh ani, zanlam ah manager in izin chau sia in inlam ah inhmuh khawm kan rawt ania a rawn tih chuan Dennis-i ka rilru ah a rawn lang zawk a, a rawn kal ve angem tih chu ka rilru ah a awm hmasa ber. Engtia lo hmachhawn tur nge niang, thlakhat kan inhmuh loh chhung khan a lo damtha a ngem, zawhna chhan senloh keimah leh keimah ka inzawt mawlh mawlh a.
.







Zanriah eikham ah thian te ho an rawn thleng khawm tak tak a, a rawn lut hnuhnung a piang in min rawn chhuahchhal hi ani ringawt, midang zawng an Kim tawh a, Dennis-i chiah a la Kim lo a, sangte-an rawn kal chu a tum kha enge maw buaina a tawk a niang a lo thleng ve mai ang a rawn tih chuan.






Manager chuan lo tansan mai ang u a ti a, kan practice dan tur leh thil tuldang eng eng emaw kan sawi khawm laih laih a, mikhual lo dawnsawn vel kha chu sawrkar lamin an lo buaipui dawn a. Keini chuan champion ngei tum a tan kan lak angai dawn a, kan captain ber a tlanbo rei lutuk a, duhang in inbuaihsaih na hun kan nei tam ta dawn lo anih hi a tih chuan ka in thiam lo ve reng.





Tlangval fit tha zekzawk vek kan ni a, tournament hmachhawn chu kan huphurh lo tlang ngang mai.







Dennis-i a rawn lan loh a vang chuan ka rilru kan thurel ah ka pe hleithei der lo leh nghal a, zanin zet chu hauh ka tawk zing ngang mai.






Tlai zetah Dennis-i a rawn thleng ve hlawl mai a, hostel ah tuilam ah harsatna kan tawk a, ka rawn tlai phah a ti in thupha a rawn chawi zung zung a, Dennis-i hmel ka hmu leh thei chu ka hlim veng veng, kan in hmuh hnuhnun ber kha chuan kan in hi a rawn rah leh duh tawh pawh ka ring lo ania.








Kan in hriatna bulber basketball chuan min suih khawm leh dawn anih hmel khawp mai.
Thil tul ang te kan sawi zawh ah fiamthu te thawh in kan nui ho dar dar a, chhunlam a ka thut pui nuin Dennis-a a at chilh zia a sawi a, lumhlum a hlawh pawh a lo inhuam khawp a ka tih chuan midang chu an lo nui dar dar a.






Dennis-i ka va en chuan zah hmel zet chuan hnuailam a lo bih ngar ngar a, zomuan-an tournament kan han tan leh chiah anga Dennis-a chu lumhlum a hlawh duh dang an pung leh nasa dawn a nih chu a lo ti ve bawk a, Dennis-in rum tawk a min rawn melh vang chuan ka nui lai chu ka tawp hmak a, fiamthu thawh nan ka hmang chu a lawm loh hmel ngang mai.







Thian te an haw darh hnu chuan Dennis-i chu a la thu fual a, ka chhungte an mu tawh bawk sia kan pahnih chuan kan in hmachhawn ran a, engmah sawi lo chuan a kut tin chu a sik niap niap a. "I dam tha tawh ami inkhelh te itum ve" ka ti sup a.





"Ka dam tawh chu anih hi" tih zawng chuan min chhang a.






"Inlam ah haw itum khan ka hre sia hostelah bawk maw ikir leh, khatiang ilandan ang khan hmuh leh che ka lo in beisei tawh lo viau a sin" ka tih chuan a then sak a.







"Ka rilru ka thlak leh ani ve mai a, bialpa ka neih pawh chu iva chak awm ve" a rawn tih chuan ka thin chu a sa zak mai.







"Ka chak loh zia chu ihriat chian viau kha maw, Remruata nen inlo induat nasat ka lo ring ania, hetia ka hmu leh thei che chu ka lawm viau mai" ka tih chuan a nui hak a.






"Engvang a Remruata nen pawh chuan min hmelbel chu tum fo nge maw inih chiah le" a rawn ti hlak a.






"Idamloh lai khan min haw bawk sia, ka ngaih tuah ve tho si che a, zanah I u te in bulah khan ka rawn kal ziah a, Remruata a rawn kal ziah bawk si a, Bethsy-in ipasal ah a duhpui zia che min hrilh tawhkha ka la hre reng a lawm' ka tih chuan..




"Ka damlo pawh min zinbosan daih thei ania, minlo ngaih tuah tak tak lo tih a chiang kuar a lawm". Thudang chu a rawn sawi leh zaih a.





" Tunge ka duh lo chung kaltur a min nawr tu kha".





"Ka thinrim tih ihrereng a, mahse ikal lui tho a lawm".





" Tunah ithinrim tawh lo ami?





"Thinrim e, ichhungte bulah ka chhungte hnen a haw angin min lo sawi a, inu ten ka chhungte nen in hmelhriat tir min phut viau ania, eng buaina ah nge min hnuh luh leh tak hi".






" Chhuanlam tur a vang em a lawm, ka chhungten ichanchin min zawt reng bawk si a".






Tournament zawh ah chuan, inlam ah kir la inihna diktak ang in awm tawh la ka duh, hetiang a lemchan reng hi ining ve lo ami?






"Kha chu ka thu thu, chuti mai a in thlak danglam leh chu thil awl ai ani hleinem".






" Anih bialpa chu inei tawh em?




"Thuruk a ni rih"




Thutak zawk chuan "Dennis kalo la nghak reng che ania, nanglo bialnu neih ka tum tawh reng reng lo ka tih chuan a lo nui leh hak a, a khawsazia chimawm thiam lutuk chu fawp leh hrep mai hi ka duh a.






" Zanin chu Kabul ah riak mai la, ka ngai tawh che ania ka tih chuan a ner leh sak a.






"I beisei sang mah mah, kava haw ve tawh ange naktuk a tang in practice a ngai dawn bawk sia a ti sep a.





Haw iduh talh chuan ka va thlah ang che aw ka tih chuan, bike ka rawn keng a lawm a ti tha ve mai a, "bike irawn keng tih chu ka hre tho a lawm, ka bike in hostel thleng Ka rawn zui ang che tawhsual tawk hman ani tawh lo" ka tih chuan za zet chuan a nui a.






Anui hmel chu mit khap leklo chuan ka lo en ngawih ngawih a, hmuh nawm a awm ami, khati fakau a min enkul a min rawh tih chuan ka khi suk a, zanin hian Dennis-i tak tak kha ka hmu leh ta niin ka hria a ka hlim veng veng, kal ila a rawn tih chuan ka tho vut a, phur lutuk chuan ka zui ve nghal vat a...cont

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 2nd, 2019, 6:20 pm

Bike ka lakchhuah chhungin gate pawn ah min lo nghak a, ka in khalh chhuak lai chu nui ver ver chung chuan minlo en reng a, hma hruai la ka tih chuan a dawk chhuak nghal zawk a, a hnung ah chuan chakzet in ka um ve nghal vat a, kanu in min hmu ngat se chuan min hau leh nasa ngawt ang chu. Khawlai a bike chak tak a tlan hi a haw em em a, midang tlanchak deuh a hmuh pawhin a sawisel zui ngei ngei thin.








Kawngsir a coffee zawrhna bulah chuan a ding chawt a, minrawn melh zeuh pah chuan coffee inlawk ang aw a rawn tih chuan ka lo pawmpui thlap, a kiang a ka awm theih na tur anih chuan zankhua pawhin coffee in ngaidawn mahse ka hreh hauh lo ang le.







Nui rah rah chung chuan coffee sat hmel fe chu a rawn chawi khu vat vat a, minrawn pek rual chuan ka lo ban vat a, "engtik lai atang khan nge coffee te ilo induh ve tak a" arawn tih chuan ka ner sawk a, chimawm leh lutuk tih chuan kalo phun hluk a.









Thlakhat lek chhungin ilo danglam hman hlemai maw, champhai nula hoin coffee in an lo zirtir che a ni chiang khawp mai a rawn tih chuan " ngawi mai mai teh ka lo ti hluk a.






Coffee ka ngaina lo tih a hriat vang in min inpui ngat a nia, ka in chaklo lutuk chu ka chhem ka chhem a, nuihzat hmel deuh chuan min rawn en char char zui a.
Ka coffee in peihlo lutuk minlo nuih chu Karun tawk a tling leh pek lutuk a, a hmuh lai ngei mai chuan kan tlak pawp mai a, ka luak lo chauh ani.







Coffee hi ka taksa in a hua a, ka in chuan ka luak ngei ngei thin a, chumi hre ran chuan min inpui duh ngat a nia, a kiang a hun tam zawk hman ka duh vangin ka taksa tan a thalo pawh ka in phah hial a nia
Kachil a rawnrial leh nghalder tawh a vang chuan kalvat ang ka ti sup a. Ka awmdan chu hre thiam tih hriat zet chuan awle awle boss nui hak chung chuan a ti a, a tlanchhuah pawh nghak zolo chuan ka phit chhuak ve leh a.







An hostel kan thlen chuan a rang arang in ka tlan lut a, pi siamin minlo hmuh chuan minlo be luam a, minbiak na pawh chhang hman lo chuan bathroom ah tlan lut in ka luak vak vak a, ka hnungzang a dimte a min rawn beng thek thek tu an awm avang chuan mit senrum chuan ka en a, Dennis-i chuan itaksa tan a thalo tih hre reng chung khan tinge I inluih kher duh a arawn tih chuan "nang pawh in ka ngeihlo tih hre reng chungin min in tir tho a lawm ka lo ti ve nghal sak a.








Bathroom a tang a kan inzui chhuak chu pi siam-in damdawi minlo pe vat a, nangni thiandun hi chu infiamthu hi duh aichuan a na mah mah hret zel chu ani, khuai in inzuk tir thul, in tina zawng a infiam hi chu sim rang teh u, ti chuan min lo zilh deuh hlak a.






"Katha tawh a lawm, pi siam a room ka han hmuhpui lawk anga ka haw leh nghal mai ang zan a rei hmain" ka tih chuan, awmrei lo la a lo ti tha ve mai bawk a.








Kan pahnih a kan room nithinah chuan a lo la awm reng a, ka khum erawh anlo dah bo tawh a, lung te pawh a leng rum rum thei.
Phuba lak ve reng reng ka duh a vang chuan eng sawi set set lo chuan ka pheikhawk chu ka tlawh phelh sawk sawk a, a khumah chuan ka inthawlh nghal hmak a.








" Enge ihriat a ka khumah khan imut vengawt thorang rawh" a tih chuan rizai chuan ka inkhuh daih a.







"Hector" tho nghal vat rawh kamu duh tawh ania, ka kal leh nghal mai ang itia nilawm ni a rawn tih vin hlak hlak pawh chuan engah mah ngai lo chuan ka mut ngai chuan ka la mu reng a, ka rizai sin a rawn pawhhlim thut avang chuan "awm mai mai teh ibulah ka riak dawn coffee kain vang kha aniang kapum a na lutuk bike ka khalh hawthei in ka ringlo ka tih chuan awih lo hmel lutuk chuan min nerkhum nghek a.







" Nanghi ka Bialpa emaw I intia mi, ka bialpa pawh inilo tho nghal vat rawh tih leh ka beng a rawn pawh chu a rual a, a kut chu lo manbet in khumah chuan ka bawh bet rawp a.








Tho hlawp hlawp chung chuan, "tho nghal vat rawh irit ropui si mindelh na dawn ania" a rawn tih chuan.







"Nangma cho chhuah liau liau anih kha, ti hian zankhua in ka delh ngat ngat dawn che" ka ti zo hman tawk tih chuan ka kap chu a rawn na tek chhawk a, ka eu zawk thei ka bawh na atang chuan a in let chhuak nghal vat a, ka kap dawm chung chuan mimawlnu enge ihriat a, minchin tir itum ami ka ka ti tuar a, ka na tuar lai hmel chu za lutuk chuan min lo la nuih leh tanghal a.







"I chakdawn lo lutuk" tih pah chuan manbeh leh tum chuan kap dawm chung chuan ka pan phei tuang tuang a, "min manbeh leh chu han tum chhin leh la, a leh pek ah chuan amu pakhat kha a keh tawh ang" a tih chuan ka nui tawp.







"Tikha chuan thiante zingah fiamthu thawh nan minhman chu isim tawh viau ang chu" a rawn tih chuan "huat tur pawh a awm loh tawp kha thildik tak a lawm ka sawi, khanu khan lumhlumah hlawh che kha a inhuam em a lawm. Kawrnghawng a khumfa vak zet zet nu khan lumhlumah hlawh che a duh ania, han awm dun ula khumfa in intaksa ah ruai hantheh vutvut vut se in in hmeh ngawt ang" ka tih chuan a tum bur a.







" Min va hmusit awm ve a, khumfa chuan nangmah kha a bawm chak zawk fe ang che chu itaksa kha ruaitheh nan chuan an it zawk fe in ka ring" a rawn ti leh tan tan a.







A va na reuh e aw, chingtawh reng reng suh ti chung chuan ka kap chu katuai katuai a, a lei min chhuah khum zauh pah chuan ichawh a rawn ti leh hram a. Ka kap a khup in min do na na pawh a reh ve leh thuai a, "mate ibul a riah iphal bawk silo a ka va haw ve phawt ange, naktuk zingah minrawn kaitho rawh aw ka motor chuang ka chau deuh bawk sia thawh ka hai palhtak hlauh in ka tih chuan a hmel ah chuan min thlak hlelh na hmel ni awm tak chu ka hmu a, mahse rei anilo.






"Ila haw nange kal vat rawh khumfain an lo ngai tawh ang che arawn tih chuan mittui tla phung in kan han nuidun leh tiah tiah a, hetiang tak a inpawh hian Dennis-i nen a kan awm dun leh theih hi ka lo beisei ngam tawh lo hrim hrim.






Tournament te han zo fel te te se, bultan puiah ka sawm leh ang ti in rilru kan Siam fel leh ta diam a.






Kan in ka thlen chuan munghal mai loin laptop la chhuak in kan team in kan game khelh dantur te ka ruahman a, ka zinbo reideuh a vang in ka tal hah hrep phah angai dawn a, WhatsApp msg rawn tleng chu ka en zawk a Dennis-i hnen atang in mutawh em tih a lo ni a, nui suk chung chuan " La mu lo deuh kan inkhelh dan kalphung tur vel ka duang lawk chhin vel mai mai a" ti chuan ka reply vat a.







Msg a rawn thleng leh ngal zat a"Ngaihtuah hah vak angai lo, atlachawp hman tangkai kha a pawi mawh zawk, mu hahdam tawh zawk la" tih a lo ni a.






"Chu min ngaihtuah deuh tihna mi" tih chu ka thawn let thuai a.




."Ngaihtuah mai mai lo, ka muhil dawn mangtha " tih chu a rawn thleng leh nghal zat a.





A khawsa zia naupang chhia lutuk chuan minti hlim takzet, han chhaih kual deuh ka duh avang chuan.





" Kangai lutuk che a ka muhil ve thei dawn chuang silo a" tih te chu ka thawn leh hram a.




"Zak ve deuh teh"




"Ka ngaih vang che chuan ka zak ang maw?
" I ngaih na ngai lo"





"Kangai tho bawk che sia"





"Min ngai duh suh"




"Ka nupui tur ka ngaih lohin tunge ngai se mintih"?


" Zamlo ve ham ham sia maw.Zak ve deuh teh"




"Ka zah chuan min neidawn tihna mi"



"Itawngthei a nih mai chu"

.
Keimah chuan ka khi vur vur reng a.
"Ibulah ka mu chak, fapa siam ka chak tawh" ka tih chuan.





"Tenawm pa ka block dawn che"



Reply leh ka tum chuan minlo block tak tak, rangzet chuan ka call nghal zat a a pickup duh thak lo zui.





Nui vur vur chung chuan ka mu ve ta nghal vat a. Dennis-i nen kan boruak tha ta lutuk chu nuam ka ti veng veng, kan inkar thu engmah sawi lang lo mah ila tha tak a kan in fiam leh bawrh bawrh thei chu nuam ka ti ngang mai.





Zing darli velah min rawn call tak tak a, mut la kham lo viau mah ila ka chhang lo phal lo hrim hrim, tham tuak chuan a la hma lutuk ka lo tih chuan a rawn nui hawk a, "pawn ah hian min dintir reng itum tihna mi, kawngka rawn hawng vat rawh" a rawn tih chuan khum a tang in a rang arang chuan ka zuang thla a.






Inhnuai lamah chuan ka hmai leh ka sam tuai pah thuak thuak chung chuan ka tlan thla hlawk hlawk a, kawngka bul ah chuan jumper dum hain a lukhum chuan a lu chu a lo khuh thun a, lo lut la ka tih hma hma chuan ka dar a min rawn nek hersawk pah chuan inchhung ah chuan a rawn lut a.






A khawsazia nuihzatthlak zet chuan zing thawhphan pawh nei lek lo chuan min nuih tir vur vur a, mate ka inphihfai chhungin thingpui lo lumla midang an la tho chuang in ka ring lo kan la inhman ang ka tih chuan, coffee ka lo lum ang a rawn ti leh kher a.




A lampan a ka kal chu a rang arang chuan a lo tlan chhe nghal zat a, bengchhen hlau bawk si chuan kawr te kha han ha vat teh kha iboxer kawng a kha khumfa an beithup mai, champhai a tang a irawn hawn a tih chuan ka kuttum chu ka hmuh zauh a, hmui hup tat tat chuan a nui dir char char a.






Mizoram team kan han practice leh chu kan hlim dar dar khawp mai, tlai deuh mah ila kan in lungrual na atha bawk a beisei aiin kan tha a kan lawm tlang angreng khawp mai. Dennis-i ka ngaih tuah aiin a turuturu leh pek khawp a, a ban chemte a anvih na vang khan indim deuh se chu ka ti viau a, mahse ka dam tawh a ti ve tlat a...cont





Note--zanin chu ka rawn tisei thei lo, ka u te damdawiin awm an rawn chhuak a, inleng neuh neuh kan nei a. In hriat thiam ka dil e

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)