*DENNIS* BY Ramdinsangi Ralte‎ (Completed)

[Ngaia]

Inchhir na hlir a khat ka pa hmel chu chiang zet chuan ka en a, "pa ka hmuh lai hi chuan in mittui hi titla miah suh u aw, keimah vang a ka hmangaih te intap hmel ka hmuh reng chuan ka natna hi a punlun belh zawk zel ania, enteh pa ifanu hi minhan enteh. Hmeichhia nichung pawh in mipa chak leh rothap pui pui karah basketball khel thei ngat ka nia, he ka ban pakhat hi kalo chan anih pawh in ka beidawng dawn miah lo. Mipa ang a ka nun ka hman tirh ah pawh khan thil harsa tak ani a, mahse ka beidawng duh lo a ka zam ngai heklo, Dennis-i ka nih hi beidawn na in a hneh ve theih loh" ka tih chuan ka pa chu a rawn tah nuih hawk a.










"Engtin nge hetiang khawp a min chhuntu leh ka rilru ang chiah pu vetu ka fanu hi ka lo hnawl theih che, bawihte ka fanu khang kum sawm liamta te kha kohkir leh theih nise nang nen hian nunbul tan that leh ka van chak tak em! I pa hian fapa ka lo awh thin em a vang khan ka mit hi tihdel in a lo awm thin a, mahse tunah chuan kei hian fapa ka mamawh miah lo tih ka hreta. Fapa te tih theih loh tithei tu fanu huaisen ka nei che hi ka chhuang che in ka lawm a ni" mittui tla zawih zawih chuan ati a.










Ka hmai ah chuan a kut zur lam lek lek tawh chuan minrawn chul a, "Bawihte Hector-a te pawh in final an lut leh ta e, Mizoram basketball hetiang tak a chak a ke pen tirtu inih vang hian ka lawm e aw, zofa te zingah hian basketball hming a rik a piang in ihming hi sawilan a ni zel tawh dawn si a, bawihte final ni ah chuan a hmun ngeiah i en ve duh a ngem? Ka pa in a tih chuan ka lungchhe lutuk chu tah chiam chiam mai hi ka duh a.









Ka thian ten ka tello a final an khel tur bik chu hreawm ka ti em ani, tlailam ah manager ho in anvai in an rawn kal a, ka tello a inkhelh hreawm antih zia te chu min hrilh nasa zual a, ka ban tan a ngaidawn tih chu an hre vek tawh thoin ka ring a, mahse tumah in an sawi lang lo hrim hrim, damtak in damdawiin a tang in ichhuak anga, basketball kan khel ho leh ang tih chu an sawi uar ber ani a, an tawngkam tin mai chuan katan beisei a bo tawhzia min hrilh nawn zel nimai hian ka hria.







Buaitak chung pawh in damdawi inah min kan awl lo a, practice piah lamah inlam ah zirtur leh sawi ho ngai tam tak a awm thin tih hre chiang ber tu ka ni a, minrawn Ngaih tuah lo a inkhelh na lam a rilru pe zawk tur a ka tih pawh in minrawn tlawh lo in nikhat pawh an awm ngai lo chuan min ti lawmin ka lungchhe zawk hial mai.








Hectora----pov




Social media lam ah Dennis-i hmeichhia ani ti a thu rawn thehdarh tu chu kan zawng nghal chuk chuk a, mahse fake account a tang a post anih vangin a titu tak hriat a ni lo a, kha thu a rawn darh rual chiah khan Dennis-i chungchang chutiang a han hretur awm ang ka rilru in dap kual a, tumah hmelma a neih ka hre bawk silo a.







Chubak ah keimah bak thian kawm a nei ngai hek lo a, Dennis-i chauh nilo a keimah nen inkawp ang a arawn ziah tel a vang chuan rci thiltih a ni thei angem tih chu ka Ngaih tuah rauh rauh a, rci nen khan urlawk zan a tang khan kan inkar a tawp hmak tawh a, vawikhat pawh a intiam angin min rawn bia in minhmu turin a rawn inlan ngai tawh silo a, Dennis-i chungchang khatiang a hre tur khan kan inzui chhung zawng pawh khan Dennis-i nen an inpawh vak lo kha ania, ka rilru a buai khawp mai.








Dennis-i nen a hma angin kan inzui thei tawh lo a, awm dun reng chung siin kan inkar a hla ta riau a, ka ngai lutuk hi ka 'a' lo chauh tawh, tunge hetiang thil hi Dennis-i chung a titu hriat chhuah ngei ka duh avang chuan ka cousin defective zomawia min pui tur in ka sawm a, a nau te ho nen an lo chhuitur thu leh rilru tihah lo tur in min hnem ve nuap nuap a.




Dennis-i chungchang Linda-in a lo hmu ve bawk si a, inlam a haw pawh ka hreh phah vek ka farnu neih Chhun ani a Dennis-i a at chilh zia hre chiang tu ka ni bawk a, khatiang thuthang teh nuaih vang khan Linda-i ka lakah a lungawi lo a, kan bumah ngai in min haw em em bawk si a, kanu pawh chuti tho makpa atan a lo hual rauh rauh ka thian tha tak ni a an ngaih nen a ruk a inkawp ang a kan thang bawksi chuan kan inchhung boruak pawh a nghawng tak zet a.









Chhungkaw inpawh tak ni thin kha kan in be hleithei tawh lo a, leh lamah Dennis-i nen kan duhang in hunthawl kan neithei tawh bawk silo tournament fight lai kan lo ni bawk nen rilru ipik tun in ka hun ka hmang ani ber a.









Zomawia nen a rukin kan inhmu reng a, media lam a thu vawrh chhuak tu pawh an chhuichhuak lek lek tawh thu a sawi chuan ka rilru pawh a hahdam huai tawh a, mahse fimkhur tluk a awm lo a tih avangin Dennis-i nen pawh kan inkar boruak awm chu thulmawng a thuhruk ang maiin kan up bet ve char char a.








Thuthang a awm hnu ah Dennis-i a rawn tal tak tak mai chu mihring anilo emaw tih hial tur khawp ani, hmeichhia awmnem tih zingah chuan a tel ve hauh lo, he tiang em em a basketball thiam hi khawvel ah an awm leh theih ka ring tawh lo hial a, inkhelh a piang in a chetha em em zel a, a lo khelh tawh na thin Goa nen kan in khelh tumin vanduai thlak lutuk in ball basket chhung a ball thun tum a a zuang chu Goa lamin an lo su buai ve bawk nen a tlak na lamah inti palh in a banruh maktak in a tliak ringawt a.








Ka ban ruh tliak ve lo mahse Dennis-i banruh tliak vang chuan kalo na ve em em a, thuthang awm hma kha chu nise ka duh tawk in ka buaipui in ka enkawl thei tur ani a, tunah chuan min en thla tu kan neih tlat avangin fimkhur a ngai a, duhang pawhin Dennis-i ka buaipui thei silo a, mituarchhel tak ani a a banruh tliak mahse natuar hmel leh hreawm ti hmel kan hmu ngailo a, a team mate te fuih phur tu a la ni reng a, a thiamna chhawr theilo mah ila a thluak fingtak chu kan la chhawr khawp mai.







Dennis-i inhliam chinah phei chuan kan in hmu khat zual sauh a, lunglen vang in a lo thih theih tak tak dawn a nih hi ka ti hial mai duattak a kuah vawng vawng tluk a thil chak ka nei ngailo.







Zing hmatak ah practice turin kan chhuak leh diak a, Dennis-i erawh a ban a nat avangin kan zingah a tel thei tawh silo a, rilru ah kan practice lai pawh chuan a awm reng a, kan chhuah hma a a mutna a hmutur a ka lo han kal lo chu ka inchhir ru khawp mai.







Tumdang zawng aiin kan practice na ah chuan rilru kan pe thei lo a, rei practice lo chuan kan haw darh ta ringawt a, kan inlam a haw nghal loin manager nen chuan an inlam pan chuan kan in phur a, manager phone a rawn rik tak ah chuan ring zet hian engmaw? engtin maw Dennis-i chu a awm a ti tuar a, manager in Dennis-i hming a lamrik vang chuan hlauhthawn na in ka khat nghal a.








"Hector Dennis-a oh Dennis-i misual in an lo sawisa a tunah hian nikhaw hrelo in a awm a civil hospital lam ah tlan nghal rawh a rawn tih chuan ka bike chu ka ti ding dawt a.








Ka tha khur nasa lutuk chu bike ka khalh thei tawh ngang lo, Dennis-i vang hian tlangval confi tak nithin kha, ka nihdan phung ni miah loin ka tal buai ziah thin.







Thu chiangkuang tak kan la hriat loh vangin ka bang bo viau bawk a, uruati leh an nula inah an awm reng awm tho sia engtin nge a room chhung ah misual chu lut in a lo sawisak ngawt dan? Keimah ah zawhna a awm a, a chhan na erawh ka nei der bawk silo.







Manager chuan kan thian te ho a fawn kual zung zung a, midang lo in hrilh chhawng tur in a hrilh nghal bawk a, Dennis-i vang hian kan buai phah zing ta malh malh khawp mai, enge a dinhmun diktak kan la hrebik bawk silo, min kalsan tur ang a ka suangtuah zawng ringawt pawhin ka buai chhe zo vek thei.







Damdawi in kan thlen chuan Dennis-i chu doctorin test chi hrang hrang anlo nei mek a, a chhungte ka rilru ah an rawn lang nghal zawk a, Dennis-i chhungte hi keimah tih loh chuan tumahin an hre velo a, ka biak nghal vat angai tih ka hria a, thil thlendan kimchang hriat hmasak phawt a dik a ka hriat avang chuan uruati lam pan chuan ka pen phei hlawk hlawk a.






Uruati chuan anpa a hmuh rual rual tap chungin a rawn kuah nghal thlawp a, a hmelah chuan a mangan zia chu a lang chiang ngang mai,, uruati chezia ka hmuh chuan Dennis-i dinhmun awm ang chu rindan ka nei nghal mai a.






Manager chuan anupui thlaphang zet chu lo kuah in, enge a dinhmun chiah a tih chuan " A thalo a thalo tak zet tap par chung chuan uruati chuan a ti a.







Doctor a rawn chhuah chuan kanlo pan nghal vat a, manager tawng hun pawh nghak zolo chuan "Doctor dennis-a chu enge a dinhmun a tha ang tiraw? Thaw dep dep chuan ka lo ti a.





Doctor chuan " A mah khawih tu nen hian an inchai nasa hle tih Dennis-a taksa a hliam awm nasa lutuk ah hian a hriat theih a, a banruh lo tliak sa tawh hi a bitum nasa bik a nih hmel a, abanruh hi tubauh a chhut hrep ang mai in a sawm ti ila ka sawisual tam lo ang, tin a nakruh pahnih a tliak bawk a, a luruh hi a khi tel bawk a, hetiang khawp a hliam a tuar chung hian engtin nge a la dam theih hi mak kati hial zawk" a tih chuan ka thaw ri hrawih a.





Ka kaiza tha chu pheh ang mai hian chhuat ah chuan ka thu hnawk a, ka hmangaih ber ka venghim theilo chu ka rilru natna ti zualtu ani, anatna tuar loin min kalsan ka hlau a, a tello a Ka nun hmang tur a ka in ngaihtuah a piang chuan ka chhungril hi a na ngut ngut thin. Dennis-i tel lo chuan dam ka duh bik lo ani.





Ngaih tuah na fim ka put a ngai tih ka hria a, zomawia ka hmuh vat a ngai bawk, Dennis-i chung a kut lo lektu hi dam a chhuah ka tum lo bur, rangtak a a chhungte Dennis-i chung a Thilthlen dan ka hrilh hriat vat angai a, mahse ka hrilh hreh kher mai.







Bethsy ka call chuan Thilthlen dan ka hriat ang ang ka hrilh nghal zung zung a, Beth inu leh pa te pawh an rawn kal thuai a ngai a nia Dennis-i dinhmun hi a thalo takzet beidawng lutuk chuan ka ti tel hram a.





Kan thian te ho pawh an rawn thleng Kim vek tawh a, a then chu mahni in pawh thleng hman lo a rawnkir leh anni tih an thuamhnaw atang chuan a hriat theih a, doctor ten amah hmuh an la awih loh a vang chuan inzai na room pawn ah chuan kan tei suau suau a, pathum bak luh phal lo mahse dantheih kan ni tawh lo hrim hrim.








Bethsy te nupa leh Dennis-i nu leh pa thaw hlawp hlawp chung chuan an rawn lang ve hlawl chu manager leh thiante ho chuan mak anti ngang mai, Dennis-i nu chuan ka kut ah a rawn vuan chawt a. "Hector ka fanu chu engtin nge a awm a? Tunge ka fanu chungah hetiang thil hi lo ti. A banruh tliak pawh a la dam hman lo a, engtin nge hetiang vanduai na hi a chung ah a thlenbik?". Tap chung chuan min thing nawk nawk a.






Thiante ho chu Dennis-i nu chetdan vang chuan mak ti lutuk hian phung hmu ang mai chuan an lo ka hau hlawm a, manager chuan " Ekhai pu sai helai hmunah inhmel te kan hmuh tak hlawl a" a lo ti sawk sawk a.





.manager leh ka naute ho melh kual chung chuan, "thiante u pu saia melh zawk pah chuan Dennis-i pa anih hi ka ti sup a, hetiang dinhmun a dennis-i a din tak ah phei hi chuan pu saia hi ka ngei hluah hluah tawh.
Dennis-i pu sai-an a fanu tih a hre biklo tih chu ka thian te bulah chuan sawilan kher tul ka ti hran lo.





Darkar reilo te chhung in Dennis-i u kimkimi te ho pawh an rawn thlen nghal vek a, Bethsy leh anu tih loh chu an hmelah chuan mak tih na leh hamhaih hmel an pu vek a, hmeichhe hlang tih tak ah an tap reng bawk si chuan lung anti zing kher mai.






Pu saia chuan min ko fal in, thil thlendan kimchang hriat a duh a vang chuan thiante hlat deuh ah chuan kan ding dun a, " Hector Dennis-a kha ka fanu Dennis-i kha a lo ni reng a maw? Engtin nge he thil hi ka lo hriat miah loh, ka thu hriat in min thawn zia hi ihrethiam mai em? Awmdan tur pawh ka hre lo anih hi" thaw hawk chung chuan a ti a.






Pu saia chu hauh chiam mai hi ka duh a, mahse tun hi in hauh na hun ani lo tih ka hria, "pu sai Dennis-i hian hengthil zawng zawng hi itan a ti vek ani a sin, fapa chauh nilo fanu te pawh hian an chawimawi thei che tih hmuhtir che aduh vang ani, Hector mipa ang a ka awm chhan chu maw, kapa in chhuang tak a ka fanu mintih ka duh vang ani a tia sin, Dennis-i hian hengthil hi nangmah vang vek a ti ani" ka ti hriam hrawih a.






Pu saia chuan sawitur reng reng a hrelo, a hmelah chuan zawhna tamtak nei hmel a pu a, tap chhuak maitur hmel hi a pu tel bawk a.





"Tukin khan practice turin kan kalsan a, manager te in a riak khawm kan ni tih chu ihriat tho ka ring a, uruati leh an nula an awm tho a ngaihtuah ngaiah pawh kan lo ruat lo a, uruati leh an nula bazar turin an lo chhuak leh si a, chumi chu rem chang ah la in misual hian Dennis-i hliam tuar che hleithei silo hi dimdawina tel hauh loin a lo sawisa chiam a, tunah hian amah thil thlendan diktak zawh theih ani silo a, hethil titu hi a hma a Dennis-i chanchin lo thehdarh chiam tu tho kha anih ka ring a, misual chhui lampang kha chu lo ngaihtuah lo ula, ka cousin zomawia leh a nau ten an thawk mek a, kan man har vak tawh lo ang" ka ti nghal zung zung a.






"Hector ka fanu minlo enkawl sak vang hian ilakah bat ka ngah hle mai, a pa in a chung a ka tih sak loh zawng zawng min lo hlenchhuah sak a, tunah hian a hliam dinhmun chiah hi min hrilh mai thei em" a ti leh chuar chuar a.







"Doctor khan a ban ruh tliak lai hi misual khan a bitum ni in a lang a, a ban ruh hi a sawp deuh vek a ti a, chubak ah a luhruh a khi bawk a, a nakruh pahnih hi a tliak tel bawk a, tunah hian anakruh tliak chu an zai mek a, kan dinhmun hi a chau viau in ka hria" ka ti zuai ruih a.





Dennis-i chanchin ka sawi chhung zawng chuan pu saia chu a lo inhum ruh ngawt ngawt a, thochham tur ang mai hian a thaw ri leh hrawih hrawih thin a.




Uruati sawi dan chuan Dennis-i an hmuh chuan thawmhnaw mumal a inbel lo a, misual hian pawngsual a tum anih ka ring a, a tih chuan thil hre chhuak thut ang mai chuan ka ding hluai a, Dennis-i an zai zawh hun nghah chhuah ka duh viau rual in a sarhu lai a misual man ka duh vang in tihtur ka nei tiin damdawi in a tang chuan hman hmawh tak in ka tlan chhuak a, zomawia ka be pah mawlh mawlh a..








Dennis-i hmeichhia anitih evidence neih ngei tum in a kawr phelhsak a thlalak a tum anga, chuti mai in ani lah in tlawm a lo tum silo a, an insual buai nasa hle tih a hriat ta kuar mai. Kut humruh chung chuan, tupawh nila ithiltih hremna hmulo hi chuan awm lo in ring miah suh ti in ka hachang ka thial rap rap a.






Eng mihring nge anih hetiang a dimdawina tel hauh lo a ka Dennis-i lo sawisa tu hi, tanpui tur in min au a nga, puiturin keilah ka awm der silo, mangang lutuk a ka hming a lam vel tur ka suang tuah zawng ringawt pawh chuan ka mittui chu a hnam sawk thei...cont

[Ngaia]

Zomawia te in ka thlen chuan ka ni in a room ah a lo nghak che tih min lo hrilh a vang chuan zomawia room ka pan ding nghal a, kani in thu min lo zawh pawh chu ka chhang hman lo, room chhung ka luh chuan minlo melh zawk a, sofa single ah chuan lo thuin a hma center table inhung chung a laptop lam chu a bih leh ngur ngur a, ani leh nilo ang tak in a lo kulmuk ngang mai.








Nidang ah hi chuan thutak sawipui dawn pawh hian ho heng zet hian a khawsa ziah thin a, tuntum zet chu zomawia ka hriat thin kha ani talo emaw tih maitur khawpin a lo thu tak a.








A thutna ep chiah ah chuan thutur a min tihhun pawh nghak zolo chuan ka thu thla nghal hnawk a, engdang mah sawilo chuan "Thu mai mai hman kan ni tawhlo, Dennis-i chung a athil tih lawmman ka pek hma loh chuan ka muhil thei lo ang" ka ti hriam hrawih a.







Laptop chu khup in ka mitah chuan min rawn melh kuau a, "Ka michhui laimek hi he thil titu hi a ni tlat lo mai, tukkin zing a Dennis-i kut thlak tu hi chu mihran daih a ni tlat, media lam a thu thehdarh tu kha chu ka nauten an en thla reng a, nithum kalta khan champhai lamah a chho a, tukkin thleng kha chuan champhai ah a la awm a, bro Dennis-i phiarru tu te hi Pakhat mai an ni hauh lo ania" a rawn ti thum dut a.







Zomawia hnuchhui thiam hmingthang meuh pawh a tal buai ve tih ka hmuh chuan ka thinrim zual sauh a, "tunge Dennis-i rawngtak a lo sawisa tu chu? Keimah hian ka zawng ang ka zawng chhuak ngei bawk ang, Dennis-i chungah hian enge maw a thleng a nih ngat phei chuan ka nunna hlan nghai pawh nise ka hlan mai ang" ka thu sawi tawp lam phei chu a au in ka au tuar tuar a.







"Bro inbengdai teh, he thil ti tu hi zalen takin nirei a awm hauh lo ang, Dennis-i athi pawh ala ni em hlei nem, Dennis-i hi a rawn bei leh dawn a lawm chumi hun chu dawhthei tak a kan lo nghah rih phawt angai, langsar tak a kan che anih chuan misual kanti ti (tri) mai mai ang.






Engmah ngaihsak lo ang a kan awm chuan rei an biru lo tawp ang, rci pawh karhmasa khan Delhi lamah damdawi in thilah a zin a, ani pawh hi kan enthla reng a tunah rih hi chuan rinhlelh tur a mah ah kan la hmu lo a, mahse fimkhur tluk a awm lo a.








Inlo inzui rei ve tawh bawk si a he tiang a I then vang hian ilak a phuba lak nan Dennis-i hi a lo bitum ve reng a nithei a, misual hnuchhui chu ka kutah dah la, nang chuan Dennis-i lo buaipui rawh, in inkar thu ka hriatpui che u a a nu leh pa te ai pawh in a mamawh na che a sang fe zawk dawn tih hria la, tihtheih engmah inei velo engtik ah nge a lo harh chhuah dawn hriat ani silo a, a kiangah awm reng zawk la a tha in ka hria a ti dam thluam a.









An mi chhui laimek Dennis-i kut thlak tu anih siloh chuan tunge nita ang?, Bethsy-in min rawn fawn chuan Dennis-i an zai zo tawh a, khawnge ikal daih a harh hunah ilo awm loh chuan a hrilh hai lutuk palh ang, doctor in kan zai hlawhtling a a harh thuai ang anti arawn tih chuan ka thutna atang chuan ka tho vut a, ka ni in minlo auh lawm lawm na pawh haider in damdawiin inlam ah ka tlan kir leh a.








Tihtheih vak a awm loh vangin thian te ho pawh an lo haw darh tir vek tawh a, a nu leh pa in cabin ah an lo awmpui a, pu sai-an min hmuh rual chuan "enge chanchin" ti in minlo zawt vat a.









"Kan mi rinhleh lai kha chu hethil titu hi a ni hauh lo, zomawia nau ten an zui ru reng a nithum kalta khan champhai ah a chho a tunah pawh champhai ah a la awm mek a, Dennis-i kut thlak tu hi chu mihran daih ani, Dennis-i hi a rawn beih leh ngei a rinawm si a, kan ven uluk hle a Ngaih hmel" ka tih chuan pu saia chuan police kan duty tir mai dawn ami" a ti a.








Ka lu chu thing in " police an duty chuan misual fimkhur turin kan hrilh a ni ringawt dawn a sin, ti hian keimah ni in kan veng ang" k lo tih chuan thil Ngaih tuah nei ni awm tak chuan hmundang a en ngur ngur a.








"Dennis-i pawh a rawn harh tawh a, mahse chiang kuang takin engmah a sawi thei rih lo a, a taksa ah hliam a tuar nasat a vang in a na tih bak sawitur a nei lo a, doctor ka koh chhung in nurse in nachhawk na in an lo jection a, doctor in a en zawh chuan pu saia chu Dennis-i dinhmun tlangpui a hrilh mawlh mawlh a, a ban ruh chhe nasa tak result erawh naktuk lamah chauh a hriat theih ang a tih chuan ka lo hlauthawng kher mai.








Tliak satliah hi chu awlsam te in an zawm leh mai thei a, tunah erawh chuan tliak satliah mai ani tawh lo a, a ruh hi a keh vek a vangin enkawl a harsa hle dawn anih hmel.







A rawn harh a piang in a na tih a rawnsawi hmasa ber zel a, nachhawk nain an jection muhil leh mai thin, a hmai leh a lu chu a duk chhuak vek a, luruh khi khawp khawp in a lo vua nge engtin nge a tih chiah lah kan hre bawk silo, manager pawh Dennis-i vanduai na chungchang ah hreawm a ti in a in thlahrung em em a, an inchhung ngei a Dennis-in kut a tuar chu hreawm a ti ve ngawih ngawih a, inthlahrun na tur a awm lo thilthleng palh ani tiin hnem ve bawk mah ila a in thlahrun loh phah chuang lo.








Dennis-i kiang a awm reng ka duh lai in lehlam ah tournament pawi mawh tak kan khelh a lo ngai ve bawk nen, buaina a thuah hnih khawp mai, semi final arunachal nen kan khel dawn a, a hmawr kan bawk ve lek lek tawh a, in thlahdah thiang kan ni bawk silo, ngawrh leh zual a kan practice a ngai a leh lamah Dennis-i chung a thil thleng vang in kan rilru a hnual em em bawk a.









Kanu pawh in Dennis-i chung a thil thleng chu midang ka atang in a lo hre ve a, min hau hrep leh nghal a. Engmah thil thlendan ka hrilh lo chu a lawmlo a, chubak ah Dennis-i nu leh pa te an hriat phei chuan ka chhungte chu midang ang bawkin a thawng a, kha chen chhungte neilo ang maiin kan kiang ah a khawsa a, minister fanu a lo ni reng chuan a ti hrilhhai in mak pawh anti ve hle ani.








Hmeichhia nireng chung a mipa ang a lem a chang kha anla hrethiam thei lo a, lung awilo hle mahse dennis-i dinhmun thalo tak a adin meuh chuan an ngaih tuah lo thei bawk silo a, Linda-i pawh chuti tho Dennis-i tlawh turin damdawi inlam ah an rawn lang ve ta zut a.








Mumang a pawh mang ka duh miah loh Dennis-i pa in Dennis-i ban doctor in kan tan mai angai ang tih a lo hrilh chuan ka tliak hnawp thei.






Ka hmangaih ber ban lehlam bul ani tur chu ka ngaingam lo a, pathian ka dem ve ta hial mai, a ban tan a ngai dawn tih ka hriat rual in damdawiin inlam ah ka tlan nghal a, ka hnen a athil sawi zawng zawng te chuan minti na hluah hluah, kan in hmangaih na te chu in thianthat na ah chantir a duh thu te a sawi a, ka in ti pachang thei tawh thlawt lo, ka mittui hi engtik laiin nge a tlak ka hrelo hrim hrim.





Dennis-i chan chin hria in thian te pawh an rawn tlan khawm a, a ban tan a ngai dawn tih chu hrelo ang hmak in an awm vek a, kan rilru a na in kan lungawi hleithei meuh lo.







Basketball hi a ngaina in khelh nuam a ti em em a, basketball a khel ve thei tawh lotur ringawt pawh chuan minti na in ka beidawng hluah hluah, a bul hnai a ka awm loh leh ka ngaihtuah bawk si, a hmel ka hmuh lah in ka lainat lutuk vang in ka thaw tha thei thin lo a.






A tuar tu zawk hnemngai khawp in kan hnual in kan rilru a tliak tak meuh meuh a, Dennis-i ban leh lam bul a a awm tur ka mitthla zawng ringawt pawhin ka na lutuk hi ka thinglung hi meisa tak in a kang hluah hluah ang mai ani.








A result an ti sual anih te ka ring a, test ti tha leh tur a doctor te ngen ka duh rum rum mai, Dennis-i vanduai na tawh chanchin chuan zoram dung leh vang a tuam hneh khawp mai, mipui te tawngtai pui na a dawng nasa em em a, lungngai a tap reng tur awm tak si chu a inti pachang thei ngar ngar khawp mai, anu leh a laizawn te phei chu rilru nain an tap reng a, a hmuh lai a tap lotur in kan in hrilh zing malh malh khawp mai.







Hun harsa tamtak kan patlang hnuah final kan inhlangkai ve hram a, mahse kan lawm a Kim thei tawh lo. Hmanni lawk a basketball kan khelhpui, ban tan mai hmabak in a awm a tute mah hi kan hlim thei lo a kei ngat phei chu ka rilru a na in a hah hluah hluah.






Zantin Dennis-i ka riah pui thin a, zanhun hi duat tak a ka enkawl ve theih hun a ni a,
A rilru pawh a harhfim vek tawh a, thil thlendan pawh zomawia hnen ah kimchang takin a hrilh vek a, zomawia pawh in ibialnu zet chu mihring danglam tak a ni e a ti ve thlawt.






Khatiang khawp a nghaisak a tuar Chung khan chi ai miah lo a misual a lo beilet thei kha mak kan ti a, pheikhawk hmang a misual fawn a lo chhukeh te chu mak kan ti in zomawia phei chuan remhria hi an ti khawp a, " bro ibialnu hi chhuah reng reng suh" min ti ve ngei a nih kha.







Dennis-i sawi dan hmang khan a mah beitu pawh hian hliam a tuar ve ngei in a hriat a, chu pawh a bek ah pheikhawk heel a a vuak na kha, a pheikhawk vuak na pawh zomawia nen kan endik thlap a, a heel a thisen kai a tang chuan a hliam pawh a thuk ve thawkhat tih a hriat theih a, khawilai damdawi inah emaw in entir tur in doctor a pan ngei kan ring a, damdawi in hrang hrang ah zomawia nau te thu zawt fiah turin an kalkual leh zung zung a. Mahse chutiang hliamtuar damdawi in pan tumah an lo awm lo a.





Dennis-i ban tan huntur pawh tih chian a ni tawh a, nihnih hnu ah senior doctor zin a lo haw dawn a, doctor senior in zai se pu sai-an a duh tlat avang in a ban pawh tan nghal rum rum lo an ni a, anihna tak ah chuan Dennis-i ban an han tantur chu tute mah in kan ngaingam lo a, a ni pawh pawt sei an ni deuh mah in ka hria a.







Dennis-i khum sirah chuan rilru ipik tun hian ka thu reng a, a muhil hmel chu ka en ngawih ngawih a, a thil duh leh thlak hlelh ber a hmu tawh cheng a, tunah a hlim ve dawn chauh a, ramtui leilo a han ni mai tur chu ka khawngaih ani.





"Hector"

Dennis-in thiam tiak a min rawh koh chuan ka phu zawk thei, ka rilru ka lo kawm nasa lutuk a a harh tih pawh ka lo hrelo reng reng.








"Na inei ami" ka lo ti thuai a.


"Nei lo e, ka bulah hian arawn mu ve la" nui var var chung hian min rawn ti a.






"Ka tina palh ang che, tihian ibulah hian ka lo thu zawk ang" ka tih chuan a ner sak a.





Sawitur a vang kher mai, kan thil hmachhawn tur hian min delh rit em ani.








A hmai ah chuan duat zet hian ka chul zai zai a, "I huphurh em? Ka tih chuan a then sak a.






" Zep miah loh chuan ka huphurh khawp mai, zan hi ralthei lo se ka tia sin" mittui tling pam chuan a ti a.







Dennis-i mi tuarchhel tak pawh a tap ve ta e, a chhungte leh thiante kiang ah kha chuan lungngai leh hreawm ti hmel a pu ngai lo, kei chu a hmangaih ber ka ni a, ka bulah chuan a pangchang ve thin hle anih kha.






Hnemdan tur ka hrelo a, engtin nge a hreawm tawrh na hi ka chhawk theih ang tih lah ka hre hek lo.









A hmui ah chuan dimte in ka fawp a, "Test kan tih that tir leh dawn ami? an lo ti sual palh ve thei a" ka tih chuan "An ti sual lo ang Hector ka vanduai em ani keizawng" ati zuai raih a.










A mittui rawn luang thla chu ka lo hruk sak zel a. "Lungngai miah suh aw mate! I kiangah ka awm tlat dawn a lawm, idam ve leh kan innei anga iban dinglam ah ka tang tawh dawn a lawm" ka tih chuan rawl chhuah meuh in a rawn tap chhuak a.







Zan dar riat velah doctor in a rawn check a, rin loh deuh in Bethsy a rawn lang nawlh a, ka muhil thei dawn chuang lo a ka rawn kal tawp ka hnawksak em lo ang chu maw a rawn ti bawrh bawrh a.









Bethsy a rawn kal tak ah chuan, "zanlam ah menrei a ngai thin bawk sia, inhnawhpuar na tur thil vel ka zu lei lawk ange, Beth lo kalsan miah suh aw" ti in uluk fe chuan ka chah a, "lo Ngaih tuah suh ka lo venghim tlat dawn alawm, misual lo kal pawh nise a jacket hnuai ah chuan chemte a lo pai ruk chu min rawn hmuh zauh a. Ka lo veng thei ang" nui sak chuan ati a .








Inhnuai lam a chhuk tur a ka kal chu, damdawi in a hnathawk ho chiah luh an phal na room a tang a tawng ri ka hriat chuan min pawt ding chawt a.







Rci aw ngei ani, test tih that leh te lo duh palh tase engtia tih nge itum? Senior-a zaikher ngai lo in nangman Dennis-i ban chu rangtak a lo tansak tur che alawm, tinge irintlak loh em em a ati sar sar ri ka hriat vang chuan ka lungphu chu a thlawk chhuak lo chauh thei.









Thil a kalsual a nih vaih zawng in ilawmman tur ichan vek ang, zawngi vang hian eng hreawm zozai nge ka tawrh tak hi, a ban pakhat lek a lo chan tur chu a la nep mah mah ani, rualban lo dinhmun ah han dingse ka Hector-an ka hnen a rawn pan leh lai hi rilru natak in minlo thlirse tih hi ka duhthusam chu ani. Rci in a biak pa chu a hmel ka hmu lo a, English vek a abiak vangchuan hnamdang doctor ani tih chu ka ringthiam mai a.







An awm na room chhungah chuan ka va lut tawp ang nge, ti hian ka kalsan mai ang, rci sawidan hmang khan test tih that leh duhse engtin nge itih ang ati a. A awmzia chu Dennis-i ban hi tan a ngai miah lo tihna ani em? Ka thil ngaihtuah chhuah avang chuan ka au chhuak lo chauh ani.








Thuthang velah khan rci hi ka lo ringhlel tawh a, mahse kan thil chhui lai nen engmah amah nen inzawm na kan hmuh loh avang khan ka lo ringhlel tawh lemlo a, khang thil thleng zawng zawng pawh kha ama remruat na vek hi maw lo ni a, Dennis-i hmeichhia ani tih pawh hi kan in then hma pawh khan a lo hre ru vek tawh a, khami zan urlawk zan a room a kan mu dun lai Dennis-in min rawn phawk pawh kha a ma ruahman na vek tho maw? ...cont

[Ngaia]

Eng mihring nge maw alo nih chiah le? khang kum kalta a kan lo inzui chhung zawng khan a mah a Ramhuai awm kha ka lo hmu ngai reng reng lo, vanduai palh vang pawh nilo a Dennis-i ban tantir a lo tum ringawt pawh chu ka rap lutuk hi ka hmulthi a ding sung sung thei.






An tawngzawi in an phun ser ser tak ah chuan an thusawi ka hriat theih tawh loh a vang chuan inhnuai lamah chuan hman hmawh zetin ka tlan thla a.







Zomawia ka call nghal chuk chuk a. Fawn a lak rual chuan " Damdai inah tunah rawn kal nghal rawh" ti chuan thu ka lo pe nghal thawr a.






Tunlawk a ka thu hriat kha midang hrilh darh nghal vek ka chak hluah hluah tawh a, mahse engmah evidence ka neih loh avangin fimkhur tak a rua hman na siam lawk chu a finthlak zawk in ka hria a, keimah vang a Dennis-in a ban a chan hman teuh zia ka Ngaih tuah phei chuan ka in thiam lo hul hual.







Zomawian a rawn thlen tawh thu min hrilh chuan a car dinna hmun a sawi lam chu ka pan nghal vat a, fimkhur thu hla ah midang hmuh lai a inbiak vel a duh vak lo a, sawiduh ka neih chuan an inlamah ka pan mai thin a, dedective mi te hriat hlawh tak ani a, tun a a case buaipui mek ah phei hi chuan a thawi pawh a midang hriat tir a remti lo bur.






Bethsy-in rei min lo ti ang tih ka hlauh vang chuan, zomawia nen inbiak lawk kan Ngaih thu ka hrilh a, Dennis-i kha lo kalsan miah suh aw ti in ka hrilh nawn leh hram a.







Zomawia car chhung a ka thut luh rual chuan, "A va pawi mawh awm rum rum ve" a lo ti nghal zat a.






"A pawimawh a ni tawp, thil thleng zawng zawng a bultum tu kha ka hre tawh" ka tih chuan phawk hru chuan min rawn melh a.






"Ka hretawh itih awmzia chu Dennis-i chung a thil thleng a bultumtu chu ihre tawh a maw? Tunge chu mihring nunrawng zet chu" a rawn ti thum chhur a.







Zomawia hi kei aiin a palian zawk a, a aw ri hrim hrim hi a thum teng chhuk a, a mitmu a lian in a khabe hmul a zuah buk vei bawk nen, mi dawihzep tan chuan tihbaiawm tham a ni ve hrim hrim a. A hre chiang tu erawh chuan fiamthu duh leh mi nunnem lrh zaidam tak a ni tih kan hriat a vang in kan ngaina em em vek lawi a, bialnu pawh a nei chhelo narawh e.







Ka thil hriat ang zawng zawng chu ka sawi nghal par par a, uluk zetin a lo ngaithla dauh dauh a, ka hriat zawng ka sawi zawh chuan "civil ah hian hnamdang doctor engzat chiah nge kan neih tih pu saia I lo zawt dawn ania, hethil thleng hi a darh a nih chuan damdawi in tan hian a pawi thui ve khawp ang" a ti thum leh dut a.







"Nang chu Dennis-i bulah lo han kir leh tawh rawh, ka nau te ho nen zanin atang in kan sahliam chu kan lo umzui nghal a nge, chuan thil pakhat ithu hriat hi tumah lo la hrilh suh ang che" a ti leh a.





Zomawia car a tang a ka chhuak ka pen sawn tur chiah chu, "bro lo ding lawk teh" ti a minrawn auh avang chuan ka kepen chu ka ding dat a.






Nui vur vur chung hian " Basketball hi bansan in dedective lam hi luhchilh ta zawk la a that ka ring" a rawn tih chuan "Ngawi mai mai teh" ka lo ti hluk a, ka hnung lam a nui huah huah ri ka hriat vang chuan ka then ve suk suk a.








Cabin a ka kir leh chuan Dennis-i pawh a lo muhil leh tawh a, a bulah chuan ding meuh in Bethsy chu a lo duty ran a, ka hmel a hmuh rual chuan a inthlah dul ve nghal suai suai a.






"Ka rei iti em? Ka tih chuan.

" Rei tep" tih chiah in min chhang a.

A mah vek chuan " Thuthar a awm ami? a rawn ti zui nghal zat a.




"Awm e, misual pawh rei a zalen tawh lo ang" ka tih chuan ka thusawi chu hriat chian chak zek zek hmel chuan minrawn melh a.






Zomawi-an engmah sawi chhuah a la phal loh a vang chuan, a hunah chuan inla hre vek mai ang ka tih tak ah chuan engmah min zawt zui tawh lem lo a. Dennis-i chu nise min zawt lek sek sek anga, ka hrilh duh loh chuan a titau nasa leh viau ang chu.





"Enge khatia nangmah a inuih vur vur a? Mi anglo i ang emai" Bethsy-in min rawn tih chuan ka la nui reng a. "Ka thil ngaihtuah hian ka nuih ati za alawm" ti chuan thatak chuan ka chhang ve mai bawk a.





Dennis-i muhil chu a mutdan a rem lo ang tih hlau in ka endik nghal zung zung a.





"Ilo thlen hma lawk khan rci a rawn kal a" bethsy-in a rawn tih chuan thinrim zetin ka lo in humruh nghal teuh a.






"Enge arawn tih? Dennis-i bulhnai ah a awm em? Ka lo ti chang fak a.





" A bulhnai a akal te chu ka phal teuh lo, chubak ah ibialnu hlui ani tih kha ka la theih nghilh reng reng hleinem a rawn tih tak ah chuan ka lo thaw huai thei.






Bethsy-in imeng rim tawh bawk si a zanin chu kalo meng chhawk ve tawh ang che muhil ve rawh min tih chuan ka hnial phal ta biklo a, zan ka mengrim avangin ka lu te hi a rit deuh luk reng a, han mut hahdam ve zawk pawh ka pawi ti lemlo a.








Pu saia zing hma takah a rawn thleng a, zomawia thu min chah chu kalo hrilh nghal zung zung a, a hmelah chuan a muhil tlem hle tih hriat takin a mithnuai chu a val kalh a, a hmel chu a chauh hmel hluah hluah bawk a, an fanu chung a thilthleng mek hian an rilru a ti hah thawkhat ve em a tin ni.







Tukthuan eitur in kan inlam ah ka haw a, Dennis-i chung a thilthleng mek vang hian thian te pawhin min hre thiam in practice na lamah pawh ka tel tam theilo a, Dennis-i tan ka pawi mawh zia min hriatpui tu te an ni a, hun harsa tak a tawn mek lai a a kiang a awm chu ka tih makmawh ani.







Manager hmutur in an inlam ah ka kal zawk a, zomawi-an an inlam ah kal tur a min rawn tih avang chuan manager te in ah pawh thu khawmuang lo in zomawia te inlam ka pan ding nghal a.







Zomawia te in ka thlen chuan a mah chiah in a lo awm a, min hmuh rual chuan ka room lamah han chho ila atih chuan ka zui ve nghal a.







"Dennisi-i chung a thil thleng ah hian rci hi mawhphur tu tih hre tho mah ila, engmah evidence kan nei bawk silo a, a thurualpui doctor kha tunge tih kan hriat chhuah vat angai dawn a, naktuk hi Dennis-i ban antan nitur ani a, pu saia hnenah thil awmzia ilo hrilh fiah anga, Dennis-i hi damdawi in dangah in lo sawn chhuak dawn ania".







" Rci hi a rilru a buai vek tawh ni in ka hria, Dennis-i ban tan a lo ngai miah lo tih in hre chhuak tih a hriat rual in kawngdang a dap leh nghal vat dawn avangin Dennis-i him nan in lakchhuah ran a tha ang, keini lam in Rci kan lo en thla reng anga, rei an zalen tawh lo ang" a ti a.








Damdawi in pan a ka kal chu rci nen kan in tawk hlawl a, nui sawng chung hian "Hector idam maw? Kan va inhmu khat ve final in lut tih te kalo hria a, min kalsan a chin chu basketball lamah pawh rilru kan dah hman tawh meuh lo chu ania final ni chu rawn tawiawm ve ngei cheu ka duh khawp mai" thil ti sual lo ang hmak chuan a ti a.







Thawh lawk a, sawisak hrep mai chu ka duh rum rum a, " Nui suk chung chuan, inhmuh loh Karin ilo chhelo zual sawtin ka hria" ka tih chuan hlim hmel zet hian min nuih leh ver ver a, a nuihmel phen a a mitmeng vervek na a khat chu ka hmuh hmaih der silo a.






"Final ni chu min rawn tawiawm ve ngei ngei ang chu. E takin Dennis-i chanchin kha ilo hre ve em? Misual kut a tuar hlauh mai a, a ban dinglam naktuk ah hian an tan dawn a a lainat awm khawp mai" ka tih chuan.







"Dennis- chung a thilthleng chu kalo hre ve tawh a lawm, Delhi lam a ka zin chhung a thilthleng anih vangin ka lo hre lawk lo zawk a, a mah pawh ka hmutawh nghe nghe a, a lainat awm khawp mai tihtheih nei ila ka tia sin aw, mahse doctor te thiamna in a daih ta ngang silo a, hreawm a ti ngawt ang, nang tal chuan lo hnem mawlh mawlh ang che" engmah ti sual lo ang hmak chuan a ti leh par par a.





A tawngkam leh chezia a tang chuan, hmeichhe rilru thiang hlim tak leh mi tina ngailo ang mai ani, nizan an thusawi kha lo hre ru kher lo ila chuan tun a atawngkam vel a tang hi chuan rinhlelh na chang ka hre miah lo ang mawle.








"Anih final ni chu ka lo beisei dawn che ania aw, Dennis-a chu ka han hmu ange, chawhnu lam ah practice kan ngai dawn a, anih ka kal phawt mai ang" tih leh kalsawn ka rual a.








Ka hmangaih tina tu hre reng chung si in engmah ka ti theilo chu hreawm ka ti in nep ka inti ngawih ngawih, cabin ka thlen chuan Dennis-i u te ho pawh an lo awm Kim thap a, ka hmel an hmuh rual chuan an reh nghal diak a, "min lo rel ani maw? Ka tih chuan an in melh ralh ralh a, Dennis-i ka va en chuan zakhmel hi a lo pu a, kimkim-in ilo kalhar kan lo ti tawh lutuk a arawn tih chuan an nui ta dar dar a.








Laizawn fel deuh deuh a neih reng laiin khawhar takin kumsawm chuang teh meuh a hun a lo hmang liam tawh a, a unau te nen an in hmuhkhawm dan chuan lung ati awi thlawt lo a lawm.







Pu saia chu en in, "kapu kan inbiak lawk angai ania" ka tih chuan hmeichhe ho chuan minlo en thap a.







I he lo chuan pu saia pawh chuan minrawn zui ve nghal vat a, pen sawm vel a hma ah chuan ka kal a, ngawi reng chuan ka hnung ah min rawn zui ve zel a, Dennis-in he damdawi in ah hian hmelma a neih a vang in mit leh beng chhi ran a kan awm a ngai miau sia.







Damdawi in chu chhuah san in ka car dah na lam chu ka pan a, min hmu phak zelin ka hnung ah min rawn zui avangin rei pawh nghah ngailo in car ah chuan a rawn thu lut ve nghal vat a.







"Hector kan awmdan hi ka hre thiam lo, bawihi tan a him lo itia duty dah iphal bawk silo, enge thil awmzia tak hi min hrilh thei em? a tih chuan pu saia chu ka lo en tawp a.








"Vai doctor kha engzat chiah nge awm ihre thei ta em? ka tih chuan a hriat tawh thu min hrilh nghal vat a.






" Dennisi-i damdawi in dangah kan suan chhuah a ngai dawn a, chumi hrilh tur che chuan ania ka kohchhuah che" ka tih chuan pu saia chuan thil awmzia hriat thiam loh hmel zet chuan min en a.







Zawhna min zawh hma chuan "Dennis-i lak a khangthil titu kha kan hre chhuak tawh a, khathil a bultumtu ber kha Dennis-i awm mek na damdawi in ah hian a thawk ve a, chubak ah Dennis-i hi a ban tan a lo ngai reng reng hlei nem, doctor pahnih in thu rual in a result kha an lo tidanglam a, thilpawi a thlen hmain kan hre chhuak thei hlauh a, atih zia khawp mai" ka tih chuan pu saia hmel chu mak tih na leh thinrim na hlir chuan a khat a.







"Bawihi ban tan a ngailo itih kha thudik ani em? Engtin nge he tiang khawp a thu liantham hi an phuah chawp theih zawk, hethil titu doctor hi tu pawh ni rawh se, an licence an chan nghal vek anga, zankhat lek mutmu tuah theilo a kan awm na ringawt pawh kha pawisa a lei phak ani lo a sin, an damchhung in jail bang an zut pawh angai maithei ani" thinrim lutuk chuan a ti hmuar hmuar a.





"Misual chu hre tawh mah ila engmah evidence kan nei bawk silo a, Dennis-i damdawi in dang a sawnchhuah kha chu nangmah in thuneitu te lamah hma lo la mai la, a theih hram chuan kan thu hriat hi zep rih a tha in kan hre bawk a, kapi erawh nangman thilawmzia thiamtak in ilo hrilh mai dawn ania, Dennis-i a ngaihtuah lutuk vang hian a mah hi ani tel hian a tar bawih bawih ni mai in ka hria, dennis-i pawh a dinhmun chhe zet vang hian a beidawng tih ka hriat pui a, a chhungte leh a thiante mithmuah lungngai angin awm lo mahse a rilru natna leh lungngaih na hi ka hriat thiam pui a, keiman a ban tan angaih dawn loh thu hi ka lo hrilh ang" ka tih chuan pu saia chu a mittui a tling kuang a.







"Hector he tiang khawp a ka fanu in hmangaihtu leh Ngaih tuah tu thian anei che hi ka van lawm tak em! Ihnenah hian lawmthu engtia han sawi tur nge pawh ka hre lo, nanghi awmlo la ka fanu hian a ban a chan ngei awm si a, he tiang a chung a thil rapthlak tak an tih na chhan hi eng thil sual nge ka fanu hian a lo tih fakau le" a ti sup a.






.Dennis-i chung a thilthleng zawng zawng hi keimah vang vek ani, mahse keimah vang a ni tih ka sawi thei lo.








Pu saia min kalsan hnu chuan car chhungah chuan ka thu deuh vang vang a, rilru hahna kawlpui chu khenthlawn in awm tawh mahse thil ti sual tu te kan la man bawk silo a, rci hian fing vervek tak in midang kut hmang in rulkua a zen a, Engtin nge he thil hi a matih ngei ani tih kan inpuan tir tak ang?







Dennis-i awm na cabin ka thlen chuan pu saia chuan a nupui fanau te chu, titeh u, i inhnawhpuar teh ang u tiin a hruai chhuak dial a, an chhuak fel ta maw tih ah chuan Dennis-i lubul ah chuan ka thuhnai a.









A hmui ah chuan dimte in ka fawp zeuh a, minlo ngai tawh em? Ka tih chuan a then sak a, "Mate thil hrilh tur che ka nei a" ka tih chuan "engthil nge min hrilh la" a lo ti sep a.









A kutah chuan vuan in a mitah chuan duatna a khat mitmeng hian ka en vang vang a. "Mate iban hi tan a ngai leh dawn lo a" ka tih chuan a phawk lutuk hian min en a, chutah rinhlelh na leh ka thil sawi chu awih lo hmel hi a rawn pu leh a.






"Ka ti tak tak ania, iban hi tan a ngai reng reng lo, ni reilo te hnuah chuan idamtha leh var anga, kan pahnih hian basketball pawh kan kheldun leh thei dawn a lawm" ka tih chuan a mittui chu a rawn luang ngiai ngiai a.







"Lalpa ka lawm e, ka tawngtai na min chhan sak a vang in" a ti sep a. Mittui tling pam chuan min rawn en a, hlimna chhiarsen loh a mitmeng ah chuan ka hmu a.






"Min tihder chu ani em lo maw? Dawt isawi lo tiraw" min ringhlel deuh chung si chuan a rawn ti tha leh a. "Dawt in hrilhna chi pawh a nih loh hi, I ban tan a ngai leh lo pathian in a ti dam che alawm" ka tih chuan.







A hlim em a vang chuan a lungchhia a, thiltam tak sawi duh nei siin a tawng chhuak hleithei bawk silo, a rawn tah nuih ta hawk hawk a.







A biang tawn tawn ah chuan vuan in a hmui ah chuan lungchim takin ka fawp mawlh mawlh a, ka inlak hran hnuah chuan a chalah chuan ka fawp leh a, nui var var chung chuan " I banruh tliak hi an zai anga, karkhat vel bak damdawi in ah i awm a ngai tawh lo ang ka tih chuan a phur hmel lutuk chu ka khawngaih zawk...







"Hector ka hmangaih che, ka ban hi tan lo ngai tak tak ni se chuan he thu 'ka hmangaih che' tih thu hi ihnenah ka sawi ngam ka lo ring tawh lo a" a tih chuan a hnar ah chuan ka lo piai vak a. ..cont

[Ngaia]

"Anaa, mindim ve deuh ta che damlo ka nih hi" a rawn ti bak hlar a, tunah chuan Dennis-i ka hriat thin diktak kha ka hmu leh thei ta e.








"Ka beng hian min hmangaih thu isawi ri hi engtik laipawh in ka hre duh ania, ni li liamta kha chuan ka dennis-i kha ka chan ta ah ka lo in ngaihman a hreawm ka tih thin zia kha, dam vat vat rawh aw mate" ka tih chuan "Nangmah vang hian dam hi ka thlahlel thin a sin, ka hmangaih che zosangzel a hmui phun chuan a rawn ti a.







"A ban tan a ngai dawn lo tih a hriat hma leh tun a ahmel landan chu lei leh van ang hlauh a ni tawh, tunah chuan tihtak zet a anui hmel hmuhtur a awm leh tawh a, a nui nasa lutuk chu an zai na a rawn na aniang a rawn ner deuh sawk a.






" Nui tawh suh damlo an nui vak vak ngailo" ka lo tih chuan rumzet hian min melh ram ram a "Damlo bulah fiamthu ithawh vak vak anih kha a rawn tih chuan...tum hmuk chuan ka tawng duh lo der tlat a.






"Titau kan awm a va ang ve" nui rah rah chung chuan a rawn ti a.






A thusawi hrelo ang hmak chuan ka thu ngawi run a..."Anah" ka hawi chhuak rang lutuk chu nuih za insum tih hriat lutuk hian minlo en a.








"Min ngaihtuah zia hi ka hriat loh iring ami?...ka hmangaih" a rawn tih chuan ka ding hluai a, a hmui ah chuan ka fawp ta ringawt a. Min tih mangan hi ithilthiam awmchhun ami? Idam hun chu ichak lo teh ang chu aw tih sup pah chuan duhthawh zet hian ka fawp leh a.







Kawngka lam a thawm rawn awm hak vang chuan kan hawi rual thawt a, kawngka bulah chuan Dennis-i chhungte ho chu an lo ding thup a...ka lai lutuk chu ka lu hi a vir mup mup thei.








Ramchhan an..."kan lo va chhuak leh rih maidawn a mi" a rawn tih chuan an nui tha hlawm a, Dennis-i ka melh zawk a ani pawh keimah ang chiah in a lo laichhe ve ngang mai.





Zah luat avang a hmaisen ap ap chung chuan.
"Nu tinge inrawn kal vek a" Dennis-in a tih chuan pu saia zawk chuan "Bawihi damdawi in hranah kan in sawn a ngai dawn a, private hospital lamah uluk zawk in an enkawl che anga idam thuai thuai mai ang" a rawn tih chuan Dennis-i chu a hawihai deuh hlek a.








Dennis-i rilru tur chu ka hriat thiampui khawp mai, chuti teh thut a damdawi in hran a han insawn rum rum chu a tan chuan hriat thiam a har deuh maithei ani, thilthleng engmah kan hrilh hre ve lem lo a, a hliam tawrh hi a namai lo a, a rilru tih chiai kan hlauh vangin engmah kan hrilh hre duh lemlo kha ania.






"Private hospital ah chuan uluk zawkin an enkawl dawn che alawm, idam vat vat angai ania, final ni ah min rawn en ve ngei kan duh sia idam vat vat theih natur ichhungte hian an ngaihtuah a nih hi ka lo tih chuan a thaw huai a.








Bethsy te nupa chuan thiltul buaipui ngai tur ang an buaipui nghal zung zung a, LRM hospital lamah kan in phur phei nghal chuk chuk a.








Kei erawh thildang buaipui tur ka la neih avangin damdawi inah reipawh thu muang loin zomawia hmutur in ka kal leh nghal a, zomawia ka fawn lawk lemloh a vangin inah a lo la awm lo zui a, khawnge i awm ka fawn alak rual chuan kati nghal thawr a, kan office lamah min rawn hmu rawh, rci leh a thurualpui te pawh kan hrechhuak tawh a, mantur in kan lo kal hman tep a a lo ti bawrh bawrh a.







Ka beisei aia hmain thil tisual tu an hrechhuak hma a, hei tak hi ania zomawia special na chu, a tirah khan a thil chhuilai ah hian hma a sawn lo viau dawn khan ka lo hria a, a sahliam chhui lai chu beisei aia in an man rang leh viau lawi bawk si a.








Zomawia office ka tlen chuan, kal mai inpeih at hian an lo awm a, min hmuh rual chuan nuisuk chung chuan " irawn thleng thei maw? min lo ti thum dut a. Mitko san zauh pah chuan " ka rinphak bakin ilo che rang leh sia" ka ti bawrh bawrh a.






" Chu chemuang min lo ti hman viau ani maw? a tih chuan ka lo nui suk suk a.








Kan kal nghal mai dawn ami! A tih chuan a naute ho chu an tho sang sang a, "Bro min rawn zui ve dawn nge? Min rawn tih chuan ka lu ka lo thing ringawt a, rci leh a thurualpui mantur a an kalna a lo va inlan ve chu a tul kher a ka hriat loh vang in ka kal ve loh tur thu ka lo hrilh vat a.





" Chanchin ka rawn hrilh dawn che ania" a tih chuan a naute ho nen chuan civil hospital lam ah chuan an tlan zui nghal a, hetiang zawng kher kher a rc-in chet a la ta mai hi pawi kati in a mualpho na hian a damchhung a daih tawh ngei dawn si a, hmeichhe hmeltha leh confi tak ani a, mipa tha tak tak a mah heltu antam vei nen min hmangaih tak tak nise hetiang thil hi ati lo tawp ang mawle, a rilru kalsual na vang in a tuar angai dawn ta anih hi.








Dennis-i hmutur a kal leh chu ka duh viau rual in practice na hmun a kal chu a tha zawk in ka hria a, chubak ah thil thlendan kimchang thiante hnen ah hrilh hriat ve te pawh a tul in ka hre hrim hrim a, thian ten min lo hmuh chuan Dennis-i chanchin minlo zawt nghal nak nak a.







"Thu lawm awm sawitur ka nei a, Dennis-i ban kha tan angai leh dawn lo a, test result kha rci leh doctor pakhat in lo ti danglam in a ban tan ngai miah lo kha rc-in lo tantir a tum a lo nia, media lam a thuthang leh Dennis-i kut lo thlak tu pawh kha rci lo tihtur vek ani a, tunah hian rci leh a thurualpui te ho chu police kutah an awm tawh in ka ring" ka tih chuan thiante ho chu an phun nghal mar mar a.







An thu hriat chu mak anti in, rci chetdan chuan an vai mai chuan a thawng vek a, rapthlak an ti tlang ngang mai, chumi anih rual in Dennis-i ban tan a ngai leh lo tur erawh chu an thinlung takin an lawmpui tih an sawi tel bawk a, Dennis-i kan tur a kal ho an rawt leh ta chuk chuk a.







Zaipui hmachhawn tur la ni mahse a ban tan angai leh lo tur hrim hrim chu kan lawm tlang vek a, lawmpui tur a kal ngei chu a team mate te chuan an duh vek a, pangpar dawr ah kan inzui lut duah duah a. A mah tihlim theitur thil ni a an rin zawng zawng chu an lei nual hlawm a, min lo hmuh hunah chuan a hlim ve viau ka ring, ka thil ngaihtuah na vang chuan ka khi leh suk suk thin a.






Rci leh a thurualpui doctor te chetlak danah pu saia a lungawi lo ngang mai a, chuti mai mai chuan ngaihdam a tum hauh lo mai, an doctor license pawh an chan vek a Ngaih hmel a, civil lam thunei tu te lam pawh an damdawi in hming chhiat na vangin Dennis-i lakah ngaihdam an dil nasa a, a ban lo tan hman ngat phei se chuan damdawi in tan mualpho na nasa zawk a thlen mai bak ah thil pawi zawk a thleng ngei ang le. Dennis-i pa minister a lo ni kher bawk nen.








Manager ho a kan in zui lut dam dam minlo hmuh chuan Dennis-i chu a lo khek raih a, hliam na tak tuar leh zaipui tawk zo chiah tih pawh hriat loh khawp in a hmelah chuan hlimna hlir hi a khat a, cabin chhung chu pangpar hian a khat vek hi ani ringawt.







Pu saia pawh in ka fanu in ngaihtuah zia ka hmuh hian ka lung in ti chhe zawk nang ni hi awmlo ula chuan kan fanu hi hetiang dinhmun ah hian a ding tawh kher lo mai thei ani, tournament lai alo ni nen, in rilru inkhelh na lamah pek a lo ngai ve bawk si, chuti chung chung pawh chuan min thlahthlam chuang miah lo a, zanin ah hian bawihi ban pawh an zai nghal rum rum dawn a, kan dinhmun hmasa kha chu sawi ngailo in hrevek a, a hlimchhawn ah a ban hi khawih nghal a ni lo bawk nen doctor in a zai pawh a awlai lutuk tawh dawn lo atia, in tawngtai nalam ah minlo hre zui ve reng ula" a ti chuar chuar a.








Fiamthu chuan Dennis-i chu "idamtha tawh bawk a, final chu kan khel ho leh thei tawh dawn anih hi" thiante ho in an tih chuan. "Insual emai aw, ka rawn khel ve tak tak maitur a nia hmui ti pawrh pah chuan a ti hlak hlak a" a landan duh awm lutuk chu ka lo thlir ngawih ngawih a.







Zomawi-an station lamah pu saia nen rawn phei teh u min rawn tih vang chuan thiante ho pawh chu thilawmzia ka hrilh hnuah kan chhuahsan a.







Police out post kan thlen chuan rci leh vai doctor chu zomawia hma ah chuan kutkawl bun chuan an lo thu ran a.







Rc-in ka hmel a hmuh rual chuan a hmel chu a buai deuh nak a, mahse rei a nilo...Zam map lo chuan min rawn melh nghal ram ram a, chutah ngeiawm lutuk chuan minrawn nuih leh kher chu hmeichhia nilo se chuan ka beng chiang viau ang.







Pu saia chu an hma ah chuan chuan kawng dawm meuh chuan a va ding luah a, vaipa chu hlauh hmel lutuk chuan a meng zawk zawk a...rci erawh a hmelah chuan zamna chhete mah a lang eih lo.







"Nang ni vang hian ka fanu ka chan teuh zia hi...engtin nge nangni pahnih hi hremna ka pek dawn che u" dawhkan chu a chum ri bur a.









Hetiang em em a pu saia thinrim hmel hi ka la hmu miah lo, amah a palian bawk si a a thinrim hmel chu hlauh awm tak ani.."I fapa ohh ni leh lo i fanu chungah khan engmah tih sual ka neilo, a chung a thil sual titu chu hremna chu pe mai la ti nia" rc-in thamlo lutuk a pu saia a rawn tih chuan ka lo ding ve phat a.










"Mihring nge inih ramhuai? Tihsual ka neilo itia mi kha?...tunge Dennis-i sawisa tur a thu Petu kha?...nangmah hi ini lawm ni Dennis-i ban tan ngai ang a result ti danglam tu kha, tu vang a tinge inih leh enge itih chhan chu ka sawi lang kher dawn em?.. Ka tih chuan tiktak pawh ati lo hrim hrim.








Zomawia chuan a nau te ho chu..." Kha vaipa kha indawp na hmunah khan va hruai rawh u, he ramhuai nu hian engthil chiah nge lawmman a tan pek a lo tiam tih te pawh hriat a chak awm a lawm le, a sawi hma chu dim hauh lo khan vua ang che u" a tih chuan vaipa chu dawp tur chuan an kai phei nawk nawk a.








Pu saia leh zomawia an inbiak mawlh mawlh lai chuan rci bulah chuan kal hnai in.." Engvang a he thil hi tinge inih a?...tha tak khan min kalsan ve mai la heng buaina hi itawk hauh lo ang mawle, thil diklo titu te reng reng hi an dingchang ngailo a sin, tunah chuan I ko a rit ve tawh khawp ang le, I chet lakdan hi tualthah na nen thuhmun reng ani tih ihria em? ka tih chuan za zeuh hian min nuih khum awr awr a.








"Kha mihring lo lan atang khan nang hi idanglam nghal vek tih ka hrelo ah ilo ngai kha itisual chhiava anih kha, a tir ah chuan hmeichhia anitih kha ka ring bik hauh lo, mahse ka bialpa in keimah aia a ngainat leh a thlan mihring kha tunge anih a enge a tih thin tih zawn chhuah chu ka tih ve tur hrim hrim a lawm, hmeichhia ani tih ka hriat chhuah ni atang khan tih mualpho tumin ruahman na ka siam fel nghal vek bawk".







Elhsen na a khat hmel a min en chung chuan, ila ngaithla duh em? "Dennis-i chung a thilthleng zawng zawng ah khan a mawhphur tu diktak zawk chu, kei nilo in nangmah kha ini, engkim bul intan na diktak chu nangmah ini tih Dennis-i pa bulah khan ihrilh tawh em?..nge keimah hian ka hrilh sak dawn che, Dennis-i nen hian hlimtak in in awmdun thei chuang lo ang, nang hian min hre chiang tawk lo ani, kei hi tunge ka nih chiah hi ila hre fiah dawn chauh" zamna chhete mah neilo chuan min la ti phiar phiar zui a.








Room leh lam atang a vaipa tah tawng zawt zawt ri chuan rci chhan let ka tum mek na chu min thulh tir leh a, zomawia chu rci lam pan chuan a rawn pen phei pawk pawk a, kan ramhuai nu chuan tihsual ka neilo a la ti leh cheu a mi?..I mi chhawr pahnih te pawhin an rawn fin ve tep tawh ang che, iruahman na verther tak an puan hun che ngaihthlak pawh a chak awm tawh a lawm mawle, doctor kani te chu I inti ve chu ania, doctor te chuan damlo te dam nan theih tawp an chhuah thin ani ngai a, nang ve chuan tualthah pawitih na chhete pawh ineilo chu ani si a, ithiltih pawizia chu jail bang izut hunah ihrechhuak ve mahna le, tih pah chuan a hmawlh ken chuan a chalah a rawn nawr thle sawk sawk a.








Police pakhat chuan zomawia chu a rawn hrilh ru sur sur a, ti khan lo awm lawk ru aw ti chuan police pa nen chuan misual dawp na lamah chuan an inzui lut nghal a.








Kan pathum a kan thut ngawi reng lai chuan rci pa leh doctor remruata an rawn thleng ve hlawl a. Remruat-an kan hmel a hmuh chuan min rawn pan nghal thuai a.








"Hector enge thil awmzia hi? Engvang a ka nau hi police hian man ringawt nge an nih a?...Lawmloh hmel zet a min rawn tih chuan pu saia a rawn inrawlh nghal vat a.







" Engvang a man ringawt nge tih chu inhremai dawn a lawm, in nau hian engthil pawi nge a khawih chu Hector-a nilo in a mah kha zawt ta che u" kha zet hian a rawn ti chang hrawk a.







Pu saia a rawn inrawlh takah chuan engmah min zawt zui tawh lo chuan rci chu an melh dun tlawk tlawk a, rci pa chuan "mampui tunge he tiang ti mualpho tu che hi?, an tih mualpho vang che hian ipa hi ka ngawi mai mai bik hauh lo ang, eng ang a thil ti thei pawh ni raw sek sek, I chung a mawilo tak a an chet na che a vang hian an thil tih mawh chu a rit ve viau ang pu saia melh kar chung chuan a rawn ti ve leh salh a.







"Tu mawh chu maw rit ang?...in fanu thiltih rapthlak lutuk vang a zak a kun tlawk tlawk tur in ni zawk lo maw!... Tunge zahlo tak a ilo tawngkhum mek hi ila hrelo anih hmel, keimah hian ka hrilh dawn che nge ifanu hi izawt zawk dawn" zomawi-an a rawn tih chhur chhur a vang chuan Remruata leh Rci pa chuan zomawia chu an hawi rual thawt a.








"Tlangval ka fanu hetia awmze nei hauh lo a a hnathawhna hmun a tang a mualpho tak a in hruai chhuak hi ka ngawih mai mai in ring ami?...inthil tih hi inzah loh na leh intih mualpho na lian tak ani, ka fanu hian tu pawi mah a sawi ngailo he tiang khawp a hmeichhe nunnem hi engvang a awm ze neilo a lo man ve ringawt nge in nih a?...thin ur ha thial rap rap chuan ati a.





" Duh tawk teh, ka hnathawhna hmun a nih hi...zahloh tak a min biak kha chu a tih chi berin ka ring lo, he ifanu nunnum zet hian hmeichhe pakhat chu social media ah a tih mualpho hnuah, misual chhawrin natak in a sawisak tir leh a, chupawh la duh tawk lo in a test result lo ti danglam in a ban tantir a lo tum leh bawk a, chutiang ti tu hmeichhia mi pawisawi leh nunnem chu ifanu hi ania sin, engkim finfiahna kan nei vek tawh.









Khatia awmze neilo a pawt pawt lo khan pu saia hnenah khan kei chu ni ila ngaihdam ka dil chul ang mawle, an fanu vang in mutmu pawh tuah theilo in rilru hah reng reng in hun an hmang a nia" a rawn tih chuan rci pa leh remruata chu an meng phawk kher mai.







Mampui anpuh na che kha thudik ani em? Nang hian an thil sawi zawng zawng kha iti lo tih minhan hrilh teh" rci pa in rci a tih chuan, sawitur hrelo chu an hnuailam a bih ngar a....cont

[Ngaia]

Engmah sawilo a rci thukun ngal chu chhuak em em hian a rawn tap chhuak a, a pa chu en in " pa kei hian engmah tihsual ka nei lo...heng ho hian mintih mualpho an duh vang in dawt in minpuh a nih hi, pa helai hmun atang hian min hruai chhuak rawh inah haw ka duh" lungchhe awm fe chuan a rawn ti a.







Zomawia leh pu saia chuan min rawn melh zawk a, doctor nilo in lemchan lamah lo kal zawk se a hausa hma ve ngawt ang, chutia fanu ten engmah tihsual ka neilo ti a tap tap chu rci pa chuan. Zomawia chu nelawmlo fahran a melh chung hian "ka fanu hi engvang a man ringawt nge innih in sawi fiah angai ang, he thil ah hian ka ngawi mai mai dawn hauh lo ania, thuneitu sang lamah ka thlen dawn" a rawn tih chuan chulai room chhung chu kut beng ri hian a luah khat nghal a.









Chutia kut lo beng tu chu, tudang nilo in zomawia ani..." Ropui lutuk, thuneitu sang ah chuan thlen mawlh ang che. He ramhuai nu hi engdan hmang mahin thiam a chang dawn chuang lo, a mittui lem lutuk vang hian kha irilru kha hneh a tum chu ania. Thil sual titur te chuan hetiang aia fing deuh zawk hian ruahman na siam ve tur hi ania".









"Dindin misual pahnih te kha rawn hruai lut teh u, kan pu hian a fanu thilsual tih dan diktak hi hrelo zawk se ka duhsak viau na chu a ngaihthlak ngei angai dawn anih hi" a tih chuan a tlangval pakhat chu a tlan chhuak nghal thuai a.








Mipa pahnih kutkawl bun chung hian a rawn chhawmlut a, pakhat zawk chu a bek veilam hi a rawn bel var luk a. Tuma hrilh ngailo in Dennis-i kut thlak tu tih ka hre nghal a, ka kawchhung lam atang a thinrim na rawn irhchhuak vang chuan chupa khawih tum chuan ka pan nghal chat a.







Zomawi-an "Bro insum teh. Hremna chu keimah hian ka pe dawn a lawm, he misual laktlak loh lakah hian ikut ilo tih bawlhhlawh ve kher kha ka rem tilo " ti chung chuan minlo dang vat a.







"Hmela Dennis-a chung a ithiltih pawizia kha ihria em? Kei hian he ka kut hmang ngei hian thah che ka chak a sin. Pawisawilo lak a ichetdan kha hremna pelo che a ka chhuah che anih chuan kei hi nun nuamin ka awm thei lo ang, tunge khathil titur khan tir che? tih leh hnek chu ka rual a.








Ruatkima leh zomawia chuan minlo dawmbet vat a...zomawia chuan " Le khathil itih chhan diktak kha han sawi teh le? Nge indawp na lamah tiang nen kan zawt zawk dawn che" a tih chuan, chupa chuan ka sawi ang ka sawi vek ang a ti nghal chul a.








Chulai hmun a awm ho chu muang chang hian min melh kual hmasa te te a, chutah ti hian Dennis-i chung a athil tih chhan chu a rawn sawi a.







"Kapu khathil kha ka duh reng vang a ti ka ni biklo a sin, ka nupui hi kal cancer ani a, ka nupui damloh na avang hian kan neih zawng zawng kan chan vek tawh a. Chuti chung chuan ka nupui hi kan enkawl tho angai bawk si a, engmah neitawh lo mah ila a tawp thleng a tha tak a enkawl na dawng turin ka duh bawk si a, ka nupui hi ka hmangaih a reipah kan la inneih hmain a natna hi kan hmuchhuak a, a natna vang hian kan fa lo piang tur pawh khawvel eng a lo hmuh ve hmain kan paih a, hreawm hi ka ti ve ngawih ngawih a sin.








Boruak khamkhawp hmulo ang mai chuan, thawk chu duhthawh zet hian a la leh kawk kawk a a thil sawi lai chu a rawn Chhun zawm leh a.






Nitin inhlawh chawpin ka nupui enkawl na tur ka tuak a, a damlo awmpui a duat tak a enkawl ka duh ve ngawih ngawih laiin kan retheih na avang in ka awmpui thei silo a, zanah ka hnathawk ka taksa a lo chau ve leh thin tawh si a, engtik ah nge min kalsan ang tih Ngaih tuah reng reng in ka hun leh ni hi ka hmang ral thin.







Zankhat chu ka nupui a natna a zual a vang in kan talbuai deuh rap rap a, mahse ka nupui hi mi tuarchhel tak anih vangin a rawn harh chhuak leh hram a, doctor in damdawi lei tur a min tih leimai na tur ka neih loh avang chuan hreawm ka ti lutuk chu boruat thianghlim dawn tumin pawn ah ka tlan chhuak a. Ka nupui ka hmangaih em em duat tak a enkawl na tur tak ngial pawh pawisa ka neih loh vang chuan ka mittui a tla hial a.








Engtiang a rei nge pawnah ka awm pawh ka hre chiah lo a, ka dar a min rawn khawih tu an awm avang chuan ka phu deuh zawk a. Doctor rci hi a lo ni a, thianpa inupui enkawl natur pawisa ineih loh vangin irilru a hah ani tiraw? Inupui enkawl natur pawisa chu kei hian ka pe thei ang che mahse thil pakhat mintihsak ve ka phut a" a rawn tih chuan rilru fim ka pu thei tawh lo a.







Pawisa kan mamawh lutuk na chuan min ti 'a' zo vek tawh a, pawisa ka nupui enkawl na tur zawng zawng chu min tumsak vek a nga keiin enge ka tih sak ve theih ang che? Ka tih chuan "thil awlsam te chauh mawle, tunlai Mizoram basketball star larzet Dennis-a kha ihria em? Anihna takah chuan kha mihring kha mipa nilo in hmeichhia ani a, kha mihring lemchang a mipui bumtu khan ka thil neih hlutak min chhuhsak a vang hian a thuruk hmeichhia ani tih hi mipui hma ah hailan a tih mualpho ngei ka duh a, hmeichhia anitih finfiahna tur min neih sak anga chu chu ka tan itih tur chu ani.








Thil harsa a ni miah lo ania, ka thilduh min neihsak theih chuan inupui enkawl na bakah pawisa thahnem tak ka pe tel bawk ang che atih chuan ihe loin inremsiam na ka lo neihpui ve nghal a, awlsam te a pawisa tamtham zet ka neithei tur chuan minti hlim lutuk a, pawisa hlawh chhuak tur a mi thuhnuai a ka inhlawh a ngai tawhlo tur leh, ka nupui damlo ka awmpui thei tawh tur ringawt pawh chuan kha a remruat na kha min hnar tir thei lo ani ber mai.









Inremsiam na kan neih tuk atang chuan Mizoram basketball team enthlak hna chu ka thawk tan a, chuti mai a awlsam chuan Dennis-i hmeichhia ani tih finfiah na chu ka nei mai thei lo a, practice na hmun a in awm lai leh in riah khawmna inbul chu ka kartawn chhen thin.







Dennis-i a inhliam tak ah chuan ka tan chetlak a awlsam phah ta sauh a, practice na hmunah a rawn kal ve tawh ngailoh avang chuan in riahkhawmna in chhung chu ka zirchiang tan a, eng eng emaw chhuanlam hmangin inchhung ah chuan ka rawn lut ve zut tih tumahin in hrelo a, Dennis-i a mah in room hranah a mu tih ka hriat chhuah tak ah chuan doctor Rci hian ruahman na chu min siam sak a, midang ho practice chhung in Dennis-i mutna room ah luhkhung a saruak a a thla saksak turin minti a.








Van neih thlak takin practice tur a athian te ho kal chhuah hnu lawk ah in neitunu leh an nula bazar tur a an chhuak chu ka hmufuh ta hlauh a, an tlanliam ta maw tih ah chuan in chhung ah chuan ka lut nghal vat a, Dennis-i mutna room lam chu pan nghal in video chuan a thla chu ka la tan a, banglam hawi a mu anih vang chuan a hmel chu a lang mai thei lo a, a mutdan siamrem a ka lam a rawn hawi chuan a hmel chu chiang tak in video chu an ka lo laksak a, chutia a thla ka lo la mawlh mawlh tih a hriat chuan.







" Tunge inih engvang a ka thla lo la ringawt nge inih? a rawn ti vin tuar a, chhuak turin thu min pe sateh mahse ka thiltum ber ka la tih hlawh tlin loh vang chuan kalsan chu ka tum teuh lo mai, ka hmai ka tuam vek avang chuan ka hmel a hmu thei chuang lo a.







Thawh tum a chet vel lai chuan khumah chuan bawh betin a kawr phelh tum chuan ka bei a, ka tum ang a awlsam a lo ni hauh lo mai, a ban dinglam ruh a tliak tih ka hriat sa avang chuan min lo dolet ngam ka lo beisei miah loh laiin ka rin loh lam daih in min beilet ta chiam a, a kawr hak phelhsak ringawt pawh a harsa ta tlat mai, patling in theih tawp in a saruak thla neih ngeitum in ka bei a, ka inrin hman hmain ka banah min lo sehsak a.








Ka ban a seh na chu a thlah duh loh a vang chuan a lu leh a hmai velah chuan ka hnek char char a, kha mihring luhlul zet khan ka hnekna pawh chu hrelo ang hmak in ka ban chu a la seh cheu avang chuan a ban ruh tliak ah chuan la in ka herh sak a, min sehna pawh chu a thlah ve nghal a, minseh nabawk a ka ban vun hi a seh tla hlawk thei.








Ka thinrim chuan chhuatah chuan ka hnuk thla a, a nakah ka chhuih hrep hnuah a t-shirt hak chu ka phelh sak a. A hnuaiah tawnzau a hak avng chuan a tawnzau pawh chu a dar ah ka pawt chat nghal vek a, ka sawisak na avang chuan a zal ve tawh ah ngaiin ngaihtha deuh chuan a hnute thlalak tum a ka phone ka khawih chu ka bekah hian pheikhawk heel in minrawn hem zawt a.







Pheikhawk heel kut zungtang tiat lek zumzet chu ka bekah hian a rawn hem tlum zawt anih chu, ka phone ken chu chhuat ah ka thlauh nghal daih a, ka bek a tang thisen ruan chhuak tihtawp tum a ka chet vel chhung chuan ka phone chu pheikhawk heel chuan a lo chhukeh vek a, ka thiltum ah ka hlawhchham a vang chuan ka thinrim em em a, khatiang tak a sawisak kha ka tum a ni bik lo.








Phone min tih chhiat sak bawk si nen, doctor rci hnen a tang a ka lawmman tur zawng zawng ka Chan thei dawn ni a ka hriat vang chuan thinrim lutuk in a ban ruh tliak ah chuan ka rahhrual sak in ka tum nghek nghek a, khatiang khawp a mihring tuarchhel kha an awm tawh pawh ka ring lo, a nakah leh a pum ah chuan ka chhir zawt zawt reng bawk a, vawikhat pawh ana atih vangin a rawl a chhuak lo hrim hrim.









Inhnuai lam a thawm a rawn awm tak a vang chan ka phone a chhut keh vek tawh chu chhar in a tawp nan ka chhir leh zawt zawt a, ti chuan a ruk thei ang ber chuan inchhung a tang chuan ka putru ta nghal a, doctor Rc-in ka hlawhchham tih a hriat chuan ka lakah a thinrim em em a, ka nupui enkawl nan a pawisa kan hman te chu rul leh vek turin minrawn ti a, keimah in hliam ka lotuar ve nasa bawk nen ka tan pawisa thawh chhuah chu a theih loh hul hual bawk sia, pawisa min pelo anih chuan police ah ka inpe a nga khathil ka tih chhan diktak ka hrilh chuan ihim bik lo ang ti in ka lo vau let a.







A thil min tihtir sawi chhuah a ka report a hlauh a vangin pawisa tamtham zet min pe a, ka hliam pawh a mah hian kan inlam ah min enkawl sak vek a, ka nupui hmutur a damdawi in a ka kal a phal lo leh bawk a, ka nupui hmutur in a ruk in zanlam ah damdawi in a ka kal chu, a ruk a minlo enthlareng tu ten minlo hmu fuh a, ti hian min man ta chu anih hi.







Khathil rapthlak tak tih kha ka duh bik lo a sin, kan dinhmun in a zir loh luat ah doctor rci hian remchang ah lain khathil kha min tih tir ta ani, kapu khawngaih takin min ngaidam rawh u. Min ngaidam theilo a nih pawh in ka nupui thitur tal chu min dawmhlum tir Turin ka ngen che u, min kalsan tep tawh a. Hun tlem te chiah awm dun na hun kan nei tawh a sin, khawngaih in ka nupui min thlah liam tir hram rawh u, chumi hnuah chuanka thilsual tih hremna chu lawmtak in ka pawm ang a ti a.








Tute mah chuan sawimai tur kan hre hauh lo, minute reilo te chhung chuan chupa in sut ri tih loh chu chulai room chhungah chuan thawmdang a awm hauh lo.







Rci pa chu rawn dingchhuak in rci chu a beng ri thuai a, "Hetiang tur hian emni kalo enkawl che, ka duat in ka chhuang thin che a sin. Ka fanu ini tak tak em tih pawh ka sawi chiang ngam tawh lo hetiang mihring nunrawng hi ka fanu ini thei lo ang, detective he ramhuai nu hi in duh dan dan in ti rawh u, a lak atang hian ka kut ka sil e" pu saia lam chu pan in " khawngaih takin min ngaidam rawh, ifanu chung a he ramhuai nu thil tih vang hian henu hian minti zak takzet engtin nge mihmai eng kan en ngam tawh ang Remruat minlo zui rawh helaihmunah hian tihtur kan nei ve tawh lo, haw ang" tih leh pawnlam pan a rual a, remruata pawh chuan rci tap pur lam chu melh leh zawk in a pate a chu a um ve nghal a.







Zomawia chuan log-up ah khan an pali hian dahlut rawh u, a tih chuan an hruai sawn zui nghal a.







Pu saia chuan "zomawi ka fanu chung a thilsual titu te min manchhuah sak vang hian ka lawm hle mai, hremna chu a chung ah Dan in a lek kawh a ngai dawn ta anih hi. Keini pawh damdawi in lamah kan let leh mai loh chuan a tlai tawh si a, zanin ah Dennis-i an zai nghal dawn sia" a tih chuan.






zomawia chuan "Ni e helam chu ka kutah dah ula ka lo chingfel vek ang, Dennis-i kha tha deuh in lo enkawl zawk rawh u" a lo ti ve thuai a.








LRM kan thlenphei chuan traffic a zam nasa bawk nen khua a thim lek lek tawh a, Dennis-i awmna cabin kan thlen chuan an lo ri laih laih a. Ka beisei loh deuh hmel ka hmuh vang chuan ka kepen lai chu ka ding dat a.








Pu saia zawk chuan "mera Inlo thleng tluang maw? Tunge ithianpa hi tih pah chuan Dennis-i nute-i bul a vai palian zet ding luah chu a en a.







Dennis-i zawk chuan. "Pa ka coach sir vickrama anih hi...a mah hian a lawm basketball min zirtir thin, basketball ka kutin a deh hmasak ber a tang a uluk tak a min zirtir tu anih hi" ngaihsan hmel zet chuan a ti a....sir vickrama lam panin pu saia chuan vickrama chu a chibai vat a, kei chuan ka lo hmuh tawh avang in nui var var chung hian ka lo chibai ve bawk a.





Dennis-i pawh inzaina kawr anlo haktir diam tawh a, zai hmasak ber tur anih dawn a vang in zaimai theih turin an lo in peih diam tawh a... Kan va kalna chanchin vel an hrechak tih an hmelah chuan a hriat a, mahse Dennis-i hriat a a chung a thil ti sual tute chanchin sawi kan duh avang in engmah kan sawi ri duh lo a.








Chhunlam ah ka buai nileng thak bawk si a, ka taksa te chu thlanin a ti ban deuh chuap a...inlam ah zanriah ei pah in kava inbual ve lawk ange, inzaina room a an nawrluh hma che in ka rawn kir leh hman ang ka tih chuan.







Dennis-i nu chuan "Va haw tawh mambawihi vangin italhah ta hrep a nih hi, ilakah hian lawmthu sawi senloh kan ba ta a nih hi a lo ti ve bawrh bawrh a. Inlam pan chuan ka in khalh haw ve ta nghal a.








Kan in ka thlen chuan ka chhungten chaw anlo ei tawh a, ka pa chuan " Bawiha enge Dennis-i chanchin" ti in minlo zawt vat a.








"Thil awmzia chu a tawi thei ang ber in ka hrilh zung zung a, rci thiltih vek tih ka sawi lai chuan kanu chu a lo khawng lo chauh a ni..." A lo va mak ve! Monu a tan khan ka lo duh ve em em a, Inlo innei ang tih ka van hlau teh lul em a ti nghal bawrh bawrh a...ka nu thil sawi vel vang chuan ka rilru chuan hmeichhe ho tak hi chu aw ka ti neuh neuh a, chaw eihma in ka inbual zet a, in siam peih sa at in inhnuai ah chaw ei turin ka chhuk a.






Chaw ka eilai chuan ka farnu duat Linda-i pawh inchei nalh zetin ka chaw ei a bulah a rawn kal a.."Chhuah itum ami iva nalh ve baby" ka lo tih chuan "Dennis-i an zai dawn iti ani lawm ni? ka rawn kal ve dawn" a ti fel then a.







Ka thil ei na vel pawh tifel loin kan unau chuan hman hmawh takin LRM hospital lamah kan tlan nghal nal nal a, kan thlen chuan ka rin ai daih in damdawi in tual velah thiante ho leh an chhungkhat laina te an lo awm thahnem a, inzai na room a an nawr luh hma hmuh ngei ka duh avang chuan Linda-i nen chuan a chhunglam ah kan inzui lut a, Dennis-in kan hmel a lo hmuh chuan minlo nuih var var a.








"Linda ilo kal ve ani maw? I vanfel ve a lo ti bawrh bawrh a.






Linda-i ka va en chuan a hmai chu zahna vang hian a lo sen deuh ap ap a, ka nau rilru tur chu ka hriat thiam pui khawp mai, Dennis-i a ngaihzawn zia kha ka hriat pui ve miau a. Mipa a lo ni leh silo a azak pawh chu thil mak ani lo, reipawh awm lo in Linda-i chuan min chhuah san a, pawnlam ah thiante bulah kalo awm ve ang a kal dawn chuan ati a.








Linda-i kal hnu chuan Dennis-i nu chuan eng chhuanlam emaw siam in min chhuahsan ve nghal daih a...Nui vur vur chung chuan " inu han zei zia kha, chance min pe ve ngei anih kha" ka tih chuan a lo nui hak hak a.








"Ka hmangaih, I huphurh em? Ka tih chuan a lu chu a thing nar nar a. " Nangmah vang hian dam vat vat ka chaktawh lutuk a, inzai pawh ka huphurh loh phah" a rawn tih chuan a hmui chu ka hmui lum ther ther chuan kalo bawhthuah nghal chat a.








"Dam vat vat la, ka nupui inih thuai theih nan idam vat angai dawn ania...idam that loh chuan ka nupui inithei lo ang" ka tih chuan "engvang chuan maw ka dam that kher angaih? Ti pawh hian ka tling tawk lo ami? A rawn ti nghal var a.







Nui hawk chung chuan " I dam that loh chuan ituar dawn ami, ka bul a i awm chuan ka awm hle hle theilo tih ihriat chian viau kha maw" ka tih chuan..."I hur siah" lei chuan zauh pah hian a rawn ti a. A landan duhawm lutuk chu damtha ngat se chuan kuah nawk nawk mai hi ka duh a.








Thutak deuh zawk chuan..."mate ka nupui nihvat iduh chuan idam vat angai dawn tih ihria tiraw? Ka bul hnai ah i awm reng loh chuan ngaihngam takin ka awm thei tawh lo ang, ka venghim thei lo che hi hreawm ka ti ania. Inthiam lo tak a ka awm iduh loh chuan ka nupui inih vat angai tihna anih chu" ka tih chuan ka kut chu a kut nalo lam chuan arawn hmer vang vang a.








Dennis-i nu leh pa an rawn luh atang a rei vak lo ah inzaina room lamah kan nawr lut a, midang pawh zah zolo chuan a chalah chuan ka fawp a. Pawnah hian ka lo nghal reng ang che hlau miah suh aw" ka tih chuan a mit chu a khap in min rawn signal zauh a, an nawrlut zui nghal a...cont

[Ngaia]

Dennis-i inzaina room a an nawrluh chiah chuan ka ruak huai thei. A ban ruh tliak kha tan a ngai dawn antih vang khan an khawih mai ta silo a, a hma in a lo hliam sa tawh nen a vung nasa in a hmuamhma a septic nasa tawh bawk si a, ka hlauthawng takzet..!






keima mimal tak hian pathian hi ka aukhat ve thin khawp a, zanin zet chu Dennis-i vang in ka tawngtai nasa ngang mai, an nawrluh a tang in darkar khat a liam tawh a, ka mawng hi a za zek zek tawh.






Ka dar a rawn khawih tu an awm avang chuan ka hawichhuak vat a...Dennis-i pa a lo ni a. "Hector irilru tihah duh reng reng suh, doctor te pawhin an sawi lawk vek tawh kha. A hliam a pun nasa tawh a, chuti mai a zai zawh maitheih ani dawn hleinem ithiannu tuarchhel zia chu ihriat chian em kha, hlawh tling tak in an zai beisei phawt ang" a tih chuan za lo fe chuan ka nui suk a.








"Khatia awm ngawt ngawt lo khan tei harh ve la, irilru tihah lutuk suh" pu sai-an min rawn tih leh takah ah chuan ka thut na atang chuan muang chang in ka tho a, kan piah deuh a Dennis-i nute-i te lo din na lam chu ka pan phei chhat chhat a.





Vickram-an min lo hmuh rual chuan minlo hui zauh a, vai a ni na vang vang a a polite in a bul a awm a hahdam phian a, "Mizoram boruak hi ka ngainat zawng tak ani, kanrawn kal zen zen thei silo a chawlhkar hnih chhungtal cham ka rawt a, mera-i pawh in a ka rilru ang tho a lo pu ve a, in final khel pawh kan en ve thei dawn bawk a, in practice na hmun ah pawh a rem chuan rawn tel ve ka duh khawp mai" a tih chuan.






"In chamchhung chu min rawn telpui la kan lawm khawp ang, Dennis-i atang hian basketball ithiam zia chu kan hre vek a nia" ka tih chuan a nui hawk hawk a.







"Ka thiam vang nilo in Dennis-i hi chu mi tumruh lutuk ani a, basketball hi a nunna tlukin a ngaihlu bawk a, ani ang hian midang hian tuichilh ve tak tak se an thiam ve vek ang ti chung chuan Dennis-i nen basketball an practice dan te chu min hrilh mawlh mawlh a, ka hmangaih Dennis-in a hun a lo hman thin dan vickram-an a sawi chu Ngaih nawm ti zet chuan ka lo ngaithla ve dauh dauh a.






Darkar hnih tling lo deuh ah an rawn nawr chhuak ve ta hram a, a taksa a chak tawk lo bawk nen hnimhlum an pek vang chuan a harh thei mai bawk silo a, hlawh tling tak a an zai zawh theih avangin a tam zawk chu zan rei hmain an haw tawh a.








Linda-i lam reng reng ka lo hre chang tawh lo a, ka phone a lak rual chuan " baby khawnge i awm" ka ti nghal tawng a...Titau aw zet chuan " min hre chang tawh bawk silo a, ithian te ka in thlah tir ringawt a lawm min ngaihtuah suh ka room ah ka awm tawh e" a rawn tih chuan ka thaw huai a..."A zai rei angreng bawk sia ka lo hre chang tawh lo reng reng che ti in ka riat nawi vel ta mai mai a.







Dennis-i a nu leh pa in riah pui antum avang in ka riah ve a rem bawk silo a, a rawn harh hun a kalo awm loh chuan a hrilh hai ka hlau bawk si, nuamlo ti deuh chuan Dennis-i harh hun nghak chuan cabin ah chuan ka awm ve ta reng a.







Pu sai-an "Hector naktuk practice in ngai dawn bawk sia itaksa a chau lutuk a nge, muhahdam la ka ti khawp mai" min tih chuan Dennis-i harh hunah ka haw chauh ang, a harh hun a ka awm loh chuan a hrilh hai lutuk ang ka tih chuan min hriat thiam hmel tak chuan a bu deuh nghut nghut a.





Dennis-i hmeichhia ani tih chu zep theih pawh ani tawh lo a, kut a lo tuar ve leh zel nen a hun hmain an hre ta vek a, a chhungte leh kan team mate te phei chuan kan inkar thu chu min hriat pui fur a, kan huntawn in a zir miau loh avang in inthup hleih theih pawh ani tawh bawk silo a.







Dennis-i nu phei chu a muhil bawrh bawrh tawh a, an fanu Ngaih tuah leh rilru hah reng reng a awm an nih vangin an taksa pawh a chau ve hle a, Dennis-i damloh na vang hian karkhat chhung Lek in an tar bawih bawih thei a nia.







Khum chung a tuitak a Dennis-i muhil lai chu ka en ning theilo, hmeichhe dang angin a taksa a intuaihnum reng lo chung pawh hian a tha reng tho bawk sia, a khat tawk in a rawn tawngvai leh nawk nawk thin a, pu saia chuan " Arawn harh dawn tawh aning" a rawn ti sup a.







A sawi ang tak tak in rei vak lo hnuah ah a rawn che tiah tiah a, a ke leh lam chu a rawn tawm a. Chutia arawn chet a tang a rei vak lo ah a rawn meng siar siar a, a lu bul a pan hnai in "Mate minhria em? I harh chiang tawh em? Ka lo be nghal vat a.







A ka chu rawn tep chek chek a vang chuan a tui a hal anih ring in tui intur chu ka thlit sak vat a.a rawn harh chian deuh tak ah chuan min rawn nuih sak a, "min Ngaih tuah suh katha lutuk a nia" a rawn ti tham tiak a.







A harh atang in darkar chan ve vel ka thutpui leh te te a, a damdawi hnathawh vang chuan rei lo te ah a muhil leh nghal mai a, keipawh muturin ka inkhalh haw ve ta nge nge a, riahkhawm na lam a haw lo in kan inlam ah ka haw ta zawk a, zingkar ah vickrama lam tho tho a ngai dawn a, manager te in aiin Dennis-i te in hi kan hnaih zawk avangin a hran a va lam kual leh ai chuan ka sawm phei nghal thei dawn bawk nen a rem chang zawk dawn in ka hria a.








Kan in ka thlen chuan zanlai ani der tawh a, ka nu te tih harh ka hlauh avang in Linda-i ka call a a lo la muhil lo hlauh a, min hmuh rual chuan " A harh tawh a mi? Min lo ti vat a, a that thu leh damdawi in a taksa a hneh deuh bawk sia a muhil leh nghal a Ngaih tuah awm anih loh thu ka sawi chuan "A lawm awm hlauh anih chu" a lo ti ve luam a. Dennis-i hmeichhia ani tih la hrelo se chuan a buai phili leh nasa ngawt ang chu.







Inbual tawh lo in ka mu nghal mai a, ka lo mengrim thang ve bawk nen ka muhil rang kher mai, ka alarm ri in min tihharh avang chuan peih lo fe chuan ka tho a, ka intih fai zawh a vickrama ka fawn hmasa leh phawt a, a thawh tawh thu leh minlo nghah tawh thu a lo sawi chuan kan inbiak na ti tawp in Dennis-i te inlam ah vickrama lam tur chuan ka tlan chhuak zui nghal a.









Practice na hmun kan thlen chuan minlo en thap a, vickrama chu ka naute ho chu hmelhriat tir in Dennis-i coach a nih thu sawi in, Mizoram a acham chhung chu min practice pui theih dawn thu ka sawi chuan manager ho chuan anlo lawm ngang mai.






Vickram-an kan chetla vel min hmuh chuan kan champion ngei a rinthu te chu a sawi ve luam a, kan inkhel a lo en atangin siamthat ngai lai te chu minlo hrilh hre zung zung a, kan hmachhawn tur Punjab ho game kalphung leh kan khelh dantur ruahman na te min siam pui vek bawk a, vickrama lo awm ve chu kan hlawkpui ngang mai.








Final a hnaih tawh avang in Dennis-i pawh duh angin ka awm hman lo a, nitin hmuturin kal thin mah ila reitak ka awmpui hman lo a, ka ngai thin khawp mai.







Indian basketball tournament hmawr kan bawk lek lek tawh a, ni hnih thum lek tak tak in min dang tawh a, keini Mizoram basketball team te pawh ngawrh leh zualin kan practice a.







Zanlam ah Dennis-i hmutur a ka kal hman dawn loh avang in tlai lam damlo inkan hunah hman hmawh zetin damdawi in lam ka pan a, Dennis-in ka hmel minlo hmuh chuan a lo nui var var a, tun a alandan zet chu ka meng zau kawk thei, samlem ka leisak ngei mai kha a lo hmang a, hmeichhia diktak ang chiah a ka hmuh vang chuan tawng mai na chang pawh ka hre lawk lo a...!






"Ti khan engmah sawi lo in khalai ah khan iding reng dawn ami? Min rawn tih chuan ka phu deuh zawk thei, Dennis-i hmel diktak ka hmuh thut vang chuan ka buai chhe der chu ania, mulo in khumah chuan a lo thu a, nui suk suk chung chuan ka pan phei a.







A mitah tak chuan chiang zet a en chung chuan " Tun a ilandan zet chu ihmeltha lutuk a ka mit khap nachang pawh ka hrelo lek lek a lawm, ka Dennis-i diktak tunah chuan ka hmu leh thei ta" hmangaihna akhat mitmeng a en vang vang chung chuan ka ti a.







Nui var var chung chuan.."A hma khan ka lo hmeltha ngai miahlo itihna ani thei em? Chimawm zet a nui deuh rah rah chung a arawn tih chuan, pawm nawlh a virkual pui chiam mai hi ka duh a...Hliam na tak tak aneih thluah a vang hian dimdawi a ngai nasa mai bawk si a.







Tun ah chuan dam pangai ang var ani tawh in ka hria, a ban dinglam chu anlo awrh tir tawh a. A nakruh tliak vang khan duh ang ang in kalsawn vel doctor in an phal lo a, tunah phei chuan natna em em ka nei tawh lo a ti reng thin a, ka tha ti reng mahse mituarchhel tak anih vang hian ka tha ti ve sateh mahse damlo natak ang mai a kan tit(trit) a bang chuang lo a.







"A hliam tawrh a namailo bawk nen a vun a dawldang deuh tih loh ah chuan han sawisel na tur reng reng a mah ah hian ka neilo hrim hrim.






" Mate tun a ilandan ang chiah hian mipa dang hian hmuve ngat che se chuan min chuhpui tu ka ngah viau ang chu, ka nupui inih hma chu mipa ang khan awm mai mai rih zawk la ka duh rum rum mai, mipa dang in an lo melh ve tur che hi ka ngaingam lo, ka tum loh deuh hian ka bialnu hmeltha em em vang hian midang ka intih buai pui phah fo a ngaih ka hlau riau mai" ka tih chuan a nui kar kar a.








"Ka hlawh tling e" a rawn tih chuan "Enge isawi tum tak chu, engthil ah maw ihlawhtlin? Ka lo ti nghal var a.







" Tun a ka landan hi, nangmah surprise nan liau liau hetia lo inchei hi ka nia lawm, imitmeng ah khan ihlim leh lawmzia ka hmu thei, tun atang chuan tun a ka landan hi Dennis-i landan diktak a ni tawh ang. I buai leh hahzia ka hria a, chuti chung pawh chuan min thlah thlam miah lo a min ngaihsak em em rengtu bialpa ka nei che hi ka lawm a sin. Ka bulah hian lo thu teh" tih pah chuan nozet a min rawn melh chung chuan min hui zauh a.








Nui hawk hawk chung chuan "Minhan en leh teh" katih chuan " ka en reng che hi" mak tih hmel deuh chuan ati ha a.






"Tunmai a minrawn melh dan ang khan mawle, engtiklai a tang khan nge khatia mengno te kha ilo thiam tak. Nge ka awm loh chhung hian doctor chhelo deuh deuh ho hi ilo melhno thin zawk" ka tih chuan.






" chimawm thin lo teh, ka melhno duh tawh lo mai ang che aw...mipa ang a ka awm thin vang kher khan hmeichhia ten an thiam leh an hriat ang hi ka hrelo ani bik miah lo ania" a lo ti vat a.






"Khatiang khan min melh fo chuan a diklo ang, sexy reuh lutuk" tih pah chuan a hnar ah chuan ka piai sak zauh a..!





" Sual viau thin lo teh, itan liau liau ka lo inchei ve em em a, min han enchiang la ka sam chauh nilo in ubeth-in ka hmai te in min cheisak thlap a nia aw. Lalfanu in Lalfapa a lo nghak ang deuh khan ilo lan hun tlumtea thlir in ka lo thlir ve em em che a, min duatlo si" tih pah chuan a hmui chu a rawn ti pawrh tarh a, ka insum thei tawh thlawt lo duhthawh lutuk chuan a hmui ah chuan ka fawp nghal mial mial a.







Rei tawk fang ka fawh hnu chuan ka inla hrang ve thei hram a, damlo a ni tih ka hre reng chung pawh hian a mah ka tawh na vang chuan ka danglam leh vek tawh...hnuailam rawn melh zauh chung chuan " Hrisel thlak e" ti chuan min rawn fiam leh nghal zat a.







"I dam vat vat angai tawh tihna anih hi".

" Dam pawh ni ila kan ti tawhlo ang".

"Engvang chuan nge kan tih loh ang?



Thutak zet chuan. " Vawikhat kanlo dai sual tawh a, tihsual nawn leh kher kha a tul berlo, inupui ka nih hunah duat chikim in ka duat ang che" a tih chuan hlimna akhat mitmeng chuan ka melh sawr sawr a.







"I hmel en ai hian tawngkam te lah hi ithiam ve phian reuh bawk sia, hetiang reng reng chuan ka changlo thei mai ang che" ka tih chuan a tum deuh bar bar a.







"Tinge engmah hrelo leh thiam lo tur ah hian min ngaih bik tlat zel a, mipa angin seilian mah ila ka chhungril hi hmeichhe diktak ve tho ani a, ka nih na diktak ang a awm a, designer thiamtak kut chhuak thuamhnaw inbel ve te kha ka chak ve ngawih ngawih thin a sin, a takin va ha chhuak ve thei lo mah ila, thuamhnaw chhuak thar te hi ka hre ve zelzul zel ania" a tih chuan ka awm ah chuan ka taksa si chet chuan ka kuah bei hle hle a.







"I dam ve leh khang iduhthusam thin zawng zawng te kha ka tih hlawh tlin sak vek ang che, ka hmangaihna thlazar hnuai ah thlamuang takin i awm anga, ka bulah i awm hunah chuan inchei leh mintih lawm bak hna inei lo ang, fa tamtak min hrinsak bawk anga" dam dup chuan ka ti a.








Dennis-i chhungte hi an 'a' lo ve khawp a, hunawl ka neih a Dennis-i hmutur a ka kal reng reng hian inkawm na tur hunthawl hi min siamsak ngei ngei thin a, tunah pawh duhtawk a titi dun na hun kan nei leh thei a.








kan hmalam hun a kan awmdan tur te duhthu sam in kan hlim dun em em a, Dennis-i kiang a ka awm tawh hi chuan hunhi a kal chak bik riau hian ka hre tlat thin.








Zanriah ei hun dawn ah ka haw san ve ta hram a, zanlam ah hmuh na huntur ka nei thei tawh dawn lo a, final hmachhawn mek kan nih avang hian team captain ka nih ang in ka naute ka huikhawm an ngai a, Dennis-i pawh in final hma chu min hmutur a lo kal kher pawh a ngai lo ania, kei lah he ti mai hi ka ni tawh sia, kan team tan hian imawhphurh na asang lutuk tih inhria la, tournament zawh hma chu min rawn ngaih tuah lutuk lo mai rawh min ti ve thin mahse, keimah zawk hian a hmel hmu lo a awm nilen hi ka thei thlawt silo a.





Note--Tun tum chu ka tluang lo vel vek, ka phone lamah harsat na ka tawh avangin ka regu thei lo a, tunpawh midang phone a tang in ka rawn dah hram hram a. Ka tum aia hmain naktuk zanah Dennis story hi a tawp ka khar rih mai angaih hmel ta riau mai. Dawhthei tak a minlo nghak tu zawng zawng te ka hmangaih vek che u ania, chuan ka lawm em em bawk.