INESCAPABLE LOVE BY AMY CCK (Completed)

Moderator: writers

Ngaia
Site Admin
Posts: 25813
Joined: April 30th, 2016, 4:07 pm

Re: INESCAPABLE LOVE BY AMY CCK (Completed)

Unread post by Ngaia » December 7th, 2019, 11:24 pm

LAST CHAPTER - 37 πŸ’« by Amy Cck ( Dream Girl)






πŸ’«πŸ’«πŸ’«LAST CHAPTER a nih ang in in cmt na leh ka story in hmuh dan teπŸ˜… in zilhna thu te pawh a niang chu in hnut chhiah vek ka phut a niaπŸ˜πŸ˜πŸ™ŠπŸ™Š silent reader leh cmt min pe tha em em Tu te pawh in vaiin KA DUAT IN KA HMANGAIH EM EM VEK CHE U A NIAπŸ’–πŸ’–πŸ’«πŸ’«πŸ’«






* RAMNUNSANGA POV *








" Khaw nge Kimkimi? " Thatei ka tawk hlauh chu ka ti nghal sup. Nizan zan khua in ruang a kil ve a. A tap char char bawk nen a nau pai taksa chak lo bawk nen ka ngaihtuah ru viau a. Thlanmual lam atang Remruata nen kan ngaihtuah khan Thatei hnenah haw pui tur in kan ti ta ringawt kha a nia.








" Ka room ah a muhil in ka hria, han chho rawh ka nu bulah kal ka lo tum chiah a! " A rawn ti ve mai a. Thatei pawh ka lainat viau. A nuta neih chhun ve meuh a chan a, Muanawma ruang bul a Kimkimi nen an tap hmuh phei kha chuan an lainat awm tak zet.Remruata a lo fel hlauh a, Kimkimi chu ka kutah dah deuh tawp in Thatei a ngaih ven a, zan a rei duh khawp mai. Khawtlangah a in hmang in a hna lam atang hmel hriat leh thian tha a mah hre tu a ngah bawk a thlah liam tu pawh a ngah viau.








" In lo let tawh a. " Room chhung ka pen luh rual in min en chung a lo ti saptu chu nui lui suk in ka pan nghal vut a. Ka huphurh ber kan pal tlang ta chu thaw a veng hawk nghe nghe. Muanawma boral thu ka hriat khan ka ngaihtuah ber erawh Kimkimi a ni thung. A tuar thiam loh a a mah leh naute in an tuar ka hlau kha a nia mahse chu tiang boruak engmah thleng lo a kan pal tlang thei erawh lunngaihna lam mah ni se a lawmawm viau thung.








" Khaw nge Reubena? " A bul a ka thut tlak rual in a rawn ti leh sap a. A taksa dang bel chu en in ka thaw chhuak nghal hawk.








" Ka nu bulah a awm a nih kha. He lam chu an la hnawk teh nuai bawk nen, kan in lamah hahdam tur in ka hruai ang che! ".ka ti sup a. A lu a rawn thing nghal nar nar chu en a kutah chuan ka vuan nghal vut a. A mittui tling pam pawh ka hmu chiang leh viau tawh.








" He tah ka la awm duh!. Khawngaih in la haw lo ang... Umm....! " A rawn ti sap rual in ka rum chhuak hawk.








" Lovey! Hahdam i mamawh a lawm! " Ka ti hmuk. He tah chuan in leng neuh neuh leh an hmel hriat tu te emaw an rawn lang reng a. Mi then khat thu dang lam deuh hriat tum a beng chhi kar lah an bang lo. Muanawma nu leh pa te pawn an hre thiam ngei ang tih ka ring!








" mahse... "








" Min hnial in awm zia a nei dawn lo tih i hria ti raw? " A tawng lai pawt chat in la ti leh hmuk chu a mittui a rawn luang chhuak leh nghal pap pap a. He thil hi ka chak loh na ber a ni tih a hre chiang lutuk . Ka kut chuan a biang chu ka khuap sak nghal vek a mahse a mittui erawh a aia nasa in a rawn chhuak nghal zawih zawih thung.








"Rei lo te i hah chawl a nga chuan kan kal leh dawn a lawm! Nangmah chauh in ngaihtuah thei i ni lo tih kan hriat kha. Kan naute hian hahdam a mamawh ve tawh a, i hria ti raw? " Dam deuh zawk chuan ka ti leh sup chu lu a rawn bu ve nghat a. Ka taksaah chuan ka kuah nghal hlun a. Ka hma ka sial deuh pawh a ni thei mahse kal tawh chu chelh din ngaihna an awm tawh lo chu vang chuan ka nupui leh ka fa hi an pawimawh rih tlat.








Zan a tlaivar ringawt pawh a taksa a tla hniam tih sawi kher lo mahse a lang vek a. Tlaivar satliah mai ni lo in lu sun in a tap zan khua thak bawk nen a chau dawn lutuk tlat. Room chhung atang chuan kan chhuak a, midang in chung lam rawn pan ho nen kan in tawk leh nak nak bawk.








" Thil lak lawk tur ka nei a! " Step kan chhuk tur chu room pakhat awmna lamah kan kal leh hmasa a. Room chhung kan luh rual in Muanawma room a ni tih ka hre chawp chilh nghal bawk. Kimkimi chu lehkhabu dahna lam pan in a kal nghal vat a. Kei pawh chuan ka zui ve nghal vut bawk. Vawin chuan eng thil pawh ti se dan ka tum lo a, lo in rawlh ka tum hek lo. A duh ang tak in Muanawma hi thlah liam se, rilru dam tak in awm se tih hi ka duh ber a ni miau.








" Hei hi! " Ti sap in lehkhabu pan thlir thler , lehkhabu pangai aia a size te hre chu a rawn lek kang vah a, hrethiam lo zet in mit ka san uk thung.








" Muanawma birthday a ka present pek hmasa ber a nih hi! Ka phal lo chung..... Ka phal lo chung min kal san a. Vawi khat pawh min hrilh lawk lo in a kal a. Chu vang chuan he thil pawh hi ka la let dawn! " A tawng tir lam chu a rawn nhi sak a mahse a tawp lam erawh tah chhuak zet in a ri leh tiau tawh.








" Naupang chhia reuh lutuk! " Ti sup in a kut rawn lek chhuahah chuan ka vuan a ka taksa si chet a pawt hnaiin ka awm zawnah ka kuah nghal vut a. Ka thaw chhuak nghal ham ham bawk.








" A sual em a nih kha! " A rawn ti tiau chu hun dang chu ni se ka nui chhuak hawk ngei ang mahse a rilru na tawngkam thiam lo a sawi chhuah leh tih lan ve dan a ni tih ka hre chiang miau. A ni chuan thu pehel leh sawi mawi vak a thiam lo a, a lawm lohna leh lungawi lohna pawh tlang tak in a sawi mai thin.








" Rei tak..... Hun rei tak pawh ka phut miah lo! Rei tak min awm pui thei lo a nih pawn ka hriat thiam thu ka sawi vek a. Ka pum chhung a naute lo pian chhuah chhung chauh nghak tur in ka hrilh a mahse min kal san lui tho a nih kha! A tir atang in engmah min hrilh lo a min kal san a tum sa hrim hrim! " Ka awm zawnah chuan a rawn ti chhuak tiau a. Tap ri lo mahse a taksa khur der derah chuan a tap tih chu ka hre tho.








In hnuai lamah kan chhuk a Remruata leh Muanawma pa kan tawk a, in lamah kan let lawk tur thu kan hrilh chuan tha min lo tih pui ve viau a. Ka nu leh Reubena kan zawng a ka nu chuan a la awm tur thu min hrilh a Reubena erawh kan rual in a let ve dawn thung.








" I ngaihtuahna kha min kawm san vung vung thin lo la.! " Motor darthla lang up sak chuan ka ti sup a. A rawn phu zawk chu ka lo nuih suk. Reubena hnung lamah thu in Kimkimin Muanawma in atang a lehkhabu a lak chhuah khan a en malh malh bawk.








" Olee... " Nui sak a a rawn tih chuan a kut ka vawn sak chu la kang in ka fawp vang vang a. Rilru tawt leh hreawm ti zet a a awm hian kei pawh hi ka lo na ve vek thin miau.








" Min kal san ve miah suh aw! " A rawn ti sap chu ka melh nghal vut a. In chhungah kan lut a, Reubena a room lam pan in a tlan nghat vat bawk.








" Engtikah mah ka kal san ngai lo ang che! Ka tiam a che! "Ti sup in a chalah chuan ka hmuiin ka nawr si vang vang a. Kan nula bulah ei tur lo siam tur a hrilh in kan room lamah kan chho a. Kan in neih dawn khan an Unau fahrah zia leh an chhungte dik tak nen an inkar that lutuk loh thu chu ka hre tawh a. Chuvang chuan eng thil pawh thleng se ka nupui a ni a, ka enkawl in a tan hian ka ding zel dawn a engtikah pah kal san emaw kal tir ka phal lo bur bawk.








" Nakinah ka mut thawh hunah thil chu ka ei mai ang, Reubena nen lo ei hmasa mai u la. Thil ei pawh ka chak lo . " A kawr phelh mawlh mawlh chuan a ti sap sap a. Khum a thu awm duaiin a in thlak lai chu hmuh nawm ti zet in ka lo melh reng thung. Ka chhan mai loh avang chuan ka lam a rawn hawi a nui suk in ka ding chhuak a a lam chu ka pan nghal vut chu mit san ak in min lo melh thung.








" Tunah pawh i ei a nga i mut thawh hunah pawh i ei leh dawn nia. A tha mai em? ".a hma zawn a ding ngur chuan ka ti sup a, a rawn ner nghal nang. A taksaah ka kut suih bet in a hmuiah ka fawp nghal zeuh a. Hmingmawiin Reubena a pai lai khan tiang khawp hian a taksa a tla in a hrisel lo pawh khan ka hre lo a. Nge... Ka ngaihven loh lutuk vang khan ka lo hre lo zawk. Hmangaihkimi erawh a taksa a cher in ei a thei lo em em a, damdawi ei a ngah lutuk vang pawh a ni mai thei.








" Ka hmangaih che chuan nang ka tawng che hi ka vannei tak zet! Nang leh Reubena hi awm lo u la chuan engmah lo mai ka nih ka ring! " Ti sap in min rawn melh chho a, nui suk in a hnung lam atang a kawr hnuai kilh ka hmet phelh a. Ka awmah a rawn beng ri nghal thlarh chu ka nui chhuak nghal hawk.








" Thla khat chiah a awm tawh a nia! " Ti sup in a bra chu ka phelh a, thawmhnaw dahna a a kawr fual hring dal chu la chhuak in ka hak tir nghal zat. Thla leh mai hian naute nei thei din hmunah kan ding tawh a. Ka phur rual rual in ka hu phur na a lian em em bawk.








" Ka hria e! Ka fa lo piang tur hi hrisel leh dam tak in lo piang chhuak se ka duh a , ka din hmun chu i hriat kha! Kei emaw.... "








" In hnuai lamah chhuk tawh i la a that ka ring! Reubena pawh a ril a tam tawh ang. " Ti sup in ka melh chhuk a. Thawk rawn la hak in a lu a bu ve nghat bawk. A sawi tur ka chian em vang a sawi zawh tir lo ka ni tih a hre thiam tih ka hre bawk.








Nau a pai tirh khan a chhul lam chian loh avang in kan buai tawh a, tah khan doctor pawn a sawi lang thuak tawh bawk. Nurse a ni thin a, a lakah zep tum eng ang mah i la a natna chu a hre chiang lutuk tlat bawk. Chu ti chung chuan a ti lui a. Kei chuan fa nei kher lo mah i la ka hmangaihna a ngai reng dawn tih ka hria mahse he thilah chuan a suh thlanna a hmasa tlat bawk nen. Ka hnial ta lo a tunah hian ka lo dang lo kha ka in chhir tan ni maiin ka hria.









" Heiii..... I ngaihtuah ka hria a nia! Pathian hian engkim chungah ro a rel thin. Chuan kan nunna thuah pawh a lal ber a. Nunna a pe a, a lak sak tu pawh a mah bawk chuvang chuan kei leh ka naute pawh hi Pathian chungah nghat rawh! " A rawn ti sap a. Tiang ngaihtuahna a neih thin vang hi a lawm tun thleng a ngaih ngam lo chung pawh a hma lam ka la pan ve theih tawk tawk ni. Ka ngaihtuahna a hnual zawng a ka hman a piang in engkim a eng zawng in a rawn thlir thin a. Ka hahdam phah thin.



*



*



" Lovey... I tha em? " Bathroom kawngka bul a ding run chuan ka ti sup a. Min chhang tu an awm mai loh avang chuan hawn mai ka tum chu a la in lock ve khang lang leh nghal. Tunah zan dar 1 a ni tawh a a mut na lo ruak a vang in ka zawng nghal kha a nia. Kawngka ka chum leh tur chiah chu kawngka lock rawn ri khap avang in ka tawp nghal chawt.








" Nunsang... Ka pum hi... Damdawiinah kal ang! " A rawn ti hap a. A hmel ka hmu ka hahdam huai rual in a awm dan ka hmu chu a aia hlauhthawnna in min rawn luah chilh nghal vat a. Kimkimi kut a thisen chu melh ngur in Hmangaihkimi bawk chu ka melh melh a. A hlau thawng ve tih a hmelah a lang reng bawk.








" I tha ti raw? " Motor khal chung chuan seat hnung lam chu ka melh leh zawk thin. Kimkimi chal a a thlan bawl tiam tiam chu ka hmu ve vek bawk. Ka nu in a buai pui a, nau a nei dawn ti I la a neih a la hun lo bawk nen. Thawk chu a pik duh tak zet.








Damdawiin kan thlen meuh chuan a pum na a ti lutuk tawh chu a mah in a kal thei tawh lo hial a. Khum nawr lirh thei a nawr in kan lut a. Remruata te ka hrilh nghal vat bawk. Muanawma boral atang in kar a liam awr a, Kimkimi pawh a hrisel na a tha tan viau in kan hria a kan lawm ruk viau lai a tiang din hmun kan thleng leh thut chu a hrilhai thlak tak zet bawk.








" Pu Nunsang naute hi kan zai chhuah mai a ngaih hmel. Naute nu hi a thi a put nasa ang reng a, kan tih vat loh chuan an pahnih hian kan chhan hman lo ang tih a hlauhawm tak zet! " Doctor chuan a rawn ti a ka nghil dup maiin ka hria. Nau neih a la hun lo mai bakah a thi a put a nih chu!








" An tha ti raw? " Ka ti sup. Ka tawng chu kei mah ngei pawn ka hre ruai ruai.







" Kan zai vat loh chuan an dih hmun hi a tla hniam chak a! " Doctor rawn tawng leh avang chuan ka bul a bang chu ka chum nghal tawlh a, ka bul a awm ho pawh ka ngaihtuah thei tawh lo.








" In zai a nih chuan an pahnih in an tha chhuak leh a ngem? " Ti chhuak thawt in bang chu ka hnek leh nghal dawt a. Ka nu in in bengdai tur in min rawn ti a mahse ka thei hlawl lo.








" Engkim a tha em? " Remruata te pawh an rawn tleng ve nghal zat a. Kei ang tho in an hlau thawng tih an hmelah a lang bawk. Doctor chu a be nghal mawlh mawlh a. Hlauh thawnna in min luh chilh bulh bulh ka thinphute chu rawn chhuah tum ang maiin an phu dup dup bawk.








______________________________________________








Thil ri tawt tawt leh thisen ka mamawh thu sawi a tawng ri nuai nuai chu ka hre ruai ruai a. Mit ka chhin chuan ka meng leh tawh lo ang tih ka hlauh a vang chuan thei leh thei lo in ka meng leh tawk tawk thin. Tu emaw in naute lungphu an hmuh loh thu a sawi ri ka hriat chuan ka hlau thawng lutuk chu tawng chhuah ka tum a mahse ka thei bawk si lo. Ka mutah light eng var pup a min chhun te chuan men har ti tak in ka la chhing ngam chuang lo.








" Ka naute... Ka naute kha chhan rawh u! " Ka theih tawp chuan ka tawng a mahse tuman an hre lo a nih hmel. Oxygen hip na in ka hmui an rawn hup a. Zawi zawi a thawk la in duh lo viau mah i la ka mit chu ka chhing nghal riai riai a. Ka bul vel a tawng chu zawi tulh tulh in muang chang in ka mang lamah ka lut riai riai ni maiin ka hria.








" Luhlulnu..... He lai thleng thleng a min lo zui tur chuan ka duh miah lo che! " Ti sup tu aw chu a hmel hmu kher lo pawn ka hre chiang lutuk tlat. A hmel en chian tum a ka dak chho ha chu thil eng var pup vang in ka hmu mai thei lo leh nghal.








" Hmela min kal san tum tawh suh! " Kal tum a a in her chu a kawr tlangah ka vuan nghal chawt a. Engvang a kan awmna hmun hi var vek nge pawh ka hre lo mahse ka rilru hi eng emaw tak in a mawlh tlat a nih chu!








" Ka sawi kha he lai a awm ve tur hian ka duh lo che! A tlai hma in let leh rawh! " A kawr ka vawnna kut chu a rawn hum a , a kut chu a vawt thlar a. Nunna nei tawh lo ang maiin a vawt a nih chu!








" Nang hi! " Ti sap in ka melh chho a. Eng min hliah a a rawn din hnaih takah chuan a hmel pawh chiang tak in ka hmu thei. A mit meng thuk raih leh thlamuanna ka hmuh thinna mit mengah khan lungngaihna thuk tak ka hmu bawk.








" Ni lo.... Kei... Kei hi la thi em ni? " Ka ti chhuak sap. Min chhang lo chuan min melh reng a. Kan awmna vel chu ka hawi kual nghal ruai a. Engkim a eng em em vek a khaw nge kan awm tih ka hre thei hauh lo bawk.








" A ni thei lo..... Ka naute.... Ka naute kha! " Ti bah nawk in ka pum chu ka khawih vat a. Chu mi rual in hlauh thawnna nasa lutuk in ka taksa chu a rawn tham a. Ka pum puar lian ve tak tawh khan a thep vek. Engmah a awm lo!








" Khawnge ka naute? Muanawm.... Ka... Ka naute a bo! " Muanawma kawr awmah chuan ka tham nghal chawt a. Ka biangah mittui a rawn luang thla nghal pap bawk. Ka hma a engmah sawi lo a lungngaih hmel zet a min melh runtu chu hrilh hai zet in ka melh a, chuan Ramnunsanga pawh ka bulah a awm lo! Muanawma chiah ka hmu a nih chu!








" Khawnge? Ramnunsanga, chuan Reubena pawh? Ka U.... Ka nu te nen an vaiin.....! " Sawi zo lo in chhuaha chuan ka thu thla hnawk a. Ka mittui rawn dir zawih zawih chu tumah min hruk hul sak tu an awm lo.








" Kei hi ka thi tak tak em ni? " Ka phun chhuak sap a. Ka hma zawn a a khup leh lam nghat a rawn thu hniam ve run chu ka lo melh ngawt ngawt tawp.








" Chu tah chuan a lawm kal tur a ka tih che! He lai chu i awmna tur a ni lo. Kei ni lo in Ramnunsanga bulah! Chu tah chuan midang zawng zawng pawh an awm. An bulah chuan i naute pawh a awm! " Ka biang chu a kut lumna nei lo, hit thlar chuan a rawn khuap in ka mit tak ah min melh bawk.








" Naute hmeltha tak a ni! Chuan ka chhung lutuk che a nia. I nun hi kei mah ang mai a tawp mai tur in ka phal lo. Hma lam hun duhawm leh eng tak i nei a. Nangmah a in nghat tam tak an awm bawk. " Ti sup in ka mittui chu a hru leh zauh a. A rawn nui nghal suk bawk.








" Ka thawnthubu ngainat berah chuan a tawpah Lalfapa leh Lalfanu kha hlim tak in an awm dun a. Chuan kha Lalfanu kha nang hi i ni a. " A rawn nui leh suk a. He ti khawp a hnai hian Muanawma hmel ka hmuh leh hi ka in ring lo. Chuan natna engmah nei hmel a pu tawh lo a. A hrisel that lai ang mai khan engkim a pangai vek. Mahse engmah lumna a nei tawh lo, chu chiah chu a dang lam na.








" Lalfapa kha kei mah emaw ka lo in ti thin a mahse Lalfapa dik tak zawk chu midang a lo ni daih a. Lalfanu chu a Lalfapa kal san in ka bulah a awm ringawt thei lo. Kei chu Nangmah vengtu Vantirhkoh ka ni thung! Mahse chu chu thawnthuah khan a tel ve lo thung a. I thawnthu a Lalfapa ka ni thei lo avang in ka phuah belh a nih chu! I thawnthuah tel ve ngei ka duh si a! " tiin a rawn kun hniam a. Ka hmai bul chetah chuan a rawn nui tel nghal suk bawk.








" Ka bulah awm hlen tir mai che ka duh a mahse kei aia mamawhtu che an awm bawk sia. An vaiin min lo biak vek la, ka ngai em em vek a. A bik in ka nu kha ka room ah min ngaih vang in lo tap tawh lo se, an lungngai hmel ka hmuh hian ka awmna atang hian ka lo na ve thin tih lo hrilh la. Matei khan ka nu leh pa kha lo duat bawk se. Remruata hnenah ka ai awh in ka chhungte kha min lo enkawl sak tur in min lo hrilh sak bawk dawn nia! " A thu sawi chhung zawng chuan mit pawh khap lo in ka melh ngawih ngawih thung.








" Nang erawh ka hmeichhe hmangaih ber leh a awm chhun i ni thung a nangmah ang a hmeltha leh duhawm Vantirhkoh in a nghak reng bawk che! " Ti leh sup in a hmui chuan ka hmui a rawn tawk da da a. Ka kut ka mal chung a mi chu ka hum tawm ngawt ngawt bawk. Muang chang in mit ka chhing a, ka mit ka chhin rual in ka mit a mittui tling ho chu ka biangah a rawn luang lum thla pap bawk.








Ka biang a a kut chu la sawn in ka kut hum tawm tlat chu a rawn hum hnan a. A hmui vawt thler leh ka kut a vawnna pang ti lum nei lo zet chu zawi zawiin a rawn lum telh telh a. Ka kut chu kut lian leh lum thur thur in rawn hum in ka hmui a min fawp tu hmui hit thler pawh chu zawi zawiin a rawn lum telh telh a. Ka biang a tui rawn far fap avang chuan ka mit ka chet nghal zawk bawk.








" Heii... Lovey... I harh i ti raw? " Ti sup tu avang chuan ka mit chu ka meng chhuak riai riai a. Ka hmai bul chetah Ramnunsanga chu rawn kun hnai in min lo melh let ngur a. Ka kut ka pum chung a mi chu a hum run a, chuan ka biang a tui rawn far khan ka pasal mit atang a rawn chhuak a ni bawk!








" Ka mumang a ni lo! " Ka ti chhuak sap a. Nunsanga chu ro zet a rawn nui suk in ka hmuiah a rawn fawp leh vang vang a. Ka hmui hnuai pet zeuh in a in la hrang a. A mit hnawm chap nen chuan a rawn nui leh nghal suk bawk.








" Tahbelhpa! " Ti sap in ka nuih sak a. Ka bekah ka mittui a rawn luang chhuak nghal ngiai ngiai bawk. Ka koh dan avang chuan a rawn rum nghut a. Mahse a mit a hlimna chu ka hmuh hmaih lo chiang lutuk tlat.








" Mutduhnu! Ka tap lo ka mit atang tui a rawn chhuak ringawt a nih kha! I pasal hi tap rual ka ni tawh lo. " Ti sup in a chal chu ka chalah a rawn nghat vang vang a. A thaw lum ham ham leh pangti lum nuam zet pawh ka feel thei tawh a. Ka mitthlaah Muanawma a rawn lang nghal zawk a. Rang lutuk in ka pum chu ka dap nghal rawk rawk a, ka pum lo thep ta vek avang chuan ka mumang ang bawk khan ka taksa chu hlauh thawnna in a rawn luah khat a, ka thinphu chu a rawn rang nghal dawt dawt bawk.








" Ka naute! Nunsang.... Ka... Ka naute...! " Ka ti bah nawk nawk a. Ka tap nghal tiau bawk. Ka hrawk chu a rawn in hnawh tup tup a, mahse eng ri mah a chhuak thei lo thung.








" Shhhiiii...... A tha! A tha vek! Hahdam phawt la chuan i hmu dawn a nia! " A rawn tih leh sup a mahse ka ngaih a la ngam chuang lo.







" Tunah... Khawngaihin tunah a bulah! Ka naute bulah min hruai rawh! " Ka ti chhuak nghal sap. Ka tawng zawi lutuk chu a hre thei kher pawn ka ring lo. Mahse ka hrawk hi a ro in a tip deuh hlur bawk nen ka tawng ring thei lo.








" Heii.... Heii.... Lovey Bawihte tap lo la, i rawn harh chauh a I la tho chhuak thei lo. I bulah ka lo hruai tir ang! A tha em? Tap tawh lo la, i in zaina hliam i ti zual ang! " A rawn tih chuan ka zia deuh. Phone atang chuan tu emaw hi a be mawlh mawlh a, a phone ken lohna lam chuan ka kut chu nghet tak in a vuan bawk.








" Hmeichhia... A ni ti raw? " Nunsanga chu melh in ka ti sap a. Mit ti zim sun in min rawn melh ngur chu ka melh let kalh bawk. Hawi sawn vut in ka piah a doctor leh nurse ding chu a melh vung vung a an ni lah chuan na la hlauh hmel em em zui.








" Fanu duhawm leh a nu ang mai a hmeltha leh tah belh mahse hmangaihna zawng zawng neitu! Ka nu nen kan chak zawk tihna a nih chu! " Ti sup a a rawn then suk chu ka lo ner khum vak thung.









" Mahse engtin nge hmeichhia tih i hriat, ka la sawi ri miah lo in ka hria! " A rawn ti leh sup a. A hmel nelawm loh zet chuan doctor te bawk a melh leh nghal run a. Min hrilh emaw a ti a nih ka ring.








" Ka thih thuak lai khan ka Vantirhkoh in min hrilh a! " Nui chung chuan ka ti a. Muanawma nen kan in biakna vel zawng zawng kha ka la mit thla thei vek. Chuan ka ngaihtuahna pik tun leh ka rilru nawm lohna zawng zawng kha ka veng hawk a. Muanawma ka dawm hlum thei lo kha ka la in thiam lo in sawi lang kher lo mah i la hreawm ka la ti reng a mahse tunah chuan chung zawng zawng chu lak khian hawk ang maiin ka chhungril lamah hian ka hlim veng veng tawh.








" Thi! Kha thu kha sawi leh tawh suh! " Ti hmuk tu chu ka nuih sak. Cabin kawngka rawn in hawnna lam chu kan hawi vat a. U Chhanin naute rawn pawm lut in min rawn nuih nghal ver ver a, a hnungah Thatein a rawn zui lut ve nghal zat bawk. Thatei hmel ka hmu chu Muanawma bawk ka hre chhuak leh nghal zat a. A hnuk a ul leh ringawt bawk.








" Ka naute duat.... Bawihte! " Ti sap in U Chhanin ka mal chung a ka fanu a rawn dah chu ka melh ngawih ngawih a. Nunsanga pawh chu ka bulah rawn thu thla vut in min rawn buaipui ve nghal a. Ka mittui rawn far fep fep chu lawmna vang a ni tih ka hria a, dan emaw thup ka tum buai lo.








Ka U leh midang ho pawh an rawn thleng ve tang a. An vai mai chuan engmah sawi lo mahse an hmelah hlimna leh lawmna a lang chhuak vek a. Reubena pawh ka nu kut vuan in min rawn melh ve kalh a. Kar hnih zet nikhaw hre lo in ka awm a. Min zai na lamah thisen ka hlauh hnem bawk nen ka that chhuah leh pawh an ring tawh lo a nih hmel a.








Ka naute pawh a lungphu an hmu lawk lo a nih hmel a. Mahse vanneih thlak tak in a dam chhuak hlauh a, thla kim lo a piang a nih avang leh a nu in engmah ka tih theih loh avang in an hem in an buai pui viau tih U Chhanin a sawi chuan ka hlim bawk si lawm bawk si chu sawi mai tur pawh ka hre lo.








" Reuben ka bulah lo kal teh! " Ka nu bul a Reubena thu ngawi ran chu ka kut lek chhuak in ka ko a. Ka damloh vang nge min la ko miah lo a, a in thlahrun hmel em em bawk chu ka lainat reuh viau. Ka in zei na avang in ka la che ngam vak lo nen ka sirah chuan a rawn thu a. Naute chu Nunsangan a rawn ban vat bawk.








" Nangmah chiah in Amaa hi i ngaih thu i la sawi lo a nia! Keiin ka ngaih ngaih che nen. Ka mut thilh lai pawh khan i daddy ai hian Reuben hi ka ngai daih zawk a nia! " Ti sap in ka ban leh lam chuan ka kuah bet a.








" Ka ngai che a mahse naute i nei tawh sia Reuben chu min duh tawh lo ang! " A rawn ti chuan Nunsanga chu ka melh vat a min rawn melh ve nghal vut bawk. Engkim a hrw thiam a a nu dik tak ka ni lo chung pawn min ngaina in min duh em em a. Mahse naupang kum 6 mi chiah a la ni ve tho a, ngaihtuahna mawl mang zet zet nei rual lek.








" Teuh lo! Kei te chuan naute aiin Reuben hi ka duat daih zawk ang. I daddy leh Pipiin hmeichhia chu duat se kei chuan Reuben hi ka duat daih zawk dawn! " Ka tih chuan nui var var in min kuah thak a. Ka damlo tih hre chhuak leh thut in a in la hrang leh nghal vat bawk.




*



*



"Morning! " Ka bawh beh mek taksa lian leh lum thur thur in mit a rawn men rual in a hmui a fawp zeuh in nui var var in ka ti nghal vat a, rawn nui suk in a ban lian leh hrawl zet chuan min kuah bet nghal hlu hlu bawk.








" Dar engzat nge? I va harh hma ve i damlo a mi? " A rawn ti thum dut a, ka ner nghal vak chu a taksa che awk in a rawn nui nghawr nghal dawt bawk. Mut ka duh zia a hria a a mah aia ka tho hma chu a mak a ti a nih ka ring.








" Marry Chrismas ka hmangaih! Ka pasal, ka dam chhan leh ka nunna!" Ti sap in a hmuiah ka fawpleh nghal zat a. Ka fawh reng lai chuan rawn nui suk in duhthaw zet in min rawn chhang let nghal zat bawk.








" Marry Chrismas Lovey! Ka nun a hmangaihna rawn keng lut tu leh ka nunna i nih hi! " Ti sup in min fawp leh nghal zat a. A kut lian leh lum vung vung a ka taksa ruak kang zut kual dun dun in min leh thal nghal vut a. Ka nui kek nghal hak bawk.








" Angel-i a harh a nge! " Ti sup in ka nghawng vel chu a hmui lum ham ham chuan la rawn fawp kual dan dan a
Ka nu in zingah khan a rawn la daih tih ka hrilh chuan in beng kang vut in min rawn melh chhuk run a lei ka lo chhuah khum ringawt.








" Good! A nih chuan ka duh tawk in ka che thei i tihnaah ka ngai! " Ti chhuak hawk in a kut lian leh hlai zet chuan ka hnute a rawn tham nghal tawn tawn a , rawn kun hniam in duhthaw leh zei zet chuan min fawp nghal tawn tawh bawk. A lei hrawl zet a rawn luh tir rual in hnuailamah min do nghal run a, a kut chu sawn thla zel in ka mal chu tlem in pawt kau hlek a, a thil tih tur ka hriat chian em vang in ka nui chhuak nghal hak bawk.








" Bawihte lo kal rawh le Pipi i ti hah lutuk ang! " In hnuaiah kan in zui thla kan fanu Angel Lalruatpuii chu ka pi nen an lo in awi leh hliau hliau tawh. Lak mai ka tum chu a pa in min rawn lak khal leh hlauh a. Angel-i lah chuan a pa kut chu a hre ngang mai a khek ve ralh ralh bawk.








" Amaa vawinah in khawm banah Atei te inah kan kal dawn ti raw? " Reubenan a rawn ti lang lang a, a dawh thlakah cycle kan dah sak a a lawm ngang mai. In chhungah a tlan kual reng hi a ni ringawt.








" Umm.... Chan pate pawh Chrismas chibai kan buk a ngai bawk a! " Ti let sap in ka bul a cycle nen a rawn ding chu a luah ka lo chul sak nghal vat bawk. Ka nu leh pa, ka U leh midang pawh nikhaw hre lo a ka awm laia thil thleng kha ka hrilh a, ka nu phei chuan min kuah meuh in a tap a nih kha.




*



" Ate ka cycle thar nen kan lo kal a nia! " In chhung kan luh rual in Reubena a au lut lang lang a. Kan fanu erawh a pa in a pawm thung. Dik tak chuan ka chang ve hman meuh lo a ni ber. Tlaiah Muanawma thlan tlawh a kal kan tum a, ka nu leh pa erawh biak in lamah hun an la hman avang in kan chhungkua leh Thatei chuan Zirtei leh ka U te nen kan tum thung.








" Unau zing a a fel fel hi an thi hmasa duh an tia ka awi ngai lo a mahse a ni tak tak a nih dawn hi ka ti ta! " Thatein Muanawma thlan en vang vang in a rawn ti chhuak sap a. Ka lainat lutuk chu tih vak ngaihna ka hre bik lo.








" Chutiang in ngai suh tunah pawh i bulah a awm reng a nia! Kan thinlungah engtik lai pawn! " Ka ti let sap. Ka U leh Zirtei pawh an in nel sawt viau a nih hmel a. Zirtei hian Muanawma kha a hmangaih tih ka hria a mahse tiang kan thlen takah chuan ka U nen hian in zawmna nei mahse ka pawi ti hauh lo.








" Chrismas chibai buk tur che a in lam pan lo a he lai rawn pan ngai ta daih hian min ti hrilh hai tak zet tih i hria em? Chuan ka fate pawh thawnthu ka hrilh a piang in Vantirhkoh in phum ru kha ka hrilh tel ziah a nia! " Ti sap in Muanawma thlan chu ka en a. Nikum kha chuan Thenzawlah engmah lunglen hre lo in ka hmang a mahse tun chrismas erawh lu sun lung leng in kan mittui a far thung si. Pathian malsawmna dawng in thihna ata ka him hlauh a. Rin loh lamah chhungkaw tha tak ka nei thung a.








" Kan kal dawn a mi? " Ka dar a min rawn kuah a ti sup tu chu melh chho in ka nui sak a. Ka pasal leh ka fate pahnih hi ka dam chhan leh la hlimna te an ni a. An tan nupui leh nu tha tak nih ngei ka tum ang. Lu bu nghat in Reubena ka ko nghal vat a. Ka U leh Thatei, Zirtei te an let a, kei ni pawh kan chhungkua in.








Nunsangan Angel-i a pawm a ban leh lam in ka darah min kuah in a taksa sir chet in ka kal a, keiin a kawngah kuah let in ka kut lehlam in Reubena ka kai bawk. Khuanu hian kan nundan tur a lo ruat dan hi keini mi hring te chuan kan hre lawk hauh lo. I hmangaih a a hmangaih vang ringawt che khan a lakah in pe pum hlum ringawt suh. I pasal, Pathian engkim chung a rorel tu hriat puina ngei a nih hma chu.








Mihring hian kan hma hun ka hre si lo a. Kan hmangaih hmasak ber leh rei tak kan lo kawp tawh te hi kan ta an ni lo mai thei. Min pawt then tu harsatna tam tak a awm thei a. A hnu a in chhir leh ai chuan tun hun hi uluk a ngai a . Ka nunah pawh Muanawma a awm a, engkim kha a tluang purh a, kha tih hun lai khan chhungteah hatsatna kan nei lo a, hna kan nei ve ve bawk. Ngaihsam zet in lo che i la chuan Ramnunsanga hi ka nei kher lo ang. Mi zawng zawng hian tih sual chu kan nei vek. Chuvang chuan ka pasal ngei pawh nupui then in fa hial nei tawh mahse ka hmangaih dan a ngai reng a. A mah ka duh a nih chuan a fapa pawh ka enkawl tur a ni tih hi ka ngaihdan a ni ve bur bawk.








Nunah hian eng a awm a nih chuan thim pawh a awm a ngai a, nunna a awm ang in thihna pawh a awm zel dawn bawk. Kan hlim a nih chuan lungngaih hun pawh kan la nei dawn a, mahse kan lungngai reng dawn tihna a ni lo. Chu chu min siamtu Pathian in min siam dan a ni a. Kei ni chuan tih dang lam theih kan nei lo. A pawimawh ber chu eng thil pawh kan tawng in eng ang a chhum pik pawh in kan chhungah thla zar se chak tak in hma lam kan pan a a eng lam zawng a kan thlir thiam pauh leh nun hi a nuam in a hlu a ni mai!








" Ka hmangaih che! Ka fate nu! " Ti sup tu chu nui sang in ka melh chho a. A mit meng dum fiah leh thim khupa min hmangaihna mei pui al hluah hluah chuan ka chhunglam ruak hian a rawn hnawh khat vek thin. Chu thil chu midang hmuh be theih lo a ni tlat. Kei mah Ramnunsanga nupui Hmangaihkimi chiah in ka hmu thei.








" Kei pawn ka hmangaih che, ka fate pa! " Nui hak a ka ti let chu a rawn then ve nghal suk a. Ka hring nun thawnthu chu a in tan dawn chiah a mahse miten kan thawnthu an chhiar a piang in Hmangaihkimi chu hmeichhe vannei tak a ni! Nu leh pa nei lo mahse an ai awh tu a nei a. Chuan mi zawng zawng neih theih loh tur thil ka nunah mipa pathum tawp chin nei lo min hmangaihtu ka nei bawk. Ka pasal Ramnunsanga , ka U Remruata leh ka Vantirhkoh Muanawma.








_______________πŸ’«THE ENDπŸ’«_______________








INESCAPABLE LOVEπŸ’« chu zan 37 zet kan ziah ve beuh beuh hnuah a tawp kan thleng leh ta der maiπŸ˜…πŸ˜… ka story ziah pathumna chiah a ni a. Ka phu lo in chhirtu leh duhsaktu tam tak ka nei a. Min fuih phur a cmt min pe tang tangtu te avang chauh a a tawp thleng thei ka ni tih ka sawi tel leh hram duh😘😘kum in a tan a ka story hnu hnung ber a nih tawh hmel a. A ngaihnawm loh in boring lai leh lem deuh deuh lai te pawh a tam ang tih ka hria😁😁 chu ti chung pawh a a tir atang a a tawp thleng a min chhiar sak avang in lawm thu ka sawi ni nghal se. Ka ngai dawn lutuk cheu hi ka tah a chhuak lawk😭😭Lalamy min ti lawl lawl a story ka dah loh vang a min hau tu in awm tawh dawn si lo aπŸ˜‚πŸ˜‚ anyway...lo in enkawl tha u la ka story min ngaihhlut sak a min chhiar sak thin tu te zawng zawng la hma viau mahse Chrismas leh Kumthar chibai vek u ADVANCE inπŸŽ…πŸŽ…πŸŽ…



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)