MERCY by Mpi Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

MERCY by Mpi Hmar (Completed)

Unread post by Ngaia » December 21st, 2019, 11:32 pm

Fahrah unau khawngaih thlak tak te chanchin han chhawp chhuak veleh ila,
min lo chhiar sak leh vek dawnnia aw tah belh tak tak in awm chuan in mittui ati tla ve hial ang..in ngaihnawm tih zawng anih chuan thui tawk tawkin chapter ka ziak ang


s156wkpz.jpg
s156wkpz.jpg (18.27 KiB) Viewed 27144 times

thlasik khawvawt vin tuk karah chuan pi zualtei nau vei chu athlan a tla bat bat reng a, damdawiin khum ah chuan a pasal rintea chuan duat takin a buaipui ve mek bawk a,a na tuar chu a inseh ruh tlawk tlawk mai, nau an keng tih an hriat tirh a atangin phir nei tur an nih tih an hriat lawk avangin an lawmna leh an huphurh na chu a in chen hial ang.

zing lam dar hnih a rik meuh chuan pi Zualtei chu nau nei tura nawr luh a ni ve ta a, a pasal duh tak rintea chuan a kutah chelh chungin ," bawihi zam reng reng suh aw" tha takin i hring ngei ngei ang tiin a hnem mawlh mawlh a.

Alo nghak tu tan chuan hun a rei duh ngawt ang le,rintea chu a vei tawn sek a,a khat tawkin sana a bih zauh tih loh chu a vei kual char char ani deuh ber.


Awm hmun ah chuan rilru tawngtai na nen a nupui nau hring mai tawh tur chu a hlan mawlh mawlh bawk a.

Anni nupa hi mak tak maia khuanu samsuih an ni, pianpui unau neilo ve ve , naupang an nih lai atanga nu leh pa boral san tawh ve ve an ni a, puanthui zirna atanga in tawng a, innei chho ve an ni.

Nupa hlim tak an ni a, in hrang te chang ve in an fa hmasa ber tur phir an pai ani tih an hriat phei chuan an lawmin an hlim nupa hle a, an khawsak a nawm vak bik loh avang erawh chuan an fa te lo piang tur chu nuam sa takin an siam ve thei lo ang tih erawh an hlau thin hle.

Pi Zualtei chhungte in awm em? nurse a rawn au lauh lauh a, rintea chu phur fahranin nurse lam chu a pan vat a , naute duhawm tak pahnih an rawn pawm chhuak ta mai chu lawm avangin a mittui a tla hial a.

Ka pi, naute nu atha em? tiin a lo zawt vat a.
a that thu leh an rawn nawr chhuah vat tur thu an han hrilh chuan a lawm hle a, khawvela pa vannei ber ni hialin a in hria.

Reilo te hnu ah a nupui duhtak chu an rawn nawr chhuak a , damdawiin khum ah chuan an mu ta zan a, an fa nu te pahnih duhawm em em maite nen chuan an mu ho ta ran a, buaipui tu dang em em neilo an ni bawk a, a theih tawp a chhuah nasa hle a, abuai ve thei khawp mai.

Harsatna leh buaina dang te an neilo bawk a, ni reilo te ah damdawiin a tang pawh chuan an chhuak thei ta a, hlim em em in an fanu pahnih te nen chuan an in lam an pan ve a.

Chutia aruala fanu pahnih lai an neih avang chuan thenawm khawveng te pawhin an lawmpui em em a, thilpek hrang hrang nen nau en sak tu pawh an nei nual bawk.


Zualtei pawh a in ti pachang a ,an fate pahnih enkawl chu a hautak em avangin a theih tawpa a pasal a tawiawm a ngai anih tih a inhre ve bawk a.

kan fanu te hi pathian in min pek liau liau kan rohlu te anni, an van hmeltha teh lul em, rintea chuan a thlir ning thei mawlh lo ani.
a fanu piang hmasa zawk chu mercy lalpekhlui tiin a hming a sa a, a nau zawk chu malsawmzuali tiin a phuah thung.

zualtei chet that theih hma zawng chu a kul a taiin a buai a, a insu a, nau a awm a, khawsak rel leh tih tur tul apiang hneh takin a ti mai zel a, zualtei pawh hian hetiang pasal tha a nei hi a lawm em em a, lawm thu a hrilh hial thin.

Kut hnathawk a ei zawng mai annih avangin in ah a tawm reng chuan a nupui fanau ten chaw an nghei mai dawn ani tih a hria a, ngai em em chungin hna a thawhsan a ngai fo thin,a rem rem ah a inhlawh kual a, a hlim em em reng a, chauh reng reng a hre lo ni berin a lang.

Phir pawm tih takah Zualtei chu tunhma a a pasal theihtawpa a lo puih ve na chhang siam te pawh a khawih hleithei tawh lo a, nau pahnih nen a buai tawk ve em em reng a.

Hun leh nite a lo ral ve zel a , an fate pawh an lo leikang ve zel a, an hmeltha em em mai leh nghal a, naupang ngawi chawi tak leh harh lo tak an ni.

a bikin mercy hi a nun a nem em em a , malsawmzuali erawh a zia a dang deuh thung.

Bawihi, kan fate pawh pathian zarah an lo leikang ve zel a, hun reilo te ah sikul te pawh an kal ve thei mai dawn a, inhlawhna hi hmuh reng te a har si a, pu valtea te coffee huanah regular deuha in hlawh Turin min sawm a, in lo awm nawk nawk thei ang chu tiraw?

Zualtei chuan a huphurh khawp mai, a pasal tello in a la awm ngai hauh silo,mahse a pasal a dan tlat chuan enge an ei ang? chu ngaihtuah na avang chuan hreh tak chungin an lo awm theih mai tur thu chu a hrilh ve ta a.

Kartluanin an riak anga,inrinni ah an lo haw thung ang tih te chu a hrilh melh melh a, a fanu te pahnih an inlemkhualna neih chhun a hlim taka inkawm melh melh te lam chu a pan a, chhuatah bawkin a chhawn chhaih a, a ngai dawn lutuk tlat.

Bawihi khawsak rel tlai lo la aw, dar thum ah motor in min rawn lam dawn a,kan in peih hman lo ange tiin a nupui insu lai chu a hrilh nawn leh a, Zualtei pawh a hmanhmawh khawp mai, tih tur tul ang ang te a ti sawk sawk a, a pasal duhtak hnathawk tur tlai hlau tak chuan khawsak a rel zung zung a.

An in kawtah horn a rawn ri tuar tuar a, sawi nawn ngai tawh loin an kalna tur ani tih an hrethiam nghal a,
rintea chuan a fate pahnih chu duat takin a fawp vawng vawng a, an in bye bye lauh lauh a..an tlanliam thleng a pasal duhtak chu a thlir reng a, an liam hnu chuan in chhung lam ah an lut ta a.

Hmangaih te tello chuan chhun leh zan hi alo reiin alo sei duh hle ani tih chu Zualtei chuan a hai lo, nitin mai chuan a pasal hlawh chhuah chauh ring bik lo in a chhang kan thin chu a chhun zawm leh a, veng chhung ah te alo zuar kual ve thin.

An nghah hlelh em em inrinni chu alo thleng ta, a fate bulah chuan a pa a lo haw tep tawh ania tih ringawt pawh vawi tam a hrilh hman hial ani.

Zan dar sarih bawr velah chuan an in kawta motor rawn in hung thawm chu a hre ta a, a pasal duh tak a lo haw ani tih a hre nghal a, phur takin pawn lam apan vat a,rintea chu bawr em em in motor atang chuan a rawn chhuk thuai a, a fanu te pahnih chuan an lo pawm Chung bawk a.

Hlim takin han awm thin mahsela chhungkaw harsatna avangin pa Ber a riah bo fo angai si a,an in then leh nge nge thin.

Bawihi, lo in enkawl tha rawh aw, hei ikhua asik lek lek anih hi, chhang pawh lo lang suh,ka hlawh chhuah ang ang hi ren takin lo hmang ula,i nuamlo ta viau anih chuan pu valtea ilo hrilh anga, kar laklawh ah pawh ka rawn haw mai ang tiin a nupui pang sa var chu a samah a chul hliau hliau a.

Kalsan a hreh tak zet, mahse a kal angai si, Zualtei pawh chu a in tiharh luia, a that leh vat tur thu in a pasal kal tur chu a thlah leh a, hemi ni a an in kalsan tur hi an in bye bye nasa hle a, a theih chhung chu an in thlir tawn ani.

Zualtei chu khawsik na vaklo hian a tham reng a, ding Chung na ang deuh hian a tuar reng a, a fate enkawl an ngaih avangin a in ti pachang hram hram zel a.

Zirtawp zan ani a,zualtei Tui taka a mulai chu a harh hlawl mai a, kawngka kik thawmin a ti harh ani, mak a ti em em a, sana a han en a, zing lam dar thum a ri tep tawh.

A hlauh thawn deuh avangin Tunge ni tiin a au lauh lauh a, zualte keimahni kan ni e, tuaitea te an rawn tih tak avang chuan a khum atang chuan a tho thuai a, ngaih that lohna engmah a nei hauh lo.

Light te chu an on zung zung a, kawngka chu a hawng ta a, an thenawm hnai lawk Ami tlangval pathum chu an kawngka bulah chuan an lo ding reng a, mak a ti em em a, engti zia a tun ang hun ah te rawn kal nge an nih a zawt nghal vat a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:33 pm

An zinga upa ber tuaitea chuan hreh hle mahse a kuta tla chu a tih ngei a ngai ani.
in chhung ah chuan an inzui lut a, thut hmun te an han rem fel a, a aw a thian karh karh bawk a, thil sawi nuam tak ani hauh lo.

Zualte, zualko in kan rawn kal a tiin bul ahan tan rawih a.

Eng zualko maw? a va mak awm ve tiin a lo zawt let ha a.

Tuaitea bawk chu a rawn tawng chhuak leh a, zantir lama rintea motor chuan na a accident thu leh an chetsual hi hmu mai tu an awm loh avangin tlai angreng taka an hriat thu te,vanduai thlak tak maia rintea boral thu te chu a sawi ta a.

Kar lo ah tap thawmin in chhung chu a luah khat nghal a, an thawm hria apiang an rawn tlan khawm a, khawvar ,ruang lo thlen hma chuan an tin san tawh lo.

Zing lam dar riat velah chuan rintea ruang chuan an in chhung chu a rawn thleng ta a.
Zualtei erawh chu a rilru nat lutuk na lam ah a khawng a, a mah chu buaipui a ngai hial zawk ani.


"apa lo haw e"
engmah hrethiam hauhlo mercy te unau chuan a pa mu engmah tithei tawh lo chu an lo lawm em em a, mi dang tap hawm hawm te chu a ngaihna an hre lo tak zet.


A puan an sintir te chu an hlim a, "apa tho rawh" tiin an nem tak nawk nawk a, chhang tur a awm tawh der silo, mercy te unau hian apa hi an ngai em em ani.



kum thum mi vel lek naute tan chuan hriatthiam a har em em a,an mahni hmangaih em em tu apa chu nidanga an tih fo angin a biang ah te, achal ah te, ka hmui ah te an fawp a, mahse chhang let tu a awm tawh silo.


Zualtei chu a pasal rintea kiangah a mu a, a ruang dai chu a chul heuh heuh a, a tap thei bawk silo,
" rinte, ilo haw tawh maw"
tho ta che, enteh ifaten an koh lawm lawm che hi.
tinge I ngawih reng a? min chhang ta che rinte tiin a be mawlh mawlh a.


A khat tawkin a khawng leh thin a, an han buai leh map map thin bawk a, mipui boruak lo a awm hahdam tura an tih lahin a duh der silo.



Mercy te unau pawh chu apa ruang bulah chuan engmah hre lo in an hawi vel mai mai a, an ni te tap hawm hawm te chu hmuhnawm thlirin an thlir mai mai bawk a.


Chawhnu a lo nih meuh chuan rintea vuina hun chu an hmang ta reng mai, Zualtei chu a buai em em a, tah hawm hawm a Chak ve ngei ang, a tap theilo ipik lutuk chu a au chhuak hial a , tuman mak ti hmel pawhin an en hauh lo,an lainat em em zawk ani .


vuina hunserh te a zo a, thlalak na te an neih zawh hnu chuan thlanmual lam pan turin a pasal duhtak kuang chu an zawn ta a.

"rinte, mangtha aw, ka van ngai dawn tak che em"

A lan theih chhung zawng chu a thlir reng a, a chau lutuk chu leiah a tlu hnawk a, in chhung lamah an hruai lut thuai a, an mut hahdam tir ta a.


Rintea boral ni atang chuan chaw a ei thei lo a, a mu thei bawk lo a, a tap reng a, a fate pawh a buaipui hleithei lo a.


A cousin te nula pahnihin an awmpui chawt a, a mah buaipui ngai bawk, naupang buaipui ngai bawk, an buai ve hle thin.

" Rintea khan vawt ati ang"
"A ril atam ang"
Chu thu chu a sawi deuh reng a, amah lah chu mi a ang maiin angawi reng a , miin be mahse a chhang ngai lo.

Rintea boral atanga chawlhkar hnih aliam meuh chuan inleng te pawh an tin zo tawh a, mahni buai buaiin an buai zo tawh a, Zualtei chu a cherin a dawldang em em a, a mu tlawk tlawk mai ani.



Kal suh, kal suh, min lo nghak rawh tiin a tap chiam a , athawm ah chuan a unaute chu an harh thuai a, rang takin a mutna lam chu an pan vat a


Zan danga a awmdan nen a in ang lo riauin an hria a, a meng a ruai a, a meng pual vak vak a, a taksa chu a khur hlak hlak bawk a,


A pang an han dek a, alo sa em em mai a, rang takin tui vawt an la a, an dep mawlh mawlh a, a tawngvai reng avang chuan an sawi nawk nawk reng bawk a.


A awmdan chu diklo a an hriat avangin rang takin damdawiin an panpui thuai a, an lo admit hial a, hemi zan atang hian nikhua a hre lo nghal a, doctor leh nurse ten theihtawpin enkawl mahse malaria thluaka lut avangin an chhan hman ta lo ani.


A pasal boral atanga thlakhat a liam hnuin Zualtei chu a boral ve ta ani.


"ama, tho rawh" khua a var tawh ania, tho rawh tiin mercy chu a tap hawm hawm a, a nu ruang bulah chuan a ding a, a sam ah te a tham bawk a,


Nu ber a faten an koh mawlh mawlh pawha chhang thei ta lo chu a fate chu an tap nasa em em mai a, engmah LA
hrethiam lo an ni bawk nen,an tap bang hleithei meuh lo.


A hmutu apiang tap lo hi an awm lo ,an mittui a luang zung zung hlawm a, an inhru deuh reng hlawm mai.


Theihtawpin thlem mahse an tlei rei thei lo, a nu ruang chu bawh in an mu thul, lungchhe taka tapin "ama tho rawh, khua avar tawh" tia an tah lawm lawm phei chuan lung an ti chhe zual tak zet.


Zualtei vuina hunserh pawh hman zawh tawh ani a, kuanga an han thunbo tur mercy te unau in hrethiam lo tak mai a an han ban lawp lawp mai te chu a hmutu tan chuan tahpui loh a har ve a ang..


A pasal duhtak Rintea an zalhna bulah chuan Zualtei chu zalh ani ve ta.

Zan alo ni a, nu ngai rual lek mercy te unau tan chuan tui taka mut theih zia zang ani lo.

An han thang harh a, duat taka kuah thin tu a nu chu an bulah mu tawh lo in midang in an lo mutpui tawh si a, chu chu hrethiam lo in an tap ta vak mai thin si a, a nu an au reng mai bawk a, an laimatawm takzet ani.


A sar hu laite a Zo tawh a, chhungkua in ro an han rel a, Zualtei leh rintea hian pianpui an neilo ve ve a, an mal hle ani, naupang ho awmdan tur pawh rel thiam a har ngang mai.


A tawpah chuan mercy zawk chu rintea cousin chuan enkawl turin thutlukna a siam ta a, a nau zawk erawh Aizawl mi hausa, fa nei theilo ten an dil tlat avangin leh hmangaih taka enkawl an intiam avangin an la dawn ani,


An kohhran upa sawma chuan inthlahna huntawi chu lungrun takin a hmang a, malsawm tawngtai na te a neih sak bawk a, thenawm khawvengte pawhin naupang lainat awm takte pahnih chu an rawn thlah ve bawk a, mittui nen an inthlah liam ani ber.


Chumi ni atang chuan mercy te unau chu an in then hrang ta a, engtik ah nge an inhmuh leh tak a ang?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:33 pm

Zan dar sarih a rik meuh chuan mercy chu a in thar, a chhungkaw tharte kiang ah chuan a awm der tawh a.


Naupang nunnem tak niin a zawi awi em em a, a hmel a tha in a sam chu a kir chiat bawk a, a duhawm tak zet.


" Bawihte lo kal teh"
Mercy chu a kotu lam chu a hawi thuai a, a ni pasal, a pa thar chu ani, a pan thuai a, a pa pawh chuan alo pawm thuai bawk a.


A nuam iti em? a u te bulah nge I mut ang a ni te bulah tiin a zawt siam siam a.


A ni te bulah tiin a chhang thuai a, a u te ho chuan mutpui an lo Chuh ve bawk a, chu in leh chhungkaw thar chu atan chuan a nuam em em rih ani.


A u te chuan TV te enpuiin an titi pui siam siam a, mipa vek annih avangin farnu thar an han nei ta chu an lawm thiam khawp mai.an ni erawh chu an tlangval thuau tawh a.


Bawihte, mu tawh ang le
a ni chu apan thuai a, a ni chuan duat takin a chul hliau hliau a, thawnthu te a hrilh melh melh a.


ani, anu leh apa te bulah engtik nge ka kal ve ang? ala rei dawn em ?

Bawihte, muhil daih rawh aw, a nu leh a pa ten an en reng che a, thu i awih chuan a nu leh apa te bulah ikal vat dawnnia .


A muhil ta, tui takin mu teh se, bawihte, ka van lainat tak che em tiin a ni chuan a thlir ngawih ngawih a, a hmel lah chu a tha em em mai si.


Eirawng bawlh mawlh mawlh pahin a pasal bulah chuan eng eng emaw a sawi mial mial a, pa a, bawihtei hi thlaleh a birthday ania, kan lawm sak ve ang chu tiraw?


Lawmsak teh reng e, kan theihtawp kan chhuah ang chu le tiin a lo chhang vat a.



ka van lawm tak, nang ang pasal tha leh fel ka nei che hi ka lawm lutuk tiin a fak luam a.

Mercy birthday ni chu alo thleng ta ngei a, a ni leh apa chuan cake te order sakin an then leh rualte an ko khawm ve a , mercy birthday chu hlim takin an lawmsak ve a.


Ani, anu leh apa te Khan cake hi ei ve se tui an ti awm tiraw?
tiang zawhna hi a rawn chhak chhuak leh hlawl thin.


A ni rilru a na thei hle a, a nu leh pa hi angai hle ani tih a hrethiam a, chuvangin lung leng lo tura duat taka enkawl chu a tum tlat ani.


Hun leh nite a lo ral ve zel a, mercy pawh school kai rual a lo ni ve ta a, phur tak leh hlim takin nitin school a kal ve thin, a hmel lah chu a tha em em mai a, lehkha a thiam theiin lehkha zir nuam a ti em em bawk.


A school bang alo haw hian hlim em em in a rawn tlan haw a, a pa chu a rawn kuah Chung Chung zel a, a pa chuan lo pawm vatin a uniform te alo thlak sak thuai thin.



Chutiang chuan pangai takin a hringnun chu a hmang chho ve zel a, middle kal rual anih meuh chuan a kum phu lohin a taksa a lianin a duhawm em em reuh a.a ni te bulah hian high school thleng akal ve ani

******************************


A naupuak mut chhuak avanga te reng chu a awih hlauh hlauh a, pawn atang chuan tlai ni tla tur chu athlir reng a,a mit atangin mittui alo luang a,thil liam tawh hnu ngaihtuah in a lung a chhe thar a, a nau awih pawh ngaihsak lek lo chuan a lo insut hlap hlap a.


" Ava leng awm vawng vawng ve" a hnung lam atanga an rawn bia a, aphu zawk a,a leh hawi thuai a, za lo tak hian anui a, aaa....pastor chhawna lo ni reng in, khawnge i len dawn? zak ang reng tak hian a han ti a.


Ka rawn vak vel mai mai ania,boruak anuam em mai a tiin a chhang ve mai a, mahse kal mai atum tak si loh ah chuan mercy chuan leng lut Turin a sawm a, pastor chhawna pawh chuan eng sawi lo in a zui lut nghal a.



Sitting room a an thut fel hnu chuan pastor chhawna chuan ,Mercy nichin khan i mittui tla kha ka hmu reng a, enge harsatna i tawk em ni? tiin a zawt ta chawt a.


Mercy chu zak in a sen ap ap a, a ka lung a leng deuh a, ka ngaihtuah na ka lo kawm a, ka lung a chhia lawm mawle tiin a chhang a,


Engemaw tak chu harsatna inei ani, pa tello in fa i pawm bawk a, engmah sawi hreh suh aw, harsatna inei anih chuan puih che ka inhuam reng ania tiin a kar tlat avang chuan mercy chuan han inbunruah pawh a Chak ve ta hle mai a.


Mittui tla khawpa i tawrhna chu min han hrilh ta che? atih nawn leh tak avang chuan mercy chuan pastor chhawna bulah chuan ti hian a sawi ta ta a..


Ka naupan lai thil tam tak ka hre lo a, engkim mai kha ka mang hriat deuh ruai chauh a.
ka ni te bula ka awm khan naupang mai ka la ni a, duat ka hlawh em em thin, ka u te, ka ni fate khan min duat em em mai bawk a.


Naupang ka nih lai khan ka ni pasal , ka pa tia ka koh thin chuan min duat em em a, zanah an bulah ka mu a, ka hlimna tur ngaihtuah in an inpe zo em em thin.


Eitur ah nise min duat em em reng a, thawmhnaw lamah pawh thian te rual awtin min siam ngai lo.



School te pawh ka kal chho ve a, primary ka kal chhung chuan harsatna engmah tawk loin hlim takin ka kal chho ve a.


Middle school kai rual ka nih chuan ka kum phu loh in ka taksa chu alian a, ka ngo in hmeltha tih ka hlawh ve fo thin,school lam ah pawh chhaih fiamtu ka tawng ve fo a.


Lehkha zir hi ka atchilh a, achhan chu sawrkar hna engemaw tal thawh ka tum vang ani, ka zirlai ah ka tui em em bawk.


Ka ni pasal hi sipai bang ani a, ka ni erawh nitin chawhmeh zuar a ei zawng ani thung, kan tan theihtawpin hna athawk thin a, ahah thin hle bawk.


Ka la hre reng, class 6 kumtawp exam result a chhuah ni khan, kan class ah 2 na ka ni a, ka lawm em em a, in a haw hlan mawlh chu ka nghak hlel thin.


Ti chuan tlai school kan ban rualin hmanhmawh takin ka tlan haw a, in ka lut chu tumah reng reng an lo awm lo a,



Room ah chuan ka lut tlang nghal a, tumah an awm loh avangin ka thin a rim lek lek zawk hial a.


Naupang chhia mai anga ka la awm avangin zai rat rat chungin ka in thlak mawlh mawlh a, ka pawnfen ka hlip a, underpant nen chuan ka ding tau a.


Thil ri rek ka hria a, ka leh hawi thuai a, ka pa chuan ngawireng hian min lo en kar a, ka hmuh veleh amit chu ala sawn thuai a.


Pa ,engtik laiin nge ilo luh a?
ka hmu miah lo che tiin ka be ta ngawt a.
Ka lo lut chiah alawm tiin min chhang a, min rawn pawm a, akut tihdan vel chu nuam ka ti hauh lo.


Pa enteh kan result a chhuak a, pahnih na ka nia tiin a kut atang chuan ka tal chhuak thuai a, ka bag a progress report card chu ka phawrh chhuak thuai a, ka entir ta a.


I van ti tha em em ve, i lian in inula tawh si a, lo kal teh ka kawng hi min hmeh sak teh ati zawm nghal a.


A thu ang chuan a kawng chu ka hmet ta a, a mawng bawr te chu min hmehtir zel a, a private part awmna te chu min khawih tir a tum ta hial a, ka duh loh avangin ka tang lui ve tlat bawk a.


Chumi ni atang chuan ka pa chu ka rap ta riau a, a bula awm nuam ka ti tawh lo, min endan chu a diklo riau in ka hria ani.


Zan khat chu Tui takin ka mu a, thil engemaw avangin ka harh hlawl mai a, ka phu Chiang kher mai..ka leh hawi vat a, ka pa chu ka bulah alo mu reng mai a.


Ka hlau lutuk chu ka tho vat a, min man bet a, mu turin min ti ta a, ka hlauh avangin ka khur dar dar bawk.


Bawihte, ka ngai che a reilo te ibulah ka lo mu ve dawn alawm tiin ka sam chu a chul heuh heuh a, nuam ka ti lo kher mai, min rawn kuah deuh chial bawk a.


A thaw sak sak a, ka hlau em em mai a, mahse ka chungah engmah athleng lo thung, reivaklo a rawn mut hnu chuan a kalsawn ve leh mai a.


School chawlh chhung chuan ka ni chawhmeh zuar chu ka pui nitin ta thung a, in a awm aiin nuam ka ti daih zawk, ka him bawkin ka in hria ani.


Ka awm dan chu ka ni ka hrilh a, ekhai bawihte hlau reng reng suh, mi puitling ini ve tawh dawn anih kha, mi tupawh hian than thi kan nei vek thin alawm tiin inenkawl dan te chu min hrilh a.


Than thi pawh ka lo nei ta ngei a,ka taksa alian bawk a,tleirawl tak tak hmel ka pu tawh ani.


Nikhat chu ka niin ,vawiin chu lo kal lo mai rawh aw, insuk tur awm ang ang te hi ilo su ve anga tiin in a awm turin min ti ta tlat a.


Ka lungngai em em a, ka hreh tak zet, engmah lah chu ka sawi ngam der silo.


Ka u te pahnih chu nupui fanau neiin an indang ve tawh a, a te ber chiah a awm tawh a, ani lah chu in ah a awm tlem em em bawk si.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:33 pm

Hreh tak Chung chuan in ah chuan ka awm ta a, insuk tur awm ang ang te chu ka su a, hunawl neih loh hram kha ka duh ani.


Mercy ,lo kal lawk teh.

Ka thin phu a rang em em a, ka kal lo ngam bawk silo.

Zawi muangin room lam chu ka pan chhet chhet a, khumah chuan alo mu ar a.

Tawnzau leh kekawr bul chauh a ha a, a tukhum a akut suihin a lo mu.

ti dekin ka ding a, lo kal teh ka bulah hian Bawihte tiin min hui zauh a.

Khum tlangah chuan ka thu ngawi reng a.

min rawn kuai mu a, pafa inpawh taka mudun kan nih miau loh avangin hreawm ka ti hle.

" ka duh lo pa" khawngaih takin tiin ka tap a.

Ka thusawi chu engah mah angai lo, sakei koham tak ani.

Ka tap na sa em em a, a kutin ka ka a hup bet a, ka thaw a chham a, ka tal vak vak bawk a.

A duhtawk a ngah hnu chuan a tho a, kei chu khum ah ka mu reng a.

Ka hlau em em a, a ngaihna ka hrethiam lo hle bawk.


I ni bulah emaw, midang bulah I sawi anih vaih chuan ka vawhlum ang che.

I hria em?

mittui parawl kiau chungin ka lu ka bu nghat ringawt a.


Ka tho a, ka kal tha hleithei ta reng reng lo mai.

Dim te in ka kal dem dem a, ka tai bawr vel te chu ana em em bawk a.


Bathroom ah chuan ka thu vang vang a, ka tap char char tawp mai ni.



Ka inbual fai a, chu ramhuai tenawm tak erawh chu sitting room thutthleng ah mu in TV a en dawr dawr a.


Ka haw tak zet, ka ten lutuk ,engtin nge kei naupang mai chungah hian tiang hi a tih theih zawk le? hemi tum ran hian em ni min lo duat theih em em le?


Ka hliam te avangin chet ka harsat a, mahse ka ni in min rinhlelh ka hlauh avang in ka inthup hram hram zawk ani.



Zanriah kan kil lai te chuan ka ngawi reng a, ka hawi chhuak ngam lo.

"Nu-i bawihtei pawh a pass tha khawp mai"
a lawmawm khawp mai, lehkha lah hi athiam thei phian mai a hei,


A va lawmawm ve aw, engmah lah min hrilh ve lo a,


Ka tenna azual, ka chauhin bawihte tiin min ko a, ransa kawlh leh sual rapthlak tak ani.

Chaw ei pawh a tui meuh lo, engtham ka ei lo, ka kham thuai a.

Pa a, bawihtei hi a va nawmsam loh hmel ve a, vawiin lam a che hah deuh em ni aw?

eng ang pawhin zawt mahse a chhan na a hre dawn silo.

Hma takah ka mu a, ka muhil tha ngam lo, ka phu zawk zawk zel bawk a.



school tan hun chu ka nghakhlel em em a, ka tan he in hi hremhmun intanna in tur ani.


A khat tawkin min pawngsual ta fo mai, ka hlauh em avang leh min vau beh tlat avangin ka tang ngam silo.


A rukin ka tap fo a, ka nun chu a ngui em em a, chaw ka ei that theih loh avang leh ka mut that theih loh avangin ka cher hle bawk.


Sunday zan ani a, Dan pangai ang bawkin ka room ah chuan a rawn lut leh tham tham a.


Chumi zan chuan ka khua asik na sa em em bawk a, vawt tiin ka khur deuh hlak hlak a.


Ka bulah chuan a rawn in thawlh than a,

Thawk leh khat ah A ni, tiin ka au thut a, a tho rang kher mai.


Ka room atang chuan a chhuak vat a, ka au thawm hria in ka ni chu a rawn tho a.



Min ngaihtuah Ber ni awm fahran hian sakei koham a pawh chu ka ni hnung ah a rawn lang ve bawk a.


Bawihte, enge ni ta? ka khum ah chuan a rawn thu a,


Ka bulah mu rawh, min mutpui rawh tiin ka sawm ta tawp a.


Ka pa chuan min melh rum ngang mai, a rapthlak tak zet.


Engtizia nge bawihte? hlauh inei em ni? tiin ka ni chuan min zawt siam siam a.


Ka pa chu ka han melh zauh a, a mit meng avang chuan ka zam a,

engmah hlauh ka nei lo, ka khua asik a ka ti zuai raih a.


Ka pang a rawn dep vat a,
Ekhai, i pang a sa em anih hi mawle,

Damdawi a zawng nghal rawk rawk a, min eitir a,


Bawihte, ka mutpui chu iduh em ni tiin min zawt leh a.

Aw tiin ka chhang a.

Chumi zan chuan min mutpui ta a, ka thla hi amuang hliah hliah a, ka lung a chhe em em a, engkim mai chu hrilh ka Chak ani.


Mahse ka sawi chuan min that duh mai dawn si, naupang mai ka la ni si a , huaisenna ka nei lo ani.



Ka tap khur ngat ngat chu ka niin a hriat ka hlau em em a, ka insum hram hram a, lehlam ka hawi a, ka mittui chu a tawp hlei thei meuh lo.


Zing ah hma takah ka tho a, eirawng ka bawl sawk sawk a, ka ni pawh a rawn tho ve nghal bawk a.


Vawiin school tan ni anih avangin tlai ka hlau hle mai a, ka che zung zung a.


Ka ni pawh a chawhmeh dawrah chawei lo in akal ve nghal bawk a.


Ngawi rengin ka form a inbel mawlh mawlh lai chuan,
Insu rawh, kha heng zawng zawng hi su rawh tiin thawmhnaw chu a rawn vawm vum na sa mai a.


Pa, school tan ni ania tiin ka chhang sap a.


Kal angai lo, ka thu i awih loh chuan i hreawm telh telh ang tih hre rawh, in thlak la ,insu rawh.


Rilru na tak Chung chuan ka in thlak a, suk tur chu bathroom lamah lalutin ka insu ta zawk a.


Nilengin tihtur min hrilh a, ka hah em em a, ka thut awl a phallo.


A chhan chu min mutpui atum apiang hian a hlawhtling biklo a, lehkha zir chhuanlam te thildang chhuanlam te ka nei thin.

Chung avang te chuan min tiduhdah sawt em em ani.


Ka ni pawh hma takah alo haw a, school kal lo a ina ka lo awm ta mai chu enge a chhan tiin min zawt a.


Ka hrem anih kha.
An thatna tur anih chuan hrem zel tur tiin alo chhang thuai a.


Ipa thu i awih lo em ni? i tette atanga duat taka enkawl tu che anih avangin a thu hi awih em em la atha ani mai tiin min zilh zek a.


Engmah I hre silo ka ti sap a, ka room ah chuan ka lut a, lukhamah ka hmai ka phum a, ka tap chiam a, abak tih theih ka nei silo.


School ah lah ka nguai em a, mahni chauh hian ka lo in ngaihtuah leh veng veng thin.
thian pawh ka kawm ngam lo.


Tiang reng reng chuan hun leh ni ka hmang chho a, ka zirna lamah ka tla hniam telh telh a, ka ni pasal in thang akam thiam em avang in ka ni pawh chuan kut min thlak fo.


Thiante khawlai an len suau suau lai te chuan thil min zawrhtir fo a, thei den te min zawrhtir thin, ka zak ve hle thin a, ka tih angai bawk si.


Class ka sawn ve zel a, class 9 ka nih kum hian ka nitin kal vel min lo hmutu kei aiin kum nga vel laia upa hian min ngai zawng ve em em a.


Ka school kal vel chu min lo thlir nitin thin, min ngaihzawn tak em ah chuan kei pawh in ka iai hran lo.


Mahse ka inthlahrung ani, ka dinhmun engmah a hre silo.


Tleirawl in ngaihzawn ang chuan kan in ngai zawng ve a, afala han hmuh emaw tumna em em ka nei lo, ngaihzawng ka vawikhat neihna a nih avangin.


Mahse kan in a rawn len zauh zauh chu a hrat ta riau a, zirlai mai ka la nih avangin ka ni chuan inleng neih a phallo.


Chu mi karah chuan ka pa chuan a phallo leh zual, a lo khak fo thin a, ka Zak thin hle, a lo len lai te hian room ah lut rawh ,lehkha zir rawh min ti fo thin.


Ni khat chu ka school kal tur chu min lo Chang a, kan school bul thleng min thah nghe nghe a,


Ka chhungte sual a tih thu leh i zirlai tibuai lo a a khat tawka rawn len ka duh thin a, mahse i pa hi a sual em a, a hreawm em ani tih thu vel chu a sawi siam siam a.


Ka ngawi reng a, thil awmzia diktak ka sawi ngam silo.


kan in ah chuan rawn leng tawh lo turin ka ti ta tawp a, a tul anih chuan pawn lamah kan inhmu mai dawnnia tiin ka hrilh thlap bawk.


Ni khat chu school ka tlanbo a, achhan chu ka ni te nupa chu lehlangin chhiat tawh na thilah an kal vang ani,an rawn haw tlai dawn tih ka hriat sa avangin.


Upuia chuan athianpa te in ah min hruai ta a, alo hrilh lawk sa avangin tumah an awm lo,


Sitting room thutthleng seiah chuan kan thu dun ran a.


Mercy, i nun hi aharh lo e, engemaw tak vei nei i ang ka ti thin, a rawn ti chhuak hlawl a.


Chutiang engmah a awm lo, mi cool chi ka ni ve hrim hrim a tiin zak tak in ka chhang let ve thuai a.


Harsatna engemaw inei anih chuan min hrilh hreh miah suh aw, Itan ka awm reng ania tiin min rawn kuah a.


Ka tawlh sawn vat a, keimah ah hian hlauhna leh thlaphanna hian hmun hi aluah hneh tawh em vang ani.


Min hlau Ami?
min en ha a, engtin mah ka ti dawn lo che, ka bialnu fel leh hmeltha hi engtin mah tih ka tum hleinem che..


Ka bulah a rawn tawlh phei vat a, min rawn kuah ta vang vang a, ka hahdam sawng sawng thei.


engemaw Chen kan in ngaizawng ve tawh a, vawikhat a fala kan inhmuhna ani thung.


ka bialpa ani a, thudik hi engkim hrilh ta zawk ila atha anga tih vel chu ka lo ngaihtuah leh veng veng a.


Kha maw! ka sawi reng kha, i awmdan ah hian alang alawm mercy, engemaw ni vei i nei ani, nge bialpa dang i nei reng zawk?


Ka harh chhuak zawk a, za lo tak hian ka nui lui sak a.


I duhawm lutuk bawihte, i hmeltha lutuk, ka khabe ah chuan a piai nawk nawk a,

ka thil tawn chu ahreawm em avangin atawp ah chuan upuia chu hrilh turin ka inpuahchah ta a


Upui, thil pakhat hrilh tur che ka nei a.

mahse.........


Enge mahse? sawi rawh, min hrilh vek rawh, i bialpa ka ni a min ring ngam rawh tiin ka kut avuan a, ka thusawi ngaithla turin a inpeih at a.


Ih maw, ka pa hian ka chungah thil thalo tak ani ani.
ka sawi zawm theilo, ka kutin ka hmai ka hup a, ka tap ta ngawt mai a.


A ding hluai a, thinrim tih hriat tak hian akut a hum ruh ran a.


A vei kual thuak thuak a, ka bulah bawk chuan a rawn thu leh a, a awm ah min kuah bet a, ka Bawihte, ilo va tuar nasa em, ini pawh I hrilh lo em ni?


aih, ka sawi chuan min thah atum a.


A khawih zing che em?


Zing lutuk lo, Mahse a hreawm emai, awm zel ka hreh tawh ani,upui mi awmpui a tan daih ka duh emai .


Engtin nge kan tih ang aw? ka bawihte , kan inru daih mai dawn mi?

Maw? naupang mai ka la nih hi.

Ka hria lawm, mahse tawrh reng iduh zawk Ami?

Ka lu ka thing vat a, ka duh tawh lo tiin ka chhang a.


Upui mahse min nei duh tho maw?

Duh tehreng e a, ka bawihte i vanduai na avang hian ka hmangaih zual sawt che.


ka hmuiah chuan dim tein a rawn fawp a, zeilo fahran chuan ka lo chhang let ve bawk a.


Nilengin kan awmdun a, tlai school ban awm velah chuan ka haw ta a.


Chumi ni atang chuan ka chungah thil thalo a thleng leh dawn anih chuan upuia chu ka nei ang tiin ka rilru ka siam sauh sauh a.


Inhnuai lamah lo chhuk lawk teh aw!
a thil tum chu ka hrechiang khawp mai, in chungah a fapa a awm avangin in hnuai lam ah min koh thlak a tum ani.


Ka hlau duh tawh bik lo, ka hman loh thuin ka chhang a.


Ka lehkhabu ka phawrh a, lehkha ka zir ta zawk a.


inhnuai lam atang chuan a rawn chho a, ka lehkha zirlai chu a rawn pawt darh ta vek a, min beng bawk a.


Ka lu ahai chhak mai, titau nghawng nghawng pahin Choka lamah ka phei a, min rawn umzui a.


Ka thu i awih lo ngam amaw?
ka samah a tham a, min thehvir nawk a.


ka u chuan enge thil awmzia hriat tumin a rawn kal vat a, mahse a pa chuan inrawlh buai lo turin a ti thung a.


Chhuatah chuan ka thu ngaih a, ka tap bawk a, chutiang boruak kan neih lai chuan ka ni bazar pawh a rawn thleng ve chiah a.


Eng thil nge ni leh ta?

Ka ngawi reng a, ka pa chu ka melh kawr a, ramsa tenawm tiin ka au Khum hial a.


I va zak thei lo ve, i tette a tanga enkawl tu che khatianga itih ngam a, fahrah in a awm mai mai tur kan enkawl seilian che a, mi hi zah hliah hliah tur ini asin.


Ka rilru ana em em a, engmah hi ihre ve lo, a dawt sawi vang hian vawi engzat nge nang pawh hian kut min thlak tawh, anihna diktak i hriat hun chuan ila inchhir khawp ang.


Ka lu ahai map a, ka thal tawp a, i tawng leh chuan ka phuar hlawm ang che .


Rum mang khengin ka melh a, ka hnar atang chuan thisen a chhuak na sa hle bawk, ka room ah ka lut a, ka thawmhnaw ka siam sawk sawk bawk a, ka chhuak vang vang tawh ang.


Zanriah pawh ka ei lo, ka room ah ka tawm char char a, lehkha ka ziak mawlh mawlh bawk a, ka ni chu thil awmdan engkim a hriat theih nan ziakin ka hnutchhiah dawn ani.


Zan dar sawm velah chuan an mureh thap ta maw tih ah ka bag chu ka ak chhuak a, hlauh pawh ka hrechang tawh lo, ka lehkha ziah chu ka ni bag ah ka thun ta a.


Dim takin kawngka ka hawng a,upuia te inlam chu ka pan ta vang vang a, kan veng thenawm mai anih avangin ahla lemlo bawk a, kawngpui dung chu ka zawh zel a, akhat tawkin motor leh two wheeler pawh an la tlan reng a.


Ka kal ngawt na a, engtin nge ka tih ang le? an in ah ka lut tawp dawn tihna mawni le?


Ka ngaihtuah na chu avak na sa khawp mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:34 pm

Chak taka kal ka ni bawk a upuia te in kawt chu ka thleng ta der a.


Pawn lam atang chuan a in khar tawh a, Mahse mi tu emaw chu meng an la awm
thawm dim takin kawngka bulah chuan ka kal de de a, thawm chu ka ngaithla a.


Ka kik mai ngam silo chu ka tawi khawmuang leh thin.


Mahse duhthlan tur dang ka neih tak loh avang chuan ka huaisenna zawng zawng sawm khawm chuan kawngka chu kik ka tum ta a.


Ka bag ah chu an tuizem phenah chuan ka thukru hmasa te te a, a chhan chu mak min tih lutuk ka hlauh vang ani.


Kawngka chu ka kik ta a, vawithum lai ka kik hman a.


Mi tu emawni hi kawngkhar lam panin a rawn pen thawm ka hria a.


ka zam takzet a, ka ding khur deuh dat dat a.


Kawngka a rawn inhawng a,upuia nu ni awm tak nen chuan kan inhmachhawn ta a.


Enge ni ta? Tunge inih aw, tunah hunah te eng thil nge I duh a tiin min zawt nghal a,


A tawngkam chu a nelawm lutuk loh ,a vin hlar mai.


ka pi, upuia hi a awm em le tiin zak tak Chung chuan ka zawt ta tawp a.


Awm lo, vawiin khan an thiante nen lui riak turin an kal a, Eng atan nge i tih a tiin min zawt leh a.



AAA...angai lo mai ,a lo haw hunah a ni mai ka ti bah nuai a.


Kan in mangtha a, kawngkhar chu khar in a kalh ri rak a.


Ka beidawng takzet, tunge ka pan tak anga, khawiah nge ka kal tak ang?



Ka thu hnawk a, ka bei a dawng em em a, upuia nu hnenah chuan riah ka dil tawp mai dawn em ni le , nge kan in ah ka kir leh ang?


Ka rilru chu a insual nasa hle mai a, ka kir leh anih chuan ka chunga thil thleng zel tur ka hrechiang nasa mai si.


Ka bag dah thuhruk chu ka ak a, pan lam tur pawh hre lo chuan ka ding vang vang a, zan lah chu a rei tawhin a reh em em mai bawk si.


Zan zurui leh misual vak vel tawn palh te chu ka hlau ve em em bawk a.


Kan in panna nilo lam kawngpui chu ka zawh ta tawp a, a khat tawkin zurui kal pai tak tak leh zanlama inzuar niawm tak hmeichhe rual te ka hmu zauh zauh a.


Chung ho ka tawh dawn chuan mi in phenah te ka biru thung thin.



ka sana bun chu ka han en a, zan dar 12:30 a lo ri reng tawh mai, kal ngaihna lah ka hre tawh silo.


In sak lai mek inrel ut mai hi ka hmufuh a, chulam chu ka pan ta a, mi min hmuh theih lohna bera ka rin a ban phen ah chuan ka in nghat a.


Chu zan reh tak ah chuan rannung thawm te, thil kiu veng veng ri bak hriat tur a awm lo, a piah deuha street light eng chuan thim lutuk lo in ka awmna chu a siam bawk a,ka lawm angreng phian.


Ka rilru ah tawngtai a rawn lang a, ka thingthi a, kutsuih in tihtak zetin ka tawngtai ta a, zanin hun ah hian misual leh min tichhe thei thil laka min hum turin ka dil ani.



Kawng dang ka neih miau loh avangin ka mut angai a, ka thawmhnaw ken then khat chu chhuatah ka phah a, lei lawnga mut ai chuan azia deuh mahna tiin.


Ka bag chu ka lukham bawk a, zan rei lam boruak lah chu a vawt var mai bawk si.


Vanduai ka inti em em a, nu leh pa ka awt takzet a, hmangaih tu ka mamawh ani Tina tu ni lo in.


Ka mittui a tla hial a, ka unaunu neih chhun hi engtin tak awm ve ang maw? a hringnun engtin nge a hman ve ang le?


Chutia ka ngaihtuah na ka kawm lai chuan ka lo muhil ni ngei tur ani.


KS awmtha duhlo vak vel anih dawn kha, hlap tho zawt rawh.
mipa aw hian a rawn ti tun tun a.


Ka harh Chiang ngang mai, a rang a rangin ka in perh tho nghal a.


Ka thin a phu nasa em em a, ka thawmhnaw phah te chu ka seng hawi sawk sawk a.



Ka bag ka ak a, ka kal ta nal nal a, min enduh ngang mai, tuman ka harsatna lah min hriatpui silo.


Chhun lamah chuan khawi khawi ah maw ka vak nileng a, ka ril lah chu atam em em mai si,eitur leina tur Cheng khat mah ka nei silo.


Zan alo ni a, a ngai te bawkin riahna tur zawngin ka vak leh a, hemi zan hian van neih thlak takin thian ka tawng a.


Chutia ka vahna lamah chuan ka ril atam em avangin ka chau a, ka tamchhawl hial a,mi dawr kawt step ah chuan ka kal thei tawhlo chu ka thu hlawl a.


Zan dar 11 bawr vel ani, mi dawr bang ngheng in ka thu a, ka mit avai ruai tawh bawk a.


Nula pahnih hi an lo kal a,ka zawn an rawn thlen chuan an tawi deuh hrat a.



Engemaw ni hi an sawi a, an tawng erawh ka hre thei lo.


min rawn pan hnai a, Thiannu i tha em? tiin min rawn bia a.


Ka ril atam, ka tui ahal tih bakin ka chhang lo.


Khawia awm nge inih tiin min zawt leh a.


mi vakvai, awmna neilo ka ni tih bakin ka chhang lo.


Engemaw ni hi an sawi dun sar sar a,


Zanin chu kan bulah rawn riak ve ta che aw, tia min sawmna chu ka hnar phal lo.


ka duh ani tih entir nan ka lu ka bu nghat a.


ka ban tawn tawn ah min kai a, ka lo awmna bul lawk step ah chuan min kuah thla ta a.


Thui ang reng tak min chhuk pui hnuin kawm kar deuh takah min luhlul a, in biru ve deuh ,te reuh te hi alo awm a,pakhat zawk chuan kawngka inkalh chu a han hawng a.


In chhung ah chuan kan lut ta a, a hnawk in a fai lemlo khawp mai, tin a te em em bawk.


Thutthleng sei pakhat hi a lo awm ve a, tah chuan thla muang takin ka thu diai diai a, no khatin tui intur min rawn pe a, ka in khawlh khawlh a, ka chauh em avangin ka lo muhil zui a.


Thiannu, tho rawh le, chaw ei rawh le,
ka meng diar diar a, ka mang hriat deuh ruai a, upuia hmel ang ten min rawn kaitho tu chu ka hmu hial a.


Ka harh Chiang a, ka thu chhuak ve ta a, dawhkan tereuhte ah chuan ka eitur chaw leh chawhmeh inchhawp sa chu alo awm diam bawk a.


Awi, in van tizahthlak ve aw tiin ka inthlahrung hle mai a.


Kum lamah pawn kei aia u daih an nih avangin ka zak ve ani.

ka ril atam tawh bawk a, ka eitui kher mai,

An tawngkam tha chu ka umzui ve bawk a, ka ei teuh mai leh nghal.


Chaw te ka eikham hnu chuan ka puan sin tur leh lukham min rawn pe a, thutthleng sei ah chuan mu mai turin min ti ta a.


Anni thian dun pawh chu a tlai deuh tawh avangin an mu ve nghal a, kei erawh chu ka lo muthilh sek tawh avangin ka harh leh lawi a.


Mi hausa chu an nilo, enge an thawh pawh ka ngaihruat thiam, zanrei taka inchei taka khawlai a vak, zu rim nam deuh thur thur bawk si chu ka ngaihruat thiam mai.


Mahse ei leh in tur, riahna min pe tu te an ni thung si,mi hausa inrela ka riah khan mi awmtha duhlo tiin min chhuah anih kha.


Ka ngaihtuah na chuan ramtin a fang a, khua alo var anga, engtin nge ka awm zel ang tih chu ka rilru hahna a ni.


Khawvar dawn hnaih ah chuan ka muhil ve leh ta a, ka mutui khawp mai leh nghal.


Ka harh hlawl a, rang takin ka tho nghal a, ka inthlahrung ve em em ani, alo la reh thap a, ka sana chu kan en a, 8:30 lai alo ri tawh a.


An pindan puan zar chu ka va keu dek dek a, an lo la mutui khawp mai, ka thaw huai thei.


Ka kal mai dawn nge aw ni ang, lawmthu em pawh sawi loa han kal daih chu ka hreh angreng hle bawk si.


An thawh thleng nghah chu tha ka ti ta zawk a, an hmun hnawk vel te chu ka lo tifai a, ka lo phiatfai hliau bawk a.


Chawhmeh awm ang ang chu ka lo siam a, rawng te ka bawl peih vek a.


Tihtur dang a awm silo, ka mu zal ve leh ta tawp a,


Dar 12 dawn ah an rawn tho chhuak ve hram a,


I mutui em? tiin min rawn zawt nghal a.


Mutui teh reng mai, ka mu na sa lutuk tiin ka chhang let a.


Hmai te an phih fel sawk sawk a, ka bulah chuan an rawn thu ve a.


In lah chu ilo tifai vek leh nghal a, hahdam deuha lo mut mai mai tur che alawm ati siam siam a.


An tawng duh em avang leh min biak reng avang chuan kei pawhin ka nel nghal vat a.


Nizan lam boruak te sawiin kan titi a, ka chanchin te pawh chu an bulah chuan ka hrilh ta vek a.


An hmel landan atang chuan an ngai thla uluk hle a, min khawngaih hle tih pawh ka hai lo.


Ti chuan kan pathum chuan ro kan rel ta a..
an bulah chuan ka khawsa rih dawn ani, chuan upuia lo haw tawh leh tawh loh an nin an thlithlai thung ang tiin.


Chhun lamah chuan in ah an awm thin a, zanlamah erawh an chhuak thin thung, zawh kher ka tum lo , ka hrethiam nghal vel, keiin in lamah a tul tul ka lo khawih thung a.


Ni li zet ka awm ta.


Mercy, zanin chu kan rualin lo chhuak ve la , Puia chu kan ko chhuak anga, chuan in ah hian in lo let dun leh mai anga tiraw?


Alo haw tawh in ring Ami? tiin ka zawt vat a.


Aw haw tawh dawn e, vawiin inrinni ania ,Sunday cham chuan an riak lo tawp ang.


Ni pawh ka lo hre tawh lo reng reng, u lindai thusawi chuan min van ti phur teh reng em.


Zanriah kan ei Kham a, anni thian dun chu an dan pangai te bawkin uluk takin an in chei leh malh malh tawh a..


Ngawi rengin ka lo nghak a, rei tawk tak hnuah chuan an inpeih ta a, an rim pawh atak tha ngang mai, rimtui tinreng in an inkap ani ringawt.


Upuia te in lam chu ka panpui ta a, ahla angreng khawp mai, mahse zantira chhuak kan nih avangin ala reh lo a,a ziaawm phian.


Darkar khat vel zet kan kal hnu chuan upuia te in bul chu kan thleng ta a, hla deuh hlek atang chuan pawn a athian te nen an thu chu ka hmu thei, a pian zia atang chuan ka hai lo.


Ka zah avangin alang lo chinah ka lo awm a, ulindai chu ka hrilh vek a, alai athu tawnzau dum ha saw amah anih thu pawh.


Ufaki nen chuan langlo chinah kan lo awm a, ulindai chuan ava pan nghal a.


An sawi hre theilo mah ila engemaw chu an sawi ani, upuia chu inchhungah alut a, t shirt a rawn keng chhuak a, ulindai nen chuan an rawn inzui phei ta hnak hnak a.


Kan awmna chu an rawn thleng phei thuai a, upuia hmel ka han hmu chu ka dam sawng sawng mai.


Naute nang maw? enge awmzia ni a tiin min zawt ha a.


U lindai chu a rawn inrawlh vat a, thil tam tak leh thui tak ani, kan in ah lo va phei ula ,in sawidun dawnnia tiin.


Taxi rawn tlan chu an lo phar ding a, kan kalsan phawt ang che u tiin min bye bye ta nghal a.


Zak tak leh zam takin ka ding reng a,


Upuia chuan mercy eng thil chiah nge i chungah thleng a? chuan khami te kha tute nge tiin min zawt a.


Phei phawt ila , chuan kan sawi dawnnia tiin ka chhang a.


min hnial lemlo chuan min zui ve ta a, ka ngawi reng a, sawi tur ka van ani.


Ka kutah min rawn kai a, kal hrang daih lo la, ka bul hnaiah te kal ve la ,i iduh leh nulh thin tiin min pawt deuh dat a.


Thil ho te te sawiin kan kal dun zel a,

A va hla reuh ve, keimahin ka haw ngam tawh dawn mi ati kual vel bawk a.


In chu kan thleng ta a, kawngka te ka han hawng a, kan lut a, thutthleng ah chuan insi rialin kan thu dun a.


A darah chuan ka bei hle hle a, ka thla hi a muang hliah hliah.


Ka Bawihte, enge thil thleng chu min han hrilh ta che tiin bul a rawn tan a.


ka chanchin zawng zawng chu ka hrilh fai ta vek a, ka vahvaih dan te, riltama ka awm dan te, ka nipasalin kut min thlak dan zawng zawng te nen chuan.


ka lung chhe lutuk chu ka tap zawih zawih bawk a.


Ka naute, ilo van tuar nasa tak em , ka awm loh lai kher kher in, bang tawh rawh le, i bulah ka awm tawh a, engmah buaina tur a awm lo tiin ka mittui chu min hruk hul sak mial mial a.


Ka insut feih feih a, ka kut chu la in a fawp a, ka naute hian hreawm a tuar tawh lo ang tiin a phun sap a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:34 pm

Mahse upui ka la naupang si a i chhungten kan inneih hi rem an ti kher angem le tiin inthlahrung takin ka zawt a


Lungngai suh, ka awm alawm a ti sam et a.


Kan awmdan tur te chu a sawi zung zung a, an in lama kan haw tur thu te pawh.


Naute, thil i hriat tur pakhat ka hrilh ang che aw...


Umm , enge a?


Ka nu hi nu zaidam tak ani lo a, zanin kan haw hunah pawh a thin alo rim maithei, a ang tun tun zel a, mahse a reh leh mai thin, chutianga alo awm anih chuan ngawih reng tur aw.


Awle, tiin ka chhang ringawt a, diktak chuan pasal han nei tur em chuan ka la naupang lutuk a, ka lungngai ve ngawih ngawih


Engkim kan sawifel hnu chuan ka kenchhuah sa ka thahnaw ah na bag chu min ah sak a, an in lam pan chuan kan haw ta a.


Ka hreh lutuk chu muangchangin ka kal a, mi mo ka ni mai tur chu mak pawh ka ti em em ani


Enge i ngaihtuah veng veng a?



Upuia min biak na pawh chu chhan dan ka thiam lo, ka lungngai lutuk ani ber.


Za lo takin ka nui lui a, engmah ka ngaihtuah lo, tiin ka chhang a.



Kawng tluanin ka kut ah akai a, kan thleng thui telh telh a, ka zam telh telh thung si.


A tawp a tawp ah chuan upuia te in chu kan thleng dawn ta reng mai.


Ka lungphu chu a rang teh e.


Kawngkhar chu a inkhar a, kan luh hma chuan ka han ding deuh dat a.


Upui, an mut vek hnuah lut mai ang tiin ka hreh thu chu ka hrilh a.



Angai lo atih tlat avang chuan a thu chu awihin ka zui lut ta rawih a.


Sitting room ah chuan a nu leh pa leh a farnu chuan TV an lo en a, an mengrei viau mai.


Sitting room ah chuan kan lut tlang ve nghal a,


Thu rawh atih na thutthleng sei ah chuan inthlahrung takin ka thu a, ka hawi chhuak ngam meuh lo.


Upuia pawh chu ka bulah a thu ve bawk a, ka bag chu thutthleng sir chhuatah a dah bawk a.


Mama hei enge a awmzia? Khawilam mi nge i rawn hruai luh a?
a sawi lawk ang ngeiin a nu tawngkam chu ngaihthlak a nuam lo tak zet.


Ka nu, mercy- i ania, kan rawn haw dun anih hi.


Mak an tih ve em avangin tumah an tawng lo.


A nu chu room ah a lut a, Upuia chu a ko lut bawk a.


Engemaw a sawipui a ni mahna, nuam tilo tak chuan ka lo thu ve reng a.



Upuia pa emaw, a farnu chuan min biak reng reng an tum lo a, a hreawm takzet.


Minutes sawm hnu velah upuia leh anu chu bedroom atangin an rawn chhuak leh a.


Eng tak chu rawn sawi dawn ni maw tiin ka lo nghak tawp mai ni.


Mercy, i hmel en reng reng pawhin naupang mai ila ni tih a hriat a, tute nge i chhungte ni reng reng tiin min zawt ta a.


Min zawhna rul tawk lekin ka chhang a.


Kum engzat nge inih tawh tia min zawhna chu hreh takin 16 ka ti sap a.


Ekhai, pasal nei rual pawh ila nilo reng reng, achi loh lutuk, thil a buai hma in haw leh vat rawh min ti ta hlawl a.



Pasal neih iva duh hma reng reng ve, nula pawh ila ni lo a, i chhungte pawhin an remti dawn lo reng reng, kum 20 inih hma chu pasal neih rilru pu reng reng suh min ti ta tawn tawn a.


aw emaw aih emaw pawhin ka chhang lo.


Puia hian ava thlah ang che , thil tih chi a nilo reng reng ati tun tun a, zan hreawm tak ani.


Upuia lah chu a ngawi reng mai si a, ka rilru a hah em em mai a, ka kut chu ka nuai ka nuai ringawt a.


Mama, a tlai chhiat hma in va thlah vat rawh, kal rawh u a tih takah chuan ka zak leh rilru na lutuk chu ka bag ka la vat a, hmanhmawh takin ka tlan chhuak nghal a.


Chak takin ka kal hlawk hlawk a, zahna leh vanduai intihna avang chuan ka mittui a luang zung zung bawk a.


Ka awm alawm, lungngai suh min ti kha ani sia, vanduai na dang leh bawk ka tawng leh chu ka tuar thiam lo tak zet.


Rilru pik takin chu zan reh takah chuan ka kal hlawk hlawk a.


Ka hnung ah chuan min rawn um tu an awm ani, a rawn tlan hlawk hlawk a.


Naute, lo ding lawk teh !
upuia ngei ani.


Ka thinrim avangin a aia chakin ka pen a.


Min rawn umpha thuai a, ka banah min rawn chelh a, ding lawk teh a tih leh a


A kut chu ka theh thla thuai a, min kalsan rawh, haw rawh tiin ka chhang let a.



Thil sawi dun lawk ang, remchang laiah thu lawk ang tiin zaidawh takin min han thlem leh a.


ka mittui chu ka hru mawlh mawlh a, engmah sawi dun tur kan Neilo, min hawsan rawh ka ti leh hmak a.


I ti tak tak maw? ka hawsan ang che maw? a awki atang chuan a thinrim ve deuh tih ka hre thei.


Ka tang laklawh ve tawh bawk nen , haw rawh tiin ka chhang leh a.


A tawp nan ka zawt nawn leh ang che.
Ka haw dawn em? ka mitah tak chuan min en ta ran a.


Min hawsan se, khawnge ka kal chuan ang? ka vakvai mai dawn ani si a.


Leiah chuan ka thu hnawk a, ka kun a, ka hmai ka hup a, ka tap tlawk tlawk a.


Upuia chu a rawn thu ve a, min rawn kuah a,
Naute, ka kalsan dawn reng reng hlei che nem, ka chhungten phal lo mahse kawng dang kan la nei alawm tiin min hnem mawlh mawlh a.


Bang tawh rawh le, tho la , sawlai ah sawn thu ila thil sawidun lawk ang atih avangin thuawih takin ka zui ta a.




Kan piah deuh waiting shed ah chuan kan thu dun a, kei chu ka ngawi reng a, sawi tur ka hre lo.


Naute, ka thianpa te khua ah kan kal anga, tah chuan tuma tihbuai lohin kan pahnihin kan awm dawn nia, i duh em?


Ka lu ka bu nghat ringawt a.


Nuam chu iti lo maithei, thing tlang khua ania, mahse kan pahnih a kan awm dun theihna anih phawt chuan a pawi lo tiraw?


Pawi lo tih bakin ka chhang lo.


Ka rilru a buai deuh tlat a, ka rilru ah mahni inkhawngaih na chu alian em em mai bawk si.


I duh vak lo mi? min va chhang tha duhlo ve tiin a rawn tawng chhuak leh a.


Upui, thih daih zawk mai hi ka Chak, engatan nge ka dam reng le? khawvel hi ka tan a hreawm emai ka ti chhuak ve ta a.


Chutiang an sawi ngai lo, hreawm ituar reng bik dawn hleinem, naute a eng zawngin thil thlir hram hram rawh aw, engkim ala tha vek mai ang.
min rawn kuah a, a awm ah chuan ka bei hle hle a.


Kal ang le tiin ka ban ah chuan min kai a.


A ngaihna ka hriat loh em avangin khawiah tiin ka zawt let vat a.


Ka thianpa te in ah kan kal anga, zanin chu kan riak phawt anga , naktuk zingah kan chhuak dawnnia tiin min chhang a.


An veng tho, veng thlang lamah chuan min chhuk pui a, lung muang takin ka zui ve zel a.


Zan te arei tawh a, mi lah chu an mu reh thap tawh a, a thianpa te han kaihthawh leh pawh chu a nuam zan lo.


Thui pawh kan kal lo, a thianpa te in chu kan thleng ta a, a thim thap tawh a, an mu tawh ani tih a hriat theih mai.


Upuia chuan kawngka chu an kik dat dat a, an harh mai thei silo, a aia ringa kik pahin Fela tiin a ko pah bawk a


A hnu fe ah kawngka chu an rawn hawng ta a,


Ehe....Enge a awmzia? tun ang hun ah te tiin mak alo ti viau.


Lut phawt ila ka hrilh ang che tiin in chhung ah chuan kan inzui lut ta hlawm a.


Hei hi kan nu mercy-i ania, naktuk zingah siama te khaw lamah kan kal ang a han ti te te a.


A thianpa fela chuan mak a tih hmel viau, kan chanchin engmah ala hriat loh vang te pawh aniang.


Thil awmdan chu upuian a hrilh fiah hnu chuan min khawngaih dun viau mai a.


An nu mu Tui lai chu a kaitho a, kan pali chuan kan thu thap a, ro te kan rel tlang a.


Fela nupui chu a fel ngang mai, min be nghal bawrh bawrh a ,hreawm ka tih a hlau hle bawk.


Thingpui te a lum bawk a ,zan a rei tawh hle a,chutia kan tibuai chu ka in thlahrung viau mai.


Engpawh nise,mu hahdam phawt ula , naktuk tut tut ah kal suh u, siama te ina han thlen pawh in tan a nuam dawnlo a ,hetah awm rih ula ,ro kan rel tha dawnnia tiin an in huam zau khawp mai.


An in chhung en chuan an khawsa thei vak bik lo, nupa a awm an ni tih pawh ka hrethiam mai.


Chhuatah chuan kan mutna tur te chu min siamsak a, hahdam leh thla muang deuhin mu rawh u tiin kan in mangtha a, an ni nupa pawh chu an mu ve leh nghal a.


Ka pasal kiang ah ka mu ve ta chu ania,mak ka ti viau a, ka zam hle bawk.


Naute, i chau em? i mut a chhuak tawh em? ka lam a rawn hawi a, a nui sen sen a.


Chhuak lo e tiin ka chhang a, min rawn kuah a, ka taksa a khawih vel chu a tim vek.


Ka mitthla ah ka pa alo lang a, tenawm taka min khawih lai vel te chu alo lang chuai chuai a.


Ka ten lutuk leh ka rap em avang chuan Upuia min han kuah vel pawh chu nuam ka ti hauh lo.


Tinge ka khawih iduh lo mi? nupa kan nih tawh hi tiin a hriatthiam loh hmel hle mai a.


Mipa hi ka ten, ka hua tiin ka chhang ringawt a.


Ka hrethiam che naute, mahse keini chu nupa kan ni tawh alawm, zaidawh takin engkim hi min hrilhfiah thlap zel mai.


Chu zan chu ka tan chuan zan hreawm leh thil hlui min hriat chhuah tirtu zan duhawm loh tak ani, mahse engtik ah maw chuan ka la theihnghilh ve ang.


Zing ni chhuak chuan ka hmai takah min rawn en at mai, mut ka Kham lo viau na in mikhual mai kan nih avangin ka inthlahrung a, ham bai bai chungin ka tho chhuak a.


Upuia erawh ala mutui hle mai,tih harh hlau takin ka thawhsan ta a.


Fela nupui chuan rawng a lo bawl tan mek a, min hmuh veleh a lo nui ver ver a.


Iva tho hma ve , engmah tih tur a awm chuang lo a, la mu hahdam ta che min lo ti vat a.


Zak ang reng takin a thutna ah chuan ka va thu ve a, enge tihpui ngai te ka va zawt ve a.


A tul ang ang chu ka tihpui a, kan ti ti bawk a, kan inkawm ngeih phian mai.


Dar sawm dawn ah upuia chu a rawn tho chhuak ve ta a, ka lai tak zet, a mitah ka en tha ngam lo.


Nizan lam te in mu tha maw? a nui sak a, Fela tawngdan chuan ki aneih em a
vangin ka Zak lutuk chu ka bing deuh map mai.


An thian dun chuan an Indian
bawrh bawrh a, tukthuan te kil ho in kan hlim tlang hle bawk.


Puia, tinge siama te khaw lam daiha awm chu i rilruk a?


Hmun hla deuha kan awm angai alawm, chhungte hlat deuh hlek ah tiin a chhang a.


Abuaithlak hle mai, i nute chuan inneih remti mai se hengah te hian awm ve mai ula a tha tur .


Fela leh upuia titi chu ka ngaithla reng a , ka tan a inpekna leh a inhuam na chu mak ka tia, min hmangaih hle turah ka ngai bawk.


thil lo la thleng tur leh ka tahna ti tamtu ani dawn tih reng ka hre silo.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)