MERCY by Mpi Hmar (Completed)

[Ngaia]

Davida hian zualtei alo duh zawk a nih pawhin ka tih theih a awm lo tih ka inhrechiang em a, bakah bialpa te sa hauh ti na deuh ang hi nih ka duh lem lo.




Zualte in Dave a tih dan hawr hawr erawh chu hmuh a nuam zan thin lo, thikna nen ka enliam chang pawh a tam ve thin khawp mai.





Hun leh ni te kan hmang ral ve zel a, thlasik boruak nuam tak pawh a rawn inher chhuak leh ta a.





Lung a leng duh khawp mai, kan zirlai pawh kan zo ve teuh tawh khawp mai.




Mitin mai chuan duhthu kan sam a, athen chuan dawr hawn vat te, training school din ve te chu an sawi ri nak nak thin hlawm a, bul tanna nei ve talo chu sawi tur a vang bik thin khawp mai.





Happy birthday bawihte!
I van chhe lo tak em, ka rawn kal tlai iti em?
A hnung lam ah chuan engemaw ni hi a hum deuh tat bawk a.





Nui sen sen chungin a nghawng ah ka lo kuah vat a, ka nghak rei tawh lutuk che, pangchang tak hian ka melh bawk a.





Itan thil ho te ka rawn keng a, kha le, i birthday gift tur.




Parcel ah a in pack thlap a, sarang mawi taka tuam niin ribbon a chei a ni bawk a,





Ka lawm lutuk duhtak Dave!
Eng thil nge ni ang aw, ka hawng chhin dawn aw, ka lawm em avangin ka nui ver ver bawk a.





Ka hringnun ah a vawi khat nan thilpek ka dawn ve na a ni a, ka hlim zia chu sawifiah thiam a ni lo.





Amuana lo let hun ah muang changin kan chhuak anga, kan dine out na tur lam kan pan dawn nia aw, chumi hma chu zalen deuhin kan awm thei.





Ka rilru ah thildang engmah a leng tawh lo, ka hawng chak zek zek tawh a, ribbon mawi tak tak te chu ka phelh mawlh mawlh a, ka birthday gift ka han hmu chu ka phu zawk hial.






Phone hmai hlai, nawrh tawlh ngei mai, khawpui mite leh mi hausa ho chauh hman tura ka lo ngaih thin leh ka neih ve ka rinphak ngai lo thil ani tlat.





Ka han lek kual vel a, ka van lawm tak em, nui sen sen chung hian min lo thlir reng a.





I duhthu asam em? Ka duat mercy.




Sam lutuk a, ka awih lo zawk, hetiang te ngatinge min leisak a? A to dawn tehlul nen, ka van phulo tak Dave.






I phu lutuk, i phu ber zawk alawm, chuan khami kha chu gift chauh ania, thildang gift ropui ber pek leh che ka duh a, iduh angem?





Ka en deuh ha a! Eng gift nge mawni le ka ti rilru nauh nauh a, ka duh ani tih entir nan ka lu ka bu zauh bawk a.





Chiang em em hian min en kalh a, mercy bawihte, thil dang zawng zawng aia hlu leh ropui thilpek duh che ka nei a, chu chu ka thinlung leh ka hmangaihna hi ani.





Vawiin ni hian pek nawn leh che ka duh ani,
Mercy, ka hmangaih che! Ka hmangaih lutuk che.





Dave, kei pawh in ka hmangaih che alawm, i thil min pek chu lawm takin ka la nawn leh e,
A darah chuan ka bei hle hle a, duat em em in min kuah vawng vawng bawk a.





Ka thil dawn chu han khawih vel pawh ka chak viau na in, ka thiam dawn loh em avangin ka zak ve deuh a, in lama haw hlan mawlh chu ka nghakhlel tawh ani.





Dar nga dawnah dave a thianpa, amuana chu a rawn let leh a,





Kawngka a rawn thlen rual chuan a aw a rawn thian karh karh a, muangchang in a rawn lut a, a rawn nui lut nghal ngawt bawk a.





Ka lo haw hma em? In lo hlim bawk em a rawn ti lut nghal zat bawk a,





Haw hma lo ve, kan lengrei tawh alawm tiin ka lo chhang vat a, dave a mak ve na em em chu fianriala kan awm pawhin ka lakah rilru diklo a pu ngai miah lo hi ani.






Insiam la, kan chhuak dawnnia.
A thianpa amuana chu ka birthday puala dine out ve turin a sawm bawk a.





Amuana insiam peih hnu chuan Davida motor ah chuan kan chuang ho a, chawei turin kan chhuak ta hlawm a.





Ka hringnun ah hian engtik lai mahin hetiang hun leh nun hi ka hman ve ka ring phak ngai lo, mumang te pawh a ang rum rum Zawk mai.





Hotel nuam leh thianghlim tak, han hawi vel pawhin bal lai reng reng hmuh tur awm lo, changkang em em ah chuan dawhkan kan kil ta ran a, chaw leh chawhmeh tuihnai tak tak mawi taka chei te chu an rawn chhawp bawk a.






Ei teuh rawh ang aw mercy, i birthday pualin chaw tuihnai tak ka ei ve theih phah a, awm lo la chu in ah chawhmeh thing nen ka ei leh nawk nawk dawn sia,





Fiamthu duh tak ani tih ka hre thei nghal mai, a nui sang reng bawk a, a nelawm khawp mai.





Dave a nen chuan kan thudun ran a, dawhkan hnuai langlo chin atang chuan ka kut avuan reng bawk a,






Zanriah te kan ei kham hnu chuan reivaklo kan thu chawl a, kan chhuak leh ta a.





Fanu nei ka nih leh ka ngaihtuah thin zia hretu a ni bawk a, zan lama han lehvah te chu chakawm viau mahse hma takah min thlah ta Zawk a.





U mercy, i van hlim hmel em em, i rawn nui lut ringawt a!




Ka nau chuan ka hlim hmel chu a lo hmuh hmaih lo na sa, ka inthlak fel hma chuan ka thil dawn chu ka ni te nufa hma ah chuan ka han show kual vel a, kan phul hlut hlawm a.






chutiang phone changkang chu ka vawikhat hmanna anih avangin tihdan vel lah chu ka thiam lo nasa mai a, ka ni fanu chuan eng eng emaw min han hrilh fiah ve a, tunlai khawvel changkanna in a ken tel inbiakna hrang hrang te pawh chu min siam sak ve bawk a.






Hehe! Ka duati pawhin whatsapp a hmang ve ta, kan inbe reng thei dawn ta.






Chu msg rawn lut ve ngawt chu ka chhiar a, mak ka tiin khawvel changkan tawh zia, changkanna ka la pawh ve loh zia te pawh ka inhre uar uar mai.





Ka nau chu alo nui sak a, a chhan let dan turte, a tih dan velte chu min hrilh mawlh mawlh a, ka man ve zung zung bawk a.





Chumi zan chuan dar khat dawn thleng kan inbe hial a, nuam ka tiin dave a hi ka bul maia awm reng ang hialin ka ngai ani.






Zing khua alo var a, ka phone chu ka bih hmasa ber ziah a, min lo wish hman ziah bawk a, tlangval murei tak chu ani lo tawp ani tih ka hre chiang hle.





Mercy, uluk takin inpuahchah rawh aw,he competition ah hian hnehna changtu ini ngei tur ani, tuman i dinhmun hi an luah ka phallo.






In puahchahna tha tak ineih theih nan kar hnih khat chu kei pawh ka rawn lang lo ang, puih ingai anih erawh chuan engmah sawi hreh lo la aw.





Tehreng mai, mahse kei aia thiam an tam emai, pakhatna chu ka nih ka ring lo, mahse theihtawp erawh ka chhuah ang.





Tha lutuk, anih chuan tun atang khan bei tan mawlh mawlh la, ka rawn be buai rih lo ang che aw, ka ngai che ka duat mercy tiin kan inbiakna chu a rawn ti tawp ta a.







December ni 18 ah hian zirlaite titha ber thlanna a awm dawn a, kan chhuah tep tawh avangin tun hi kan tan hun pawimawh lutuk tak mai ani.






Designer thiam leh hmingthang tak tak ten min endik sak dawn a, kan hmalam hun atan kan dinhmun siamtu anih dawn avangin mitin mai chu kan inpuahchah na sa hle mai a.





Kei pawh ka theihtawp chhuah ka duh avangin leh hun atam tawh loh avangin zan lamah pawh ka beirei thei ngang mai, dave a nen pawh kan inbe khat khawp mai, chhun ah class ah kan inhmu a, zan lam ah erawh ka buai em avangin ka be meuh lo.






Magtha aw bawihte, kan inbe thei mang silo a, ka ngai tawh lutuk che, itan theihtawpin ka tawngtai reng ania.





Mangtha le, ka lawm lutuk e ka duat, kei pawh ka mu tep e tiin ka mangtha thuai a, ka hna ngai chu ka khawih zui nghal mawlh mawlh a.






Competition atan ni thum chauh a awm tawh a, design hrang hrang sawm theuh buatsaih tura tih kan nih pawh ka inpeihfel ve ta.






Kan endik tuten engtin tak ngai ang maw? Nalh an ti ang nge ti lo ang le, thing an ti viau anga tih ngaihtuah reng reng chuan ka buai ve viau mai.







chumi zana ka hak tur thawmhnaw pawh uluk takin ka thui ve bawk a, nalh thei ang bera inlan ve chu ka duh ani.






Class kal tawpna ber ni ah chuan ka chau lutuk chu ka lo muthlu leh lawp lawp thin a, kan tihdik loh lai emaw enfel ngai te enfelna ni ah kan hmang a,ka bei na sa bawk a, ka taksa alo chau deuh nen ka lo bu leh lawp thin.






Ka phone a rawn ri dat a, ka harh zawk a, ka han en a, hmun leh hmun ah dave an min lo bia chu niin.





Ka bawihte, muthlu reng suh, he inelna ah hian itan mutthluk a rem lo, i zo tep tawh ania!




Ka nui khi ver ver a, ka chhang let lem lo.






Enge inuih vur vur a, ka hre ve chak ania, min lo hrilh ve tiin a rawn phul leh hlut a.





Engmah ani lo, ka nui mai mai tiin ka khawih lai chu ka khawih chhun zawm vr leh nghal mawlh mawlh a.







Ka ning e! Alo kal leh tawh nia, hneawm lutuk hr nu hi a!





Ka thiannu jacintai chu a phun bul bul a, zualtei lo lang ve thin hi a lo kham em em ringawt a, an ta ani miau a, keini lo dan theih ani silo.






Enteh, hawi phei teh, a zaklo e, ka ten tawp, hem huam a, Davida lah hian alo be tha her hawrh thei sia.





Ka ngawi reng a, ka chhang lem lo, en kher pawh ka tum lo, ka hna chu ka thawk mawlh mawlh a.






Ka mit sir chuan ka va melh leh zawk thin, an titi dun mawlh mawlh a,
Chhuah tum niawm taka an tho uaih pawh chu ka mitsirin ka hmu thei.






Chutia an chhuah takah chuan ka en ve ta a, zualtei chuan Davida darah kuah titih, vuan deuhreuh hian a kut a dah a, pawn lamah an chhuak dun ta a, enge an tih dawna Khawnge an kal dawn erawh ka hre lo.







Thiani, imak ve ngawt mai, kei ka bialpa nise ka en liam mai mai thei teuh lo mai, engtin nge mahni bialpa te midang nen inpawh taka an awm hi i hmuh theih thin le? Kan in care tawn tur ania, in ngaizawng te inkarah tumah thian dang an leng tur ani lo a ti mawlh mawlh a.







Ka thiannu hian min fuih na sat lutuk vang te pawh aniang ka thin a rim ve deuh riau mai.





Ka phone chu ka phawrh vat a, ka thinrim ve deuh bawk nen dave a chu msg ka va thawn ta tawp a.






Khawnge in kal dawn a? I bialnu alo lan hi chuan nuam hi iti thei khawp mai tiin.






Min chhang nge chhang lo chu akhat tawkin ka en reng a, ka msg chu a hmu lo a, min chhang hek lo, ka thin a rim em em a, ka thiltih pawh ka tui thei tawh lo.






Tlai ban dawn thleng mai chuan an rawn let tawh hek lo, thinrim tunin ka haw hnak hnak a, a tuk mai a kan hun hman tur pawh chu phurna pawh ka nei tawh lo.







Zan dar sawm a ri ta hial a, min la chhang lo!







Ka ngaihdan apel lutuk tawh, zah pawh dawn loin ka va call ta pawp a.






Vawithum vel a in ring hnu chuan an rawn pickup ta a, mahse Davida ani lo thung, zualtei alo ni reng mai.







Khawnge Davida? No le lo tak hian ka han zawt a.







A hman lo, enge i sawi duh a? Ka lo hrilh mai dawn mi?






A mah ka be duh ka ti ve ta hmak a.





A la buai, a hman lo tiin phone chu a ti tawp ta nghal a, ka thinrim lutuk chu ka sa pup pup mai.






Zan dar sawm ah pawh zualtei nen an la awm dun a maw? Chuan a phone pawh a kawl sak a, bumin ka awm zawk em ni le,






Ka vei tawn sek a, ka thaw hak hak a, ka thinrim na chuan min bual hneh lutuk ani.







Ka be tawh bik lo ang, Khawnge an kal a, enge an tih hi hriat ka phu ve asin, nge hriat ve hi ka lo phu miah lo zawk le?






Thinrim tun Chung chuan ka mu tau a, muthilh erawh a har, rilru in thil tam tak a dap kual a, a chhe ber thlengin ka dap kual vak vak bawk a







Ka lo muhil siar siar a, ka phone ri chuan min tiharh hlawl a.






Ka han en chu Davida call alo ni a, ka chhang lo thung, Hei leh chen hnu ah eng insawithiamna mah ngaihthlak ka duh lo.







Vawi tam min rawn call a, ka chhang duh lo tluan parh a, biak chu ka chak teh meuh mai, mahse mercy luhlul a chhuah tawh hi chuan luhlul tak ani tawp.







A msg pawh ka en duh lo a, muthilh san tumin ka fanu lam ka hawi hmak a, bawihtei chu ka kuah hle hle a, rei vak lo ah ka lo muhil ta reng a.







Thlasik ni chhuak inher vel chuan kan room tukverh tak chu a rawn en chiang ngang mai, ka hmai ah tak ni eng in a rawn chhun takah chuan a harh loh theih loh.






Ka dan ngai te bawkin ka phone chu ka han en leh phawt a, dar riat leh a chanve lai alo ri reng tawh mai, thawh ka hai chiang ngei mai.







Davida chuan vawi tam min lo call leh chu niin, be let lem lo chuan ka tho chhuak ta zawk a.






Kan thawh tlai tehreng nen ka chhungte pawh tumah an lo la tho lo, a la reh thiap mai a, thawh an hai ve anih ngei hi tiin rawng ka bawl tan mawlh mawlh a.







Ka fanu duat em em chu thingpui leh chhang ka lo pe vat a, kan nufa chuan kan in mawlh mawlh a,







Ka chhungte pawh an rawn tho chhuak ve ta a, thawh kan hai nasat hlawm em avangin dar sawm ah tukthuan kan ei hman hram a.






Ni, zanin chu rawn kal hma rawh u aw, thutna tha in chang lo palh ange, nalh takin rawn inthuam ula, a hmunah kan inhmu dawnnia!







Ni e, kan rawn kal hma ang, inau lah hi a phur tawh em em mai a, nalh loh a hlau lutuk a, i thawmhnaw thuisak lah a duh zawng tak mai ani bawk a, a in teh deuh chhen mai a, kal loh chi nang.






Tukthuan kan eilai chuan kan titi ho bawrh bawrh a, zanin chu ka chhungten min rawn tawiawm theih dawn avangin ka lawm hle bawk.






Tih tur tul ang ang te kan tih zawh hnu chuan uluk takin ka inbual fai a, ka insiam tan nghal der a.






A khat tawkin dave a chuan min rawn call reng a, ka titau laklawh bawk nen ka be duh thak lo.






Chu zan khawvawt tak a ka hak tura ka thui kawr leh kekawr suit chu ka han inbel ve ta a, pheikhawk sang tha tawk tak ka bun bawk a.







Mi tihdan te hria in ka sam te pawh ka ti kawi kual ve a, thlasik khawvawt tak ah chuan lipstick sen lar tak hi a inrem ka tih avangin tan thar hlim ang maia sen in ka in hnawih bawk a.







Uluk taka ka insiam zawh hnu chuan dar thum a lo ri reng tawh mai, kan model te nen rehearsal neih angaih avangin hma takah ka chhuak ta a.







Ka thlengphei thuai a, a ngai bawka kan tih avangin mahnia kal vel pawh chu ka buai lem lo, ka confi ve sawt viau tawh.







Ka thlen phei chuan backstage lam ka pan nghal a, engkim peih fel ani tawh bawk a, a changkangin a nuam khawp mai,








Backstage ah chuan an lo awm nual tawh a, an zing ah chuan ka va tel ve nghal a.






Davida erawh alo awm lo thung, ka ngawi reng a, ka tih tur ka ti mawp mawp a.






I van cool em em!
Tinge i ngawih reng a?




Ka thiannu min biakna pawh chu ka chhang tha peih lo, a lo phi buai ve reng pawh chu ka hne ve deuh tlat.







Dar nga rik dawn ah chuan Davida leh zualtei pawh an rawn inzui lut leh nawlh a.




Kawngka lam hawia ka lo din lai tak anih avangin hmuh loh theih anni silo.

Ka mit ka lasawn thuai thung a, zualtei min han melh vel dan erawh chu a nelawm lem loh.







Davida chuan min rawn bia in ka bulah a rawn kal ngei ringin beiseina sang tak ka lo nei ve a, mahse tiang chuan a ti hauh silo.





Ni e, hlauh anei anih hi, pakhat mitmei ven angai bawk si a, tiang reng reng chuan ka thei tawh lo ang, ka nat tak tak hma in ka thlah mai ang tiin ka rilru ka lo siam fel leh der tawh a.





Mitin mai chu mahni buai buai chuan kan buai a, kan inpeih fel thawkhat tawh viau bawk.






Khua pawh a thim tawh viau mai a, hall pawh light chitin rengin an chhun eng ut tawh bawk a, programme kan tan lohna chiahin min dal ta.







Ka mood a off takzet, ka ngawi reng a, hlim taka an nui uar uar te chu ka tan chuan ri bengchheng mai ani.







Programme kan tan hma deuh chuan pawn lamah ka chhuak a, ka chhungte ka lo chang ru ve deuh a, mi pawh an rawn kal tan tawh a, motor te, two wheeler te pawh an in inzui duah duah bawk a.







Ka chhungte hmel hmuh tumin ka ring ka lo fan ve zawk zawk a, ka hmu mai silo, pawn lamah chuan ka lo nghak ve ran a.







Ka hnunglam atang chuan min rawn kuaiher sawk a, ka pheikhawk sang bun nen ka tlu tep hial a.







Enge i awmzia a? Engvanga call la duh lo nge inih? Enge ithinrim chhan?






Dave a hmel chu a thinrim anih tih hriat tak hian a dur khuih a, a kawng a dawm vang vang a, a dar a chhin ak bawk a.







Kan inbiak na chhan tur ka hre lo, kal rawh, min tithinrim zual suh tiin ka kal sawn hmak a.






Min rawn umzui thuai a, mercy, enge thil awmzia hi? i thinrim chhan tal sawi la, mood iti off vek alawm, Nizan atangin ka call ila duh lo ringawt a.








Chutia kan inbiak mawlh mawlh lai chuan an rawn call leh ta a.







Ka rawn lut dawn, ka hman tep ti a achhan na chuan min ti thinur zual sauh a.






Va lut rawh, nghaktu che tan a beidawn thlak lutuk ang tiin ka tawng el khum hial a.







A thaw halh a, a thin a rim takzet, mipui tamna nilo se chuan kan boruak pawh a sosang viau in k ring.







Ama!
Ka fanu aw ka hriatna lam chu ka hawi thuai a, bawihtei chu a rawn tlan dawr dawr a, ka lo kuah vawng vawng a, hemi zan bik atan liau liau a ka thuisak chu an rawn haktir ve bawk a, nalh ka ti ngei mai.








Ekhai, david, ivan nalh ve aw, zanin chu hei bawihi hi kan rawn tawiawm ve dawn a, engemaw a an dawn ni, ati teh luam a.







Mi mah alo thinrim tehlul nen, hlim hmel tak chuan a be ve mai bawk a.







Ka ni, lut ila, lo va thu rawh u tiin bawihtei chu ka kai vat a, ka kalpui ta nghal a.






Backstage lamah chuan ka lut tlang vat a, zualtei chu alo phusa na sa ngang mai, a in tithu thiamin mi hnuai en lah chu a thiam em em mai bawk a.








Ka dinhmun leh nihna ka hrechiang bawk a, chuvangin hemi te pahnih lak atang hian ka inthiarfihlim vat a ngai ani.








Programme khuh hawn nan zaithiam leh lamthiam te chuan bul an han tan ta phawt a.







Kan model te pawh an inpeih ta at mai, kan design theuh te an han inbel vel chu ka enkual vel a, ka kutchhuak chu a zahpuiawm bik loh khawp mai.







Kan model te chu koh chhuah an ni ta hlawm a, in show zo hmasa apiang chu adang in kan lo thlak zung zung bawk a, tan ana bawk a, thlasik khawvawt tak hnuaiah pawh chuan thlan a sa bat bat reng mai.










Davida pawh a buai ngang mai, a buaipuitu ber an ni bawk a, an vir vut vut mai a, zualtei lah chuan a zui zel emaw tih tur khawpin Davida bul ah chuan a awm tam kher mai.








San lamah chuan kan inchen vel viau ang, feet nga leh inches 6 ka ni a, zualtei pawh chu tiang vel bawk chu ani, a hmelchhe lo a, a nalh bawk, mahse a chapo mah mah ani.










I bei nalh lutuk, nalh tak ani, pakhatna pawh ini ngei bawk ang tiin ka bul a mi chu a rawn fak chiam a, min tih el na ni berin ka hria, ka hriat tur ngeia a rawn sawi na chhan tur avang em ani.








Tluang takin programme pawh kan zo fel ta, dar sawm ahnai tawh khawp mai bawk a, model te an in show tawp ber rual chuan zirlai zawng zawng pawh stage lamah kan chhuak phei vek a.









Mipui kutbeng thawm pawh a ring tha ngang mai, anuam ve khawp mai, ka mit kan len kual deuh a, ka veilam sir deuh a ka chhungte thu tlar ve thap chu ka va hmu bawk a.








Lawmman te an han sen a, award te an han sem liam liam a, a tawp berna tur winner puan chiah hmabak ani ta.







Ka zam em em a, ka ke te chu akhur titih hial mai, ka inbeisei ngam lo ani,







Host chuan a pumpuia designer tha ber leh pakhatna a endiktu ten an thlan chu.........







A han ngawi deuh vang vang a, a nui deuh sang bawk a,






Umm, Tunah chuan kan puang tawh a, designer tha ber lawm man latu chu mercy!








Stage ah hian lo chhuak hma sela, mipui ten kut bengin Ilo lawm ang atih rual chuan kut beng thawm in hall chu akhat nghal a.








Pangpar leh lawm man te min han hlan a, keini ho chu backstage lamah chuan kan lut leh ta hlawm a.








Ka Thiante chuan lawmpuina min hlan sap sap a, min chibai bawk a, min bawr deuh laih bawk a.







Ka lawmpui lutuk che tiin akut chu chibai ngei ngaiin min rawn pe a, a hmel ah erawh min lawmpui lo tih ka hai lo, ka hmelma em em nen chuan kan han inchibai ve lawp lawp bawk a.









Mipui pawh an tin ta hlawm a, thlalak te kan duh ve avangin stage lamah chuan kan chhuak phei ta hlawm a.








Mercy i maw? I thawhrim rah iseng hi ka lawmpui lutuk che, zonuna ka nia, lo inchibai ang hmiang.







Tlangval nge pa anih ka hre lo, coat suit a ha a, tarmit a vuah bawk a, a hmel pawh a chhe lo khawp mai, nui ver ver chung chuan ka chibai a, thla te pawh kan la dun bawk a.








Min biak peih em avang chuan nel loh theih lah ani lo, dawr a neihna laite pawh min hrilh nual bawk a,







Kan la thawk ho ang chu ti raw?






Min sawm derna mah nise a lawmawm em avangin tehreng mai tiin ka chhang vat a.







I number te min pe phal em? Thawk ho turte chu inbiak a rem lohna a awm dawn em ni?







Over nisi lo hian mi biangbiak lah chu a thiam phian a, kan indinchilh ran a, ka number chu ka pe a, a phone ah chuan a save mawlh mawlh bawk a.








Chutia hlim tak maia kan awm lai chuan kilkhat atang hian Davida chuan min lo en kar mai a, ka va hmu thut chu ka phu chiang ngang mai.








A hmel chu thinrim na in a khat a, a mitmeng a diklo hle bawk.







Bawihi, kan lo va haw san mai ang che aw, in la rei deuh hmel sia, taxi kan chah tawh si a, in nghah tir reng a chi siloh tiin ka ni chuan an haw tur thu chu min rawn hrilh a,








Ka ngaihtuah chhuak thut a, zan a rei tawh bawk nen, haw na ka neih ve dawn loh avangin an ruala haw ve mai ka duh thu chu ka sawilang deuh zawk a.









Zonuna chuan kan thlah dawn che nia alo tih vat avangin ngaihtha deuh chuan min hawsan ta a.









Mi pawh an tin zo titih tawh a, kei pawh chu haw tawh mai ka duh avang chuan zonuna bulah chuan ka sawi ta a.








Ni e, atlai ve tawh alawm, ka va thlah lawk ang che atih avang chuan kan inzui chhuak ta nghal a.







Diktak chuan heng zawng zawng hi Davida vanga thleng ani, ka runluih ve hrim hrim bawk.








Pawn ah kan chhuak a, ka ke anat tawh avangin ka pheikhawk sang bun chu ka phelh vat a, chapal ka ken lawk sa chu ka bun vat a,








Lo chuang rawh le atih rual chuan a bike hnungah chuan ka lawnkai ve ta nghal a, kan awmna te ka hrilh hnu chuan kan in lam pan in kan tlan ta vang vang a.








Kan inpeng thleng min thlah hnu chuan kan in mangtha ta a, kei pawh step ah chuan hmanhmawh takin ka chhuk hlawk hlawk bawk a.









Ka hnung maiah chuan min um ni awm tak hian tu emaw hi a rawn tlan thla hlawk hlawk a, zan reilam te anih tawh avangin ka hlau angreng viau mai.







Min rawn umphak thuai a, thim zingah chuan tunge anih ka hre thei nghal.








Ka ban ah min kai nawk a, ding rawh a rawn ti tuarh bawk a.






Enge a? Ka ti vin hluk a.





Step ah chuan min hnuk chho hlawk hlawk a.








David, min thlah rawh, zan a rei tawh, haw ka ngai ka tih pawhin min kai chho hlawk hlawk mai si.








Kawng ah kan chhuak chho a, a motor ah chuan min nem lut nghal a.







Thinrim tih hriat tak mai hian motor chu akhalh vuk vuk a, a ngawi ngal mai bawk a.

[Ngaia]

A ruk tak chuan a chet dan chu ka rap khawp mai, a ngawi ngal mai bawk si a, kei lah chuan sawi tur vak ka hre der silo.







Chak takin min tlanpui vuk vuk reng a, world bank road hmun reh lam min panpui a, hmun remchang lai ah chuan a ding dawt a, a che vel reng reng chu a ti deuh sawk sawk reng a.






Khawi maw i phone kha? Ka kuta ka ken lai chu min phih thlak sak hlawk a, enge a zawn lah ka hre lo.






Davida thinrim tawh nak laiin zonuna chuan msg min lo la thawn zui.





I mu ve tawh em? Kei pawh ka mu chiah e, tui deuhin mu rawh aw tiin!






A nui deuh hak a, ka phone chu a rawn theh phei thuai a, motor steering chu a dawm vang vang a, zalo fahran hian a nui leh deuh hak thin.







Zan khat thil thu ah in inkar alo tha hman hle mai maw? Mercy ka rin ang ilo van nilo ve le, engtin nge itheih zawk a? Tiang hmeichhia, hmeichhe chaklo leh easy lutuk mai hi maw ilo nih a?







Motor seat chu a hnek deuh dawp a, ka phu nasa lutuk,






Min chhang ta che, enge i ngawih reng a, kei aiin zonuna kha iduh zawk ami? Zanin ah hian sawi chiang law law rawh,








Engtik laiin nge ka duh tih ka sawi a?zan khat thil thu ah kan in ngaizawng nghal tih engtin nge i hriat theih zawk a? Kei ai pawhin ihre zawk anih chu le.









Zan in i chetdan leh i awmdan te khan min tina takzet mercy, ka bul hnaiha awm kha iduhlo bur mai a tiraw?
Zonuna bulah khan nuam iti khawp mai, khatianga an bialnu leh mipa dang hlim taka an awm dun vel kha tu mipa mah hian an ngaithei bik lo ang.







Hun pawimawh nilo se chuan ka hnek khawp ang.






Atthlak emai a, i thin alo chhe hle mai, tiang mipa te chu neih tlak ini dawn em maw ni le? Ka rap zawng tak ini.







Ka inphah hnuai reng dawn tawh bik lo, anupui em pawh ka la nilo a a duh duh a min tih tur ka nilo tih chu ka ngaihdan ani.







Ka ning lutuk tih pahin kawngkhar chu ka hawng a, pawn ah chuan ka chhuak ta daih a, motor ngheng chuan ka ding vang vang a, zan lah chu a rei tawh em em mai bawk si, ka fanu ka ngaihtuahna chuan min ti ip zawk zawk tawh mai.






David, haw ang, zan a rei tawh a, bawihtei ka ngaihtuah tawh ania tiin thu pe aw tak hian ka han bia a, ka bulah a rawn ding ve a, i bialpa thar biak hlan i nghakhlel tawh ami?







Ka hne lutuk, kha i phone min pek hi la let rawh, tumah ka be peih lo, nang nen pawh inbiak angai lo, ka haw dawn tih pahin ka phone chu ka pe ta hmak a, chu zan reh tak ah chuan ke in ka kal ta hlawk hlawk a, ka tlan ani deuh ber mai.







Akhat tawkin motor a tlan zauh zauh tih loh chu a reh hian a reh tlawk tlawk tawh,









Thui pawh ka kal hman lo, motor chuan min rawn umphak thuai a, ka kalna tur dang tak hian a rawn ding a, a rawn chhuak a, min pawt lut nawk nawk a.









Mercy, i rilru a van lian em em, i rapthlak ka ti reuh e,






Ka tih tawh loh chuan ka ti lo ani tawp mai ni, hmeichhe duap tak ka ni lo ania.









Thawk an la halh a, ka chetdan a lo mawi tawklo anih chuan ngaihdam ka dil che mercy, khatia midang nen hlim taka in awm ka hmuh khan ka buai vek a tin ni, min ngaidam rawh aw bawihte!







Ka ngawi reng a, tun hun hi ka vei zawng sawichhuah ve na hun chu a ni tih ka hria.







Khaw maw i phone rawn ka teh ka ti ve ngat a, min pe ve mai bawk a, zualtei nen an inbiakna vel chu ka check ve ta ngat a.









Thil pawi tham em em chu sawilo mahse an inbiakna chu a tam ngang mai,







Zanin a Zualtein a rawn biakna
Khawnge i awm daih a? Min hawsan daih ami, ka thinrim teh mai ania tia a rawn thawn pawh chu ka chhiar a.








Dave, i thinrim ang tho hian ka thin a rim ve tih ihre dawnnia.







Bangbo zet hian min melh kawk a.
Engvangin maw? Ka lakah enge thinrimna ineih a?







Zualtei nen in boruak hi mi zawng zawng sawi luai luai anih hi ihre lo nge i hrelo der zawk?
Kei pawh hian hrelo ka ni bik hleinem, ka ngawi reng a, mahse in hlim dun bawk a, kei chu inthiarfihlim mai ka duh tawh zawk ani.









Huiham! Zualtei nen berkher maw?
A teuh hian a teuh lo lutuk tlat, thian ang bak in ka en ngai lo, kan inkawm ve tawp a, chu zawng chu a ni mai.







I bialnu tan hian i hmeichhe thian chu lungdam taka ka pawm theih bik iring a maw? I theih loh ang bawk khan ka thei bik lo tih ihre dawnnia.







Ilak atanga inthiarfihlim tur pawhin min ti tawh nghe nghe a, in awmdun tawh chuan in hlim zia pawh ka hmuh hmaih bik lo, in chhuak dun fo bawk a, engmah hi ka hai bik lo ania aw.








Mercy, chu lamah chuan min ringhlel duh suh, duh ni ila hman ah kan in ngaizawng tawh ang, thian ang bak in ka en ngai lo hrim hrim, chutianga i ngaihtheih loh chuan ahma khan sawi tawh tur che ania.








Ka sawi angai lo, kei pawh mipa dang lakah i mit tikham tur zawngin ka awm ihre tawh em? Ka awm ngai lo, zanin ah ka thian thar ka chhar ve a, i thinrim pui em em a, i chanah han indah ve la ka dawhthei ngawt zawk alawm ti raw.








Engpawh nise haw tawh ang, dar khat a ri mai dawn, ka chhung ten min ngaihtuah lutuk ang ka ti deuh hmuk a, lungawi lo teuh chung chuan in lam chu kan pan ta a.








Kawngah pawh kan in be tam lo khawp mai, ka thaw aveng hawk mai, ka vei em em ka sawichhuak ve ta bawk a.








Kan in peng thleng chuan min thlah leh a, ka kal dawn chuan ka phone chu min pe let leh bawk a, min mangtha na pawh chu a rul tawk bakin ka chhang tawh lo.









In ka thleng a, ka chau reuh khawp mai, mu turin ka inbuatsaih ta nghal a, bawihtei chu ka niin a lo mutpui a, mahni te chauh chuan ka mu ta ran a, zan khawvawt hnuaia chhuak kan nih bawk avangin vawt ka ti ngang mai.









Ka lo muhil vat reng bawk a, min rawn biakna pawh zingah chiah ka hmu hial ani.







zing ka han tho chhuak chu zonuna chuan min lo wish leh diam tawh a, han chhan loh ngawt lah chu ani thei bik silo, tha tak chuan ka va chhang ve mai bawk a.








Ekhai! Va tho tlai em em ve a, idam lo em ni?


Dam e, ka chau deuh a, ka murei mai mai mawle.


I chau viau ang, i thawkrim bawk si a, vawiin lam class ikal dawn em?



Aw kal dawn e, kan inbual lawk ange tiin kan inbiakna chu ka ti tawp ta daih a.








Diktak chuan mipa dang biak ka duh lo, Dave a runluih nan a ka thil tih kha a tawk viau ani, ka hmangaih hi tih nat ka duh lo, ka phallo.








Mahse davida erawh ka la be tha vak lo thung, hrem ve deuh angai ka tih avangin arul tawk bakin ka be ngai tawh dawn rih lo.







Ka thawh tlai deuh bawk avangin ka kal hma thei lo a, ka thlen meuh chuan dar sawm a pel hial tawh ang.







Zirlai zawng zawng chuan an hna theuh an lo khawih mawlh mawlh tawh a, vawiin chu ka inchei vel peih lo, kekawr tluan thawl deuh hek hawk ka ha a, jacket lum ka ha leh tawp a, sneakers ka bun a, ka sam ka thlah deuh hnuang bawk a.









Room a ka lut tlang lai chu davida chuan min lo en kar a, kan boruak a tha vak lo bawk a hlim hmel a pu lo khawp mai.








Ngawirengin hna kan thawk mawlh mawlh hlawm a, chhun chawlh alo hun a, a mah melh eih lo in ka tiffin nen pawn lamah ka chhuak ta nghal hmak a, min melh zui vawng vawng ani tih chu ka mitsirin ka hmu ve thin tho.








Tunah chuan nileng in class kan kal tawh a, pi Lucy dawrah pawh ka inhlawh hman meuh tawh lo a, pawisa ka nei lo thei thin khawp mai, mahse Engtik ni ah emaw chuan ka rethei reng bik lo tawp ang, tunah rethei mah ila nakin ah kan la nuamsa ve em em ang.








Kan thian ho chuan hlim takin tiffin chu kan ei mawlh mawlh a, davida erawh engmah eilo in room ah chuan a thu reng a.









Thiani, in pa saw avan cool em em, in inti thiamlo ami? Vawiin chu a mood a off hmel tawp mawle!






Ka thiante chuan kan inkar boruak hriat chak tak chuan min zawt sar sar hlawm a,







Ka biak duh loh thu leh nizan lama kan inkar boruak te chu ka hrilh ta hlawm a, an khawngaih thu te an sawi siam siam hlawm a,







Jacintai erawh chuan atha lutuk, hrem ve rawh, zualtei nen an in biak vel dan hawr hawr hi ka ngaithei lo ati vat a, chutia ka hrem chu min support lutuk tlat.








Tiffin te kan eizawh hnu chuan kan han thu khawmuang vel a, thiante ho chuan an phone chu an kheuh melh melh hlawm a, kei pawh mi tihdan ang chuan ka phone chu ka han phawrh chhuak ve a, zonuna call a lo awm reng chu niin.









Min lo call lai erawh ka hre lo, hepa pawh hi amak ve angreng, min rawn be reng mai ani.








Call back pawh ka tum lem loh lai chuan min rawn call leh nawlh a, han chhan loh ngawt chu dikin ka hre silo, ka chhang ve ta a.










Mercy, biak ivan har ve, in buai deuh ami?





Buai hran lo ve, chhun chawlh kan hmang mek a, enge ni ta?









In ban hunah ihman hram chuan hmuh lawk che ka va duh ve, thil sawipui duh lawk che ka nei a, a rei lo ang.







Ka ngawi deuh vang vang a, awle tiin ka chhang ta a.







Chutia ka phone hmanlai chuan min lo en reng chu niin, ka thiannu jacintai chuan a lo thlithlai reng a, a van chawh reuh tak a ti deuh chhen bawk nen.








Class ah chuan kan lut leh ta a, davida chu dawhkan bawh hian a lo muthlu a, a chau ve deuh ani ngei ang, theih nise va kuah a, ka hmangaih thu hi hrilh ka chak. Rilru na a siam ka phal loh zia te hi a hre der silo.








In ban hun awm vel rawn sawi la, ka rawn lam ang che atih avang chuan nuam ka ti chiah lo, David an min hmuh chuan boruak a chhe leh zual dawn lutuk.








Kan ban rual chuan hmanhmawh takin kawngpui lam ka pan sawk sawk a, tuma min hmuh hma a kal chu ka duh ani, kawngpui ka han chhuah chhoh chuan zonuna chu alo awm ran tawh a, hmanhmawh takin a hnung ah chuan ka chuang sawk sawk a, kan tlanliam ta chu ka thawveng hawk mai.










Jacintai chuan min rawn bia a,
David an a zawng che a, khawnge i awm min zawt a,







Engtin nge i chhan a ka va ti vat a.







Mi hmuh angai a, a hmanhmawh a ka lo ti mai.







Ka thiannu chu mawl ka va han ti tak, davida hriat hlau em em in ka kal ru ve a, a lo sawi leh hman hram, kan in hau leh na sa dawn mange.










Zonuna dawr zawn ni ngei a lang chu kan thleng a, dawr kawtah chuan kan ding ta a, dawr lian tak leh changkang tak ani, a pawn lam landan pawh a mawi takzet.








Lo lut rawh mercy, hei hi ka dawr ania, enge ang itih? Polite tak chuan min zawt siam siam a, min treat dan chu khuallian ang mai niin ka inhria.









Thutna dup nuam takah chuan ka thu ta ran a, ka hawikual na sa khawp mai, hetiang te hi han nei ve ila aw avan nuam dawn tak em, ka tan chuan vana rah ang ani si a.









Coffee in ang hmiang,
Nui ver ver chungin ka lawm e ka lo ti sap a.
Ka bulah chuan a rawn thu ve a, amah hi davida nen chuan an mizia a inpersan hlauh.








A zaidam thluam a, a zahawm em em bawk, coffee in pah chuan kan titi dun mawlh mawlh a, min hmuhduh chhan te pawh chu a sawi nghal bawk a.







Kan zirlai kan chhuah hun ah ahnena thawk chhunzawm tur chuan min lo duh chu niin, designer an mamawh thu te pawh min hrilh a, hlawh pawh a chhe lemlo khawp mai, ka tan chuan thu lawmawm tawpkhawk ani tawp.










Mahse ka aw ngawt ngam lo, Dave a ngaihdan a ni dawnlo nasa mai si a, kan la inbe tha dawnnia ka ti ta zawk a.









Tlai thim thet thet ah chuan an dawr atang chuan ka chhuak ta a, min thlah tum ngial mahse ka duh ta bik lo.









Zonuna dawr atangin ka chhuak chiah a, bus stand lam ka pan mek a, thui tak pawh ka la kal hman lo, davida nen chuan kan inhmu leh ta nawlh mai!









Hepa hian min zuiru reng zawk em ni le? Mahse mak tak maiin min belo a, min tlanpel ta daih a, ka hrilhai viau zawk.










Bus ah chuan ka chuang ta vang a, kan in lam chu ka pan ta a.








Krismas pawh a lo thleng dawn ta, Mitin mai chu bazar leh thil zuarin an phusa sap sap tawh hlawm a, keini pawh class kan chawl ve tawh bawk a, in lamah hun ka hmang ve ta zawk a.









Chutia ni reilote kan chawlh chhung chuan pi Lucy i chuan an indaih loh thu leh puih an ngaih thu a rawn sawi avang chuan inhlawh na a ni mai tiin chhun zan zawm chuan ka han pui leh ta a.








Nilengin chawl lo in ka inthui tlauh tlauh reng a, zan lamah in ah ka chei bawk a, ka chau thin khawp mai, mahse ka fanu tan engemaw tal leisak ve ka duh si avangin ka thawh tlauh tlauh a ngai ani.









Zan lamah phei chuan ja chauh thin avangin tumah ka be ngai meuh lo, ka muhil nghal daih zel a.








December ni 23 zan a ni a, tv en pahin ka ni nen chuan kawr kan chei mawlh mawlh a, krismas hla te kan ngaithla pah bawk a.









Kawngka a rawn in kik dat dat a, ka ni chu thawh awlsam zawka a thut avang chuan ava tho thuai a, kawngka chu ava hawng a.








Davida ni reng chuan!
Lo leng rawh, ivan rawn leng khat ve a ti deuh chul a.







Kan bula thutthlengsei ah chuan a rawn thu ve a, a inthlahrun hmel ngawih ngawih.







In va thawk nasa ve a rawn ti sap a.






Nia, pi lucy te an buai lutuk a, puih an ngai a, ka buai thei khawp mai tiin tha takin ka chhang ve a.








Rei pawh a thut hma chuan ka ni chuan thingpui kan lum ange tiin thingpui ava lum vat a, bawihtei pawh a ngai te bawkin a inlemkhual mawlh mawlh bawk a.









Chutia ka ni a thawh hnu chuan ka phone chu a la leh thauh a, eng eng emaw a enkual leh vak bawk a,










I bialpa in a rawn be leh che ania,
Nuih pawh ka nui peih lo, hrelo ang maiin ka awm lui tlat a.








Engmah a sawi zui bik lem lo, bawihtei chu a ko a, a pawm a, a infiampui vel bawk a, bawihtei pawhin a nel ve tawh bawk a, an in awm thei viau.







Ka ni thingpui hang lum chu kurtai nen kan in ho a, kan titi pah reng bawk a, thingpui te kan inzawh hnu chuan ka ni chu mu Turin room lamah a lut leh ta daih a.









Hna atam tehlul nen, ka indaih loh nen Davida rawn leng kher kher chu ka ngei angreng viau, ka ni lah a rawn len tawh chuan a inthiarfihlim daih zel bawk si nen.









Ka bulah a rawn insawn phei thauh a, ka thil khawih lai chu ka khawih mawlh mawlh a, min biak leh a mawi tawkin ka chhang mai a.









Bawihtei chu alo pawm muhil ta daih a, a mutui khawp mai, khumah va mut tir rawh ka tih avangin thuawih tak chuan a Kal ve mai bawk a, ka nuih a za lek lek zawk.







Hmanni khan in inhmu leh a ni maw? Zonuna hi ilo van duh awm em em ka ti, ipan chilh hmiah mai ania.









I ninawm emai, sawi reng suh, engmah kan inkarah a awm lo.








Anih tinge iva pan a?







Hna chungchang a vang in.








Hna thawhdun dan tur te pawh inlo sawi dun der ta a ni maw? Kei erawh chu min sawipui duh miahlo a ti raw?









Ka khawngaih ta lutuk a, a rilru ka tina hnem tawh tih ka hria.







Ka thil chei lai chu ka dahthla a, hlim lo taka a awm reng chu ka khawngaih lutuk.








A kut ah ka chelh a, dave min ringhlel duh suh, hmeichhe kawp lawr leh nikhualo tak ka ni hleinem, nang bak tumah duh leh hmangaih ka nei lo, ka nei thei ngailo bawk ang,









I bulah hian ka hlim tawk asin, tumah ka duhlo tiin ka rilru diktak chu dam takin ka hrilh ta a.









A ngawi reng a, a mittui parawl lang chu ka hmuh hmaih hauh lo mai, a mittui tla tur chu dan hram tumin a khap deuh sak sak bawk a.








Mahse a insum zo ngang lo, a mittui chu a hru mawlh mawlh a,







A mak ani mercy, hmeichhia vanga ka mittui tlak vawikhatna ani reng mai, tiang em em hian ka lo duh che in la lo hmangaih che ani tih hi ka ring phak ngai lo.










Tlawm ka inti lutuk, mahse ilakah chuan ka tlawm zel ang,







Dave, inringhlel tawn tawh lo ang, kei pawh zonuna ka bia emaw ka hmu tawh ngai lo ang, nang pawh zualtei hi ibe tawh tur ani biklo, chu chu min tiam thei angem?











Kha mi zan atang khan ka be leh tawh lo kei chuan, bialnu ka neih thu leh inbiak a rem loh thu in ka hrilh tlang vek tawh.









Min ngaidam dawnnia Dave, irilru ka tih nat avangin, ka ti na leh tawh ngai lo ang tiin a chalah chuan ka fawp zauh a, kut inkai rial chuan kan thu dun a, reilote ah kan boruak pawh a tha leh viau mai.








Krismas hman dun dan tur te pawh chu min sawipui na sa khawp mai a, bawihtei chhuahsan ka theih loh zia pawh a hre bawk a, kan chhungkua in khawpui cheite kan fang anga tiraw?









Kan chhungkua a?
Ka lo fiam zui deuh hlak bawk a.









Ka tan chuan ka chhungkua te inni alawm, chu chu ka rilru diktak ania, ilo ngaive lo anih erawh chuan thuhran.









Mercy, naktuk ah bazar turin ka rawn hruai ang che u aw, bawihtei nen inlo insiam dawnnia.








A, bazar ve vak kan tum lo, bazarna tur pawh kan nei ve lo tiin ka chhang vat a.








Lungngai suh, ka awm alawm, ka hmangaih te tan engkim ka ruahman fel vek tawh alawm, in duhzawng tak kan lei ang.








Chulam chu ka sawi thui pui duh vak lo, a zah pawh ka zak ve tawh, bialpa te thil leisak ngai reng nih chu a zahthlak ve reng.









Zan dar khat a ri ta hial a, ka thil chei pawh ka zo fel ve chiah a, david a lah chu haw ala tum hauh lo, meihawl chu a rem deuh apiangin a vur thar zel bawk a, ka kawng akham em vangin a mal chungah chuan ka mu zal deuh ar ar a.









Tv en reng pah chung chuan kan titi melh melh a, ka lo chau deuh ani ngei ang, ka mut a chhuak ta lutuk chu ka lo muhil zui ta a.










Ka nghawng kham lutuk leh vawt in min man avang chuan ka harh hlawl a, Davida mal chungah chuan ka lo la mu reng chu ni in!








Davida chu ka han en a, alo muhil tui ve em em mai bawk a, kan lo muhil dun daih chu niin, sana kan en a, dar thum ala ri lo deuh a, han kaihthawh a haw tir chu anuam ka ti chiah lo bawk nen thawm dim takin ka tho a, a puan sin tur ka la chhuak a, ka sintir ta zawk a.









Kei pawh chu khum lamah chuan ka mu phei zui ve ta nghal a, ka la muhil mai lo, thawm dim taka kan room lam pana a rawn kal chu ka hmu a, hepa hi a dik lo reng reng, engvanga rawn kal nge maw anih le tiin ka thin a phu dat dat mai.









Ka haw peih tawh lo, ka lo mu ve mai dawn, zingah midang thawh hma in ka haw mai ang a rawn ti sar sar a.









Zialo ka ti takzet, mahse han hnar ngawt lah a theih si loh, kan bulah chuan a rawn mu ve ngawt mai a.










Min kuah chialin a mu a, duat, nupa kan nih hun tur ka van nghakhlel tawh tak, tihian thlamuang taka ibula mut theih hi ka chak tawh a rawn ti sar sar reng bawk a.









Mahse Davida hi mak ve na deuh anei a, min khawih a tum ngai lo, mipa dang a ang lo tlat, chuvangin min hmangaih takzet ani tih hi ka ring nghet bur.









Zawi te te in kan tawng ru sar sar reng a, dar li dawn thleng mai chuan kan meng a, kan lo muhil leh ta a.









Zing ah midang thawh hma in ka kal ang tive si khan thawh a hai chiang kher asin.








Ka harh chu ka chi ai buai takzet, sana lah chuan dar riat a lo kawk vang tawh mai, ka chhungte an thawh tawh vaih chuan kan talbuai dawn lutuk.









Dave, tho rawh, atlai tawh ania aw.



A inperh tho zawk a, ekhai thawh ka van hai chiang ve, ichhungte an tho tawh em tih pahin a pheikhawk chu a bun sawk sawk a.









Ka tho them them a, vanneih thlak takin tumah an lo la tho lo, ka chhungte mutduh lutuk hi ka vannei leh ta.







Kawngkapui ka hawng thuai a, Davida pawh chu hmanhmawh takin a chhuak ta nghal sawk sawk a, thingpui ka lum a, ka lo in mek lai chuan ka ni pawh a rawn tho chhuaj ve ta a, kan in nangching teuh ther ther hle ani.

[Ngaia]

Ka thleng chiah e, ka chhungte an lo mangan hman lutuk a, ka haw lo tih zingkarah chiah an hre bawk si a, Engpawh nise ka ngai em em che ani, zantin inbula mut ka chak tawh.







Ka nui sak ringawt a, rawng ka bawl nghal mawlh mawlh bawk a.







Ka ni te nufa pawh bazar turin an in siam mawlh mawlh bawk a, Davida te nen kan bazar tur thu pawh ka sawi ve bawk a.








Dar sawm pakhat velah a rawn thleng phei leh ta der mai, keini nufa pawh chu kan lo insiam peih diam tawh bawk a, bawihtei lah chu a phur ve em em mai bawk a,








Ka naute hmeltha lo kal teh le.




Bawihtei chuan a pan thuai a, a mal chungah a thu kai thauh a.







Krismas kawr mawi te, nautelem nalh deuh deuh te iduh em?





Bawihtei chuan a duh ani tih entir nan a lu a bu nghat a.







Nalh deuh deuh kan lei dawnnia aw,
Pafa ang mai anni, a pianna pa hian vawikhat mah thil chhete pawh a la leisak ngai lo, ka hnuk te a ulh hial zawk.








Kan pahnih kara kan fa ang maiin a kut leh lam leh lamah chuan kan kai rial a, hlim em em in a zuang vel tarh tarh bawk a,







Ni 24 ni ah chuan motor a tlan lo bawk a, keini pawh ke in kan kal ta hnak hnak a, mipui tam tak leh tawt Karah chuan dave a chuan bawihtei chu a pawm ve lawp lawp bawk a, mit it zawng lah chu atam na sa mai si a, han bazar vak a chakawm hle mai.









Kawngsir rem laiah chuan a ding deuh chawt a, engtizia nge idin daiha tiin ka hrethiam lo viau.







Bawihtei chu leiah a dintir a, a pocket atang chuan wallet a rawn phawrh chhuak a, a Chhuga pawisa tlem lem lo tak chu rawn phawrh in ka kutah min pe ta a.









Ka pian tirh ata ka kuta pawisa tam tham tak a awm vawikhatna a nih avangin tam ka ti hle mai, tinge tiang em em min pek a, a ngai vak vak lo tiin ka hnial lui ve a.









Atam lo, singhnih chauh a nih kha, tikhan in duh zawng leh mamawh zawngte in lei dawnnia.
A hmel hlim sang mai chu hmuh a hreawm loh khawp mai.









Singhnih!
Avan rapthlak tak em, ka mumang ah pawh ka la hmu ngai lo, uluk takin ka bag ah chuan ka dah a, tihbo hlau takin ka bag chu ka hup deuh tat bawk a.









Kil tin ramtin ah chuan an au chuah chuah reng bawk a, thil to deuh chu ka en ngam lo thung, pawisa hlutna hre tur khawpin retheihna tam tak ka lo paltlang ve tawh a, a thawhchhuah hautak zia pawh hrechiang ber tu ka ni.








Nileng mai chuan kan vak kual ve a, bawihtei thawmhnaw te, naute lem te pawh ka lei ve a, ka hak tur man tlawm te pawh ka lei ve nual bawk a, krismas urlawkna hlimawm tak ava ni em.









Tlai kan haw chu ka chau ve hnawp mai, bawihtei pawh amuhil nghal bawrh bawrh bawk a, dave a pawh an in lam panin a haw ve nghal a, zan lama rawn kal leh tum anih avangin min hawsan ta vat zawk a.








Tlangval te a ni ve a, chhuak vak theilo lek a kan bula a han tap tur chu ka khawngaih angreng viau a, mahse a duhthlanna a ni miau bawk si a.









Zan dar sawm bawr vel a ri tawh ang, a la rawn lang mai silo, ka lo nghakhlel tawh khawp mai, kan chhungkua te chuan meilum ai pahin kan lo thu bial deuh thap a, bawihtei erawh a muhil tui tawh hle.











Ka phone a rawn ri tlang tlang a, ka hmangaih dave a ngei ani, phur fahranin ka han pickup thuai a,









Mercy, a pawi ka ti lutuk, zanin chu ka rawn kal hman dawn ta lo, ka inthiam lo lutuk ania,
A aw chu a zuai deuh raih bawk a, ka mood a off nghal vek mai.











Enge an tih dawn tih erawh chu ka zawt zui duh lem lo, ka zuai raih thei mai, kan inbiakna kan ti tawp a, tih tur dang awm hek lo mut mai ka rilruk ta a.










Kawngkhar a rawn in kik dat dat a, dave a anih erawh chu ka ring pha hauh lo, ka ni chuan a lo chhawn leh thuai a.








Ka beisei loh lutuk a a rawn lang hlawl chu mak ka ti lutuk, min bum chiang hle ani.








A nui vur vur bawk a, polythene khat tlatin thil a rawn khai bawr deuh tun bawk a.








Hmm, I van sual reuh tak, khatianga rawn tih kher kha a ngai a mi?
Mut daih ka lo tum tawh a, atthlak lutuk tiin ka lo phun khum deuh hlak a.










Ka rawn fiam hlak che a nih kha, ingaihdan ka hre chak deuh a, ka rawn kal phal loh iring reng reng a mi?









kan pahnih chuan choka lamah kan thu dun a, a eitur rawn ken te chu ka phawrh mawlh mawlh a, arsa tuihnai tak te a ni hlawm.









A vawh em avangin meilum lamah chuan kan insawn thla ve leh a, ka ni lah hian a lo be sawm peih bawk a, an in nel tawh viau bawk.










Ka ni, Mercy-i hi ka va hruai harh ve teh ang, i phal em? Khawpui chei velte ka va fanpui ve a nga.








Ka ni ti a a koh ve ngawt chu ka lo zak tawp, ka beisei loh lutuk in ka ni a dil khauh mai bawk si nen.








Ka ni lah chuan a lo remti nasa mai a, bawihtei chu ka lo mutpui mai ang, va leng kual ve rawh u a ti fel et mai bawk si.








Khi, arpum hem hmin te ka rawn keng a, lo ei rawh u aw tiin ka ni chu a hrilh mawlh mawlh a, kei pawh room lamah lutin ka insiam ve bawk a.







Nimin lama ka lei ve ngei jacket lum fual chu ka inbel a, jeans kekawr leh sneaker ka bun bawk a, ka sam chu ka thlah a, Lukhum lum ka khum bawk a, nalh ka in ti ve ngang mai.









Kan pahnih chuan kan han inphur chhuak ve ta phawt a, kal tum na bik pawh nei chuang lo chuan khawpui chhung te chu kan fang kual ve a, kan in kawp dan a thianghlim bawk a, a nuam thin khawp mai.










Duat zanin chu hun fal deuh hmang ve ila, iduh loh chuan ka tilui chuang miah lo che nia.







Engtia hun fal maw?
A ngaihna hrelo zet chuan ka zawt let deuh ha a.







Kan pahnih chauhin pawn lam ah mawle, ka thianpa amuana kha a chhuak dawn a, an in ah kal ila.








Ka in ngaihtuah deuh vang vang a, bawihtei a ngaihtuah awm loh bawk a, zanin chu ka zalen ve alawm tiin ka aw ta a.









Amuana te in lam chu kan pan vang vang a, amuana chu alo la chhuak lo a, alo insiam peih diam tawh a.








Anih david, ka kal nghal mai aw, hlim deuhin in lo awm dawnnia tiin min chhuah san ta nghal a.








Khua lah chu a vawt em em mai a, meilum han ai mai tur a awm silo, a hit vung vung mai bawk si.








Thutthlengsei ah chuan kan thudun ran a, sawitur lah chu avang em em mai bawk si. Thu ho te te sawiin kan titi ve luam a.










A jacket chhung chu a zen rawk rawk a, bottle hi a rawn phawrh chhuak nawlh a, inthlahrun hmel zet hian a then deuh sang a, bawihte zanin chu hei hi in ve ang aw a rawn ti sar sar a.









Eng thil nge a?
Mi mawlmang tak tih takah ka mawl chhah viau zel,







A fim deuh ralh a, a bottle lah chu a mawi em em mai bawk a, zu ani tih ka hriat chuan ka lawm vak lo na in ahun lai te ania, han thinrim viau kha a duh ber loh avangin ka ngawi liam mai mai a.










No pahnih ala a, tam vaklo chuan kan pahnih a in tur chu a thli chhuak a, amuana fridge atang chuan arsa kan thing a rawn la chhuak bawk a, kan han dawm dun ta vang vang a.










Ka in thei thlawt lo, ka uak tuar tuar a, in dan tur te min han hrilh te te a, luak chhuak tun chung chuan no khat chu ka lem zo ve ta hram a.







Minute tam pawh a ral hma chuan ka lu a rawn ti deuh chiai chiai a, ka zang ta hawk mai, tawng lah chu anuam in titi a kal ta viau mai bawk si, nuam ka ti ta riau mai a.









Duhtak, no khat han thli leh teh, ka lo in leh teh ang ka ti vei ham ham bawk a, min nuih sak a, ka no ah chuan a rawn thli leh ta a.








Harsa em em lo chuan ka in zo leh ta a, a thawk tha tawh khawp mai, ka tawng na sa em em mai a, ka pian tirh ata ka vawikhat inna a ni bawk a, ka in control thiam meuh lo ani.










Kan thil in lai chu kan dah a, inkuah rialin kan thudun vang vang a, a khat tawkin a biang ah te, a hmui ah te chuan ka fawp zauh zauh reng bawk a.








Chu ka phone ari tleng mai, tu nge min lo bia aw tih pahin ka phone chu ka han on thuai a.







I hmang nuam em? Engtin nge i hman ve? Kei chu ka mu lum der tawh mai.






Zonuna bawk chu lo niin!
dave a chuan alo chhiar ve bawk a, mahse thinrim ang chuan a awm lo thung.







Hmang nuam ani ve mai e, tui deuh khan lo mu rawh tiin ka va chhang a.







Dah tawh rawh, midang biakna hun leh hmun pawh anih loh kha,
A tawng deuh hmuk avang chuan ka tilui ngam tawh bik lo.









Woofer a zu khawih rawk rawk a, music a rawn ri riai riai a, hla cool zet mai, lunglen thlak tak mai chu kan ngaithla dun a, lam puiah min sawm in ka kutah min rawn kai a,








Tiang chuan awm lo ila chuan ka zak dawn lutuk, mahse zah hre lo lekin ka awm tawh avangin ka tho chhuak ve hluai a, zeilo zet chuan ka lampui ve a, a nui leh suk thin.










Ka chau, ka lam peih tawh lo ka tih rual chuan thutthleng ah chuan ka thu hnawk a, ka mut te a rawn chhuak deuh chiai chiai bawk a.









Ka bula rawn thut pah chuan no ah chuan a rawn thli leh a, kan in dun leh ta a,ka lu ahai tha tawh khawp mai.









Dave, ka chanchin hi engmah kimchangin ila hre lo ang ti raw?
Hria la chuan min kalsan nghal ang!








Eng thil nge? Min hrilh loh chuan ka hre reng nang, han sawi la.








Ka thil sawi hreh em em mai leh tuma hriata ka duh ngai loh thil chu ka hrilh ta ngawt a.









Dave, naupang ka nih lai atanga pawngsual tawk tawk ka nia, mi tenawm tak leh hmangaih tlak loh ka ni, ka nihna hi ka inhrechiang em em a, ilakah pawh hian ka inthlahrung ngawih ngawih.








Chuan Pasal ka nei a, ani lah chuan min kalsan leh bawk si, tumah belh tur dang ka nei lo a, fahrah vakvai leh hmeichhe thianghlim lo ka ni, ka nihna hi I hriat hnu ah min kalsan anih pawh in ka dem miah lo ang che.









Ka mittui te chu aluang zawih zawih bawk a, lungchhe vankaiin dave ah awma ka hmai phum chung chuan ka tap ta vak vak bawk a, ka rui ve khanglang bawk nen ka inpuang fai ta vek mai.










Bawihte, ilo van tuar nasa em em ve, heng zawng zawng vang hian ka iai ngai dawn lo che a, ka kalsan ngai hek lo ang che, nangin min hmangaih phawt chuan kei chuan ka kalsan ngai dawn lo che.









A kut pahnih chuan ka mittui luang zawih zawih chu a hru hul a,
I hmeltha lutuk, i hlim pawhin, i tah pawhin i tha vek, ithatna phena i thinlung thianghlim tak avang hian ka hmangaih reng ang che tiin min rawn fawp ta vawng vawng bawk a.











Amuana khum ah chuan inkuah rialin kan mu dun a, zu mi zan kher kher chu boruak in a zir bawk a, kan pangai zan lo bawk a, kan pahnih a kan tum chhin ngai loh leh kan duh ngai loh thil chu kan inkarah chuan athleng ta.










Dave, a pawi lutuk, hetianga awm tur hi kan nilo asin, ka hmai ka hup ta ngawt a, hreawm na in min rawn fan chhuak nghal a.









Duat takin min rawn kuah a, mercy, engmah a siamthat theih tawh loh, kan in hmangaih a, kan la innei dawn bawk a, rilru tihah duh suh, ka bulah hian rawn maw teh tiin min rawn kuai mu thuai a.









Ni e, kan duhthlanna ani a, buai viau khan awmzia a nei lo tlat ani,









Dar hnih bawr velah chuan amuana te in atang chuan kan inphur chhuak leh ta a, kan in lam kan pan ve ta thung a.









Kan in kan thlen chuan alo reh thiap a, bawihtei ka en hmasa ber a, kan khumah alo mu lo a, ka niin a lo mutpui a, tui em em hian an lo mu dun ral a.










Thil eitur eng eng emaw a rawn ken te chu kan ei dun bawk a, kan thil in bang pawh kan hawn a, kan in pah zeuh zeuh bawk a.










Dar li bawr velah chuan mutchhuakin min zem nasa tawh khawp mai, Davida pawh a muthlu duar duar reng bawk a, puansin tur ka pe a thutthlengsei ah chuan ka mut tir a, kei pawh chu ka mu ve ta nghal a.








Ka harh leh meuh chuan zinglam dar kua a ri tawh hial a, ka lu ana em em a, ka luak lah chu a chhuak ut ut mai bawk si, a nuam lo khawp mai.










Peih lo zet chuan ka tho chhuak tham tham a, ka ni chuan rawng alo bawl peih diam tawh a, dave a pawh alo la mutui ngang mai, a harh hunah chuan a zak ve khawp ang.











Ka hmai te kan phih harh te te a, ka ni hriat hlau tak si chuan ka uak deuh tuar tuar bawk a,









Bawihi, inkhawm kan duh sia, chaw kan ei san mai ang che u, i thianpa harh hunah chaw lo eipui mai rawh aw, rawng ka bawl kep vek ania,
Ka nite nufa leh bawihtei chuan chaw an ei sawk sawk a, inkhawm turin an insiam a, an liam ta diak a.










Dave alah aharh thei mai lo, a mutui sak sak khawp mai, dar sawm lai a rik tak avangin ka kaitho ta tawp a,









A hawi vual vual a, a chek tlawk tlawk bawk a, tinge hma deuha min kaihthawh loh a? Ka inkhawm ta lo, a pawi lutuk, ka nu leh pa an thinrim dawn lutuk,









A in phihfai sawk sawk a, chaw pawh ei ta lemlo chuan hmanhmawh zet hian a chhuak nghal hlawk hlawk bawk a.










Dam takin krismas leh kumthar te pawh kan hmang zo ve leh ta, january thla a rawn inher chhuak a, ni sarih a tang chuan angai te bawkin class kan kal leh tan ta a.








Hun kan ngah tawh lo a, kan zo ve hnai dawn ta, chumi hnu ah chuan mahni kawng theuh ah kan kal tawh dawn ani.










Kan kal tawp ber ni chuan certificate hlanna hun te kan hmang a, kan chhuah tawh dawn avangin tlai lamah chawei khawmna te kan nei bawk a, chumi ni chuan zualtei te pawh an rawn tel ve leh bawk a.










A dan ngaite bawkin dave a bulah chuan a tap deuh chawt reng a, Davida erawh a kimki zuk zuk tih ka hai lo, mahse huat a lak ka tum lem lo, achhan chu kan inkar atha a, buaina tur dang ka nei lo.











Enteh, thiani zualtei nu hi tunge a hming le?
A pa hming pawh ihre mial em?








Enga tan nge itih teh tlat a?






Ka hre duh deuh mai mai mawle,







Anu hi chu pi sawmtei ania, a pa chu pu Fakawma, chutiang bak chuan ka hre mai bik lo.









Ka mi zawn chu an ni lo tlat, zualtei nu leh pa hming ka niin min hrilh erawh kha chu a dang daih bawk si a, ka unaunu ka phirpui chu ani lo tihna ani ngei ang, hming in ang an tam a, fa lak pawh an tam alawm, ka unaunu a ni lo anih hi tiin keimah chuan ka phun deuh sap a.










Zirlaite kan inhmuh tawpna ber ni a dawn bawk a, kan khawhar tur thu te kan sawi ve sauh sauh hlawm a, zanriah te hlim taka kan kil zawh hnu chuan kan inchibai lawm lawm a, kan in mangtha ta hlawm a.










Kawngpui ah chuan dave a ka lo nghak a, ka lo ding deuh ran a, a rawn chhoh hun ah min hmu mai dawn avangin kawngsirah ka lo ding tau mai a.










Engemaw chen ka nghah hnu chuan zualtei nen chuan an rawn chho dun hnak hnak a, zualtei chuan a banah a vuan bawk a, an hawiher ah chuan in haw lo tak an ni.










Nuam ka ti lo kher mai, ka lo biru mai dawn nge aw ti a ka in ngaihtuah hnu chuan biru bik lo ve a, ka bialpa alawm anih le tiin ka lo ding lang lui sak a.










Dave an min han hmu thut chu a phawk deuh hra a, inti mitak zet hian ka lo melh kar mai bawk a, kan han intawk lawi ta si ah chuan an han ding deuh hlek a,








Mercy, ila haw na nge?i haw daih tawh maw ka tia.








Ka nui sak a, ka lo nghak che a ka ti ringawt a.







A bulah zualtei a awm a, keiin ka lo nghak bawk si a, a rilru a buai hmel takzet.








Min va thlah thei em? Ka lo nghak char char che ania ka ti lui ve ngat a.








Thlah thei lo, tih tur pawimawh kan nei a, kan tlai dawn lo ti zung zung tu zualtei chu ka melh hrawk a.









Davida chu ka kai hrang lawp a, min va thlah dawn nge zualtei bulah hian ikal zawk dawn tiin thupe aa tak hian ka zawt a.









Mercy, zualtei nu te ho nen thil tihtur pawimawh kan nei a, vawiin tlai chu min lo hrethiam mai teh, ka hman lo tlat.








A nih tak chu, englai pawha i hlauh em em zualtei bulah chuan kal rawh, ka peih lo hetiang a hlauh nei reng bialpa neih hi tiin ka kal san ta hmak a.









A thinrim thlak ve thin angreng khawp mai, zualtei a care ni ber hian ka hre thin, kei lah chu mipa ti lungleng thiam chi leh zei tak ka ni der silo, ka ngaihdan a nih loh chuan ti hmak hmak mai chi ka ni mai bawk si.










Thinrim teuh chung chuan in pawh ka thleng ve leh ta mai a, ka ni nen chuan engtin zel nge ka hna thawh tur hi ni ang tih vel te chu kan sawidun mawlh mawlh bawk a.










Chutia kan han chhuak ta chu zonuna pawh a ngawi reng bik lo, a hma a kan inbiakna bawhzuiin min rawn be leh vat reng bawk a, rilru chu a buai duh map map khawp mai.









Hna nghet han hmuh a chhungkaw tana tangkai nih ve chu ka chak tak zet, mahse Davida nen kan inkar a buai dawn in ka hre bawk si a, ngaihdan ka siam thiam lo.









Zanah chuan ka thiannu jacintai ka va bia a, ka hna hmuh thu leh ka buaina te chu ka va hrilh a, thurawn ka mamawh thu nen.









Thiani, Davida hi i bialpa nireng chungin zualtei acare dan leh an awmdan pawh ihmu in ihre vek a, i huatzia isawi hnu ah pawh a thlah bik em?
Engvangin nge amah vanga ihna hmuh i thawh loh bik ang?

Mipa thu thu a awm tum miah loh tur, thutlukna siam la ti tlang rawh.









Ka thiannu thurawn ka lak hi chuan chakna ka nei thar fo thin, rilru ka siam fel vat a, zonuna nen a thawkdun tur chuan thutlukna ka siam fel ta a, a mah pawh ka va hrilh nghal bawk a.









Mahni buai buai in kan buai theuh vek avangin ka ni pawh ka be khat khawp mai, chumi zan ka tih tur hrelo chuan ka ni chu ka va be mai mai a, zualtei nu leh pa chu ka mi zawn an nih loh thu te ka va hrilh a, ka ni chuan engmah ngaihtuah lo tur in min la fuih fo mai.












Karkhat zet ka awm hahdam hnu chuan ka thawhna thar tur zonuna dawr lam pan tur chuan ka inpuahchah mek ani.









Hetiang dinhmun ka thlen theih nana min duhsak em em tu leh kawng min hawn saktu pi lucy chu ka tlawh kawi hma sa te te a, min lawmpui thu leh hlawhtling ngei tura min duh thu chu min hrilh mawlh mawlh a.










Pi lucy, thil zawh chak deuh mai che ka nei a, nizan chu ka ngaihtuah chhuak a, nang hi ka zawh ngei che i ngai ani.








Eng thil nge ni ta ngai? Ava pawimawh awm ve aw.








Englo ania maw, kan zirna neitu pi sawmtei te chhungkua hi ihre chiang em le?








Ka thiannu, tette atanga inkawm kan nia, hrechiang ve thawkhat e tia min chhan na chuan beiseina thar min pe ani.









Anih an fanu zualtei saw ihria em?



Aw hria e, engti zia nge ni ta?





An falak ani ti raw?






Aw ni e, mahse mi hriata sawi lan fo hi an duh lo.







Amah sawn a inhre tawh em le?








Mi hi kan tawng thei khawp a, tiang te hi kan sawi chak zawng ani thin a, hriat pawh a inhre tawh ang.









Engti zia Chung chu min zawt nge inih a?








Ka hriat duh ber chu zualtei an fa lak saw ania, achanchin tlem a zawng tal ihre mial em le?









Ka hre tam lo na in Anu leh pa boral san ania, unau pakhat anei ani awm a, ani erawh chu hmun dangah a awm ani awm e








Ka thin a phu dawt dawt a, a aia chiang lehzuala hriat chu ka duh ani.









Khawiveng nge? Kimchang deuh zawkin min hrilh thei em?







Pi Lucy chuan mak ti hmel zet hian min en a, enge a awmzia ni a? In kungkaihna in nei a mi? Nang hi mi bulah te ilo sawi chhuak mai mai ange.










Chulam anilo pi Lucy, ka unaunu ka zawn mek zualtei hi amah saw ani thei angem tih chauh hriat ka duh ani. I hriat ang ang khawngaihin min hrilh hram teh, tu bulah mah engmah ka sawi chhuak lo ang tiin ka ngen ngawl hle mai a.










Pi Lucy chuan a hriat ang ang chu min hrilh atang chuan ka unaunu zualtei ngei niin ka ringnghet bur tawh.







Anih leh pi Lucy zualtei an lak dawn hian a nu leh pa hian an hming an thlak ami?







Chulam chu ka van hre mai lo ve aw, nih te pawh a ni mahna, fate puitlin huna in chuh buai te hi a awm thin a, an thlak pawh a ni maithei,







Ka lawm lutuk aw, ka thil hriat duh te min hrilh a, ka thawveng hawk mai, ka unaunu ngei chu alo ni, hlim takin a nun a hmang a, ka lawmpui lutuk,









Zonuna dawr lam pan chuan ka kal hlawk hlawk a, ka nau zualtei chu ka hrechhuak ta, avan mak em, mumang ang mai ani, ka in hriattir ang nge hriattir lo ang le?









Mahse a unaunu ka ni tih a hriat chuan alo hlim ve viau maithei bawk a, engpawh nise hun in ala hril zel mai ang chu tiin Chulam chu ka dahtha ta rih a.








Zonuna dawr chu ka thleng phei thuai a, min lo welcome tha khawp mai, a polite in smiling face a ngah em em a, mi hlim takin thei tak ani.










Kan designer thar tur mercy i anih hi, han chibai ve ta che u tiin a staff te nen chuan min inhmelhriattir hlawm a.








Min dah chungnung thiam khawp mai, ka hna kalphung tur vel pawh chu kan inhrilh mawlh mawlh bawk a.










A ni khatna a ni bawk a, hna em em kan thawk lo a, kan titi a ni deuh ber mai, kan thawh ho theih avangin lawmthu min hrilh reng bawk a, phulo ka inti hle.










In a ka let leh hnu pawh chuan ka rilru ah thildang a leng lo, zualtei chauh lo chu, ka unau nu hian ka hmangaih hi a lo hmangaih ve anih si chuan naute tan chuan ka tuar mai tur ani dawn lawm ni? Hlim taka a awm tluka ka tan a hmuh leh hriat nuam a awm dawn chuang si lo.










Ka mut hmunah chuan ka ngaihtuahna ka kawm melh melh reng a, ka hlim ru em em mai bawk si.









Mahse engmah ka la sawi chhuak lo ang, davida bulah pawh nise ka ngawi mai mai rih ang tiin thutlukna ka siam thung.









Ka phone chu ka han en a, an status update te ka en zuai zuai a, zualsuali tia a number ka save chuan davida nena an thlalak chu caption ah nizan lam boruak, anuam ngei mai tih aziah chu a rawn update a.









In huat loh hmel takin an ding dun a, David an a kawng ah akuah bawk a, rilru chu ana duh ve khawp mai.









An thlalak chu davida ka va thawn hial a, hlim zel ang che u, ka duhsak che u tiin.








Amak thin ngawt mai, ahahthlak thin tiin min rawn chhang a.







Ka chhang zui tawh lo, hla taka ka awm angai ani tih ka hria.









rei deuh hnu ah min rawn be leh a, zonuna nena thawh dun chu anuam bawk ang chu maw? Thawhna tur dang kawhhmuh che ka tum laiin ani bulah kher iduh ta sia, anuam viau ang chu maw tiin.








Kan inkar boruak hi a ahahthlak thin takzet, ani lah zualtei nen dem loh theih loh in an awm reng bawk si, kan inkawp rem theih hi ka beisei thin lo.











Mahse hna ka mamawh a, amah avang chuan ka hna hi ka kalsan lul lo ang, kan nufa tan ei ka zawn angai miau si a.









On leh off in kan inkar chu a awm deuh reng a, in then hleithei silo, inngeih silo hian kan awm chho reng bawk a.










Nikhat chu zualtei leh Anu hi zonuna dawrah chuan an rawn lang hlawl mai a, an ni chu inhmelhriatsa an ni bawk a, an intlawh tawn fo thin.









Zualtei chuan ka thawk tih a hresa nge min tawng el khum dan chu rilru ana takzet.







Lehlam hawi zawngin ka ding a, design hrang hrang ka en kual bawk a.








Zonun, idawr angah hi chuan designer first class hi chhawr thei la, hei ai hian in la lun leh zual ngawt ang a rawn ti deuh kher bawk a.









Hrelo ang maiin ka ngawi reng a, zonuna erawh chuan kan lakthar hi ka duhthu a sam viau asin, akutchhuak hi ala lar dawn teh ania tiin ka thlavang alo hauh thuai a.








Hrelo ni awm tak hian, mi chhawr inei tawh ani maw? Ava lawmawm ve a ti ve mai bawk a.








An lam ka hawi duhlo thung, ka khawih lai chu ka khawih mawlh mawlh zawk a.











Hello, david khawnge i awm? Zonuna dawrah kan la awm a, kan rawn chhuak tep e.









Nu, kal ang david an min nghak tawh anih chu tih pahin an chhuak ta nghal a.








Ka na takzet, avawihnih na atan kei zawng ka vanduai leh dawn ta anih hi, mahse ka tuar ang, ka tuar dam em em ang, ka hmangaih hi ka nau tan ka hlan phal tur ani.










Midang nise chuan ka tuar thiam lo viau ang, mahse hei erawh chu a dang lam tlat si a.








I va ngaihtuah muk awm ve, ka darah a rawn beng thlawp a, ka harh chhuak zawk a.







Ka nui ringawt a, ka thil tih laiah ka rilru ka pek zia kalo hrilh ngawt a, ani der bawk silo.











Tlai thim hma deuh chuan an rawn let leh a, tih tur pawimawh an neih erawh ka hre lo, davida nen chuan zonuna dawrah chuan an rawn lut leh ta, kan mit leh mit a in tawng Chiang mai si a, ahreawm duh khawp mai.











Lehlam ka hawi thuai a, hreawm ka tih zia chu na sa tak ani.









Kan inkar that vak lem loh lai tak ani bawk nen ka zak ve ani.











Tul miah lo ah kan thil thuisa chu zualtei chuan a lei vel a, a chhuanlam ani tih ka hai der silo,










Haw mai an tum loh avang chuan keimah zawk chu haw tumin ka insiam sawk sawk a, zonuna chuan ka va thlah ang che a ti tak na in ka duh lem lo.











Zan dar riat bawr vel ani tawh a, ka mit atangin mittui aluang nguai nguai a, engvanga vanduai bik em em reng nge ka nih le? Ka tan hian hmangaih na leh hnangaihtu tih vel hi an awm ve tak tak lo anih hi, ka fanu hi enkawl tawp ila thildang ngaihtuah lo in.










Zonuna chuan fel ati khawp mai che maw, alakah ilo fel viau ami mahna, engkim hi atha vek e.







Ka chhiar thuak a, ka hne takzet tawh, hmangaihna khur ah hian ka tlulut duh tawh lo, natna mai chauh ani.

[Ngaia]

Kan intih taurau atangin thlakhat lai a liam ta, kei chuan ka rilru ka siam fel vek tawh, a chhan chu dave a mizia ka en hian ka hlim dawn chuang lo, bakah ka nau nen hmangaih intawm neih ka duh hek lo.







Kan awmdan hi enge a awmzia? Kan in then hlen dawn nge dawn lo tia min zawh na pawh ka chhang tawh lo.







Mahse vawikhat tal chu hmuh ka duh ani, kan in then dawn anih pawhin thil awmzia tha tak a hrilh ka duh ani.








Hreh tak chung chuan ka va be ta nge nge a, hmuh ka duh thu chu ka va hrilh ta a.







Chumi tlai chuan chhuanlam siamin dawr atang chuan ka chhuak hma a, kan inhmuh tumna amuana te in lam chu ka pan nghal nal nal a.







Ka thlen phei chuan ani pawh a lo awm vang tawh a, nidang a kan inhmu tur nen chuan danglam tak ani, phurna emaw hlimna reng reng ka nei lo.







Thutthlengsei ah a lo thu a, a bulah chuan ka va thu ve nghal a.







Mercy, ka duat ka ngai tawh lutuk che, min thinrim san rei tawh lutuk a, engtiang chiahin nge ka khawhar lunglen ihre silo tiin min rawn kuah chawt a.






Min rawn kuah na kut chu ka paihsawn thuai a, ka hlim hlawl lo ani.









Enge a awmzia? Ka kuah iduh lo mi?








Duh lo, vawiin ah hian kan inkar titawp fel tawh tura rawn kal ka ni tiin ka tawng hmuk a.










A nui hak a, hmeichhe ho tak hi chu aw, thinrim hlek leh in then hi in cho nghal ar zel a, chutiang tur a ni ngai lo, kan in hau tawh lo ang, tha takin kan awm tawh dawn nia aw!









Ka ngawi reng a, thil awmdan leh nih dan avang hian in kawp thei kan nilo tih ka hrilh ngei angai si.









Mercy, kei pawhin thil pawimawh tak sawipui tur che ka nei a, ngun deuhin lo ngaithla rawh aw.







Awle tiin ka lu ka bu nghat a.









Zualtei nen kan inkar hi i lawmlo viau ani tih pawh ka hria, ka pha lo ka be chhe lo tih chu, mahse duhna leh hmangaih na ka nei lo, ka chhungte hian an duh em em a, a chhungten min duh ve bawk si a, nei turin ka chhungte hian min nawr mek ani.









Nu leh pa thu ka hnial ngai lo a, ka lei Pathian te an ni tlat a, Tunah pawh hian rilru hah takin ka awm mek ani, neih ka duh lo, ka tum lo bawk, nupui ka nei anih chuan ka hmangaih mercy ngei lo chu neih ka tum lo.











A ropui hle mai, chuvanga be tha leh inzui reng chu in ni bawk a, in induh tawn tih chu mita hmu tu tan ahai theih loh, i insawi thiamna hi ka ngaithla peih lo a, ngaithla tur pawhin ka lo kal hek lo.










Amak thin e, thil hi hriatthiam tum ve thin teh, chutiang boruak kan neih avang chuan kan pahnih tana kawng tha ber chu tlanbo hi ani, hun kan la neih hian tlanbo ang, chuan ka chhungte pawhin loh theih loha an pawm che angai dawn a.










Ka nuih a zat em avangin ka nui hak a, tlan bo a?
Ka nun hi abul atanga tan leh turin leh hmuhsit leh hreawm tuar nawn leh tur hian ka inphal tawh lo, tlanbo lo e a, i lei Pathian te thu awih hi itan malsawmna ani zawk, chuvangin an thu ang chuan awm zawk mai rawh.










Ka thei lo alawm mercy, ka hmangaih miah loh chu engtin nge nupui ah ka neih theih ang?










Dave, i hmangaih thei em em ang tih ka hria, chuvangin kan inkar hi chu Theihnghilh tawh rawh, ka tan leh itan a tha zawk.










Nang ka neih loh ai che chuan tumah hi ka nei lo law law ang, mercy kan tlanbo dawn alawm, bul kan tanna tur pawisa pawh ka nei sa vek a, ka chhungten min pawm duh tawhlo anih pawhin kan pahnih in nun bul kan tan thar leh dawn nia.










Ka thei lo dave, thil theih ani lo.










Zonuna ikal san hreh ami?









Ka thin a sa deuh zak mai a, nang anga mi pahnih hmangaih rual chi ka ni ve lo, zonuna chu ka boss ani a kan thawk dun ani mai a, isawi chhuah fo pawh hi angai lo.










Anih ahnu, enge i hlauh a? Tu mitmei nge iven?










Chiang tawkin ka hrilh ang che dave, nang hi ka ring zo hlawl lo che a, kumkhua a ka Pasal atan chuan ka nei ngam hlawl lo che.











Min en tlawk tlawk a, alo ni maw? Min hmangaih ve viau amaw ka lo ti thin a, ka ring sual che ani ati zuai raih a.









Tu mah mah chu tawng lo in kan ngawi dun vang vang a, aw nem tak hian min rawn thlem heuh heuh a.










Tlanbo dun tura min sawmna chu ka hnar fithla thak thung.










Anih chuan zualtei chu ka nei ang, inchhirin min rawn pan hauh suh ang che!










Pan lo ve a, ka nau zualtei hlim taka isiam anih chuan ka lawm em em zawk ang.










Enga? Ka nau a?








Aw ni e, zualtei hi ka nau, ka phirpui asin, ani nen a hmangaih intawm hi ka duh lo a, ka nau hi ka hmangaih a, hlim taka a awm hi ka duh, hlim takin siam ang che.










Min en tlawk tlawk a, a bangbo takzet, zualtei hi inau chu maw? Engtin nge anih theih? Avan mak em em ve a.












Ka hrilh tawh ang che khan ka nau ngei ani e, chuvangin thil engkim hi titawp ang, chuan Theihnghilh vek ka duh tawh bawk.











A hui pap a, hreawm a ti tih ka hre thei, mahse kir leh thei ka ni tawh lo.











Dar nga ari dawn hnai ta, haw mai ka tum a, ka tho uaih a, dave a chuan ka banah min rawn kai a, mercy, min kalsan suh, itello chuan ka dam zo lo ang, khawngaih in kan inkar hi titawp suh, engkim ka siamtha leh vek ang.











Dave, atawk Theihnghilh la min thlah rawh tih pahin akut chu ka thing thla a, hawilet tawh loin ka kal ta nghal vang vang a.










Ka rilru ana a, ka tah te pawh a chhuak ve lutuk, hmangaihna kawngah hian ka vanduai takzet ani, Pathian in ka fanu hi enkawl turin min duh anih hi, ka tan hmangaih neih a rem ve lo anih hi tiin ka in fuih mawlh mawlh a, engemaw ti tak hian ka hreawm ani.












In a ka haw hnu pawh chuan ka nguai em em reng a, ka tawng peih lo a, ka engtih tha mah hi a tho hlawl lo.










Hma takah ka mu vat a, Davida chuan min rawn be lawm lawm na in ka chhang duh tawh lo, beidawn hun anei ve mai mahna.











hma takah ka tho a, ka inpeih thuai a, dawr lam ka pan nghal a, Ngawirengin hna ka thawk mawlh mawlh a,










Nimin tlaiah zualtei alo kal a, a rawn zawng che a.
Zonuna chuan thil awmdan chu min lo hrilh mawlh mawlh a.











Eng atan nge mawni le min lo zawn le? Angaihna ka hre lo tak zet.











Minutes tam pawh ala ral lo tih ah chuan ka hnung lam atang chuan zualtei chuan min rawn ko a.










Ka phu zawk a, ka hawiphei thuai a, a mitmeng thip leh nelawm loh fahran chuan min melh kawr a, ka rap riau lehnghal.












Mercy biak lawk che ka duh!
Reilo te lo chhuak lawk teh tih pahin a chhuak nghal a.









Hrilhhai tak chung chuan ka zui chhuak ve bawk a, a rawn chet dan avang chuan hnathawk dangte pawh chu an meng phawk hraw vek mai.












Garage lamah chuan ka zui phei zel a, a motor chhung ah chuan ka thu ta ran a.











Mercy, engvangin nge Davida hi ihmuh ziah? Nimin tlaiah pawh engmah sawi lo in a chhuak bo a, nang dawrah i awm lo bawk a, in inhmu ani tih ka hrethiam nghal vek, khawngaihin ka ngen a che, ka pasal ni mai tur hi lo tibuai tawh lo hram teh.











Nu ini a, ifanu chiah ngaihtuah rawh, lerh Kawh hman inih loh hi, pi lucy leh ka nu zarah eizawnna tling khawp in thiam thil inei tawh a, ka tana hnawksak zawnga i awm anih chuan itan apawi zawk ang.












Tun hi ka last warning ah ngai la, Davida hnaihah hian lo inlan tawh suh!













Ka ngawi reng a, engtin pawn min ti se ka haw lo,











Zualte, ka tibuai tawh lo ang che u, ka thiam loh ani, hlim taka i awm hi ka duh ber alawm.











Min tih el tih hriat takin a nui hak a, ka hlimna hi iduh ber amaw? Tun ataka min ngaihtuah tak viau a?













Ka nau ini tih ka hriat atang khan ka rilru ka siam fel vek tawh zualte,ka nau hi ahlimna tur anih phawt chuan kei chu hreawm taka awm pawh ka inhuam reng.











I nau ka ni lo, ivan zaklo ve, ka nu leh pa fanu mal, an duat em em ka nih hi, nang thingtlang nu mawl leh rethei, nuthlawi leh nghal, chutiang thu awmze neilo leh dawt mai mai min hrilh turin ka ko lo che, chhuak nghal rawh,













Awle, ka kal ang tih pahin a motor atang chuan ka chhuak ta nghal vat a, engkim ah hian ka tlawm ngawih ngawih ani ber mai.













Dawr ka thlen leh hma chuan chak takin min rawn tlanpel fua a, ka thlir zui vawng vawng a, ka nau engtik ni ah emaw chuan i u hi min la pawm ve ngei ang ka ti sap a.












Eng thil nge ni ta? I va hlim loh hmel ve?
Ka rilru natna chu thup hram tumin ka nuilui a, engmah anih loh thu in zonuna chu ka chhang liam thuak a.











Zonuna chuan ka chevel chu min mitmei reng ani tih ka hria, ka in ngaihtuah lungpuam avanga ka mittui tla lek lek te chu alanglo lamah thup hram ka tum reng a.











Chu mi ni atang chuan Davida nen chuan kan inthlah fel ta.











Min ti el tur ni awm fahran hian zualtei leh a nu chu dawrah an rawn kal fo a, in hnelhriat sa mah nise ka awm avang a rawn kal anni ber in ka hria.











Nikhat phei chu ka awm ve reng laiin zualtei chuan zonuna chu a titi pui siam siam reng a, Davida nena an inneih tur thu te, a bik taka sawm anih tur thu te chu nui uar uar chung hian a hrilh a, ka tan chuan thil ngaihthlak nuam tak a ni lo khawp mai.













Ka awmna leh ka hawi vel a apiang mai chu ka tan hmun hreawm ani, engmah hi nuam ka ti lo, zonuna dawra thawh reng pawh chu nuam ka ti tawh lo.












Ka muthmun ah chuan ka in ngaihtuah neuh neuh a, ka thawhna atanga ban mai chu ka rilruk ta zawk a, pi lucy te an indaih lo em em a, thawk turin min duh reng tho a, anni hnenah insawn ila ka hahdam zawk ang tiin ban chu ka tum ta zawk a.












Hmaichhana hrilh ka hreh avang chuan phone kaltlangin zonuna chu ka hrilh ta tawp a, vawi tam min rawn call a tum a, lo chhang ta ila ka banchhan sawi la hreh ve bawk si, ka chhang duh ta lo.











A tuk atang chuan zonuna dawrah pawh chuan ka kal lo ta vang vang a, in a awm hahdam deuh a rilru tih thawven deuh ka mamawh ani.












Nitin mai hian zonuna chuan min rawn biak a tum fo thin, mahse ka be duhlo thung, ka tana tha ber chu tumah biak loh hi a ni rih.













Ka fanu ka siam mawlh mawlh a, vawiin chu ka nu leh pa te tlan tlawh ka chak em avangin ka nu te thlan lam pan chu ka rilruk a, inbunthawl ka chak ber ani.












A hla viau na in nisen sa tak hnuaiah chuan kan nufa chuan kan inchhawm chhuak ta hnak hnak a. Ka nu leh pate thlan ka tlawh khat lutuk chu ka inthiam lo takzet.












Kan kal ngat ngat hnu chuan thlanmual chu kan thleng ta a, thlan chu a zawna zawn chawp angai a, Khawnge an phum tih lah ka hre silo, ka zawng ta ngawt a.













Rei fe hnu ah chuan ka nu leh pa thlan insi deuh riala lo awm chu ka hmu ta, a lo hnim in a rawp em em mai a, enkawltu neilo tih a hriat hliah hliah, ka lung achhia in ka rilru ana vawng vawng mai.











Ka nu, ka pa, in fate nih hi kan van tlin lo em, in zalna thlan takngial pawh kan enkawl zo silo, min ngaidam rawh u aw, ka nu ka pa ka van ngai tak che u em, ka van mamawh tak che u em, in fanu khawngaihthlak leh rethei tak hi van atang khan min lo thlir reng ang tiraw?
Nu, pa, in kianga kal ve ka chak lutuk, khawvel hi ka tan a hreawm lutuk emai.













Nimin lawka boral ta, ngai em em ang mai chuan ka nu leh pa thlan ah chuan lungchhe vankaiin ka tap tlawk tlawk a, lung chhe tawh tak lo la inphun ve te chu ka chul ka chul a, ka tap tawp hleithei meuh lo.













Ka fanu chuan hrilhhai tak hian min kuah a, a mittui a tling liau bawk a, ka fanu hmel ka han en a, duat taka chawitu pi leh pu a nei ve lo te chuan ka lung a ti chhe zual telh telh bawk a.












Ka lungchhe zualpui te a reh a, ka tap pawh ka bang thei ta, thlan a hnim hnawk zualpui te chu ka pawtfai a, engemaw chen kan awm hnu chuan kan haw leh ta a.












Ka tah nasat avangin ka mit a bui luk a, ka lu ana ngawt ngawt bawk a, mak min ti hmel taka min en tu lah ka hmuh kan bik lo.












Ka nun a ruak ngawih ngawih a, nun bul han thar leh pawh chu ka huphurh tawh em em ani.












Hei leh chen ka nite ka lo tibuai tawh a, rulh let theihna ka nei silo chu hreawm ka tiin ka inthlahrung tawh em em a, kan nufa a inhrang luah ve chawt mai chu kan tan a that zawk ringin hreh tak chung chuan ka ni chu ka sawipui ta tawp a.












Ka ni erawh chuan puitlin in zirna anih phawt chuan a pawi lo reng reng, hna ithawh chhungin bawihtei chu ka lo enkawl thei tho a, I duhthlanna a ni e, ka hnial lo che a tih avang chuan awmhran ve chu ka rilruk ta a.












Bultanna ka nei silo lai tak chu ka rilru tihah tu ber ani, engtin nge aw ka tih ang tih ngaihtuah reng reng chuan nitin zantin mai chu ka in ngaihtuah reng mai a.














A tawpah chuan zah pawh dawn zo lo chuan zonuna chu biak ka tum ta rawt a.













Vawikhat mah be duhlo khan ka mamawh tak avanga han biak chu ka hreh takzet, mahse he khawvel ah hian kan dam khawchhuah nan zah pawh ka dawn theilo ani ber.
















Ka phone a zonuna number chu kan dial ta rawt a, rang takin min lo chhang vat a, hmuh ka duh thu ka hrilh chuan hlim em em hian min lo dawngsawng thuai a.














Thingpui dawr pakhat ah hian kan inhmu a, ka hmel ngui leh bui deuh lak ahmuh chuan thil diklo a awm ani tih a hrethiam nghal a, harsatna ka nei em tih min zawt thuai a.













Ka ngawi vang vang a, ka hmai ka hup vat a, ka thaw apik ani.












Zonun, harsatna nasa tak ka tawk a, min puih ka ngai ani ka han ti ta tawp mai a.












Mercy, eng thil ah nge han sawi la, puih theihna ka nei che anih phawt chuan ka pui em em ang che.




*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***


Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/








Engvanga dawr atanga bang nge inih min han hrilh phawt teh?












Thawnthu sei tak ani Zonun, hun thawl ah ka la hrilh ang che.












Ka fanu nen indan ve kan tum a, ka nite fin reng mai chu ka inthlahrung tawh a, bultanna tur ka nei bawk silo, pawisa puk tur emaw, loan tenau lak dan tur te kawnghmang ihriat tak mialin tiin ka rawn rawn tawp mai che ani.
















Ka harsatna tlangpui chu ka hrilh thuak thuak a, an dawra ka thawh duh loh chhan pawh sawi lan a ngaih tak avangin ka sawi lang ta bawk a.












A theihtawp min chhuahpui tur thu min hrilh chuan ka thla pawh a muang huai mai.














A mah zawk chuan kan inluah tur te chu min lo dap pui zung zung zawk a, chanchin kan inhrilh deuh reng bawk a.












Zonuna nen kan inhmuh atangin thlakhat aia tam mah a liam tawh ang tih ah chuan kan nufa khawsakna tawk lek min hmuhsak thu chu min rawn hrilh ta a, tlai ah min enpui a intiam bawk a.














Thim thet thet ah chuan an dawr ah chuan ka thu ran tawh a, kan inluah tur hmuh hlan chu ka nghakhlel takzet.














Zonuna inpeih hnu chuan kan chhuak dun ta nghal a, Chaltlang tawntirh ah a ni nghe nghe a, a hmun pawh duhthusam ani.
















Kawngpui an mai hnuai a ni a, in neitute in ah chuan kan lut hmasa a, zonuna chuan puitling taka a dawr vang ani mahna kan insawirem nghal der a.













In te fel renrawn, thianghlim leh felfai tak hi a ni bawk a, ka phur tawh hle.















Zonuna chuan luah man advance te min pek sak a, ka inthlahrung angreng viau mai.













A tuk atang chuan ka ni ho in kan insuan lut ve hlek hlek a, zonuna chuan phal takin pawisa min puktir bawk a, ro feltak min relpui a, ka inluah ah chuan hna ka thawk thei dawn bawk ani.











An dawra kal chu ka tan thil rem anih loh avangin ka hna ngai chu in lamah ka chhunzawm dawn ani, khawl leh ka mamawh ur te min chhawpsak ta vek bawk a, hreawm tam tak tuar thin mah ila tanpuitu tha tak ka nei thin hi vannei ka inti hle ani.














Ka luahluh zan chuan ka niin tawngtaiin min hlan thlap bawk a, kan nufa te chuan kan inthar ah chuan kan awm dun ve ta ran a.












Ka hna chu nau awm pahin in lamah ka thawk mawp mawp reng a, thahnemngai takin ka thawk bawk a, kan nufa eikhawp chu ka thawn chhuak ve ta zel bawk a.














Zonuna pawh a khat tawkin a rawn lang fo a, kei pawh loh theih lohna avanga dawr lama la kal angaih changte a awm fo thin.
















Tuk khat chu zingkar hma takah ka tho a, ka thil design sa te chu dawr lamah dah ka tum a, kan nufa chuan boruak thianghlim dawn pahin kein kan kal hnak hnak a, dawr pawh a lo inhawng tawh a.









An lo in thui mawlh mawlh tawh hlawm a, zonuna hmel ka hmuh tak loh avang chuan ka han zawt a.











Vawiin chu inneihna ah akal dawn a.












Chu thu chuan min ti na zawk mai, ka hmangaih dave a te inneihna anih ka ring nghal bawk a, mahse ka zawt zui duh lem lo.














Kan haw leh hnu chuan ka rilru ah a awm reng a, Theihnghilh tawp chu har ka ti ve em bawk ani.

[Ngaia]

Lalpa min pui rawh, ka chaklo emai, ka thinlung na hi min tidam rawh, ka tana tha tur ang zelin ro min reksak ang che tia ka tawngtai hnu chuan ka thaw te pawh a veng ve hawk mai.









Ka hmangaih ve em em chu mi ta ani tawh dawn a, midang chu nise ka tuar thei lo maithei, mahse he thu hian min hnem fo thin.








Hmangaih ten malsawmna an chan theih nan hmangaih tun a tuar a tul fo si thin.









Nileng mai chuan ka nun khua a ngui ruai mai, hna thawk mawlh mawlh mah ila rilru ah thil tam tak alo lut a, ka tek leh zawk thin.










Ka fanu mutchhuak ka mutpui lai chuan ka lo muhil ve ta daih a, mumang lam thleng chuan david a chu ka lo hmu a, ka han thang harh te chu ka lung a leng vawng vawng mai.










Tiang chuan hun leh nite pawh a ral ve zel a, ka natna pawh ka tuar thiam viau tawh, Davida emaw, zualtei chanchin reng reng ka hre zui lo, kan awmna leh kan hnathawhna kar a in hlat tawh bawk a, hriat zui tumin ka ngaihven hek lo.









Kawngkhar a rawn in kik dat dat a, ka va hawng thuai a, zonuna chuan nui sen sen chung hian lo len i phal em a rawn ti dek dek a.









Boss ber te kan phal loh in lo leng rawh tiin hlim takin ka lo chhawn thuai bawk a.










A awmzia hi ka hre lo, min ngaihzawn thu emaw, min duh thu hi a sawi ri ngai hauh lo a, mahse min ngaihven em em thung si, thian angin kan awm ani deuh ber mai.









Chumi zan pawh chuan ka design thar te ka lo kawhhmuh a, a lung a awi ve hle bawk a, thil eng eng emaw kan sawi nual bawk a, ka hmalam hun atana a duhthusam te pawh min hrilh tel bawk a.










Tiang chuan thla engemaw zat chu in lam atangin hna ka thawk ve bek bek reng a, ka hlawh pawh a chhe lem lo, ka ba te pawh ka rul ve bek bek zel bawk a, tlem tlem ka indahtha ve bawk a, tlem chuan nun pawh a nuamin a hahdam ve ta deuh.











Mercy!
Naktuk hi ka birthday ania, in nufa in kan in ah chawhlui min rawn kilpui ve rawh u, sawm nawn ngai tawh loin ihre dawnnia aw.
In in ah rawn kala rawn sawm che ka tum na in ilo kal tho a, ka hrilh nghal mai che anih chu aw.











Awi, a zahthlak emai a, nau nen kan hnawk lutuk palh ang, kan ei tlukah min ngaihsak mai rawh tiin ka han hnar ngial na in tiktak zeta min sawm avangin hnar chi pawh a ni meuh lo.











A tuk ah chuan phur lemlo tak chung chuan kan insiam ve a, mi lian leh mi hausa tak tak athiante a sawm ngei awm si a, tu hriat loh a lo va thut ve chu ka zak takzet.










An in takngial pawh ka la hriat loh avang chuan ka va zawt hial a, tha takin min lo hrilh hnu chuan kan nufa chuan taxi te bia in zonuna te in lam chu kan pan ve ta a.











Kan va thlen meuh chuan eitur vel buaipui tu te leh an thenrualte chu an lo zi nauh nauh tawh hlawm a,nuam ka ti lo khawp mai, mahse min sawm na han hnar chi ani der silo.










Kawngka kan dak lut chiah a, thutthlengsei atang chuan a rawn tho chhuak vat a, min rawn chibai vat a, inchhung lamah chuan kan inzui lut ta nghal a.










Ka rin ai takin min dah chungnung thiam kher mai, a nu leh pa te, a thian te ho bulah chuan a partner ka nih thu uar taka sawiin min inchibai tir hlawm bawk a, ka huphurh ang em em chuan kan boruak a rit ta bik lo










Thil Theihnghilh ka neih erawh ka hre chhuak a, ka inthiam mawlh lo, a thian thenkhat ten birthday thilpek an pe liam liam a, kei lah kutruakin ka kal theuh mai si a, nuam lo ka ti khawp mai.











Hlim taka zanriah te kan kil ho hnu chuan keini nufa chu thim hma deuhin kan haw ta a, kawngpui thleng min rawn thlah nghe nghe a.










Kan nufa te chuan kan in reh tak ah chuan kan thudun ran a, bawihtei chhaih hlimna hun ka neih loh thin em avangin hna pawh thawk loin kan nufa chuan kan inkawm melh melh a, ka fanu pawhin nuam ati hle ani.












Hun rei tak a chanchin ka hriat tawh loh leh ka biak tawh loh upuia hi engtin tak a hnringnun hmang ve ang maw? A khawlo tluang zel ang nge nupui fanau te neiin hlim takin a awm ve ang le? Ka fanu pa ani bawk a, a chanchin han hriat ve te pawh chu ka chak ta riau a.












A number ka neih thin ah chuan ka va call chhin a, mahse switch off a in ti ta tlat bawk si, ka biak a rem lo aniange tiin khum lamah chuan kan mu phei ta thuai a.












Siama te tal kan be Chhin teh ang, lunglen hnemah tiin siama te chu ka va call leh ta thung a.











An nu nen chuan dan pangai te bawkin kan inbe leh a, a ri chel chul mai bawk a, induh min tihzia te pawh a sawi chamcho bawk.











Bawihtei pa chanchin chu ka sawi pawh ngai lo in amah zawk chuan a rawn sawi chhuak ta nge nge a,
An khua ah a awm tawh lo a, an in lamah a let tawh a, ruihhlo lakah a fihlim tawh a, rawngbawlin an chhuak thin tih thu min han hrilh meuh chuan ka lawm takzet.











Innei tawh dawnlo mah ila ka fanu hian pa zurui leh lepchiah a neih ai chuan rawngbawla chhuak thin pa anei tur ringawt pawh chu thil hriat nuam tak ava ni em.











Zonunan zan dar 12 dawna min rawn mangtha na chu ka lo hmu tawh lo a, zingah ka hmu chauh a, mifel leh smart tak anih zia hi ka hmuh hmaih hauh lo.











Hun leh ni aral ve zel a, ka fanu pawh sikul kal rual ani ve ta reng mai, ka bula nitin tap chawt anih avangin a khirh viau mai a, tap chung hian kan inhruai nitin a ni tawp mai.









Ngaia aneih hnu erawh chuan Chhun lama a sikul kal chhungin hna ka thawk mawlh mawlh thei a, thahnem ngai takin ka thawk thei thin ani.











Mercy, zualtein a rawn zawng che a, in in awmna min rawn zawt a, hrilh chi nge chi loh ka hre silo a ka rawn zawt phawt che.











Zonuna msg chuan min ti phawk hle, engvanga min rawn zawng nge a nih le? Min ankhum leh turin nge min deuhsawh leh turin?











Chu pawh chu alo ni kher lo thei, min hmuh duh miau si chuan kan awmna chu lo hrilh mai turin ka ti ta a.














Chumi zan la la chuan zonuna nen chuan an rawn kal ta nghal vat a, a ngaihna k hrethiam lo takzet, nidanga min deuhsawh em em thin kha a mitmeng a dul raih a, a zawi awi riau bawk.












Zonuna chu mifing tih takah thil sawi tur kan nei ani tih hria in pawn lamah a inthiarfihlim thuai thung a.










Zualtei nen chuan inhmachhawn in kan ding ran a, engvanga lo kal nge ani tih chu ka zawt ta a.













Ka u, ka tihpalh ani, ka tihpalh takzet, hmusit taka ka tawngkhum che avang leh rilru na taka ka siam fo che avangin min ngaidam rawh aw.












Ka kut avuan a, a mittui atla bawk a, chu tia a rawn tawng chhuak ta mai chuan min thawng em em a, han chhan mai ngaihna pawh chu ka hre lo.













Khami ni atang khan ka theihtawpin ka lo chhui ve a, nang ngei hi ka u ini, ka hre tawh asin, unau kan ni, ka u, ka tihsual tawh zawng zawng ah khan min ngaidam hram rawh aw.











Thinlung takin zualtei chu ka lo kuah vat a, a mittui chu ka hruk sak bawk a, thutthleng ah chuan ka thuttir a, a bulah ka thu ve bawk a.











Zualte, ka haw ngai reng reng lo che, ka nau ini tih ka hriat hnu phei kha chuan ihlim na hi ka duh ber a, ka hmangaih lutuk che asin, i u a min pawm ve thei ta hi ka van lawm tak em.











Pangchang tak hian ka darah a rawn mu a, a mittui a tla reng bawk a,












I hmangaih em em nen in inkar ah tlazepin ka in then tir che u a, ka lo hre lo ani, ka u tunah chuan ka kalsan tawh, Davida hi ita chauh ani tawh ang, hlim takin awm dun leh ula ka duh ani.












Enge a awmzia? Davida nen chuan in innei tawh ani lawm ni?










A lu a thing a, nei lo, innei mai tura insawirem thei kan nih laiin hneichhe dang a lo kawp a, min be duh bawk silo a, min duh tak tak loh zia ka lo hre har em ani ati zuai ta raih a.













Ka thin a rim ngang mai, ka nau nun thlenga alo tichhia chu ka haw takzet ani, ka hmuh ngei angai dawn ani.










Chumi zan chuan zualtei chu kan bulah a riak nghe nghe a, zan reitak thleng kan titi dun a, min ngheng rialin a mu a, bawihtei chu a fawp zauh zauh reng bawk a, chutia unau a kan han awm dun chu nuam ka van ti teh lul em.














Atukah chuan Davida chu ka call ta nghal a, min lo chhang vat a, ahlim hmel em em mai leh nghal a.











Hmuh ka duh thu ka hrilh chuan min hnial lo chiang hle, thinrim tak chungin ka fanu sikul kal chhung chuan Davida hmu tur chuan ka chhuak ta a.













Amuana te in ah bawk chuan kan inhmu leh a, ani aiin ka lo thleng hma sa a, ka thinrim lutuk chu ka vei tawn sek bawk a.












Kawngka a rawn inhawng a, Davida chu a rawn luh rual chuan ka thinrim insum zolo chuan a hmaiah tak chuan ka lo beng ta sawk a.












A hrilh hai lutuk chuan min en reng ringawt a, mi tenawm pa, ka nun zawng zawng itih chhiat hnu ah ka nau zualtei nun thlengin iti chhia amaw? Engvangin nge rilru na taka isiam? I eng pawi nge a sawi? Hneichhiate tihnat leh tihchhiat chiah hi ami ithiam tiin ka lo tawng khum piap piap a.















Vin zet hian duhtawk rawh, i duh duh a i tawngkhum tur ka ni em?












Ka hrilh tawh che ani lawm ni? Zualtei hi ka duh lo a, ka hmangaih hek lo, nupuiah ka nei dawn lo tih kha ka hrilh tawh che ani lawm ni?












Anih i hmeichhe kawp chu iduh ami? Nupuiah chuan inei dawn ami? Mi tenawm tak ini tiraw? Ka nau hi iduh lo anih chuan engvangin nge beiseina isiam sak a, kha leh chen ilo zui si?












A nu te nen partner kan nih vang chauha be tha ka ni, tunah chuan engkim a tawp vek tawh, an ni nen a in hnamhnawih pawh hi ka duh hek lo, chuan ka hmeichhe kawp chhan erawh nangmah vang anih hi hria ang che.












Enga?
Keimah vang maw ni a? Kei hian inhnamhnawih na ka nei reng reng lo.











Engkim hi nangmah vang anih hi hria ang che, zualtei nen kan inneih loh nan midang ka kawp mai mai anih hi, tumah hi ka duh tak tak lo a, ka hmangaih hek lo, ka hmangaih awm Chhun chu nang chauh hi ini.











Ka thin ati ur zual takzet, hrep tak hian!









Ka ten lutuk che, inbe tawh lo zawk teh ang tiin pawn lam ka pan nghal a.








Min rawn man bet thuai a, tihluihna takzetin min kuah bet a, min fawh atum bawk a, a a takzet tawh ani, ka theih ang ang in ka lo indang a, ka nawr vak vak bawk a.










Ka ta inih theih dawn loh chuan tuma ta ini bik lo ang tiin tharum nen min nawr bet ani ber mai.










Tharum ah lah chuan ka hneh lo na sa mai si a, ka sik a, ka seh bawk a, mahse awmzia a awm lo.









Ka thawmhnaw a phihna te chu a tet hawk bawk a, zawnga min thlah rawh tiin ka au tuar tuar a, ka hmui a hup bet a, ka thapui ka lo thawh ve bawk nen ka thawk a chham ta thuai a.










A thim deuh mup a, ka vai ruai ruai a, ka zal ta der mai.









Mercy, mercy, hei engtin nge i awm tia min koh chu ka hre deuh ruai ruai a, ka bo telh telh a, engmah ka hre zui ta lo.











Rei vaklo hnu ah chuan ka rawn harh leh ta a, ka hmai leh ka taksa chu a huh hluam a, ka mit ka han meng riai riai a, ka bula Davida leh amuana lo thu chu ka hmu thei a.









Tui ka duh ka ti sap a, Davida chuan hmanhmawh zetin a va suak sawk sawk a, tui chu ka in ta khawlh khawlh a.










Ka fanu kha!
A sikul bang engtin nge a awm? Engtia rei nge helai ah hian ka awm tiin chau tak chung chuan ka tawng chhuak hram hram a.










Ka han hawi vel a, khua alo chawhnu deuh ruih tawh mai, ka rilru ah bawihtei a rawn lang hmasa ber a, thei leh theilo chuan ka inbeng kang a, Davida chuan min rawn dawm vat a.









Tawng chhuak turin chakna ka nei lo, a hmaiah chuan chil ka chhak thawt a, muangchangin ka chhuak ta a.












Thui ka kal thei lo, ka taksa a chau vek, zonuna chu ka call ta tawp a.











Ka fanu sikul kal ka hruai loh thu leh buaina ka tawh thu chu lungchhe tak in ka hrilh mawlh mawlh a, bawihtei chu alo va hruai tur thu leh ka awmna chu min zawt vat a, min rawn hruai tur thu min hrilh bawk a.












Ka awmna chu ka hrilh a, tah chuan lo awm reng turin min ti bawk a.









Kawngkal velte chuan min en duh thin hle a, ka thawmhnaw lah chu a huh hluam mai bawk si nen, ka chauh em avangin bang nghengin ka lo muthlu leh zawk thin bawk a.










Harsatna ka nei nge neilo min zawt tu an awm zauh thin bawk a.










Darkar chanve hnu vel ah chuan zonuna motor chu ka hma ah tak chuan a rawn ding a, bawihtei pawh tap na sa tih hriat tak hian a mit a bui lak a, chutia min rawn hmu chu a tap deuh pur bawk a.










Thei leh theilo in din ka han tum a, engti zia mawni ka taksa chu a chau takzet, mut thlawrh chu ka chak ber ani.










Zonuna chu a motor atang in a rawn chhuk thuai a, min rawn kuah vat a, motor ah chuan min thuttir ta a, thut pawh ka thu peih lo ka mu nghal thlawrh a.











Ka awmdan chu dik tawk loin a hria ani ngei ang, damdawiin lam min lo panpui chu niin, damdawiin kawt kan thlrn lai pawh hre lek loin ka lo muhil alo ni.










Duh lo hle mah ila kan thleng tawh si a, casualty ah chuan kan lut ve ta rawih a, thil thlen dan diktak han sawi mai chi lah a ni silo, ka chauh thu chauh ka sawi a.











Ka thisen a lo sang vak chu niin, thisen sang ka neih ka hre ngai der silo, hmanhmawh takin min jection sawk sawk a,











Ka vai deuh ruai a, mut ka chak ka ti leh sap a.











Khum ruakah chuan min mut hahdam tir nghal a, a khat tawkin ka bp chu an rawn en deuh reng a.











Tlema ka normal hnu chuan damdawi te min chawh hnu in kan in lam pan chuan kan tlan leh ta vang vang a.











In kan thlen hnu pawh chuan ka che peih meuh lo, thutthleng sei ah ka mu lut nghal thlawp a, ka thawmhnaw huh hneng hnuang te pawh chu ka thlak peih lo.









Zonuna chuan kalsan mai chi ka nih loh zia a hria te pawh a ni mahna, a ma rem hriatna ang ang chuan bawihtei chu a lo thlak ve a, kei pawh chu ka thawmhnaw te min thlak felfai sak vek bawk a.









Ka tawng that peih loh avang erawh chuan mim be lem lo, ka bulah chuan a thu ngawi ve reng a, a khat tawkin ka pang a rawn dek leh zauh thin.

[Ngaia]

Davida min ngaihtuah thin dan leh kan inkawp laia min care ve thin zia ngaihtuah chuan zonuna erawh a hawih hai vak lo, mahse ani chu ka thian chauh ani a, beisei san vak chi pawh ani lem lo.









Ka inthlahrun em avang chuan peih leh peihlo in ka tawng chhuak hram a, min hawsan tawh mai turin leh ka ngaihtuah awm loh thu chu ka hrilh a, mahse mim hawsan erawh a tum bik lo.









Ka meng tha peih meuh lo a, ka lo muhil leh thin, chutia zonuna ka biak zawh hnu chuan ka lo muhil zui nghal a, ka harh tawh mang lo, thawm ri va ah ka phu deuh zawk thin tih loh chu.









Ka harh chhuah leh meuh chuan khua a lo thim fel der tawh mai, dawhkan a ka fanu chaw ei mawlh mawlh chu ka hmu hmasa ber a, ka han hawikual thuak a, thlengsilna ah chuan Zonuna ka hmu bawk a, thil a sil mawlh mawlh bawk ani.










Ka han in beng kang a, thawk leh khat ah ka luak ta vak mai a, rang mangkhengin zonuna a rawn tlan phei vat a, ka chal a rawn dawm vat a, chhuat ah chuan ka luak ta hawk hawk mai nen ka inthlahrung takzet.










Thei leh thei lo chuan mahnia tihfai ka tum chu a phal lo na sa, ten hmel pu hauh loin a thianfai ta vek a, ka rilru a harh kur mai si a, a nuam lo duh viau mai.










Mercy!
I phone a ri a, i pickup peih dawn em?









Ka lu ka thing a, ka biak peih loh thu ka hrilh bawk a.









A in ring zawh rual chuan a ri nawn ta tluk tluk mai bawk si nen, zonuna chu lo pickup mai turin ka hrilh ta a.










Davida call ania,









Pick up rawh, a ho lutuk ka lo ti deuh vat a.








Zonuna chuan alo chhang ta a, ka damloh thu te pawh chu a hrilh bawk a,










Rei pawh an inbe lo enge a rawn sawi pawh ka zawt peih lo.









Reilo te hnu ah ka nau in min rawn call leh a, zonuna chuan a lo chhang leh bawk a, an ni chu inhre sa anni bawk a, ka damloh thu te pawh chu a hrilh nual bawk a.










Zonun, min hawsan tawh rawh, i chhungten an ngaihtuah lutuk ang che.









Hahdam takin awm rawh mercy, puitling kan ni tawh a, chhungte ngaihtuah vak rual kan ni tawh hleinem, bakah nangmah maia kalsan chi pawh ila ni rih lo, muthilh tum leh phawt teh.










I fanu pawh chaw ka eitir tawh a, ngaihtuah awm ani lo, a mutchhuah hunah ibulah ka rawn muttir dawnnia, khumah mu phei Rawh aw,








Awle ka ti sap a, ka tho tur chu min lo kuah vat a, khumah chuan min kuah phei a, ka mut hnu chuan puan te min sin fel tir a, ka khum mawng ah chuan a thu ve reng a.










Darkar khat hnu vel ah chuan ka nau zualtei a rawn thleng hlawl a, a rawn tlan lut hlawk hlawk ani ber, bedroom ah a rawn lut tlang nghal a, ka nau hmel ka han hmu chu ka lawm em em a, ka thla amuang suai suai mai.










Ka u, engtin nge i awm a? Tinge engmah min hrilh loh a?







Be vak rih suh, a chau lutuk, muhil rawh se, sitting room lamah phei ang tiin min kalsan ta a.










An titi dun mawlh mawlh a, enge an va sawi tak chu ka hre lem lo, dar sawm bawr vel ah chuan zonuna chu haw turin a insiam mek a, a haw hma chuan ka bulah a rawn kal a, mercy, ka hawsan phawt ang che u aw, zualtei alo thleng tawh bawk a, lo dam vat vat la, ka hman veleh ka rawn kan vat dawn che nia.











Kan in mangtha hnu chuan min hawsan ta a, zualtei chuan Bawihtei a awi hliau hliau a, a awihmut hnu chuan ka bulah an rawn mu ve ta nghal a.










Akhat tawkin ka pang a rawn dek zauh thin a, min muthilhsan meuh lo ani ber,









Zing khawvar lam hnaiah ka mu ve thei chauh a, a hreawm ngei mai.









Karkhat chhung zet chu ka dam lo, khum betin ka mu ani deuh ber, chumi chhung chuan zualtein min awmpui deuh chawt a, theih nise in then leh tawh lo tura awmdun ka chak takzet.











Zualte, i chhung ten an ngaihtuah lutuk ang che a, engtin nge chhuanlam te isiam a?







Ka thiannu a dam lo a, ka awmpui dawn ka tia, min ngaihtuah lo ang, idam hma chu ka kalsan dawn lo che ati siam siam a.










Unau kan ni tih hi ichhungte hrilh itum em?









A ngawi deuh vang vang a, ka hre lo le, sawi mai dan tur pawh ka hre lo, ka nu hi hrilh ta ila kan inhmuh te hi aphal tawh loh ka hlau bawk si a.










Ni e tiraw! Nun nuam tak inei a, nu leh pa hmangaih tu tak inei bawk a, inun hi tihchhiat ka phal lo, hlim reng la ka duh ani, chuvangin tuna kan awm ngai hian awm reng mah ila a pawina a awm lo ania, ka nau inihna a bo dawn lo a, i u ka ni reng bawk ang.









Tlem tlemin thil pawh ka ei ve tan tawh a, hna ka thawh theih loh avangin zualtei chuan tul pawimawh ang ang chu alei mai zel a, ka fanu sikul kal pawh a buaipui vek thin.










Bawihtei sikul kal a hruai chhung chuan ka phone chu ka han en chhin a, Karkhat teh meuh ka khawih tawh lo kha ania,









Ka han hawng chu Davida min rawn biakna chu alo tam ngang mai,










Mercy, ava nuam awm ve, idamlo chu Zonun an a awmpui che ani maw?









Min chhang ta che, i bialpa in aphal lo ami?








Ava nuam awm ve tih te ani nawk hlawm a, he pa hi ka hne in ka kham tawh takzet ani, engvanga min umzui reng nge maw anih hi ka hrethiam thei lo.











Mi hrang hrang kawp tho siin, tinge min umzui reng le?








Chawhnu her vel ani tawh a, Bawihtei te nufa an la haw lo a, ka khua a har ngang mai, an lo haw hlan ka nghakhlel tawh takzet.











Kawngka a rawn in kik dat dat a, ka fanu hian kawngka kik a hrat em avangin amah bawk chu anih ka ring a, ka chhang lem lo a.








Chutia ka chhan tak loh ah chuan a rawn innem hawng rawk a, Bawihtei anih ka rin avangin ka lo muhil der ta vel a.










Ngawirengin a rawn lut ani ngei ang, thawm a nei lo, pindan lam a a rawn lut lai pawh chu ka hre reng a, ka mit ka chhing tlat thung.










Zawimuangin ka rizai sin a rawn hlim a, ka lo meng deuh kawk a,









A hmel ka han hmu chu ka thin a rim lutuk, tawng ngaihna pawh ka hre lo, ka khum bula ka hmuh remchan hmasak ber tui bottle chuan a hmai ah tak ka hlap ri ta pawp a.











Zawnga, chhuak nghal rawh, min chhuah san rawh, ka kawk sawk sawk bawk a, a hmel chauh pawh kha ka tan natna ani.










A ding ngawi reng a, min en deuh reng bawk a, engvangin nge min en reng? Engvanga rawn kal ngam nge inih a? Ka thinrim em avang ani mahna tawng chhuah pawh ka harsat takzet.












Min ti na leh turin mi ilo kal? Min that law law ta che, min umzui reng lo hian min that law law rawh tiin a kut chu ka la a, ka nghawng ah chuan min rek turin ka ti hial.










A tawk mercy, duhtawk teh, mi a ang mai hian tinge i chet thin? Vawiin ah hian ngaihdam rawn dil tur che a rawn kal ka ni, tihnat ka tum lo che.









Ngaihdam a? Vawi Sangkhat piang nawn leh pawh ni ila ka ngaidam ngai lo ang che, min kalsan rawh, tunah kal rawh.









Harsa takin i awmna ka zawng chhuak a, ngaihdam ka dil hma che chuan ka kal thei lo ani, mercy khawngaihin min ngaidam hram teh, ka tihsual ka hria a, keimah vangin idamlo ani tih pawh ka hria, hmanni ka chet dan avang khan pawi ka ti lutuk.











Engmah ka ngaithla duh lo, tihsual fo hnu a ngaihdam indil fo hi ka duh lo, ka hma ah hian ihmel hi rawn lan fo tawh la ka duh, ka hmu peih lo che ani.











Chutia kan lo inhnial buai lai chuan ka fanu leh zualtei pawh an rawn thleng ve ta chiah bawk a, room a an rawn lut Davida lo awm ve ta kur chu zualtei hamhaih zia leh mak a ti hmel mawlh mai kha.











Ka u enge thil awmzia hi?
Hepa hi engvanga helaia lo kal nge anih?
Kan nun a tihchhiat vek tawh hnu ah helaiah hian iko leh a maw?
A hmel atang chuan thinrimna na sa tak anei ani.











Ka ko lo, chhuak turin hrilh rawh, vawikhat mah rawn kal tawh lo turin hrilh bawk ang che.










Lehlam ka hawi a, rizaiin ka inkhuh ta hmak bawk a.









Ka nau leh Davida chu chang deuh fak hian an inbia a, an in chhang deuh fak fak bawk a, atawpah chuan na sa taka inhau thinrim in Davida chu a haw ta nghe nghe a.












Ka u, irilru puthmang ka hre hauh lo na in Davida hi ila hmangaih anih chuan i kawng dalin ka awm tawh lo ania aw, mahse hei hi lo hre reng la, ka hmelma nen hian hmangaihna kawng in zawh leh anih chuan kei chu ihlat ah ka awm tawh ang.











Zualte, Davida nen a kan inkar thar thawh leh hi ka tum tawh lo, ka duh tawh bawk hek lo.










Anih zonuna hi?









Thian mai chauh kan nia, kan karah engmah a awm lo, ka tan thian tha tak ani a, inthian thatna chauh hi alaka ka duh ber ani.










Ni e, Bawihtei inei tawh a, tha takin enkawl tawp la, kei pawhin theih tawp in ka pui bawk ang che u, itan ngaihzawng neih ala remlo ani mah na. Ahun ah chuan pathianin mi tha tak a pe ngei ang che.












Kan unau chuan kan titi dun mawlh mawlh a, Karkhat zet min awmpui hnu chuan kei pawh zia awm lam ka pan zel bawk a, min hawsan leh ta a, ka lung a lengin hreawm ka ti kher mai.










Dam takin ka hna ngai pawh ka chhunzawm leh thei ta a, tiang chuan nitin hun leh ni te kan hmang liam ve leh ta zel bawk a.











Tum khat chu kan veng Chaltlang ah chuan rawngbawl tu an ruai a, camping te neiin an hlim ngang mai, chumi chhung chuan ka inkhawm ve lo thung, an thawm ri erawh ka hre reng thin a, nawm hmel ka ti thin hle.











Ka thenawmnu nuthlawi ve tho hian a tawp zan chu chhim ve tura min sawm tlat avang chuan hma takah ka insiam zo a, a chhung chan ve ngei kan duh avangin khawthim chian hma in kan inpeih der a.







Kan thiandun chuan kan inzui chhuak ve hnak hnak a, Bawihtei ka hruai bawk a, kan phur ve ngang mai.










Kan va thlen phei chuan inchhung chan loh hlau mi engemaw zat an lo kal ve tawh bawk a, pawn ah chuan kan lo ding khawmuang deuh a, biakin hnuai hall atang chuan rawngbawl tu te pawh an rawn chhuak chho ve mek bawk a.











In chhung lam ah kan lut ta a, tlar hmasa lamah chuan kan thu ve ta vang mai a, Bawihtei lah chuan nuam a tiin a phur em em mai bawk si.










Mi pawh an rawn kal khawm ve zel a, mi lo lut lai velte chu kan lo thlir dauh dauh reng a.











Pulpit sir thutna lam ka va hawi phei chu mak tihna hlir hian ka khat ani ber, ka mumang a ang rum rum zawk mai, kan lam hnaih ber a thu chu Bawihtei pa, hun rei tak ka hmuh tawh loh, upuia ngei ani,













A tawngtai mawlh mawlh a, ahmel atha in a eng sur mai bawk a, a fai em em mai bawk si.










Mit la sawn lek lo chuan ka en reng a, kan imhmuhna chu mak ka ti em ani, a tawngtai zo a rawn men rual chuan ka mit ka la sawn ta vat zawk a.












Ka en ngam tawh lo, min rawn hmu ve angem le? A fanu hi a rawn hmu ve angem le? Mi tui taka an zai lai chuan ka rilru ah thildang daih alo awm leh thin.











Ka va melh zauh a, kan mit leh mit chu a intawng chiang hle mai, tek den an sawk hian ka tek ani ber mai.













Mak min ti hmel awm ang pawhin alang lem lo, a thian dangte ho nen chuan tui em em in an lam a, a van tha teh kher em, ahmelah isua a lan vang te pawh ani mahna.












Inkhawm kan bang dawn ta a, banhla kan sak lai chuan Bawihtei chu a muhil ta daih mai a, mipui tam kara inpawm chhuah ai chuan tiin tawngtai rual hma chuan ka chhuak ta daih a, pawn a thuttheng awl ah chuan kan lo inpawm ran a.












Mipui an tam tak em avangin ka thiannu nen chuan kan inbo ta daih mai a, a hmel hmuh tumin ka hawi kual vak vak a, ka hmu ta mai silo, ka beidawn deuh avang chuan haw ka tum ta zawk a.












Ka darah min rawn beng thak a, ka leh hawi vat a.









Anui sen sen a, akut a rawn phar chhuak a, kan inchibai ta a, sawi tur reng reng ka hre lo.












Naute, in dam tha maw? Zanin ka hmu nawlh che u chu mak ka ti hle mai, Bawihtei adam tha maw? Avan lian tawh ve aw,
A fanu sam chu a chul hleuh hleuh a, a chhun hle mai che, a hmeltha hle mai.












Kan awmna lai te chu mim zawt a, kan chanchin chu atlangpui ka hrilh thuak thuak bawk a.











Ka zawng na sa lutuk che a, hmuh ivan har ve!
Nula lian lam leh ngo veng vawng tak mai hian upuia chu a rawn be luam a, a nui deuh sang bawk a.










Mercy, hei kan nu tur zotei anih hi, zote hei hi ka nupui hlui mercy leh ka fanu te an nih hi, han inhmelhriat ve ula!










Ka nui deuh sak a, nupui inei hmeltha dawn hle mai, ka lawmpui lutuk che u tiin zotei chu ka chibai vat a, engmah sawi zui lemlo chuan Bawihtei chu ka pawm vat a, kan in lam chu ka pan ta nghal a.










Upuia chu ka van lawmpui si em, nun thar a nei tawh a, nupui tha tak a nei dawn bawk a, duhsakna sang ber hlan chungin hlim takin awm se ka duh ani.











Pangai takin hun leh nite kan hmang ve zel a, akhat tawkin upuia chuan a fanu a rawn be thin a, number dang alo hman tawh vangin ka lo be tlang theilo kha alo ni.