MERCY by Mpi Hmar (Completed)

Episode nei ho a hlawm a dahkhawmna
Ngaia
Site Admin
Posts: 25813
Joined: April 30th, 2016, 4:07 pm

Re: MERCY by Mpi Hmar (Completed)

Unread post by Ngaia » December 21st, 2019, 11:44 pm

Nileng in min rawn be duh lo, a thei angreng hi Ka ti khawp mai, mahse Ka luhlul ka chhuah a, ka be duh bik lo.

Chhun chawlh lai bawr vel hian msg ka dawng ta nawlh a.

I hman dawn tawh em?
Ka lo kal dawn chiah aw tih msg ka dawng a.

Ka nui dir char char, msg thawn sual luih vel hi anaupan chhiat thlak ka ti lutuk.

Ka en liam mai a, Chhan en ah pawh ka en bik lem lo.

Tiang chuan karkhat dawn kan awm a, atawp ah chuan amah zawk chu awm theilo ah atang leh thin.

Ka nu damloh thu ka hria a, damdawiin ah hial an lo awm tawh tih ka hria a, ka rilru tak chuan ka ngaihtuah angreng hle mai, achhan chu upuina nu anih vang chauh in ani.

Ka hriat tlai chuan dawr atangin an in lam pan chuan ka tlang nghal vang vang a.

An in ka thlen chuan an lo reh deuh thap a.

Kawngka ka han kik deuh dat dat a,

Lo lut rawh tih ri ka hriat rual chuan ka lut nghal a.

Pindan atang in sawmi a rawn chhuak a.

U mercy,
Ilo kal alaw, ka van lawm tak tiin min lo kuah chul a, mak ka ti angreng viau.

Ka nu chu enge a an tawh a?
Chaw te a ei peih em?

A lu athing a, u mercy tah hian lo kal teh tiin min hrilh ru sar sar a, a chetdan chu thuruk nei a ang hle.

Thutthleng seiah chuan kan thu dun ran a.

Ka nu hi a cancer a, mahse amah hi engmah kan hrilh ngam lo a, amah phei chuan cancer anih hi a in ring lutuk a, a beidawng lutuk a, anihna tak engmah kan sawi ngam silo a.

Lungngaih hmel tak chuan sawmi chuan min hrilh sap a.

Amah enge a an? A biak theih em?

Aw a harh tha angreng viau, lut ila.

Ka nu mutna lam chu ka pan ta a, chauh hmel zet hian khumah alo mu a.

Min lo en kar a, ka lainat angreng hle mai.

Khum bula chair tawng lampang tawh tak in hung ah chuan ka thu a.

Ka nu, enge i an a?
Idam lo tih ka lo hria a, ka hre tlai lutuk a, ka hriat veleh ka rawn kal a.

Ka beisei phak loh lutuk in min lo nuih sak a, a hmel a thinrimna leh huatna zawng zawng chu abo vek a, thatna in a hmel chu aluah khat zo a.


Ka tha e bawihi, ngaihtuah awm ka ni lo, ka chau ve deuh ani ati sap a.

Atawng tha Peih vak lo ani tih ka hriat avangin ka be tam lo hle a.

Nidang zawng zawng aiin ka nu leh afanu te chuan min ti tha em em a, hetiang rilru hi hman ah khan lo pu ta se chuan vawiin ah te hian duat takin ka enkawl mai tur.

Pawisa an mamawh dawn tih ka hria, a hun tawp lam ani tawh a, phuba la tur ka ni lo tih ka in hria, ka neih Chhun ang ang chu kan nan ka pe ve bawk a, hlim takin min thlah nghe nghe bawk.



Ka rawn be tlai che iti em?
Ka inbual zo ve leh chiah a, vawiin chu ka chau khawp mai, nang enge i an a?

Kei pawh in ka thlenna ala rei lo a, tv kan en mai mai.


Enge itih a? Tunah dar riat a pel tawh a, ivan rei em em ve.

David, ka nu kha alo cancer ve a, ka tlawh haw ve a, alo chau angreng khawp mai, ka khawngaih khawp mai.

Mercy...
Ichunga an thil tih man an tuar let anih chu, engtin nge ila khawngaih theih zawk a?

Dave, min tih ang zela rul let tur ka ni lo alawm, pathian duh dan pawh ani lo, pathian in mi khawngaih theihna min pe ka ti lo thei lo, phuba ka la thei lo ani.

Ka duati hi chu avan fel tak aw, ka chhuang lutuk che aw, pathian malsawmna tam tak ila dawng ngei ang tih ka ring tlat ani.

Min ngai tawh em?

A zawhna teh daih chu kan thupui a rawn thlak ta daih mai.

Ngai ve bawk e....

Ve bawk maw?

Avan chiang lo ve... Za lo tak hian anui hak a.

chumi zan chuan kan titi rei khawp mai a, ka nu ka ngaihtuah na chuan rilru a ti nuam lo, ka in a lak luh mai te chu ka duh rum rum mai, mahse a chi ber chiah silo.

Ka mu thei lo a, ka tho chhuak hlawl a, thinlung leh tih tak zetin ka nu tan ka tawngtai a, ataksa chu liam mahse athlarau nun tan ka dil sak a, ka thaw pawh a veng hawk mai.


Ehe, teh hlawl chuan!
Khawnge in kal dawn a?
Min la hria em?

Ka hnung lam atanga ka dara min rawn beng thuk tu lam chu ka hawi thuai a, picnic ni a pa tawngduh tak ka titi pui pa kha lo nireng in!

Tunge a hming kha aw?


Ka nui sen sen a, teh hlawl chuan, helam ah enge in rawh tih a tiin ka zawt let vat a.

Hna kan thawk a a ti sam et a.

Hai rual ani lo, kan dinna chhak mai a sawrkar building tur ni awm tak an sak mup mup chu an hna ani tih a hriat nghal mai a.

Khawilai tak ah nge in awm atih chuan tha takin ka hrilh ve bawk a.


Chhun awl laiin thingpui te an rawn in a, a thiante patling ve tak tawh pahnih a rawn hruai bawk a, chumi ni chuan in lama ka awm ni anih avangin leng lut Turin ka sawm ani.

Pa fel em em mai hi ani a, keimah tak phei chuan pa ang hialin ka en ti ila ka sawisual lo ang.

Hun alo kal a, kan in hriat nel ve fe hnu chuan a rawn leng ve fo a, atawpah phei chuan min ngaizawng hial a.

Sum in min thlem fo a, ka nei anih phawt chuan ka retheih ngai loh tur thu ten min thlem thin.

A nupuiin a tlansan tak Dante pawh min hrilh ve vek a, amah pawh ala upa chhe em em lo, a puitling khap mai bawk.


A lo kal apiang in arsa te, eng eng emaw thil dang hi a rawn khai lut fo thin, a tawpah chuan thil a dik dawnlo a ka hriat avangin thil engkim hrilh tlang mai chu tha in ka hria a.

Alo len tawp ber zan chuan bialpa ka neih thu leh inneih kan tum thu chu tlang takin ka hrilh a, naupang chhia a nilo bawk a, a pawm thiam khawp mai, a haw hnu ah phone kaltlangin lawmpuina te pawh min hlan hial.



thla ruk hnu ah chuan................................

duati, ka thin a rim lutuk Nakin ah ka rawn bia ang che tih msg ka dawn avang chuan eng thil nge tih ka zawt let vat a.

Min chhang thei lo, ka zu call a, a tlang thei silo.

Han sawi tlang ve law law mai se la aw, rilru hreawm takin min awmtir reng a tiin ka thin a rim angreng hle.

Vawi tam ka zu call a, msg ka zu thawn bawk a, min chhang tawh hauh silo.

A chanchin reng reng ka hre ta lo, ka rilru hah lutuk hi dawr ah leh in ah te pawh ka vei tawn sek reng a.

Biak theih der bawk si loh...

Dave, eng ti zia nge?
Enge i chungah thleng?
Khawngaih in phone pick up hram teh...

A tlang ve Chhun ah lah chuan a ring ral thak thak mai bawk si, ka rilru hah lutuk chu ka khur hlawk hlawk hial a, achung ah thil tha lo tak athleng ah ka ngai hman hial tawh a.

Zan dar khat vel ani tawh ang a.


A chanchin engemaw tal ka hriat theih takin tiin fb lamah te ka check kual a.


engmah lah chu ka hre thei bawk silo.

Rilru hah tak chung chuan ka Khum ah chuan ka mu a, mut a tui lo kher mai.

A tuk ah chuan a phone a in off ta hmak a, ahma zawng aiin rilru abuai zual.


Ni thum zet chu rilru nuam lo zet chuan ka awm a, a mah lah chu biak pawp theih ani bawk silo.

A ni li na tlai thim thet thet ah hian min rawn call leh ta hlawl a, midang phone atang in a ni thung, ka nu te in ah ka lo awm lai tak ani a, a chauh deuh avangin dawr atangin ka chhuak hma a, ka va kal kawi nghal a.

Mercy, in ah i awm em?

Awm lo ka ti bung nghat a.

Tinge ibiak theih miah loh a? Rilru hah lutuk in min siam a, imawl emai ka ti vin nghal hluk hluk a.

Lo haw phawt la kan sawi dawnnia.

Maw?
Enge a awmzia?

Mi phone ka rawn hmang a, ka dah dawn, rawn haw phawt mai rawh.

A sawi zawh rual in a dah zui bawk a.

in a ka thlen hun ah min rawn biak a tum anih ngei ang, eng thil tak ni ang maw?

Ka nu chu a chauh reuh em avangin ka awmpui deuh reng a, chumi zan phei chuan damdawiin kal mai te ka rawt na in a tlawmngai tlat a, a duh hauh lo thung.


Haw ka tum uk thin a, ka nu awmdan ka en chuan kal thei mai ni hian ka hria a, ka awm a nuam chiah lo a, ka thu leh ren rawn thin a.

A na a zia deuh a, a muhil siai siai a, chutih lai tak chuan haw tum in ka tho a, sana kan en chu alo tlai tawh khawp mai.

Dar sawm alo hnai thuak tawh mai.

A reh ruih tawh a, motor tlan an la awm zauh zauh a, kan awmna ahla lutuk lo bawk nen hmanhmawh lem lo tak chungin ka kal zel a.

Darkar chanve vel hnu ah kan inbul chu ka thleng ta der mai.

In a ka luh hma deuh chuan David a chu call tumin kan try leh chhin a, angai te bawkin switch off a in ti leh a, ka beidawng takzet tawh.

Kawngka inkhar chu dim takin ka pawt hawng a, inchhung ah ka lut a.

Ka phu chiang kher mai, thlang lam thutthleng seiah chuan thinrim hmel zet hian alo thu a.

Min lo melh kawk a, mak ka tih em avangin ka ding deuh reng a, han sawi mai tur pawh ka haihchham viau.

Ka pan thuai a, Dave enge a awmzia?
Teh thut a tiin a kut ah ka vuan a.

Tihian maw ilo khawsak thin a, zan dar sawm thleng thleng tihian maw I fawr kual a?

Ka kut a paih sawn lawp a, a tho uaih a, kawng dawm meuhin a in seh ruh ngat ngat a.

Khawiah mah ka fawr kual lo, thil awmzia hre lo in achhe zawngin min puh hauh suh aw...

Ka puh lo che a, hei ka mit ngeiin ka hmu che alawm, zan dar sawm pelh thleng hna chu ithawk hauh lo ang.

David, bengchheng siam ka duh lo ania aw, ka fanu hmuh leh hriat ah hian buaina hi ka duh miah lo ania, in in ah haw phei rawh.

Thinrim insum tak chuan ka tawng a,

Ka hrilh ang che, upuia nu damlo ka buaipui, chu chu ka haw tlai chhan anih chu.

Thinrim zetin room ah ka lut a, ka inthlak sawk sawk a, ka mu ta nghal daih a.

Ka thinrim a han reh deuh a, ka tho chhuak a, thutthleng ah chuan a lo muhil bam a, puan pawh sin lo in a lo awm a, ka khawngaih viau mai.

Rizai ka la a, dim te in ka sintir a, kal leh mai ka tum a, ka kut ah min lo chelh thuai a.

Bawihi, lo thu lawk teh.

Thuawih takin ka thu a.

Ka tihpalh ani, min ngaidam rawh, chhe taka ka rin che avangin.

Rilru hah leh thinrim takin ka rawn haw a, ka rawn haw zan ber kher ah ilo haw har bawk si nen.

Ka hrethiam che lawm bawiha, mahse engvanga lo haw nge inih a?

Thil tam tak a awm, nakin ah ka la hrilh vek ang che, mahse kan in ah ka haw tawh dawn lo, mercy ka luhkhung dawn che.

Enga?
A chi loh lutuk David, ka duh miah lo nia aw, naktuk ah haw phei phawt rawh, chuan ichhungte boruak azirin kan la sawidun leh zawk dawnnia.

Ka chhungte boruak vang zawk a rawn haw ka nih hi mercy, ka haw dawn lo, ka awmchilh dawn che.

Min duh lo anih chuan zanin hian sawi tlang law law zawk rawh, chuan kan in ah emaw, ibulah emaw awm lo in ka inthiarfihlim ang.

Dave, duh lohna che engmah ka nei lo, kan in hmangaih tawn zia pawh kan hrechiang dun viau, mahse thinrim laia thil tih tut tut hi atha lo a, rilru fim tak nen ruahmanna siam zawk ila tiin ka thlem ngial na in a rilru a sawh sawn duh lo.

Tihngaihna dang ka hre lo,

Ka chau emai bawihi mu ang tiin pindan lam apan nghal a.

A hrilhhai thlak duh angreng viau mai.

Bawihtei chu kan room ah tho khum hrang ah a mu ve tawh a, a in ti nula ve tawh a, khum hranga mut angen tlat avangin in hnaih te in kan mu a.

Chutia zan khat thil thu a nupa anga kan han mu dun ta thut chu a hamhaih theih ngei mai.

Mahse mak tak maiin eng thil emaw ni hi a ngaihtuah leh vung vung thin a, a tukhum a kut suih chungin a mu a, inchung lam a melh ran a

A lam ka hawi a, ka kuah a, bawiha, eng thil nge i ngaihtuah a?..

Ka hriat ve loh chi thil a awm ami?

Ka lam a rawn hawi thuai a, ka sam chu ka bengah a zep tha te te a, kan inkarah hian engmah ihriat loh tura zep ruk a awm lo, a awm ngai bawk hek lo ang, thil zawng zawng hi ka la hrilh vek dawn che lawm.



A nu....

Ka fanu in min rawn sawi nawk nawk a, ka bula David a mu a hmuh chuan a kimki nghal a, a lai ve khawp mai.

Ka han meng a, ka fanu chu uniform nen a lo inpeih leh thlap tawh.

Ka tho vat a, sitting room lam ka pan nghal a.

Ka fanu in min zui phei thuai a

Anu... Anu apa David a saw tinge a lo mut ve a?

Chhanna pek a har ka ti lutuk, mahse dawt hrilh Ka duh silo.

Bawihte, apa David a nen hian kan in nei dawn a, pa iduh ti raw?

A Bu nghat a.

Apa tiin iko tawh dawn nia aw, aduat em che kha tiraw.

Abu nghat ringawt zel a.

Mami pawh thil awmzia engkim ka hrilh vek bawk a.

Ka pasal chu ani ta reng mai, awmdan thiam erawh ahar, a chhungte thinrim kan la hmachhawn tur te hi ka huphurh tak zet ani.

Bawiha!
Chaw ei kan peih tawh ania, lo tho tawh la.

A rawn meng diar diar a, anui sak a, a awm mawi tawk lek a hmul leh a vun ngo mam nalh tak te chuan mit a ti tlai hle.

In leh thawk pahin ka banah min pawt a, min kuah hle hle a.

Tho rawh, chaw ei ahun ania, dawr kal ka tlai vek dawnnia.

Vawiin chu kallo mai rawh, vawiin chu eng eng emaw sawiin rorel ang.

Lo tho tawh hrim hrim la, mamin bai tui tawk asiam a, ka ril atam tawh teh ania.

A boxer hak lai nen chuan a tho that a, a zi mar te te a, t shirt aha that a, chawei dawhkan lam ah chuan kan inzui phei nghal a.

A zing tho hlim pawh w chhe mawlh lo, a palian a, afresh bawk a, a chhe lo tak zet ani.

Umm, a tui dawn lutuk, hmarchapui sen thak tek tawka bai hi lawm ka eichak, vai chawhmeh masala rimnam kan ei na sa lutuk a, bai thak ei ka chakna a rei tawh tih pahin bai vel chu a tem kual a.

A chawei chu hmuhnawm tham atling, tiang em em a tui ti taka chawei han hmuh chu mit atlai duh hle.

Bawihi, ka ti tak tak, dawr chu kallo mai rawh aw, bakah ka rawn haw ve chiah a, ikal daih chuan akhawhar thlak dawn lutuk.

Nia, vawiin chu ka kallo mai ang mahse naktuk chu ka kal ngei ngei angai ania.

Chaw eikham hnu chuan khumah kan awm dun a, bawkkhup chungin ka mu a, a ni erawh amu thung a.

Khawnge i phone?

Ka vawm darh vek ati sam et a.

Awi, avan zialo thin tak, thinrim laia mahni bungrua a tuan ching hi an tifuh ngai miah lo ania aw, ka huat zawng tak ani.


Ka thin a rim em alawm..

Engvang nge min hrilh tawh la?

Ka chhuk hnu khan ka nutei te ka fin ve nghal a, mahnia inluah kha an remti vak lo a, atuk tuk leh tangin hna ka zawm nghal a.

Ka nutei te anni bawk a, ka inthlahrung lem lo, ka nu leh ka pa pawh inentira an kalin an thlenna ber ania, ka nutei pasal afel bawk a, kan in ang chiahin ka en a.

Ka nutei michhawr ve tho Cindy an tia, nula hmeltha tak mai ania, khulai a an kohhran hruaitu fanu ani bawk a, kan inkawm ve thin a, hna thawk Ho kan ni bawk nen atul ah pawh kan inzui chhuak tam angreng.

Ka nutei chuan min duhpui lutuk a, nupuia nei tur pawhin min nawr hial a, ka nui liam vel mai mai thin a, ka nu te pawh alo han hrilh ani awm e.

Ka nu chuan Cindy chu a lo call vel thin a, ka nutei te nen tang ho in inneih tir min tum na sa, amah pawhin min duh lutuk, an thu awih ang chuan ka awm ve zel a, mahse ka tum lo bur.

Ka nu a rawn chhuk vel a, ka ngei lutuk, ka duh em tih pawh min rawn lo in palai tirh an rawt ngawt mai a, ka rawn haw hma zan chiah kha tirh an tum hun ania, ka leng bo a, ka lenna atangin ka nu chu ka bia a, cindy ka neih duh loh thu ka hrilh a, palai tirh ka duh loh thu nen.

Inu thu hi awih la itan atha ani mai min rawn tia, ka thin a rim ania aw.

Ka thian ten zu an lo nei bawk nen, chumi zan chuan ka in ve a, ka thinrim lutuk bawk nen ka phone ka vawm darh vek a, thawmhnaw pawh engmah la lo in atuk ah ka rawn haw nghal.

Ka thiante ka chah tho a, ka nu number pawh ka pe achhan chu chin hriat loh a ka awm ngawt kha chu a dik ber lo a, an duh dan ngawt in ka awm dawn lo tih hriase ka duh ani

Uluk em em in a thusawi chu ka lo ngaithla a.

Cindy chu nei la i hlim iring lo ami?

Zawhna mawlmang tak hi min zo fo suh, nei duh ila ka rawn haw dawn ami?

Zawh nawn leh chi anilo tih ka hria, ka ngawih san ta zawk a.

Kei nuthlawi, engmah ni hleilo min thlang zawk tlat mai chu mak tak ani.

Dave, inu leh ipa te ka chunga an thinrim lutuk tur hi ka van hreh tak em aw..

Mercy, ka hria lawm, an thin a rim ang, mahse ka tan i tawrh ve angai ani, keipawh itan hreawm tam tak ka lo tuar ve tawh thin a, tun hunah hian ka tan I din angai a, kan tan rual angai ani, ihrethiam em?
Kan pahnih a kan tan dun phawt chuan heng hi kan la tuar chhuak vek dawn alawm.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:44 pm

Bawihi, eng thil pawh lo thleng se kan pahnih a kan tan dun tlat hi angai a, ka nu leh pa te thu hi ka awih lo ngai miah lo a, tun ah pawh hian an thinrim hi hetah pawh an lo kal maithei, min hruai haw pawh an tum maithei, engpawh lo thleng se ka kalsan ngai dawn lo che tih ihre reng dawnnia.

David, vanduai hi ka van inti tak em aw, upuia chhungte lahin min duh lo em em a, tun ah ichhungte anni leh a, tinge tumah hian min duh loh a? Ka sual bik viau a mi?
Hmangaih, Khawngaih hi ka phu ve lo em ni?

Ni love, mercy, iphu lutuk.
Nangmah a awm hi an la hriat ve loh vang chauh alawm, engtik ni ah emaw chuan ka nu leh pate pawh hian an la pawm em em ang che, chumi hun chu chhel taka kan tuar angai dawn ani.

He khawvelah hian nang aia fel leh tha hi an awm chuang lo, ka nupui ini tawh a, itan ka awm reng tawh ang.

Chhun pachang ah chuan thupui fun zet hian kan titi dun a, boruak a rit tak zet.

Thawmhnaw pawh rawn hawn lo a rawn haw tawp anih avangin boxer nen chauh a mu a, a taksa chu nalh hle mahse thawmhnaw a mamawh avangin upuia thawmhnaw hlui ka la dahthat chu ka phawrh chhuak a, mahse a ha duh miah lo, a nuam lo ati deuh tlat a.

Tlai thim thet thet ah kan pahnih in kan bazar a, thawmhnaw hakthlak vel leiin inkai rialin kan kal a, a palian bawk a, min en duh tawk lah an awm ve bawk a.

Hei... Bro!
Engtik nge ilo haw?
Min va hrilh lo ve hmel a, enge min lo hawn a?

Bike tiding meuh in a thian niawm tak pahnih hian an rawn bia a.

Nizan ah ka rawn haw chiah, ka phone a chhia a, tumah ka be thei lo.

Naktuk ah kan rawn leng dawnnia, irawn hawn em?

In ah ka awm lo, hei kan nu ania, mercy anih hi.

Hmel a, dawt hi sawi reng suh, naktuk ah kan rawn kal tak tak dawn ania,

Tak tak alawm bro.
Kan in ah ka awm lo, nupui ka nei alawm, an in lamah kan awm alawm.

Chutia thutak deuha a hrilh hnu chuan anni pawh an thutak ve ta vat a, mak an tih hmel viau.


A thiante bulah pawh min zahpui hauhlo mai chu eng em em nge maw ka nih le tiin ka in ngaihtuah vang vang a, ka hlim ru veng veng mai.

A thawmhnaw hak thlak tur tlem a zawng kan lei a, kan haw leh nghal vat a.

Apa David, maths hi min lo enpui, kan homework hi ahar lutuk a, ka thiam lo a.

Bawihtei chuan alo nel tawh sa bawk a, chumi zan pawh chuan a ti nghal bawrh bawrh a...


Bawihte, apa tiin min ko tawh rawh aw, apa David min ti tawh suh aw.
Min en teh le...

Ka fanu chu a lai thlawt, a nui seih a, a pa thar chu a en kar a.

A pa tiin min ko tawh rawh aw, apa ka ni tawh aw.

A bu nghat a, min rawn melh zauh ringawt a.

An pafa chuan an inzirtir mawlh mawlh a, thingpui ka lo lumsak thung a.

Bawihtei mut fel hnu chuan keini pawh kan mu nghal vat a, zan rei tak thleng chuan kan titi leh a, aizawl kalsana hmun danga awm daih te chu a duh thu a sawi a, mahse ka support lo thung, hringnun bul tan that reng hi ka ning ani.

Davidan min rawn awmchilh atangin kar khat lai aliam ve ta, thenawm khawveng te pawhin engkim an hre tawh a, zah theih pawh ani tawh lo.

Inrinni zan bazar ah kan pahnih in kan kal a, chawhmeh leh Sunday sa tur vel kan lei ve a, dar sarih pelh hretah in kan thleng a.

Ka hmelhriat ngai hauh loh patling pahnih hian min lo nghak a, ka thin aphu nghal dawt dawt thei.

Pa siamte, in lo kalna a rei tawh em?
Davida chuan a zawt zung zung a.

Bawihi, inthlak zo la, rawn thu phei rawh aw..

Hreh tak chung chuan ka inthlak zawh chuan an bulah ka thu phei ve nghal a.

Hei kan lo kal chhan chu, nu leh pa te remtihna leh pawmpuina tel lo in nupa ah in in siam a, davida nu leh pa te pawh an lungni lo viau mai a, mahse hetiang innih tak si ah chuan tiin inu leh pa ten rawn haw phawt se, palai te pawh kan tir ve anga tiin min rawn tir ania, hetianga awm tawp hi a zahthlak a, a mawilo a, chuvangin Davida pawh in lamah ihaw phawt hi atha a, chuan palai te pawh tha taka tirh a, inrem hi atha a, ngun takin i ngaihtuah dawnnia tiin felfai takin thil awmzia te an han sawi a.


Kei pawh chuan tha ka tiin ka pawmpui khawp mai, chumi te an haw fel hnu chuan pindan ah kan sawi dun ta a,

Bawiha, va haw phawt mai rawh, chuan inu leh pa te pawhin tha takin palai an rawn la tir zawk anga, kan pahnih atan atha zawk dawn asin.

A ngawi vang vang a, mercy, ka nu leh pa te hi engvanga hetiang teh thut a an rilru thlak nge an nih ang le? Ka ngaihtuahna abuai zo vek mai.

Nu leh pa te chuan fate hlim nan chuan an rilru an thlak fo alawm, dave, inu leh pa te kan tawng thinrim hma hian an thu awih phawt chu afuh ang tiin ka thlem ve ngat ngat a.

A tawpah chuan ani Pawh in lama haw chu a duh ve ta a, palai tirh thuai a, inneih vat chu aduh em em bawk.

Chumi zan chuan ka bulah ala riak a, atuk dawr ka kal rualin ani Pawh an in lamah a haw ve nghal a.

Phone aneih rih loh avangin kan inbe thei lo a, ka khua ahar em em a, achanchin hriat theih siloh, ani pawhin hreawm ati dawn lutuk tih ka hria.


A haw zan ah anu in min rawn bia a, a rawn tha em em mai a, kei pawh ka thawveng huai mai.

Anu min sawm na angin atuk ah an in ah ka va kal a, min lo biak dan te, a mitmeng nelawm siloh kara nui hmel te chu ka hmuhhmaih lo, mitmeng atang hian thil tam tak hi a zir theih ani.

Ka lo beisei dan chuan palai te an rawn tir anga, kan inneih vat ka lo ring a, mahse ka tisual hle.

Engapawh nise, bawiha leh mercy pawh ngun takin lo ngaithla ula.

Mihring hi nupa a insiam hi thil harsa ani lo, mahse fate kan han nei a, khawsak zawm zelna hi thil awlai tak ani lo, tunah hian hna nghet nei lo ve ve inni a, in inneih hi kan phallo ani lo, mahse in hmakhua tur kan ngaihtuah a, rethei taka in awm hi kan duh lo, hun reilo te chu tuar rawh u, bawiha hian hna aneih angai, kan thu awih lo a in duh dan a in awm anih chuan in la inchhir dawn ani.

A thusawi zawng zawng chu adik vek, mahse ka hrethiam tawh em ani, mawi taka in hnar na ri hi ka hai lo.

Ka bei a dawng tawh tak zet, atlawm thlak ka ti a, engtik ah mah davida nu hian min duh ngai dawn lo anih hi, hmangaih hle mah ila davida hi ka thlah angai ani tih ka inhria.

Lungawi lo tak chung chuan ka haw ta a, ka down em em a, ka zak bawk si, engemaw tal ka nih angai ani, min hmusit reng tur ani lo tiin ka rilru ka siam na sa hle.

Davida pawh ahna lamah akal zawm leh a, min rawn be reng thin na in keimah ah hian hlimna tak tak hi a awm ta tlat lo mai.


Ka nun chu ramtin, kiltin atangin beidawnna hlir hi ani ber mai.

Davida erawh chuan beiseina ala nei a, anu leh pa ten palai an tirh tur thu an lo fah reng a, chumi atan chuan hun a duh deuh tur thu an hrilh bawk a, ngaihtha tak hian a awm ani ber.

Zankhat chu ka rilru ka siam fel titih der a, Aizawl chhuah sana hmun danga awm daih mai chu ka duh ani, ka ning ngawih ngawih ani ber mai.

Ka dawr chhete pawh chu khartir ka rilruk ta rum rum a, kan nufa in thingtlang lamah te awm ila eichawp dawrte siam ta ila tih chu ka rilru ah alian em em a, heng buaina zawng zawng te hi kalsan vek ka duh tawh.

Chutiang ka rilruk mek mai chuan ka nu aboral hlauh mai a, anilo lama ka buai leh tak avangin ka thil tih tum pawh ka thulh angai a.

Ka nu boral zan chuan Davida pawh alo kal ve a, mahse mak tak maiin ka beidawn lutuk vang nge amah ah pawh chuan ka hlim tak tak thei tawh lo.

Ka nu boral boruak vel a reh a, upuia farnu te chuan min thlahlel ve em em mai a, min bel deuh chawt ani tawh mai, min awmchilh em lo na in kan inpawh angreng hle tawh mai.


Ni a ral a, hun aliam a, thla avei a, davida chhungte lam atangin thu thar engmah a awm lo, ka tan thil zawh sek chi ani lo bawk a, ka bei a dawng tak tak ta.

Ka tana thil theih ve loh hi ka beisei reng peih tawh lo.

ka zirpui thin jacinta i kha shillong lamah pasal te neiin an khawsa zui a, kan inbe ve zauh zauh thin a, ani pawh puanthuina dawr lian tak neiin a awm ve ani, chumi zan chuan ka zu call a.

Ka dawr tihral a shillong lama awm ve daih ka duh thu te, davida nen kan inkar chanchin vel te pawh ka hrilh a.

Lo chhuk ngei ngei turin min ti na sa mai a, helamah dawr pawh asiam theih, kan dawr bul chiah hi an sa mek a, hei pawh hi ahauh theih ang tiin alo phur em em mai a, kei pawh min tiphur em em a, he buaina hi kalsan ka duh ani.

Ka rilru a in sual viau a, ka fanu sikul laklawh bawk si nen, engtia tih tur nge ni ang aw tih ah ka buai takzet.

Mahse duhthusam ang mai hi chuan thil hi akal thin si lo.

An ni lam pawh an rawn lan tak loh ah chuan zawi zawi in kan in chingfel thei mai ang tiin ka rilru ka siam tawh a, chutih lai mek chuan Davida zawk chu a awm theilo ah a tang leh ta zawk a.

Tui taka ka mu lai chu kawngka kik dawt dawt thawm chuan min tiharh a, chutiang zan rei tawh ah lehnghal tunge chutianga rawn kik chiam chu tiin thawm chu ka ngaithla a.

Tunge?

Ka tawng a hre thei lo nge a kik leh thin a.

Ka tho a, ring deuh lenglawng in tunge kan ti leh a.

Mercy, keimah Davida arawn tih tak ah chuan kawngkhar ka hawng thuai a.

Awi, dave engti zia nge?

Tun ang zan rei tawh ah eng ti turin nge ilo kal a?

Min rawn kuah thlawp a, bawihi ka tuar thei tawh lo, a rei tawh emai tiin min kuah hle hle a.

Bag a ak bawk a, a thawmhnaw engemaw zat a rawn keng bawk a.

Dave, ka ngai lutuk che kei pawhin tih pahin a awm ah chuan ka bei hle hle a.

Choka dawhkan kilin kan thu dun ran a, kan titi dun melh melh a.

Bawihi, ka nu leh pa te hian palai tirh hi an tum lo niin ka hria, zawi zawi a min inthen tir hi an tum ani, ka pa in ruahmanna asiam a, kolasib lamah enge mawni sumdawnna siam a tum a, chu chu ka enkawl tura dah a tum a, karleh hian a hmun hma vel en paha min hruai a tum a, an thil tum hi ka hrethiam vek, Chuvangin kan tlanbo angai.

Maw?
Khawnge kan tlanbo anga, tlanbo thei kan nih loh hi, bawihtei sikul kalna abuai vek dawn asin dave,

A in dawm vung vung a, anih loh pawhin court ah kan inneih mai angai dawn ni mercy, then hran nih hi ka duh tawh lo.

Davida ka khawngaihna chu nasa tak ani, keimah avangin a chhungte kalsan pawh a hreh lo chu ania.

Bawiha, thingpui hi in phawt teh tiin thingpui no chu ka pe a, a rilru lah chu ahah hmel em em mai bawk si.

Engpawh nise mercy, arang lama courta kan inneih ngei angai ani, chuan tuman engmah an sawi thei tawh lo ang a ti leh tawp ringawt a.

Bawiha, zan a rei tawh a, engmah kan sawi fel mai thei dawn lo, Chuvangin mu phawt ang.

Pindan ah chuan kan inzui lut nghal a, kan mu fel awrh chauh tihin a nu in a rawn call nghal char char bawk a.

David an a pickup duh tak loh ah chuan keima lamah a rawn tuan ta thung a, anuamlo duh khawp mai.

Davida phone ka ken lai chuan msg a rawn thleng zui nghal a.

Mama, nuthlawi bawk maw ibuaipui leh tak a? Ipa nen thil awmzia zawng zawng kan hrilh vek tawh che ani lawm ni?
Ihrin loh fa kha hmangaih takin i enkawl thei dawn lo a, nakin zelah buaina tam tak ila tawk dawn, chu chu kan hmuh tlang avangin thil tha takin kan hrilh che a, tinge inu leh pa thu hi i awih duh miah loh a?

Min rawn kuah nghal a, engah mah ngai suh aw, a neitu tur berin ka duh che chuan a tawk ani mai, tuma sawi buai theih ani lo tiin min hnem mawlh mawlh a.

Vanduai ka intih avang chuan ka mittui a tla hial a, lainat tak leh duat takin min kuah hle hle a, lung a chhe duh viau mai.

Mercy, min en teh, chak tak leh huai takin kan awm angai ania aw, he indona ah hian tap thei ini lo ania, chaklo anga i in ngaih mai chuan i tap reng dawn ania, Chuvangin chhel takin tuar hram hram ang che aw.

Mittui karah chuan ka nui sak a, ka hmangaih kut vuan chungin chu indona thar chu hmachhawn turin ka inpeih ta.

Zingkar la hma tak ah chuan ka manghriat rei ruai a.

Ka nu, min tuithlar nih pawhin sawi tur ka nei lo, ka thil tih ah ka Chiang a, ka hmangaih a, eng harsatna mah kan tawk lo ang, in fapa hmangaih em em neih in phal lo a, Chuvangin ka kal angai ani atih ri chu ka hria a.

Zan lam kan menrei deuh avangin ka inti harh peih lo a, ka muhil zui leh nghal a.


Ka nupui duh tak, tho ve tawh la, atlai tawh viau ania, ka biangah min rawn fawp zauh a, ka meng siar siar a, ka nui sak a.

Thingpui tui tawk ka lo siam che ania tiin kan khum bula dawhkan ah chuan thingpui leh chhang alo chhawp diam tawh a.

Ka meng phawk hru a, awi avan awih awm loh zawk, ka zak e a, hetianga thingpui in pek te chu a tiin ka lo tawngkhum zek a.

Ka nupui duh tak hi rilru leh taksa hah takin a hmang hnem tawh a, duat taka enkawl a, pasal tha tak nih hi ka tum ber ani, ka naute kha ani thin a, ka naute ani leh dawn sia, apangchang leh dawn mange tiin min fiam zui bawk a.

Dik chiah chuan duattu leh pangchanna nei ve ta lo chu romantic deuha chet vel hi ka thiam lo a, ka zak deuh thin.

Bawihi, vawiin ah tul ang ang ka va buaipui anga, ka va chhuak anga, dawr lam kal itum em?

Kal lo thei ka nilo, hna laklawh kan nei a, ihaw pahin min rawn sawm haw mai la tiin programme te kan siam fel a.

Ka scooty chu ka han tinung a, ka tifai mawlh mawlh a, min en vang vang a.

Kha khan kal itum ami?

Ka kal loh ten tiin ka chhang vat a.

Hahthlak thin e, ipasal thlah iduh lo mi?
Keiin ka nupui thlah chak em em in ka lo in ready thlap tawh a, thinrim tak tak silo, thinrim der te lah chu athiam em em bawk si.

A bike chuan kan inphur chhuak ta zawk a, kan dawr thleng min thlah hnu chuan ani pawh atlang ta nghal a.

Kar khat zet hnu ah chuan.

Bawihi, ka pa in min rawn call a, ibungrua zawng zawng hi rawn la chhuak rawh min tia, chuan bike pawh rawn dah rawh min ti bawk a tiin hlim lo zet hian min hrilh a.

A van pawi tak dave, keimah avangin ituar nasa emai, ka khawngaih lutuk che tiin ka hnem ve ta a.

Ni lo ve bawihi, mak ka tih em em zawk chu nu leh pa te hian an fate hi an sual lai ber pawhin an tuithlar thei ang tih hi ka ring pha lo, mak ka ti a, ka rilru pawh ana, mahse ka tih tawh chu ka ti tlang ang, ka bike pawh hi ka dah let ang ati hmak a.

Chumi tlai lam ah chuan ain khalh chhuak a, ka ngaihtuah angreng khawp mai, rilru hreawm takin ka lo nghak reng a, thim dawn ah a rawn let leh a, a thian te pahnih a rawn hruai bawk a, a thawmhnaw leh eng eng emaw an rawn khai pui bawk a, a tan atlawm thlak zia ka hriatin ka lainat takzet.

A thiante pawh chuan kan chungchang ah chuan thil tha ber pawh an hrethiam lo a, tuar tang tang Turin an fuih ve tawp zawk a.

Bawihi, i inpeih dawn tawh em?

Darthlalang hma ah chuan ka ding vang vang a, vawiin hian dan ang takin pasal ka nei dawn a ni a, thil inher kual vel dan hi a mak hle mai.

Bawihi...
Ka harh zawk a,
Aw ka inpeih ani mai tiin ka in en thuak thuak a.

Sitting room ah chuan in peih sa thlapin min lo nghak a, coat suit a ha a, kamis sen ahnuaiah a ha bawk a, palian fresh tih takah a in hmeh khawp mai.

Horn a rawn ri tuar tuar a, sangzuala a rawn thleng tawh tih kan hrethiam nghal a.

Kawngpui lamah chuan kan chho a, motor lo ding sa ah chuan kan thu lut ta nghal a, kan dawr lam kan pan phei a, kan nula pawh a lo inpeih diam tawh bawk a.

Court ah chuan kan innei fel ta a, thutiam kan neih laia ka pasal thutak zia ka hmuh khan min hneh tak zet, nakin a en let atan tiin hmun hrang hrang a thla te kan la ve bawk a, inneih na ka hman tawh a zawng ah mi tlem ber tum ala ni hial ang.

Dan anga ka pasal anih hnu chuan chhungkaw pa ber alo ni ta a, kei pawhin zah tak leh a thu ngaichang zel a ka awm a tul tawh ani tih ka hria, nupa tak tak kan nih tak ah chuan thla te pawh a muang ta huai mai.

A hna thawh na lam ah nitin a kal a, kei pawh thahnem ngai takin nitin ka chhuak ve thin, ka inhmun neih chhete ah chuan in sak ve ngei kan tum ruh hle a, chumi atan chuan kan thawkrim dun hle.

Bawihtei pawh a fa ang tak takin a en a, a duat viau bawk a, sawiselna tur ka hre lo..

Fa neih erawh a chak hle a, mahse kan duh thu a fa nei a neilo thei kan nilo a, fa a awh em avang erawh chuan hreawm ka ti ve thin.

Ka u, ka lawmpui lutuk che, ka rawn tel thei lo erawh hreawm ka ti hle a, nau ka pai ve tawh a, kan pa hian indim turin min ti reng a, chet pawh a phal lo a, ka rilru chuan ka hre reng che a, hetiang hun thleng tura harsatna tam tak ka siam che avang khan pawi ka ti a, min ngaidam dawn nia.

Ka nau in lawmpuina leh ngaihdam dilna min rawn thawn a, a fa lo piang mai tur nen chuan duhsakna ka hlan let bawk a.

Mo thar leh makpa thar lawmna ruai tui tak ei turin kan rawn kal ania!

Ka ni phawk ve thei tak mai chu hah em em hian kawngka biang vuanin a rawn thaw hlawi hlawi a...

kan pa leh a thiante pahnih chu rawng bawlin an buai hle thung.

Keini ho erawh tv en pahin kan thu der der hlawm a.

Ka ni, in lo thleng ta maw, kan thil siam rim chu a tui bawk em tiin Davida zawk chuan alo chhawn vat vat a..

Kan inneih lawmna nipah fawmin chawhlui kan buatsaih ve a, chhungkhat leh thenrual tha te tak tak chauh kan sawm a, upuia farnu te pahnih pawh ka hmaih lo, mihrang ang tak takin ka en thei lo ani.

Hlim takin zanriah te kan kil ho a, kan hlim tlang dar dar hle bawk.



Engmah sawi lawk awm lo in kan pa chu ahna atangin an rawn chawlhtir ta hmak mai a, tlaia a rawn haw chu a thin arim hle a, a nu leh pa te thil tih vek anih thu a zep lo, a in humruh a, bang chu a hnek pawp a.

Ka phu nasa khawp mai.

An fapa chunga an chet duh dan mai mai chuh, zu ka in vak anga, ka va kal ange tiin a in hrosa nasa hle mai a, a vei tawn sek bawk a.

Bawih a, hahdam teh, tha takin sawi dun teh ang tiin khumah chuan ka pawt bet a, min nam sawn nawk a, a lu a tuai vut a, thawmhnaw a ha sawk sawk a, chhuah a tum tih ka hria.

Ka dang bet a, kan in nawrna lamah thil kan titla rem rum bawk a.

David, ka fanu mithmuh leh hriatah buaina hi ka duh lo ania aw, mangang taka dah hi ka duh lo ania, inupui ka ni a, tha takin thil min sawipui theilo ami? Nangmah chauha thutlukna siam tur inih tawh loh hi, iduh dan chauha kal itum chuan inupui ka nih chhan hi awmzia a awm dawn ami?

Khumah a thu hnawk a, a thawk dan atang chuan a thin ala rim hle tih ka hria.

Bottle a tui chu ka thlit sak a, ka pe a, bawiha tui hi in la ihahdam huai mai ang tiin.

Tui chu a tlak pap a, engmah ka la sawipui duh lo, engemaw chen hnu ah a thinrim azia ta bawk a, ka titi pui ta a.

Harsatna tam tak kan la hmachhawn dawn ani tih chu kan hresa vek a, tuar in huamin ani lawm ni kan inneih, hna dang neilo pawh kan nilo a, kan kut ke ngeiin dinchhuah kan tum zawk tur ani, nu leh pa te tawng hi thil tha lo tak ani a, malsawm dawn lohna ani bawk a, thinrim thuta chet chin hi atha lo ania tiin ka zilh a, ka hnem bawk a.

Ka thin a rim em ani bawihi, ka thin arim chuan khua hi ka hmu lo tlat thin a, awm lo la chuan ka kal khawp ang ala ti hram a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:44 pm

Chutiang tur ani ngai lo, i nu leh pa te hian an haw lo che a, an thu i awih loh avangin zirtirna pek che an duh vang chauh che ania, engtik ni ah emaw chuan kan fa, an tu thar nen hlim takin kan la awm dawn alawm, chumi hma chu theihtawpa hna kan thawh tauh tauh hi a ngai a, an rin aia kan puitlin hi a ngai a ni.

A dik chiah, nupui fel tak ka nei che hi chu ka van lawm tak em, bawihi kan tuar chhuak ngei ang.

Mahse e nge ka thawh tak ang le, hna ka zawn vat a ngai a ni.

Engmah i thawh a ngai lo, kan dawr pawh ei a tling ve tawh a, ka thawh chuan a tawk chiah.

I ti zahthlak e a, nupui te chawm a awm ka duh teuh lo, hna ka zawng nghal vat ang.

A luhlul tih ka hria a, a zawng ngei dawn bawk a.

A thiante hnen atangin company chung chang a hmelhriat ve a, lehkhathiam a lo ni bawk nen a ngaihven angreng hle a.

Ka thil hriat loh lam tak a nih avangin a sawi chang pawh hian ka ngaihtuah pui lem lo a, ka ngaithla liam ve mai mai a, Engtin nge an thawh a, enge a hlawkna pawh ka hre hek lo.

A tawpah chuan thutlukna a siam ta a, company lam chu luhchilh turin.

A thian te pahnih hi paper leh file keng hian an rawn kal zut a, dawhkanah pharhin a kalphung velte an han sawi thin a, ka bangbo em em a, ka en liam mai thin.


Ka khan ar ar a, ka phone games ka khel mawlh mawlh a.

A tha dawn e, tha dawn lutuk a rawn ti chhuak hlawl a, a rilru leh ka rilru in ang lo lutuk erawh a nuih zat thlak angreng.

Champhai ka kal anga, serchhip, lunglei tiin a phun mawlh mawlh a.

A ngai lo, nupa nih tawh hnu a inzin bo san tih vel hi ka duh lo, nupa kar a ti chhe thei tiin ka hnial thuai a.


Chhe love a, ka nupui fanau, chhungkaw tan chauh a lawm ka kal dawn, rim taka ka thawh ngeiin chhungkua ka din tih hi ka lantir a ngai alawm.

I duh leh kal rawh, ka lawm lo viau ang ka ti leh a.

Upuia a tang khan zin vei vah vel hi ka remti tawh lo, ka ngaih a tha lo zo vek.

Bawihi, hlawh tha tak neih ka duh a, ka zin chhuah a ngai alawm, in tan vek a nih hi, a chhe zawng chuan min ringhlel duh suh, engtin mah ka awm dawn lo, ka duh lo bawk.

Mipa te chu in tawngkam chauh a lawm, nang pawh i bang bik lo, tu mipa mah hi ka ring lo ka ti tawn tawn a.

Mahse a tum chu a ti lui tho.

A zin chhuah dawn zan te pawh chuan kan in ti thinrim a, ka ti tau bawr bawr reng a, min han thlem ngial nain zinchhuak zawnga eizawn chu ka remti thei lo.

Zingkar sumo a an kal tur pawh ka thlah lo, thinrim takin ka meng reng a, a kal dawna min rawn biak pawhin ka chhang lo.


Chawlhkar chuang zet Champhaiah an han cham a, zantin mai hian ka ngaih hi atha thei lo, upuia ang tho khan atawpah min awmsan leh rinna chu a lian hle.

Leilet buh te, eng eng emaw a rawn hawn nual a, a lo thlen atangin phone call lah chu a chawl lo, ka ngaihdan a ni chiah lo hle mai.

Nitin an chhuak a, mi hmuh ngai an sawi zut reng bawk a, a chhe zawngin awm lo mahse ka bula a awm tam lo lutuk chu thin a rim tun reng mai.

Zanah nise eng eng emaw chhutin a buai em em reng a, ka lo dream ang thin nen chuan a in persan hlak.

Ka thinrim tih a hriatin theihtawpin min thlem a, a thil tum te min hrilh fiah fo a, ka tan rinawm taka a awm reng tur thu nen.

A phone ken lai chu ka phih thlak sak pawp a.

Chhun zan englai mai pawh hian phone khawih reng mai, i nupui tan hian hun pawh i nei thei lo tiin ka vin tawn tawn a.

Thinrim miah lo hian min rawn kuah a.

Ka thiam loh a ni bawihi, ka tang lutuk a, nuamsa taka inawm theih nan tiin, ka dik lo a ni, lo mu teh tiin a ban kham chuan min kuah hle hle a.

Bawihi, puitling taka kan awm a ngai a, thil ho lam mai maiah thinrimna zawng lo la, kum hnih thum rim taka ka beih chuan hahdam hun ala awm dawn a, tunah rih chuan i tan hun ka ngah lo pawh a ni thei, min hriatthiam ka ngai ani.


A dik a ni, kei pawh hian ka ti mah mah maithei, a khawlohna engmah pawh ka hre lo a, a hnaah a bei ngawrh hle a ni mai a, enge maw ka huat viau le?


Zanriah ei san kan hreh avangin kan lo nghak a, dar ruk leh a chanve a ri tawh a.

Step a a rawn pen thawm chu ka hai lo, a rawn haw a ni.

Kawngka a rawn hawng a, a rawn inkhai bawr viau mai.

Apa!

Ka thil chah che kha i lo hawn em?

Hawn chiang e, a Anu thianghlimin api pheikhwk leisak a tum a mahse i pa in keiman ka leisak mai ang ati a....tiang ang hi ka duh api chuan ati anih chu pawh ka lo hawn che ania.

A bag ah chu bawihtein alo hawng sawk sawk a.

A pa chu colour a lo chah chu niin, drawing lamah a tui em em a, a duh zawng thil alo chah pawh ka lo hre lem lo a.

Bawihi lo kal teh tiin pindan atang chuan min ko a.

A bag a hawng a, pawisa a rawn phawrh chhuak a, ka hlawh hmasa ber, tunthla a ka hlawh tiin a zavaiin min pe ta a, tam ka tiin ka awihlo hial zawk.


In hna hi avan mak em em, ka hrethiam chiah lo, min la hrilh fiah ve la atha ang.

Teh reng mai, a awmzia i hriat hun chuan i thinrim tawh lo ang, a nui hak a, ka nui ve mai bawk a.

Mami chawei siam zawh hnu chuan zanriah te kan kil ta a.

Chutia kan pa hna kalphung vel ka hriat hnu chuan ka tuipui in ka tang em em a, ka hmelhriat te pawh ka lo hrilh ve thin a, mi tu tu emaw chu a hnuaiah an lut ve nual bawk.

A khat tawkin an zin fo a thinrimah pawh ka la tawh lo, a zinna atang pawh hian min care em em a, a thil tih tur apiang hi min hrilh thlap thin.


Hun leh ni a ral a, krismas kan lo thleng leh dawn ta.

Kan chhungkuain kan lo tum lawk angin zo khaw lam a kan pa thianpa, sawrkar hna a vanga awm te kiangah ma's hman kan tum a, khawpui boruak kalsana zin thawven chu kan tum a ni.

December ni 22 a tan ticket kan hauh lawk diam tawh a.


Almirah chhunga thawmhnaw hnawk nei nuai chu ka thlep fel mek a.

Bawihi, kan zin hmain thlan tihfai vel te i duh em?

Min barakhaih Chiang hle mai, ka beisei loh lutuk a rawn phuh chhuak a.

Hamhaih angreng takin ka en let ha a, ka mitmeng leh awmdan a hmu a, a hai lo.

I duh phawt chuan ka kalpui ang che, ka mitmei ven vangin i lo sawi ngamlo pawh a ni thei, ka tan huat tur engmah a awm lo a nia, hunpui lo thleng turah chuan mi tih loh dan a ni bik lo a nia.

Ka tuiral tak zet, ka pasal rilru tha leh fel em em mai chu ka kuah vawng vawng a, bawiha, ka lawm lutuk, i van fel tak em aw, nang ang pasal tha tak mai ka nei thei hi ka lawm lutuk.

Ka sam a chul heuh heuh a, kei tak hi nia vannei leh lawm chu, tih tauh i hrat deuh tihlohah chuan nupui fel tak i ni.

Hmm, ka titau tawh ngai lo, ka zah avangin ka beng a sa pap pap thei.

A phalna la thlapin chawhnu lamah chuan upuia leh ka nu thlan tifai turin a ho in kan kal a, sawmi te unau pawh an tel ve a.

Thlan kan va thlen chuan mi dang pawh an lo awm teuh bawk, an hmangaih kal ta te thlan ti fai leh chei in an lo buai hlawm hle.

Upuia thlan pawh a hlui chhe bul tawh a, hnimin a khuh lek luk bawka, a lainat awm angreng viau.

An pafa in thinghlimah an lo thu a, sawmi te ho nen chuan kan ti fai mawlh mawlh a.

Sawmi, in hriat tura ka duh chu, pasal nei tawh ka ni a, davida hi fel hle mahse upuia thlan tlawh reng te ka tan anuam lo a, thil mawi pawh a ni lo a, nangni tal hian a khat tawkin ka nu thlan nen tlawh ula tifai thin ru aw, ngaihsak tu nei lo a dah tawp erawh a tha lo a nia tiin ka hrilh ru sap a.

A dik alawm, i tan thil mawi pawh a ni tawh lo a, kan tih a ngai a ni an ti ve mai bawk a.

Chei em em kan tum lo bawk a, fai taka kan then hnu chuan kan haw leh ta hlawm a.

Kan kal hma zan chuan thawmhnaw ken tur ang ang te kan siam hlawm a.

Avawt dawn a nia aw, thawmhnaw lum lam keng uar ru a tih avangin kan in keng na sa hle.

Kan insiam zawh meuh chuan khaisen pawh a ni tawh lo, kan indah chhuak then leh hial a.

Zan danga kan bula mu duh ngai hleilo bawihtei chu a pa nen kan inkarah mut a ngen teh mial a, mut tir loh theih a ni silo, davidan a ke in min rawn pir leh zauh thin a, kan in en a, kan nui leh suk thin,

Kan zin dawn vang a ni mahna. hma takah ka tho a, khua lah chu A vawt tuk mai bawk a, thingpui te ka lum zawh hnu chuan ka kai tho hlawm a, an rawn tho khur hlak hlak hlawm a, dar nga leh a chanve velah in atangin kan chhuak ta a.

Tluang takin a thianpa te khua chu kan thleng a, Champhai ka vawikhat kalna a ni bawk a, nuam ka tiin pui ka ti hle.

Counter ah min lo hmuak a, an fel nupa khawp mai.

Kanin chibai mawlh mawlh a, an motor ah chuan kan inhlang lut ta a.

Kan tlan vang vang a, an awmna a hla angreng viau a, khua pawh a thim lek lek tawh.

An in chu a zau hle a, mikhual room pawh an nei thlap bawk, a vawh dan lah chu a vin tuk mai.

Fa pahnih an nei a, an fel tawh viau a, meilum an lo ai a, vawt ka tih em avangin ka in ai lum nghal vat a.

Chaw ei kham hnu chuan eng emaw chen kan titi leh a, kan mutna tur lam min kawh hmuhah chuan ka mu kawm ngat a, vawt tak a ni.

Kan cham chhungin an sangha dil ah te kalin chaw te kan ei ho a, an fel nupa bawk a, kan in ngaina hlawm hle.

Krismas zawh ni 28 ah kan haw leh a, kumthar erawh kan inah kan hmang thung.

Bawiha, ina awm reng hi i ning em? I duh leh leng chhuak ve la, bawihtei nen kan lo mu ang.

A rilru en pah chuan ka han ti zauh a.

Ka leng peih teuh lo, a mak lutuk, kan inneih atang hian tul pawimawh a nih loh chuan len vah vel hi ka peih lo, chu ai chuan nupuite bula awm a nuam daih zawk ti a min chhan na chu hlim veng veng na tham a ni.

Pathian zarah kum thar te kan chuangkai ve leh ta a, bawihtei pawh hostel lama awm a duh avangin hostel lamah kan dah lut ve a, kan nupa leh mami nen chauh chuan kan awm a, a khawhar thlak thin khawp mai.

hostel a luh dawnah pawh a pain a bazar pui a, a duh leh mamawh te a lei sak a, kei aiin a buaipui nasa zawk mah a, a ngaihtuah em em a, a tetlai atanga alo buaipui ve hrep tawh a ni bawka, a mah hringtupa a ni lo tih hriat hauh lo in a enkawl a ni.

Davida nu leh pa te erawh an reh em em a, min tuithlar ni berin alang.

Bawihtei awm lo chu a khawhar thlak hle mai a.
La awm hrang ngailo a ni sia, a khua pawh a har ve khawp ang a rawn ti chhuak teh hlawl a.

Mahni a awm dan te, hringnun hi enge a nih a hriat ve a ngai a lawm, nu leh pa kianga nuamsa taka awm reng hi a tha ber lo a, engkim a zir a ngai a ni.

Bawihi, ka rin aiin nau i pai har riau mai, doctor te hi kan pan dawn emawni le?

Fa neih i van hman hmawh em em, fa i awt ngawih ngawih a mi?

Fa nei thei lo ta ila kan inthen dawn tihna mi?

Teuh lo mai, ka sawi tawh kha, fa kan nei theilo a nih chuan fanu kan nei tawh a, kan enkawl mai ang, mahse pakhat chauh neih chu a tlem deuh ka ti a ni, i la duh lo a nih chuan ka nawrlui chuang lo che a nia.

Dave, ka duh dan chuan in te hi han sa ve phawt i la, in kan neih a ngai a, kan fate thlamuang taka an chenna tur in hi kan mamawh a ni, chumi tur chuan rim taka hna kan thawh phawt hi a ngai a ni, lungngai suh, Pathianin a hun a tihah chuan kan nei em em ang.

Khawvawt tak karah chuan kan inkuah chial a, a pangti lum veng veng hi ka thlahlel viau thin.

Kan kawmthlang huanah chuktuah huan kan siam ve a, kan thlai te pawh an to sap sap tawh a, tuk tin mai hian kan tlawh thin a, kan ti fai pah fo thin, a zau tham ve bawk a, a nuam thin khawp mai.

Ramhnuaia chaw ei ka chak thu ka sawi fo thin a, tumkhat chu thlam angreng deuh reuh, bang vel nei lem lo hian a sa a, kawmthlang mai a ni si a, chutia thlam han sak teh tlat mai chu mak ka ti khawp mai.

Inrinni a ni a, kan thlai te leitha pe turin tuk thuan eikhamah chuan kan inbuatsaih a, chaw a fun mawlh mawlh a, mak ti deuh tak hian ka en haw a.

Bawiha, ngatinge chaw i fun a?

A nui kur kur a, a iptepui chempui leh
tuthlawh vel te chu a ak a, a chhuak nulh a, bangbo angreng tak chuan ka zui ve nghal a.

Kan thleng thla chu a ni nghal deuh mai, kan thlam ang reng deuh te reuhteah chuan a chawfun vel chu a dah a.

Ka nupui duhtak hian rama chaw ei a chak bawk a, vawin chu tui ti takin ei teh se.

Ka nuih za lutuk chu ka insum thei lo, kan chetdan vel chu naupang chhia riauin ka hria.

Kan huan thlai vel te chu lei tha kan pe dun mawlh mawlh a, ni a sa em em mai bawk a.

Min en a, a nui leh suk thin.

Enge i nuih ziah a?

I puan lukhum te, i hnathawh kawr te, i rubber pheikhawk zawng zawng nen i inhmeh vel lutuk a, thingtlangah pem pui che i la a tha anga tiin min fiam reng bawk a.

Kan thlai thenkhat chu lawrkhawm tham a ni ve tawh a, hmuh an nuamin nun an ti hlim kher mai.

I ril a tam tawh em bawihi?

Ka lu ka bu nghat a.

Thlam lam panin kan inzui chho hnak hnak a.

Kan thlam lah chu naupang buk lem ang mai a ni, kut hnathawk ngailo tih takah a thil sak chu a lem em em a, kan pahnihin kan thu leng tawk a ni mai.

A ban kha aw!

Ka phu zawk a, eng thil nge ka ti tuarh a.

Ngheng lutuk suh, a chim palh ang.

Ka chum tawk a, kan pahnih chuan kan nui dun vak vak a, nghen hlek pawh dawl lo thlam kan nei chu a nia.

Chawfun chu an phelh ve ngei a, kan ei dun keuh keuh a, miin min rawn hmu ta se an nuih a zat ve viau ka ring, chaw ei lah chu a tui viau mai, samtawk sen te te kan laksa te kan hel hmeh a, a hlimawmin a nuam dangdai riau mai.

Nikhat chu, dawra ka awm laiin chhun thingpui kan in tur chhang kan vel an rawn dah ka ei tur chu ka ngei riau mai a, ka luak ati chhuak a, ka chil te a rial titih a, ka pum a let but mai a, chawhnu lam phei chu ka lu a hai a, ka luak a chhuak bur mai a.

A dan pangai te bawkin kan pa chuan min rawn call a, hna thawk eng ang mahse a hun awlah hi chuan min rawn be ngei ngei thin.

Bawihi, enge in an? In tluang em?

Aw, a pangai a ni mai e, ka nuamsam vak lo tlat mai a, ka lu te a hai a.

Ava zialo ve aw, thil i thui a mi?

Ka thui peih rih lo, ka luak achhuak bur mai.

Ka rawn sawm haw ang che aw, ka rawn haw hman tep a, lo hahdam rawh aw.

Min ngaihtuah theih em avangin a rawn haw vat dawn a ni tih ka hre sa reng mai.

Tlai dar li a rik hma chuan a rawn thleng reng bawk a.

Thutthleng seiah ka lo mu a, ka lu te ahai mep mep bawk a, a rawn thlen hnu chuan kan haw ta nghal a.

Khumah ka mu nghal hnawk a, ka awmdan ahmuh chuan a buai em em a, achhan chu ka hrisel loh em avangin natna hrang hrang in min lo tlakbuak tawh thin a, thi lek lekin ka lo awm tawh thin avangin a hlauthawng hle tawh ani.

Bawihi, engtin nge i awm?

I damlo leh vakang tih ka hlau khawp mai, a rang lama doctor rawn vat a tha ang.

Ka tha alawm, ka luak te achhuak a, ka pum lam dik loh vang pawh a ni maithei, kan mu hahdam anga ka zia leh mai ang.

Zanriah kan ei dawn pawh chuan chaw ka ei thei lo, thil kan hmui rimte chu ka haw tlat mai a, ka uak tuar tuar bawk a.

Nau ka keng ve ta anih ngei ka ring a, ka ring ngam chiah bawk silo, ani lah chuan angaihna a hre der lo.

Chaw pawh ei ta lo chuan ka mu leh vat a.

Bawihi, enge i ei chak?

Tinge tianga i awm tlat le?

Ka hlauthawng khawp mai tiin ka bulah a rawn mu ve a.

Ka inrinhlelh thu erawh ka sawi duh lo, alo nih loh takin beidawnga siam ka duh lo a ni.

Chumi kar chhung chuan hna ah ka kal lo a, a ni erawh a chhuak thung a, min ngaihtuah em avangin a rawn haw thuai thin.

Nikhat chu a awm loh hlanin in test ve reng reng chu ka chak deuh tlat a, chau tak chung chuan damdawi dawrah zun test na ka han lei a, keimah chuan ka test ta a.

A result chuan min tihlim ngei mai, ka dam hawk hawk in ka hria, rin sen pahnih alo lang va va a, pakhat zawk erawh a la fiah vak lo thung, mahse a inrin ve ngei tawh a.

Hlim em em in ka test kit chu ka dahtha a, Davida lo haw hlan mawlh chu ka nghakhlel lutuk, nidang zawng aiin chu ni chu a reiin ka hria.

Tlai thim hma deuhin a rawn haw tih ka hria a, a thawmah ka hre thei nghal, lehlam hawiin ka lo muhil der thuai a, ka rilru erawh a sahawk a, ka thin te a phu dup dup a.

Thawm dim te hian ka pang a rawn khawih a, ka lo meng diar diar a, ka nuih sen sen a.

I mutui em ka duat,
Apple te i ei chak takin ka tia ka rawn hawn a.
Apple pum lian tak, tuihnai tak hi a rawn phawrh a.

A in thlak mek a, a pheikhawk hlip tur akun lai mek chuan hnung lam atangin ka bawh thut a, ka kuah hle hle bawk a.

I va dam tha ve a, min lo ngai tawh ni maw?

Dave, pa i ni ve tawh dawn asin.

a rawn hawi thuai a.

Eng maw? Eng maw i sawi a?

Abiang tawn tawn ah ka chelh a.

Bawiha, pa ini ve tawh dawn alawm,
Ka lukham hnuaia ka test na ka dah chu ka la chhuak a, ka hmuhtir ta a.

Awmngaihna pawh hi a hre lo, min kuah nawk nawk a, in thlak zo ta lo chuan ka bulah a mu nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 21st, 2019, 11:45 pm

Bawihi avan mak em em!

Ka la awih thei lo zawk hial mai, mak ka ti emai!

A hlim lutuk chu a phi cheng a, ka pum te a chul thul, ka pasal hlim lutuk hmel ka hmuh chuan ka lawm tak zet a, ka dam sawng sawngin ka hria.

Pa ka ni ve dawn ta chu a nia, mipa nge hmeichhia ni ang aw tih pahin a khi leh vur vur thin a.

Mipa nge hmeichhia i awh zawk?

A ngawi vung vung a, fanu kan nei tawh a, mipa ni ve thung se la, fanu leh fapa kan nei a ni mai a, kan kim ve viau tawh dawn a, mahse hmeichhia pawh ni se a pawi lo, pathian min pek apiang ah ka lawm vek.

Bawiha, fa i neih chuan bawihtei hi i en hrang angem? Kan karah fa a la awm loh lai chuan hmangaih takin i enkawl thei anga, nangmah ngeiin fa ineih chuan adanglam viau ang tiin a rilru ka en chhina.

I van a tak, bawihtei hi a tetlai atang tawh a ka lo duat ve em em a nia, en hrang duh ni i la fa kan neih hma atang pawhin ka en hrang thei reng a lawm, chutiang rilru ka pu ngai lo hrim hrim, ka pu ngai bawk lo ang, i rilru ti hah duh suh, ka fanu a ni a, a ni reng bawk ang.

Ka nui ver ver a, bawiha, ka lawm thin khawp mai, kan nufa chunga i thatna zawng zawng hi ka rul seng ngai lo ang che.

I van a thin tak, nupa ah inrulhlet a ngai ngai a mi?

Se bo hnu a se kawngkhar ang a ni.

Enga?
Za em em in ka nui bawk bawk a, enge sawi i tum a?
Han sawifiah teh tiin ka chum nawk nawk a.

A ni alawm, thil thleng lo tawp tur sawina a lawm.

A la ti ta deuh deuh, ka nuih za lutuk ka nui tawp thei lo, pum na urin, mittui tla phungin ka nuih chiam bawk a, ka pasal duhtak hi a van a thin tak.

Nui vak vak suh, naute tan atha lo ang.

A za telh telh bawk si, tawng upa a hmang ve ngei, awmze nei silo ber chuan min ti nui nasa.

Va in thlak rawh, chuan apple kha ivel nghal dawnnia tiin ka nem nawk nawk a, ka nuih za a tawp thei lo.


A tho tharh a, a inthlak zung zung a, thuawih takin apple chu a vel nghal bawk a.

Bawihtei hi naktuk kan ni a ni tawh a, enge a mamawh te ken sak ngai?

Awi, ka lo hre reng reng hleinem, kan ni a ni tih pawh, enge kan ken sak anga tiin ka zawt let zawk a.

Keimahin ka va kal ang, motor chuan ka remti rihlo a ti leh tlat a, min tino lutuk takngial dawn.

Enge i en reng a?
A phone bih ngut ngut chu enge tih hriat tumin ka en ve a, a ni naute thawmhnaw vel lo enkual chu niin, a hahthlak thin teh e.

Awi, tunah khang kha eng atan nge i tih a?

Mawi tih deuh ka neih chuan lei lawk sa ka duh a ti sam et a.

Ka hnial duh lo, fa a awt bawk a, a duh duh ti teh se.


Bawihi, naktuk chu keimah ka va kal anga, mamawh zualpui ken ngei ngei ngai ang chi ho kha ziak chhuak la, a dang ka duh zawng ka lei belh mai ang.

Ka lo kal ve anga, hmuh te pawh ka chak ve a.

Ngai lo, motor chuan kha achi rih loh, nidangah i la kal dawn nia, mu tawp la, ei tawp la a tawk chiah atih tlat avangin atha e ka tihsak ve mai a.

Kanu hi kan hrilh ve reng reng ange tiin a nu chu msg a thawn vat a, fa aneih ve tawh dawn thu chu ahrilh a.

Anu erawh chuan achhang lo thung, a hmel atangin a rilru ana ani tih ka hre thei mai a, a hmel a diklo nghal vek bawk.

David, pawi ti reng reng suh, pathian zarah tha tak leh dam takin ka hring anga, inu leh pa te pawh in an tu hmel an hmuh hunah chuan an thinrim reng thei bik lo ang, chuvangin irilru tina duh miah suh aw tiin ka hnem ve char char a.

Ka fa lo piang tur hian pi leh pu neilo mahse pawi ka ti tawp lo, ka enkawl thei ve tho ang ati hmuk hmuk bawk nen, keimah vanga nu leh pa thlauhthlak ani ringawt mai chu hreawm duh tak ani.

Ka uak tuar tuar a, ka luak bawk a, ka inring hman lo, atho thuai a, theih ang ang in min buaipui a, amangang hma thei lutuk erawh a buaithlak thin.


Thil thur lam ka ei chak ka tih rualin akal vut a, fridge a han hawng a, thei thur lam chi kan lo nei silo, dawr lam apan nghal a, thei thur ahmuh ang ang a rawn lei haw tun mai a, ka ei nghal bawrh bawrh a, min duat in min ngaihsak thiam khawp mai.

Atuk ah chuan bawihtei kan turin a chhuak a, kei erawh in ah ka awm thung a.

Zualtei nen kan inbia a, kan hlim dun em em a, ka nun hreawm tak lo inthlak ta avang chuan ani pawhin min lawmpui khawp mai.

Ka mu ning lutuk chu ka tho a, kan chuktuah huan ah chuan ka zu kal mai mai a, thlai eng eng emaw lawr tur te alo awm nual bawk a, hnim te deuh te chu ka pawt fai pah a, Khuma mut reng ai chuan ka harh phah zawk daih bawk.

Ka lo tui lutuk deuh nge hnim vel ka pawt fai tui phian a, kan pa lo chhuk lai pawh ka lo hre lo.

Amak e!
A rawn tawng ri thut ah chuan ka phu zawk a, ka lehhawi vat a.

Tinge hengah te ilo kal a?
Mu mai mai rawh ka tih che kha, rawn chho rawh ati bung nghat a.

Mut reng kha ka ning alawm, tihian ka harh zawk daih, hei thlai ka lakkhawm sa te hi min lo kenpui teh.


Lungawi loh hmel zetin ka em a ka thil dah ho chu a chawi chho nul nul a, kei pawh chuan ka zui chho ve nghal a.

Huanah kal kal suh, tluk palh te a hlauhawm a, indim hle rawh.

Eitur thenkhat a rawn hawn chu dawhkanah a dah a, ka va en a, sa leh thlai te, thei thur lam te a rawn hawn nual a.

Mami inbual lai anih avangin ka dah fel sawk sawk a, engemaw ka tih hlek pawh a phal meuh lo, ka thil tih lai chu min rawn chuh vat a, va thu hahdam rawh tih chu athupui ber ani tawp.

Hun akal zel a, pathian zarah ka nau pai pawh thla thum alo pum ve tawh a, kei pawh ka inenkawl tha in doctor pawh kan rawn tha bawk a, insawiselna em em ka nei lo.

Ka pum lian lutuk erawh mak kan ti ve deuh a, thla thum chauh ala ni bawk si, alang ul mai chu mak kan ti ve deuh.

Doctor min chawh angin ultrasound ti turin kan chhuak a, aphur em em reng ringawt mai a, scooty a kan han inphur chhuak te chu akhalh dimin atlan muang kher mai, hmana kan inphurh chhuah thin laia kan tlan vuk vuk nen kha chuan adanglam ta hle mai.

Clinic kan thleng a, raipuar in entir pawh an lo tam khawp mai, thutna awl ah chuan kan thu ve ran a.

Engtik ah nge in neih dawn?
In fa eng zat na tur nge?

Kan bula thu te chu alo zawt hmanhmawh a, a titi pui nghal bawrh bawrh bawk a.

Ka hun a rawn thleng a, ka va lut ve nghal a, ultrasound kan han ti a, a result erawh min hrilh nghal lem lo.


Doctor hmu turin kan va kal leh nghal a, doctor chuan ka result te an en chuan phir ka lo pai tlat mai, keimah tak phei chuan lawm nachang em em pawh ka hre thiam mai lo.

enge chanchin? naute atha em tiin min lo zawt vat a.

Abulah ka thu te te a, dave, phir ka pai a ka tiin ka hrilh ru sap a.

Ani maw? Tak tak ami?

Aw ni e..

Ka van lawm tak, an pahnih in an tha em?

Aw tha vek e, kan buai dawn reuh ti raw?

Buai love, pakhat ve ve in kan enkawl dawn nia a ti zawm nghal zat a.

Nau ka pai chhung chuan hnathawh a remti lo a, hnathawk a achhuah chhung in dawr lamah ka kal ru fo thin a, a haw hma in ka haw leh mai thin.

Pathian zarah kan nula chhawr te an fel bawk a, an kutah engkim ka dah ngam a, ka ringtawk em em bawk a, an ni zarah tluang takin dawr pawh ala kal ve zel a, kan ei in ber ala ni ve zel rih bawk.


Bawihtei te exam chawlh ani a, hostel atangin an rawn chhuak a, chhungkua kan kim khawp mai, kei pawh ka naupai ahram tawh viau a, ka rit in chet ka harsat tawh viau mai.

January thla, khawvawh lai a nei tur ka ni a, theih ang tawkin kan in puahchah ve tawh a,

Krismas bawrah pawh in ah kan tawm deuh chawt a, kan pa pawhin min lensan ngai lo, ka inbualna thawmhnaw thleng hian min suksak mai thin.

Zantir atangin ka pum ana riai riai a, kan pa erawh ka hrilh duh lo, a phili buai theih em avangin anat tak tak hma chu ka ngawi reng a.

Lehlam hawiin ka mu a, ka then leh sawk zel a.

Bawihi, imut a chhuak ami?
Mamawh ineih chuan min hrilh rawh aw.

Awle, ka mut a chhuak deuh a, nang pawh muhil rawh.

Ka muhil sek chu pumna in min tiharh leh a, ka zung ta sek mai bawk a, ka vei ve tan tak tak tih ka hre thei.

Khum tlang ka vuan a, ka ding vang vang a, ka thawm hria in a rawn harh a.

Khum mawng lama ka ding a hmuh chuan a rawn tho vat a,

Engtin nge i awm bawihi?

I pum a na mi?

Na ve tan a, na lutuk lo.

A in ha lum sawk sawk a, a phone ala vat a.

Nu, naute kan nei dawn a, damdawiin ah lo kal rawh aw, a phone chu a dah leh thuai a, ka pum pawh anat ve deuh tawh avangin ka then leh sak thin.

Engkim in peih sa vek kan nih tawh avangin damdawiin lam kan pan ta nghal a, kan va thlen chuan zinglam dar thum a ri tawh.

A tuk nileng in ka vei a, ka nei thei der silo, ana em em tawh mai bawk si, davida a mangang em em a, a tap lo chauh ani ber.

Nurse a ko sek a, a thu hle hle thei lo, ka niin min awmpui bawk a, a nu leh pa te erawh an rawn lang lo thung.

Atuk tlai lam ah chuan zai ka ngai ta a, kan pa mangang leh phili lutuk ber chu a lainatawm khawp mai.

Doctor in min rawn en lai te chuan, ka pu naute leh anu hi an tha em? Hlauhthawn awm a awm lo tiraw tiin alo zawt chhen bawk a, khatih hun lai khan a nu a ngaih azual dawn lutuk tih ka hre reng mai.

Bawihi, hlau suh aw, engkim atha vek ania tiin ka sam a chul mawlh mawlh a, inzaina room bul thleng chuan min kai tlat bawk a.

Chiang lo ruaiin ka harh a, ka la vir deuh mup a, vawt ka ti em em bawk a, ka lei a tawt mup bawk mai a.

Ka han meng a, ka hawi kual a, ka bulah kan pa alo thu ran a.

Bawihi, ilo harh tawh maw?
Itha em?

Ka bu nghat a, ka muhil leh nghal a.

Chiang taka ka harh leh chuan zanlai ani tawh, ka bulah chuan naute pahnih an lo mu ran bawk a.

ka ni lo awm ran chu ka hmu bawk a, davida erawh ka hmu lo thung.

I mutui em bawihi?

Mutui khawp mai, Khawnge davida hi?

Pahnih riah an phal silo a, ka hawtir ta anih kha, naute te pawh an tha khawp mai.

Ka fate pahnih chu mipa ve ve an ni a, an pian atha a, kut ke kimin an piang tih ka hriatin ka lawm hle.

An hmel lah chu atha dun em em mai bawk si.

Atuk ah chuan davida thiante ho an lo lang tak tak hlawm a, alo hrilh kual vek chu niin, thilpek pawh kan dawng ve nual bawk a.

karkhat vel zet damdawiin ah kan awm a, kan chhuah dawn ni chuan davida nu leh pa te an rawn lang ve teh mial a.

Kawngka a an rawn dak vel chu ka lo hmu hma sa a, bawiha inu leh pa te an rawn kal ania tiin ka hrilh vat a.

A lawm hmel loh khawp mai, a dur nghal khup mai.

A nu leh pa te chuan min rawn hmu thuai a.

Naute en an han tum chu kan pa chuan a phal ta tlat lo mai.

In duh loh ka fate an nih hi, in en pawh angai lo, mangang taka ka awm laiin ka rawn hrilh che u a, atuk ah pawh zai ngaia kan awm pawhin ka nu ka rawn ti tawk tawk a, in duh lo a, in ngaihven duh lo anih kha, tluang takin kan nei tawh, pi leh pu anei lo ati ta hmak mai.

David, khatin tawng suh, api leh pu te an ni a, an hmuh kha iphal lo ngawt thei lo tiin ka lo khap vat a.

A thin a rim a, pawn lamah a chhuak ta daih a, ahreawm duh angreng khawp mai.

Anu leh pa te pawh rei awm lo in an haw leh nghal vat bawk a, ka niin a thlah thlap bawk.

Pathian zarah dam takin kan chhuak leh a, ka niin engemaw chen min awmpui bawk a.

Kan buai thei thin khawp mai, khawvawh vanglai tak a ni bawk nen, duh angin ka che thei silo, an pahnih hian a awih chhawk zantin a ni deuh ber mai.

Engemaw chen chu ahna lam pawh angaihtuah thei bik lo a, nau awm in a awm deuh chawt thin.

Hnute siam chawp pek an ngaih avangin amu hman meuh thin lo a, mahse a phun ngai lo a, a phur em em reng zawk.

Zankhat chu tui takin an mu lai chu kan thlir reng a, apa an chhun em em mai bawk a.

Bawihi ka fate hian hming phuah sak tu tur pi leh pu pawh an nei lo a, ka rilru hi ana ngawih ngawih, chuvangin an tan pa tha tak nih ka tum tlat ang.

Ka fate hming hi ka phuah ang, a upa zawk hi Benjamin lalnunpuia, anau zawk hi freddy lalruatsanga ni rawh se tiin afate chu afawp vawng vawng a, ka lainat takzet.

Bawiha, a pi leh pu te hian an duhlo ani reng reng lo, nakin ah chuan an nun tihlim tu te an la ni dawn, a chhe zawng hlirin thil thlir lo la, engkim that hun ala awm dawn alawm.

Kan buai chho ve nawk nawk a, harh rual an rawn nih phei chuan kan buai ve hle thin, mami nen hian pakhat ve ve in kan chang a ni deuh chawt mai.


Kum sarih hnu ah chuan.....


Kan in hmun neih chhete ah chuan assam type mai maiin in kan sa ve a, a hmun chu ka ta ni mahse kan pa hming vekin ka kaltir thung a, kan fanu pawh a nula tawh a, a pa hian lehkha thiam taka chhuah tir a tum avangin an infuih nasa thin hle bawk.


Kan dawr pawh achang tlung viau tawh a, mipa coat thuina te kan siam belh ve bawk a, kan pa in a enkawl thung, kei pawh ka fate sikul kal chhung in dawr lamah ka kal thin a, duh ang tak erawh chuan ka thawk theilo thung.

Davida nu leh pa te nen pawh kan boruak a tha tawh a, an tute lah chu an duat em em mai a, keini pawh kan leng lut fo thin bawk.

Kan in chu a hmingin a chhawngin kan sa ve a, ka beisei loh tak maiin kan pain ka ni te a awm tir bawk a, kan harsat lai zawng zawng a kan tana awm reng an ni a, a luahman a ngai lo tiin kan inhnuaiah kan awm tir ve bawk a, chhungkaw tak tak kan ni ve ta.


YMA leh kohhran ah theihtawpin a in hmang ve a, YMA hruaitu te ani chho ve a, hmana mi nuihzat mai mai ni thin kha pathian zarah mi pangai ah kan chhuak chho ve a, kan nupa kan inhau ngai lo a, thil chhete pawh ti dawn ila kan in rawn thlap thin, ka pasal vanga tun dinhmun thleng ka ni tih ka inhriat chian em avangin ka zah a, athu ka awih em em bawk.


mercy tih story chu alo tawp ta a, min chharsak tu zawng zawng te in chungah ka lawm em em vek a, next story ah kan inhmu leh theuh dawnnia.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)