2'3' BY Msi Miluhlulnui (Completed)

Episode nei ho a hlawm a dahkhawmna

Moderator: writers

Ngaia
Site Admin
Posts: 15548
Joined: April 30th, 2016, 4:07 pm

Re: 2'3' BY Msi Miluhlulnui (Completed)

Unread post by Ngaia » December 23rd, 2019, 11:38 pm

2'3'
Episode - 13🌺
Msi miluhlulnui💜


Naktuk hian kan school ' Home Missions School hmingin National Talent Search Examination (NTSE for class 10) chu class 10 zirlai mi 50 velin kan exam dawn a, chuta zingah chuan kei hi ka tel ve a. State exam awm leh tura ka in hlângkai theih nan leh tha taka ka exam theih nan, ka reader duh tak tak te, min lo tawngtaipui turin ka sawm
che u ani. 💜💜💜 NTSE bu pahnih lah chu ala chhah dun em em mai lehnghala😓😓😓😆😆😆




💜Hmangaihna chuan min hruai sual fo va, thil min hmuh phêt ti ruai a, kan dikna lej rinawmna a phêt a, thudik min hêltir a, kan nihna dik tak kha nam kiangin, mi dangah min siam tha thin ani💜.



"Min chhang let rawh, min hmuh i hlau ani lawm ni" ka hmui bul chêtah chuan a rawn ti thâwp sup a, ke pen lah chu a hnai zel bawk si. Ka hlauthawn lutuk na avang chuan keimah zawkin ka han fawp hmasa chawt a.


Nui sukin min fawp let ve nghal tawn tawn bawk. "Tenawm lutuk, hmun dangah in kal thei mai lo vem ni. Mahni pawh rawn insawi ve tur alawm. Tenawm dun lutuk" ti a tawng zawt zawt chu ka hre chhunzawm zata. Ke pên thawm chu a hla nghal tial tial bawk.


A reh deuh hnu chuan a âwmah chuan ka nem vak a, rum nghutin min thlah a, ka hmui hi a sa nghal ham ham mai. "A tawk. A kal tawh" ka ti bah nawk a. Ka thâwk ri a rang lutuk ringawt.



Ka hmuiah chuan a rawn fâwp leh zeuh a. Ka dar ah chuan a khabe a rawn nghat nghal bawk a. Ka îp zui nghal chawih bawk. "Kalsawn tawh rawh" tih pahin a dar ah chuan ka nem a, mahse chet pawh a chesawn eih lo.


"Kal tawh rawh ka tih chu" ka ti that a, ka kâwngah chuan a ban a rawn rawlh lut a, nghet lutukin min kuah nghal bawk a. Min kuahna kut chu tih thlaksak tumin ka vuan ve sek bawk a. Mahse ka thei lo, min kuah nghet lutuk mah mah ani.


"Min thlah teh, ka kal a ngai tawh ania" ka ti leh hlak a, a rum nghut a, ka nghawngah chuan a rawn fâwp zeuh a. Ka mur nghal chuai bawk. "Ka zawhna che ila chhang lo" a rawn ti thâwp sup a. Van hneawm tak.



"Zawhna chhang tur che in eng zawhna mah min zawt hauh lo" ka ti fak a, a rawn nui chhuak hawk mai. "Takzet" a rawn ti sup a, ka sam chu a hnîm nghal veng veng bawk. "Ni e, zawhna min zawt hauh lo.. " ka sawi zawh hma hmaa a thu rawn sawi avang chuan ka tawp chut a. "Min ngai em? " a rawn ti nawn leh sup bawk.


"Eng thu nge maw i sawi le, i â tawh anih kha" ka ti bah nawk nawk a, huizz.. Ka tawng hi tinge a fuh theih miah lo le. "Nia ka â tawh, nang hian kum tam tak chhung chu min bual â tawh. Chuan ka zawhna che kha nichinah pawh zawh i ni tawh. Mahse chhanna ka dawng lo a, zawhna min zawt lo ila ti zawk a" a rawn ti hluk a. Tlem in min kuahna chu a thlah dul deuh a, mahse tlem te chauhin ani.


"Ka chhan loh che chuan, ka ngai lo che tihna ani mai alawm" ka ti sap a, awm ngilin chiang zet hian min rawn en a, ka mitah tak min en hian chawp leh chilhin ka zâm na hi a rawn chhuak nghal thin ni maiin ka hria.


"Dawt.! I hmelah khan engkim chu a lang vek alawm, nang hian min ngai ani tiraw? " a rawn ti leh sup a, "ka ngai lo che ka tih tawh chu mawle, enge min zawh seka, i awih loh leh i thu ania" ka ti hlak a. "Khawmaw ka kal duh tawh min thlah tawh rawh" ka tih zawm zata.


Hetia kan awm reng hi chuan ka in puang leh vat ang tih ka hlau tlat ani. "I kal ang, mahse chhanna ka hmuh hma chu i kal thei lovang" tih pahin min kuahna chu a ti nghet sauh a, rum lutukin ka melh nghal bawk a.



Ka ngei bawk si, ka thinrim bawk si. Ka dâwt sawi a hriat ka hlau bawk si. Diktak chuan vawiin khan ka ngaihtuahna a chhuahsan lo tluk ani a, intih thawveng nan hla te play in inchhung pawh ka tifai hrep anih kha.


Engtik laiin nge hepa hian ka ngaihtuahna leh thinlungah hmun a chan ka hrelo. Ka hriatna ala rei lova, a awmdan hi chu haw tawh tur ka ni, midangin ti ta se, ka report daih tawhin ka ring. Mahse ani erawh chu dan chu sawi loh, ka sawisel lova, ka lo dawngsawng tha em em zawk thin si.


"Thudik tak sawi mai la, Duati. Vawiin khan min ngaihtuah ani tiraw. Keimah ang chiahin ka ngaihtuahna i chhuahsan loh tluk ang chiahin" a rawn ti leh sup a, ka chalah chuan a chal chu a rawn nghat a, a fawp nghal vang vang bawk.


Ka thin hi ring takin a phu dup dup a, ka zâm lutuk hi awm dan tur ka hrelo ani. Hetiang em em a hian mipa ka hnaih ngai lova. Kima kha chu a hming ve mai chauh ani. Hnaih lutuk tih tur ang pawn kan awm ngai hauh lo.



"Duati" a rawn ti leh sup a, kei hian ka ngaihtuah tih leh ka ngai tih ka sawi chu enge a pawi vakna tur awm ang, thudik sawi ila engkim chu a fel vek mai ang. Mahse ka vawikhat sawina tur ani a, ka zâm ani, chu pawh hepa hnenah kher hian ala ni zui.


Ngati nge maw ka ngaihtuahna ah te alo awm a, ka lo ngaih kher kher le, he thu hi sawi chhuah ka ngam lo asin mawle. Mahse sawi turin ka kawchhung lam hian min tur ut ut si. Zanin hi ka haw takzet ani. Lo kal lo ula tha tur ania.


"Duati" a rawn tih leh sup rual chuan ka thaw chhuak hak a, ka zâm lutuk hi sawi ngaihna pawh ka hre lo. Ka kâ chu ka âng zuai tawh. Mahse ka chîp leh a. Ka sawi ngam thlawt lo ani. Min kuah reng chuan "sawi chhuah a harsa viau em ni, i sawi anga, a zo ani mai. Dâwt sawi i inhmeh ve hauh lo ania" a rawn ti thâwp sup a. Na zet hian ka thaw chhuak bawk a.


Min kuahna a phelh dawna ka hriat rual leh ka kâ ka âng lai ka hre hauh lo. "Ka ngai che" tih chu ka kâ atang hian a rawn ri chhuak phawng a. Keimah zawk zawk chu ka meng phâwk mawle. Ka thu kha ka sawi chhuak. Ka sawi chhuak chiang lutuk. Ka van zak tak.


"Sawi nawn leh teh" a rawn ti thâwp sup a, a nui ri nghal suk bawk. Ka zak lutuk hi ka sa pup pup a ka biang hi a sen tawn tawn in ka hria. Engtik laiin nge ka kâ atang hian a chhuah ka hrelo "Bawihi" a rawn ti leh hluk a. A hmel chu muangchang hian ka han melh a.


A êng sût sût ni maiin ka hria. Hmui phun chuan "sawi nawn leh rawh" a rawn ti sup a. A hmel ka hmuh ringawt pawh hian keimah ah inrintawkna min thlen thei. "ka ngai che, chuan ngaihtuah pawh ka ngaihtuah che" ka ti sup a, ka sawi zo chu ka kun nghal daih bawk a.


Mahse ka khabe ah chuan rawn vuanin min kuai dak a, dim zet hian ka hmuiah chuan a rawn fâwp vang vang a, ka thaw huai thei. "Ka lawm e, nang ai nasa in ka ngai bawk che. Sawi nawn leh la chuan... " ka hmui bul chêt ah chuan a rawn phun sup a.



"A teuh lo lutuk" ka ti nghal nghek a, a rawn nui chhuak hawk mai. "Ka sawi ngam loh ka sawi chhuak ania, nangmah vang vek. Enge ka ngaihtuah naah te ilo awm ve, ka vawikhat sawina ala ni zui" ka zak lutuk chuan ka ti chhuak vak a.


"I vawikhat sawina maw!? " mak tih hmel zet chuan a rawn ti sup a. "I ninawm, khawmaw ka kal dawn, awmsawn rawh" ka ti bah nawk nawk a. Min kuahna atang chuan awlsam zetin ka tal chhuak a, min man leh hlauh lutuk avang chuan rang lutukin ka tlanchhuak nghal bawk a.


Ka zak lutuk hi engtia awm tur nge ka hrelo ani. Tinge kha thu kha ka lo sawi chhuah kher kher le, ka van zak tak. Ka sawi tawh ngai lovang. Ni lo ka sawi tawpna ni teh se. Ka zak lutuk ringawt. Hmeichhe dang te hian sawi te hi an zak ve ngailo amaw ni le.


Ka biang sa hut hut chu ka tuai vak a, ka biang chu dawmin zawi lutukin ka au chhuak vak bawk. Khapa bulah khan ala ni kher zui lehnghala. Ngati nge maw ka lo sawi chhuah thawt thawt le.


Inchhungah chuan ka lut a, ka thiante lo dinna lam chu ka pan nghal bawk. Nichin thil thleng avang khan ka awmdan hi ala panngai thei lo. "Lalzual, ngati nge i biang kha" Feli chuan ka biang chu chiang fahran hian a rawn en a, a ngaihna hrelo zetin ka melh chho a.


"Engtin nge a awm? " ka ti nghal hû bawk. Ka biang chu a rawn khawih a "helai te hi a sen rapthlak, tinge a, an beng che ami? " a zawhna avang chuan ka nui chhuak hak a. "I mawl ami, tu pawh party boruak avang hian an hlim em em a, chuta kara lo in ben te chu a" ka ti zui hlak a.



"Enge ania lawm, a tai têk bik lehnghala" tih pah chuan a rawn khawih leh kher a, a kut chu ka dahthlak sak nghal vat a. "I ho emai, a sen mai mai aniang" ka ti sap a, ka hmaa min en reng tu avang sawn ka awmdan a dik leh tawh lo reng reng.


Min en reng chung chuan a nui suk a, midangin an rawn be chhunzawm nghal daih bawk. Tha lutuk ti sawn be char char rawh se, duh ang pawn party boruak pawh ka feel ve thei lo.


Kima te kha an lo luh lai bak kha chu ka hmu tawh lo hrim hrim a, an awmna pawh ka ngaihven zui chiam lo bawka, tlem tlem in party borual nawm na chu ka pawh ve deuh tawh.


Kan haw dawn chuan pu ber chuan lawmthu min hrilh sap sap hlawma keini pawn nuam kan tih thu kan sawi ve leh chiam bawk a. Kan pu ber hi fel viau lo sela chuan an dawrah pawh hian ka thawk thei bik hauh lovang.


Min thlah an duh thu an sawi chuan kan hnial vata, haw na tur kan nei ve reng tih thu kan sawi chuan an vui deuh ti tih bawka. Ramhluna nu chu thlalak ai pawhin a takah a hmeltha zawk daih bawk.


Kan chhuah dawn chuan Ramhluna te dinna chu kalpel a ngai bawk si, ka huphurh bawk si, uluk zet hian min melh lehnghala, min ti zam lehnghal vek tawh. Hla tak atang pawh hian keimahah nghawng a nei na takzet ani.


Kan kalphei tham tham lai chuan a zâwn a hmeichhe kal te chuan an be luam zel bawk a, engtin nge a bulah sawn panngai takin an tawng theih vek bik le. An zam ve theilo amaw ni.


Engtin mah ti lo a kalpel ka tum chu amah zawk chuan ka kut chu a rawn vuan zawk a, nghet takin a hûm hmana, mahse a thlah lehnghal daih a. Mak ti zet chuan ka en nghal hâw a, a lo bu nghut ringawt.


An haw na turah chuan an chuang nghal sap sap a, kei erawh Remruata min thlah bak ka duh lo khapa Cv-a an tih teivet lah kha, min thlah tir phêt an tum a, ka duh teuh lo lutuk ringawt. A hmel ka râp zawk e a.


Ka chuang tur chiah an in lam ka hawi phei leh chu bathlâra Kima lo ding reng chu ka hmu a, ka lam chu alo hawi char char bawk a. Ka nuih suka, a ke a rawn pên leh tur chiah chu a hnungah chuan hmeichhe pakhat a rawn ding a, a bânah chuan a vuan nghal vat bawk a.


Chunu chu a en nghal vat a, kei erawh chu an pahnihin min rawn hmuh ka hlauh em avangin car chhungah chuan ka thu lut vat a, tlan nghal turin ka hrilh nghal bawk a.


In ka thleng chu ka chatthla nghal ani mai. Zingah chuan lu na burin ka tho chhuak a. Ka sira lo mu hlûn ka hmu chu ka au chhuak nghal chiam bawk. "Enge a? " Feli aw ri in ka hriat rual chuan ka thaw chhuak hawk a, ka âwm chu ka dawm nghal vat a.


Tuna alo awmdan kha, a hmel a lang thei bawk si lo. A sam in a hmai a hliah veka a nghâwng chin hnuailam zawng chu puanin a khuh vek bawk a. Hlauhawm tak ani ringawt. Thawh vela hmuh atan chuan a lawmawm tehchiam lo.


"Feli, tho rawh hna kan tlai dawn ania. Tho nghal rawh. Nakinah i rawn buai leh chung ange, mut dan i thiamlo ropui si" ka ti hlak a, ka tho zui nghal daih bawk.


Kan insiam pah chuan nizan chungchang kha kan sawi duna nuamlo a tih thu hlir ringawt a sawi lehnghal. Nizanah kha chuan a nuam ti ber ber ah a tang reng sia. Henu zet hi zawng ka hrethiam thei dawnlo anih hi.


Nilengin hnaah kan buai leh a nizan kan thawh tur kha party boruak avangin kan thawk leh ta si lova, hna a inthuah ani ringawt. Hrim hrim in tunlai chu hnaah kan buai thei hrim hrim bawk.


U Saia pawhin hma a sawn zel thu min rawn hrilh a, chu thil bak bak a ka tana lawmawm chu a awm lovang. Ka la hmu ngat ila chuan ka huatna leh hlimna a inchawhpawlh nuai ka ring.


Thil lo thlendan kimchang ka hre chak a, ka nu nen engvanga awmdun lo nge an nih tih te, engvanga ka nu kalsan ani tih te ka hre chak takzet a. Tin, pa ka nei tawh dawn bawk a. Ka hlim dan tur hi ka sawi thiamlo zawk ani.


"Zual, zanin kha Remruata'n thil ei chhuak ang u a tia eng emaw a tawng aniang" lunch kan ei lai chuan a rawn ti a. "Thil eichhuah in ti reng a, ka hman lo ania, zan thum lai chu hnaah ka kal tawh lo, boss pawh hian min bân tep tawhin ka ring, zanin chu ka hman lo, zan dangah in sawn thei mai lo em ni? " ka ti chhuak hap a. Tinge ka hman loh zan hian thil ei chhuah hi an tih be ziah thin le.


"Ka hre bik lo, ama thu thu ani mai, ka lo zawt chhin ang, i buai thei si. Thil ei chhuah pawh i hman tawh ngai lo" lungawi lo zet chuan a ti chhuak a. Ka chhang lo. Kei hi ka buai tih piahlam ani. Ka harsatna hi ka thiante hnenah ka thlen thei ngawt si lo.


Eitur kan nghah lai chuan phone chu ka lo khawih mial mial a, news chu ka en bawk a. Ka thlalak download chu ka nghak a, a rawn lan a ka zoom rual chuan ka ni nghal nghulh mai. He thil hi nizan ami kha ani lawm ni. Mahse tianga an awm lai hi ka van hmu lo ve.


Ramhluna chuan a bialnu ni ngei tur tap puri kâwngah chuan a vawn sak a, amah hnaih zet chuan a kuah bawk a, a biangah chuan a fawh sak a, chumi lai thlalak chu tunah hian ka en mek bawk.


Nizan khan hetiang hian an awm pawn ka hrelo. Mahse tinge henu kâwngah te hian a vawn saka a biangah te hian a fawh le, bialnu ka nei lo a ti bawk si a. Dawt min hrilh ani chiang mai. Hepa hian tinge henu kâwngah hian a vawn le.


Thlalak chu ka zoom kual chhen a, ka ngaihtuahna ah ka kâwnga a vawn lai te, ka bianga a fawh lai te a rawn lang a, phone chu ka thehthla nghal tawp a, Feli chu a phu zawk a. Mahse ka ngaihven lo.


Hepa hi bialnu ka nei lo a ti ve si a. Tinge dâwt min hrilh le, a biangah te a fawh sak vel anih chu. Bialnu ka nei lo de dei dei te a ti vela, mahse a nei reng sia, an thu ziahah pawh an inhmangaih thu leh an inneih tep tawh thu an ziah hi. Tenawm lutuk. Dawt min hrilh vela.


Ka phone chu ka la lawk a, ka tho zui nghal bawk. "Khawnge i kal dawn? Eitur a lo thleng tep ania" Feli chuan a rawn ti nghala. "Ka ei lo mai ang, ka kal dawn, a man chu ka lo pe mai ang" ka ti sap a.


Hmanhmawh lutuk chuan ka tlanchhuak nghal bawk. Keimah min kuah angin a kuah ve a, a biangah te a fawh saka. Dawt te min hrilh vela, ava han châk dawn lo tak. Dawt mai mai min hrilh tur hi ka ni lo hrim hrim.


Hnathawhnaah pawh min be tawng zo mang lova, engvanga hetianga awm hi nge maw ka nih le, kei hian ka thik em ni? Ni lo ka thik lo, ka thik lo hrim hrim. Hepa hian dâwt min hrilh a chuvang chuan ka lungawi lo mai ani.


Ka phone chu ka switch off hmaka, an thlalak a tam lutuka, ka en peih loh vang ani mah zawk. Khawiah pawh an post vek ni maiin ka hria. Khatiang thlalak nalh lo tak tak kha post a tul vak lo asin mawle. Tullo lutuk.


Zanah pawh hnaah ka kal lova room ah ka tawm char char ringawt. Hetianga ka awm chhan lah hi ka hre hauh lo lehnghala, lo lungawi loh vak chhan tur pawh ka nei tawp si lova, mahse an thlalak kha nalh lo ka tih vang nge ka hmuh ngam loh vang zawk le.


Thik turin inzawmna kan nei bawk si lova, ka thik theilo hrim hrim bawk. Amah pawh kha ka duh reng reng hleinem. Dawt min hrilh vang chauha lungawi lo ka nih hi. Thik te chu teuh lo lutuk ringawt.


"Fel, engtin nge mi i thik hian i awm thin ah!! Ka sawi awmzia tak chu i duh deuhin hmeichhe dang lo hnaih ta se, aaa ka sawi awmzia chu i hria in ka hria" lunch ei turin kan thu leh tawh. Nizanah he thil avang hian ka mu miah lo lehnghala.


Ka awmdan chu mak a ti tih ka hria. Mahse min zawt miah lova min hrilh mial mial bawk. Anih chuan kei hian khanu kha ka thik tihna maw! Teuh lo lutuk ringawt. Ka thik dawn reng reng lo. Ka duh teuh lo.


Thik tur pawn inzawmna kan nei lova enge ka lo thik ve rikngawt a, thil tullo rapthlak lutuk anih kha.


Hna ka thawh mawlh mawlh laia ka dawhkan rawn chu kerh kerh ri ah chuan ka dak chhuak a, ka mi hmuh avang chuan ka ner nghal nâwng bawk.


"Enge? " ka ti hmuk a, "ka bialnu chu nimina ka hmuh loh avangin a lungawi lo em ni? " a rawn tih chuan rapthlak ti lutuk hian ka melh a. Engtin nge kha thu kha a rawn sawi ngam zawk a.


"I bialnu ka ni teivet lo aw, i duh leh khanu bulah khan ka bialnu tih thu kha va sawi zawk rawh" ka ti hmak a. Thil chu ka ziak chhunzawm lehnghal mawlh mawlh a.


"Oh! Ka hriat ve loh i hria ani maw? ". Tih pah chuan ka bulah chuan a rawn kal nghala, ka lo inveng nghal tung ringawt. "Min tibuai reng suh, khanu bulah khan va kal rawh, in thlalak lah kha a darh nasa em em mai lehnghala" ka ti chhuak vak a, a nui chhuak hawk mai. Ka kâ zet zawt hi chu aw....


"Tunge i sawi ka hre hauh lo" a rawn tih chuan ka nui chhuak hak a. "Hre lo der vel lo mai rawh, party naa i rawn hruai nu bulah khan va kal zawk rawh heta lo kal lo hian" ka ti hmuk a. Ka awmdan tehhrep pawh hi ah.


"I thik em ni? ". A thu rawn sawi avang chuan amah chu ka melh deuh hâ a, "i mawl ami? ". Ka ti nghek a. "Ka sawi chu i thik ani tiraw? " a rawn ti leh sup a, ka banah vuanin a lamah chuan min pawt phei nghal hrâwk bawk.


Ava thui em😆😆😆...

Chhiar nuam vek ule. 💜💜
Muttui bawk u😍😍😍😍



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)

Ngaia
Site Admin
Posts: 15548
Joined: April 30th, 2016, 4:07 pm

Unread post by Ngaia » December 23rd, 2019, 11:38 pm

2'3'
Episode - 14🌺
Msi miluhlulnui💜

Ka lo in report na hmu tawh leh chhiar tawh in awm chuan in hria anga. Mahse in chhiar loh takin😊. Ka type zo vek tawh a. Mahse keimah zawk hian harsatna lian tham lutuk ka tawk leh si a😓. Chuvang chuan ka theih veleh ka lo dah tawp a.. Min hrethiam dawn nia💜😊

Ka story ho lam ve te hi ka post chhunzawm thei tawh lo maithei a. A chhan erawh chu ka sawi lo mai ang😆. Ka harsatna tawh hi a serious lutuk a. Ka post chhunzawm dawn nge dawn lo tih chu zaninah hian ka lo hrilh hre dawn cheu nia💜💜💜😊



"Ka thik lo" ka ti nghek a, hna thawh tur ka ngah asin mawle, hrim hrim in midang te hi an lo kal riau riau ang e, min hmuh vaih chuan a chi loh dawn lutuk. Min sawi zui mai dawn bakah. Aai! Min sawi zui dawn ani tawp mai.


"I thik lo anih si chuan tinge tha deuha min chhân ve mai loh a" a rawn ti sup a, a nui tel deuh lek lek in ka hria. "Ka chhang tha reng che alawm, khawmaw, min thlah teh hna thawh tur ka ngah ania" tih pah chuan ka kut a vawnna chu phelh tir tum in bei a, Mahse a hûm nghet zual sauh anih chu!


"Tinge, ka bula I awm hian min hlat thei ang ber hian awm I tum thin? Hetiang chiah hian ka nau bulah khan I awm ve thin em ni? " a thusawi avang chuan amah chu ka melh chho deuh hâ a, uluk fe hian min lo en a, a mitmeng khi ka chhiar thiam lo.


"Chutiang lam chu ka sawi tum ani lo" amah melh ve reng chung chuan ka ti sap a, thâwk zin hmel fe hian a thaw chhuak nghal hawk a, "anih chuan Engvangin nge kei hi min hlat I duh tlat? " zawi si, fiah si, chuan a rawn ti thâwp leh sup a.



"Chutiang lam ani lo ka tih kha, nang hi hlat na chhan tur che ka nei hleinem, hna ka ngah ka ti mai alawm" ka ti leh sap a, tunah hian rilru fîm tak pu in kha thu kha min zawt leh ta se chhan dan tur ka hre leh chuang bik hauh lo ang. Hlat maw?!! Kei hian chu thil chu ka duh em tih ka chiang chiah lo bawk.


"Anih chuan hna I ngah a, I thawh duh si chuan. Ka lo kal khan tu emaw ni min lo sawi hmuh in ka hria. Sawi chhunzawm ngai tur tlat" nui deuh chung si a a rawn tih chuan ka kut chu ka pawt nghal vak a Mahse chêt pawh ka che eih lo anih chu!.


"Engmah ani lo theihnghilh rawh, ka hai che aniang" tih pahin ka kut chu pawh chhuah tumin ka chêt pui ve seka, tunah hi chuan ka kut a chhuah hun a nghahhlelh awm tawh takzet ani.



"Min hai hauh lo" a rawn ti leh sup a, ka kut chu pawt hrâwkin ka kawngah chuan a rawn vuan nghal chawt a. Amah hnaih thei ang ber chuan min pawt nghal phei nghala. Tha a ngah thei bik lutuk hi ka haw takzet ani.


"I thik ani tiraw? " chu zawhna bawk chuh! Enge maw min zawh sek le, ka sawi zak bawk si, ka sawi chuan ka thikna chhan kha min zawt anga chhân dan tur ka hre hauh dawn si lo. A chhan pawh thîkna chhan tur ka nei miau lo a.


Ka tawng ve tur chiah chu "Azual" madam aw ri ka hre chhunzawm zat a. Kan va inthlah chiang kher ve mawle. Rang lutukin ka sir ah chuan ka tawlhphei nghala, madam pawh chuan min en tawn sek ringawt.


"Sir, ilo awm tih ka hre hauh lo, tihpalh lutuk ania, Azuali hi hna dang pek tumin ka lo kal a, mahse khatiang khan in lo awm sia, ah.. ka tum dan ani miah lo ania" thupha chu a châwi nghal mawlh mawlh a. Ramhluna hi an hlauh zia a takin ka hmu tawh a. A awmdan hi ka feel pui thei vekin ka hria.


"Pawi lo, tun atang chuan khatiang kha hmuh ziah lo inring tawh ang che, anih loh pawn hmundangah ka lo sawn mai ang" min rawn en paha a tih chuan ka lo ner nghal nak a. "Hmela, I mawl ami. Enge I sawi kha? " zawi tak si chuan ka ti chang rat a. Madam hian ka thusawi a hriat ka hlau bawk si.



"Ka hria lawm, Duati. Tu vak mahin min hmu tawh lovang. Chuan Pi Sang, Bawihi hi chawhnu lam ah eng hna mah lo pe suh ang che. " tih pah chuan mit min rawn siai zeuh a, a chhuak nghal daih anih chu!


"Hey, hmela, Misual, engthu nge I sawi kha? I thusawi kha la let lehnghal rawh" ka ti tuarh a, mahse madam hmel ka hmu leh chiah chu ka hmui ka chîp nghal riai riai a, hnuailam chu ka bih nghal ngur bawk. Engtin nge a awm tih ka theihnghilh theih zawk le.


"Azual, sir nen khan eng inzawmna nge in neih a? " madam chuan ka hmai bul chêta min rawn en pahin a rawn ti a, a tawng dam lutuk avang chuan ka lo melh hû a, "eng inzawmna mah kan nei lo" ka ti sap bawk.


"In nei aniang chu, khatiang khan in lo awm vel" a rawn ti leh a, ka ner nghal nang bawk. "Eng inzawmna mah kan nei lo tak tak alawm, ka sawi hi awih rawh. Keipawn khatianga a rawn chêt thut dan kha ka hrethiam bik lo" ka ti chhuak vak a. A nui hak a.


"In thup lo mai teh aw, engkim a chiang vek tawh. Sir, chu ka lawmpui khawp mai, khanu Sual leh thinchhe zet, mahni thuduh zet ai kha chuan nang hi ka duhpui fe zawk. In inhmeh lutuk ringawt" a rawn ti chiam a. Ngati nge zaidam deuh hian a tawng ve le. Nidangah chuan min vin phar awrh awrh zel kha ania.



"Madam, ka ti tak tak ka sawi hi awih rawh. Eng inzawmna mah kan nei lo tak tak" ka ti chhuak vak a, ka samah chuan a rawn chûl thuak a. "Vawiin chu hna ka pek belh lo mai ang che, sir, thu chhuah kha ana tlat. Ka hlawh min cut sak leh palh ang" a rawn ti sap a. Nui vur vur Chung in a chhuak nghal daih bawk.


Tunah khan kan inngaizawng angah a ngai chiang lutuk. Rapthlak hian a ngaihtuahna kha engtin nge khatiang khan a awm theih zawk. Khapa nen khan inzawmna kan nei lo asin mawle. Tunah chuan thawhpui dang ten an hre leh vek tawh dawn anih hi.


Khapa lah kha engvanga khatianga thusawi nge maw anih hrep le. Inzawmna kan nei hauh lo. A duh duh a sawi ve ringawt lehnghala. Zak thei lo lutuk. Inngaizawng angah min chhuah ringawt lehnghala. Avan over chiang tak e aw...


Au chhuak vakin ka chair ah chuan ka thu thla dawt a. Amah vang bawk khan ka mood a fuh lo leh tawh. Nilengin hun nuam deuh ka hmang ve dawn amaw tih nak alaiin khapa khan min tihchhiat sak vek tawh. Hna ngah nak alaiin. Hneawm lutuk.


"Zuals, Hlutei leh Miriami an lo kal a, ilo chhuak hman lawk em? " Feli chu ka awmna kawngkhar ah chuan a rawn dâk dê dê a, amah en Chung chuan paper chu ka melh zeuh a. Ka tih awmzia a hria ani ngei ang.


"Madam a awm lo, a chhuak daih alawm, hmanhmawh ang che" a rawn ti zui hlak a. Ka nui chhuak hak bawk. "Ka lo kal ang, pakhat hi kan ziak leh lawk ang a ka hman ani mai" ka ti sap a. A by nghut bawk.


"Aw, mahse lo kal vat ang che, an pahnih sawn an awm rei hman lo in ka hria. Hmanhmawh la" ti sap in a chhuak zui nghal daih bawk. Ka ziah lai chu ka ziah chhunzawm lehnghal mawlh mawlh a, order chhuak tur leh lo lut te hi keimah berin ka lo record thina. Ning tak ka ringawt.



Chawhma lam record ka ziah zawh hnu chuan ka khup thak a, ka kamis chu ka siam tha nghal mawlh mawlh a. Kan dawr suit hi black vek ani a, a thawk te hian duhlo viau mah ila zawm loh theih loh ani bawk si. Ka thawh tirh phei chuan eng dan nge ni ngai ka ti chhuak ringawt tawh bawk.


"In lo kal a" tih pahin an bulah chuan ka va thu ve a, Hlutei leh Miriami hi chu ka kawm lutuk ngai lova, an khawsak a sang lutuk hi ani berin ka hria. Feli nen erawh chuan kan in ba dun viau thung.


"Lo kal ti ila, thil kan lo ei dawn ani zawk mah, naktuk hian kan chhuk leh a ngai tawh a, chuvang mawle" an ti dun sap a, an bulah chuan ka thu thla ve nghala.


"In va chhuk leh hma dawn ve" ka ti sap bawk. "Nia, exam kan la nei bawk sia, chuvang ani pakhat, kar khat pawh kan cham tawk in ka hria. Ka chhuk peih lo tak tak ani" Miriami chuan a ti zui leh hlak a. Kan nui ho leh dar dar thin bawk.


"Enge in duh ang, juice nge thil dang" Fel'in a rawn tih chuan an duh an sawi dun sap sap a, Ramhluna vang vek khan ka tawng te hi a tuilo zo vek tawh. Ka mood a rawn ti fuh lo vek alawm. Ka va han ngei ber tak.



"Taka. Tunlai chu U Ramhluna hi ka try deuh a, mahse Evelyn'i hian a hauh bur mai bawk si a. Hma ka sawn hleithei lo" Miriami aw chu a vui deuh lek lek a, tunah khan Ramhluna chungchang a sawi in ka hria.


"Engmaw I sawi? " ka ti nghal vat a. Ka beng hi ka chhi nghal kar mai. Engvanga ngaihsak ta viau nge maw ka nih hrep ni. "Oh! Ramhluna mawle, tunlai chu ka try deuh hleka, mahse Evelyn'i sawn a hauh bur mai sia. Hma ka sawn hleithei lo" a rawn tih chuan ka lo inseh ru nghal teuh ringawt anih chu!


"Bialnu a nei lo an ti amaw tia" ka ti sap a, chu chu keima hnena a sawi dan kha ania. "Nei lo ti ila, ah! Ka sawi thiam lo, Evelyn'i sawn a zar buai hneh em a U Ramhluna lah sawn engvak ah a ngaih hmel si lova inngaizawng angin an thang ta maiin ka hria. Ka ngei tak tak ani" a ti zui hlaka.


Feli eitur la pawh a rawn thleng ve chiah a, kan sawi chu a mitmeiin min rawn zawt a, ka dar ka lo san khum ak ringawt. "Sawnu saw ka ngei ania aw, a chapo si. U Ramhluna saw zar buai reng lo sela chuan keimah ta ani tawh hrim hrim ang, ka la sawisa ve dawn alawm" a ti zui leh hlak a. An thil sawi avang chuan ka awm a nuamlo lehzuala, ka âwm zâwn te hi a rawn tâwt ve nghal up up mai.


Feli a rawn tawng ve takah chuan thudang an sawi ta daih a, kei erawh ka tawng ve leh tawh lo hrim hrim, an thusawi kar lakah chuan ka lo nui ve leh zeuh thina. Ka eitur chu ka chawk kual ka chawk kual ringawt.


Kei hi engvanga hetia awm ve ringawt hi nge maw ka nih le. Ramhluna hming an sawi apiang hian ka beng ka lo chhi nghal kar zela, ka awmdan ni lo mak pui puiin ka awm lehnghal thin bawk si. A chanchin ka hriat lah hian keimah hi ka ni nghal nghulh zel lehnghala. Ka awmdan hi ka hrethiam tawh nei nuai love a.


"E, Zuals, I zan hnathawh naah khan ila thawk zel em? " Hlutei chuan a ti sap a, chhang lovin ka bu nghat a. Ka kâ hian tawng a châklo ni maiin ka hria. Ka awmdan hi ka hne lutuk.


"Nia, hman zanah kan lo Kala I awm miah lova" Hlutei zawk chuan a rawn ti leh a. "Zan thum chu ka kal tawh lo alawm, chumi lai tak chuan in lo kal aniang" ka ti sap a, ka tawng dan atang chuan thil sawi ka peih loh zia an hre vekin ka ring.


"Ngati nge a, I hmel te kha, ava thim ve" Feli chuan ka beng bulah a rawn ti sar sar a, ka thaw chhuak hak. "Ka hrelo, keipawh ka awmdan hi ka hrethiam lo, haw a mut hahdam ka duh takzet ani" ka ti sap a, ka awmdan avang mai mai hian ka chau nghulh thei.


Hlutei leh Miriami chu an awm rei ta phian a, leh madam alo let tawh avangin hna lam ah ka phei san leh a, hna pawh ka thawk hleithei chuang lo, engvangin nge khapa ve chhen lah kha ka ngaihtuah teivet zel le. Nichin atang tawh khan ka ngaihtuahna hi ala chhuahsan lo tluk ani.


"Feli ka nghak lo mai ang che ka haw nghal dawn ania" ka bag ka siam fel mawlh mawlh a, ka bulah phone khawihin ani alo ding reng bawk a. "Aw, haw mai rawh I nawmoh hmel emai, zanah ka lo kal ang hnaah chuan I kal dawn em? " a rawn tih chhunzawm zata.


"Ka hrelo, in te han thleng phawt ila, ka intifai anga ka chauh viau loh chuan ka kal ang, I duh chuan lo leng tho rawh" ka ti sap a, a phone chu en reng Chung in a rawn au hluai a min ti phu zawk ringawt.


"Enge a? " tih paha a phone en ka tum chu a dahsawn daih a, ka banah vuanin zawi te te in a rak vak vak ringawt a. Min ti hamhaih letling zawk.


"Enge sawi la, khatin awm vak zel suh, a ngaihna ka hrelo thei teh mai ania" ka ti hlak a, ka ban chu a rawn hmer vaka a au chhuak vak ringawt. "Ui,, Lalzual ka rawn leng leh hman lo Joseph an dinner ei chhuak ang a rawn ti" a ti chûl a, ka melh rum vak ringawt.


"Enge chutiang vang mai maia khatianga I awm vak a, min mi ang lo amaw an ti che anga sin, ka ban lah chu I hmer na vek lehnghal" ka ti hlak a. "Sorry lutuk aw, ka hlim em ani" tih pahin ka ban a rawn hmerna chu a chûl a chûl a.


"Chupawh nise ei chhuak ngai lo ang maiin alawm le I khawsak le" ka ti hlak a. "A ho emai, kan nihna ala rei lo a chu mahse min rawn sawm nghal ringawt ania. Hepa hi chu aw.. Ka van duh chiang tak" ti Chung in a nui leh vur vur tawh bawk.


"I ninawm sek, nang te chuan I bialpa apiang te chu I duh theih em kha, tuna mi pawh hi I then leh vat tho ang" ka ti leh hmak a. Ka banah chuan a rawn beng nghal pawp a, thîp tak ani thîp tak. "Malsawmzual, chimawm viau zel suh aw" a rawn ti ve ta hlak a. Kha thil chiah kha ani ka tum chu.


"A ninawm ka kal dawn. Bye, zanin chu nuam deuhin I hmang dawn nia" ka ti sep a, lu min buk khum nghut rual chuan bye bye in ka chhuak nghal daih bawk.


Taxi ka chân lai chuan ka phone hi a rawn ri ve sek a caller ID ka en chuan Remruata lek lo niin "enge a? " ka la chiah chu ka ti nghal phawng a. Lehlam atang chuan a rawn rum nghal nghut mai.


"Ka call I chhân apiang hian I vin nghal ziah mai, ka lo be tawh dawn lo che" ka inrin hma in ka nui chhuak hak a. Tuna a tihdan kha naupang tih thin dan ani chiang lutuk ringawt. "Sawi rawh ka ngaithla aw" ka ti nêm dap a.


"Nakinah ka hrilh ang che" a tih rual chuan phone chu a off nghal daih a. Min be peih lo anih chuan be lo tawp ila ni mai lawm. Pawina awm vak hleinem, amah zawkin min rawn be hmasa leh tho ang. Hlutei vangin min mamawhna a sang tlat.


Taxi a rawn tlân a, ka hmaa a rawn ding tur chiah chu car pakhat hian a rawn din khalh nghal hmiah a. A hnung lama motor lo kal tur te pawh an din dan a buai phah vek bawk.


Glass a in down ruala, tunge chuang ka hmuh rual chuan ka ner nghal nak a. "Engthil nge I rawn tih hi I hria em? En ta che, motor din dan zawng zawng I tibuai vek alawm" ka ti that a, a kiai suk a, a khabe chu ka tuai zeuh ringawt a.


"Lo chuang rawh" a rawn ti sup a, ka lu ka thing nghut a. "A teuh lo, chuan na chhan tur ka nei lo" ka ti hlak. A nui suk a "ilo chuang dawn nge keimah zawkin ka rawn pawm lut dawn che, ka hreh hauh lo ania" a ti sup a, ka ner nghal nang a.


"Lalramhlun" ka ti nghal that a. Ka sawi zawh rual rual chuan hnung lam pangah chuan motor horn a rawn ri nghal tuarh tuarh a, "Mami, chuang mai rawh. Keini min ti khawtlai zel ania" taxi driver pakhat chuan a rawn ti lung lung a.


"I hriatthiam ka ring, mi tana buaina thlensaktu inih duh ka ring hauh lo" a ti sup a, ka thaw chhuak nghal hlak a, motor dang lah chu horn ka nei e, ti awm ang zia zangin an rawn ti ri vak vak a. Taxi driver pawn lut turin min rawn ti leh tawh a.


"Ila chak lovang" tih pahin car chu ka kal hual a, ka thu lut nghal vat bawk a. Thut that pah chuan "tlan chhuak nghal rawh" ka ti hlak bawk. Nui ri sukin a tlânchhuak nghala.


"Vawiin kha chu kan buai leh ta lutuka ka lo kal hman thlawt lo" a rawn ti sup a, amah chu ka en nghal vat a. Hneh zet hian steering chu a herh kual nghal pawp a. "Ve ringawt a che, lo kal na chhan tur I nei hauh lo" ka ti hlak a. A nui suk mai.


"I lungawi lo tihna em ni? " tih pah chuan min rawn melh deuh hâ a, a rawn thle nghal bûk bawk, a lu chu ka nam sawn sak nghal vat a. "Hmela, I duh duh hian min puh ringawt zel suh" ka ti hlak a.


"Takzet" tih pahin a nui chhuak hawk a. Steering a vawn na kut pakhat zawk chuan ka kut chu a rawn vuan a. "Hey, ve ringawt a che. Motor khalh leh rawh kan accident ang" ka ti that a. Keimah ah hlauhthawnna a rawn awm lehnghala.


Ka sawi zawh rual rual chuan a kut lehlam chu a thlah leh a. "Hey, thlah suh kan accident ange ka hlau ania vuan leh rawh. Vatin. Vuan rawh ka tih chu" ka ti chhuak nghal vak a. Ka hlauthawng lutuk keimah zawk hi ka khur hialin ka hria.


Min melh zeuhin a kut chuan steering chu a vuan lehnghala. Ka thaw chhuak hawk a. "Vawikhat mah kha ti khan ti tawh suh ang che, min ti hlau lutuk. Ka thi tawh dawn amaw ka ti hman alawm" ka sawi zawh rual rual chuan motor engine chu a thi nghal dûk a.


Ka hawi chhuak tur chiah chu ka ban rekah chuan rawn vuan chawtin min pawt nghal lâwp a nghet lutukin min kuah nghal bawk. A chetdan teh thut avang chuan ka lo inring lo bawk nen. Ka âng phâm ringawt.


"Engthil nge I tih hi? " ka ti sap a, min kuah ngheh dan em em hi a rapthlak zawk. "Ka tihpalh mahse vawi khat mah thih chungchang kha sawi tawh hlek suh ang. I thi dawn lo keiman ka venghim dawn che alawm. Engtin mah I awm ka phallo " a rawn ti sup a. A thusawi avang chuan ka meng buai nak mai.


"Enge maw I sawi le? " ka ti sap a, ka thin hi a phu ring dup dup lutuk ringawt. "Thih chungchang kha sawi tawh hlek suh. Keiman ka venghim ang che. Khatiang thil kha a thleng leh tawh ngai lovang" a rawn ti sup a. Ka nghawngah chuan a rawn fawp zeuh a. Ka tek nghak chhawk mai.


"Enge maw I hriat le" ka ti hlak a. Keimah ai chuan amah zawk hi a hlathawng ni maiin ka hria. "Ka duh che. Ka venghim theih nan che ka ta chauh ni rawh tu mipa mah in an tihbuai theih loh turin" a rawn ti sup a.


A thusawi chuan ka thinlung hi lung a den ang maiin a deng dawt dawt a. Ka awmdan tak pawh hi ka hre chiang lo. "I â tawh em ni? " ka ti sap a, keimah zawk hi ka â vek zawkin ka hria. Hetiang thu hi ka vawikhat dawnna ani " Nia ka â tawh, nang hian min ti â vek tawh anih hi. Ka venghim ang che kha tih kha ti mai mai lo ania


I Nat ka phallo a, I tah ka phal hek lo, mipa dangin an lo melh ve che ka phallo a, ka Nau ngei pawh tiamin. Thih chungchang kha sawi tawh hlek suh ang che" a ti hluk a.


Ka dar ah chuan vuanin tlemin min nawr hla leh deuh hlek a. Min thawng lutuk hi sawi tur ka hre lova ka kâ te hi an â vekin ka hria. Keimah hi ka ni huiin ka hre bawk.


Vawiin khan kha thu kha keipawh ka vawitam ka inzawt a, mahse ka chhanna chu a ngai vek ani bawk. Ani hi ka duh a, mahse duh thei dinhmunah ka ding lo tih ani a. Engtik laiin nge ka lo duh hman ka hrelo a. Engtik laiin nge ka ngaihtuahna ah te hmun alo luah ve tak tial tial ka hre hek lo.


Mahse ka hriat zawng chu hepa hi ka inrin hma in ka lo duh tawh lutuk tih hi ani. Hmangaihna pawh alo thlen lai kan hriat ngai loh ang bawkin induhna pawh hi alo thlen hun kan hrelo ti a, U Sai an min hrilh kha a dik tih ka chian ta chiah bawkin ka hria.


"Ramhlun" ka ti sep a. "Ka duh che, tih ka hrilh che a, ka venghim bawk ang che tih ka hrilh bawk che a. Keimah a lawmna siam turin engtin nge min chhan hriat ka la mamawh zel bawk"


"Ka duh che. Engtin nge min chhân dawn? " a ti sup a. Amah chu ka en nghal vat a. A mitmenga thil awm te khi ka chhiar thiam hauh lo.


Ka thin hi an phu dup dup a, amah pawh hian a hre vek ngei ang. An phu chhuak dawn hialin ka hria.


Engtin nge ka chhân ang?.



A ngaihnawm loh maithei aw. Duh angin ka ziak thei si lova rilru hah leh na deuhin ka lo ziak bawk sia😊. A eng pawh chu nise lo chhiar phawt mai ula. A ngaihnawm emaw nawm lo emaw. Zaninah ka chhunzawm zel dawn nge dawn lo tih chu ka lo sawi dawn nia 💜💜


Chawlhni hman nuam vek uke💜💜💜😍😍😍

Link:
BBcode:
HTML:
Hide post links
Show post links

Ngaia
Site Admin
Posts: 15548
Joined: April 30th, 2016, 4:07 pm

Unread post by Ngaia » December 23rd, 2019, 11:38 pm

2'3'
Episode - 15🌺
Msi miluhlulnui💜


Ka post chhunzawm zel thei dawn e aw💜💜💜Dil tak meuhin kan dil anih kha🙊😆
Nangni ai hian ka hlim zawk ang🙊🙊😆😆😅😅
Nizan kha chuan engmah post an phal tawh dawn lo amaw ka tia mahse vawiinah kan dil tak tak maia. Post chhunzawm zel min phalsak a, ka lawm hle ani💜😊. Kan regu par par ang aw, a Hma ang tho khan💜💜💜.




Chhanna. Eng chhanna nge ka pek ang. Ka rilru a insual buai nuaih nuaih a eng ang chhanna nge ka pek ang tihah ka buai ani. Hepa hi ka duh tih ka hria. Mahse chumi avang ringawt chuan ka pawm thei si lo. Paltlang tur tam tak ka la nei a. Atan chuan ka tha tawk lo ani.


"Bialnu I nei ani lawm ni" ka ti hâ a, a rûm nghal nghut bawk. "Bialnu ka nei tih ka lo hre reng reng hleinem, nangmah chiahin I hria anih chuu" a ti sup a, a ngaihna hrelo zetin ka melh a.


"Kha. Hman zana mi kha ih.. Englo enge a hming I tih kha... " a hming ka hre chhuak zo tawh lo chuan ka ngawi ta daih a. "Evelyn'i maw?" A rawn ti sup a, ka bu nghut a "ani kha I bialnu ani lawm ni" ka ti sap a. A nui chhuak hawk mai.


"Bialnu nei chu ni ila keiman ka hria ang chu" nuih insum fe hian a ti sup a. Ka ner nghal nâng bawk. "Enge ka bialnu te itih vel a, nangman dâwt I sawi anih kha" ka ti hlak a. A nui ri suka.



"Chutiang ka sawi lai ka hre hauh lo. Oh! Ka sawi lo zawk mahin ka hria. I thik em ni? " a rawn ti sup a, ka mitah chiang fek fawkin min rawn en a ka zam lehnghal der tawh. Ka thin lah hi phut hman loh hlau awm fahranin a rawn phu chiam zel lehnghala.


"Hah! Engvangin nge ka thîk ngawt anga" ka ti hlak a, hawisawn ka tum chu phallo in a kut chuan ka khabe ah a rawn vuan a, amah en tur chuan min kuai phei lehnghala, ka biang chu a rawn tawk zeuh a, a sa nghal ham ham mai.


"I thik lo anih si chuan engvangin nge khatiang khan I awm a? " a rawn ti leh sup a, a kut chu ti che sek in ka hmui hnuai chu a rawn tuai zeuh a "engtin nge ka awm a? " ka ti nghal hâ bawk. Ka sawi zo chiah a rawn chêt leh dan avang chuan ka tîm nghal uaih a, ka trim uaih uaih thei.



Ka hmui hnuai chu pawt kau in muang dam ruih hian a rawn fawp dek dek a, ka kut chu ka phar chhuak hluai ringawt a, awmdan tur mai ka hrelo. Keimah zawk hi ka mur chuai chuai mai.


Ka hmui hnuai a pehna chu muangchangin a thlah riai riai a, a awm hla dawn amaw tih nak alaiin na zet hian a rawn fawp leh a, ka hmui a thîp nghal vawng vawng mai. Ka melh nghek a, ani erawh chuan min nuih suk a.


"I thik tih in pawm tawh mai rawh" a rawn ti sup a, ka hmui thîp vawng vawng chu a rawn tuai zeuh bawk a. "A ninawm ka thik lo ka tih chu, haw tawh ang" ka ti vak a, ka kut a vawnna chu phelh tum in ka vawn hnan ve leh nghal vat bawk a.


"Min hrilh phawt rawh" a ti leh sup a, ka ner nghal nâng a. "Enge ka sawi ang, kei hian ka thik tih ka sawi ang maw hah! Iti mak e a, mahse ah... Ka thik lo ka tih chuan dawt ka sawi dawn si a, ka thik ka tih chuan dawt ka sawi dawn tho in ka hre bawk sia. Aaaa ka hrelo" ka ti bah nawk nawk a. Ngati nge thik ang ah min ngaih tlat le.


A bialnu amaw ka tih avanga sawi mai chauh ka ni reng sia. . "Bawihi, duhawm viau suh" tih pah chuan ka hnar ah chuan a rawn kiai vaka ana ka ti lutuk chu ka au chhuak tuarh bawk. "Ngati nge ka hnar ah i piai a? " ka ti hliai a hnara piai hi ka hua asin mawle.



"Chhanna min pe thei tawh angem? " a ti sup a, nichina ka lungawi lohna kha chu an bo leh vek tawh. "Min thlah phawt la" ka ti sap a, "takzet, chumi zawh chuan min chhang ang tiraw? " a tih chuan ka bu nghut a, a thusawi dan hi a naupang chhia lutuk takzet ani.


"Anih chuan min chhan loh vaih chuan" tih pah chuan muangchangin min thlah a, a che reng reng hi mipa naupang ang chiah ani. Ka nuih chuan a titau awm sia. Chuvang chuan nuih ka insum char char, tunah hian nuih vak ka chak takzet ani.


Seat ah chuan ka thu tha a, ka kut chu a rawn hum lehnghal ringawt tawh. "Min chhang tawh rawh" a rawn ti sup a, ka thaw chhuak hak. "Naktukah ka hrilh ang che" ka sawi zawh rual rual chuan a rum nghal nghut a. "Tunah sawi rawh" a ti nghal hluk a.


"Thuthlukna te hi I ngaih ang ngawt hian siam a awlsam bik hleinem, min zawt chauh a chhanna min pe nghal rawh I tih leh a, eng nge ka ngaihtuah hmana I rin, engmah ka ngaihtuah hman hleinem" ka ti that a, a thaw chhuak hak a.


"Ni dawn tak e, mahse minute 5 chiah ka pe ang che anga chumi zawhah chuan min chhang nghal ang che" rapthlak ti lutukin ka melh a, enge maw a hriat le. "I mawl ami? " ka ti hliai a. A nui suka.



"Ka hre chak tawh alawm" a ti anih chu! Inring lo lutukin ka nui chhuak a. "Enge? " a rawn ti hluk a. Ka nui dir nghal char char ringawt. "Tlangval inih tawh kha, ngatinge mipa naupang ang maia I tawng a? " tih pahin ka nui zui hak hak a.


"Enge, ka hre chak tawh alawm, naktuk alo nih chuan I ngaihdan te kha I thlak leh vel emaw kha ania nga" a tih chuan amah chu ka en a, "ka hre dawn alawm ka chhang ngei ngei ang che" ka ti sap a.


A thaw chhuak hawk a. "Anih chuan zaninah mu thei lovin min siam leh dawn ani maw" tih pah chuan a thu tha a keimah chuan ka nui ker ker ringawt a. Ka kut chu a hûm bet tlat a. Kan accident ange ka tih pawn min ring rawh a ti mai zel lehnghala.


Inkawt thleng min thlah a, rawn luh ve ala tum tlat zui a, ka phallo ka ti chung pawn ala tum lui tala, harsa lutukin ka hnar thei hram a. Mahse ka chhuah dawnah ril lutukin min fawp leh ngawng ngawng a 'naktuk ni vat se' tih pahin min thlah a. Ka chalah a fawp leh vang vang anih kha.


Ka inngaihtuah nasat ka hlauh lutuk avangin hla ngaithla Chung in ka muhil a, ka inngaihtuah nasat lutuk chuan ka muhil leh theilo emaw kha ania nga. Naktuk zingah ka tho theilo ang tih ka hlau bawk.


Pathian hnenah ka thlen a, aman chhanna dik tak min pe mai turah ka ngai a, engmah ngaihtuah zui ka duh lo. Ka chian em em chu hepa hi ka inrin Hma hauh in ka duh tawh lutuk tih hi ani.


Zingah chuan U Sai'an thu thar a hriat thu min rawn hrilh avangin hnaah kal hmasa lovin a office ah ka tlang nghala. Dar 11 ah hna ka tan dawn chauha dar 4 thleng hun ka nei bawk a. Ka kal hma em em a, tunah lah dar 10 chauh ala nia. U Saia pawh alo la thleng lo.



Nizanah pawh hnaah ka kal tawh loh avangin boss pawn min rawn hau hrep tawh a, insawifiahna tur tha tak ka hrelo. Zaninah ka kal lo anih chuan ka kum khat hlawh min cut sak dawna chu thil chu ka thlentir theilo ani. Sum ka mamawhna hi a sang takzet.


"E, kha ilo thlenna a rei tawh em? " office kawta ka lo tei ka lo tei lai chuan U Saia tawng ri ka hriat avang chuan ka lehhawi a, hmeichhe pakhat nen hian an inrawn inzui phei a. "Rei ve tawh tho" tih pah chuan tunge anih ka mitmei zeuh a.


"E, Nu Hmingi anih hi I nu thawhna ah a thawk ve a, I nu nen an lo in kawm thin tih a sawi a" a tih chuan ka bu nghut a. "Khawngaih takin min pui hram rawh aw, I hriat zawng zawng min hrilh vek dawn nia" ka ti sap a. "Ka theih ang tawkin ka lo pui ang che u" a tih chuan ka bu nghut a. Ka thaw nghal huai bawk.


"Zualte, Nu Hming'in I nu chanchin a sawi lai hian ka lo record vek dawna zawhna engmah lo siam suh aw" a tih chuan ka bu nghut a. Ka hmaah chuan Nu Hmingi chu a thu a ka sirah U Saia chu a thu bawk a.


Nu Hming'in thil a sawi lai chuan uluk tak hian ka lo en ngar ngar a, a sawi zawng zawng kha ka awih aiin ka awih loh a tam zawk mah. Mahse sawi theih ka nei silo, kei a fanu ngei pawh hian ka nu chanchin chu ka hre lo em em a.


A hria inti te ka hnial ve ngawt chuan tan chhan tur ka nei hauh dawn si lo a. Ka nu chanchin ka hrelo lutuk hian keimah min tibuai zawk. Engtikah nge ka pa chu ka zawn chhuah tak ang. Tunah pawh ka nu chanchin ah anih hi kan la buai.



Nu Hmingi a chhuah hnu chuan "U Sai, a sawi kha pakhat mah ka awih lo, ka nu chanchin hrechiang lo mah ila, khatiang em em kha chu ka awih tawh lo ka nu kha mipa hrang hrang mutpui thinah a puh anih kha" ka ti nghal hlak a.


"Ka hria lawm, Keipawn ka awih bik hleinem, mahse khang te kha tan vek ania tangkai nakinah dawt a sawi leh sawi loh chu a hriat mai ang" a tih chuan ka bu ve nghut a. Hepa thil tihdan hi pakhat mah ka hrethiam tawh nei nuai lo e a.


Dar 11 a rik tep avang chuan hmanhmawh lutuk tak maiin taxi ka phar a, dawr lam ka pan nghal bawk a. Ka hmanhmawh em avang chuan ni lo lo ah ka kal kual tira pawisa ka chawi teuh phah.


Dawr ka thlen chuan rang lutukin ka lut nghala ka duty na lam ka pan nghal bawk a. Dawhkanah chuan ka hna in min lo hmuak leh der tawh. He hna hi ka ning takzet ani. He dawr hming tho hian hotel a awm a, chung ho order ziah chhuah chu ka chan vek ania, hotel leh midang order register pawh ka han vek tho. Ka ning tawh takzet ani.


Ka dawhkan chu ka kal hual a, mahse ka chair a lo thu ka hmuh avang chuan ka ding nghal dat a. Ani pawh ka thawm hriaiin a rawn hawi nghal vut a. A thutna atang chuan a ding chhuak nghal bawk a.


"Enge Ilo tih dawn? " ka ti sap a, a ke sei zet nen chuan ka lam pan chuan a rawn pen pawk pawk a. "Nizanah khan ka theihnghilh lo ang kha iti a, tunah hian I theihnghilh tih min hrilh hlek suh ang che" a ti sup a. Ka hmaah chuan a rawn ding fel der tawh.


"Ka theihnghilh aw zawng lo" ka ti nghal vak a, a nui suk mai. "Anih chuan chhanna ka dawng thei tawh em? " tih pah chuan ka hmai zawnah chuan a rawn kun hniam a, ka mitah tak min rawn en nghal chat a. Ka zam lehnghal der tawh.


"Sawi la Bawihi" a ti sup a, ka thaw chhuak hak a, ka kâ ka âng tur chu ka chîp leh rih a, ka sawi ngam thlawt lo ani. "Bawihi" a rawn ti leh hluk a ka thaw chhuak hak.


"Min tina suh ang che" ka ti zawi sapa, ka biang hi a sa nghal hat hat mai. "Engmaw?" Mak a ti tih hriat zet chuan a rawn ti hluk a. Amah chu ka han melh chho a. "Min tina suh ang che ka ti anih chu I hre tawh em? " Ka ti hlak a.


Amah chu ka kalpel nghala mahse rang lutukin ka dinna ngaiah chuan ka let lehnghala amah chu a ngaihna hrelo zetin ka melh a "anih chuan ka bialnu ini tawh tihna" a aw atanga hlimna leh lawmna rawn ri chhuak chuan min hneh ngawih ngawih.


Ka pawm tih hriat nan ka bu nghut a, lawm avangin a nui chhuak hawk mai. Chu chuan min ti nui ve suk bawk. "Ka lawm lutuk". Tih pah chuan ka kâwngah a ban a rawn rawlh lut a a lamah chuan min pawt hnai hrâwkin ka hmui chu a hmui sexy zet chuan a rawn khar chilh nghal hmiah a.


Hemi ni atang hian hlimna leh thlamuanna ka dawng nasa dawn tih hria ila leh, natna, hreawmna, tuarna ka dawng nasa dawn tih hre lawk ila chuan duh reng chung in ka chhang hauh lo ang.


Mahse ka hma huna thil lo thleng tur ka hre lawk lo a, hre lawk thei ni ila chuan ka thlentir in ka ring lo.


Hemi ni atang chiah hian ani ka chhiatna, tawrhna chu alo intan tak ni. Ka nun zawng zawng a chhiat vekna chu.



A thui lo maithei aw... Duh angin ka la type thei lova, min hrethiam dawn nia. 😁..... Min hrethiam dawn nia hi ka ti sek mai a ti rawh u a ninawm tawh ngawt ang. 🙊🙊🙊😆😆💜.


Chhiar nuam u💜
A ngaihnawm loh leh lo ngaihnawm loh rih mai rawh se🙊😆😆💜.
Muttui vek ule💜😍😍

Link:
BBcode:
HTML:
Hide post links
Show post links

Ngaia
Site Admin
Posts: 15548
Joined: April 30th, 2016, 4:07 pm

Unread post by Ngaia » December 23rd, 2019, 11:39 pm

2'3'
Episode - 16💜
Msi miluhlulnui🌺


KA READERS, KA TANA HLU EM EM TE TAN AW. IN TELLO CHUAN KA STORY HIAN HLUTNA A NEI LO. IN ZAR VEK ANI😊💜💜😘😘😘👇
💜 We have to learn ourselves. Now, I urge you to speak yourself, no matter who you are, where you're from, your skin color, your gender identity. Just speak yourself 💜


💜Ka tlaivar thak😔😔. Ka assignment leh h/w ka bei rei lutuk a, dar 4 vel khan ka zo kim ve thei chauh a, type sa tlem ka lo nei a, ka type belh leh a, a tawi pawn min hrethiam hram teh u, a ngaihnawm loh pawn in lo chhiar liam mai mai dawn nia aw. 💜
💜Tlemte tal mut ve ka duh bawk sia, class ah ka muthlu nasa lutuk palh ang. Mahse dar 6 ah alarm ka set lehnghal😆😆😆😆🙊💜


"Min thlah tawh rawh" min kuah rei tawh lutuk chuan ka ti chhuak that a, hna ka thawk zo hman lo ang tih hlau. "La kuah duh tlat ta che ila" chimawm zeta a rawn tih chuan a hnungzangah chuan ka ben sak nghal thlawrh a.


"Over suh aw" ka ti nghal hlak bawk. A rawn nui chhuak hawk a. Muangchangin min kuahna chu a thlah a "thawhpui tur che in min duh em? " a ti sup a. Ka inrin hma in ka nui chhuak nghal hak bawk.


"What! Eng vanga nui nge inih? " a rawn ti nghal hluk a, ka nui chu hnai zetah min rawn en nghal bawk a. "Ngatinge I hman em em a, hnathawh tur I nei ve lo ami? " tih pah chuan ka nui zui hak hak a.



"Chuvang chu maw ni a, ilo nuih na chhan chu" tih pah chuan ka nakah chuan a rawn tham nghal chawt a. Ka za ti lutuk chu ka tre chhuak nghal tung bawk. "Ka tlawm, ka tlawm" tih pahin ka au tung a. Ka sa huat lai a hria hi chu ka ngei ber ala ni dawn chiang alawm.


"Duhawm lutuk" tih pah chuan ka hmuiah a rawn fawp zeuh a, ka nui lai chu ka tawp nghal chat ringawt. "Kal tawh la, hna ka thawk duh tawh" ka ti sep a, a rum nghal nghut mai. "Kal tur hian min ti reng bik suh aw, Malsawmzual" a ti hluk a, ka nui chhuak hak.



"Ka ti reng bik hleinem che, hna ka thawk duh tawh ka ti mai alawm, nangpawn thawh tur I neih ve takin ka ti anih kha" ka ti sap a, "kal tur chuan min duh tak tak ami? " a rawn ti sup a, hepa tak hi chu aw...


"Ka sawi zawh chiah kha I hrelo ami" ka ti vak a, a nui suk mai. "Ka hria, chuan ka kal bawk ang. Mahse chawhnu ah ka lo kal leh ang" tih pah chuan ka chalah a rawn fawp nghal vang vang a, ka lo maimichhing nghal vat bawk.


"Lo thawk hah lutuk suh ang che, anih loh chuan I duty na hi ka sawn mai ang" ka chala hmui nghat reng chung si chuan a phun sup a, ka nui chhuak hak a. "Awle, boss" ka ti sap a. "Ka van kal chak lo tak. Bawihi, ngatinge kal tura min tih tlat le" a lungawi lohma rawn ri chhuak tel ve chu a duhawm khat tlat.


Min uap behna na zet atang chuan ka tal chhuak a, a hnungah chuan ka nem a, a chesawn eih lo. "I lian si kal ve eih la" ka ti hlak a. Ka thusawi ang chuan ka nemna lampang apiangah chuan a kal ve zela. Hetia ka tih loh chuan a chhuak mai mai dawn teuhlo.


Kawngka ah chuan ka nawr chhuak a. "Tikhan I kal ani mai lawm, I tih hma hma in peih lo nghal ringawt suh" ka ti sap a, ka thlah tur chu ka ban bulah a rawn hmer chawt a. A lamah chuan min pawt phei leh hrâwk a. "Vawiin nilenga tih ka chak tur ani dawn sia" tih pahin ril zetin min fawp a, ka thiam ang tawkin ka lo chhang let ve bawk.



Tuna thil thleng mek hi a thleng theilo ti chung in hmuh Turin a awm mek si, thil thleng theilo ani ti ti mah ila dan theih ani si lo. Ka hnathawh lai ten ka thil tih hi a dik em le tih ka inzawt fo a, mahse ka duh ang chhanna ka hmu chuang lo.


Mahse tun hun chiah hi ngaihtuah ila, alo thleng tur chu alo thleng tur ani mai, sawi theih kan nei lo. A rawn thleng dawn tho tho chuvangin tuna kan hun hman mek hi hlu tak leh nuam takin hmang ila a tha ani mai.


Ramhluna a kal hnu chuan hnaah ka buai nghal char char a, ka hun tam tak pawt peng viau mahse ka hlim tlat thung si, ka pian a hnu lamah khatiang em em a ka nuih nasat kha ka la hrelo. Ka thinlung takin ka hlim ani.


Hnaa buai lai lai in min rawn call sek a, a chang leh ka thawk lai a en duh avangin video call hmangin a rawn thin a, kei ka buai si hman hi ka van ti tak e aw, thawh tur I nei lo mi ka tih lah in ka nau te thawk tur an tam alawm ati Sam êt lehnghala.


Min hrechiang tih thu a sawi tawh kha. Tunah pawh "thawk nasa lutuk suh, I taksa te kha a awmna hmun sawn kual chhen lo la, I thâw a hah leh palh ang" a rawn tih sup hi. Min hrechiang em em a, kei lah in ka hre ve hauh si lo. Engmah a chanchin hriat ka nei lova, ka hre hma turah ngai ang.



"Bawihi" a rawn tih hluk rual chuan ka phone chu ka en nghal vat a, a thutna atang chuan a ding uaih ni tur ani. a hmel pawh a lang thei tawh lo. "Engtin nge I awm? Hrep chuan" a ti nghal hluk a. Tunah khan ka accident a ring tihna em ni. Hepa mai mai chuh.


Ka nui chak lutuk chu ka nui chhuak vak vak a, a hmel a rawn lang thei chiah chu a ngaihna hrelo zetin min rawn melh a. "I van mawl tak aw, paper a tla a chhar ka tum na lamah ka inchhuih anih kha" ka nui nasa lutuk chuan sawi pawh ka sawi tha thei lo.


Ani pawh a tukhum hiat chungin a nui ve suka. "Chupawh nise, I chesual thei reng" a ti hluk a, nuih insum zetin amah chu ka en a "mahse ka tha tih I hmuh hi" tih pahin ka ding chhuak hluai a, ka ban la phar nghal hluai a.


"Ka lo kal dawn" a tih chuan a ngai lo ka ti nghal vat a, ka chhang rang lutuk nge a kiai nghal suk mai. "Tlaiah ka lo kal dawn itih kha" ka ti nghek a, tunah chuan lo kal suh se, dawrah hian?Kima leh a bialnu kha an awm mek a. Buaina a thleng ang tih ka hlau ani. Tunah pawh ka duty naa alo luh ka hlauh tawh mah nak alaiin.


"Tlai ani tawh hi" ti sup a, ka bu nghut "mahse ala tlai lutuk hleinem, bakah ka la buai a, ka ngaihsak hman dawn lo che a, lo kal lo mai rawh" ka ti sap a, ka rum nghut a, a rum ri te chu phone ah chuan a ri chiang em em bawk.


Midangin an rawn tihbuai vang nge ni a reh vang vang a, phone ah chuan phun nuah nuah ri a awm a, mahse ka hrechiang lo. Call chu ka ti tawp a, chair ah chuan thu in dawhkana ka paper chu ka lek kang a.


"Ei theih ni la chu, ei tur ka tlachham lovang mawle" ka ti chhuak sap a, ka hne tawh lutuk hi sawi ngaihna pawh ka hre tawh lo. Nitin ziah luh tam tak a awm a, chuan an la rawn dah belh ziah lehnghala. Heng ai chuan order la a tlankual ka thlang fe zawk.



Khuh kharh kharh hi ka hriat rual chuan ka hawi chhuak vat a. Ka hlauh ang ngeiin Kima alo ding kur a, ka thutna atang chuan ka dawk chhuak nghal zawk bawk. "Enge ilo tih dawn? " ka ti bah nawk nawk a. Keimah ah hlauhna a awm piang lehnghal der tawh.


"Hna I thawk tha em, tih rawn en ka tum mai ania, I thawk tha e" a ti sup a. "Ka lawm e" ka ti ve nghal sap bawk. "Hmalam I pan tawh em? " ka zawh chak em em ka zawh ngam ngai loh chu ka kâ kaw lutukin a rawn sawi chhuak leh ta phawng a.


A dar min sam khum ak a, ka rilru in 'i nen inkawp nun dang ka zawh leh mek asin' ka ti sep sep bawk a. "Pan tehreng mai, kar leh hian Judy nen pawh inhualna kan nei ang, ka lo sawm ve che anih chu" a ti sup a, paper pakhat chu en in lehlamah chhuan a dah nghal daih a.


"Ka lawmpui lutuk che u" ka ti sap a, "kan lawm e, mahse I lawmpuina hi chu kan mamawh kherin ka ring lo, Judy in a duh ka ring hauh lo" a tih rual chuan min deng dawt a. Tuna a thusawi hi ka hrechiang lutuk mah mah ani. A bialnu sawi lang mahse keimah zawk min hmuhsitna ri chhuak ani tlat.


"oh! A duh emaw duh lo emaw ka lawmpui tho ang che u, hetah tihtur I nei anih loh chuan kal tawh rawh, " ka ti sep a, a bu nghut a. "Yup, ka kal chiang ngawt ang" a ti sup a, ka thaw chhuak hak a. Ka thil ziah lai chu khur det det chungin ka ziah chhunzawm mawlh mawlh a, ka hawi chhuak tawh lo hrim hrim. A duh hun hunah chhuak teh se.


'Hold on'. Chord Overstreet ho sak (lo ngaithla ve ru a nalh lutuk ania💜😘) play thawm ah chuan ka harh a, ka zi mar nghal talh talh a, ka zi mar min lo en reng tu ka hmuh avang chuan ka tawp nghal chat a. Ka thu ngil nghal awt bawk.


"Engtin nge hetah ka awm theih? " ka ti chhuak a, office ah khan ka la awm amaw ka tia, mahse car ah ka lo awm der tawh. "I muthlu a, car ah ka pawm lut che anih kha" a rawn ti sup a.


"Kan thleng tawh ami? " ka ti leh a, a chhan pawh engmah ka hmu theilo miau a "no, I duh leh mu leh rawh, saw lai lawkah sawn motor chhia a awm a, chuvang chuan ala rei deuh ang" a ti sup a, ka kut chu rawn hum in ka kuttang karah chuan a kuttang a rawn rawlh lut a. "Ka mut a chhuak tawh lo" ka ti zo chu ka hâm nghal bai bai a.


A rawn nui chhuak hawk a, "takzet" a rawn ti hluk a, ka bu nghut a. "Ania lawm, ka mut a chhuak tawh lo tak tak, kan tan na a rei tawh em? " ka ti leh sap a, amah chu ka en nghal vat bawk a. "15mins vel bak ala ani lo" a ti sup bawk. Ka bu leh nghut bawk.


"Hnaah min dah hmasa la, kal hmasak ka ngai a" ka ti sep a, ka kut chu la in a fawp zeuh a. "Off ka lak sak tawh che, in boss pawh a nuih leh theih tawh saw " a tih chuan ka enga chhuak nghal vak a.


"Amak, au vak thin suh, hna kal thalo ka hnena an rawn report chuan ka lo chingfel mai tur ani, ka bialnh duhawm zet hian hna a thawk rih lovang" a rawn ti sup a, amah chu ka en nghal haw a.


"Anih chuan dawr neitu chhelo deuh an tih kha nangmah hi maw? " ka ti nghal vak a, mawi ka tih ang deuh khan a nui nghal suk a. A bu nghut a. "Chu nangpawn chhelo min lo ti thin em ni? " tih pah chuan hnai lutukah min rawn en a. Ka mit chuan melh tur a zawng nghal ruai mai.


"Teuh lo lutuk" ka ti chhuak nghal nghek a. A nui chhuak hawk bawk a. "Takzet" a rawn ti hluk a. Ka bu nghut a. "An sawi dan che ania kei chuan ka la hmu ve hleinem che" ka ti sap a, "anih chuan hei min hmu tawh alawm" a rawn ti sup a. Ka nuk suk ringawt.


"Khatin min en reng suh" tih pahin ka hawisawn nghal hmak a, mahse ka khabe ah vuanin amah en tur chuan min kuai phei lehnghala, ka biang hi a sa hut hut mai. "Min thlah tawh la" ka ti sep a, ka biang sa hat hat lai chu a rawn khawih a.


"Nilengin ka thluak hi I chhuahsan lo tih I hria em? " a ti sup a, chhang lovin ka melh reng ringawt a. " nangmah avang hian hna pawh ka thawk theilo tan nghal der chu ania" a ti sup a ka biang chu a tuai heuh heuh a. Ka lo ner nang a.


"I rapthlak lutuk aw... Ngati... " ka sawi zawh hma hma chuan ka hmui chu a hmui sexy zetin a rawn khar chilh nghal hmiah a, ngenngawl lutukin min fawp nghal ngawng ngawng bawk. Hnunglam motor in horn a rawn pek rual chuan a rum nghal nghut a. Muangchangin min thlah nghal riai riai a, chêt nghal hluk bawk.



A ngaihnawm dawn loh lutuk hi ka sawi peih lo zawk, a thui lo hle dawn bawk a. Min lo hau luai luai ang che u💜💜.


Muttui u💜🙊
Or
Good morning😊💜.
Mi hman nuam ule.

Link:
BBcode:
HTML:
Hide post links
Show post links

Ngaia
Site Admin
Posts: 15548
Joined: April 30th, 2016, 4:07 pm

Unread post by Ngaia » December 23rd, 2019, 11:39 pm

2'3'
Episode - 17💜
Msi miluhlulnui 🌺


💜 Life is beautiful and precious. Don't take it for granted 💜



'Eng ang pawn ka lak atang hian bihruk tum in mipa dang kawp mah la, ka zui zel tho ang che. Ka hmangaih che ka ti ani lawm ni, tunah ka u nen in inkawp leh si amaw, eng ang hmeichhia nge maw ilo nih hrep le' ti a thinrim in hrosa chunga au chhuak hrâwk avang chuan ka phu zawk a.


'Ka lak atang hian kal bo han tum chhin la, I thei ngai lovang kei lo mipa dang I hmu thiang lo a theih loh hrim hrim ka ta inih dawn loh chuan tuma tan ka phallo che. Ka duh chuan ka ru bo che anga, keiman nei che in ka thuhnuaihah hreawm ti takin I awm mai tur asin' thinrim tih hriat zeta ka hmai zawna au tuarh tuarh ri avang chuan ka phu leh zawk a.


Ka meng nghal kawk! Ka thin a phu rang dup dup a. Ka thâwk a rang takzet a. Ka thlan alo tla hluam bawk , ka khur nghal der der a. Tuna mi kha ka mumang ani em. Ka mumang anih loh chuan. Ni lo ka mumang ani tur ani. Khatiang thil kha a thleng thei lo.


Khur der der chungin ka tho chhuak a, ka room chhung chu ka en kual nghal ruai a, tumah an awm lo, mahse tuna mi kha ka mumang ani in ka hre si lo. Tinge a tak angin ka ngaih tlat a.



Ka kut chu ka suih zawma ka thlan na avangin a huh ve dap bawk a. Ka khum chu ka ngheng a, ka khur der der mai. Thawm ri hlekah chuan. 'Tunge' tih pahin ka hawikual nghal vak zela, keimaha hlauhna nasa lutuk avang hian ka â mai dawnin ka hria.


Tuna mi kha ka mumang pawh lo ni ta tehreng se, engvangin nge khatiang kha ka man kher. Tinge Kima ka hmuh kher. Chu pawh thinrim chung lehnghalin. A thinrim tawh chuan engmah tih hreh a nei lo tih ka hria. Anih chuan kha thil kha ka mumang pawh ni mahse a thleng thei. Tunah hian a thleng thei.


Ka hut ka hum na pawh chu a khur nasa tual tual a, tuna a thusawi zawng zawng kha thleng vek ta se. Ni lo, ani chuan nupui a nei tawh dawn alawm kei min tihbuai nachhan tur a awm lo, a awm lo hrim hrim a tan chuan engmah ka ni ve hleinem. A tan chuan lung ang bak ka ni lo tih min hrilh kha.



Mahse ngatinge ka man kher. Ngatinge hlauhna a khat a, a thleng dawn tlata hriatna ka neih. Mumang hlauhawm zet ka neih lohna hi a rei tawh asin, tunah tinge ilo lan leh. Ka hlim ve dawn tawh amaw ka ti asin.


Ka kut chu hum tai chungin ka mu thla leh riai riai a, ka lo chhing leh sek ani ngei ang ka harh chuan khua alo êng un tawh a. Men pawh a harsa lek lek ani. Tukverh kar atanga ni lo chhuak chuan ka mit a rawn chhun ser ser a.


Rang lutukin ka tho chhuak nghala, ka room chhung chu ka en kual lehnghal ruai a, thil engkim alo fel vek avang chuan ka thaw chhuak huai a, mahse ka rilru a nuam thei chuang lo, nizana ka mumang kha ka hrechiang em em a, a thleng dawn tlata hriatna ka neih avang hian ka hlauhna hian kiam lam aiin zual lam a pan zawk zel bawk.


Side table a ka phone vibrate chur chur chu ka ban vat a, number lawng ani. Tunge mawni le tun ang zing kar kar ah ti rilru pahin call chu ka chhang a. "Tunge aw? " ka ti nghal sap bawk.


Phone atanga rawn rum nghut ri ka hriat rual chuan tunge anih tih ka hre nghal thei. Ka phone chu ka en leh zawk a, a number ka lo la save lo tih ka hre chiah. Engtin tak min ti leh ang maw.



"Duati, ka number ila save loh tih sawi miah suh" a tih hluk rual chuan ka then nghal suk a. "Ka la save hman lo alawm, ka phone pawh nimin atang khan tunah ka khawih ve chiah" ka ti sap a, phone atang chuan a rawn thaw chhuak nghal ham ham a.


"Ok. Ka hrethiam. Nizan I mu thei em? " a rawn tih rual chuan nizan thil thleng kha ka mitthla lehnghala, ka mur nghal chuai mai. "Aw, muttui lutuk. Nang zawk? " ti nawk pah chuan ka ke chu khum atangin ka hlang thla nghala. "Duati, dawt sawi I thiamlo ka tih tawh kha. thudik sawi nghal thin la" a rawn ti sup a. Tinge hepa hian min hriatchian em em theih le.


"Dawt ka sawi hleinem ka muttui lutuk ringawt. Tunlai chu ka thil ei a tui a, mut pawh ka duh tel bawk a" ka tih chuan a rawn thaw chhuak hawk a. Khum atang chuan tho chhuak in bathroom lam ka pan nghal bawk a. Harsatna liantham ka tawk anih loh chuan ka hrilh mai mai lo ang che ka ti rilru nghal sep bawk a.


"Ka hmu chak tawh che tih I hria em? Nizanah in ah khan luh I phal lova, ka hmuh chak tawh che avangin mut pawh ka mu theilo" a rawn ti sup a, tunah hian ka thin phu dep dep ri chiah hriat ka nei.



"Duati" ka chhân loh avang chuan a rawn ti leh hluk a, hepa bula sawitur ka baihvai thei lutuk hi ka hrethiam lo takzet ani. Midang bulah chuan ka tawng zawt zawt Zela, mahse hepa bulah erawh chuan sawi tur mang ka hre ngai miah lo.


"Ka hming in min ko la, khatianga in koh kha chu a" ka ti nang nang a, a rawn nui ri suk a. "Ka koh dan che ah hian buaina I nei em ni? " a rawn ti let zawk za mah a, zing kar atanga inhnial ka duh bawk si lo. Ka va han ning tak.


"Nei e, ka awm thiamlo alawm. A special bika kei chuan ka inhmeh ve lo" ka ti sap a, toothbrush ah chuan toothpaste ka tat pah zeuh bawk a. Darthlalang hmaah chuan ka in en leh vang vang phawt a.


"Special. Ni e, I tidik chiah. A special takzet a, ka tana mi hlu tak inih avanga ko che ka ni. 'Duati' ka tih hian ka ti mai mai lo ania. He thu hian ka tana I pawimawhzia a tilang a, ka nunna ai pawha i hlutzia a tilang bawk. Kei lo chuan an koh che ka phallo. 'Bawihi' ka tih che hian ka ta chauh, keima ta chauh, tu ma min chuhpui theih loh I inih zia a ti lang a.... " a sawi zawh hma hma chuan.


"Zing kar kar atang rawn thlum vak suh" ka lo tih khalh hlak a, ri meuhin a rawn nui chhuak hawk a. "Ka insiam dawn ka dah ania, chhunah I thlum chhunzawm leh dawn nia aw" nui ker ker pah chuan ka ti a, phone chu ka off nghal bawk a.


Nui vur vur chungin darthlalang hmaah chuan ka in en a, hetiang hian hlim reng thei ila ka van ti tak em! Hetiang anga ka hlim lohna pawh hi a rei tawh takzet si a. Hlim ka duh ve tawh takzet ani. Mahse keimaha hian eng emaw ni hian min mawlh tlata, hlauhna in ka khat a. Thil thleng tur a awm tlata hriatna ka nei bawk a. Chu chuan min ti hlau leh thin bawk.


"Zuals, vawiin kha Miriami leh Hlutei chhuk ni kha ania" Feli chuan ka duty na room a rawn luh pahin a rawn ti nghal a, ka pen chu ka dahthla a. "Thla tawpah kan chhuk dawn an ti amaw tia" ka ti sap a, a dar min san khum ak a.



"Ka hre bik lo keipawh an tum leh thut aniang, nizanah min rawn hrilh a, ka lo call che a, mahse ila thei lo a" a ti sap a, ka bulah chuan a rawn thu thla ve nghal bawk a. "Call ka la theilo maw!? " ka ti nghal vak a. A bu nghat a.


"Aw, vawitam tak ka lo call che a, mahse I la theilo" tih pahin dawhkana paper chu a la a, a en zeuh bawk a. "Missed call pawh a awm miah lo, chuan a ri pawh ka hre miah si lova Avan mak em em" ka ti hliaia, zinga phone ka en khan Feli missed call pakhat mah ka hmu miah lo.


"I thawh ang hi ka thawk ve chak, order lak kual a, sem chhuah leh tih vel ai chuan a hahdam zawk daih ang" kan thusawi lai chu sawi chhunzawm tawh lovin a dangah a pakai daih a, vawiin a mizia hi a dang riau mai. Nidang angin a tawng bawrh bawrh tawh miah lo.


"Chak duh suh, hneawm lutuk" ka ti hlak a. A rawn nui chhuak vak vak a. "Nang hi chuan hne loh pawh hi I nei lo in ka hria" a rawn ti sap a, a banah chuan ka ben sak nghal pawp a. "I thlah dawn em? " ka ti nghal sap a.


" ka hrelo, madam sawn vawiin chu hna min pek belh veka, ka kal theilo ang, nang phei chu a double leh dawn ania" tih pah chuan chimawm zet hian min rawn melh a, lei ka chhuah khum vak ringawt a. Henu chimawm lutuk hi chu aw...


"Keipawh ka kal hman lovang. Thlah lo mai ang, thlahtu an ngah leh dawn tho" ka ti sap a, ka hmaa lehkha inchhawp hnur chu en in ka thaw chhuak hak a. Engtikah nge maw ka kalsan ve theih ang ni. Ka hne tawh lutuk ringawt.



Feli nen rei fe kan titi hnuah hna kan thawk ve leh chauh a, kan pahniha kan awm tawh hi chuan sawi tur kan hre mah mah thei lutuka, hun hian min daihlo ani mah zawk. Kan titi na hun hi hnathawh nan hmang ta ila, kan thawk teuh hman hrim hrim ang.


Chawhnu lama Hospital lama kal ka ngaih avangin ka hna pawh thawk zo lo in ka kal nghala. Ka nu sam zai leh amah atanga kan thil hmuh chhuah zawng zawng test tir vek a ngai a. U Saia min hrilh ang ang hian ka ti ve tawp a. Engmah hi ka hrethiam tawh nei nuai lo.


Mahse ka nu chanchin zawng zawng kan chhui chhuahna tur leh ka pa kan hmuh chhuahna tur ani dawn phawt chuan engpawh tih ka huam. Ti hian engmah hrethiam lovin an tih ang ang hian ka awm ve tawpa. U Saia hian min bum dawn lo tih ka hriat em avang pawh ani mahna.


" Naktukah result chu I rawn lam nghal dawn nia aw" doctor chuan ka nu samkhuih chu en vang vang in min bia tih pawh hriat lek lovin a phun sup a, ka bu nghat a, lawmthu ka hrilh nghal vat bawk.


"Malsawmzuali maw? " a tih chuan ka bu nghut a, ka hming chu paper pakhatah hian a ziak thla bawk a. "I hmeltha hle mai" a rawn ti leh sup a, ka nui suk a, "ka lawm lutuk e" ka ti nghal sap bawk.


"Mizo hmeichhia ah pawh a langsar pawl ini nalh ang chu" a rawn tih chhunzawm lehnghal zata. "Chutiang em em chu ni love" ka ti nghala. "Ka va awih loh deuh ve a" a rawn ti leh a, min en pahin a nui deuh suka. A rap awm reuh lutuk ringawt.


"Ka kal thei tawh angem?" Ka ti sap a, min chhang lovin a bu nghut a. Ka tho nghal them them a, biak tlangnel chi pawh ani lo. A hmel hi chu hahdamin nelawm reuh viau mahse, eng emaw ti takin a hlauhawm reuh phianin ka hria. Misual inphumru te pawh a ang zawk mah e a.


Damdawiin kawtah chuan ka ding vang tawh a. Ramhlun'an ka lo lam ang che a tih avangin ka la nghak a. U Sai'an min rawn call ve chiah bawk a. Thil engkim ka tih tawh thu leh result chu naktuka a lam theih thu ka hrilh nghal bawk a.


Ka sawi mawlh mawlh lai chuan ka hmaah tak car pakhat hi a rawn ding a, glass inrual a hmel hahdam zet ka hmuh rual chuan ka thaw chhuak nghal suai suai a, keimaha muanna a rawn awm chawpchilh nghal bawk.


Min en a nui suka rawn chhuah a tum chu ka kutin thu Turin ka ti a, keimah chuan car chu ka hualin ka thu lut nghal vat a. U Saia pawh a tawng tui a chhuak leh tawh. Naktuka kan pahniha result lam naa kal dun tura in tiamin phone chu ka dah nghala. Kan la tlanchhuak miah lo.


Phone dah tha mawlh mawlh chunga ka hawichhuak chu min lo melh ngur a, ka zam lehnghal der tawh. "Ngati nge ila tlanchhuah loh a? " ka ti nghal sep a, tinge maw in en ringawt pawh hian ka zam em em nghal theih le.


"Min ngai miah lo" lungawi lo tih hriat zet chuan a rawn ti hluk a, ka nui chhuak hak a. "Chutiang ka sawi loh kha" ka ti nghal vat a. "I sawi lo, mahse min ngaihsak lo alawm, I phone biak lai chiah I ngaihtuah anih kha" a ti leh hmuk a, a palian si a, a aw a thum si. Hetianga tawng te hi a inhmeh ve thlawt lo.


"Thil pawimawh lutuk ania" ka ti sap a, engah tak chuan lungawi lo ang maw. "Anih chuan ngaihdam dil nan eng emaw min tihsak ngei chu a ngai ang" ti sup in a biang chu a rawn dawh hnaia, ka lo meng phâwk hru mai.


"engthil nge maw itih le!? " ka ti nghal that a. "Ka Bianga I fawh hmasak loh chuan kan tlan lovang" a rawn ti hmuk a. "Ka hmanhmawh ania" ka ti nghal vak a.


"I know, but you have to kiss me first" a ti leh sup a, ka ner nghal nanga, English a han sawi kher te chu a. "Bawihi" a rawn ti leh hluk a. Thaw chhuak hawk in a biangah chuan ka fawh sak vang vang a. A rum nghut a. Ka fawhna ka thlah chiah chu ka hmuiah a rawn bur ve leh nghal chat bawk a.


Kham lo tih hriat zeta min thlah riai riai chungin a rawn fawp leh zeuh thin a. "Nakinah kan chhunzawm ang tunah chuan damdawiin kawtah kan la awm tlat" ti supin rei tawk fang a rawn fawp leh vang vang a. Ui tih hriat zeta rum nghut in min thlah a.


Ka hmui hi a sa ham ham thei nia. Hepa lakah hian maian zawr ai pawhin ka zawr zawk. Jam a kan tan lai chuan ka kut chu steering a hum lohna lam chuan a rawn hum a, "office ah min tlangpui phawt la, chuan hruai duhna che ka nei a" a rawn ti sup bawk a.


"Aw, mahse rei lo la, hnathawh tur ka ngah lutuk a" ka ti nghal sap a. "Hna thawk nasa lutuk thin suh ka tih che kha, I thâwk a buai leh ang" a rawn ti sup a, amah chu ka en nghal vat a. "Min hrechiang viau em ni? Engtin nge ka thâwk a buai thin tih I hriat a? " mak ti zet chuan ka ti chhuak a.


Nui sukin min rawn en a. "I rin aiin ka hrechiang ang che, min hrelo mahla kei chuan ka hriatna che a rei tawh" a ti sup a, ka kut chu la kangin a fawp zeuh a. A khabe a hmul tlemte rawn to siar siar chuan ka kut chu a nul thuak a, a za nghal mer mer mai.


Kan tlan leh theih tawh avangin ani pawh a tlanchhuak ve lehnghala. Ka kut erawh a hum bet tlat thung a. Tunlaia ka nundan inthlak ta hlawk te, ka lo danglam tak zia te ka ngaihtuah a, mak ka ti ani. Hetiang thil te hi a rawn thleng zung zung mai si a.


Dan lo tum ve ringawt pawh ni ila, dan theih ani lo. Thleng tur chu a thleng vek dawn tho. Keini lo sawi theih pakhat mah a awm lo.


Motor a dah fel chhung chuan building kawtah ka lo nghak a. Feli'in min rawn call sek tawh a. Ka la angem la lo angem tih ah ka la buai ani. A rawn ring nawn leh chiah rual chuan ka pick up nghala. . "Hmeli, engvangin nge U Ramhluna nen in ni tih min hrilh ve miah lova" a rawn ti nghal hlak a.


"Hrilh che ka tum reng alawm" ka ti nghal sap a, "chupawh nise a hlim chhawnah khan min hrilh ve ta che. Ka lungawi lo khawp mai. Ka lawmpui ang che ka tia. Mahse ka hau zawk mai ang che. Min hrilh pawh I tum si lova" a rawn ti lehnghal hlak a. A duh duh a sawi anga a dah leh tep tawh ang. Engtin nge maw alo hriat theih le.


"Fel, hrilh che ka tum alawm, mahse ka la inring lo a, khawi atangin nge I hriat a? " ka ti let ve nghal sap a. "Chu chu a pawimawh lo, ka lung a awi lo, tikhan ka hre tlai leh ber awm sia nga" a ti leh that a. Engvanga rawn thinrim vak nge maw anih le. Ka hrilh loh vang chu ni theiin ka hre bawk si lo. Chutiang vang mai mai chuan a thinrim dawn tawp si lo.


"Ka lo be leh ang che insawifiahna tha deuh ka duh ania" a sawi zo chu a off nghal daih anih chu! Ka thaw chhuak hawk a. Ramhluna lo let lai pawh ka hrelo. Ka chezia chu chik zet hian min lo en a. "Kan kal thei tawh em?" A rawn ti sup a, ka bu nghut a.


"Reilo ang aw" ka tih rual chuan a nui suk a, ka kut ah chuan rawn vuanin ka kuttang karah chuan a rawn rawn lut nghala, building lam pan chuan min kai phei nghala.


A chhunga mi te chuan chibai an lo buk sap sap a, hnathawk pathum vel a hmaah chuan an kal bawk a. Kei erawh ka kal ngawi reng a, ka bana vuantu chu ka rinchhan ani mah zawk. Hnathawk hmeichhe thenkhat chuan kei min en in an in hrilhru sep sep hlawma.


Chu chu a hria ni ngei tur ani. Ka kawngah chuan a ban rawn rawlh lutukin amah hnaih zet chuan min pawt nghal hrâwk a. Ka chhipah chuan a rawn fawp nghal vang vang a. "Engah mah ngai suh, ka mitah dah rawh. Bawihi. Hahdam deuhin awm tum la" a ti sup a, hnathawk pakhat chu a mitmei zeuh a, chipa chu a kal nghal daih bawk a. Ka ngaih hi a tha zan lo.


Private elevator ah chuan kan chuang a, kan hmaah chuan hmeichhe pahnih an ding bawk a. Hnunglama kan chevel chu min hmu thei lo hrim hrim. Ramhluna lah chuan a khat tawkin min rawn fawp zeuh zeuh lehnghala. A nakah ka nghawk sak chawrh zel.


Office kan luh dawn meuh chuan ka Tim deuh tlat a. Ka lut huphurh tlat anih chu! Mahse Ramhluna zawkin min kuah bet tlata. Muangchangin min luhpui a.


A chhungah chuan thu an lo awm teuh a, ka hriat loh te hlir an ni. Pakhat chu Evelyn'i a ti amaw ni kha ania midang chu ka hre lo. E. Chuan Kima bialnu pawh kha a awm ve bawk a. Ka meng phâwk teh e.


"Rs, Gabriel, J, David. Hei ka sawi ziah Bawihi chu anih hi. Judy leh Evelyn'i kha chuan in hre tawh tho a" Ramhluna chuan a ti sup a, chumi te a sawina lam min entir chuan min lo nuih vur vur hlawma. Mahse hmeichhe pahnih te erawh chuan min melh rum mang Tara.


"Ivan hmeltha ve, boss hi a vannei takzet ani" pakhat chuan a rawn ti hluai a. Ramhluna chuan "Gabriel" a ti nghal hrâwk a. Chupa erawh chu a nui zui hawk hawk bawk a.


An hnung kawngkhar ri khepah chuan kan vaiin kan hawirual nghal thup a, rawn chhuak ka hmuh chuan hlauhna in ka khat nghala, ka meng phâwk hra mai. Ani pawn min hmu chu mak a ti ve ngei aniang. A meng buai ve nak a.


Hetah hian Kima a awm ve anih chu. Nizan ka mumang te kha chawp leh chilhin ka hre chhuak nghala. Hlauhna in ka khat nghala, ka tha hi a khur nghal der der thei nia. Engtin nge hetah a awm ve theih.


Ani pawh chuan Ramhlun'an ka kâwng a vawnna chu a rawn hmu chhunzawm zat a. a kut hum ruhin a insehru nghal teuh tih ka hrethei. A hmel pawh a chang nghal run a. Ramhluna chu insehruh teuh chungin a en aa, a hmel chu a chang nghal tawlh tawlh a.


"Bro" a rawn ti nghal hrâwk a. Ka phu nghal zawk thei.



In chhiar nawm vek ka beisei.💜

A tawi nge a sei nge, pawh ka hre love a🙊🙊😆😆😆😆😆💜

Muttui ule.💜💜😘😘😘

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 15548
Joined: April 30th, 2016, 4:07 pm

Unread post by Ngaia » December 23rd, 2019, 11:39 pm

2'3'
Episode - 18💜
Msi miluhlulnui🌺


💜 Love needs efforts, not magic 💜


"Ka sawi chiang viau tawhin ka hria" Ramhluna chuan a ti sup a. "Zualtei, I rawn hruai dawn tih I sawi hauh lo" Kima chuan a ti chang hrâwk a. Ramhluna chu rum zet hian a melh bawk a. An unau inkarah hian buaina a thlen ka hlau takzet ani.


"Ka sawi kher a ngai em ni? Engkim kan sawifel tawh I sawisel dawn anih chuan. Nizan I thusawi kha ngaihtuah let hmasa ang che" Ramhluna chuan a ti leh sup a. Kima chuan min rawn en a, a ner nghal nak a. Kei erawh ka ding ngawi reng a, sawi ve tur reng ka hrelo. Ramhluna lah chuan amah hnai chetin min la kuah ta deuh deuh lehnghala.


"Rs, Bawihi hi ka chhuahpui lawk dawna hna lam kha chu tlai ah kan sawi mai dawn nia" a ti leh sup a, Rsa erawh chu kan pahnih min en chung chuan a nui vur vur a. "Sawi lo pawh ni la ka tih tho ava ngaih hmel ve" min nuih vur vur pah chuan a ti a, chutia a rawn awm avang chuan ka lo nui lui ve ringawt a.


"Duat, thil thleng hi I sawifiah ngei chu a ngai ang" hmeichhe aw ka hriat than deuh tih ri ah chuan an dinna lam chu ka en lehnghal vat a. Chunu chuan rum zet hian min lo melh bawk a. Ramhluna chuan ka banah rawn kaiin an lam pan chuan min kalphei pui a, ka kal te hi a sak talh mai.


"Sawifiah tur a awm em ni. I hmuh ang hi ani mai" a ti sup a. Chunu a chhan pawh chuan melh pawh a melh eih lova, keimah ringawt min buaipui a. "Mahse, tinge henu bawk chu I buaipui leh a, buaina a tawh chu ka va ring tawh chiah love, nge ni a nang hi alo zar buai zawk che" ti chang ratin keimah chu min rawn melh zeuh a, min ner khum nghal nak bawk.



"Evelyn" Ramhluna chuan a ti chang hrâwk a, "khatiang thu kha I ka atang a chhuak leh anih chuan ka tihtur chu I hriat kha" a ti hrâwk a, mahse Chunu erawh chu ala hawi vah tho. A lu chu sang takah dahin "nang hian I duh chu ti ang che. Kei erawh chuan ka kalsan ve dawn lo che, hetiang hmeichhe hnenah lehnghal" a sawi pah chuan ka thawmhnaw hak chu en in a ner nghal nawng bawk a.


Ramhluna chuan sofa ah chuan min thuttir a ka chalah chuan a rawn fawp vang vang a, "Duati, hetah hian lo awm lawk rawh aw, ka rei lovang" ka chhipah a chal nghat reng chung chuan a phun sup a. Ka chhang lo. Ka hmaa thu pa chu. A mitmei zeuh a Chupa chu alo bu nghal nghat bawk a.


"Ka rei lovang" ti sup in ka chalah chuan a rawn fawp leh zeuh a, amah chu ka melh chho hâ a, dik tak chuan tunah tak hi chuan ka bulah hian awm se ka ti takzet, tumah ka hriat loh mai bakah, min haw tute hlir an awm ni maiin ka hria.



"Rei suh aw" zawi te in ka ti sep a, ka huphurh tih a hria ani ngei ang. Ka chala a chal nghat chungin min tiam leh thlap a. Room lam pan chuan a kal nghal daih bawk a.


"Duat, min ngaithla teh" tih lung lung pah in ka hma maia hmeichhe thu chu a rawn ding chhuak zawk a. Ramhluna awmna lam chu a pan ve nghal bawk a. A kalna tura ka ke ka lo dah avang chuan, rum zeta min melhin a rum nghal nghut a. Ka va han dahsawn chiang tak.


Kima pawh a bialnu bulah a rawn thu ve nghala, a chang chuan min en leh vung vung thin a, a rap lek lek ani. Amah ka en apiangin nizan ka mumang kha ka hre chhuak ve ziah a, ka hlauh lutuk avang chuan rang lutukin ka hawisawn a ka thaw chhuak vak zel bawk.


"Zualte, ini em? " ka bul maia rawn thu pah chuan mipa pakhat hian a rawn ti a. "Aw" ka lo ti sep a, ka mit sir hian Kima rawn min en reng tih ka hmu thei a, ngaihngam tak pawn ka thu thei lo.


"Oh! Rsa ka nia. Ramhluna thian tha lutuk lutuk" tih pah chuan a kut a rawn phar chhuak a ka lo vuan ve nghal vat bawk a. Tawng tuma ka âng zuai tawh chu "nang chu ka hriatna che a rei tawh alawm. Ramhluna hian a sawi reng zel che a. A sawi ang ai chuan ilo hmeltha daih zawk anih hi" a tih chuan a ngaihna hrelo zetin amah chu ka en a.



"Min hriatna a rei tawh maw? " ka ti hu bawk a. "Rei tawh e, kan thianpa hian a sawi reng zel che alawm" ka sira thu pa chuan a rawn ti leh a. Amah chu ka en nghal vat a. Hemi te hian min lo hre daih tawh anih chu! Mahse kei erawh chuan anni chu ka hre ve hauh si lo.


"Chuan saw saw David, kan thianpa tho ania. Chuan hei j'a chuan hei Gabriel, I bialpa tana mi rinawm em em te annih hi" a tih chuan ka nui suk a, a thu han sawi dan vel mai mai chu ah. "Enge i tih a? " a rawn tih chhunzawm leh zat a. "An dawr ah hian ka thawk a" ka ti sap a, a bu nghut bawk.


Kei hi ka hmelhriat loh leh ka la hmuh ngai reng reng loh lakah chuan tawng tlem tak ni a, min biak pawh hian a rul tawk bak lekin ka chhang ngai lova chuvang chuan min ngainat loh phah thin bawk.


Mahse hepa nen erawh chuan inkawm hrep tawh ang maiin kan in be thei a, a nelawm a, ka biak loh pawhin min biak tawng phet a tum a, I van tawng duh lo tak tih pahin zawhna min zawt chhunzawm lehnghal char char tho.



Kima pawh awm ve lek lova ngaiin kan pathum chuan kan nui char char a, fiamthu ho te te a thawh a, kan nui char char ringawt. "Rs, Bawihi hi I hmuh peih loh thu kha I sawi si a" Ramhluna aw ka hriat rual rual chuan a taksa lum zet chuan ka taksa a rawn hnaih nghal der a.


Amah chu nui vur vur chungin ka melh chho a, nui ve sukin ka chalah chuan a rawn fawp zeuh bawk a. "Chutiang pawh ka sawi loh kha, i I sawi ngun lutuk ka ti ringawt anih kha. Tan hlek suh" a ti chang ve rat a. David'a erawh a rawn nui chhuak huk a.


"Kan kal phawt mai ang. Bawihi hi a hmanhmawh deuh sia" a ti sup a, ka kutah chuan a rawn hum nghal vat a. "Hauh tlat suh. Kan kawm ve duh tho ania. " David'a chuan a rawn ti hmuk a. Ka lo nui chhuak hak a. Khawiah nge Kima te kha an lo awm hman le, ka hre hauh lo.


"Rs, chanchin a awm chuan min rawn call nghal rawh aw. Elizabeth'i kha biak ngei ngei kan ngai ania. Vawiin a tihfel anih loh chuan naktuk nghak thei ka ni tawh lo" a ti sup a,


"mahse amah ka la be pawp thei lo va Gabriela khan biak a tum mek a. Chanchin a awm vat turah ngai ang"


An inbiak lai chuan an bulah ka lo ding ngawi reng a, khawiah nge Evelyn'i kha a awm tak daih le. Kima te pawh an kalsawn lai reng reng ka hrelo. Thawm pawh an nei miah lo anih chu! Nge keini kha kan nuih bengchheng vak zawk nge ni.


"Kal vat mai teh u, Zualte ka sawi kha hre reng ang che" Rsa'n a rawn tih chuan nui vur vur chungin ka bu nghat a. Mit min rawn siai nghal zeuh bawk a. Ramhluna chuan kan pahnih chuan min melh tawn zak zak a.



Lift a kan chuan lai chuan nichina hmeichhe pahnih kha an awm tawh lova ani pawn ka hnute hnuaiah a kut nghatin hnunglam atang chuan nghet zet hian min kuah a. Keipawn ka ngheng let ve ar ar bawk a. Hman atang tawha hahdamna ka zawn thin kha ka hmu ni maiin ka hria.


Car'a kan thut hnu chuan kan tlan chhuak zui nghal mai a. "Rsa khan in la naupan lai chanchin te alo sawi a, kan lo nui char char a" ka ti sap a, Rsa thusawi ka ngaihtuah zawng ringawt pawh hian ka la khi thu thei.


"Ava han tullo ve" a ti nghal sup a, kei erawh ka lo nui suk a, "Rsa bialnu in rim laiin I che chhia ani maw" nuih insum zeta ka tih rual chuan a rawn rum nghal nghut a. "Bawihi, eng chen nge alo hrilh che a" a rawn ti leh hluk a. Ri meuhin ka nui chhuak hak a.


"Min hrilh teuh mai, I chêt chhiat na te, i in tih pâ lai vel te, a sawi teuh mai" Rsa thusawi ka mitthlaah a rawn lang nghala. Ka nui chhuak nghal vak bawk. "Hrep chuan, Lalremsanga mai mai chuh! Ava han tullo ve mawle" a ti hluk a, steering chu a herh lehnghal pawp a.


"A bialnu in rim naah I ruih avangin a nu chu I bialnu amaw ilo ti ani maw? " tih pah chuan ka nui chhuak hak a. "Bawihi" a rawn ti nghal hluk mai. "Chuan I hmangaih thu te ilo hrilh vela" ka tih chuan. "Malsawmzual" a rawn ti nghal hrâwk a. Nui ruh ruh pah chuan "anih chuan ka sawi tawh lovang" ka ti nghal sap a.



Seat ah chuan thu tha in ka la nui ker ker bawk a. " I hmui kha motor khalh laia ka fawh I duh loh chuan nui tawh suh" a rawn ti sup a, ka nui lai chu ka tawp chiang mah mah. Steering a vawn lohna lam a kut chuan ka kut chu a rawn hum a. A la kang a, a fawp nghal zeuh bawk.


"Jam a kan tan lai hian nichina ka sawi kha ka ti mai dawn em ni? " a rawn ti sup a. "Khalh mai mai rawh" ka ti nghal hlak a. A nui chhuak hawk a. "Keimah ai ka thiante saw I hnaih tlat, chutiang anih dawn chuan I kawm ka phal miah lovang" a aw a lungawi lohna rawn ri chhuak tel ve chu a inhmeh bik ngawih ngawih.


"Chu, ka tih leh tih loh tur min hrilh I tum em ni? " ka ti that a. A thaw chhuak hawk a. "Chutiang lam in ka sawi lo. Kei aia ka thiante I hnaih dawn anih chuan I kawm miah lovang, keimah chiah min ngaihsak tur ani" lungawilo tih hriat zet chuan a ti leh a.


"Anih chuan nangmah chiah ngaihsak ang che" ka ti sap a, "chutiang tur chu ani. Ka ta chauh inih kha. Tuma ta ini lo" ti sup in ka kut chu a fawp zeuh a. Rei pawh tang lovin kan tlanchhuak lehnghala.


"Enge hetah hian kan tih dawn? " Thlanmual bulah chuan motor chu a ti a ding dat a, mak ka ti lutuk chuan ka zawt nghal vat a. "O. Ka nu thih cham ania, min hman pui turin ka duh che a" a ti sup a.


"Enge chungte chu I sawi loh, a tir khan min hrilh la chu pangpar emaw ka ken sak ve mai tur ania" ka ti nghal that a. Ka biangah chuan a rawn tuai zeuh a. "A ngai hleinem, Nitin pangpar chu dah ziah ani alawm, tha taka enkawl ani a bulah chuan a pangpar ngainat ber ber ten an awmpui a, tunah chuan pangpar ai mahin nangmah hi a hmu chak tawh zawk ngei ang che" a ti sup a, a mitmengah chuan khawharna thuk tak ka hmu thei ani.


Ka biangah chuan a rawn fawp zeuh a. "Kal ila, alo nghakhlel tawh ngawt ang che" a ti sup a, ka bu nghut a. Car chu kal hualin kawngka chu min hawnsak thlap bawk a. Ka kuttang karah a kuttang chu a rawn rawlh lut a, thlanmual lam pan chuan min kalphei a.


Anu a hmangaih hle ani ngei ang. A thlan pawh a thianghlim thei ang ber leh uluk thei ang bera enkawl ani a. Hung vek ani a, a sawi ang tak tak chuan pangpar alo awm teuh bawk a. Thlan dang tam tak lakah pawh a langsar fal nalh bawk.


Thlan hmaah chuan kan ding a, ka kut chu a hum nghal vat a. "Nu, hei ka sawi ziah Zualtei kha ania, tunah chuan ka ta chauh ani tawh asin, I hmuh ve chak theih em kha. Hei tunah alo kal a, lo tho leh la, I fanu ang maia ngaiin rawn buaipui leh la" a ti sup a, a aw chu a zawiin a tial ve ruak bawk a.


"Ka hriatna che a rei tawh ka tih kha. Ka nu pawh hian a hmu chak che a. Mahse nangmah a hmuh hma hma che in a boral a, ka zawn rei lutuk na lamah che ka tlai zo ta vek anih hi" mahni inthiamlo tih hriat ngawih ngawih hian a phun chhuak sup a.


"Min lo zawng tawh maw? " ka ti hû a, engtin nge min hriat theih a, a hma te pawn min lo zawn theih tawh le, he chhanna hi tha tak ka la dawng lova engmah ka hrethiam lo bawk. Min hriat em em theih dan hi ka hre chak zek zek a. Kei erawh chuan amah chu hriat chu sawi loh, hmuh pawh ka hmu ngai lo ania. Mahse ani erawh chuan min hrechiang em em thung si.


Thlana rei tak kan awm hnu chuan dawr lam panin kan kal lehnghala. Thlan bula kan awm lai khan anu chanchin tam tak min hrilh a, an chhungkaw chanchin nen lam. Ka tawrh ang chiah tuar ve lo mahse. A nat zia ka hriatthiam pui a, chhungkua ala nei tal a. Kei erawh chuan chhungkua tih tur pawh ka nei lo.


"Zanah ka lo kal ang, tlai lam chu ka hman lo maithei. Elizabeth'i hmuh ka ngai a, naktuk zan hi a puala hun hman hun tur kha ania. Mahse amah hi kan be pawp thei lova" dawr kawtah kan awm tawh. Hnung lam atang chuan min kuah hlu hlu a. Ka dar ah chuan a khabe a nghat bawk a.


"I hna thawh dan hi ka hrethiam miah lo" ka ti sap a, a nui ri suk a. "Ka la hrilh ang che. Sawi kual vak a ngai maithei" a ti leh sup a. "Kal tawh rawh, keipawh hna ka thawk tawh dawn. A tlai zel" tih pah chuan min kuahna atang chuan a tal chhuak a. A rum nghal nghut mai.


"Nilengin I taksa dek a awm ka duh, mahse a theih si loh, hna ka thawk vat vat anga, ka rawn kal vat ang" a tih chuan nui sukin ka bu nghut a, a lamah chuan min pawt pheiin min fawp nghal vang vang a. "Kal tawh rawh, anih loh chuan ka kalna apiangah ka hruai mai ang che" ka hmui bul chetah chuan a phun sup a, ka nui suk a.


A aia na zawk leh ril zawkin uar zet hian a rawn fawp leh a, ka lo chhang let ve nghal vat bawk a. A tawp dawn lo emaw tih hnuah ui hmel fe hian min thlah a, a rum nghal nghut a. Fawp leh zeuhin "kal vat rawh, anih loh chuan ka sawi kha ka ti tak tak dawn ania" ti sup in ka mawng ah chuan a tham nghal tâwk a. Ka tawlhsawn nghal vat a.


"Ka kal dawn" tih vak pah chuan dawr lam pan chuan ka tlan nghala. A nui ri pawh ka hre thei vek. Dawr chhung ka luh chuan ka kut ka vai zeuh a. Nui sukin a rawn vai let ve nghala. Car a luh thleng chuan ka en zui a, keipawh dawrah chuan ka lut ve nghal vat bawk.


"Madam, khawnge Lalruatfeli hi" ka zawnna a rei tawh em avang chuan madam chu ka zawt ta tawp a. "Chhuahna tur a neih thu a rawn sawi a. Mipa pakhatin alo lam bawk a chuan a hmanhmawh ang reng sia ka chhuahtir anih kha" ani pawn a hre bik vak lo ani ngei ang.


Ka zawt chhunzawm tawh lem lova, Joseph'an alo lam ani ngei ang. Call dawn pawh ni ila ka call a chhang hauh lovang. Zing atang khan ka lak atang a lungawi tawh lova. A thinrim hi chuan ka call hi a la duh ngai lo hrim hrim. Mahse amah zawkin min ngai leh hmasa zel tho.


Ka hna tur an lo chhawp leh tak hnur avang chuan peihlo zetin chair ah chuan ka thu thla a, Ramhlun'an min rawn call avangin ka be leh te te phawt a. A bula ka awm lo hlek chu ka ngai nghal veng veng mai. A pangtilum in ka taksa a si reng zel kha ania, a awm lo chu ka hit nghal dûk mai.


"Boss, zanin chu hna ka lo kal tawh dawn?" Phone atang chuan boss chu bia in ka ti thawr a, a ânhla tur hi ka ngaithla peih lo lawk. Ka hlawh te hi a cut tawh hrim hrim ang. Zan engzah nge ka kal ang ka tih a, ka kal tawh loh pawh hi ka hre tawh lo e a.


"Zualte, rawn kal a ngai rih love kan mamawh hunah chuan kan lo bia ang che. I duh chen chen I chawl thei ang, I hlawh pawh cut ani dawn love" a thu rawn sawi avang chuan ka meng phâwk teh e. "E... Enge I sawi awmzia? " ka ti bah nawk a. Tum khat nan min vin miah lo. Eng harh tharna nge a chan tak a.


"I duh chen chen I chawl thei ang, kan mamawh hunah che kan lo ko dawn che nia" a rawn ti leh a, ka la awih chuang lo. Kan in ngam talk ve hrim hrim avangin "boss, I rui ami? " ka ti hû a.


Phone atang chuan a rawn nui hawk hawk a. A mize mak lutuk avang chuan ka phone chu ka en leh rih a. "Zualte, I boss hi ka rui ngai em ni? Ka ruih lai pawh ila hmuh loh kha. I duh chen chen I chawl thei ang ka tih kha I awih lo ani maw? " a rawn ti hawk a.


"Awih vak nang" ka ti sep a, "nakinah ka lo call ang che order rawn lut a tam deuh hlek a kan en zuai zuai ange" a ti sup a, "awle" tih pahin keimah zawk chuan phone chu ka off hmasa a.


Eng emaw chu a tawng chiang alawm, kum tam tak hnuah ka hna kal loh vanga min vin loh vawikhatna ani a, mak ka ti lutuk hi ka sawi thiam lo zawk. Chu lo ah ka hlawh ala cut lo zui bawk ania. A piangthar amaw ni reuh le.


Feli ka call sek a mahse ala duh thak lo, a tawp nan tiin ka call leh a, Remruat'an a rawn chhang daih lehnghala. Chaw an ei ho thu a sawi a. Engmah min hrilh ve lo chu ka lungawi lo lek lek a, mahse ka buaizia a hnenah khan ka sawi tawh a, chuvang chuan min sawm lo pawh ani maithei.


Hrim hrim in vawiin a awmdan hi a mak hrim hrim, Nidang angin ka bulah a tawng siam siam lova, ka lakah a lungawi lo ani mah zawk. A lungawi lohna Turin engthil mah tih ka neiin ka hre bawk si lo.


"Zualte, khang kha chu naktuka tih ah dah tawh mai ta che, naktuk lam atangin nangmah puitu tur an awm tawh ang, tunah chuan saw pawn lama nghak reng tu che saw pan phawt mai teh" madam chuan a rawn ti sar sar a. A sawi chu ka hrethiam nghal mai.


"Lo va kal rawh ka lo chhuak ani mai" ka ti sap a, lehkha chu ka rem fel mawlh mawlh a, pakhat lek pawh a buai anih chuan keiman ka tuar dawn si a, dawhtheihna nena tih tau tau a ngai.


Pawn ka chhuah chuan kawta lo ding ka hmuh chuan ka nui nghal ver ver a, a bulah chuan rang lutukin ka tlanphei nghala, a bul ka thlen chuan min lo kuah nghal hlu hlu a, min fawp leh vawng vawng phawt a. Ka lo ngai hman takzet ani tih ka hre chiang takzet.


"Vawiin I hna chu enge a an? " ka ti sep a, a thaw chhuak hawk a. "A panngai ani mai, amah kan la be tlang thei lova, chu ber chu ni buaithlak. Rsa lah chuan nangmah hruai tur che in min ti teivet lehnghala. Engtiang fa kau in nge maw in lo innel hman le" a ti nghal hluk a.


"Naaa ka chau emai, ka kal peih lo. Hrim hrim in engtia tih zel nge in tum a? " ka ti sap a, amah pawh a rilru a hah tih a hmel atangin a hriat vek theih.


"Zanin hian kan buaipui lehin ka ring, amah kha kan biak ngei ngei a ngai a, a tello chuan engmah kan ti theilo. Chuvang chuan in thleng ka thlah che anga, ka let leh nghal ang" a ti sup a, ka bu nghut a. Ka mut a chhuak tawh lutuk ringawt.


"Anih chuan tlan vat vat rawh ka mut a chhuak tawh ania" ka ti vak a, vawiin a ka chauh em em chhan hi ka hrethiam hauh lo.


"Ka bulah lo ve la chu ka tia mahse I chau tih I sawi bawk si a, ka tilui lo mai ang che. Ka ngai dawn che" a ti sup a, a awm ah chuan min kuah bet nghal hlu hlu a. Keipawn ka ngai dawn che tih ka chiang.


"Nia ka mut a chhuak tawh" a awm a hmai phum kâk chung chuan ka ti sap a, a rawn nui chhuak hawk a. "Min ngai dawn em? " a rawn ti leh sup a. "Aih" ka ti sep a. A rum nghut a. "What! " a ti nghal hluk bawk.


Nui chhuak hak hak in "ka sawi awm teuh lo, ka sawi ngam lo" ka ti sep a, a kuahna atang chuan tal chhuah ka tum a, mahse a aia nghet lehzual chuan min kuah a. Ka tal thei tawh lo.


"Sawi la, Bawihi" a ti leh sup a, ka lu ka thing nar nar a. "Ka sawi ngam lo" ka ti nghek a. Ka tal vak bawk. Ka dar ah chuan rawn vuanin tlemin min nawr hla deuh hlek a.


"I sawi ngei hriat ka duh" a ti sup a, a kuttang chuan ka hmui chu a rawn nul thuak a. "Vawikhat ka sawi tawh kha" ka ti sep a, a nui chhuak hawk mai. "Ka hre leh duh alawm, I sawi lo anih chuan ka ti ngei ngei ang" ti supin ka hmui zawnah chuan a rawn thaw lum nghal ham ham a, ka za chuai chuai mai.


"Sawi la Bawihi" a ti leh sup a, ka hmui chu a rawn tawk zeuh zeuh a. "Ka ngai dawn che, hmelthapa. A tawk em? Ui, ka zak". Ka ti nghal vak a. Nui chhuak hawkin. "Duhawm viau suh " a ti sup a, ka hmuiah chuan a rawn fawp nghal vang vang a. Ka chhang let ve nghal bawk.


"Lut tawh la" a ti sup a, ka hmuiah chuan a rawn fawp leh zeuh a. "Ka khamlo". A ti hluk bawk. "Ka lut dawn, ka mut chhuak te hi an reh thei takngial dawn. " tih pah chuan in lam pan chuan ka tlan nghal vat a. In chhung ka luh dawn chuan ka hawi let a, chunglamah ban ka vai khum zeuh bawk.


Voice hnutchhiahin ka mu dawn tih ka dah tel a, khumah chuan mu in ka chatthla nghalin ka hria. Thil thleng te chu ka ngaihtuah let a, ka nui ver ver mai.



"Henu hi leih rawh u, mi bialpa kawp ching anih hi, rethei tak hian Hausa tak te hi a ngaizawng a, zak theilo lutuk. Tunah pawh amah avang hian kan in then phah lehnghala. Rethei anih na hi in hre rawh se" tih ruala ka lu chunga tui rawn luangthla chu ka feel nghala, a vawt lutuk ringawt.


Rang lutukin ka ding chhuak nghala. A vawt lutuk ringawt. Engvanga hetia rawn ti hi nge annih. Enge maw tihsual ka neih le, hlauthawng fe chung chuan ka hawikual a, mi chuan min lo en thup tawh.


"Zak theilo nu,, heti lamah" tih ri ka hriat rual chuan hnunglam chu ka hawi nghala. Ka hnung maiah chuan Evelyn'i chu alo ding a, a kut chuan bucket chu a khai bawk a.


"Mirethei zah nachang hrelo" a ti chhuak nghal fak a, chu thu chuan min deng dawt dawt a. Evelyn'i chu en in ka hawi ruai a. Tu mai pawh chuan min huat hmel zetin min lo en bawk a.


"Fahrah te te si, nangmah avangin Ramhluna nen kan inthen tih I hria em? " a ti leh tuarh a, ka nghing nghal dawt mai. Ka thin zawn hi ana ngut ngut a. Tunah khan engthu nge a sawi kha!!!????



Hringnun hrualhrui : Mafaa Hauhnar
🌺💜 INNGAITLAWM LA, AMAHERAWHCHU; IN NGAI HNIAM SUH ANG CHE💜🌺



In chhiar nawm ka beisei💜💜.

Comment lamah kan inhmu theuh dawn nia, lehkha ka lo zir san daih ang che u😊😊💜💜


Muttui u💜😘

Link:
BBcode:
HTML:
Hide post links
Show post links

Post Reply
  • Similar Topics
    Replies
    Views
    Last post

Who is online

Users browsing this forum: Bing [Bot] and 18 guests